🍁 ﻳﻮﻡ ﺟﺪﻳﺪ ...
ﺧﺮﺝ ﻣﻦ ﺍﻟﻤﻄﺎﺭ ﻏﺎﺩﻱ ﺑﺨﻄﺎﻭﻱ ﻛﺒﺎﺭ ﻓﺎﺗﺠﺎﻩ ﺍﻟﺴﻴﺎﺭﺓ ... ﺧﺪﺍ ﺍﻟﺴﻮﺍﺭﺕ ﻣﻦ ﻋﻨﺪ ﺍﻟﺴﺎﺋﻖ ﻭ ﻃﻠﻊ ... ﻛﺴﻴﺮﺍ ﻣﺨﻠﻲ ﺍﻟﺪﺧﺎﻥ ﻣﻦ ﻭﺭﺍﻩ ... ﻣﺪﺍﺯﺵ ﺑﺰﺍﻑ ﺩﻳﺎﻝ ﺍﻟﻮﻗﺖ ﺣﺘﻰ ﻛﺎﻥ ﻗﺪﺍﻡ ﺍﻟﻤﺴﺘﺸﻔﻰ ... ﻫﺒﻂ ﻭ ﺩﺧﻞ ... ﺗﻮﺟﻪ ﻟﻼﺳﺘﻘﺒﺎﻝ ﺳﻮﻟﻬﻢ ﻋﻠﻴﻪ ...
ﺭﻓﻘﺎﺗﻮ ﺇﺣﺪﻯ ﺍﻟﻤﻤﺮﺿﺎﺕ ﻟﻐﺮﻓﺔ ﺍﻹﻧﻌﺎﺵ ... ﺷﺎﻓﺘﻮ ﺩﺍﺧﻞ ﺑﺎﻏﺔ ﺗﻤﻨﻌﻮ ... ﺩﻓﻌﻬﺎ ﺣﻞ ﻟﺒﺎﺏ ﻭ ﺩﺧﻞ ... ﻭﻗﻒ ﻛﻴﺸﻮﻑ ﻓﻴﻪ ﻭ ﺻﺪﺭﻭ ﻛﻴﻄﻠﻊ ﻭ ﻳﻬﺒﻂ ... ﺩﻭﺯ ﺳﻨﻤﺎﺭ ﻳﺪﻭ ﻋﻠﻰ ﺷﻌﺮﻭ ... ﻭ ﻗﺮﺏ ﻟﺒﻴﺎﺹ ﺟﻠﺲ ﻓﺎﻟﻜﺮﺳﻲ ...
ﺳﻨﻤﺎﺭ : ﺍﻟﻠﻪ ﻳﻨﻌﻞ ﺟﺪﺑﻮﻙ ... ﻛﺎﻥ ﻏﻴﻄﻴﺮ ﻟﻴﺎ ﺍﻟﻔﺮﻳﺦ ﺑﺴﺒﺒﻚ ... ﻓﻴﻨﻤﺎ ﻣﺸﻴﺘﻲ ﻻﺑﺪ ﺗﻮﻗﻊ ﺷﻲ ﻛﺎﺭﺛﺔ
ﺑﻘﺎ ﺳﻨﻤﺎﺭ ﭼﺎﻟﺲ ﺟﻨﺒﻮ ﺣﺘﻰ ﺑﺎﻥ ﻟﻴﻪ ﻛﻴﺤﺮﻙ ﺷﻔﺎﺭﻭ ... ﺷﻮﻳﺔ ﺇﻟﻴﺎﺱ ﺣﻞ ﻋﻨﻴﻪ ... ﻭﻗﻒ ﺳﻨﻤﺎﺭ ﻛﻴﻄﻞ ﻋﻠﻴﻪ ... ﻭ ﻇﻐﻂ ﻋﻠﻰ ﺍﻟﺰﺭ ﺍﻟﻲ ﺣﺪﺍﻩ ... ﺩﻗﺎﺋﻖ ﻭ ﺩﺧﻞ ﺍﻟﻄﺒﻴﺐ ﻭ ﺍﻟﻤﻤﺮﺿﺔ ... ﻗﺎﻟﻮ ﻟﻴﻪ ﻳﺨﺮﺝ ... ﺩﺍﻛﺸﻲ ﺍﻟﻲ ﺩﺍﺭ ﺑﻘﺎ ﻛﻴﺘﺴﻨﻰ ﻓﺎﻟﺨﺎﺭﺝ ... ﺑﺎﻥ ﻟﻴﻪ ﻟﺒﺎﺏ ﺗﺤﻞ ﻭ ﻫﻮ ﻳﻘﺮﺏ ﻋﻨﺪ ﺍﻟﻄﺒﻴﺐ ...
ﺳﻨﻤﺎﺭ : ﻓﺎﻕ ... ﻫﻀﺮ ... ﻳﺎﻛﻤﺎ ﻓﻘﺪ ﺍﻟﺬﺍﻛﺮﺓ
ﺍﻟﻄﺒﻴﺐ : " ﺿﺤﻚ " ﻓﺎﻕ ﻭ ﻛﻠﺸﻲ ﻣﺰﻳﺎﻥ ... ﻭﺿﻌﻮ ﻛﻴﺘﺤﺴﻦ ﺑﺴﺮﻋﺔ ... ﺩﺍﻛﺸﻲ ﻋﻼﺵ ﻏﻴﺘﺤﻮﻝ ﺩﺍﺑﺔ ﻟﻐﺮﻓﺔ ﻋﺎﺩﻳﺔ ... ﻋﻠﻰ ﺳﻼﻣﺘﻮ
ﺳﻨﻤﺎﺭ : " ﺗﻨﻬﺪ " ﺍﻟﻠﻪ ﻳﺴﻠﻤﻚ
ﺣﻮﻟﻮ ﺇﻟﻴﺎﺱ ﻟﻐﺮﻓﺔ ﺃﺧﺮﻯ ... ﺑﻌﺪﻣﺎ ﻗﺎﺩﺍﺕ ﻟﻴﻪ ﺍﻟﻤﻤﺮﺿﺔ ﺍﻟﺴﻴﺮﻭﻡ ﻏﺎﺩﺭﺍﺕ ... ﺣﻞ ﺳﻨﻤﺎﺭ ﻟﺒﺎﺏ ﻭ ﺩﺧﻞ ... ﺇﻟﻴﺎﺱ ﻛﺎﻥ ﻣﺴﻨﺪ ﻋﻠﻰ ﺍﻟﻮﺳﺎﺩﺓ ﻭ ﻣﮕﻌﺪﻳﻨﻮ ﺷﻮﻳﺔ ... ﻭﺟﻬﻮ ﺷﺎﺣﺐ ﻭ ﻓﻤﻮ ﻧﺎﺷﻒ ... ﻏﻴﺮ ﺷﺎﻑ ﺳﻨﻤﺎﺭ ﺩﺍﺧﻞ ﻣﺨﺴﺮ ﻭﺟﻬﻮ ﻭ ﻫﻮ ﻳﺒﺘﺎﺳﻢ ...
ﺳﻨﻤﺎﺭ : " ﻫﺎﺯ ﻗﻬﻮﺓ " ﻛﻀﺤﻚ ﻟﺠﺪﺑﻮﻙ
ﺇﻟﻴﺎﺱ : ﺭﺟﻌﺖ ﻣﻦ ﺍﻟﻤﻮﺕ ﻭ ﻛﺘﻌﺎﻳﺮﻧﻲ
ﺳﻨﻤﺎﺭ : " ﺟﻠﺲ ﺣﺪﺍﻩ " ﻭﺟﻪ ﺍﻟﻤﺤﺎﻳﻦ ... " ﻫﺰ ﻗﺒﻀﺔ ﻳﺪﻭ " ﻏﺎ ﺩﻳﺎﻝ ﺍﻟﻲ ﻳﺮﻋﻔﻚ
ﺇﻟﻴﺎﺱ : ﺗﺪﻳﺮﻫﺎ ﻫﻬﻪ " ﺗﺬﻛﺮ ﺭﺋﺒﺎﻝ " ﻓﻴﻨﺎﻫﻮ ﺭﺋﺒﺎﻝ ... ﺷﻨﻮ ﻭﻗﻊ ﻣﻌﺎﻩ ؟
ﺳﻨﻤﺎﺭ : ﻓﺎﻟﻤﺮﻛﺰ ... ﺟﻴﺖ ﻧﺸﻮﻓﻚ ﻭ ﻏﻨﺪﻭﺯ ﻟﺘﻤﺎﻙ
ﺇﻟﻴﺎﺱ : ﻣﺎﻛﺮﻫﺘﺶ ﻧﻤﺸﻲ ﻣﻌﺎﻙ
ﺳﻨﻤﺎﺭ : ﻧﺘﺎ ﻣﺴﻄﻲ ... ﻏﺎ ﻟﺒﺎﺭﺡ ﺩﺍﻳﺮ ﻋﻤﻠﻴﺔ ﻭ ﻛﻨﺘﻲ ﻏﺘﻤﻮﺕ ... ﺭﻳﺢ ﻟﺮﺽ
ﺇﻟﻴﺎﺱ : ﻭﺍﺵ ﻋﺎﺭﻑ ﺷﻲ ﺣﺎﺟﺔ ؟
ﺳﻨﻤﺎﺭ : ﺑﺤﺎﻟﻲ ﺑﺤﺎﻟﻚ ... ﺷﻨﻮ ﻭﻗﻊ ﻗﺒﻞ ﻣﺎ ﺗﻀﺮﺏ ؟
ﺇﻟﻴﺎﺱ : ﻋﺮﻓﺖ ﺑﻠﻲ ﺍﻟﺒﻮﻟﻴﺲ ﺑﺎﻏﻴﻴﻦ ﻳﻌﺘﺎﻗﻠﻮﻩ ... ﻣﻨﻴﻦ ﻣﺎﻟﻘﻴﺘﻮﺵ ﻭ ﻣﻜﻴﺠﺎﻭﺑﺶ ... ﺗﺬﻛﺮﺕ ﻧﻬﺎﺭ ﻛﻨﺎ ﻣﺸﻄﻮﻧﻴﻦ ﻋﻠﻴﻪ ﻓﺎﺵ ﻏﺒﺮ ﻭﺍﺣﺪ ﻟﻤﺪﺓ ﻭ ﺑﻌﺪﻫﺎ ﺗﺒﻌﻨﺎﻩ ... ﺣﺘﻰ ﺷﻔﻨﺎﻩ ﺩﺧﻞ ﻟﺪﻳﻚ ﺍﻟﺪﺍﺭ ... ﻫﻲ ﺍﻟﻲ ﺟﺎﺕ ﻓﺒﺎﻟﻲ ﻭ ﻣﺸﻴﺖ ﻟﻴﻬﺎ ... ﻛﻴﻒ ﻭﺻﻠﺖ ﻟﻘﻴﺘﻮ ﻗﺪﺍﻡ ﻟﺒﺎﺏ ﻭ ﻛﺎﻧﻮ ﺍﻟﺒﻮﻟﻴﺲ ... ﺟﺮﻳﺖ ﻓﻴﻪ ﺣﺘﻰ ﻋﻴﻴﺖ ﺑﺎﺵ ﻳﻤﺸﻲ ﻣﻌﻴﺎ ﻭ ﻣﺎﺑﻐﺎﺵ ...
ﻣﻨﻴﻦ ﺷﻔﺖ ﻻﻳﺰﺭ ﺟﺮﻳﺘﻮ ... ﺷﻮﻳﺔ ﺑﺎﻥ ﻟﻴﺎ ﻭﺍﺣﺪ ﻣﻨﻴﺶ ﻋﻠﻴﻪ ... ﺩﻓﻌﺘﻮ ﻭ ﺟﺎﺕ ﻓﻴﺎ ﺍﻟﻘﺮﻃﺎﺳﺔ ﻫﻬﻪ
ﺳﻨﻤﺎﺭ : " ﺧﻨﺰﺭ ﻓﻴﻪ " ﻧﺎﺭﻱ ﺭﺋﺒﺎﻝ ﻏﻴﻜﻮﻥ ﻛﺎﻋﻲ ﻋﻠﻴﻚ ﺑﺎﻟﻤﻌﻘﻮﻝ ... ﻣﻜﺘﺴﻤﻌﺶ ﻟﻠﻬﻀﺮﺓ
ﺇﻟﻴﺎﺱ : ﺑﺤﺎﻝ ﻻ ﻧﺘﺎ ﻛﻨﺘﻲ ﻓﺒﻼﺻﺘﻲ ﻣﻐﺎﺩﻳﺶ ﺩﻳﺮ ﻧﻔﺲ ﺍﻟﺸﻲﺀ
ﺳﻨﻤﺎﺭ : " ﺍﻟﺼﻤﺖ "
ﺇﻟﻴﺎﺱ : ﺍﻭﺍ ﺷﺘﻲ
ﻫﺒﻄﻮ ﻣﻦ ﺍﻟﻄﺎﻛﺴﻲ ﻭ ﺩﺧﻼﺕ ﻟﻠﻤﺴﺘﺸﻔﻰ ﻛﺘﺰﺭﺏ ... ﺟﻮﻻﻥ ﺗﺎﺑﻌﺎﻫﺎ ﻣﻦ ﺍﻟﻠﻮﺭ ... ﻣﺸﺎﺕ ﻣﺒﺎﺷﺮﺓ ﻟﻐﺮﻓﺔ ﺍﻹﻧﻌﺎﺵ ... ﻏﻴﺮ ﻭﻗﻔﺎﺕ ﻗﺪﺍﻡ ﺍﻟﺰﺍﺟﺔ ﻭ ﺑﺎﻥ ﻟﻴﻬﺎ ﺍﻟﺒﻴﺎﺹ ﺧﺎﻭﻱ ... ﻭ ﻫﻤﺎ ﻳﻔﺸﻠﻮ ﻋﻠﻴﻬﺎ ﺭﻛﺎﺑﻴﻬﺎ ... ﻛﻦ ﻣﺎ ﺷﺪﺍﺕ ﻓﻴﻬﺎ ﺟﻮﻻﻥ ﻛﺎﻧﺖ ﻏﻄﻴﺢ ...
ﺯﻳﻨﺐ : ﺟﻮﻻﺍﺍﻥ ﻓﻴﻨﺎﻫﻮﺍﺍﺍ ... ﻓﻴﻦ ﺩﺍﺍﺍﻭﻩ
ﺟﻮﻻﻥ : ﻣﺘﺨﺎﻓﻴﺶ ﻏﻴﻜﻮﻥ ﻓﺸﻲ ﻏﺮﻓﺔ ﺃﺧﺮﻯ
ﺷﺎﻓﺘﻬﻢ ﻭﺍﺣﺪ ﺍﻟﻤﻤﺮﺿﺔ ﻭ ﻫﻲ ﺗﻘﺮﺏ ﻟﻌﻨﺪﻫﻢ ... ﺟﻮﻻﻥ ﺳﻮﻻﺗﻬﺎ ﻋﻠﻰ ﺍﻟﻤﺮﻳﺾ ﺍﻟﻲ ﻛﺎﻥ ﻓﺎﻟﻐﺮﻓﺔ ... ﺷﺎﺭﺕ ﻟﻴﻬﻢ ﻓﻴﻦ ﺣﻮﻟﻮﻩ ... ﻋﺎﺩ ﺭﺟﻌﺎﺕ ﻓﺰﻳﻨﺐ ﺍﻟﺮﻭﺡ ... ﻣﺸﺎﻭ ﻓﺎﺗﺠﺎﻩ ﺍﻟﻐﺮﻓﺔ ... ﺣﻼﺕ ﻟﺒﺎﺏ ﺷﺎﻓﺘﻮ ﻭ ﻫﻲ ﺗﻨﻔﺎﺟﺮ ﺑﺎﻟﺒﻜﺎ ... ﻛﺎﻥ ﻣﺘﻜﻲ ﻭ ﻣﻀﻮﺭ ﻭﺟﻬﻮ ﺟﻬﺔ ﺍﻟﻨﺎﻓﺬﺓ ... ﺳﻤﻌﻬﺎ ﺿﺎﺭ ﻭ ﻫﻲ ﺗﺒﺎﻥ ﻟﻴﻪ ﻛﺘﻨﺤﻂ ﻛﻴﻒ ﺍﻟﺪﺭﻳﺔ ﺍﻟﺼﻐﻴﺮﺓ ...
ﺍﺑﺘﺎﺳﻢ ﺣﺘﻰ ﺗﺴﺪﻭ ﻟﻴﻪ ﻋﻨﻴﻪ ... ﺳﻨﻤﺎﺭ ﭼﺎﻟﺲ ﻓﺎﻟﻔﻮﻃﻮﻱ ﺷﺎﻓﻬﺎ ﻫﻲ ﻛﺘﺒﻜﻲ ﻭ ﺇﻟﻴﺎﺱ ﻛﻴﻀﺤﻚ ... ﺣﺮﻙ ﺭﺍﺳﻮ ﺑﻼ ﺣﻮﻝ ... ﺩﺍﺭ ﻟﻴﻬﺎ ﺇﻟﻴﺎﺱ ﻗﺮﺑﻲ ﺑﻴﺪﻭ ... ﻣﺸﺎﺕ ﻋﻨﺪﻭ ﻭ ﻭﻗﻔﺎﺕ ﻛﺘﺴﻜﺎﻧﻲ ﻓﻴﻪ ﻛﺎﻣﻠﻮ ...
ﺇﻟﻴﺎﺱ : ﺑﺎﻗﻲ ﻛﻴﻔﻤﺎ ﺧﻠﻴﺘﻴﻨﻲ ... ﻣﺎﻧﺎﻗﺺ ﻭﺍﻟﻮ ... ﺟﻮﺝ ﺭﺟﻠﻴﻦ ﺟﻮﺝ ﻳﺪﻳﻦ ﻭ ﺟﻮﺝ ﻫﻬﻬﻪ
ﺯﻳﻨﺐ ﺑﺎﻥ ﻟﻴﻬﺎ ﻛﻴﻀﺤﻚ ﻫﺰﺍﺕ ﻳﺪﻫﺎ ﺑﻐﺎﺕ ﺗﻨﺰﻝ ﻋﻠﻴﻪ ... ﻛﻦ ﻣﺎ ﺳﻨﻤﺎﺭ ﺣﺒﺴﻬﺎ ﻓﺂﺧﺮ ﻟﺤﻈﺔ ...
ﺳﻨﻤﺎﺭ : ﻭﺍﺧﺔ ﻛﻴﻔﺮﻧﺲ ... ﺭﺍﻩ ﺑﺎﻗﻲ ﻣﻌﻄﻮﺏ
ﺇﻟﻴﺎﺱ : ﻏﻴﺮ ﺧﻠﻴﻬﺎ ... " ﺿﺮﺏ ﺟﻨﺒﻮ " ﺍﺟﻲ ﺣﺪﺍﻳﺎ
ﺟﻠﺴﺎﺕ ﺟﻨﺒﻮ ﻓﺎﻟﺒﻴﺎﺹ ﺟﺎﻣﻌﺔ ﺷﻔﺎﻳﻔﻬﺎ ﻭ ﺍﻟﺪﻣﻮﻉ ﻓﻌﻨﻴﻬﺎ ... ﺿﺎﺭ ﺇﻟﻴﺎﺱ ﻛﻴﺸﻮﻑ ﻓﺠﻮﻻﻥ ﻭﺍﻗﻔﺔ ﻋﻨﺪ ﻟﺒﺎﺏ ﻣﺘﺮﺩﺩﺓ ﺗﺪﺧﻞ ...
ﺇﻟﻴﺎﺱ : ﺟﻮﻻﻥ ﺩﺧﻠﻲ
ﺟﻮﻻﻥ : ﻋﻠﻰ ﺳﻼﻣﺘﻚ ... " ﻫﺰﺍﺕ ﻳﺪﻫﺎ ﺍﻟﻲ ﻓﻴﻬﺎ ﺍﻟﻔﻮﻥ " ﻧﺠﺎﻭﺏ ﻭ ﻧﺮﺟﻊ
ﺧﺮﺟﺎﺕ ﺑﺴﺮﻋﺔ ﻭ ﺩﻭﺯﺍﺕ ﻳﺪﻫﺎ ﻣﺴﺤﺎﺕ ﺍﻟﺪﻣﻌﺔ ﺍﻟﻲ ﻃﺎﺣﺖ ... ﻣﺎﻭﻗﻔﺎﺕ ﺣﺘﺎﻝ ﺍﻟﺠﺮﺩﺓ ... ﺣﺴﺎﺕ ﺑﺨﻨﻘﺔ ﻭ ﻣﺎﻗﺪﺭﺍﺗﺶ ﻃﻠﻊ ﺍﻟﻨﻔﺲ ... ﺭﺟﻊ ﻋﻨﺪﻫﺎ ﺧﻮﻑ ﻛﺒﻴﺮ ﺃﻧﻬﺎ ﺗﻔﻘﺪ ﺷﻲ ﺣﺪ ﻋﺰﻳﺰ ... ﺧﺎﺻﺔ ﺑﻌﺪﻣﺎ ﺷﺎﻓﺖ ﻋﻼﻗﺔ ﺯﻳﻨﺐ ﻭ ﺇﻟﻴﺎﺱ ... ﻏﻴﺮ ﻣﻦ ﺩﻳﻚ ﺍﻟﻠﺤﻈﺎﺕ ﺍﻟﺼﻐﺎﺭ ﻋﺮﻓﺎﺕ ﻣﺪﻯ ﺍﻟﺤﺐ ﺍﻟﻲ ﻛﻴﺤﺴﻮ ﺑﻴﻪ ﻣﻦ ﺟﻬﺔ ﺑﻌﻀﻬﻢ ...
ﺷﺎﻓﻮ ﺍﻟﺪﺭﺍﺭﻱ ﻓﺒﻌﺾ ﺑﺎﺳﺘﻐﺮﺍﺏ ﻭ ﻧﺎﺽ ﺳﻨﻤﺎﺭ ﺗﺒﻊ ﺟﻮﻻﻥ ... ﻏﻴﺮ ﺳﺪ ﻟﺒﺎﺏ ﻭ ﻫﻮ ﻳﺘﺤﺮﻙ ﺇﻟﻴﺎﺱ ﺑﻐﺎ ﻳﻨﻮﺽ ... ﺣﺲ ﺑﺄﻟﻢ ﻭ ﺷﺪ ﻓﺼﺪﺭﻭ ... ﻗﺮﺑﺎﺕ ﻋﻨﺪﻭ ﺯﻳﻨﺐ ﻛﺘﺴﻮﻟﻮ ﺑﺨﻮﻑ ...
ﺯﻳﻨﺐ : ﻣﺎﻟﻚ ... ﺷﻨﻮ ﺿﺮﻙ
ﺇﻟﻴﺎﺱ : " ﺣﻂ ﻳﺪﻭ ﻋﻠﻰ ﺻﺪﺭﻭ " ﻗﻠﺒﻲ ﺿﺮﻧﻲ ... ﻭ ﻧﺘﻲ ﺍﻟﺴﺒﺐ
ﺯﻳﻨﺐ : ﻣﺒﺎﻗﻴﺶ ﺗﺨﻠﻌﻨﻲ ﺭﺍﻩ ﻏﻴﺴﻜﺖ ﻟﻴﺎ ﺍﻟﻘﻠﺐ ... " ﺷﺎﻓﺘﻮ ﻓﻴﻦ ﺣﺎﻁ ﻳﺪﻭ ﻭ ﻣﻴﻘﺎﺕ ﻓﻴﻪ " ﻛﻄﻨﺰ ﻋﻠﻴﺎ ﺗﻤﺎﻙ ﻓﻴﻦ ﻛﻴﻜﻮﻥ ﺍﻟﻘﻠﺐ
ﺇﻟﻴﺎﺱ : " ﺿﺤﻚ ﺣﺘﻰ ﺗﻌﮕﺮ " ﻫﻬﻬﻬﻬﻬﻬﻪ ... ﻭ ﺍﻟﻠﻪ ﻣﺎﻛﻨﻜﺬﺏ ﻋﻠﻴﻚ ... ﻗﺎﻝ ﻟﻴﺎ ﺍﻟﻄﺒﻴﺐ ﻋﻨﺪﻱ ﺍﻟﻘﻠﺐ ﻓﻠﻴﻤﻦ ... ﻛﻦ ﻛﺎﻥ ﻓﻠﻴﺴﺮ ﻓﻴﻦ ﺟﺎﺕ ﺍﻟﻘﺮﻃﺎﺳﺔ ﻛﻦ ﺍﻟﻠﻪ ﻳﺮﺣﻤﻨﻲ
ﺯﻳﻨﺐ : " ﺑﺪﻫﺸﺔ " ﻛﺘﻬﻀﺮ ﺑﺎﻟﻤﻌﻘﻮﻝ !!
ﺇﻟﻴﺎﺱ : ﻭ ﺍﻟﻠﻪ ﺍﻟﻰ ﻣﻌﺎﻙ ﺑﺎﻟﻤﻌﻘﻮﻝ ... ﺷﻔﺘﻲ ﺣﺒﻴﺒﻚ ﺣﺎﻟﺔ ﺧﺎﺻﺔ ... " ﺷﺎﻓﻬﺎ ﺗﺒﺴﻤﺎﺕ " ﻭ ﻫﻜﺎﻙ ﻭ ﻣﺴﺤﻲ ﺩﻭﻙ ﺍﻟﺪﻣﻮﻉ ﻣﻜﻨﺤﻤﻠﺶ ﻧﺸﻮﻓﻬﻢ ... ﻭ ﻧﺘﻲ ﻛﺘﻌﺠﺒﻴﻨﻲ ﺣﻴﻨﺖ ﻣﺎﺑﻜﻴﺎﺵ
ﺯﻳﻨﺐ : ﻛﻴﻔﺎﺵ ﺣﺘﻰ ﺗﻀﺮﺑﺘﻲ ﺑﻘﺮﻃﺎﺳﺔ ؟
ﺇﻟﻴﺎﺱ : ﻣﻦ ﺑﻌﺪ ﻭ ﻧﻌﺎﻭﺩ ﻟﻴﻚ ... ﺩﺍﺑﺔ ﻋﻴﺎﻥ
ﺯﻳﻨﺐ : ﺑﻐﻴﺘﻲ ﺗﻨﻌﺲ ... ﺍﻧﺨﺮﺝ ﺣﺘﺎﻝ ﻣﻦ ﺑﻌﺪ ﻭ ﻧﺮﺟﻊ
ﺑﻐﺎﺕ ﺗﻨﻮﺽ ﻭ ﻫﻮ ﻳﺸﺪ ﻳﺪﻫﺎ ... ﺟﺮﻫﺎ ﺣﺘﻰ ﺭﺟﻌﺎﺕ ﭼﻠﺴﺎﺕ ...
ﺇﻟﻴﺎﺱ : ﺧﻠﻴﻚ ﺣﺪﺍﻳﺎ
ﺣﺮﻛﺎﺕ ﺭﺍﺳﻬﺎ ﺑﻮﺍﺧﺔ ﻭ ﺑﻘﺎﺕ ﭼﺎﻟﺴﺔ ﺟﻨﺒﻮ ... ﺇﻟﻴﺎﺱ ﻣﻊ ﺍﻟﺪﻭﺍ ﺭﺟﻊ ﻏﻤﺾ ﻋﻨﻴﻪ ﻭ ﻧﻌﺲ ... ﻧﺰﻻﺕ ﻋﻨﻴﻬﺎ ﻛﺘﺸﻮﻑ ﻓﻴﺪﻭ ﺍﻟﻲ ﺷﺎﺩﺓ ﻓﻴﺪﻫﺎ ... ﺗﺤﻨﺎﺕ ﺑﺤﺬﺭ ﺑﺎﺵ ﻣﺘﻌﮕﺮﻭﺵ ﻭ ﺑﺎﺳﺘﻮ ﻓﺨﺪﻭ ...
ﻛﺎﻧﺖ ﭼﺎﻟﺴﺔ ﻓﺎﻟﺠﺮﺩﺓ ﺣﺘﻰ ﻭﻗﻒ ﻋﻠﻴﻬﺎ ﺳﻨﻤﺎﺭ ... ﻫﺰﺍﺕ ﻓﻴﻪ ﺭﺍﺳﻬﺎ ﻭ ﻫﻤﺎ ﻳﺒﺎﻧﻮ ﻟﻴﻪ ﻋﻨﻴﻬﺎ ﺣﻤﺮﻳﻦ ... ﭼﻠﺲ ﺟﻨﺒﻬﺎ ﻛﻴﺸﻮﻑ ﻟﻘﺪﺍﻡ ...
ﺳﻨﻤﺎﺭ : ﻋﺮﻓﺖ ﻏﻴﺮ ﺷﻲ ﺣﻮﺍﻳﺞ ﻗﻼﻝ ... ﻭ ﻣﺰﺍﻝ ﻏﻨﺸﻮﻑ ﺷﻨﻮ ﻭﺍﻗﻊ ... ﻻ ﻛﻨﺘﻲ ﻣﺸﻄﻮﻧﺔ ﻋﻠﻰ ﺭﺋﺒﺎﻝ ... ﻓﺒﻠﻤﺎ ﺗﺨﺎﻓﻲ ... ﻫﻮ ﻣﻴﺘﺨﺎﻓﺶ ﻋﻠﻴﻪ ... ﺍﻧﺘﺎﺑﻬﻲ ﻏﻴﺮ ﻟﺮﺍﺳﻚ ﻭ ﺍﻟﻲ ﻗﺎﻟﻬﺎ ﻟﻴﻚ ﺩﻳﺮﻳﻬﺎ ﺑﺎﺵ ﻳﻜﻮﻥ ﻣﺮﺗﺎﺡ ﻣﻦ ﺟﻬﺘﻚ
ﺟﻮﻻﻥ : ﺇﻣﺘﻰ ﻏﻴﺨﺮﺝ ؟
ﺳﻨﻤﺎﺭ : ﻣﻦ ﺑﻌﺪ ﻣﺎﺗﺪﻭﺯ ﺍﻟﻤﺤﺎﻛﻤﺔ ﻏﻴﺮﺟﻊ ﺍﻥ ﺷﺎﺀ ﺍﻟﻠﻪ ... ﻣﻨﻴﻦ ﻛﺎﻳﻨﺔ ﺯﻳﻨﺐ ﻣﻊ ﺇﻟﻴﺎﺱ ﺍﻧﺎ ﻏﻨﻤﺸﻲ ﻧﺸﻮﻓﻮ ... ﺧﻠﻴﻚ ﻣﻌﺎﻫﻢ ﺣﺘﻰ ﻧﺮﺟﻊ
ﻧﺎﺽ ﻭ ﺗﻮﺟﻪ ﻟﺴﻴﺎﺭﺗﻮ ... ﺩﻳﻤﺎﺭﺍ ﻗﺎﺻﺪ ﺍﻟﻤﺮﻛﺰ ... ﻫﺒﻂ ﻭ ﺗﻢ ﺩﺍﺧﻞ ﻣﻊ ﻟﺒﺎﺏ ... ﺑﺎﻥ ﻟﻴﻪ ﺭﺍﺟﻞ ﻓﺎﻟﺨﻤﺴﻴﻨﻴﺎﺕ ﻣﺮﺍﻓﻘﺎﻩ ﺑﻨﺖ ... ﺷﺎﻑ ﻓﻴﻬﻢ ﻭ ﻛﻤﻞ ﻋﻠﻰ ﻃﺮﻳﻘﻮ ... ﻟﻴﺎﻥ ﻛﺎﻧﺖ ﺧﺎﺭﺟﺔ ﻫﻲ ﻭ ﺟﺎﺑﺮ ... ﺍﻟﻲ ﻛﺎﻥ ﻣﻤﻜﻦ ﻳﺨﺮﺝ ﻟﺒﺎﺭﺡ ... ﻟﻜﻦ ﻓﺎﺵ ﻋﺮﻑ ﻳﺎﻣﻦ ﻫﻮ ﺍﻟﻲ ﺿﺮﺏ ﺟﻮﻻﻥ ﺑﻴﺘﻮ ﻓﺎﻟﺤﺠﺰ ... ﻭ ﺍﻟﻴﻮﻡ ﻋﺎﺩ ﻃﻠﻘﻮﻩ ...
ﻛﺎﻧﺖ ﻣﺮﺍﻗﺒﺔ ﺍﻟﻮﺿﻊ ﻣﻦ ﺑﻌﻴﺪ ... ﻣﺎﺑﻐﺎﺗﺶ ﺗﺪﺧﻞ ﺑﺎﺵ ﻣﻴﻜﻨﻮﺵ ﻋﻠﻴﻬﺎ ﺍﻟﺸﻜﻮﻙ ... ﻛﻴﻒ ﺗﻄﻠﻖ ﺟﺎﺑﺮ ﺟﺎﺕ ﻋﻨﺪﻭ ... ﻋﺮﻓﺎﺕ ﻧﻔﺴﻬﺎ ﻛﺼﻴﺪﻳﻘﺔ ﻟﺨﻠﻴﻞ ... ﺗﻔﺎﺟﺄ ﻓﺎﺵ ﺳﻤﻊ ﺳﻴﺮﺓ ﻭﻟﺪﻭ ... ﺷﺎﺭﺕ ﻟﻴﻪ ﻣﺎﺷﻲ ﻫﻨﺎ ... ﻭ ﺗﻤﻮ ﺧﺎﺭﺟﻴﻦ ﻣﻦ ﺍﻟﻤﺮﻛﺰ ... ﺭﻛﺐ ﻣﻌﻬﺎ ﻭ ﺗﺤﺮﻛﺎﺕ ... ﺑﻌﺪ ﻣﺪﺓ ﻭﻗﻔﺎﺕ ﺍﻟﺴﻴﺎﺭﺓ ﺍﻣﺎﻡ ﻭﺍﺣﺪ ﺍﻟﻌﻤﺎﺭﺓ ...
ﻃﻠﻌﻮ ﻓﺎﻟﻤﺼﻌﺪ ﺣﻼﺕ ﺍﻟﺸﻘﺔ ﺩﺧﻼﺕ ﻭ ﺩﺍﺭﺕ ﻟﻴﻪ ﻳﺪﺧﻞ ... ﺗﺮﺩﺩ ﺣﺘﻰ ﺑﺎﻥ ﻟﻴﻪ ﻭﻟﺪﻭ ﻭﺍﻗﻒ ﻓﻮﺳﻂ ﺍﻟﺪﺍﺭ ... ﻗﺮﺏ ﻋﻨﺪﻭ ﻭ ﻋﻨﻘﻮ ...
🍂 ﺑﻌﺪ ﻣﺮﻭﺭ ﺃﺳﺒﻮﻉ ...
ﻭﻗﻔﺎﺕ ﺳﻴﺎﺭﺓ ﺃﻣﺎﻡ ﺍﻟﻤﺤﻜﻤﺔ ... ﻫﺒﻂ ﺳﻨﻤﺎﺭ ﺍﻟﻲ ﻛﺎﻥ ﺳﺎﻳﻖ ... ﺗﺤﻞ ﻟﺒﺎﺏ ﻻﺧﺮ ﻭ ﻫﺒﻂ ﺇﻟﻴﺎﺱ ... ﺭﻏﻢ ﺇﺻﺮﺍﺭﻫﻢ ﺃﻧﻪ ﻳﺒﻘﻰ ﻓﺎﻟﺪﺍﺭ ﻳﺮﺗﺎﺡ ﺭﻓﺾ ﻭ ﺟﺎ ﻣﻌﺎﻫﻢ ... ﻫﺒﻄﺎﺕ ﺟﻮﻻﻥ ﻭ ﺯﻳﻨﺐ ﺍﻟﻲ ﻛﺎﻧﻮ ﺭﺍﻛﺒﻴﻦ ﺍﻟﻠﻮﺭ ... ﺩﺧﻠﻮ ﺑﺮﺑﻌﺔ ﻭ ﺗﻮﺟﻬﻮ ﻟﻘﺎﻋﺔ ﺍﻟﻤﺤﺎﻛﻤﺔ ... ﺑﺎﻥ ﻟﻴﻬﻢ ﻣﺤﺎﻣﻲ ﺭﺋﺒﺎﻝ ... ﺳﻠﻤﻮ ﻋﻠﻴﻪ ﺍﻟﺪﺭﺍﺭﻱ ﻭ ﺩﺧﻠﻮ ...
ﭼﻠﺴﻮ ﻓﺎﻟﻜﺮﺍﺳﻲ ﺍﻷﻭﻟﻰ ... ﺑﺪﺍﺕ ﻛﺘﻌﻤﺮ ﺍﻟﻘﺎﻋﺔ ... ﺷﻮﻳﺔ ﺗﺤﻞ ﻟﺒﺎﺏ ﺍﻟﻲ ﻓﺎﻟﺠﻨﺐ ... ﺯﻳﺮﺍﺕ ﻋﻠﻰ ﻳﺪﻳﻬﺎ ﻭ ﺭﺟﻠﻴﻬﺎ ﻣﺎﺯﮔﺎﻭﺵ ﻣﻦ ﺍﻟﺤﺮﻛﺔ ... ﻭ ﻫﻲ ﻛﺘﺮﻗﺐ ﺧﺮﻭﺟﻮ ... ﺃﺳﺒﻮﻉ ﺩﺍﺯ ﻋﻠﻴﻬﺎ ﻛﻴﻒ ﺍﻟﻌﺎﻡ ... ﻛﻞ ﻟﻴﻠﺔ ﻛﺘﺒﺎﺕ ﻓﺒﻴﺘﻮ ﻓﻮﻕ ﻓﺮﺍﺷﻮ ... ﻏﻴﺎﺑﻮ ﻓﻬﺎﺩ ﺍﻟﻔﺘﺮﺓ ﺧﻼﻫﺎ ﺗﺸﺘﺎﻕ ﻟﻴﻪ ﻟﺪﺭﺟﺔ ﺧﻨﻘﺎﺗﻬﺎ ... ﺗﻐﺮﻏﺮﻭ ﻋﻨﻴﻬﺎ ﻓﺎﺵ ﺷﺎﻓﺘﻮ ﺧﺎﺭﺝ ﺑﻤﺮﺍﻓﻘﺔ ﺷﺮﻃﻴﻴﻦ ...
ﻣﺸﺎﻭ ﻋﻨﻴﻪ ﻣﺒﺎﺷﺮﺓ ﻟﻴﻬﺎ ... ﺗﺄﻣﻞ ﻭﺟﻬﺎ ﺍﻟﻲ ﻛﺎﻥ ﺑﺎﻳﻦ ﻋﻠﻴﻪ ﺍﻟﺘﻌﺐ ... ﻭ ﺩﻭﺯ ﻋﻨﻴﻪ ﻟﺴﻨﻤﺎﺭ ﻭ ﺇﻟﻴﺎﺱ ... ﺧﻨﺰﺭ ﻓﻴﻪ ﻛﺄﻧﻪ ﻛﻴﻘﻮﻝ ﻟﻴﻪ ﺷﻨﻮ ﻛﺎﺩﻳﺮ ﻫﻨﺎ ... ﻣﺸﺎ ﺟﻠﺲ ﻓﺎﻟﻤﻜﺎﻥ ﺍﻟﻲ ﻣﺨﺼﺼﻴﻦ ﻟﻴﻪ ... ﻋﻢ ﺍﻟﻬﺪﻭﺀ ﻓﺎﻟﻘﺎﻋﺔ ﻓﺎﺵ ﺩﺧﻞ ﺍﻟﻘﺎﺿﻲ ... ﺗﺴﻤﻌﻮ ﺧﻄﻮﺍﺕ ﻭﺳﻂ ﺩﺍﻙ ﺍﻟﻬﺪﻭﺀ ... ﻫﺰ ﺭﺋﺒﺎﻝ ﺭﺍﺳﻮ ﺑﺎﻥ ﻟﻴﻪ ﺟﺎﺑﺮ ﺩﺍﺧﻞ ... ﺟﻤﻊ ﻗﺒﻀﺔ ﻳﺪﻳﻪ ﻣﺰﻳﺮ ﻋﻠﻴﻬﻢ ﺣﺘﻰ ﺑﻴﺎﺿﻮ ...
ﺩﺍﺧﻞ ﻻﺑﺲ ﺑﺪﻟﺔ ﺯﺭﻗﺎﺀ ﻭ ﻣﺤﺴﻦ ﻭ ﻣﻘﺎﺩ ﺍﻟﺤﺎﻟﺔ ... ﻋﻜﺲ ﻛﻴﻒ ﻛﺎﻥ ﻛﻴﺒﺎﻥ ﻓﺎﺵ ﻛﺎﻥ ﻣﺤﺒﻮﺱ ... ﻧﺎﻗﺺ ﺷﻌﺮﻭ ﻭ ﻟﺤﻴﺘﻮ ﺍﻟﻲ ﻣﺘﺨﻠﻠﻬﻢ ﺷﻌﻴﺮﺍﺕ ﺭﻣﺎﺩﻳﻴﻦ ... ﻛﻴﺒﺎﻥ ﺑﺎﻗﻲ ﺷﺎﺩ ﻓﺮﺍﺳﻮ ... ﭼﻠﺲ ﻓﺄﺣﺪ ﺍﻟﻜﺮﺍﺳﻲ ﺍﻟﻲ ﻓﺎﻟﺼﻒ ﺍﻷﻭﻝ ﻣﻦ ﺍﻟﺠﻬﺔ ﺍﻷﺧﺮﻯ ... ﻧﻔﺲ ﺍﻟﺼﻒ ﺍﻟﻲ ﭼﺎﻟﺲ ﻓﻴﻪ ﻳﺎﻣﻦ ﻭ ﻳﺰﻳﺪ ﻭ ﻟﻴﺎﻥ ...
ﻭﺟﻪ ﻧﻀﺮﻭ ﻟﺮﺋﺒﺎﻝ ﺍﻟﻲ ﻟﻤﺤﻮ ﻛﻴﻒ ﺩﺧﻞ ... ﻭ ﺩﻏﻴﺎ ﺣﻴﺪ ﻋﻨﻴﻪ ﻛﻴﺸﻮﻑ ﻗﺪﺍﻣﻮ ... ﺑﺪﺍﺕ ﺍﻟﺠﻠﺴﺔ ﻭ ﺗﻘﺪﻡ ﺍﻟﻤﺪﻋﻲ ﺍﻟﻌﺎﻡ ... ﺍﻟﻲ ﺗﻜﻠﻢ ﻋﻠﻰ ﺍﻟﺘﻬﻢ ﺍﻟﻤﻮﺟﻬﺔ ﻟﺮﺋﺒﺎﻝ ... ﻭ ﺃﻫﻤﻬﺎ ﻗﺘﻞ ﻳﺎﺳﻤﻴﻦ ﺍﻟﻌﺜﻤﺎﻧﻲ ﻭ ﺧﻄﻒ ﺟﺎﺑﺮ ﺍﻟﻨﺎﺻﻴﺮﻱ ... ﺑﻌﺪﻣﺎ ﻛﻤﻞ ﺍﺳﺘﺪﻋﻰ ﺟﺎﺑﺮ ﺑﺎﺵ ﻳﻌﻄﻲ ﺷﻬﺎﺩﺗﻮ ... ﺟﻠﺲ ﻓﺎﻟﻜﺮﺳﻲ ﻭ ﺍﻟﻤﺪﻋﻲ ﺑﺪﺍ ﻳﻄﺮﺡ ﻋﻠﻴﻪ ﻓﺎﻷﺳﺌﺔ ...
ﺍﻟﻤﺪﻋﻲ ﺍﻟﻌﺎﻡ : ﺳﻲ ﺟﺎﺑﺮ ... ﻋﻠﻰ ﺣﺴﺐ ﺇﻓﺎﺩﺗﻚ ﻓﺎﻟﻤﺮﻛﺰ ... ﻗﻠﺘﻲ ﺃﻥ ﺭﺋﺒﺎﻝ ﺍﻟﻌﺜﻤﺎﻧﻲ ﻫﻮ ﺍﻟﻲ ﻗﺘﻞ ﺍﻟﺰﻭﺟﺔ ﺩﻳﺎﻟﻚ ﻗﺒﻞ ﺧﻤﺲ ﺳﻨﻮﺍﺕ ﻫﺎﺩﻱ ... ﻭ ﻗﺎﻡ ﺑﺎﺧﺘﻄﺎﻓﻚ ﻭ ﺟﺎﺑﻚ ﻟﻠﻤﻐﺮﺏ ... ﻭ ﻣﻦ ﺳﺎﻋﺘﻬﺎ ﻭ ﻧﺘﺎ ﻣﺤﺒﻮﺱ ﻓﺪﺍﺭﻭ ... ﻫﺎﺩﺷﻲ ﺍﻟﻲ ﻗﻠﺘﻲ ﻳﺎﻙ !
ﺟﺎﺑﺮ : ﺁﻩ ... ﻫﺎﺩﺷﻲ ﺍﻟﻲ ﻭﻗﻊ
ﺍﻟﻤﺪﻋﻲ ﺍﻟﻌﺎﻡ : ﻣﻤﻜﻦ ﺗﻌﺎﻭﺩ ﻟﻴﻨﺎ ﻋﻠﻰ ﻋﻼﻗﺘﻚ ﺑﺮﺋﺒﺎﻝ ﺍﻟﻌﺜﻤﺎﻧﻲ ﻭ ﻋﻼﺵ ﻓﻨﻈﺮﻙ ﺩﺍﺭ ﻫﺎﺩﺷﻲ
ﺟﺎﺑﺮ : ﻗﺒﻞ 25 ﺳﻨﺔ ﻛﻨﺖ ﻣﺰﻭﺝ ﺑﺎﻣﺮﺍﺓ ﺍﺧﺮﻯ ﻭ ﻛﺎﻥ ﻋﻨﺪﻧﺎ ﻭﻟﺪ ... ﻭﻗﻌﻮ ﺷﻲ ﻣﺸﺎﻛﻞ ﺑﻴﻨﺎﺗﻨﺎ ﻭ ﺗﻔﺎﺭﻗﻨﺎ ... ﻛﻨﺎ ﻭﺍﻗﻔﻴﻦ ﻋﻠﻰ ﺍﻟﻄﻼﻕ ﻭ ﻣﻨﻴﻦ ﻋﺮﻓﺎﺕ ﺑﻠﻲ ﻏﻨﺘﺰﻭﺝ ﻣﺮﺍ ﺍﺧﺮﻯ ... ﻣﺎﻋﺠﺒﻬﺎﺵ ﺍﻟﺤﺎﻝ ﻭ ﺟﺎﺕ ﺗﻬﺠﻤﺎﺕ ﻋﻠﻰ ﺍﻟﺴﻴﺪﺓ ﺍﻟﻲ ﺗﺰﻭﺟﺖ ﻭ ﻛﺎﻧﺖ ﺑﺎﻏﺔ ﺗﻘﺘﻠﻬﺎ ...
ﺟﺎﺏ ﺍﻟﻠﻪ ﺍﻟﻀﺮﺑﺔ ﻣﻜﺎﻧﺘﺶ ﺧﻄﻴﺮﺓ ... ﻟﻜﻦ ﺯﻭﺟﺘﻲ ﺍﻟﺜﺎﻧﻴﺔ ﻛﺎﻧﺖ ﺑﺎﻏﺔ ﺗﺮﻓﻊ ﻋﻠﻴﻬﺎ ﺩﻋﻮﺓ ... ﻭ ﺍﻧﺎ ﺧﻠﻴﺘﻬﺎ ﺗﺮﺍﺟﻊ ﻣﺎﺑﻐﻴﺘﻬﺎﺵ ﺗﺪﺧﻞ ﻟﺤﺒﺲ ﻭ ﺗﺨﻠﻲ ﻭﻟﺪﻧﺎ ... ﻭ ﻭﺍﻋﺪﺕ ﺯﻭﺟﺘﻲ ﻧﻄﻠﻘﻬﺎ ﻭ ﻣﻦ ﺑﻌﺪﻫﺎ ﺳﺎﻓﺮﻧﺎ ... ﻛﺎﻥ ﺇﻣﺎ ﻧﺪﻳﺮ ﻫﺎﻛﺔ ﻭ ﻻ ﺭﺑﺎﺏ ﻛﺎﻧﺖ ﻏﺘﺪﺧﻞ ﻟﻠﺤﺒﺲ ...
ﺭﺋﺒﺎﻝ ﻛﻴﻒ ﺟﺒﺪﻭ ﺳﻴﺮﺓ ﺍﻷﻡ ﺩﻳﺎﻟﻮ ... ﻛﺎﻥ ﻛﻴﻐﻠﻲ ﻓﺎﻟﺪﺍﺧﻞ ﺩﻳﺎﻟﻮ ... ﻛﻼﻡ ﺟﺎﺑﺮ ﺍﺳﺘﺎﻓﺰﻭ ﺑﺎﻟﻤﻌﻘﻮﻝ ... ﻛﻴﻬﻀﺮ ﻋﻠﻴﻬﺎ ﺑﺪﻭﻥ ﺫﺭﺓ ﻧﺪﻡ ﺑﻌﺪ ﺍﻟﻲ ﺩﺍﺭ ﻓﻴﻬﺎ ... ﺍﻟﻬﺪﻭﺀ ﺍﻟﻲ ﻛﺎﻥ ﺑﺎﻳﻦ ﻋﻠﻰ ﺭﺋﺒﺎﻝ ﻣﻦ ﺍﻟﺨﺎﺭﺝ ﻛﺎﻥ ﻋﻜﺴﻮ ﻓﺎﻟﺪﺍﺧﻞ ... ﺟﻮﻻﻥ ﻛﺎﻧﺖ ﻛﺘﺴﻤﻊ ﻭ ﻋﻨﻴﻬﺎ ﻋﻠﻰ ﺭﺋﺒﺎﻝ ... ﻏﻴﺮ ﺳﻤﻌﺎﺕ ﺍﺳﻢ ﺭﺑﺎﺏ ﺭﺟﻌﺎﺕ ﺑﻴﻬﺎ ﺫﺍﻛﺮﺗﻬﺎ ﻟﻠﺼﻮﺭﺓ ﺍﻟﻲ ﺷﺎﻓﺖ ﻋﻨﺪﻭ ﻓﺎﻟﻤﻜﺘﺐ ...
ﻛﻤﻞ ﺍﻟﻤﺪﻋﻲ ﺍﻟﻌﺎﻡ ﻓﺄﺳﺌﻠﺘﻮ ...
ﺍﻟﻤﺪﻋﻲ ﺍﻟﻌﺎﻡ : ﺑﺎﺵ ﻛﻠﺸﻲ ﻳﻔﻬﻢ ... ﺍﻹﺑﻦ ﺩﻳﺎﻟﻚ ﺍﻟﻲ ﻫﻀﺮﺗﻲ ﻋﻠﻴﻪ ﺍﻟﻲ ﻛﺎﻥ ﺍﺳﻤﻮ ﺇﻳﻠﻴﺎ ... ﻫﻮ ﻧﻔﺴﻮ ﺭﺋﺒﺎﻝ ﺍﻟﻌﺜﻤﺎﻧﻲ !
ﺟﺎﺑﺮ : ﺁﻩ ﻫﻮ
ﺍﻟﻤﺪﻋﻲ : " ﺣﻂ ﺃﻭﺭﺍﻕ ﻗﺪﺍﻡ ﺍﻟﻘﺎﺿﻲ " ﻫﺎﺩﻭ ﺟﺎﻭ ﻣﻦ ﺍﻟﻤﻴﺘﻢ ﺍﻟﻲ ﺩﺧﻞ ﻟﻴﻪ ﺇﻳﻠﻴﺎ ﺍﻟﻨﺎﺻﻴﺮﻱ ﺳﻨﺔ 1993 ... ﻧﻔﺲ ﺍﻟﺴﻨﺔ ﺍﻟﻲ ﻣﺎﺗﺖ ﻓﻴﻬﺎ ﺍﻷﻡ ﺩﻳﺎﻟﻮ ... ﻭ ﻫﻨﺎ ﻛﺎﻥ ﺟﺎﺑﺮ ﻣﺴﺘﺎﻗﺮ ﻓﺄﻣﺮﻳﻜﺎ ... ﻭ ﺑﻌﺪﻫﺎ ﺑﺴﻨﺔ ﺗﻢ ﺗﺒﻨﻴﻪ ﻣﻦ ﻋﺎﺋﻠﺔ ﺍﻟﻌﺜﻤﺎﻧﻲ ﺍﻟﻲ ﻏﻴﺮﻭ ﻟﻴﻪ ﺍﻹﺳﻢ ... ﻭﺭﺍﻕ ﺍﻟﺘﺒﻨﻲ ﺣﺘﻰ ﻫﻤﺎ ﺗﻤﺎﻙ ... " ﺿﺎﺭ ﻋﻨﺪ ﺟﺎﺑﺮ " ﺳﻲ ﺟﺎﺑﺮ ﻣﻨﻴﻦ ﻫﻮ ﻭﻟﺪﻙ ... ﻋﻼﺵ ﺑﻠﻐﺘﻲ ﺑﻴﻪ ؟
ﺟﺎﺑﺮ : ﻭﺍﺧﺔ ﻫﺎﺩﺷﻲ ﻛﻮﻟﻮ ﻣﺎﺣﻘﺪﺗﺶ ﻋﻠﻴﻪ ... ﻣﻮﺕ ﺍﻷﻡ ﺩﻳﺎﻟﻮ ﺑﺪﻳﻚ ﺍﻟﻄﺮﻳﻘﺔ ﺑﺎﻳﻨﺔ ﻛﺎﻧﺖ ﺻﻌﻴﺒﺔ ﻋﻠﻴﻪ ... ﻟﻜﻦ ﺧﺎﺹ ﺷﻲ ﺣﺪ ﻳﺘﺪﺧﻞ ﻭ ﺍﻻ ﻏﺎﺩﻱ ﻳﺂﺫﻱ ﻧﺎﺱ ﺁﺧﺮﻳﻦ ﻭ ﻳﺂﺫﻱ ﺭﺍﺳﻮ ... ﻫﻮ ﻣﺤﺘﺎﺝ ﻟﻠﻤﺴﺎﻋﺪﺓ ﻭ ﺍﻟﻌﻼﺝ
ﺍﻟﻤﺪﻋﻲ : ﺑﺎﻏﻲ ﺗﻘﻮﻝ ﺳﻲ ﺭﺋﺒﺎﻝ ﺍﻟﻌﺜﻤﺎﻧﻲ ... ﻋﻨﺪﻭ ﺍﻇﻄﺮﺍﺑﺎﺕ ﻧﻔﺴﻴﺔ
ﺟﺎﺑﺮ : ﺁﺍﻩ
ﺍﺳﺘﺎﻣﺮ ﺍﻟﻤﺪﻋﻲ ﻓﻄﺮﺡ ﺍﻷﺳﺌﻠﺔ ﺍﻟﻲ ﻛﺎﻧﺖ ﺑﺎﻏﺔ ﺗﺒﻴﻦ ﺃﻥ ﺭﺋﺒﺎﻝ ﻣﺠﺮﻡ ... ﻛﻴﺮﺗﺎﻛﺐ ﺟﺮﺍﺋﻢ ﺑﺴﺒﺐ ﺇﻇﻄﺮﺍﺑﻮ ﺍﻟﻨﻔﺴﻲ ... ﺟﺎﺑﺮ ﻛﻴﺠﺎﻭﺏ ﺇﺟﺎﺑﺎﺕ ﻛﺘﺰﻳﺪ ﺗﺪﻳﻦ ﺭﺋﺒﺎﻝ ... ﺳﻨﻤﺎﺭ ﻭ ﺇﻟﻴﺎﺱ ﻛﻴﺸﻮﻓﻮ ﻓﻴﻪ ﺑﺤﻘﺪ ... ﻭﺍﺧﺔ ﻣﺎﻋﺮﻓﻴﻦ ﺍﻻ ﺍﻟﻘﻠﻴﻞ ﻭ ﺭﺋﺒﺎﻝ ﻋﻤﺮﻭ ﺫﻛﺮ ﺳﻴﺮﺗﻮ ﻗﺪﺍﻣﻬﻢ ... ﻋﺬﺭﻭﻩ ﻓﻬﺎﺩ ﺍﻟﻠﺤﻈﺔ ...
ﻷﻥ ﺃﺏ ﺑﺤﺎﻟﻮ ﻫﻤﺎ ﺑﻨﻔﺴﻬﻢ ﻏﻴﺨﺠﻠﻮ ﻳﻌﺘﺎﺭﻓﻮ ﺑﻴﻪ ... ﺟﻮﻻﻥ ﻏﻴﺮ ﻣﺎﺯﺍﻳﺪﺓ ﺗﺼﺪﻡ ﻣﻦ ﺍﻟﻲ ﻛﻴﺘﻘﺎﻝ ... ﻋﺎﺭﻓﺔ ﺑﻠﻲ ﺭﺋﺒﺎﻝ ﻳﺘﻴﻢ ﻭ ﻭﺍﻟﺪﻳﻪ ﻣﺎﺗﻮ ﻓﺤﺎﺩﺙ ﺳﻴﺮ ... ﻫﺎﺩﺷﻲ ﺍﻟﻲ ﻋﺎﺭﻓﺔ ... ﻟﻜﻦ ﻫﺎﺩﻱ ﻛﺎﻧﺖ ﻏﻴﺮ ﺍﻟﺒﺪﺍﻳﺔ ... ﻛﻴﻒ ﻛﻤﻞ ﺍﻟﻤﺪﻋﻲ ﺭﺟﻊ ﻫﻮ ﻟﻤﻜﺎﻧﻮ ﻭ ﺧﻠﻰ ﻟﻤﺠﺎﻝ ﻟﻤﺤﺎﻣﻲ ﺭﺋﺒﺎﻝ ... ﻛﺎﻥ ﺭﺟﻞ ﺳﻤﻴﻦ ﺷﻮﻳﺔ ﻭ ﺷﻌﺮﻭ ﺑﻴﺾ ... ﻣﻌﺮﻭﻑ ﺑﺒﺮﺍﻋﺘﻮ ﻭ ﺳﺠﻠﻮ ﻣﺎﻓﻴﻪ ﺣﺘﻰ ﻗﻀﻴﺔ ﺧﺎﺳﺮﺓ ...
ﺑﺪﺍ ﻣﺒﺎﺷﺮﺓ ﺑﻄﺮﺡ ﺍﻷﺳﺌﻠﺔ ...
ﺍﻟﻤﺤﺎﻣﻲ : ﻛﻠﺸﻲ ﺍﻟﻲ ﺗﻘﺎﻝ ﻟﺤﺪ ﺍﻵﻥ ﺻﺤﻴﺢ ﻧﻮﻋﺎ ﻣﺎ ... ﺟﺎﺑﺮ ﻫﻮ ﺑﺎﻟﺼﺢ ﺍﺏ ﻣﻮﺳﻴﻮ ﺭﺋﺒﺎﻝ ﺍﻟﻌﺜﻤﺎﻧﻲ ... ﺷﻨﻮ ﻭﻗﻊ ﻓﺎﻟﻤﺎﺿﻲ ﺑﻴﻦ ﺍﻷﻡ ﺩﻳﺎﻟﻮ ﻭ ﺑﺎﻩ ﻫﺎﺩﺷﻲ ﺃﻣﻮﺭ ﺷﺨﺼﻴﺔ ﺑﻌﻴﺪﺓ ﻋﻠﻰ ﺍﻟﻘﻀﻴﺔ ... ﻭ ﺍﺣﺘﺮﺍﻣﺎ ﻟﺮﻏﺒﺔ ﻣﻮﻛﻠﻲ ﻣﻐﺎﺩﻳﺶ ﻧﺬﻛﺮﻫﺎ ...
ﻟﻜﻦ ﺑﺎﻏﻲ ﻧﻄﺮﻕ ﻟﺤﺎﺟﺔ ﻭﺣﺪﺓ ... ﺟﺎﺑﺮ ﻗﺎﻝ ﺍﻧﻪ ﺭﻓﻊ ﺩﻋﻮﺓ ﻃﻼﻕ ﻋﻠﻰ ﺍﻟﺮﺍﺣﻠﺔ ... ﻓﺎﺵ ﺑﺤﺚ ﻓﺎﻟﺴﺠﻼﺕ ﻣﻜﺎﻧﺖ ﺣﺘﻰ ﺩﻋﻮﺓ ﻃﻼﻕ ﺩﻳﻚ ﺍﻟﺴﺎﻉ ... ﻳﻌﻨﻲ ﺍﻟﻤﺮﺣﻮﻣﺔ ﻣﻜﺎﻧﺘﺶ ﻋﺎﺭﻓﺔ ﺷﻨﻮ ﻛﺘﺨﺒﺰ ... ﻭ ﻣﻨﻴﻦ ﺍﻛﺘﺎﺷﻔﺎﺕ ﺧﻴﺎﻧﺘﻚ ﻟﻴﻬﺎ ﻛﺎﻥ ﺭﺩ ﻓﻌﻞ ﻋﺎﺩﻱ ﺗﺼﺮﻑ ﻫﻜﺎﻙ ... ﻭ ﺑﺎﺵ ﺗﻘﻮﻝ ﻣﺸﻴﺘﻲ ﻣﺨﻠﻲ ﻣﻦ ﻭﺭﺍﻙ ﺯﻭﺟﺘﻚ ﻭ ﻭﻟﺪﻙ ﺑﺎﺵ ﺗﺤﻤﻴﻬﻢ ﻫﺎﺩﺷﻲ ﻣﺎﺷﻲ ﻣﻨﻄﻘﻲ ...
ﻣﺎﻋﻠﻴﻨﺎ ﻋﺸﺘﻲ ﺣﻴﺎﺗﻚ ﺑﺨﻴﺮ ﻓﺄﻣﺮﻳﻜﺎ ﻭ ﺟﺎﻙ ﻭﻟﺪ ﺁﺧﺮ ... ﻛﺒﺮﺗﻴﻪ ﻭ ﻋﺸﺘﻮ ﻓﺨﻴﺮ ﺍﺏ ﺯﻭﺟﺘﻚ ﻭ ﻣﻦ ﺳﺎﻋﺘﻬﺎ ﻣﻜﺎﻧﺖ ﻋﻨﺪﻙ ﺧﺒﺎﺭ ﻋﻠﻴﻬﻢ ... ﺑﻌﺪ ﺧﻤﺲ ﺳﻨﻮﺍﺕ ﻣﺎﺗﺖ ﺯﻭﺟﺘﻚ ﺍﻷﻭﻟﻰ ﻣﻨﺘﺎﺣﺮﺓ ... ﻭ ﺑﻌﺪﻫﺎ ﻣﻮﺳﻴﻮ ﺭﺋﺒﺎﻝ ﺗﺤﻮﻝ ﻟﻠﻤﻴﺘﻢ ﻭ ﺑﻌﺪ ﺳﻨﺔ ﺗﺒﻨﺎﺗﻮ ﻋﺎﺋﻠﺔ ﻏﻨﻴﻪ ... ﻭ ﻣﺎﺷﻲ ﺃﻱ ﻋﺎﺋﻠﺔ ...
ﻣﺼﻄﻔﻰ ﺍﻟﻌﺜﻤﺎﻧﻲ ﻭ ﻫﻮ ﺃﺥ ﻳﺎﺳﻤﻴﻦ ﺯﻭﺟﺘﻚ ﻭ ﺍﻹﺑﻦ ﺍﻷﻛﺒﺮ ﻟﻌﺎﺋﻠﺔ ﺍﻟﻌﺜﻤﺎﻧﻲ ... ﺍﻟﻲ ﺑﺴﺒﺐ ﺧﻼﻓﺎﺕ ﺷﺨﺼﻴﺔ ﺑﻌﺪ ﻋﻠﻰ ﻋﺎﺋﻠﺘﻮ ﻭ ﺑﻨﻰ ﺛﺮﻭﺗﻮ ﻣﻨﻔﺎﺻﻞ ﻋﻠﻰ ﺑﺎﻩ " ﺷﺎﻑ ﻋﻼﻣﺎﺕ ﺍﻟﺼﺪﻣﺔ ﻋﻠﻰ ﻭﺟﻪ ﺟﺎﺑﺮ " ﻫﺎﺩﺷﻲ ﻏﻔﻠﺘﻮ ﻋﻠﻴﻪ ﻭ ﻻ ﻣﺎﺑﻐﻴﺘﻮﺵ ﺗﺬﻛﺮﻭﻩ ﻛﻨﻈﻦ ...
ﻟﻜﻦ ﻫﺎﺩﺷﻲ ﻣﺎﺷﻲ ﻣﻬﻢ ... ﻗﻀﻴﺘﻨﺎ ﻫﻲ ﺷﻜﻮﻥ ﻗﺘﻞ ﻳﺎﺳﻤﻴﻦ ﺍﻟﻌﺜﻤﺎﻧﻲ ... ﻭ ﺷﻜﻮﻥ ﻋﻨﺪﻭ ﺩﺍﻓﻊ ﺃﻛﺒﺮ ... ﻷﻥ ﻣﻮﻛﻠﻲ ﻋﺎﺵ ﻓﺎﻟﺨﻴﺮ ﻭ ﺭﺟﻊ ﺭﺟﻞ ﺃﻋﻤﺎﻝ ﻛﺒﻴﺮ ... ﻣﻨﻈﻨﺶ ﻏﻴﺨﺎﻃﺮ ﺑﻜﻠﺸﻲ ... ﻭ ﻫﻨﺎ ﻏﻨﺮﺟﻌﻮ ﻟﻠﺸﺨﺺ ﺍﻟﻲ ﻋﻨﺪﻭ ﺩﺍﻓﻊ ﻗﻮﻱ ...
" ﺗﻠﻔﺖ ﻋﻨﺪ ﺟﺎﺑﺮ " ﺳﻲ ﺟﺎﺑﺮ ﻣﻌﻈﻢ ﺧﻼﻓﺎﺗﻚ ﻧﺘﺎ ﻭ ﺯﻭﺟﺘﻚ ﻛﺎﻧﻮ ﻋﻠﻰ ﺍﻟﺸﻚ ﻭ ﺍﻟﺨﻴﺎﻧﺔ ... ﻭ ﻧﻬﺎﺭ ﻭﺻﻠﻮﻙ ﺻﻮﺭ ﻛﻴﺄﻛﺪﻭ ﺧﻴﺎﻧﺘﻬﺎ ... " ﻫﺰ ﺻﻮﺭﺓ ﻭ ﻗﺎﺑﻠﻬﺎ ﻣﻌﺎﻩ " ﻓﺎﻳﺖ ﺷﻔﺘﻲ ﻫﺎﺩ ﺍﻟﺼﻮﺭ ﻭ ﺑﻠﻤﺎ ﺗﻨﻜﺮ ﺣﻴﻨﺖ ﻋﻠﻴﻬﻢ ﺑﺼﻤﺎﺗﻚ ... ﻭ ﻫﻨﺎ ﻓﻘﺪﺗﻲ ﺃﻋﺼﺎﺑﻚ ﻭ ﻗﺘﻠﺘﻴﻬﺎ !
ﺧﺮﺝ ﺟﺎﺑﺮ ﻋﻨﻴﻪ ﻓﺎﻟﺼﻮﺭﺓ ﺍﻟﻲ ﻓﻴﻬﺎ ﻳﺎﺳﻤﻴﻦ ﻧﺎﻋﺴﺔ ﻣﻊ ﻭﺍﺣﺪ ... ﻓﺈﺣﺪﻯ ﺍﻟﻐﺮﻑ ﺑﺸﻲ ﺃﻭﻃﻴﻞ ... ﻣﺼﺪﻭﻡ ﻛﻴﻔﺎﺵ ﺣﺘﻰ ﻃﺎﺣﻮ ﻓﻴﺪﻳﻦ ﺍﻟﻤﺤﺎﻣﻲ ... ﻭ ﻫﻮ ﻛﺎﻥ ﻣﺨﺒﻴﻬﻢ ﻓﺎﻟﺨﺰﻧﺔ ﻋﻨﺪﻭ ﻓﻤﻜﺘﺒﻮ ﺍﻟﻲ ﻓﺄﻣﺮﻳﻜﺎ ... ﻛﺎﻥ ﻭﺻﻠﻮﻩ ﻣﻦ ﻣﺠﻬﻮﻝ ﻭ ﺧﺒﺎﻫﻢ ... ﻣﻨﻴﻦ ﻃﺎﺣﻮ ﻓﻴﺪﻳﻦ ﺭﺋﺒﺎﻝ ﺟﺎﺑﻬﻢ ﻣﻌﺎﻩ ... ﻛﺄﻧﻪ ﻛﻴﺴﺘﺎﻋﺪ ﻟﻴﻮﻡ ﺑﺤﺎﻝ ﻫﺬﺍ ...
ﻣﻨﻴﻦ ﻭﺍﺟﻪ ﺟﺎﺑﺮ ﻳﺎﺳﻤﻴﻦ ﻣﺎﻧﻜﺮﺍﺗﺶ ... ﺍﺣﺘﺎﺟﺎﺕ ﺑﻠﻲ ﺣﺘﻰ ﻫﻮ ﺗﺠﺎﻫﻠﻬﺎ ﻭ ﻛﻴﺨﻮﻧﻬﺎ ﻣﻊ ﺑﻨﺎﺕ ﻗﺪ ﻭﻟﺪﻭ ... ﻭ ﻫﺎﺩﺷﻲ ﺯﺍﺩ ﺣﺪﺓ ﺍﻟﻤﺸﺎﻛﻞ ﺑﻴﻨﺎﺗﻬﻢ ... ﻭ ﻛﺎﻥ ﻛﻠﺸﻲ ﻋﺎﺭﻑ ﺑﺘﻮﺛﺮ ﻋﻼﻗﺘﻬﻢ ﺑﺴﺒﺐ ﺍﻟﻤﺸﺎﺟﺮﺍﺕ ﺍﻟﻤﺴﺘﻤﺮﺓ ...
ﺟﺎﺑﺮ : " ﻛﻴﺤﺮﻙ ﺭﺍﺳﻮ ﻳﻤﻴﻦ ﺷﻤﺎﻝ " ﻻ ... ﻫﺎﺩﺷﻲ ﻣﺎﻳﻤﻜﻨﺶ
ﺍﻟﻤﺪﻋﻲ : ﻋﺮﻓﺘﻲ ﻫﺎﺩﻭ ﻓﻴﻦ ﺗﻠﻘﺎﻭ ... ﻓﺎﻟﻤﻨﺰﻝ ﺍﻟﻲ ﺍﺩﺍﻋﻴﺘﻲ ﺍﻧﻚ ﻛﻨﺘﻲ ﻣﺴﺠﻮﻥ ﻓﻴﻪ ... ﻣﺤﻄﻮﻃﻴﻦ ﻣﻊ ﺑﺎﻗﻲ ﺍﻏﺮﺍﺿﻚ ... ﻣﻦ ﻧﻬﺎﺭ ﻣﺎﺗﺖ ﺍﻟﺰﻭﺟﺔ ﺩﻳﺎﻟﻚ ﺭﺟﻌﺘﻲ ﻟﻠﻤﻐﺮﺏ ... ﺟﻴﺘﻲ ﻓﻄﺎﺋﺮﺓ ﺧﺎﺻﺔ ﻭ ﺍﻟﺘﻜﺎﻟﻴﻒ ﺗﺨﻠﺼﺎﺕ ﺑﺒﻄﺎﻗﺘﻚ ... ﻭ ﺍﺳﺘﺎﻗﺮﻳﺘﻲ ﺑﺎﻟﻤﻐﺮﺏ ﻭ ﻻ ﻧﻘﻮﻟﻮ ﺗﺨﺒﻴﺘﻲ ...
ﻭ ﻧﻬﺎﺭ ﻋﺮﻑ ﺭﺋﺒﺎﻝ ﺑﻮﺟﻮﺩﻙ ﻗﺎﺑﻠﻚ ... ﻭ ﻛﺎﻥ ﺑﺎﻏﻲ ﻳﺮﺟﻊ ﻳﻮﻃﺪ ﺍﻟﻌﻼﻗﺔ ﻣﻌﺎﻙ ... ﺣﺘﻰ ﺍﻧﻪ ﺧﻠﻰ ﻟﻴﻚ ﺍﻟﺪﺍﺭ ﺗﺼﺮﻑ ﻓﻴﻬﺎ ﻛﻴﻒ ﺑﻐﻴﺘﻲ ... ﻛﺎﻥ ﻛﻴﺠﻲ ﻳﺰﻭﺭﻙ ﻣﺮﺓ ﻣﺮﺓ ... ﺣﺘﺎﻝ ﻟﻤﺆﺧﺮﺍً ﻛﻨﺘﻲ ﺳﻜﺮﺍﻥ ﻭ ﺍﻋﺘﺎﺭﻓﺘﻲ ﺍﻧﻚ ﻗﺘﻠﺘﻲ ﺯﻭﺟﺘﻚ ... ﻭ ﻫﻨﺎ ﻛﺄﻱ ﺍﺑﻦ ﺧﺎﻳﻒ ﻋﻠﻰ ﺑﺎﻩ ﺣﺒﺴﻚ ﻓﺪﻳﻚ ﺍﻟﻐﺮﻓﺔ ﻣﺆﺧﺮﺍ ... ﻻ ﺗﺤﺎﻭﻝ ﺗﺂﺫﻱ ﺷﻲ ﺣﺪ ﻭ ﻻ ﺭﺍﺳﻚ ... ﺣﺘﻰ ﻳﻌﺮﻑ ﻛﻴﻒ ﻳﺘﺼﺮﻑ
ﻫﻨﺎ ﺍﺑﺘﺎﺳﻢ ﺭﺋﺒﺎﻝ ﺍﺑﺘﺴﺎﻣﺔ ﺟﺎﻧﺒﻴﺔ ﺧﻔﻴﻔﺔ ﺑﺎﻟﻜﺎﺩ ﻛﺘﺒﺎﻥ ... ﺍﻟﻜﻼﻡ ﺍﻟﻲ ﻗﺎﻝ ﺟﺎﺑﺮ ﺭﺟﻊ ﻟﻴﻪ ﻓﺎﻟﺒﻼﺻﺔ ... ﺍﻟﺼﻤﺖ ﻛﺎﻥ ﻓﺎﻟﻘﺎﻋﺔ ﻭ ﻛﻠﺸﻲ ﻛﻴﺴﻤﻊ ﺑﺈﻣﻌﺎﻥ ... ﺑﻴﻨﻤﺎ ﺟﺎﺑﺮ ﻣﻦ ﻗﻮﺓ ﺍﻟﺼﺪﻣﺎﺕ ﺟﺎﺗﻮ ﺍﻟﺴﺎﻛﺘﺔ ... ﻋﺮﻑ ﺭﺍﺳﻮ ﻏﺎﺩﻱ ﻳﺘﺰﺭﻑ ﻭ ﻫﻮ ﻳﻨﻄﻖ ﺑﺼﻮﺕ ﻣﺮﺗﻔﻊ ...
ﺟﺎﺑﺮ : ﺁﺍﺍﺍﺵ ﻛﺘﺨﺮﺑﻖ ... ﺣﺘﻰ ﺣﺎﺍﺍﺍﺟﺔ ﻣﻦ ﻫﺎﺩﺷﻲ ﻣﻜﺎﻳﻨﺔ ... ﻫﻮ ﺍﻟﻲ ﻗﺘﻠﻬﺎﺍﺍﺍ ﻭ ﻗﺘﻞ ﺷﺤﺎﻝ ﻣﻦ ﻭﺣﺪﺓ ﺃﺧﺮﻯ ... ﻭ ﻋﻨﺪﻭﻭﻭ ﻛﺘﻮﺑﺎﺍﺍ ﻓﺎﻟﻤﻜﺘﺐ ﺩﻳﺎﻟﻮﻭﻭﻭ ﻛﻴﻘﻴﺪ ﻓﻴﻬﻢ ﺃﺳﻤﺎﺀﻫﻢ ... ﻫﻮ ﺍﻟﻲ ﻣﺮﻳﺾ ﺑﺤﺎﺍﺍﺍﻝ ﻣﻮﻭﻭﻭ ... ﻭ ﻫﻮ ﺍﻟﻲ ﻛﺎﺍﺍﻥ ﺣﺎﺑﺴﻨﻴﻴﻲ ... ﻗﻠﺒﻮ ﻓﺎﻟﻤﻜﺘﺒﺔ ﻏﺘﻠﻘﺎﺍﺍﻭ ﻛﻠﺸﻲ
أنت تقرأ
السفاح العاشق
Novela Juvenilﺭﻭﺍﻳﺔ ﻛﻠﻬﺎ ﻏﻤﻮﺽ .... ﺃﺣﺪﺍﺙ ﻣﻠﻴﺌﺔ ﺑﺎﻟﺘﺸﻮﻳﻖ .... ﺷﺨﺼﻴﺎﺕ ﻣﻌﻘﺪﺓ .... ﻋﺸﻖ ﻣﻬﻮﻭﺱ ﻣﺘﻤﻠﻚ .... ﺣﻴﺎﺓ ﻣﺰﺩﻭﺟﺔ .... ﻋﺎﻟﻢ ﺍﻟﺨﻄﻴﺌﺔ .... ﺟﺮﺍﺋﻢ ﺑﺎﺳﻢ ﺍﻟﺤﺐ .... ﺍﻟﻈﻐﻴﻨﺔ ﻭ ﺍﻻﻧﺘﻘﺎﻡ ... ﺍﻟﺤﻘﺪ ﺍﻟﺨﻴﺎﻧﺔ ﻭ ﺍﻟﻐﻴﻴﻴﻴﺮﺓ .... ⭐⭐⭐ ﻣﺰﻳﺞ ﺑﻴﻦ ﺍﻟﻮﺍﻗﻊ ﻭ ﺍﻟﺨﻴﺎﻝ ⭐⭐⭐ ﺗﺄﻟﻴﻒ : 🌸 ﻣﻮﺭﻱ 🌸 ﺑﻌ...
