السفاح العاشق

بارت 40

ﺗﺤﻞ ﻟﺒﺎﺏ ﻭ ﻫﻲ ﺩﺧﻞ ﺳﻤﺎﺭﺍ ... ﻭﻗﻔﺎﺕ ﻛﺘﺸﻮﻑ ﻓﻴﻬﻢ ﻣﺮﺑﻌﺔ ﻳﺪﻳﻬﺎ ... ﺩﺍﺭﺕ ﺯﻳﻨﺐ ﺷﺎﻓﺘﻬﺎ ...
ﺳﻤﺎﺭﺍ : ﺍﻭﻭﻭﻩ ﺷﺤﺎﻝ ﻛﻴﻮﺕ ... ﺳﻮﺭﻱ ﻛﻨﺖ ﺩﺍﻳﺰﺓ ﻭ ﺳﻤﻌﺖ ﺣﺪﻳﺜﻜﻢ ﺑﺎﻟﺼﺪﻓﺔ ... ﺗﺄﺛﺮﺕ ﺍﻟﺼﺮﺍﺣﺔ
ﺯﻳﻨﺐ : ﺧﺎﺻﺎﻙ ﺷﻲ ﺣﺎﺟﺔ ؟
ﺳﻤﺎﺭﺍ : ﺑﻐﻴﺖ ﻏﻴﺮ ﻧﻔﻬﻢ ﻭﺍﺣﺪ ﺍﻟﺤﺎﺟﺔ ... ﻋﻠﻰ ﺣﺴﺎﺏ ﻣﺎﻓﻬﻤﺖ ﻣﻦ ﺇﻟﻴﺎﺱ ... ﺭﺋﺒﺎﻝ ﺟﺎﺑﻜﻢ ﻟﻬﻨﺎ ﺑﺎﺵ ﺩﻳﺮ ﻫﻲ ﺍﻟﻌﻤﻠﻴﺔ ﻭ ﺗﺮﺟﻊ ﺗﺸﻮﻑ ... ﻟﻜﻦ ﻫﻲ ﺭﺍﻓﻀﺔ ﻭ ﻣﺼﺮﺓ ﻋﻠﻰ ﻗﺮﺍﺭﻫﺎ ... ﺟﺎﻧﻲ ﻟﻔﻀﻮﻝ ﻧﻌﺮﻑ ﻋﻼﺵ ﺭﺍﻓﻀﺔ ... ﻋﺎﺭﻓﺔ ﺑﻠﻲ ﺭﺋﺒﺎﻝ ﺷﻔﻖ ﻋﻠﻴﻚ ﻭ ﻣﺤﻤﻞ ﺭﺍﺳﻮ ﻣﺴﺆﻭﻟﻴﺔ ﺍﻟﻲ ﻭﻗﻊ ... ﻋﻼﺵ ﻣﺼﻌﺒﻬﺎ ... ﺩﻳﺮﻱ ﺍﻟﻌﻤﻠﻴﺔ ﻭ ﻛﻼ ﻳﺮﺟﻊ ﻣﻨﻴﻦ ﺟﺎ
ﺯﻳﻨﺐ : ﻭ ﻧﺘﻲ ﺃﺧﺘﻲ ﺷﻨﻮ ﺩﺧﻠﻚ ﻓﺎﻟﻤﻮﺿﻮﻉ
ﺳﻤﺎﺭﺍ : " ﻫﺰﺍﺕ ﺣﺎﺟﺒﻬﺎ " ﻛﺎﻥ ﺧﺎﺹ ﻧﻘﻮﻝ ﻫﺎﺩﺷﻲ ﻣﻨﻴﻦ ﺣﺘﻰ ﺣﺪ ﻣﺎﺑﻐﺎ ﻳﻘﻮﻟﻮ ... ﻣﺎﺷﻲ ﺷﻔﺘﻲ ﺭﺋﺒﺎﻝ ﻣﺼﺮ ﻳﺴﺎﻋﺪﻙ ﺗﺰﻳﺪﻱ ﻓﻴﻪ ... ﻫﻮ ﻫﺎﻛﺔ ﺩﺍﻳﺮ ... ﻛﻴﻨﻔﺬ ﺷﻨﻮ ﻣﺎ ﺑﻐﺎ ﺑﻼﻣﺎ ﺗﻤﺸﻲ ﺑﻌﻴﺪ ... ﻧﺼﻴﺤﺔ ﻣﻨﻲ ﻗﺒﻠﻲ ﺍﻟﻤﺴﺎﻋﺪﺓ ﻭ ﺭﺟﻌﻲ ﻟﺤﻴﺎﺗﻚ ... ﺑﻬﺎﺩ ﺍﻟﺤﺎﻟﺔ ﻣﻐﺘﻨﻔﻌﻲ ﺭﺍﺳﻚ ﻭ ﻻ ﺍﻟﻲ ﺿﺎﻳﺮﻳﻦ ﺑﻴﻚ ... ﺷﻮﻓﻲ ﻏﻴﺮ ﺻﺤﺎﺏ ﺍﻹﺣﺘﻴﺎﺟﺎﺕ ﺍﻟﺨﺎﺻﺔ ... ﻭﺍﺧﺔ ﺃﻫﻠﻬﻢ ﻛﻴﺒﻐﻴﻮﻫﻢ ﻟﺪﺭﺟﺔ ﻛﺒﻴﺮﺓ ﻛﻴﺒﻘﻮ ﻋﺐﺀ ﻋﻠﻴﻬﻢ ﻃﻮﻝ ﺣﻴﺎﺗﻬﻢ ... ﻭ ﺻﻌﻴﺐ ﺗﻠﻘﺎﻱ ﺷﺮﻳﻚ ﺣﻴﺎﺗﻚ ﻭ ﻧﺘﻲ ﻫﺎﻛﺔ
ﺯﻳﻨﺐ : ﻣﺎﺷﻲ ﺗﻼﻗﻴﻨﺎ ﺷﻲ ﺟﻮﺝ ﻣﺮﺍﺕ ... ﻫﺬﺍ ﻣﺎﻳﻌﻨﻴﺶ ﻋﻨﺪﻙ ﺍﻟﺤﻖ ﺩﺧﻠﻲ ﻓﺎﻟﺸﺒﻮﻕ ﺍﻟﻲ ﻣﺎﻟﻴﻚ
ﺳﻤﺎﺭﺍ : " ﺿﺤﻜﺎﺕ " ﺑﺤﺎﻝ ﻫﺎﺩ ﺍﻟﻤﺼﻄﻠﺤﺎﺕ ﻣﻜﻨﻔﻬﻤﺶ ﻟﻴﻬﻢ
ﺯﻳﻨﺐ : " ﻭﻗﻔﺎﺕ " ﺃﻭﻛﻲ ﺃﻧﺎ ﻧﺠﻲ ﻧﻔﻬﻢ ﺧﺘﻲ
ﺑﻐﺎﺕ ﺗﻤﺸﻲ ﻟﻴﻬﺎ ﺯﻳﻨﺐ ﻭ ﻫﻲ ﺗﺸﺪ ﻓﻴﻬﺎ ﺟﻮﻻﻥ ...
ﺟﻮﻻﻥ : ﻣﻤﻜﻦ ﺗﺨﺮﺟﻲ ... ﻭﺣﺪﺓ ﻓﻤﻘﺎﻣﻚ ﻣﺨﺼﻬﺎﺵ ﺗﻌﺎﻃﻰ ﻣﻊ ﺑﺤﺎﻟﻨﺎ
ﺳﻤﺎﺭﺍ : ﺃﻛﻴﺪ ﻏﻨﺨﺮﺝ ... ﺗﺼﺒﺤﻮ ﻋﻠﻰ ﺧﻴﺮ
ﺧﺮﺟﺎﺕ ﺳﻤﺎﺭﺍ ﻭ ﺭﺩﺧﺎﺕ ﻟﺒﺎﺏ ... ﻳﺎﻻﻩ ﺑﻐﺎﺕ ﺿﻮﺭ ﻣﻊ ﺍﻟﻜﻮﻟﻮﺍﺭ ﻭ ﻫﻲ ﺗﺴﺎﻃﺢ ﻣﻊ ﺭﺋﺒﺎﻝ ...
ﺷﺎﻓﺘﻮ ﻭ ﻫﻲ ﺗﻘﻔﺰ ... ﺭﺟﻌﺎﺕ ﺭﺳﻤﺎﺕ ﻋﻠﻰ ﻭﺟﻬﺎ ﺍﺑﺘﺴﺎﻣﺔ ﻣﺘﻮﺛﺮﺓ ...
ﺳﻤﺎﺭﺍ : ﺍﻟﺪﺍﺭ ﺯﻭﻳﻨﺔ ... ﺟﻴﺖ ﺷﺤﺎﻝ ﻣﻦ ﻣﺮﺓ ﻟﺒﺮﻟﻴﻦ ﻣﻜﻨﺘﺶ ﻋﺎﺭﻓﺔ ﻋﻨﺪﻙ ﺩﺍﺭ ﻫﻨﺎ
ﺭﺋﺒﺎﻝ : ﻓﻴﻦ ﻛﻨﺘﻲ ؟
ﺳﻤﺎﺭﺍ : ﺗﻠﻔﺖ ﻋﻠﻰ ﺑﻴﺘﻲ
ﺭﺋﺒﺎﻝ : " ﻛﻴﺸﻮﻑ ﻓﻴﻬﺎ "
ﺳﻤﺎﺭﺍ : ﺁﻩ ﺗﺼﺒﺢ ﻋﻠﻰ ﺧﻴﺮ
ﺍﻧﺴﺎﺣﺒﺎﺕ ﺑﺴﺮﻋﺔ ﻭ ﺗﻮﺟﻬﺎﺕ ﻟﻐﺮﻓﺘﻬﺎ ... ﺷﺎﻑ ﺭﺋﺒﺎﻝ ﻓﺠﻬﺔ ﻏﺮﻓﺔ ﻟﺒﻨﺎﺕ ﻭ ﺩﺧﻞ ﻟﺒﻴﺘﻮ ... ﺣﻴﺪ ﺍﻟﺠﺎﻛﻴﻂ ﻻﺣﻬﺎ ﻓﻮﻕ ﺍﻟﻔﻮﻃﻮﻱ ﻭ ﻣﺸﺎ ﻋﻤﺮ ﻟﻴﻪ ﻛﺎﺱ ... ﺧﺮﺝ ﻟﺒﺎﻟﻜﻮﻥ ﻛﻴﺸﺮﺏ ... ﺩﺍﺭ ﺟﻬﺔ ﻟﺒﺎﻟﻜﻮﻥ ﻻﺧﺮ ﻛﻴﺸﻮﻑ ﻭ ﻳﺮﺷﻒ ﻣﻦ ﻛﺎﺳﻮ ... ﺷﻮﻳﺔ ﺳﻤﻊ ﻟﺒﺎﺏ ﺩﻳﺎﻝ ﺍﻟﺰﺍﺝ ﺗﺤﻞ ... ﻭﻫﻲ ﺗﺒﺎﻥ ﻟﻴﻪ ﺟﻮﻻﻥ ﺧﺎﺭﺟﺔ ...
ﺟﻮﻻﻥ ﻏﻴﺮ ﺳﻤﻌﺎﺕ ﺯﻳﻨﺐ ﻛﺪﻭﺵ ﻭ ﻫﻲ ﺗﺤﻞ ﺍﻟﺰﺍﺟﺔ ﻭ ﺧﺮﺟﺎﺕ ... ﻭﻗﻔﺎﺕ ﻓﺎﻟﺒﺎﻟﻜﻮﻥ ﻭ ﺍﻟﺪﻣﻮﻉ ﺍﻟﻲ ﻛﺎﻧﺖ ﺣﺎﺑﺴﺔ ﺑﺼﻌﻮﺑﺔ ﻫﺒﻄﻮ ﻛﻴﺠﺮﻳﻮ ... ﻋﻨﻘﺎﺕ ﺭﺍﺳﻬﺎ ﻭ ﻣﺮﺓ ﻣﺮﺓ ﺗﻬﺰ ﻳﺪﻫﺎ ﺗﻤﺴﺢ ﺩﻣﻌﺘﻬﺎ ... ﻛﻞ ﻛﻠﻤﺔ ﻗﺎﻟﺘﻬﺎ ﺳﻤﺎﺭﺍ ﺿﺮﺑﺎﺕ ﻟﻴﻬﺎ ﻋﻠﻰ ﺍﻟﻮﺛﺮ ﺍﻟﺤﺴﺎﺱ ... ﺃﺻﻌﺐ ﻣﻦ ﺃﻧﻬﺎ ﺗﻌﻴﺶ ﻫﺎﺩﺷﻲ ﻫﻮ ﺗﺸﻮﻑ ﻭﺍﻟﺪﻳﻬﺎ ﻛﻴﻌﺎﻧﻴﻮ ﻣﻌﻬﺎ ... ﻣﺒﻐﺎﺗﺶ ﺗﻜﻮﻥ ﻋﺐﺀ ﻋﻠﻰ ﺣﺪ ...
ﺣﺴﺎﺕ ﺑﺎﻟﺒﺮﺩ ﻭ ﺑﺪﺍﺕ ﺩﻭﺯ ﻳﺪﻫﺎ ﻋﻠﻰ ﺩﺭﺍﻋﻬﺎ ... ﺭﺋﺒﺎﻝ ﻣﻨﻴﻦ ﺧﺮﺟﺎﺕ ﻣﺎﺑﻌﺪﺵ ﻋﻨﻴﻪ ﻋﻠﻴﻬﺎ ... ﻋﻘﺪ ﺣﺠﺒﺎﻧﻮ ﻓﺎﺵ ﺍﻧﺘﺎﺑﻪ ﻟﻴﻬﺎ ﻛﺘﺒﻜﻲ ﻟﻜﻦ ﻣﻨﻄﻖ ﺑﺤﺘﻰ ﻛﻠﻤﺔ ... ﺳﻤﻊ ﺯﻳﻨﺐ ﻛﺘﻌﻴﻂ ﻋﻠﻴﻬﺎ ... ﻭ ﻫﻲ ﺗﺨﺮﺝ ﻋﻨﺪﻫﺎ ...
ﺯﻳﻨﺐ : ﺷﻨﻮ ﻛﺪﻳﺮﻱ ﻫﻨﺎ ﺭﺍﻩ ﺍﻟﺒﺮﺩ ... ﺑﺎﻏﺔ ﺗﻤﺮﺿﻲ
ﺟﻮﻻﻥ : ﻧﺘﻲ ﺍﻟﻲ ﻏﻴﻀﺮﺑﻚ ﺍﻟﺒﺮﺩ ... ﻋﺎﺩ ﺧﺎﺭﺟﺔ ﻣﻦ ﺍﻟﺪﻭﺵ
ﺯﻳﻨﺐ : ﻭ ﻫﻲ ﻻ ﺩﺧﻠﺘﻲ
ﺟﺮﺍﺗﻬﺎ ﻭ ﺳﺪﺍﺕ ﺍﻟﺰﺍﺟﺔ ... ﺑﻘﺎ ﺭﺋﺒﺎﻝ ﻭﺍﻗﻒ ﻣﺪﺓ ﻋﺎﺩ ﺩﺧﻞ ...
🍁🍁 ﻓﻲ ﺍﻟﻴﻮﻡ ﺍﻟﻤﻮﺍﻟﻲ ... ﺍﻷﺟﻮﺍﺀ ﻛﺎﻧﺖ ﻫﺎﺩﺋﺔ ... ﺍﻟﺪﺭﺍﺭﻱ ﺧﺮﺟﻮ ﺑﺜﻼﺛﺔ ﻭ ﺳﻤﺎﺭﺍ ﻣﺸﺎﺕ ﺩﻳﺮ ﺷﻮﺑﻴﻨﻎ ... ﺟﻮﻻﻥ ﻭ ﺯﻳﻨﺐ ﻫﺒﻄﻮ ﻟﻺﺳﻄﺒﻞ ﻋﻨﺪ ﺍﻷﺣﺼﻨﺔ ... ﻭﺍﻗﻔﺔ ﺟﻮﻻﻥ ﻋﻨﺪ ﺍﻟﺤﺼﺎﻥ ﺍﻷﺑﻴﺾ ... ﻣﺎﺩﺓ ﻟﻴﻪ ﻳﺪﻫﺎ ﻛﻴﺎﻛﻞ ﻣﻨﻬﺎ ... ﻛﻠﻤﺎ ﺣﺴﺎﺕ ﺑﺪﻏﺪﻏﺔ ﻛﺘﺒﺘﺎﺳﻢ ... ﺯﻳﻨﺐ ﻛﺘﺸﻮﻑ ﻓﻴﻬﺎ ﻭ ﺿﺤﻚ ... ﺩﺧﻞ ﺇﻟﻴﺎﺱ ﻣﻊ ﻟﺒﺎﺏ ﺑﺎﻧﻮ ﻟﻴﻪ ﻭ ﺟﺎ ﻟﻌﻨﺪﻫﻢ ...
ﺇﻟﻴﺎﺱ : " ﻛﻴﺸﻮﻑ ﻓﺰﻳﻨﺐ " ﻛﻨﺖ ﻋﺎﺭﻑ ﻏﺎﺩﻱ ﻧﻠﻘﺎﻛﻢ ﻫﻨﺎ
ﺯﻳﻨﺐ : " ﺧﻨﺰﺭﺍﺕ ﻓﻴﻪ "
ﺇﻟﻴﺎﺱ : ﻣﺎﻟﻨﺎ ﻋﻠﻰ ﺩﻭﻙ ﺍﻟﺸﻮﻓﺎﺕ
ﺯﻳﻨﺐ : " ﺑﺒﻼﻫﺔ " ﺇﻧﺎ ﺷﻮﻓﺎﺕ ... ﻫﺎﻛﺔ ﻣﻮﺍﻟﻔﺔ ﻧﺸﻮﻑ
ﺇﻟﻴﺎﺱ : ﺍﻣﻤﻢ " ﺩﺍﺭ ﻋﻨﺪ ﺟﻮﻻﻥ " ﻋﺠﺒﻚ ' Thunder ' ؟
ﺯﻳﻨﺐ : ﺷﻜﻮﻥ ﺛﺎﻧﺪﺭ ... ﻭﺍﺵ ﺳﻤﻴﺖ ﺍﻟﺤﺼﺎﻥ !
ﺇﻟﻴﺎﺱ : ﻭﻱ ﺳﻤﻴﺘﻮ ... ﺷﻔﺖ ﺟﻮﻻﻥ ﻋﺠﺒﺎﺗﻮ
ﺟﻮﻻﻥ : " ﻛﺘﻤﺮﺭ ﻳﺪﻫﺎ ﻋﻠﻴﻪ > " Thunder ﺍﻟﺮﻋﺪ < ﺷﻜﻮﻥ ﺳﻤﺎﻩ ؟
ﺇﻟﻴﺎﺱ : ﻣﻮﻻﻩ ... ﻫﺬﺍ ﺣﺼﺎﻥ ﺭﺋﺒﺎﻝ ﺣﺘﻰ ﺣﺪ ﻣﻜﻴﺮﻛﺐ ﻋﻠﻴﻪ ﻣﻦ ﻏﻴﺮﻭ
ﺯﻳﻨﺐ : ﻭﺍﺍﻩ ... ﻭ ﺟﻮﻻﻥ ﻟﺒﺎﺭﺡ ﺧﺮﺟﻬﺎ ﻣﺎﺭﻙ ﺑﻴﻪ
ﺇﻟﻴﺎﺱ : " ﺍﺑﺘﺎﺳﻢ " ﺍﻣﻤﻢ ... ﻣﻨﻴﻦ ﻣﺎﺭﻙ ﺑﺎﻗﻲ ﺧﺪﺍﻡ ﻫﻨﺎ ... ﺇﺫﻥ ﻛﻠﺸﻲ ﻣﺰﻳﺎﻥ ... ﻭ ﺯﺍﻳﺪﻭﻥ ﺟﻮﻻﻥ ﻣﺎﺷﻲ ﺭﺧﻴﺼﺔ ﻋﻠﻴﻨﺎ " ﻗﺎﻟﻬﺎ ﻭﻏﻤﺰ ﻟﺰﻳﻨﺐ "
ﺯﻳﻨﺐ : " ﺑﺼﻮﺕ ﻣﻨﺨﻔﺾ " ﺍﻟﻌﻤﻰ ﺍﻥ ﺷﺎﺀ ﺍﻟﻠﻪ
ﺇﻟﻴﺎﺱ : ﻗﻠﺘﻲ ﺷﻲ ﺣﺎﺟﺔ
ﺯﻳﻨﺐ : " ﺑﺎﺑﺘﺴﺎﻣﺔ ﺻﻔﺮﺍ " ﻻ ﻏﺎﻛﻴﺒﺎﻥ ﻟﻴﻚ
ﺇﻟﻴﺎﺱ : ﻫﻬﻪ ﻭﺍﺧﺔ ﺍﻻﻟﺔ
ﺿﺎﺭ ﺧﺎﺭﺝ ﻭ ﺯﻳﻨﺐ ﻛﺘﻤﻴﻖ ﻓﻴﻪ ... ﺃﻣﺎ ﺟﻮﻻﻥ ﻓﻤﻜﺎﻧﺘﺶ ﻣﺮﻛﺰﺓ ﻣﻌﺎﻫﻢ ... ﺑﺎﻗﺔ ﻛﺘﻤﺮﺭ ﻳﺪﻫﺎ ﻋﻠﻰ ﺛﺎﻧﺪﺭ ﻭ ﺳﺎﻫﻴﺔ ... ﻛﻴﻒ ﺑﺪﺍﺕ ﺗﻐﺮﺏ ﺍﻟﺸﻤﺲ ﺧﺮﺟﻮ ﻣﻦ ﺗﻤﺎﻙ ﻭ ﻫﻤﺎ ﺭﺍﺟﻌﻴﻦ ﻟﻠﺪﺍﺭ ... ﺗﻔﻜﺮﺍﺕ ﺯﻳﻨﺐ ﺑﻠﻲ ﻧﺴﺎﺕ ﺍﻟﻔﻮﻥ ﺩﻳﺎﻟﻬﺎ ﻓﺎﻻﺳﻄﺒﻞ ...
ﺯﻳﻨﺐ : ﺟﻮﻻﻥ ﺗﺴﻨﺎﻳﻨﻲ ﻫﻨﺎ ... ﻧﻤﺸﻲ ﻧﺠﻴﺐ ﺍﻟﺘﻴﻠﻴﻔﻮﻥ ﻭ ﻧﺠﻲ
ﻣﺸﺎﺕ ﻛﺘﺠﺮﻱ ﻭ ﺟﻮﻻﻥ ﺑﻘﺎﺕ ﻭﺍﻗﻔﺔ ... ﺳﻤﻌﺎﺕ ﺧﻄﻮﺍﺕ ﻛﻴﻘﺮﺑﻮ ﻟﻴﻬﺎ ﻭ ﻣﻦ ﺻﻮﺕ ﺍﻟﻜﻌﺐ ﻋﺮﻓﺎﺕ ﺷﻜﻮﻥ ...
ﺳﻤﺎﺭﺍ : " ﻭﺍﻗﻔﺔ ﻗﺒﺎﻟﺘﻬﺎ " ﻓﻴﻨﻤﺎ ﻛﻨﺸﻮﻓﻚ ﻛﻨﺤﺲ ﺑﺸﻌﻮﺭ ﻓﺸﻲ ﺷﻜﻞ ... ﺷﻌﻮﺭ ﻣﻜﻴﻌﺠﺒﻨﻴﺶ
ﺟﻮﻻﻥ : ﻛﻨﺖ ﻏﻨﻘﻮﻝ ﻧﻔﺲ ﺍﻟﺸﻲﺀ ... ﻟﻜﻦ ﻛﻴﻒ ﻛﺘﺸﻮﻓﻲ
ﺳﻤﺎﺭﺍ : ﺷﻨﻮ ﻏﺮﺿﻚ ﻣﻦ ﻫﺎﺩﺷﻲ
ﺟﻮﻻﻥ : ﻣﺎﻓﻬﻤﺘﺶ !
ﺳﻤﺎﺭﺍ : ﻧﺘﻲ ﻣﺒﻐﺎﺵ ﺍﻟﻌﻤﻠﻴﺔ ﻭ ﭼﺎﻟﺴﺔ ﻫﻨﺎ ... ﻣﻤﻜﻦ ﺗﺮﺟﻌﻲ ﻓﺤﺎﻟﻚ ﻣﺎﺷﻲ ﺣﺎﺑﺴﻴﻨﻚ
ﺟﻮﻻﻥ : " ﺯﻳﺮﺍﺕ ﻋﻠﻰ ﻳﺪﻫﺎ ﻭ ﺗﺤﺮﻛﺎﺕ "
ﺑﻘﺎﺕ ﺳﻤﺎﺭﺍ ﻛﺘﺸﻮﻑ ﻓﻴﻬﺎ ﻭ ﻫﻲ ﻏﺎﺩﺓ ... ﺑﺎﻧﺖ ﻟﻴﻬﺎ ﻣﺘﺎﺟﻬﺔ ﻟﻠﺠﻬﺔ ﻓﻴﻦ ﻛﺎﻳﻦ ﻻﺑﺴﻴﻦ ... ﺗﺒﻌﺎﺗﻬﺎ ﻳﺎﻻﻩ ﺑﻐﺎﺕ ﺗﻨﻄﻖ ﻭ ﻫﻲ ﺗﺮﺍﺟﻊ ...
ﺟﻮﻻﻥ ﺗﺤﻜﻤﺎﺕ ﻓﺄﻋﺼﺎﺑﻬﺎ ﻣﺎﺑﻐﺎﺗﺶ ﺗﻌﺎﻃﻰ ﻣﻌﻬﺎ ... ﻭ ﻓﻨﻔﺲ ﺍﻟﻮﻗﺖ ﻣﺎﺑﻐﺎﺗﺶ ﺗﺒﻘﺎ ﻭﺍﻗﻔﺔ ﺗﺴﻤﻊ ﻟﻜﻼﻣﻬﺎ ﺍﻟﻲ ﻛﻴﻒ ﺍﻟﺴﻢ ... ﻋﻨﺪ ﺑﺎﻟﻬﺎ ﻏﺎﺩﺓ ﻣﺘﺎﺟﻬﺔ ﻟﻠﺪﺍﺭ ... ﺑﺪﺍﺕ ﻛﺘﺤﺲ ﺑﺎﻻﺭﺿﻴﺔ ﻓﺎﺯﮔﺔ ﻭ ﻛﺘﺰﻟﻖ ... ﻭﻗﻔﺎﺕ ﻭ ﺑﻐﺎﺕ ﺿﻮﺭ ﻭ ﻫﻲ ﺗﻤﺸﻲ ﻟﻴﻬﺎ ﺭﺟﻠﻬﺎ ... ﻓﻘﺪﺍﺕ ﺗﻮﺍﺯﻧﻬﺎ ﻭ ﺟﺎﺕ ﻃﺎﻳﺤﺔ ﻓﻼﺑﺴﻴﻦ ...
ﺳﻤﺎﺭﺍ ﻭﺍﻗﻔﺔ ﺑﻌﻴﺪ ﺷﻮﻳﺔ ... ﺷﺎﻓﺘﻬﺎ ﺣﺘﻰ ﻃﺎﺣﺖ ... ﺟﺰﺀ ﻣﻨﻬﺎ ﻛﺎﻥ ﺑﺎﻏﻲ ﻳﻤﺸﻲ ﻳﺴﺎﻋﺪﻫﺎ ... ﻟﻜﻦ ﺗﺮﺍﺟﻌﺎﺕ ﻗﺎﻟﺖ ﻏﻄﻠﻊ ﺭﺍﺳﻬﺎ ... ﺿﺎﺭﺕ ﻭ ﺩﺧﻼﺕ ﻣﻦ ﻟﺒﺎﺏ ﻻﺧﺮ ...
ﻛﻴﻒ ﻃﺎﺣﺖ ﺟﻮﻻﻥ ﻓﺎﻟﻤﺎ ﺷﻬﻘﺎﺕ ﻣﻦ ﺍﻟﺒﺮﻭﺩﺓ ﺩﻳﺎﻟﻮ ... ﺣﺴﺎﺕ ﺑﺠﺴﻤﻬﺎ ﻛﻮﻟﻮ ﺗﺠﻤﺪ ... ﺿﺮﺑﺎﺕ ﺑﻴﺪﻳﻬﺎ ﻭ ﺭﺟﻠﻴﻬﺎ ﺑﺎﺵ ﻃﻠﻊ ... ﺷﻮﻳﺔ ﻭ ﻫﻲ ﺗﺤﺲ ﺑﺎﻟﻜﻼﻛﺎﺝ ﺷﺪﻫﺎ ﺣﺘﻰ ﺗﻜﻮﺍﻧﺴﺎﺕ ... ﺑﺪﺍﺕ ﻛﻀﺮﺏ ﺑﻴﺪﻳﻬﺎ ﻛﻄﻠﻊ ﺣﺘﻰ ﻳﺨﺮﺝ ﺭﺍﺳﻬﺎ ﻣﻦ ﻟﻤﺎ ﻭ ﺗﺮﺟﻊ ﺗﻬﺒﻂ ﻟﺘﺤﺖ ... ﺑﺮﻭﺩﺓ ﺍﻟﻤﺎ ﻣﻜﺎﻧﺘﺶ ﻣﺴﺎﻋﺪﺍﻫﺎ ...
ﻋﻴﺎﺕ ﺗﻀﺮﺏ ﻭ ﻭﺍﻟﻮ ... ﺑﺪﺍﺕ ﻛﺘﺒﻠﻊ ﺍﻟﻤﺎ ﻭ ﻛﺘﺤﺎﻭﻝ ﺗﺴﺘﻨﺠﺪ ﺑﺸﻲ ﺣﺪ ... ﺍﻟﻤﻜﺎﻥ ﻛﺎﻥ ﺑﻌﻴﺪ ﻭ ﺻﻮﺗﻬﺎ ﻣﻮﺍﺻﻠﺶ ﻟﻠﺪﺍﺭ ... ﺳﺪﺍﺕ ﻋﻨﻴﻬﺎ ﻭ ﻃﻠﻘﺎﺕ ﻳﺪﻳﻬﺎ ﻣﺴﺘﺴﻠﻤﺔ ﻟﻘﺪﺭﻫﺎ ... ﺳﺪﺍﺕ ﻋﻨﻴﻬﺎ ﻭ ﻃﻠﻌﻮ ﺍﻟﻔﻘﺎﻋﺎﺕ ﻣﻦ ﻧﻴﻔﻬﺎ ﺣﺘﻰ ﺑﺎﻧﻮ ﻋﻠﻰ ﺳﻄﺢ ﺍﻟﻤﺎﺀ ...
ﺭﺟﻌﺎﺕ ﺯﻳﻨﺐ ﻭ ﻣﻠﻘﺎﺗﺶ ﺟﻮﻻﻥ ﻓﻴﻦ ﺧﻼﺗﻬﺎ ... ﺑﺪﺍﺕ ﻛﺘﻘﻠﺐ ﻣﻨﻴﻦ ﻣﺒﺎﻧﺘﺶ ﻟﻴﻬﺎ ﺩﺧﻼﺕ ﻟﻠﺪﺍﺭ ... ﻭ ﻫﻲ ﻃﺎﻟﻌﺔ ﻣﻊ ﺍﻟﺪﺭﻭﺝ ﺑﺎﻥ ﻟﻴﻬﺎ ﺳﻨﻤﺎﺭ ﺧﺎﺭﺝ ...
ﺟﻮﻻﻥ : ﻣﻮﺳﻴﻮ ﺳﻨﻤﺎﺭ ﻣﺒﺎﻧﺘﺶ ﻟﻴﻚ ﺟﻮﻻﻥ
ﺳﻨﻤﺎﺭ : ﻻ ... ﻋﻼﺵ ﻓﻴﻦ ﻣﺸﺎﺕ ؟
ﺟﻮﻻﻥ : ﺧﻠﻴﺘﻬﺎ ﻋﻠﻰ ﺑﺮﺍ ﻭ ﻣﻨﻴﻦ ﺭﺟﻌﺖ ﻣﺎﻟﻘﻴﺘﻬﺎﺵ ... ﻭﺍﻗﻠﺔ ﻃﻠﻌﺎﺕ ﻟﺒﻴﺖ
ﻃﻠﻌﺎﺕ ﻛﺘﺠﺮﻱ ﻣﻊ ﺍﻟﺪﺭﻭﺝ ﻭ ﺳﻨﻤﺎﺭ ﺗﻢ ﺧﺎﺭﺝ ... ﺟﺒﺪ ﺳﻴﺠﺎﺭﺓ ﺷﻌﻠﻬﺎ ﻭ ﻣﺘﺎﺟﻪ ﻟﺠﻬﺔ ﻻﺑﺴﻴﻦ ... ﺭﻣﺎ ﻋﻨﻴﻪ ﻭ ﻫﻮ ﻳﺒﺎﻥ ﻟﻴﻪ ﺷﺨﺺ ﻃﺎﻟﻊ ﻓﻮﻕ ﺍﻟﻤﺎ ... ﻏﻴﺮ ﻗﺸﻊ ﺷﻌﺮﻫﺎ ﻻﺡ ﺍﻟﺴﻴﺠﺎﺭﺓ ﻭ ﻣﺸﺎ ﻛﻴﺠﺮﻱ ... ﺗﻼﺡ ﻓﺎﻟﻤﺎ ﻭ ﺿﺮﺏ ﺑﺴﺮﻋﺔ ﺣﺘﻰ ﻭﺻﻞ ﻟﻌﻨﺪﻫﺎ ... ﻗﻠﺒﻬﺎ ﻭ ﻫﻮ ﻳﺘﺸﻮﻛﺎ ﻓﺎﺵ ﺷﺎﻑ ﻭﺟﻬﺎ ﺍﻟﺸﺎﺣﺐ ... ﺩﻭﺯ ﻳﺪﻭ ﺗﺤﺖ ﺩﺭﺍﻋﻬﺎ ﺷﺎﺩﻫﺎ ﻣﺰﻳﺎﻥ ﻭ ﺑﺪﺍ ﻛﻴﻀﺮﺏ ﺑﺮﺟﻠﻴﻪ ...
ﻫﺰﻫﺎ ﺣﻄﻬﺎ ﺟﻨﺐ ﻻﺑﺴﻴﻦ ﻭ ﻃﻠﻊ ... ﺣﻂ ﻳﺪﻭ ﻋﻠﻰ ﻧﻴﻔﻬﺎ ﻣﻜﺎﻧﺘﺶ ﻛﺘﻨﻔﺲ ... ﺣﻞ ﺍﻟﺠﺎﻛﻴﻂ ﺍﻟﻲ ﻻﺑﺴﺔ ﻭ ﺑﺪﺍ ﻛﻴﻈﻐﻂ ﻋﻠﻰ ﺻﺪﺭﻫﺎ ... ﻣﻨﻴﻦ ﻣﺘﺤﺮﻛﺎﺗﺶ ﻗﺮﺭ ﻳﺪﻳﺮ ﻟﻴﻬﺎ CPR ' ' ﺍﻟﺘﻨﻔﺲ ﺍﻻﺻﻄﻨﺎﻋﻲ ... ﻗﺎﺩ ﻟﻴﻬﺎ ﺭﺍﺳﻬﺎ ﺣﻂ ﻳﺪ ﺗﺤﺖ ﺫﻗﻨﻬﺎ ﻭ ﻓﺘﺢ ﻟﻴﻬﺎ ﻓﻤﻬﺎ ﺷﻮﻳﺔ ... ﺑﺪﺍ ﻛﻴﻨﻔﺦ ﻟﻴﻬﺎ ﻓﻤﻬﺎ ﻭ ﻳﺮﺟﻊ ﻳﻈﻐﻂ ﻋﻠﻰ ﺻﺪﺭﻫﺎ ... ﻭ ﺑﺪﺍ ﻛﻴﻌﺎﻭﺩﻫﺎ ﻋﺪﺓ ﻣﺮﺍﺕ ...
ﺯﻳﻨﺐ ﻏﻴﺮ ﻣﺎﻟﻘﺎﺗﺶ ﺟﻮﻻﻥ ﻓﺎﻟﺒﻴﺖ ﻭ ﻫﻲ ﺗﻬﺒﻂ ﻛﺘﻘﻠﺐ ﻋﻠﻴﻬﺎ ... ﺟﺎﻫﺎ ﺇﺣﺴﺎﺱ ﺧﺎﻳﺐ ... ﺷﺎﻓﺖ ﺟﻬﺔ ﻟﺒﺎﺏ ﻭ ﺧﺮﺟﺎﺕ ﻛﺘﺠﺮﻱ ... ﺭﺋﺒﺎﻝ ﻛﺎﻥ ﺧﺎﺭﺝ ﻣﻦ ﺍﻟﻤﻜﺘﺐ ﺑﺎﻧﺖ ﻟﻴﻪ ﺯﻳﻨﺐ ﺑﺤﺎﻝ ﺍﻟﻰ ﺗﺎﻟﻔﺔ ... ﻛﻴﻒ ﻭﺻﻼﺕ ﺯﻳﻨﺐ ﺟﻬﺔ ﻻﺑﺴﻴﻦ ... ﺷﺎﻓﺖ ﺟﻮﻻﻥ ﻓﺎﺯﮔﺔ ﻭ ﻣﺴﺮﺣﺔ ﻓﻠﺮﺽ ﻭ ﺳﻨﻤﺎﺭ ﻛﻴﺪﻳﺮ ﻟﻴﻬﺎ ﺍﻟﺘﻨﻔﺲ ﺍﻻﺻﻄﻨﺎﻋﻲ ...
ﺧﺮﺟﺎﺕ ﻋﻨﻴﻬﺎ ﻭ ﺣﻄﺎﺕ ﻳﺪﻫﺎ ﻋﻠﻰ ﻓﻤﻬﺎ ... ﻭ ﻛﺘﺤﺮﻙ ﺭﺍﺳﻬﺎ ﻳﻤﻴﻦ ﺷﻤﺎﻝ ... ﺗﺰﻋﺰﻋﺎﺕ ﻓﺎﺵ ﺿﺮﺏ ﻓﻴﻬﺎ ﺭﺋﺒﺎﻝ ﻭ ﻗﺮﺏ ﻟﻌﻨﺪﻫﻢ ... ﺑﻘﺎ ﻭﺍﻗﻒ ﻛﻴﺸﻮﻑ ﺑﻤﻼﻣﺢ ﻣﻤﺤﻴﺔ ... ﺑﺎﻥ ﻟﻴﻪ ﺳﻨﻤﺎﺭ ﺑﻌﺪ ﻭ ﻫﺰ ﺭﺍﺳﻮ ﺷﺎﻑ ﻓﻴﻪ ... ﺷﺎﻑ ﻓﻴﻪ ﺑﻄﺮﻳﻘﺔ ﺑﺤﺎﻝ ﺍﻟﻰ ﻛﻴﻘﻮﻝ ﻟﻴﻪ ﻓﺎﺕ ﺍﻟﻔﻮﺕ ... ﺯﻳﻨﺐ ﻃﺎﺣﺖ ﻋﻠﻰ ﺭﻛﺎﺑﻴﻬﺎ ...
ﻭ ﺑﺪﺍﺕ ﺗﺒﻜﻲ ﺑﺼﻮﺕ ﻣﺴﻤﻮﻉ ... ﺷﻮﻳﺔ ﻭ ﻫﻮ ﻳﺘﺴﻤﻊ ﺻﻮﺕ ﺟﻮﻻﻥ ﻛﺘﻜﺤﺐ ... ﺷﺎﻓﻮ ﻓﻴﻬﺎ ﻛﺎﻣﻠﻴﻦ ﻛﺘﺮﺽ ﺍﻟﻤﺎ ﺍﻟﻲ ﺷﺮﺑﺎﺕ ... ﺳﻨﻤﺎﺭ ﺿﺮﺏ ﻋﻠﻰ ﺧﺪﻫﺎ ﺑﺸﻮﻳﺔ ...
ﺳﻨﻤﺎﺭ : ﺟﻮﻻﺍﺍﻥ ﻛﺘﺴﻤﻌﻴﻨﻲ !
ﺟﻮﻻﻥ ﻛﻴﻒ ﺍﺳﺘﺮﺟﻌﺎﺕ ﺍﻟﻠﺤﻈﺎﺕ ﺍﻟﻲ ﻛﺎﻧﺖ ﻛﻀﺮﺏ ﻓﻴﻬﻢ ﻓﺎﻟﻤﺎ ﺑﺪﻭﻥ ﺟﺪﻭﻯ ﻗﺒﻞ ﻣﺎﺗﻔﻘﺪ ﺍﻟﻮﻋﻲ ﺑﺪﺍﺕ ﻛﺘﺒﻜﻲ ... ﺑﻐﺎ ﻳﻬﺰﻫﺎ ﺳﻨﻤﺎﺭ ﻭ ﻫﻮ ﻳﻘﺮﺏ ﺭﺋﺒﺎﻝ ﺩﻓﻌﻮ ﻭ ﺗﺤﺪﺭ ﻫﺰﻫﺎ ... ﻛﺎﻧﺖ ﻛﻠﻬﺎ ﻛﺘﺮﺟﻒ ﻭ ﺩﻣﻮﻋﻬﺎ ﻏﺎﺩﻳﻴﻦ ... ﺩﺍﺯ ﻣﻦ ﺣﺪﺍ ﺯﻳﻨﺐ ﺍﻟﻲ ﺑﻘﺎﺕ ﻣﺘﺒﻌﺔ ﻟﻴﻬﻢ ﺍﻟﻌﻴﻦ ... ﺟﺎ ﺳﻨﻤﺎﺭ ﻋﺎﻭﻧﻬﺎ ﺣﺘﻰ ﻭﻗﻔﺎﺕ ﻭ ﺩﺧﻠﻮ ﺗﺎﺑﻌﻴﻨﻬﻢ ...
ﺩﺧﻞ ﺭﺋﺒﺎﻝ ﻫﺎﺯﻫﺎ ﺑﻴﻦ ﻳﺪﻳﻪ ﻭ ﻃﻠﻌﻬﺎ ﻟﻔﻮﻕ ... ﻣﺸﺎ ﻟﺒﻴﺘﻮ ﺩﻳﺮﻳﻜﺖ ﺣﻄﻬﺎ ﻓﻮﻕ ﺍﻟﺴﺮﻳﺮ ﻭ ﺩﺧﻞ ﻃﻠﻖ ﺍﻟﻤﺎ ﺳﺨﻮﻥ ﻓﺎﻟﺒﺎﻧﻴﻮ ... ﺧﺮﺝ ﻭ ﻣﺸﺎ ﺳﺪ ﻟﺒﺎﺏ ... ﻫﺰﻫﺎ ﻭ ﺩﺧﻞ ﻟﻠﺤﻤﺎﻡ ... ﺣﻄﻬﺎ ﻓﻮﺳﻂ ﺍﻟﺒﺎﻧﻴﻮ ﻭ ﻗﺮﺩ ﺟﻨﺒﻬﺎ ... ﺑﺎﻧﺖ ﻟﻴﻪ ﻣﻜﻤﺸﺔ ﻛﺘﺮﻋﺪ ﻭ ﺷﻔﺎﻳﻔﻬﺎ ﺯﺭﻗﻴﻦ ...
ﺭﺋﺒﺎﻝ : ﺟﻮﻻﻥ
ﺟﻮﻻﻥ : " ﺍﻟﺼﻤﺖ "
ﺭﺋﺒﺎﻝ : " ﺣﻂ ﻳﺪﻭ ﻋﻠﻰ ﻛﺘﻔﻬﺎ ﻭ ﻫﻲ ﺗﻘﻔﺰ " ﻣﺘﺨﺎﻓﻴﺶ ﻧﺘﻲ ﻓﺄﻣﺎﻥ
ﺟﻮﻻﻥ : ﺯﻳﻨﺐ ... ﻓﻴﻦ ﻫﻲ ﺯﻳﻨﺐ ؟
ﺭﺋﺒﺎﻝ : ﺧﺎﺹ ﺣﺮﺍﺭﺓ ﺟﺴﻤﻚ ﺗﺮﺟﻊ ﻟﻄﺒﻴﻌﺘﻬﺎ ... ﺧﻠﻴﻚ ﻫﻨﺎ ... ﺃﻧﺎ ﻏﻨﻌﻴﻂ ﻋﻠﻴﻬﺎ ﺗﺠﻲ ﻟﻌﻨﺪﻙ
ﻭﻗﻒ ﻭ ﺗﻢ ﻏﺎﺩﻱ ﺟﻬﺔ ﻟﺒﺎﺏ ﻗﺒﻞ ﻣﺎﻳﺨﺮﺝ ﺭﺟﻊ ﺷﺎﻑ ﻓﻴﻬﺎ ﻋﺎﺩ ﻏﺎﺩﺭ ... ﻳﺎﻻﻩ ﺣﻞ ﺑﺎﺏ ﻟﺒﻴﺖ ﻭ ﻫﻲ ﺗﺒﺎﻥ ﻟﻴﻪ ﺯﻳﻨﺐ ﻭ ﺳﻨﻤﺎﺭ ﻓﺎﻟﻜﻮﻟﻮﺍﺭ ...
ﺯﻳﻨﺐ : ﻓﻴﻦ ﺟﻮﻻﻥ ؟
ﺭﺋﺒﺎﻝ : ﺩﺧﻠﻲ ﻋﻨﺪﻫﺎ ﺭﺍﻩ ﻓﺎﻟﺪﻭﺵ
ﻣﺸﺎﺕ ﻛﺘﺰﺭﺏ ﻭ ﺭﺋﺒﺎﻝ ﻗﺮﺏ ﻋﻨﺪ ﺳﻨﻤﺎﺭ ...
ﺭﺋﺒﺎﻝ : ﺷﻨﻮ ﻭﻗﻊ ؟
ﺳﻨﻤﺎﺭ : ﻛﻨﺖ ﻛﻨﻜﻤﻲ ﺣﺘﻰ ﺑﺎﻧﺖ ﻟﻴﺎ ﻓﻼﺑﺴﻴﻦ ... ﻣﺎﻋﺮﻓﺘﺶ ﻛﻴﻒ ﻭﺻﻼﺕ ﻟﺘﻤﺎﻙ ... ﺯﻳﻨﺐ ﻗﺎﻟﺖ ﻟﻴﺎ ﺭﺟﻌﺎﺕ ﻓﻴﻦ ﺧﻼﺗﻬﺎ ﻣﻠﻘﺘﻬﺎﺵ ... ﻛﻦ ﻣﺎﺧﺮﺟﺘﺶ ﻛﺎﻧﺖ ﻏﺘﻮﻗﻊ ﻛﺎﺭﺛﺔ
ﺭﺋﺒﺎﻝ : ﻓﻴﻦ ﻻﺧﺮﻳﻦ ؟
ﺳﻨﻤﺎﺭ : ﺇﻟﻴﺎﺱ ﺧﺮﺝ ﻭﺍﻗﻠﺔ ﻭ ﺳﻤﺎﺭﺍ ﻏﺘﻜﻮﻥ ﻓﺒﻴﺘﻬﺎ ... ﻗﺒﻴﻠﺔ ﺑﺎﻧﺖ ﻟﻴﺎ ﻃﺎﻟﻌﺔ ﻛﺘﺠﺮﻱ ... ﻋﻴﻄﺖ ﻋﻠﻴﻬﺎ ﻣﺴﻤﻌﺎﺗﻨﻴﺶ ... ﻧﻤﺸﻲ ﻧﺒﺪﻝ ﻋﻠﻴﺎ ﻫﺎﺩﺷﻲ
ﺣﻼﺕ ﺯﻳﻨﺐ ﻟﺒﺎﺏ ﻭ ﺩﺧﻼﺕ ﻋﻨﺪ ﺟﻮﻻﻥ ... ﻛﻴﻒ ﻭﺻﻼﺕ ﻋﻨﺪﻫﺎ ﺗﻼﺣﺖ ﻋﻠﻴﻬﺎ ﻣﻌﻨﻘﻬﺎ ﺑﻘﻮﺓ ﻭ ﺑﺪﺍﺕ ﺗﺒﻜﻲ ... ﺟﻮﻻﻥ ﺩﻣﻮﻋﻬﺎ ﻛﻴﻄﻴﺤﻮ ﻓﺼﻤﺖ ... ﺍﻟﻠﺤﻈﺔ ﻭ ﻫﻲ ﻛﺘﺼﺎﺭﻉ ﺑﺎﺵ ﺗﺎﺧﺪ ﻧﻔﺲ ﻣﺰﺍﻝ ﻛﺘﻜﺮﺭ ﻓﻌﻘﻠﻬﺎ ... ﺯﻳﻨﺐ ﻏﻴﺮ ﺳﻤﻌﺎﺗﻬﺎ ﻛﺘﻨﻔﺲ ﺑﺎﻟﺠﻬﺪ ﻭ ﻫﻲ ﺗﺒﻌﺪ ...
ﺯﻳﻨﺐ : ﺟﻮﻻﺍﺍﻥ ﺗﻨﻔﺴﻲ ﺑﺸﻮﻳﺔ ﻋﻠﻴﻚ
ﺟﻮﻻﻥ : ﺯﻳﻨﺐ ﻛﻨﺖ ﻏﻨﻤﻮﺕ ... ﻛﻨﺖ ﻏﻨﻤﻮﺕ ﺑﻼﻣﺎ ﻧﺸﻮﻑ ﻣﺎﻣﺎ " ﻛﺘﺒﻜﻲ ﺑﺤﺮﻗﺔ "
ﺯﻳﻨﺐ : " ﺭﺟﻌﺎﺕ ﻋﻨﻘﺎﺗﻬﺎ " ﺻﺎﻓﻲ ﺍﺣﺒﻴﺒﺔ ﺑﺎﺭﻛﺔ ﻣﻦ ﺍﻟﺒﻜﺎ ... ﺭﺑﻲ ﺣﻔﻀﻚ ... ﻭ ﻏﺘﺸﻮﻓﻲ ﻣﺎﻣﺎﻙ ﻭ ﺗﺮﺟﻌﻲ ﻋﻨﺪﻫﺎ ﺣﺴﻦ ﻣﻦ ﻗﺒﻞ
ﺑﻌﺪﻣﺎ ﻫﺪﺍﺕ ﺟﻮﻻﻥ ﺷﻮﻳﺔ ... ﺳﺎﻋﺪﺍﺗﻬﺎ ﺯﻳﻨﺐ ﺣﺘﻰ ﺣﻴﺪﺍﺕ ﺣﻮﺍﻳﺠﻬﺎ ﻭ ﺩﻭﺷﺎﺕ ... ﺟﺎﺑﺖ ﻟﻴﻬﺎ ﺑﻴﻨﻮﺍﺭ ﺩﺍﺭﺗﻮ ﻋﻠﻴﻬﺎ ﻭ ﺧﺮﺟﺎﺗﻬﺎ ﻣﻦ ﺍﻟﺪﻭﺵ ... ﺩﺍﺗﻬﺎ ﻟﻠﺴﺮﻳﺮ ﻗﺎﺩﺍﺕ ﻟﻴﻬﺎ ﻓﻴﻦ ﺗﺴﻄﺢ ﻭ ﻏﻄﺎﺗﻬﺎ ... ﻣﺸﺎﺕ ﻛﺘﺠﺮﻱ ﻟﺒﻴﺖ ﻓﻴﻦ ﻛﺎﻳﻨﻴﻦ ﺣﻮﺍﻳﺠﻬﻢ ...
ﺟﺎﺑﺖ ﻟﻴﻬﺎ ﺑﻴﺠﺎﻣﺔ ﺩﺍﻓﻴﺔ ... ﻭ ﻫﻲ ﺩﺍﺧﻠﺔ ﺗﻼﻗﺎﺕ ﺑﺎﻟﺨﺪﺍﻣﺔ ﺟﺎﻳﺒﺔ ﻣﻌﻬﺎ ﺳﻮﺏ ﺳﺨﻮﻧﺔ ... ﺧﺪﺍﺗﻬﺎ ﻣﻦ ﻋﻨﺪﻫﺎ ﺯﻳﻨﺐ ﻭ ﺩﺧﻼﺕ ... ﻋﻄﺎﺕ ﻟﺠﻮﻻﻥ ﺗﻠﺒﺲ ﻭ ﺑﺰﺯﺍﺕ ﻋﻠﻴﻬﺎ ﺗﺸﺮﺏ ﺍﻟﺴﻮﭖ ... ﺑﻘﺎﺕ ﺟﻨﺒﻬﺎ ﻛﺘﻤﺮﺭ ﻳﺪﻫﺎ ﻋﻠﻰ ﺷﻌﺮ ﺟﻮﻻﻥ ﺣﺘﻰ ﻏﻔﺎﺕ ...
ﻏﺎﺩﺓ ﺟﺎﻳﺔ ﻓﺒﻴﺘﻬﺎ ﻭ ﻛﺘﻌﺾ ﻓﻀﻔﺎﺭﻫﺎ ... ﻗﻔﺰﺍﺕ ﻛﻠﻬﺎ ﻓﺎﺵ ﺗﺤﻞ ﻟﺒﺎﺏ ﻋﻠﻰ ﺍﻟﺠﻬﺪ ... ﻏﻴﺮ ﺷﺎﻓﺘﻮ ﺩﺍﺧﻞ ﻓﺸﻠﻮ ﻋﻠﻴﻬﺎ ﺭﻛﺎﺑﻴﻬﺎ ... ﻗﺮﺏ ﻋﻨﺪﻫﺎ ﺭﺋﺒﺎﻝ ﻭ ﺷﻨﻖ ﻋﻠﻴﻬﺎ ﻣﻦ ﻋﻨﻘﻬﺎ ... ﻟﺼﻘﻬﺎ ﻣﻊ ﺍﻟﺤﻴﻂ ﺣﺘﻰ ﺗﻬﺰﻭ ﺭﺟﻠﻴﻬﺎ ﻋﻠﻰ ﻟﺮﺽ ... ﺣﻄﺎﺕ ﻳﺪﻳﻬﺎ ﻋﻠﻰ ﻳﺪﻭ ﻭ ﻛﻀﺮﺏ ﺑﺮﺟﻠﻴﻬﺎ ...
ﺳﻤﺎﺭﺍ : " ﻛﺘﻨﻄﻖ ﺑﺰﺯ " ﺭ ﺭﺋﺒﺎﻝ ... ﺥ ﺧﻨﻘﺘﻴﻨﻲ
ﺭﺋﺒﺎﻝ : " ﺑﻌﻨﻴﻦ ﺟﺎﺣﺪﻳﻦ " ﺷﻨﻮ ﺩﺭﺗﻲ ؟
ﺳﻤﺎﺭﺍ : ﻡ ﻣﺪﺭﺕ ﻭ ﻭﺍﻟﻮ ... ﻉ ﻋﻼﺵ ﻛﺘﻬﻀﺮ
ﺭﺋﺒﺎﻝ : " ﻫﺰ ﻳﺪﻭ ﻻﺧﺮﻯ ﻭﺭﺍﻫﺎ ﺣﻠﻘﺔ ﻛﺒﻴﺮﺓ ﺫﻫﺒﻴﺔ ﻣﻨﺒﺘﺔ ﺑﺤﺠﻴﺮﺍﺕ ﻋﻠﻰ ﺍﻟﺠﻨﺎﺏ " ﻫﺎﺩﻱ ﺷﻨﻮ ﻛﺎﺩﻳﺮ ﺣﺪﺍ ﻻﺑﺴﻴﻦ ﻫﺎﺍﺍ ... ﻧﺘﻲ ﺍﻟﻲ ﺩﻓﻌﺘﻴﻬﺎ ؟
ﺳﻤﺎﺭﺍ : " ﺧﺮﺟﺎﺕ ﻋﻨﻴﻬﺎ " ﻡ ﻣﺎﺩﻓﻌﺘﻬﺎﺍﺵ ... ﻭ ﻭﺍﻟﻠﻪ ﺍﻣﺎ ﺩﻓﻌﺘﻬﺎ ... ﻃﺎﺣﺖ ﺏ ﺑﻮﺣﺪﻫﺎ
ﺭﺋﺒﺎﻝ : " ﺯﻳﺮ ﻋﻠﻰ ﻓﻜﻮ " ﻃﺎﺣﺖ ﺑﻮﺣﺪﻫﺎ ﻭ ﺧﻠﻴﺘﻴﻬﺎ ﺗﻐﺮﺭﺭﺭﻕ ... ﺭﺍﻩ ﺑﺤﺎﻝ ﻻ ﺩﻓﻌﺘﻴﻬﺎﺍﺍ ﻧﻴﻴﻴﺖ
ﺟﺎﺕ ﺗﺤﻞ ﻓﻤﻬﺎ ﺗﻬﻀﺮ ﻭ ﻫﻮ ﻳﺨﺸﻲ ﻟﻴﻬﺎ ﺍﻟﺤﻠﻘﺔ ﻓﻤﻬﺎ ... ﺣﻂ ﻳﺪﻭ ﺳﺎﺩﻭ ﻟﻴﻬﺎ ﻭ ﺯﻳﺮ ﺣﺘﻰ ﺧﺮﺟﻮ ﻋﻨﻴﻬﺎ ...

ﻛﺎﻥ ﻣﺰﻳﺮ ﻋﻠﻰ ﻓﻤﻬﺎ ﻭ ﻧﻴﻔﻬﺎ ﻭ ﺷﺎﺩﻫﺎ ﺑﺎﻟﻴﺪ ﻻﺧﺮﻯ ﻣﻦ ﻭﺭﺍ ﻋﻨﻘﻬﺎ ... ﻋﻨﻴﻬﺎ ﺧﺎﺭﺟﻴﻦ ﻭ ﻣﺎﻗﺪﺭﺍﺵ ﺗﻨﻔﺲ ﻭ ﻛﺘﻘﺎﻭﻡ ﺑﺎﺵ ﻣﺘﺒﻠﻌﺶ ﺍﻟﺤﻠﻘﺔ ... ﺭﺋﺒﺎﻝ ﻛﻴﺸﻮﻑ ﻓﻴﻬﺎ ﺑﺒﺮﻭﺩ ﻗﺎﺗﻞ ﻛﺄﻧﻬﺎ ﻣﻐﺎﺩﻳﺶ ﺗﻤﻮﺕ ﻣﻦ ﺍﻟﺤﺮﻛﺔ ﺍﻟﻲ ﺩﺍﺭ ﻟﻴﻬﺎ ... ﺑﺪﺍﺕ ﻛﺘﺤﺲ ﺑﺮﺍﺳﻬﺎ ﻛﺘﺨﻨﻖ ... ﻳﺪﻳﻬﺎ ﺍﻟﻲ ﻛﻀﺮﺏ ﺑﻴﻬﻢ ﻋﻠﻰ ﻳﺪﻭ ﺗﻮﻗﻔﻮ ﻋﻠﻰ ﺍﻟﺤﺮﻛﺔ ... ﻃﻴﺤﺎﺗﻬﻢ ﻭ ﻣﻴﻼﺕ ﺭﺍﺳﻬﺎ ... ﻭ ﻋﻨﻴﻬﺎ ﺑﺪﺍﻭ ﻛﻴﺘﺴﺪﻭ ...
ﺳﻨﻤﺎﺭ ﻛﺎﻥ ﻏﺎﺩﻱ ﻓﺎﻟﻜﻮﻟﻮﺍﺭ ﺑﺎﻥ ﻟﻴﻪ ﺑﺎﺏ ﺑﻴﺘﻬﺎ ﻣﺤﻠﻮﻝ ... ﻛﻴﻒ ﻭﺻﻞ ﻟﻌﻨﺪ ﻟﺒﺎﺏ ﺗﺼﺪﻡ ﻣﻦ ﺩﺍﻛﺸﻲ ﺍﻟﻲ ﻛﻴﺸﻮﻑ ... ﺟﺮﺍ ﺑﺴﺮﻋﺔ ﻭ ﺟﺮ ﺭﺋﺒﺎﻝ ﻋﻠﻴﻬﺎ ...
ﺳﻨﻤﺎﺭ : ﺭﺋﺒﺎﺍﺍﻝ ﺷﻨﻮ ﻛﺪﻳﻴﻴﻴﺮ ... ﻃﻠﻘﻬﺎ ﺭﺍﻩ ﻏﺘﻘﺘﻠﻬﺎ
ﺭﺋﺒﺎﻝ : " ﻣﺤﻴﺪﺵ ﻳﺪﻭ "
ﺭﺟﻊ ﺳﻨﻤﺎﺭ ﻛﻴﺠﺮ ﻓﻴﻪ ﺑﻜﻞ ﻗﻮﺗﻮ ... ﺧﺎﺻﺔ ﻓﺎﺵ ﺷﺎﻓﻬﺎ ﺗﺮﺧﺎﺕ ﺑﻴﻦ ﻳﺪﻳﻪ ... ﺑﺼﻌﻮﺑﺔ ﺣﻴﺪ ﻟﻴﻪ ﻳﺪﻭ ﻭ ﺩﻓﻌﻮ ﻋﻠﻴﻬﺎ ... ﺟﺎﺕ ﻃﺎﻳﺤﺔ ﻭ ﻫﻮ ﻳﺸﺪﻫﺎ ﺳﻨﻤﺎﺭ ...
ﺳﻤﺎﺭﺍ : " ﺩﻓﻼﺕ ﺍﻟﺤﻠﻘﺔ ﻭ ﻛﺘﻜﺤﺐ "
ﺳﻨﻤﺎﺭ : " ﺑﻌﺼﺒﻴﺔ " ﻭﺍﺵ ﺣﻤﺎﻗﻴﺘﻲ ... ﺑﺎﻏﻲ ﺗﻘﺘﻠﻬﺎﺍﺍﺍ
ﺭﺋﺒﺎﻝ : ﻛﻦ ﻛﻨﺖ ﺑﺎﻏﻲ ﻧﻘﺘﻠﻬﺎ ﻛﻦ ﺩﺭﺗﻬﺎ ﻗﺒﻞ ﻣﺎﺗﻮﺻﻞ
ﺷﺎﻑ ﻓﻴﻪ ﺳﻨﻤﺎﺭ ﻭ ﻫﺰ ﺳﻤﺎﺭﺍ ﺣﻄﻬﺎ ﻓﻮﻕ ﺍﻟﻨﺎﻣﻮﺳﻴﺔ ... ﺷﺎﺩﺓ ﻓﻌﻨﻘﻬﺎ ﻭ ﻛﺘﻜﺤﺐ ﺣﺘﻰ ﺧﺮﺝ ﻟﻴﻬﺎ ﺍﻟﺪﻡ ﻣﻦ ﻓﻤﻬﺎ ... ﻫﺰ ﺳﻨﻤﺎﺭ ﻛﻠﻴﻨﻴﻜﺲ ﻭ ﺑﺪﺍ ﻛﻴﻤﺴﺢ ﻟﻴﻬﺎ ﺟﻨﺎﺏ ﻓﻤﻬﺎ ... ﺭﺟﻊ ﺷﺎﻑ ﻓﺎﻟﺤﻠﻘﺔ ﺍﻟﻲ ﻣﻠﻴﻮﺣﺔ ﻓﻠﺮﺽ ﻛﺎﻧﺖ ﻋﺎﻣﺮﺓ ﺩﻡ ...
ﺳﻨﻤﺎﺭ : ﺳﻤﺎﺭﺍ ﻳﺎﻻﻩ ﻧﻤﺸﻴﻮ ﻟﺼﺒﻴﺘﺎﺭ
ﺣﺮﻛﺎﺕ ﺭﺍﺳﻬﺎ ﺑﻼ ﻭ ﺷﺎﻓﺖ ﻓﻴﻦ ﻭﺍﻗﻒ ﺭﺋﺒﺎﻝ ... ﻛﺎﻥ ﺑﺎﻳﻦ ﻋﻠﻴﻬﺎ ﺍﻟﺨﻮﻑ ﻣﻦ ﻋﻨﻴﻬﺎ ... ﺑﻌﺪﺍﺕ ﻧﻀﺮﻫﺎ ﻓﺎﺵ ﺷﺎﻑ ﻓﻴﻬﺎ ﺭﺋﺒﺎﻝ ﺑﻨﻀﺮﺓ ﻣﺨﻴﻔﺔ ...
ﺭﺋﺒﺎﻝ : ﻻ ﻣﺎﺑﻌﺪﺗﻴﺶ ﻣﻦ ﺳﺎﺣﺘﻬﺎ ﺭﺍﻙ ﻋﺎﺭﻓﺔ ﺷﻨﻮ ﺗﺎﺑﻌﻚ
ﺧﺮﺝ ﻣﻦ ﺍﻟﻐﺮﻓﺔ ﻭ ﻣﺸﺎ ﻟﺒﻴﺘﻮ ... ﺣﻞ ﻟﺒﺎﺏ ﻭ ﻭﻫﻮ ﻳﻮﻗﻒ ﻛﻴﺸﻮﻑ ﻓﺠﻮﻻﻥ ﻧﺎﻋﺴﺔ ﻓﻮﻕ ﻧﺎﻣﻮﺳﻴﺘﻮ ﻭ ﺯﻳﻨﺐ ﻣﺘﻜﻴﺎ ﺟﻨﺒﻬﺎ ... ﺑﻘﺎ ﻭﺍﻗﻒ ﺷﻮﻳﺔ ﻋﺎﺩ ﺧﺮﺝ ... ﻧﺰﻝ ﻟﻠﺘﺤﺖ ﺩﺧﻞ ﻟﻠﻤﻜﺘﺐ ﻭ ﻣﺸﺎ ﻋﻤﺮ ﻟﻴﻪ ﻛﺎﺱ ... ﺟﻠﺲ ﻓﻮﻕ ﺍﻟﻔﻮﻃﻮﻱ ﻣﺘﻜﻲ ﺍﻟﻠﻮﺭ ... ﺍﻟﻠﻘﻄﺔ ﺍﻟﻲ ﺷﺎﻓﻬﺎ ﻣﻤﺪﺓ ﺟﻨﺐ ﻻﺑﺴﻴﻦ ﻓﺎﺯﮔﺔ ﻭ ﻣﻜﺘﻨﻔﺴﺶ ﻣﺒﻐﺎﺗﺶ ﺗﺤﻴﺪ ﻟﻴﻪ ﻣﻦ ﻗﺪﺍﻡ ﻋﻨﻴﻪ ...