السفاح العاشق

بارت 99

ﺣﺴﺎﺕ ﺑﺮﺋﺒﺎﻝ ﺿﻮﺭ ﻳﺪﻭ ﻋﻠﻰ ﺧﺼﺮﻫﺎ ﻭ ﺟﺮﻫﺎ ﻋﻨﺪﻭ ﭼﻠﺴﻬﺎ ﻋﻠﻰ ﺣﺠﺮﻭ ... ﻗﺎﻝ ﺑﻨﺒﺮﺓ ﻣﻨﺨﻔﻀﺔ ...
ﺭﺋﺒﺎﻝ : ﺷﻨﻮ ﻗﻠﺖ ﻟﻴﻚ ... ﻣﻨﺒﻘﺎﺵ ﻧﺸﻮﻑ ﺩﻣﻮﻋﻚ
ﺟﻮﻻﻥ : " ﺣﻄﺎﺕ ﺭﺍﺳﻬﺎ ﻋﻠﻰ ﻛﺘﻔﻮ " ﺭﺋﺒﺎﻝ ﻋﻔﺎﻙ ﻣﺘﺒﻘﺎﺵ ﺿﺎﺭﺏ ﻣﻊ ﻳﺎ ... ﻣﻌﺎﻩ
ﺭﺋﺒﺎﻝ : " ﺩﻭﺯ ﻳﺪﻭ ﻋﻠﻰ ﺷﻌﺮﻫﺎ " ﻋﻤﺮﻭ ﻗﺮﺏ ﻟﻴﻚ ؟
ﺟﻮﻻﻥ : " ﻫﺰﺍﺕ ﺭﺍﺳﻬﺎ ﺑﺴﺮﻋﺔ ﺷﺎﻓﺖ ﻓﻴﻪ " ﻻﺍﺍ ... ﻋﻤﺮﻭ ﻣﺎﻓﺎﺕ ﺣﺪﻭﺩﻭ ﻣﻌﻴﺎ ... ﻭ ﺍﻟﻠﻪ
ﺭﺋﺒﺎﻝ : ﻣﺎﺣﺪﻭ ﻋﺎﻃﻴﻚ ﺑﺎﻟﺘﻴﺴﺎﻉ ... ﻭﺟﻮﺩﻭ ﻣﻐﺎﺩﻳﺶ ﺍﻧﺘﺎﺑﻪ ﻟﻴﻪ
ﺟﻮﻻﻥ : ﻭ ﻭ ﻟﻜﻦ ﻫﻮ ﻛﻴﺠﻲ ﻟﻌﻨﺪﻧﺎ ﻟﻠﺪﺍﺭ ... ﻣﻮﺍﻟﻒ ﻛﻴﭽﻠﺲ ﻣﻊ ﺑﺎﺑﺎ ﻭ
ﺭﺋﺒﺎﻝ : ﺑﺼﻔﺘﻮ ﺁﺵ ﻳﺠﻲ ﻟﻌﻨﺪﻛﻢ ... ﻣﺎﺷﻲ ﺑﺎﻙ ﻛﺎﻥ ﻣﺘﺸﺪﺩ ﻓﻬﺎﺩﺷﻲ
ﺟﻮﻻﻥ : ﺑﺎﺑﺎ ﺗﻐﻴﺮ ﺑﺰﺍﻑ ... ﻭ ﻭﻟﻰ ﺣﻨﻴﻦ ﻣﻌﻴﺎ ... ﻭﺍﺧﺔ ﺩﻭﺯﻫﺎ ﻋﻠﻴﺎ ﻟﻜﻦ ﺩﺍﺑﺔ ﺗﺼﻠﺤﺎﺕ ﻋﻼﻗﺘﻲ ﺑﻴﻪ ... ﻭ ﻛﻴﻒ ﻛﺎﻥ ﻣﺤﺘﺎﺝ ﻟﻴﺎ ﺣﺘﻰ ﺃﻧﺎ ﻛﻨﺖ ﻣﺤﺘﺎﺟﺔ ﻟﻴﻪ ... ﻛﺎﻥ ﻋﻨﺪﻭ ﺩﻭﺭ ﻓﺄﻧﻨﻲ ﺭﺟﻌﺖ ﻭﻗﻔﺖ ﻋﻠﻰ ﺭﺟﻠﻴﺎ ... " ﻫﺒﻄﺎﺕ ﻋﻨﻴﻬﺎ " ﻭ ﻣﺎﻳﻤﻜﻨﺶ ﻧﺨﺼﺮ ﻟﻴﻪ ﺧﺎﻃﺮﻭ
ﺭﺋﺒﺎﻝ : " ﻫﺰ ﺣﺎﺟﺒﻮ " ﺣﺘﻰ ﻟﻮ ﺍﺧﺘﺎﺭ ﻟﻴﻚ ﻫﻮ ﺑﻤﻦ ﺗﺮﺗﺎﺑﻄﻲ !
ﺟﻮﻻﻥ : " ﻛﺘﺤﻚ ﻓﻴﺪﻳﻬﺎ " ﻣﺎﻧﻈﻨﺶ ﺃﻧﻪ ﻏﺎﺩﻱ ﻳﻔﺮﺽ ﻋﻠﻴﺎ ﺷﻲ ﺣﺎﺟﺔ ﺃﻧﺎ ﻣﺎﺑﻐﻴﺘﻬﺎﺵ
ﺭﺋﺒﺎﻝ : ﻣﺰﻳﺎﻥ ... ﻭ ﺩﺍﺑﺔ ﺍﻣﺘﻰ ﻣﻤﻜﻦ ﻧﺸﻮﻑ ﺑﺎﻙ ؟
ﺟﻮﻻﻥ : ﻉ ﻋﻼﺵ ؟
ﺭﺋﺒﺎﻝ : ﻓﻨﻈﺮﻙ ﻋﻼﺵ ... ﺑﺎﺵ ﻧﻄﻠﺐ ﻳﺪﻙ ﻣﻨﻮ ... ﺛﺎﻧﻲ ﻣﺮﺓ
ﺟﻮﻻﻥ : " ﺍﺑﺘﺎﺳﻤﺎﺕ ﻭ ﺧﺪﻭﺩﻫﺎ ﺗﺰﻧﮕﻮ " ﺑﺎﻟﺼﺢ ... !
ﺭﺋﺒﺎﻝ : ﻻ ... ﻛﻨﻜﺬﺏ
ﺟﻮﻻﻥ : " ﻏﻮﺑﺸﺎﺕ ﻭ ﺑﻌﺪﻫﺎ ﻗﺎﻟﺖ ﺑﺘﺮﺩﺩ " ﻣﺤﺘﺎﺟﺔ ﻭﻗﺖ ﺑﺎﺵ ﻧﻘﻮﻟﻬﺎ ﻟﻴﻪ ... ﻣﻤﻜﻦ ﺗﻌﻄﻴﻨﻲ ﺷﻮﻳﺔ ﺩﻳﺎﻝ ﺍﻟﻮﻗﺖ
ﺭﺋﺒﺎﻝ : ﺷﺤﺎﻝ ﺑﻐﻴﺘﻲ ... ﻧﻬﺎﺭ ﻳﻮﻣﻴﻦ
ﺟﻮﻻﻥ : ﻫﺎﺍ ... ﺃﺳﺒﻮﻉ ﻋﻠﻰ ﺍﻷﻗﻞ
ﺭﺋﺒﺎﻝ : ﻋﻨﺪﻙ ﻳﻮﻣﻴﻦ ... ﺍﻟﻨﻬﺎﺭ ﺍﻟﺜﺎﻟﺖ ﻏﺎﺩﻱ ﺗﻠﻘﺎﻳﻨﻲ ﻗﺪﺍﻡ ﺑﺎﺑﻜﻢ
ﺟﻮﻻﻥ : ﻋﻼﺵ ﺯﺭﺑﺎﻥ ... ﻣﺰﺍﻝ ﺣﺘﻰ ﻭﺍﺣﺪ ﻣﻌﺎﺭﻑ ﺑﻠﻲ ﺭﺟﻌﻨﺎ
ﺭﺋﺒﺎﻝ : ﻭ ﺷﻐﻞ ﺷﻲ ﻭﺍﺣﺪ ﻓﻴﻨﺎ ... " ﻋﺾ ﻋﻠﻰ ﺷﻔﺘﻮ ﻭ ﺑﺎﻥ ﻋﻠﻰ ﻭﺟﻬﻮ ﺃﻧﻪ ﻛﻴﺘﺄﻟﻢ "
ﺟﻮﻻﻥ : " ﺑﺨﻮﻑ " ﻣﺎﻟﻚ ... ؟؟
ﺭﺋﺒﺎﻝ : ﺑﺮﺩﻭ ﻋﻈﺎﻣﻲ ﻭ ﺣﺴﻴﺖ ﺑﺎﻟﺪﻭﻙ ﺍﻟﺪﻗﺎﺕ
ﺟﻮﻻﻥ : " ﻛﺘﺸﻮﻑ ﻓﺄﻧﺤﺎﺀ ﺟﺴﻤﻮ " ﻓﻴﻦ ﺿﺮﺑﻚ ... ﺧﺎﺹ ﻧﻤﺸﻴﻮ ﻟﻠﺼﺒﻴﺘﺎﺭ
ﺭﺋﺒﺎﻝ : ﻫﻮ ﺍﻟﻲ ﺧﺎﺹ ﻳﻤﺸﻲ ﻟﻴﻪ ... ﻭﺍﻗﻠﺔ ﻫﺮﺳﺖ ﻟﻴﻪ ﺷﻲ ﺿﻠﻌﺔ
ﺟﻮﻻﻥ : " ﺷﺎﻓﺖ ﻓﻴﻪ ﻭ ﻣﺪﺍﺕ ﻳﺪﻫﺎ ﻛﺘﻠﻤﺲ ﺑﺼﺒﺎﻋﻬﺎ ﺍﻟﺠﺮﺡ ﺍﻟﻲ ﻓﻮﻕ ﺣﺎﺟﺒﻮ " ﺍﻣﺘﻰ ﻭﻟﻴﺘﻲ ﻋﻨﻴﻒ ﻟﻬﺎﺩ ﺍﻟﺪﺭﺟﺔ
ﺭﺋﺒﺎﻝ : ﻣﻨﻴﻦ ﺷﻔﺖ ﻭﺍﺣﺪ ﺧﻴﻨﺎ ﻛﻴﻘﻴﺲ ﻓﺎﻟﺤﺎﺟﺔ ﺩﻳﺎﻟﻲ
ﻛﺎﻧﻮ ﻭﺟﺎﻫﻢ ﻣﺘﻘﺎﺭﺑﻴﻦ ﻛﻴﺘﺒﺎﺩﻟﻮ ﻧﻈﺮﺍﺕ ﺍﻟﻌﺸﻖ ﻭ ﺍﻻﺷﺘﻴﺎﻕ ﺍﻟﻲ ﻣﺰﺍﻝ ﻣﺎﺑﺮﺩ ... ﺣﺴﺎﺕ ﺑﺄﻧﻔﺎﺳﻮ ﻛﺘﺤﺮﻕ ﺑﺸﺮﺓ ﻭﺟﻬﺎ ... ﻭ ﻳﺪﻭ ﻣﺮﺗﺎﺣﺔ ﻋﻠﻰ ﺧﺼﺮﻫﺎ ... ﺷﻔﺎﻳﻔﻬﻢ ﻛﺎﻧﻮ ﻋﻠﻰ ﻭﺷﻚ ﻳﺘﻼﺻﻘﻮ ﻓﺎﺵ ﺑﻌﺪﺍﺕ ﻭﺟﻬﺎ ﻓﺎﻟﻠﺤﻈﺔ ﺍﻷﺧﻴﺮﺓ ... ﻟﺒﺎﺭﺡ ﻓﺨﻀﻢ ﺍﻟﻠﺤﻈﺔ ﻣﺎﻋﻘﻼﺗﺶ ﻋﻠﻰ ﺭﺍﺳﻬﺎ ...
ﻟﻜﻨﻬﺎ ﻣﻐﺎﺩﻳﺶ ﺗﻌﺎﻭﺩ ﻧﻔﺲ ﺍﻟﺸﻲﺀ ... ﺣﻴﺪﺍﺕ ﻳﺪﻭ ﻭ ﻭﻗﻔﺎﺕ ...
ﺟﻮﻻﻥ : ﻓﻴﻦ ﻋﻠﺒﺔ ﺍﻹﺳﻌﺎﻓﺎﺕ ... ﺧﺎﺹ ﺗﻌﻘﻢ ﺍﻟﺠﺮﻭﺡ ﺍﻟﻲ ﻓﻮﺟﻬﻚ
ﺑﻌﺪﻣﺎ ﻋﺎﻟﺠﺎﺕ ﻟﻴﻪ ﺟﻮﻻﻥ ﺍﻟﺠﺮﻭﺡ ... ﻭ ﺩﻋﺎﺗﻮ ﻭ ﻏﺎﺩﺭﺍﺕ ﺍﻟﺸﻘﺔ ﺍﻭ ﺑﺎﻷﺣﺮﻯ ﻫﺮﺑﺎﺕ ﻣﻨﻮ ﺑﺎﻟﻤﻌﻨﻰ ﺍﻟﺤﺮﻓﻲ ... ﺭﺟﻌﺎﺕ ﻟﻠﺪﺍﺭ ﻭ ﻫﺰﺍﺕ ﺍﻟﻔﻮﻥ ﺍﺗﺎﺻﻼﺕ ﺑﻴﺎﻣﻦ ... ﻃﻤﺄﻧﺎﺕ ﻋﻠﻴﻪ ﻭ ﺗﺠﻨﺒﺎﺕ ﺍﺳﺌﻠﺘﻮ ﺍﻟﻤﻠﺤﺔ ... ﺣﺎﺟﺔ ﻭﺣﺪﺓ ﺍﻟﻲ ﻃﻠﺒﺎﺕ ﻣﻨﻮ ﻫﻲ ﺃﻧﻪ ﻳﺨﻠﻲ ﺑﻴﻨﻮ ﻭ ﺑﻴﻨﻬﺎ ﻣﺴﺎﻓﺔ ... ﻗﻄﻌﺎﺕ ﻋﻠﻴﻪ ﻭ ﻫﻲ ﺣﺎﺳﺔ ﺑﺎﻷﺳﻒ ﺍﺗﺠﺎﻫﻮ ...
ﻋﺎﺭﻓﺔ ﺭﺍﺳﻬﺎ ﺿﻠﻤﺎﺗﻮ ﻣﻌﻬﺎ ... ﻟﻜﻦ ﻗﻠﺒﻬﺎ ﻣﺎ ﻛﺎﻧﺶ ﻣﻠﻜﻬﺎ ﻣﻦ ﺷﺤﺎﻝ ﻫﺬﺍ ... ﻭ ﻫﻲ ﺑﻐﺎﺕ ﺗﺒﻌﺪ ﻋﻠﻴﻪ ﺑﺎﺵ ﻳﻘﺪﺭ ﻳﻨﺴﺎﻫﺎ ... ﻟﻜﻨﻪ ﺃﺻﺮ ﺗﻘﺒﻞ ﺻﺪﺍﻗﺘﻮ ... ﻭ ﻗﺒﻼﺕ ﻭﺍﺧﺔ ﻛﺎﻧﺖ ﻋﺎﺭﻓﺔ ﺃﻧﻪ ﻣﺘﺄﻣﻞ ﻳﻮﻡ ﻓﺎﻷﻳﺎﻡ ﺗﺒﻐﻴﻪ ... ﭼﻠﺴﺎﺕ ﻓﻄﺮﻑ ﺳﺮﻳﺮﻫﺎ ﻭ ﻫﻲ ﻛﺘﻔﻜﺮ ﻓﺎﻟﺤﺪﻳﺚ ﺍﻟﻲ ﺿﺎﺭ ﺑﻴﻨﻬﺎ ﻭ ﺑﻴﻦ ﺭﺋﺒﺎﻝ ...
ﻗﺪﻣﺎ ﻫﻲ ﺳﻌﻴﺪﺓ ﺃﻧﻪ ﺑﺎﻏﻲ ﻳﺘﺰﻭﺝ ﺑﻴﻬﺎ ﻓﻮﺭﺍ ... ﺍﻻ ﻭ ﺍﻧﻬﺎ ﻣﺘﺨﻮﻓﺔ ﺃﻥ ﺑﺎﻫﺎ ﻳﻜﻮﻥ ﺭﺍﻓﻀﻮ ... ﻷﻧﻪ ﺣﺎﺳﺐ ﺃﻥ ﺭﺋﺒﺎﻝ ﺳﻤﺢ ﻓﻴﻬﺎ ﻭ ﻻﺣﻬﺎ ... ﻭ ﺃﻥ ﻛﻞ ﺍﻟﻲ ﻣﺮﺍﺕ ﺑﻴﻪ ﻫﻮ ﺳﺒﺒﻮ ... ﺳﻤﻌﺎﺕ ﺻﻮﺕ ﺟﺮﺱ ﻟﺒﺎﺏ ﻭ ﻗﻔﺰﺍﺕ ... ﺣﻄﺎﺕ ﻳﺪﻫﺎ ﻋﻠﻰ ﻗﻠﺒﻬﺎ ... ﻫﺎﺩ ﺍﻟﺠﺮﺱ ﺭﺟﻊ ﻛﺎﺑﻮﺱ ﺑﺎﻟﻨﺴﺒﺔ ﻟﻴﻬﺎ ... ﺧﺮﺟﺎﺕ ﻣﻦ ﻏﺮﻓﺘﻬﺎ ﻭ ﻣﺸﺎﺕ ﺣﻼﺕ ﻟﺒﺎﺏ ...
ﺯﻳﻨﺐ : ﺣﻮﺑﻴﻨﻮ .. ﺃﻧﺎ ﺟﻴﻴﻴﺖ " ﺗﻼﺣﺖ ﻋﻠﻴﻬﺎ ﻋﻨﻘﺎﺗﻬﺎ "
ﺩﺧﻠﻮ ﻭ ﺯﻳﻨﺐ ﻛﺎﻧﺖ ﻏﺎﺩﺓ ﻟﻠﺼﺎﻟﺔ ﻭ ﻫﻲ ﺗﺠﺮﻫﺎ ﺟﻮﻻﻥ ﻓﺎﺗﺠﺎﻩ ﺑﻴﺘﻬﺎ ... ﺩﺧﻠﻮ ﻭ ﺳﺪﺍﺕ ﺟﻮﻻﻥ ﻟﺒﺎﺏ ... ﭼﻠﺴﺎﺕ ﺯﻳﻨﺐ ﻓﻮﻕ ﺍﻟﻔﻮﻃﻮﻱ ﺍﻟﺼﻐﻴﺮ ...
ﺯﻳﻨﺐ : ﻟﺒﺎﺱ ﻋﻠﻴﻚ ﺁﺵ ﺧﺒﺎﺭﻙ ... " ﺗﻤﻌﻨﺎﺕ ﻓﻮﺟﻪ ﺟﻮﻻﻥ " ﻭ ﻣﻦ ﺍﻟﺒﺮﻳﻖ ﺍﻟﻲ ﺭﺟﻊ ﻟﻌﻨﻴﻚ ... ﺑﺎﻳﻨﺔ ﺷﻔﺘﻴﻪ
ﺟﻮﻻﻥ : " ﭼﻠﺴﺎﺕ ﻓﺎﻟﺴﺮﻳﺮ ﻣﻘﺎﺑﻠﺔ ﻣﻌﻬﺎ ﻭ ﺗﻮﺳﻌﺎﺕ ﺍﺑﺘﺴﺎﻣﺘﻬﺎ " ﺑﺎﺵ ﻋﺮﻓﺘﻲ ﺃﻧﻪ ﻭﺟﻊ ؟
ﺯﻳﻨﺐ : ﺷﻔﺘﻮ ﻓﺪﺍﺭ ﺳﻤﻴﺔ ... ﺇﻭﺍ ... ﻋﺎﻭﺩﻱ ﺷﻨﻮ ﻭﻗﻊ ؟؟
ﺟﻮﻻﻥ : ﻭﺍﻟﻮ
ﺯﻳﻨﺐ : " ﺑﺼﻮﺕ ﻣﺮﺗﺎﻓﻊ " ﺷﻨﻮﻭﻭﻭ ... ﻋﻼﻣﻦ ﻛﺘﻜﺬﺑﻲ ... ﺳﺮﺳﺒﻲ ﺷﻨﻮ ﻋﻨﺪﻙ ... ﻭ ﻣﺎﺗﻐﻔﻠﻲ ﺣﺘﻰ ﺣﺎﺟﺔ
ﺟﻮﻻﻥ : ﺷﻮﻭﻭﻭ ... ﺑﺎﺑﺎ ﻟﻤﻚ ... ﻧﻬﺎﺭ ﻛﻨﺖ ﺑﺎﻳﺘﺔ ﻋﻨﺪﻱ ﺧﻠﻴﻨﺎﻩ ﺑﻼ ﻧﻌﺎﺱ ... ﻫﻀﺮﻱ ﺑﺸﻮﻳﺔ ﻓﻀﺤﺘﻴﻨﺎ
ﺯﻳﻨﺐ : ﺃﻧﺎ ﻧﺴﻜﺖ ﮔﺎﻉ ... ﻏﻴﺮ ﻋﺎﻭﺩﻱ
ﺟﻮﻻﻥ : " ﻋﺎﻭﺩﺍﺕ ﻟﻴﻬﺎ ﻛﻠﺸﻲ ﺗﻘﺮﻳﺒﺎً " ﻋﺮﻓﺘﻲ ﺷﺤﺎﻝ ﻓﺮﺣﺎﺍﺍﻧﺔ ... ﻭ ﻟﻜﻦ ﺧﺎﻳﻔﺔ ﻓﻨﻔﺲ ﺍﻟﻮﻗﺖ
ﺯﻳﻨﺐ : " ﻭﻗﻔﺎﺕ ﻭ ﺗﻤﺎﺕ ﻏﺎﺩﺓ ﺟﺎﻳﺔ ﻓﺎﻟﻐﺮﻓﺔ ﻛﺄﻧﻬﺎ ﻛﺘﺤﻠﻞ " ﺧﺮﺝ ﻭ ﺷﺮﺍ ﺷﻘﺔ ﻣﻘﺎﺑﻠﺔ ﻣﻊ ﻓﻴﻦ ﺳﺎﻛﻨﺔ ﻧﺘﻲ ... ﺗﻀﺎﺭﺏ ﻣﻊ ﻳﺎﻣﻦ ﺍﻟﻲ ﻛﺎﻥ ﻛﻴﺠﻤﻊ ﻟﻴﻚ ﺍﻟﺴﺎﻟﻒ .. ﻭ ﺯﺭﺑﺎﻥ ﺑﺎﻏﻲ ﻳﺸﻮﻑ ﺑﺎﻙ " ﺣﻄﺎﺕ ﺻﺒﻌﻬﺎ ﻋﻨﺪ ﻓﻤﻬﺎ " ﻫﺎﺩﻭ ﻛﻠﻬﻢ ﻣﻦ ﻋﻼﻣﺎﺕ ﺍﻟﻬﻮﺱ ... ﺍﻟﺴﻴﺪ ﻭﻟﻰ ﻣﻬﻮﻭﺱ ﺑﻴﻚ ﺍﻟﻤﺴﺨﻮﻃﺔ
ﺟﻮﻻﻥ : ﺯﻳﻨﺐ ﺑﺎﺭﻛﺔ ﻣﻦ ﺍﻟﻀﺤﻚ ﺩﻳﺎﻟﻚ ... ﻭ ﻗﻮﻟﻲ ﻟﻴﺎ ﺷﻨﻮ ﻧﺪﻳﺮ
ﺯﻳﻨﺐ : ﻣﺎﻟﻚ ﻣﺼﻌﺒﺎﻫﺎ ... ﻏﺘﻤﺸﻲ ﻋﻨﺪ ﺑﺎﻙ ﻭ ﺗﻘﻮﻟﻲ ﻟﻴﻪ ﺍﻟﺴﻴﺪ ﺍﻟﻲ ﻛﺘﺒﻐﻲ ﻭ ﻣﺸﻴﺮﺓ ﻋﻠﻴﻪ ﺑﺎﻏﻲ ﻳﺘﺰﻭﺝ ﺑﻴﻚ ... ﻭ ﺳﻲ ﺇﺑﺮﺍﻫﻴﻢ ﻏﺎﺩﻱ ﻳﺒﻐﻲ ﺳﻌﺎﺩﺗﻚ ... ﻣﻐﺎﺩﻳﺶ ﻳﺮﻓﺾ
ﺟﻮﻻﻥ : ﻛﻦ ﻏﻴﺮ ﻋﻄﺎﻧﻲ ﻭﻗﺖ ﺃﻛﺜﺮ
ﺯﻳﻨﺐ : ﻭﺍﺵ ﻧﺘﻲ ﺣﻤﻘﺔ ... ﻋﺎﻣﻴﻦ ﻭ ﻧﺺ ﻭ ﻧﺘﻮﻣﺎ ﺑﻌﺎﺩ ﻋﻠﻰ ﺑﻌﻀﻜﻢ ... ﺑﺎﻳﻨﺔ ﻣﺒﺎﻏﻴﺶ ﺑﺎﻗﻲ ﻳﻀﻴﻊ ﻟﻮﻗﺖ ... ﻣﻨﻴﻦ ﺧﻼﻙ ﺗﺨﺮﺟﻲ ﻣﻦ ﺍﻟﺒﺎﺭﻃﻤﺔ ﺩﻳﺎﻟﻮ ﺣﻤﺪﻱ ﺍﻟﻠﻪ ... ﺑﺎﻳﻨﺔ ﺟﺎﻣﻊ ﺍﻟﻜﺒﺚ ﺩﻳﺎﻝ ﻋﺎﻣﻴﻦ ... ﻣﺎ ﻋﺬﺍ ؟
ﺟﻮﻻﻥ : ﺷﻨﻮﻭ ؟ !
ﺯﻳﻨﺐ : ﻛﺎﻥ ﻛﻴﺠﻴﺐ ﺍﻟﻲ ﻳﻮﻧﺴﻮﻩ ﻓﺎﻟﻮﺣﺪﺓ ﺩﻳﺎﻟﻮ
ﺟﻮﻻﻥ : ﻣﺴﺘﺤﻴﻞ ... ﺭﺋﺒﺎﻝ ﻣﺴﺘﺤﻴﻞ ﻳﻜﻮﻥ ﺧﺎﻧﻲ
ﺯﻳﻨﺐ : ﻛﻴﻔﺎﺵ ﺧﺎﻧﻚ ... ﺭﺍﻩ ﻛﻨﺘﻮ ﻣﻔﺎﺭﻗﻴﻦ ... ﻭ ﻫﻮ ﻣﺎﺷﻲ ﺭﺍﺟﻞ !
ﺟﻮﻻﻥ : " ﺑﺜﻘﺔ " ﻣﺘﺄﻛﺪﺓ ﻣﻦ ﻛﻼﻣﻲ
ﺯﻳﻨﺐ : ﺍﻭﻯ ﻋﻠﻰ ﻫﺎﺩ ﺍﻟﺤﺴﺎﺏ ... " ﺍﺑﺘﺎﺳﻤﺎﺕ ﻭ ﻏﻤﺰﺍﺗﻬﺎ " ﻗﻔﺮﺗﻴﻬﺎ ﻧﻬﺎﺭ ﻳﺸﺪﻙ
ﻭﺍﻗﻒ ﺇﻟﻴﺎﺱ ﻗﺪﺍﻡ ﻟﺒﺎﻟﻜﻮﻥ ﻭ ﻫﺎﺯ ﻛﺎﺱ ﻣﺸﺮﻭﺏ ﻓﻴﺪﻭ ... ﺭﺷﻒ ﻣﻨﻮ ﻭ ﻭﺟﻪ ﻟﻜﻼﻣﻮ ﻟﺮﺋﺒﺎﻝ ﺍﻟﻲ ﻣﺸﺒﺢ ﻓﻮﻕ ﺍﻟﻔﻮﻃﻮﻱ ...
ﺇﻟﻴﺎﺱ : ﻣﻐﺎﺩﻳﺶ ﺗﺮﺟﻊ ﻟﻠﺸﺮﻛﺔ ؟
ﺭﺋﺒﺎﻝ : ﻛﺎﻳﻨﺔ ﺃﻣﻮﺭ ﺍﻫﻢ ﻣﻦ ﺍﻟﺸﺮﻛﺔ ﻫﺎﺩ ﺍﻟﺴﺎﻋﺔ
ﺇﻟﻴﺎﺱ : " ﺿﺎﺭ ﻋﻨﺪﻭ " ﺑﺤﺎﻝ ﺗﺠﺴﺲ ﻋﻠﻰ ﺣﺒﻴﺒﺘﻚ ﻫﻬﻬﻪ ... ﻋﺮﻓﺘﻲ ﺗﺼﺪﻣﺖ ﻓﺎﺵ ﺳﻴﻔﻄﻲ ﻟﻴﺎ ﻻﺩﻏﻴﺲ ... ﻛﻨﺖ ﻋﺎﺩ ﻭﺻﻠﺖ ﺯﻳﻨﺐ ﻟﻌﻨﺪ ﺟﻮﻻﻥ ... ﻳﺎﻻﻩ ﻏﺎﺩﻱ ﻧﻀﻮﺭ ﺣﺘﻰ ﻃﻠﻊ ﻟﻴﺎ ﻑ GPS ﺃﻧﻨﻲ ﻭﺻﻠﺖ ... ﺯﻋﻤﺎ ﻧﺘﺎ ﺧﻄﺎﺍﺍﺭ
ﺭﺋﺒﺎﻝ : ﻋﻼﺵ ﻛﺘﺸﺮﺏ ﻓﻬﺎﺩ ﺍﻟﻮﻗﺖ ؟
ﺇﻟﻴﺎﺱ : ﻣﻨﻠﻘﺎﺵ ﻋﻨﺪﻙ ﺷﻲ ﻣﻨﻈﺎﺭ ... ﻧﺸﻮﻑ ﺍﻟﻤﻮﺻﻴﺒﺔ ﺁﺵ ﻛﺎﺩﻳﺮ ﺩﺍﺑﺔ ﻫﻬﻪ
ﺭﺋﺒﺎﻝ : ﺭﺍﻩ ﺳﻮﻟﺘﻚ ؟؟
ﺇﻟﻴﺎﺱ : ﺍﻭﺩﻱ ... ﻭﺿﻌﻲ ﻣﻜﻴﺨﺘﺎﻟﻔﺶ ﻋﻠﻰ ﻭﺿﻌﻚ ... ﻣﻨﻴﻦ ﺭﺟﻌﺘﻲ ﻗﻠﺖ ﻟﻴﻬﺎ ﻧﺘﺰﻭﺟﻮ ﻭ ﺑﺪﺍﺕ ﻛﺘﻬﺮﺏ ... ﻋﺎﺭﻓﻬﺎ ﻋﻼﺵ ﻣﺘﺮﺩﺩﺓ ﻟﻜﻦ ﺷﺤﺎﻝ ﻗﺪﻱ ﻧﺼﺒﺮ ... ﻭﺍﺵ ﻻ ﺗﺰﻭﺟﻨﺎ ﻏﻨﻘﻮﻝ ﻟﻴﻬﺎ ﺳﻤﺤﻲ ﻓﻌﺎﺋﻠﺘﻚ ... ﺷﻨﻮ ﻓﻴﻬﺎ ﻻ ﻋﺎﻭﻧﺘﻬﺎ ... ﺭﺍﻩ ﻏﻨﺮﺟﻊ ﻭﺍﺣﺪ ﻣﻨﻬﻢ
ﺭﺋﺒﺎﻝ : ﻭ ﻫﺎﺩﺷﻲ ﻗﻠﺘﻴﻪ ﻟﻴﻬﺎ
ﺍﻟﻴﺎﺱ : ﻻ ... ﻏﺎﺩﻱ ﻳﻨﻮﺽ ﺍﻟﺼﺪﺍﻉ ... ﻛﻨﺘﺨﺎﺻﻤﻮ ﻋﻠﻰ ﺃﺗﻔﻪ ﻟﺤﻮﺍﻳﺞ ... ﻭﺍﺳﻌﺎﻙ ﻫﺎﺩﺷﻲ ... ﺃﻧﺎ ﺑﺎﻏﻲ ﻧﺴﺘﺎﻗﺮ ﻭ ﻧﺪﻳﺮ ﻋﺎﺋﻠﺔ ... ﻭ ﻣﺎﻳﻤﻜﻨﺶ ﻧﺒﻐﻲ ﺷﻲ ﻭﺣﺪﺓ ﻣﻦ ﻏﻴﺮ ﺯﻳﻨﺐ ... ﻟﻜﻦ ﻫﻲ ﻣﺤﺴﺎﺵ ﺑﻴﺎ
ﺭﺋﺒﺎﻝ : " ﻭﻗﻒ ﺣﺪﺍﻩ ﻭ ﺣﻴﺪ ﻟﻴﻪ ﺍﻟﻜﺎﺱ " ﻫﻀﺮ ﻣﻌﻬﺎ ... ﻭ ﻫﺎﺩ ﺍﻟﻬﻀﺮﺓ ﻗﻮﻟﻬﺎ ﻟﻴﻬﺎ ﻫﻲ
ﺇﻟﻴﺎﺱ : ﺳﻨﻤﺎﺭ ﺍﻟﻲ ﺻﺪﻗﺎﺕ ﻟﻴﻪ ... ﺗﺰﻭﺝ ﻭ ﻭﻟﺪ ... ﻭ ﺩﺍﺑﺔ ﻣﻬﻨﻲ ﻣﻊ ﺭﺍﺳﻮ ... ﻳﻜﻮﻧﻮ ﺩﺍﻳﺮﻳﻦ ﻟﻴﻨﺎ ﺍﻟﻌﻜﺲ !
ﺭﺋﺒﺎﻝ : " ﻧﺰﻝ ﻋﻠﻴﻪ ﻟﻘﺮﻓﺎﺩﺗﻮ " ﻣﺸﻜﻠﺘﻚ ﺳﺎﻫﻠﺔ ... ﺳﻴﺮ ﻫﻀﺮ ﻣﻌﻬﺎ
ﺇﻟﻴﺎﺱ : " ﻛﻴﺤﻚ ﻓﻌﻨﻘﻮ " ﻗﻮﻝ ﻟﻴﺎ ﺳﻴﺮ ﻓﺤﺎﻟﻚ ﻭ ﺻﺎﻓﻲ ... " ﻏﺎﺩﻱ ﺟﻬﺔ ﻟﺒﺎﺏ " ﺑﺎﻟﺼﺤﺔ ﺍﻟﺒﺎﺭﻃﻤﺔ ﻭ ﻟﻜﻦ ﺩﻳﺎﻟﻲ ﻛﺘﺒﻘﻰ ﺣﺴﻦ ... " ﺣﻞ ﻟﺒﺎﺏ ﻭ ﻛﻴﻬﻀﺮ ﻣﻊ ﺭﺍﺳﻮ " ﻣﺨﻠﻲ ﭬﻴﻼ ﻗﺪﻫﺎ ﻗﺪ ﻟﺨﻼ ﻭ ﺟﺎﻱ ﻳﺴﻜﻦ ﻓﺒﺎﺭﻃﻤﺔ ﺑﺎﺵ ﻳﺤﻈﻴﻬﺎ ... ﺁﺵ ﻛﺎﻧﻮ ﻛﻴﻀﺮﺑﻮ ﻟﻴﻪ ﻓﺪﺍﻙ ﺻﺒﻴﺘﺎﺭ ﺍﻟﺤﻤﺎﻕ
🍂 ﻣﺮﻭ ﻳﻮﻣﻴﻦ ﺑﺎﻟﺘﺤﺪﻳﺪ ... ﺟﻮﻻﻥ ﻣﺎﺑﻘﺎﺵ ﺷﺎﻓﺖ ﺭﺋﺒﺎﻝ ... ﻛﺎﻥ ﺑﻴﻨﺎﺗﻬﻢ ﻏﻴﺮ ﺍﻟﻔﻮﻥ ... ﻃﻠﺒﺎﺕ ﻣﻨﻮ ﺃﻧﻪ ﻳﻤﻨﺤﻬﺎ ﻭﻗﺖ ﺃﻛﺜﺮ ... ﻣﺎﺣﻜﺮﺵ ﻋﻠﻴﻬﺎ ﻭﺍﺧﺔ ﺣﺴﺎﺕ ﺃﻧﻪ ﺗﻘﻠﻖ ... ﺍﻟﻴﻮﻡ ﻇﻼﺕ ﻓﺎﻟﺨﺪﻣﺔ ﻭ ﻛﻴﻒ ﺭﺟﻌﺎﺕ ﻟﻠﺪﺍﺭ ... ﻃﻴﺒﺎﺕ ﻟﻌﺸﺎ ﻟﺒﺎﻫﺎ ﻭ ﺩﺍﺗﻮ ﻟﻴﻪ ﻟﺒﻴﺘﻮ ... ﺩﻗﺎﺕ ﻓﻠﺒﺎﺏ ﻭ ﺩﺧﻼﺕ ...
ﺣﻄﺎﺕ ﺍﻟﺒﻼﻃﻮ ﻓﻮﻕ ﺍﻟﻄﺎﺑﻞ ﺍﻟﻲ ﺟﻨﺐ ﺳﺮﻳﺮﻭ ... ﻋﺎﻭﻧﺎﺗﻮ ﺣﺘﻰ ﭼﻠﺲ ﻣﻘﺎﺩ ... ﻓﺮﺷﺎﺕ ﺳﺮﺑﻴﺘﺔ ﻓﻮﻕ ﺣﺠﺮﻭ ﻭ ﺣﻄﺎﺕ ﻟﻴﻪ ﻟﺒﻼﻃﻮ ﻗﺪﺍﻣﻮ ...
ﺟﻮﻻﻥ : ﺍﻟﻴﻮﻡ ﻏﺸﻴﺖ ﻓﺎﻟﺮﻳﺠﻴﻢ ﺩﻳﺎﻟﻚ ﺷﻮﻳﺔ ﺑﺎﺵ ﻳﺪﻭﺯ ﻟﻴﻚ ... ﻻ ﻋﺮﻑ ﺍﻟﻄﺒﻴﺐ ﻏﻨﺴﻤﻊ ﺍﻟﻬﻀﺮﺓ
ﺇﺑﺮﺍﻫﻴﻢ : " ﺩﺍﻕ ﺍﻻﻛﻞ ﻭ ﺍﺑﺘﺎﺳﻢ " ﻭ ﻫﻜﺎﻙ ﺍﻟﻠﻪ ﻳﺮﺿﻲ ﻋﻠﻴﻚ
ﺟﻮﻻﻥ : ﺑﺼﺤﺘﻚ
ﺍﻧﺘﺎﺑﻪ ﺇﺑﺮﺍﻫﻴﻢ ﻟﺠﻮﻻﻥ ﺍﻟﻲ ﺩﻏﻴﺎ ﺳﻬﺎﺕ ... ﻫﺎﺩﻱ ﻳﻮﻣﻴﻦ ﻭ ﻫﻮ ﻣﻼﺣﻆ ﻫﺎﺩﺷﻲ ... ﺑﻴﻨﻤﺎ ﺟﻮﻻﻥ ﻛﺎﻧﺖ ﻣﺘﺮﺩﺩﺓ ﺗﻔﺎﺗﺤﻮ ﻓﻤﻮﺿﻮﻉ ﺭﺟﻮﻉ ﺭﺋﺒﺎﻝ ﻭ ﺯﻭﺍﺟﻬﻢ ... ﻭ ﺣﺘﻰ ﺃﻥ ﻗﻀﻴﺔ ﺭﺋﺒﺎﻝ ﻭ ﺑﺎﻫﺎ ﻣﺎﻣﺘﺎﻓﻘﻴﺶ ﺧﺎﻟﻖ ﻣﺸﻜﻴﻞ ... ﻣﺎﻳﻤﻜﻨﺶ ﺗﻘﺪﺭ ﺗﻌﻴﺶ ﺑﻼ ﺭﺋﺒﺎﻝ ... ﻭ ﻓﻨﻔﺲ ﺍﻟﻮﻗﺖ ﻣﺎﻳﻤﻜﻨﺶ ﺗﺨﻠﻲ ﺑﺎﻫﺎ ﻭ ﻫﻮ ﻣﺤﺘﺎﺝ ﻟﻠﻌﻨﺎﻳﺔ ...
ﺇﺑﺮﺍﻫﻴﻢ : ﻧﺘﻲ ﺗﻌﺸﻴﺘﻲ ؟
ﺟﻮﻻﻥ : ﺃﺍ ... ﺁﻩ ﻛﻠﻴﺖ
ﺇﺑﺮﺍﻫﻴﻢ : ﻛﺎﻳﻦ ﺷﻲ ﻣﺸﻜﻴﻞ ﻓﺎﻟﺨﺪﻣﺔ ؟
ﺟﻮﻻﻥ : ﻻ ﺑﺎﻟﻌﻜﺲ ... ﻛﻠﺸﻲ ﻣﺰﻳﺎﻥ
ﺇﺑﺮﺍﻫﻴﻢ : ﺑﺎﻏﻴﺔ ﺗﻘﻮﻟﻲ ﺷﻲ ﺣﺎﺟﺔ ... ﻣﻦ ﻧﻬﺎﺭ ﺧﺮﺟﺘﻲ ﻣﻊ ﻳﺎﻣﻦ ﻣﺎﺑﻘﺎﺵ ﻫﻮ ﺭﺟﻊ ... ﻭ ﻧﺘﻲ ﻭﻟﻴﺘﻲ ﻏﺎ ﺳﺎﻫﻴﺔ ... ﻭﺍﺵ ﻗﺎﻝ ﻟﻴﻚ ﺷﻲ ﺣﺎﺟﺔ ... ﺭﺟﻊ ﻓﺘﺢ ﻣﻌﺎﻙ ﻣﻮﺿﻮﻉ ﺍﻟﺰﻭﺍﺝ ... ﻻ ﻛﻨﺖ ﻧﺘﻲ ﻣﻮﺍﻓﻘﺔ ﺃﻧﺎ ﻣﺎﻋﻨﺪﻳﺶ ﺇﻋﺘﺮﺍﺽ
ﺟﻮﻻﻥ : ﺷﻨﻮﻭ ... ﻋﻼﺵ ﻏﺎﺩﻱ ﻳﻔﺘﺢ ﻣﻌﻴﺎ ﻳﺎﻣﻦ ﻣﻮﺿﻮﻉ ﺍﻟﺰﻭﺍﺝ !!
ﺇﺑﺮﺍﻫﻴﻢ : ﻳﻌﻨﻲ ﻣﺎﻗﺎﻝ ﻟﻴﻚ ﻭﺍﻟﻮ ... ﻛﺎﻥ ﻫﻀﺮ ﻣﻌﻴﺎ ﻓﺎﺵ ﺳﻮﻟﺘﻮ ﻋﻼﺵ ﻧﺎﻭﻱ ... ﻭ ﻗﺎﻝ ﻟﻴﺎ ﻏﺎﺩﻱ ﻳﻬﻀﺮ ﻣﻌﺎﻙ ﻣﻨﻴﻦ ﻳﺠﻲ ﺍﻟﻮﻗﺖ ﺍﻟﻤﻨﺎﺳﺐ
ﺟﻮﻻﻥ : ﺑﺎﺑﺎ ﺃﻧﺎ ﻣﺴﺘﺤﻴﻞ ﻧﺘﺰﻭﺝ ﺑﻴﺎﻣﻦ ... ﻻ ﺩﺍﺑﺔ ﻭ ﻻ ﻣﻦ ﺑﻌﺪ
ﺇﺑﺮﺍﻫﻴﻢ : ﻭ ﻋﻼﺵ ﺍﺑﻨﺘﻲ ... ﺷﻨﻮ ﺍﻟﺴﺒﺐ ؟
ﺟﻮﻻﻥ : " ﻭﻗﻔﺎﺕ " ﻫﻮ ﻣﺠﺮﺩ ﺻﺪﻳﻖ ... ﻣﺎﻧﻘﺪﺭﺵ ﻧﺘﺰﻭﺝ ﺑﻴﻪ
ﺇﺑﺮﺍﻫﻴﻢ : ﻭ ﺃﻧﺎ ﻣﺎﻗﻠﺖ ﻭﺍﻟﻮ ... ﻏﻴﺮ ﻫﻮ ﻻ ﺭﻓﻀﺖ ﻳﺎﻣﻦ ... ﻣﻐﺎﺩﻳﺶ ﻧﻮﺍﻓﻖ ﻋﻠﻰ ﻭﺍﺣﺪ ﻗﻞ ﻣﻨﻮ ... ﻭ ﻣﻐﻨﺴﻤﺤﺶ ﻳﺪﻳﻚ ﺷﻲ ﻭﺍﺣﺪ ﺍﻟﻲ ﻣﺎﻳﺴﺘﺎﻫﻠﻜﺶ
ﻟﺰﻣﺎﺕ ﺟﻮﻻﻥ ﺍﻟﺼﻤﺖ ﻭ ﻣﻨﻴﻦ ﻛﻤﻞ ﺑﺎﻫﺎ ﻋﺸﺎﻩ ... ﻫﺰﺍﺕ ﺍﻟﻤﺎﻋﻦ ﻭ ﺧﺮﺟﺎﺕ ... ﺩﺍﺗﻬﻢ ﻟﻜﻮﺯﻳﻨﺔ ﻏﺴﻼﺗﻬﻢ ﻭ ﺑﺪﻭﻥ ﻣﺎﺗﻌﺸﻰ ﺗﻮﺟﻬﺎﺕ ﻟﻐﺮﻓﺘﻬﺎ ... ﻭﻗﻔﺎﺕ ﺟﻨﺐ ﺍﻟﻨﺎﻓﺬﺓ ﻭ ﺣﻼﺕ ﺍﻟﺰﺍﺟﺔ ... ﺳﻨﺪﺍﺕ ﻋﻠﻰ ﺍﻟﺤﺎﺟﺰ ﻭ ﺣﻄﺎﺕ ﺫﻗﻨﻬﺎ ﻋﻠﻰ ﻳﺪﻫﺎ ...
ﺑﻘﺎﺕ ﻛﺘﺨﻤﻢ ﻓﻠﻲ ﻗﺎﻝ ﺑﺎﻫﺎ ... ﻛﻴﻔﺎﺵ ﻏﺎﺩﻱ ﺗﻘﺪﺭ ﺗﺠﻤﻊ ﺑﻴﻦ ﺃﻗﺮﺏ ﺷﺨﺼﻴﻦ ﻟﻴﻬﺎ ... ﻭ ﻫﻮ ﻭﺍﺿﺢ ﺃﻥ ﻛﻞ ﻭﺍﺣﺪ ﻓﻴﻬﻢ ﻣﺎﻛﻴﺤﻤﻞ ﺍﻵﺧﺮ ... ﺗﻔﻜﺮﺍﺕ ﺍﻟﻤﻜﺎﻟﻤﺔ ﺍﻟﻲ ﺟﺮﺍﺕ ﺑﻴﻨﻬﺎ ﻭ ﺑﻴﻦ ﺭﺋﺒﺎﻝ ﻫﺎﺩ ﺍﻟﺼﺒﺎﺡ ... ﻛﺎﻥ ﺑﺎﻳﻦ ﺃﻧﻪ ﻣﻘﻠﻖ ...
ﺗﻘﺎﺩﺍﺕ ﻓﺎﻟﻮﻗﻔﺔ ﻭ ﺿﺎﺭﺕ ... ﻫﺰﺍﺕ ﺟﺎﻛﻴﻂ ﺩﻳﺎﻟﻬﺎ ﻻﺣﺘﻬﺎ ﻓﻮﻕ ﺑﻴﺠﺎﻣﺘﻬﺎ ﻭ ﺧﺮﺟﺎﺕ ﻣﻦ ﺍﻟﺒﻴﺖ ... ﻫﺰﺍﺕ ﺍﻟﺴﻮﺍﺭﺕ ﻣﻦ ﺍﻟﻌﻼﻗﺔ ﻭ ﺧﺮﺟﺎﺕ ... ﺳﺪﺍﺕ ﻟﺒﺎﺏ ﺑﺸﻮﻳﺔ ﻭ ﻫﺒﻄﺎﺕ ﻓﺎﻟﻤﺼﻌﺪ ... ﻭﻗﻔﺎﺕ ﻗﺪﺍﻡ ﺷﻘﺔ ﺭﺋﺒﺎﻝ ...
ﻣﺮﺭﺍﺕ ﺃﺻﺎﺑﻌﻬﺎ ﻋﻠﻰ ﺷﻌﺮﻫﺎ ﻭ ﻫﻲ ﻛﺘﻠﻌﻦ ﻓﺮﺍﺳﻬﺎ ... ﻣﺎﻗﺪﺭﺍﺕ ﺣﺘﻰ ﺗﺸﻮﻕ ﻓﺎﻟﻤﺮﺍﻳﺔ ﻗﺒﻞ ﻣﺎ ﺗﺨﺮﺝ ... ﻇﻐﻄﺎﺕ ﻋﻠﻰ ﺍﻟﺼﻮﻧﻴﺖ ﻭ ﺑﻌﺪ ﻟﺤﻈﺎﺕ ﺗﺤﻞ ﻟﺒﺎﺏ ﻭ ﺗﺤﻠﻮ ﻣﻌﺎﻩ ﻋﻨﻴﻦ ﺟﻮﻻﻥ ... ﺗﺴﻤﻊ ﺻﻮﺕ ﺃﻧﺜﻮﻱ ﻭ ﻫﻲ ﻛﺘﻘﻮﻝ ...
ﻣﺮﻳﻢ : ﻭﻱ ... ﺷﻜﻮﻥ ﻧﺘﻲ ؟؟
ﻳﺘﺒﻊ ...