السفاح العاشق

بارت 77

ﺭﺋﺒﺎﻝ : ﺗﻌﺸﺎﻱ ﻗﺒﻞ ﻣﺎ ﺗﺒﺮﺩ
ﺟﻮﻻﻥ : " ﻧﺰﻻﺕ ﻋﻨﻴﻬﺎ ﻓﺎﻟﺼﺤﻦ ﺍﻟﻲ ﻓﻴﻪ ﺳﭙﺎﻛﻴﺘﻲ ﻭ ﺑﻘﺎﺕ ﻛﺘﺸﻮﻑ "
ﺭﺋﺒﺎﻝ : ﻣﺎﻛﺘﻌﺠﺒﻜﺶ ؟
ﺟﻮﻻﻥ : " ﻧﻄﻘﺎﺕ ﺑﺴﺮﻋﺔ " ﻻ ﺯﻭﻳﻨﺔ ... ﻛﺘﻌﺠﺒﻨﻲ
ﺟﻠﺴﺎﺕ ﻣﻘﺎﺩﺓ ﻭ ﻫﺰﺍﺕ ﺍﻟﻔﻮﺷﻴﻂ ... ﺩﺍﻗﺖ ﻣﻨﻬﺎ ﻭ ﻫﻲ ﺗﻐﻤﺾ ﻋﻨﻴﻬﺎ ... ﻛﺎﻧﺖ ﺑﻨﻴﻨﺔ ﻭ ﻻﺻﻮﺹ ﻣﻨﺴﻤﺔ ﺑﺎﻟﺰﻋﺘﺮ ﻭ ﺍﻟﺮﻳﺤﺎﻥ ... ﻫﻨﺎ ﺗﺄﻛﺪﺍﺕ ﻣﻦ ﻣﻬﺎﺭﺗﻮ ﻓﺎﻟﻄﺒﺦ ... ﻋﻜﺴﻬﺎ ﻫﻲ ﺍﻟﻲ ﻣﻜﺘﻔﻘﻪ ﻓﻴﻪ ﻭﺍﻟﻮ ... ﻛﻼﺗﻬﺎ ﺑﺸﻬﻴﺔ ﻭ ﻣﺘﻮﻗﻔﺎﺕ ﺣﺘﻰ ﺧﻮﺍﺕ ﺻﺤﻨﻬﺎ ...
ﻫﺰﺍﺕ ﺭﺍﺳﻬﺎ ﻟﻘﺎﺗﻮ ﺣﺎﺿﻴﻬﺎ ... ﻋﻀﺎﺕ ﻋﻠﻰ ﺷﻔﺘﻬﺎ ﻭ ﺿﻮﺭﺍﺕ ﻋﻨﻴﻬﺎ ﺟﻬﺔ ﺍﻟﻤﺪﻓﺄﺓ ... ﻧﺎﺽ ﺭﺋﺒﺎﻝ ﺭﺟﻊ ﺍﻟﺼﺤﻮﻥ ﻟﻜﻮﺯﻳﻨﺔ ... ﻭ ﻫﻮ ﺭﺍﺟﻊ ﻫﺰ ﻛﺘﺎﺏ ﻣﻦ ﺍﻟﻲ ﻓﺎﻟﺮﻑ ﻭ ﺟﻠﺲ ﻓﻮﻕ ﺍﻟﻔﻮﻃﻮﻱ ... ﺣﻠﻮ ﻛﻴﻘﺮﺍ ﻓﻴﻪ ... ﺟﻮﻻﻥ ﺧﻄﻔﺎﺕ ﻓﻴﻪ ﺍﻟﺸﻮﻓﺔ ... ﻏﻴﺮ ﻟﻘﺎﺗﻮ ﻣﻨﺪﺍﻣﺞ ﻣﻊ ﺍﻟﻜﺘﺎﺏ ﺧﺪﺍﺕ ﺭﺍﺣﺘﻬﺎ ﻓﺎﻟﺘﺤﻨﺰﻳﺰ ﻓﻴﻪ ...
🍂 ﻭﺻﻠﻮ ﻟﻸﻭﻃﻴﻞ ﻭ ﻣﺸﺎﻭ ﺍﻟﺪﺭﺍﺭﻱ ﻟﻺﺳﺘﻘﺒﺎﻝ ... ﺧﺪﺍﻭ ﺍﻟﺤﺠﺰ ﻟﺠﻮﺝ ﻏﺮﻑ ﻣﻊ ﻛﻠﺸﻲ ﺍﻟﻐﺮﻑ ﻣﺤﺠﻮﺯﺓ ﻣﻦ ﻃﺮﻑ ﺍﻟﺴﻴﺎﺡ ... ﺭﺟﻌﻮ ﻋﻨﺪ ﻟﺒﻨﺎﺕ ﺍﻟﻲ ﻛﺎﻧﻮ ﻛﻴﺘﺴﻨﺎﻭ ﺟﻨﺐ ﺍﻟﻤﺼﻌﺪ ... ﻣﺪ ﺇﻟﻴﺎﺱ ﺑﻄﺎﻗﺔ ﻟﺰﻳﻨﺐ ...
ﺇﻟﻴﺎﺱ : ﻫﺬﺍ ﺭﻗﻢ ﻏﺮﻓﺘﻜﻢ ﻧﺘﻲ ﻭ ﺳﻤﻴﺔ ... ﻭ ﺣﻨﺎ ﺷﺪﻳﻨﺎ ﺍﻟﻲ ﺣﺪﺍﻫﺎ
ﺧﺪﺍﺗﻬﺎ ﻣﻦ ﻋﻨﺪﻭ ﺯﻳﻨﺐ ﻭ ﻃﻠﻌﻮ ﻟﻠﻄﺎﺑﻖ ﺍﻟﻲ ﻓﻴﻪ ﻏﺮﻓﻬﻢ ... ﺣﻞ ﺳﻨﻤﺎﺭ ﻟﺒﺎﺏ ﻭ ﺿﺎﺭ ﻋﻨﺪﻫﻢ ...
ﺳﻨﻤﺎﺭ : " ﻭ ﻫﻮ ﻛﻴﺸﻮﻑ ﻓﺴﻤﻴﺔ " ﺗﺼﺒﺤﻮ ﻋﻠﻰ ﺧﻴﺮ
ﺩﺧﻞ ﻭ ﺯﻳﻨﺐ ﺣﺘﻲ ﻫﻲ ﺣﻼﺕ ﺑﺎﺏ ﻏﺮﻓﺘﻬﻢ ... ﺩﺧﻼﺕ ﺳﻤﻴﺔ ﻭ ﻛﺎﻧﺖ ﺗﺎﺑﻌﺎﻫﺎ ﺯﻳﻨﺐ ﺣﺘﻰ ﺟﺮﻫﺎ ﺇﻟﻴﺎﺱ ... ﺳﺪ ﺑﺎﺏ ﻏﺮﻓﺘﻬﻢ ﻭ ﺣﻜﻤﻬﺎ ﻣﻊ ﺍﻟﺤﻴﻂ ...
ﺯﻳﻨﺐ : ﻧﺘﺎ ﻣﺎﻟﻚ ﺟﻬﻠﺘﻲ
ﺇﻟﻴﺎﺱ : ﻋﻼﻩ ﻣﺎﻟﻲ ﺷﻨﻮ ﺩﺭﺕ ... ﺑﻐﻴﺖ ﻏﻴﺮ ﻧﻘﻮﻝ ﻟﻴﻚ ﺑﻮﻧﻮﻱ
ﺯﻳﻨﺐ : ﻭ ﺑﻌﺪ ﻭ ﻫﻀﺮ ﺑﻔﻤﻚ
ﺇﻟﻴﺎﺱ : " ﺣﺎﻁ ﻳﺪﻭ ﻭﺭﺍ ﺧﺼﺮﻫﺎ ﻭ ﻛﻴﺤﺮﻛﻬﺎ ﺑﺒﻂﺀ " ﺗﺨﺎﻳﻠﻲ ﻛﻦ ﻛﻨﺎ ﻏﻴﺮ ﺑﻮﺣﺪﻧﺎ ﻫﻨﺎ
ﺯﻳﻨﺐ : " ﺿﺮﺑﺎﺕ ﺑﺼﺒﻌﻬﺎ ﻋﻠﻰ ﺻﺪﺭﻭ " ﻗﻮﻝ ﻟﺪﻣﺎﻏﻚ ﺍﻟﻤﻨﺤﺮﻑ ﻳﺠﻤﻊ ﺭﺍﺳﻮ ... ﻭ ﻃﻠﻊ ﺩﻳﻚ ﺍﻟﻴﺪ ﻗﺒﻞ ﻣﺎﻧﺼﺪﻕ ﻧﺎﺗﻔﺎﻙ
ﺇﻟﻴﺎﺱ : " ﻛﻴﻀﺤﻚ " ﻫﻲ ﺍﻟﻲ ﻧﺰﻻﺕ ﺑﻮﺣﺪﻫﺎ ﻫﻬﻬﻪ
ﺯﻳﻨﺐ : ﺷﻔﺘﻚ ﺿﺴﺮﺗﻲ ... ﺑﻌﺪ ﺩﺭﻭﻙ ﻳﺸﻮﻓﻨﺎ ﺷﻲ ﺣﺪ
ﺇﻟﻴﺎﺱ : ﺷﻐﻠﻨﺎ ﺣﻨﺎ ﻓﺒﻨﺎﺩﻡ ... ﺍﺭﻱ ﺷﻲ ﺑﻮﺳﺔ ﻭ ﻧﻄﻠﻘﻚ
ﺯﻳﻨﺐ : ﻣﻜﺎﻳﻨﺔ ﻻ ﺑﻮﺳﺔ ﻻ ﻣﻤﻤﻢ
ﻗﺒﻞ ﻣﺎ ﺗﻜﻤﻠﻬﺎ ﻃﺎﺡ ﺇﻟﻴﺎﺱ ﻋﻠﻰ ﺷﻔﺎﻳﻔﻬﺎ ... ﻛﺎﻧﺖ ﻏﺘﻬﻠﻞ ﺣﺘﻰ ﺻﺪﻗﺎﺕ ﻣﻨﺴﺎﺟﻤﺔ ﻣﻌﺎﻩ ... ﻫﻮ ﻣﺪﻭﺭ ﻳﺪﻳﻪ ﻋﻠﻰ ﺧﺼﺮﻫﺎ ﻭ ﻫﻲ ﺣﺎﻃﺔ ﻳﺪﻳﻬﺎ ﻋﻠﻰ ﺻﺪﺭﻭ ... ﻃﺎﻟﺖ ﻗﺒﻠﺘﻬﻢ ﻟﻤﺪﺓ ﺣﺘﻰ ﺗﺴﻤﻊ ﺷﻲ ﺑﺎﺏ ﻛﻴﺘﺤﻞ ﻭ ﻫﻲ ﺩﻓﻌﻮ ﻋﻠﻴﻬﺎ ...
ﺧﻨﺰﺭﺍﺕ ﻓﻴﻪ ﻭ ﻫﻮ ﻣﻴﺖ ﺑﺎﻟﻀﺤﻚ ... ﺣﻼﺕ ﺑﺎﺏ ﺍﻟﻐﺮﻓﺔ ﻭ ﺩﺧﻼﺕ ... ﺿﺎﺭ ﺇﻟﻴﺎﺱ ﻛﻴﺤﻚ ﻋﻠﻰ ﺻﺪﺭﻭ ... ﺷﺎﻑ ﺳﻨﻤﺎﺭ ﻫﻮ ﺍﻟﻲ ﺣﻞ ﻟﺒﺎﺏ ﻭ ﺧﻨﺰﺭ ﻓﻴﻪ ...
ﺇﻟﻴﺎﺱ : ﻣﻔﺴﺪ ﺍﻟﻠﺤﻈﺎﺕ
ﺿﺮﺏ ﻓﻴﻪ ﻭ ﺩﺧﻞ ﺗﻼﺡ ﻓﻮﻕ ﺍﻟﻨﺎﻣﻮﺳﻴﺔ ﻛﻴﻔﺮﻧﺲ ... ﺳﺪ ﺳﻨﻤﺎﺭ ﻟﺒﺎﺏ ﻭ ﺑﻘﺎ ﻭﺍﻗﻒ ﻣﺮﺑﻊ ﻳﺪﻳﻪ ...
ﺳﻨﻤﺎﺭ : ﻋﺎﻭﺩ ﺁﺵ ﻗﻠﺘﻲ
ﺇﻟﻴﺎﺱ : ﻣﻐﺎﺩﻳﺶ ﻧﺠﺎﻭﺑﻚ ... ﻣﺰﺍﺟﻲ ﻣﻘﺎﺩ ﻭ ﻣﺎﻓﻴﺎ ﺍﻟﻲ ﺗﻌﺎﻃﻰ ﻣﻌﺎﻙ
ﺳﻨﻤﺎﺭ : ﻧﺎﻭﻱ ﺗﻌﺮﺽ ﻋﻠﻴﻬﺎ ﺍﻟﺰﻭﺍﺝ ﻭ ﻻ ﺑﺎﻗﻲ ﺑﺎﻏﻲ ﺗﻠﻌﺐ !
ﺇﻟﻴﺎﺱ : ﺣﻤﺎﻗﻴﺘﻲ ... ﺭﺍﻙ ﻋﺎﺭﻑ ﺷﻨﻮ ﻛﺘﻌﻨﻲ ﻟﻴﺎ ﺯﻳﻨﺐ ... ﻛﻨﺘﺴﻨﻰ ﻏﻴﺮ ﻳﺘﺰﻭﺟﻮ ﺭﺋﺒﺎﻝ ﻭ ﺟﻮﻻﻥ ﻭ ﻏﻨﻄﻠﺒﻬﺎ ﻣﻦ ﻭﺍﻟﺪﻳﻬﺎ
ﺳﻨﻤﺎﺭ : ﻭ ﻫﻜﺎﻙ ... ﺑﻨﺎﺕ ﺍﻟﻨﺎﺱ ﻣﺎﺷﻲ ﺩﻳﺎﻝ ﻫﺎﺩﺷﻲ
ﺇﻟﻴﺎﺱ : ﻛﻨﺸﺪ ﺭﺍﺳﻲ ﻭ ﻟﻜﻦ ﻓﻌﺎﻳﻠﻬﺎ ﻭ ﺍﻟﻬﻀﻮﺭ ﺍﻟﻲ ﻛﻄﻠﻖ ﻛﻴﺠﻬﻠﻮﻧﻲ ﻫﻬﻬﻪ
ﺳﻨﻤﺎﺭ : " ﺣﺮﻙ ﺭﺍﺳﻮ ﺑﻼ ﺣﻮﻝ " ﻛﻨﺘﺨﺎﻳﻞ ﻧﺘﻮﻣﺎ ﺑﺠﻮﺝ ﻏﺘﺠﻴﺒﻮ ﺍﻟﻮﻻﺩ ﻭ ﻏﺘﺮﺑﻴﻮﻫﻢ ... ﻣﺼﻴﺒﺔ ﺻﺎﻓﻲ
ﺇﻟﻴﺎﺱ : ﻭ ﻧﺘﺎ ﻏﺘﺒﻮﺭ ﺑﻮﺣﺪﻙ ... ﺣﻴﻨﺖ ﺫﻭﻗﻚ ﻓﺎﻟﺒﻨﺎﺕ ﻻ ﻋﻼﻗﺔ
ﺳﻨﻤﺎﺭ : ﺍﻟﺤﺐ ﻭ ﺍﻟﺰﻭﺍﺝ ﺧﻠﻴﻨﺎﻫﻢ ﻟﻴﻜﻢ
ﺩﺧﻼﺕ ﺯﻳﻨﺐ ﻟﻘﺎﺕ ﺳﻤﻴﺔ ﭼﺎﻟﺴﺔ ﻓﻮﻕ ﺍﻟﻔﻮﻃﻮﻱ ... ﺣﻴﺪﺍﺕ ﺍﻟﻤﻮﻧﻄﻮ ﻭ ﻣﺸﺎﺕ ﭼﻠﺴﺎﺕ ﺟﻨﺒﻬﺎ ...
ﺯﻳﻨﺐ : ﻓﺨﺒﺎﺭﻙ ﺿﺮﻧﻲ ﺭﺍﺳﻲ
ﺳﻤﻴﺔ : ﺑﺎﻟﺼﺢ ... ﺧﺎﺻﻚ ﺗﺸﺮﺑﻲ ﺷﻲ ﺣﺎﺟﺔ ﺑﺎﺵ ﻳﻔﻮﺗﻚ
ﺯﻳﻨﺐ : " ﻛﻀﺤﻚ " ﻭ ﻻﺍ ... ﺿﺮﻧﻲ ﺭﺍﺳﻲ ﺑﺎﻏﺔ ﻧﻌﺮﻑ ﺟﻮﻻﻥ ﻭ ﺭﺋﺒﺎﻝ ﺷﻨﻮ ﻛﻴﺪﻳﺮﻭ ﻓﻬﺎﺩ ﺍﻟﻠﺤﻈﺔ ... ﻫﻤﺎ ﺑﻮﺣﺪﻫﻢ ﻓﺪﻳﻚ ﺍﻟﺪﺍﺭ ... " ﻫﺰﺍﺕ ﺣﺎﺟﺒﻬﺎ " ﻓﻬﻤﺘﻲ
ﺳﻤﻴﺔ : " ﺿﺤﻜﺎﺕ ﺑﺨﺠﻞ " ﺩﺍﻛﺸﻲ ﺍﻟﻲ ﻗﺎﻟﺖ ﺟﻮﻻﻥ ﺻﺤﻴﺢ
ﺯﻳﻨﺐ : ﺷﻨﻮ ﻗﺎﻟﺖ ... ﻗﺎﻟﺖ ﺍﻧﺎ ﻣﺎﻋﻨﺪﻱ ﻋﻘﻞ ﻭ ﻣﺎﻛﻨﺤﺸﻤﺶ ﻳﺎﻙ
ﺳﻤﻴﺔ : ﻗﺎﻟﺖ ﺍﻟﻲ ﻓﻘﻠﺒﻚ ﻋﻠﻰ ﻟﺴﺎﻧﻚ ﻭ ﺃﻧﻚ ﺍﻧﺴﺎﻧﺔ ﺷﻔﺎﻓﺔ ... ﺳﻌﺪﺍﺗﻜﻢ ﺑﺒﻌﻀﻴﺎﺗﻜﻢ
ﺯﻳﻨﺐ : ﺍﻟﺼﺮﺍﺣﺔ ... ﻗﺒﻞ ﻣﺎﻧﺸﻮﻓﻚ ﻣﺎﺣﻤﻠﺘﻜﺶ ... ﻭ ﻟﻜﻦ ﺩﺍﺑﺔ ﺩﺧﻠﺘﻲ ﻟﻴﺎ ﻟﻘﻠﺒﻲ ... ﻭ ﺍﻧﺎ ﻭ ﺟﻮﻻﻥ ﺍﻋﺘﺎﺑﺮﻳﻨﺎ ﺻﺤﺎﺑﺎﺗﻚ ﻭ ﺧﻮﺗﺎﺗﻚ ... ﻫﺎﺩﻭﻙ ﺍﻟﻔﺮﺳﺎﻥ ﺍﻟﺜﻼﺙ ... ﻭ ﺣﻨﺎ ﺍﻟﺠﺎﺳﻮﺳﺎﺕ
ﺳﻤﻴﺔ : ﺷﻜﻮﻥ ﻫﻤﺎ ﺍﻟﻔﺮﺳﺎﻥ ﺍﻟﺜﻼﺛﺔ ؟
ﺯﻳﻨﺐ : ﺳﻲ ﺍﻟﻤﺪﻳﺮ ﻭ ﺳﻨﻤﺎﺭ ﻭ ﺍﻟﺼﮕﻊ ﺍﻟﻲ ﺑﻼﻧﻲ ﺑﻴﻪ ﺍﻟﻠﻪ
ﺳﻤﻴﺔ : ﻫﻬﻬﻬﻪ ... ﺇﻟﻴﺎﺱ ﺿﺮﻳﻒ ﻭ ﺿﺤﻮﻛﻲ ﻭ
ﺯﻳﻨﺐ : ﻭﺍ ﺣﺒﺴﻲ ﻭ ﺧﻠﻴﻨﺎ ﻣﺰﻳﺎﻧﻴﻦ ... ﻭﺍﺧﺔ ﺻﮕﻊ ﺭﺍﻩ ﻛﻨﻐﻴﺮ ﻋﻠﻴﻪ
ﺳﻤﻴﺔ : ﺟﻴﺘﻮ ﺯﻭﻳﻨﻴﻦ ﻣﻊ ﺑﻌﺾ ... ﺍﻟﻠﻪ ﻳﻜﻤﻞ ﻋﻠﻴﻜﻢ ﺑﺎﻟﺨﻴﺮ
ﺯﻳﻨﺐ : ﺁﻣﻴﻦ ... ﺍﻟﻠﻪ ﻳﺠﻴﺐ ﻟﻴﻚ ﺣﺘﻰ ﻧﺘﻲ ﺷﻲ ﻭﻟﺪ ﺍﻟﻨﺎﺱ ... " ﺳﻜﺘﺎﺕ ﺷﻮﻳﺔ ﻭ ﻧﻄﻘﺎﺕ " ﺳﻤﻴﺔ ... ﻛﻴﻒ ﺟﺎﻙ ﺳﻨﻤﺎﺭ ؟
ﺳﻤﻴﺔ : " ﺗﺰﻧﮕﺎﺕ ﺑﺴﺮﻋﺔ " ﺯﻭﻳﻦ
ﺯﻳﻨﺐ : ﻳﺎﻙ ﺑﻌﺪﺍ ... ﺯﻭﻳﻦ ﻭ ﻣﺜﺒﺖ ... ﻣﺎﻫﻮ ﻫﺎﺩﺉ ﻛﻴﻒ ﺭﺋﺒﺎﻝ ﻭ ﻣﺎﺷﻲ ﻛﻴﻄﻴﺮ ﺑﺤﺎﻝ ﺍﻟﻴﺎﺱ ... ﺟﺎ ﺑﻴﻦ ﻭ ﺑﻴﻦ ... ﻛﻨﺖ ﻋﺮﻓﺖ ﻣﻦ ﺍﻟﻬﻀﺮﺓ ﺍﻟﻲ ﻛﻀﻮﺭ ﻓﺎﻟﺸﺮﻛﺔ ﻛﺎﻥ ﺧﺎﻃﺐ ﺷﻲ ﻭﺣﺪﺓ ﻭ ﺧﺎﻧﺘﻮ ... ﻭ ﻗﺎﻝ ﻟﻴﺎ ﺍﻟﻴﺎﺱ ﺍﻟﻌﻘﺮﻭﺷﺔ ﺍﻟﻲ ﺟﺎﺕ ﻣﻦ ﻟﻨﺪﻥ ﺣﺘﻰ ﻫﻲ ﻛﺎﻧﺖ ﻛﺘﻌﺠﺒﻮ ... ﻣﺎﻋﻨﺪﻭ ﺯﻫﺮ ﻓﺎﻟﺒﻨﺎﺕ ... ﻳﺴﺘﺎﻫﻞ ﺷﻲ ﻭﺣﺪﺓ ﺑﺤﺎﻝ " ﻛﺘﺸﻮﻑ ﻓﺴﻤﻴﺔ "
ﺳﻤﻴﺔ : " ﺑﻌﺪﻡ ﻓﻬﻢ " ﺑﺤﺎﻝ ﻣﻦ !!
ﺯﻳﻨﺐ : ﻻ ﻭﺍﻟﻮ ... ﻧﻮﺿﻮ ﻧﻌﺴﻮ ... ﻣﻜﺎﻳﻦ ﻣﺎﻳﺪﺍﺭ
ﻣﺸﺎﺕ ﺯﻳﻨﺐ ﺗﺨﺸﺎﺕ ﻓﺎﻟﺴﺮﻳﺮ ... ﻛﺎﻧﻮ ﺟﻮﺝ ﻓﺎﻟﻐﺮﻓﺔ ﺻﻐﺎﺭ ﻭ ﻓﺮﺩﻳﻴﻦ ... ﻣﺮﺍﻗﺒﺔ ﺯﻳﻨﺐ ﺳﻤﻴﺔ ﻭ ﻫﻲ ﻛﺘﺤﻴﺪ ﺻﺒﺎﻃﻬﺎ ... ﻛﺘﻔﻜﺮ ﻭ ﺣﻄﺎﺕ ﻓﺪﻣﺎﻏﻬﺎ ﻣﻬﻤﺔ ﺗﺠﻤﻊ ﻣﺎﺑﻴﻦ ﺳﻤﻴﺔ ﻭ ﺳﻨﻤﺎﺭ ... ﺟﺎﻭﻫﺎ ﻣﻨﺎﺳﺒﻴﻦ ﻣﻊ ﺑﻌﺾ ... ﻣﻦ ﺩﺍﻛﺸﻲ ﺍﻟﻲ ﻛﻴﻌﺎﻭﺩ ﻟﻴﻬﺎ ﺇﻟﻴﺎﺱ ﻋﻠﻰ ﺳﻨﻤﺎﺭ ... ﻋﺮﻓﺎﺕ ﺍﻧﻪ ﺣﺘﻰ ﻫﻮ ﻣﻜﺎﻧﺘﺶ ﺍﻟﺤﻴﺎﺓ ﺳﻬﻠﺔ ﺑﺎﻟﻨﺴﺒﺔ ﻟﻴﻪ ...
ﻋﺎﺵ ﻃﻔﻮﻟﺔ ﺍﻟﻴﺘﻢ ﻭ ﻣﻊ ﺫﻟﻚ ﻃﻠﻊ ﺭﺍﺟﻞ ... ﻛﺎﻥ ﺍﻷﺥ ﺍﻷﻛﺒﺮ ﻹﻟﻴﺎﺱ ﺑﻤﻌﻨﻰ ﺍﻟﻜﻠﻤﺔ ﻭ ﻓﻜﻞ ﻣﺮﺓ ﻛﺎﻥ ﺇﻟﻴﺎﺱ ﻏﻴﻨﺤﺎﺭﻑ ﻋﻠﻰ ﺍﻟﻄﺮﻳﻖ ... ﻟﻘﻰ ﺳﻨﻤﺎﺭ ﺟﻨﺒﻮ ... ﻭ ﻭﺟﻮﺩ ﺭﺋﺒﺎﻝ ﺣﺘﻰ ﻫﻮ ﻓﺤﻴﺎﺗﻬﻢ ﻛﺎﻥ ﻟﻴﻪ ﺩﻭﺭ ﻛﺒﻴﺮ ...
ﺑﺜﻼﺛﺔ ﻗﺪﺭﻭ ﻳﻜﻮﻧﻮ ﺟﻨﺐ ﺑﻌﺾ ﻓﺄﺻﻌﺐ ﻓﺘﺮﺓ ﻓﺤﻴﺎﺗﻬﻢ ... ﻭ ﻣﻦ ﺍﻷﺷﻴﺎﺀ ﺍﻟﻲ ﺧﻼﺕ ﺯﻳﻨﺐ ﺗﻐﺮﻡ ﺑﺈﻟﻴﺎﺱ ... ﻫﻮ ﺻﺪﺍﻗﺘﻮ ﻣﻊ ﺍﻟﺪﺭﺍﺭﻱ ﻭ ﺍﻟﻲ ﻣﺘﺸﺒﺖ ﺑﻴﻬﺎ ﺑﻘﻮﺓ ... ﺍﻟﺮﺍﺑﻂ ﺍﻟﻲ ﻛﻴﺠﻤﻊ ﺑﻴﻨﺎﺗﻬﻢ ﻳﻤﻜﻦ ﺃﻛﺜﺮ ﻣﻦ ﺭﺍﺑﻂ ﺍﻷﺧﻮﺓ ... ﻭ ﻣﻦ ﺧﻼﻟﻮ ﻫﻮ ﻭ ﺩﺍﻛﺸﻲ ﺍﻟﻲ ﻋﺎﻭﺩ ﻟﻴﻬﺎ ﺷﺎﻓﺖ ﺟﻮﺍﻧﺐ ﺃﺧﺮﻯ ﻣﻦ ﺷﺨﺼﻴﺔ ﻛﻞ ﻣﻦ ﺭﺋﺒﺎﻝ ﻭ ﺳﻨﻤﺎﺭ ...
ﻭ ﺳﻨﻤﺎﺭ ﺟﺎﻫﺎ ﻛﻴﺴﺘﺎﺣﻖ ﻓﺘﺎﺓ ﺑﺤﺎﻝ ﺳﻤﻴﺔ ... ﺑﺮﻳﺌﺔ ﻧﻘﻴﺔ ﻭ ﺑﺴﻴﻄﺔ ... ﻭﺍﺧﺔ ﻋﺎﺷﺖ ﻓﺎﻟﺠﺒﻞ ﻭ ﻣﺴﺘﻮﺍﻫﺎ ﺍﻟﺪﺭﺍﺳﻲ ﺣﺪﻭ ﺍﻟﺜﺎﻧﻮﻳﺔ ... ﺍﻻ ﻭ ﻭﺍﻋﻴﺔ ﻭ ﺃﻛﺒﺮ ﻣﻦ ﺳﻨﻬﺎ ... ﺣﺘﻰ ﻫﻲ ﺷﺎﻓﺖ ﻣﻦ ﺍﻟﺤﻴﺎﺓ ﻭ ﻋﺎﺷﺖ ﺿﺮﻭﻑ ﺻﻌﺒﺔ ...
ﻛﺒﺮﺍﺕ ﺑﺪﻭﻥ ﺃﻡ ﻭ ﻋﺎﺋﻠﺘﻬﺎ ﺍﻟﻮﺣﻴﺪﺓ ﻫﻲ ﺟﺪﻫﺎ ... ﻛﺎﻥ ﻣﻤﻜﻦ ﺗﻤﺸﻲ ﻟﻠﻤﺪﻳﻨﺔ ﻭ ﺗﻜﻤﻞ ﺩﺭﺍﺳﺘﻬﺎ ﻛﻴﻒ ﻋﺮﺽ ﻋﻠﻴﻬﺎ ﺭﺋﺒﺎﻝ ... ﻟﻜﻦ ﻫﻲ ﺭﻓﻀﺎﺕ ... ﻣﺎﺑﻐﺎﺗﺶ ﺗﻔﺎﺭﻕ ﺟﺪﻫﺎ ﻭ ﺍﺭﺿﻮ ﺍﻟﻲ ﻣﺴﺘﺤﻴﻞ ﻳﺒﻌﺪ ﻋﻠﻴﻬﺎ ...
ﺯﻳﻨﺐ ﻋﻔﻮﻳﺔ ﻭ ﻃﺎﺋﺸﺔ ﺑﻌﺾ ﺍﻟﺸﻲﺀ ... ﻭ ﺍﻟﻲ ﺷﺎﻓﻬﺎ ﻳﻘﻮﻝ ﻣﺴﺘﻬﺘﺮﺓ ﻣﻦ ﺧﻼﻝ ﺗﺼﺮﻓﺎﺗﻬﺎ ... ﻟﻜﻦ ﻗﻠﺒﻬﺎ ﻛﺒﻴﺮ ... ﻛﺘﺒﻐﻲ ﺍﻟﺨﻴﺮ ﻟﻸﺷﺨﺎﺹ ﺍﻟﻲ ﻗﺮﺍﺏ ﻟﻴﻬﺎ ﺃﻛﺜﺮ ﻣﻦ ﻧﻔﺴﻬﺎ ... ﻣﻦ ﺩﻳﻤﺎ ﺣﺎﺳﺒﺔ ﺟﻮﻻﻥ ﺃﺧﺖ ﻟﻴﻬﺎ ... ﻭ ﺃﻳﺎﻡ ﻓﻘﻂ ﺑﺎﺵ ﺗﻌﺮﻓﺎﺕ ﻋﻠﻰ ﺳﻤﻴﺔ ﻭ ﺣﺴﺒﺎﺗﻬﺎ ﻣﻨﻬﻢ ... ﻫﻲ ﻣﻦ ﺍﻟﻨﻮﻉ ﺍﻟﻲ ﻻ ﺑﻐﻰ ﺷﻲ ﺣﺪ ﻛﻴﺒﻐﻴﻪ ﺑﻜﻞ ﻣﺎ ﻟﻴﻪ ...
ﻣﺘﻤﻠﻜﺔ ﻣﻦ ﺟﻬﺔ ﺻﺪﻳﻘﺘﻬﺎ ... ﻭ ﻏﻴﻮﺭﺓ ﺑﺸﻜﻞ ﻏﻴﺮ ﻃﺒﻴﻌﻲ ﻓﺎﺵ ﻛﻴﺘﻌﻠﻖ ﺍﻷﻣﺮ ﺑﺤﺒﻴﺒﻬﺎ ... ﻛﻞ ﻭﺣﺪﺓ ﻓﺎﻟﺒﻨﺎﺕ ﺗﺨﺸﺎﺕ ﻓﺴﺮﻳﺮﻫﺎ ... ﺑﻘﺎﻭ ﻛﻴﻬﻀﺮﻭ ﻭ ﻳﺘﻌﺮﻓﻮ ﻋﻠﻰ ﺑﻌﺾ ﺃﻛﺜﺮ ﺣﺘﻰ ﻏﻔﺎﻭ ...
ﺍﻟﻬﺪﻭﺀ ﻛﻴﺤﻮﻡ ﺍﻟﺼﺎﻟﺔ ... ﻛﻴﺘﺴﻤﻊ ﻓﻘﻂ ﺻﻮﺕ ﺍﻟﺨﺸﺐ ﻛﻴﻄﺮﻃﻖ ... ﻭ ﺍﻟﺮﻳﺢ ﺍﻟﻲ ﻓﺎﻟﺨﺎﺭﺝ ... ﻫﺰ ﺭﺋﺒﺎﻝ ﻋﻨﻴﻪ ﻛﻴﺸﻮﻑ ﻣﻦ ﺍﻟﻨﺎﻓﺬﺓ ﺍﻟﺜﻠﺞ ﻛﻴﻄﻴﺢ ﺑﻜﺜﺎﻓﺔ ... ﺿﻮﺭ ﻋﻨﻴﻪ ﺟﻬﺘﻬﺎ ﻛﺎﻧﺖ ﻧﺎﻋﺴﺔ ... ﻣﺘﻜﻴﺔ ﻋﻠﻰ ﻇﻬﺮ ﺍﻟﻔﻮﻃﻮﻱ ... ﻣﺮﺑﻌﺔ ﻳﺪﻳﻬﺎ ﻋﻨﺪﻫﺎ ﻭ ﺭﺍﺳﻬﺎ ﻣﺎﻳﻞ ... ﺑﺎﻳﻨﺔ ﻣﺎﻣﺮﺗﺤﺎﺵ ﻓﺎﻟﻨﻌﺴﺔ ...