السفاح العاشق

بارت 29

ﺑﻌﺪﻣﺎ ﻭﺟﺪﺍﺕ ﺟﻮﻻﻥ ﻛﻠﺸﻲ ﻟﻺﺟﺘﻤﺎﻉ ... ﺭﺟﻌﺎﺕ ﻟﻤﻜﺘﺒﻬﺎ ﻫﺰﺍﺕ ﺻﺎﻛﻬﺎ ﻭ ﺧﺮﺟﺎﺕ ﺗﻐﺪﺍ ... ﻭ ﻫﻲ ﺧﺎﺭﺟﺔ ﻣﻦ ﺍﻟﺸﺮﻛﺔ ﻟﻤﺤﺎﺕ ﻳﺰﻳﺪ ﻫﺒﻂ ﻣﻦ ﺳﻴﺎﺭﺗﻮ ... ﻭﻗﻔﺎﺕ ﻭ ﺍﻟﺨﻮﻑ ﺳﻴﻄﺮ ﻋﻠﻴﻬﺎ ﻣﻦ ﺟﺪﻳﺪ ... ﮔﺎﻉ ﺍﻟﺴﻴﻨﺎﺭﻳﻮﺍﺕ ﺍﻟﺴﻴﺌﺔ ﻃﺎﺣﻮ ﻓﺒﺎﻟﻬﺎ ... ﻟﻤﺤﻬﺎ ﻳﺰﻳﺪ ﻭ ﺟﺎ ﻗﺎﺻﺪﻫﺎ ...
ﻳﺰﻳﺪ : ﺁﻧﺴﺔ ﺟﻮﻻﻥ ﺻﺎﭬﺎ ؟
ﺟﻮﻻﻥ : ﺍﻟﺤﻤﺪ ﻟﻠﻪ
ﻳﺰﻳﺪ : ﻭﻗﺖ ﺍﺳﺘﺮﺍﺣﺘﻚ ﻳﺎﻙ ... ﻣﻤﻜﻦ ﻧﻤﺸﻴﻮ ﻟﺸﻲ ﺑﻼﺻﺔ
ﺟﻮﻻﻥ : ﺃﻧﺎ ﻏﺎﺩﺓ ﻧﺘﻐﺪﺍ
ﻳﺰﻳﺪ : ﻣﺰﻳﺎﻥ ... ﺣﺘﺎ ﺃﻧﺎ ﺑﺎﻗﻲ ﻣﺎﻛﻠﻴﺖ ... ﻋﺎﺭﻓﺔ ﺷﻲ ﺭﻳﺴﻄﻮ ﺯﻭﻳﻨﺔ ﻗﺮﻳﺒﺔ ﻣﻦ ﻫﻨﺎ ؟
ﺟﻮﻻﻥ : " ﺣﺮﻛﺎﺕ ﺭﺍﺳﻬﺎ ﺑﺂﻩ "
ﻳﺰﻳﺪ : ﻣﺸﻴﻨﺎ ؟
ﻣﺎﻋﺮﻓﺎﺕ ﻣﺎﺗﻘﻮﻝ ﻟﻴﻪ ... ﺃﻛﻴﺪ ﺟﺎ ﻟﻌﻨﺪﻫﺎ ﻟﺴﺒﺐ ﻣﺎ ... ﺯﻋﻤﺎ ﻳﻜﻮﻥ ﻣﺼﺮ ﺍﻧﻮ ﻋﻨﺪﻫﺎ ﻋﻼﻗﺔ ﺑﻤﻮﺕ ﺯﻫﻴﺮ ... ﺗﻤﺸﺎﺕ ﻣﻌﺎﻩ ﻛﺘﺪﻱ ﻭ ﺗﺠﻴﺐ ﻓﺪﻣﺎﻏﻬﺎ ... ﻭﺻﻠﻮ ﻹﺣﺪﻯ ﺍﻟﻤﻄﺎﻋﻢ ﺍﻟﻲ ﻗﺮﻳﺒﺔ ﻟﻠﺸﺮﻛﺔ ... ﺩﺧﻼﺕ ﻫﻲ ﻭ ﻳﺰﻳﺪ ﺷﺪﻭ ﻃﺒﻠﺔ ﻭ ﻃﻠﺒﻮ ﺍﻷﻛﻞ ...
ﻳﺰﻳﺪ : ﺑﺎﻏﺔ ﺗﻌﺮﻓﻲ ﻋﻼﺵ ﺟﻴﺖ ﻧﺸﻮﻓﻚ ﻳﺎﻙ
ﺟﻮﻻﻥ : ﻭﻱ
ﻳﺰﻳﺪ : ﺍﻟﺼﺮﺍﺣﺔ ﺟﻴﺖ ﻧﻌﺘﺎﺫﺭ ﻣﻨﻚ ... ﺩﻣﺎﻏﻲ ﻛﺎﻥ ﻣﺸﻐﻮﻝ ﺑﺸﺤﺎﻝ ﻣﻦ ﻗﻀﻴﺔ ﻭ ﻣﻜﻨﺘﺶ ﻣﺮﻛﺰ ﻭ ﺣﺘﺎ ﻟﻔﺮﻳﻖ ﻛﺎﻧﻮ ﻣﻘﺼﺮﻳﻦ ... ﻣﺘﺄﻛﺪ ﺃﻧﻮ ﻣﺎﻋﻨﺪﻙ ﺣﺘﺎ ﻋﻼﻗﺔ ﺑﻤﻮﺕ ﺯﻫﻴﺮ ﻭ ﺧﻄﻴﺒﺘﻮ ﺍﻟﻲ ﻫﻲ ﻛﺎﻧﺖ ﺻﺎﺣﺒﺘﻚ ... ﺍﻟﻲ ﺧﻼﻧﺎ ﻧﺸﻜﻮ ﻓﻴﻚ ﻫﻮ ﺍﻟﻲ ﻭﻗﻊ ﻟﻴﻚ ﻣﻌﺎﻫﻢ
ﺟﻮﻻﻥ : ﻭﺍﺵ ﻟﻘﻴﺘﻮ ﺍﻟﻘﺎﺗﻞ ؟
ﻳﺰﻳﺪ : ﻣﺰﺍﻝ ﻣﻲ ﻗﺮﻳﺐ " ﻛﻴﺸﻮﻭﻭﻑ ﻓﻴﻬﺎ " ﻟﻘﻴﺖ ﺍﻟﺨﻴﻂ ﺍﻟﻲ ﻏﻴﻮﺻﻠﻨﻲ ﻟﻼﺟﻮﺑﺔ ﺍﻟﻲ ﺑﻐﻴﺖ
ﺟﻮﻻﻥ : ﻛﻨﺘﻤﻨﺎ ﺗﻠﻘﻲ ﺍﻟﻘﺒﺾ ﻋﻠﻰ ﺍﻟﻤﺠﺮﻡ ﻭ ﻳﺘﻌﺎﻗﺐ
ﻳﺰﻳﺪ : ﺃﻛﻴﺪ ﻫﺎﺩﻱ ﻻ ﻣﻔﺮ ﻣﻨﻬﺎ ... ﺧﻠﻴﻨﺎ ﻣﻦ ﻫﺎﺩﺷﻲ ﻭ ﻗﻮﻟﻲ ﻟﻴﺎ ﻭﺍﺵ ﻗﺒﻠﺘﻲ ﺍﻋﺘﺬﺍﺭﻱ ﺑﻌﺪﺍ
ﺟﻮﻻﻥ : ﻣﺎﻭﻗﻊ ﻭﺍﻟﻮ ﻛﻨﺘﻲ ﻛﺪﻳﺮ ﻏﻴﺮ ﺧﺪﻣﺘﻚ
ﻳﺰﻳﺪ : " ﺍﺑﺘﺎﺳﻢ " ﻣﺰﻳﺎﻥ
ﺟﺎﺑﻮ ﻟﻴﻬﻢ ﺍﻷﻛﻞ ﻭ ﺗﻐﺪﺍﻭ ... ﻛﻼﻣﻬﻢ ﻟﺒﻌﺾ ﻛﺎﻥ ﻗﻠﻴﻞ ... ﻳﺰﻳﺪ ﺍﻟﻲ ﻛﺎﻥ ﻛﻴﻄﺮﺡ ﺃﺳﺌﻠﺔ ﻭ ﺟﻮﻻﻥ ﻛﺘﺠﺎﻭﺏ ... ﻏﻴﺮ ﺣﺲ ﺑﻴﻬﺎ ﻣﺎﻣﺮﺗﺤﺎﺵ ﻭ ﻫﻮ ﻳﺤﺒﺲ ... ﻧﺎﺽ ﺧﻠﺺ ﻭﺍﺧﺔ ﺭﻓﻀﺎﺕ ﺟﻮﻻﻥ ﻟﻜﻨﻮ ﺃﺻﺮ ... ﺧﺮﺟﻮ ﻣﻦ ﺍﻟﻤﻄﻌﻢ ﻭ ﺗﻤﺸﺎ ﻣﻌﻬﺎ ﺣﺘﺎ ﻟﻠﺸﺮﻛﺔ ...
ﻳﺰﻳﺪ : " ﻣﺪ ﻳﺪﻭ " ﺷﻜﺮﺍ ﻋﻠﻰ ﻗﺒﻮﻝ ﺍﻟﺪﻋﻮﺓ
ﺟﻮﻻﻥ : ﺷﻜﺮﺍ ﻋﻠﻰ ﻟﻐﺪﺍ
ﻳﺰﻳﺪ : ﺍﻟﻤﺮﺓ ﺍﻟﺠﺎﻳﺔ ﻋﻠﻰ ﺣﺴﺎﺑﻚ
ﺟﻮﻻﻥ : " ﺳﺤﺒﺎﺕ ﻳﺪﻫﺎ " ﺇﻧﺸﺎﺀ ﺍﻟﻠﻪ
ﺿﺎﺭﺕ ﺩﺍﺧﻠﺔ ﻟﻠﺸﺮﻛﺔ ... ﻭ ﻳﺰﻳﺪ ﺑﻘﺎ ﺣﺘﺎ ﺩﺧﻼﺕ ﻋﺎﺩ ﺭﻛﺐ ﻭ ﺯﺍﺩ ... ﻭ ﻫﻲ ﻣﺘﺎﺟﻬﺔ ﻟﻠﻤﺼﻌﺪ ﺗﻼﻗﺎﺕ ﺑﺒﻬﺎﺀ ... ﺍﻟﻲ ﻏﻴﺮ ﺷﺎﻓﻬﺎ ﺗﻜﺸﻜﺶ ﻋﻠﻴﻬﺎ ...
ﺑﻬﺎﺀ : ﺍﺳﺘﺮﺍﺣﺔ ﺍﻟﻐﺪﺍﺀ ﺳﺎﻻﺕ ﻧﺺ ﺳﺎﻋﺔ ﻫﺎﺩﻱ ﻭ ﻧﺘﻲ ﻋﺎﺩ ﺟﺎﻳﺔ ﺑﺸﻮﻳﺔ ﻋﻠﻴﻚ
ﺟﻮﻻﻥ : ﻏﻴﺮ ﻣﻨﺘﺒﻬﺎﺗﺶ ﻟﻠﻮﻗﺖ ... ﻣﻐﺎﺩﻳﺶ ﺗﻜﺮﺭ ﻣﺮﺓ ﺃﺧﺮﻯ
ﺑﻬﺎﺀ : ﻛﻦ ﺟﺎﺕ ﻋﻠﻴﺎ ﻣﻐﺎﺩﻳﺶ ﺗﺒﻘﺎﻱ ﻓﻴﻬﺎ ﻧﻬﺎﺭ ﻭﺍﺣﺪ ... ﻫﺒﻄﻲ ﻟﻠﻤﺨﺰﻥ ﺟﻴﺒﻲ ﺍﻟﺒﻮﻛﺲ ﺍﻟﻲ ﻓﻴﻪ ﻣﻠﻔﺎﺕ ﺍﻟﻌﺎﻡ ﺍﻟﻲ ﻓﺎﺕ ﺑﻐﻴﺘﻬﻢ ... ﺑﺪﻝ ﻧﻘﺎﺑﻞ ﺧﺪﻣﺘﻲ ﺧﺎﺹ ﻧﻐﻄﻲ ﻋﻠﻴﻚ ﺣﺘﺎ ﻧﺘﻲ
ﺟﻮﻻﻥ : ﻭﺍﺧﺔ
ﺣﺪﺭﺍﺕ ﺭﺍﺳﻬﺎ ﺑﺪﻭﻥ ﺣﻴﻠﺔ ﻭ ﺗﻮﺟﻬﺎﺕ ﻟﻠﻤﺨﺰﻥ ... ﻫﺒﻄﺎﺕ ﻓﺎﻟﺪﺭﺝ ﻟﻠﻄﺎﺑﻖ ﺍﻷﺭﺿﻲ ... ﺑﺎﻥ ﻟﻴﻬﺎ ﺑﺎﺏ ﻛﺒﻴﺮ ﺑﺠﻮﺝ ﺩﻓﻮﻑ ... ﺩﺧﻼﺕ ﻛﺘﺸﻮﻑ ﺍﻟﻤﻜﺎﻥ ﻓﻴﻪ ﺿﻮﺀ ﺧﻔﻴﻒ ... ﺣﺴﺎﺕ ﺑﺎﻟﺘﺒﻮﺭﻳﺸﺔ ﻣﻦ ﺑﺮﻭﺩﺓ ﺍﻟﻤﻜﺎﻥ ... ﻛﺎﻥ ﻋﺎﻣﺮ ﻛﺮﺍﻃﻦ ﻛﺒﺎﺭ ﺍﻟﺤﺠﻢ ... ﺗﻤﺸﺎﺕ ﻭﺳﻄﻬﻢ ﻛﺘﻘﻠﺐ ... ﻛﻴﻔﺎﺵ ﻏﺎﺩﻱ ﺗﻠﻘﻰ ﻫﺎﺩ ﻟﺒﻮﻛﺲ ﺍﻟﻲ ﻗﺎﻝ ﻟﻴﻬﺎ ... ﺣﺴﺎﺕ ﺑﺤﺎﻝ ﺍﻟﻰ ﺑﻬﺎﺀ ﺑﻐﺎ ﻏﻴﺮ ﻳﻌﺎﻗﺒﻬﺎ ﻋﻠﻰ ﺗﺄﺧﺮﻫﺎ ...
ﻭ ﻫﻲ ﻛﺘﻘﻠﺐ ﺑﻌﻨﻴﻬﺎ ﻫﻨﺎ ﻭ ﻟﻬﻴﻪ ... ﺳﻤﻌﺎﺕ ﺷﻲ ﺣﺎﺟﺔ ﺗﺤﺮﻛﺎﺕ ... ﺿﺎﺭﺕ ﺑﺴﺮﻋﺔ ﺷﺎﻓﺖ ﻣﻦ ﻭﺭﺍﻫﺎ ... ﻭ ﺍﻟﺨﻮﻑ ﺑﺪﺍ ﻛﻴﺪﺧﻞ ﻣﻌﻬﺎ ... ﻣﻜﺮﻫﺎﺗﺶ ﺗﺠﺮﻱ ﺗﺨﺮﺝ ﻣﻦ ﺗﻤﺎﻙ ...
ﺳﻤﻌﺎﺕ ﺷﻲ ﺣﺎﺟﺔ ﻭ ﻫﻲ ﺗﺮﺟﻊ ﺧﻄﻮﺓ ﺍﻟﻠﻮﺭ ﻭ ﻛﺘﻘﻠﺐ ﺑﻌﻨﻴﻬﺎ ... ﺑﺎﻥ ﻟﻴﻬﺎ ﺷﻲ ﺧﻴﺎﻝ ﺷﻮﻳﺔ ﻧﻘﺰﺍﺕ ﻋﻠﻴﻬﺎ ﺷﻲ ﺣﺎﺟﺔ ... ﻏﻮﺗﺎﺕ ﻋﻠﻰ ﺣﺮ ﺟﻬﺪﻫﺎ ﻭ ﺭﺟﻌﺎﺕ ﺑﺴﺮﻋﺔ ﺣﺘﺎ ﺿﺮﺑﺎﺕ ﺍﻟﺼﻨﺎﺩﻕ ... ﻫﺰﺍﺕ ﺭﺍﺳﻬﺎ ﻛﺘﺸﻮﻑ ﺩﺍﻛﺸﻲ ﻏﻴﻬﺒﻂ ﻋﻠﻴﻬﺎ ... ﺳﺪﺍﺕ ﻋﻨﻴﻬﺎ ﻣﻦ ﺍﻟﺨﻠﻌﺔ ﻣﺎﻗﺮﺍﺗﺶ ﺑﺎﻗﻲ ﺗﺤﺮﻙ ... ﻛﺘﺴﻨﺎ ﻳﺮﻳﺐ ﻋﻠﻴﻬﺎ ﺩﺍﻛﺸﻲ ﺣﺘﻰ ﺩﺭﻕ ﻋﻠﻴﻬﺎ ﺷﻲ ﻇﻞ ﺍﻟﻀﻮﺀ ﺍﻟﺨﺎﻓﺖ ﺍﻟﻲ ﺗﻤﺎﻙ ...
ﺣﻼﺕ ﻋﻨﻴﻬﺎ ﺑﺒﻂﺀ ﻛﺘﺸﻮﻑ ﻓﺮﺋﺒﺎﻝ ﻭﺍﻗﻒ ﻗﺒﺎﻟﺘﻬﺎ ... ﻣﻜﺎﻟﻲ ﺑﻴﺪﻭ ﺩﺍﻛﺸﻲ ﺍﻟﻲ ﻓﻮﻕ ﻣﻦ ﺭﺍﺳﻬﺎ ... ﻋﺎﻗﺪ ﺣﺠﺒﺎﻧﻮ ﺷﻮﻳﺔ ﻭ ﻛﻴﺸﻮﻑ ﻓﻴﻬﺎ ﺷﻲ ﺷﻮﻓﺎﺕ ...
ﺑﻘﺎﺕ ﻭﺍﻗﻔﺔ ﻣﻜﻮﺍﻧﺴﻴﺔ ﻛﺘﺸﻮﻑ ﻓﻌﻨﻴﻪ ﺍﻟﻲ ﻣﺮﻛﺰﻳﻦ ﻓﻴﻬﺎ ... ﻫﺎﺩ ﻟﻤﺮﺓ ﻛﺎﻥ ﻗﺮﻳﺐ ﺑﺰﺍﻑ ... ﻟﺪﺭﺟﺔ ﺣﺴﺎﺕ ﺑﺄﻧﻔﺎﺳﻮ ﻛﻀﺮﺏ ﻓﻮﺟﻬﺎ ... ﺑﺎﺩﻻﺗﻮ ﺍﻟﻨﻀﺮﺍﺕ ﻭ ﻣﺤﺪﺭﺍﺗﺶ ﻋﻨﻴﻬﺎ ﻛﻴﻒ ﻗﺒﻞ ... ﻣﺎﻋﺮﻓﺎﺗﺶ ﺷﻨﻮ ﻭﺍﻗﻊ ﻣﻌﻬﺎ ﻣﻲ ﺷﻲ ﺣﺎﺟﺔ ﻓﺪﺍﺧﻠﻬﺎ ﻣﻨﻌﺎﺗﻬﺎ ﺗﺒﻌﺪ ﻧﻀﺮﻫﺎ ﻋﻠﻴﻪ ... ﻛﺎﻧﻮ ﻧﻀﺮﺍﺗﻮ ﻏﻴﺮ ﻣﻔﻬﻮﻣﻴﻦ ﻟﻴﻬﺎ ﻛﻴﻒ ﺩﻳﻤﺎ ...
ﺃﺻﻼ ﻋﻤﺮﻫﺎ ﻗﺪﺭﺍﺕ ﺗﻌﺮﻑ ﺷﻨﻮ ﻛﻴﻀﻮﺭ ﻟﻴﻪ ﻓﺮﺍﺳﻮ ... ﻭ ﻫﻲ ﻛﺘﻠﺨﺒﻂ ﺑﻴﻦ ﺃﻓﻜﺎﺭﻫﺎ ﺭﺟﻌﺎﺕ ﻟﻮﺍﻗﻊ ﻋﻠﻰ ﺻﻮﺗﻮ ...
ﺭﺋﺒﺎﻝ : ﺗﺤﺮﻛﻲ
ﺟﻮﻻﻥ : ﻫﺎﺍﺍ ؟ !
ﻣﺎﻓﻴﻪ ﺍﻟﻲ ﻳﻌﺎﻭﺩ ﺍﻟﻬﻀﺮﺓ ... ﺷﺪ ﻓﻴﻬﺎ ﻣﻦ ﺩﺭﺍﻋﻬﺎ ﻭ ﺟﺮﻫﺎ ﻣﻦ ﺍﻟﻤﻜﺎﻥ ﺍﻟﻲ ﻛﺎﻧﺖ ﻭﺍﻗﻔﺔ ﻓﻴﻪ ... ﺣﻴﺪ ﻳﺪﻭ ﻣﻦ ﻋﻠﻰ ﻟﺒﻮﻛﺲ ﻭ ﺑﻌﺪ ... ﺟﻮﻻﻥ ﺷﺎﻓﺖ ﻗﻄﺔ ﻏﺎﺩﺓ ﻋﺮﻓﺎﺕ ﻫﻲ ﺍﻟﻲ ﻗﻔﺰﺍﺕ ﻭ ﺧﻠﻌﺎﺗﻬﺎ ... ﻋﻀﺎﺕ ﻋﻠﻰ ﺷﻔﺘﻬﺎ ﻭ ﺑﺪﺍﺕ ﺿﻮﺭ ﻓﻌﻨﻴﻬﺎ ...
ﺭﺋﺒﺎﻝ : ﺷﻨﻮ ﻛﺪﻳﺮﻱ ﻫﻨﺎ ؟
ﺟﻮﻻﻥ : " ﺿﺎﺭﺕ ﻋﻨﺪﻭ " ﺟﻴﺖ ﻧﺠﻴﺐ ﺷﻲ ﺣﺎﺟﺔ ﻟﻤﻴﺴﺘﺮ ﺑﻬﺎﺀ
ﺭﺋﺒﺎﻝ : ﻧﺘﻲ ﺷﻨﻮ ﻫﻲ ﺍﻟﺨﺪﻣﺔ ﺩﻳﺎﻟﻚ ﻓﻬﺎﺩ ﺍﻟﺸﺮﻛﺔ ؟
ﺟﻮﻻﻥ : ﺃﺍ ... ﺍﻟﻤﺴﺎﻋﺪﺓ ﺩﻳﺎﻟﻚ
ﺭﺋﺒﺎﻝ : ﺍﻟﻤﺴﺎﻋﺪﺓ ﺩﻳﺎﻟﻲ ﻣﺎﺷﻲ ﺩﻳﺎﻝ ﺑﻬﺎﺀ ... ﺳﻮ ﺍﻷﻭﺍﻣﺮ ﻛﺘﻠﻘﺎﻳﻬﻢ ﻣﻨﻲ ﺃﻧﺎ ﻣﺎﺷﻲ ﻣﻦ ﺷﻲ ﺣﺪ ﺁﺧﺮ ... ﻣﻨﻴﻦ ﻋﺎﺭﻓﺔ ﻫﺎﺩ ﺍﻟﻬﻀﺮﺓ ﻻﺵ ﻧﺎﺯﻟﺔ ﻟﻬﻨﺎ
ﺟﻮﻻﻥ : ﺍﻧﺎ ﻛﻨﺖ
ﺭﺋﺒﺎﻝ : ﺑﻬﺎﺀ ﺑﺤﺎﻟﻚ ﺑﺤﺎﻟﻮ ﻣﻮﺿﻒ ﻫﻨﺎ ... ﺑﻐﺎ ﺷﻲ ﺣﺎﺟﺔ ﻳﻤﺸﻲ ﻳﺠﻴﺒﻬﺎ ﻟﺮﺍﺳﻮ ... ﻛﺘﺴﻤﻌﻲ
ﺟﻮﻻﻥ : ﻭﻱ
ﺭﺋﺒﺎﻝ : " ﻭ ﻫﻮ ﻏﺎﺩﻱ " ﺃﻱ ﺗﻘﺼﻴﺮ ﺃﻭ ﺗﺄﺧﻴﺮ ﻏﻴﺮ ﻣﺴﻤﻮﺡ ﺑﻴﻪ ... ﻫﻨﺎ ﻛﻨﺤﺘﺎﺭﻣﻮ ﺍﻟﻮﻗﺖ ﻭ ﻏﻴﺮ ﻣﺴﻤﻮﺡ ﺑﺎﻟﺤﺎﺟﺎﺕ ﺍﻟﻲ ﺗﻠﻬﻴﻨﺎ ﻋﻠﻰ ﺍﻟﺨﺪﻣﺔ
ﺟﻮﻻﻥ : ﺃﻭﻛﻲ ﻣﻮﺳﻴﻮ ﺍﻟﻌﺜﻤﺎﻧﻲ ... ﻛﻨﻌﺘﺎﺫﺭ
ﺭﺋﺒﺎﻝ : " ﻭﺻﻞ ﻋﻨﺪ ﻟﺒﺎﺏ ﻭﻗﻒ ﻭ ﺿﺎﺭ " ﻏﺘﺒﻘﺎﻱ ﻫﻨﺎ !