السفاح العاشق

بارت 69

ﺑﻌﺪ ﺃﻳﺎﻡ ﻗﻠﻴﻠﺔ ﺧﺪﺍﻭﻩ ﻟﻌﻨﺪ ﻃﺒﻴﺐ ﻧﻔﺴﻲ ﺑﺴﺒﺐ ﻣﺸﻜﻠﺔ ﺍﻟﻜﻼﻡ ... ﻛﺸﻒ ﻋﻠﻴﻪ ﻭ ﺑﻌﺪﻣﺎ ﻋﺮﻑ ﺷﻨﻮ ﻭﻗﻊ ... ﺧﺒﺮﻫﻢ ﺍﻧﻪ ﻣﻤﻜﻦ ﻳﺮﺟﻊ ﻳﺘﻜﻠﻢ ... ﻭ ﻧﺼﺤﻬﻢ ﻳﻐﻴﺮﻭ ﻟﻴﻪ ﺇﺳﻤﻮ ... ﻛﺨﻄﻮﺓ ﻳﺒﻌﺪ ﻋﻠﻰ ﺍﻟﻄﻔﻮﻟﺔ ﺍﻷﻟﻴﻤﺔ ﺍﻟﻲ ﺩﻭﺯ ﻓﺎﻟﺴﻨﺔ ﺍﻟﻤﺎﺿﻴﺔ ... ﻣﺼﻄﻔﻰ ﻣﻜﺎﻧﺶ ﻣﻦ ﺍﻟﻌﺎﺟﺰﻳﻦ ... ﻏﻴﺮ ﻟﻴﻪ ﺇﺳﻤﻮ ﺏ ﺍﻹﺳﻢ ﺍﻟﻲ ﺍﺧﺘﺎﺭﺕ ﺣﻨﺎﻥ ' ﺭﺋﺒﺎﻝ ' ... ﻭ ﻣﻦ ﻳﻮﻣﻬﺎ ﺍﺧﺘﻔﻰ ﺍﺳﻢ ﺇﻳﻠﻴﺎ ﻋﻠﻰ ﺃﻣﻞ ﻳﺘﻤﺤﺎﻭ ﻣﻌﺎﻩ ﺍﻟﺬﻛﺮﻳﺎﺕ ﺍﻷﻭﺧﺮﻯ ...
ﺑﻌﺪ ﺃﺷﻬﺮ ﻣﻦ ﺯﻳﺎﺭﺓ ﺍﻟﻄﺒﻴﺐ ﺍﻟﻨﻔﺴﻲ ... ﻗﺪﺭ ﺭﺋﺒﺎﻝ ﻳﺮﺟﻊ ﻳﺘﻜﻠﻢ ... ﻭﺍﺧﺔ ﻛﺎﻥ ﻛﻼﻣﻮ ﻣﺤﺪﻭﺩ ﻭ ﻗﻠﻴﻞ ... ﻟﻜﻦ ﻣﻊ ﺷﺨﺼﻴﺘﻮ ﺍﻟﻬﺎﺩﺋﺔ ﻭ ﺍﻟﻤﻄﻴﻌﺔ ... ﻋﺎﺋﻠﺔ ﺍﻟﻌﺜﻤﺎﻧﻲ ﻣﺎ ﺣﻜﺮﻭﺵ ... ﺍﻗﺘﺎﻧﻌﻮ ﺑﻠﻲ ﻫﺎﺩﻱ ﻫﻲ ﻃﺒﻴﻌﺔ ﺷﺨﺼﻴﺘﻮ ... ﺩﺧﻠﻮﻩ ﻷﺣﺪ ﺃﺭﻗﻰ ﺍﻟﻤﺪﺍﺭﺱ ﻓﺎﻟﺒﻼﺩ ... ﻭ ﻣﻊ ﺃﻧﻪ ﻣﻌﺮﻭﻑ ﺑﻠﻲ ﻭﻟﺪﻫﻢ ﻓﻘﻂ ﺑﺎﻟﺘﺒﻨﻲ ... ﺍﻻ ﻭ ﻛﺎﻥ ﻣﻔﺮﻭﺽ ﻋﻠﻰ ﺍﻟﻜﻞ ﻳﻌﺎﻣﻠﻮﻩ ﻛﺈﺑﻦ ﻟﻬﺎﺩ ﺍﻟﻌﺎﺋﻠﺔ ...
ﻭ ﺇﻟﻲ ﺧﻠﻖ ﻣﺸﻜﻴﻞ ﻣﻊ ﻋﺎﺋﻠﺔ ﻣﺼﻄﻔﻰ ... ﺭﻏﻢ ﺃﻧﻪ ﻛﺎﻥ ﻋﺎﺯﻝ ﺃﻋﻤﺎﻟﻮ ﻋﻠﻰ ﺍﻻﺏ ﺩﻳﺎﻟﻮ ... ﻧﻬﺎﺭ ﻋﺮﻑ ﺍﻥ ﺍﺳﻢ ﺍﻟﻌﺎﺋﻠﺔ ﻭ ﺍﻟﺜﺮﻭﺓ ﻣﻤﻜﻦ ﺗﻤﺸﻲ ﻟﻮﺍﺣﺪ ﻣﺎﺷﻲ ﻣﻦ ﺩﻣﻬﻢ ﺯﺍﺩﺕ ﺍﻟﺜﻐﺮﺓ ﺑﻴﻨﺎﺗﻬﻢ ... ﻭ ﺍﻧﻘﺎﻃﻌﺎﺕ ﺍﻟﻌﻼﻗﺎﺕ ... ﺍﻟﻌﺜﻤﺎﻧﻲ ﺍﻷﻛﺒﺮ ﻛﺎﻥ ﻣﻌﺘﺎﺭﻑ ﺑﺤﻔﻴﺪ ﻭﺍﺣﺪ ﻓﻘﻂ ﻭ ﻫﻮ ﺇﺑﻦ ﺑﻨﺘﻮ ... ﻭ ﻳﺎ ﻟﺴﺨﺮﻳﺔ ﺍﻟﻘﺪﺭ ... ﺛﺮﻭﺓ ﻭﻟﺪﻭ ﻣﺼﻄﻔﻰ ﻣﺸﺎﺕ ﻏﻴﺮ ﻟﺮﺋﺒﺎﻝ ﺍﻟﻌﺜﻤﺎﻧﻲ ...
ﺍﻟﻄﻔﻞ ﺍﻟﻲ ﻫﻮ ﻭ ﺑﻨﺘﻮ ﻳﺎﺳﻤﻴﻦ ... ﻛﺎﻧﻮ ﺃﺣﺪ ﺍﻷﺳﺒﺎﺏ ﺃﻧﻪ ﺍﻧﺘﻬﻰ ﺑﻪ ﺍﻟﻘﺪﺭ ﻓﺒﻴﺖ ﻣﺼﻄﻔﻰ ﻭ ﺭﺟﻊ ﻛﻴﺤﻤﻞ ﺍﺳﻤﻮ ... ﺃﺏ ﻣﺼﻄﻔﻰ ﻛﺎﻥ ﻫﻮ ﻧﻔﺴﻮ ﺭﺋﻴﺲ ﺍﻟﻨﺎﺩﻱ ﺍﻟﻲ ﺍﻧﻈﻢ ﻟﻴﻪ ﺟﺎﺑﺮ ... ﻭ ﺑﻌﺪﻫﺎ ﺗﻼﻗﻰ ﺑﺒﻨﺘﻮ ﻳﺎﺳﻤﻴﻦ ﺍﻟﻲ ﺗﺨﻠﻰ ﻋﻠﻰ ﻭﻟﺪﻭ ﻭ ﻣﺮﺗﻮ ﺑﺎﺵ ﻳﻜﻮﻥ ﻣﻌﻬﺎ ... ﺟﺎﺑﺮ ﻗﺎﺩﻭ ﻃﻤﻮﺣﻮ ﺍﻟﻜﺒﻴﺮ ﻭ ﻳﺎﺳﻤﻴﻦ ﺃﻧﺎﻧﻴﺘﻬﺎ ... ﺭﻏﻢ ﺃﻧﻬﺎ ﻋﺮﻓﺎﺗﻮ ﻣﺰﻭﺝ ﺑﻐﺎﺗﻮ ﻟﺮﺍﺳﻬﺎ ﻏﻴﺮ ﻣﻬﺘﻤﺔ ﺑﺎﻷﺳﺮﺓ ﺍﻟﺼﻐﻴﺮﺓ ﺍﻟﻲ ﻏﺘﺪﻣﺮ ... ﻭ ﻣﻊ ﺩﻋﻢ ﺑﺎﻫﺎ ﻧﺎﻟﺖ ﻣﺮﺍﺩﻫﺎ ...
ﻭ ﺑﻌﺪ ﻣﻮﺕ ﺍﻷﺏ ﺩﻳﺎﻟﻬﺎ ﻣﺎﺑﻘﺎﻭﺵ ﺑﺪﺍﻙ ﺍﻟﻨﻔﻮﺫ ﻭ ﺍﻟﺜﺮﻭﺓ ... ﻋﻠﻰ ﻋﻜﺲ ﺧﻮﻫﺎ ﻣﺼﻄﻔﻰ ﺍﻟﻲ ﻛﺎﻧﺖ ﺃﻋﻤﺎﻟﻮ ﻏﻴﺮ ﻣﺰﺍﻳﺪﺓ ﺗﻜﺒﺮ ... ﻭ ﺑﺴﺒﺐ ﺍﻟﺘﻜﺒﺮ ﻭ ﺍﻟﺤﻘﺪ ﺩﻳﺎﻟﻬﺎ ... ﻋﻤﺮﻫﺎ ﻓﻜﺮﺍﺕ ﺗﺼﻠﺢ ﻋﻼﻗﺘﻬﺎ ﻣﻊ ﺧﻮﻫﺎ ... ﻭ ﺣﺘﻰ ﺑﻌﺪ ﻣﻮﺗﻮ ﻫﻮ ﻭ ﺯﻭﺟﺘﻮ ﻓﺤﺎﺩﺙ ﺳﻴﺮ ﻣﺤﻀﺮﺍﺗﺶ ﻟﺠﻨﺎﺯﺗﻬﻢ ... ﻛﺮﻫﺎﺕ ﺇﺑﻨﻬﻢ ﺣﺘﻰ ﻗﺒﻞ ﻣﺎﺗﺸﻮﻓﻮ ... ﻟﻜﻦ ﺍﻟﻘﺪﺭ ﻛﺎﻥ ﻣﺨﺒﻲ ﻟﻴﻬﺎ ﻣﺎﻫﻮ ﺃﻛﺜﺮ ... ﻭ ﻫﻮ ﻣﻮﺗﻬﺎ ﺑﻄﺮﻳﻘﺔ ﺷﻨﻴﻌﺔ ﻋﻠﻰ ﻳﺪﻳﻦ ﺩﺍﻙ ﺍﻟﻄﻔﻞ ...
ﺭﺋﺒﺎﻝ ﻓﻤﺮﺣﻠﺔ ﻣﺮﺍﻫﻘﺘﻮ ﻛﺎﻥ ﻋﻜﺲ ﺍﻟﺪﺭﺍﺭﻱ ﺍﻟﻲ ﻓﺴﻨﻮ ... ﺍﻟﻔﺘﻴﺎﺕ ﻭ ﺍﻟﻠﻬﻮ ﻛﺎﻧﻮ ﺁﺧﺮ ﺍﻫﺘﻤﺎﻣﺎﺗﻮ ... ﻣﻜﺎﻧﺶ ﻋﻨﺪﻭ ﺻﺤﺎﺏ ﻋﻠﻰ ﺣﺪ ﻋﻠﻢ ﺍﻟﻌﺎﺋﻠﺔ ... ﻟﻜﻦ ﺭﺋﺒﺎﻝ ﻛﺎﻥ ﻓﻜﻞ ﻣﺮﺓ ﻟﻘﻰ ﺍﻟﻔﺮﺻﺔ ﻛﺎﻥ ﻳﺘﺮﺩﺩ ﻋﻠﻰ ﺍﻟﻤﻴﺘﻢ ... ﻋﻼﻗﺘﻮ ﻣﻊ ﺳﻨﻤﺎﺭ ﻭ ﺇﻟﻴﺎﺱ ﺭﺟﻌﺎﺕ ﺃﻗﻮﻯ ﻭ ﻫﻤﺎ ﻛﻴﻜﺒﺮﻭ ... ﻟﻘﺎﻭ ﻓﺮﻓﻘﺔ ﺑﻌﻀﻬﻢ ﺍﻟﻲ ﻣﻠﻘﺎﻭﻫﺶ ﻣﻊ ﺃﺷﺨﺎﺹ ﺁﺧﺮﻳﻦ ... ﺍﻟﻲ ﺧﺪﺍﻫﺎ ﺭﺋﺒﺎﻝ ﻳﺎﺧﺪ ﻟﻴﻬﻢ ﻣﻌﺎﻩ ... ﻭ ﻋﻤﺮﻫﻢ ﺣﺴﻮ ﺑﻠﻲ ﻛﻴﺘﺼﺪﻕ ﻋﻠﻴﻬﻢ ...
ﻫﺎﺩﺷﻲ ﺧﻠﻰ ﺣﻴﺎﺗﻬﻢ ﻭﺳﻂ ﺩﺍﻙ ﺍﻟﻤﻴﺘﻢ ﺃﻗﻞ ﺑﺆﺳﺎً ... ﻣﻘﺮﺑﻴﻦ ﺑﺰﺍﻑ ﻟﺒﻌﺾ ... ﻭ ﻓﻨﻔﺲ ﺍﻟﻮﻗﺖ ﻣﺨﺘﺎﻟﻔﻴﻦ ﻓﺸﺨﺼﻴﺎﺗﻬﻢ ... ﺍﻟﺮﺍﺑﻂ ﺍﻟﻲ ﺟﺎﻣﻌﻬﻢ ﺃﻛﺜﺮ ﻣﻦ ﺍﻟﺪﻡ ... ﻟﻘﺎﻭ ﺇﺧﻮﺓ ﻭﻟﺪﺍﺗﻬﻢ ﻟﻴﻬﻢ ﺍﻟﺤﻴﺎﺓ ...
ﺍﻟﻮﻗﺖ ﺍﻟﻲ ﺳﺎﻓﺮ ﻓﻴﻪ ﺭﺋﺒﺎﻝ ﻟﻨﺪﻥ ﻳﻜﻤﻞ ﺩﺭﺍﺳﺘﻮ ... ﻛﺎﻧﻮ ﺍﻟﺪﺭﺍﺭﻱ ﺧﺮﺟﻮ ﻣﻦ ﺍﻟﻤﻴﺘﻢ ﺑﻌﺪﻣﺎ ﻭﺻﻠﻮ ﻟﻠﺴﻦ ﺍﻟﻘﺎﻧﻮﻧﻲ ... ﺍﻟﺘﺎﺣﻘﻮ ﺑﺎﻟﺠﺎﻣﻌﺔ ﺑﺪﻋﻢ ﻣﻦ ﻣﺼﻄﻔﻰ ﺍﻟﻌﺜﻤﺎﻧﻲ ...
ﻭ ﺑﻌﺪ ﻣﺮﻭﺭ ﺧﻤﺲ ﺳﻨﻮﺍﺕ ... ﺭﺟﻊ ﺭﺋﺒﺎﻝ ﻟﻠﻤﻐﺮﺏ ﻓﻮﺭ ﻣﺎ ﺗﻠﻘﻰ ﺧﺒﺮ ﻣﻮﺕ ﻭﺍﻟﺪﻳﻪ ﺑﺎﻟﺘﺒﻨﻲ ... ﻭ ﺑﻌﺪ ﻗﺮﺍﺀﺓ ﺍﻟﻮﺻﻴﺔ ﻋﺮﻑ ﺃﻧﻪ ﻫﻮ ﺍﻟﻮﺭﻳﺚ ﺍﻟﻮﺣﻴﺪ ... ﻣﺎﻫﺘﺎﻣﺶ ﻟﺪﻳﻚ ﺍﻟﺪﺭﺟﺔ ... ﻭ ﻟﻜﻦ ﻛﺮﺩ ﺟﻤﻴﻞ ﻟﻠﺸﺨﺼﻴﻦ ﺍﻟﻲ ﺍﻋﺘﻨﺎﻭ ﺑﻴﻪ ﺗﻮﻟﻰ ﺭﺋﺎﺳﺔ ﺍﻟﺸﺮﻛﺔ ﻭ ﺯﺍﺩ ﺑﻴﻬﺎ ﻟﻘﺪﺍﻡ ... ﺩﺧﻞ ﻣﻌﺎﻩ ﺳﻨﻤﺎﺭ ﻭ ﺇﻟﻴﺎﺱ ... ﻭ ﺭﺟﻌﻮ ﻫﻤﺎ ﻭ ﻻ ﺣﺒﻴﺒﺔ ﻋﺎﺋﻠﺘﻮ ... ﻣﻦ ﺍﻟﺨﺎﺭﺝ ﻛﺎﻧﺖ ﻛﺘﺒﺎﻥ ﺣﻴﺎﺗﻮ ﻣﺜﺎﻟﻴﺔ ... ﻻ ﺗﺸﻮﺑﻬﺎ ﺷﺎﺋﺒﺔ ...
ﻟﻜﻦ ﻣﺎ ﺃﺧﻔﻰ ﺍﻋﻈﻢ ... ﻧﻬﺎﺭ ﻋﺮﻑ ﺭﺋﺒﺎﻝ ﺣﻘﻴﻘﺔ ﺍﻟﻲ ﻭﻗﻊ ﻟﻸﻡ ﺩﻳﺎﻟﻮ ... ﻛﻞ ﺩﺍﻙ ﺍﻷﻟﻢ ﻭ ﺍﻟﻤﻌﺎﻧﺎﺓ ﺍﻟﻲ ﻛﺎﻧﺖ ﻣﻐﺮﻭﺳﺔ ﻓﺎﻟﺪﺍﺧﻞ ... ﺗﻔﺠﺮﺍﺕ ﺑﺄﺳﻮﺀ ﺍﻟﻄﺮﻕ ... ﻭ ﺭﺟﻊ ﻣﺎﻫﻮ ﻋﻠﻴﻪ ﺍﻟﻴﻮﻡ ... ﺭﺟﻞ ... ﺑﺎﺭﺩ ... ﻗﺎﺗﻞ ... ﺳﻔّﺎﺡ ...
# ﺍﻟﻮﻗﺖ _ ﺍﻟﺤﺎﻟﻲ
ﻭﺍﻗﻔﻴﻦ ﻣﻮﺍﺟﻬﻴﻦ ﻛﻴﺸﻮﻓﻮ ﻓﺒﻌﺾ ... ﺧﻠﻴﻞ ﻣﻊ ﺑﻐﺎ ﻳﺨﺸﻲ ﻟﻴﻪ ﺍﻟﺠﻨﻮﻳﺔ ﻓﺠﻨﺒﻮ ... ﺷﺪ ﻟﻴﻪ ﺭﺋﺒﺎﻝ ﻓﻴﺪﻭ ... ﺯﻳﺮ ﻋﻠﻴﻪ ﻭ ﻫﻮ ﻛﻴﻠﻮﻳﻬﺎ ﺣﺘﻰ ﻃﻠﻘﻬﺎ ﺧﻠﻴﻞ ﻭ ﻃﺎﺣﺖ ﻓﻠﺮﺽ ... ﺭﺟﻊ ﺧﻠﻴﻞ ﺗﺤﻨﻰ ﺑﻐﺎ ﻳﻬﺰﻫﺎ ... ﻭ ﻫﻲ ﺗﺠﻴﻪ ﺿﺮﺑﺔ ﻟﻮﺟﻬﻮ ﺣﺘﻰ ﻃﺎﺡ ... ﻗﺮﺏ ﻋﻨﺪﻭ ﺭﺋﺒﺎﻝ ﻫﺰﻭ ﺷﺎﻧﻖ ﻋﻠﻴﻪ ... ﻧﺰﻝ ﻋﻠﻴﻪ ﺑﻠﻜﻤﺔ ﻟﻮﺟﻪ ﺣﺘﻰ ﺭﺟﻊ ﺑﺎﻟﻠﻮﺭ ... ﺣﻂ ﺧﻠﻴﻞ ﻳﺪﻭ ﻋﻠﻰ ﻓﻤﻮ ﻭ ﺷﺎﻑ ﻓﺮﺋﺒﺎﻝ ﺑﺤﻘﺪ ...
ﺭﺟﻊ ﻗﺮﺏ ﻟﻌﻨﺪﻭ ﻭ ﺗﺒﺎﺩﻟﻮ ﺍﻟﻠﻜﻤﺎﺕ ... ﺑﺠﻮﺝ ﻛﺎﻧﻮ ﻛﻴﻀﺮﺑﻮ ﺑﻜﻞ ﻣﺎ ﻓﺠﻬﺪﻫﻢ ... ﻓﻠﺤﻈﺔ ﺩﻭﺭ ﺭﺋﺒﺎﻝ ﺩﺭﺍﻋﻮ ﻋﻠﻰ ﻋﻨﻖ ﺧﻠﻴﻞ ... ﻫﻮ ﻣﻦ ﻭﺭﺍﻩ ﻭ ﺣﺎﻛﻤﻮ ... ﺑﺪﺍ ﻛﻴﺰﻳﺮ ﻋﻠﻴﻪ ﺣﺘﻰ ﺭﺟﻊ ﻭﺟﻪ ﺧﻠﻴﻞ ﺣﻤﺮ ﻭ ﻋﻨﻴﻪ ﻛﻴﺘﺴﺪﻭ ...
ﺭﺋﺒﺎﻝ : ﻣﺘﺨﺎﻓﺶ ... ﻣﻐﺎﺩﻳﺶ ﺗﻤﻮﺕ ﺑﻬﺎﺩ ﺍﻟﺴﻬﻮﻟﺔ
ﺧﻠﻴﻞ ﻣﻦ ﺍﻟﻈﻐﻂ ﻓﻘﺪ ﺍﻟﻮﻋﻲ ... ﺭﺧﺎ ﻣﻨﻮ ﺭﺋﺒﺎﻝ ﻭ ﻫﻮ ﻳﻄﻴﺢ ﻓﻠﺮﺽ ﻋﻠﻰ ﻃﻮﻟﻮ ... ﺑﻘﺎ ﻭﺍﻗﻒ ﻛﻴﺸﻮﻑ ﻓﻴﻪ ... ﺣﺲ ﺑﺄﻟﻢ ﻓﺠﻨﺒﻮ ... ﻫﺰ ﺍﻟﻬﻮﺩﻱ ﻋﻠﻰ ﻛﺮﺷﻮ ... ﻛﺎﻥ ﻓﻴﻪ ﺟﺮﺡ ﻋﻤﻴﻖ ﺷﻮﻳﺔ ... ﺭﺍﺱ ﺍﻟﺠﻨﻮﻳﺔ ﺗﺨﺸﺎ ﻓﻴﻪ ﻓﺎﺵ ﻛﺎﻥ ﺑﺎﻏﻲ ﻳﻀﺮﺑﻮ ﻋﻠﻰ ﻏﻔﻠﺔ ... ﻣﺎﺣﺴﺶ ﺑﻴﻬﺎ ﺑﺎﻟﺤﺮ ...
ﻫﺒﻂ ﺍﻟﻬﻮﺩﻱ ﻭ ﻣﺸﺎ ﻟﺴﻴﺎﺭﺗﻮ ... ﺣﻞ ﺍﻟﻜﻮﻓﺮ ﻭ ﺭﺟﻊ ﻋﻨﺪ ﺧﻠﻴﻞ ... ﺟﺮﻭ ﻣﻦ ﺭﺟﻠﻮ ﻣﺠﺮﺟﺮﻭ ﻣﻊ ﻟﺮﺽ ﺣﺘﺎﻝ ﻋﻨﺪ ﺍﻟﻠﻮﻃﻮ ... ﻫﺰﻭ ﺣﻄﻮ ﻓﺎﻟﻜﻮﻓﺮ ﻭ ﺳﺪ ... ﺳﺎﺱ ﻳﺪﻳﻪ ﻭ ﻣﺸﺎ ﺭﻛﺐ ... ﺳﺎﻕ ﻣﻐﺎﺩﺭ ﺍﻟﻤﻜﺎﻥ ... ﻏﻴﺮ ﺑﻌﺪ ﺷﻮﻳﺔ ﻭ ﻫﻮ ﻳﻌﻤﺮ ﺗﻤﺎﻙ ﺑﺴﻴﺎﺭﺍﺕ ﺍﻟﺸﺮﻃﺔ ﻭﺍﻹﺳﻌﺎﻑ ...
ﻭﺻﻞ ﻟﻠﺪﺍﺭ ﻭ ﺧﺮﺝ ﺣﻞ ﻟﮕﺎﺭﺍﺝ ... ﺩﺧﻞ ﺍﻟﺴﻴﺎﺭﺓ ﻭ ﻫﺒﻂ ... ﺣﻞ ﺑﺎﺏ ﺻﻐﻴﺮ ﻓﺎﻟﮕﺎﺭﺍﺝ ﻛﻴﺪﻱ ﻟﻼﻛﺎﺏ ... ﺳﺪ ﺑﺎﺏ ﻟﮕﺮﺍﺝ ﻭ ﺣﻞ ﻟﻜﻮﻓﺮ ... ﻫﺰ ﺧﻠﻴﻞ ﻓﻮﻕ ﻛﺘﺎﻓﻮ ﻭ ﻫﺒﻂ ﻣﻊ ﺍﻟﺪﺭﻭﺝ ... ﻫﺒﻄﻮ ﺣﻄﻮ ﺑﺪﻭﻥ ﻣﺒﺎﻻﺓ ... ﺗﻮﺟﻪ ﻟﺨﺰﺍﻧﺔ ﻓﺎﻟﺤﻴﻂ ... ﺟﺒﺪ ﻣﻨﻬﺎ ﻋﻠﺒﺔ ... ﻫﺰ ﺷﻮﻛﺔ ﻋﻤﺮﻫﺎ ﻣﻦ ﻗﺮﻋﺔ ﺻﻐﻴﺮﺓ ... ﻗﺮﺏ ﻟﻔﻴﻦ ﻣﻠﻴﻮﺡ ﺧﻠﻴﻞ ... ﺗﺤﺪﺭ ﻋﻠﻰ ﺭﻛﺒﺔ ﻭﺣﺪﺓ ﻭ ﺿﺮﺏ ﻟﻴﻪ ﺍﻟﺤﻘﻨﺔ ﻓﻌﻨﻘﻮ ﺑﻘﻮﺓ ... ﺧﺮﺟﻬﺎ ﻭ ﻻﺣﻬﺎ ... ﻃﻠﻊ ﻣﻊ ﺍﻟﺪﺭﺝ ﻭ ﺳﺪ ﻟﺒﺎﺏ ...
ﺩﺧﻞ ﻟﻠﺪﺍﺭ ﺣﻴﺪ ﺍﻟﻘﺐ ﻋﻠﻰ ﺭﺍﺳﻮ ﻭ ﻃﻠﻊ ﻣﻊ ﺍﻟﺪﺭﻭﺝ ... ﺣﻞ ﺑﺎﺏ ﻟﺒﻴﺖ ﻭ ﺩﺧﻞ ... ﺟﻮﻻﻥ ﻛﺎﻧﺖ ﺟﺎﻟﺴﺔ ﻓﻮﻕ ﺍﻟﻔﻮﻃﻮﻱ ... ﺳﻤﻌﺎﺕ ﻟﺒﺎﺏ ﻭ ﻫﻲ ﺗﻬﺰ ﻋﻨﻴﻬﺎ ... ﻛﺎﻧﺖ ﭼﺎﻟﺴﺔ ﻋﻠﻰ ﺃﻋﺼﺎﺑﻬﺎ ﻭ ﻫﻲ ﻛﺘﺴﻨﺎﻩ ﻳﺮﺟﻊ ... ﺧﺎﺻﺔ ﻓﺎﺵ ﺗﻌﻄﻞ ... ﺷﺎﻓﺖ ﻭﺟﻬﻮ ﻓﻴﻪ ﺷﻲ ﺿﺮﺍﺑﻲ ﻭ ﻫﻲ ﺗﻘﺮﺏ ﻟﻌﻨﺪﻭ ...
ﺟﻮﻻﻥ : ﺵ ﺷﻨﻮ ﻭﻗﻊ ... ﺷﻜﻮﻥ ﺩﺍﺭ ﻓﻴﻚ ﻩ ﻫﺎﻛﺔ ... ﻭ ﻭﺍﺵ ﺩﺍﺑﺰﺗﻲ ﻣﻊ ﻳﺎﻣﻦ
ﺭﺋﺒﺎﻝ : ﻻ
ﺟﻮﻻﻥ : " ﺣﺪﺭﺍﺕ ﻋﻨﻴﻬﺎ ﻛﺘﻠﻌﺐ ﺑﺼﺒﺎﻋﻬﺎ " ﻛﻴﻒ ﻗﻠﺖ ﻟﻴﻚ ... ﺃﻧﺎ ﻣﺎﺑﻴﻨﻲ ﻭ ﺑﻴﻨﻮ ﻭﺍﻟﻮ ... ﻭ
ﺭﺋﺒﺎﻝ : " ﻇﻐﻂ ﻋﻠﻰ ﻓﻜﻮ " ﻋﺎﺭﻑ ... " ﺑﺎﻥ ﻟﻴﻪ ﻭﺟﻬﺎ ﺷﺎﺣﺐ " ﻓﻴﻚ ﺍﻟﺠﻮﻉ ؟
ﺟﻮﻻﻥ : " ﺣﺮﻛﺎﺕ ﺭﺍﺳﻬﺎ ﺑﻼ "
ﺭﺋﺒﺎﻝ : ﻛﻴﻔﺎﺵ ﺍﻟﻨﻬﺎﺭ ﻛﺎﻣﻞ ﻣﺎﻛﻠﻴﺘﻲ ... ﻭ ﻣﺎﻓﻴﻜﺶ ﺍﻟﺠﻮﻉ ... ﺗﺴﻨﺎﻱ ﻫﻨﺎ ﻧﺒﺪﻝ ﻭ ﻧﻘﺎﺩ ﻟﻴﻚ ﺷﻲ ﺣﺎﺟﺔ
ﻣﺸﺎ ﺭﺋﺒﺎﻝ ﻓﺎﺗﺠﺎﻩ ﺍﻟﺪﺭﻳﺴﻴﻨﻎ ﺭﻭﻡ ... ﺟﻮﻻﻥ ﺑﻘﺎﺕ ﻣﺘﺒﻌﺎﻩ ﺑﻌﻨﻴﻬﺎ ... ﻛﺘﺄﻛﺪ ﻭﺍﺵ ﺳﻤﻌﺎﺗﻮ ﻣﺰﻳﺎﻥ ... ﻭﺍﺵ ﻧﻴﺖ ﻗﺎﻝ ﻟﻴﻬﺎ ﻏﻴﻘﺎﺩ ﻟﻴﻬﺎ ﻣﺘﺎﻛﻞ ... ﻳﻌﻨﻲ ﻏﻴﻄﻴﺐ ... ﭼﻠﺴﺎﺕ ﻓﻮﻕ ﺍﻟﻔﻮﻃﻮﻱ ﻣﺴﺘﻐﺮﺑﺔ ﻛﺘﺴﻨﺎﻩ ﻳﺨﺮﺝ ... ﺭﺋﺒﺎﻝ ﺩﺧﻞ ﻭ ﺳﺪ ﻋﻠﻴﻪ ﻟﺒﺎﺏ ... ﺣﻴﺪ ﺍﻟﻘﺒﻴﺔ ﻭ ﺗﺒﻌﻬﺎ ﻟﭙﻴﻞ ﺍﻟﻲ ﻓﺎﻟﺒﻴﺾ ... ﻛﺎﻥ ﻣﺜﻘﻮﺏ ﻭ ﻋﺎﻣﺮ ﺩﻡ ... ﺟﺒﺪ ﻋﻠﺒﺔ ﺍﻹﺳﻌﺎﻓﺎﺕ ﻭ ﻧﻘﺎ ﺍﻟﺠﺮﺡ ... ﺩﺍﺭ ﻟﻴﻪ ﻓﺎﺻﻤﺔ ﻭ ﻟﺒﺲ ﺗﺮﻳﻜﻮ ﺧﻴﻂ ﻛﺤﻞ ... ﻟﺒﺲ ﺳﺮﻭﺍﻝ ﺳﺒﻮﺭ ﺑﺎﻟﺴﻴﻮﺭ ﻭ ﺧﺮﺝ ... ﻏﺎﺩﻱ ﻓﺎﺗﺠﺎﻩ ﺍﻟﺒﺎﺏ ﻭ ﻫﻲ ﺗﻮﻗﻔﻮ ﺟﻮﻻﻥ ...
ﺟﻮﻻﻥ : ﻣﻤﻜﻦ ﻧﺰﻝ ﻣﻌﺎﻙ
ﺭﺋﺒﺎﻝ : " ﺣﻞ ﻟﺒﺎﺏ " ﻳﺎﻻﻩ
ﻧﺎﺿﺖ ﺟﻮﻻﻥ ﺗﺒﻌﺎﺗﻮ ... ﺳﺪﺍﺕ ﻟﺒﺎﺏ ﻣﻦ ﻭﺭﺍﻫﺎ ﻭ ﻫﻲ ﻛﺘﺸﻮﻑ ﻓﺎﻟﺒﺎﺏ ﺍﻟﻤﻘﺎﺑﻞ ﻣﻊ ﺑﻴﺘﻮ ... ﺑﺎﻥ ﻟﻴﻬﺎ ﻫﺒﻂ ﻣﻊ ﺍﻟﺪﺭﻭﺝ ﻭ ﻫﻲ ﺗﺒﻌﻮ ... ﺍﻟﻜﻮﺯﻳﻨﺔ ﻛﺎﻧﺖ ﻣﻔﺘﻮﺣﺔ ﻋﻠﻰ ﺍﻟﺪﺍﺭ ... ﻭﻗﻔﺎﺕ ﻋﻨﺪ ﺍﻟﻤﻨﻀﺪﺓ ... ﻛﺘﺸﻮﻑ ﻓﻴﻪ ﻛﻴﻘﻠﺐ ﻓﺎﻟﺜﻼﺟﺔ ... ﻛﺎﻥ ﻣﻨﻈﺮ ﻏﺮﻳﺐ ﺑﺎﻟﻨﺴﺒﺔ ﻟﻴﻬﺎ ... ﺍﻧﻬﺎ ﺗﺸﻮﻓﻮ ﻓﺎﻟﻜﻮﺯﻳﻨﺔ ﻛﻴﻄﻴﺐ ...
ﺟﺒﺪ ﺭﺋﺒﺎﻝ ﺻﺪﺭ ﺍﻟﺪﺟﺎﺝ ﻭ ﺍﻟﻔﻠﻔﻠﺔ ﺍﻟﺤﻠﻮﺓ ... ﺣﻄﻬﻢ ﻓﻮﻕ ﺍﻟﭙﻮﻃﺎﺟﻲ ... ﻫﺰ ﻋﻨﻴﻪ ﻓﺠﻮﻻﻥ ﺍﻟﻲ ﻣﺘﺒﻌﺎﻩ ﺷﻨﻮ ﻛﻴﺪﻳﺮ ...
ﺭﺋﺒﺎﻝ : " ﻧﻌﺖ ﻟﻴﻬﺎ ﻓﺎﻟﻜﺮﺳﻲ ﺍﻟﻌﺎﻟﻲ " ﭼﻠﺴﻲ
ﺟﺮﺍﺕ ﺍﻟﻜﺮﺳﻲ ﺟﻠﺴﺎﺕ ﻭ ﺣﻄﺎﺕ ﻳﺪﻳﻬﺎ ﻣﺴﻨﺪﺓ ﻋﻠﻴﻬﻢ ﻭ ﺣﺎﺩﺭﺓ ﺭﺍﺳﻬﺎ ... ﻏﻴﺮ ﺣﺴﺎﺕ ﺑﻴﻪ ﺭﺟﻊ ﻛﻴﺘﺤﺮﻙ ﻭ ﻫﻲ ﺗﻬﺰ ﺭﺍﺳﻬﺎ ﻣﻘﺎﺑﻼﻩ ... ﻣﺸﺎ ﺭﺋﺒﺎﻝ ﻏﺴﻞ ﻳﺪﻳﻪ ... ﻫﺰ ﺳﻜﻴﻦ ﻭ ﺑﺪﺍ ﻛﻴﻘﻄﻊ ﻓﺎﻟﻔﻠﻔﺔ ﺑﻤﻬﺎﺭﺓ ... ﺩﺍﺭ ﺍﻟﻤﻘﻠﺔ ﻋﻠﻰ ﺍﻟﻌﺎﻓﻴﺔ ﻭ ﺩﺍﺭ ﻓﻴﻬﺎ ﺍﻟﺰﻳﺖ ... ﻻﺡ ﻟﻔﻠﻔﺔ ﻭ ﺗﺒﻊ ﻟﻴﻬﺎ ﺍﻟﺒﺼﻠﺔ ﺑﻌﺪﻣﺎ ﻗﻄﻌﻬﺎ ﻫﻲ ﻭ ﺻﺪﺭ ﺍﻟﺪﺟﺎﺝ ... ﺯﺍﺩ ﻋﻠﻴﻬﻢ ﺍﻟﻤﺎﺷﺮﻭﻡ ﻭ ﺩﺍﺭ ﺍﻟﻘﻮﺍﻡ ...
ﻛﻴﻒ ﻃﺎﺏ ﻛﻠﺸﻲ ﺣﻚ ﻓﻮﻗﻬﻢ ﺍﻟﻤﻮﺩﺯﺍﺭﻳﻼ ... ﻫﺰ ﻃﺒﺴﻴﻞ ﺑﻴﺾ ﻣﺘﻮﺳﻂ ﻋﻤﺮﻭ ... ﺣﻄﻮ ﻟﻴﻬﺎ ﻗﺪﺍﻣﻬﺎ ﻫﻮ ﻭ ﻓﻮﺭﺷﻴﻂ ﻭ ﺍﻟﺨﺒﺰ ...
ﺭﺋﺒﺎﻝ : ﻛﻮﻟﻲ
ﺟﻮﻻﻥ : " ﺷﻬﺎﺗﻬﺎ ﺍﻟﺮﻳﺤﺔ " ﺷﻜﺮﺍ
ﻫﺰﺍﺕ ﺍﻟﻔﻮﺭﺷﻴﻂ ﺑﻐﺎﺕ ﺫﻭﻕ ﻭ ﻫﻮ ﻳﺒﺎﻥ ﻟﻴﻬﺎ ﻛﻴﺸﻮﻑ ﻓﻴﻬﺎ ... ﺑﻘﺎﺕ ﻣﺘﺮﺩﺩﺓ ﺗﺎﻛﻞ ﺣﺘﻰ ﺑﺎﻥ ﺑﺎﻥ ﻟﻴﻬﺎ ﻫﺰ ﻃﺒﺴﻴﻞ ﺁﺧﺮ ﻛﻴﺤﻂ ﻓﻴﻪ ... ﭼﻠﺲ ﻗﺪﺍﻣﻬﺎ ﻭ ﺧﺪﺍ ﻓﻮﺭﺷﻴﻂ ﻛﻴﺎﻛﻞ ... ﻋﺎﺩ ﺯﻋﻤﺎﺕ ﺩﺍﻗﺖ ... ﻋﺠﺒﻬﺎ ﺩﺍﻛﺸﻲ ﻭ ﺑﺪﺍﺕ ﻛﺘﺎﻛﻞ ﺑﺸﻬﻴﺔ ... ﺭﺋﺒﺎﻝ ﻣﻜﺎﻧﺶ ﻓﻴﻪ ﻣﻴﺎﻛﻞ ... ﻟﻜﻦ ﻋﺮﻓﻬﺎ ﻣﻐﺎﺩﻳﺶ ﺗﺎﻛﻞ ﻣﺮﺗﺎﺣﺔ ﻟﻮ ﻣﺪﺍﺭﺵ ﻫﺎﻛﺔ ... ﻛﻴﺎﻛﻞ ﻭ ﻋﻨﻴﻪ ﻋﻠﻴﻬﺎ ... ﻛﺎﻧﺖ ﻫﺎﺩﻱ ﺃﻭﻝ ﻣﺮﺓ ﻳﺎﻛﻠﻮ ﻣﻊ ﺑﻌﺾ ﺑﻤﻔﺮﺩﻫﻢ ... ﺷﻮﻳﺔ ﺻﻮﻧﺎ ﻟﻴﻪ ﺍﻟﻔﻮﻥ ﻭ ﻫﻮ ﻳﻨﻮﺽ ...
ﺟﻮﻻﻥ ﻛﻤﻼﺕ ﺃﻛﻠﻬﺎ ﻭ ﻫﻲ ﺗﻬﺰ ﺍﻟﻄﺒﺎﺳﻞ ﺩﺍﺭﺗﻬﻢ ﻓﺎﻟﻤﻐﺴﻠﺔ ... ﺩﺍﺭﺕ ﺍﻟﺼﺎﺑﻮﻥ ﻓﺎﻟﺸﺒﻜﺔ ﺑﺎﺵ ﺗﻐﺴﻠﻬﻢ ... ﺭﺟﻊ ﺭﺋﺒﺎﻝ ﻭ ﻫﻲ ﺗﺒﺎﻥ ﻟﻴﻪ ﻭﺍﻗﻔﺔ ﻛﺘﻐﺴﻞ ﻟﻤﺎﻋﻦ ... ﻗﺮﺏ ﻭﻗﻒ ﺧﻠﻔﻬﺎ ... ﺣﺴﺎﺕ ﺑﻴﻪ ﺣﻂ ﺍﻟﻔﻮﻥ ﻋﻠﻰ ﻭﺫﻧﻬﺎ ﻭ ﺷﺪ ﻓﻴﻬﺎ ﺑﻴﺪﻭ ﻻﺧﺮﻯ ﻣﻦ ﺩﺭﺍﻋﻬﺎ ... ﻧﻄﻖ ﺑﺼﻮﺕ ﻫﺎﺩﺉ ...
ﺭﺋﺒﺎﻝ : ﺍﻟﺤﺎﺟﺔ ﺑﻐﺎﺕ ﺗﻬﻀﺮ ﻣﻌﺎﻙ
ﺟﻮﻻﻥ ﺑﻘﺎﺕ ﻛﺘﻬﻀﺮ ﻣﻊ ﻻﺣﺒﻴﺒﺔ ﺍﻟﻲ ﺑﻐﺎﺕ ﺗﻄﻤﺄﻥ ﻋﻠﻴﻬﻢ ... ﻛﺎﻧﺖ ﻏﻴﺮ ﻣﺮﺗﺎﺣﺔ ﻓﺎﻟﻬﻀﺮﺓ ﻭ ﻫﻮ ﺑﺪﺍﻙ ﺍﻟﻘﺮﺏ ... ﻣﺮﻛﺰﺍﺕ ﮔﺎﻉ ﻣﻊ ﺷﻨﻮ ﻗﺎﻟﺖ ﻻﺣﺒﻴﺒﺔ ... ﻧﻬﺎﺕ ﺍﻟﻤﻜﺎﻟﻤﺔ ﻣﻌﻬﺎ ﻭ ﻫﻮ ﻳﺒﻌﺪ ﺭﺋﺒﺎﻝ ... ﻏﺴﻼﺕ ﻳﺪﻳﻬﺎ ﻭ ﻫﻲ ﺿﻮﺭ ﻋﻨﺪﻭ ...
ﺟﻮﻻﻥ : ﻣﻨﻴﻦ ﻧﺮﺟﻌﻮ ... ﺧﺎﺹ ﻧﻤﺸﻲ ﻟﻠﺪﺍﺭ
ﺭﺋﺒﺎﻝ : " ﺗﻠﻔﺖ ﻭ ﻗﺮﺏ ﻋﻨﺪﻫﺎ " ﺑﺎﻏﺔ ﺗﺮﺟﻌﻲ ﺗﺴﻜﻨﻲ ﻣﻊ ﺑﺎﻙ
ﺟﻮﻻﻥ : ﺍﻣﻢ ... ﺣﻨﺎ ﻣﺰﺍﻝ ﻣﺎ ﻣﺰﻭﺟﻴﻦ ... ﻭ ﺑﺎﻳﻨﺔ ﺑﺎﺑﺎ ﻣﻐﺎﺩﻳﺶ ﻳﻌﺠﺒﻮ ﺍﻟﺤﺎﻝ ﻓﺎﺵ ﺟﻴﺖ ﻣﻌﺎﻙ
ﺭﺋﺒﺎﻝ : ﺗﺒﻐﻲ ﻧﺘﺰﻭﺟﻮ ﺩﺍﺑﺔ !
ﺟﻮﻻﻥ : " ﻫﺰﺍﺕ ﻓﻴﻪ ﻋﻨﻴﻬﺎ ﻭ ﻣﺎﻋﺮﻓﺎﺕ ﻣﺎﺗﻘﻮﻝ "
ﺭﺋﺒﺎﻝ : ﻣﻐﺎﺩﻳﺶ ﻧﺒﺰﺯ ﻋﻠﻴﻚ ﻧﺘﺰﻭﺟﻮ ﺣﺎﻟﻴﺎ ... ﻭ ﻣﺎﻳﻤﻜﻨﺶ ﻧﺨﻠﻴﻚ ﺗﺤﻴﺪﻱ ﻣﻦ ﻗﺪﺍﻡ ﻋﻨﻴﺎ
ﺟﻮﻻﻥ : " ﺍﻟﺼﻤﺖ "
ﺭﺋﺒﺎﻝ : ﻃﻠﻌﻲ ﺗﺮﺗﺎﺣﻲ ... ﻏﺪﺍ ﻏﻨﺮﺟﻌﻮ ﻟﻠﺪﺍﺭ
ﺣﺪﺭﺍﺕ ﺭﺍﺳﻬﺎ ﻭ ﻣﺸﺎﺕ ﻓﺎﺗﺠﺎﻩ ﺍﻟﺪﺭﻭﺝ ... ﻃﻠﻌﺎﺕ ﻟﻔﻮﻕ ﺩﺧﻼﺕ ﻟﺒﻴﺖ ... ﻣﺸﺎﺕ ﻟﻠﺤﻤﺎﻡ ﻏﺴﻼﺕ ﻳﺪﻳﻬﺎ ﻭ ﺳﻨﺎﻧﻬﺎ ... ﺧﺮﺟﺎﺕ ﻟﻘﺎﺗﻮ ﻣﺰﺍﻝ ﻣﺎﻃﻠﻊ ... ﻣﺸﺎﺕ ﭼﻠﺴﺎﺕ ﻓﺠﻨﺐ ﺍﻟﺴﺮﻳﺮ ﺟﺎﻣﻌﺔ ﻳﺪﻳﻬﺎ ... ﺑﻘﺎﺕ ﭼﺎﻟﺴﺔ ﺷﺤﺎﻝ ﺣﺘﻰ ﺑﺪﺍﻭ ﻛﻴﺘﺴﺪﻭ ﻟﻴﻬﺎ ﻋﻨﻴﻬﺎ ...
ﺩﺧﻞ ﺭﺋﺒﺎﻝ ﻟﺒﻴﺖ ﺷﺎﻑ ﻓﺠﻬﺔ ﺍﻟﺴﺮﻳﺮ ... ﻟﻘﺎﻫﺎ ﻧﻌﺴﺎﺕ ... ﻗﺮﺏ ﻋﻨﺪﻫﺎ ﻭ ﺗﺤﻨﻰ ﻗﺎﺩﻫﺎ ﻓﻮﻕ ﺍﻟﻨﺎﻣﻮﺳﻴﺔ ... ﻏﻄﺎﻫﺎ ﻭ ﻣﺸﺎ ﭼﻠﺲ ﻓﺎﻟﻤﻜﺘﺐ ... ﺣﻞ ﻟﺒﻴﺴﻲ ﻭ ﺷﻐﻞ ﺍﻟﻜﺎﻣﻴﺮﺍﺕ ... ﻛﻴﺸﻮﻑ ﻓﺠﺎﺑﺮ ﻧﺎﻋﺲ ﺩﺍﺧﻞ ﺍﻟﻐﺮﻓﺔ ﻭ ﺧﻠﻴﻞ ﻣﻠﻴﻮﺡ ﻓﻼﻛﺎﺏ ...
ﻛﻴﻔﻜﺮ ﻛﻴﻔﺎﺵ ﺍﻟﺸﺨﺼﻴﻦ ﺍﻟﻮﺣﻴﺪﻳﻦ ﻓﻬﺎﺩ ﺍﻟﺪﻧﻴﺎ ﺍﻟﻲ ﻛﺘﺮﺑﻄﻮ ﺑﻴﻬﻢ ﻋﻼﻗﺔ ﺩﻡ ... ﻣﺎﻛﻴﺠﻤﻌﻬﻢ ﻏﻴﺮ ﺍﻟﻜﺮﻩ ﺍﻟﻤﺘﺒﺎﺩﻝ ... ﺑﺎﻏﻲ ﻣﻮﺗﻬﻢ ﻭ ﻫﻤﺎ ﺑﺎﻟﻤﺜﻞ ...