السفاح العاشق

بارت 121

ﻳﺎﻣﻦ : ﻏﺘﻐﺴﻠﻲ ﻭ ﻻ ﻏﺘﺒﻘﺎﻱ ﺗﻔﺮﺟﻲ ﻓﻴﺎ
ﻫﻨﺪ : " ﻏﻮﺑﺸﺎﺕ ﻭ ﺭﺟﻌﺎﺕ ﻛﺘﺤﻚ " ﻋﻼﺵ ﺗﺒﻌﺘﻴﻨﻲ ... ﻭ ﻋﻼﺵ ﻛﺪﻳﺮ ﻫﺎﺩﺷﻲ ؟
ﻳﺎﻣﻦ : ﻟﻨﻔﺲ ﺍﻟﺴﺒﺐ ﺍﻟﻲ ﻛﺪﻳﺮﻳﻪ ﻧﺘﻲ
ﻭﻗﻒ ﺟﻨﺐ ﺍﻟﺴﻴﺎﺭﺓ ﻛﻴﺘﺴﻨﻰ ﻓﻴﻬﺎ ﺗﺨﺮﺝ ... ﺳﺎﻋﺎﺕ ﺩﻳﺎﻝ ﺍﻟﻌﻤﻞ ﻭ ﺍﻻﺑﺘﺴﺎﻣﺔ ﻣﻔﺎﺭﻗﺎﺗﺶ ﺷﻔﺎﻳﻔﻬﺎ ... ﺍﺳﺘﻐﺮﺏ ﻣﻦ ﻫﺎﺩ ﺍﻟﺠﺎﻧﺐ ﺍﻟﻲ ﺷﺎﻓﻮ ﺍﻟﻴﻮﻡ ... ﻛﺎﻧﺖ ﻓﺮﺣﺎﻧﺔ ﻟﻤﺴﺎﻋﺪﺓ ﺍﻟﻜﺒﺎﺭ ﻭ ﻛﺘﻌﺎﻣﻠﻬﻢ ﻛﺄﻧﻬﻢ ﻋﺎﺋﻠﺘﻬﺎ ...
ﺳﻤﻊ ﺻﻮﺕ ﺍﻟﻜﻌﺐ ﻭ ﺗﻠﻔﺖ ... ﺑﺎﻧﺖ ﻟﻴﻪ ﺧﺎﺭﺟﺔ ﻭ ﻫﻮ ﻳﺤﻞ ﻟﻴﻬﺎ ﻟﺒﺎﺏ ... ﺷﻜﺮﺍﺗﻮ ﻭ ﻃﻠﻌﺎﺕ ... ﺿﺎﺭ ﺭﻛﺐ ﻭ ﺩﻳﻤﺎﺭﺍ ...
ﻫﻨﺪ : " ﺑﻌﺪ ﺻﻤﺖ ﻗﺼﻴﺮ " ﻋﻼﺵ ﻗﻠﺘﻲ ﻟﻴﻬﻢ ﻧﺘﺎ ﺧﻄﻴﺒﻲ
ﻳﺎﻣﻦ : ﻭ ﺷﻨﻮ ﺑﻐﻴﺘﻲ ﻧﻘﻮﻝ ﻟﻴﻬﻢ ... ﺻﺎﺣﺒﻚ ﻣﺜﻼ
ﻫﻨﺪ : " ﻣﻴﻘﺎﺕ ﻓﻴﻪ " ﺿﺮﻭﺭﻱ ﺗﻜﻮﻥ ﻭﺣﺪﺓ ﻓﻴﻬﻢ ... ﻋﻠﻰ ﺍﻱ ﺷﻜﺮﺍ ﻋﻠﻰ ﻣﺴﺎﻋﺪﺗﻚ ﺍﻟﻴﻮﻡ ... ﻭ ﺳﻤﺤﻠﻴﺎ ﻋﺬﺑﺘﻚ ﻣﻌﻴﺎ
ﻳﺎﻣﻦ : ﺷﺤﺎﻝ ﻣﻦ ﻣﺮﺓ ﺟﻴﺘﻲ ﻟﻬﻨﺎ ؟
ﻫﻨﺪ : ﺷﻲ ﺭﺑﻊ ﺳﻨﻴﻦ ﻫﺎﺩﻱ ﺑﺎﺵ ﻟﻘﻴﺖ ﻫﺎﺩ ﺍﻟﺪﺍﺭ ... ﻭ ﻣﻦ ﺳﺎﻋﺘﻬﺎ ﻛﻨﺠﻲ ﻣﺮﺓ ﻓﺎﻻﺳﺒﻮﻉ
ﻳﺎﻣﻦ : " ﺿﺎﺭ ﺷﺎﻑ ﻓﻴﻬﺎ " ﺑﺎﻳﻨﺔ ﻛﻴﺒﻐﻴﻮﻙ ﺩﻭﻙ ﺍﻟﻨﺎﺱ
ﻫﻨﺪ : ﻫﺎﺩﻭﻙ ﻋﺎﺋﻠﺘﻲ ... ﺳﺎﻋﺪﻭﻧﻲ ﻛﺜﺮ ﻣﺎ ﺳﺎﻋﺪﺗﻬﻢ ﺍﻧﺎ ... ﻟﻘﻴﺘﻬﻢ ﻓﺎﺵ ﻛﻨﺖ ﻣﺤﺘﺎﺟﺔ ﻟﻌﺎﺋﻠﺔ
ﻳﺎﻣﻦ : ﻋﻼﺵ ﻓﻴﻦ ﻣﺸﺎﺕ ﻋﺎﺋﻠﺘﻚ ؟
ﻫﻨﺪ : " ﺗﻐﺮﻏﺮﻭ ﻋﻨﻴﻬﺎ " ﺑﺎﺑﺎ ﻣﺎﺕ ﺷﺤﺎﻝ ﻫﺎﺩﻱ ... ﻭ ﻣﺎﻣﺎ ﻋﺎﻳﺸﺔ ﻓﺎﻟﺨﺎﺭﺝ ﻣﻊ ﺭﺍﺟﻠﻬﺎ ﻭ ﻭﻻﺩﻫﻢ
ﻳﺎﻣﻦ ﺑﺎﻧﺖ ﻟﻴﻪ ﻣﻀﻮﺭﺓ ﻭﺟﻬﺎ ﻟﻨﺎﻓﺬﺓ ﻭ ﻳﺪﻫﺎ ﺍﻟﻲ ﺣﺎﻃﺔ ﻓﻮﻕ ﻓﺨﻀﻬﺎ ﻛﺘﺮﺟﻒ ... ﻣﺎﺣﺲ ﺑﺮﺍﺳﻮ ﺣﺘﻰ ﻣﺪ ﻳﺪﻭ ﺣﻄﻬﺎ ﻋﻠﻰ ﻳﺪﻫﺎ ﻭ ﺯﻳﺮ ﻋﻠﻴﻬﺎ ... ﺳﺎﻕ ﺑﻴﺪ ﻭﺣﺪﺓ ﻭ ﺳﺎﺩ ﺍﻟﺼﻤﺖ ﻃﻮﻝ ﺍﻟﻄﺮﻳﻖ ... ﻭﻗﻒ ﻗﺪﺍﻡ ﺍﻟﻌﻤﺎﺭﺓ ﻭ ﻫﻲ ﺗﺤﻞ ﻫﻨﺪ ﻟﺒﺎﺏ ...
ﻗﺎﻟﺖ ﺑﺼﻮﺕ ﻣﺨﻨﻮﻕ ﺷﻜﺮﺍ ﻭ ﻫﺒﻄﺎﺕ ... ﻏﺎﺩﺓ ﺩﺍﺧﻠﺔ ﺍﻟﻌﻤﺎﺭﺓ ﻭ ﻫﻲ ﺗﺤﺲ ﺑﻴﺪ ﺟﺮﺍﺗﻬﺎ ... ﺿﺎﺭﺕ ﺷﺎﻓﺖ ﻓﻴﻪ ﺑﻌﻨﻴﻬﺎ ﺍﻟﻲ ﻋﺎﻣﺮﻳﻦ ﺩﻣﻮﻉ ﻭ ﺩﻏﻴﺎ ﻫﺒﻄﺎﺗﻬﻢ ... ﻗﺮﺏ ﻋﻨﺪﻫﺎ ﻳﺎﻣﻦ ﻭ ﻋﻨﻘﻬﺎ ... ﻫﺒﻄﻮ ﺩﻣﻮﻋﻬﺎ ﻭ ﻫﻲ ﻓﺤﻀﻨﻮ ... ﻋﻤﺮﻫﺎ ﺍﻧﻬﺎﺭﺕ ﻗﺪﺍﻡ ﺷﻲ ﺣﺪ ... ﻟﻜﻦ ﻓﺎﺵ ﺳﻮﻟﻬﺎ ﻫﻮ ﺧﺮﺟﺎﺕ ﻣﺎﻓﻘﻠﺒﻬﺎ ...
ﻫﻨﺪ ﺍﻟﺒﻨﺖ ﺍﻟﺼﻠﺒﺔ ﻭ ﺍﻟﻤﺴﺘﻘﻠﺔ ﺑﺬﺍﺗﻬﺎ ... ﺍﻧﻬﺎﺭﺕ ﺑﺎﻛﻴﺔ ﺭﻏﻢ ﻗﻮﺗﻬﺎ ﺍﻟﻲ ﺍﻛﺘﺎﺳﺒﺎﺕ ﻭ ﻫﻲ ﻋﺎﻳﺸﺔ ﺑﻮﺣﺪﻫﺎ ﻫﺎﺩ ﺍﻟﺴﻨﻮﺍﺕ ... ﻟﻜﻦ ﻓﺪﺍﺧﻠﻬﺎ ﻛﺎﻧﺖ ﺩﺍﺋﻤﺎ ﻣﺤﺘﺎﺟﺔ ﻟﻤﻦ ﺗﻠﺠﺄ ﻓﻮﺣﺪﺗﻬﺎ ... ﺑﻌﺪ ﺳﻨﻮﺍﺕ ﻛﺎﻧﺖ ﻫﺎﺩﻱ ﺍﻭﻝ ﻣﺮﺓ ﺗﺒﻜﻲ ﻗﺪﺍﻡ ﺷﻲ ﺣﺪ ﻭ ﺧﺎﺻﺔ ﺍﻟﺸﺨﺺ ﺍﻟﻲ ﻗﻠﺒﻬﺎ ﻣﺎﻝ ﻟﻴﻪ ﺑﺪﻭﻥ ﺇﺭﺍﺩﺗﻬﺎ ...
ﻏﺎﺩﻱ ﺳﺎﻳﻖ ﻭ ﻛﻴﺘﺬﻛﺮ ﺍﻟﻲ ﺩﺍﺯ ﻫﺎﺩ ﺍﻟﻨﻬﺎﺭ ... ﺣﺲ ﺑﺎﻟﻐﺒﺎﺀ ﻟﻠﺴﺒﺐ ﺍﻟﻲ ﺧﻼﻩ ﻳﻤﺸﻲ ﻳﺸﻮﻓﻬﺎ ... ﻛﺎﻥ ﺑﺎﻏﻲ ﻳﻘﻮﻝ ﻟﻴﻬﺎ ﺗﻈﺎﻫﺮ ﺑﺄﻧﻬﺎ ﺣﺒﻴﺒﺘﻮ ﻭ ﻳﻌﺮﻓﻬﺎ ﻋﻠﻰ ﻣﻮ ... ﻓﻘﻂ ﺑﺎﺵ ﻣﺘﺒﻘﺎﺵ ﺗﺠﺒﺪ ﻟﻴﻪ ﺳﻴﺮﺓ ﺍﻟﺰﻭﺍﺝ ... ﻟﻜﻦ ﺑﻌﺪ ﺍﻟﻲ ﺷﺎﻑ ﺣﺸﻢ ﻣﻦ ﺭﺍﺳﻮ ...
ﺗﺬﻛﺮ ﻓﺎﺵ ﺑﻌﺪﺍﺕ ﻣﻨﻮ ﻭ ﻣﺸﺎﺕ ﻛﺘﺠﺮﻱ ﺩﺧﻼﺕ ﻟﻌﻤﺎﺭﺓ ... ﺣﺘﻰ ﻛﺎﻥ ﻏﻴﺘﺒﻌﻬﺎ ﺑﺎﺵ ﻳﻄﻤﺄﻥ ﻋﻠﻴﻬﺎ ... ﻟﻜﻦ ﻫﻲ ﺑﻨﺖ ﻋﺎﻳﺸﺔ ﺑﻮﺣﺪﻫﺎ ... ﻭ ﻻ ﺗﺒﻌﻬﺎ ﻟﺸﻘﺘﻬﺎ ﻓﻐﻴﻜﻮﻥ ﺗﺼﺮﻑ ﻏﻴﺮ ﻻﺋﻖ ... ﺁﺧﺮ ﺣﺎﺟﺔ ﻳﺒﻐﻲ ﻫﻲ ﺗﻤﺲ ﺳﻤﻌﺘﻬﺎ ﺑﺴﺒﺒﻮ ...
ﻏﺎﺩﺓ ﻣﺴﺮﺣﺔ ﺭﺟﻠﻴﻬﺎ ﺑﻴﻦ ﺍﻟﺸﺠﺮ ﻭ ﻛﺘﺸﻮﻑ ﻓﺎﻟﻤﻨﺎﻇﺮ ﺍﻟﻲ ﻗﺪﺍﻣﻬﺎ ... ﺩﺧﻼﺕ ﻷﺣﺪ ﺍﻟﺤﻘﻮﻝ ﺍﻟﻲ ﺗﻤﺎﻙ ... ﻛﺘﻤﺸﻰ ﺑﻴﻦ ﺍﻟﻮﺭﻭﺩ ﻭ ﺗﻠﻤﺴﻬﻢ ﺑﻴﺪﻫﺎ ... ﻛﺎﻧﺖ ﺍﻟﺸﻤﺲ ﺩﺍﻓﻴﺔ ﻭ ﺍﻟﺠﻮ ﻣﻨﻌﺶ ﺑﺮﻳﺢ ﺧﻔﻴﻔﺔ ... ﭼﻠﺴﺎﺕ ﺟﻮﻻﻥ ﺟﻨﺐ ﺷﺠﺮﺓ ﻛﺒﻴﺮﺓ ...
ﺭﺑﻌﺎﺕ ﺭﺟﻠﻴﻬﺎ ﻭ ﺧﺸﺎﺕ ﻳﺪﻫﺎ ﻓﺎﻟﺠﻴﺐ ... ﺟﺒﺪﺍﺕ ﺍﻟﻔﻮﻥ ﺩﻳﺎﻟﻬﺎ ﺷﻌﻼﺗﻮ ﻭ ﻫﻮ ﻳﺒﺎﻥ ﺍﻟﺤﺰﻥ ﻋﻠﻰ ﺗﻌﺎﺑﻴﺮﻫﺎ ... ﻣﺮ ﺃﺳﺒﻮﻉ ﻭ ﻣﺎﻭﺻﻠﻬﺎ ﺣﺘﻰ ﺧﺒﺮ ﻣﻦ ﺭﺋﺒﺎﻝ ... ﺍﻟﻔﻮﻥ ﺩﻳﺎﻟﻮ ﻃﺎﻓﻲ ﻭ ﻋﻤﺮﻭ ﻋﻴﻂ ﻋﻠﻴﻬﺎ ... ﻓﺎﺵ ﺍﺗﺎﺻﻼﺕ ﺑﺴﻨﻤﺎﺭ ﻭ ﻗﺎﻟﺖ ﻟﻴﻪ ﻳﺴﻴﻔﻂ ﺍﻟﻲ ﻳﺠﻴﺒﻬﻢ ﺣﻴﻨﺖ ﺑﻐﺎﺕ ﺗﺮﺟﻊ ﻟﻠﺪﺍﺭ ...
ﻃﻠﺐ ﻣﻨﻬﺎ ﺗﺒﻘﻰ ﺗﻤﺎﻙ ﻷﻥ ﺭﺋﺒﺎﻝ ﺃﺻﺮ ﻣﺘﺮﺟﻌﺶ ﺣﺘﻰ ﻳﺠﻲ ... ﺍﺳﺘﻐﺮﺑﺎﺕ ﻣﻦ ﻗﺮﺍﺭﻭ ... ﻭﺍﺵ ﻋﻘﺎﺑﻮ ﻭﺻﻞ ﻟﻤﺮﺣﻠﺔ ﺃﻧﻪ ﻳﺨﻠﻴﻬﺎ ﺑﻌﻴﺪﺓ ﻋﻠﻰ ﺍﻟﺪﺍﺭ ... ﻭ ﺣﺘﻰ ﻓﺎﺵ ﻋﻴﻄﺎﺕ ﻋﻠﻴﻬﻢ ﻣﻔﻜﺮﻳﻦ ﺍﻧﻬﺎ ﻫﻲ ﻭ ﺭﺋﺒﺎﻝ ﻛﺎﻳﻨﻴﻦ ﻫﻨﺎ ...
ﻭ ﻣﺎﻓﺨﺒﺎﺭﻫﻤﺶ ﺑﻠﻲ ﺳﺎﻓﺮ ﻭ ﺧﻼﻫﺎ ﺑﻮﺣﺪﻫﺎ ... ﺧﺸﺎﺕ ﺍﻟﻔﻮﻥ ﻓﺠﻴﺒﻬﺎ ﻭ ﻫﻲ ﻛﺘﻤﺘﻢ ﺑﻴﻦ ﺷﻔﺎﻳﻔﻬﺎ ... ﺣﺘﻰ ﻗﻔﺰﺍﺗﻬﺎ ﺯﻳﻨﺐ ﺍﻟﻲ ﻭﻗﻔﺎﺕ ﻋﻠﻴﻬﺎ ﻣﻦ ﺍﻟﻌﺪﻡ ...
ﺯﻳﻨﺐ : ﻭﻟﻴﺘﻲ ﺗﻬﻀﺮﻱ ﺑﻮﺣﺪﻙ ... ﺍﻟﻠﻪ ﻳﺸﻮﻑ ﻣﻦ ﺣﺎﻟﻚ
ﺟﻮﻻﻥ : ﺧﻠﻌﺘﻴﻨﻲ ﺍﻟﻠﻪ ﻳﻌﻄﻴﻚ ﻣﺼﻴﺒﺔ
ﺯﻳﻨﺐ : ﺗﺠﻲ ﻧﺘﻲ ﻧﻴﺖ ﺍﻭﺟﻪ ﺍﻟﻤﺼﺎﺋﺐ ... ﺳﺮﻱ ﺍﻧﺎ ﺍﻟﻲ ﭼﺎﻟﺴﺔ ﻣﻌﺎﻙ ﻭ ﻣﺨﻠﻴﺔ ﺧﻄﻴﺒﻲ ﺩﺍﻳﻊ ﻓﺎﻟﻤﺪﻳﻨﺔ
ﺟﻮﻻﻥ : ﺷﻜﻮﻥ ﺣﺒﺴﻚ ... ﺳﻴﺮﻱ ﺣﻀﻴﻪ
ﺯﻳﻨﺐ : ﻏﻴﺮ ﻧﺮﺟﻊ ﻏﺎﺩﻱ ﻧﻌﺮﻑ ﺷﻨﻮ ﺩﺍﺭ ... ﻋﻨﺪﻱ ﻣﺼﺎﺩﺭﻱ ... ﻛﻴﺘﻚ ﻧﺘﻲ ﺍﻟﻲ ﺭﺍﺟﻠﻚ ﻓﺒﻼﺩ ﺃﺧﺮﻯ ... ﻋﻠﻢ ﺍﻟﻠﻪ ﺷﻨﻮ ﻛﻴﺪﻳﺮ ﻭ ﻣﻌﺎﻣﻦ ... ﻭ ﺑﺤﺎﻝ ﻭﺍﻟﻮ ﻳﻜﻮﻥ ﺩﺍ ﻣﻌﺎﻩ ﺍﻟﻄﺒﻴﺒﺔ
ﺟﻮﻻﻥ : " ﻃﺮﻃﻘﺎﺕ ﻋﻨﻴﻬﺎ " ﺯﻋﻤﺎ ﻳﺪﻳﺮﻫﺎ !!
ﺯﻳﻨﺐ : ﻭ ﻧﺘﻲ ﺟﺎﻟﺴﺔ ﺗﺴﺮﻃﻲ ﻓﺎﻟﻜﻴﻨﺔ ﺑﻼ ﺧﺒﺎﺭﻭ ﻭ ﻣﻄﻴﺤﺔ ﻣﻨﻮ ... ﻏﻴﻤﺸﻲ ﻳﻘﻠﺐ ﻋﻠﻰ ﺍﻟﻲ ﺗﻘﻮﻝ ﻟﻴﻪ ﺳﻴﺪﻱ ﻭ ﻣﻮﻻﻱ
ﺟﻮﻻﻥ : " ﺗﺤﺠﺮﻭ ﺍﻟﺪﻣﻮﻉ ﻓﻌﻨﻴﻬﺎ " ﻣﺎﻳﻤﻜﻨﺶ ﺭﺋﺒﺎﻝ ﻳﺪﻳﺮ ﻓﻴﺎ ﻫﺎﻛﺔ
ﺯﻳﻨﺐ : " ﻗﺮﺑﺎﺕ ﻟﻌﻨﺪﻫﺎ " ﺍﻭﻳﻠﻲ ﻋﻠﻰ ﻟﺤﻤﻘﺔ ﺩﻏﻴﺎ ﺩﻣﻌﺎﺕ ... ﺭﺍﻩ ﻏﻴﺮ ﻛﻨﻀﺤﻚ ... ﻛﻦ ﺭﺍﻩ ﻣﺴﺎﻓﺮ ﻋﻠﻰ ﻗﺒﻞ ﺍﻟﺨﺪﻣﺔ
ﺟﻮﻻﻥ : ﻻ ﻻ ... ﻣﻤﻜﻦ ﻳﻜﻮﻥ ﺩﺍﻫﺎ ﻣﻌﺎﻩ ... ﻛﻦ ﺳﺎﻓﺮ ﻋﻠﻰ ﻟﺨﺪﻣﺔ ﻣﻐﺎﺩﻳﺶ ﻳﻤﺸﻲ ﺑﻠﻤﺎ ﻳﻘﻮﻟﻬﺎ ﻟﻴﺎ ﻭ ﻣﻐﺎﺩﻳﺶ ﻳﻄﻔﻲ ﺍﻟﺘﻴﻠﻴﻔﻮﻥ ... ﺭﺋﺒﺎﻝ ﺗﻌﺼﺐ ﺑﺰﺍﻑ ﺩﺍﻙ ﺍﻟﻨﻬﺎﺭ ... ﻛﻦ ﻏﻴﺮ ﻳﻀﺮﺑﻨﻲ ﻭ ﻣﺎ ﻳﻤﺸﻴﺶ ﻳﺨﻮﻧﻲ " ﻫﺒﻄﻮ ﺩﻣﻮﻋﻬﺎ " ﻭ ﻫﺎﺩﻳﻚ ﻻﺻﻘﺔ ﻓﻴﻪ " ﻛﺘﺸﻬﻖ " ﻭ ﻫﻲ ﺯﻭﻳﻨﺔ ﻭ ﻃﺒﻴﺒﺔ
ﺯﻳﻨﺐ : " ﻛﺘﻤﺴﺢ ﻟﻴﻬﺎ ﺩﻣﻮﻋﻬﺎ " ﺷﻮﻭﻭ ﺍﻟﻬﺒﻴﻠﺔ ... ﺭﺋﺒﺎﻝ ﻛﻴﺤﻤﺎﻕ ﻋﻠﻴﻚ ... ﻭﺍﺧﺔ ﻣﺎﻋﺮﺕ ﺍﺵ ﺩﻳﺮﻱ ﻟﻴﻪ ﻣﻐﺎﺩﻳﺶ ﻳﺴﻤﺢ ﻓﻴﻚ ... ﺍﻧﺎ ﻏﻴﺮ ﻛﻨﺖ ﺑﺎﻏﺔ ﻧﺸﺪ ﻓﻴﻚ ... ﻣﺴﺤﻲ ﺩﻣﻮﻋﻚ ﻭ ﺣﻴﺪﻱ ﻫﺎﺩﺷﻲ ﻣﻦ ﺭﺍﺳﻚ
ﺟﻮﻻﻥ : ﺯﻳﻨﺐ ﻋﻴﻄﻲ ﻹﻟﻴﺎﺱ ﻭ ﺳﻮﻟﻴﻪ ﺷﻜﻮﻥ ﻣﺸﺎ ﻣﻌﺎﻩ ... ﻋﻔﺎﻙ
ﺯﻳﻨﺐ : ﺍﻟﻠﻪ ﻳﺴﺘﺮ ... ﻧﺪﻣﺘﻴﻨﺎ
ﺟﻮﻻﻥ : " ﺑﻐﺎﺕ ﺗﻨﻮﺽ " ﺻﺎﻓﻲ ﺍﻧﺎ ﻧﻤﺸﻲ ﻧﺴﻮﻟﻮ ﺭﺍﺳﻲ
ﺯﻳﻨﺐ : ﭼﻠﺴﻲ ﻟﺮﺽ ... ﺩﺍﺑﺔ ﻧﺼﻮﻧﻲ ﻋﻠﻴﻪ ﻭ ﻧﺴﻮﻟﻮ
🍂 ﻟﺸﺒﻮﻧﺔ ...