السفاح العاشق

بارت 43

ﺗﺬﻛﺮﺍﺕ ﺃﻭﻝ ﻟﻘﺎﺀ ﻟﻴﻬﺎ ﺑﻴﻪ ... ﺍﻟﻴﻮﻡ ﺍﻟﻲ ﻣﺸﺎﺕ ﻟﻠﺸﺮﻛﺔ ﻭ ﺩﺧﻼﺕ ﻋﻨﺪﻭ ﻟﻠﻤﻜﺘﺐ ... ﺣﺪﻳﺜﻬﻢ ﺍﻷﻭﻝ ﻭ ﻣﺴﺎﻋﺪﺗﻮ ﻟﻴﻬﺎ ... ﺗﻮﺿﻴﻔﻮ ﻟﻴﻬﺎ ﻓﺎﻟﺸﺮﻛﺔ ... ﺳﻮﺍﺀ ﺃﻗﺮﺕ ﺃﻭﻻ ... ﻛﻞ ﻣﺮﺓ ﻛﺎﻥ ﻛﻴﺴﺎﻋﺪﻫﺎ ﺑﻄﺮﻳﻘﺔ ﺃﻭ ﺃﺧﺮﻯ ... ﻓﺠﺄﺓ ﺗﺬﻛﺮﺍﺕ ﻳﻮﻡ ﺍﻟﺤﺎﺩﺙ ... ﻗﺒﻞ ﻣﺎﺗﻐﻴﺐ ﻋﻦ ﺍﻟﻮﻋﻲ ﺷﺎﻓﺘﻮ ﺣﻴﺪ ﺍﻟﺤﺰﺍﻡ ﻭ ﺟﺮﻫﺎ ﻋﻨﻘﻬﺎ ... ﻛﺄﻧﻮ ﺑﺎﻏﻲ ﻳﺘﻠﻘﻰ ﺍﻟﺪﻕ ﻋﻠﻴﻬﺎ ﻭ ﻣﺘﺂﺫﺍﺵ ﻫﻲ ...
ﻓﻌﻼ ﺗﺼﺮﻓﺎﺗﻮ ﻣﺤﻴﺮﺓ ﻭ ﻣﻜﺘﻠﻘﺎ ﻟﻴﻬﺎ ﺣﺘﻰ ﺗﻔﺴﻴﺮ ... ﺗﺼﺮﻓﻮ ﻗﺒﻴﻠﺔ ﻣﺎﻋﺮﻓﺎﺗﺶ ﻋﻼﺵ ﻏﺎﺩﺭ ﻓﺠﺄﺓ ... ﻫﻮ ﻋﺎﺩﺓ ﻗﻠﻴﻞ ﺍﻟﻜﻼﻡ ... ﻳﻤﻜﻦ ﻣﻨﻴﻦ ﺷﺎﻑ ﺟﺪﺍﺗﻬﺎ ﻏﺎﺩﺭ ... ﺷﻨﻮ ﺑﻐﺎﺕ ﻣﺰﺍﻝ ﻳﺒﻘﺎ ﺣﺘﻰ ﻳﺸﻮﻓﻬﺎ ﺩﺧﻼﺕ ﻟﻠﺪﺍﺭ ﻭ ﻻ ﻳﻘﻮﻝ ﻟﻴﻬﺎ ﺑﺎﻟﺴﻼﻣﺔ ... ﻟﻜﻦ ﺗﺼﺮﻓﺎﺗﻮ ﻫﻤﺎ ﺍﻟﻲ ﻛﻴﻠﻌﺒﻮ ﺑﺪﻣﺎﻏﻬﺎ ...
ﻫﺰﺍﺕ ﻳﺪﻫﺎ ﻛﺘﻠﻤﺲ ﺷﻔﺎﻳﻔﻬﺎ ﺑﻄﺮﺍﻑ ﺻﺒﺎﻋﻬﺎ ... ﻟﺤﺪ ﺍﻵﻥ ﻣﺎﻋﺮﻓﺎﺗﺶ ﻋﻼﺵ ﺑﺎﺳﻬﺎ ... ﺷﻨﻮ ﻛﺎﻥ ﺍﻟﻤﻘﺼﻮﺩ ﻣﻦ ﺗﺼﺮﻓﻮ ... ﺗﻠﻔﺘﺎﺕ ﻓﺎﺵ ﺳﻤﻌﺎﺕ ﻟﺒﺎﺏ ﺗﺤﻞ ... ﺑﺎﻥ ﻟﻴﻬﺎ ﺑﺎﻫﺎ ﻭﺍﻗﻒ ﻋﻨﺪ ﻟﺒﺎﺏ ﺷﺎﺩ ﻓﺎﻟﺒﻮﺍﻧﻲ ﻭ ﻛﻴﺸﻮﻑ ﻓﻴﻬﺎ ... ﺗﻤﺸﺎﺕ ﻋﻨﺪﻭ ﻭ ﺍﻟﺘﻮﺛﺮ ﻭ ﺍﻟﺨﻮﻑ ﻻﻋﺐ ﻋﻠﻴﻬﺎ ...
ﺟﻮﻻﻥ : " ﺧﺪﺍﺕ ﻳﺪﻭ ﺑﺎﺳﺘﻬﺎ "
ﺇﺑﺮﺍﻫﻴﻢ : ﻋﺎﻭﺩﺍﺕ ﻟﻴﺎ ﻣﻚ ﺑﻠﻲ ﺩﺭﺗﻲ ﺍﻟﻌﻤﻠﻴﺔ
ﺟﻮﻻﻥ : ﺁﻩ ﺩﺭﺗﻬﺎ ﻓﺄﻟﻤﺎﻧﻴﺎ ﻭ ﺍﻟﻤﺪﻳﺮ ﻫﻮ ﺍﻟﻲ ﺗﻜﻠﻒ ﺑﻴﻬﺎ
ﺇﺑﺮﺍﻫﻴﻢ : ﻋﻼﺵ ﺗﻜﻠﻒ ﺑﻴﻬﺎ ﻫﻮ ؟
ﺟﻮﻻﻥ : " ﻣﺎﻋﺮﻓﺎﺕ ﻣﺎﺗﻘﻮﻝ " ﻛﺎﻧﺖ ﺑﺎﻗﺔ ﺩﻓﻌﺔ ﻣﻦ ﺃﺭﺑﺎﺡ ﺍﻟﺮﻭﺍﻳﺔ ﺩﻳﺎﻟﻲ ﻭ ﻫﻲ ﺑﺎﺵ ﺗﺨﻠﺼﺎﺕ ﺑﻴﻬﺎ ﺍﻟﻌﻤﻠﻴﺔ ... ﻭ ﺣﻴﻨﺖ ﻫﻮ ﺍﻟﻤﺴﺆﻭﻝ ﺗﻜﻠﻒ
ﺇﺑﺮﺍﻫﻴﻢ : ﻣﺸﻴﺘﻲ ﺣﺘﻰ ﻷﻟﻤﺎﻧﻴﺎ ﺑﻼ ﺧﺒﺎﺭﻧﺎ ﻭ ﺯﻳﺪﺍﻫﺎ ﻛﺎﺫﺑﺔ ... ﻭ ﺩﺭﺗﻲ ﺩﺍﻛﺸﻲ ﺍﻟﻲ ﻗﺎﻝ ﻟﻴﻚ ﺭﺍﺳﻚ ... ﺷﻨﻮ ﺃﻧﺎ ﻓﻬﺎﺩ ﺍﻟﺪﺍﺭ .. ﺣﻴﻂ
ﺟﻮﻻﻥ : ﺃ ﺍﻧﺎ ﻣﺎﻗﺪﺭﺕ ﻧﻘﻮﻝ ﻭﺍﻟﻮ ... ﺣﻴﻨﺖ ﻣﺎﻛﻨﺘﺶ ﻣﺘﺄﻛﺪﺓ ﺑﻠﻲ ﻏﺘﻨﺠﺢ ﺍﻟﻌﻤﻠﻴﺔ ﺩﺍﻛﺸﻲ ﺑﺎﺵ ﺧﺒﻴﺖ ﻋﻠﻴﻜﻢ " ﺣﺪﺭﺍﺕ ﺭﺍﺳﻬﺎ "
ﺇﺑﺮﺍﻫﻴﻢ : ﺗﺼﺮﻓﺎﺗﻚ ﻣﺆﺧﺮﺍ ﻣﺎﺑﻘﺎﻭﺵ ﻋﺎﺟﺒﻴﻨﻲ ... ﺁﺧﺮ ﻣﺮﺓ ﺗﺨﺒﻲ ﻋﻠﻴﻨﺎ ﺷﻲ ﺣﺎﺟﺔ ﻭ ﺗﺼﺮﻓﻲ ﻣﻦ ﺭﺍﺳﻚ ... ﺑﺤﺎﻝ ﺍﻟﻰ ﺃﻧﺎ ﻭ ﻣﻚ ﻣﻜﺎﻳﻨﻴﻨﺶ
ﺟﻮﻻﻥ : ﺳﻤﺤﻮﻟﻴﺎ
ﺣﻔﻴﻀﺔ : " ﻣﻦ ﻭﺭﺍ ﺇﺑﺮﺍﻫﻴﻢ " ﻧﺰﻝ ﺗﻮﺿﻰ ﺭﺍﻩ ﺍﻟﻤﻐﺮﺏ ﺃﺫﻥ
ﺷﺎﻑ ﺍﺑﺮﺍﻫﻴﻢ ﻓﺤﻔﻴﻀﺔ ﺍﻟﻲ ﻛﺎﻧﺖ ﻣﻐﻮﺑﺸﺔ ﻣﺎﻋﺠﺒﻬﺎﺵ ﺗﺼﺮﻑ ﺭﺍﺟﻠﻬﺎ ... ﻏﻴﺮ ﻧﺰﻝ ﺩﺧﻼﺕ ﻟﺒﻴﺖ ﻭ ﺳﺪﺍﺕ ﻟﺒﺎﺏ ... ﻗﺮﺑﺎﺕ ﻋﻨﺪ ﺟﻮﻻﻥ ﻭ ﻫﺰﺍﺕ ﻟﻴﻬﺎ ﺭﺍﺳﻬﺎ ...
ﺣﻔﻴﻀﺔ : ﻣﺎﻟﻚ ﻣﻬﺒﻄﺔ ﺭﺍﺳﻚ ﺑﺤﺎﻝ ﺍﻟﻰ ﺩﺍﻳﺮﺓ ﺷﻲ ﺫﻧﺐ ... ﺑﺎﻙ ﻭﺍﺧﺔ ﺗﺼﺮﻓﺎﺗﻮ ﻗﺎﺻﺤﻴﻦ ﻟﻜﻦ ﻏﻴﺮ ﻣﻦ ﺧﻮﻓﻮ ﻋﻠﻴﻚ ... ﺭﺍﻩ ﻋﻨﺪﻧﺎ ﻏﻴﺮ ﻧﺘﻲ ... ﻏﻴﺮ ﻣﺎﺗﺪﻳﺶ ﻋﻠﻴﻪ ... ﻣﻦ ﺃﻳﺎﻣﻮ ﻣﺎﻛﻴﻌﺮﻑ ﻳﻬﻀﺮ
ﺟﻮﻻﻥ : ﻋﺎﺭﻓﺔ ﺑﻠﻲ ﻛﺎﻥ ﺑﺎﻏﻲ ﻭﻟﺪ ... ﻭ ﺟﻮﺝ ﺍﻟﻤﺮﺍﺕ ﺍﻟﻲ ﺣﻤﻠﺘﻲ ﻓﻴﻬﻢ ﺑﻌﺪﻣﺎ ﻭﻟﺪﺗﻴﻨﻲ ﻛﺎﻧﻮ ﻭﻻﺩ ﻟﻜﻦ ﻃﺎﺣﻮ ... ﺃﻧﺎ ﻣﻜﻨﻠﻮﻣﻮﺵ ﻋﻠﻰ ﻛﻴﻒ ﻛﻴﺘﻌﺎﻣﻞ ﻣﻌﻴﺎ ... ﻋﺎﺭﻓﺔ ﺣﺘﻰ ﻫﻮ ﻣﺘﻠﻘﺎﺵ ﺍﻟﺤﺐ ﻣﻦ ﻭﺍﻟﺪﻳﻪ ﻭ ﻣﺎﺗﻮ ﺧﻼﻭﻩ ﺻﻐﻴﺮ ... ﺟﺪﻱ ﻋﺎﻭﺩ ﻟﻴﺎ ﻛﻠﺸﻲ
ﺣﻔﻴﻀﺔ : ﻣﺸﻴﺌﺔ ﺍﻟﻠﻪ ﻣﺎﻋﻨﺪﻧﺎ ﻣﺎﻧﺪﻳﺮﻭ " ﻣﺮﺭﺍﺕ ﻳﺪﻫﺎ ﻋﻠﻰ ﺧﺪ ﺟﻮﻻﻥ " ﻭ ﺯﺍﻳﺪﻭﻥ ﻧﺘﻲ ﻓﻴﻚ ﻛﻠﺸﻲ ﻫﻬﻬﻪ
ﺟﻮﻻﻥ : ﻭﺍﺧﺔ ﻣﺎﻛﺮﻫﺖ ﻛﻦ ﻛﺎﻧﻮ ﻋﻨﺪﻱ ﺃﺧﻮﺓ ... ﻭ ﻟﻜﻦ ﻣﺎﺑﻐﻴﺖ ﺣﺪ ﻳﺰﺍﺣﻤﻨﻲ ﻓﻴﻚ
ﺣﻔﻴﻀﺔ : " ﻗﺮﺻﺎﺕ ﻟﻴﻬﺎ ﺧﺪﻫﺎ " ﺃﻧﺎ ﻭﻟﺪﺕ ﻫﺎﺩ ﺍﻟﺤﻨﺎﻥ ﻭ ﺍﻟﺘﺒﺎﺛﺔ ﻭ ﺍﻟﺰﻳﻦ ﻛﻮﻟﻮ !
ﺟﻮﻻﻥ : ﺁﺍﺍﺍﻱ ... ﻛﺘﺮﻓﻌﻲ ﻟﻴﺎ ﺍﻟﻤﻌﻨﻮﻳﺎﺕ ﺩﺍﺑﺔ
ﺣﻔﻴﻀﺔ : ﻭ ﻣﺎﻟﻚ ﺯﻭﻳﻨﺔ ﺑﺸﻬﺎﺩﺓ ﻛﻠﺸﻲ ... ﻣﻨﻴﻦ ﻛﻴﺘﻼﻗﻰ ﺍﻟﺠﻤﺎﻝ ﺩﻳﺎﻝ ﻫﻨﺎ " ﺣﻄﺎﺕ ﻳﺪﻫﺎ ﻋﻠﻰ ﻗﻠﺐ ﺟﻮﻻﻥ " ﻭ ﺍﻟﺠﻤﺎﻝ ﺍﻟﺨﺎﺭﺟﻲ ... ﺍﻟﻜﻞ ﻏﻴﺸﻮﻓﻚ ﺑﻨﻔﺲ ﺍﻟﻨﻀﺮﺓ ﺑﺎﺵ ﻛﻨﺸﻮﻓﻚ ﺃﻧﺎ ... ﻣﺎﺷﻲ ﻗﻠﺖ ﻫﺎﺩﺷﻲ ﺣﻴﻨﺖ ﺑﻨﺘﻲ
ﺟﻮﻻﻥ : " ﺣﻄﺎﺕ ﺭﺍﺳﻬﺎ ﻋﻠﻰ ﺻﺪﺭ ﻣﻬﺎ " ﺗﻮﺣﺸﺖ ﻧﺤﻂ ﺭﺍﺳﻲ ﻫﻨﺎ ﻭ ﻧﻌﺲ ﺑﺮﺍﺣﺔ
ﺣﻔﻴﻀﺔ : " ﻛﺘﻤﺮﺭ ﻳﺪﻫﺎ ﻋﻠﻰ ﺷﻌﺮ ﺟﻮﻻﻥ " ﺑﺎﻏﺔ ﺍﻟﻲ ﻳﺪﻟﻠﻚ ... ﺳﻴﺮﻱ ﻗﻠﺒﻲ ﻋﻠﻴﻪ ﻫﻬﻬﻪ
ﺟﻮﻻﻥ : ﻣﺎﺑﻐﻴﺖ ﺣﺪ ... ﺃﻧﺎ ﻏﻨﺒﻘﺎ ﻫﻨﺎ ﺟﻨﺒﻚ
ﺣﻔﻴﻀﺔ : ﺿﺮﻭﺭﻱ ﺗﻠﻘﺎﻱ ﺷﻲ ﻭﻟﺪ ﺍﻟﻨﺎﺱ ﺍﻟﻲ ﻳﺒﻐﻴﻚ ﻭ ﻳﺤﺘﺎﺭﻣﻚ ... ﺃﻧﺎ ﻣﻐﺎﺩﻳﺶ ﻧﺪﻭﻡ ﻟﻴﻚ
ﺟﻮﻻﻥ : " ﻫﺰﺍﺕ ﻋﻨﻴﻬﺎ ﻓﻤﻬﺎ ﻭ ﺷﺎﻓﺖ ﻓﻴﻬﺎ ﺑﺤﺰﻥ " ﻋﻼﺵ ﻛﺘﻘﻮﻟﻲ ﻫﺎﺩ ﺍﻟﻬﻀﺮﺓ !
ﺣﻔﻴﻀﺔ : ﻭﻳﻠﻲ ﻋﻠﻰ ﺍﻟﻬﺒﻴﻠﺔ ﻏﺘﺒﻜﻲ " ﻋﻨﻘﺎﺗﻬﺎ " ﻏﻴﺮ ﻋﻠﻰ ﺳﺒﺔ ﻋﻨﺪﻙ ﺩﻭﻙ ﺍﻟﺪﻣﻮﻉ ... ﺭﺍﻩ ﻧﻬﺎﺭ ﺗﻠﻘﺎﻳﻪ ﮔﺎﻉ ﻣﻐﺎﺩﻱ ﺗﻌﻘﻠﻲ ﻋﻠﻴﺎ
ﺟﻮﻻﻥ : ﻣﺴﺘﺤﻴﻞ
ﺭﺟﻌﻮ ﻗﻠﺒﻮﻫﺎ ﺿﺤﻚ ﻣﺠﻤﻌﻴﻦ ﻭ ﺟﺎﺑﻮ ﺳﻴﺮﺓ ﺯﻳﻨﺐ ﻭ ﻓﻌﺎﻳﻠﻬﺎ ... ﺻﻮﻧﺎ ﺍﻟﻔﻮﻥ ﺩﻳﺎﻝ ﺟﻮﻻﻥ ﺟﺎﻭﺑﺎﺕ ﻭ ﻛﺎﻧﺖ ﺍﻟﺤﺎﺟﺔ ... ﻋﻠﻤﺎﺗﻬﺎ ﺩﻭﺯ ﻫﻲ ﻭ ﻣﻬﺎ ﻟﻌﻨﺪﻫﻢ ... ﺩﺍﻛﺸﻲ ﺍﻟﻲ ﺩﺍﺭﻭ ﺗﻮﺟﻬﻮ ﻟﺪﺍﺭ ﺍﻟﺤﺎﺟﺔ ... ﺣﻞ ﻟﻴﻬﻢ ﺍﻟﺤﺎﺝ ﺍﻟﺒﺎﺏ ﺩﺧﻠﻮ ﻟﻠﺼﺎﻟﻮﻥ ... ﻟﻘﺎﻭ ﺍﻟﺤﺎﺟﺔ ﺣﺎﻃﺔ ﮔﺼﺮﻳﺔ ﺩﻳﺎﻝ ﺍﻟﺮﻓﻴﺴﺔ ...
ﺟﻮﻻﻥ ﺍﺑﺘﺎﺳﻤﺎﺕ ﺣﺘﺎﻝ ﻭﺫﻧﻴﻬﺎ ﻛﺘﺤﻤﺎﻕ ﻋﻠﻰ ﺍﻟﺮﻓﻴﺴﺔ ... ﻣﺸﺎﺕ ﻛﺘﺒﻮﺱ ﻓﺎﻟﺤﺎﺟﺔ ﻭ ﺗﻌﺎﻭﺩ ...
ﺍﻟﺤﺎﺟﺔ : " ﻛﻀﺤﻚ " ﻏﺎ ﺑﺸﻮﻳﺔ ... ﺭﺍﻩ ﺍﻟﺮﻓﻴﺴﺔ ﻓﻴﻦ ﻛﺎﻳﻨﺔ ﻻ ﻧﻜﻮﻥ ﺗﻐﺎﻟﻄﺖ ﻟﻴﻚ
ﺟﻮﻻﻥ : ﻧﺘﻲ ﺃﺣﺴﻦ ﺟﺪﺓ ﻓﻬﺎﺩ ﺍﻟﺪﻧﻴﺎ ... ﻣﺎﻣﺎ ﻭ ﻣﺪﺍﺭﺕ ﻟﻴﺎ ﻫﺎﺩﺷﻲ
ﺣﻔﻴﻀﺔ : ﻳﺎﻙ ﻟﻤﻚ ﻛﺘﻨﻜﺮﻱ ... ﻭ ﻋﻼﺵ ﻧﺪﻳﺮ ﻟﻴﻚ ﺍﻟﺮﻓﻴﺴﺔ ﻣﺎﻟﻜﻲ ﻧﺎﻓﺴﺔ
ﺟﻮﻻﻥ : ﻣﺎﻟﻬﺎ ﺍﺧﺘﺎﺭﻋﻮﻫﺎ ﻏﺎ ﻟﻨﻔﻴﺴﺎﺕ ... ﻣﺎﻛﺮﻫﺘﺶ ﻧﻜﻮﻥ ﻧﺎﻛﻠﻬﺎ ﻳﻮﻣﻴﺎ ... ﻫﻲ ﺃﺣﺴﻦ ﺍﺧﺘﺮﺍﻉ ﺩﺍﺭﻭﻩ ﻟﻤﻐﺎﺭﺑﺔ
ﺍﻟﺤﺎﺟﺔ : ﻭ ﺩﻭﺯﻭ ﺗﺎﻛﻠﻮ ﻣﺎﺣﺪﻫﺎ ﺳﺨﻮﻧﺔ
ﺍﻟﺤﺎﺝ : ﺟﻮﻻﻥ ﺷﺎﻓﺘﻬﺎ ﻭ ﺗﻠﻔﺎﺕ ﺣﺘﻰ ﺍﻟﺴﻼﻡ ﻣﺎﺳﻠﻤﺎﺕ ﻋﻠﻴﺎ ﻣﻘﺎﺩ
ﺟﻮﻻﻥ : ﻧﺎﻛﻞ ﺃﺟﺪﻱ ﻭ ﺩﻳﻚ ﺍﻟﺴﺎﻉ ﻟﻬﻀﺮﺓ " ﺧﺎﺭﺟﺔ ﻣﻦ ﻟﺒﻴﺖ "
ﺣﻔﻴﻀﺔ : ﻓﻴﻦ ﻏﺎﺩﻳﺔ ؟
ﺟﻮﻻﻥ : ﻧﺠﻴﺐ ﻣﻌﻠﻘﺔ
ﺣﻔﻴﻀﺔ : ﺣﻼﻭﺗﻬﺎ ﺗﺎﻛﻠﻴﻬﺎ ﺑﺎﻟﻴﺪ
ﺟﻮﻻﻥ : ﺑﺎﻏﺔ ﻧﺠﻴﺒﻬﺎ ﻟﺠﺪﻱ ﻭ ﻧﻐﺴﻞ ﻳﺪﻳﺎ ... ﺣﺘﻰ ﻟﺮﻓﻴﺴﺔ ﻭ ﻣﻜﺎﻳﻦ ﺑﺮﻭﺗﻜﻮﻝ
ﻣﺸﺎﺕ ﺟﻮﻻﻥ ﻟﻜﻮﺯﻳﻨﺔ ﻏﺴﻼﺕ ﻳﺪﻳﻬﺎ ﻭ ﺟﺎﺑﺖ ﻟﻠﺤﺎﺝ ﺍﻟﻤﻌﻠﻘﺔ ... ﺗﺠﻤﻌﻮ ﻋﻠﻰ ﺩﻳﻚ ﺍﻟﮕﺼﺮﻳﺔ ﻭ ﺑﺎﺷﺮﻭ ﻓﺎﻷﻛﻞ ... ﺟﻤﻌﻮ ﺿﺤﻜﻮ ﺣﺘﻰ ﻵﺵ ﻣﻦ ﻭﻗﻴﺘﺔ ... ﻧﺎﺿﻮ ﺭﺍﺟﻌﻴﻦ ﻟﻠﺪﺍﺭ ﻭ ﻫﻲ ﺗﻌﻄﻴﻬﻢ ﺍﻟﺤﺎﺟﺔ ﻃﺒﺴﻴﻞ ﻣﺴﮕﻴﺔ ﻓﻴﻪ ﻻﺑﺮﺍﻫﻴﻢ ... ﺭﻏﻢ ﺍﻟﺤﺴﺎﺳﻴﺔ ﺍﻟﻲ ﻭﻻﺕ ﺑﻴﻨﻮ ﻭ ﺑﻴﻨﻬﻢ ﺇﻻ ﺃﻥ ﺟﻮﻻﻥ ﻓﻤﻘﺎﻡ ﺣﻔﻴﺪﺗﻬﻢ ... ﻭ ﺣﻔﻴﻀﺔ ﺣﺘﻰ ﻫﻲ ﻣﻌﺰﺗﻬﺎ ﻛﺒﻴﺮﺓ ... ﻭ ﻛﻴﺒﻘﺎ ﺟﺎﺭﻫﻢ ﻭ ﻓﻤﺘﺎﺑﺔ ﻭﻟﺪﻫﻢ ...
🍃🍃🍃 ﻭﻗﻒ ﺍﻟﺴﻴﺎﺭﺓ ﻓﺮﺍﺱ ﺍﻟﺪﺭﺏ ... ﺑﻐﺎﺕ ﺗﺤﻞ ﺯﻳﻨﺐ ﺍﻟﺒﺎﺏ ﻭ ﻫﻮ ﻳﺘﻜﻠﻢ ﺇﻟﻴﺎﺱ ...
ﺇﻟﻴﺎﺱ : ﻻ ﺷﻜﺮ ﻋﻠﻰ ﻭﺍﺟﺐ
ﺯﻳﻨﺐ : " ﻧﻠﻔﺘﺎﺕ ﻋﻨﺪﻭ " ﻭﺍﺍﺍ ﺷﻜﺮﺍﺍﺍﺍ
ﺇﻟﻴﺎﺱ : ﻭ ﻣﺎﻟﻚ ﻛﺘﻘﻮﻟﻴﻬﺎ ﺑﻬﺎﺩ ﺍﻟﻄﺮﻳﻘﺔ !
ﺯﻳﻨﺐ : " ﺑﻬﺪﻭﺀ " ﺷﻜﺮﺍ ... ﻫﺎﻛﺔ ﻣﺰﻳﺎﻥ ... ﻣﻤﻜﻦ ﻧﺰﻝ ﻓﺤﺎﻟﻲ ؟
ﺇﻟﻴﺎﺱ : ﻓﺎﻷﻭﻝ ﻛﻨﺘﻲ ﺿﺮﻳﻔﺔ ﻭ ﻣﻬﺪﻧﺔ ... ﻛﻴﻔﺎﺵ ﻫﺎﺩ ﺍﻟﺘﺤﻮﻝ
ﺯﻳﻨﺐ : ﺃﻧﺎ ﻫﺎﻛﺔ ... ﺍﻟﻲ ﻛﻴﻘﻮﻝ ﻋﻠﻴﺎ ﻣﻬﺪﻧﺔ ﻣﻜﻴﻌﺮﻑ ﻋﻠﻴﺎ ﺣﺘﻰ ﺯﻓﺘﺔ ... ﻭ ﻛﻴﺤﻜﻢ ﻋﻠﻰ ﻛﻴﻒ ﻛﻨﺘﺼﺮﻑ ﻣﻌﺎﻩ ... ﻳﻌﻨﻲ ﻣﻜﻨﻜﻮﻧﺶ ﻋﻠﻰ ﻃﺒﻴﻌﺘﻲ ... ﻭ ﺍﻟﻨﺎﺱ ﺍﻟﻲ ﻗﺮﺍﺏ ﻛﻴﻌﺮﻓﻮ ﺯﻳﻨﺐ ﻛﻴﻒ ﺩﺍﻳﺮﺓ
ﺇﻟﻴﺎﺱ : ﺇﺫﻥ ﺃﻧﺎ ﻣﻘﺮﺏ ﻟﻴﻚ
ﺯﻳﻨﺐ : ﻣﻨﻈﻨﺶ ﻏﻴﺮ ﺣﻴﻨﺖ ﺟﻤﻌﺎﺗﻨﺎ ﺩﺍﺭ ﻭﺣﺪﺓ ﺷﻲ ﺃﻳﺎﻡ
ﺇﻟﻴﺎﺱ : ﻭ ﺷﻨﻮ ﻛﺘﻌﺮﻓﻲ ﻋﻠﻴﺎ ﻧﺘﻲ ؟
ﺯﻳﻨﺐ : ﺃﻧﺎ ﻣﻜﻨﻌﺮﻑ ﻋﻠﻴﻚ ﻭﺍﻟﻮ ... ﻣﻦ ﻏﻴﺮ ﻋﺎﺭﺽ ﺃﺯﻳﺎﺀ ﻭ ﺻﺎﺣﺐ ﺍﻟﻤﺪﻳﺮ
ﺇﻟﻴﺎﺱ : ﺻﺎﻓﻲ ﻫﺎﺩﺷﻲ ﺍﻟﻲ ﺑﺎﻥ ﻟﻴﻚ ؟
ﺯﻳﻨﺐ : ﺑﻐﻴﺘﻲ ﺍﻟﺼﺮﺍﺣﺔ ... ﻛﻨﺘﻲ ﻛﺘﺒﺎﻥ ﺑﻌﻘﻠﻚ ﻭ ﻛﻀﺮﺏ ﻋﻠﻰ ﺍﻟﺸﻌﺎ
ﺇﻟﻴﺎﺱ : ﻫﻬﻬﻬﻪ ﻟﻮﺍﻩ
ﺯﻳﻨﺐ : ﻟﻜﻦ ﺩﺍﺑﺔ ﻛﻨﻌﺮﻑ ﻋﻠﻴﻚ ﺑﻠﻲ ﺑﻮ ﻟﺒﻨﺎﺕ ... ﻭ ﻫﺎﺩ ﺍﻟﻔﺌﺔ ﻛﻨﻜﺮﻫﺎ
ﺇﻟﻴﺎﺱ : " ﺿﺎﺭ ﻋﻨﺪﻫﺎ ﻭ ﻗﺮﺏ ﺃﻛﺜﺮ " ﺷﻨﻮ ﺑﺎﻥ ﻟﻴﻚ ﻧﻘﻠﺐ ﻋﻠﻰ ﮔﺎﻉ ﻟﺒﻨﺎﺕ ﻭ ﻧﺮﻛﺰ ﻋﻠﻰ ﻭﺣﺪﺓ ﻓﻘﻂ !
ﺯﻳﻨﺐ : " ﺑﻌﺪﺍﺕ ﻭﺟﻬﺎ " ﺷﻨﻮ ﻛﺘﻘﺼﺪ ؟
ﺇﻟﻴﺎﺱ : ﺍﻟﺪﺭﻱ ﻣﻨﻴﻦ ﻣﻜﻴﻠﻘﺎﺵ ﺩﻳﻚ ﺍﻟﻲ ﻣﻌﻤﺮﺓ ﻟﻴﻪ ﻋﻨﻴﻪ ... ﻛﻴﺒﻘﺎ ﻳﺸﺪ ﻭﺣﺪﺓ ﻭ ﻳﻄﻠﻘﻬﺎ ﻭ ﻳﺸﺪ ﻻﺧﺮﻯ ... ﻟﻜﻦ ﻧﻬﺎﺭ ﻛﺘﺠﻲ ﺩﻳﻚ ﺍﻟﻲ ﻛﺘﺨﺮﺑﻖ ﻟﻴﻪ ﺭﺍﺳﻮ ﻭ ﻛﻴﺒﻘﻰ ﻳﻔﻜﺮ ﻓﻴﻬﺎ ﻭ ﻫﻲ ﺑﻌﻴﺪﺓ ... ﻭ ﻣﻴﺴﺨﺎﺵ ﺑﻴﻬﺎ ﻭ ﻫﻲ ﻗﺪﺍﻡ ﻋﻨﻴﻪ ... ﺳﺎﻋﺘﻬﺎ ﻛﻴﺴﻤﺢ ﻓﺎﻟﺰﺑﻞ ﻛﺎﻣﻞ
ﺯﻳﻨﺐ : ﻭﺿﺮﺗﻴﻨﻲ ﻣﻦ ﺍﻟﺠﻤﻠﺔ ﺍﻷﻭﻟﻰ ... ﻣﻤﻜﻦ ﺗﻄﺮﺡ ﻫﺎﺩﺷﻲ ﻋﻠﻰ ﺷﻲ ﺃﺧﺼﺎﺋﻴﺔ ﺃﻧﺎ ﻏﻨﻬﺒﻂ ﻓﺤﺎﻟﻲ
ﺇﻟﻴﺎﺱ : ﻣﻜﻠﺨﺔ ﻭ ﻻ ﺷﻨﻮ " ﺷﺪ ﻟﻴﻬﺎ ﻓﻴﺪﻫﺎ " ﻋﻼﻣﻦ ﻛﻨﺨﺒﺮ ﺃﻧﺎ ... ﺗﺒﺘﻲ ﺷﻮﻳﺔ ﻳﺎ ﻫﺎﺩ ﺍﻟﺒﻨﺖ ... ﻻ ﻣﺎﻓﻬﻤﺘﻴﺶ ﻫﺎﺩﻱ ... ﻏﻨﺨﺘﺎﺻﺮ ﻟﻴﻚ ... ﻧﺘﻲ ﻛﺘﻌﺠﺒﻴﻨﻲ
ﺑﻘﺎﺕ ﺯﻳﻨﺐ ﻣﺒﻠﻘﺎ ﻋﻨﻴﻬﺎ ﻓﻴﻪ ... ﻭ ﻛﻴﻒ ﻗﺎﻟﻬﺎ ﻭ ﻋﻨﻴﻪ ﻓﻌﻨﻴﻬﺎ ... ﻣﻜﺎﻧﺶ ﺑﺎﻳﻦ ﻋﻠﻴﻪ ﻛﻴﻀﺤﻚ ﻧﻬﺎﺋﻴﺎ ... ﻟﻠﺤﻈﺔ ﻋﺠﺒﻬﺎ ﺍﻟﺤﺎﻝ ﻭ ﺣﺎﺳﺔ ﺑﻠﻲ ﺍﻟﺸﻌﻮﺭ ﻣﺘﺒﺎﺩﻝ ... ﻏﻴﺮ ﻣﺘﺨﻮﻓﺔ ﻭ ﻋﻨﺪﻫﺎ ﺃﺳﺒﺎﺏ ... ﺗﺬﻛﺮﺍﺕ ﺷﻜﻮﻥ ﻫﻮ ﻭ ﺻﻤﻌﺘﻮ ﺍﻟﻲ ﺳﺎﺑﻘﺎﻩ ﻭ ﺟﺮﺍﺕ ﻳﺪﻫﺎ ...
ﺯﻳﻨﺐ : ﺷﻜﺮﺍ ﻭ ﻟﻜﻦ ﺃﻧﺎ ﻣﺎﺷﻲ ﻣﻦ ﺩﻭﻙ ﺍﻟﻲ ﻣﻮﺍﻟﻒ
ﺑﻐﺎﺕ ﺗﺤﻞ ﻟﺒﺎﺏ ﻭ ﻫﻲ ﺗﺤﺲ ﺑﺮﺍﺳﻬﺎ ﺗﺠﺮﺍﺕ ﻣﻦ ﺩﺭﺍﻋﻬﺎ ... ﻛﻴﻒ ﺿﺎﺭﺕ ﻃﺎﺡ ﻋﻠﻰ ﻓﻤﻬﺎ ﻭ ﺷﺮﻉ ﻓﺘﻘﺒﻴﻠﻬﺎ ... ﺣﺎﻛﻤﻬﺎ ﺑﻴﺪﻳﻪ ﺑﺠﻮﺓ ﻣﻦ ﻭﺟﻬﺎ ... ﻋﻴﺎﺕ ﻣﺎﺗﺪﻓﻊ ﻓﻴﻪ ﻟﻜﻦ ﻣﺴﻮﺧﺮﺍﺕ ﻭﺍﻟﻮ ... ﺃﺧﻴﺮﺍ ﻗﺪﺭﺍﺕ ﺗﺒﻌﺪ ﻭﺟﻬﺎ ... ﺷﺎﻓﺖ ﻓﻴﻪ ﻣﺨﻨﺰﺭﺓ ﻫﺰﺍﺕ ﻳﺪﻫﺎ ﻭ ﻫﺒﻄﺎﺕ ﻋﻠﻴﻪ ﻟﺤﻨﻜﻮ ...
ﺯﻳﻨﺐ : ﻫﺎﺩﺷﻲ ﻋﻼﺵ ﻛﺘﻘﻠﺐ ... ﻣﺎﻏﻠﻄﺶ ﻣﻨﻴﻦ ﺍﻋﺘﺎﺑﺮﺗﻚ ﺑﺮﻫﻮﺵ ﻭ ﻣﺎﻣﺮﺑﻴﺶ ... ﺑﻨﺎﺕ ﺍﻟﻨﺎﺱ ﻣﺎﺷﻲ ﺑﺤﺎﻝ ﺩﻭﻙ ﺍﻟﻲ ﻣﻮﺍﻟﻒ ﺿﻮﺭ ﺑﻴﻚ ... ﻧﻬﺎﺭ ﺑﺎﻗﻲ ﺗﻘﺮﺏ ﻟﻴﺎ ﻏﻨﺪﻣﻚ
ﺣﻼﺕ ﻟﺒﺎﺏ ﻭ ﻫﺒﻄﺎﺕ ... ﻫﺰﺍﺕ ﺷﺎﻧﻄﻬﺎ ﻏﺎﺩﺓ ﻛﺘﺰﺭﺏ ﺣﺘﻰ ﺧﻠﻂ ﻋﻠﻴﻬﺎ ﻭ ﻭﻗﻒ ﻗﺪﺍﻣﻬﺎ ...
ﺯﻳﻨﺐ : ﺣﻴﺪ ﺭﺍﻩ ﻏﻨﺠﻤﻊ ﻋﻠﻴﻚ ﻭﻻﺩ ﺍﻟﺴﻴﻜﺘﻮﺭ
ﺇﻟﻴﺎﺱ : ﻻ ﺑﺎﻏﺔ ﺗﻔﺮﺟﻲ ﻓﻴﻬﻢ " ﺩﻭﺯ ﺻﺒﻌﻮ ﻋﻠﻰ ﺟﻨﺐ ﻓﻤﻮ " ﻫﻮ ﺍﻟﺼﺮﺍﺣﺔ ﻫﺎﺩﻱ ﺍﺳﺘﺎﺣﻘﻴﺘﻬﺎ " ﻣﺪ ﻟﻴﻬﺎ ﺍﻟﻔﻮﻥ " ﻧﺴﻴﺘﻲ ﻫﺬﺍ
ﺧﺪﺍﺗﻮ ﻣﻦ ﻋﻨﺪﻭ ﺑﺎﻟﻨﻄﻴﺮ ﻭ ﺗﻤﺎﺕ ﻏﺎﺩﺓ ...
ﺇﻟﻴﺎﺱ : ﺭﺍﻩ ﺻﻮﻧﻴﺖ ﻋﻠﻴﺎ ﻣﻨﻮ ... ﻏﺘﻠﻘﺎﻱ ﻧﻤﺮﺗﻲ ﻓﻴﻪ ... ﻣﻨﻴﻦ ﻧﻌﻴﻂ ﻋﻠﻴﻚ ﺟﺎﻭﺑﻲ
ﺯﻳﻨﺐ : " ﺿﺎﺭﺕ ﻋﻨﺪﻭ " ﻏﻨﺰﻣﺮﻙ ﻣﺎﺷﻲ ﻏﻨﺠﺎﻭﺏ
ﺇﻟﻴﺎﺱ : " ﺑﺎﺑﺘﺴﺎﻣﺔ " ﻫﺎﺣﻨﺎ ﻏﺎﺩﻱ ﻧﺸﻮﻓﻮ
ﺭﺋﺒﺎﻝ ﻛﻴﻒ ﺭﺟﻊ ﻟﻠﺪﺍﺭ ﭼﻠﺲ ﻣﻊ ﻻﺣﺒﻴﺒﺔ ﺷﻮﻳﺔ ﻭ ﻃﻠﻊ ﻟﺒﻴﺘﻮ ... ﺑﺪﻝ ﺣﻮﺍﻳﺠﻮ ﻭ ﺍﺗﺎﺟﻪ ﻟﻠﺸﺮﻛﺔ ... ﺩﺧﻞ ﻟﻠﻤﻜﺘﺐ ﻭ ﭼﻠﺲ ﻓﻤﻜﺎﻧﻮ ... ﺷﻮﻳﺔ ﺗﺤﻞ ﻟﺒﺎﺏ ﻭ ﺩﺧﻞ ﺑﻬﺎﺀ ﻫﺎﺯ ﻣﻌﺎﻩ ﺷﻲ ﻣﻠﻔﺎﺕ ... ﺣﻄﻬﻢ ﻓﻮﻕ ﺍﻟﻤﻜﺘﺐ ...
ﺑﻬﺎﺀ : ﻋﻠﻰ ﺳﻼﻣﺘﻚ ﻣﻴﺴﺘﺮ ﺭﺋﺒﺎﻝ
ﺭﺋﺒﺎﻝ : ﻛﻠﺸﻲ ﺟﺒﺘﻴﻪ ؟
ﺑﻬﺎﺀ : ﻭﻱ ﮔﺎﻉ ﺩﺍﻛﺸﻲ ﺍﻟﻲ ﺃﺟﻠﺖ ﺣﺘﻰ ﺗﺮﺟﻊ ﻫﺎﻫﻮ
ﺟﺮ ﺭﺋﺒﺎﻝ ﺍﻟﻤﻠﻔﺎﺕ ﻭ ﺑﺪﺍ ﻛﻴﻄﺎﻟﻊ ﻋﻠﻴﻬﻢ ... ﺍﻧﺼﺮﻑ ﺑﻬﺎﺀ ﻭ ﻫﻮ ﻏﺎﺩﻱ ﻓﺎﻟﻜﻮﻟﻮﺍﺭ ﺟﺎﻩ ﺍﺗﺼﺎﻝ ... ﺟﺒﺪ ﺍﻟﻔﻮﻥ ﻭ ﺟﺎﻭﺏ ...
ﺑﻬﺎﺀ : ﺷﺤﺎﻝ ﻣﻦ ﻣﺮﺓ ﺍﺗﺎﺻﻠﺖ ﺑﻴﻚ ﻭ ﻣﻜﺘﺠﺎﻭﺑﻴﺶ
ﺳﻤﺎﺭﺍ : ﻣﺎﻋﻴﻄﺶ ﻋﻠﻴﻚ ﻋﻠﻰ ﺣﺴﺎﺏ ﺍﻟﺨﺪﻣﺔ ... ﺑﻐﻴﺘﻚ ﻓﻮﺍﺣﺪ ﺍﻟﺤﺎﺟﺔ
ﺑﻬﺎﺀ : ﺍﻟﻲ ﻫﻲ ؟
ﺳﻤﺎﺭﺍ : ﻋﺮﻓﺖ ﺑﻠﻲ ﺭﺋﺒﺎﻝ ﺭﺟﻊ ... ﺃﻧﺎ ﻣﺎﻧﻘﺪﺭﺵ ﻧﺒﺎﻥ ﻗﺪﺍﻣﻮ ﺣﺎﻟﻴﺎ ... ﻋﻠﻰ ﺍﻷﻗﻞ ﺣﺘﻰ ﻳﻬﺪﺍ ... ﻟﻜﻦ ﻣﻐﺎﺩﻳﺶ ﻧﺨﻠﻲ ﺍﻟﻔﺮﺻﺔ ﻟﻮﺣﺪﺓ ﺃﺧﺮﻯ ﺗﻘﺮﺏ ﻟﻴﻪ ... ﻭ ﻫﻨﺎ ﻏﻴﺠﻲ ﺩﻭﺭﻙ
ﺑﻬﺎﺀ : ﻋﻼﺵ ﻛﺘﻬﻀﺮﻱ ؟
ﺳﻤﺎﺭﺍ : ﺭﺍﻙ ﻋﺎﺭﻑ ... ﺑﻐﻴﺘﻚ ﺗﺒﻌﺪ ﺩﻳﻚ ﺍﻟﻲ ﺳﻤﻴﺘﻬﺎ ﺟﻮﻻﻥ ﻋﻠﻰ ﺭﺋﺒﺎﻝ ... ﻣﺨﺎﺻﺶ ﺗﺮﺟﻊ ﻟﻠﺸﺮﻛﺔ ﻭ ﻻ ﺗﻜﻮﻥ ﻗﺮﻳﺒﺔ ﻟﻴﻪ ﻛﺘﺴﻤﻊ
ﺑﻬﺎﺀ : ﻋﺎﺭﻓﺔ ﺁﺵ ﻛﺘﻘﻮﻟﻲ !
ﺳﻤﺎﺭﺍ : ﻋﺎﺭﻓﺔ ﻣﺰﻳﺎﻥ ... ﻭ ﻧﺘﺎ ﻏﺪﻳﺮ ﻛﻴﻒ ﻗﻠﺖ ﻟﻴﻚ ... ﺣﺘﻰ ﻧﺘﺎ ﻣﺎﺷﻲ ﻣﻦ ﻣﺼﻠﺤﺘﻚ ﺗﻘﺮﺏ ﻟﻴﻪ
ﺑﻬﺎﺀ : ﺳﻤﺎﺭﺍ ... ﺷﺎﺭﺑﺔ ﺷﻲ ﺣﺎﺟﺔ
ﺳﻤﺎﺭﺍ : ﺭﺋﺒﺎﻝ ﻛﻴﺜﻴﻖ ﻓﻴﻚ ﺛﻘﺔ ﻋﻤﻴﺔ ... ﻭ ﺩﻳﻤﺎ ﻣﺨﻠﻴﻚ ﺟﻨﺒﻮ ... ﻟﻜﻦ ﻓﻨﻈﺮﻙ ﻻ ﻋﺮﻑ ﺑﺴﺮﻙ ﺍﻟﺼﻐﻴﺮ ﻏﺘﺒﻘﺎ ﻓﻴﻦ ﻛﺎﻳﻦ ... ﺃﻗﻞ ﺣﺎﺟﺔ ﻣﻤﻜﻦ ﻳﺪﻳﺮ ﻫﻲ ﻳﺠﺮﻱ ﻋﻠﻴﻚ
ﺑﻬﺎﺀ : " ﻣﺰﻳﺮ ﻋﻠﻰ ﻟﻔﻮﻥ ﺑﻴﺪﻭ " ﻣﻨﻴﻦ ﺗﻜﻮﻧﻲ ﺻﺎﺣﻴﺔ ﺩﻳﻚ ﺍﻟﺴﺎﻉ ﻋﻴﻄﻲ ﻋﻠﻴﺎ
ﺳﻤﺎﺭﺍ : ﻣﻜﻴﻬﻤﻨﻴﺶ ﺷﻨﻮ ﻭﺍﻗﻊ ﻣﻌﺎﻙ ... ﺍﻟﻲ ﺑﻐﻴﺖ ﻫﻮ ﺟﻮﻻﻥ ﺗﺒﻘﻰ ﺑﻌﻴﺪﺓ ﻋﻠﻴﻪ ﻭ ﻧﺘﺎ ﺍﻟﻲ ﺗﻘﺪﺭ ﺗﻨﻔﺪ ﻫﺎﺩﺷﻲ
ﺑﻬﺎﺀ : ﺭﺋﺒﺎﻝ ﻣﺎﻣﻌﺎﻫﺶ ﺍﻟﻠﻌﺐ ... ﻻ ﺣﺲ ﺑﺸﻲ ﺣﺎﺟﺔ ﻣﻐﺎﺩﻳﺶ ﺗﻨﻔﻌﻴﻨﻲ ﻧﺘﻲ
ﺳﻤﺎﺭﺍ : ﺩﺍﻛﺸﻲ ﺑﺎﺵ ﺧﺎﺻﻚ ﺗﻜﻮﻥ ﻋﻠﻰ ﺣﺬﺭ ... ﺑﺎﻱ "ﻗﻄﻌﺎﺕ"
🍂🍂 ﺑﻌﺪ ﻣﺮﻭﺭ ﻳﻮﻣﻴﻦ
ﻛﺎﻧﺖ ﺟﻮﻻﻥ ﭼﺎﻟﺴﺔ ﻓﻤﻜﺘﺒﻬﺎ ﻭ ﻛﺘﻜﺘﺐ ﻓﻤﺬﻛﺮﺓ ... ﮔﺎﻉ ﺍﻟﻲ ﻭﻗﻊ ﻟﻴﻬﺎ ﻓﺮﺣﻠﺔ ﺑﺮﻟﻴﻦ ﺩﻭﻧﺎﺗﻮ ﺑﻜﻞ ﺗﻔﺼﻴﻞ ... ﻣﺎﻋﺮﻓﺎﺗﺶ ﻋﻼﺵ ... ﻫﻲ ﻣﺎﻣﻮﻟﻔﺎﺵ ﺗﻜﺘﺐ ﻳﻮﻣﻴﺎﺕ ﺍﻭ ﻣﺬﻛﺮﺍﺕ ... ﻟﻜﻦ ﺑﻐﺎﺕ ﺗﻜﺘﺐ ﻋﻠﻰ ﺍﻟﻲ ﻭﻗﻊ ﺗﻤﺎﻙ ﻭ ﻳﺒﻘﺎ ﻣﺮﺳﺦ ﻓﺎﻟﻮﺭﻕ ...
ﻭﺻﻠﻬﺎ ﻣﺴﻴﺎﺝ ﻓﺎﻟﻔﻮﻥ ... ﻫﺰﺍﺗﻮ ﻭ ﻗﺮﺍﺗﻮ ﻛﺎﻥ ﻣﻦ ﺯﻳﻨﺐ ... ﺍﻟﻲ ﺩﺍﺭﺕ ﻣﻌﻬﺎ ﻳﺘﻐﺪﺍﻭ ﻋﻠﻰ ﺑﺮﺍ ... ﻧﺎﺿﺖ ﺑﺪﻻﺕ ﺣﻮﺍﻳﺠﻬﺎ ﻭ ﺳﺮﺣﺎﺕ ﺷﻌﺮﻫﺎ ... ﺩﺍﺭﺕ ﻣﺴﻜﺎﺭﺍ ﻭ ﻟﺒﺴﺘﻴﻚ ﺧﻔﻴﻒ ... ﻟﺒﺴﺎﺕ ﻛﻮﻧﭭﻴﺮﺳﺔ ﻭ ﻫﺰﺍﺕ ﺻﺎﻙ ﺑﺼﻤﻄﺔ ﻃﻮﻳﻠﺔ ... ﻳﺎﻻﻩ ﻏﺘﺨﺮﺝ ﻣﻦ ﺍﻟﺒﻴﺖ ﻭ ﻫﻲ ﺗﺮﺟﻊ ... ﺗﻘﺎﺑﻼﺕ ﻣﻊ ﻟﻤﺮﺍﻳﺔ ﺑﻐﺎﺕ ﺗﺤﻴﺪ ﺍﻟﻨﻀﺎﺭﺍﺕ ﻭ ﻫﻲ ﺗﺮﺍﺟﻊ ... ﻛﺘﺤﺘﺎﺟﻬﻢ ﻓﺎﺵ ﻛﺘﺒﻐﻲ ﺗﻘﺮﺍ ﻭ ﺗﻜﺘﺐ ﻓﻘﻂ ...
ﻟﻜﻦ ﻗﺮﺭﺍﺕ ﺗﺨﻠﻴﻬﻢ ﻭ ﺧﺮﺟﺎﺕ ... ﻫﺒﻄﺎﺕ ﻭ ﺩﺧﻼﺕ ﻋﻨﺪ ﺣﻔﻴﻀﺔ ﻟﺒﻴﺖ ...
ﺟﻮﻻﻥ : ﻣﺎﻣﺎ ﺃﻧﺎ ﺧﺎﺭﺟﺔ ﻣﻊ ﺯﻳﻨﺐ ... ﻏﻨﺘﻐﺪﺍﻭ ﻭ ﻧﻤﺸﻲ ﻧﺸﻮﻑ ﻻ ﻟﻘﻴﺖ ﺷﻲ ﺑﻴﺴﻲ ﺯﻭﻳﻦ ﻧﺎﺧﺪﻭ
ﺣﻔﻴﻀﺔ : ﻋﻨﺪﻙ ﻟﻔﻠﻮﺱ
ﺟﻮﻻﻥ : ﺑﺎﻗﺔ ﻋﻨﺪﻱ ﺷﻲ ﺑﺎﺭﻛﺔ ﻓﺎﻟﻜﻮﻧﻂ
ﺣﻔﻴﻀﺔ : ﻭﺍﺧﺔ ﺍﺑﻨﺘﻲ ﺳﻴﺮﻱ ﺗﻔﻮﺟﻲ
ﺑﺎﺳﺘﻬﺎ ﻭ ﺧﺮﺟﺎﺕ ﻏﺎﺩﺓ ﻣﻊ ﺍﻟﺪﺭﺏ ... ﻛﻴﻒ ﺧﺮﺟﺎﺕ ﻟﻠﺸﺎﺭﻉ ﺑﻐﺎﺕ ﺗﻘﻄﻊ ﺍﻟﺸﺎﻧﻄﻲ ﻭ ﻫﻲ ﺗﻮﻗﻒ ﻋﻠﻴﻬﺎ ﺳﻴﺎﺭﺓ ... ﺗﺤﻞ ﻟﺒﺎﺏ ﻭ ﻫﻮ ﻳﺨﺮﺝ ... ﻗﺮﺏ ﻟﻌﻨﺪﻫﺎ ﻛﻴﺸﻮﻑ ﻓﻴﻬﺎ ﻣﺴﺘﻐﺮﺏ ...
ﻳﺰﻳﺪ : ﺟﻮﻻﻥ !
ﺟﻮﻻﻥ : ﺍﻟﻈﺎﺑﻂ ﻳﺰﻳﺪ
ﻳﺰﻳﺪ : ﻭ ﻭﺍﺵ
ﺟﻮﻻﻥ : " ﺍﺑﺘﺎﺳﻤﺎﺕ " ﻗﺼﺔ ﻃﻮﻳﻠﺔ ... ﺷﻨﻮ ﻛﺪﻳﺮ ﻫﻨﺎ ؟
ﻳﺰﻳﺪ : " ﺣﻚ ﺭﺍﺳﻮ " ﺟﻴﺖ ﻧﺸﻮﻓﻚ ﺍﻟﺼﺮﺍﺣﺔ ... ﻓﺎﺵ ﺷﻔﺘﻚ ﺁﺧﺮ ﻣﺮﺓ ﺑﻘﺎ ﺑﺎﻟﻲ ﻣﺸﻐﻮﻝ
ﺟﻮﻻﻥ : ﺩﺭﺕ ﺍﻟﻌﻤﻠﻴﺔ ﻭ ﻫﺎ ﺃﻧﺎ ﺭﺟﻌﺖ ﻛﻨﺸﻮﻑ ﻫﻬﻬﻪ
ﻳﺰﻳﺪ : ﻣﺰﻳﺎﻥ ... ﻋﻠﻰ ﺳﻼﻣﺘﻚ
ﺟﻮﻻﻥ : ﺍﻟﻠﻪ ﻳﺴﻠﻤﻚ
ﻳﺰﻳﺪ : ﻏﺎﺩﺓ ﺷﻲ ﺑﻼﺻﺔ ... ﻧﻮﺻﻠﻚ ﻣﻌﻴﺎ ﻭ ﺑﻼ ﻣﺘﻌﺘﺎﺭﺿﻲ
ﺟﻮﻻﻥ : ﻏﻨﺘﻼﻗﻰ ﺑﺼﺎﺣﺒﺘﻲ
ﻳﺰﻳﺪ : " ﺣﻞ ﻟﻴﻬﺎ ﺍﻟﺒﺎﺏ " ﻃﻠﻌﻲ
ﺭﺋﺒﺎﻝ : " ﻣﻦ ﺧﻠﻔﻬﻢ " ﻭﻟﻴﺘﻲ ﺷﻴﻔﻮﻭﺭ
ﺧﺮﺟﺎﺕ ﺟﻮﻻﻥ ﻣﻦ ﺍﻟﺪﺍﺭ ... ﻛﺎﻥ ﻭﻗﻒ ﺑﻌﻴﺪ ﺩﺍﻳﺮ ﻳﺪﻳﻪ ﻓﺎﻟﺠﻴﺐ ... ﻻﺑﺲ ﺑﺪﻟﺔ ﻭ ﻓﻮﻗﻬﺎ ﻣﻮﻧﻄﻮ ﻃﻮﻳﻞ ﺃﺳﻮﺩ ... ﺑﺎﻧﺖ ﻟﻴﻪ ﺧﺎﺭﺟﺔ ﻭ ﻏﺎﺩﺓ ﻣﺒﺘﺎﺳﻤﺔ ﺷﺎﺩﺓ ﻓﺎﻟﺼﻤﻄﺔ ﺩﻳﺎﻝ ﺍﻟﺴﺎﻙ ... ﺗﺒﻌﻬﺎ ﺑﻴﻨﺎﺗﻬﻢ ﻣﺴﺎﻓﺔ ... ﻓﺎﺵ ﺑﻐﺎﺕ ﺗﻘﻄﻊ ﺍﻟﺸﺎﻧﻄﻲ ﻟﻤﺢ ﺳﻴﺎﺭﺓ ﻭﻗﻔﺎﺕ ﻋﻠﻴﻬﺎ ... ﻛﻴﻒ ﺧﺮﺝ ﻋﺮﻓﻮ ﺷﻜﻮﻥ ... ﺑﺎﻧﻮ ﻟﻴﻪ ﻛﻴﻬﻀﺮﻭ ﻭ ﻫﻮ ﻳﻘﺮﺏ ﻋﻨﺪﻫﻢ ... ﻭ ﺁﺧﺮ ﻛﻠﻤﺔ ﻗﺎﻝ ﻳﺰﻳﺪ ﺗﺴﻤﻌﺎﺕ ﻓﻮﺫﻧﻴﻪ ...
ﻳﺰﻳﺪ : " ﺣﻞ ﻟﻴﻬﺎ ﻟﺒﺎﺏ " ﻃﻠﻌﻲ
ﺭﺋﺒﺎﻝ : " ﻣﻦ ﻭﺭﺍﻩ " ﻭﻟﻴﺘﻲ ﺷﻴﻔﻮﺭ
ﻳﺰﻳﺪ : " ﺗﻠﻔﺖ ﻟﻠﺼﻮﺕ ﺣﺘﻰ ﻛﻴﺘﺼﺪﻡ ﺑﺮﺋﺒﺎﻝ " ﺭﺋﺒﺎﻝ ﺍﻟﻌﺜﻤﺎﻧﻲ !
ﺭﺋﺒﺎﻝ : ﻋﻠﻰ ﺣﺴﺎﺏ ﻣﺎﻋﻘﻠﺖ ﻛﻨﺘﻲ ﻇﺎﺑﻂ ... ﺍﻣﺘﻰ ﻗﻠﺒﺘﻲ ﺍﻟﺤﺮﻓﺔ
ﻳﺰﻳﺪ : " ﺑﻌﺒﺖ " ﺁﺧﺮ ﻭﺍﺣﺪ ﻛﻨﺖ ﻧﺘﺨﺎﻳﻞ ﻧﺘﻠﻘﺎﻩ ﻫﻨﺎ ... ﺷﻨﻮ ﺟﺎﺑﻚ ﻟﻬﺎﺩ ﺍﻟﺒﻼﺻﺔ ؟
ﺭﺋﺒﺎﻝ : ﻫﺎﺩ ﺍﻟﺴﺆﺍﻝ ﻣﻮﺟﻪ ﻟﻴﻚ ﻧﺘﺎ !
ﻳﺰﻳﺪ : " ﺗﻠﻔﺖ ﻋﻨﺪ ﺟﻮﻻﻥ " ﺟﻴﺖ ﻧﺸﻮﻑ ﺟﻮﻻﻥ ... ﻭ ﻣﻊ ﺧﺎﺭﺟﺔ ﻗﻠﺖ ﻧﻮﺻﻠﻬﺎ ... ﻟﻜﻦ ﻧﺘﺎ ﺷﻨﻮ ﻛﺪﻳﺮ ﻫﻨﺎ ؟
ﺭﺋﺒﺎﻝ : ﻏﻴﺮ ﺭﺟﻊ ﻟﻘﻀﺎﻳﺎﻙ ﺍﻟﻲ ﺑﺎﻗﻲ ﺗﺎﺑﻌﻴﻨﻚ ... ﻣﻐﺎﺩﻳﺶ ﻃﻠﻊ ﻣﻌﺎﻙ
ﻳﺰﻳﺪ : ﻭ ﻧﺘﺎ ﻛﺘﻬﻀﺮ ﻧﻴﺎﺑﺔ ﻋﻠﻴﻬﺎ ﺑﺼﻔﺘﻚ ﺷﻨﻮ !!
ﺭﺋﺒﺎﻝ : ﺑﺼﻔﺘﻬﺎ ﻣﻮﺿﻔﺔ ﻋﻨﺪﻱ ﻭ ﺗﻌﻄﻼﺕ ﻋﻠﻰ ﺧﺪﻣﺘﻬﺎ
ﻳﺰﻳﺪ : " ﺷﺎﻑ ﻓﺠﻮﻻﻥ ﺍﻟﻲ ﻏﻴﺮ ﺳﺎﻛﺘﺔ " ﻭﺍﺵ ﺑﺎﻗﺔ ﺧﺪﺍﻣﺔ ﻓﺎﻟﺸﺮﻛﺔ ؟
ﺟﻮﻻﻥ : " ﺍﻟﺼﻤﺖ "
ﺭﺋﺒﺎﻝ : ﺍﺧﺘﺎﺯﻝ ﻋﻠﻰ ﺷﻨﻮ ﻛﻨﺘﻲ ﻧﺎﻭﻱ ﻭ ﺭﺟﻊ ﻟﻠﻤﺮﻛﺰ ﺑﺤﺚ ... ﺗﻠﻘﻰ ﺷﺤﺎﻝ ﻣﻦ ﻗﻀﻴﺔ ﻭﺍﻗﻔﺔ ﻋﻠﻴﻚ
ﺟﻮﻻﻥ : ﺍﻟﻈﺎﺑﻂ ﻳﺰﻳﺪ ﻏﻴﺮ ﺳﻴﺮ ... ﺑﻼﻣﺎ ﻧﻌﺬﺑﻚ ﻣﻌﻴﺎ
ﻳﺰﻳﺪ : ﻣﻜﺎﻳﻦ ﺣﺘﻰ ﻋﺬﺍﺏ ... ﻗﻠﺘﻲ ﺑﺎﻏﺔ ﺗﻠﻘﺎﻱ ﺻﺎﺣﺒﺘﻚ ﻳﺎﻙ
ﺟﻮﻻﻥ : ﺁﻩ ﻭ ﻟﻜﻦ ﺑﻌﺪﻣﺎ ﻧﺪﻭﺯ ﻟﻠﺸﺮﻛﺔ ... ﻏﻴﺮ ﺳﻴﺮ ﻭ ﺳﻤﺢ ﻟﻴﺎ
ﻳﺰﻳﺪ : ﻣﺎﺷﻲ ﻣﺸﻜﻴﻞ