السفاح العاشق

بارت 26

ﻏﺎﺩﻱ ﻛﻴﺠﺮﻱ ﺟﻨﺐ ﺍﻟﻄﺮﻳﻖ ... ﺍﻟﺪﻧﻴﺎ ﺧﻀﺮﺍ ﻭ ﺍﻷﺷﺠﺎﺭ ﻋﻠﻰ ﻃﻮﻝ ﺍﻟﺮﺻﻴﻒ ... ﺍﻟﺠﻮ ﻣﺒﺮﺩ ﻣﻊ ﺍﻟﺼﺒﺎﺡ ... ﻫﺎﺩ ﺍﻟﻤﻨﻄﻘﺔ ﻛﻴﻤﺎﺭﺳﻮ ﻓﻴﻬﺎ ﺍﻟﻨﺎﺱ ﺍﻟﺮﻳﺎﺿﺔ ﺑﺰﺍﻑ ... ﻻﺑﺲ ﺳﻮﺭﭬﻴﺖ ﻛﺤﻼ ﻭ ﺍﻟﻘﺐ ﻋﻠﻰ ﺭﺍﺳﻮ ... ﺑﻌﺪ ﺳﺎﻋﺘﻴﻦ ﻣﻦ ﺍﻟﺮﻛﺾ ﺍﺗﺎﺟﻪ ﻟﻠﺴﻴﺎﺭﺓ ... ﻃﻠﻊ ﻭ ﺭﺟﻊ ﻟﭭﻴﻼ ... ﺣﻂ ﺍﻟﻠﻮﻃﻮ ﺩﺧﻞ ﻭ ﻫﻤﺎ ﻳﺒﺎﻧﻮ ﻟﻴﻪ ﺳﻨﻤﺎﺭ ﻭ ﺇﻟﻴﺎﺱ ﭼﺎﻟﺴﻴﻦ ﻋﻠﻰ ﻃﺒﻠﺔ ﻟﻔﻄﻮﺭ ...
ﺇﻟﻴﺎﺱ : ﺩﻳﻚ ﺍﻟﺴﺎﻉ ﻓﻴﻘﻨﻲ ﻧﺠﺮﻱ ﻣﻌﺎﻙ
ﻻ ﺣﺒﻴﺒﺔ : ﻋﻠﻰ ﺃﺳﺎﺱ ﻏﺘﻔﻴﻖ ... ﻟﺒﺎﺭﺡ ﻣﻨﻌﺴﺘﻮ ﻧﺘﺎ ﻭ ﺩﺍﻙ ﺍﻟﻲ ﺣﺪﺍﻙ ﺣﺘﺎ ﻟﻔﺠﺮ ... ﻣﺎﻧﻌﺴﺘﻮ ﻣﺎﺧﻠﻴﺘﻮ ﺍﻟﻲ ﻳﻨﻌﺲ
ﺳﻨﻤﺎﺭ : ﻣﺎﺷﻲ ﺃﻧﺎ ﺍﺟﺪﺓ ... ﻫﺎﺩ ﺧﻴﻨﺎ ... ﻧﻬﺎﺭ ﻳﺒﺎﺕ ﻫﻨﺎ ﻧﺨﻮﻱ ﺃﻧﺎ
ﻻﺣﺒﻴﺒﺔ : ﺑﺤﺎﻟﻚ ﺑﺤﺎﻟﻮ
ﺭﺋﺒﺎﻝ : " ﻭ ﻫﻮ ﻣﺘﺎﺟﻪ ﻟﻠﺪﺭﻭﺝ " ﻛﻼ ﻳﺒﺎﺕ ﻓﺪﺍﺭﻭ
ﺇﻟﻴﺎﺱ : ﺍﻟﺴﻴﺪ ﻛﻴﺠﺮﻱ ﻋﻠﻴﻨﺎ ... ﻫﺎﺩﻱ ﺩﺍﺭﻧﺎ ﺣﺘﺎ ﺣﻨﺎ ﻣﺎﺣﺪ ﻓﻴﻬﺎ ﻟﻤﻴﻤﺔ ... ﻭ ﺃﻧﺎ ﻣﻜﻨﺘﺶ ﺟﺎﻱ ﻛﻦ ﻣﺎ ﺳﻨﻤﺎﺭ ﺳﻴﻔﻂ ﻟﻴﺎ ... ﺳﻤﺤﺖ ﻓﺸﻲ ﺣﺎﺟﺔ ﻣﻬﻤﺔ ﻭ ﺟﻴﺖ ﺑﺎﺵ ﻳﺠﺮﻱ ﻋﻠﻴﻨﺎ ﻣﻮﻝ ﺍﻟﺪﺍﺭ
ﻃﻠﻊ ﺭﺋﺒﺎﻝ ﻟﻐﺮﻓﺘﻮ ﺩﻭﺵ ﻭ ﻟﺒﺲ ﺣﻮﺍﻳﺞ ﺍﻟﺨﺪﻣﺔ ... ﻫﺒﻂ ﻓﻄﺮ ﻣﻌﺎﻫﻢ ﻭ ﻧﺎﺿﻮ ﺧﺎﺭﺟﻴﻦ ... ﻛﻼ ﻃﻠﻊ ﻓﺴﻴﺎﺭﺗﻮ ... ﻭﺻﻠﻮ ﻟﻠﺸﺮﻛﺔ ﻭ ﻃﻠﻊ ﺭﺋﺒﺎﻝ ﻟﻤﻜﺘﺒﻮ ... ﻏﻴﺮ ﺩﺧﻞ ﻭ ﻫﻲ ﺗﺨﺮﺝ ﺟﻮﻻﻥ ﻣﻦ ﺍﻟﻤﺼﻌﺪ ... ﻣﺸﺎﺕ ﻟﻤﻜﺘﺒﻬﺎ ﻛﻴﻒ ﺩﺧﻼﺕ ﺑﺎﻧﺖ ﻟﻴﻬﺎ ﻋﻠﺒﺔ ﻓﻮﻕ ﺍﻟﻤﻜﺘﺐ ... ﺣﻄﺎﺕ ﺻﺎﻛﻬﺎ ﻭ ﻫﺰﺍﺕ ﺍﻟﻌﻠﺒﺔ ﻛﺘﻘﻠﺐ ﻓﻴﻬﺎ ...
ﻓﺘﺤﺎﺗﻬﺎ ﻭ ﻫﻲ ﺗﻠﻘﺎ ﺍﻟﻨﻈﺎﺭﺍﺕ ﻓﺎﻟﺸﻜﻞ ﺍﻟﻲ ﺍﺧﺘﺎﺭﺕ ... ﻭ ﻣﻌﺎﻫﻢ ﻋﺪﺳﺎﺕ ﻓﺒﻮﻛﺲ ﺁﺧﺮﻯ ... ﺟﺒﺪﺍﺗﻬﻢ ﻭ ﺍﻟﻔﺮﺣﺔ ﻛﺘﺸﻌﻲ ﻣﻦ ﻋﻨﻴﻬﺎ ... ﺩﺍﺭﺗﻬﻢ ﻭ ﺟﺒﺪﺍﺕ ﻣﺮﺍﻳﺔ ﻣﻦ ﺻﺎﻛﻬﺎ ﻛﺘﺸﻮﻑ ﻛﻴﻒ ﺟﺎﻭﻫﺎ ... ﻋﺠﺒﻮﻫﺎ ﻭ ﺣﺴﺎﺕ ﺑﺤﺎﻝ ﺍﻟﻰ ﺍﺳﺘﺮﺟﻌﺎﺕ ﻧﻔﺴﻬﺎ ... ﻃﻮﻝ ﺣﻴﺎﺗﻬﺎ ﻭ ﻫﻲ ﻛﺘﻠﺒﺴﻬﻢ ... ﻫﺎﺩ ﺍﻷﻭﺍﺧﺮ ﺍﺿﻄﺮﺍﺕ ﺗﻮﻟﻒ ﺗﺴﺘﺨﺪﻡ ﺍﻟﻌﺪﺳﺎﺕ ... ﺭﺟﻌﺎﺕ ﺣﻴﺪﺍﺗﻬﻢ ﻓﺎﺵ ﺗﺬﻛﺮﺍﺕ ﺷﻨﻮ ﻗﺎﻝ ﻟﻴﻬﺎ ﺑﻬﺎﺀ ... ﻏﺘﻮﻟﻲ ﺗﻠﺒﺴﻬﻢ ﻓﻘﻂ ﻓﺎﺵ ﻣﺘﻜﻮﻧﺶ ﻓﺎﻟﺸﺮﻛﺔ ...
ﺣﻄﺎﺕ ﺍﻟﻌﻠﺒﺔ ﻭ ﺧﺮﺟﺎﺕ ... ﻣﺸﺎﺕ ﻟﻐﺮﻓﺔ ﺍﻻﺳﺘﺮﺍﺣﺔ ... ﻗﺎﺩﺍﺕ ﻛﻮﺏ ﺩﻳﺎﻝ ﺍﻟﻘﻬﻮﺓ ﻭ ﺗﻮﺟﻬﺎﺕ ﻟﻤﻜﺘﺐ ﺭﺋﺒﺎﻝ ... ﺩﻗﺎﺕ ﻭ ﺩﺧﻼﺕ ...
ﺟﻮﻻﻥ : ﺑﻮﻧﺠﻮﻍ ﻣﻮﺳﻴﻮ ﺍﻟﻌﺜﻤﺎﻧﻲ " ﻗﺮﺑﺎﺕ ﻭ ﺣﻄﺎﺕ ﺍﻟﻘﻬﻮﺓ ﻓﻮﻕ ﺍﻟﻤﻜﺘﺐ " ﻣﺤﺘﺎﺟﻨﻲ ﻓﺸﻲ ﺣﺎﺟﺔ ؟
ﺭﺋﺒﺎﻝ : " ﺧﺪﺍﻡ ﻓﻠﺒﻴﺴﻲ " ﻏﺪﺍ ﻣﺴﺎﻓﺮ ﻗﻄﻌﻲ ﻟﻴﺎ ﺗﻴﻜﻴﺖ ﻟﻠﻨﺪﻥ
ﺟﻮﻻﻥ : ﺃﻭﻛﻲ " ﻏﺎﺩﺓ ﺧﺎﺭﺟﺔ ﻭ ﻫﻲ ﺗﻮﻗﻒ " ﺷﻜﺮﺍ ﻋﻠﻰ ﺍﻟﻨﻈﺎﺭﺍﺕ ﻣﺮﺓ ﺃﺧﺮﻯ
ﺣﻼﺕ ﻟﺒﺎﺏ ﻭ ﺧﺮﺟﺎﺕ ... ﻫﺰ ﺭﺋﺒﺎﻝ ﺭﺍﺳﻮ ﻛﻴﺸﻮﻑ ﻓﺎﺗﺠﺎﻩ ﺍﻟﺒﺎﺏ ﻣﺪﺓ ﻋﺎﺩ ﺭﺟﻊ ﻟﺸﻨﻮ ﻛﺎﻥ ﻛﻴﺪﻳﺮ ...
🍂🍂🍂🍂 ؛
ﺗﻮﻗﻔﺎﺕ ﺳﻴﺎﺭﺓ ﺭﻳﺎﺿﻴﺔ ﻓﺠﻨﺐ ﺍﻟﻄﺮﻳﻖ ... ﺧﺮﺝ ﺷﺎﺏ ﻓﺎﻟﻌﺸﺮﻳﻨﻴﺎﺕ ﻭ ﻣﻌﺎﻩ ﺑﻨﺖ ﻓﻨﻔﺲ ﺍﻟﺴﻦ ... ﻻﺑﺴﻴﻦ ﻟﺒﺎﺱ ﺳﺒﻮﺭﺗﻴﻒ ... ﺑﺤﺎﻝ ﺍﻟﻲ ﻛﻴﻠﺒﺴﻮ ﺍﻟﻤﺘﺴﻠﻘﻴﻦ ... ﺍﺗﺎﺟﻪ ﺍﻟﺸﺎﺏ ﻟﻠﻜﻮﻓﺮ ﻛﻴﺠﺒﺪ ﺍﻟﻌﺪﺓ ...
ﺍﻟﺒﻨﺖ : ﻏﻨﻤﺸﻲ ﻧﺴﺘﻜﺸﻒ ﺍﻟﻤﻜﺎﻥ
ﺍﻟﺸﺎﺏ : ﺣﺒﻴﺒﺔ ﺗﺴﻨﺎﻱ ... ﻣﺎﺗﻤﺸﻴﺶ ﺑﻮﺣﺪﻙ
ﺍﻟﺒﻨﺖ : ﻣﻐﺎﺩﻳﺶ ﻧﺒﻌﺪ
ﺗﺤﺪﺭﺍﺕ ﺍﻟﺒﻨﺖ ﻋﻘﺪﺍﺕ ﺳﻴﻮﺭ ﺳﺒﺮﺩﻳﻠﺘﻬﺎ ... ﻭ ﺗﻤﺸﺎﺕ ﻣﺒﻌﺪﺓ ﺷﻮﻳﺔ ﻋﻠﻰ ﻓﻴﻦ ﻣﻮﻗﻔﻴﻦ ﺍﻟﺴﻴﺎﺭﺓ ... ﻛﺎﻧﺖ ﻫﺎﺯﺓ ﻋﻨﻴﻬﺎ ﻛﺘﺸﻮﻑ ﺍﻟﻔﻮﻕ ... ﺷﻤﺎﺕ ﺭﻳﺤﺔ ﻏﺮﻳﺒﺔ ... ﺣﺪﺭﺍﺕ ﻋﻨﻴﻬﺎ ﺷﺎﻓﺖ ﺩﺍﻛﺸﻲ ﺍﻟﻲ ﻗﺪﺍﻣﻬﺎ ﻭ ﻫﻲ ﻃﻠﻖ ﺻﺮﺧﺔ ﻋﻠﻰ ﺟﻬﺪﻫﺎ ...
ﺻﺎﺣﺒﻬﺎ ﺳﻤﻊ ﻏﻮﺍﺗﻬﺎ ﻻﺡ ﺍﻟﺤﺒﻞ ﺍﻟﻲ ﻛﺎﻥ ﻫﺎﺯ ﻭ ﻣﺸﺎ ﻛﻴﺠﺮﻱ ... ﻭﺻﻞ ﻋﻨﺪﻫﺎ ﻭ ﻫﻲ ﺗﺒﺎﻥ ﻟﻴﻪ ﻭﺍﻗﻔﺔ ﻛﺘﺮﻋﺪ ... ﻳﺪﻳﻬﺎ ﻋﻠﻰ ﻓﻤﻬﺎ ﻭ ﻛﺘﺒﻜﻲ ... ﻭﺟﻪ ﻧﻀﺮﻭ ﻟﻔﻴﻦ ﻛﺘﺸﻮﻑ ﻭ ﻫﻲ ﺗﺒﺎﻥ ﻟﻴﻪ ﺟﺜﺔ ﺑﻨﺖ ﻏﺎﺭﻗﺔ ﻓﺎﻟﺪﻣﺎﻳﺎﺕ ... ﻣﺸﺎ ﻋﻨﺪﻫﺎ ﺑﺴﺮﻋﺔ ﻭ ﺩﻭﺭﻫﺎ ... ﻋﻨﻘﻬﺎ ﻛﻴﻬﺪﺃ ﻓﻴﻬﺎ ﻭ ﻛﻴﺸﻮﻑ ﻓﺎﻟﺠﺜﺔ ﻭ ﻳﺮﺟﻊ ﻳﺒﻌﺪ ﻋﻨﻴﻪ ...
ﺟﺮ ﺻﺎﺣﺒﺘﻮ ﻟﺠﻬﺔ ﺳﻴﺎﺭﺗﻬﻢ ﻃﻠﻌﻬﺎ ﻭ ﻫﺰ ﺍﻟﻔﻮﻥ ﺍﺗﺎﺻﻞ ﺑﺎﻟﺸﺮﻃﺔ ...
ﻳﺰﻳﺪ ﻛﺎﻥ ﻓﺈﺟﺘﻤﺎﻉ ﻛﻴﻒ ﺧﺮﺝ ﺧﺒﺮﻭﻩ ﺑﻠﻲ ﻟﻘﺎﻭ ﺟﺜﺔ ﺟﻨﺐ ﺍﻟﻄﺮﻳﻖ ... ﺧﺪﺍ ﻓﺮﻳﻘﻮ ﻭ ﺍﺗﺎﺟﻬﻮ ﻟﻠﻤﻜﺎﻥ ... ﺭﺟﺎﻝ ﺍﻟﺸﺮﻃﺔ ﻃﻮﻗﻮ ﺍﻟﻤﻨﻄﻘﺔ ﻭ ﺧﺪﺍﻭ ﺇﻓﺎﺩﺓ ﺍﻟﻲ ﺑﻠﻐﻮ ﻋﺎﺩ ﺧﻼﻭﻫﻢ ﻳﻤﺸﻴﻮ ... ﻗﺮﺏ ﻳﺰﻳﺪ ﻛﻴﺸﻮﻑ ﻓﺎﻟﻔﺮﻳﻖ ﻛﻴﺎﺧﺪﻭ ﺻﻮﺭ ﻟﻠﺠﺜﺔ ... ﺟﺎﺏ ﻟﻴﻪ ﻭﺍﺣﺪ ﺑﻼﺳﺘﻴﻜﺔ ﻓﻴﻬﺎ ﻫﺎﺗﻒ ﻭ ﺻﺎﻙ ﺻﻐﻴﺮ ...
ﺍﻟﺸﺮﻃﻲ : ﻫﺎﺩﺷﻲ ﺍﻟﻲ ﻟﻘﻴﻨﺎ ﻣﻌﻬﺎ
ﻳﺰﻳﺪ : ﺷﻨﻮ ﻛﺎﻧﺖ ﻛﺎﺩﻳﺮ ﻫﻨﺎ !
ﺍﻟﺸﺮﻃﻲ : ﻣﻤﻜﻦ ﺍﻧﺘﺤﺎﺭ ... ﻫﺎﺩ ﺍﻟﺠﻴﻞ ﻏﻴﺮ ﻳﺘﺨﺎﺻﻢ ﻣﻌﻬﺎ ﺻﺎﺣﺒﻬﺎ ﻛﻴﺒﺎﻥ ﻟﻴﻬﺎ ﺗﻘﺘﻞ ﺭﺍﺳﻬﺎ ... ﻋﻠﻰ ﺃﺗﻔﻪ ﺍﻷﺳﺒﺎﺏ ﻛﻴﺨﺮﺟﻮ ﻋﻠﻰ ﺣﻴﺎﺗﻬﻢ
ﻳﺰﻳﺪ : " ﻫﺰ ﺭﺍﺳﻮ ﺍﻟﻔﻮﻕ " ﻭ ﻋﻼﺵ ﺍﺧﺘﺎﺭﺕ ﻫﺎﺩ ﻟﻤﻜﺎﻥ ﺑﺎﻟﻈﺒﻂ ... ﻭ ﻛﻴﻔﺎﺵ ﺣﺘﺎ ﻭﺻﻼﺕ ﻟﻬﻨﺎ ... ﻣﻴﻤﻜﻨﺶ ﺗﻜﻮﻥ ﺟﺎﺕ ﻋﻠﻰ ﺭﺟﻠﻴﻬﺎ
ﺍﻟﺸﺮﻃﻲ : ﺑﻐﻴﺘﻲ ﺗﻘﻮﻝ ﺟﺮﻳﻤﺔ ﻗﺘﻞ
ﻳﺰﻳﺪ : ﺃﻧﺎ ﺑﻌﺪﺍ ﻣﺴﺘﺒﻌﺪ ﺃﻧﻬﺎ ﺗﻜﻮﻥ ﺍﻧﺘﺎﺣﺮﺍﺕ
ﻭﻗﻒ ﺣﺘﺎ ﺑﺎﻧﻮ ﻟﻴﻪ ﻫﺰﻭ ﺍﻟﺠﺜﺔ ﺑﺎﺵ ﺗﻤﺸﻲ ﻟﻠﺘﺸﺮﻳﺢ ... ﺧﺪﺍ ﺩﺍﻛﺸﻲ ﺍﻟﻲ ﻟﻘﺎﻭ ﻣﻌﻬﺎ ﻭ ﺭﺟﻊ ﻟﻠﻤﺮﻛﺰ ... ﻣﻦ ﺃﻭﺭﺍﻗﻬﺎ ﻋﺮﻓﻮ ﺷﻜﻮﻥ ﻫﻲ ﻭ ﻓﻴﻦ ﺳﺎﻛﻨﺔ ... ﻳﺰﻳﺪ ﭼﺎﻟﺲ ﻓﻤﻜﺘﺒﻮ ﻭ ﺣﺎﻁ ﻗﺪﺍﻣﻮ ﺃﻏﺮﺍﺿﻬﺎ ... ﺩﺧﻞ ﻋﻨﺪﻭ ﺃﺣﺪ ﺭﺟﺎﻟﻮ ...
ﺍﻟﺸﺮﻃﻲ : ﻭﺍﺵ ﻧﺘﺎﺻﻠﻮ ﺑﻌﺎﺋﻠﺘﻬﺎ ؟
ﻳﺰﻳﺪ : ﻻ ... ﺃﻧﺎ ﻏﻨﻤﺸﻲ ﻧﺨﺒﺮﻫﻢ ﺑﻨﻔﺴﻲ
ﺍﻟﺸﺮﻃﻲ : ﻋﻼﺵ ؟
ﻳﺰﻳﺪ : ﻟﺒﻨﺖ ﺍﻟﻲ ﻣﺎﺗﺖ ﻓﺎﻳﺖ ﺗﻼﻗﻴﺘﻬﺎ ... ﻫﻲ ﻧﻔﺴﻬﺎ ﺧﻄﻴﺒﺔ ﺯﻫﻴﺮ ﺍﻟﻘﺎﺳﻴﻤﻲ ﺍﻟﻲ ﻣﺨﺘﺎﻓﻲ ﻣﺪﺓ ﻫﺎﺩﻱ
ﺍﻟﺸﺮﻃﻲ : ﻭﺍﻳﻠﻲ !!
ﻳﺰﻳﺪ : " ﻭﻗﻒ " ﺟﻴﺒﻮ ﻟﻴﺎ ﮔﺎﻉ ﺍﻟﻤﻌﻠﻮﻣﺎﺕ ﺍﻟﻤﺘﻌﻠﻘﺔ ﺑﻴﻬﺎ ... ﻧﺮﺟﻊ ﻧﻠﻘﺎﻫﻢ ﻋﻨﺪﻱ
ﺧﺮﺝ ﻳﺰﻳﺪ ﻣﻦ ﺍﻟﻤﻜﺘﺐ ﻃﻠﻊ ﻓﺴﻴﺎﺭﺗﻮ ﻭ ﺩﻳﻤﺎﺭﺍ ... ﻭﺻﻞ ﻟﻠﻌﻨﻮﺍﻥ ﺍﻟﻲ ﺧﺪﺍ ... ﻫﺒﻂ ﻭ ﺍﺗﺎﺟﻪ ﻟﻠﺪﺍﺭ ... ﺩﻕ ﻭ ﻫﻲ ﺗﺨﺮﺝ ﺇﻣﺮﺃﺓ ﻓﺎﻷﺭﺑﻌﻴﻨﻴﺎﺕ ... ﻋﻠﻤﻬﺎ ﺑﻠﻲ ﻟﻘﺎﻭ ﺑﻨﺘﻬﺎ ﻣﻴﺘﺔ ﻧﺘﻴﺠﺔ ﻭﻗﻮﻋﻬﺎ ﻣﻦ ﻣﻜﺎﻥ ﻣﺮﺗﺎﻓﻊ ... ﺧﻼ ﻣﻬﺎ ﻣﻨﻬﺎﺭﺓ ﻣﻦ ﺍﻟﺨﺒﺮ ... ﻃﻠﺐ ﻣﻦ ﺍﻷﺏ ﺩﻳﺎﻟﻬﺎ ﻳﻤﺮ ﻋﻠﻰ ﺍﻟﻤﺮﻛﺰ ﻳﺘﺤﻘﻖ ﻣﻦ ﺟﺜﻬﺎ ﻭ ﻏﺎﺩﺭ ...
ﻭ ﻫﻮ ﺭﺍﺟﻊ ﻟﺴﻴﺎﺭﺗﻮ ﻟﻤﺢ ﺑﻨﺖ ﺟﺎﻳﺔ ﻣﻦ ﺑﻌﻴﺪ ... ﺑﻘﺎ ﻛﻴﺤﻘﻖ ﻓﻴﻬﺎ ﺷﺤﺎﻝ ... ﻋﺎﺩ ﺗﻔﻜﺮ ﻓﻴﻦ ﺷﺎﻓﻬﺎ ... ﺟﻮﻻﻥ ﻣﻨﺘﺒﻬﺎﺗﺶ ﻟﻴﻪ ... ﺣﻼﺕ ﻟﺒﺎﺏ ﻭ ﺩﺧﻼﺕ ﻟﻠﺪﺍﺭ ... ﺑﻘﺎ ﻭﺍﻗﻒ ﻛﻴﺸﻮﻑ ﻓﺪﺍﺭﻫﻢ ﻋﺎﺩ ﺭﻛﺐ ﺭﺍﺟﻊ ﻟﻠﻤﺮﻛﺰ ...
ﻃﻠﻌﺎﺕ ﺟﻮﻻﻥ ﻟﺒﻴﺘﻬﺎ ﻏﻴﺮﺍﺕ ﺣﻮﺍﻳﺠﻬﺎ ... ﺧﺪﺍﺕ ﺍﻟﻨﻀﺎﺭﺍﺕ ﻟﺒﺴﺎﺗﻬﻢ ﻭ ﻫﻲ ﻣﺒﺘﺎﺳﻤﺔ ... ﻭﻗﻔﺎﺕ ﻗﺪﺍﻡ ﻟﻤﺮﺍﻳﺔ ﻛﺘﺬﻛﺮ ﻓﺎﺵ ﻣﺸﺎﺕ ﻫﻲ ﻭ ﺭﺋﺒﺎﻝ ﻟﻠﻤﺤﻞ ... ﺑﺪﺍﺕ ﻛﻀﺤﻚ ﻋﻠﻰ ﺍﻟﻤﻮﺿﻔﺔ ﺍﻟﻲ ﻇﻨﺎﺕ ﺃﻧﻬﺎ ﺯﻭﺟﺘﻮ ... ﻛﺘﺴﺎﺀﻝ ﻟﻮ ﺍﻧﻪ ﺳﻤﻌﻬﺎ ﺷﻨﻮ ﻗﺎﻟﺖ ﻛﻴﻒ ﻏﻴﻜﻮﻥ ﺭﺩ ﻓﻌﻠﻮ ... ﺃﻛﻴﺪ ﻏﺎﺩﻱ ﻳﺨﻨﺰﺭ ﻓﻴﻬﺎ ﺑﻌﻨﻴﻪ ﺍﻟﻐﺎﻣﻀﻴﻦ ... ﻭ ﻻ ﻳﺠﺮﻱ ﻋﻠﻴﻬﺎ ﻋﻠﻰ ﻏﺒﺎﺀﻫﺎ ... ﻛﻠﺸﻲ ﺗﻮﻗﻌﻮ ﻣﻨﻮ ...
ﻭ ﻫﻲ ﻓﺨﻀﻢ ﺗﻔﻜﻴﺮﻫﺎ ﺳﻤﻌﺎﺕ ﺍﻟﻔﻮﻥ ... ﺗﻼﺣﺖ ﻓﻮﻕ ﺍﻟﻨﺎﻣﻮﺳﻴﺔ ﻭ ﺟﺎﻭﺑﺎﺕ ...
ﺟﻮﻻﻥ : ﺑﻠﻴﻴﻴﺰ ﻗﻮﻟﻲ ﺧﺪﻣﻮﻙ
ﺯﻳﻨﺐ : ﻣﻌﺎﻙ ﺍﻟﻤﻮﺿﻔﺔ ﺍﻟﺠﺪﻳﺪﺓ ﻓﻘﺴﻢ ﺍﻹﻋﻼﻧﺎﺕ ﺑﺸﺮﻛﺔ ﺍﻟﻌﺜﻤﺎﻧﻲ
ﺟﻮﻻﻥ : ﻳﺎﺍﺍﺍﺱ ﻛﻨﺖ ﻣﺘﺄﻛﺪﺓ ﻏﻴﺨﺪﻣﻮﻙ ... ﻣﻐﺎﺩﻳﺶ ﻳﻠﻘﺎﻭ ﺣﺴﻦ ﻣﻨﻚ
ﺯﻳﻨﺐ : ﺃﻛﻴﺪ ﺑﻴﺐ ... ﺷﺤﺎﻝ ﻓﺮﺣﺎﻧﺔ ﻣﺘﺨﺎﻳﻠﻴﺶ ... ﺟﻮﻻﻥ ﺷﻜﺮﺍ ﺑﺰﺍﺍﺍﻑ
ﺟﻮﻻﻥ : ﻣﺸﻲ ﻣﺎﺗﺸﻜﺮﻧﻴﺶ ... ﺍﻧﺎ ﺣﻄﻴﺖ ﻏﻴﺮ ﺍﻟﺴﻴﭭﻲ ﺩﻳﺎﻟﻚ ... ﻭ ﺧﺪﻣﻮﻙ ﺣﻴﻨﺖ ﺷﺎﻓﻮﻙ ﻣﻨﺎﺳﺒﺔ
ﺯﻳﻨﺐ : ﺯﻋﻤﺎ ﻣﺎﺷﻲ ﺍﻟﻤﺪﻳﺮ ﺍﻟﻤﻐﺮﻡ ﺍﻟﻲ ﻭﺻﻰ ﻋﻠﻴﺎ ﺣﻴﻨﺖ ﺃﻧﺎ ﺻﺎﺣﺒﺘﻚ
ﺟﻮﻻﻥ : ﻏﻨﻘﻄﻊ ﻋﻠﻴﻚ ﺃﻫﻴﺎﺗﺎ ... ﻫﺎﺩﺍﻙ ﻣﺤﺎﻝ ﻭﺍﺵ ﺇﻧﺴﺎﻥ ﻋﺎﺩﻱ ... ﻭ ﻛﻴﺤﺲ ﺑﺤﺎﻟﻨﺎ
ﺯﻳﻨﺐ : ﺃﻧﺎ ﻓﺎﻳﺖ ﻟﻴﺎ ﺷﻔﺘﻮ ﻏﻴﺮ ﻓﻤﺠﻠﺔ ﺭﺟﺎﻝ ﺍﻷﻋﻤﺎﻝ ﻣﻦ ﻗﺒﻞ ... ﻛﻴﻘﻮﻟﻮ ﻋﻠﻴﻪ ﻣﻦ ﺃﻭﺳﻢ ﺍﻟﻤﺪﺭﺍﺀ ﻓﺎﻟﻤﺠﺎﻝ ... ﺯﻋﻤﺎ ﻋﻤﺮﻙ ﺳﻬﻴﺘﻲ ﻓﻴﻪ ﻭ ﻻ ﻋﺠﺒﻚ ﻭﺍﺧﺔ ﻏﻴﺮ ﺑﻴﻨﻚ ﻭ ﺑﻴﻦ ﻧﻔﺴﻚ
ﺟﻮﻻﻥ : " ﺑﻌﺪ ﺻﻤﺖ " ﻻ
ﺯﻳﻨﺐ : ﺷﻔﺘﻚ ﺗﻌﻄﻠﺘﻲ ﻓﺎﻻﺟﺎﺑﺔ
ﺟﻮﻻﻥ : ﻗﻠﺒﻲ ﺍﻟﻤﻮﺿﻮﻉ ﻭ ﻻ ﻏﻨﻘﻄﻊ
ﺯﻳﻨﺐ : ﺟﻮﻻﻥ ... ﻭﺍﺵ ﺑﺎﻗﺔ ﻛﺘﻔﻜﺮﻱ ﻓﻬﺪﺍﻙ
ﺟﻮﻻﻥ : ﺯﻫﻴﺮ ﻧﺴﻴﺘﻮ ﻛﺄﻧﻮ ﻋﻤﺮﻭ ﻛﺎﻥ
ﺯﻳﻨﺐ : ﻣﺰﻳﺎﻥ ﺣﻴﻨﺖ ﻣﻴﺴﺘﺎﻫﻠﺶ ﺣﺘﺎ ﺃﻧﻚ ﺗﻔﻜﺮﻱ ﻓﻴﻪ ... ﻟﻜﻦ ﺃﺟﻮﻻﻥ ﻣﺎﺷﻲ ﮔﺎﻉ ﺍﻟﺮﺟﺎﻝ ﺑﺤﺎﻟﻮ ... ﻣﻦ ﺣﻘﻚ ﺗﻔﺘﺤﻲ ﻗﻠﺒﻚ ﻣﻦ ﺟﺪﻳﺪ ﻭ ﺗﺒﻐﻲ ﺍﻟﻲ ﻳﺴﺘﺎﺣﻘﻚ ... ﻣﺨﺎﺻﺶ ﺗﺠﺮﺑﺔ ﻓﺎﺷﻠﺔ ﺗﺨﻠﻴﻚ ﻏﺎﻟﻘﺔ ﻋﻠﻰ ﻗﻠﺒﻚ
ﺟﻮﻻﻥ : ﻣﺆﺧﺮﺍ ﺑﺰﺍﻑ ﺩﻳﺎﻝ ﻟﺤﻮﺍﻳﺞ ﻭﻗﻌﻮ ... ﻛﻨﺖ ﺑﺎﻏﺔ ﻏﻴﺮ ﻧﻜﺘﺐ ﻭ ﺩﺍﺑﺔ ﺭﺟﻌﺖ ﻣﺴﺎﻋﺪﺓ ﺍﻟﻤﺪﻳﺮ ﻓﺸﺮﻛﺔ ﻋﻤﻼﻗﺔ ... ﺑﻴﻦ ﻟﻴﻠﺔ ﻭ ﺿﺤﺎﻫﺎ ... ﺁﺧﺮ ﺣﺎﺟﺔ ﻧﻔﻜﺮ ﻓﻴﻬﺎ ﻫﻲ ﺍﻻﺭﺗﺒﺎﻁ
ﺯﻳﻨﺐ : ﻏﺎﻳﺠﻲ ﺍﻟﻲ ﻳﺘﺴﻠﻞ ﻟﻘﻠﺒﻚ ﺑﻼ ﺇﺫﻧﻚ ... ﺩﺍﺑﺔ ﺗﺸﻮﻓﻲ
ﺟﻮﻻﻥ : ﻧﻮ ﻧﻮ ... ﻏﺘﺰﻭﺝ ﺯﻭﺍﺝ ﺗﻘﻠﻴﺪﻱ ﻭ ﻧﺘﻬﻨﺎ
ﺯﻳﻨﺐ : ﻫﻬﻬﻬﻪ ﺯﻭﺍﺝ ﺗﻘﻠﻴﺪﻱ ﮔﺎﻉ
ﺑﻘﺎﻭ ﻣﺠﻤﻌﻴﻦ ﺷﺤﺎﻝ ﻋﺎﺩ ﻗﻄﻌﺎﺕ ﺟﻮﻻﻥ ... ﻫﺰﺍﺕ ﻟﺒﻴﺴﻲ ﺩﻳﺎﻟﻬﺎ ﺣﻄﺎﺗﻮ ﻓﻮﻕ ﺣﺠﺮﻫﺎ ﻛﺘﻜﺘﺐ ... ﺳﻤﻌﺎﺕ ﺍﻟﺸﺘﺎ ﻛﺘﺼﺐ ... ﺣﻄﺎﺕ ﻟﺒﻴﺴﻲ ﻭ ﻧﺎﺿﺖ ﺣﻼﺕ ﺍﻟﺸﺮﺟﻢ ... ﻛﺘﺸﻮﻑ ﻓﺎﻟﺸﺘﺎ ﺧﻴﻂ ﻣﻦ ﺍﻟﺴﻤﺎ ... ﻓﺠﺄﺓ ﻟﻘﺎﺕ ﺭﺍﺳﻬﺎ ﻛﺘﻔﻜﺮ ﻓﺎﻟﺸﺎﺏ ﺍﻟﻲ ﺷﺎﻓﺖ ﺷﺤﺎﻝ ﻫﺎﺩﺍ ... ﻭﺍﻗﻒ ﺗﺤﺖ ﺍﻟﺸﺘﺎ ...
ﻭﺍﺧﺔ ﻣﺸﺎﻓﺘﺶ ﻭﺟﻬﻮ ﺑﻮﺿﻮﺡ ﺣﻴﻨﺖ ﻛﺎﻥ ﺩﺍﻳﺮ ﺍﻟﻘﺐ ... ﺍﻻ ﻭ ﺷﻜﻠﻮ ﻣﺒﻠﻞ ﺑﺎﻟﻜﺎﻣﻞ ﺗﺤﺖ ﺍﻟﻤﻄﺮ ﻣﺮﺓ ﻣﺮﺓ ﻳﺠﻲ ﻓﺒﺎﻟﻬﺎ ﺧﺎﺻﺔ ﻓﺎﺵ ﻛﺘﻜﻮﻥ ﻛﺘﺼﺐ ... ﺟﺎﻫﺎ ﺍﻟﺒﺮﺩ ﺳﺪﺍﺕ ﺍﻟﺸﺮﺟﻢ ﻭ ﺗﺨﺸﺎﺕ ﻓﺒﻼﺻﺘﻬﺎ ... ﺭﺟﻌﺎﺕ ﻛﺘﻜﺘﺐ ﺣﺘﺎ ﺑﺪﺍﻭ ﻳﺘﺴﺪﻭ ﻋﻨﻴﻬﺎ ... ﺗﻘﺎﺩﺍﺕ ﻓﺒﻼﺻﺘﻬﺎ ﻭ ﻏﻔﺎﺕ
...
🌸🌸🌸 ؛
ﺟﺎﻟﺴﺔ ﻗﺪﺍﻡ ﻟﺒﺎﺭ ﻛﺪﻭﺯ ﺻﺒﻌﻬﺎ ﻋﻠﻰ ﺣﺎﻓﺔ ﺍﻟﻜﺎﺱ ... ﺳﺎﻫﻴﺔ ﻭ ﻋﻘﻠﻬﺎ ﻏﻴﺮ ﻣﻌﺎﻩ ... ﺁﺧﺮ ﻣﺮﺓ ﺗﻠﻘﺎﻭ ﺗﺠﺎﻫﻠﻬﺎ ﻛﻠﻴﺎ ... ﻟﻬﺎﺩ ﺍﻟﺪﺭﺟﺔ ﺣﺎﻗﺪ ﻋﻠﻴﻬﺎ ﻋﻠﻰ ﺧﻄﺄ ﺩﺍﺭﺗﻮ ﻭ ﻫﻲ ﻣﺎﺷﻲ ﻓﻮﻋﻴﻬﺎ ... ﻛﺮﻫﺎﺕ ﺩﻳﻚ ﺍﻟﻠﻴﻠﺔ ﻭ ﺍﻟﻲ ﻭﻗﻊ ...
ﺳﻨﻤﺎﺭ : ﻓﻴﻦ ﺳﺎﺭﺣﺔ ؟
ﺗﻠﻔﺘﺎﺕ ﻭ ﻫﻮ ﻳﺒﺎﻥ ﻟﻴﻬﺎ ﺳﻨﻤﺎﺭ ﭼﺎﻟﺲ ﺟﻨﺒﻬﺎ ... ﺭﺟﻌﺎﺕ ﻛﺘﺸﻮﻑ ﻗﺪﺍﻣﻬﺎ ...
ﺳﻤﺎﺭﺍ : ﺁﺧﺮ ﻭﺍﺣﺪ ﺑﺎﻏﺔ ﻧﺸﻮﻑ ﻫﺎﺩ ﺍﻟﺴﺎﻋﺔ ﻫﻮ ﻧﺘﺎ
ﺳﻨﻤﺎﺭ : ﻋﻼﺵ ﻣﺎﻟﻜﻲ ؟
ﺳﻤﺎﺭﺍ : " ﺩﺍﺭﺕ ﻋﻨﺪﻭ ﻛﺘﻬﻀﺮ ﺑﻌﺼﺒﻴﺔ " ﺯﻋﻤﺎ ﻣﻌﺎﺭﻓﺶ ﻣﺎﻟﻲ ... ﻳﺎﻙ ﻭﺍﻋﺪﻳﺘﻴﻨﻲ ﻣﺎﺗﻘﻮﻝ ﻭﺍﻟﻮ ﻟﺮﺋﺒﺎﻝ ﻋﻠﻰ ﺍﻟﻲ ﻭﻗﻊ ﺑﻴﻨﺎﺗﻨﺎ
ﺳﻨﻤﺎﺭ : ﺁﻩ ﻭﺍﻋﺪﺗﻚ
ﺳﻤﺎﺭﺍ : ﻭ ﻋﻼﺍﺍﺍﺵ ﻭﺻﻠﺘﻴﻬﺎ ﻟﻴﻪ
ﺳﻨﻤﺎﺭ : ﻛﻴﻔﺎﺵ ... ﺃﻧﺎ ﻣﺎﻗﻠﺖ ﻟﻴﻪ ﻭﺍﻟﻮ
ﺳﻤﺎﺭﺍ : ﻭ ﺷﻜﻮﻭﻭﻥ ﻗﺎﻟﻬﺎ ﻟﻴﻪ ﺃﻧﺎﺍﺍ
ﺳﻨﻤﺎﺭ : ﺧﻔﻀﻲ ﺻﻮﺗﻚ ﻭ ﻻ ﻗﻠﺖ ﻟﻴﻚ ﻣﺎﻗﻠﺖ ﻟﻴﻪ ﻭﺍﻟﻮ ... ﻳﻌﻨﻲ ﻣﺎﻗﻠﺖ ﻟﻴﻪ ﻭﺍﻟﻮ
ﺳﻤﺎﺭﺍ : ﻭ ﺑﺎﺵ ﻋﺮﻑ ﻫﺎﺍﺍ
ﺳﻨﻤﺎﺭ : ﺷﻜﻮﻥ ﻋﺮﻑ ... ﺁﺵ ﻗﺎﻝ ﻟﻴﻚ ؟
ﺳﻤﺎﺭﺍ : ﺷﻨﻮ ﺍﻟﻲ ﻣﻘﺎﻟﺶ ... ﺳﻤﻌﻨﻲ ﻛﻼﻡ ﻛﻴﻒ ﺍﻟﺴﻢ ... ﻭﺍﺧﺔ ﺍﻋﺘﺎﺭﻓﺖ ﻟﻴﻪ ﺑﻤﺸﺎﻋﺮﻱ ﺗﺠﺎﻫﻠﻬﻢ ﻛﻠﻴﺎ ﻭ ﺍﺳﺘﻬﺰﺃ ﻣﻨﻲ ﻣﻦ ﻟﻔﻮﻕ ... ﻛﻠﺸﻲ ﺑﺴﺒﺐ ﺩﻳﻚ ﺍﻟﻠﻴﻠﺔ ﺍﻟﻜﺤﻼ " ﺷﺮﺑﺎﺕ ﺍﻟﻜﺎﺱ ﻓﺪﻗﺔ " ﻛﺮﻫﺖ ﺭﺍﺳﻲ ﻭ ﻛﺮﻫﺘﻚ " ﻣﻊ ﻟﺒﺎﺭ ﺗﺎﻧﺪﺭ " ﻋﻄﻴﻨﻲ ﻛﺎﺱ ﺁﺧﺮ
ﺳﻨﻤﺎﺭ : ﻻ ﻣﺘﺰﻳﺪﻫﺎﺵ ... ﺑﺎﺭﻛﺔ ﻋﻠﻴﻚ ﻣﻦ ﺍﻟﺸﺮﺍﺏ
ﺳﻤﺎﺭﺍ : ﻣﺎﺷﻲ ﺷﻐﻠﻚ ... ﺧﻠﻴﻚ ﺑﻌﻴﺪ
ﺭﺟﻌﺎﺕ ﻗﺎﻟﺖ ﻟﻠﺒﺎﺭ ﺗﺎﻧﺪﺭ ﻳﻌﻤﺮ ﻟﻴﻬﺎ ﺍﻟﻜﺎﺱ ... ﺷﺮﺑﺎﺗﻮ ﻭ ﺯﺍﺩﺕ ﻻﺧﺮ ... ﺳﻨﻤﺎﺭ ﺑﻘﺎ ﺟﺎﻟﺲ ﺟﻨﺒﻬﺎ ... ﺷﺎﻓﻬﺎ ﺗﻘﻼﺕ ﻓﺎﻟﺸﺮﺏ ﻭ ﻫﻮ ﻳﻮﻗﻒ ... ﺟﺒﺪ ﻟﻔﻠﻮﺱ ﺣﻄﻬﻢ ﻓﻮﻕ ﺍﻟﻜﻮﻧﻄﻮﺍﺭ ... ﻫﺰ ﺻﺎﻛﻬﺎ ﻭ ﻗﺮﺏ ﺑﻐﺎ ﻳﻬﺰﻫﺎ ﻭ ﻫﻲ ﺗﻐﻮﺕ ﻋﻠﻴﻪ ...
ﺳﻤﺎﺭﺍ : " ﺑﺘﻠﻌﺜﻢ " ﻻﺍﺍﺍ ﻣﺘﻘﺴﻨﻴﺶ ... ﻧﺘﺎ ﺍﻟﺴﺒﺐ ﺣﺘﺎ ﺭﺋﺒﺎﻝ ﻛﺮﻫﻨﻲ ... ﻣﺎﺑﻘﺎﺵ ﺣﺎﻣﻞ ﺣﺘﺎ ﻳﺸﻮﻑ ﻓﻴﺎ
ﺳﻨﻤﺎﺭ : ﺷﻮﻭﻭ ﺳﻜﺘﻲ ﺷﻮﻳﺔ ... ﻣﻐﺎﺩﻳﺶ ﻧﺨﻠﻴﻚ ﻓﻬﺎﺩ ﺍﻟﺤﺎﻟﺔ ... ﻏﻨﻮﺻﻠﻚ ﻟﺪﺍﺭﻙ ﻭ ﻧﺘﺎﺣﺮﻱ ﺩﻳﻚ ﺍﻟﺴﺎﻉ
ﻫﺰﻫﺎ ﺑﻴﻦ ﻳﺪﻳﻪ ﻭ ﺧﺮﺟﻬﺎ ... ﺣﻞ ﺳﻴﺎﺭﺗﻮ ﺣﻄﻬﺎ ﻭ ﻗﺎﺩ ﻟﻴﻬﺎ ﻟﺤﺰﺍﻡ ... ﺿﺎﺭ ﺭﻛﺐ ﻭ ﺗﺤﺮﻙ ... ﻭﺻﻞ ﻟﭭﻴﻼ ﺩﻳﺎﻟﻬﺎ ﺣﻠﻮ ﻟﻴﻪ ﻟﺒﺎﺏ ... ﻫﺒﻂ ﻭ ﻫﺰﻫﺎ ﻃﻠﻌﻬﺎ ﻟﺒﻴﺘﻬﺎ ... ﺣﻄﻬﺎ ﻓﻮﻕ ﺍﻟﻨﺎﻣﻮﺳﻴﺔ ﺣﻴﺪ ﻟﻴﻬﺎ ﺻﺒﺎﻃﻬﺎ ... ﻗﺎﺩ ﻟﻴﻬﺎ ﻟﻐﻄﺎ ﻭ ﺟﻠﺲ ﺟﻨﺒﻬﺎ ... ﺑﻌﺪ ﺧﺼﻼﺕ ﻣﻦ ﺷﻌﺮﻫﺎ ﻭ ﺑﻘﺎ ﻛﻴﺘﺄﻣﻞ ﻓﻮﺟﻬﺎ ... ﻣﺮﺭ ﺻﺒﻌﻮ ﻋﻠﻰ ﺧﺪﻫﺎ ﻭ ﺟﻨﺐ ﺷﻔﺘﻬﺎ ... ﻏﻴﺮ ﻭﻋﻰ ﻋﻠﻰ ﺷﻨﻮ ﻛﻴﺪﻳﺮ ﻭ ﻫﻮ ﻳﻨﻮﺽ ﺧﺮﺝ ...
ﻟﺒﺲ ﺍﻟﺠﺎﻛﻴﻂ ﻭ ﻫﺰ ﺳﺎﻋﺘﻮ ﻛﻴﻠﺒﺲ ﻓﻴﻬﺎ ... ﺗﺤﻞ ﻟﺒﺎﺏ ﻭ ﺩﺧﻼﺕ ﻻﺣﺒﻴﺒﺔ ...
ﻻﺣﺒﻴﺒﺔ : ﺻﺒﺎﺡ ﻟﺨﻴﺮ ﻭﻟﺪﻱ
ﺭﺋﺒﺎﻝ : " ﻗﺮﺏ ﻋﻨﺪﻫﺎ ﺑﺎﺱ ﻟﻴﻬﺎ ﺭﺍﺳﻬﺎ " ﺻﺒﺎﺡ ﺍﻟﺨﻴﺮ
ﻻﺣﺒﻴﺒﺔ : ﻣﺴﺎﻓﺮ ﺍﻟﻴﻮﻡ ؟
ﺭﺋﺒﺎﻝ : ﺍﻣﻢ ... ﻣﻐﺎﺩﻳﺶ ﻧﺘﻌﻄﻞ ... 3 ﺃﻳﺎﻡ ﻭ ﻧﺮﺟﻊ
ﻻﺣﺒﻴﺒﺔ : ﺍﻟﻠﻪ ﻳﺮﺟﻌﻚ ﻋﻠﻰ ﺧﻴﺮ ... ﻣﺘﺒﻘﺎﺵ ﻏﻴﺮ ﺍﻟﺨﺪﻣﺔ ﻭ ﺗﻬﻤﻞ ﺭﺍﺳﻚ ... ﻛﻮﻝ ﻓﺎﻟﻮﻗﺖ ﻭ ﺍﺭﺗﺎﺡ ﺷﻮﻳﺔ
ﺑﻘﺎ ﻛﻴﺸﻮﻑ ﻓﻴﻬﺎ ﺭﺋﺒﺎﻝ ﻛﻴﻔﺎﺵ ﻛﺘﻮﺻﻴﻪ ﻋﻠﻰ ﺭﺍﺳﻮ ... ﺍﺑﺘﺎﺳﻢ ﻟﻴﻬﺎ ﺍﺑﺘﺴﺎﻣﺔ ﺧﻔﻴﻔﺔ ﻭ ﻫﺒﻂ ﻫﻮ ﻭﻳﺎﻫﺎ ... ﺷﺮﺏ ﻗﻬﻮﺗﻮ ﺍﻟﺼﺒﺎﺣﻴﺔ ﻭ ﺍﺗﺎﺟﻪ ﻟﻠﺸﺮﻛﺔ ... ﺍﻟﺮﺣﻠﺔ ﻋﻨﺪﻭ ﻓﺎﻟﻌﺸﻴﺔ ﻣﻦ ﺑﻌﺪ ﺍﻹﺟﺘﻤﺎﻉ ... ﻫﺒﻂ ﻣﻦ ﺍﻟﺴﻴﺎﺭﺓ ﺩﺍﺧﻞ ﻟﻠﺸﺮﻛﺔ ... ﻭ ﻓﻨﻔﺲ ﺍﻟﻮﻗﺖ ﺟﺎﻳﺔ ﺟﻮﻻﻥ ﻫﻲ ﻭ ﺯﻳﻨﺐ ... ﻟﻤﺤﺎﺗﻮ ﺟﻮﻻﻥ ﻭ ﻫﻲ ﺗﻨﻐﺰ ﺯﻳﻨﺐ ...
ﺟﻮﻻﻥ : ﺷﻮﻓﻲ ﻟﻬﻴﻪ
ﺯﻳﻨﺐ : " ﻃﺮﻃﻘﺎﺕ ﻋﻨﻴﻬﺎ " ﻫﺎﺩﺍﻙ ﻫﻮ ﺍﻟﻤﺪﻳﺮ ... ﻳﺎ ﺣﻼﻭﺓ ﺷﺤﺎﻝ ﺯﻭﻳﻦ ... ﺩﺍﻳﺮ ﻛﻴﻒ ﺷﻲ ﻟﻮﺣﺔ ﻣﺮﺳﻮﻣﺔ ... ﻛﻴﺒﺎﻥ ﺣﺴﻦ ﻣﻦ ﺍﻟﺼﻮﺭﺓ " ﺗﻨﻬﺪﺍﺕ " ﺗﺨﺎﻳﻠﻲ ﺑﺤﺎﻝ ﻫﺎﺩﺍ ﻳﺒﻐﻴﻚ ﻣﻦ ﺑﻴﻦ ﮔﺎﻉ ﺍﻟﺒﻨﺎﺕ ... ﻣﺎﺷﻲ ﻏﺘﻜﻮﻥ ﻣﺰﻏﺮﺗﺔ ﻋﻠﻴﻚ ﻣﻚ
ﺟﻮﻻﻥ : ﺟﻤﻌﻲ ﺭﻳﻮﮔﻚ ... ﻗﻠﻨﺎ ﻟﻴﻚ ﺷﻮﻓﻲ ﻭ ﻧﺘﻲ ﺗﺤﻠﻴﺘﻲ
ﺯﻳﻨﺐ : ﺳﻤﺤﻲ ﻟﻴﺎ ﻭ ﻟﻜﻦ ﺃﻧﺎ ﻛﻨﻘﺪﺭ ﺍﻟﺠﻤﺎﻝ ﻣﻨﻴﻦ ﻧﺸﻮﻓﻮ ... ﻏﻴﺮ ﻣﺸﻴﺘﻮ ﻭ ﻛﻴﻒ ﺩﺍﻳﺮﺓ ... ﻭ ﻫﺎﺩﺷﻲ ﺷﻔﺖ ﻣﻦ ﺑﻌﻴﺪ ... ﻻ ﻛﻨﺖ ﻗﺮﻳﺒﺔ ﻟﻴﻪ ﻳﻘﺪﺭ ﻧﻄﻴﺢ ﻓﻴﻪ
ﺟﻮﻻﻥ : ﻣﺎﺷﻲ ﺯﺩﺗﻲ ﻓﻴﻪ
ﺯﻳﻨﺐ : ﻧﺘﻲ ﻣﺎﻟﻚ ... ﺟﺎﻧﻲ ﺑﺤﺎﻝ ﺍﻟﻰ ﻣﺎﻋﺠﺒﻜﺶ ﺍﻟﺤﺎﻝ ﻧﻬﻀﺮ ﻋﻠﻴﻪ
ﺟﻮﻻﻥ : ﻟﻮﺍﻩ ﺣﺘﺎ ﻧﺘﻲ ... ﻫﻀﺮﻱ ﻭ ﻋﺒﺮﻱ ﺃﻧﺎ ﻣﺎﻟﻲ
ﺯﻳﻨﺐ : " ﺻﻐﺮﺍﺕ ﻓﻴﻬﺎ ﻋﻨﻴﻬﺎ " ﺍﻋﺘﺎﺭﻓﻲ ﻓﺪﺍﺧﻠﻚ ﻛﻴﻌﺠﺒﻚ ﺍﻟﻤﺪﻳﺮ ﻳﺎﺍﻙ ﻳﺎﺍﺍﻙ ؟
ﺟﻮﻻﻥ : " ﻧﻌﺘﺎﺕ ﻟﻴﻬﺎ ﻓﺒﺎﺏ ﺍﻟﻤﺼﻌﺪ " ﻣﺎﺷﻲ ﻫﺎﺩﺍ ﺍﻟﻄﺎﺑﻖ ﻓﻴﻦ ﻛﺎﻳﻦ ﺍﻟﻤﻜﺘﺐ ﺩﻳﺎﻟﻚ
ﺯﻳﻨﺐ : ﻫﻬﻬﻪ ﻓﻠﺘﻲ ﻣﻨﻲ ... ﻟﻤﻬﻢ ﻓﺎﺳﺘﺮﺍﺣﺔ ﺍﻟﻐﺪﺍ ﻧﺘﻠﻘﺎﻭ ... ﺑﺎﻱ ﺍﻟﺤﺐ
ﺧﺮﺟﺎﺕ ﺯﻳﻨﺐ ﻭ ﻃﻠﻌﺎﺕ ﺟﻮﻻﻥ ﻟﻠﻄﺎﺑﻖ ﺍﻷﺧﻴﺮ ... ﻛﻴﻒ ﺩﺧﻼﺕ ﻟﻠﻤﻜﺘﺐ ﺑﺪﺍﺕ ﻛﺘﺠﻬﺰ ﻟﻼﺟﺘﻤﺎﻉ ... ﻭﺻﻞ ﺍﻟﻮﻗﺖ ﺗﺄﻛﺪﺍﺕ ﻣﻦ ﺃﻥ ﺍﻟﻜﻞ ﺗﺠﻤﻌﻮ ... ﺍﺗﺎﺟﻬﺎﺕ ﻟﻤﻜﺘﺐ ﺭﺋﺒﺎﻝ ﺩﻗﺎﺕ ﻳﺎﻻﻩ ﺑﻐﺎﺕ ﺗﺤﻞ ﻭ ﻫﻮ ﻳﺘﺤﻞ ﻟﺒﺎﺏ ...
ﺟﻮﻻﻥ : ﻛﻴﺘﺴﻨﺎﻭﻙ
ﺭﺋﺒﺎﻝ : ﺑﻐﻴﺖ ﻭﺍﺣﺪ ﺍﻟﻀﻮﺳﻲ ﺩﻳﺎﻝ ﻟﻌﺎﻡ ﺍﻟﻲ ﻓﺎﺕ ... ﻛﺎﻳﻦ ﻓﺎﻟﺮﻓﻮﻑ ... ﺟﺒﺪﻳﻪ ﻟﻴﺎ ﻏﺎﺩﻱ ﻧﺎﺧﺪﻭ ﻣﻌﻴﺎ
ﺟﻮﻻﻥ : ﺃﻭﻛﻲ ﻣﻮﺳﻴﻮ
ﺧﺮﺝ ﻫﻮ ﻭ ﺍﺗﺎﺟﻪ ﻟﻘﺎﻋﺔ ﺍﻻﺟﺘﻤﺎﻋﺎﺕ ... ﺩﺧﻼﺕ ﺟﻮﻻﻥ ﻟﻠﻤﻜﺘﺐ ﻭ ﺑﺪﺍﺕ ﻛﺘﻘﻠﺐ ﻋﻠﻰ ﺍﻟﻀﻮﺳﻲ ﺍﻟﻲ ﻗﺎﻝ ﻟﻴﻬﺎ ... ﻣﺎﺧﻼﺕ ﻓﻴﻦ ﻗﻠﺒﺎﺕ ﻣﻠﻘﺎﺗﻮﺵ ... ﻣﺎﻋﺮﻓﺎﺕ ﻣﺎﺩﻳﺮ ﺧﺎﺹ ﻳﺨﺮﺝ ﻣﻦ ﺍﻹﺟﺘﻤﺎﻉ ﻳﻠﻘﺎﻩ ... ﻣﻜﺎﻧﺘﺶ ﺑﻐﺎﺕ ﺗﻄﻠﺐ ﻣﺴﺎﻋﺪﺗﻮ ﻟﻜﻦ ﻣﺎﻋﻨﺪﻫﺎ ﺧﻴﺎﺭ ... ﻫﺰﺍﺕ ﻟﻔﻴﻜﺲ ﻭ ﺍﺗﺎﺻﻼﺕ ﺑﻤﻜﺘﺐ ﺑﻬﺎﺀ ...
ﺟﻮﻻﻥ : ﻣﻮﺳﻴﻮ ﺑﻬﺎﺀ ﻣﺤﺘﺎﺟﺔ ﻣﺴﺎﻋﺪﺗﻚ
ﺑﻬﺎﺀ : ﺷﻨﻮ ﺑﻐﻴﺘﻲ ؟
ﺟﻮﻻﻥ : ﻭﺍﺣﺪ ﺍﻟﻀﻮﺳﻲ ﺑﻐﺎﻩ ﺍﻟﻤﺪﻳﺮ ... ﻣﻌﺎﺭﻓﺶ ﻓﻴﻦ ﻣﻤﻜﻦ ﻧﻠﻘﺎﻩ ؟
ﺑﻬﺎﺀ : ﻣﺎﺷﻲ ﻫﺎﺩﻱ ﺧﺪﻣﺘﻚ
ﺟﻮﻻﻥ : ﻋﺎﺭﻓﺔ ﻭ ﻟﻜﻦ ﻗﻠﺒﺖ ﻭ ﻣﻠﻘﻴﺘﻮﺵ ... ﻗﻠﺖ ﻧﺴﻮﻟﻚ ﻣﻤﻜﻦ ﺗﻌﺮﻑ
ﺑﻬﺎﺀ : ﻣﺎﻋﺮﻓﺘﺶ " ﺳﺪ ﺍﻟﺨﻂ "
ﺟﻮﻻﻥ : " ﻛﺘﺸﻮﻑ ﻓﺎﻟﺴﻤﺎﻋﺔ " ﻭﻟﺪ ﺍﻟﻬﻢ ﻗﻄﻊ ﻋﻠﻴﺎ ... ﻳﺨﺦ ﺗﻘﻮﻝ ﻗﺎﺗﻠﺔ ﻟﻴﻪ ﺑﺎﻩ ... ﺯﻋﻤﺎ ﻫﻮ ﻛﺎﻥ ﻣﺴﺎﻋﺪﻭ ﺳﻨﻴﻦ ﻫﺎﺩﻱ ... ﻻ ﻣﺎﻋﺮﻑ ﻓﻴﻦ ﻛﺎﻳﻦ ﻏﻨﻌﺮﻑ ﺃﻧﺎ
ﺭﺟﻌﺎﺕ ﻛﺘﻘﻠﺐ ﺑﻘﺎ ﻟﻴﻬﺎ ﻏﻴﺮ ﺍﻟﺮﻑ ﺍﻟﻔﻮﻗﺎﻧﻲ ... ﺑﺪﺍﺕ ﻛﺘﻘﻠﺐ ﻓﻮﻗﺎﺵ ﻃﻠﻊ ... ﺟﺮﺍﺕ ﻛﺮﺳﻲ ﺑﺎﻟﺮﻭﺍﻳﺾ ... ﺣﻴﺪﺍﺕ ﺍﻟﺼﺒﺎﻁ ﺍﻟﻌﺎﻟﻲ ﻭ ﻃﻠﻌﺎﺕ ﻛﺘﻘﻠﺐ ...
ﺣﻞ ﻟﺒﺎﺏ ﻭ ﻫﻲ ﺗﺒﺎﻥ ﻟﻴﻪ ﻭﺍﻗﻔﺔ ﻓﻮﻕ ﺍﻟﻜﺮﺳﻲ ﻋﻠﻰ ﻗﺮﻭﻥ ﺻﺒﺎﻋﻬﺎ ... ﺑﻘﺎ ﻭﺍﻗﻒ ﺷﺎﺩ ﻓﺎﻟﺒﺎﺏ ﻭ ﻛﻴﺸﻮﻑ ﻓﻴﻬﺎ ... ﺑﺎﻧﺖ ﻟﻴﻪ ﻛﺘﺤﻴﺪ ﺍﻟﻐﺒﺮﺓ ﻋﻠﻰ ﻟﻲ ﺿﻮﺳﻲ ... ﺷﻮﻳﺔ ﻭ ﻫﻲ ﺗﻀﺮﺑﻬﺎ ﺑﻮﺍﺣﺪ ﺍﻟﻌﻄﺴﺔ ﻛﺘﺴﻤﻊ ﻋﻠﻰ ﺑﻌﺪ ﺃﻣﻴﺎﻝ ... ﻃﻠﻖ ﻣﻦ ﻟﺒﻮﺍﻧﻲ ﻭ ﻗﺮﺏ ﺑﺨﻄﻰ ﻫﺎﺩﺋﺔ ... ﺟﻮﻻﻥ ﺍﺑﺘﺎﺳﻤﺎﺕ ﺑﺎﻧﺘﺼﺎﺭ ﻣﻨﻴﻦ ﻟﻘﺎﺗﻮ ...
ﺷﺪﺍﺗﻮ ﻓﻴﺪﻫﺎ ﻭ ﻛﺤﺰﺍﺕ ﺭﺟﻠﻬﺎ ﺑﻐﺎﺕ ﺗﻨﺰﻝ ... ﺿﻐﻄﺎﺕ ﻋﻠﻰ ﺍﻟﺠﻨﺐ ﻭ ﻫﻮ ﻳﻤﻴﻞ ﺍﻟﻜﺮﺳﻲ ... ﺳﺪﺍﺕ ﻋﻨﻴﻬﺎ ﻛﺘﺴﻨﺎ ﺗﺨﺒﻂ ﻣﻊ ﻟﺮﺽ ... ﺣﺘﻰ ﺣﺴﺎﺕ ﺑﻴﺪ ﺿﺎﺭﺕ ﻋﻠﻰ ﺧﺼﺮﻫﺎ ﺟﺮﺍﺗﻬﺎ ... ﻛﺎﻧﺖ ﻣﻬﺰﻭﺯﺓ ﻋﻠﻰ ﻟﺮﺽ ﺷﻮﻳﺔ ﻭ ﻣﺨﺸﻴﺔ ﻓﺸﻲ ﺣﺪ ... ﻣﻨﻴﻦ ﺍﺳﺘﻨﺸﻘﺎﺕ ﺭﻳﺤﺘﻮ ﻋﺮﻓﺎﺕ ﺷﻜﻮﻥ ﻟﻜﻦ ﻣﻊ ﺍﻟﺼﺪﻣﺔ ﺑﻘﺎﺕ ﺟﺎﻣﺪﺓ ﻣﺘﺤﺮﻛﺎﺗﺶ ...
ﺑﻬﺎﺀ ﻭﺍﻗﻒ ﻋﻨﺪ ﻟﺒﺎﺏ ﺍﻟﻲ ﻣﻔﺘﻮﺡ ... ﻛﻴﺸﻮﻑ ﻓﺮﺋﺒﺎﻝ ﺍﻟﻲ ﺣﺎﺿﻦ ﺟﻮﻻﻥ ﻧﻮﻋﺎ ﻣﺎ ... ﺿﺎﺭ ﺑﺴﺮﻋﺔ ﻭ ﺭﺟﻊ ﻣﻨﻴﻦ ﺟﺎ ...
ﺣﺴﺎﺕ ﺑﻴﻪ ﺑﻌﺪﻫﺎ ﻋﻠﻴﻪ ... ﻫﺰﺍﺕ ﺭﺍﺳﻬﺎ ﻟﻘﺎﺗﻮ ﻛﻴﺸﻮﻭﻭﻭﻑ ﻓﻴﻬﺎ ... ﺑﺪﺍﺕ ﻛﺘﺮﻣﺶ ﻋﻨﻴﻬﺎ ﺑﺴﺮﻋﺔ ﻛﻴﻒ ﻛﻞ ﻣﺮﺓ ﻛﺘﻮﺛﺮ ﻓﻴﻬﺎ ... ﺩﻏﻴﺎ ﺭﺟﻌﺎﺕ ﻧﺰﻻﺗﻬﻢ ﻭ ﺗﺤﺪﺭﺍﺕ ﻫﺰﺍﺕ ﺻﺒﺎﻃﻬﺎ ﻓﻴﺪﻫﺎ ... ﺗﻤﺎﺕ ﺧﺎﺭﺟﺔ ﻭﺻﻼﺕ ﻋﻨﺪ ﻟﺒﺎﺏ ﻭ ﻫﻲ ﺗﺮﺟﻊ ﻋﻨﺪﻭ ﺣﺎﺩﺭﺓ ﺭﺍﺳﻬﺎ ... ﻣﺪﺍﺕ ﻟﻴﻪ ﺍﻟﻀﻮﺳﻲ ﺷﺪﻭ ﻣﻦ ﻋﻨﺪﻫﺎ ﻭ ﻫﻲ ﺗﺨﺮﺝ ﻛﺘﺰﺭﺏ ﻓﻤﺸﻴﺘﻬﺎ ...
ﺑﻘﺎ ﻭﺍﻗﻒ ﺷﺤﺎﻝ ﺣﻚ ﻋﻠﻰ ﺫﻗﻨﻮ ... ﻋﺎﺩ ﻫﺰ ﺍﻟﻔﻮﻥ ﻭ ﺧﺮﺝ ... ﻫﺒﻂ ﺧﺪﺍ ﺍﻟﺴﻴﺎﺭﺓ ﻭ ﺍﺗﺎﺟﻪ ﻟﻠﻤﻄﺎﺭ