السفاح العاشق

بارت 39

🍃🍃🍃 ﻓﻲ ﺍﻟﻤﻐﺮﺏ
ﺩﺍﺧﻞ ﻣﻠﻬﻰ ﻟﻴﻠﻲ ﺍﻟﻤﻮﺳﻴﻘﻰ ﻋﺎﻟﻴﺔ ﻭ ﺍﻟﺪﻧﻴﺎ ﻋﺎﻣﺮﺓ ... ﺍﻟﻨﺎﺱ ﻧﺎﺷﻄﻴﻦ ﺣﻠﺒﺔ ﺍﻟﺮﻗﺺ ﻣﺤﺘﺎﻛﺮﺓ ﻣﻦ ﻃﺮﻑ ﻟﻲ ﻛﻮﭘﻞ ... ﻭ ﻟﺒﺎﺭ ﻋﺎﻣﺮ ﺑﺎﻟﻨﺎﺱ ﺍﻟﻲ ﺑﺎﻏﻴﻦ ﻳﺒﻘﺎﻭ ﺑﻮﺣﺪﻫﻢ ﻭ ﻳﺸﺮﺑﻮ ﻓﺨﺎﻃﺮﻫﻢ ... ﻭ ﻋﻠﻰ ﺍﻟﺠﻮﺍﺏ ﻃﺒﺎﻟﻲ ﻣﻀﻮﺭﻳﻦ ﺑﻠﻲ ﻓﻮﻃﻮﻱ ... ﺷﺒﺎﺏ ﻭ ﺑﻨﺎﺕ ﻣﻘﺼﺮﻳﻦ ﻭ ﻛﻼ ﺷﻨﻮ ﺷﺎﺩ ...
ﭼﺎﻟﺴﺔ ﺳﻤﺎﺭﺍ ﺩﺍﻳﺮﺓ ﺭﺟﻞ ﻋﻠﻰ ﺭﺟﻞ ﻭ ﻫﺎﺯﺓ ﻛﺎﺱ ﻣﺮﺗﻴﻨﻲ ... ﻻﺑﺴﺔ ﻓﺴﺘﺎﻥ ﺃﺳﻮﺩ ﻗﺼﻴﺮ ﻭ ﺩﺍﻳﺮﺓ ﺭﺟﻞ ﻋﻠﻰ ﺭﺟﻞ ... ﻗﺮﺏ ﻳﺒﺎﻥ ﻟﺒﺎﺳﻬﺎ ﺍﻟﺪﺍﺧﻠﻲ ﻭ ﻫﻲ ﻣﻤﺴﻮﻗﺎﺵ ... ﻛﺘﺮﺷﻒ ﻣﻦ ﺷﺮﺍﺑﻬﺎ ﻭ ﻣﺘﺠﺎﻫﻠﺔ ﺻﺪﻳﻘﺎﺗﻬﺎ ﺍﻟﻲ ﺟﻨﺒﻬﺎ ﻛﻴﺘﺮﺛﺮﻭ ﻓﺸﺘﻰ ﺍﻟﻤﻮﺍﺿﻴﻊ ...
ﻓﺎﻟﺠﻬﺔ ﺍﻵﺧﺮﻯ ﺩﺍﺧﻞ ﺇﻟﻴﺎﺱ ﻭ ﺳﻨﻤﺎﺭ ... ﺍﻟﻲ ﻛﺎﻥ ﻛﻴﻘﻠﺐ ﺑﻌﻨﻴﻪ ... ﻏﻴﺮ ﺑﺎﻧﺖ ﻟﻴﻪ ﻭ ﺷﺎﻑ ﻧﻈﺮﺍﺕ ﺍﻟﺮﺟﺎﻝ ﻟﻴﻬﺎ ... ﻋﻘﺪ ﺣﺠﺒﺎﻧﻮ ﻭ ﺗﻮﺟﻪ ﻟﻌﻨﺪﻫﺎ ...
ﻭﻗﻒ ﻋﻠﻴﻬﻢ ﺳﻨﻤﺎﺭ ... ﻫﺰﺍﺕ ﺳﻤﺎﺭﺍ ﻋﻨﻴﻬﺎ ﺷﺎﻓﺖ ﻓﻴﻪ ﻭ ﺍﺑﺘﺎﺳﻤﺎﺕ ... ﺳﻤﺎﺭﺍ : ﺳﻨﻤﺎﺍﺍﺍﺭ ﺟﻴﺘﻲ
ﺳﻨﻤﺎﺭ : ﻣﺎﺷﻲ ﻛﺘﺮﺗﻲ ﻣﻦ ﺍﻟﺸﺮﺍﺏ
ﺳﻤﺎﺭﺍ : " ﺷﺎﻓﺖ ﻓﺎﻟﻜﺎﺱ " ﻻﺍﺍ ... ﻫﺬﺍ ﻳﺎﻻﻩ ﺍﻟﻜﺎﺱ ﺍﻟﺜﺎﻧﻲ ﻫﻬﻪ ... ﻓﻴﻦ ﻫﻮ ﺇﻟﻴﺎﺱ
ﺇﻟﻴﺎﺱ : " ﻭﻗﻒ ﺟﻨﺐ ﺳﻨﻤﺎﺭ " ﻫﺎﻫﻮ ... ﺩﻳﺮﻭ ﻟﻴﻨﺎ ﺑﻼﺻﺔ ﻭﺳﻄﻜﻢ
ﺳﻤﺎﺭﺍ : ﺑﻄﺒﻴﻌﺔ ﺍﻟﺤﺎﻝ ... ﭼﻠﺴﻮ ﺍﻟﺴﻬﺮﺓ ﻋﺎﺩ ﺑﺪﺍﺕ
ﺇﻟﻴﺎﺱ ﺑﺪﻭﻥ ﺗﺮﺩﺩ ﻣﺸﺎ ﭼﻠﺲ ﺑﻴﻦ ﺍﻟﺒﻨﺎﺕ ... ﻭ ﺣﺘﻰ ﻫﻤﺎ ﻋﺠﺒﻬﻢ ﺍﻟﺤﺎﻝ ... ﺳﻨﻤﺎﺭ ﺣﻴﺪ ﺍﻟﺠﺎﻛﻴﻂ ﺩﻳﺎﻟﻮ ﺩﺍﺭﻫﺎ ﻟﻴﻬﺎ ﻋﻠﻰ ﻓﺨﺎﺿﻬﺎ ﻭ ﭼﻠﺲ ﺟﻨﺒﻬﺎ ﻛﻴﺸﻮﻑ ﻗﺪﺍﻣﻮ ...
ﺳﻤﺎﺭﺍ : " ﻣﺎﻟﺖ ﻋﻠﻴﻪ " ﻓﻴﻦ ﺳﺎﻓﺮ ﺭﺋﺒﺎﻝ ؟
ﺳﻨﻤﺎﺭ : " ﺿﺎﺭ ﻋﻨﺪﻫﺎ " ﻣﺸﺎ ﻟﺒﺮﻟﻴﻦ
ﺳﻤﺎﺭﺍ : ﻻﺵ ... ﺍﻟﺨﺪﻣﺔ ؟
ﺳﻨﻤﺎﺭ : ﻣﻘﺎﻝ ﻟﻴﺎ ﻭﺍﻟﻮ
ﺳﻤﺎﺭﺍ : ﻛﻨﻌﻴﻂ ﻋﻠﻴﻪ ﻣﻜﻴﺠﺎﻭﺑﺶ ... ﻋﻼﺵ ﻛﻴﺪﻳﺮ ﻟﻴﺎ ﻫﺎﻛﺔ ؟
ﺳﻨﻤﺎﺭ : " ﻧﻄﺮ ﻟﻴﻬﺎ ﺍﻟﻜﺎﺱ " ﺑﺎﺭﻛﺔ ﻋﻠﻴﻚ ... ﻳﺎﻻﻩ ﻧﻮﺻﻠﻚ ﻟﻠﺪﺍﺭ
ﺳﻤﺎﺭﺍ : ﻻﺍﺍﺍ ... ﻻ ﻣﺸﻴﺖ ﻏﻨﺒﻘﻰ ﻧﻔﻜﺮ ﻓﻴﻪ ﻭ ﻫﻮ ﮔﺎﻉ ﻣﺤﺎﺱ ﺑﻴﺎ ... ﻋﺮﻓﺘﻲ ﺷﻨﻮ ﻫﻮ ﺗﻜﻮﻥ ﻛﺘﺒﻐﻲ ﺷﻲ ﺣﺪ ﻭ ﻫﻮ ﻣﺤﺎﺍﺍﺍﺳﺶ ﺑﻴﻚ " ﻛﺘﻤﻴﻞ ﻓﻌﻨﻴﻬﺎ "
ﺳﻨﻤﺎﺭ : " ﻻﻳﺢ ﻳﺪﻭ ﻣﻦ ﻭﺭﺍ ﻇﻬﺮﻫﺎ ﻭ ﻛﻴﺸﻮﻑ ﻓﻴﻬﺎ " ﻋﻼﺵ ﻣﺘﻨﺴﺎﻳﻬﺶ
ﺳﻤﺎﺭﺍ : ﻣﺎﻗﺪﺭﺗﺶ " ﺣﻄﺎﺕ ﺭﺍﺳﻬﺎ ﻋﻠﻰ ﻛﺘﻔﻮ " ﺣﺘﻰ ﻓﺎﺵ ﺭﻓﻀﻨﻲ ﻭ ﺩﺍﺯﺕ ﺧﻤﺲ ﺳﻨﻴﻦ ﻣﺎﻗﺪﺭﺗﺶ ﻧﺴﺎﻩ ... ﺳﻤﺤﺖ ﻓﻜﺮﺍﻣﺘﻲ ﻭ ﺟﻴﺖ ﻋﻠﻰ ﻗﺒﻠﻮ ... ﻟﻜﻦ ﺭﺋﺒﺎﻝ ﻣﺼﺮ ﻋﻠﻰ ﻳﺨﻠﻲ ﺍﻟﻜﻞ ﺑﻌﺎﺩ ﻋﻠﻴﻪ ... ﻭ ﺇﻟﻲ ﻣﺮﻳﺤﻨﻲ ﺷﻮﻳﺔ ﻫﻮ ﺍﻧﻮ ﻣﺒﻌﺪ ﺣﺘﻰ ﻋﻠﻰ ﻟﺒﻨﺎﺕ
ﺇﻟﻴﺎﺱ : ﻫﻬﻬﻬﻬﻪ ... ﻣﻦ ﻧﻴﺘﻚ
ﺳﻤﺎﺭﺍ : " ﺗﻠﻔﺘﺎﺕ ﻋﻨﺪﻭ " ﺷﻨﻮ ﺍﻟﻲ ﺿﺤﻜﻚ ؟
ﺇﻟﻴﺎﺱ : ﻫﻮ ﺻﺤﻴﺢ ﺭﺋﺒﺎﻝ ﻣﺒﻌﺪ ﻋﻠﻰ ﺍﻟﻌﻼﻗﺎﺕ ... ﻟﻜﻦ ﻫﺬﺍ ﻣﻜﻴﻌﻨﻴﺶ ﺃﻧﻮ ﭼﺎﻟﺲ ﺑﻼﺵ ... ﺭﺍﻩ ﻛﻴﺒﻘﺎ ﺭﺍﺟﻞ
ﺳﻤﺎﺭﺍ : ﺷﻨﻮ ﻛﺘﻘﺼﺪ ؟
ﺳﻨﻤﺎﺭ : ﺟﻤﻊ ﻓﻤﻚ ﺷﻮﻳﺔ ﻭ ﺩﺧﻞ ﺳﻮﻕ ﻙ ** ... ﻻﺵ ﻛﺘﺤﻨﻘﺰ ﺑﺤﺎﻝ ﺍﻟﺰﻭﺍﻕ
ﺇﻟﻴﺎﺱ : ﻭ ﺍﻟﺴﻴﺪﺓ ﻣﺸﺎﺕ ﻏﺎﻟﻄﺔ ... ﻗﻠﺖ ﻧﻮﺭﻫﺎ
ﺳﻤﺎﺭﺍ : ﺇﻟﻴﺎﺱ ﺷﻨﻮ ﻋﻨﻴﺘﻲ ﺑﻬﻀﺮﺗﻚ ؟
ﺇﻟﻴﺎﺱ : ﺍﻟﺴﻲ ﺭﺋﺒﺎﻝ ﻣﺪﻭﺯ ﺷﻼﺍﺍ ﻋﻼﻗﺎﺕ ﻋﺎﺑﺮﺓ ... ﺑﻤﻔﻬﻮﻡ ﻋﻨﺪﻭ ﺑﺰﺍﻑ ﺩﻳﺎﻝ ﺍﻟﺼﺪﻳﻘﺎﺕ Female friends with benefits ... ﻣﻜﺘﺮﺑﻄﻮ ﺑﻴﻬﻢ ﺣﺘﻰ ﺣﺎﺟﺔ ﻣﻦ ﻏﻴﺮ ﺳﻴﻜﺲ ... ﻛﻴﻘﻀﻴﻮ ﺍﻟﻐﺮﺽ ﻭ ﻛﻼ ﻛﻴﺮﺟﻊ ﻟﺤﻴﺎﺗﻮ ﺍﻟﻄﺒﻴﻌﻴﺔ ﺑﻼ ﻭﻋﻮﺩ ﺍﻭ ﺍﺭﺗﺒﺎﻃﺎﺕ
ﺳﻤﺎﺭﺍ : " ﺑﺤﺮﻗﺔ " ﻟﻜﻦ ﺃﻧﺎ ﻋﻤﺮﻱ ﺷﻔﺘﻮ ﻣﻊ ﺷﻲ ﻭﺣﺪﺓ
ﺇﻟﻴﺎﺱ : ﻛﺘﻌﺮﻓﻲ ﺭﺋﺒﺎﻝ ... ﺣﺮﻛﺎﺗﻮ ﻏﻴﺮ ﻣﺘﻮﻗﻌﺔ ... ﻭ ﺣﺘﻰ ﺣﺪ ﻣﻜﻴﻌﺮﻑ ﻓﻴﻦ ﻛﻴﺠﻲ ﻭ ﻻ ﻓﻴﻦ ﻛﻴﻤﺸﻲ ... ﺩﺍﻳﺮ ﺑﺤﺎﻝ ﺍﻟﻈﻞ ... ﺃﻧﺎ ﻭ ﺳﻨﻤﺎﺭ ﺗﺼﺎﺩﻓﻨﺎ ﻣﻊ ﻭﺣﺪﺓ ﺧﺎﺭﺟﺔ ﻣﻦ ﺍﻟﺠﻨﺎﺡ ﺩﻳﺎﻟﻮ ﻭﺍﺣﺪ ﺍﻟﻤﺮﺓ ... ﻛﺎﻧﺖ ﻗﺮﻃﺎﺍﺍﺍﺳﺔ ﻭ ﻣﺤﺘﺮﻓﺔ " ﻏﻤﺰﻫﺎ " ﻋﻨﺪﻭ ﺍﻟﺬﻭﻕ
ﺳﻤﺎﺭﺍ : " ﻣﺰﻳﺮﺓ ﻋﻠﻰ ﺍﻟﻔﻮﻃﻮﻱ ﺑﻴﺪﻫﺎ " ﻋﺎﺩﻱ ... ﻛﻴﺪﻭﺯ ﻭﻗﺘﻮ ﺑﺒﻨﺎﺕ ﺍﻟﻠﻴﻞ ... ﺷﻜﻮﻥ ﻫﺬﺍ ﺍﻟﻲ ﻣﺪﺭﻫﺎﺵ
ﺇﻟﻴﺎﺱ : ﻭ ﻭﺍﺣﺪ ﺍﻟﻤﻌﻠﻮﻣﺔ ﺃﺧﺮﻯ
ﺳﻨﻤﺎﺭ : ﻛﺘﺮﺛﺮ ﺑﺤﺎﻝ ﻋﻴﺎﻻﺕ ﺍﻟﺴﻮﻕ ... ﺟﻤﻊ ﻓﻤﻚ ﺧﻼﺍﺍﺹ
ﺇﻟﻴﺎﺱ : ﺧﻠﻴﻬﺎ ﺗﻌﺮﻑ ﻫﻬﻬﻪ ... ﺑﻘﺎﺕ ﻓﻴﺎ ﻃﺎﺣﺖ ﻓﺠﺒﻞ ﺍﻟﺠﻠﻴﺪ
ﺳﻤﺎﺭﺍ : ﻭﺍﺍﺍ ﻫﻀﺮﺭﺭ
ﺇﻟﻴﺎﺱ : ﺭﺋﺒﺎﻝ ﻋﻤﺮﻭ ﺑﺎﺱ ﺷﻲ ﺑﻨﺖ ﻟﻤﺮﺍ ... ﻛﻲ **** ﻟﻜﻦ ﻣﻜﻴﺒﻮﺳﺶ ﻫﻬﻬﻪ ... ﻛﺎﻳﻦ ﺷﻲ ﻛﺎﺋﻦ ﺍﻏﺮﺏ ﻣﻨﻮ !
ﺳﻨﻤﺎﺭ : ﺧﻮﻳﺘﻲ ﺍﻟﻤﺰﻳﻮﺩﺓ ... ﻳﺎﻻﻩ ﻧﻮﺽ ﺗﻘﺎﺍﺍﺍﻭﺩ ﻟﺪﺍﺭﻙ
ﺇﻟﻴﺎﺱ : " ﻭﻗﻒ " ﻫﺎﻫﻮ ﻏﺎﺩﻱ
ﻫﺰ ﺇﻟﻴﺎﺱ ﺍﻟﻔﻮﻥ ﺩﻳﺎﻟﻮ ﻣﻦ ﻓﻮﻕ ﺍﻟﻄﺒﻠﺔ ... ﻏﻤﺰ ﻟﻮﺣﺪﺓ ﻣﻦ ﺍﻟﻲ ﻛﺎﻧﻮ ﭼﺎﻟﺴﻴﻦ ﻣﻌﺎﻩ ﻭ ﻧﺎﺿﺖ ﺗﺒﻌﺎﺗﻮ ... ﺑﻘﺎﺕ ﺳﻤﺎﺭﺍ ﺳﺎﻫﻴﺔ ﻛﺘﻔﻜﺮ ﻓﻬﺎﺩﺷﻲ ﺍﻟﻲ ﺳﻤﻌﺎﺕ ... ﻫﻲ ﻋﺎﺭﻓﺔ ﺑﻠﻲ ﻋﻤﺮﻭ ﺍﺭﺗﺎﺑﻂ ﺑﺸﻲ ﻭﺣﺪﺓ ... ﺣﺘﻰ ﻓﺄﻳﺎﻡ ﺍﻟﺠﺎﻣﻌﺔ ﻣﻜﺎﻧﺶ ﻛﻴﻌﻤﺮ ﻣﻊ ﻟﺒﻨﺎﺕ ... ﻫﺎﺩﺷﻲ ﻛﺎﻥ ﻣﺮﻳﺤﻬﺎ ﻭ ﻋﺎﻃﻴﻬﺎ ﺃﻣﻞ ﺃﻧﻬﺎ ﻣﻤﻜﻦ ﺗﻜﻮﻥ ﺃﻭﻝ ﻭﺣﺪﺓ ﺗﻜﺴﺮ ﺩﺍﻙ ﺍﻟﺠﺪﺍﺭ ﺍﻟﻲ ﺩﺍﻳﺮ ﺑﻴﻨﻮ ﻭ ﺑﻴﻦ ﺟﻨﺲ ﺣﻮﺍﺀ ...
ﻣﺎﺗﺼﺪﻣﺎﺗﺶ ﻣﻦ ﺃﻧﻮ ﻋﻨﺪﻭ ﻋﻼﻗﺎﺕ ﻋﺎﺑﺮﺓ ... ﻟﻜﻦ ﻛﺎﻧﺖ ﺗﻔﻀﻞ ﻣﺘﻌﺮﻓﺶ ﺑﻴﻬﻢ ... ﻋﻤﺮﺍﺕ ﻟﻴﻬﺎ ﻛﺎﺱ ﺁﺧﺮ ﻭ ﺑﺪﺍﺕ ﺗﺮﺷﻒ ﻣﻨﻮ ... ﺳﻨﻤﺎﺭ ﺑﻘﺎ ﺣﺎﺿﻴﻬﺎ ﻏﻴﺮ ﺑﺎﻧﺖ ﻟﻴﻪ ﻛﺘﺮﺍﺕ ... ﻧﻮﺿﻬﺎ ﻭ ﺧﺮﺟﻬﺎ ﻣﻦ ﺗﻤﺎﻙ ﻭﺻﻠﻬﺎ ﻟﺪﺍﺭﻫﺎ ...
🍁🍁🍁 ؛
ﻣﺴﺘﻠﻘﻲ ﻓﺴﺮﻳﺮﻭ ﻭ ﺩﺍﻳﺮ ﻳﺪﻭ ﺗﺤﺖ ﺭﺍﺳﻮ ... ﺣﻂ ﻳﺪﻭ ﻋﻠﻰ ﺻﺪﺭﻭ ﻭ ﺗﺬﻛﺮ ﻓﺎﺵ ﺩﻓﻌﺎﺗﻮ ﺑﻴﺪﻳﻬﺎ ... ﻋﻼﺵ ﻗﺒﻠﻬﺎ ﻓﺪﻳﻚ ﺍﻟﻠﺤﻈﺔ ﻫﻮ ﺑﺮﺍﺳﻮ ﻣﻌﺎﺭﻓﺶ ... ﻳﻤﻜﻦ ﺃﻭﻝ ﻣﺮﺓ ﻣﻴﺤﻠﻠﺶ ﺍﻟﺤﺎﺟﺔ ﻗﺒﻞ ﻣﺎ ﻳﺪﻳﺮﻫﺎ ... ﻓﻘﻂ ﺗﺒﻊ ﻫﺎﺩ ﺍﻹﺣﺴﺎﺱ ﺍﻟﻐﺮﻳﺐ ﺍﻟﻲ ﺟﺎ ﻣﻦ ﺍﻟﺪﺍﺧﻞ ... ﻭ ﺗﺼﺮﻑ ﺑﺪﻭﻥ ﺗﻔﻜﻴﺮ ...
ﻧﺎﺽ ﻣﻦ ﺍﻟﺴﺮﻳﺮ ﻭ ﻣﺸﺎ ﻟﺨﺰﺍﻧﺔ ... ﺧﺪﺍ ﻛﺎﺱ ﻋﻤﺮﻭ ﻭ ﺍﺗﺎﺟﻪ ﻟﺒﺎﻟﻜﻮﻥ ... ﻭﻗﻒ ﺧﺎﺷﻲ ﻳﺪ ﻓﺠﻴﺐ ﺍﻟﺴﺮﻭﺍﻝ ﻭ ﺍﻟﺜﺎﻧﻴﺔ ﻫﺎﺯ ﺑﻴﻬﺎ ﺍﻟﻜﺎﺱ ... ﺭﺷﻒ ﻣﻨﻮ ﻭ ﺗﻠﻔﺖ ﺟﻬﺔ ﺍﻟﺒﻴﺖ ﻓﻴﻦ ﻧﺎﻋﺴﻴﻦ ﺍﻟﺒﻨﺎﺕ ... ﺷﺎﻑ ﺍﻟﻀﻮ ﺑﺎﻗﻲ ﺷﺎﻋﻞ ... ﺗﻨﻬﺪ ﻭ ﺷﺮﺏ ﺍﻟﻜﺎﺱ ﻓﺪﻗﺔ ... ﺭﺟﻊ ﺩﺧﻞ ﺣﻞ ﻟﺒﺎﺏ ﻭ ﻫﺒﻂ ﻟﺘﺤﺖ ... ﻣﺸﺎ ﻟﻠﻤﻜﺘﺐ ﻭ ﺧﺪﺍ ﺍﻟﻮﺭﺍﻕ ﺍﻟﻲ ﺳﻴﻔﻂ ﻟﻴﻪ ﺑﻬﺎﺀ ﻓﺎﻟﻔﺎﻛﺲ ... ﭼﻠﺲ ﺧﺪﺍﻡ ﻓﻴﻬﻢ ﺣﺘﻰ ﻗﺮﺏ ﻳﺼﺒﺢ ﺍﻟﺤﺎﻝ ... ﻋﺎﺩ ﻃﻠﻊ ﻟﺒﻴﺘﻮ ﺩﻭﺵ ﺗﻜﻴﻄﻢ ﻭ ﺧﺮﺝ ...
ﻣﺮﻭ ﻳﻮﻣﻴﻦ ﻭ ﺟﻮﻻﻥ ﻣﺨﺮﺟﺎﺗﺶ ﻣﻦ ﻟﺒﻴﺖ ... ﺯﻳﻨﺐ ﻣﺎﻋﺮﻓﺎﺕ ﺷﻨﻮ ﺑﻴﻬﺎ ... ﻏﻴﺮ ﭼﺎﻟﺴﺔ ﻓﺎﻟﺒﺎﻟﻜﻮﻥ ﻣﻌﻈﻢ ﺍﻟﻮﻗﺖ ... ﻣﻨﻴﻦ ﻣﺎﺑﻘﺎﺗﺶ ﻛﺘﻬﺒﻂ ﻭﻻﺕ ﺍﻟﺨﺪﺍﻣﺔ ﻛﻄﻠﻊ ﻟﻴﻬﻢ ﺍﻵﻛﻞ ﻟﺒﻴﺖ ... ﻭ ﺭﺋﺒﺎﻝ ﻣﺒﻘﺎﻭ ﺷﺎﻓﻮﻩ ...
ﻭﺍﻗﻔﺔ ﺯﻳﻨﺐ ﻛﺘﺴﺮﺡ ﻓﺸﻌﺮﻫﺎ ... ﺑﺎﻧﺖ ﻟﻴﻬﺎ ﺟﻮﻻﻥ ﭼﺎﻟﺴﺔ ﻓﺎﻟﺒﺎﻟﻜﻮﻥ ﻓﻮﻕ ﺍﻟﻔﻮﻃﻮﻱ ... ﻫﺎﺩﻱ ﺣﺎﻟﺘﻬﺎ ﻫﺎﺩ ﺍﻟﻴﻮﻣﻴﻦ ... ﻛﺘﺒﻘﺎ ﺳﺎﻫﻴﺔ ﻏﻴﺮ ﺑﻮﺣﺪﻫﺎ ﻭ ﻛﺄﻥ ﺷﻲ ﺣﺎﺟﺔ ﺷﺎﻏﻠﺔ ﺑﺎﻟﻬﺎ ... ﺣﻄﺎﺕ ﺯﻳﻨﺐ ﺍﻟﺒﻼﻙ ﻭ ﺧﺮﺟﺎﺕ ... ﻫﺒﻄﺎﺕ ﻟﺘﺤﺖ ﻭ ﻣﺸﺎﺕ ﻟﻜﻮﺯﻳﻨﺔ ﻋﻨﺪ ﺍﻟﺨﺪﺍﻣﺔ ... ﺑﻐﺎﺕ ﺗﺴﻮﻟﻬﺎ ﻋﻠﻰ ﻣﻜﺎﻥ ﺭﺋﺒﺎﻝ ...
ﻫﺎﺩ ﺍﻷﺧﻴﺮ ﺍﻟﻲ ﻛﺎﻥ ﻭﺍﻗﻒ ﺑﺴﻴﺎﺭﺗﻮ ﻛﻴﺘﺴﻨﺎ ﺍﻟﺒﻮﺍﺑﺔ ﺗﺤﻞ ... ﺗﻠﻔﺖ ﻭ ﻫﻮ ﻳﻠﻤﺢ ﺳﻴﺎﺭﺓ ﺟﺎﻳﺔ ﻣﻦ ﺑﻌﻴﺪ ...
ﻛﻴﻒ ﺗﺤﻼﺕ ﺍﻟﺒﻮﺍﺑﺔ ﺩﺧﻞ ﻭ ﺩﺧﻼﺕ ﻣﻦ ﻭﺭﺍﻩ ﺍﻟﺴﻴﺎﺭﺓ ﻻﺧﺮﻯ ... ﺣﻞ ﻟﺒﺎﺏ ﻫﺒﻂ ﻭ ﻫﻮ ﻳﻀﻮﺭ ﻛﻴﺸﻮﻑ ﻓﻴﻬﻢ ... ﻧﺰﻝ ﺇﻟﻴﺎﺱ ﻛﻴﻔﺮﻧﺲ ﻭ ﺳﻨﻤﺎﺭ ... ﺗﺤﻞ ﻟﺒﺎﺏ ﺍﻟﺨﻠﻔﻲ ﻭ ﻫﻲ ﺗﻬﺒﻂ ﺳﻤﺎﺭﺍ ... ﻗﺮﺑﻮ ﻋﻨﺪﻭ ﺗﺴﺎﻟﻤﻮ ﻣﻌﺎﻩ ...
ﺇﻟﻴﺎﺱ : ﺟﻴﺘﻲ ﻟﻬﻨﺎ ﺑﻼﻣﺎ ﺗﻘﻮﻟﻬﺎ ... ﻛﺘﻐﻔﻞ ﺍﺻﺎﺣﺒﻲ ﻭ ﻧﺘﺎ ﻋﺎﺭﻑ ﺃﻧﺎ ﻭ ﻫﺎﺩ ﺍﻟﻤﻜﺎﻥ ﻋﻼﻗﺔ ﺣﺐ ﺃﺑﺪﻳﺔ
ﺭﺋﺒﺎﻝ : ﺑﻬﺎﺀ ﻗﺎﻝ ﻟﻴﻜﻢ ﻓﻴﻦ ﻛﺎﻳﻦ
ﺇﻟﻴﺎﺱ : ﻣﻘﺎﻝ ﻭﺍﻟﻮ ﺍﻟﺼﺮﺍﺣﺔ ... ﺃﻧﺎ ﺍﻟﻲ ﺩﺧﻠﺖ ﻟﻠﻤﻜﺘﺐ ﺩﻳﺎﻟﻮ ﻭ ﻓﻨﻜﺸﺖ ﺷﻮﻳﺔ ﻫﻬﻬﻪ
ﺳﻨﻤﺎﺭ : ﻋﻨﺪﻱ ﺟﻠﺴﺔ ﻫﻨﺎ ﺍﻷﺳﺒﻮﻉ ﺍﻟﺠﺎﻱ ﻭ ﺟﺎﺕ ﻣﻌﻴﺎ ﺳﻤﺎﺭﺍ
ﺭﺋﺒﺎﻝ : " ﺷﺎﻑ ﻓﺴﻤﺎﺭﺍ " ﺩﺧﻠﻮ
ﺍﺑﺘﺎﺳﻤﺎﺕ ﻭ ﺩﺧﻠﻮ ﻣﺠﻤﻮﻋﻴﻦ ... ﭼﻠﺴﻮ ﻓﺎﻟﺼﺎﻟﺔ ﺟﻨﺐ ﺍﻟﻤﺪﻓﺄﺓ ...
ﺇﻟﻴﺎﺱ : " ﻧﺎﺽ " ﻏﻨﻤﺸﻲ ﻧﻄﻞ ﻋﻠﻰ ﺻﺎﺣﺒﻲ
ﺧﺮﺝ ﺇﻟﻴﺎﺱ ﻭ ﺍﺗﺎﺟﻪ ﻟﻺﺳﻄﺒﻞ ... ﻛﻴﻒ ﺩﺧﻞ ﻭ ﻫﻮ ﻳﺒﺎﻥ ﻟﻴﻪ ﻣﺎﺭﻙ ﻭ ﻟﻜﻦ ﻛﺎﻧﺖ ﻣﻌﺎﻩ ﺷﻲ ﻭﺣﺪﺓ ... ﺷﻌﺮﻫﺎ ﻗﺼﻴﺮ ﺷﻮﻳﺔ ... ﻛﺎﻧﻮ ﻣﺠﻤﻌﻴﻦ ﻭ ﻛﻴﻀﺤﻜﻮ ﻗﺮﺍﺏ ﻟﺒﻌﺾ ... ﻗﺮﺏ ﻋﻨﺪﻫﻢ ﻛﻴﻒ ﺿﺎﺭﺕ ﺯﻳﻨﺐ ﺧﺮﺝ ﻓﻴﻬﺎ ﻋﻨﻴﻪ ...
ﺇﻟﻴﺎﺱ : ﺯﻳﻨﺐ !!!
ﺯﻳﻨﺐ : ﻣﻮﺳﻴﻮ ﺇﻟﻴﺎﺱ
ﺇﻟﻴﺎﺱ : ﺷﻨﻮ ﻛﺎﺩﻳﺮﻱ ﻫﻨﺎ ؟
ﺯﻳﻨﺐ : ﻫﺎﺍ ... ﺟﻴﺖ ﻣﻊ ﻣﻮﺳﻴﻮ ﺭﺋﺒﺎﻝ ﻭ ﺟﻮﻻﻥ
ﺇﻟﻴﺎﺱ : ﺟﻮﻻﻥ ﻛﺎﻳﻨﺔ ﻫﻨﺎ !
ﺯﻳﻨﺐ : ﺁﻩ ... ﺟﺒﻨﺎﻫﺎ ﺑﺎﺵ ﺩﻳﺮ ﺍﻟﻌﻤﻠﻴﺔ
ﺇﻟﻴﺎﺱ : " ﺷﺎﻑ ﻓﻤﺎﺭﻙ " ﻫﺎﻱ ﻣﺎﺭﻙ " ﺗﻠﻔﺖ ﻋﻨﺪﻫﺎ " ﻭ ﺷﻨﻮ ﻛﺪﻳﺮﻱ ﻣﻌﺎﻩ ﻫﻨﺎ ﺑﻮﺣﺪﻛﻢ ؟
ﺯﻳﻨﺐ : ﺟﻴﺖ ﻧﺴﻮﻟﻮ ﻋﻠﻰ ﻣﻮﺳﻴﻮ ﺭﺋﺒﺎﻝ
ﺇﻟﻴﺎﺱ : ﺗﺒﻌﻴﻨﻲ
ﺗﻢ ﺧﺎﺭﺝ ﻭ ﺯﻳﻨﺐ ﺗﺎﺑﻌﺎﻩ ﻣﺴﺘﻐﺮﺑﺔ ﻣﻦ ﺗﺼﺮﻓﻮ ... ﺧﺮﺟﻮ ﻣﻦ ﺍﻹﺳﻄﺒﻞ ﻭ ﻫﻮ ﻳﻀﻮﺭ ﻋﻨﺪﻫﺎ ...
ﺇﻟﻴﺎﺱ : ﻛﻴﻔﺎﺵ ﻗﺼﺘﻜﻢ ﻧﺘﻮﻣﺎ ... ﻏﻴﺮ ﻛﺘﺨﺮﺟﻮ ﻣﻦ ﻟﺒﻼﺩ ﺭﺟﻠﻴﻜﻢ ﻛﻴﺘﺤﻠﻮ
ﺯﻳﻨﺐ : ﺷﻨﻮﻭﻭﺭ ... ﻋﺎﺭﻑ ﺭﺍﺳﻚ ﺁﺵ ﻛﺘﻘﻮﻝ
ﺇﻟﻴﺎﺱ : ﺁﻩ ﻋﺎﺭﻑ ... ﭼﺎﻟﺴﺔ ﻧﺘﻲ ﻭﻳﺎﻩ ﻋﻠﻰ ﺍﻟﻀﺤﻚ ﺍﻟﻲ ﺷﺎﻓﻜﻢ ﻳﻘﻮﻝ ﺑﻴﻨﺎﺗﻜﻢ ﻋﺸﺮﺓ ... ﻭ ﻣﻦ ﺍﻟﻄﺮﻳﻘﺔ ﺑﺎﺵ ﻛﺎﻥ ﻛﻴﺸﻮﻑ ﻓﻴﻚ ... ﻣﺎﺷﻲ ﺩﻳﺎﻝ ﺟﻮﺝ ﻣﺎﺑﻴﻨﺎﺗﻬﻢ ﺣﺘﻰ ﺣﺎﺟﺔ
ﺯﻳﻨﺐ : ﺍﺣﺘﺎﺭﻡ ﺭﺍﺳﻚ ... ﻣﺎﺷﻲ ﻣﻮﺍﻟﻒ ﺗﻀﻮﺭ ﺑﻴﻚ ﺍﻟﻘﺢ *** ... ﺍﺳﺤﺎﺏ ﻟﻴﻚ ﮔﺎﻉ ﻟﺒﻨﺎﺕ ﺑﺤﺎﻝ ﺑﺤﺎﻝ
ﺇﻟﻴﺎﺱ : ﺁﻩ ﺑﺎﻳﻨﺔ ﻋﻠﻴﻚ ﻋﻔﻴﻔﺔ
ﺯﻳﻨﺐ : " ﻫﺰﺍﺕ ﻳﺪﻫﺎ ﺑﻐﺎﺕ ﻃﺮﺷﻮ ﻭ ﻫﻮ ﻳﺸﺪﻫﺎ ﻟﻴﻬﺎ "
ﺇﻟﻴﺎﺱ : ﻣﺘﻀﺴﺮﻳﺶ
ﺯﻳﻨﺐ : ﻃﻠﻖ ﻳﺪﻱ
ﺇﻟﻴﺎﺱ : " ﻃﻠﻖ ﻣﻨﻬﺎ " ﻫﺎﻫﻴﺎ
ﻫﻤﺴﺎﺕ ﺑﺒﺮﻫﻮﺵ ﻭ ﺗﻤﺎﺕ ﺩﺍﺧﻠﺔ ﻟﻠﺪﺍﺭ ... ﺑﺎﻧﻮ ﻟﻴﻬﺎ ﺳﻨﻤﺎﺭ ﻭ ﺳﻤﺎﺭﺍ ﭼﺎﻟﺴﻴﻦ ﻣﻊ ﺭﺋﺒﺎﻝ ﻗﺎﻟﺖ ﺍﻟﺴﻼﻡ ﻭ ﻃﻠﻌﺎﺕ ... ﺳﻤﺎﺭﺍ ﺑﻘﺎﺕ ﻛﺘﺸﻮﻑ ﻓﻴﻬﺎ ﻣﺴﺘﻐﺮﺑﺔ ﺷﻨﻮ ﻛﺪﻳﺮ ﻫﺎﺩﻱ ﻫﻨﺎ ﻭ ﻓﺪﺍﺭ ﺭﺋﺒﺎﻝ ... ﻟﻜﻦ ﻣﺘﺠﺮﺁﺗﺶ ﺗﺴﻮﻝ ...
ﺩﺧﻼﺕ ﺯﻳﻨﺐ ﻟﺒﻴﺖ ﻭ ﻣﺸﺎﺕ ﭼﻠﺴﺎﺕ ﺟﻨﺐ ﺟﻮﻻﻥ ...
ﺯﻳﻨﺐ : ﻗﻠﻌﻲ ﺷﻜﻮﻥ ﺟﺎ ؟
ﺟﻮﻻﻥ : ﺷﻜﻮﻥ ؟
ﺯﻳﻨﺐ : ﺻﺤﺎﺏ ﻣﻮﺳﻴﻮ ﺍﻟﻌﺜﻤﺎﻧﻲ ﻭ ﺩﻳﻚ ﺧﻴﺘﻲ ﺍﻟﻌﺎﺭﺿﺔ .. ﻛﺎﻳﻨﻴﻦ ﻟﺘﺤﺖ
ﺟﻮﻻﻥ : ﺳﻨﻤﺎﺭ ﻭ ﺇﻟﻴﺎﺱ ؟
ﺯﻳﻨﺐ : ﻭﻱ ﻫﻤﺎ
ﺟﻮﻻﻥ : ﻣﺰﻳﺎﻥ ﻣﻨﻴﻦ ﺟﺎﻭ ... ﻏﻨﻬﻀﺮ ﻣﻊ ﺳﻨﻤﺎﺭ ﻳﺴﺎﻋﺪﻧﺎ ﻧﺮﺟﻌﻮ ﻓﺤﺎﻟﻨﺎ
ﺯﻳﻨﺐ : ﺟﻮﻻﻥ ﺍﻟﻠﻪ ﻳﻬﺪﻳﻚ
ﺟﻮﻻﻥ : ﻣﺎﺑﻐﻴﺘﺶ ﻧﺰﻳﺪ ﻫﻨﺎ ﻧﻬﺎﺭ ﺁﺧﺮ
ﻓﻲ ﺍﻟﻤﺴﺎﺀ ﺟﺎﻟﺴﻴﻦ ﻣﺠﻮﻋﻴﻦ ﻋﻠﻰ ﻃﺒﻠﺔ ﺍﻟﻌﺸﺎﺀ ... ﻻﺣﻈﺎﺕ ﺳﻤﺎﺭﺍ ﺟﻮﺝ ﺃﻃﺒﺎﻕ ﺁﺧﺮﻳﻦ ﻓﺎﻟﻄﺒﻠﺔ ... ﺿﺮﻫﺎ ﺭﺍﺳﻬﺎ ﻭ ﻛﻞ ﺳﺎﻋﺔ ﺗﺸﻮﻑ ﻓﺠﻬﺔ ﺍﻟﺪﺭﻭﺝ ... ﺷﻮﻳﺔ ﺳﻤﻌﺎﺕ ﻟﺤﺲ ﻛﻴﻒ ﻫﺰﺍﺕ ﻋﻨﻴﻬﺎ ﺑﺎﻧﺖ ﻟﻴﻬﺎ ﺯﻳﻨﺐ ﻭ ﺟﻮﻻﻥ ﻫﺎﺑﻄﻴﻦ ... ﺑﻘﺎﺕ ﻛﺘﺸﻮﻭﻭﻑ ﻓﺠﻮﻻﻥ ﻭ ﺑﺤﺎﻝ ﻻ ﻃﺮﺷﺘﻴﻬﺎ ... ﻭﻗﺘﻤﺎ ﺷﺎﻓﺘﻬﺎ ﺟﻨﺐ ﺭﺋﺒﺎﻝ ﻛﺘﺠﻨﻦ ...
ﺷﻨﻮ ﻛﺎﺩﻳﺮ ﻫﻨﺎ ﻭ ﻋﻼﺵ ﻫﻲ ﻭ ﻻﺧﺮﻯ ﺟﺎﻟﺴﻴﻦ ﻣﻌﺎﻩ ﻓﺎﻟﺪﺍﺭ ... ﺩﺍﺧﺖ ﻣﺎﻋﺮﻓﺎﺕ ﻓﺎﺵ ﺗﻔﻜﺮ ...
ﻗﺮﺑﻮ ﻟﺒﻨﺎﺕ ﻭ ﻫﻮ ﻳﻨﻮﺽ ﺳﻨﻤﺎﺭ ﺳﻠﻢ ﻋﻠﻰ ﺟﻮﻻﻥ ﺑﺎﻟﻴﺪ ... ﺇﻟﻴﺎﺱ ﺷﺎﻑ ﻓﺮﺋﺒﺎﻝ ﺑﺈﺑﺘﺴﺎﻣﺔ ﺟﺎﻧﺒﻴﺔ ﻭ ﻗﺮﺏ ﻋﻨﻘﻬﺎ ﺑﻴﺪﻭ ...
ﺇﻟﻴﺎﺱ : ﺟﻮﻻﺍﺍﺍﻥ ﻧﺘﻲ ﻫﻨﺎ ﻭ ﺃﻧﺎ ﻛﻨﻘﻮﻝ ﻣﺎﻝ ﺍﻟﻤﻐﺮﺏ ﺧﻴﺎﺏ
ﺟﻮﻻﻥ : " ﺍﺑﺘﺎﺳﻤﺎﺕ ﻭ ﭼﻠﺴﺎﺕ "
ﺭﺟﻌﻮ ﭼﻠﺴﻮ ﺷﻲ ﻛﻴﺸﻮﻑ ﻓﺸﻲ ... ﺇﻟﻴﺎﺱ ﻣﺒﻘﺎﺵ ﺷﺎﻑ ﻓﺠﻬﺔ ﺭﺋﺒﺎﻝ ﻭ ﻣﺮﺓ ﻣﺮﺓ ﻳﺠﺒﺪ ﺟﻮﻻﻥ ﺑﺎﻟﻬﻀﺮﺓ ... ﺳﻤﺎﺭﺍ ﻛﺘﻠﻌﺐ ﺑﻔﺮﺷﻴﻄﺘﻬﺎ ﻭ ﻋﻨﻴﻬﺎ ﻋﻠﻰ ﺭﺋﺒﺎﻝ ﺍﻟﻲ ﻛﻴﺸﻮﻑ ﻓﺠﻮﻻﻥ ﻭ ﺇﻟﻴﺎﺱ ... ﻛﻴﻒ ﻛﻤﻠﻮ ﺍﻵﻛﻞ ﻧﻄﻘﺎﺕ ﺟﻮﻻﻥ ...
ﺟﻮﻻﻥ : ﻣﻮﺳﻴﻮ ﺳﻨﻤﺎﺭ ... ﺑﻐﻴﺖ ﻧﻬﻀﺮ ﻣﻌﺎﻙ
ﺳﻨﻤﺎﺭ : ﻓﺎﺵ ؟
ﺟﻮﻻﻥ : ﻣﺎﺷﻲ ﻫﻨﺎ
ﺳﻨﻤﺎﺭ : " ﻭﻗﻒ " ﺃﻭﻛﻲ ... ﺁﺟﻲ ﻣﻌﻴﺎ
ﺷﺪ ﻓﻴﻬﺎ ﻭ ﺍﺗﺎﺟﻬﻮ ﻟﻠﻤﻜﺘﺐ ... ﺍﻟﻜﻞ ﺑﻘﺎ ﻣﺘﺒﻊ ﻟﻴﻬﻢ ﺍﻟﻌﻴﻦ ﻣﻦ ﻏﻴﺮ ﺭﺋﺒﺎﻝ ... ﺍﻟﻲ ﻧﺎﺽ ﻭ ﺧﺮﺝ ... ﺳﻤﺎﺭﺍ ﺧﻨﺰﺭﺍﺕ ﻓﺰﻳﻨﺐ ﻭ ﻃﻠﻌﺎﺕ ﻟﻔﻮﻕ ... ﺯﻳﻨﺐ ﺷﺎﻓﺖ ﺭﺍﺳﻬﺎ ﺑﻘﺎﺕ ﻏﻴﺮ ﻫﻲ ﻭ ﺇﻟﻴﺎﺱ ﻭ ﻫﻲ ﺗﻨﻮﺽ ... ﻏﺎﺩﺓ ﺗﻄﻠﻊ ﻭ ﻫﻮ ﻳﺒﺎﻥ ﻟﻴﻬﺎ ﺳﻨﻤﺎﺭ ﺣﻞ ﻟﺒﺎﺏ ... ﺧﺮﺝ ﻫﻮ ﻭ ﺟﻮﻻﻥ ... ﺷﻴﺮ ﻟﻴﻬﺎ ﺗﺠﻲ ﻟﻌﻨﺪﻫﺎ ﻭ ﺧﺮﺝ ﻫﻮ ...
ﻭﺍﻗﻒ ﺭﺋﺒﺎﻝ ﻓﺎﻟﺠﻬﺔ ﺍﻟﺨﻠﻔﻴﺔ ﺩﻳﺎﻝ ﺍﻟﺪﺍﺭ ﺟﻨﺐ ﺍﻟﻤﺴﺒﺢ ... ﻭﻗﻒ ﺟﻨﺒﻮ ﺳﻨﻤﺎﺭ ﺑﺠﻮﺝ ﻛﻴﺸﻮﻑ ﻟﻘﺪﺍﻡ ...
ﺳﻨﻤﺎﺭ : ﻟﺒﻨﺖ ﺑﻐﺎﺕ ﺗﺮﺟﻊ ﻓﺤﺎﻟﻬﺎ ... ﻣﻨﻴﻦ ﻣﻮﺍﻓﻘﺎﺗﺶ ﺩﻳﺮ ﺍﻟﻌﻤﻠﻴﺔ ﻋﻼﺵ ﻣﭽﻠﺴﻬﺎ ﺑﺰﺯ ﻋﻠﻴﻬﺎ ﻫﻨﺎ ؟
ﺭﺋﺒﺎﻝ : ﻛﺘﻮﻗﻊ ﻧﺨﻠﻴﻬﺎ ﺗﻤﺸﻲ !
ﺳﻨﻤﺎﺭ : ﺁﻩ ﺣﻴﻨﺖ ﻫﻲ ﺭﺍﻓﻀﺔ ﺍﺣﺘﺎﺭﻡ ﺭﻏﺒﺘﻬﺎ ... ﻋﻼﺵ ﻣﺼﺮ ﺗﺪﻳﺮﻫﺎ ﻟﻬﺎﺩ ﺍﻟﺪﺭﺟﺔ ... ﺑﻌﺪ ﻟﻤﺮﺍﺕ ﻣﻜﻨﻔﻬﻤﺶ ﺗﺼﺮﻓﺎﺗﻚ ... ﺣﺘﻰ ﻭﻟﻴﺖ ﻧﺸﻚ ﻓﺸﻲ ﺣﻮﺍﻳﺞ ﻏﻴﺮ ﻣﻨﻄﻘﻴﺔ
ﺭﺋﺒﺎﻝ : ﻻ ﺑﺎﻏﻲ ﺗﻘﻮﻝ ﺷﻲ ﺣﺎﺟﺔ ... ﻗﻮﻟﻬﺎ ﺩﻳﺮﻳﻜﺖ
ﺳﻨﻤﺎﺭ : ﺟﺎﻳﺒﻬﺎ ﺑﻨﻔﺴﻚ ﻷﻟﻤﺎﻧﻴﺎ ﺑﺎﺵ ﺩﻳﺮ ﺍﻟﻌﻤﻠﻴﺔ ﺍﻟﻲ ﻫﻲ ﺭﺍﻓﻀﺔ ﺩﻳﺮﻫﺎ ... ﻣﭽﻠﺴﻬﺎ ﺑﺰﺯ ﻋﻠﻴﻬﺎ ﻛﺄﻧﻚ ﻋﻨﺪﻙ ﺍﻟﺤﻖ " ﺗﻠﻔﺖ ﻋﻨﺪﻭ " ﻛﺘﺒﻐﻴﻬﺎ ؟
ﺭﺋﺒﺎﻝ : " ﺿﺎﺭ ﺷﺎﻑ ﻓﻴﻪ ﻭ ﻧﻄﻖ ﺑﺒﺮﻭﺩ " ﻣﻨﻴﻦ ﺟﺒﺘﻲ ﻫﺎﺩ ﺍﻻﺳﺘﻨﺘﺎﺝ ﺍﻟﻐﺒﻲ ... ﺷﻜﻮﻥ ﻗﺎﻝ ﺑﻠﻲ ﻛﻨﺒﻐﻴﻬﺎ !
ﺳﻨﻤﺎﺭ : ﺣﺮﺕ ﻣﻌﺎﻙ ﻭ ﺍﻟﻠﻪ ... ﻭ ﺷﻨﻮ ﺗﻔﺴﻴﺮ ﻫﺎﺩﺷﻲ ﺍﻟﻲ ﻛﺪﻳﺮ !
ﺭﺋﺒﺎﻝ : ﻣﺎﺷﻲ ﺑﺎﻟﻀﺮﻭﺭﺓ ﺗﻌﺮﻑ ... ﻭ ﻣﻦ ﺍﻷﺣﺴﻦ ﺧﻠﻴﻚ ﺑﻌﻴﺪ
ﺳﻨﻤﺎﺭ : ﻟﺒﻨﺖ ﻛﻄﻠﺐ ﻓﻴﺎ ﺑﻐﺎﺕ ﺗﻤﺸﻲ ﻓﺤﺎﻟﻬﺎ ... ﺑﺘﺼﺮﻓﻚ ﻫﺬﺍ ﻏﺘﺨﻠﻴﻬﺎ ﺗﺤﻘﺪ ﻋﻠﻴﻚ ﻛﺜﺮ
ﺭﺋﺒﺎﻝ : ﻣﻜﻴﻬﻤﺶ ﺑﺸﻨﻮ ﻛﺘﺤﺲ ... ﻭ ﻣﻨﻴﻦ ﺗﺮﺟﻊ ﺍﻟﺸﻮﻑ ﻭ ﺗﺮﺟﻊ ﻛﻴﻒ ﻛﺎﻧﺖ ... ﺩﻳﻚ ﺍﻟﺴﺎﻉ ﻏﻨﺨﻠﻴﻬﺎ
ﺳﻨﻤﺎﺭ : ﻏﺮﻳﺐ ﻫﺎﺩﺷﻲ ﻋﻨﺪﻙ ... ﻟﻬﺎﺩ ﺍﻟﺪﺭﺟﺔ ﻛﻴﻬﻤﻚ ﺃﻧﻬﺎ ﺗﺮﺟﻊ ﻛﻴﻒ ﻛﺎﻧﺖ ﻭ ﺗﺮﺟﻊ ﻟﺒﻨﺖ ﺍﻟﻲ ﻛﺎﻧﺖ ﻋﻠﻴﻬﺎ ﻗﺒﻞ ﺍﻟﺤﺎﺩﺙ ... ﻫﺎﺩﺷﻲ ﻓﺎﺕ ﺗﺤﻤﻞ ﺍﻟﻤﺴﺆﻭﻟﻴﺔ ﻋﻠﻰ ﺍﻟﻲ ﻭﻗﻊ
ﺭﺋﺒﺎﻝ : ﻛﺘﺤﻠﻞ ﻛﺜﺮ ﻣﻦ ﻟﻘﻴﺎﺱ " ﺷﺎﻑ ﻓﻴﻪ " ﻭ ﻓﻴﻦ ﻋﻤﺮﻙ ﺗﻨﺎﻗﺸﺘﻲ ﻣﻌﻴﺎ ﻓﺸﻲ ﻗﺮﺍﺭ ﻭ ﻻ ﺗﺪﺧﻠﺘﻲ
ﺳﻨﻤﺎﺭ : ﺣﻴﻨﺖ ﻋﻤﺮﻧﻲ ﺷﻔﺘﻚ ﻛﺘﺼﺮﻑ ﺑﺤﺎﻝ ﻫﺎﻛﺔ ... ﻋﻼﺵ ﻫﻲ ﺑﺎﻟﺬﺍﺕ ... ﺷﻨﻮ ﺍﻟﺴﺒﺐ ﺍﻟﺤﻘﻴﻘﻲ ﻭﺭﺍﺀ ﺇﺻﺮﺍﺭﻙ ... ﻣﻨﻴﻦ ﺗﺠﺎﻭﺑﻨﻲ ﺩﻳﻚ ﺍﻟﺴﺎﻉ ﻏﻨﺮﺟﻊ ﺍﻟﻠﻮﺭ
ﺭﺋﺒﺎﻝ : " ﺿﺎﺭ ﻭ ﺗﻘﺎﺑﻞ ﻣﻌﺎﻩ " ﻳﻜﻔﻲ ﺃﻧﻲ ﻋﺎﺭﻑ ... ﺍﻟﺴﺆﻭﺍﻝ ﺍﻟﻤﻬﻢ ﻫﻮ ﻻﺵ ﺟﺎﻱ ﻭ ﺟﺎﻳﺐ ﻣﻌﺎﻙ ﻻﺧﺮﻯ ﺑﺤﺠﺔ ﻋﻨﺪﻙ ﺗﺼﻮﻳﺮ
ﺳﻨﻤﺎﺭ : " ﺣﻚ ﻋﻠﻰ ﺭﺍﺳﻮ " ﻋﺮﻓﻨﺎﻙ ﻫﻨﺎ ﻭ ﺟﻴﻨﺎ ﻟﻌﻨﺪﻙ ... ﻭ ﺳﻤﺎﺭﺍ ﺻﺪﻳﻘﺘﻨﺎ ﺃﻭﻻ !
ﺭﺋﺒﺎﻝ : ﺻﺪﻳﻘﺘﻚ ﻧﺘﺎ ﻭ ﻧﺘﺎ ﻣﺴﺆﻭﻝ ﻋﻠﻰ ﺃﻱ ﺗﺼﺮﻑ ﻏﺪﻳﺮﻭ ... ﺣﻴﻨﺖ ﻋﻨﺪﻱ ﺍﻟﻲ ﺷﺎﻏﻞ ﺑﺎﻟﻲ ﻣﻨﺎﻗﺼﺎﻧﻴﺶ ﺩﺭﺍﻣﺎ ﺍﻟﻌﻴﺎﻻﺕ
ﺳﻨﻤﺎﺭ : ﻣﺎﺷﻲ ﻣﻘﺼﺢ ﻣﻌﻬﺎ ﻓﻤﻌﺎﻣﻠﺘﻚ ... ﻣﺘﻠﻮﻣﻬﺎﺵ ﻋﻠﻰ ﺗﺼﺮﻓﺎﺗﻬﺎ ... ﺭﺍﻙ ﻋﺎﺭﻑ ﻛﺘﺒﻐﻴﻚ
ﺭﺋﺒﺎﻝ : " ﻗﺮﺏ ﻋﻨﺪﻭ " ﻣﺘﻠﻌﺒﺶ ﻫﺎﺩ ﺍﻟﺪﻭﺭ ... ﻧﺘﺎ ﻛﺘﺒﻐﻴﻬﺎ ﻭ ﻫﻲ ﻛﺘﺒﻐﻲ ﻭﺍﺣﺪ ﺁﺧﺮ ... ﻭ ﺑﺎﻏﻲ ﺗﻜﻮﻥ ﺍﻟﺸﺨﺺ ﺍﻷﻓﻀﻞ ﻭ ﺗﺮﺟﻊ ﺍﻟﻠﻮﺭ
ﺳﻨﻤﺎﺭ : ﻣﻐﺎﺩﻳﺶ ﻧﺒﺰﺯ ﻋﻠﻴﻬﺎ ﺭﺍﺳﻲ
ﺭﺋﺒﺎﻝ : " ﺣﻂ ﻳﺪﻭ ﻋﻠﻰ ﻛﺘﻒ ﺳﻨﻤﺎﺭ " ﺫﻭﻗﻚ ﻓﺎﻟﻌﻴﺎﻻﺕ ﺑﺤﺎﻝ ﺫﻭﻗﻚ ﻓﺎﻟﻠﺒﺎﺱ
ﺍﺑﺘﺎﺳﻢ ﻟﻴﻪ ﺭﺋﺒﺎﻝ ﺑﻄﺮﻑ ﺷﻔﺎﻳﻔﻮ ﻭ ﺗﺤﺮﻙ ... ﺳﻨﻤﺎﺭ ﺑﻘﺎ ﻭﺍﻗﻒ ﻛﻴﺸﻮﻑ ﻓﻴﻪ ... ﺻﻐﺮ ﻋﻨﻴﻪ ﻛﻴﺘﺬﻛﺮ ﺁﺧﺮ ﺟﻤﻠﺔ ﻗﺎﻝ ﻟﻴﻪ ... ﺃﻛﻴﺪ ﻣﻜﺎﻧﺘﺶ ﻣﺠﺎﻣﻠﺔ ... ﻧﺰﻝ ﻋﻨﻴﻪ ﻛﻴﺸﻮﻑ ﻓﺸﻨﻮ ﻻﺑﺲ ...
ﺳﻨﻤﺎﺭ : ﻭ ﻣﺎﻝ ﻃﺮﻳﻘﺘﻲ ﻓﺎﻟﻠﺒﺲ ﻓﻴﻬﺎ ﺍﻟﻀﻮﺀ ﻋﻠﻰ ﺩﻳﺎﻟﻚ
ﭼﺎﻟﺴﺔ ﺟﻮﻻﻥ ﻭ ﺯﻳﻨﺐ ﻓﺎﻟﻐﺮﻓﺔ ... ﺑﺠﻮﺟﺎﺕ ﺳﺎﻛﺘﻴﻦ ﺻﺒﺮﺍﺕ ﺯﻳﻨﺐ ﺣﺘﻰ ﻋﻴﺎﺕ ﻭ ﻫﻲ ﺗﺴﻮﻟﻬﺎ ...
ﺯﻳﻨﺐ : ﺷﻨﻮ ﺩﺍﺑﺔ ... ﻏﻨﺮﺟﻌﻮ ﻓﺤﺎﻟﻨﺎ ﻭ ﺗﺮﺟﻌﻲ ﺗﺴﺪﻱ ﻋﻠﻴﻚ ﺑﺎﺏ ﺑﻴﺘﻚ ﻭ ﺩﻭﺯﻱ ﺣﻴﺎﺗﻚ ﻛﻠﻬﺎ ﻫﻜﺎﻙ
ﺟﻮﻻﻥ : ﺯﻳﻨﺐ ﻣﺎﻓﻴﺎ ﺍﻟﻲ ﻳﻬﻀﺮ
ﺯﻳﻨﺐ : " ﻭﻗﻔﺎﺕ " ﺃﻧﺎ ﻓﻴﺎ ... ﻛﺎﻧﺖ ﻋﻨﺪﻱ ﺧﺘﻲ ﺻﻐﺮ ﻣﻨﻲ ﺑﻌﺎﻣﻴﻦ ... ﻣﺎﺗﺖ ﻓﻜﺴﻴﺪﺓ ﻭ ﻳﺎﻻﻩ ﻋﻨﺪﻫﺎ 12 ﺳﻨﺔ ... ﻛﻨﺖ ﻣﻌﻬﺎ ﻓﺎﺵ ﺧﺒﻄﺎﺗﻬﺎ ﺍﻟﻄﻮﻧﻮﺑﻴﻞ ﻭ ﻣﻮﻻﻫﺎ ﻫﺮﺏ ﺑﻼ ﺭﺣﻤﺔ ... ﺷﻬﻮﺭﺍ ﻭ ﺃﻧﺎ ﻣﺰﺍﻝ ﺗﺤﺖ ﺗﺄﺛﻴﺮ ﺍﻟﺼﺪﻣﺔ ... ﻭ ﺩﺍﺯﻭ ﺳﻨﻮﺍﺕ ﻭ ﺣﺎﻟﺘﻲ ﺯﺍﺩﺕ ﺗﻜﻔﺴﺎﺕ ... ﺑﻌﺪﺕ ﻋﻠﻰ ﻛﻠﺸﻲ ... ﻛﺮﻫﺖ ﺃﻱ ﺣﺎﺟﺔ ﺿﺎﻳﺮﺓ ﺑﻴﺎ ... ﻣﺎﺑﻐﻴﺖ ﻧﻘﺮﺍ ﻣﺎﺑﻐﻴﺖ ﺻﺤﺎﺑﺎﺕ ... ﻭ ﻛﻨﺖ ﺩﻳﻤﺎ ﻛﻨﺒﻌﺪ ﻋﻠﻰ ﺍﻟﻨﺎﺱ ... ﺣﻴﻨﺖ ﻣﻨﻴﻦ ﻣﻜﺪﺧﻠﻲ ﺣﺪ ﻟﺤﻴﺎﺗﻚ ﻣﻜﺘﻌﻄﻴﻬﺶ ﻓﺮﺻﺔ ﻳﺨﻠﻴﻚ ﻭ ﺗﺠﺮﺣﻲ ... ﻛﻨﺖ ﻣﺮﺗﺎﺣﺔ ﺑﻮﺣﺪﻱ ... ﺍﻭ ﻫﺎﺩﺷﻲ ﺍﻟﻲ ﻇﻨﻴﺖ ... ﻟﻜﻦ ﻟﺪﺍﺧﻞ ﻛﻨﺖ ﻛﻨﻤﻮﺕ ﻣﻦ ﺍﻟﻮﺣﺪﺓ ... ﻣﺮﺿﺖ ﻭ ﺗﺄﺯﻣﺖ ...
ﻭ ﻓﺎﺵ ﺑﻌﺪﺕ ﺍﻟﻨﺎﺱ ﻋﻠﻴﺎ ﻛﺎﻥ ﺧﻄﺄ ﻛﺒﻴﺮ ... ﺣﺎﻭﻟﺖ ﻧﻐﻴﺮ ﻣﻦ ﺭﺍﺳﻲ ﻭ ﻧﺨﻠﻲ ﻟﻸﺷﺨﺎﺹ ﺍﻟﻲ ﻛﻨﻬﻤﻬﻢ ﻳﺘﻘﺮﺑﻮ ﻣﻨﻲ ... ﻋﺎﻣﻴﻦ ﻭ ﺣﻨﺎ ﻛﻨﻘﺮﺍﻭ ﻣﻊ ﺑﻌﺾ ... ﻛﻨﺖ ﻛﻨﺸﻮﻑ ﻓﻴﻚ ﺍﻱ ﺣﺎﺟﺔ ﺗﻤﻨﻴﺖ ﻧﻜﻮﻥ ﻋﻠﻴﻬﺎ ... ﺩﻳﻚ ﺍﻟﺒﻨﺖ ﺍﻟﻤﺮﺣﺔ ﺍﻟﻄﻴﺒﺔ ﺍﻟﻲ ﻛﻠﺸﻲ ﻛﻴﺒﻐﻴﻬﺎ ... ﻭ ﻧﻬﺎﺭ ﻭﻗﻊ ﻟﻴﻚ ﺩﺍﻙ ﺍﻟﻤﺸﻜﻴﻞ ﺷﻔﺖ ﻛﻴﻒ ﺗﻐﻴﺮﺗﻲ ﻭ ﻣﺎﺑﻐﻴﺘﺶ ﺗﺪﻭﺯﻱ ﻣﻦ ﺍﻟﻲ ﻣﺮﻳﺖ ﻣﻨﻮ ... ﻫﺎﺩﺷﻲ ﻋﻼﺵ ﺗﻘﺮﺑﺖ ﻣﻨﻚ ﻭ ﺣﺎﻭﻟﺖ ﻧﺴﺎﻋﺪﻙ ... ﻭ ﻛﺎﻥ ﺃﺣﺴﻦ ﻗﺮﺍﺭ ﺍﺗﺎﺧﺪﺗﻮ ... ﺭﺟﻌﻨﺎ ﺻﺤﺎﺑﺎﺕ ﻭ ﺧﻮﺍﺗﺎﺕ ... ﻭ ﻓﺮﺣﺖ ﻣﻠﻲ ﺷﻔﺘﻚ ﺭﺟﻌﺘﻲ ﻭﻗﻔﺘﻲ ﻋﻠﻰ ﺭﺟﻠﻴﻚ ... ﺷﺤﺎﻝ ﺳﺎﻫﻞ ﺗﺴﺘﺴﻠﻢ ﻟﻜﻦ ﺍﻧﻚ ﺗﺤﺎﺭﺑﻲ ﺧﺎﺻﻚ ﻗﻮﺓ ...
ﻭ ﺍﻟﻴﻮﻡ ﻛﻨﺸﻮﻑ ﻧﻔﺲ ﺍﻟﺸﻲﺀ ... ﻛﻨﺸﻮﻑ ﺟﻮﻻﻥ ﺍﻟﻲ ﺍﺳﺘﺴﻠﻤﺎﺕ ﺑﺴﻬﻮﻟﺔ ﻭ ﺑﺎﻏﺔ ﺩﻓﻊ ﺍﻟﻨﺎﺱ ﺍﻟﻲ ﻛﻴﻬﺘﻤﻮ ﺑﻴﻬﺎ ﺑﻌﻴﺪ ... ﻣﺎﻳﻤﻜﻨﺶ ﻧﺒﻘﺎ ﺳﺎﻛﺘﺔ ﻭ ﺍﻧﺎ ﻛﻨﺸﻮﻓﻚ ﻫﺎﻛﺔ ﺍﺟﻮﻻﻥ
ﺟﻮﻻﻥ : " ﺗﻐﺮﻏﺮﻭ ﻋﻨﻴﻬﺎ " ﻧﺘﻲ ﺃﻛﺜﺮ ﻭﺣﺪﺓ ﻏﺘﻜﻮﻥ ﺣﺎﺳﺔ ﺑﻴﺎ ... ﻭ ﻋﺎﺭﻓﺔ ﻋﻼﺵ ﺗﺼﺮﻓﺖ ﻫﺎﻛﺔ
ﺯﻳﻨﺐ : " ﻗﺮﺑﺎﺕ ﭼﻠﺴﺎﺕ ﺟﻨﺒﻬﺎ ﻭ ﻋﻨﻘﺎﺗﻬﺎ " ﻋﺎﺭﻓﺔ ﻋﺎﺍﺍﺭﻓﺔ