السفاح العاشق

بارت 32

ﺗﻤﺎﺕ ﺧﺎﺭﺟﺔ ﺯﻳﻨﺐ ﻛﻴﻒ ﻭﺻﻼﺕ ﻋﻨﺪ ﻟﺒﺎﺏ ﻭ ﻫﻲ ﺗﺴﻤﻊ ﺻﻮﺕ ﺟﻮﻻﻥ ﻛﺘﻨﺎﺩﻱ ﻋﻠﻴﻬﺎ ...
ﺟﻮﻻﻥ : ﺯﻳﻴﻴﻨﺐ ... ﺯﻳﻨﺐ ﺗﺴﻨﺎﻱ
ﺗﺒﺴﻤﺎﺕ ﺯﻳﻨﺐ ﺑﺎﻧﺘﺼﺎﺭ ... ﺟﻤﻌﺎﺕ ﺍﻹﺑﺘﺴﺎﻣﺔ ﻭ ﺿﺎﺭﺕ ﺭﺍﺟﻌﺔ ... ﻫﺰﺍﺕ ﻟﻔﺴﺘﺎﻥ ﻭ ﻋﻄﺎﺕ ﻻﺧﺮ ﻟﺠﻮﻻﻥ ... ﺩﺧﻠﻮ ﻗﻴﺴﻮ ﻭ ﺧﺮﺟﻮ ﺑﺠﻮﺝ ... ﻋﺠﺒﻮﻫﻢ ﺍﻟﻔﺴﺎﺗﻴﻦ ﺣﻴﻨﺖ ﺳﺎﻣﺒﻞ ﻭ ﻣﺎﻣﻌﻴﻘﻴﻨﺶ ... ﺑﻘﺎﻭ ﺑﻴﻬﻢ ﻭ ﺩﺍﺯﻭ ﺧﻠﺼﻮ ... ﻋﺎﺩ ﻣﺸﺎﻭ ﻟﺼﺎﻟﻮﻥ ... ﻗﺎﺩﻭ ﺷﻌﺮﻫﻢ ﻭ ﺩﺍﺭﻭ ﻣﺎﻳﻜﺎﭖ ﺧﻔﻴﻒ ... ﺧﺪﺍﻭ ﻃﺎﻛﺴﻲ ﻭ ﺗﻮﺟﻬﻮ ﻟﻸﻭﻃﻴﻞ ...
ﻫﺒﻄﻮ ﻭ ﻫﻮ ﻳﺒﺎﻥ ﻟﻴﻬﻢ ﺍﻟﺴﻴﺎﺭﺍﺕ ﻣﺴﺎﻓﻴﻦ ﺍﻣﺎﻡ ﺍﻷﻭﻃﻴﻞ ... ﺍﻟﻨﺎﺱ ﻣﺘﺄﻧﻘﻴﻦ ﻭ ﻻﺑﺴﻴﻦ ﺍﻟﺮﺳﻤﻲ ... ﺩﺧﻠﻮ ﻟﺒﻨﺎﺕ ﻭ ﺳﻮﻟﻮ ﻋﻠﻰ ﻣﻜﺎﻥ ﺍﻹﺟﺘﻤﺎﻉ ... ﻛﺎﻥ ﻓﺎﻟﻄﺎﺑﻖ ﺍﻟﺜﺎﻧﻲ ﺍﻣﺎ ﺍﻟﺤﻔﻞ ﻓﻜﺎﻥ ﻓﺎﻟﺼﺎﻟﺔ ﺍﻟﻜﺒﺮﻯ ﻓﺎﻟﻄﺎﺑﻖ ﺍﻷﻭﻝ ...
ﺯﻳﻨﺐ : ﺑﻌﺪ ﺳﺎﻋﺔ ﻏﺘﻠﻘﺎﻳﻨﻲ ﻛﻨﺘﺴﻨﺎﻙ ﻫﻨﺎ ... ﻋﺮﻓﺘﻲ ﻭ ﺗﺴﻠﺘﻲ ﻏﻨﻐﻀﺐ ﻋﻠﻴﻚ ﻃﻮﻝ ﺣﻴﺎﺗﻲ
ﺟﻮﻻﻥ : " ﺑﺎﺑﺘﺴﺎﻣﺔ " ﻣﺰﺍﻝ ﻣﻤﺘﻴﻘﺎﺵ ﻏﻨﻘﺎﺑﻞ ﻛﺘﺎﺏ ﻛﺒﺎﺭ ... ﺣﺎﺳﺔ ﺑﺎﻟﻔﺮﺍﺷﺎﺕ ﻓﻤﻌﺪﺗﻲ
ﺯﻳﻨﺐ : ﺣﺒﻚ ﺟﺎ ﻋﻠﻰ ﺍﻟﻜﺘﻮﺑﺔ ... ﺍﻧﺎ ﺑﻌﺪﺍ ﻣﻌﺪﺗﻲ ﻛﺘﻔﺮﻓﺮ ﻏﻴﺮ ﻻ ﺷﻔﺖ ﺷﻲ ﺗﻴﺘﻴﺰ ﻫﻬﻪ
ﺟﻮﻻﻥ : ﻫﻬﻬﻪ ﺷﻜﺮﺍ
ﺯﻳﻨﺐ : " ﻗﻠﺰﺍﺕ ﻟﻴﻬﺎ " ﻫﺎﻫﻮﺍﺍ ... ﻭ ﺩﺍﺑﺔ ﻃﻠﻌﻲ ... ﻳﺴﺎﻟﻲ ﺍﻹﺟﺘﻤﺎﻉ ﻧﻠﻘﺎﻙ ﻫﻨﺎ
ﺣﺮﻛﺎﺕ ﻟﻴﻬﺎ ﺟﻮﻻﻥ ﺭﺍﺳﻬﺎ ﻭ ﺗﻮﺟﻬﺎﺕ ﻟﻠﻤﺼﻌﺪ ... ﺧﺮﺟﺎﺕ ﻭ ﺗﻮﺟﻬﺎﺕ ﻟﻠﻤﻜﺎﻥ ﺍﻟﻲ ﻗﺎﻟﻮ ﻟﻴﻬﺎ ... ﺑﺎﻧﻮ ﻟﻴﻬﺎ ﺍﻟﻨﺎﺱ ﻛﻴﺪﺧﻠﻮ ... ﻛﻴﻒ ﻭﺻﻼﺕ ﻋﻨﺪ ﻟﺒﺎﺏ ﻟﻤﺤﺎﺗﻮ ﻭﺍﻗﻒ ﺑﻜﻞ ﻫﻴﺒﺔ ... ﺑﻘﺎﺕ ﻛﺘﺸﻮﻑ ﻓﻴﻪ ... ﻣﺘﻮﻗﻌﺎﺗﺶ ﻳﻜﻮﻥ ﻫﻨﺎ ... ﻟﻤﺤﻬﺎ ﻭ ﺷﺎﻑ ﻓﻴﻬﺎ ﺑﺘﻤﻌﻦ ... ﺃﻭﻝ ﻣﺮﺓ ﻳﺸﻮﻓﻬﺎ ﺑﻬﺎﺩ ﺍﻟﻠﺒﺲ ﺍﻭ ﺑﺎﻷﺣﺮﻯ ﺑﻔﺴﺘﺎﻥ ... ﻭ ﻛﺎﻧﺖ ﻻﺑﺴﺔ ﺣﺘﺎ ﻧﻈﺮﺍﺗﻬﺎ ﺍﻟﻲ ﺷﺤﺎﻝ ﻫﺎﺩﺍ ﻣﺸﺎﻓﻬﺎ ﺑﻴﻬﻢ ... ﻗﺮﺑﺎﺕ ﺑﻬﺪﻭﺀ ﻭ ﻫﻲ ﺗﻠﻘﻲ ﻋﻠﻴﻪ ﺍﻟﺘﺤﻴﺔ ...
ﺟﻮﻻﻥ : ﻣﻮﺳﻴﻮ ﺍﻟﻌﺜﻤﺎﻧﻲ
ﺭﺋﺒﺎﻝ : ﻏﺪﺍ ﺑﻐﻴﺖ ﻳﻜﻮﻥ ﻋﻨﺪﻱ ﻣﻠﺨﺺ ﺍﻹﺟﺘﻤﺎﻉ
ﺟﻮﻻﻥ : " ﺣﺪﺭﺍﺕ ﺭﺍﺳﻬﺎ "
ﺭﺋﺒﺎﻝ : ﺳﻤﻌﺘﻲ ﺷﻨﻮ ﻗﻠﺖ
ﺟﻮﻻﻥ : " ﺣﺮﻛﺎﺕ ﺭﺍﺳﻬﺎ ﺑﺎﻹﻳﺠﺎﺏ " ﻛﻴﻒ ﻧﺮﺟﻊ ﻟﻠﺪﺍﺭ ﻏﻨﺴﻴﻔﻄﻮ ﻟﻴﻚ ﻓﺈﻳﻤﻴﻞ
ﺭﺋﺒﺎﻝ : ﻣﺰﻳﺎﻥ ... ﺍﺳﺘﻤﺘﻌﻲ ﺑﻮﻗﺘﻚ
ﺟﻮﻻﻥ : ﺷﻜﺮﺍ ﻣﻮﺳﻴﻮ
ﺿﺎﺭﺕ ﺩﺍﺧﻠﺔ ﻭ ﻫﻮ ﻳﺘﺒﻌﻬﺎ ﺑﻌﻨﻴﻪ ... ﺧﺸﺎ ﻳﺪﻭ ﻓﺎﻟﺠﻴﺐ ﻭ ﺗﻮﺟﻪ ﻟﻠﻤﺼﻌﺪ ...
ﻋﻨﻴﻬﺎ ﻛﻴﻠﻤﻌﻮ ﻭ ﻫﻲ ﻭﺳﻂ ﺩﻳﻚ ﺍﻷﺟﻮﺍﺀ ... ﻓﻬﺎﺩ ﺍﻟﻠﺤﻈﺔ ﻧﺴﺎﺕ ﺷﻨﻮ ﻭﻗﻊ ﻣﻊ ﺑﺎﻫﺎ ﻭ ﻣﻦ ﺷﻨﻮ ﻏﻴﺤﺮﻣﻬﺎ ... ﻓﻘﻂ ﻣﺴﺘﻤﺘﻌﺔ ﺑﺎﻟﺤﺪﻳﺚ ﻭﺍﻟﻨﻘﺎﺵ ﺑﻴﻦ ﺃﻧﺎﺱ ﻛﺎﻧﺖ ﺗﺤﻠﻢ ﺗﻘﺎﺑﻠﻬﻢ ... ﻟﻜﻦ ﻋﻤﺮﻫﺎ ﺿﻨﺎﺕ ﺃﻥ ﻫﺎﺩ ﺍﻟﺤﻠﻢ ﻏﻴﺘﺤﻘﻖ ﻭ ﺑﻬﺎﺩ ﺍﻟﺴﺮﻋﺔ ... ﻳﻤﻜﻦ ﻏﻴﺘﺴﻠﺐ ﻣﻨﻬﺎ ﻫﺎﺩ ﺍﻟﺤﻠﻢ ﺑﻨﻔﺲ ﺍﻟﺴﺮﻋﺔ ﺍﻟﻲ ﺟﺎ ﺑﻴﻬﺎ ... ﻟﻜﻦ ﻓﻬﺎﺩ ﺍﻟﻠﺤﻈﺔ ﺻﺮﻓﺎﺕ ﻫﺎﺩ ﺍﻷﻓﻜﺎﺭ ﻭ ﺍﻛﺘﻔﺖ ﺑﺎﻟﻤﺮﺍﻗﺒﺔ ﻭ ﻭﺟﻬﺎ ﻣﺒﺸﻮﺭ ...
ﺑﺪﺍﻭ ﻛﻴﻐﺎﺩﺭﻭ ﺑﻌﺪ ﺍﻧﻬﺎﺀ ﺍﻹﺟﺘﻤﺎﻉ ... ﻟﻘﺎﺕ ﺍﻟﺘﺤﻴﺔ ﻋﻠﻰ ﺑﻌﺾ ﺍﻷﺷﺨﺎﺹ ﻭ ﺧﺮﺟﺎﺕ ... ﺗﻔﺰﻋﺎﺕ ﻓﺎﺵ ﻗﻔﺰﺍﺕ ﻋﻠﻴﻬﺎ ﺯﻳﻨﺐ ... ﺷﺪﺍﺕ ﻋﻠﻰ ﺻﺪﺭﻫﺎ ﻭ ﺧﻨﺰﺭﺍﺕ ﻓﻴﻬﺎ ...
ﺯﻳﻨﺐ : ﺧﻠﻌﺘﻚ ... ﺳﻮﺭﻱ
ﺟﻮﻻﻥ : ﻳﺎﻙ ﻗﻠﺘﻲ ﻏﺘﺴﻨﺎﻱ ﻟﺘﺤﺖ
ﺯﻳﻨﺐ : ﺧﻔﺖ ﺗﺰﻳﺪﻱ ﻭ ﺗﺨﻠﻴﻨﻲ ﻣﻨﺸﻮﺭﺓ ... ﻣﺎﻟﻴﻦ ﺍﻟﻨﻀﺎﺿﺮ ﻣﺎﻓﻴﻬﻢ ﺛﻘﺔ ... ﻣﻠﻴﺖ ﺑﻼ ﺑﻴﻚ ... ﻣﻲ ﺍﻟﺤﻔﻠﺔ ﻳﺎﻻﻩ ﺑﺪﺍﺕ ﻭ ﻋﺎﻣﺮﺓ ﺗﻮﺗﻮﺯ " ﻟﻮﺍﺕ ﻋﻠﻴﻬﺎ ﺩﺭﺍﻋﻬﺎ " ﺩﺍﺑﺔ ﻣﻌﻴﺎ ﺷﺮﻳﻜﺘﻲ ﻓﺎﻟﺠﺮﻳﻤﺔ ... ﻏﻨﺒﺮﮔﻮ ﻣﻊ ﺑﻌﺾ ﻭ ﻧﻤﻤﻮ ﻓﺎﻟﻤﺴﻴﻤﻴﻤﺎﺕ ﺍﻟﻲ ﻫﺎﺯﻳﻦ ﻗﻨﺎﻧﻔﻬﻢ ﻟﻠﺴﻤﺎ ... Let's go babe
ﻫﺒﻄﻮ ﻟﺘﺤﺖ ﻭ ﻗﺒﻞ ﻣﺎﻳﺪﺧﻠﻮ ﻟﻠﻘﺎﻋﺔ ﺟﺒﺪﺍﺕ ﺯﻳﻨﺐ ﺷﻲ ﺣﺎﺟﺔ ﻣﻦ ﺻﺎﻛﻬﺎ ...
ﺯﻳﻨﺐ : ﺣﻔﻠﺔ ﺗﻨﻜﺮﻳﺔ ... ﺧﺎﺹ ﺗﻠﺒﺴﻲ ﻟﻤﺎﺳﻚ " ﺩﺍﺭﺕ ﺩﻳﺎﻟﻬﺎ "
ﺟﻮﻻﻥ : ﻻ ﺑﻼﺵ
ﺯﻳﻨﺐ : ﻟﺒﺴﻲ ﮔﺎﻻﻙ ﺑﻼﺵ
ﺣﻴﺪﺍﺕ ﻟﻴﻬﺎ ﺯﻳﻨﺐ ﻧﻀﺎﺿﺮﻫﺎ ﻭ ﻗﺎﺩﺍﺗﻮ ﻟﻴﻬﺎ ... ﻛﺎﻥ ﻣﺸﺒﻚ ﻓﺎﻻﺳﻮﺩ ﻭ ﺷﺎﺩ ﻏﻴﺮ ﻟﻌﻨﻴﻦ ... ﺷﺪﺍﺕ ﻓﻴﻬﺎ ﻭ ﺩﺧﻠﻮ ﻟﻠﻘﺎﻋﺔ ﺍﻟﻲ ﻛﺎﻧﺖ ﻋﺎﻣﺮﺓ ... ﻧﺴﺎﺀ ﻭ ﺭﺟﺎﻝ ﻣﻨﺘﺎﺷﺮﻳﻦ ﻭ ﺩﺍﻳﺮﻳﻦ ﺑﺎﻟﻄﺒﺎﻟﻲ ﺍﻟﻤﺰﻳﻨﺔ ... ﺍﻷﻏﻠﺒﻴﺔ ﻛﺎﻧﻮ ﺩﺍﻳﺮﻳﻦ ﺍﻷﻗﻨﻌﺔ ... ﻓﺌﺔ ﻫﺎﺯﻳﻦ ﻛﺆﻭﺱ ﻓﻴﺪﻳﻬﻢ ﻭ ﻣﺸﺎﺭﻛﻴﻦ ﺍﻟﺤﺪﻳﺚ ... ﻭ ﻓﺌﺔ ﻛﺘﺮﻗﺺ ...
ﺟﻮﻻﻥ ﺟﺎﻫﺎ ﻫﺎﺩﺷﻲ ﻓﺸﻲ ﺷﻜﻞ ... ﻋﺎﻟﻢ ﺁﺧﺮ ... ﺃﻭﻝ ﻣﺮﺓ ﺗﺤﻀﺮ ﻟﺤﻔﻠﺔ ﻭ ﺑﻬﺎﺩ ﺍﻟﺸﻜﻞ ... ﻛﺘﺸﻮﻑ ﻫﻨﺎ ﻭ ﻟﻬﻴﻪ ﺑﺤﺎﻝ ﻟﻤﺸﻴﺸﺔ ... ﻧﻐﺰﺍﺗﻬﺎ ﺯﻳﻨﺐ ﻭ ﻫﻲ ﻛﻀﺤﻚ ...
ﺯﻳﻨﺐ : ﺁﺟﻲ ﻧﻮﻗﻔﻮ ﻓﻮﺍﺣﺪ ﻟﺒﻼﺻﺔ ﺇﺳﺘﺮﺍﺗﻴﺠﻴﺔ ﻏﻴﺒﺎﻥ ﻟﻴﻨﺎ ﻛﻠﺸﻲ
ﻣﺸﺎﻭ ﻟﻄﺒﻠﺔ ﺧﺎﻭﻳﺔ ﻭ ﻓﻄﺮﻳﻘﻬﻢ ﺧﺪﺍﻭ ﻋﺼﻴﺮ ﻣﻦ ﻋﻨﺪ ﺍﻟﻨﺎﺩﻝ ... ﻭﻗﻔﻮ ﺟﻨﺐ ﺑﻌﺾ ﻣﻘﺎﺑﻠﻴﻦ ﻣﻊ ﺍﻟﻨﺎﺱ ﻭ ﺯﻳﻨﺐ ﻛﻀﻮﺭ ﻓﻌﻨﻴﻬﺎ ﻭ ﺗﺸﻮﻑ ... ﺗﻮﻗﻔﺎﺕ ﻋﻨﺪ ﻃﺒﻠﺔ ﻗﺮﻳﺒﺔ ﻟﻴﻬﻢ ﺷﻮﻳﺔ ...
ﺯﻳﻨﺐ : ﺍﻟﻔﺮﺳﺎﻥ ﺍﻟﺜﻼﺛﺔ ﻋﻠﻰ ﻟﻴﺴﺮ
ﺗﻠﻔﺘﺎﺕ ﺟﻮﻻﻥ ﻭ ﻫﻤﺎ ﻳﺒﺎﻧﻮ ﻟﻴﻬﺎ ﺭﺋﺒﺎﻝ ﺇﻟﻴﺎﺱ ﻭ ﺳﻨﻤﺎﺭ ... ﻛﺎﻧﻮ ﻣﻦ ﺍﻷﺷﺨﺎﺹ ﺍﻟﻲ ﻣﻼﺑﺴﻴﻨﺶ ﺍﻷﻗﻨﻌﺔ ... ﺍﻧﺘﺎﺑﻬﺎﺕ ﻟﻠﺒﻨﺖ ﺍﻟﻲ ﻣﻌﺎﻫﻢ ... ﻛﺎﻧﺖ ﻣﻠﻔﺘﺔ ﻟﻸﻧﻈﺎﺭ ﺑﻔﺴﺘﺎﻧﻬﺎ ﻭ ﺍﻟﻘﻨﺎﻉ ﺍﻟﻲ ﻫﺎﺯﺓ ﺑﻴﺪﻫﺎ ... ﺭﺟﻌﺎﺕ ﺷﺎﻓﺖ ﻓﺰﻳﻨﺐ ...
ﺟﻮﻻﻥ : ﺷﻜﻮﻥ ﻫﺎﺩﻳﻚ ﺍﻟﻲ ﻣﻌﺎﻫﻢ
ﺯﻳﻨﺐ : ﺻﺎﺣﺒﺔ ﺍﻟﺤﻔﻠﺔ ... ﻭﺍﻟﺪﻳﻬﺎ ﺩﺍﻙ ﺍﻟﺜﻨﺎﺋﻲ ﺍﻟﻲ ﻟﻬﻴﻪ ﻫﻤﺎ ﺍﻟﻲ ﻣﺤﺘﺎﻓﻠﻴﻦ ﺑﻌﻴﺪ ﺯﻭﺍﺟﻬﻢ ... ﺷﻮﻓﻲ ﺷﺤﺎﻝ ﺻﺎﺭﻓﻴﻦ ... ﺳﺎﻟﻴﺮ ﺩﻳﺎﻝ ﻋﺎﻡ ﻣﺎﻳﻐﻄﻲ ﻟﻴﺎ ﺣﺘﺎ ﻗﺎﺋﻤﺔ ﺍﻟﻤﺎﻛﻠﺔ
ﺟﻮﻻﻥ : " ﺭﺟﻌﺎﺕ ﻛﺘﺸﻮﻑ ﻓﻴﻬﻢ " ﻭﺍﺵ ﺻﺪﻳﻘﺘﻬﻢ
ﺯﻳﻨﺐ : ﻣﺎﻧﻌﺮﻑ ... ﻣﻲ ﺑﺎﻧﺖ ﻟﻴﺎ ﻻﺻﻘﺔ ﻓﻮﺍﺣﺪ ﺑﺎﻟﺬﺍﺕ
ﺟﻮﻻﻥ : ﺷﻜﻮﻥ ؟
ﺯﻳﻨﺐ : ﺍﻟﻤﺪﻳﺮ ﻫﻬﻪ
ﻓﺎﻟﻄﺒﻠﺔ ﻻﺧﺮﻯ ﺍﻟﺪﺭﺍﺭﻱ ﻭﺍﻗﻔﻴﻦ ﺑﺜﻼﺛﺔ ﻫﺎﺯﻳﻦ ﻣﺸﺮﻭﺏ ... ﺳﻨﻤﺎﺭ ﻭ ﺭﺋﺒﺎﻝ ﻛﻴﻬﻀﺮﻭ ﻭ ﻓﻨﻔﺲ ﺍﻟﻮﻗﺖ ﺳﻨﻤﺎﺭ ﻣﺤﻴﺪﺵ ﻋﻨﻴﻪ ﻋﻠﻰ ﺳﻤﺎﺭﺍ ﺍﻟﻲ ﻛﻀﺤﻚ ﻣﻊ ﺇﻟﻴﺎﺱ ... ﺣﻄﺎﺕ ﺳﻤﺎﺭﺍ ﺍﻟﻜﺎﺱ ﻓﻮﻕ ﺍﻟﻄﺒﻠﺔ ﻭ ﺷﺎﻓﺖ ﻓﺮﺋﺒﺎﻝ ...
ﺳﻤﺎﺭﺍ : ﻣﻐﺎﺩﻳﺶ ﺗﻌﺮﺿﻨﻲ ﻟﺸﻲ ﺭﻗﺼﺔ
ﺇﻟﻴﺎﺱ : ﻋﻤﺮﻙ ﺷﻔﺘﻴﻪ ﻛﻴﺮﻗﺺ ... ﺁﺟﻲ ﻟﻬﻨﺎ
ﺟﺮﻫﺎ ﺇﻟﻴﺎﺱ ﻭ ﺗﻮﺟﻬﻮ ﻟﻮﺳﻂ ﺍﻟﻘﺎﻋﺔ ... ﻣﻜﺎﻧﺶ ﻋﺎﺟﺒﻬﺎ ﺍﻟﺤﺎﻝ ... ﻛﻞ ﺛﺎﻧﻴﺔ ﺗﺸﻮﻑ ﻓﻴﻦ ﻭﺍﻗﻒ ﺭﺋﺒﺎﻝ ...
ﺳﻨﻤﺎﺭ : ﻋﺎﺭﻑ ﺑﻠﻲ ﻛﺘﺒﻐﻴﻚ ؟
ﺭﺋﺒﺎﻝ : ﻋﺎﺭﻑ
ﺳﻨﻤﺎﺭ : ﻭ ﻋﻼﺵ ﻛﺘﻌﺎﻣﻠﻬﺎ ﺑﻬﺎﺩ ﺍﻟﻄﺮﻳﻘﺔ
ﺭﺋﺒﺎﻝ : " ﺭﺷﻒ ﻣﻦ ﻛﺎﺳﻮ " ﻭ ﻛﻴﻒ ﺑﻐﺘﻴﻨﻲ ﻧﻌﺎﻣﻠﻬﺎ ... ﻣﺎﺷﻲ ﻓﺼﺎﻟﺤﻚ ﻧﻜﻮﻥ ﺧﺎﻳﺐ ﻣﻌﻬﺎ ﺑﺎﺵ ﺗﻤﻴﻞ ﻟﻴﻚ ... ﻭ ﻻ ﻧﺎﻭﻱ ﺗﺒﻘﺎ ﻏﻴﺮ ﺗﺸﻮﻑ ﻓﻴﻬﺎ ﻣﻦ ﺑﻌﻴﺪ
ﺳﻨﻤﺎﺭ : " ﺣﻚ ﺭﺍﺳﻮ " ﻣﺎﻛﺘﻔﻠﺖ ﻋﻠﻴﻚ ﺣﺘﺎ ﺣﺎﺟﺔ ... ﻫﺎﻧﻲ ﺟﺎﻱ