🍃🍃🍃🍃 ؛
ﻛﺎﻻﺕ ﺑﻴﺪﻳﻬﺎ ﺣﺘﺎ ﻭﻗﻔﺎﺕ ... ﻫﺰﺍﺕ ﻋﻨﻴﻬﺎ ﻭ ﻫﻤﺎ ﻳﺒﺎﻧﻮ ﻟﻴﻬﺎ ﺛﻼﺛﺔ ﺍﻟﺴﺠﻴﻨﺎﺕ ﻣﻌﻬﺎ ﻓﺎﻟﺰﻧﺰﺍﻧﺔ ... ﻭﺣﺪﺓ ﻓﻴﻬﻢ ﺷﺎﻓﺖ ﻓﻴﻬﺎ ﻫﺎﺯﺓ ﺣﺎﺟﺒﻬﺎ ... ﺑﺴﺮﻋﺔ ﺑﻌﺪﺍﺕ ﺟﻮﻻﻥ ﻋﻨﻴﻬﺎ ﻋﻠﻴﻬﺎ ... ﺑﻌﺪﺍﺕ ﻟﻮﺍﺣﺪ ﺍﻟﺰﺍﻭﻳﺔ ﻭ ﺟﻠﺴﺎﺕ ﻓﻠﺮﺽ ... ﻏﻴﺮ ﺗﺬﻛﺮﺍﺕ ﺷﻨﻮ ﻗﺎﻝ ﻟﻴﻬﺎ ﺍﻟﻈﺎﺑﻂ ... ﻭ ﺃﻧﻬﻢ ﻏﻴﺘﺎﺻﻠﻮ ﺑﻮﺍﻟﺪﻳﻬﺎ ... ﻃﻠﻘﺎﺕ ﺍﻟﻌﻨﺎﻥ ﻟﺪﻣﻮﻋﻬﺎ ...
ﺃﺳﻮﺀ ﻣﻦ ﺃﻧﻬﺎ ﺗﺴﺠﻦ ﻫﻮ ﻭﻗﻊ ﺍﻟﺨﺒﺮ ﻋﻠﻰ ﻭﺍﻟﺪﻳﻬﺎ ... ﻫﻲ ﻋﺎﺭﻓﺔ ﺃﻧﻬﺎ ﺑﺮﻳﺌﺔ ﻣﻦ ﻫﺎﺩﺷﻲ ﻭﺍﺧﺔ ﻣﺰﺍﻝ ﻣﻔﺎﻫﻤﺔ ﺃﻭ ﻣﺴﺘﻮﻋﺒﺔ ﺍﻟﻲ ﺳﻤﻌﺎﺕ ... ﻟﻜﻦ ﺍﻟﻀﺮﺭ ﺇﻟﻲ ﻏﻴﻮﻗﻊ ﻣﻨﻴﻦ ﻳﻨﺘﺎﺷﺮ ﺍﻟﺨﺒﺮ ... ﻏﻴﺪﻣﺮﻫﺎ ﻭ ﻳﺪﻣﺮ ﻋﺎﺋﻠﺘﻬﺎ ... ﻭ ﻣﻤﻜﻦ ﺗﻔﻘﺪ ﻛﻠﺸﻲ ﻭ ﺣﻴﺎﺗﻬﺎ ﺗﺤﻄﻢ ﻓﻠﺤﻈﺔ ... ﺟﻤﻌﺎﺕ ﺭﺟﻠﻴﻬﺎ ﻋﻨﺪﻫﺎ ﻣﻌﻨﻘﺎﻫﻢ ... ﻭ ﺣﻄﺎﺕ ﺭﺍﺳﻬﺎ ﻋﻠﻰ ﻳﺪﻳﻬﺎ ﻛﺘﺒﻜﻲ ﻓﺼﻤﺖ ...
ﺻﺒﺢ ﺍﻟﺤﺎﻝ ... ﻛﺎﻧﺖ ﻧﺎﻋﺴﺔ ﻓﻠﺮﺽ ﻣﻜﻤﺸﺔ ... ﺗﺴﻤﻊ ﺻﻮﺕ ﻟﺒﺎﺏ ﻛﻴﺘﺤﻞ ... ﺩﺧﻞ ﺍﻟﺸﺮﻃﻲ ﻭﻗﻒ ﻋﻠﻴﻬﺎ ﻭ ﺑﺪﺍ ﻛﻴﺤﺮﻛﻬﺎ ﺑﺮﺟﻠﻴﻪ ... ﻓﺘﺤﺎﺕ ﻋﻨﻴﻬﺎ ﻏﻴﺮ ﺑﺎﻥ ﻟﻴﻬﺎ ﻭ ﻫﻲ ﺗﻨﻮﺽ ﺑﺴﺮﻋﺔ ... ﺟﺮﻫﺎ ﺩﺍﺭ ﻟﻴﻬﺎ ﺍﻟﻤﻴﻨﻮﻁ ﻭ ﻃﻠﻌﻬﺎ ... ﻏﺎﺩﻳﻴﻦ ﻓﺎﻟﻜﻮﻟﻮﺍﺭ ﻭ ﻫﻤﺎ ﻳﺒﺎﻧﻮ ﻟﻴﻬﺎ ﻭﺍﻟﺪﻳﻬﺎ ... ﺗﺤﺠﺮﻭ ﺍﻟﺪﻣﻮﻉ ﻓﻌﻨﻴﻬﺎ ﻓﺎﺵ ﺷﺎﻓﺖ ﻣﻬﺎ ﻛﺘﺒﻜﻲ ... ﺗﻠﻔﺘﺎﺕ ﺟﻬﺔ ﺑﺎﻫﺎ ﺍﻟﻲ ﺷﺎﻑ ﻓﻴﻬﺎ ﺑﺤﺪﺓ ﻭ ﻗﻠﺐ ﻭﺟﻬﻮ ﻭ ﻫﻲ ﺗﺤﺪﺭ ﺭﺍﺳﻬﺎ ...
ﺩﺧﻠﻮﻫﺎ ﻟﻐﺮﻓﺔ ﺍﻟﺘﺤﻘﻴﻖ ﻭ ﺟﻠﺴﻮﻫﺎ ﻓﻮﻕ ﺍﻟﻜﺮﺳﻲ ... ﺷﺎﻓﺖ ﺭﺟﻞ ﺟﺎﻟﺲ ﺟﻨﺒﻬﺎ ﻭ ﻣﻦ ﺍﻟﺤﻘﻴﺒﺔ ﺍﻟﻲ ﻣﻌﺎﻩ ﻋﺮﻓﺎﺗﻮ ﺍﻟﻤﺤﺎﻣﻲ ... ﺷﺎﻑ ﻓﻴﻬﺎ ﻭ ﺗﻜﻠﻢ ﺑﻴﻨﻮ ﻭ ﺑﻴﻨﻬﺎ ...
ﺍﻟﻤﺤﺎﻣﻲ : ﻣﺎﺗﺨﺎﻓﻴﺶ ﺍﻟﻴﻮﻡ ﻏﺘﺨﺮﺟﻲ
ﺟﻮﻻﻥ : ﺟﻴﺘﻲ ﻣﻊ ﺑﺎﺑﺎ ﻭ ﻣﺎﻣﺎ
ﺍﻟﻤﺤﺎﻣﻲ : ﻻ ... ﺗﻼﻗﻴﺘﻬﻢ ﻟﺒﺎﺭﺡ ﻫﻨﺎ ﻭ ﻗﻠﺖ ﻟﻴﻬﻢ ﺃﻧﺎ ﺍﻟﻲ ﻏﻨﺘﻮﻛﻞ ﻗﻀﻴﺘﻚ
ﺟﻮﻻﻥ : ﻭ ﺷﻜﻮﻥ
ﺍﻟﻤﺤﺎﻣﻲ : ﻣﻮﺳﻴﻮ ﺭﺋﺒﺎﻝ ﺳﻴﻔﻄﻨﻲ
ﺗﺤﻞ ﻟﺒﺎﺏ ﻭ ﻫﻮ ﻳﺪﺧﻞ ﻳﺰﻳﺪ ... ﺟﺮ ﺍﻟﻜﺮﺳﻲ ﻭ ﺟﻠﺲ ﻣﻘﺎﺑﻞ ﻣﻌﺎﻫﻢ ...
ﺍﻟﻤﺤﺎﻣﻲ : ﺗﺤﻘﻘﺘﻲ ﻣﻦ ﺩﺍﻛﺸﻲ ﺍﻟﻲ ﻗﻠﺖ ﻟﻴﻚ
ﻳﺰﻳﺪ : " ﺷﺎﻑ ﻓﻴﻪ " ﺑﺎﺵ ﻋﺮﻓﺘﻲ ؟
ﺍﻟﻤﺤﺎﻣﻲ : ﺍﻟﻨﻤﺮﺓ ﻣﺎﺷﻲ ﺩﻳﺎﻝ ﺍﻟﻤﻮﻛﻠﺔ ﺩﻳﺎﻟﻲ ... ﻭ ﺍﻟﺸﺨﺺ ﺍﻟﻲ ﺳﻴﻔﻂ ﺍﻟﺮﺳﺎﻟﺔ ﻛﺎﻥ ﻫﺪﻓﻮ ﻳﻮﺭﻃﻬﺎ ﻓﺎﻟﺠﺮﻳﻤﺔ ﺍﻟﻲ ﺍﺭﺗﺎﻛﺐ ... ﻟﻮ ﺍﻧﻬﺎ ﺍﺳﺘﺪﺭﺟﺎﺗﻮ ﻟﺘﻤﺎﻙ ﺑﺎﺵ ﺗﻘﺘﻠﻮ ﻣﻐﺎﺩﻳﺶ ﺗﺨﻠﻲ ﺍﻟﺪﻟﻴﻞ ﻣﻦ ﻭﺭﺍﻫﺎ ... ﺳﻮ ﺧﺎﺹ ﻓﺮﻳﻖ ﺍﻟﺘﺤﻘﻴﻖ ﺃﻭﻝ ﺣﺎﺟﺔ ﻳﺪﻳﺮ ﻳﻠﻘﺎ ﻣﺼﺪﺭ ﺍﻟﺮﺳﺎﻟﺔ ... ﺃﻭﻻ !
ﻳﺰﻳﺪ : ﻫﻲ ﺍﻟﻤﺘﻬﻤﺔ ﺍﻷﻭﻟﻰ ﻷﻧﻮ ﻋﻨﺪﻫﺎ ﺩﺍﻓﻊ
ﺍﻟﻤﺤﺎﻣﻲ : ﻛﺎﻳﻦ ﺷﺨﺺ ﺁﺧﺮ ﻋﻨﺪﻭ ﺩﺍﻓﻊ ﺃﻛﺒﺮ ... ﻛﻴﻒ ﺗﺤﻘﻘﻮ ﺭﺟﺎﻟﻚ ﺍﻥ ﺍﻟﻤﻮﻛﻠﺔ ﺩﻳﺎﻟﻲ ﻛﺎﻧﺖ ﺭﻓﻌﺎﺕ ﺩﻋﻮﺓ ﻣﻦ ﻗﺒﻞ ﺿﺪ ﺍﻟﻀﺤﻴﺔ ﺯﻫﻴﺮ ﻭ ﺍﻟﻜﺎﺗﺒﺔ ﻭ ﺻﺎﺣﺐ ﺩﺍﺭ ﺍﻟﻨﺸﺮ ... ﻟﻜﻦ ﺍﻟﺪﻋﻮﺓ ﺗﻮﻗﻔﺎﺕ ﻷﻧﻮ ﻣﻌﻨﺪﻫﺎﺵ ﺩﻟﻴﻞ ... ﻣﻦ ﺑﻌﺪ ﺗﺎﺧﺪ ﻟﻴﻬﺎ ﺣﻘﻬﺎ ﻭ ﺗﺠﺎﻭﺯﺍﺕ ﺍﻷﻣﺮ ... ﻣﻨﻈﻨﺶ ﻏﺘﺒﻘﺎ ﺣﺎﻗﺪﺓ ﻋﻠﻴﻬﻢ ﻟﺪﺭﺟﺔ ﺗﺒﻐﻲ ﺗﻘﺘﻞ ...
ﻣﻲ ﺍﻟﺸﺨﺺ ﺍﻟﻲ ﺗﻀﺮﺭ ﺃﻛﺜﺮ ﻋﻨﺪﻭ ﺳﺒﺐ ﻭﺟﻴﻪ ... ﺍﻟﺸﺨﺺ ﺍﻟﻲ ﺗﺒﻌﺘﺎﺕ ﺍﻟﺮﺳﺎﻟﺔ ﻣﻦ ﻫﺎﺗﻔﻮ ﻛﺎﻥ ﻋﺎﺭﻑ ﺃﻥ ﺯﻫﻴﺮ ﻏﻴﺠﻲ ﻓﻮﺭ ﻣﺎﻳﻌﺮﻑ ﺍﻥ ﺍﻟﺮﺳﺎﻟﺔ ﻣﻦ ﺟﻮﻻﻥ ... ﻭ ﺑﻬﺎﻛﺔ ﻏﻴﻜﻮﻥ ﺿﺮﺏ ﻋﺼﻔﻮﺭﻳﻦ ﺑﺤﺠﺮ ﻭﺍﺣﺪ ... ﻳﻘﺘﻞ ﺯﻫﻴﺮ ﻭ ﺗﻠﺒﻖ ﺍﻟﺠﺮﻳﻤﺔ ﻟﺠﻮﻻﻥ ... ﺍﻧﺘﻘﺎﻣﺎ ﻣﻦ ﺍﻷﺷﺨﺎﺹ ﺍﻟﻲ ﻭﺻﻞ ﻟﺤﻀﻴﺾ ﺑﺴﺒﺒﻬﻢ ... ﻣﻨﻬﻢ ﻏﻠﻖ ﺩﺍﺭ ﺍﻟﻨﺸﺮ ﺍﻟﺨﺎﺻﺔ ﺑﻴﻪ ﺇﻓﻼﺳﻮ ﺍﻟﺘﺎﻡ ﻭ ﺗﺮﻙ ﺯﻭﺟﺘﻮ ﻟﻴﻪ ... ﺳﻮ ﺍﻟﻤﺘﻬﻢ ﺍﻷﻭﻝ ﻫﻮ ﺳﻌﺪ ﺍﻟﻔﻬﻤﻲ ﻣﺎﺷﻲ ﻣﻮﻛﻠﺘﻲ
ﻳﺰﻳﺪ : " ﺷﺎﻑ ﻓﺠﻮﻻﻥ " ﻏﻨﺘﺄﻛﺪﻭ ﻣﻦ ﺣﺠﺔ ﺍﻟﻐﻴﺎﺏ ﺩﻳﺎﻟﻚ ﻭ ﺩﻳﻚ ﺍﻟﺴﺎﻉ ﻣﻤﻜﻦ ﻟﻴﻚ ﺗﻤﺸﻲ
ﺷﺎﻓﺖ ﻓﻴﻪ ﺟﻮﻻﻥ ﻭ ﻋﻨﻴﻬﺎ ﻛﻴﺒﺮﻳﻮ ﺑﺎﻟﺪﻣﻮﻉ ... ﻭ ﺗﻠﻔﺘﺎﺕ ﻋﻨﺪ ﺍﻟﻤﺤﺎﻣﻲ ﺍﻟﻲ ﻃﻤﺄﻧﻬﺎ ﺑﻌﻨﻴﻪ ﺃﻧﻬﺎ ﻏﺘﺨﺮﺝ ... ﻧﺎﺽ ﻳﺰﻳﺪ ﺧﺮﺝ ﻭ ﺍﺗﺎﺟﻪ ﻟﻠﻤﻜﺘﺐ ﺩﻳﺎﻟﻮ ... ﻋﻴﻂ ﻋﻠﻰ ﺭﺟﺎﻟﻮ ﻛﻴﻒ ﺩﺧﻠﻮ ﺣﻴﺢ ﻋﻠﻴﻬﻢ ...
ﻳﺰﻳﺪ : ﺷﻨﻮ ﻫﺎﺩﺷﻲ ﺃﺍ ... ﺷﻨﻮﻭﻭﻭ ﻫﺎﺩﺷﻴﻴﻲ ؟؟
ﺍﻟﺸﺮﻃﻲ : ﻣﺘﻌﻘﺒﻨﺎﺵ ﻣﺼﺪﺭ ﺍﻟﺮﺳﺎﻟﺔ ﺣﻴﻨﺖ ﻛﺎﻥ ﻋﻨﺪﻧﺎ ﺍﺳﻢ ... ﻭ ﻗﻠﻨﺎ ﻣﻤﻜﻦ ﺍﺳﺘﻌﻤﻼﺕ ﻫﺎﺗﻒ ﺁﺧﺮ
ﻳﺰﻳﺪ : ﻫﺎﺩﺍ ﻋﺬﺭ ﺍﻟﻜﻼﺍﺍﺍﺥ ... ﺃﻭﻝ ﺣﺎﺟﺔ ﺧﺎﺹ ﺩﻳﺮﻭ ﻫﻮ ﺗﺸﻮﻓﻮ ﻣﻨﻴﻦ ﺟﺎ ﺍﻟﺤﺒﺲ ﺩﻳﺎﻝ ﺍﻟﻤﻴﺴﺎﺝ ... ﻭ ﺃﻧﺎ ﺍﻟﻲ ﻗﻠﺖ ﻣﺨﺪﻡ ﻣﻌﻴﺎ ﺑﻨﺎﺩﻡ " ﻏﺎﺩﻱ ﺟﺎﻱ " ﺧﺪﻳﺘﻮ ﺃﻗﻮﺍﻝ ﻭﺍﻟﺪﻳﻬﺎ ؟
ﺍﻟﺸﺮﻃﻲ : ﻭﻱ ... ﺑﺠﻮﺝ ﺃﻛﺪﻭ ﺃﻥ ﺑﻨﺘﻬﻢ ﻛﺎﻧﺖ ﻓﺎﻟﺪﺍﺭ ﻧﻬﺎﺭ ﻣﺎﺕ ﺯﻫﻴﺮ
ﺗﺴﻤﻊ ﺍﻟﺪﻗﺎﻥ ﻓﺎﻟﺒﺎﺏ ﻭ ﺩﺧﻞ ﺃﺣﺪ ﺭﺟﺎﻝ ﺍﻟﺸﺮﻃﺔ ... ﻣﺪ ﻣﻠﻒ ﻟﻴﺰﻳﺪ ﺍﻟﻲ ﻗﺮﺍﻩ ﻭ ﺯﺍﺩ ﺟﻌﺮ ...
ﻳﺰﻳﺪ : ﺗﺸﺮﻳﺢ ﺟﺜﺔ ﺍﻟﻀﺤﻴﺔ ﺑﻴﻦ ﺑﻠﻲ ﺷﺎﺑﻊ ﻋﺼﺎ ... ﻭ ﺍﻟﻄﺮﻳﻘﺔ ﺑﺎﺵ ﻣﺎﺕ ﻣﺴﺘﺤﻴﻞ ﺗﻜﻮﻥ ﺑﻨﺖ ﺍﻟﻲ ﺩﺍﺭﺗﻬﺎ " ﻫﺰ ﺭﺍﺳﻮ ﻓﻴﻬﻢ " ﻣﻮﻝ ﺩﺍﺭ ﺍﻟﻨﺸﺮ ﻓﻴﻨﻤﺎ ﻛﺎﻥ ﺟﺒﺪﻭﻩ ... ﻭ ﺍﻟﺒﻨﺖ ﻃﻠﻘﻮﻫﺎ
ﻻﺡ ﻟﻮﺭﺍﻕ ﻓﻮﻕ ﺍﻟﻤﻜﺘﺐ ﻭ ﺩﻭﺯ ﻳﺪﻳﻪ ﻋﻠﻰ ﻭﺟﻬﻮ ... ﺣﻞ ﻟﺒﺎﺏ ﻭ ﺧﺮﺝ ﺑﺎﻧﻮ ﻟﻴﻪ ﻣﺨﺮﺟﻴﻦ ﺟﻮﻻﻥ ﻣﻦ ﻏﺮﻓﺔ ﺍﻟﺘﺤﻘﻴﻖ ... ﺑﻘﺎ ﻛﻴﺸﻮﻑ ﻛﻴﻒ ﺗﻼﺣﺖ ﻋﻠﻰ ﻣﻬﺎ ﻣﻌﻨﻘﻬﺎ ﻭ ﻛﺘﺒﻜﻲ ... ﻣﺘﺤﺮﻙ ﺣﺘﺎ ﺑﺎﻧﻮ ﻟﻴﻪ ﺧﺮﺟﻮ ﻣﻊ ﺍﻟﻤﺤﺎﻣﻲ ﻣﻦ ﻟﻤﺮﻛﺰ ..
أنت تقرأ
السفاح العاشق
أدب المراهقينﺭﻭﺍﻳﺔ ﻛﻠﻬﺎ ﻏﻤﻮﺽ .... ﺃﺣﺪﺍﺙ ﻣﻠﻴﺌﺔ ﺑﺎﻟﺘﺸﻮﻳﻖ .... ﺷﺨﺼﻴﺎﺕ ﻣﻌﻘﺪﺓ .... ﻋﺸﻖ ﻣﻬﻮﻭﺱ ﻣﺘﻤﻠﻚ .... ﺣﻴﺎﺓ ﻣﺰﺩﻭﺟﺔ .... ﻋﺎﻟﻢ ﺍﻟﺨﻄﻴﺌﺔ .... ﺟﺮﺍﺋﻢ ﺑﺎﺳﻢ ﺍﻟﺤﺐ .... ﺍﻟﻈﻐﻴﻨﺔ ﻭ ﺍﻻﻧﺘﻘﺎﻡ ... ﺍﻟﺤﻘﺪ ﺍﻟﺨﻴﺎﻧﺔ ﻭ ﺍﻟﻐﻴﻴﻴﻴﺮﺓ .... ⭐⭐⭐ ﻣﺰﻳﺞ ﺑﻴﻦ ﺍﻟﻮﺍﻗﻊ ﻭ ﺍﻟﺨﻴﺎﻝ ⭐⭐⭐ ﺗﺄﻟﻴﻒ : 🌸 ﻣﻮﺭﻱ 🌸 ﺑﻌ...
