السفاح العاشق

بارت 41

🍂🍂 ﻳﻮﻡ ﺟﺪﻳﺪ ...
ﺣﻼﺕ ﺯﻳﻨﺐ ﻋﻨﻴﻬﺎ ﻭ ﺩﻭﺭﺍﺗﻬﻢ ﻓﺎﻟﻐﺮﻓﺔ ... ﻗﻔﺰﺍﺕ ﻓﺎﺵ ﻣﺎﻟﻘﺘﻬﺎﺵ ﺍﻟﺒﻴﺖ ﻓﻴﻦ ﻛﻴﻨﻌﺴﻮ ... ﺿﺎﺭﺕ ﻓﻴﻦ ﻧﺎﻋﺴﺔ ﺟﻮﻻﻥ ﻭ ﻫﻲ ﺗﺒﺎﻥ ﻟﻴﻬﺎ ﻓﺎﻳﻘﺔ ... ﻣﺘﻜﻴﺎ ﻋﻠﻰ ﺍﻟﻮﺳﺎﺩﺓ ﻭ ﺟﺎﻣﻌﺔ ﺭﺟﻠﻴﻬﺎ ﻋﻨﺪﻫﺎ ...
ﺯﻳﻨﺐ : ﺻﺒﺎﺡ ﺍﻟﻨﻮﻭﺭ
ﺟﻮﻻﻥ : ﺻﺒﺎﺡ ﻟﺨﻴﺮ
ﺯﻳﻨﺐ : ﻛﻴﻒ ﺻﺒﺤﺘﻲ ﺷﻮﻳﺔ ؟
ﺟﻮﻻﻥ : ﺍﻣﻤﻢ ... ﻋﻼﺵ ﻧﺎﻋﺴﻴﻦ ﻫﻨﺎ ... ﻣﺎﺷﻲ ﻓﺎﻟﺒﻴﺖ ﻻﺧﺮ ؟
ﺯﻳﻨﺐ : ﻣﺎﻋﻘﻠﺘﻴﺶ ﺷﻨﻮ ﻭﻗﻊ ... ﻟﺒﺎﺭﺡ ﻓﺎﺵ ﻃﻠﻌﻚ ﻣﻮﺳﻴﻮ ﺭﺋﺒﺎﻝ ﺟﺎﺑﻚ ﻟﺒﻴﺘﻮ ... ﺣﻴﻨﺖ ﻏﺮﻓﺘﻮ ﻫﻲ ﺍﻟﻮﺣﻴﺪﺓ ﺍﻟﻲ ﻓﻴﻬﺎ ﻟﺒﺎﻧﻴﻮ ﻓﺎﻟﺪﻭﺵ ... ﻭ ﻣﻨﻴﻦ ﺩﻭﺷﺘﻲ ﻣﺎﺑﻐﻴﺘﺶ ﻧﺨﺮﺟﻚ ﺑﺎﻟﺒﻴﻨﻮﺍﺭ ... ﺁﺟﻲ ﺑﻌﺪﺍ ... ﺑﺎﺵ ﻋﺮﻓﺘﻲ ﺣﻨﺎ ﻣﺎﺷﻲ ﻓﺎﻟﺒﻴﺖ
ﺟﻮﻻﻥ : ﺍﻟﺮﻳﺤﺔ
ﺯﻳﻨﺐ : " ﺍﺳﺘﻨﺸﻘﺎﺕ ﺍﻟﻬﻮﺍﺀ " ﻭ ﺍﻟﻼﻫﻴﻼ ... ﺭﻳﺤﺘﻮ ﻣﺎﻟﻴﺔ ﺍﻟﺒﻴﺖ
ﺟﻮﻻﻥ : ﺑﻐﻴﺖ ﺍﻟﻔﻮﻥ ﻧﻬﻀﺮ ﻣﻊ ﻣﺎﻣﺎ
ﺯﻳﻨﺐ : " ﻭﻗﻔﺎﺕ " ﺃﻧﺎ ﻧﻤﺸﻲ ﻧﺠﻴﺒﻮ ﻟﻴﻚ ... ﻏﺎﺩﻱ ﺗﻜﻮﻥ ﺗﺸﻄﻨﺎﺕ ... ﻣﻦ ﻧﻬﺎﺭ ﻭﺻﻠﻨﺎ ﻣﺎﻫﻀﺮﻧﺎ ﻣﻌﻬﺎ
ﺣﻼﺕ ﺯﻳﻨﺐ ﺍﻟﺒﺎﺏ ﻭ ﺧﺮﺟﺎﺕ ... ﻏﺎﺩﺓ ﻟﺒﻴﺖ ﻛﻴﻒ ﺿﺎﺭﺕ ﻭ ﻫﻲ ﺗﺨﺮﺝ ﻋﻨﻴﻬﺎ ... ﺑﺎﻥ ﻟﻴﻬﺎ ﺇﻟﻴﺎﺱ ﻭﺍﻗﻒ ﻓﺎﻟﻜﻮﻟﻮﺍﺭ ﻻﺑﺲ ﻏﻴﺮ ﺳﺮﻭﺍﻝ ﻭ ﺍﻟﻔﻮﻕ ﻋﺮﻳﺎﻥ ... ﺗﻠﻔﺖ ﺷﺎﻑ ﻓﻴﻬﺎ ﺣﻴﺪ ﺍﻟﻔﻮﻥ ﻣﻦ ﻭﺫﻧﻮ ﻭ ﺍﺑﺘﺎﺳﻢ ...
ﺇﻟﻴﺎﺱ : ﺻﺒﺎﺡ ﺍﻟﺸﻌﻜﺎﻛﺔ
ﺯﺍﺩﺕ ﺧﺮﺟﺎﺕ ﻋﻨﻴﻬﺎ ﻭ ﺣﻄﺎﺕ ﻳﺪﻫﺎ ﻋﻠﻰ ﺷﻌﺮﻫﺎ ... ﺗﺬﻛﺮﺍﺕ ﻛﻴﻒ ﻛﺘﺼﺒﺢ ﻛﻞ ﻧﻬﺎﺭ ﻭ ﻣﻨﻴﻦ ﺧﺮﺟﺎﺕ ﻣﻦ ﻟﺒﻴﺖ ﻣﻄﻼﺗﺶ ﻋﻠﻰ ﺣﺎﻟﺘﻬﺎ ... ﺑﺪﺍﺕ ﻛﺪﻭﺯ ﺻﺒﺎﻋﻬﺎ ﻋﻠﻰ ﺷﻌﺮﻫﺎ ...
ﺯﻳﻨﺐ : ﺳﺘﺮ ﻏﺎ ﺭﺍﺳﻚ ... ﻋﺎﺩ ﺷﻮﻑ ﺍﻟﻨﺎﺱ ﻻﺧﺮﻳﻦ
ﺇﻟﻴﺎﺱ : " ﻛﻴﻘﺮﺏ ﻋﻨﺪﻫﺎ " ﻋﻼﺵ ﻏﻨﺴﺘﺮ ﺭﺍﺳﻲ ... ﺑﻨﺖ ﻟﻴﻚ ﺳﺎﻟﺖ ﺳﺮﻭﺍﻟﻲ
ﺯﻳﻨﺐ : ﻻ ﻏﻴﺮ ﺳﻠﺘﻮ ﺣﺘﻰ ﻫﻮﺍ
ﺇﻟﻴﺎﺱ : ﺷﻔﺘﻚ ﺗﺴﺮﺡ ﻟﻴﻚ ﺍﻟﻠﺴﺎﻥ ﻣﻌﻴﺎ
ﺯﻳﻨﺐ : ﺇﻟﻲ ﻳﺤﺘﺎﺭﻣﻲ ﻛﻨﺒﺎﺩﻟﻮ ﺍﻹﺣﺘﺮﺍﻡ
ﺇﻟﻴﺎﺱ : ﺍﻣﻤﻢ ... ﺩﺍﺑﺔ ﺷﻲ ﺗﻌﻴﻄﻲ ﻋﻠﻴﻪ ﻣﻮﺳﻴﻮ ﻭ ﺷﻲ ﺗﻌﻄﻴﻪ ﻛﻠﻤﺔ ﺑﻌﺸﺮﺓ
ﺯﻳﻨﺐ : ﺍﻳﻴﻴﻪ
ﺑﻐﺎﺕ ﺩﻭﺯ ﻭ ﻫﻮ ﻳﺤﺒﺲ ﻋﻠﻴﻬﺎ ﺍﻟﻄﺮﻳﻖ
ﺯﻳﻨﺐ : " ﻋﻨﻴﻬﺎ ﻛﻴﺘﺰﺍﮔﻠﻮ ﻓﺼﺪﺭﻭ ﻭ ﻟﻴﺰﺍﺑﺪﻭ " ﺣﻴﺪ ﺑﺎﻏﺔ ﻧﺪﻭﺯ
ﺇﻟﻴﺎﺱ : ﻏﺎ ﺷﻮﻓﻲ ﺑﺮﺍﺣﺘﻚ ﻫﻬﻬﻪ
ﺯﻳﻨﺐ : " ﻫﺰﺍﺕ ﺭﺍﺳﻬﺎ ﻋﻨﺪﻭ " ﺃﺻﻼ ﻣﻜﺎﻳﻦ ﻣﺎﻳﺘﺸﺎﻑ
ﺷﺎﻓﺖ ﻓﻴﻪ ﺑﺘﺤﺪﻱ ﻭ ﺩﺍﺯﺕ ... ﻣﺸﺎﺕ ﻛﺘﺰﺭﺏ ﺩﺧﻼﺕ ﻟﺒﻴﺖ ... ﺿﺎﺭ ﻣﺘﺒﻌﻬﺎ ﺑﻌﻨﻴﻪ ﻛﻴﻀﺤﻚ ... ﺭﺟﻊ ﺩﻭﺯ ﻧﻤﺮﺓ ﺳﻨﻤﺎﺭ ﻭ ﻫﻮ ﻏﺎﺩﻱ ﻟﺒﻴﺘﻮ ...
ﺇﻟﻴﺎﺱ : ﻣﺎﻝ ﻫﺎﺩ ﺍﻟﺨﻠﻴﻘﺔ ﻣﻜﻴﺠﺎﻭﺑﺶ !
ﻛﻴﻒ ﺳﺎﻻﺕ ﺟﻮﻻﻥ ﺍﻟﻬﻀﺮﺓ ﻣﻊ ﻣﻬﺎ ... ﺳﻤﻌﻮ ﺍﻟﺪﻗﺎﻥ ﻓﺎﻟﺒﺎﺏ ﺩﺧﻼﺕ ﺍﻟﺨﺪﺍﻣﺔ ﻗﺎﻟﺖ ﻟﻴﻬﻢ ﻳﻬﺒﻄﻮ ... ﻧﺎﺿﻮ ﺑﺪﻟﻮ ﺑﻴﺠﺎﻣﺎﺗﻬﻢ ﻭ ﻧﺰﻟﻮ ... ﻛﺎﻥ ﺭﺋﺒﺎﻝ ﭼﺎﻟﺲ ﻓﺎﻟﻄﺒﻠﺔ ﻫﻮ ﻭ ﺇﻟﻴﺎﺱ ... ﻫﺰ ﻋﻨﻴﻪ ﺟﻬﺔ ﺍﻟﺪﺭﻭﺝ ﺑﺎﻧﺖ ﻟﻴﻪ ﻫﺎﺑﻄﺔ ﻫﻲ ﻭ ﺯﻳﻨﺐ ... ﭼﻠﺴﻮ ﻓﺎﻟﻄﺒﻠﺔ ﻭ ﺑﺪﺍﻭ ﻳﻔﻄﺮﻭ ...
ﺇﻟﻴﺎﺱ : ﺭﺋﺒﺎﻝ ﻭﺍﺵ ﻣﻘﺎﻟﺶ ﻟﻴﻚ ﺳﻨﻤﺎﺭ ﻓﻴﻦ ﻣﺸﺎ ؟
ﺭﺋﺒﺎﻝ : " ﻛﻴﺸﺮﺏ ﻗﻬﻮﺗﻮ " ﺭﺟﻊ ﻟﻠﻤﻐﺮﺏ
ﺇﻟﻴﺎﺱ : ﻋﻼﺵ ﺷﻨﻮ ﻭﺍﻗﻊ ... ﻭ ﺣﺘﻰ ﺳﻤﺎﺭﺍ ﻣﻜﻴﻨﺎﺵ ... ﻭﺍﺵ ﻣﺸﺎﺕ ﻣﻌﺎﻩ
ﺭﺋﺒﺎﻝ : " ﺷﺎﻑ ﻓﺠﻮﻻﻥ " ﺍﻣﻤﻢ ... ﺑﺠﻮﺝ ﻣﺸﺎﻭ ﻟﺒﺎﺭﺡ
ﺇﻟﻴﺎﺱ : ﻟﻌﺠﺐ ﻣﺸﺎ ﺑﻼ ﻣﻴﻘﻮﻝ ﻟﻴﺎ ﻭﺍﻟﻮ ... ﻛﻴﺸﻮﻓﻬﺎ ﻛﻴﺘﻠﻒ
ﺯﻳﻨﺐ ﺳﻤﻌﺎﺕ ﻛﻴﺸﻮﻓﻬﺎ ﻭ ﻳﺘﻠﻒ ﻭ ﻫﻲ ﺗﺮﺧﻲ ﻭﺫﻧﻴﻬﺎ ... ﻣﺎﻛﺮﻫﺎﺗﺶ ﺗﻌﺮﻑ ﻋﻼﻣﻦ ﻛﻴﻬﻀﺮ ... ﺇﻟﻴﺎﺱ ﺍﻧﺘﺎﺑﻪ ﻟﻴﻬﺎ ﻛﺘﺸﻮﻑ ﻓﻴﻪ ﺑﻨﺺ ﻋﻴﻦ ﻭ ﻫﻮ ﻳﺒﺘﺎﺳﻢ ...
ﺇﻟﻴﺎﺱ : ﺍﻧﺎ ﺑﻌﺪﺍ ﻋﺠﺒﻨﻲ ﻫﺎﺩ ﺍﻟﺠﻮ ... ﻛﻨﺖ ﻏﻨﺮﺟﻊ ﻟﻠﻤﻐﺮﺏ ... ﻭ ﻟﻜﻦ ﺩﺍﺑﺔ ﺣﻼﺕ ﻟﻴﺎ ﺍﻟﭽﻠﺴﺔ ... ﺍﻟﻴﻮﻡ ﻏﻨﺨﺮﺝ ﻣﻌﻴﺎ ﺟﻮﻻﻥ ﻧﺪﻭﺭﻫﺎ ﺷﻮﻳﺔ ﻓﺒﺮﻟﻴﻦ ... ﺷﻨﻮ ﺑﺎﻥ ﻟﻴﻚ ﺃﺟﻮﻻﻥ !
ﺟﻮﻻﻥ : ﻣﺎﻧﻘﺪﺭﺵ ... ﺑﻐﻴﺖ ﻧﻤﺸﻴﻮ ﻋﻨﺪ ﺍﻟﻄﺒﻴﺐ
ﺯﻳﻨﺐ : ﺷﻨﻮ ﻗﻠﺘﻴﻲ ؟
ﺟﻮﻻﻥ : ﻏﻨﺪﻳﺮ ﺍﻟﻌﻤﻠﻴﺔ
ﺯﻳﻨﺐ : " ﺑﻔﺮﺣﺔ " ﻭﺍﺵ ﺑﺎﻟﺼﺢ ... ﻭﺍﻓﻘﺘﻲ ﺩﻳﺮﻱ ﺍﻟﻌﻤﻠﻴﺔ
ﺟﻮﻻﻥ : ﺁﻩ
ﺇﻟﻴﺎﺱ : " ﻋﻨﻜﺶ ﻟﻴﻬﺎ ﺷﻌﺮﻫﺎ ﺑﻴﺪﻭ " ﺃﺣﺴﻦ ﺣﺎﺟﺔ ﻏﺪﻳﺮﻱ
ﺭﺋﺒﺎﻝ : " ﻭﻗﻒ " ﻛﻤﻠﻮ ﻓﻄﻮﺭﻛﻢ ... ﺑﺎﺵ ﻧﻤﺸﻴﻮ ﻟﻠﻌﻴﺎﺩﺓ
ﺇﻟﻴﺎﺱ : ﺣﺘﻰ ﺍﻧﺎ ﻏﻨﻤﺸﻲ ﻣﻌﺎﻛﻢ
ﺗﻮﺟﻪ ﺭﺋﺒﺎﻝ ﻟﻠﻤﻜﺘﺐ ﻭ ﺍﺗﺎﺻﻞ ﺑﺎﻟﻌﻴﺎﺩﺓ ... ﺧﺮﺝ ﻟﻘﺎ ﺍﻟﺒﻨﺎﺕ ﺟﺎﻫﺰﻳﻦ ... ﺧﺮﺟﻮ ﻭ ﻃﻠﻌﻮ ﻓﺎﻟﻠﻮﻃﻮ ... ﺭﺋﺒﺎﻝ ﺳﺎﻳﻖ ﻭ ﺇﻟﻴﺎﺱ ﺟﻨﺒﻮ ﻭ ﻟﺒﻨﺎﺕ ﺍﻟﻠﻮﺭ ... ﻏﺎﺩﺭﻭ ﺍﻟﻤﺰﺭﻋﺔ ﻏﺎﺩﻳﻴﻦ ﻓﺎﻟﻄﺮﻳﻖ ﺍﻟﺴﺮﻳﻊ ... ﻷﻧﻬﺎ ﺟﺎﺕ ﺧﺎﺭﺝ ﺑﺮﻟﻴﻦ ... ﺳﺎﻕ ﻟﻤﺪﺓ ﺳﺎﻋﺘﻴﻦ ﻋﺎﺩ ﻭﺻﻠﻮ ... ﻭﻗﻒ ﺍﻟﺴﻴﺎﺭﺓ ﻗﺪﺍﻡ ﺑﻨﺎﻳﺔ ﻋﺎﻟﻴﺔ ... ﻃﻠﻌﻮ ﻓﺎﻟﻤﺼﻌﺪ ﻭ ﺩﺧﻠﻮ ﻟﻠﻌﻴﺎﺩﺓ ...
ﺍﻟﻤﻤﺮﺿﺔ ﺷﺎﻓﺖ ﺭﺋﺒﺎﻝ ﻋﺮﻓﺎﺗﻮ ... ﺩﺧﻼﺕ ﻋﻠﻤﺎﺕ ﺍﻟﻄﺒﻴﺐ ﺍﻟﻲ ﺧﺮﺝ ﻓﺎﻟﺤﻴﻦ ﻋﻨﺪﻭ ... ﺗﺴﺎﻟﻢ ﻣﻌﺎﻩ ﻭ ﻣﻊ ﻻﺧﺮﻳﻦ ... ﻃﻠﺐ ﻣﻦ ﺟﻮﻻﻥ ﺗﺮﺍﻓﻘﻮ ﻳﺪﻳﺮ ﻟﻴﻬﺎ ﺷﻲ ﻓﺤﻮﺻﺎﺕ ﻭ ﺯﻳﻨﺐ ﻣﺸﺎﺕ ﻣﻌﻬﺎ ... ﺭﺋﺒﺎﻝ ﻭ ﺇﻟﻴﺎﺱ ﺑﻘﺎﻭ ﻓﺎﻟﻤﻜﺘﺐ ﺩﻳﺎﻝ ﺍﻟﻄﺒﻴﺐ ...
ﻣﺮ ﺑﻌﺾ ﺍﻟﻮﻗﺖ ﻭ ﻫﻤﺎ ﻳﺮﺟﻌﻮ ... ﭼﻠﺲ ﺍﻟﻄﺒﻴﺐ ﻓﻤﻜﺘﺒﻮ ﻭ ﻟﺒﻨﺎﺕ ﺟﻠﺴﻮ ﻓﻠﻔﻄﻮﻱ ﻻﺧﺮ ... ﺷﺎﻑ ﺍﻟﻄﺒﻴﺐ ﻓﺮﺋﺒﺎﻝ ﻭ ﺗﻜﻠﻢ ...
ﺍﻟﻄﺒﻴﺐ : ﻏﺪﺍ ﻏﻨﺪﻳﺮﻭ ﻟﻴﻬﺎ ﺍﻟﻌﻤﻠﻴﺔ ﻭ ﺍﻥ ﺷﺎﺀ ﺍﻟﻠﻪ ﻣﺘﻔﺎﺋﻠﻴﻦ ﺍﻧﻬﺎ ﻏﺘﺮﺟﻊ ﺗﺸﻮﻑ
ﺑﻘﺎ ﺍﻟﻄﺒﻴﺐ ﻛﻴﺸﺮﺡ ﻟﻴﻬﻢ ﻭﺿﻊ ﺟﻮﻻﻥ ... ﻭ ﺃﻥ ﺍﻟﻌﻤﻠﻴﺔ ﻣﺎﺷﻲ ﺑﺪﻳﻚ ﺍﻟﺼﻌﻮﺑﺔ ﻭ ﻧﺴﺒﺔ ﻧﺠﺎﺣﻬﺎ ﺃﻛﺜﺮ ﻣﻦ ﺍﻟﻲ ﻗﺎﻟﻮ ﻟﻴﻬﺎ ﻓﺎﻟﻤﻐﺮﺏ ... ﻭﺍﺧﺔ ﻛﺎﻧﺖ ﻣﺘﺨﻮﻓﺔ ﻛﻼﻡ ﺍﻟﻄﺒﻴﺐ ﺭﻳﺤﻬﺎ ﺷﻮﻳﺔ ... ﺗﻮﺍﺩﻋﻮ ﻣﻌﺎﻩ ﻭ ﻫﻤﺎ ﺭﺍﺟﻌﻴﻦ ... ﺍﻗﺘﺎﺭﺡ ﻋﻠﻴﻬﻢ ﺇﻟﻴﺎﺱ ﻳﻤﺸﻴﻮ ﻳﺎﻛﻠﻮ ﻓﺸﻲ ﺭﻳﺴﻄﻮ ... ﺭﺋﺒﺎﻝ ﻣﻘﺎﻝ ﻭﺍﻟﻮ ﻭ ﺍﺗﺎﺟﻪ ﻟﻤﻄﻌﻢ ﻣﻌﺮﻭﻑ ﻓﺎﻟﻤﺪﻳﻨﺔ ... ﺩﺧﻠﻮ ﻭ ﺧﺬﺍﻭ ﻃﺒﻠﺔ ...
ﻃﻠﺒﻮ ﺍﻷﻛﻞ ﻭ ﺗﻐﺪﺍﻭ ﻣﻊ ﺑﻌﺾ ... ﺭﺋﺒﺎﻝ ﻻﺣﻆ ﺑﻠﻲ ﺟﻮﻻﻥ ﻧﻔﺴﻴﺘﻬﺎ ﺗﺤﺴﻨﺎﺕ ﻋﻠﻰ ﻗﺒﻞ ... ﻭ ﻋﺮﻑ ﺑﻠﻲ ﺍﻟﻲ ﻭﻗﻊ ﻟﺒﺎﺭﺡ ﻛﺎﻥ ﺑﺤﺎﻝ ﺩﻓﻌﺔ ﻟﻴﻬﺎ ﺣﺘﻰ ﻗﺮﺭﺍﺕ ﺩﻳﺮ ﺍﻟﻌﻤﻠﻴﺔ ... ﻋﻠﻰ ﺍﻷﻗﻞ ﺗﺼﺮﻑ ﺳﻤﺎﺭﺍ ﺍﻟﻐﺒﻲ ﺟﺎﺏ ﻧﺘﻴﺠﺔ ... ﻧﺎﺿﻮ ﻏﺎﺩﺭﻭ ﺍﻟﻤﻄﻌﻢ ﻭ ﺭﺟﻌﻮ ﻟﻠﺪﺍﺭ ...