السفاح العاشق

بارت 8

🌺 ﻳﻮﻡ ﺟﺪﻳﺪ 🌺
ﻓﺎﻗﺖ ﺟﻮﻻﻥ ﻋﻠﻰ ﺻﻮﺕ ﺍﻟﻤﻨﺒﻪ ... ﺯﻳﺮﺍﺕ ﻋﻠﻰ ﻋﻨﻴﻬﺎ ﺑﺎﻧﺰﻋﺎﺝ ﻭ ﻻﺣﺖ ﻳﺪﻫﺎ ﺧﺪﺍﺕ ﺍﻟﻔﻮﻥ ... ﺳﻜﺘﺎﺗﻮ ﺣﺎﻟﺔ ﻋﻴﻦ ﻭ ﺳﺎﺩﺓ ﻋﻴﻦ ... ﺭﺟﻌﺎﺕ ﻏﻤﻀﺎﺕ ﻋﻨﻴﻬﺎ ﻭ ﻣﺸﺎﺕ ... ﺷﻮﻳﺔ ﻓﺘﺤﺎﺗﻬﻢ ﻋﻠﻲ ﺍﻟﺠﻬﺪ ﻭ ﻧﺎﺿﺖ ﻗﺎﻓﺰﺓ ... ﻫﺰﺍﺕ ﻟﻔﻮﻥ ﻃﻼﺕ ﻋﻠﻴﻪ ﻟﻘﺎﺕ ﺩﺍﺯﺕ ﻧﺺ ﺳﺎﻋﺔ ... ﻧﺎﺿﺖ ﻛﺘﺠﺮﻱ ﺧﺮﺟﺎﺕ ﻟﻄﻮﺍﻟﻴﺖ ...
ﺩﺍﺭﺕ ﺭﻭﺗﻴﻨﻬﺎ ﺍﻟﺼﺒﺎﺣﻲ ﻣﺴﺘﻌﺠﻠﺔ ﻛﻴﻒ ﺩﻳﻤﺎ ... ﻟﺒﺴﺎﺕ ﺣﻮﺍﻳﺠﻬﺎ ﻭ ﻫﺰﺍﺕ ﻛﺘﻮﺑﻬﺎ ... ﺷﺎﻓﺖ ﻓﻠﺒﻴﺴﻲ ﺍﻟﻲ ﺧﻼﺕ ﻣﺤﻠﻮﻝ ... ﺗﺬﻛﺮﺍﺕ ﺍﻟﻠﻴﻠﺔ ﺍﻟﻤﺎﺿﻴﺔ ﺍﻟﻲ ﻛﺎﻧﺖ ﺳﻬﺮﺍﻧﺔ ﻭ ﻫﻲ ﻛﺘﻜﺘﺐ ... ﻣﻨﻌﺴﺎﺕ ﺣﺘﺎﻝ 4 ﺩﻳﺎﻝ ﺍﻟﺼﺒﺎﺡ ... ﺳﺪﺍﺗﻮ ﻭ ﺩﺍﺭﺗﻮ ﻓﺤﻘﻴﺒﺘﻬﺎ ﺑﻐﺎﺕ ﺗﺪﻳﻪ ﻣﻌﻬﺎ ... ﻟﺒﺴﺎﺕ ﺳﺒﺮﺩﻳﻠﺘﻬﺎ ﻋﻨﺪ ﻟﺒﺎﺏ ﻭ ﻫﺒﻄﺎﺕ ...
ﻛﻴﻒ ﺍﻟﻌﺎﺩﺓ ﻟﻘﺎﺕ ﻣﻬﺎ ﺣﺎﻃﺔ ﻟﻔﻄﻮﺭ ﻓﺎﻟﻄﺒﻠﺔ ... ﻣﻜﺎﻧﺶ ﺑﺎﻫﺎ ﺑﺎﺳﺘﻬﺎ ﻭ ﺑﻐﺎﺕ ﺗﻤﺸﻲ ...
ﺣﻔﻴﻀﺔ : ﻓﻴﻦ ﻏﺎﺩﻳﺔ ... ﺟﻠﺴﻲ ﺗﻔﻄﺮﻱ
ﺟﻮﻻﻥ : ﻣﺸﺎ ﻋﻠﻴﺎ ﺍﻟﺤﺎﻝ ﺍ ﻣﺎﻣﺎ
ﺣﻔﻴﻀﺔ : ﻧﺘﻲ ﺍﻟﻲ ﺳﻬﺮﺍﻧﺔ ﺣﺘﺎﻝ ﻵﺵ ﻣﻦ ﻭﻗﻴﺘﺔ ... ﻣﻘﺎﺑﻠﺔ ﺍﻟﻤﺸﻘﻮﻑ ﻭ ﻧﺘﻲ ﺩﺍﺧﻠﺔ ﻣﻊ 8:00 ... ﻛﻴﻒ ﻏﺎﺩﻱ ﺩﻳﺮﻱ ﺗﻔﻴﻘﻲ ﺑﻜﺮﻱ !
ﺟﻮﻻﻥ : ﻣﺎﻛﻨﺘﺶ ﻣﻘﺎﺑﻠﺔ ﺍﻟﻤﺸﻘﻮﻑ ... ﻛﻨﺖ ﻛﻨﻜﺘﺐ
ﺣﻔﻴﻀﺔ : ﻭﺍﺧﺔ ﻫﻜﺎﻙ ... ﻣﺘﺴﻬﺮﻳﺶ ﺭﺍﻩ ﻏﺘﻤﺮﺿﻲ ﻓﺼﺤﺘﻚ ﻫﻲ ﺍﻷﻭﻟﻰ
ﺟﻮﻻﻥ : ﺻﺎﻓﻲ ﻣﺒﺎﻗﻴﺶ ﻧﻌﺎﻭﺩ " ﻫﺰﺍﺕ ﻛﺎﺱ ﺩﻳﺎﻝ ﺍﻟﻘﻬﻮﺓ " ﻏﻨﺸﺮﺏ ﻏﻴﺮ ﻫﺎﺩﺍ
ﺷﺮﺑﺎﺕ ﻟﻜﺎﺱ ﺑﺎﻟﻮﺍﻗﻔﻴﺔ ... ﻣﺪﺍﺕ ﻟﻴﻬﺎ ﻣﻬﺎ ﻟﻔﻠﻮﺱ ﻛﻴﻒ ﺩﻳﻤﺎ ... ﻫﺰﺍﺕ ﺟﻮﻻﻥ ﺣﻘﻴﺒﺘﻬﺎ ﻭ ﺧﺮﺟﺎﺕ ... ﻏﺎﺩﺓ ﻛﺘﺰﺭﺏ ﻓﻤﺸﻴﺘﻬﺎ ﺣﺘﺎ ﻭﺻﻼﺕ ﻟﺒﻼﻛﺔ ... ﻛﻴﻒ ﻭﻗﻔﺎﺕ ﺟﺎ ﺍﻟﻄﻮﺑﻴﺲ ﻭ ﻃﻠﻌﺎﺕ ... ﻭﺻﻼﺕ ﻻﻓﺎﻙ ﻭ ﺩﺧﻼﺕ ﻟﺤﺼﺼﻬﺎ ...
ﻭﺻﻼﺕ ﺩﻳﻚ 4 ﺩﻳﺎﻝ ﺍﻟﻌﺸﻴﺔ ... ﺧﺮﺟﺎﺕ ﺟﻮﻻﻥ ﻏﺎﺩﺓ ﺑﺎﺵ ﺗﺮﻛﺐ ... ﺷﺎﻓﺖ ﻃﺮﻳﻖ ﺍﻟﺸﺎﺭﻉ ﻃﻮﻳﻠﺔ ... ﻗﺎﻟﺖ ﺍﻟﺪﺭﻳﺒﺔ ﻣﺨﺘﺎﺻﺮﺓ ﺩﻭﺯ ﻣﻨﻬﺎ ﻭ ﻓﻴﻬﺎ ﻧﻴﺖ ﺍﻟﻈﻞ ... ﺗﻤﺎﺕ ﻏﺎﺩﺓ ﻣﻊ ﺍﻟﺪﺭﻳﺒﺔ ﺍﻟﻲ ﻛﺎﻧﺖ ﺷﺒﻪ ﺧﺎﻭﻳﺔ ... ﺷﻮﻳﺔ ﺳﻤﻌﺎﺕ ﺣﺲ ﺷﻲ ﻣﻮﻃﻮﺭ ﻣﻦ ﻭﺭﺍﻫﺎ ... ﻣﻬﺘﺎﻣﺎﺗﺶ ﻭ ﻛﻤﻼﺕ ﻋﻠﻰ ﻃﺮﻳﻘﻬﺎ ... ﻣﺎﺣﺴﺎﺕ ﺣﺘﺎ ﺗﻨﻄﺮﺍﺕ ﺍﻟﺤﻘﻴﺒﺔ ﻣﻦ ﻇﻬﺮﻫﺎ ﺑﺎﻟﺠﻬﺪ ... ﺑﺤﺮ ﺍﻟﺠﺮﺓ ﺟﺎﺕ ﻃﺎﻳﺤﺔ ﺍﻟﻠﻮﺭ ...
ﻫﺰﺍﺕ ﻋﻨﻴﻬﺎ ﻟﻘﺎﺕ ﻭﺍﺣﺪ ﻭﺍﻗﻒ ﻋﻨﺪ ﺭﺟﻠﻴﻬﺎ ﻭ ﻓﻴﺪﻳﻪ ﺷﻜﺎﺭﺗﻬﺎ ... ﺷﻮﻳﺔ ﻭﻗﻒ ﺣﺪﺍﻩ ﻻﺧﺮ ﺑﺎﻟﻤﻮﻃﻮﺭ ... ﺭﻛﺐ ﺩﺍﻙ ﺍﻟﻲ ﻧﻄﺮ ﻟﻴﻬﺎ ﺣﻘﻴﺒﺘﻬﺎ ﻭ ﺯﺍﺩﻭ ... ﻣﻊ ﺍﻟﺼﺪﻣﺔ ﻭ ﺍﻟﺨﻠﻌﺔ ﺑﻘﺎﺕ ﻏﻴﺮ ﻛﺘﺸﻮﻑ ... ﻣﻨﻴﻦ ﺍﺳﺘﻮﻋﺒﺎﺕ ﺑﻠﻲ ﺗﺴﺮﻗﺎﺕ ...
ﻧﺎﺿﺖ ﻛﺘﺠﺮﻱ ﻣﻦ ﻭﺭﺍﻫﻢ ﻭ ﻛﺘﻐﻮﺕ ... ﺧﺮﺟﺎﺕ ﻣﻦ ﺍﻟﺪﺭﻳﺒﺔ ﺑﺎﻧﻮ ﻟﻴﻬﺎ ﻏﺎﺩﻳﻴﻦ ﻓﺎﻟﺸﺎﻧﻄﻲ ... ﺗﺤﺠﺮﻭ ﺍﻟﺪﻣﻮﻉ ﻓﻌﻨﻴﻬﺎ ﻭ ﻫﻲ ﻛﺘﺸﻮﻓﻬﻢ ﻛﻴﺒﻌﺪﻭ ... ﺣﺴﺎﺕ ﺑﻤﻮﻃﻮﺭ ﺩﺍﺯ ﻣﻦ ﺣﺪﺍﻫﺎ ﺯﺍﻑ ﺣﺘﺎ ﻃﺎﺭ ﺷﻌﺮﻫﺎ ... ﺑﻘﺎﺕ ﻣﺘﺒﻌﺎﻩ ﺑﻌﻨﻴﻬﺎ ﻭ ﺍﻟﺪﻣﻌﺔ ﻫﺎﺑﻄﺔ ﻟﻴﻬﺎ ﻋﻠﻰ ﺧﺪﻫﺎ ...
ﻣﺎﻋﺮﻓﺎﺕ ﺑﺎﺵ ﺗﺒﻼﺕ ... ﺣﻘﻴﺒﺘﻬﺎ ﻓﻴﻬﺎ ﺍﻟﺤﺎﺟﺔ ﺍﻟﻮﺣﻴﺪﺓ ﺍﻟﻲ ﻛﺘﻤﻠﻚ ... ﺍﻟﺤﺎﺳﻮﺏ ﺍﻟﻲ ﺷﺮﺍﺕ ﺑﻤﺸﻘﺔ ﺍﻟﻨﻔﺲ ﻃﺎﺭ ﺑﺴﻬﻮﻟﺔ ... ﺟﻤﻌﺎﺕ ﻓﻠﻮﺱ ﺍﻟﻤﻨﺤﺔ ﺑﺎﺵ ﺗﺎﺧﺪﻭ ... ﻭ ﺍﻷﻫﻢ ﻣﻦ ﺫﻟﻚ ﻓﻴﻪ ﺭﻭﺍﻳﺘﻬﺎ ﺍﻟﻲ ﻛﺘﻜﺘﺐ ﻫﺎﺩﻱ ﻋﺎﻡ ... ﺳﺎﻫﺮﺓ ﺍﻟﻠﻴﺎﻟﻲ ﻋﻠﻴﻬﺎ ﻭ ﺣﺎﻃﺔ ﻓﻴﻬﺎ ﻛﻞ ﺃﻓﻜﺎﺭﻫﺎ ﻭ ﻣﺠﻬﻮﺩﻫﺎ ... ﺣﺴﺎﺕ ﺑﺤﺎﻝ ﺍﻟﻰ ﺣﻠﻤﻬﺎ ﺍﻟﻲ ﺗﺴﺮﻕ ﻣﺎﺷﻲ ﻏﻴﺮ ﺣﻘﻴﺒﺘﻬﺎ ...
ﭼﻠﺴﺎﺕ ﺟﻨﺐ ﺍﻟﻄﺮﻳﻖ ﻓﻮﻕ ﺍﻟﻄﺮﻭﻃﻮﺍﺭ ... ﻣﺎﺑﻘﺎﺕ ﻗﺪﺭﺍﺕ ﺗﻮﻗﻒ ﻭ ﻻ ﺣﺘﺎ ﻃﻠﻊ ﺍﻟﻬﻀﺮﺓ ...
ﻓﺎﻟﺸﺎﺭﻉ ﺍﻵﺧﺮ ﻛﺎﻧﻮ ﻏﺎﺩﻳﻴﻦ ﺩﻭﻙ ﺍﻟﺠﻮﺝ ... ﻭﺍﺣﺪ ﺳﺎﻳﻖ ﻭ ﻻﺧﺮ ﺭﺍﻛﺐ ﻣﻦ ﻭﺭﺍﻩ ... ﺣﻞ ﺍﻟﺸﻜﺎﺭﺓ ﻛﻴﻒ ﻟﻘﺎ ﺍﻟﺒﻴﺴﻲ ﺑﺪﺍ ﻳﻀﺤﻚ ﻓﺮﺡ ﺑﺎﻟﻬﻤﺰﺓ ... ﺭﺟﻊ ﺳﺪﻫﺎ ﻭ ﺿﺎﺭ ﻛﻴﺸﻮﻑ ﻣﻦ ﻭﺭﺍﻩ ... ﺑﺎﻥ ﻟﻴﻪ ﻭﺍﺣﺪ ﺭﺍﻛﺐ ﻓﻮﻕ ﻣﻮﻃﻮﺭ ﻛﺒﻴﺮ ﻭ ﺟﺎﻱ ﻣﻦ ﻭﺭﺍﻫﻢ ... ﺷﻮﻳﺔ ﺿﻮﺑﻠﻬﻢ ﺳﺒﻖ ﻭ ﻭﻗﻒ ﻟﻴﻬﻢ ﻓﺎﻟﻄﺮﻳﻖ ... ﻻﺧﺮ ﺩﻏﻴﺎ ﺣﺒﺲ ﻟﻔﺮﺍﻥ ...
....... : ﻣﺎﻟﻨﺎ ... ﻋﻼﺵ ﻗﺎﻃﻊ ﻋﻠﻴﻨﺎ ﺍﻟﻄﺮﻳﻖ ؟
ﺯﻫﻴﺮ : " ﻭﻗﻒ ﺍﻟﻤﻮﻃﻮﺭ ﻭ ﻫﺒﻂ ﻋﻨﺪﻫﻢ " ﻣﺰﺍﻝ ﻣﺎﺑﻐﻴﺘﻮﺵ ﺗﺒﺪﻟﻮ " ﻛﻴﻘﺮﺏ " ﻛﻴﺒﺎﻥ ﻟﻴﻜﻢ ﺗﺤﮕﺮﻭ ﻏﻴﺮ ﻋﻠﻰ ﻟﺒﻨﺎﺕ ... ﻫﺎﺩﻱ ﻫﻲ ﺍﻟﺮﺟﻠﺔ
....... : ﻭ ﻧﺘﺎ ﻣﺎﻟﻚ ... ﺷﻨﻮ ﻣﺸﺎ ﻟﻴﻚ ؟
ﺯﻫﻴﺮ : ﺍﻧﺎ ﻏﻨﻮﺭﻳﻚ ﺷﻨﻮ ﻣﺸﺎ ﻟﻴﺎ
ﻛﻴﻒ ﻭﺻﻞ ﻟﻌﻨﺪﻫﻢ ﻫﺰ ﺭﺟﻠﻮ ﻭ ﺿﺮﺏ ﺑﻴﻬﺎ ﺣﺘﺎ ﺗﻘﻠﺒﻮ ﺑﺠﻮﺝ ﺑﺎﻟﻤﻮﻃﻮﺭ ... ﻧﺎﺽ ﺍﻟﻲ ﻛﺎﻥ ﺳﺎﻳﻖ ﻃﺎﻟﻊ ﻟﻴﻪ ﺍﻟﺰﻋﻒ ... ﺑﻐﺎ ﻳﻀﺮﺏ ﺯﻫﻴﺮ ﻟﻜﻦ ﺧﻮﺍ ﺑﻴﻪ ﻭ ﻋﻄﺎﻩ ﻟﻨﻴﻔﻮ ﺣﺘﺎ ﺭﺟﻊ ﺑﺎﻟﻠﻮﺭ ﻃﺎﻳﺢ ﻟﺮﺽ ... ﺯﻫﻴﺮ ﻣﻊ ﻃﻮﻳﻞ ﻭ ﻋﺎﻣﺮ ﺷﻮﻳﺔ ﻣﺎﺳﺨﺮ ﻣﻌﺎﻩ ﻫﺎﺩﺍﻙ ﻭﺍﻟﻮ ... ﺑﻘﺎ ﻣﺴﺮﺡ ﻓﻠﺮﺽ ﻛﻴﻘﻴﺲ ﻓﻨﻴﻔﻮ ﻭﺍﺵ ﺧﺎﺭﺝ ﻣﻨﻮ ﺍﻟﺪﻡ ... ﺍﻟﻲ ﻫﺎﺯ ﺍﻟﺤﻘﻴﺒﺔ ﺭﺩ ﻟﺒﺎﻝ ﺑﻠﻲ ﺯﻫﻴﺮ ﺟﺎﻱ ﻋﻨﺪﻭ ...
ﺧﺸﺎ ﻳﺪﻭ ﻓﺎﻟﺠﻴﺐ ﻭ ﺟﺒﺪ ﻣﻮﺱ ﺻﻐﻴﺮ ﻛﻴﺘﻄﻮﻯ ... ﻫﺰﻭ ﻟﻴﻪ ﻓﻮﺟﻬﻮ ... ﻗﺮﺏ ﺯﻫﻴﺮ ﺑﺪﻭﻥ ﺧﻮﻑ ﺿﺮﺏ ﻟﻴﻪ ﻳﺪﻭ ﺣﺘﺎ ﻃﺎﺭ ﻟﻴﻪ ﺍﻟﻤﻮﺱ ... ﻭ ﺟﻤﻌﻮ ﺑﻨﺺ ﻧﺸﺮﻭ ﺣﺘﺎ ﻫﻮ ... ﻣﺸﺎ ﻫﺰ ﺍﻟﺸﻜﺎﺭﺓ ﺍﻟﻲ ﻛﺎﻧﺖ ﻣﺤﻄﻮﻃﺔ ﻓﻠﺮﺽ ... ﺭﻛﺐ ﻓﺪﺭﺍﺟﺘﻮ ﻭ ﺗﻢ ﺭﺍﺟﻊ ...
ﻭﺻﻞ ﻟﺒﻼﺻﺔ ﺍﻟﻲ ﺧﻼ ﻓﻴﻬﺎ ﺟﻮﻻﻥ ... ﺑﺎﻧﺖ ﻟﻴﻪ ﺟﺎﻟﺴﺔ ﺟﻨﺐ ﺍﻟﻄﺮﻳﻖ ﻭ ﺣﺎﻃﺔ ﻳﺪﻫﺎ ﻋﻠﻰ ﻭﺟﻬﺎ ... ﻭﻗﻒ ﺍﻟﻤﻮﻃﻮﺭ ﻭ ﻫﺒﻂ ﻋﻨﺪﻫﺎ ... ﻛﺎﻧﺖ ﺣﺎﺩﺭﺓ ﺭﺍﺳﻬﺎ ﻭ ﻋﻨﻴﻬﺎ ﻣﻐﺮﻏﺮﻳﻦ ... ﺷﺎﻓﺖ ﺭﺟﻠﻴﻦ ﻭﺍﻗﻔﻴﻦ ﻋﻠﻴﻬﺎ ... ﻫﺰﺍﺕ ﺭﺍﺳﻬﺎ ﺷﻮﻳﺔ ﻭ ﻫﻲ ﺗﺒﺎﻥ ﻟﻴﻬﺎ ﺣﻘﻴﺒﺘﻬﺎ ﻓﻴﺪ ﺃﺣﺪﻫﻢ ... ﻃﻠﻌﺎﺕ ﻋﻨﻴﻬﺎ ﻏﻴﺮ ﺷﺎﻓﺘﻮ ﻭ ﻫﻲ ﺗﺒﻘﺎ ﻣﺒﻠﻮﻛﻴﺔ ... ﺑﻘﺎﺕ ﻛﺘﺸﻮﻑ ﻓﻴﻪ ﺷﺤﺎﻝ ﺣﺘﺎ ﺗﻜﻠﻢ ﻫﻮ ...
ﺯﻫﻴﺮ : ﻫﺎﺩﻱ ﺩﻳﺎﻟﻚ ... ﻳﺎﻙ ؟
ﺟﻮﻻﻥ : " ﻧﺰﻻﺕ ﻋﻨﻴﻬﺎ ﻛﺘﺸﻮﻑ ﻓﺤﻘﻴﺒﺘﻬﺎ " ﺍﻣﻤﻢ
ﺯﻫﻴﺮ : " ﻣﺪﻫﺎ ﻟﻴﻬﺎ " ﻟﻤﺮﺓ ﺍﻟﺠﺎﻳﺔ ﺭﺩﻱ ﺑﺎﻟﻚ
ﺟﻮﻻﻥ : " ﺣﺮﻛﺎﺕ ﺭﺍﺳﻬﺎ ﺑﺂﻩ "
ﺯﻫﻴﺮ : ﻭ ﺧﻮﺩﻳﻬﺎ ... ﻣﺎﺑﻐﺘﻴﻬﺎﺵ !
ﺟﻮﻻﻥ : " ﻣﺪﺍﺕ ﻳﺪﻫﺎ ﻭ ﺷﺪﺍﺗﻬﺎ ﻣﻦ ﻋﻨﺪﻭ "
ﺯﻫﻴﺮ : ﻣﺘﺒﻘﺎﻳﺶ ﺩﻭﺯﻱ ﻣﻦ ﺩﺍﻙ ﺍﻟﺪﺭﺏ ... ﺧﺎﺻﺔ ﻻ ﻛﻨﺘﻲ ﺑﻮﺣﺪﻙ ... ﺷﺤﺎﻝ ﻣﻦ ﻭﺣﺪﺓ ﺗﮕﺮﻳﺴﺎﺕ ﻓﻴﻪ ... ﺟﺎﺏ ﺍﻟﻠﻪ ﻛﻨﺖ ﺩﺍﻳﺰ ﻭ ﺷﻔﺘﻬﻢ
ﺟﻮﻻﻥ : " ﺍﻟﺼﻤﺖ "
ﺯﻫﻴﺮ : ﺭﺩﻱ ﺑﺎﻟﻚ
ﺿﺎﺭ ﻏﺎﺩﻱ ﻳﺮﻛﺐ ﻓﻤﻮﻃﻮﺭﻭ ... ﺑﻘﺎﺕ ﺟﻮﻻﻥ ﻣﺘﺒﻌﺎﻩ ﺑﻌﻨﻴﻬﺎ ... ﻛﺘﺴﺘﻮﻋﺐ ﻫﺎﺩﺷﻲ ﺍﻟﻲ ﻭﻗﻊ ... ﺗﺴﺮﻗﺎﺕ ﻭ ﺯﻫﻴﺮ ﺭﺟﻊ ﻟﻴﻬﺎ ﺣﻘﻴﺒﺘﻬﺎ ... ﻛﻴﻒ ﻃﻠﻌﺎﺕ ﻣﻌﻬﺎ ﻭ ﻫﻲ ﺗﻮﻗﻒ ﻭ ﻧﻄﻘﺎﺕ ...
ﺟﻮﻻﻥ : ﺷﻜﺮﺍﺍﺍﺍ
ﺳﻤﻌﻬﺎ ﺯﻫﻴﺮ ﺿﺎﺭ ﻋﻨﺪﻫﺎ ﻭ ﺍﺑﺘﺎﺳﻢ ﻟﻴﻬﺎ ... ﻃﻠﻊ ﻓﺪﺭﺍﺟﺘﻮ ﻭ ﺗﺤﺮﻙ ...
ﺑﻘﺎﺕ ﻛﺘﺸﻮﻑ ﻓﻴﻪ ﺟﻮﻻﻥ ﺣﺘﺎ ﻣﺸﺎ ... ﻫﺒﻄﺎﺕ ﻋﻨﻴﻬﺎ ﻛﺘﺸﻮﻑ ﻓﺸﻜﺎﺭﺗﻬﺎ ﺣﻼﺗﻬﺎ ﻭ ﻳﺪﻳﻬﺎ ﻣﺰﺍﻝ ﻛﻴﺘﺮﻋﺪﻭ ... ﻏﻴﺮ ﺑﺎﻥ ﻟﻴﻬﺎ ﻟﺒﻴﺴﻲ ﺩﻳﺎﻟﻬﺎ ﻋﻨﻘﺎﺗﻮ ﻭ ﺑﺪﺍﺕ ﺗﻀﺤﻚ ﻭ ﺍﻟﺪﻣﻮﻉ ﻓﻌﻨﻴﻬﺎ ... ﺭﺟﻌﺎﺕ ﻛﺘﺸﻮﻑ ﻓﺎﻟﻄﺮﻳﻖ ﺍﻟﻲ ﺩﺍﺯ ﻣﻨﻬﺎ ﺯﻫﻴﺮ ... ﻭ ﺣﺴﺎﺕ ﺑﻘﻠﺒﻬﺎ ﻛﻴﺪﻕ ﺑﺴﺮﻋﺔ ... ﻣﺴﺤﺎﺕ ﻋﻨﻴﻬﺎ ﻭ ﻣﺸﺎﺕ ﻛﺘﺠﺮﻱ ﻟﺒﻼﻛﺔ ... ﺭﻛﺒﺎﺕ ﻓﺎﻟﻄﻮﺑﻴﺲ ﺭﺍﺟﻌﺔ ﻟﻠﺪﺍﺭ ...
ﺩﺍﺧﻠﺔ ﻣﻊ ﺍﻟﺪﺭﺏ ﻭ ﻫﻲ ﺗﺒﺎﻥ ﻟﻴﻬﺎ ﻭﺋﺎﻡ ... ﺧﺎﺭﺟﺔ ﻣﻦ ﺍﻟﺪﺍﺭ ﻣﻔﺮﻛﺴﺔ ... ﻻﺑﺴﺔ ﺟﻴﻨﺰ ﻭ ﻛﺎﺑﻴﺘﺸﻮ ﮔﺮﻱ ﻣﻊ ﺳﺒﺮﺩﻳﻠﺔ ﻛﺤﻼ ﻭ ﻫﺎﺯﺓ ﺻﺎﻙ ﻓﻨﻔﺲ ﺍﻟﻠﻮﻥ ... ﺷﺎﻓﺘﻬﺎ ﻭﺋﺎﻡ ﻭ ﺟﺎﺕ ﻋﻨﺪﻫﺎ ...
ﻭﺋﺎﻡ : ﻣﺎﻟﻚ ﻛﺘﺒﺎﻧﻲ ﺻﻔﺮﺓ ... ﻭ ﻋﻼﺵ ﻣﻌﻨﻘﺔ ﺷﻜﺎﺭﺗﻚ ﺧﻔﺘﻴﻬﺎ ﺗﻬﺮﺏ
ﺟﻮﻻﻥ : ﺗﺸﻔﺮﺍﺕ ﻟﻴﺎﺍﺍ
ﻭﺋﺎﻡ : ﻛﻴﻔﺎﺵ ﺗﺸﻔﺮﺍﺕ ﻟﻴﻚ ﻭ ﻫﻲ ﺑﻴﻦ ﻳﺪﻳﻚ !
ﺟﻮﻻﻥ : ﻛﻮﻥ ﻣﺎﺭﺟﻌﺎﺵ ﻟﻴﺎ ﺯﻫﻴﺮ ... ﻛﻨﺖ ﻏﻨﻤﻮﺕ ﻫﺊ
ﻭﺋﺎﻡ : ﺯﻫﻴﻴﺮ !! ﻛﻴﻔﺎﺵ ﺭﺟﻌﻬﺎ ﻟﻴﻚ ... ﻭ ﻋﺎﻭﺩﻱ ﺷﻨﻮ ﻭﻗﻊ ﻟﻴﻚ ﻓﻘﺼﺘﻴﻨﻲ
ﺟﻮﻻﻥ : " ﻋﺎﻭﺩﺍﺕ ﻟﻴﻬﺎ ﻟﺒﻼﻥ ﻛﻮﻟﻮ " ﺭﺩﻫﺎ ﻟﻴﺎ ﻗﻠﺖ ﻟﻴﻪ ﺷﻜﺮﺍ ﻭ ﻣﺸﺎ
ﻭﺋﺎﻡ : " ﻛﻀﺤﻚ " ﺃﻭﺍﺍﺍﻩ ... ﻟﺤﺒﻴﺐ ﺩﻳﺎﻟﻚ ﻋﺘﻘﻚ ﻭ ﻧﻘﺬ ﻟﻴﻚ ﺷﻜﺎﺭﺗﻚ ﻫﻬﻬﻪ ... ﻓﻴﻠﻢ ﻫﺎﺩﺍ
ﺟﻮﻻﻥ : ﻧﺎﺭﻱ ﺷﺤﺎﻝ ﺗﺨﻠﻌﺖ ﻛﻨﺖ ﻏﻨﺒﻮﻝ ﻓﺴﺮﻭﺍﻟﻲ
ﻭﺋﺎﻡ : ﻧﺎﺭﻱ ﻭ ﻛﻦ ﺩﺭﺗﻴﻬﺎ ... ﻏﺎ ﻭﺩﻋﻲ ﺍﻟﺤﺐ ﺩﻳﺎﻟﻚ ... ﻏﻴﻬﺰ ﻋﻠﻴﻚ ﻏﻴﺮ ﺍﻟﺒﻮﺍﻟﺔ ﻫﻬﻬﻬﻪ
ﺟﻮﻻﻥ : ﻣﺎﻟﻚ ﺣﻤﺎﺭﺓ ... ﻭﺍﺵ ﺍﻧﺎ ﻋﺎﺩ ﻣﻌﺎﻭﺩﺓ ﻟﻴﻚ ﺗﺴﺮﻗﺖ ﻭ ﻃﺤﺖ ... ﻭ ﻧﺘﻲ ﺟﺎﻟﺴﺔ ﺗﻜﺮﻛﺮﻱ
ﻭﺋﺎﻡ : ﻭ ﺷﻨﻮ ﻧﺪﻳﺮ ﻧﺒﻜﻲ ... ﺭﺍﻩ ﺧﺎﺻﻚ ﺗﻔﺮﺣﻲ ﺣﻴﻨﺖ ﺗﺸﻔﺮﺗﻲ ﻭ ﺟﺎ ﻓﺎﺭﺳﻚ ﺍﻟﻤﻐﻮﺍﺭ ﺭﺟﻌﻬﺎ ﻟﻴﻚ ... ﺩﺍﺑﺔ ﻋﻨﺪﻙ ﺃﻣﻞ ... ﻣﻐﺘﺒﻘﺎﻳﺶ ﺗﺤﻨﺰﻱ ﻓﻴﻪ ﻣﻦ ﺑﻌﻴﺪ
ﺟﻮﻻﻥ : ﻣﺎﺗﻤﺸﻴﺶ ﺑﻌﻴﺪ ... ﻫﻮ ﻋﺎﻭﻧﻲ ﻭ ﺍﻧﺎ ﺷﻜﺮﺗﻮ ... ﻭ ﺳﺎﻻﺕ ﺍﻟﺤﺪﻭﺛﺔ ... ﺑﻼﻣﺎ ﺗﺒﻘﺎﻱ ﺗﺤﻠﻤﻲ ﻋﻠﻴﺎ ... ﺣﺘﺎ ﻧﺼﺪﻕ ﺑﺎﻧﻴﺔ ﺁﻣﺎﻝ ﻋﻠﻰ ﻭﺍﻟﻮ ...
ﻭﺋﺎﻡ : ﺑﺎﺍﺍﺯ ﺩﻳﻤﺎ ﺳﻠﺒﻴﺔ ﻓﺘﻔﻜﻴﺮﻙ ... ﺑﻘﺎﻱ ﻫﺎﻛﺔ ﻣﻘﺎﺑﻠﺔ ﻟﻘﺮﺍﻳﺔ ﻭ ﺍﻟﺮﻭﺍﻳﺔ ﺩﻳﺎﻟﻚ ﺣﺘﺎ ﺿﻔﺮﻱ ﺍﻟﺸﻴﺐ ... ﻫﺎﻧﻲ ﻣﺸﻴﺖ
ﺟﻮﻻﻥ : ﻓﻴﻦ ﻏﺎﺩﺓ ﺑﻬﺎﺩ ﺍﻟﺤﺎﻟﺔ ؟
ﻭﺋﺎﻡ : " ﻛﺘﻠﻌﺐ ﻓﺸﻌﺮﻫﺎ " ﻏﺎﺩﺓ ﻟﻠﺼﺎﻟﻮﻥ ... ﻓﻴﻦ ﻏﺎﺩﻱ ﻧﻤﺸﻲ ﻣﺜﻼ
ﺟﻮﻻﻥ : ﺍﻟﻲ ﺷﺎﻓﻚ ﻣﺎﻳﻘﻮﻟﺶ ﻏﺎﺩﺓ ﺗﺠﺒﺪﻱ ﻟﻌﻴﺎﻻﺕ ﺷﻌﺮﻫﻢ
ﻭﺋﺎﻡ : " ﻋﻮﺟﺎﺕ ﻓﻤﻬﺎ " ﻭ ﻣﺎﻟﻬﺎ ﻛﻴﻒ ﺟﺎﺗﻚ ... ﺍﻧﺎ ﻣﺎﻳﻜﺎﭖ ﺍﺭﺗﻴﺴﺖ ﻭ ﻣﺼﻔﻔﺔ ﺍﻟﺸﻌﺮ ... ﻗﻮﻟﻴﻬﺎ ﻭ ﺷﻠﻲ ﻓﻤﻚ ﺑﻴﻬﺎ ... ﻭ ﻗﺮﻳﺐ ﺗﻠﻘﺎﻳﻨﻲ ﺧﺪﺍﻣﺔ ﻣﻊ ﺍﻟﻤﺸﺎﻫﻴﺮ
ﺟﻮﻻﻥ : ﻃﻠﻌﺖ ﻣﺎﺷﻲ ﻏﻴﺮ ﺍﻧﺎ ﺍﻟﻲ ﻛﻨﺤﻠﻢ ﻫﻬﻪ
ﻭﺋﺎﻡ : " ﻗﻠﺰﺍﺕ ﻟﻴﻬﺎ " ﻫﺎﻛﻲ ﻟﻤﻚ ... ﺣﺘﺎ ﻧﺮﺟﻊ
ﻣﺸﺎﺕ ﻭﺋﺎﻡ ﻛﺘﻌﻮﺝ ﻓﺎﻟﻄﺮﻳﻖ ... ﻫﻲ ﻧﻔﺲ ﺳﻦ ﺟﻮﻻﻥ ﻋﻨﺪﻫﺎ 21 ﺳﻨﺔ ... ﻛﺎﻧﺖ ﻛﺘﻘﺮﺍ ﻣﻌﻬﺎ ﻓﻨﻔﺲ ﺍﻟﺜﺎﻧﻮﻳﺔ .. ﻟﻜﻦ ﻣﻨﻴﻦ ﺧﺪﺍﺕ ﻟﺒﺎﻙ ﺣﺒﺴﺎﺕ ﺍﻟﻘﺮﺍﻳﺔ ﻭ ﺩﺍﺭﺕ ﺍﻟﺘﻜﻮﻳﻦ ﻓﺈﺣﺪﻯ ﻣﺪﺍﺭﺱ ﺍﻟﺤﻼﻗﺔ ... ﻫﺎﺩ ﺍﻟﻤﺠﺎﻝ ﻛﻴﻌﺠﺒﻬﺎ ﻭ ﺑﺎﻏﺔ ﺗﺨﺪﻡ ﻓﻴﻪ ... ﻋﻜﺲ ﻟﻘﺮﺍﻳﺔ ﺍﻟﻲ ﻛﺎﻧﺖ ﻛﺘﻜﺮﻫﺎ ...
ﺯﻭﻳﻨﺔ ﻓﻮﺟﻬﺎ ﻗﺼﺮ ﻣﻦ ﺟﻮﻻﻥ ﻭ ﻋﺎﻣﺮﺓ ﻋﻠﻴﻬﺎ ﺷﻮﻳﺔ ... ﺷﻌﺮﻫﺎ ﺃﺳﻮﺩ ﻭ ﻋﻨﻴﻬﺎ ﻗﻬﻮﻳﻴﻦ ... ﺷﺨﺼﻴﺘﻬﺎ ﻗﺮﻳﺒﺔ ﻣﻦ ﺟﻮﻻﻥ ﻣﺨﺘﺎﻟﻔﻴﻦ ﻓﺄﺷﻴﺎﺀ ﻗﻠﻴﻠﺔ ﻓﻘﻂ ...
ﺩﺧﻼﺕ ﺟﻮﻻﻥ ﻟﻠﺪﺍﺭ ﺳﻠﻤﺎﺕ ﻋﻠﻰ ﻭﺍﻟﺪﻳﻬﺎ ﻭ ﻃﻠﻌﺎﺕ ﻟﺒﻴﺘﻬﺎ ... ﺑﺪﻭﻥ ﻣﺎﺗﻘﻮﻝ ﻟﻴﻬﻢ ﻋﻠﻰ ﺍﻟﻲ ﻭﻗﻊ ... ﻋﺎﺭﻓﺔ ﻏﻴﺘﺸﻄﻨﻮ ﻋﻠﻴﻬﺎ ﺧﺎﺻﺔ ﻣﻬﺎ ﺍﻟﻲ ﻏﻴﺮ ﻛﺘﻌﻄﻞ ﺷﻮﻳﺔ ﺗﺼﻮﻧﻲ ﻟﻴﻬﺎ ﻓﺎﻟﺘﻴﻠﻴﻔﻮﻥ ... ﺳﺪﺍﺕ ﻟﺒﺎﺏ ﺣﻄﺎﺕ ﺣﻘﻴﺒﺘﻬﺎ ﻓﻮﻕ ﺍﻟﻨﺎﻣﻮﺳﻴﺔ ﻭ ﺗﻼﺣﺖ ﺟﻨﺒﻬﺎ ... ﻣﺴﺮﺣﺔ ﻳﺪﻳﻬﺎ ﻭ ﺭﺟﻠﻴﻬﺎ ... ﺳﺪﺍﺕ ﻋﻨﻴﻬﺎ ﻛﺘﻔﻜﺮ ﺷﻨﻮ ﻭﻗﻊ ﻭ ﺷﻨﻮ ﺩﺍﺭ ﻣﻌﻬﺎ ﺯﻫﻴﺮ ...
ﺗﻮﻗﻔﺎﺕ ﺳﻴﺎﺭﺓ ﻓﺎﺧﺮﺓ ﻭ ﻫﺒﻄﺎﺕ ﺇﻣﺮﺃﺓ ﻓﺎﻷﺭﺑﻌﻴﻨﻴﺎﺕ ... ﻻﺑﺴﺔ ﻟﺒﺎﺱ ﻛﻼﺹ ﻭ ﺃﻧﻴﻖ ... ﺩﺍﻳﺮﺓ ﻧﻀﺎﺭﺍﺕ ﺳﻮﺩﺍﺀ ... ﻭﻗﻔﺎﺕ ﺃﻣﺎﻡ ﺍﻟﻤﺮﻛﺰ ﻟﻠﺤﻈﺔ ﻭ ﺩﺧﻼﺕ ... ﻗﺎﻟﺖ ﻟﻴﻬﻢ ﺑﻠﻲ ﺑﺎﻏﺔ ﺗﻘﺪﻡ ﺑﻼﻍ ﺑﺎﺧﺘﻔﺎﺀ ﺑﻨﺘﻬﺎ ... ﺑﻌﺪ ﺍﻧﺘﻈﺎﺭ ﺳﻤﺤﻮ ﻟﻴﻬﺎ ﺗﺪﺧﻞ ﻋﻨﺪ ﺍﻟﻈﺎﺑﻂ ...
ﺣﻞ ﻟﻴﻬﺎ ﺍﻟﺸﺮﻃﻲ ﻟﺒﺎﺏ ﻭ ﺩﺧﻼﺕ ... ﺑﺎﻥ ﻟﻴﻬﺎ ﺍﻟﻈﺎﺑﻂ ﺟﺎﻟﺲ ﻓﺎﻟﻤﻜﺘﺐ ﻭ ﻫﺎﺯ ﺷﻲ ﻭﺭﺍﻕ ﻓﻴﺪﻭ ... ﻫﺰ ﻓﻴﻬﺎ ﻋﻨﻴﻪ ﻭﺷﺎﺭ ﻟﻴﻬﺎ ﺗﭽﻠﺲ ... ﺟﻠﺴﺎﺕ ﺣﻴﺪﺍﺕ ﻧﻀﺮﺍﺗﻬﺎ ﻭ ﺷﺎﻓﺖ ﻓﻴﻪ ... ﻭ ﻭﺟﻬﺎ ﻏﺎﻟﺒﺔ ﻋﻠﻴﻪ ﻣﻼﻣﺢ ﺣﺰﻳﻨﺔ ... ﻛﺎﻥ ﻣﺰﺍﻝ ﻛﻴﻘﺮﺍ ﻓﺎﻟﻮﺭﺍﻕ ﺍﻟﻲ ﺑﻴﻦ ﻳﺪﻳﻪ ... ﺑﻘﺎﺕ ﺍﻟﻤﺮﺍ ﻛﺘﺸﻮﻑ ﻓﻴﻪ ... ﺟﺎﻫﺎ ﻓﺸﻜﻞ ... ﺧﺎﺻﺔ ﻣﻀﻬﺮﻭ ﻻ ﻳﻮﺣﻲ ﺑﺄﻧﻮ ﻇﺎﺑﻂ ﻋﻠﻰ ﺍﻹﻃﻼﻕ ...
ﺑﻘﺎﺕ ﻛﺘﺸﻮﻑ ﻓﺎﻟﻮﺷﺎﻡ ﺍﻟﻲ ﻓﻴﺪﻭ ... ﻓﺠﺄﺓ ﻫﺰ ﺭﺍﺳﻮ ﻭ ﺷﺎﻑ ﻓﻴﻬﺎ ... ﺿﺤﻚ ﺑﺠﻨﺐ ﻭ ﺣﻂ ﺩﺍﻛﺸﻲ ﻣﻦ ﻳﺪﻭ ...
ﺍﻟﻈﺎﺑﻂ ' ﻳﺰﻳﺪ ' : " ﻫﺰ ﻓﻴﻬﺎ ﻋﻨﻴﻪ " ﺷﻨﻮ ﺣﺐ ﻟﺨﺎﻃﺮ ؟
ﺍﻟﻤﺮﺃﺓ : ﺟﻴﺖ ﻧﺒﻠﻎ ﺑﺎﺧﺘﻔﺎﺀ ﺑﻨﺘﻲ ... ﻫﺎﺩﻱ ﺛﻼﺙ ﺃﻳﺎﻡ ﻣﺎﺭﺟﻌﺎﺕ ﻟﻠﺪﺍﺭ
ﻳﺰﻳﺪ : ﻣﻮﺍﻟﻔﺔ ﺗﻐﻴﺐ ﻋﻠﻰ ﺍﻟﺪﺍﺭ ؟
ﺍﻟﻤﺮﺃﺓ : ﻻ ... ﻫﺎﺩﻱ ﺍﻭﻝ ﻣﺮﺓ ... ﻋﻤﺮﻫﺎ ﺑﺎﺗﺖ ﺧﺎﺭﺝ ﺍﻟﺪﺍﺭ " ﻧﺰﻟﻮ ﺩﻣﻮﻋﻬﺎ " ﺧﻔﺖ ﺗﻜﻮﻥ ﻭﺍﻗﻌﺔ ﻟﻴﻬﺎ ﺷﻲ ﺣﺎﺟﺔ ... ﻋﺎﻓﺎﻙ ﺍﻭﻟﺪﻱ ﻟﻤﺎ ﻋﺎﻭﻧﻲ ﻧﻠﻘﺎ ﺑﻨﺘﻲ ﻫﻴﺎ ﺍﻟﻲ ﻋﻨﺪﻱ
ﻳﺰﻳﺪ : " ﻫﺰ ﻟﻔﻴﻜﺲ " ﺩﺧﻞ ﻟﻌﻨﺪﻱ
ﺑﻌﺪ ﺷﻮﻳﺔ ﺗﺴﻤﻊ ﺍﻟﺪﻗﺎﻥ ﻓﺎﻟﺒﺎﺏ ﻭ ﺩﺧﻞ ﺷﺮﻃﻲ ... ﭼﻠﺲ ﻣﻘﺎﺑﻞ ﻣﻊ ﺍﻟﻤﺮﺍ ﻭ ﻓﺘﺢ ﻟﺒﻴﺴﻲ ﺩﻳﺎﻟﻮ ...
ﻳﺰﻳﺪ : ﺍﻧﺎ ﻏﻨﺴﻮﻟﻚ ﺑﻌﺾ ﺍﻷﺳﺌﻠﺔ ... ﺑﺎﺵ ﻳﺴﻬﺎﻝ ﻋﻠﻴﻨﺎ ﻧﻠﻘﺎﻭ ﻟﻴﻚ ﺑﻨﺘﻚ ... ﻣﻦ ﺍﻷﺣﺴﻦ ﺗﻜﻮﻧﻲ ﻭﺍﺿﺤﺔ ﻓﺄﺟﻮﺑﺘﻚ ... ﻣﻔﻬﻮﻡ
ﺍﻟﻤﺮﺍ : " ﺣﺮﻛﺎﺕ ﺭﺍﺳﻬﺎ ﺑﺎﻹﻳﺠﺎﺏ "
ﺑﺪﺍ ﻳﺰﻳﺪ ﻛﻴﻄﺮﺡ ﻋﻠﻴﻬﺎ ﻋﺪﺓ ﺃﺳﺌﻠﺔ ... ﺟﺎﻭﺑﺎﺕ ﻋﻠﻰ ﺃﺳﺌﻠﺘﻮ ﻭ ﺧﺪﺍ ﻣﻦ ﻋﻨﺪﻫﺎ ﺍﻟﻤﻌﻠﻮﻣﺎﺕ ﺍﻟﻲ ﻏﻴﺤﺘﺎﺝ ... ﻃﻠﺐ ﻣﻨﻬﺎ ﺻﻮﺭﺓ ﻟﺒﻨﺘﻬﺎ ... ﺟﺒﺪﺍﺗﻬﺎ ﻭ ﻣﺪﺍﺗﻬﺎ ﻟﻴﻪ ... ﺷﺎﻑ ﻓﻴﻬﺎ ﻣﻄﻮﻻ ﻭ ﺣﻄﻬﺎ ﻓﻮﻕ ﺍﻟﻤﻜﺘﺐ ... ﻛﻴﻒ ﻛﻤﻠﻮ ﻏﺎﺩﺭﺍﺕ ﺣﺘﺎ ﻳﺘﺎﺻﻠﻮ ﺑﻴﻬﺎ ﻟﻜﺎﻥ ﺷﻲ ﺟﺪﻳﺪ ... ﺑﻘﺎ ﻳﺰﻳﺪ ﺟﺎﻟﺲ ﻛﻴﺤﻚ ﻓﻠﺤﻴﺘﻮ ﻭ ﻳﻔﻜﺮ ... ﻫﺰ ﺍﻟﺼﻮﺭﺓ ﻛﻴﺘﻤﻌﻦ ﻓﻴﻬﺎ ﻭ ﺩﻣﺎﻏﻮ ﺧﺪﺍﻡ ...