ရုတ်တရက်ဆိုသလိုပဲ ဖန်းမိုအာက သူမရဲ့ လျှို့ဝှက်ရည်းစားနဲ့ တွေ့တယ်ဆိုတဲ့ ပိုစ်တွေအကုန် ပျောက်ကုန်သည်။ ဖန်းမိုအာလည်း ဖုန်းဝင်လာတော့ ပဟေဠိဖြစ်နေဆဲဖြစ်သည်။
သူမက ဖုန်းခေါ်လာတဲ့သူကိုကြည့်လိုက်တော့ "ယောင်္ကျား" ဆိုတာနဲ့ သူမ တံတွေးမြိုချလိုက်ရသည်။
သူမကရှန်းယွဲ့ကိုကြည့်ကာ " သွားပြီ"
ဖန်းမိုအာနဲ့ရှန်းယွဲ့တို့က သတင်းတွေကို မရှင်းဘဲ လွှတ်ထားလိုက်သည်။ ရလာဒ်ကတော့ လူတွေက ဖန်းမိုအာတကယ်ကြီး လျှို့ဝှက်ရည်းစားရှိတယ်လို့ ထင်သွားကြသည်။
ဖန်းမိုအာနဲ့ သူမရဲ့မန်နေဂျာကတော့ ဒီကိစ္စကိုနာမည်ကြီးဖို့အတွက် အလုပ်ရှုပ်နေကြသည်။ အဲ့တာကြောင့် ဖန်းမိုအာက သူမရဲ့ ခင်ပွန်းကိုပြောဖို့ အသိပေးဖို့မေ့သွားတာဖြစ်သည်။
ဖန်းမိုအာဖုန်းကိုင်လိုက်တာနဲ့ ရှီမိုက အသံတိုးတိုးဖြင့် "မင်းဘယ်မှာလဲ?"
ဖန်းမိုအာကတံတွေးမြိုချလိုက်ကာ "အဲ့တာကလေ ကျွန်မ အမရှန်းနဲ့ ရှိနေတာ ။ ကျွန်မရှင်းပြမယ်............"
"အိုး " ရှီမိုအသံကအေးစက်လာပြီး "အဲ့မှာစောင့်နေ ။ ကိုယ်မကြာခင်ရောက်တော့မယ်"
ပြောပြီးတာနဲ့ ဖုန်းချသွားသည်။
ရှန်းယွဲ့က အမြန်မတ်တပ်ရပ်ကာ "ဒီမှာစောင့်နေ ။ ငါ့မှာလုပ်စရာရှိသေးလို့ အရင်သွားတော့မယ်။ နင်တို့နှစ်ယောက် ကိုယ့်ကိစ္စကိုယ်ရှင်းကြပေါ့"
ပြောပြီးတာနဲ့ ရှန်းယွဲ့ ချက်ချင်းကောက်ထွက်သွားတော့သည်။
ဖန်းမိုအာကတော့လက်ဆန့်ကာ "အမရှန်း ........"
ရှီမိုရောက်လာတာနဲ့ ရှန်းယွဲ့ရုံးခန်းတံခါးကို တွန်းဖွင့်ကာဝင်လာသည်။
"မင်းမှာ လျှို့ဝှက်ရည်းစားရှိနေတာကို ကိုယ်ဘာလို့မသိရတာလဲ?"
ရှီမိုက ဝင်လာရင်းပြောလိုက်သည်။
သူ သတင်းကိုကြားကြားချင်းမယုံနိုင်ခဲ့ပေ။
ဒါပေမဲ့ သူ့မိန်းမက ရုပ်ဖျက်ပြီး တခြားယောင်္ကျားတစ်ယောက်နဲ့ တွေ့နေတာအမှန်ဖြစ်နေသည်။
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
