السفاح العاشق

بارت 12

🌸 ﻳﻮﻡ ﺟﺪﻳﺪ 🌸
ﻓﺎﻕ ﺭﺋﺒﺎﻝ ﺑﻜﺮﻱ ... ﻟﺒﺲ ﺳﻴﺮﭬﻴﺖ ﻓﺎﻷﺳﻮﺩ ﻣﻊ ﺳﺒﺮﺩﻳﻠﺔ ﻓﻨﻔﺲ ﺍﻟﻠﻮﻥ ﻭ ﻫﺒﻂ ... ﺭﻛﺐ ﻓﺈﺣﺪﻯ ﺳﻴﺎﺭﺍﺗﻮ ﻭ ﺧﺮﺝ ﻣﻦ ﻟﭭﻴﻼ ... ﺑﻌﺪ ﺩﻗﺎﺋﻖ ﻭﻗﻒ ﺟﻨﺐ ﺍﻟﻄﺮﻳﻖ ... ﺣﻂ ﺍﻟﺴﻴﺎﺭﺓ ﻭ ﺧﺮﺝ ﻛﻴﺠﺮﻱ ... ﻛﺎﻧﺖ ﻃﺮﻳﻖ ﻭﺳﻂ ﻏﺎﺑﺔ ﻓﻴﻬﺎ ﺳﻴﺎﺝ ﻋﻠﻰ ﻃﻮﻝ ﺍﻟﻄﺮﻳﻖ ... ﻭ ﻣﺨﺼﺼﺔ ﻟﻸﺷﺨﺎﺹ ﺍﻟﻲ ﻛﻴﻤﺎﺭﺳﻮ ﺍﻟﺮﻳﺎﺿﺔ ...
ﺟﺮﺍ ﻟﻤﺪﺓ ﺳﺎﻋﺔ ﻭ ﻧﺼﻒ ... ﺭﺟﻊ ﻟﭭﻴﻼ ﻃﻠﻊ ﺧﺪﺍ ﺩﻭﺵ ... ﻟﺒﺲ ﺳﺮﻭﺍﻝ ﺗﻮﺏ ﻛﺤﻞ ﻣﻊ ﺗﺮﻳﻜﻮ ﺑﻴﺾ ﻭ ﺩﺍﺭ ﻓﻮﻗﻮ ﭬﻴﺴﺖ ﻛﺤﻼ ... ﻭﻗﻒ ﻗﺪﺍﻡ ﻟﻤﺮﺍﻳﺎ ﻣﺸﻂ ﺷﻌﺮﻭ ﺍﻟﻠﻮﺭ ﻭ ﺭﺵ ﻣﻦ ﺭﺣﺘﻮ ﺍﻟﻔﺎﺧﺮﺓ ... ﻟﺒﺲ ﺍﻟﺴﺎﻋﺔ ﻓﻴﺪﻭ ﻫﺰ ﻟﻜﻮﻧﻄﺎﻛﺖ ﻭ ﺧﺮﺝ ... ﻫﺒﻂ ﻟﻘﺎ ﺍﻟﺠﺪﺓ ﻛﺘﻔﻄﺮ ﺳﻠﻢ ﻋﻠﻴﻬﺎ ﺷﺮﺏ ﻗﻬﻮﺗﻮ ﻭ ﺧﺮﺝ ﻣﺘﺎﺟﻪ ﻟﻠﺸﺮﻛﺔ ...
ﻛﻴﻒ ﻭﺻﻞ ﻟﻘﺎ ﺑﻬﺎﺀ ﻛﻴﺘﺴﻨﺎﻩ ﺧﺎﺭﺝ ﺍﻟﺸﺮﻛﺔ ... ﺗﻢ ﺩﺍﺧﻞ ﻭ ﺑﻬﺎﺀ ﺗﺎﺑﻌﻮ ﻣﻦ ﺍﻟﻠﻮﺭ ﻭ ﻛﻴﻌﻄﻴﻪ ﺟﺪﻭﻝ ﺍﻟﻴﻮﻡ ... ﺩﺧﻠﻮ ﺑﺠﻮﺝ ﻟﻠﻤﺼﻌﺪ ﻭ ﻃﻠﻌﻮ ﻟﻠﻄﺎﺑﻖ ﺍﻷﺧﻴﺮ ... ﺩﺧﻞ ﺭﺋﺒﺎﻝ ﻟﻠﻤﻜﺘﺐ ﺟﻠﺲ ﻓﻮﻕ ﺍﻟﻜﺮﺳﻲ ... ﻭ ﻫﺰ ﺭﺍﺳﻮ ﻓﺒﻬﺎﺀ ...
ﺭﺋﺒﺎﻝ : ﺩﺭﺗﻲ ﺩﺍﻛﺸﻲ ﺍﻟﻲ ﻗﻠﺖ ﻟﻴﻚ ﺩﺍﻙ ﺍﻟﻨﻬﺎﺭ ؟
ﺑﻬﺎﺀ : ﻭﻱ ﻣﻴﺴﺘﺮ ... ﻭ ﺭﺍﻩ ﺭﺟﻊ ﺧﺪﻡ ﻓﺎﻟﺸﺮﻛﺔ ﺍﻟﻲ ﻛﺎﻥ ﻓﻴﻬﺎ ... ﻭ ﻋﻄﺎﻭﻩ ﺑﻮﺳﻂ ﺍﺣﺴﻦ ﻭ ﺗﻌﻮﻳﺾ ﻋﻠﻰ ﺍﻟﺴﻨﻮﺍﺕ ﺍﻟﻲ ﻛﺎﻥ ﭼﺎﻟﺲ ... ﻭ ﻭﻟﺪﻭ ﻛﻴﺨﻠﻴﻪ ﻓﺎﻟﺤﻀﺎﻧﺔ ﺍﻟﻲ ﺗﺎﺑﻌﺔ ﻟﻠﺸﺮﻛﺔ
ﺭﺋﺒﺎﻝ : ﻣﺰﻳﺎﻥ ... ﻣﻤﻜﻦ ﺗﻤﺸﻲ
ﺑﻬﺎﺀ : ﻣﻮﺳﻴﻮ ﻣﻤﻜﻦ ﻧﻌﺮﻑ ﻋﻼﺵ
ﺭﺋﺒﺎﻝ : " ﻗﺎﻃﻌﻮ " ﺳﻴﺮ ﺷﻮﻑ ﺷﻐﻠﻚ
ﺑﻬﺎﺀ : ﺃﻭﻛﻲ
ﺗﻢ ﺧﺎﺭﺝ ﺑﻬﺎﺀ ﻛﻴﻒ ﻭﺻﻞ ﻋﻨﺪ ﻟﺒﺎﺏ ﻭ ﻫﻮ ﻳﻮﻗﻒ ...
ﺑﻬﺎﺀ : ﻣﻮﺳﻴﻮ ﺭﺋﺒﺎﻝ ﻧﺴﻴﺖ ﻧﻘﻮﻝ ﻟﻴﻚ ﺑﻠﻲ ﺍﻟﺒﺮﺍﻧﺪ ﺍﻟﻲ ﻛﻨﻤﻮﻟﻮﻫﺎ ... ﺍﻟﻴﻮﻡ ﻋﻨﺪﻫﻢ ﺍﻻﻓﺘﺘﺎﺡ ﻭ ﻃﺎﻟﺒﻴﻦ ﺣﻀﻮﺭﻙ
ﺭﺋﺒﺎﻝ : ﻣﻌﺎﺵ ﻫﺎﺩﺷﻲ ؟
ﺑﻬﺎﺀ : ﻓﻠﻌﺸﻴﺔ
ﺭﺋﺒﺎﻝ : ﻣﻦ ﺑﻌﺪ ﻭ ﻧﻌﻠﻤﻚ ﻭﺍﺵ ﻏﻨﻤﺸﻲ
ﺑﻬﺎﺀ : ﺃﻭﻛﻲ ﻣﻮﺳﻴﻮ " ﺧﺮﺝ ﻭ ﺳﺪ ﻟﺒﺎﺏ "
🍃🍃🍃🍃 ؛
ﺑﻌﺪﻣﺎ ﺩﻭﺯﺍﺕ ﺍﻟﺤﺼﺺ ﺍﻟﺼﺒﺎﺣﻴﺔ ﺭﺟﻌﺎﺕ ﺟﻮﻻﻥ ﻟﻠﺪﺍﺭ ... ﺍﻟﻴﻮﻡ ﺍﻟﺠﻤﻌﺔ ﻛﺘﻘﺮﺍ ﻏﻴﺮ ﺍﻟﺼﺒﺎﺡ ... ﻟﻘﺎﺕ ﺍﻷﻡ ﺩﻳﺎﻟﻬﺎ ﻣﻮﺟﺪﺓ ﻛﺴﻜﺴﻮ ... ﻭ ﻣﻌﻴﻄﺔ ﻋﻠﻰ ﺍﻟﺤﺎﺟﺔ ﺍﻟﻲ ﻗﺒﺎﻟﺘﻬﻢ ... ﻛﻴﻒ ﻗﺮﺑﻮ ﻳﺠﻴﻮ ﺍﻟﻨﺎﺱ ﻣﻦ ﺍﻟﺼﻼﺓ ﺣﻄﻮ ﺍﻟﮕﺼﺮﻳﺔ ﻭ ﻛﻴﺴﺎﻥ ﺩﻳﺎﻝ ﺍﻟﻠﺒﻦ ... ﺗﺤﻞ ﻟﺒﺎﺏ ﻭ ﺩﺧﻞ ﺃﺏ ﺟﻮﻻﻥ ﻣﻊ ﺍﻟﺤﺎﺝ ...
ﺍﻧﻀﻤﻮ ﻟﻴﻬﻢ ﻭ ﺗﻐﺪﺍﻭ ﻣﺠﻤﻮﻋﻴﻦ ... ﻋﻼﻗﺘﻬﻢ ﻭﻃﻴﺪﺓ ﻣﻊ ﺍﻟﺤﺎﺝ ﻭ ﺍﻟﺤﺎﺟﺔ ﻣﺎﺷﻲ ﻏﻴﺮ ﺣﻴﻨﺖ ﺟﻴﺮﺍﻥ ... ﺇﻧﻤﺎ ﺍﻟﺤﺎﺝ ﻛﺎﻥ ﺑﺤﺎﻝ ﺍﻷﺏ ﻵﺑﺮﺍﻫﻴﻢ ﺍﻟﻲ ﺗﻮﻓﺎﻭ ﻟﻴﻪ ﻭﺍﻟﺪﻳﻪ ﻭ ﻫﻮ ﺷﺎﺏ ﺻﻐﻴﺮ ... ﻛﺎﻧﺖ ﻋﻨﺪﻭ ﺧﺘﻮ ﻛﺒﺮ ﻣﻨﻮ ﻭ ﻋﺎﺵ ﻫﻮ ﻭﻳﺎﻫﺎ ﻓﺪﺍﺭﻫﻢ ﺍﻟﻲ ﺧﻼﻭ ﻟﻴﻬﻢ ... ﺧﺘﻮ ﺗﺰﻭﺟﺎﺕ ﻭ ﻣﺸﺎﺕ ﻟﻠﺨﺎﺭﺝ ﻣﻊ ﺭﺍﺟﻠﻬﺎ ... ﺑﻌﺪﻣﺎ ﺍﻧﻈﻢ ﺧﻮﻫﺎ ﻟﻠﺠﻴﺶ ... ﻭ ﻣﻨﻴﻦ ﻗﺮﺭ ﺇﺑﺮﺍﻫﻴﻢ ﻳﺘﺰﻭﺝ ﺍﻟﺤﺎﺝ ﻫﻮ ﺍﻟﻲ ﻭﻗﻒ ﻣﻌﺎﻩ ...
ﻭ ﺟﻮﻻﻥ ﻛﺒﺮﺍﺕ ﻗﺪﺍﻡ ﻋﻨﻴﻬﻢ ... ﻋﻨﺪﻫﺎ ﻣﻌﺰﺓ ﺧﺎﺻﺔ ﻷﻧﻬﺎ ﺑﻨﺖ ﺇﺑﺮﺍﻫﻴﻢ ﻭ ﺣﻔﻴﻀﺔ ﻭ ﻷﻧﻬﺎ ﻛﺘﻔﻜﺮﻫﻢ ﻓﺒﻨﺘﻬﻢ ﺭﺑﺎﺏ ... ﺍﻟﻲ ﻟﺤﺪ ﺍﻟﺴﺎﻋﺔ ﻣﻌﻨﺪﻫﻢ ﺣﺘﺎ ﺧﺒﺮ ﻋﻠﻴﻬﺎ ﻭﺍﺵ ﺣﻴﺔ ﺃﻭ ﻣﻴﺘﺔ ...
ﻛﻴﻒ ﺗﻐﺪﺍﻭ ﺑﻘﺎﻭ ﺍﻟﺮﺟﺎﻝ ﺟﺎﻟﺴﻴﻦ ﻭ ﺍﻟﻌﻴﺎﻻﺕ ﺩﺧﻠﻮ ﻟﻜﻮﺯﻳﻨﺔ ... ﺃﻣﺎ ﺟﻮﻻﻥ ﻃﻠﻌﺎﺕ ﻟﺒﻴﺘﻬﺎ ... ﭼﻠﺴﺎﺕ ﻓﻤﻜﺘﺒﻬﺎ ﺍﻟﺼﻐﻴﺮ ﻳﺎﻻﻩ ﺑﻐﺎﺕ ﺗﺤﻞ ﻟﺒﻴﺴﻲ ﻭ ﻫﻮ ﻳﺼﻮﻧﻲ ﻟﻴﻬﺎ ﻟﻔﻮﻥ ...
ﺟﻮﻻﻥ : ﺷﻨﻮﻭ ؟
ﻭﺋﺎﻡ : ﺷﻮﻓﻲ ﻟﺒﺴﻲ ﺃﺣﺴﻦ ﻣﺎ ﻋﻨﺪﻙ ﻭ ﺧﺮﺟﻲ ﻋﻨﺪﻱ ... ﺳﺮﺑﻲ ﺩﻏﻴﺎﺍﺍ
ﺟﻮﻻﻥ : ﺷﻨﻮﻭﻭ ﻛﺎﻳﻦ ؟
ﻭﺋﺎﻡ : ﻳﺎﻙ ﻛﺘﻘﻠﺒﻲ ﻋﻠﻰ ﺧﺪﻣﺔ ... ﻭ ﻭﺣﺪﺓ ﻣﻦ ﺍﻟﻜﻠﻴﺎﻧﺎﺕ ﻛﺎﻧﺖ ﻛﺘﻘﺎﺩ ﺷﻌﺮﻫﺎ ﻋﻨﺪﻫﻢ ﺇﻓﺘﺘﺎﺡ ﻓﻤﺤﻞ ﻛﺒﻴﺮ ﺩﻳﺎﻝ ﻣﺎﺭﻛﺔ ﻛﺒﻴﺮﺓ ... ﺍﺗﺎﺻﻠﻮ ﺑﻴﻬﺎ ﺣﻴﻨﺖ ﻫﻲ ﺍﻟﻤﻜﻠﻔﺔ ﺑﺎﻟﻤﺴﺎﻋﺪﺍﺕ ... ﻭ ﻋﻠﻤﻮﻫﺎ ﺑﻠﻲ ﻭﺣﺪﺓ ﻓﻴﻬﻢ ﺍﻋﺘﺎﺫﺭﺍﺕ ﻣﻐﺎﺩﻳﺶ ﺗﺤﻀﺮ ... ﻭ ﺍﻟﻴﻮﻡ ﻣﻬﻢ ﻣﻊ ﺍﻻﻓﺘﺘﺎﺡ ... ﺗﻌﺼﺒﺎﺕ ﻭ ﺑﻐﺎﺕ ﺗﺠﺬﺏ ... ﺃﻧﺎ ﻗﻠﺖ ﻟﻴﻬﺎ ﻻ ﺑﺎﻏﺔ ﻭﺣﺪﺓ ﺭﺍﻩ ﻋﻨﺪﻫﺎ ﺍﻟﻤﺆﻫﻼﺕ ﻭ ﻟﻜﻦ ﻣﻌﻨﺪﻫﺎﺵ ﺗﺠﺮﺑﺔ ... ﻗﺎﻟﺖ ﻟﻴﺎ ﻏﺎ ﻃﻠﻘﻴﻨﺎ ... ﻋﻄﻴﺘﻬﺎ ﺇﺳﻤﻚ ﻭ ﻧﻤﺮﺗﻚ ... ﺩﺍﺑﺔ ﻫﻲ ﻣﺸﺎﺕ ﻭ ﻗﺎﻟﺖ ﻟﻴﻚ ﺟﻲ ﻟﻌﻨﺪﻫﺎ ... ﻧﺺ ﺳﺎﻋﺔ ﺧﺎﺻﻬﺎ ﺗﻠﻘﺎﻙ ﺗﻤﺎﻙ ... ﻭ ﻟﺒﺴﻲ ﻭ ﻫﺒﻄﻲ ﺩﻏﻴﺎﺍﺍﺍ
ﺟﻮﻻﻥ : ﺻﺎﻓﻲ ﻫﺎﻧﻲ ﺩﺍﺑﺔ ﻧﻜﻮﻥ ﻋﻨﺪﻙ
ﻣﺸﺎﺕ ﺟﻮﻻﻥ ﻛﺘﺠﺮﻱ ﺟﺒﺪﺍﺕ ﻣﺘﻠﺒﺲ ... ﺑﺪﻻﺕ ﺣﻮﺍﻳﺠﻬﺎ ﻟﺒﺴﺎﺕ ﺳﺮﻭﺍﻝ ﺟﻴﻨﺰ ﻛﺤﻞ ﻣﻊ ﺗﻴﺸﻮﺭﺕ ﻧﻔﺲ ﺍﻟﻠﻮﻥ ... ﻃﻠﻘﺎﺕ ﺷﻌﺮﻫﺎ ﺍﻟﻲ ﻛﺎﻧﺖ ﺩﺍﻳﺮﺓ ﻟﻴﻪ ﺑﻮﻛﻠﻲ ... ﻟﺒﺴﺎﺕ ﺻﺒﺎﻁ ﻛﺤﻞ ﻫﺰﺍﺕ ﻃﺎﻛﻬﺎ ﻭ ﻫﺒﻄﺎﺕ ﻛﺘﺠﺮﻱ ... ﺩﺧﻼﺕ ﻋﻨﺪ ﻣﻬﺎ ﻟﻜﻮﺯﻳﻨﺔ ﻗﺎﻟﺖ ﻟﻴﻬﺎ ﻏﺘﻤﺸﻲ ﻋﻨﺪ ﻭﺋﺎﻡ ﻭ ﺧﺮﺟﺎﺕ ﻣﺴﺮﻋﺔ ...
ﻟﻘﺎﺕ ﻭﺋﺎﻡ ﻋﻨﺪ ﻟﺒﺎﺏ ﺷﺮﺣﺎﺕ ﻟﻴﻬﺎ ﻛﻠﺸﻲ ﻭ ﻋﻄﺎﺗﻬﺎ ﺍﻟﻌﻨﻮﺍﻥ ... ﺗﻼﺣﺖ ﻋﻠﻴﻬﺎ ﺟﻮﻻﻥ ﺑﺘﻌﻨﻴﻘﺔ ﺣﺎﺭﺓ ﺷﻜﺮﺍﺗﻬﺎ ﻭ ﻣﺸﺎﺕ ﻛﺘﺠﺮﻱ ... ﺧﺪﺍﺕ ﻃﺎﻛﺴﻲ ﻭﺻﻠﻬﺎ ﻟﻠﻤﻜﺎﻥ ... ﻧﺰﻻﺕ ﻭ ﻫﻲ ﻃﻠﻊ ﻋﻨﻴﻬﺎ ﻓﺎﻟﻤﺘﺠﺮ ﺍﻟﻲ ﻛﺎﻥ ﻛﺒﻴﺮ ﻭ ﻓﻴﻪ ﺛﻼﺛﺔ ﺍﻟﻄﻮﺍﺑﻖ ...
ﺷﺪﺍﺕ ﻓﺎﻟﺼﻤﻄﺔ ﺩﻳﺎﻝ ﺻﺎﻛﻬﺎ ﻣﺰﻳﺮﺓ ﻋﻠﻴﻬﺎ ﻭ ﺩﺧﻼﺕ ... ﺑﺎﻧﻮ ﻟﻴﻬﺎ ﺟﻮﺝ ﻣﺴﺎﻋﺪﺍﺕ ﻭﺍﻗﻔﻴﻦ ﺳﻮﻻﺗﻬﻢ ﻋﻠﻰ ﺍﻟﻤﺴﺆﻭﻟﺔ ... ﻧﻌﺘﻮ ﻟﻴﻬﺎ ﻓﺎﻟﻤﻜﺘﺐ ﺍﻟﻲ ﻓﺎﻟﺨﻠﻒ ... ﻣﺸﺎﺕ ﻟﻴﻪ ﺩﻗﺎﺕ ﻭ ﺩﺧﻼﺕ ... ﻛﺎﻧﺖ ﺇﻣﺮﺃﺓ ﻓﺎﻷﺭﺑﻌﻴﻨﻴﺎﺕ ﺟﺎﻟﺴﺔ ﻓﺎﻟﻤﻜﺘﺐ ...
ﺟﻮﻻﻥ : ﺍﻟﺴﻼﻡ ... ﺍﻧﺎ ﺟﻮﻻﻥ ﺳﻴﻔﻄﺎﺗﻨﻲ ﻋﻨﺪﻙ ﻭﺋﺎﻡ
ﺍﻟﻤﺴﺆﻭﻟﺔ : ﺩﺧﻠﻲ ﺩﺧﻠﻲ " ﻃﻠﻌﺎﺗﻬﺎ ﻣﺰﻳﺎﻥ ﻭ ﻫﺒﻄﺎﺗﻬﺎ " ﺍﻟﻬﻀﺮﺓ ﻏﻨﺨﻠﻴﻮﻫﺎ ﻟﻤﻦ ﺑﻌﺪ " ﻣﺪﺍﺕ ﻟﻴﻬﺎ ﺑﻼﺳﺘﻴﻜﺔ " ﺩﺍﺑﺔ ﻟﺒﺴﻲ ﻫﺎﺩﻭ ﺟﻤﻌﻲ ﺩﺍﻙ ﺍﻟﺸﻌﺮ ﻭ ﺧﺮﺟﻲ ﻋﻨﺪﻱ ... ﺑﻌﺪ ﺭﺑﻊ ﺳﺎﻋﺔ ﻏﻴﻜﻮﻥ ﺍﻻﻓﺘﺘﺎﺡ ﻭ ﺟﺎﻱ ﺿﻴﻒ ﻣﻬﻢ ... ﺳﺮﺑﻲ ﺭﺍﺳﻚ
ﺟﻮﻻﻥ : ﺃﻭﻛﻲ
ﺩﺧﻼﺕ ﺟﻮﻻﻥ ﻟﻠﻐﺮﻓﺔ ﺍﻟﻲ ﻭﺭﺍﺗﻬﺎ ﺍﻟﻤﺴﺆﻭﻟﺔ ... ﺑﺪﻻﺕ ﺣﻮﺍﻳﺠﻬﺎ ﻟﺒﺴﺎﺕ ﺟﻴﭗ ﻋﻨﺪ ﺍﻟﺮﻛﺒﺔ ﻣﻊ ﻗﺎﻣﻴﺤﺔ ﻭ ﺟﻴﻠﻲ ... ﻧﻔﺲ ﺍﻟﻠﺒﺎﺱ ﺍﻟﻲ ﺷﺎﻓﺖ ﻋﻨﺪ ﺍﻟﻤﺴﺎﻋﺪﺍﺕ ... ﺟﻤﻌﺎﺕ ﺷﻌﺮﻫﺎ ﻛﻮﺗﺸﻮﭬﺎﻝ ﻛﻴﻒ ﻭﺻﺎﺗﻬﺎ ﺍﻟﻤﺴﺆﻭﻟﺔ ﻭ ﺧﺮﺟﺎﺕ ... ﻛﺘﻤﺸﺎ ﻭ ﺣﺎﺳﺔ ﺑﻐﺮﺍﺑﺔ ﻣﻦ ﺍﻟﺤﻮﺍﻳﺞ ﺍﻟﻲ ﻻﺑﺴﺔ ... ﻣﺎﻣﻮﺍﻟﻔﺎﺵ ﺗﻠﺒﺲ ﻛﻼﺹ ﻭ ﻻ ﺣﺘﺎ ﭼﻴﺒﺎﺕ ﺑﻬﺎﺩ ﺍﻟﺸﻜﻞ ... ﻏﺎﺩﺓ ﻭ ﻛﺘﺤﻚ ﻓﻌﻨﻘﻬﺎ ﻭ ﺗﻠﻌﺐ ﺑﻴﺪﻳﻬﺎ ...
ﻭﻗﻔﺎﺕ ﻓﻴﻦ ﻗﺎﻟﻮ ﻟﻴﻬﺎ ﺟﻨﺐ ﻟﺒﻨﺎﺕ ... ﺑﺎﻧﺖ ﻟﻴﻬﺎ ﻟﻤﺴﺆﻭﻟﺔ ﺧﺎﺭﺟﺔ ﻛﺘﺠﺮﻱ ... ﻃﻼﺕ ﻭ ﻫﻲ ﺗﻠﻤﺢ ﻣﺠﻤﻮﻋﺔ ﻣﻦ ﺍﻟﺴﻴﺎﺭﺍﺕ ﻭﻗﻔﻮ ﻋﻨﺪ ﻟﺒﺎﺏ ... ﻣﺎﻋﺮﻓﺎﺕ ﺷﻨﻮ ﻭﺍﻗﻊ ﻭ ﻻ ﺷﻜﻮﻥ ﻫﺎﺩ ﺍﻟﻀﻴﻒ ﺍﻟﻲ ﺟﺎﻱ ... ﺣﺘﺎ ﺩﺍﻳﺮﻳﻦ ﻫﺎﺩ ﺍﻟﺤﺎﻟﺔ ﻛﻠﻬﺎ ...
ﺗﺴﺎﻓﻮ ﺍﻟﻤﻮﺿﻔﻴﻦ ﺣﺪﺍ ﺑﻌﺾ ﺭﺟﺎﻝ ﻭ ﺑﻨﺎﺕ ... ﻭ ﻛﺎﻧﺖ ﺍﻟﻤﺴﺆﻭﻟﺔ ﻭﺍﻗﻔﺔ ﻗﺪﺍﻣﻬﻢ ﺣﺘﺎ ﻫﻲ ﻻﺑﺴﺔ ﻧﻔﺲ ﺍﻟﺸﻲﺀ ﻏﻴﺮ ﺍﻟﻠﻮﻥ ﺍﻟﻲ ﻣﺨﺘﺎﻟﻒ ... ﻛﻴﻒ ﺷﺎﻓﺖ ﺍﻟﺴﻴﺎﺭﺍﺕ ﺗﻮﻗﻔﻮ ﺃﻣﺎﻡ ﻟﻤﺘﺠﺮ ... ﺩﺍﺭﺕ ﻛﺘﺸﻮﻑ ﻭﺍﺵ ﻛﻠﺸﻲ ﻫﻮ ﻫﺪﺍﻙ ... ﺩﻭﺯﺍﺕ ﻋﻨﻴﻬﺎ ﻋﻠﻴﻬﻢ ﻭ ﻫﻲ ﺗﻮﻗﻒ ﻋﻨﺪ ﺟﻮﻻﻥ ... ﺑﺎﻧﺖ ﻟﻴﻬﺎ ﺩﺍﻳﺮﺓ ﺍﻟﻨﻀﺎﺭﺍﺕ ... ﻭ ﻫﻲ ﺗﻘﺮﺏ ﻋﻨﺪﻫﺎ ...
ﺍﻟﻤﺴﺆﻭﻟﺔ ' ﻓﺪﻭﻯ ' : ﻧﺘﻲ ... ﺣﻴﺪﻱ ﺩﻭﻙ ﻧﻀﺎﺿﺮ
ﺟﻮﻻﻥ : ﺷﻨﻮﻭ ﻋﻼﺵ ؟
ﺍﻟﻤﺴﺆﻭﻟﺔ : ﺣﻴﺪﻳﻬﻢ ﻭ ﺻﺎﻓﻲ
ﺟﻮﻻﻥ : ﻭ ﻟﻜﻦ
ﺍﻟﻤﺴﺆﻭﻟﺔ : " ﻣﺪﺍﺕ ﻳﺪﻫﺎ ﻭ ﺣﻴﺪﺍﺗﻬﻢ ﻟﻴﻬﺎ " ﻫﺎﻛﺔ ﺍﺣﺴﻦ
ﺩﺍﺭﺕ ﺷﺎﻓﺘﻬﻢ ﺩﺍﺧﻠﻴﻦ ﻭ ﻫﻲ ﺗﻤﺸﻲ ﺑﺨﻄﻮﺍﺕ ﻣﺴﺮﻋﺔ ... ﻭ ﻧﻀﺎﺭﺍﺕ ﺟﻮﻻﻥ ﻓﻴﺪﻳﻬﺎ ﺍﻟﻲ ﺭﺍﺩﺓ ﺍﻟﻠﻮﺭ ﻭ ﻭ ﻛﺘﻤﺸﺎ ﺑﺎﺳﺘﻘﺎﻣﺔ ...
ﻓﺎﻟﺨﺎﺭﺝ ﻛﺎﻧﻮ ﺭﺑﻌﺔ ﺍﻟﺴﻴﺎﺭﺍﺕ ... ﺧﺮﺟﻮ ﺭﺟﺎﻝ ﻻﺑﺴﻴﻦ ﺑﺪﻝ ﻭ ﺑﻘﺎﻭ ﻭﺍﻗﻔﻴﻦ ... ﺑﺎﻧﺖ ﻟﻴﻬﻢ ﺳﻴﺎﺭﺓ ﺍﻟﻤﻤﻮﻝ ﺟﺎﻳﺔ ... ﻭﻗﻔﺎﺕ ﻭ ﺧﺮﺝ ﺑﻬﺎﺀ ... ﺗﻮﺟﻪ ﻟﺒﺎﺏ ﺍﻟﺨﻠﻔﻲ ... ﺣﻠﻮ ﻭ ﻫﻮ ﻳﻬﺒﻂ ﺭﺋﺒﺎﻝ ﺩﺍﻳﺮ ﻧﻀﺎﺭﺍﺕ ﺷﻤﺴﻴﺔ ... ﺷﺎﻑ ﻓﺘﺴﺘﻴﻔﺔ ﺩﻳﺎﻝ ﺍﻟﺮﺟﺎﻝ ﻭ ﺣﻴﺪ ﻧﻀﺎﺭﺍﺗﻮ ...
ﻣﺎﻟﻚ ﺍﻟﻤﺘﺠﺮ ﻭﻗﻒ ﺟﻨﺒﻮ ﻭ ﺩﺍﺭ ﻟﻴﻪ ﺗﻔﻀﻞ ... ﺷﺎﻑ ﻓﻴﻪ ﺭﺋﺒﺎﻝ ﻭ ﺷﺎﻑ ﻓﺠﻮﺝ ﺻﺤﺎﻓﻴﻦ ﻭﺍﻗﻔﻴﻦ ﻋﻠﻰ ﺟﻨﺐ ﻭ ﻛﻴﺎﺧﺪﻭ ﺍﻟﺼﻮﺭ ... ﻭﻗﻒ ﻭ ﺑﻘﺎ ﻛﻴﺸﻮﻭﻭﻭﻑ ﻓﻴﻬﻢ ... ﻣﺎﻟﻚ ﺍﻟﻤﺘﺠﺮ ﺑﺪﺍ ﻛﻴﻌﺮﺍﻕ ... ﻋﺮﻑ ﺭﺋﺒﺎﻝ ﻭﺍﺧﺔ ﺧﺪﺍﻡ ﻓﻤﺠﺎﻝ ﺍﻟﺘﺮﻓﻴﻪ ﺍﻻ ﺍﻧﻮ ﻣﻜﻴﺤﻤﻠﺶ ﺍﻟﺼﺤﺎﻓﺔ ... ﻭ ﻗﻠﻴﻞ ﻓﻴﻦ ﻛﺘﻠﻘﺎ ﺻﻮﺭﻭ ﻓﺎﻟﺠﺮﺍﺋﺪ ﻭ ﺍﻟﻤﺠﻼﺕ ... ﻗﺮﺏ ﺍﻟﻤﺎﻟﻚ ﻭ ﻫﻀﺮ ﺑﻨﺒﺮﺓ ﻣﻨﺨﻔﻀﺔ ...
ﺍﻟﻤﺎﻟﻚ : ﻛﻨﺘﺄﺳﻒ ... ﻭﺍﺿﺢ ﺃﻥ ﺍﻟﻤﻮﺿﻔﻴﻦ ﻣﺘﺒﻌﻮﺵ ﺍﻟﺘﻌﻠﻴﻤﺎﺕ ... ﻷﻧﻲ ﺍﻛﺪﺕ ﻋﻠﻴﻬﻢ ﻣﻤﻨﻮﻉ ﺍﻟﺨﺒﺮ ﻳﻮﺻﻞ ﻟﻠﺼﺤﺎﻓﺔ
ﺭﺋﺒﺎﻝ ﺗﻠﻔﺖ ﻭ ﺷﺎﻑ ﻓﻴﻪ ﺯﻋﻤﺎ ﻣﻦ ﻧﻴﺘﻚ ... ﻭ ﺗﺤﺮﻙ ﺩﺍﺧﻞ ﻟﻠﻤﺘﺠﺮ ... ﺗﺒﻌﻮﻩ ﺍﻟﺮﺟﺎﻝ ﻻﺧﺮﻳﻦ ﻭ ﺍﻟﻤﺎﻟﻚ ﻭﻟﻰ ﺷﺎﺣﺐ ... ﺧﺎﻑ ﻻ ﻳﻐﺮﻕ ﻟﻴﻪ ﻭﺳﻂ ﻟﺒﺸﺎﺭ ... ﺗﺒﻌﻬﻢ ﺣﺘﺎ ﻫﻮ ﻭ ﺿﺤﻜﺔ ﻣﺘﻮﺛﺮﺓ ﻣﺮﺳﻮﻣﺔ ﻋﻠﻰ ﻭﺟﻬﻮ ... ﺑﺴﺒﺐ ﻏﻤﻮﺽ ﺷﺨﺼﻴﺔ ﺭﺋﺒﺎﻝ ... ﻣﻜﻴﻌﺮﻓﻮ ﻛﻴﻒ ﻳﺘﺼﺮﻓﻮ ﻣﻌﺎﻩ ... ﻣﻼﻣﺢ ﻭﺟﻬﻮ ﺍﻟﺒﺎﺭﺩﺓ ﻣﻜﺘﻌﻄﻲ ﺃﻱ ﺍﻧﻄﺒﺎﻉ ... ﻭﺍﺵ ﻣﻬﺪﻥ ﻭ ﻻ ﻣﻌﺼﺐ ... ﻭ ﺗﺤﺮﻛﺎﺗﻮ ﻏﻴﺮ ﻣﺘﻮﻗﻌﺔ ...
ﻭ ﻫﺎﺩﺷﻲ ﻛﻴﺨﻠﻲ ﺍﻟﻜﻞ ﻳﺘﻮﺧﻰ ﺍﻟﺤﺪﺭ ﻓﺎﻟﺘﻌﺎﻣﻞ ﻣﻌﺎﻩ ...
ﺗﻘﺪﻣﺎﺕ ﺍﻟﻤﺴﺎﻋﺪﺓ ﻹﺳﺘﻘﺒﺎﻟﻬﻢ ... ﺭﺣﺒﺎﺕ ﺑﻴﻬﻢ ﻭ ﺑﻌﺪﺍﺕ ﻋﻠﻰ ﺍﻟﻄﺮﻳﻖ ﺑﺎﺵ ﻳﺪﺧﻠﻮ ... ﻛﺎﻥ ﺑﺴﺎﻁ ﺃﺣﻤﺮ ﺻﻐﻴﺮ ﻓﺎﻷﻣﺎﻡ ﺩﻳﺎﻝ ﺍﻟﻤﺘﺠﺮ ... ﻭ ﺍﻟﻤﻮﺿﻔﻴﻦ ﻭﺍﻗﻔﻴﻦ ﻋﻠﻰ ﺍﻟﺠﻬﺎﺕ ﺑﺠﻮﺝ ... ﺗﻢ ﺩﺍﺧﻞ ﺭﺋﺒﺎﻝ ﻭ ﺍﻟﺮﺟﺎﻝ ﻣﻦ ﻭﺭﺍﻩ ... ﺟﻮﻻﻥ ﻛﺎﻧﺖ ﻭﺍﻗﻔﺔ ﺟﻨﺐ ﺍﻟﻤﺴﺎﻋﺪﺍﺕ ... ﻭ ﻋﻨﻴﻬﺎ ﻓﻘﻂ ﻋﻠﻰ ﻧﻀﺎﺭﺍﺗﻬﺎ ﺍﻟﻲ ﻫﺎﺯﺓ ﺍﻟﻤﺴﺆﻭﻟﺔ ... ﻓﻴﻨﻤﺎ ﺗﺤﺮﻛﺎﺕ ﻛﺘﺒﻌﻬﺎ ﺑﻌﻨﻴﻬﺎ ﺣﺘﺎ ﺍﻧﻬﺎ ﻣﻨﺘﺒﻬﺎﺗﺶ ﻟﺸﻜﻮﻥ ﺩﺍﺧﻞ ...
ﺭﺋﺒﺎﻝ ﻏﺎﺩﻱ ﺑﺨﻄﻰ ﺛﺎﺑﺘﺔ ﻭ ﻷﻧﻮ ﺷﺪﻳﺪ ﺍﻟﻤﻼﺣﻈﺔ ... ﺷﺎﻑ ﺟﻤﻴﻊ ﺍﻟﻤﻮﺿﻔﻴﻦ ﻭﺍﻗﻔﻴﻦ ﻣﺘﺒﺜﻴﻦ ﻣﺎ ﻋﺪﺍ ﺷﺨﺺ ﻭﺍﺣﺪ ... ﻛﺎﻧﺖ ﻓﺘﺎﺓ ﺑﺸﻌﺮ ﺑﻨﻲ ﻓﺎﺗﺢ ... ﺟﺴﻤﻬﺎ ﻭﺍﻗﻒ ﻭ ﺭﺍﺳﻬﺎ ﺑﻮﺣﺪﻭ ﺍﻟﻲ ﻛﻴﺘﺤﺮﻙ ... ﺑﺤﺎﻝ ﺍﻟﻘﻄﺔ ﺍﻟﻲ ﻣﺘﺒﻌﺔ ﻛﻮﺭﺓ ﺍﻟﺨﻴﻂ ﻭ ﺑﺎﻏﺔ ﺗﻬﺠﻢ ﻋﻠﻴﻬﺎ ... ﻛﺘﺮﻣﺶ ﻋﻨﻴﻬﺎ ﺑﺴﺮﻋﺔ ﻭ ﺭﺍﺳﻬﺎ ﻭ ﺗﻘﻮﻝ ﻭﺍﺵ ﺯﮔﺎﺍ ... ﻛﺎﻧﻮ ﺛﻮﺍﻧﻲ ﻓﻘﻂ ﺑﺎﺵ ﺷﺎﻑ ﺟﻬﺘﻬﺎ ﻭ ﺭﺟﻊ ﻛﻤﻞ ﻃﺮﻳﻘﻮ ...
ﺑﻘﺎ ﻏﺎﺩﻱ ﻭ ﻻﺧﺮ ﻛﻴﺘﺒﺦ ﻟﻴﻪ ﺣﺪﺍ ﺭﺍﺳﻮ ... ﻭ ﻳﻮﺭﻳﻪ ﺷﻨﻮ ﺍﻟﺘﺠﺪﻳﺪﺍﺕ ﺍﻟﻲ ﺩﺍﺭﻭ ... ﻭ ﻛﻴﻔﺎﺵ ﺍﻋﺘﺎﻣﺪﻭ ﻋﻠﻰ ﺍﻟﺘﻮﺟﻴﻬﺎﺕ ﺍﻟﻲ ﺟﺎﺗﻬﻢ ﻣﻦ ﻋﻨﺪﻭ ... ﻃﻠﻌﻮ ﻟﻠﻄﺎﺑﻖ ﺍﻟﺜﺎﻧﻲ ﻓﻴﻦ ﻛﺎﻳﻦ ﺍﻟﻤﻜﺘﺐ ﻟﻜﺒﻴﺮ ... ﻛﻴﻒ ﻏﺒﺮﻭ ﻭ ﻫﻲ ﺗﻔﺮﻕ ﺟﻮﻻﻥ ﺭﺟﻠﻴﻬﺎ ﻭ ﺣﻄﺎﺕ ﻳﺪﻫﺎ ﻋﻨﺪ ﺧﺼﺮﻫﺎ ...
ﺟﻮﻻﻥ : ﺍﻟﻠﻪ ﻋﻠﻰ ﻇﻬﺮﻱ ... ﻏﺎ 10 ﺩﻗﺎﻳﻖ ﻭ ﻛﻮﻧﺖ ﻓﻨﺘﻜﻮﻓﺮ ... ﻭﺍﺵ ﺣﻨﺎ ﺗﻤﺎﺛﻴﻞ ﻧﺒﻘﺎﻭ ﻭﺍﻗﻔﻴﻦ ﺑﻼ ﺣﺮﻛﺔ
....... : " ﻟﺒﻨﺖ ﺍﻟﻲ ﺟﻨﺒﻬﺎ " ﻋﻼﻩ ﻧﺘﻲ ﺗﺒﺜﻲ ﺑﻌﺪﺍ ... ﺗﻘﻮﻝ ﺣﺎﻛﻴﻦ ﻟﻴﻚ ﺍﻟﺤﺮﻳﮕﺔ
........ : " ﺑﻨﺖ ﺁﺧﺮﻯ " ﻭﺍﺵ ﺷﻔﺘﻮﻩ ... ﺷﻔﺘﻮ ﺩﺍﻛﺸﻲ ﺍﻟﻲ ﺷﻔﺖ
........ : ﺷﻔﺖ ﺃﺧﺘﻲ ﺷﻔﺖ ... ﻣﻴﺴﺘﺮ ﺍﻟﻌﺜﻤﺎﻧﻲ ... ﻫﺎﺩﻱ ﺛﺎﻧﻲ ﻣﺮﺓ ﻳﻄﻞ ﻋﻠﻴﻨﺎ ﺍﻟﻘﻤﺮ ... ﻣﻦ ﺯﻳﺎﺭﺗﻮ ﺍﻷﻭﻝ ﺍﻟﻲ ﺩﺍﺯ ﻋﻠﻴﻬﺎ ﻋﺎﻡ ﻣﺒﺎﻗﻲ ﺷﻔﻨﺎﻩ ... ﺍﺣﺴﻦ ﺣﺎﺟﺔ ﺩﺍﺭ ﺑﻮﻛﺮﻳﺸﺔ ﻋﻴﻂ ﻋﻠﻴﻪ
ﺟﻮﻻﻥ : ﻋﻼﻣﻦ ﻛﺘﻬﻀﺮﻭ ؟
......... : ﻣﻦ ﻧﻴﺘﻚ ... ﺯﻋﻤﺎ ﻣﺎﺷﻔﺘﻴﺶ ﺷﻜﻮﻥ ﺩﺧﻞ ﻋﺎﺩ ﺩﺍﺑﺔ !
......... : " ﻛﻀﺤﻚ " ﺗﻠﻘﺎﻳﻬﺎ ﻋﻮﺭﺓ ... ﺭﺍﺟﻞ ﻗﺪﻭ ﻗﺪﺍﺵ ﺑﺎﻟﻄﻮﻝ ﻭ ﺍﻟﻌﺮﺽ ﻛﺄﻧﻮ ﺷﻲ ﺗﻤﺜﺎﻝ ﻣﻨﺤﻮﺕ ... ﻭ ﻣﺸﺎﻓﺘﻮﺵ
........ : " ﺟﺮﺍﺗﻬﺎ " ﻳﺎﻻﻩ ﻧﻄﻠﻌﻮ ﻟﻔﻮﻕ ... ﺑﺎﺵ ﻣﻨﻴﻦ ﻳﺨﺮﺝ ﻧﺸﻮﻓﻮﻩ ﻣﺮﺓ ﺃﺧﺮﻯ ... ﺑﻐﻴﺖ ﻧﺨﻀﺮ ﻋﻮﻳﻨﺎﺗﻲ ﺑﻴﻪ ... ﺍﻣﺘﺎ ﺗﺠﻲ ﺍﻟﻔﺮﺻﺔ ﻧﺸﻮﻓﻮﻩ ﻣﺮﺓ ﺍﺧﺮﻱ
........ : ﻳﺎﻻﻩ " ﻏﺎﺩﻳﻴﻦ " ﺳﻤﻌﺘﻴﻬﺎ ﺷﻨﻮ ﻗﺎﻟﺖ ... ﻗﺎﻟﺖ ﻟﻴﻚ ﺷﻜﻮﻥ ﻫﻬﻬﻬﻪ
ﺑﻘﺎﺕ ﺟﻮﻻﻥ ﻭﺍﻗﻔﺔ ﻛﺘﻤﻴﻖ ﻓﻴﻬﻢ ﻭ ﺗﻤﺘﻢ ...
ﺟﻮﻻﻥ : ﻭ ﺭﺍﻩ ﻋﻮﺭﺓ ﻧﻴﺖ ... ﻣﺎﻛﺪﺑﺘﻴﺶ ﺍﻟﮕﺼﺒﺔ ... ﺗﻔﻮﻭﻭﻭ ﻓﻴﻦ ﻣﺸﺎﺕ ﺍﻟﺸﺎﺭﻓﺔ ... ﺩﺍﺕ ﻟﻴﺎ ﻣﻌﻬﺎ ﻧﻀﺎﺿﺮﻱ " ﻏﺎﺩﺓ ﻭ ﻛﺘﺸﻮﻑ ﻓﺎﻟﻤﻼﺑﺲ ﻭ ﺍﻟﺤﻘﺎﺋﺐ ﺍﻟﻲ ﻓﺎﻟﺮﻓﻮﻑ " ﺯﻋﻤﺎ ﻋﻼﻣﻦ ﻛﺎﻧﻮ ﻛﻴﻬﻀﺮﻭ ... ﺷﻜﻮﻥ ﻫﺎﺩ ﻟﻘﻤﺮ ... ﺍﻧﺎ ﺑﺎﻧﻮ ﻟﻴﺎ ﻏﻴﺮ ﺍﻟﺮﺟﺎﻝ ﻛﻠﺸﻲ ﻻﺑﺲ ﻟﻜﺤﻞ ... ﺑﺤﺎﻻ ﺧﺎﺭﺟﻴﻦ ﻣﻦ ﻓﻴﻠﻢ ' ﺫﺍ ﻣﺎﻳﺘﺮﻳﻜﺲ ' ﻋﻠﻰ ﻗﻠﺔ ﺍﻷﻟﻮﺍﻥ ...
ﺩﺍﻙ ﺍﻟﺼﺎﻙ ﺯﻭﻳﻦ ... ﻣﻌﺎﺭﺕ ﺷﺤﺎﻝ ﻳﻜﻮﻥ ﺩﺍﻳﺮ ... ﻭﺍﺵ ﻳﻨﻘﺼﻮ ﻟﻴﺎ ﺍﻟﻨﺺ ﻻﺧﺪﻳﺘﻮ ﺣﻴﻨﺖ ﺧﺪﺍﻣﺔ ﻣﻌﺎﻫﻢ " ﻭﻗﻔﺎﺕ " ﺁﻩ ﺑﻌﺪﺍ ... ﻭﺍﺵ ﺃﻧﺎ ﺧﺪﺍﻣﺔ ﻫﻨﺎ ﻭ ﻻ ﺷﻨﻮ ... ﺯﺭﺑﺎﺕ ﻋﻠﻴﺎ ﻣﻮﻻﺕ ﺍﻟﻜﻮﺑﺎﺻﺔ ﺯﺭﺑﺎ ﺧﺎﻳﺒﺔ ... ﺣﺘﺎ ﺍﻟﺨﻠﺼﺔ ﻣﻘﺎﻟﺖ ﻟﻴﺎ ﻋﻠﻴﻬﺎ ﻭﺍﻟﻮ ... ﻋﻨﺪﺍﻙ ﻳﻜﻮﻧﻮ ﺑﺎﻏﻴﻴﻦ ﻏﻴﺮ ﻳﻌﻤﺮﻭ ﺑﻴﺎ ﺍﻟﻔﺮﺍﻍ ﺍﻟﻴﻮﻡ ﻭ ﻳﻘﻮﻟﻮ ﻟﻴﺎ ﺑﺎﻱ ﺑﺎﻱ ﺑﻼﻣﺎ ﻧﺘﺨﻠﺺ ... ﺃﻭﺍ ﺍﻟﻠﻪ ﻣﻨﺘﺰﺣﺰﺡ ﺣﺘﺎ ﻧﺪﻱ ﻣﻌﻴﺎ ﺭﺯﻗﻲ ... ﻧﻤﺸﻲ ﻧﺸﻮﻑ ﻓﻴﻦ ﻣﺸﺎﺕ ﻣﻮﻻﺕ ﺍﻟﺼﺒﺎﻁ ﻣﻘﻤﻘﻢ
ﺗﻮﺟﻬﺎﺕ ﺟﻮﻻﻥ ﻟﻠﻤﻜﺘﺐ ﺍﻟﻲ ﺩﺧﻼﺕ ﻟﻴﻪ ﻗﺒﻞ ... ﺑﺪﺍﺕ ﻛﺘﻘﻠﺐ ﻣﻠﻘﺎﺗﺶ ﺍﻟﻤﺴﺆﻭﻟﺔ ... ﺭﺟﻌﺎﺕ ﺧﺮﺟﺎﺕ ﻭ ﺑﻘﺎﺕ ﻏﺎﺩﺓ ﺟﺎﻳﺔ ... ﺷﻮﻳﺔ ﺑﺎﻧﻮ ﻟﻴﻬﺎ ﻟﻜﻠﻴﺎﻥ ﻛﻴﺪﺧﻠﻮ ... ﻣﺎﻋﺮﻓﺎﺕ ﺷﻨﻮ ﺩﻳﺮ ... ﻓﻴﻨﻤﺎ ﻛﺎﻥ ﺟﺎﻱ ﻋﻨﺪﻫﺎ ﺷﻲ ﻛﻠﻴﺎﻥ ﻛﺘﻀﻮﺭ ﺭﺍﺳﻬﺎ ﺗﺸﻮﻑ ﺑﻌﻴﺪ ﻭ ﻻ ﺗﻘﻠﺐ ﺍﻟﻄﺮﻳﻖ ... ﺑﻘﺎﺕ ﻣﻘﻨﺘﺔ ﻓﻮﺍﺣﺪ ﺍﻟﺰﺍﻭﻳﺔ ...
ﻭ ﻛﺘﺮﺍﻗﺐ ﺷﻲ ﻣﺴﺎﻋﺪﺍﺕ ﺧﺪﺍﻣﻴﻦ ﻣﻊ ﻟﻜﻠﻴﺎﻥ ... ﻫﻲ ﻣﻌﻄﺎﻭﻫﺎ ﺣﺘﺎ ﺗﻌﻠﻴﻤﺎﺕ ﺳﻮ ﻣﺎﻋﺮﻓﺎﺕ ﻛﻴﻒ ﺗﺼﺮﻑ ﻭ ﻻ ﺷﻨﻮ ﺩﻳﺮ ﺑﺎﻟﻈﺒﻂ ... ﻭ ﻗﺮﺭﺍﺕ ﺗﺒﻘﺎ ﺑﻌﻴﺪﺓ ﻻ ﺗﺰﺑﻠﻬﺎ ﻣﻦ ﺍﻟﻴﻮﻡ ﺍﻷﻭﻝ ... ﺣﺴﺎﺕ ﺑﺮﺟﻠﻴﻬﺎ ﺿﺮﻭﻫﺎ ﻓﺎﻟﺼﺒﺎﻁ ... ﻭﺍﺧﺔ ﻣﻜﺎﻧﺶ ﻋﺎﻟﻲ ﻟﻜﻦ ﻣﻊ ﺍﻟﻮﻗﻔﺔ ... ﺿﺮﻭﻫﺎ ﺻﺒﺎﻋﻬﺎ ﻓﻴﻪ ... ﺭﺟﻌﺎﺕ ﻟﻔﻴﻦ ﻏﻴﺮﺍﺕ ﺣﻮﺍﻳﺠﻬﺎ ...
ﻫﺰﺍﺕ ﺻﺎﻛﻬﺎ ﺟﺒﺪﺍﺕ ﻣﻨﻮ ﻛﻮﻧﭭﻴﺮﺳﺔ ﺟﺎﺑﺘﻬﺎ ﻣﻌﻬﺎ ... ﻋﻠﻰ ﺣﺴﺎﺏ ﻣﻨﻴﻦ ﺗﻜﻮﻥ ﺭﺍﺟﻌﺔ ﻟﻠﺪﺍﺭ ... ﻋﺮﻓﺎﺕ ﻣﺘﻘﺪﺭﺵ ﺗﺒﻘﺎ ﺑﻴﻪ ﺍﻟﻨﻬﺎﺭ ﻛﺎﻣﻞ ... ﺣﻴﺪﺍﺕ ﺍﻟﺼﺒﺎﻁ ﻟﻘﺎﺕ ﺭﺟﻠﻴﻬﺎ ﺣﻤﺮﻳﻦ ﻭ ﻣﻨﻔﻮﺧﻴﻦ ... ﻭ ﻫﺎﺩﺷﻲ ﺩﻭﺯﺍﺕ ﻏﻴﺮ ﺳﺎﻋﺘﻴﻦ ... ﺑﻘﺎﺕ ﻛﺘﻔﻜﺮ ﻓﻬﺎﺩﻭﻙ ﺍﻟﻲ ﺧﺪﺍﻣﻴﻦ ﻓﻬﺎﺩﺷﻲ ﺩﻳﻤﺎ ﻭ ﻃﻮﻝ ﺍﻟﻴﻮﻡ ...
ﺣﻨﺎ ﻛﻴﺒﺎﻥ ﻟﻴﻨﺎ ﻣﻜﻴﺪﻳﺮﻭ ﻭﺍﻟﻮ ﻏﻴﺮ ﻭﺍﻗﻔﻴﻦ ... ﻟﻜﻦ ﺍﻟﺤﺎﺟﺔ ﻣﻜﺘﻌﺮﻑ ﺑﺤﻘﻬﺎ ﺣﺘﺎ ﻛﺘﺠﺮﺑﻬﺎ ... ﻣﺴﺪﺍﺕ ﺻﺒﺎﻋﻬﺎ ﺷﻮﻳﺔ ﻭ ﻟﺒﺴﺎﺕ ﻟﻜﻮﻧﭭﻴﺮﺳﺔ ﻟﺒﻴﻀﺔ ... ﻗﺮﺭﺍﺕ ﺗﺒﻘﺎ ﭼﺎﻟﺴﺔ ﻓﺎﻟﻤﻜﺘﺐ ﺣﺘﺎ ﺗﺠﻲ ﺍﻟﻤﺴﺆﻭﻟﺔ ﻭ ﺗﺴﻮﻟﻬﺎ ... ﺩﺍﺯﺕ ﺷﻲ ﺧﻤﺲ ﺩﻗﺎﻳﻖ ﻭ ﻫﻮ ﻳﺼﻮﻧﻲ ﻟﻔﻴﻜﺲ ... ﺑﺎﻥ ﻟﻴﻬﺎ ﻓﻮﻕ ﺍﻟﻤﻜﺘﺐ ﻫﺰﺍﺗﻮ ﻭ ﺟﺎﻭﺑﺎﺕ ...
ﺟﻮﻻﻥ : ﺁﻟﻮ ﺷﻜﻮﻥ ﻣﻌﻴﺎ ؟
........ : ﻋﺠﺒﺎﺗﻚ ﺍﻟﺠﻠﺴﺔ ... ﺗﺒﻐﻲ ﻧﺴﻴﻔﻂ ﻟﻴﻚ ﺷﻲ ﻛﺎﺱ ﺩﻳﺎﻝ ﻟﻌﺼﻴﺮ
ﺟﻮﻻﻥ : ﺵ ﺷﻜﻮﻥ ﻧﺘﻴﺎﺍﺍ ؟
........ : " ﺑﺼﻮﺕ ﻣﺮﺗﻔﻊ " ﻓﺪﻭﻯ ﺍﻟﻤﺴﺆﻭﻭﻭﻭﻟﺔ ... ﻭ ﻧﻮﺿﻲ ﺗﻬﺰﻱ ﻭ ﻧﺘﻲ ﻧﺸﺮﺗﻲ ﺭﺟﻠﻴﻚ
ﺟﻮﻻﻥ : " ﻛﺘﻠﻔﺖ ﻓﺠﻨﺎﺑﻬﺎ " ﺑﺎﺵ ﻋﺮﻓﺘﻴﻨﻲ ﻧﺎﺷﺮﺓ ﺭﺟﻠﻴﺎ ؟
ﻓﺪﻭﻯ : ﻟﻜﺎﺍﺍﻣﻴﺮﺍ ... ﻭ ﺗﻘﻠﻌﻲ ﻃﻠﻌﻲ ﻋﻨﺪﻱ ﻟﻬﻨﺎﺍﺍﺍ
ﺟﻮﻻﻥ : ﺁﻩ ﻟﻜﺎﻣﻴﺮﺍ ﻫﻬﻪ ... ﻓﻴﻦ ﻧﺠﻲ ﻋﻨﺪﻙ ؟
ﻓﺪﻭﻯ : ﻟﻔﻮﻭﻭﻕ ... ﻃﻠﻌﻲ ﻭ ﺩﻭﺭﻱ ﻋﻠﻰ ﻟﻴﻤﻦ ﻛﺎﻳﻦ ﺑﺎﺏ ﺍﻟﻤﺨﺰﻥ ﺗﻤﺎﻙ ... ﺩﺧﻠﻲ ﻋﺎﻭﻧﻲ ﻟﺒﻨﺎﺕ ﻭ ﺳﺘﻔﻮ ﺍﻟﻜﺮﺍﻃﻦ ﺍﻟﻲ ﺗﻤﺎﺍﺍﻙ
ﺟﻮﻻﻥ : ﺁﺍﻩ ﻭ ﻭﺍﺧﺔ ... ﻫﺎﻧﻲ ﺟﺎﻳﺔ .. ﻭ ﻭﺍﺵ
ﻓﺪﻭﻯ : " ﻗﻄﻌﺎﺕ "
ﺟﻮﻻﻥ : ﻫﺎﺩﻱ ﻣﺎﻟﻬﺎ ... ﺑﻐﻴﺖ ﻧﺴﻮﻟﻬﺎ ﻋﻠﻰ ﻧﻀﺎﺿﺮﻱ ﻓﻴﻦ ﺩﺍﺭﺗﻬﻢ ... ﻭ ﺩﻏﻴﺎ ﻗﻄﻬﺎﺕ ﻟﻴﺎ ﻓﻮﺟﻬﻲ ... ﺑﺎﻳﻨﺔ ﻏﻨﻌﺎﻧﻲ ﻣﻊ ﻫﺎﺩ العقروشة
ﺣﻄﺎﺕ ﺍﻟﺘﻴﻠﻴﻔﻮﻥ ﻭ ﻫﻲ ﺗﺒﺘﺎﺳﻢ ﻓﺎﺵ ﺷﺎﻓﺘﻬﻢ ﻓﻮﻕ ﻟﻤﻜﺘﺐ ...
ﺟﻮﻻﻥ : " ﻫﺰﺍﺗﻬﻢ " ﻣﻦ ﻗﺒﻴﻠﺔ ﻭ ﻧﺘﻮﻣﺎ ﻫﻨﺎ ... ﮔﺎﻉ ﻣﺸﻔﺘﻜﻢ
ﺩﺍﺭﺗﻬﻢ ﻭ ﺧﺮﺟﺎﺕ ... ﻃﻠﻌﺎﺕ ﻓﺎﻟﺪﺭﺝ ﻛﺘﺰﺭﺏ ... ﻭﺻﻼﺕ ﻟﻠﻄﺎﺑﻖ ﺍﻟﺜﺎﻧﻲ ﻭ ﺗﻤﺎﺕ ﻏﺎﺩﺓ ... ﺣﺘﺎ ﺗﻔﻜﺮﺍﺕ ﺑﻠﻲ ﻗﺎﻟﺖ ﻟﻴﻬﺎ ﺿﻮﺭﻱ ﻋﻠﻰ ﻟﻴﻤﻦ ... ﻗﻠﺒﺎﺕ ﺍﻟﻀﻮﺭﺓ ﻭ ﻏﺎﺩﺓ ﻛﺘﻘﻠﺐ ﻓﻴﻦ ﻛﺎﻳﻦ ﻫﺎﺩ ﺍﻟﻤﺨﺰﻥ ...
ﭼﺎﻟﺲ ﻓﻮﻕ ﺍﻟﻔﻮﻃﻮﻱ ... ﻣﺘﻜﻄﻲ ﺑﻈﻬﺮﻭ ﻭ ﺩﺍﻳﺮ ﺭﺟﻞ ﻋﻠﻰ ﺭﺟﻞ ... ﻛﺎﻥ ﻓﻤﻜﺎﻥ ﻣﺨﺼﺺ ﻏﻴﺮ ﻟﻠﺰﺑﻨﺎﺀ ﻝ VIP ... ﺑﻴﻤﺎ ﺍﻧﻮ ﺟﺎ ﺍﺳﺘﺎﻏﻠﻮ ﺍﻟﻔﺮﺻﺔ ﻭ ﺑﻐﺎﻭﻩ ﻳﺎﺧﺪ ﻣﻦ ﻟﺒﺮﺍﻧﺪ ... ﺣﻴﻨﺖ ﻻ ﻟﺒﺲ ﻣﻨﻬﺎ ﻫﻮ ﻏﺘﻜﻮﻥ ﺍﺳﺘﻔﺎﺩﺓ ﻟﻴﻬﻢ ... ﻭﺍﻗﻒ ﺑﻬﺎﺀ ﺟﻨﺒﻮ ...
ﻭ ﻟﻤﺴﺎﻋﺪﺓ ﻫﺎﺯﺓ ﻣﺠﻤﻮﻋﺔ ﻣﻦ ﺭﺑﻄﺎﺕ ﺍﻟﻌﻨﻖ ﻛﺘﻌﺮﺿﻬﻢ ﻗﺪﺍﻣﻮ ... ﻛﺎﻥ ﻛﻴﺸﻮﻑ ﺟﻬﺘﻬﺎ ﺣﺘﺎ ﻟﻤﺢ ﻣﻦ ﺑﻌﻴﺪ ... ﻧﻔﺲ ﻟﺒﻨﺖ ﺍﻟﻲ ﻛﺎﻧﺖ ﻟﺘﺤﺖ ... ﻏﺎﺩﺓ ﻭ ﺟﺎﻳﺔ ... ﻟﻔﺖ ﺍﻧﺘﺒﺎﻫﻮ ﺷﻨﻮ ﻻﺑﺴﺔ ﻓﺮﺟﻠﻴﻬﺎ ﻣﻊ ﺍﻟﺰﻱ ﻭ ﺍﻟﻨﻀﺎﺭﺍﺕ ﺍﻟﻲ ﺩﺍﻳﺮﺓ ...
ﺍﻟﻤﺴﺎﻋﺪﺓ : ﻣﻮﺳﻴﻮ ... ﻣﻮﺳﻴﻮ ﺍﻟﻌﺜﻤﺎﻧﻲ ... ﻭﺍﺵ ﻧﺠﻤﻌﻬﻢ ﻟﻴﻚ ؟
ﺭﺋﺒﺎﻝ : " ﺷﺎﻑ ﻓﻴﻬﺎ " ﺑﻬﺎﺀ
ﺑﻬﺎﺀ : ﻭﻱ ﻣﻴﺴﺘﺮ
ﺭﺋﺒﺎﻝ : ﺧﻮﺩ ﻟﻴﻚ ﺷﻲ ﻭﺣﺪﺓ ... ﻣﺎﺷﻲ ﻫﺎﺩﻭ ﺍﻷﻟﻮﺍﻥ ﺍﻟﻲ ﻛﺘﻠﺒﺲ
ﺑﻬﺎﺀ : ﺁﻩ
ﺭﺋﺒﺎﻝ : " ﻭﻗﻒ " ﻋﻨﺪﺍﻙ ﺗﻨﺴﺎ ﻣﺘﺨﻠﺺ
ﺗﺤﺮﻙ ﺭﺋﺒﺎﻝ ﻭ ﺑﻘﺎﺕ ﺍﻟﻤﺴﺎﻋﺪﺓ ﻣﺘﺒﻌﺎ ﻟﻴﻪ ﺍﻟﻌﻴﻦ ... ﺧﺎﻓﺖ ﺗﻜﻮﻥ ﺯﺑﻼﺗﻬﺎ ﻭ ﻻ ﺩﺍﺭﺕ ﺷﻲ ﺗﺼﺮﻑ ... ﻷﻧﻮ ﻣﺨﺪﺍ ﺣﺘﺎ ﺣﺎﺟﺔ ... ﻗﺮﺏ ﻋﻨﺪﻫﺎ ﺑﻬﺎﺀ ...
ﺑﻬﺎﺀ : ﺟﻤﻌﻲ ﻟﻴﺎ ﻫﺎﺩﻭ
ﺍﻟﻤﺴﺎﻋﺪﺓ : " ﺗﻨﻔﺴﺎﺕ ﺍﻟﺼﻌﺪﺍﺀ " ﺍﻭﻛﻲ ﻣﻮﺳﻴﻮ
ﻣﺸﺎﺕ ﻛﺘﺠﺮﻱ ﻗﺪﺍﺗﻬﻢ ﻟﻴﻪ ﻭ ﻣﺪﺍﺕ ﻟﻴﻪ ﻟﺒﻮﺷﻴﻄﺔ ﻭ ﺭﺍﺳﻤﺔ ﻋﻠﻰ ﻭﺟﻬﺎ ﺍﺑﺘﺴﺎﻣﺔ ﺑﻠﻬﺎﺀ ... ﺑﻬﺎﺀ ﺑﺪﻭﺭﻭ ﺭﺟﻞ ﻭﺳﻴﻢ ... ﻋﻨﺪﻭ 35 ﺳﻨﺔ ﻭ ﻣﻬﺘﻢ ﺑﻤﻈﻬﺮﻭ ... ﺩﻳﻤﺎ ﻟﺒﺎﺳﻮ ﺃﻧﻴﻖ ﻭ ﻛﻼﺹ ... ﻣﻨﻈﺒﻂ ﻓﺎﻟﺨﺪﻣﺔ ﺑﺸﻜﻞ ﻛﺒﻴﺮ ﻭ ﻟﻬﺎﺩﺍ ﻫﻮ ﻣﺴﺎﻋﺪ ﺭﺋﺒﺎﻝ ﺍﻟﺸﺨﺼﻲ ... ﺇﺿﺎﻓﺔ ﻟﻜﻮﻧﻮ ﻣﺪﻳﺮ ﺃﻋﻤﺎﻝ ﺳﻨﻤﺎﺭ ﻭ ﺇﻟﻴﺎﺱ ...
ﻫﺎﺩ ﺍﻟﺠﻮﺝ ﺍﺳﺘﺜﻨﺎﺀ ﻣﺎﺷﻲ ﻛﺒﺎﻗﻲ ﺍﻟﻔﻨﺎﻧﻴﻦ ﻭ ﻋﺎﺭﺿﻲ ﺍﻷﺯﻳﺎﺀ ﺍﻟﻲ ﺗﺤﺖ ﺁﺳﻢ ﺷﺮﻛﺔ ﺭﺋﺒﺎﻝ ... ﻷﻧﻬﻢ ﻋﻨﺪﻫﻢ ﻣﻨﺎﺩﺟﺮﺯ ﻣﺨﺘﺎﻟﻔﻴﻦ ... ﺭﺋﺒﺎﻝ ﺑﻨﻔﺴﻮ ﻋﻴﻨﻮ ﻳﻬﺘﻢ ﺑﺠﺪﺍﻭﻳﻞ ﺍﻋﻤﺎﻟﻬﻢ ﻭ ﻛﻠﻤﺎ ﻛﻴﺨﺼﻬﻢ ... ﺑﺮﻫﻦ ﻋﻠﻰ ﺇﺧﻼﺻﻮ ﻭ ﺗﻔﺎﻧﻴﻪ ﻓﺎﻟﻌﻤﻞ ﻫﺎﺩ ﺍﻟﺴﻨﻮﺍﺕ ... ﻭ ﺭﺟﻊ ﺷﺨﺺ ﻗﺮﻳﺐ ﻣﻦ ﺍﻟﺪﺭﺍﺭﻱ ﺑﺜﻼﺛﺔ ... ﻟﻜﻦ ﺗﺼﺮﻓﺎﺗﻮ ﻣﺤﺴﻮﺑﻴﻦ ﻣﻊ ﺭﺋﺒﺎﻝ ﻭ ﻣﻜﻴﺘﻌﺪﺍﺵ ﺣﺪﻭﺩﻭ ...
ﺟﻤﻊ ﺍﻟﺘﺨﻨﺰﻳﺮﺓ ﺣﻴﻨﺖ ﺑﺎﻧﺖ ﻟﻴﻪ ﺗﺤﻼﺕ ... ﻣﺪ ﻟﻴﻬﺎ ﻟﻜﺎﺭﻁ ﺧﻠﺼﺎﺕ ﻭ ﺭﺩﺍﺗﻬﺎ ﻟﻴﻪ ... ﻫﺒﻂ ﻭ ﺧﺮﺝ ﻣﻦ ﺍﻟﻤﺘﺠﺮ ... ﺣﻞ ﻟﺒﺎﺏ ﻃﻠﻊ ﻭ ﺷﺎﻑ ﻓﺮﺋﺒﺎﻝ ﺍﻟﻲ ﺟﺎﻟﺲ ﺍﻟﻠﻮﺭ ...
ﺑﻬﺎﺀ : ﻓﻴﻦ ؟
ﺭﺋﺒﺎﻝ : ﻟﻠﺸﺮﻛﺔ
ﺩﻳﻤﺎﺭﺍ ﺑﻬﺎﺀ ﺍﻟﻠﻮﻃﻮ ﻭ ﺗﺤﺮﻙ ... ﺩﻭﺭ ﺭﺋﺒﺎﻝ ﻭﺟﻬﻮ ﻧﺎﺣﻴﺔ ﺍﻟﻤﺘﺠﺮ ... ﻛﻴﺸﻮﻑ ﻓﺎﻟﻄﺎﺑﻖ ﺍﻟﺜﺎﻧﻲ ﺍﻟﻲ ﻛﻮﻟﻮ ﺯﺍﺝ ... ﻏﻴﺮ ﻓﺎﺗﻮﻩ ﺩﺍﺭ ﻧﻀﺎﺭﺍﺗﻮ ﻭ ﺭﺟﻊ ﺭﺍﺳﻮ ﺍﻟﻠﻮﺭ ...
ﺑﻌﺪ ﻳﻮﻡ ﺷﺎﻕ ﻧﻴﻴﺖ ﺑﺪﺍﻭ ﻓﺈﻏﻼﻕ ﺍﻟﻤﺘﺠﺮ ... ﻋﻴﻄﺎﺕ ﺍﻟﻤﺴﺆﻭﻟﺔ ﻋﻠﻰ ﺟﻮﻻﻥ ﻟﻠﻤﻜﺘﺐ ... ﺗﻜﻠﻤﺎﺕ ﻣﻌﻬﺎ ﻭ ﺳﻮﻻﺗﻬﺎ ﺑﻌﺾ ﺍﻷﺳﺌﻠﺔ ... ﻣﻦ ﺑﻌﺪ ﻣﺎﻋﺮﻓﺎﺕ ﺍﻥ ﺟﻮﻻﻥ ﺑﺎﻗﺔ ﻛﺘﻘﺮﺍ ... ﺩﺍﺭﺕ ﻣﻌﻬﺎ ﺗﺨﺪﻡ ﺛﻼﺙ ﺃﻳﺎﻡ ﻓﺎﻻﺳﺒﻮﻉ ... ﺍﻟﺠﻤﻌﺔ ﺍﻟﺴﺒﺖ ﻭ ﺍﻷﺣﺪ ... ﻷﻧﻬﺎ ﺷﺎﻓﺘﻬﺎ ﺧﺪﻣﺎﺕ ﺑﺠﺪ ﻭ ﺩﻏﻴﺎ ﻛﺘﺸﺪ ﺍﻟﺤﺎﺟﺔ ﻭﺍﺧﺔ ﻓﺎﻷﻭﻝ ﻛﺎﻧﺖ ﺗﺎﻟﻔﺔ ...
ﻣﺪﺍﺕ ﻟﻴﻬﺎ ﻭﺭﻗﺔ ... ﻗﺮﺍﺗﻬﺎ ﺟﻮﻻﻥ ﻭ ﻫﻲ ﺗﺒﺘﺎﺳﻢ ﺑﻔﺮﺣﺔ ... ﻛﺎﻥ ﻣﺒﻠﻎ ﻣﺰﻳﺎﻥ ﻏﺎﺩﻱ ﻳﻌﺎﻭﻧﻬﺎ ﻓﺸﺤﺎﻝ ﻣﻦ ﺣﺎﺟﺔ ... ﻭ ﺗﻘﺪﺭ ﺗﺨﻔﻒ ﻋﻠﻰ ﻭﺍﻟﺪﻳﻬﺎ ﻣﻦ ﺍﻟﻤﺼﺮﻭﻑ ... ﺧﺎﺻﺔ ﺍﻻﻡ ﺩﻳﺎﻟﻬﺎ ﺍﻟﻲ ﺩﻳﻤﺎ ﻛﻀﺤﻲ ﺑﺎﻟﺼﻐﻴﺮﺓ ﻭ ﻟﻜﺒﻴﺮﺓ ﺑﺎﺵ ﻣﺘﺨﻠﻴﻬﺎﺵ ﻣﺨﺼﻮﺻﺔ ... ﻋﺎﺭﻓﺔ ﺃﻥ ﻓﺒﻌﺾ ﺍﻷﺣﻴﺎﻥ ﻛﺘﻌﻄﻴﻬﺎ ﻣﻦ ﻓﻠﻮﺱ ﺍﻟﺼﺎﻳﺮ ﻭ ﺑﺎﻟﺘﺨﺒﻴﺔ ﻋﻠﻰ ﺍﻷﺏ ﺩﻳﺎﻟﻬﺎ ... ﻭ ﻫﺎﺩﺷﻲ ﻛﺎﻥ ﻛﻴﻀﺮ ﺟﻮﻻﻥ ... ﻭ ﺣﺘﺎ ﻻ ﺭﻓﻀﺎﺕ ﺗﺎﺧﺪ ﻟﻔﻠﻮﺱ ﻣﻬﺎ ﻛﺘﻜﻮﻥ ﻣﺼﺮﺓ ...
ﻣﺪﻯ ﻓﺮﺣﺘﻬﺎ ﺑﻬﺎﺩ ﺍﻟﻌﻤﻞ ﺍﻟﺠﺰﺋﻲ ﻻ ﺗﻮﺻﻒ ... ﺃﺧﻴﺮﺍ ﺣﺴﺎﺕ ﺍﻧﻬﺎ ﻣﻤﻜﻦ ﺗﻌﺘﺎﻣﺪ ﻋﻠﻰ ﺭﺍﺳﻬﺎ ... ﺍﻟﻤﺸﻜﻴﻞ ﺍﻟﻮﺣﻴﺪ ﻫﻮ ﻛﻴﻔﺎﺵ ﺗﻘﻨﻊ ﺍﻷﻡ ﺩﻳﺎﻟﻬﺎ ﺑﻠﻲ ﻏﺘﺨﺪﻡ ... ﻋﺎﺭﻓﺎﻫﺎ ﻏﺎﺩﻱ ﺗﻌﺘﺎﺭﺽ ﺧﻮﻓﺎ ﺍﻧﻬﺎ ﺗﻬﻤﻞ ﻗﺮﺍﻳﺘﻬﺎ ... ﻟﻜﻨﻬﺎ ﻣﺴﺘﺤﻴﻞ ﺗﻬﺎﻭﻥ ﻓﺎﻟﻘﺮﺍﻳﺔ ... ﺑﺎﻏﺔ ﺗﺎﺧﺪ ﺍﻹﺟﺎﺯﺓ ﻓﺎﻻﻗﺘﺼﺎﺩ ﻭ ﺗﺪﻓﻊ ﻟﺸﻲ ﺷﺮﻛﺔ ...
ﻃﻤﻮﺣﻬﺎ ﻻ ﻳﺘﻌﺪﻯ ﺍﻧﻬﺎ ﺗﺤﺼﻞ ﻋﻠﻰ ﻭﺿﻴﻔﺔ ﻣﺴﺘﻘﺮﺓ ... ﺗﻌﺎﻭﻥ ﺭﺍﺳﻬﺎ ﻭ ﻭﺍﻟﺪﻳﻬﺎ ﻣﺎﺩﻳﺎ ... ﻭ ﻓﻨﻔﺲ ﺍﻟﻮﻗﺖ ﺗﻔﺮﻍ ﻟﻠﻜﺘﺎﺑﺔ ﺍﻟﻲ ﻫﻲ ﺷﻐﻔﻬﺎ ... ﺳﻨﺎﺕ ﻋﻠﻰ ﺍﻟﻌﻘﺪ ﺷﻜﺮﺍﺕ ﺍﻟﻤﺴﺆﻭﻟﺔ ﻭ ﺭﺟﻌﺎﺕ ﻟﻠﺪﺍﺭ ... ﻭ ﻫﻲ ﻛﺘﻮﺟﺪ ﻛﻴﻔﺎﺵ ﺗﻔﺎﺗﺤﻬﻢ ﻓﺎﻟﻤﻮﺿﻮﻉ ...