السفاح العاشق

بارت 66

ﺭﺋﺒﺎﻝ : ﻣﻨﻴﻦ ﺗﻔﻄﺮﻱ ﻏﻨﺸﺪﻭ ﺍﻟﻄﺮﻳﻖ
ﺟﻮﻻﻥ : " ﻛﺘﺴﺪ ﺍﻟﺴﻨﺴﻠﺔ ﺩﻳﺎﻝ ﺍﻟﺼﺎﻙ " ﻭﺍﺧﺔ
ﺭﺋﺒﺎﻝ : " ﻗﺮﺏ ﻋﻨﺪﻫﺎ ﺃﻛﺜﺮ ﻣﻘﺘﺎﺣﻢ ﻣﺴﺎﺣﺘﻬﺎ " ﺷﻮﻓﻲ ﻓﻴﺎ
ﺟﻮﻻﻥ : " ﻫﺰﺍﺕ ﻓﻴﻪ ﻋﻨﻴﻬﺎ "
ﺭﺋﺒﺎﻝ : " ﻣﻴﻞ ﺭﺍﺳﻮ ﻗﺒﻞ ﺧﺪﻫﺎ " ﺻﺒﺎﺡ ﺍﻟﻨﻮﺭ
ﻫﺰ ﺍﻟﺼﺎﻙ ﺍﻟﻲ ﺟﻤﻌﺎﺕ ﻭ ﻫﺰ ﺍﻟﺠﺎﻛﻴﻂ ﺩﻳﺎﻟﻮ ﻭ ﺗﻢ ﺧﺎﺭﺝ ... ﺧﻼﻫﺎ ﻭﺍﻗﻔﺔ ﺗﻤﺎﻙ ﺑﺪﻭﻥ ﺣﺮﺍﻙ ... ﺣﻄﺎﺕ ﻳﺪﻫﺎ ﻋﻠﻰ ﺧﺪﻫﺎ ... ﺑﺎﻗﺔ ﻛﺘﺤﺲ ﺑﻤﻠﻤﺲ ﻟﺤﻴﺘﻮ ﺍﻟﻲ ﺩﻗﺎﺗﻬﺎ ﻓﺨﺪﻫﺎ ... ﺳﻤﻌﺎﺕ ﺯﻳﻨﺐ ﻛﺘﻌﻴﻂ ﻋﻠﻴﻬﺎ ﻭ ﻫﻲ ﺗﻠﺒﺲ ﻣﻮﻧﻄﻮﻫﺎ ﻭ ﻫﺒﻄﺎﺕ ... ﻟﻘﺎﺗﻬﺎ ﺣﺎﻃﺔ ﻟﻴﻬﺎ ﻟﻔﻄﻮﺭ ... ﻛﻼﺕ ﺷﻮﻳﺔ ﻭ ﻧﺎﺿﺖ ﺧﺎﺭﺟﺔ ﻫﻲ ﻭ ﺳﻤﻴﺔ ... ﺑﺎﻥ ﻟﻴﻬﺎ ﺭﺋﺒﺎﻝ ﻭ ﺳﻨﻤﺎﺭ ﻭﺍﻗﻔﻴﻦ ﻣﻊ ﺳﻲ ﻋﺒﺎﺱ ﺣﺪﺍ ﺳﻴﺎﺭﺍﺗﻬﻢ ...
ﺿﺎﺭﺕ ﻋﻨﺪ ﺳﻤﻴﺔ ﻟﻘﺎﺕ ﻋﻨﻴﻬﺎ ﻣﻐﺮﻏﺮﻳﻦ ... ﻗﺮﺑﺎﺕ ﻟﻴﻬﺎ ﺟﻮﻻﻥ ﻭ ﻋﻨﻘﺎﺗﻬﺎ ...
ﺟﻮﻻﻥ : ﺷﻜﺮﺍ ﻋﻠﻰ ﻣﺮﺍﻓﻘﺘﻚ ﻟﻴﺎ ﻫﺎﺩ ﺍﻷﻳﺎﻡ
ﺳﻤﻴﺔ : ﻭﻟﻔﺘﻚ ﺑﺰﺍﻑ ... ﻏﺘﺨﻠﻲ ﻋﻠﻴﺎ ﺑﻼﺻﺘﻚ
ﺟﻮﻻﻥ : ﺍﻥ ﺷﺎﺀ ﺍﻟﻠﻪ ﻣﻴﻜﻮﻧﺶ ﻫﺬﺍ ﺁﺧﺮ ﻟﻘﺎﺀ ﻟﻴﻨﺎ ... ﺣﺎﻓﻀﻲ ﻋﻠﻰ ﺑﺴﻤﺘﻚ ﻭ ﺩﻳﻤﺎ ﺧﻠﻴﻚ ﻫﺎﻛﺔ
ﺳﻤﻴﺔ : ﺗﻬﻼﻱ ﻓﺮﺍﺳﻚ ﻭ ﻋﻨﺪﺍﻙ ﻣﺎﺗﻌﺮﺿﻴﺶ ﻋﻠﻴﺎ ﻓﻌﺮﺳﻚ ... ﺑﺎﻏﺔ ﻧﺰﻝ ﻟﻤﺪﻳﻨﺔ ﻭ ﻧﺸﻮﻑ ﺍﻟﻌﺮﺱ ﺗﻤﺎﻙ ﻛﻴﻒ ﺩﺍﻳﺮ ... ﻭ ﻧﺸﺎﺭﻛﻜﻢ ﻓﺮﺣﺘﻜﻢ ... ﺳﻲ ﺭﺋﺒﺎﻝ ﻛﻨﺤﺲ ﺑﻴﻪ ﺑﺤﺎﻝ ﺧﻮﻳﺎ ﺍﻟﻜﺒﻴﺮ ... ﻭ ﻫﻮ ﺍﻟﺸﺨﺺ ﺍﻟﻮﺣﻴﺪ ﺍﻟﻲ ﻛﻴﺠﻲ ﻳﻬﺘﻢ ﺑﻴﻨﺎ ﻭ ﻳﺠﻲ ﻳﺰﻭﺭﻧﺎ ... ﻋﻨﺪﻱ ﺧﻮﺍﻟﻲ ﻭ ﻋﻤﺎﻣﻲ ﻟﻜﻦ ﻛﻠﺸﻲ ﻣﺪﻫﻲ ﻣﻊ ﺍﻟﺤﻴﺎﺓ ... ﺧﺎﺻﺔ ﺩﻭﻙ ﺍﻟﻲ ﺍﻧﺘﺎﻗﻠﻮ ﻟﻤﺪﻳﻨﺔ ... ﻣﻜﻨﺸﻔﻮﻫﻢ ﻋﻠﻰ ﺷﺤﺎﻝ
ﺟﻮﻻﻥ : ﺷﻨﻮ ﺑﺎﻥ ﻟﻴﻚ ﻫﺎﺩ ﺍﻟﻤﺮﺓ ﻧﺘﻲ ﺗﺠﻲ
ﺳﻤﻴﺔ : ﻣﺎﻛﺮﻫﺘﺶ ... ﻻ ﺑﻐﺎ ﺟﺪﻱ ﻏﻨﺠﻲ ﻧﺰﻭﺭﻙ ﺃﻛﻴﺪ
ﺟﻮﻻﻥ : ﺍﻥ ﺷﺎﺀ ﺍﻟﻠﻪ
ﻭﺩﻉ ﺳﻲ ﻋﺒﺎﺱ ﺍﻟﺪﺭﺍﺭﻱ ... ﺟﺎ ﺩﺍﺧﻞ ﺳﻠﻤﺎﺕ ﻋﻠﻴﻪ ﺟﻮﻻﻥ ﻭ ﻣﺸﺎﺕ ... ﺑﻘﺎﺕ ﺳﻤﻴﺔ ﻭﺍﻗﻔﺔ ﻋﻨﺪ ﻟﺒﺎﺏ ﻛﺘﺸﻮﻑ ﻓﻴﻬﻢ ... ﻭﺻﻼﺕ ﺟﻮﻻﻥ ﻟﻌﻨﺪﻫﻢ ﺗﺴﺎﻟﻤﺎﺕ ﻣﻊ ﺳﻨﻤﺎﺭ ﻭ ﻃﻠﻌﺎﺕ ﻟﺴﻴﺎﺭﺓ ﺭﺋﺒﺎﻝ ... ﺭﻛﺐ ﺣﺘﻰ ﻫﻮ ﻭ ﺳﻨﻤﺎﺭ ﻣﺸﺎ ﻃﻠﻊ ﻟﺴﻴﺎﺭﺗﻮ ... ﺗﻠﻔﺖ ﻟﺠﻬﺔ ﺍﻟﺒﺎﺏ ﻛﻴﺸﻮﻑ ﻓﺴﻤﻴﺔ ﻛﺪﻳﺮ ﺑﺎﻱ ﺑﺎﻱ ﻟﺠﻮﻻﻥ ... ﻏﻴﺮ ﺗﺤﺮﻙ ﺭﺋﺒﺎﻝ ﻭ ﻫﻮ ﻳﺪﻳﻤﺎﺭﻱ ﺗﺎﺑﻌﻮ ...
ﺑﻌﺪ ﺳﺎﻋﺎﺕ ﺩﻳﺎﻝ ﺍﻟﻄﺮﻳﻖ ﻭﺻﻠﻮ ﻟﻠﭭﻴﻼ ... ﻫﺒﻄﺎﺕ ﺟﻮﻻﻥ ﻭ ﻫﻲ ﺗﺒﺎﻥ ﻟﻴﻬﺎ ﻻ ﺣﺒﻴﺒﺔ ﻭﺍﻗﻔﺔ ﻋﻨﺪ ﻟﺒﺎﺏ ... ﻗﺮﺑﺎﺕ ﻋﻨﺪﻫﺎ ﺳﻠﻤﺎﺕ ﻋﻠﻴﻬﺎ ﺑﺤﺮﺍﺭﺓ ... ﺟﺮﺍﺗﻬﺎ ﺩﺧﻠﻮ ﻟﻠﺪﺍﺧﻞ ... ﺷﺎﻓﺖ ﺟﻮﻻﻥ ﻓﺎﻟﺼﺎﻟﺔ ﺑﺎﻧﺖ ﻟﻴﻬﺎ ﺯﻳﻨﺐ ﻭ ﺇﻟﻴﺎﺱ ... ﺯﻳﻨﺐ ﺑﺰﺯ ﺭﺳﻤﺎﺕ ﺍﺑﺘﺴﺎﻣﺔ ﻋﻠﻰ ﻭﺟﻬﺎ ﻭ ﻗﺮﺑﺎﺕ ﻋﻨﻘﺎﺕ ﺟﻮﻻﻥ ... ﺟﻠﺴﻮ ﻣﺠﻤﻮﻋﻴﻦ ﻣﻊ ﺑﻌﺾ ... ﻛﻠﻬﻢ ﻛﻴﺸﻮﻓﻮ ﻓﺠﻮﻻﻥ ﺑﺘﺤﺴﺮ ... ﻟﻜﻦ ﺣﺎﻭﻟﻮ ﻳﺘﺼﺮﻓﻮ ﻋﺎﺩﻱ ... ﺧﺎﺻﺔ ﻓﺎﺵ ﺷﺎﻓﻮ ﺣﺎﻟﺘﻬﺎ ﺗﺤﺴﻨﺎﺕ ﻋﻠﻰ ﻗﺒﻞ ...
ﻋﻠﻰ ﺍﻷﻗﻞ ﻭﻻﺕ ﻛﺘﻬﻀﺮ ﻣﻌﺎﻫﻢ ﻭﺍﺧﺔ ﻛﻼﻣﻬﺎ ﻗﻠﻴﻞ ... ﺗﻐﺪﺍﻭ ﻣﺠﻤﻮﻋﻴﻦ ﻭ ﻫﻲ ﺗﻄﻠﻊ ﺟﻮﻻﻥ ﻭ ﺯﻳﻨﺐ ﻟﻔﻮﻕ ... ﻧﺎﺽ ﺭﺋﺒﺎﻝ ﺩﺧﻞ ﻟﻠﻤﻜﺘﺐ ﻭ ﺩﻭﺯ ﺍﻹﺗﺼﺎﻝ ﻹﺑﺮﺍﻫﻴﻢ ...
ﺭﺋﺒﺎﻝ : ﻗﺎﻟﻮ ﻟﻴﺎ ﺟﻴﺘﻲ ﻛﺘﺴﻮﻝ ﻋﻠﻰ ﺑﻨﺘﻚ
ﺇﺑﺮﺍﻫﻴﻢ : ﻫﺎ ... ﺁﻩ ... ﺩﺍﺑﺔ ﺭﺍﻙ ﻋﺎﺭﻑ ﻫﻀﺮﺓ ﺍﻟﻨﺎﺱ ﻭ
ﺭﺋﺒﺎﻝ : " ﻗﺎﻃﻌﻮ " ﺁﺵ ﺑﺎﻥ ﻟﻴﻚ ﺗﺨﻮﻱ ﺍﻟﺪﺍﺭ ﻭ ﺍﻟﺤﻲ ﻭ ﺗﺴﻜﻦ ﻓﺒﻼﺻﺔ ﺁﺧﺮﻯ ... ﻻ ﻫﺎﻣﺎﻙ ﻫﻀﺮﺓ ﺍﻟﻨﺎﺱ ﻛﺜﺮ ﻣﻦ ﺣﺎﻟﺔ ﺑﻨﺘﻚ
ﺇﺑﺮﺍﻫﻴﻢ : ﻙ ﻛﻴﻔﺎﺵ ... ﻭﺍﺵ ﻏﺘﺨﺮﺟﻨﻲ ﻣﻦ ﺍﻟﺪﺍﺭ
ﺭﺋﺒﺎﻝ : ﻧﺘﺎ ﺍﻟﻲ ﺑﻐﻴﺘﻲ ... ﻭ ﻟﻜﻦ ﻣﺘﺨﺎﻓﺶ ... ﻻ ﺑﺎﻏﻲ ﺗﺴﻜﻦ ﺣﺘﻰ ﻓﭭﻴﻼ ﻛﻄﻞ ﻋﻠﻰ ﺍﻟﺒﺤﺮ ﻣﻮﺟﻮﺩﺓ ... " ﺑﻨﺒﺮﺓ ﺣﺎﺩﺓ " ﻏﻴﺮ ﻣﺘﺒﻘﺎﺵ ﺗﺤﻮﻡ ﺑﺒﻨﺘﻚ ... ﻭﺟﻮﺩﻙ ﻓﺤﻴﺎﺗﻬﺎ ﻛﻴﻒ ﻋﺪﻣﻮ
ﺇﺑﺮﺍﻫﻴﻢ : ﺍ ﺍﻧﺎ ﻣﺎﺑﻐﻴﺖ ﻭﺍﻟﻮ ... ﻏﻨﻄﻤﺄﻥ ﻻ ﺷﻔﺘﻬﺎ ﺗﺰﻭﺟﺎﺕ ... ﺩﺍﻛﺸﻲ ﺑﺎﺵ ﺟﻴﺖ ... ﻻ ﻃﻴﺤﺘﻮ ﺍﻟﻌﻘﺪ ﻏﻴﻜﻮﻥ ﺃﺣﺴﻦ
ﺭﺋﺒﺎﻝ : ﻟﻮ ﺭﺍﺟﻊ ﻟﻴﺎ ﻧﺘﺰﻭﺝ ﺑﻴﻬﺎ ﺍﻟﻴﻮﻡ ﻗﺒﻞ ﻏﺪﺍ ... ﻟﻜﻦ ﻛﻴﻒ ﺟﺎﺗﻚ ﻧﺘﺎ ... ﺍﻻﻡ ﺩﻳﺎﻟﻬﺎ ﻋﺎﺩ ﻣﺎﺗﺖ ﻭ ﻧﺠﺒﺪﻭ ﻟﻴﻬﺎ ﺍﻟﺰﻭﺍﺝ
ﺇﺑﺮﺍﻫﻴﻢ : ﻑ ﻓﻬﻤﺖ ... ﻭ ﻣﻜﺎﻥ ﻗﺼﺪﻱ ﻭﺍﻟﻮ ... ﻛﻴﻒ ﻫﻲ ﺩﺍﺑﺔ ؟
ﺭﺋﺒﺎﻝ : ﻓﻨﻈﺮﻙ ﻛﻴﻒ ﻏﺘﻜﻮﻥ " ﻗﻄﻊ ﻋﻠﻴﻪ "
ﺧﺒﻂ ﺭﺋﺒﺎﻝ ﺍﻟﻔﻮﻥ ﻣﻊ ﺍﻟﻤﻜﺘﺐ ... ﻫﻀﺮﺓ ﺑﺎﻫﺎ ﺧﻼﺗﻮ ﻳﻔﻮﺭ ... ﻭﻗﺎﺣﺘﻮ ﺍﺳﺘﻔﺰﺍﺕ ﺭﺋﺒﺎﻝ ﺑﺎﻟﻤﻌﻘﻮﻝ ... ﺃﺣﺴﻦ ﺣﺎﺟﺔ ﺩﺍﺭ ﻫﻲ ﺑﻌﺪﻫﺎ ﻋﻠﻴﻪ ... ﻛﻴﻒ ﻏﺘﻜﻮﻥ ﻟﻮ ﺑﻘﺎﺕ ﺟﻨﺒﻮ ﻓﻬﺎﺩ ﺍﻟﻈﺮﻭﻑ ... ﺗﺤﻞ ﻟﺒﺎﺏ ﻭ ﻫﻮ ﻳﻬﺰ ﺭﺍﺳﻮ ﺑﺎﻧﻮ ﻟﻴﻪ ﺍﻟﺪﺭﺍﺭﻱ ﺩﺍﺧﻠﻴﻦ ... ﻛﻼ ﻭﺍﺣﺪ ﭼﻠﺲ ﻓﺠﻬﺔ ...
ﺳﻨﻤﺎﺭ : ﺷﻨﻮ ﺩﺭﺗﻲ ﻣﻊ ﺑﺎﻫﺎ !
ﺇﻟﻴﺎﺱ : ﺃﻧﺎ ﻋﺼﺒﻨﻲ ﻭ ﺍﻟﻠﻪ ... ﻻ ﺑﺤﺎﻝ ﻫﺎﺩ ﺍﻷﺏ ﺑﻼﺵ ﻣﻨﻮ ... ﻗﺎﻟﻴﻚ ﻫﻀﺮﺓ ﺍﻟﻨﺎﺱ !
ﺳﻨﻤﺎﺭ : ﻣﺮﺗﻮ ﻣﺎﺗﺖ ﻭ ﻫﻮ ﻛﻴﻔﻜﺮ ﻓﻬﻀﺮﺓ ﺍﻟﻨﺎﺱ ... ﻭ ﺍﻟﻠﻪ ﺍﻟﻰ ﻣﻄﺮّﺵ ﻫﺎﺩ ﺍﻟﺴﻴﺪ ... ﻛﻴﻔﺎﺵ ﺣﺘﻰ ﻃﻠﻌﺎﺕ ﻋﻨﺪﻭ ﺑﻨﺖ ﺑﺤﺎﻝ ﻫﻜﺎﻙ
ﺃﻟﻴﺎﺱ : ﺭﺍﻙ ﺷﻔﺘﻲ ﻣﻬﺎ ﻛﻴﻒ ﻛﺎﻧﺖ ﺍﻟﻠﻪ ﻳﺮﺣﻤﻬﺎ ... ﻻ ﻋﻼﻗﺔ ﺑﻴﻨﺎﺗﻬﻢ ... ﻓﺎﺵ ﺟﺎ ﻛﻴﻜﺸﻜﺶ ... ﻋﻤﺮ ﻟﺴﻨﻤﺎﺭ ﻭﺟﻬﻮ ﺑﺎﻟﺪﻓﺎﻝ ... ﻛﻨﺖ ﺧﺎﻳﻒ ﻏﺎ ﻳﻌﻄﻴﻪ ﻣﺒﺎﻗﻲ ﻳﻨﻮﺽ
ﺳﻨﻤﺎﺭ : ﺭﺍﻙ ﻋﺎﺭﻑ ﻋﻠﻰ ﻭﺟﻪ ﻣﻦ ﺩﺭﺕ
ﺗﻌﺎﺷﺎﺕ ﺍﻟﻌﺸﻴﺔ ﻭ ﻫﻤﺎ ﻳﻨﻮﺿﻮ ﺍﻟﺪﺭﺍﺭﻱ ﺑﺎﺵ ﻳﻐﺎﺩﺭﻭ ... ﺇﻟﻴﺎﺱ ﺟﺒﺪ ﺍﻟﻔﻮﻥ ﺳﻴﻔﻂ ﻣﻴﺴﺎﺝ ﻟﺰﻳﻨﺐ ﺑﺎﺵ ﺗﻬﺒﻂ ... ﻛﺎﻧﺖ ﭼﺎﻟﺴﺔ ﻣﻊ ﺟﻮﻻﻥ ﻓﺎﻟﺒﻴﺖ ... ﻗﺮﺍﺕ ﻣﻴﺴﺎﺟﻮ ﻭ ﻫﻲ ﺗﻨﻮﺽ ...
ﺯﻳﻨﺐ : ﺣﺒﻴﺒﺘﻲ ﻏﺪﺍ ﻛﻴﻒ ﻧﺴﺎﻟﻲ ﺍﻟﺨﺪﻣﺔ ﻏﻨﺪﻭﺯ ﻋﻨﺪﻙ
ﺟﻮﻻﻥ : ﺑﻠﻤﺎ ﺗﻌﺬﺑﻲ ﺭﺍﺳﻚ ﻛﻞ ﺳﺎﻋﺔ ﺟﺎﻳﺔ ﺣﺘﺎﻝ ﻟﻬﻨﺎ
ﺯﻳﻨﺐ : ﻣﻜﺎﻳﻦ ﺣﺘﻰ ﻋﺬﺍﺏ ... ﻭ ﺯﺍﻳﺪﻭﻥ ﻋﻨﺪﻱ ﻃﺎﻛﺴﻲ ﻛﻮﺭﺳﺔ ... ﻣﺘﺨﻤﻤﻴﺶ " ﺗﺤﻨﺎﺕ ﻋﻠﻴﻬﺎ ﺑﺎﺳﺘﻬﺎ " ﺗﺼﺒﺤﻲ ﻋﻠﻰ ﺧﻴﺮ
ﺟﻮﻻﻥ : ﺗﺼﺒﺤﻲ ﻋﻠﻰ ﺧﻴﺮ
ﺧﺮﺟﺎﺕ ﺯﻳﻨﺐ ﻭ ﻫﺒﻄﺎﺕ ﻟﺘﺤﺖ ... ﻭﺩﻋﺎﺕ ﻻﺣﺒﻴﺒﺔ ﻭ ﺧﺮﺟﺎﺕ ﻟﻠﺨﺎﺭﺝ ﻟﻘﺎﺕ ﺇﻟﻴﺎﺱ ﻛﻴﺘﺴﻨﺎﻫﺎ ﺩﺍﺧﻞ ﺍﻟﺴﻴﺎﺭﺓ ... ﻃﻠﻌﺎﺕ ﻭ ﻫﻮ ﻳﺘﺤﺮﻙ ... ﻏﺎﺩﻳﻴﻦ ﻓﺎﻟﻄﺮﻳﻖ ﺳﺎﻛﺘﻴﻦ ﺣﺘﻰ ﻧﻄﻘﺎﺕ ﺯﻳﻨﺐ ...
ﺯﻳﻨﺐ : ﻋﻨﺪﻱ ﺳﺆﺍﻝ ﻣﺤﻴﺮﻧﻲ
ﺇﻟﻴﺎﺱ : ﺍﻣﺎ ﻫﻮ ؟
ﺯﻳﻨﺐ : ﺍﻟﻤﺪﻳﺮ ﻛﻴﺘﺼﺮﻑ ﺑﻄﺮﻳﻘﺔ ﻣﺨﺘﺎﻟﻔﺔ ﻭ ﻫﻮ ﻣﻊ ﺟﻮﻻﻥ ... ﻓﺎﻷﻭﻝ ﻛﺎﻥ ﻛﻴﺒﺎﻥ ﻟﻴﺎ ﺷﺨﺺ ﻏﺎﻣﺾ ﻭ ﻗﺎﺳﻲ ﻧﻮﻋﺎ ﻣﺎ ... ﻟﺪﺭﺟﺔ ﻛﻨﺖ ﻧﺘﺠﻨﺐ ﻧﺘﻼﻗﻰ ﺑﻴﻪ ﻓﺎﻟﺸﺮﻛﺔ ﻣﻦ ﺩﺍﻛﺸﻲ ﺍﻟﻲ ﺳﻤﻌﺖ ﻣﻦ ﺍﻟﻤﻮﺿﻔﻴﻦ ... " ﺿﺎﺭﺕ ﻋﻨﺪﻭ " ﺍﻷﺷﺨﺎﺹ ﺍﻟﻲ ﻛﻴﻜﻮﻧﻮ ﻫﺎﻛﺔ ... ﺿﺮﻭﺭﻱ ﻛﺘﻜﻮﻥ ﻋﻨﺪﻫﻢ ﺷﻲ ﻋﻘﺪﺓ ﻓﺼﻐﺮﻫﻢ
ﺇﻟﻴﺎﺱ : ﺷﻨﻮ ﺑﺎﻏﺔ ﺗﻘﺼﺪﻱ ﺑﻜﻼﻣﻚ
ﺯﻳﻨﺐ : ﻣﺎﻋﺮﻓﺘﺶ ﻛﻴﻒ ﻧﺸﺮﺡ ... ﻭ ﻟﻜﻦ ﻗﻠﺖ ﻳﻤﻜﻦ ﻭﻗﻌﺎﺕ ﻟﻴﻪ ﺷﻲ ﺣﺎﺟﺔ ﻓﺼﻐﺮﻭ ﺣﺘﻰ ﺭﺟﻊ ﻫﺎﻛﺔ
ﺇﻟﻴﺎﺱ : " ﺣﺒﺲ ﺍﻟﻔﺮﺍﻥ " ﻛﻞ ﻭﺍﺣﺪ ﻭ ﻛﻴﻒ ﺟﺎﺗﻮ ... ﻛﺎﻳﻦ ﺍﻟﻲ ﻋﺎﺵ ﻃﻔﻮﻟﺔ ﻃﺒﻴﻌﻴﺔ ﺑﺤﺎﻟﻚ ... ﻭ ﻛﺎﻳﻦ ﺍﻟﻲ ﻃﻔﻮﻟﺘﻮ ﻣﺎﻛﺮﻫﺶ ﻳﻤﺤﻴﻬﺎ ... ﻭ ﻛﻼ ﻓﻴﻨﺎ ﻛﻴﻒ ﺗﻌﺎﻣﻞ ﻣﻊ ﺍﻟﻈﺮﻭﻑ ﺍﻟﻲ ﻋﺎﺵ ... ﻭ ﺭﺋﺒﺎﻝ ﻣﺎﺷﻲ ﻣﺨﺘﺎﻟﻒ ﻋﻠﻴﻨﺎ ... ﻟﻮ ﻛﻨﺘﻲ ﺗﻌﺮﻓﻴﻪ ﻣﺰﻳﺎﻥ ﻣﻐﺎﺩﻳﺶ ﺗﻘﻮﻟﻲ ﻋﻠﻴﻪ ﻫﺎﺩ ﺍﻟﻬﻀﺮﺓ
ﺯﻳﻨﺐ : " ﺷﺎﻓﺘﻮ ﻛﻴﻔﺎﺵ ﻣﺰﻳﺮ ﺑﻴﺪﻳﻪ ﻋﻠﻰ ﺍﻟﻔﻮﻟﻮﻥ " ﺃﻧﺎ ﻣﺎﻗﺼﺪﺗﺶ ﻫﺎﺩﺷﻲ ... ﻏﻴﺮ
ﺇﻟﻴﺎﺱ : ﺯﻳﻨﺐ ﺗﺼﺒﺤﻲ ﻋﻠﻲ ﺧﻴﺮ
ﺩﻭﺭﺍﺕ ﻭﺟﻬﺎ ﻟﻘﺎﺕ ﺑﻠﻲ ﻭﺍﻗﻔﻴﻦ ﻓﺮﺍﺱ ﺩﺭﺑﻬﻢ ... ﻫﺰﺍﺕ ﺻﺎﻛﻬﺎ ﺣﻼﺕ ﻟﺒﺎﺏ ﻭ ﻫﺒﻄﺎﺕ ... ﺑﻐﺎﺕ ﺗﻘﻮﻝ ﻟﻴﻪ ﺑﻮﻧﻮﻱ ﻭ ﻫﻮ ﻳﺰﻳﺪ ﻃﺎﻳﺮ ... ﻣﺎﻓﻬﻤﺎﺕ ﻭﺍﻟﻮ ... ﻋﻼﺵ ﺗﻌﺼﺐ ﻣﻦ ﻛﻼﻣﻬﺎ ﻓﺠﺄﺓ ... ﻫﻲ ﻣﻦ ﺣﺸﺮﻳﺘﻬﺎ ﻛﺎﻧﺖ ﺑﺎﻏﺔ ﺗﻌﺮﻑ ﻗﺼﺔ ﺭﺋﺒﺎﻝ ﻣﻨﻮ ﻫﻮ ... ﺑﻤﺎ ﺃﻧﻬﻢ ﺻﺤﺎﺏ ﻣﻦ ﻭﻗﺖ ﻃﻮﻳﻞ ... ﻣﻈﻨﺎﺗﺶ ﺍﻥ ﺍﻟﻴﺎﺱ ﺍﻟﻲ ﻛﻴﻘﻮﻟﻬﺎ ﻭ ﻳﻀﺤﻚ ﻋﻠﻴﻬﺎ ﻏﻴﻨﻔﺎﻋﻞ ﻫﺎﻛﺔ ... ﺗﻮﺟﻬﺎﺕ ﻟﺪﺍﺭﻫﻢ ﻭ ﻫﻲ ﻛﺘﺮﺍﺟﻊ ﺷﻨﻮ ﻗﺎﻟﺖ ﻭ ﻓﺎﺵ ﺧﻄﺂﺕ ...
🍂 ﻳﻮﻡ ﺟﺪﻳﺪ ...
ﭼﺎﻟﺴﺔ ﺟﻮﻻﻥ ﻣﻊ ﻻﺣﺒﻴﺒﺔ ﻓﺎﻟﺠﺮﺩﺓ ﻛﻴﻔﻄﺮﻭ ... ﻛﻴﻒ ﻛﻤﻼﺕ ﻃﻠﻌﺎﺕ ﻟﺒﻴﺖ ﻟﻔﻮﻕ ... ﺑﻘﺎﺕ ﭼﺎﻟﺴﺔ ﻓﺎﻟﻐﺮﻓﺔ ﺑﻮﺣﺪﻫﺎ ... ﺷﻮﻳﺔ ﻧﺎﺿﺖ ﻟﺒﺴﺎﺕ ﻋﻠﻴﻬﺎ ﺟﺎﻛﻴﻂ ... ﻫﺰﺍﺕ ﺷﻲ ﻓﻠﻮﺱ ﺩﺍﺭﺗﻬﻢ ﻓﺠﻴﺒﻬﺎ ... ﻧﺰﻻﺕ ﻭ ﺧﺮﺟﺎﺕ ﻣﻦ ﺍﻟﭭﻴﻼ ... ﺗﻤﺸﺎﺕ ﻣﺴﺎﻓﺔ ﻋﺎﺩ ﻟﻘﺎﺕ ﻃﺎﻛﺴﻲ ... ﻃﻠﻌﺎﺕ ﻭ ﻗﺎﻟﺖ ﻟﻴﻪ ﺍﻟﻤﻜﺎﻥ ... ﺍﻧﻄﺎﻟﻖ ﺍﻟﻄﺎﻛﺴﻲ ﻭ ﺳﻴﺎﺭﺓ ﺗﺎﺑﻌﺎﻩ ﻣﻦ ﺍﻟﺨﻠﻒ ...
ﺧﺮﺝ ﺭﺋﺒﺎﻝ ﻣﻦ ﻏﺮﻓﺔ ﺍﻹﺟﺘﻤﺎﻋﺎﺕ ﻭ ﺗﻮﺟﻪ ﻟﻤﻜﺘﺒﻮ ... ﺩﺧﻞ ﻭ ﻫﻮ ﻳﻠﻤﺢ ﻃﺮﺩ ﻓﻮﻕ ﺍﻟﻤﻜﺘﺐ ... ﻗﺮﺏ ﻫﺰﻭ ﻛﻴﻘﻠﺐ ﻓﻴﻪ ﻣﻜﺎﻥ ﻣﻜﺘﻮﺏ ﻋﻠﻴﻪ ﻭﺍﻟﻮ ... ﺣﻠﻮ ﻭ ﺟﺒﺪ ﻋﻠﺒﺔ ﺻﻐﻴﺮﺓ ... ﺑﺎﻧﺖ ﻟﻴﻪ ﻭﺭﻗﺔ ﺩﺍﺧﻞ ﺍﻟﻄﺮﺩ ﺟﺒﺪﻫﺎ ... ﻫﺰﻫﺎ ﻛﻴﻘﺮﺍ ﻓﻴﻬﺎ ...
"" ﻫﺬﺍ ﺍﻟﻜﺎﺿﻮ ﺍﻷﻭﻝ ... ﺍﻟﺜﺎﻧﻲ ﺟﺎﻱ ﻓﺎﻟﻄﺮﻳﻖ ""
ﺣﻂ ﺍﻟﻮﺭﻗﺔ ﻭ ﺣﻞ ﺍﻟﻌﻠﺒﺔ ﻟﻘﺎ ﻭﺳﻄﻬﺎ ' USB ' ... ﺿﺎﺭ ﭼﻠﺲ ﻭ ﺧﺸﺎ ﻟﻜﻠﻲ ﻓﻠﺒﻴﺴﻲ ﻭ ﻫﻮ ﻳﻄﻠﻊ ﻟﻴﻪ ﭬﻴﺪﻳﻮ ... ﺿﻐﻂ ﻋﻠﻰ ﻟﭭﻴﺪﻳﻮ ﻛﻴﺘﻔﺮﺝ ﻓﻴﻪ ... ﺩﻏﻴﺎ ﺗﺒﺪﻟﻮ ﺍﻟﺘﻌﺎﺑﻴﺮ ﺩﻳﺎﻝ ﻭﺟﻬﻮ ... ﻋﻨﻴﻪ ﺭﺟﻌﻮ ﺣﻤﺮﻳﻦ ﻭ ﻓﻜﻮ ﺗﺰﻳﺮ ... ﻭ ﻫﻮ ﻛﻴﺸﻮﻑ ﺷﻨﻮ ﻣﺼﻮﺭﺓ ﺍﻟﻜﺎﻣﻴﺮﺍ ﺍﻷﻣﺎﻣﻴﺔ ﺩﻳﺎﻝ ﺍﻟﺴﻴﺎﺭﺓ ﺍﻟﻲ ﺧﺒﻄﺎﺕ ﺣﻔﻴﻀﺔ ... ﺍﻟﻤﺸﻬﺪ ﻛﻴﺘﻌﺎﻭﺩ ﺷﺤﺎﻝ ﻣﻦ ﻣﺮﺓ ... ﻛﻴﻔﺎﺵ ﺿﺮﺑﺎﺗﻬﺎ ﺍﻟﻠﻮﻃﻮ ﺣﺘﻰ ﺗﻬﺰﺍﺕ ﻟﻔﻮﻕ ﻭ ﺗﺨﺒﻄﺎﺕ ﻓﻠﺮﺽ ... ﺑﻘﺎ ﻣﺨﺮﺝ ﻋﻨﻴﻪ ﻓﺒﻘﻌﺔ ﺍﻟﺪﻡ ﻓﺎﻟﺰﺍﺟﺔ ﺍﻟﻲ ﺗﻀﺮﺏ ﺭﺍﺳﻬﺎ ﻣﻌﻬﺎ ...
ﻭﻗﻒ ﻭ ﻫﺰ ﻟﺒﻴﺴﻲ ﺯﻑ ﺑﻴﻪ ﺣﺘﻰ ﺗﻘﺴﻢ ﻋﻠﻰ ﺟﻮﺝ ... ﺩﻭﺯ ﻳﺪﻭ ﻋﻠﻰ ﺷﻌﺮﻭ ﺑﻌﺼﺒﻴﺔ ... ﺻﺪﺭﻭ ﻛﻴﻄﻠﻊ ﻭ ﻳﻬﺒﻂ ﻭ ﻋﺮﻭﻕ ﻋﻨﻘﻮ ﺑﺎﺭﺯﻳﻦ ... ﺭﺟﻊ ﺷﺨﺺ ﺁﺧﺮ ...
ﺭﺋﺒﺎﻝ : " ﺑﻴﻦ ﺳﻨﺎﻧﻮ " ﻏﻨﻘﺘﻠﻮﻭﻭﻭ
ﻫﺰ ﻟﻔﻴﻜﺲ ﻋﻴﻂ ﻋﻠﻰ ﺑﻬﺎﺀ ﺍﻟﻲ ﺟﺎ ﻋﻠﻰ ﻭﺟﻪ ﺍﻟﺴﺮﻋﺔ ... ﺩﻕ ﻓﺎﻟﺒﺎﺏ ﻗﺒﻞ ﻣﺎ ﻳﺪﺧﻞ ... ﻏﻴﺮ ﻭﺻﻞ ﻋﻨﺪ ﺭﺋﺒﺎﻝ ﺷﻨﻖ ﻋﻠﻴﻪ ﻣﻦ ﻋﻨﻘﻮ ﻟﺼﻘﻮ ﻣﻊ ﺍﻟﺨﺰﺍﻧﺔ ...
ﺭﺋﺒﺎﻝ : ﺷﻜﻮﻥ ﺟﺎﺏ ﻫﺎﺩ ﺍﻟﻄﺮﺩ ؟
ﺑﻬﺎﺀ : " ﻛﻴﻬﻀﺮ ﺑﺼﻌﻮﺑﺔ " ﺍ ﺍﻟﺴﻜﺮﺗﻴﺮﺓ ﺍﻟﻌﺎﻣﺔ ﻣﺪﺍﺗﻮ ﻟﻴﺎ
ﺭﺋﺒﺎﻝ : " ﻃﻠﻖ ﻣﻨﻮ " ﺍﻣﺘﻰ ﻋﻄﺎﺗﻮ ﻟﻴﻚ ؟
ﺑﻬﺎﺀ : " ﺷﺎﺩ ﻓﻌﻨﻘﻮ " ﺷﻲ ﻧﺺ ﺳﺎﻋﺔ ... ﻣﺎﻛﻨﺘﺶ ﻋﺎﺭﻑ ﻭﺍﺵ ﻣﻬﻢ ... ﺃﻣﺎ ﻛﻨﺖ ﺩﺧﻠﺘﻮ ﻟﻴﻚ ﻟﻺﺟﺘﻤﺎﻉ
ﺭﺋﺒﺎﻝ : " ﺯﻳﺮ ﻋﻠﻰ ﻋﻨﻴﻪ " ﺃﺭﺍ ﻟﻜﻠﻲ
ﺩﻭﺭ ﺑﻬﺎﺀ ﻭﺟﻬﻮ ﺑﺎﻥ ﻟﻴﻪ ﻟﺒﺴﻲ ﻣﺸﺘﺖ ﻓﻠﺮﺽ ... ﻟﻤﺢ ﻟﻜﻠﻲ ﻣﻠﻴﻮﺣﺔ ﻫﺰﻫﺎ ﻭ ﻣﺪﻫﺎ ﻟﺮﺋﺒﺎﻝ ﻭﺭﺟﻊ ﺑﺎﻟﻠﻮﺭ ... ﺗﻢ ﺧﺎﺭﺝ ﺭﺋﺒﺎﻝ ﺣﻞ ﻟﺒﺎﺏ ﻭ ﺯﺩﺣﻮ ﺑﺎﻟﺠﻬﺪ ﺣﺘﻰ ﻗﻔﺰ ﺑﻬﺎﺀ ﻣﻦ ﺑﻼﺻﺘﻮ ... ﻋﻤﺮﻭ ﺷﺎﻓﻮ ﻫﺎﻛﺔ ﻭﺍﺧﺔ ﻳﻮﻗﻊ ﺍﻟﻲ ﻳﻮﻗﻊ ... ﻧﺰﻝ ﺭﺋﺒﺎﻝ ﻓﺎﻟﻤﺼﻌﺪ ... ﻃﻠﻊ ﻓﺎﻟﻠﻮﻃﻮ ﻭ ﺯﺍﺩ ﻣﻨﻴﺮ ...
ﻭﺻﻞ ﻭ ﺩﺧﻞ ﻟﭭﻴﻼ ... ﻃﻠﻊ ﻟﻔﻮﻕ ﻭ ﺗﻮﺟﻪ ﻣﺒﺎﺷﺮﺓ ﻟﺒﻴﺖ ﺟﻮﻻﻥ ... ﺣﻞ ﻟﺒﺎﺏ ﻛﻴﻘﻠﺐ ﻋﻠﻴﻬﺎ ... ﻣﻨﻴﻦ ﻣﻠﻘﻬﺎﺵ ﻓﺎﻟﺤﻤﺎﻡ ﻭ ﺍﻟﺪﺭﻳﺴﻴﻨﻎ ﺧﺮﺝ ﺑﺴﺮﻋﺔ ﻭ ﻫﺒﻂ ﻟﺘﺤﺖ ... ﻋﻴﻂ ﻋﻠﻰ ﻧﻮﺍﻝ ﺑﺼﻮﺕ ﻣﺮﺗﺎﻓﻊ ﺳﻮﻟﻬﺎ ﻋﻠﻴﻬﺎ ... ﺧﺒﺮﺍﺗﻮ ﺑﻠﻲ ﻣﺸﺎﻓﺘﻬﺎﺵ ... ﺗﻮﺟﻪ ﻟﺒﻴﺖ ﻻﺣﺒﻴﺒﺔ ﺩﺧﻞ ﻟﻘﺎﻫﺎ ﺑﻮﺣﺪﻫﺎ ... ﺑﺪﻭﻥ ﻣﺎﻳﻘﻮﻝ ﻭﺍﻟﻮ ﺧﺮﺝ ﻋﻮﺗﺎﻧﻲ ... ﻃﻠﻊ ﻓﺴﻴﺎﺭﺗﻮ ﻭ ﻛﺴﻴﺮﺍ ... ﻓﻜﺮﺓ ﺃﻥ ﺟﻮﻻﻥ ﺗﻜﻮﻥ ﺷﺎﻓﺖ ﺍﻟﭭﻴﺪﻳﻮ ﻭ ﻻ ﺗﻜﻮﻥ ﻭﻗﻌﺎﺕ ﻟﻴﻬﺎ ﺷﻲ ﺣﺎﺟﺔ ... ﺧﻼﺗﻮ ﻳﻔﻘﺪ ﺃﻋﺼﺎﺑﻮ ... ﻏﺎﺩﻱ ﺳﺎﻳﻖ ﻓﺎﻟﻄﺮﻳﻖ ﺑﺴﺮﻋﺔ ﻣﺨﻴﻔﺔ ...
ﭼﺎﻟﺴﺔ ﻓﺎﻟﻜﻮﻟﻮﺍﺭ ﻛﺘﺸﻮﻑ ﻓﺎﻟﺸﺎﻧﻄﻲ ... ﻓﻨﻔﺲ ﺍﻟﺒﻘﻌﺔ ﺍﻟﻲ ﻣﺎﺗﺖ ﻓﻴﻬﺎ ﻣﻬﺎ ... ﻣﺎﻋﺮﻓﺎﺗﺶ ﻛﻴﻔﺎﺵ ﺣﺘﻰ ﺟﺎﺑﻮﻫﺎ ﺭﺟﻠﻴﻬﺎ ﻟﻬﻨﺎ ﻭ ﻻ ﻋﻼﺵ ﺟﺎﺕ ... ﺩﻭﺯﺍﺕ ﻳﺪﻳﻬﺎ ﻛﺘﻤﺴﺢ ﺩﻣﻮﻋﻬﺎ ﺍﻟﻲ ﻣﺒﻐﺎﻭﺵ ﻳﺘﻮﻗﻔﻮ ...
ﻳﺎﻣﻦ ﺍﻟﻲ ﻛﺎﻥ ﻭﺍﻗﻒ ﻗﺪﺍﻡ ﭬﻴﻼ ﺩﻳﺎﻝ ﺭﺋﺒﺎﻝ ... ﺷﺎﻓﻬﺎ ﺧﺮﺟﺎﺕ ﻭ ﺗﺒﻌﻬﺎ ... ﻭﺍﻗﻒ ﺑﺎﻟﺴﻴﺎﺭﺓ ﺩﻳﺎﻟﻮ ﺟﻨﺐ ﺍﻟﻄﺮﻳﻖ ﻣﺮﺍﻗﺒﻬﺎ ... ﺑﺎﻧﺖ ﻟﻴﻪ ﻛﺘﺒﻜﻲ ﺣﻞ ﻟﺒﺎﺏ ﻭ ﻫﺒﻂ ... ﻭﻗﻒ ﻗﺪﺍﻣﻬﺎ ... ﻫﺰﺍﺕ ﺟﻮﻻﻥ ﻋﻨﻴﻬﺎ ﺷﺎﻓﺘﻮ ﻭ ﻫﻲ ﺗﻨﻮﺽ ...
ﻳﺎﻣﻦ : " ﻛﻴﺸﻮﻑ ﻓﻴﻬﺎ " ﺍﻟﺒﺮﻛﺔ ﻓﺮﺍﺳﻚ
ﺳﻤﻌﺎﺕ ﺷﻨﻮ ﻗﺎﻝ ﻭ ﻫﻲ ﺗﻨﻔﺎﺟﺮ ﺑﺎﻟﺒﻜﺎ ... ﺣﻄﺎﺕ ﻳﺪﻳﻬﺎ ﻋﻠﻰ ﻭﺟﻬﺎ ﻛﺘﺸﻬﻖ ... ﻫﺎﺩ ﺍﻟﻌﺒﺎﺭﺓ ﻣﺰﺍﻝ ﻣﺎﻗﺎﺩﺭﺓ ﺗﺴﺘﻮﻋﺒﻬﺎ ... ﻛﺮﻫﺎﺗﻬﺎ ﻣﻦ ﻛﺘﺮﺓ ﻣﺎ ﺳﻤﻌﺎﺗﻬﺎ ﻳﻮﻡ ﺍﻟﺠﻨﺎﺯﺓ ... ﺣﺎﻟﺘﻬﺎ ﺿﺮﺍﺗﻮ ﻓﺨﺎﻃﺮﻭ ... ﻗﺮﺏ ﻋﻨﺪﻫﺎ ﻳﺎﻣﻦ ﻭ ﻋﻨﻘﻬﺎ ...
ﺗﺤﺒﺲ ﻓﺮﺍﻥ ﺳﻴﻚ ﻋﻨﺪ ﺭﺟﻠﻴﻬﻢ ... ﻫﺰ ﻳﺎﻣﻦ ﺭﺍﺳﻮ ﺷﺎﻑ ﻓﺎﻟﺴﻴﺎﺭﺓ ﺍﻟﻲ ﻇﻦ ﻟﻮﻫﻠﺔ ﻏﺪﻭﺯ ﻓﻴﻬﻢ ... ﺑﺎﻥ ﻟﻴﻪ ﺭﺋﺒﺎﻝ ﻣﻦ ﻭﺭﺍ ﺍﻟﻤِﻘﻮﺩ ... ﻗﺒﻞ ﻣﺎ ﻳﺤﻠﻞ ﻳﺎﻣﻦ ﻣﻼﻣﺢ ﻭﺟﻪ ﺭﺋﺒﺎﻝ ﻭ ﻧﻈﺮﺍﺗﻮ ... ﻛﺎﻥ ﺭﺋﺒﺎﻝ ﻧﺰﻝ ﻭ ﻗﺼﺪﻫﻢ ... ﺟﺮ ﺟﻮﻻﻥ ﺑﻘﻮﺓ ﻟﻌﻨﺪﻭ ﻭ ﻫﻮ ﻛﻴﺸﻮﻑ ﻓﻴﺎﻣﻦ ... ﻫﺎﺩ ﺍﻷﺧﻴﺮ ﺍﻟﻲ ﻛﺎﻥ ﻛﻴﺒﺎﺩﻟﻮ ﻧﻈﺮﺍﺕ ﺗﺤﺪﻱ ... ﻋﺎﺭﻑ ﻣﺎﺷﻲ ﻣﻦ ﺣﻘﻮ ﻳﺤﻂ ﻳﺪﻭ ﻋﻠﻴﻬﺎ ﻟﻜﻦ ﻓﻜﺮﺓ ﺃﻧﻮ ﻳﺴﺘﺎﻓﺰ ﺭﺋﺒﺎﻝ ﺧﻼﺗﻮ ﻣﺎﻳﺒﻌﺪﺵ ﻓﺎﺵ ﻟﻤﺤﻮ ... ﺑﺎﻏﻴﻪ ﻳﺪﻳﺮ ﺃﻱ ﺣﺮﻛﺔ ﺑﺎﺵ ﻳﻘﺮﺍﻩ ... ﻭﺍﺵ ﻣﻤﻜﻦ ﻳﻘﺪﺭ ﻳﺄﺛﺮ ﻓﻴﻪ ...
ﺟﻮﻻﻥ ﻭﺳﻂ ﺩﻣﻮﻋﻬﺎ ﻫﺰﺍﺕ ﻋﻨﻴﻬﺎ ﻓﺮﺋﺒﺎﻝ ... ﻛﺘﺸﻮﻑ ﻓﻔﻜﻮ ﺍﻟﻤﺘﺼﻠﺐ ﻭ ﺍﻟﺸﺪﺓ ﺍﻟﻲ ﻣﺰﻳﺮ ﺑﻴﻬﺎ ﻋﻠﻰ ﺩﺭﺍﻋﻬﺎ ... ﻋﺮﻓﺎﺕ ﺃﻧﻪ ﻣﻤﻜﻦ ﻓﻬﻢ ﺍﻟﻤﻮﻗﻒ ﻏﻠﻂ ... ﺑﻐﺎﺕ ﺗﻬﻀﺮ ﺣﺘﻰ ﺷﺎﻓﺘﻮ ﺟﺮﻫﺎ ﻣﻦ ﻭﺭﺍﻩ ... ﺣﻞ ﺑﺎﺏ ﺍﻟﻠﻮﻃﻮ ﻭ ﺩﻓﻌﻬﺎ ﺩﺍﺧﻠﻬﺎ ... ﺿﺤﻚ ﻳﺎﻣﻦ ﺑﺠﻨﺐ ﻋﻠﻰ ﺑﺮﻭﺩﺓ ﺃﻋﺼﺎﺏ ﺭﺋﺒﺎﻝ ... ﺣﺘﻰ ﻟﻮ ﻛﺎﻥ ﺷﺨﺺ ﺫﻛﻲ ﻭ ﻗﺮﺭ ﻣﺎﻳﻤﺪﺵ ﻳﺪﻭ ﻋﻠﻰ ﻇﺎﺑﻂ ... ﻟﻜﻦ ﻟﻮ ﻛﺎﻥ ﻫﻮ ﻓﺒﻼﺻﺘﻮ ﻭ ﺷﺎﻑ ﺧﻄﻴﺒﺘﻮ ﺑﻴﻦ ﻳﺪﻳﻦ ﺷﺨﺺ ﺁﺧﺮ ﻣﻜﺎﻧﺶ ﺗﺼﺮﻑ ﻫﺎﻛﺔ ...
ﺷﺎﻑ ﻛﻴﻔﺎﺵ ﺧﺒﻂ ﻟﺒﺎﺏ ﻋﻠﻰ ﺟﻮﻻﻥ ... ﻇﻦ ﺃﻧﻪ ﻏﻴﻐﺎﺩﺭ ﺣﺘﻰ ﺑﺎﻥ ﻟﻴﻪ ﺭﺋﺒﺎﻝ ﺟﺎﻱ ﺟﻬﺘﻮ ﺑﺎﻧﺪﻓﺎﻉ ... ﺭﺋﺒﺎﻝ ﻛﻴﻒ ﻭﺻﻞ ﻋﻨﺪﻭ ﻧﺰﻝ ﻋﻠﻴﻪ ﺑﻠﻜﻤﺔ ﻟﻮﺟﻬﻮ ﺣﺘﻰ ﺩﺍﺭ ... ﺷﺪﻭ ﻣﻦ ﺍﻟﻜﻮﻝ ﻗﺮﺑﻮ ﻋﻨﺪﻭ ﻭ ﻫﻀﺮ ﺑﻨﺒﺮﺓ ﻫﺎﺩﺋﺔ ...
ﺭﺋﺒﺎﻝ : ﻟﻤﺮﺓ ﺍﻟﺠﺎﻳﺔ ﻗﺒﻞ ﻣﺎﺗﺒﻐﻲ ﺗﻌﻨﻖ ﻓﻜﺮ ﻓﻴﻬﺎ ﻣﺰﻳﺎﻥ ... ﻳﻤﻜﻦ ﺗﻄﻴﺢ ﻣﻊ ﻭﺍﺣﺪ ﺳﺎﻳﻜﻮ ﻳﻄﻴﺮ ﻟﻴﻚ ﻳﺪﻳﻚ ﻗﺒﻞ ﺣﺘﻰ ﻣﺎ ﻳﻬﻀﺮ ... " ﻧﻌﺖ ﻟﻴﻪ ﺑﺮﺍﺳﻮ ﻓﺎﻟﺠﻬﺔ ﺍﻟﻤﻘﺎﺑﻠﺔ " ﺭﺍﻩ ﺍﻟﻜﺎﻣﻴﺮﺍ ﻣﻦ ﺩﻳﻚ ﺍﻟﺠﻴﻪ ... ﻏﺪﺍ ﻏﻨﺘﺴﻨﻰ ﺍﻟﺪﻋﻮﺓ ﺍﻟﻲ ﻏﺘﺴﻴﻔﻂ
ﻃﻠﻖ ﻣﻨﻮ ﻭ ﺗﺤﺮﻙ ﻓﺎﺗﺠﺎﻩ ﺍﻟﺴﻴﺎﺭﺓ ... ﻃﻠﻊ ﻭ ﺯﺍﺩ ﻣﻜﺴﻴﺮﻱ ... ﺟﻮﻻﻥ ﭼﺎﻟﺴﺔ ﺻﺎﻗﻠﺔ ﺑﺎﻟﻜﺎﺩ ﻛﻄﻠﻊ ﺍﻟﻨﻔﺲ ... ﻛﻴﻔﺎﺵ ﺣﺘﻰ ﺗﺤﻄﺎﺕ ﻓﻤﻮﻗﻒ ﺑﺤﺎﻝ ﻫﺬﺍ ... ﻛﺎﻧﺖ ﻛﺘﺒﻜﻲ ﻭ ﻣﺎﻋﺮﻓﺎﺕ ﺍﻣﺘﻰ ﻋﻨﻘﻬﺎ ﻳﺎﻣﻦ ... ﻫﻤﺎ ﺃﺻﻼ ﻣﺎ ﻣﻘﺮﺑﻴﻨﺶ ... ﺟﻴﺮﺍﻥ ﻭ ﻛﺒﺮﻭ ﻓﺤﻮﻣﺔ ﻭﺣﺪﺓ ... ﺑﻴﻨﻬﺎ ﻭ ﺑﻴﻨﻮ ﻏﻴﺮ ﺍﻟﺴﻼﻡ ... ﺣﺘﻰ ﺍﻟﺤﺮﻛﺔ ﺍﻟﻲ ﺩﺍﺭ ﻏﺘﻜﻮﻥ ﻏﻴﺮ ﻟﻤﻮﺍﺳﺎﺗﻬﺎ ... ﺑﻐﺎﺕ ﺗﻨﻄﻖ ﻭ ﺗﻔﺴﺮ ﺳﻮﺀ ﺍﻟﺘﻔﺎﻫﻢ ﻟﻜﻦ ﻣﺎﻗﺪﺭﺍﺗﺶ ... ﻣﺰﺍﻝ ﻋﻨﺪﻫﺎ ﺗﺨﻮﻑ ﻛﺒﻴﺮ ﻣﻦ ﺭﺩ ﻓﻌﻞ ﺭﺋﺒﺎﻝ ... ﺣﺘﻰ ﺍﻟﻄﺮﻳﻘﺔ ﺑﺎﺵ ﺳﺎﻳﻖ ﺑﺎﻳﻨﺔ ﺑﻠﻲ ﻣﻌﺼﺐ ...
ﻟﺰﻣﺎﺕ ﺍﻟﺼﻤﺖ ﻭ ﺑﻘﺎﺕ ﻛﺘﺸﻮﻑ ﻓﺎﻟﻄﺮﻳﻖ ﺣﺘﻰ ﺑﺎﻥ ﻟﻴﻬﺎ ﺧﺮﺝ ﻋﻠﻰ ﺍﻟﻤﺪﻳﻨﺔ ... ﺍﻟﻄﺮﻳﻖ ﺟﺎﺗﻬﺎ ﻣﺄﻟﻮﻓﺔ ... ﻏﻴﺮ ﺑﺎﻧﺖ ﻟﻴﻬﺎ ﺍﻟﺪﺍﺭ ﻋﺮﻓﺎﺕ ﻟﻔﻴﻦ ﺟﺎﻭ ... ﺍﻟﻤﺮﺓ ﺍﻟﻲ ﻓﺎﺕ ﺟﺎﻭ ﺑﺎﻟﻠﻴﻞ ﺩﺍﻛﺸﻲ ﻋﻼﺵ ﻣﺎﻣﻴﺰﺍﺗﻬﺎﺵ ﻓﺎﻟﺒﻼﺻﺔ ...
ﺣﻞ ﻟﺒﺎﺏ ﻫﺒﻂ ﻭ ﺿﺎﺭ ﻋﻨﺪﻫﺎ ... ﺟﺮﻫﺎ ﻣﻦ ﻳﺪﻳﻬﺎ ﻭ ﻣﺸﺎﻓﺶ ﻓﻴﻬﺎ ﻣﺮﺓ ﻭﺣﺪﺓ ... ﺩﺧﻠﻮ ﻟﻠﺪﺍﺭ ﻭ ﻃﻠﻌﻮ ﻣﻊ ﺍﻟﺪﺭﺝ ﻟﻠﻄﺎﺑﻖ ﺍﻟﺜﺎﻧﻲ ... ﺣﻞ ﺑﺎﺏ ﻏﺮﻓﺘﻮ ﻭ ﺩﻓﻌﻬﺎ ﻟﻠﺪﺍﺧﻞ ... ﺗﻢ ﺧﺎﺭﺝ ﻭ ﻫﻲ ﺗﻌﻴﻂ ﻋﻠﻴﻪ ...
ﺟﻮﻻﻥ : ﺭﺋﺒﺎﺍﺍﻝ
ﻛﺎﻧﺖ ﺃﻭﻝ ﻣﺮﺓ ﺗﻨﺎﺩﻳﻪ ﺑﺎﺳﻤﻮ ... ﻭﻗﻒ ﺳﺪ ﻋﻨﻴﻪ ﺯﻳﺮ ﻋﻠﻴﻬﻢ ... ﺭﺟﻊ ﻓﺘﺤﻬﻢ ﻭ ﺩﺍﺭ ﻟﻌﻨﺪﻫﺎ ... ﻗﺮﺑﺎﺕ ﺑﺨﻄﻮﺍﺕ ﻣﺘﺮﺩﺩﺓ ﻭ ﻭﻗﻔﺎﺕ ﻣﻘﺎﺑﻠﺔ ﻣﻌﺎﻩ ...
ﺟﻮﻻﻥ : ﻣﺸﻴﺖ ﻟﻠﺪﺍﺭ ﻭ ﺩﺧﻠﺖ ﻛﻨﻘﻠﺐ ... ﻗﻠﺖ ﻏﻨﻠﻘﻰ ﻣﺎﻣﺎ ﻓﺎﻟﺒﻴﺖ ﻭ ﻻ ﺍﻟﻜﻮﺯﻳﻨﺔ ... ﻗﻠﺒﺖ ﮔﺎﻉ ﺍﻟﺪﺍﺭ ﻛﺄﻧﻲ ﻏﻨﻠﻘﺎﻫﺎ " ﺗﺤﺠﺮﻭ ﺍﻟﺪﻣﻮﻉ ﻓﻌﻨﻴﻬﺎ " ﺭﺟﻌﺖ ﺧﺮﺟﺖ ﻭ ﻣﺎﺣﺴﻴﺖ ﺣﺘﻰ ﻟﻘﻴﺖ ﺭﺍﺳﻲ ﺟﻨﺐ ﺍﻟﻄﺮﻳﻖ " ﻣﺴﺤﺎﺕ ﺍﻟﺪﻣﻌﺔ ﺍﻟﻲ ﻧﺰﻻﺕ " ﻫﺎﺩﺍﻙ ﺍﻟﻲ ﻛﺎﻥ ﻣﻌﻴﺎ ﻭﻟﺪ ﺟﻴﺮﺍﻧﺎ ... ﻣﻨﻴﻦ ﺷﺎﻓﻨﻲ ﻛﻨﺒﻜﻲ ﻭ ﻫﻮ
ﺭﺋﺒﺎﻝ : " ﻛﻼﻣﻬﺎ ﻋﻠﻰ ﻣﻬﺎ ﻏﻴﺮ ﻣﺰﺍﺩ ﻋﻠﻴﻪ " ﺧﻠﻴﻚ ﻫﻨﺎ ﺣﺘﻰ ﻧﺮﺟﻊ ... ﻣﺘﺨﺮﺟﻴﺶ ﻣﻦ ﻫﺎﺩ ﺍﻟﺒﻴﺖ ﺗﺤﺖ ﺃﻱ ﻇﺮﻑ
ﺟﻮﻻﻥ : ﻋﻼﺵ ... ﺷﻨﻮ ﻭﺍﻗﻊ ؟
ﺭﺋﺒﺎﻝ : ﻣﻐﺎﺩﻳﺶ ﻧﺘﻌﻄﻞ
ﺧﺮﺝ ﺳﺪ ﻟﺒﺎﺏ ﻭ ﺑﻘﺎ ﻭﺍﻗﻒ ﺷﺤﺎﻝ ﻓﺎﻟﻜﻮﻟﻮﺍﺭ ﻛﻴﺸﻮﻑ ﻓﺒﺎﺏ ﺍﻟﻤﻜﺘﺐ ... ﺣﻂ ﻳﺪﻭ ﻋﻠﻰ ﻟﭙﻮﺍﻧﻲ ﺣﻠﻮ ﻭ ﺩﺧﻞ ... ﺩﻭﺯ ﺍﻟﺼﺎﻗﻄﺔ ﻭ ﺗﻮﺟﻪ ﻟﺠﻬﺔ ﺍﻟﻠﻮﺣﺔ ... ﺣﻂ ﻳﺪﻭ ﻋﻠﻰ ﻟﻜﺘﺎﺏ ﻭ ﻫﻲ ﺗﺤﻴﺪ ﻣﻦ ﻣﻜﺎﻧﻬﺎ ... ﺑﻘﺎ ﻭﺍﻗﻒ ﻛﻴﺸﻮﻑ ﻓﺠﺎﺑﺮ ﺍﻟﻲ ﺑﺪﻭﺭﻭ ﻫﺰ ﺭﺍﺳﻮ ﺷﺎﻑ ﻓﻴﻪ ...
ﺟﺎﺑﺮ : ﻗﻼﻟﺖ ﺯﻳﺎﺭﺗﻚ ﻣﺆﺧﺮﺍ
ﺭﺋﺒﺎﻝ : ﺗﺮﺩﺩﺕ ﻣﺮﺓ ﻭﺣﺪﺓ ﻭ ﻧﺪﻣﺖ ﻋﻠﻴﻬﺎ ... ﻛﺎﻥ ﻋﻠﻴﺎ ﻧﻘﺘﻠﻮ ﺳﺎﻋﺘﻬﺎ
ﺟﺎﺑﺮ : " ﻋﺮﻑ ﺷﻜﻮﻥ ﻗﺼﺪ " ﻋﻼﺵ ﺑﺎﻏﻲ ﺧﻮﻙ ﻳﺨﻠﺺ ﺧﻄﺄ ﺃﺷﺨﺎﺹ ﺁﺧﺮﻳﻦ ... ﻋﻼﺵ ﺣﺎﻗﺪ ﻋﻠﻴﻪ ﻟﻬﺎﺩ ﺍﻟﺪﺭﺟﺔ !
ﺭﺋﺒﺎﻝ : ﻛﻦ ﻛﻨﺖ ﺣﺎﻗﺪ ﻋﻠﻴﻪ ﻛﻨﺖ ﺗﺒﻌﺘﻮ ﻟﻤﻮ ﻓﺴﺎﻋﺘﻬﺎ ... ﻟﻜﻦ ﻣﻜﺎﻥ ﻋﻨﺪﻭ ﺣﺘﻰ ﺃﻫﻤﻴﺔ ﻣﻦ ﺃﺳﺎﺳﻮ ... ﺣﺘﻰ ﻧﻬﺎﺭ ﻗﺮﺭ ﻳﺪﺧﻞ ﻟﻠﻤﻐﺮﺏ ﻭ ﻳﻠﻌﺐ ﻣﻌﻴﺎ
ﺟﺎﺑﺮ : ﻛﻴﺒﻘﻰ ﺧﻮﻙ
ﺭﺋﺒﺎﻝ : " ﺍﺑﺘﺎﺳﻢ ﺑﻄﺮﻑ ﺷﻔﺎﻳﻔﻮ " ﺣﺘﻰ ﻧﻌﺘﺎﺑﺮﻙ ﻧﺘﺎ ﺃﺏ ﻋﺎﺩ ﻧﺤﺴﺒﻮ ﻛﻴﻒ ﻗﻠﺘﻲ ... ﻭ ﻳﻜﻮﻥ ﻣﻦ ﻧﻔﺲ ﺩﻣﻲ ﮔﺎﻉ ... ﺑﺎﺵ ﻳﺨﻄﻒ ﺍﻟﺒﻨﺖ ﺍﻟﻲ ﻛﺘﺨﺼﻨﻲ " ﺑﻴﻦ ﺳﻨﺎﻧﻮ " ﻭ ﻳﺤﺎﻭﻝ ﻳﻐﺘﺎﺻﺒﻬﺎ ﻭ ﻣﻦ ﻭﺭﺍﻫﺎ ﻧﺨﻠﻴﻪ ﻋﺎﻳﺶ ... ﻭ ﻳﺠﻲ ﻭ ﻳﻘﺘﻞ ﻣﻬﺎ ﻭ ﻳﺘﺒﺎﻫﻰ ﺑﻔﻌﻠﺘﻮ ... ﻻ ﺧﻠﻴﺘﻮ ﻋﺎﻳﺶ ﻫﺎﺩ ﺍﻟﻤﺮﺓ ... ﻏﻴﺮ ﻳﺠﻲ ﻳﺨﻮﺭﻧﻲ
ﺟﺎﺑﺮ : " ﻗﺮﺏ ﻭ ﻛﻴﻬﻀﺮ ﺑﺼﻮﺕ ﻣﺮﺗﻔﻊ " ﺩﺍﺍﺍﺑﺔ ﺑﺎﻏﻲ ﺗﻘﺘﻞ ﺧﻮﻭﻭﻙ ... ﺍﻟﻲ ﻧﺘﺎ ﺍﻟﻲ ﻇﻠﻤﺘﻴﻴﻴﻪ ﻭ ﻗﺘﻠﺘﻲ ﻟﻴﻪ ﻣﻮﻭﻭ ... ﺷﻜﻮﻥ ﺩﻓﻌﻮ ﻳﺪﻳﺮ ﻫﺎﺩﺷﻲ ... ﻣﺎﺷﻲ ﻧﺘﺎﺍﺍﺍ
ﺭﺋﺒﺎﻝ : ﺃﻧﺎ ﻏﻴﺮ ﻭﺍﺣﺪ ﻣﺮﻳﺾ ﻋﻠﻰ ﻗﻮﻟﻚ ... ﻛﻴﺘﻠﺬﺫ ﻭ ﻫﻮ ﻛﻴﺸﻮﻓﻚ ﻓﻬﺎﺩ ﺍﻟﺤﺎﻟﺔ ... ﻭ ﻟﻮ ﻣﻮﺗﻚ ﻏﻴﺸﻔﻲ ﻏﻠﻴﻠﻲ ﻣﺎﻛﻨﺘﺶ ﻋﻄﻠﺘﻚ ... ﻟﻜﻦ ﻭﻟﺪﻙ ﻫﺒﺶ ﻋﻠﻴﻬﺎ ﺑﻴﺪﻭ ﻭ ﺑﺎﻏﻲ ﻳﺴﺒﻖ
ﺑﺪﺍ ﺭﺋﺒﺎﻝ ﻛﻴﺴﺪ ﻭ ﺟﺎﺑﺮ ﻛﻴﻐﻮﻁ ﻭ ﻳﻀﺮﺏ ﻓﺎﻟﺰﺍﺟﺔ ... ﺿﺎﺭ ﺣﻞ ﺍﻟﻤﺠﺮ ﺟﺒﺪ ﻣﻔﺘﺎﺡ ﻭ ﺗﻮﺟﻪ ﻟﺒﺎﺏ ﻓﺎﻟﺠﺎﻧﺐ ... ﺣﻠﻮ ﻛﺎﻧﺖ ﺧﺰﺍﻧﺔ ﺻﻐﻴﺮﺓ ﻓﻴﻬﺎ ﻣﻼﺑﺲ ﻭ ﺃﺷﻴﺎﺀ ﺃﺧﺮﻯ ... ﺧﺪﺍ ﺍﻟﻲ ﺑﻐﺎ ﻭ ﺭﺟﻊ ﺳﺪﻫﺎ ... ﺧﺮﺝ ﻣﻦ ﺍﻟﻤﻜﺘﺐ ﻫﺒﻂ ﻭ ﻏﺎﺩﺭ ﻓﺴﻴﺎﺭﺗﻮ ...
🍁 ﻛﻤﻼﺕ ﺧﺪﻣﺘﻬﺎ ﻫﺰﺍﺕ ﺻﺎﻛﻬﺎ ﻭ ﺧﺮﺟﺎﺕ ﻣﻦ ﺍﻟﻤﻜﺘﺐ ... ﻫﺎﺑﻄﺔ ﻓﺎﻟﻤﺼﻌﺪ ﻛﺘﺼﻮﻧﻲ ﻋﻠﻴﻪ ﻭ ﻣﻜﻴﺠﺎﻭﺑﺶ ... ﻣﻦ ﻟﺒﺎﺭﺡ ﻣﻜﻴﺮﺩﺵ ﻋﻠﻰ ﺇﺗﺼﻼﺗﻬﺎ ... ﻣﺸﺎﺕ ﻟﻤﻜﺘﺐ ﺍﻹﺳﺘﻘﺒﺎﻝ ﻭ ﺳﻮﻻﺗﻬﻢ ﻭﺍﺵ ﺟﺎ ﻟﻠﺸﺮﻛﺔ ... ﻋﺮﻓﺎﺕ ﺑﻠﻲ ﻣﺠﺎﺵ ﻭ ﻫﻲ ﺗﺰﻳﺪ ﺗﺸﻄﻦ ... ﺧﺮﺟﺎﺕ ﻣﻦ ﺍﻟﺸﺮﻛﺔ ﻭ ﺷﺪﺍﺕ ﻃﺎﻛﺴﻲ ... ﺭﺟﻌﺎﺕ ﺻﻮﻧﺎﺕ ﻭ ﻫﻮ ﻳﺠﺎﻭﺑﻬﺎ ...