ﺣﻼﺕ ﺟﻮﻻﻥ ﻟﺒﺎﺏ ﻭ ﺩﺧﻼﺕ ... ﺷﺎﻓﺖ ﺟﻬﺔ ﺍﻟﺼﺎﻟﺔ ﺑﺎﻥ ﻟﻴﻬﺎ ﺑﺎﻫﺎ ﺟﺎﻟﺲ ﻭ ﻣﻦ ﻣﻼﻣﺤﻮ ﺑﺎﻳﻦ ﻣﻌﺼﺐ ... ﻟﻤﺤﻬﺎ ﻭ ﻫﻮ ﻳﻨﻮﺽ ... ﻣﻊ ﻭﺻﻞ ﻟﻌﻨﺪﻫﺎ ﻧﺰﻝ ﻋﻠﻴﻬﺎ ﺑﺼﻔﻌﺔ ﺣﺘﺎ ﺿﺎﺭ ﻭﺟﻬﺎ ... ﺟﺎﺕ ﺣﻔﻴﻀﺔ ﻛﺘﺠﺮﻱ ﻭﻗﻔﺎﺕ ﻗﺪﺍﻣﻬﺎ ﻭ ﻫﺰﺍﺕ ﻋﻠﻴﻪ ﺻﺒﻌﻬﺎ ...
ﺣﻔﻴﻀﺔ : ﺁﺧﺮ ﻣﺮﺓ ﺗﺤﻂ ﻋﻠﻴﻬﺎ ﻳﺪﻳﻚ ... ﺍﻟﻨﺎﺱ ﻛﻴﺘﻨﺎﻗﺸﻮ ﺑﺎﻟﻬﺪﺍﻭﺓ ... ﻣﺎﺷﻲ ﺑﺎﻟﻌﺼﻰ
ﺇﺑﺮﺍﻫﻴﻢ : ﻋﺠﺒﻚ ﺩﺍﻛﺸﻲ ﺍﻟﻲ ﺩﺍﺭﺕ ... ﻣﺸﺎﺕ ﺗﺸﻜﻲ ﻋﻠﻰ ﺍﻟﺠﻴﺮﺍﻥ ... ﺣﺘﺎ ﺟﺎ ﺍﻟﺤﺎﺝ ﻛﻴﺼﺒﻦ ﻓﻴﺎ ... ﻫﻮ ﻣﺎﺭﺑﺎﺵ ﺣﺘﺎ ﺑﻨﺘﻮ ... ﺩﺍﺭﺕ ﺍﻟﻲ ﻗﺎﻟﻴﻬﺎ ﺭﺍﺳﻬﺎ ﻭ ﻫﺮﺑﺎﺕ ﺧﻼﺗﻬﻢ ﺳﻴﺮﺓ ﻛﻞ ﻭﺍﺣﺪ ﻓﺎﻟﺤﻮﻣﺔ ... ﻳﺠﻲ ﻳﻮﺭﻳﻨﻲ ﻛﻴﻒ ﻧﺘﻌﺎﻣﻞ ﻣﻊ ﺑﻨﺘﻲ
ﺣﻔﻴﻀﺔ : ﺍﻟﺮﺍﺟﻞ ﻣﻘﺎﻝ ﺣﺘﺎ ﺣﺎﺟﺔ ﻋﻴﺐ ... ﻋﻼﺵ ﺗﺠﺒﺪ ﺳﻴﺮﺓ ﺑﻨﺘﻮ ... ﺯﻋﻤﺎ ﻛﺎﻥ ﺑﺤﺎﻝ ﺍﻷﺏ ﻟﻴﻚ ... ﻭ ﺗﺪﺧﻞ ﻏﻴﺮ ﻣﻦ ﻣﻌﺰﺗﻮ ﻟﺠﻮﻻﻥ
ﺇﺑﺮﺍﻫﻴﻢ : ﻗﺮﺍﺭﻱ ﻣﻐﺎﺩﻳﺶ ﻧﺘﺮﺍﺟﻊ ﻋﻠﻴﻪ " ﺷﺎﻑ ﻓﺠﻮﻻﻥ ﻣﻦ ﻭﺭﺍ ﺣﻔﻴﻀﺔ " ﻃﻠﻌﻲ ﻟﺒﻴﺘﻚ ﻭ ﻣﺎﺷﻲ ﻏﺎ ﺍﻟﺨﺪﻣﺔ ﺣﺘﺎ ﺍﻟﺨﺮﻭﺝ ﻣﻤﻨﻮﻉ ... ﺑﺎﺵ ﻧﺸﻮﻑ ﻫﺎﺩ ﺍﻟﻌﻨﺎﺩ ﺩﻳﺎﻟﻚ ﻓﻴﻦ ﻏﻴﻮﺻﻞ
ﺷﺎﻓﺖ ﻓﻴﻪ ﺣﻔﻴﻀﺔ ﺑﺨﻴﺒﺔ ﺃﻣﻞ ... ﺟﺮﺍﺕ ﺑﻨﺘﻬﺎ ﻭ ﻃﻠﻌﻮ ﻟﻔﻮﻕ ... ﺑﻐﺎﺕ ﺗﻠﻤﺲ ﺍﻟﺠﺮﺣﺔ ﺍﻟﻲ ﺟﻨﺐ ﻓﻤﻬﺎ ﻭ ﻫﻲ ﺗﺒﻌﺪ ﺟﻮﻻﻥ ...
ﺟﻮﻻﻥ : ﺑﻐﻴﺖ ﻧﺒﻘﺎ ﺑﻮﺣﺪﻱ
ﺳﺪﺍﺕ ﻟﺒﺎﺏ ﻭ ﺗﻜﺎﺕ ﻋﻠﻴﻪ ... ﺯﻳﺮﺍﺕ ﻋﻠﻰ ﺷﻔﺎﻳﻔﻬﺎ ﻣﺎﻧﻌﺔ ﺍﻟﺪﻣﻌﺔ ﺗﻨﺰﻝ ... ﺷﺎﻓﺖ ﺟﻬﺔ ﺍﻟﻤﻜﺘﺐ ﻭ ﻫﻲ ﺗﻤﺸﻲ ﺑﺴﺮﻋﺔ ... ﻫﺰﺍﺕ ﻟﺒﻴﺴﻲ ﻭ ﺧﺒﻄﺎﺗﻮ ﻣﻊ ﻟﺮﺽ ﺑﻜﻞ ﺟﻬﺪﻫﺎ ...
ﭼﺎﻟﺴﺔ ﻓﺴﺮﻳﺮﻫﺎ ﺟﺎﻣﻌﺔ ﺭﺟﻠﻴﻬﺎ ﻋﻨﺪﻫﺎ ﻭ ﺳﺎﻫﻴﺔ ... ﺍﻟﻠﻴﻞ ﻛﻮﻟﻮ ﻣﻘﺪﺭﺍﺗﺶ ﺗﻐﻤﺾ ﻋﻨﻴﻬﺎ ... ﺃﺷﻌﺔ ﺍﻟﺸﻤﺲ ﺗﺴﻠﻼﺕ ﻣﻦ ﺧﻼﻝ ﺍﻟﺴﺘﺎﺋﺮ ﺍﻟﺸﻔﺎﻓﺔ ﺩﻳﺎﻝ ﻧﺎﻓﺬﺓ ﻏﺮﻓﺘﻬﺎ ... ﻭ ﻫﻲ ﻣﺰﺍﻝ ﻋﻠﻰ ﻧﻔﺲ ﺍﻟﻮﺿﻌﻴﺔ ... ﻭﺟﻬﺎ ﺧﺎﻟﻲ ﻣﻦ ﺃﻱ ﺗﻌﺒﻴﺮ ... ﻟﻜﻦ ﺍﻟﺤﺰﻥ ﻇﺎﻫﺮ ﻣﻦ ﻧﻀﺮﺍﺗﻬﺎ ... ﻳﻤﻜﻦ ﺗﻠﻤﺤﻬﻢ ﻣﻦ ﺑﻌﻴﺪ ﻭ ﺗﺤﺲ ﺑﺈﻟﻲ ﻛﻴﺠﻮﻝ ﻓﺒﺎﻟﻬﺎ ...
ﻋﻨﺪ ﺃﺷﺨﺎﺹ ﺁﺧﺮﻳﻦ ﻳﻤﻜﻦ ﻳﻜﻮﻥ ﻣﺸﻜﻞ ﺑﺴﻴﻂ ... ﻟﻜﻦ ﻋﻨﺪ ﺟﻮﻻﻥ ﺣﻴﺎﺗﻬﺎ ﺗﻮﻗﻔﺎﺕ ﻓﺎﺵ ﺗﺤﺮﻣﺎﺕ ﻣﻦ ﺍﻟﺤﺎﺟﺎﺕ ﺍﻟﻲ ﺑﻐﺎﺕ ﻭ ﺣﺎﺭﺑﺎﺕ ﻣﻦ ﺃﺟﻠﻬﻢ ... ﻛﻴﻒ ﻏﺘﻜﻮﻥ ﺣﻴﺎﺗﻬﺎ ﻣﻦ ﻫﻨﺎ ﻟﻘﺪﺍﻡ ... ﻣﺎﻋﻨﺪﻫﺎ ﺣﺘﺎ ﻓﻜﺮﺓ ... ﺇﻟﻲ ﻋﺎﺭﻓﺔ ﻫﻮ ﺃﻥ ﺍﻷﺏ ﺩﻳﺎﻟﻬﺎ ﻛﺴﺮﻫﺎ ... ﺍﻟﻬﺪﻭﺀ ﺍﻟﻲ ﻣﺤﻴﻂ ﺑﻴﻬﺎ ﻓﺪﺍﺧﻠﻬﺎ ﻛﺎﻳﻦ ﻋﻜﺴﻮ ﺗﻤﺎﻣﺎ ...
ﺍﻟﻔﻮﻥ ﻓﻮﻕ ﺍﻟﻄﺒﻠﺔ ﻛﻴﺼﻮﻧﻲ ﺑﺎﺳﺘﻤﺮﺍﺭ ﻭ ﻻ ﻫﻲ ﺣﺴﺎﺕ ﺑﻴﻪ ... ﺑﻌﺪ ﻟﺤﻈﺎﺕ ﺗﺤﻞ ﻟﺒﺎﺏ ﻭ ﺩﺧﻼﺕ ﺣﻔﻴﻀﺔ ... ﺑﻮﺟﻬﺎ ﺍﻟﻲ ﻣﻌﺒﻮﺱ ﺣﺘﺎ ﻫﻲ ... ﻋﺰﺍﺕ ﻋﻠﻴﻬﺎ ﺑﻨﺘﻬﺎ ﻟﻜﻦ ﻣﺎﻋﻨﺪﻫﺎ ﻣﺎﺩﻳﺮ ... ﺇﺑﺮﺍﻫﻴﻢ ﻗﺼﺢ ﺭﺍﺳﻮ ﻭ ﻣﺤﺎﺳﺶ ﻛﻴﻒ ﻗﺴﻰ ﻋﻠﻰ ﺑﻨﺘﻮ ... ﻓﻨﻈﺮﻭ ﺑﻬﺎﻛﺔ ﻫﻮ ﻛﻴﺤﻤﻴﻬﺎ ... ﭼﻠﺴﺎﺕ ﺣﻔﻴﻀﺔ ﺟﻨﺐ ﺑﻨﺘﻬﺎ ... ﻭ ﺣﻄﺎﺕ ﻳﺪﻫﺎ ﻣﻦ ﻓﻮﻕ ﻳﺪ ﺟﻮﻻﻥ ﺍﻟﻲ ﻋﺎﺩ ﺣﺴﺎﺕ ﺑﻮﺟﻮﺩﻫﺎ ...
ﺣﻔﻴﻀﺔ : ﻛﻴﻒ ﺻﺒﺤﺘﻲ ؟
ﺟﻮﻻﻥ : " ﺗﺒﺴﻤﺎﺕ ﺑﻤﺮﺍﺭﺓ "
ﺣﻔﻴﻀﺔ : ﻣﺎﺩﺭﻳﺶ ﻓﺮﺍﺳﻚ ﻫﺎﻛﺔ ... ﻏﺘﺤﻞ ﺇﻥ ﺷﺎﺀ ﺍﻟﻠﻪ " ﺷﺎﻓﺖ ﻓﺎﻟﺤﻄﺎﻡ ﺩﻳﺎﻝ ﻟﺒﻴﺴﻲ " ﻋﻼﺵ ﻫﺮﺳﺘﻴﻪ ... ﻛﻦ ﺗﺂﺫﻳﺘﻲ
ﺟﻮﻻﻥ : " ﻣﺴﺤﺎﺕ ﺍﻟﺪﻣﻌﺔ ﺍﻟﻲ ﻫﺒﻄﺎﺕ " ﺍﻟﻴﻮﻡ ﻛﺎﻳﻦ ﺇﺟﺘﻤﺎﻉ ﺳﻨﻮﻱ ﺧﺎﺹ ﺑﺎﻟﻜﺘﺎﺏ ... ﻭ ﺃﻧﺎ ﻣﻦ ﺍﻟﻨﺎﺱ ﺍﻟﻘﻼﻝ ﺍﻟﻲ ﺗﺴﻴﻔﻄﺎﺕ ﻟﻴﻬﻢ ﺩﻋﻮﺓ " ﺍﺑﺘﺎﺳﻤﺎﺕ ﺑﺤﺮﻗﺔ " ﺷﻔﺘﻲ ﻋﻠﻰ ﺯﻫﺮ
ﺣﻔﻴﻀﺔ : " ﺩﻭﺯﺍﺕ ﻳﺪﻫﺎ ﻋﻠﻰ ﺷﻌﺮ ﺟﻮﻻﻥ " ﻧﻮﺿﻲ ﺍﺑﻨﺘﻲ ﻏﺴﻠﻲ ﻭﺟﻬﻚ ﻭ ﻫﺒﻄﻲ ﺗﻔﻄﺮﻱ
ﺟﻮﻻﻥ : ﻣﺎﻓﻴﺎﺵ
ﺣﻔﻴﻀﺔ : ﺍﻟﻠﻪ ﻳﺮﺿﻲ ﻋﻠﻰ ﺑﻨﺘﻲ ﻧﻮﺿﻲ ... ﺑﺎﻙ ﻣﻜﺎﻳﻨﺶ ﺭﺍﻩ ﺧﺮﺝ
ﺟﻮﻻﻥ : ﻣﺎﻣﺎ ﻣﺎﻓﻴﺎ ﺍﻟﻲ ﻳﺎﻛﻞ ... ﺑﻐﻴﺖ ﻏﻴﺮ ﻧﻌﺲ
ﺟﺮﺍﺕ ﻟﻐﻄﺎ ﻋﻄﺎﺕ ﻟﻤﻬﺎ ﺑﺎﻟﻈﻬﺮ ﻭ ﻏﻄﺎﺕ ﺭﺍﺳﻬﺎ ... ﺑﻘﺎﺕ ﺣﻔﻴﻀﺔ ﻛﺘﺸﻮﻑ ﻓﻴﻬﺎ ﺣﺘﺎ ﻋﻴﺎﺕ ﻭ ﻧﺎﺿﺖ ... ﻭ ﻫﻲ ﺧﺎﺭﺟﺔ ﺳﻤﻌﺎﺕ ﻟﻔﻮﻥ ﻛﻴﺼﻮﻧﻲ ... ﻣﻨﻴﻦ ﺑﺎﻧﺖ ﺑﻴﻬﺎ ﺟﻮﻻﻥ ﻣﺒﻐﺎﺗﺶ ﺗﺠﺎﻭﺏ ... ﻫﺰﺍﺕ ﻟﻔﻮﻥ ﺷﺎﻓﺖ ﺷﻜﻮﻥ ﺍﻟﻤﺘﺼﻞ ﻭ ﻫﻲ ﺗﺠﺎﻭﺏ ...
ﭼﺎﻟﺲ ﺭﺋﺒﺎﻝ ﻋﻠﻰ ﻃﺒﻠﺔ ﻟﻔﻄﻮﺭ ﻭ ﺟﻨﺒﻮ ﻻﺣﺒﻴﺒﺔ ... ﻛﻴﺸﺮﺏ ﻗﻬﻮﺗﻮ ﻭ ﻫﻲ ﺣﺎﺿﻴﺎﻩ ... ﺭﺷﻒ ﻣﻦ ﺍﻟﻜﻮﺏ ﺣﻄﻮ ﻭ ﺗﻜﻠﻢ ﻭ ﻫﻮ ﻛﻴﺸﻮﻑ ﻓﺎﻟﻔﻮﻥ ...
ﺭﺋﺒﺎﻝ : ﺑﻐﻴﺘﻲ ﺗﻘﻮﻟﻲ ﺷﻲ ﺣﺎﺟﺔ ؟
ﻻﺣﺒﻴﺒﺔ : " ﺿﺤﻜﺎﺕ " ﺑﺎﺵ ﻋﺮﻓﺘﻲ
ﺭﺋﺒﺎﻝ : ﻣﻨﻴﻦ ﻧﺰﻟﺖ ﻭ ﻧﺘﻲ ﺣﺎﺿﻴﺔ ﻣﻌﻴﺎ ... ﺷﻨﻮ ﻛﺎﻳﻦ ؟
ﻻﺣﺒﻴﺒﺔ : ﻻ ﻭﺍﻟﻮ ... ﻏﻴﺮ ﺟﻴﺘﻴﻨﻲ ﻓﺸﻲ ﺷﻜﻞ ... ﻫﺎﺩ ﺍﻷﻳﺎﻡ ﺷﻲ ﺣﺎﺟﺔ ﻣﺘﻐﻴﺮﺓ ﻓﻴﻚ
ﺭﺋﺒﺎﻝ : " ﺣﻂ ﺍﻟﻔﻮﻥ ﻭ ﺷﺎﻑ ﻓﻴﻬﺎ " ﺑﺤﺎﻻﺵ ؟
ﻻﺣﺒﻴﺒﺔ : " ﺑﺎﺑﺘﺴﺎﻣﺔ " ﻣﺎﻧﻌﺮﻑ ... ﻣﻤﻜﻦ ﻧﺘﺎ ﻭﺍﻗﻌﺔ ﻣﻌﺎﻙ ﺷﻲ ﺣﺎﺟﺔ ... ﺇﺣﺴﺎﺳﻲ ﻋﻤﺮﻭ ﻛﺎﻥ ﻏﺎﻟﻂ
ﺭﺋﺒﺎﻝ : ﻏﻴﺮ ﻛﻴﺒﺎﻥ ﻟﻴﻚ " ﻭﻗﻒ " ﺍﻟﻴﻮﻡ ﻣﻐﺎﺩﻳﺶ ﻧﺮﺟﻊ ﺑﻜﺮﻱ " ﻗﺒﻞ ﺭﺍﺳﻬﺎ " ﺗﻌﺸﺎﻱ ﻭ ﻧﻌﺴﻲ ﺍﺭﺗﺎﺣﻲ ... ﺑﻼﻣﺎ ﺗﺴﻨﺎﻳﻨﻲ
ﻻﺣﺒﻴﺒﺔ : ﻛﻮﻝ ﻭﺟﺒﺎﺗﻚ ﻓﻮﻗﺘﻬﺎ ... ﻣﺘﺒﻘﺎﺵ ﻣﻠﻬﻲ ﻏﻴﺮ ﻣﻊ ﺍﻟﺨﺪﻣﺔ
ﺍﺑﺘﺎﺳﻢ ﻟﻴﻬﺎ ﺭﺋﺒﺎﻝ ﺍﺑﺘﺴﺎﻣﺔ ﺑﺎﻟﻜﺎﺩ ﻛﺘﺒﺎﻥ ... ﺧﺮﺝ ﻃﻠﻊ ﻓﺴﻴﺎﺭﺗﻮ ﻭ ﺍﺗﺎﺟﻪ ﻟﻠﺸﺮﻛﺔ ... ﻭ ﻫﻮ ﻏﺎﺩﻱ ﻓﺎﻟﻜﻮﻟﻮﺍﺭ ﺑﺎﻧﺖ ﻟﻴﻪ ﻭﺣﺪﺓ ﺑﺸﻌﺮ ﺑﻨﻲ ﻭﺍﻗﻔﺔ ﺑﻌﻴﺪ ... ﻓﺎﻷﻭﻝ ﻏﻴﺮ ﻻﺡ ﻋﻨﻴﻪ ﺣﺘﺎ ﺭﺟﻊ ﺷﺎﻑ ﻓﺎﺗﺠﺎﻫﻬﺎ ... ﺑﻘﺎ ﻛﻴﺸﻮﻑ ﺣﺘﺎ ﺿﺎﺭﺕ ﻛﻠﻬﺎ ﻭ ﺑﺎﻥ ﻭﺟﻬﺎ ... ﻭ ﻫﻮ ﻳﻘﻠﺐ ﻭﺟﻬﻮ ﺧﺸﺎ ﻳﺪﻭ ﻓﺠﻴﺒﻮ ﻭ ﺩﺧﻞ ﻟﻠﻤﻜﺘﺐ ...
ﺟﻠﺲ ﻛﻴﻘﺮﺍ ﻓﺸﻲ ﻭﺭﺍﻕ ... ﻻﺡ ﻳﺪﻭ ﻫﺰ ﻟﻔﻴﻜﺲ ﻭ ﻇﻐﻂ ﻋﻠﻰ ﺍﻟﺮﻗﻢ ... ﺳﻤﻊ ﺻﻮﺕ ﻣﺨﺘﻠﻒ ﻋﻠﻰ ﺍﻟﻲ ﻣﻮﺍﻟﻒ ...
ﺭﺋﺒﺎﻝ : ﺷﻜﻮﻥ ﻧﺘﻲ ؟
........ : ﺃﻧﺎ ﺟﻴﺖ ﺑﻼﺻﺔ ﺟﻮﻻﻥ ﻣﻮﺳﻴﻮ ﺍﻟﻌﺜﻤﺎﻧﻲ ... ﺍﻟﻴﻮﻡ ﻣﻜﻴﻨﺎﺵ ﻫﻲ ... ﺑﻐﻴﺘﻲ ﺷﻲ ﺣﺎﺟﺔ ؟
ﺭﺋﺒﺎﻝ : ﻻ ﺻﺎﻓﻲ
ﻗﻄﻊ ﻭ ﺗﻜﺎ ﻋﻠﻰ ﺍﻟﻜﺮﺳﻲ ﺑﻈﻬﺮﻭ ... ﻛﻴﻠﻌﺐ ﺑﺼﺒﺎﻋﻮ ﺟﻬﺔ ﺷﻔﺎﻳﻔﻮ ﻭ ﻛﻴﻔﻜﺮ ... ﺣﺲ ﺑﺸﻲ ﺣﺎﺟﺔ ﻣﺎﺷﻲ ﻫﻲ ﻫﺎﺩﻳﻚ ... ﻛﺄﻥ ﺷﻲ ﺣﺎﺟﺔ ﻧﺎﻗﺼﺔ ... ﺣﻞ ﻟﺒﻴﺴﻲ ﻭ ﺭﺟﻊ ﺧﺪﺍﻡ ﻭ ﻣﺮﻛﺰ ... ﻭﺻﻞ ﻭﻗﺖ ﻟﻐﺪﺍ ... ﺍﺗﺎﺻﻠﻮ ﺑﻴﻪ ﺍﻟﺪﺭﺍﺭﻱ ﻭ ﻫﺒﻂ ﻋﻨﺪﻫﻢ ﻓﻴﻦ ﻛﻴﺘﺴﻨﺎﻭﻩ ... ﻣﺸﺎﻭ ﻣﺠﻤﻮﻋﻴﻦ ﻷﺣﺪ ﺍﻟﻤﻄﺎﻋﻢ ﺍﻟﺮﺍﻗﻴﺔ ... ﻭ ﻫﻤﺎ ﭼﺎﻟﺴﻴﻦ ﻛﻴﺘﻨﺎﻭﻟﻮ ﻏﺪﺍﻫﻢ ﺗﻜﻠﻢ ﺇﻟﻴﺎﺱ ...
ﺇﻟﻴﺎﺱ : ﺍﻟﺤﻔﻠﺔ ﺍﻟﻴﻮﻡ ... ﻏﺘﻜﻮﻥ ﺯﺍﻫﻴﺔ
ﺳﻨﻤﺎﺭ : ﻋﻼﺵ ﻧﺎﻭﻱ ﺛﺎﻧﻲ
ﺇﻟﻴﺎﺱ : ﻭﺍﻟﻮ ... ﻏﻨﺎﺧﺪ ﻣﻌﻴﺎ ﺷﻲ ﺟﻮﺝ ﻧﻤﺎﺫﺝ ... ﻭﺣﺪﺓ ﺷﻬﺒﺔ ﻭ ﻭﺣﺪﺓ ﺳﻤﺮﺍﺀ ﻭ ﻧﻄﻠﻊ ﻟﻠﺴﻮﻳﺖ ﺍﻟﻲ ﺣﺎﺟﺰ
ﺳﻨﻤﺎﺭ : ﻣﻮﺟﺪ ﺑﻌﺪﺍ
ﺇﻟﻴﺎﺱ : ﻭ ﻋﻼﻩ ﺷﻨﻮ ... ﻗﺎﻟﻴﻚ ﺃﻧﺎ ﻣﻌﺸﻮﻕ ﻓﺎﻟﺤﻔﻼﺕ ﺍﻟﺤﺎﻣﻀﺔ ... ﺭﺍﻩ ﻛﻨﻤﺸﻲ ﻧﺘﻘﺪﺍ ﻭ ﻧﺰﻳﺪ ﻧﻘﻀﻲ ﺍﻟﻐﺮﺍﺽ
ﺳﻨﻤﺎﺭ : ﻛﺘﻬﻀﺮ ﺑﺤﺎﻝ ﺍﻟﻰ ﭼﺎﻟﺲ ﻓﺎﻟﻤﺎﺭﺷﻲ
ﺇﻟﻴﺎﺱ : ﺑﺤﺎﻝ ﺑﺤﺎﻝ ... ﻣﻜﺎﻳﻨﺶ ﻓﺮﻕ
ﺭﺋﺒﺎﻝ : " ﺣﻂ ﻟﻔﻮﺭﺷﻴﻄﺔ ﻭ ﺷﺎﻑ ﻓﺈﻟﻴﺎﺱ " ﻋﺮﻓﺘﻲ ﻋﻼﺵ ﺣﺘﻰ ﻭﺍﺣﺪ ﻣﻜﻴﺎﺧﺪﻙ ﺑﺠﺪﻳﺔ ... ﺣﻴﻨﺖ ﻣﻜﺘﺤﺘﺎﺭﻡ ﺣﺪ ﻭ ﻣﺎﻋﻨﺪﻙ ﺣﺘﺎ ﺍﺣﺘﺮﺍﻡ ﻟﺬﺍﺗﻚ ... ﺗﺎﺑﻊ ﺷﻬﻮﺍﺗﻚ ﺑﺤﺎﻝ ﺍﻟﺤﻴﻮﺍﻥ ﻭ ﻛﺘﻌﺎﻣﻞ ﺍﻟﻨﺴﺎ ﺑﺤﺎﻝ ﻏﺮﺽ ﻟﻼﺳﺘﻌﻤﺎﻝ ﻭ ﻣﻦ ﺑﻌﺪ ﺗﻠﻮﺣﻮ ... ﻟﻮ ﻣﺎ ﺷﻬﺮﺗﻚ ﻭ ﻓﻠﻮﺳﻚ ﺣﺘﺎ ﻭﺣﺪﺓ ﻣﻐﺎﺩﻱ ﺿﻮﺭ ﺑﻴﻚ ... ﺳﻮ ﻣﺘﻐﺮﺵ ﺑﺰﺍﻑ
ﺇﻟﻴﺎﺱ : ﺃﻭﺗﺶ ... ﻋﻼﺵ ﻫﺎﺩ ﺍﻟﻤﺤﺎﺿﺮﺓ ... ﺷﻨﻮ ﻗﻠﺖ ﮔﺎﻉ
ﺭﺋﺒﺎﻝ : ﻣﻨﻴﻦ ﺗﻜﻮﻥ ﭼﺎﻟﺲ ﻣﻌﻴﺎ ... ﻋﺮﻑ ﺷﻨﻮ ﻛﺘﺨﺮﺝ ﻣﻦ ﻓﻤﻚ ... ﻫﻀﺮﺓ ﺍﻟﺴﻮﻳﻘﺔ ﺧﻄﻴﻬﺎ ﻋﻠﻴﻚ ... ﺭﺍﻙ ﺷﺨﺼﻴﺔ ﻋﺎﻣﺔ ﻭﺍﻗﻠﺔ
ﺳﻨﻤﺎﺭ : ﻫﺎﻫﻮ ﻋﻄﺎﻙ ... ﻳﺎﻻﻩ ﻛﻤﺪﻫﺎ
ﺇﻟﻴﺎﺱ : ﻛﻠﻨﺎ ﻃﻴﻨﺔ ﻭﺣﺪﺓ ... ﻏﻴﺮ ﻛﻞ ﻭﺍﺣﺪ ﻭ ﺃﺳﻠﻮﺑﻮ ... ﺃﻧﺎ ﺍﻟﻲ ﻛﻨﺪﻳﺮﻫﺎ ﻛﻨﻘﻮﻟﻬﺎ ... ﺳﻨﻤﺎﺭ ﻛﻴﻀﺮﺏ ﻣﻦ ﻟﺘﺤﺖ ﻭ ﻛﻴﺘﺼﺮﻑ ﻋﻠﻰ ﺃﺳﺎﺱ ﺟﺎﻧﺘﻠﻤﺎﻥ ... ﻭ ﻧﺘﺎ ﻣﺎﻧﻌﺮﻑ ﻟﻴﻚ ... ﻋﻴﻴﺖ ﻧﺨﻤﻢ ﻣﺎﻗﺪﺭﺵ ﻧﻌﺮﻑ ﻣﻦ ﺇﻧﺎ ﻓﺼﻴﻠﺔ ... ﻣﻤﻜﻦ ﺗﻘﻮﻝ ﻟﻴﻨﺎ " ﻏﻤﺰﻭ "
ﺳﻨﻤﺎﺭ : ﻭ ﻟﺤﻤﺎﺭ ﺍﻟﻲ ﻭﻟﺪﻙ ﻻﺵ ﺟﺎﺑﺪﻧﻲ ﺃﻧﺎ ... ﺣﺘﺎ ﻓﺎﺵ ﻛﻨﺖ ﻛﻨﻄﻴﺮ ﻣﻜﻨﺪﻳﺮﺵ ﺩﺍﻛﺸﻲ ﺍﻟﻲ ﻛﺪﻳﺮ ... ﻭ ﻧﻬﺎﺭ ﺧﻄﺒﺖ ﻗﻠﺒﺖ ﻋﻠﻰ ﭼﻨﺲ ﺍﻟﻨﺴﺎ
ﺇﻟﻴﺎﺱ : ﺣﻴﻨﺖ ﻧﺘﺎ ﺑﺎﺭﺩ ﻭ ﺭﺋﺒﺎﻝ ﻗﺎﻟﻴﻚ ﻣﺎﻋﺮﻓﺘﻲ ﻭﺍﻟﻮ
ﺳﻨﻤﺎﺭ : " ﺿﺤﻚ ﺑﺎﻟﺠﻬﺪ " ﻣﻨﻴﻦ ﻛﻴﻐﺒﺮ ﻫﺎﺩ ﺍﻷﺥ ... ﻓﺨﺒﺎﺭﻙ ﻓﻴﻦ ﻛﻴﻤﺸﻲ
ﺇﻟﻴﺎﺱ : ﻛﻴﺪﻳﺮ ﺍﻟﻴﻮﻏﺎ ﻓﺠﺒﻞ ﺗﺒﻘﺎﻝ ﻫﻬﻪ
ﺳﻨﻤﺎﺭ : ﻫﻬﻬﻪ ﻛﻴﺰﻫﻰ ﻋﻠﻰ ﻃﺮﻳﻘﺘﻮ ... ﻏﻴﺮ ﻫﻮ ﻣﻜﻴﺠﻴﺶ ﻳﺒﻠﺒﻞ ﺷﻨﻮ ﺩﺍﺭ ﻭ ﻣﻌﺎﻣﻦ ... ﻣﺤﺎﻝ ﻭﺍﺵ ﺣﺘﺎ ﻛﻴﻌﻘﻞ ﻋﻠﻰ ﺃﺳﺎﻣﻴﻬﻢ
ﺇﻟﻴﺎﺱ : ﺷﻔﺘﻮ ﻣﺮﺓ ﻣﻊ ﻭﺍﺣﺪ ﺍﻷﻭﻛﺮﺍﻧﻴﺔ ﻫﻬﻪ ... ﺭﺍﻩ ﻋﺎﺭﻓﻴﻦ ﻣﭽﺎﻟﺴﺶ ﺑﻼﺵ ... ﻭ ﻟﻜﻦ ﺍﻣﺘﺎ ﻛﻴﻘﻀﻲ ﺍﻟﻐﺮﺽ ﺍﻟﻠﻪ ﺃﻋﻠﻢ
ﺭﺋﺒﺎﻝ : ﺷﻨﻮ ﺑﺎﻥ ﻟﻴﻚ ﺍﻟﻤﺮﺓ ﺍﻟﺠﺎﻳﺔ ﻧﺪﻳﻚ ﻣﻌﻴﺎ ﺗﻔﺮﺝ
ﺇﻟﻴﺎﺱ : ﻻ ﺷﻜﺮﺍ ... ﻣﻦ ﻫﺎﺩﺷﻲ ﻛﻮﻟﻮ ﺑﻐﻴﺖ ﺷﻲ ﺣﺎﺟﺔ ﺟﺪﻳﺪﺓ ... ﻋﻴﻴﺖ ﻣﻦ ﻧﻔﺲ ﺍﻟﺼﻨﻒ " ﺳﻜﺖ ﺷﻮﻳﺔ ﻭ ﺷﺎﻑ ﻓﺮﺋﺒﺎﻝ " ﺍﻟﻤﺴﺎﻋﺪﺓ ﺩﻳﺎﻟﻚ ﻏﺘﺤﻀﺮ
ﺭﺋﺒﺎﻝ : " ﺧﻨﺰﺭ ﻓﻴﻪ " ﻗﺮﺏ ﻟﻴﻬﺎ ﻧﺸﻠﻀﻮ ﻟﻴﻚ
ﺇﻟﻴﺎﺱ : " ﺣﻂ ﻳﺪﻭ ﻋﻠﻰ ﺣﺠﺮﻭ " ﺿﺤﻜﻚ ﺑﺎﺳﻞ
ﺭﺋﺒﺎﻝ : " ﺑﻨﺒﺮﺓ ﺟﺪﻳﺔ " ﻣﻜﻨﻀﺤﻜﺶ
ﺇﻟﻴﺎﺱ : ﺷﻨﻮ ﺗﻤﺎﻙ ... ﻋﻼﺵ ﻫﺎﺩﺷﻲ ﻛﻮﻟﻮ ... ﺷﻨﻮ ﻗﺼﺘﻚ ﻣﻌﻬﺎ ؟
ﺳﻨﻤﺎﺭ : ﺗﻐﺪﺍ ﻭ ﻧﻮﺽ ﺗﻘﺎﻭﺩ ... ﺯﻳﺪ ﻫﺒﺶ ﻏﻴﻘﻠﺐ ﻋﻠﻰ ﺟﺪﻣﻚ ﻫﺎﺩ ﺍﻟﻄﺒﻠﺔ
ﺇﻟﻴﺎﺱ : ﺑﻐﻴﺖ ﻧﺸﻮﻓﻮ ﻣﻌﺼﺐ ﻏﻴﺮ ﻣﺮﺓ ﻭﺣﺪﺓ ... ﻫﺎﺩﻱ ﺃﻣﻨﻴﺘﻲ ﻫﻬﻬﻪ
أنت تقرأ
السفاح العاشق
أدب المراهقينﺭﻭﺍﻳﺔ ﻛﻠﻬﺎ ﻏﻤﻮﺽ .... ﺃﺣﺪﺍﺙ ﻣﻠﻴﺌﺔ ﺑﺎﻟﺘﺸﻮﻳﻖ .... ﺷﺨﺼﻴﺎﺕ ﻣﻌﻘﺪﺓ .... ﻋﺸﻖ ﻣﻬﻮﻭﺱ ﻣﺘﻤﻠﻚ .... ﺣﻴﺎﺓ ﻣﺰﺩﻭﺟﺔ .... ﻋﺎﻟﻢ ﺍﻟﺨﻄﻴﺌﺔ .... ﺟﺮﺍﺋﻢ ﺑﺎﺳﻢ ﺍﻟﺤﺐ .... ﺍﻟﻈﻐﻴﻨﺔ ﻭ ﺍﻻﻧﺘﻘﺎﻡ ... ﺍﻟﺤﻘﺪ ﺍﻟﺨﻴﺎﻧﺔ ﻭ ﺍﻟﻐﻴﻴﻴﻴﺮﺓ .... ⭐⭐⭐ ﻣﺰﻳﺞ ﺑﻴﻦ ﺍﻟﻮﺍﻗﻊ ﻭ ﺍﻟﺨﻴﺎﻝ ⭐⭐⭐ ﺗﺄﻟﻴﻒ : 🌸 ﻣﻮﺭﻱ 🌸 ﺑﻌ...
