ﺭﺋﺒﺎﻝ : ﺷﻨﻮﻭﻭﻭ ﻛﻨﺘﻲ ﻛﺪﻳﺮﻱ ﺗﻤﺎﺍﺍﺍﻙ ... ﻭ ﻋﻼﺵ ﻣﺎﻛﺘﺠﺎﻭﺑﻴﺶ ﻋﻠﻰ ﺍﻟﻔﻮﻭﻭﻥ
ﺟﻮﻻﻥ : " ﺑﺒﺮﻭﺩ " ﺍﻟﻴﻮﻡ ﺷﺤﺎﻝ ﻣﻦ ﻭﺍﺣﺪ ﺟﺮﻧﻲ ﻣﻦ ﻳﺪﻱ
ﺭﺋﺒﺎﻝ : " ﺗﺬﻛﺮ ﺩﺍﻙ ﺍﻟﻲ ﺷﺪ ﻓﻴﻬﺎ ﻓﻠﺒﺎﺭ ﻭ ﺟﻌﺮ " ﻋﻼﺍﺍﺍﺵ ﺩﺍﺧﻠﺔ ﻟﺘﻤﺎﺍﺍﺍﻙ
ﺟﻮﻻﻥ : " ﻋﻘﺪﺍﺕ ﺣﺠﺒﺎﻧﻬﺎ ﻭ ﺟﻤﻌﺎﺕ ﺷﻔﺎﻳﻔﻬﺎ " ﻧﺘﺎ ﺗﺪﺧﻞ ﻫﺎﻧﻴﺔ ﺃﻧﺎ ﺣﺮﺍﺍﻡ ﻋﻠﻴﺎ ... ﺣﺘﻰ ﺃﻧﺎ ﺩﺧﻠﺖ ﻛﻨﻘﻠﺐ ﻣﻌﺎﻣﻦ ﻧﻘﺼﺮ ... ﺑﺪﻝ ﻧﺒﻘﻰ ﺑﻮﺣﺪﻱ ﻛﻨﻬﺮﻧﻦ ﻓﻬﺎﺩ ﺍﻟﺒﻴﺖ ﻭ ﻻ ﺍﻟﺤﺒﺲ ... ﻭ ﻣﻨﻴﻦ ﺍﻟﺨﺪﻣﺔ ﻣﻤﻨﻮﻉ ﻧﺮﺟﻊ ﻟﻴﻬﺎ ... ﺧﺎﺹ ﻧﺸﻮﻑ ﻓﻴﻦ ﻧﻘﺪﺭ ﻧﺪﻭﺯ ﻭﻗﺘﻲ
ﺭﺋﺒﺎﻝ : " ﻇﻐﻂ ﻋﻠﻰ ﺩﺭﺍﻋﻬﺎ " ﻋﺎﺭﻓﺔ ﺭﺍﺳﻚ ﺁﺵ ﻛﺘﻘﻮﻟﻲ
ﺟﻮﻻﻥ : " ﺍﻧﻔﺎﺟﺮﺍﺕ ﻋﻠﻴﻪ " ﺁﺍﻩ ﻋﺎﺭﻓﺔ ﻣﺰﻳﺎﺍﺍﻥ ... ﺳﻜﺖ ﺣﺘﻰ ﻗﺮﺑﺖ ﺍﻧﻔﺎﺟﺮ ... ﻟﻜﻦ ﻫﺎﺩ ﺍﻟﻤﺮﺓ ﻣﻐﺎﺩﻳﺶ ﻧﺴﻜﺖ ... ﻻ ﺗﻨﺎﺩﻡ ﻣﻌﺎﻙ ﺍﻟﺤﺎﻝ ﻣﻤﻜﻦ ﺗﺠﻲ ﺗﻘﻮﻟﻬﺎ ﻟﻴﺎ ... ﻭ ﺍﻟﻌﻴﺐ ﻭ ﺍﻟﻌﺎﺭ ﻻ ﺑﻘﻴﺖ ﻻﺻﻘﺔ ﻓﻴﻚ ... ﻣﺎﺷﻲ ﺗﺨﻠﻴﻨﻲ ﻣﺨﺸﻴﺔ ﻓﻬﺎﺩ ﻟﺒﻴﺖ ﻭ ﻧﺘﺎ ﻏﺎﺩﻱ ﻭ ﺟﺎﻱ ﻣﻊ ﻫﺎﺩﻳﻚ ﺧﻴﺘﻲ ... ﺑﺎﻏﻴﻬﺎ ﺍﻟﻠﻪ ﻳﺮﺑﺢ ...
ﺧﺎﺻﻚ ﻏﻴﺮ ﺗﻘﻮﻟﻬﺎ ﻟﻴﺎ ... ﺗﺠﻲ ﻋﻨﺪﻱ ﻭ ﺗﻘﻮﻝ ﻟﻴﺎ ﺍﺑﻨﺖ ﺍﻟﻨﺎﺱ " ﺩﻣﻮﻋﻬﺎ ﻏﺎﺩﻳﻴﻦ " ﻣﺎﺑﺎﻗﻴﺶ ﺑﻐﻴﺘﻚ ... ﻭ ﻭﺍﺧﺔ ﺍﻟﻲ ﻭﻗﻊ ﺑﻴﻨﺎﺗﻨﺎ ﻣﻐﺎﺩﻳﺶ ﻧﻠﺼﻘﻚ ... ﻛﺎﻥ ﺧﺎﺻﻚ ﻏﻴﺮ ﺗﻘﻮﻟﻬﺎﺍﺍﺍ
ﺭﺋﺒﺎﻝ : " ﺍﻟﺼﻤﺖ " !!!
ﺟﻮﻻﻥ : " ﺟﺮﺍﺕ ﻳﺪﻫﺎ " ﻛﻨﺖ ﻣﻌﻮﻟﺔ ﺍﻟﻴﻮﻡ ﻧﺠﻲ ﻧﻬﻀﺮ ﻣﻌﺎﻙ ... ﺑﺎﺵ ﻧﻮﺿﺤﻮ ﺍﻷﻣﻮﺭ ... ﻣﻊ ﮔﺎﻉ ﺍﻟﻲ ﻭﻗﻊ ﺣﺎﻭﻟﺖ ﻧﺘﻔﻬﻤﻚ ... ﺧﺎﺻﺔ ﺑﻌﺪ ﺩﺍﻛﺸﻲ ﺍﻟﻲ ﻋﺮﻓﺖ ﺍﻟﻴﻮﻡ ... ﻗﻠﺖ ﺑﻌﺪﻣﺎ ﻧﻬﻀﺮﻭ ﻏﻨﻌﺎﻭﺩ ﻟﻴﻚ ﺷﻨﻮ ﺍﻛﺘﺎﺷﻔﺖ ... ﻣﻤﻜﻦ ﻫﺎﺩﺷﻲ ﻏﻴﻔﺮﺣﻚ ﻭ ﺗﺮﺟﻊ ﺗﺼﻠﺢ ﺍﻟﻌﻼﻗﺔ ﻗﺒﻞ ﻣﺎ ﻳﻔﻮﺕ ﺍﻟﻔﻮﺕ
ﺭﺋﺒﺎﻝ : ﺷﻨﻮ ﻛﺘﻘﺼﺪﻱ ؟
ﺟﻮﻻﻥ : ﺭﺑﺎﺏ ﺍﻷﻡ ﺩﻳﺎﻟﻚ ﻫﻲ ﻧﻔﺴﻬﺎ ﺑﻨﺖ ﺍﻟﺤﺎﺝ ﻣﺤﻤﺪ ﻭ ﺍﻟﺤﺎﺟﺔ ﺭﺷﻴﺪﺓ ﺍﻟﻲ ﺳﺎﻛﻴﻨﻴﻦ ﻗﺒﺎﻟﺘﻨﺎ ... ﺟﻴﺮﺍﻧﺎ ﻫﻤﺎ ﺟﺪﺍﻙ ﻭ ﺟﺪﻙ ﻭﺍﻟﺪﻳﻦ ﺍﻷﻡ ﺩﻳﺎﻟﻚ
ﺭﺋﺒﺎﻝ : ﻋﺎﺭﻑ
ﺟﻮﻻﻥ : " ﺑﺼﺪﻣﺔ " ﻉ ﻋﺎﺭﻑ ... ﻭ ﻋﻼﺵ ﻋﻤﺮﻙ ﻗﻠﺘﻴﻬﺎ ... ﻭ ﻫﻤﺎ ﻣﺎﻋﻨﺪﻫﻢ ﺣﺘﻰ ﻓﻜﺮﺓ ﻋﻠﻰ ﺃﻧﻚ ﺣﻔﻴﺪﻫﻢ ... ﻣﺰﺍﻝ ﻟﺤﺪ ﺍﻟﺴﺎﻋﺔ ﻛﻴﻘﻠﺒﻮ ﻋﻠﻰ ﺑﻨﺘﻬﻢ ﺭﺑﺎﺏ ... ﻭ ﺑﺎﻗﻲ ﻣﺘﺸﺒﺘﻴﻦ ﺑﺄﻣﻞ ﺍﻥ ﺷﻲ ﻧﻬﺎﺭ ﻏﺎﺩﻱ ﻳﻠﻘﺎﻭﻫﺎ ... ﻡ ﻣﻦ ﺇﻣﺘﻰ ﻉ ﻋﺎﺭﻑ
ﺭﺋﺒﺎﻝ : ﺧﻤﺲ ﺳﻨﻴﻦ ﻫﺎﺩﻱ
ﺟﻮﻻﻥ : " ﺭﺍﺟﻌﺔ ﺑﺎﻟﻠﻮﺭ " ﻭ ﻭ ﻋﻼﺵ ﻣﺎﻗﻠﺘﻲ ﻭﺍﻟﻮ ... ﻋﻼﺵ ﺧﻠﺘﻴﻬﻢ ﻣﻌﻠﻘﻴﻦ ﺑﺄﻣﻞ ﻓﺎﺭﻍ ... ﻭﺍﺧﺔ ﻏﻴﺤﺰﻧﻮ ﻟﻤﻮﺗﻬﺎ ﻟﻜﻦ ﺃﺣﺴﻦ ﻣﻦ ﺃﻧﻬﻢ ﻣﻴﺒﻘﺎﻭﺵ ﻣﺴﺎﻛﻦ ﻋﺎﻳﺸﻴﻦ ﻓﻮﻫﻢ ... ﻭ ﻛﺎﻧﻮ ﻏﻴﻔﺮﺣﻮ ﺍﻧﻬﺎ ﺧﻼﺕ ﻟﻴﻬﻢ ﺣﻔﻴﺪ ﻣﻦ ﺻﻠﺒﻬﺎ ... " ﻛﺘﺤﺮﻙ ﺭﺍﺳﻬﺎ ﻳﻤﻴﻦ ﺷﻤﺎﻝ " ﻣﺎﻓﻬﻤﺘﺶ ﻋﻼﺵ ﻣﺎﻗﻠﺘﻲ ﻟﻴﻬﻢ ﺣﺘﻰ ﺣﺎﺟﺔ ... ﻭ ﻭﺍﺵ ﻗﻠﺒﻚ ﻗﺎﺻﺢ ﻟﻬﺎﺩ ﺍﻟﺪﺭﺟﺔ ... ﻭ ﻭ ﺃﻧﺎ ﺍﻟﻲ ﻛﻨﺖ ﻛﻨﻔﻜﺮ ﻛﻴﻔﺎﺵ ﻧﺨﺒﺮﻫﻢ
ﺿﺮﺏ ﺟﻮﺝ ﺧﻄﻮﺍﺕ ﻭﺻﻞ ﻟﻌﻨﺪﻫﺎ ... ﺷﺪﻫﺎ ﻣﻦ ﺩﺭﺍﻋﻬﺎ ﻭ ﺗﻜﻠﻢ ﺑﻨﺒﺮﺓ ﺗﻬﺪﻳﺪﻳﺔ ...
ﺭﺋﺒﺎﻝ : ﻭﻳﺎﺍﺍﻙ ﺗﻘﻮﻟﻲ ﻟﻴﻬﻢ ﺷﻲ ﺣﺎﺟﺔ ... ﺷﻜﻮﻥ ﻗﺎﻝ ﻟﻴﻚ ﺃﻧﺎ ﺍﺻﻼ ﺑﺎﻏﻴﻬﻢ ﻳﻌﺮﻓﻮ ... ﻛﻦ ﺑﻐﻴﺖ ﻛﻦ ﻣﺸﻴﺖ ﻋﻨﺪﻫﻢ ﻧﻬﺎﺭ ﻋﺮﻓﺖ
ﺟﻮﻻﻥ : ﻓﻬﻤﺖ ... ﻣﺒﺎﻏﻲ ﺣﺘﻰ ﻋﻼﻗﺔ ﺑﻴﻬﻢ ... ﺧﺴﺎﺭﺓ ... ﻭ ﺍﻧﺎ ﺍﻟﻲ ﻛﻨﺖ ﻧﺘﻤﻨﻰ ﻟﻮ ﻛﺎﻧﻮ ﻋﺎﺋﻠﺘﻲ ﺍﻟﺤﻘﻴﻘﻴﺔ ... ﺑﺼﺮﺍﺣﺔ ﻣﺎﻳﺴﺘﺎﻫﻠﻮﺵ ﻳﻜﻮﻥ ﻋﻨﺪﻫﻢ ﺣﻔﻴﺪ ﺑﺤﺎﻟﻚ
ﻃﻠﻖ ﻣﻨﻬﺎ ﺭﺋﺒﺎﻝ ﻭ ﺿﺎﺭ ﻏﺎﺩﻱ ﺟﻬﺔ ﻟﺒﺎﺏ ... ﻣﺴﺤﺎﺕ ﺩﻣﻮﻋﻬﺎ ﺑﻈﻬﺮ ﻳﺪﻫﺎ ﺑﻨﺮﻓﺰﺓ ﻭ ﻗﺎﻟﺖ ﺑﺼﻮﺕ ﻣﺮﺗﺎﻓﻊ ...
ﺟﻮﻻﻥ : ﻛﺘﺒﻐﻴﻬﺎ ؟
ﺭﺋﺒﺎﻝ : " ﻭﻗﻒ ﻭ ﺑﺪﻭﻥ ﻣﺎﻳﻀﻮﺭ ﻧﻄﻖ " ﺧﻮﻱ ﺭﺍﺳﻚ ﻣﻦ ﻫﺎﺩﺷﻲ
ﺟﻮﻻﻥ : ﻻﺍﺍﺍ ﻣﻐﺎﺩﻳﺶ ﻧﺨﻮﻱ ﺭﺍﺳﻲ ... ﺑﻐﻴﺖ ﻧﻌﺮﻑ ... ﻣﻦ ﺣﻘﻲ ﻧﻌﺮﻑ ... " ﺑﺤﺮﻗﺔ " ﻭ ﺣﺘﻰ ﻧﺘﺎ ﻣﻦ ﺣﻘﻚ ﺗﺴﻮﻟﻨﻲ ﻭﺍﺵ ﻧﺘﺎ ﺃﻭﻝ ﻭﺍﺣﺪ ﻓﺤﻴﺎﺗﻲ
ﺿﺎﺭ ﻭ ﺭﺟﻊ ﻗﺮﺏ ﻋﻨﺪﻫﺎ ... ﻫﺎﺩ ﻟﻤﺮﺓ ﺷﺪﻫﺎ ﻣﻦ ﺩﺭﺍﻋﻬﺎ ﺑﺠﻮﺝ ...
ﺭﺋﺒﺎﻝ : ﺁﺵ ﻛﺘﺨﺮﺑﻘﻲ !!!
ﺟﻮﻻﻥ : ﻣﺎﻛﻨﺨﺮﺑﻘﺶ ... ﻭ ﻣﺘﻘﻮﻟﺶ ﻟﻴﺎ ﻣﺎﺷﻜﺘﻴﺶ ﻭ ﻟﻮ ﻟﻠﺤﻈﺔ ﺃﻧﻲ ﺑﺪﻭﻥ ﺷﺮﻑ
ﻛﻴﻒ ﻛﻤﻼﺗﻬﺎ ﺟﺎﺗﻬﺎ ﺻﻔﻌﺔ ﻋﻠﻰ ﺧﺪﻫﺎ ﺣﺘﻰ ﺗﻄﺎﻳﺮ ﺷﻌﺮﻫﺎ ﻋﻠﻰ ﻭﺟﻬﺎ ...
ﺭﺋﺒﺎﻝ : ﺁﺧﺮ ﻣﺮﺓ ﻧﺴﻤﻌﻚ ﻛﺘﺨﺮﺟﻲ ﺑﺤﺎﻝ ﻫﺎﺩ ﺍﻟﻬﻀﺮﺓ ﻣﻦ ﻓﻤﻚ ... ﺁﺍﺍﺍﺧﺮ ﻣﺮﺓ
ﺧﺮﺝ ﻭ ﺭﺩﺥ ﻟﺒﺎﺏ ﺣﺘﻰ ﻗﻔﺰﺍﺕ ﻣﻦ ﺑﻼﺻﺘﻬﺎ ... ﻃﺎﺣﺖ ﻓﻠﺮﺽ ﺣﺎﻃﺔ ﻳﺪﻳﻬﺎ ﻋﻠﻰ ﻭﺟﻬﺎ ﻛﺘﺒﻜﻲ ﺑﺼﻮﺕ ﻋﺎﻟﻲ ... ﺑﻘﻰ ﻭﺍﻗﻒ ﻣﻦ ﻭﺭﺍ ﻟﺒﺎﺏ ﻛﻴﺴﻤﻊ ﻓﻮﺻﺖ ﺑﻜﺎﺀﻫﺎ ﻭ ﻋﻨﻴﻪ ﻛﻴﻒ ﺟﻐﻤﺔ ﺩﻳﺎﻝ ﺍﻟﺪﻡ ... ﺩﺧﻞ ﻟﺒﻴﺘﻮ ﻭ ﺍﻟﻲ ﺟﺎﺕ ﻓﻄﺮﻳﻘﻮ ﻫﺰﻫﺎ ﺧﺸﺨﺸﻬﺎ ...
ﻗﺮﺑﻞ ﺍﻟﻐﺮﻓﺔ ﺳﻔﺎﻫﺎ ﻋﻠﻰ ﻋﻼﻫﺎ ... ﻛﻴﻀﺮﺏ ﺑﻴﺪﻳﻪ ﻭ ﺭﺟﻠﻴﻪ ﻭ ﻣﺤﺎﺱ ﺑﻮﺍﻟﻮ ﻣﻦ ﻏﻴﺮ ﻛﻤﻴﺔ ﺍﻟﻐﻀﺐ ﻭ ﺑﺮﻛﺎﻥ ﻛﻴﻐﻠﻲ ﻓﺎﻟﺪﺍﺧﻞ ﺩﻳﺎﻟﻮ ... ﻛﻠﻤﺎ ﺩﺍﺯﺕ ﺻﻮﺭﺗﻬﺎ ﻭ ﻫﻲ ﻛﺘﺒﻜﻲ ﻗﺪﺍﻡ ﻋﻨﻴﻪ ﻛﻴﺮﺟﻊ ﻳﺨﺸﻲ ﻳﺪﻭ ﻓﺈﻟﻲ ﻗﺪﺍﻣﻮ ... ﺗﻮﺟﻪ ﻟﻠﺤﻤﺎﻡ ﻣﺨﻠﻲ ﻣﻦ ﻭﺭﺍﻩ ﻣﺴﺎﺭ ﻣﻦ ﻗﻄﺮﺍﺕ ﺍﻟﺪﻡ ...
🍃🍃 ﻳﻮﻡ ﺟﺪﻳﺪ ...
ﺩﻗﺎﺕ ﺑﺸﻮﻳﺔ ﻓﺎﻟﺒﺎﺏ ... ﺷﻮﻳﺔ ﻭ ﻫﻮ ﻳﺘﺤﻞ ... ﺷﺎﻓﺖ ﺳﻤﻴﺔ ﻓﻮﺟﻪ ﺟﻮﻻﻥ ﺍﻟﺸﺎﺣﺐ ﻭ ﺳﻮﻻﺕ ﺑﻘﻠﻖ ...
ﺳﻤﻴﺔ : ﺧﺘﻲ ﺟﻮﻻﻥ ﻭﺍﺵ ﻋﻴﺎﻧﺔ ؟
ﺟﻮﻻﻥ : ﻻ ... ﻏﺎﺩﻳﺔ ؟
ﺳﻤﻴﺔ : ﺁﻩ ... ﻭﺍﺧﺔ ﻣﺎﺳﺨﻴﺘﺶ ﺑﻴﻚ ﻭ ﻣﺎﻛﺮﻫﺘﺶ ﻧﭽﻠﺲ ﺃﻛﺜﺮ ... ﻣﻲ ﺧﺎﺹ ﻧﻤﺸﻲ
ﺟﻮﻻﻥ : ﺗﻬﻼﻱ ﻓﺮﺍﺳﻚ ﻭ ﺳﻠﻤﻲ ﻋﻠﻰ ﺟﺪﻙ
ﺳﻤﻴﺔ : " ﻋﻨﻘﺎﺗﻬﺎ " ﺣﺘﻰ ﻧﺘﻲ ﺗﻬﻼﻱ ﻓﺮﺍﺳﻚ ... ﻭ ﺍﻥ ﺷﺎﺀ ﺍﻟﻠﻪ ﻏﻨﺮﺟﻊ ﻳﻮﻡ ﻋﻘﺪ ﻗﺮﺍﻧﻜﻢ
ﺟﻮﻻﻥ : " ﺑﺎﺩﻻﺗﻬﺎ ﺍﻟﻌﻨﺎﻕ " ﻏﻨﺘﻮﺣﺸﻚ
ﺳﻤﻴﺔ : " ﺑﺎﺑﺘﺴﺎﻣﺔ " ﻭ ﻋﺠﻠﻮ ﺍﻟﻤﻮﻋﺪ ﺑﺎﺵ ﻧﺮﺟﻊ ﺩﻏﻴﺎ
ﺗﻮﺍﺩﻋﻮ ﻭ ﻫﻲ ﺗﻬﺒﻂ ﺳﻤﻴﺔ ... ﻟﻘﺎﺕ ﺯﻳﻨﺐ ﭼﺎﻟﺴﺔ ﻓﻄﺒﻠﺔ ﺍﻟﻔﻄﻮﺭ ... ﻭﺩﻋﺎﺗﻬﺎ ﺣﺘﻰ ﻫﻲ ﻭ ﺧﺮﺟﺎﺕ ﻣﻌﻬﺎ ﻟﻠﺨﺎﺭﺝ ... ﺑﺎﻧﻮ ﻟﻴﻬﻢ ﺳﻴﺎﺭﺍﺕ ﺍﻟﺪﺭﺍﺭﻱ ﺩﺍﺧﻠﻴﻦ ... ﻟﻤﺤﺎﺕ ﺳﻤﻴﺔ ﺳﻨﻤﺎﺭ ﻫﺎﺑﻂ ﺣﺴﺎﺕ ﺑﻤﻌﺪﺗﻬﺎ ﺗﺸﺪﺍﺕ ﻋﻠﻴﻬﺎ ... ﺑﻌﺪﺍﺕ ﻧﻈﺮﻫﺎ ﻛﻀﺤﻚ ﻣﻊ ﺯﻳﻨﺐ ... ﺣﺘﻰ ﻭﻗﻔﻮ ﻋﻠﻴﻬﻢ ﺇﻟﻴﺎﺱ ﻭ ﺳﻨﻤﺎﺭ ...
ﺇﻟﻴﺎﺱ : ﺻﺎﻓﻲ ﻏﺎﺩﻳﺔ
ﺳﻤﻴﺔ : " ﻫﺰﺍﺕ ﻋﻨﻴﻬﺎ ﻟﻘﺎﺕ ﺳﻨﻤﺎﺭ ﻛﻴﺸﻮﻑ ﻓﺎﺗﺠﺎﻫﻬﺎ " ﺁﺍﻩ
ﺯﻳﻨﺐ : ﻣﺮﺿﻴﺔ ﺟﺪﻫﺎ ﻫﺎﺩﻱ ... ﻟﻤﺮﺓ ﺍﻟﺠﺎﻳﺔ ﺟﻴﺒﻴﻪ ﻣﻌﺎﻙ ﺑﺎﺵ ﻣﺎﺗﺒﻘﺎﻳﺶ ﻣﺼﺪﻋﺎﻧﺎ ﺑﺨﺎﺻﻨﻲ ﻧﺮﺟﻊ
ﺳﻤﻴﺔ : ﺇﻥ ﺷﺎﺀ ﺍﻟﻠﻪ
ﺯﻳﻨﺐ : ﻧﻤﺸﻲ ﻧﻌﻴﻂ ﻋﻠﻰ ﺍﻟﺸﻴﻔﻮﺭ ﺷﻔﺘﻮ ﺗﻌﻄﻞ
ﺳﻨﻤﺎﺭ : ﺃﻧﺎ ﻏﻨﻮﺻﻠﻬﺎ
ﺯﻳﻨﺐ : " ﺍﺑﺘﺎﺳﻤﺎﺕ " ﺑﻠﻤﺎ ﺗﻌﺬﺏ ﺭﺍﺳﻚ ... ﺭﺍﻩ ﻏﻴﻮﺻﻠﻬﺎ ﺍﻟﺸﻴﻔﻮﺭ
ﺳﻨﻤﺎﺭ : " ﺷﺎﻑ ﻓﺰﻳﻨﺐ ﺍﻟﻲ ﻛﺘﻔﺮﻧﺲ " ﻣﻜﺎﻳﻦ ﺣﺘﻰ ﻋﺬﺍﺏ
ﺯﻳﻨﺐ : ﺍﻭﻯ ﻻ ﻫﺎﻛﺔ ... ﻣﻦ ﺍﻷﺣﺴﻦ ﺗﻤﺸﻲ ﻣﻌﺎﻙ ﻧﺘﺎ
ﺳﺒﻖ ﺳﻨﻤﺎﺭ ﻃﻠﻊ ﻟﻠﻮﻃﻮ ... ﺳﻠﻤﺎﺕ ﻋﻠﻴﻬﻢ ﺳﻤﻴﺔ ﻭ ﻫﻲ ﺗﺒﻌﻮ ... ﺣﻼﺕ ﻟﺒﺎﺏ ﺭﻛﺒﺎﺕ ... ﺩﺍﺭﺕ ﺍﻟﺤﺰﺍﻡ ﻭ ﻫﻮ ﻳﺘﺤﺮﻙ ﺧﺎﺭﺟﻴﻦ ﻣﻦ ﺍﻟﭭﻴﻼ ...
ﺯﻳﻨﺐ : " ﻛﺪﻳﺮ ﺑﺎﻱ ﻟﺴﻤﻴﺔ " ﺻﺎﻓﻲ ﻃﺎﺡ
ﺇﻟﻴﺎﺱ : ﺁﺵ ﻛﺘﻘﻮﻟﻲ ﺍﺷﻨﻴﻮﻟﺔ
ﺯﻳﻨﺐ : " ﺿﺎﺭﺕ ﻋﻨﺪﻭ " ﺻﺎﺣﺒﻚ ﺃﺧﻴﺮﺍ ﺣﻴﺪ ﻟﻴﻪ ﺍﻟﻀﺒﺎﺏ ﻣﻦ ﻋﻠﻰ ﻋﻨﻴﻪ
ﺇﻟﻴﺎﺱ : " ﺿﻮﺭ ﻳﺪﻭ ﻋﻠﻰ ﺧﺼﺮﻫﺎ " ﻣﺎﻓﻬﻤﺘﺶ
ﺯﻳﻨﺐ : ﺑﻼﺵ ﻋﻠﻴﻚ ... ﺧﺎﺹ ﻧﻔﻬﻢ ﻏﻴﺮ ﺃﻧﺎ ... " ﻫﺰﺍﺕ ﺣﺎﺟﺒﻬﺎ " ﺣﻴﺪ ﻳﺪﻳﻚ ﻣﺘﻜﻮﻧﺶ ﺑﺎﺳﻞ
ﺇﻟﻴﺎﺱ : ﺑﺎﺳﻞ ... ﺩﺍﺑﺔ ﻧﻮﺭﻳﻚ ﺍﻟﺒﺴﺎﻟﺔ ﻋﻠﻰ ﺍﺻﻮﻟﻬﺎ ... ﺭﺍﻩ ﻛﺘﺠﺒﺪﻳﻨﻲ
ﺯﻳﻨﺐ : ﺍﻭﻩ ﺧﻠﻌﺘﻴﻨﻲ ... ﻃﻠﻖ ﻃﻠﻖ ﺧﻠﻴﻨﻲ ﻧﻤﺸﻲ
ﺍﻟﻴﺎﺱ : ﻓﻴﻦ ﻏﺎﺩﻳﺔ ... ﺁﺵ ﺑﺎﻥ ﻟﻴﻚ ﺍﻟﻴﻮﻡ ﻧﺨﺮﺟﻮ
ﺯﻳﻨﺐ : ﻏﻨﻤﺸﻲ ﻧﻄﻞ ﻋﻠﻰ ﺟﻮﻻﻥ ... ﺣﺎﻟﻬﺎ ﻣﺎﻋﺎﺟﺒﻨﻴﺶ ﻫﺎﺩ ﺍﻷﻳﺎﻡ
ﺇﻟﻴﺎﺱ : " ﻏﻮﺑﺶ " ﻣﺸﻐﻮﻟﺔ ﻏﺎ ﺑﺠﻮﻻﻥ ... ﻭ ﺍﻟﻴﺎﺱ ﻟﻬﻼ ﻳﻘﻠﺐ ﺑﻴﻪ
ﺯﻳﻨﺐ : " ﺑﺪﺍﺕ ﻛﺘﺤﺰﺭ " ﻧﻮﻭ ... ﻧﺘﺎ ﺭﺍﻙ ﺍﻟﻘﻠﺐ ... ﻏﻴﺮ ﻗﻠﺖ ﻧﭽﻠﺲ ﻣﻌﻬﺎ ﺍﻟﻴﻮﻡ ﻣﺎﺣﺪﻱ ﻣﺎﺧﺪﻣﺎﺵ
ﺇﻟﻴﺎﺱ : ﻭﺍﻗﻌﺔ ﺷﻲ ﺣﺎﺟﺔ ﺑﻴﻨﺎﺗﻬﻢ ... ﺣﺘﻰ ﺭﺋﺒﺎﻝ ﻫﺎﺩ ﺍﻷﻳﺎﻡ ﻛﻴﺘﺼﺮﻑ ﻓﺸﻲ ﺷﻜﻞ
ﺯﻳﻨﺐ : ﻏﻨﻬﻀﺮ ﻣﻌﻬﺎ ﻭ ﻧﺤﺎﻭﻝ ﻧﻌﺮﻑ ﻣﻨﻬﺎ ﺷﻨﻮ ﻛﺎﻳﻦ " ﺗﻌﻼﺕ ﺑﺎﺳﺘﻮ ﻓﺨﺪﻭ " ﻟﻌﺸﻴﺔ ﻏﻨﺮﺟﻊ ﻟﻠﺪﺍﺭ
ﺇﻟﻴﺎﺱ : ﻣﻨﻴﻦ ﺗﺒﻐﻲ ﺗﻤﺸﻲ ﻋﻴﻄﻲ ﻋﻠﻴﺎ ﻧﺠﻲ ﻧﺪﻳﻚ
ﺯﻳﻨﺐ : ﺃﻭﻛﻲ ﺑﻴﺐ
ﺩﺧﻼﺕ ﺯﻳﻨﺐ ﻭ ﻃﻠﻌﺎﺕ ﻟﻔﻮﻕ ... ﺩﻗﺎﺕ ﻓﺒﺎﺏ ﻏﺮﻓﺔ ﺟﻮﻻﻥ ﻭ ﺩﺧﻼﺕ ... ﻟﻘﺎﺗﻬﺎ ﭼﺎﻟﺴﺔ ﻓﻮﻕ ﺍﻟﻔﻮﻃﻮﻱ ﻭ ﻫﺎﺯﺓ ﺍﻟﺒﻴﺴﻲ ﻓﻮﻕ ﺣﺠﺮﻫﺎ ... ﺟﻠﺴﺎﺕ ﺯﻳﻨﺐ ﺟﻨﺒﻬﺎ ...
ﺯﻳﻨﺐ : ﺻﺒﺎﺡ ﺍﻟﻨﻮﺭ ﺍﻟﺤﺐ
ﺟﻮﻻﻥ : ﺻﺒﺎﺡ ﺍﻟﺨﻴﺮ
ﺯﻳﻨﺐ : ﺳﻤﻴﺔ ﻣﺸﺎﺕ ... ﻏﻴﻮﺻﻠﻬﺎ ﺳﻨﻤﺎﺭ ﻫﻬﻪ ... ﻛﻴﻒ ﺣﺎﺳﺔ ﺍﻟﻴﻮﻡ ﺷﻮﻳﺔ ؟ " ﺍﻧﺘﺎﺑﻬﺎﺕ ﻟﺨﺪﻫﺎ ﺍﻟﻲ ﺣﻤﺮ ﻭ ﻣﻨﻔﻮﺥ ﺷﻮﻳﺔ " ﺟﻮﻻﺍﺍﻥ ... ﻣﺎﻟﻜﻲ ﻓﺤﻨﻜﻚ ؟ !
ﺟﻮﻻﻥ : " ﻃﻠﻘﺎﺕ ﺷﻌﺮﻫﺎ ﻣﻦ ﻋﻠﻰ ﻭﺫﻧﻬﺎ " ﻭﺍﻟﻮ
ﺯﻳﻨﺐ : ﻛﻴﻔﺎﺵ ﻭﺍﻟﻮ ... ﺣﻨﻜﻚ ﺣﻤﺮ ... ﺷﻜﻮﻥ ﺿﺮﺑﻚ ؟
ﺟﻮﻻﻥ : " ﻫﺰﺍﺕ ﻓﻴﻬﺎ ﻋﻨﻴﻬﺎ " ﺯﻳﻨﺐ ﺑﻐﻴﺖ ﻧﺒﻘﻰ ﺑﻮﺣﺪﻱ ﻋﻔﺎﻙ
ﺯﻳﻨﺐ : " ﻭﻗﻔﺎﺕ " ﺃﻭﻛﻲ ﻋﻠﻰ ﺭﺍﺣﺘﻚ
ﻧﺎﺿﺖ ﺯﻳﻨﺐ ﻭ ﻣﺸﺎﺕ ﻓﺎﺗﺠﺎﻩ ﻟﺒﺎﺏ ... ﺣﻼﺗﻮ ﺧﺎﺭﺟﺔ ﻭ ﻫﻲ ﺗﻼﻗﻰ ﻣﻊ ﺭﺋﺒﺎﻝ ﺧﺎﺭﺝ ﻣﻦ ﻏﺮﻓﺘﻮ ... ﺷﺎﻓﺖ ﻓﻴﻪ ﺷﻮﻓﺔ ﻧﺎﻗﺼﺔ ﻭ ﻣﺸﺎﺕ ﻫﺰﺍﺕ ﺻﺎﻛﻬﺎ ﻣﻦ ﺍﻟﻐﺮﻓﺔ ﻓﻴﻦ ﺑﺎﺗﺖ ... ﻫﺒﻄﺎﺕ ﻟﺘﺤﺖ ﻟﻘﺎﺕ ﺇﻟﻴﺎﺱ ﻣﺰﺍﻝ ﻣﻐﺎﺩﺭ ﻭ ﻫﻲ ﺗﻘﻮﻝ ﻟﻴﻪ ﻳﻮﺻﻠﻬﺎ ﻟﻠﺪﺍﺭ ...
ﻭ ﻫﻤﺎ ﻭﺍﻗﻔﻴﻦ ﻛﻴﻬﻀﺮﻭ ﺳﻤﻌﻮ ﺻﻮﺕ ﺧﻄﻮﺍﺗﻮ ... ﺿﺎﺭﻭ ﺑﺠﻮﺝ ﻛﻴﺸﻮﻓﻮ ﻓﻴﻪ ﺧﺎﺭﺝ ... ﺍﻧﺘﺎﺑﻪ ﺇﻟﻴﺎﺱ ﻟﻴﺪﻳﻪ ﺍﻟﻲ ﻣﻠﻮﻳﺔ ﻋﻠﻴﻬﻢ ﺍﻟﻔﺎﺻﻤﺔ ... ﺑﻐﺎ ﻳﺘﺒﻌﻮ ﻭ ﻫﻲ ﺗﺸﺪ ﻓﻴﻪ ﺯﻳﻨﺐ ... ﺭﺋﺒﺎﻝ ﺧﺮﺝ ﻭ ﻃﻠﻊ ﻓﺴﻴﺎﺭﺗﻮ ... ﺩﻳﻤﺎﺭﺍ ﺧﺎﺭﺝ ﻣﻦ ﺍﻟﭭﻴﻼ ﻭ ﻋﻨﻴﻪ ﻋﻠﻰ ﺍﻟﺸﺮﻓﺔ ﺍﻟﻲ ﻓﺒﻴﺘﻬﺎ ...
ﺗﻮﺟﻪ ﻟﻠﺸﺮﻛﺔ ﺩﺧﻞ ﻟﻤﻜﺘﺒﻮ ﻭ ﻫﺰ ﻟﻔﻴﻜﺲ ﻋﻴﻂ ﻋﻠﻰ ﺑﻬﺎﺀ ... ﺑﻌﺪ ﻟﺤﻈﺎﺕ ﺩﺧﻞ ﺑﻬﺎﺀ ﻟﻠﻤﻜﺘﺐ ... ﺣﻂ ﻏﻼﻑ ﻓﻮﻕ ﺍﻟﺒﻴﺮﻭ ...
ﺑﻬﺎﺀ : ﺩﺍﻛﺸﻲ ﺍﻟﻲ ﻃﻠﺒﺘﻲ ﻣﻨﻲ ﻣﻮﺳﻴﻮ ﺭﺋﺒﺎﻝ
ﺭﺋﺒﺎﻝ : " ﺷﺎﻑ ﻓﻴﻪ " ﻓﻐﻴﺎﺑﻲ ﻧﺘﺎ ﺍﻟﻲ ﻏﺘﻜﻠﻒ ﺑﻜﻠﺸﻲ ... ﻣﻔﻬﻮﻡ
ﺑﻬﺎﺀ : ﻣﻔﻬﻮﻡ ﻣﻮﺳﻴﻮ ﺭﺋﺒﺎﻝ
ﻭﻗﻒ ﺍﻟﺴﻴﺎﺭﺓ ﺟﻨﺐ ﺍﻟﺴﻮﺭ ... ﻫﺒﻂ ﻭ ﺿﺎﺭ ﺣﻞ ﻟﻴﻬﺎ ﻟﺒﺎﺏ ... ﺷﺪﺍﺕ ﺳﻤﻴﺔ ﻓﺼﺎﻛﻬﺎ ﻭ ﻫﺒﻄﺎﺕ ... ﺳﻨﻤﺎﺭ ﻛﺎﻥ ﻣﺰﺍﻝ ﺷﺎﺩ ﻓﺎﻟﺒﺎﺏ ﻭ ﺣﺎﻁ ﻳﺪﻭ ﻻﺧﺮﻯ ﻋﻠﻰ ﺍﻟﺴﻴﺎﺭﺓ ﻛﺄﻧﻪ ﻣﺤﺎﺻﺮﻫﺎ ... ﻫﺰﺍﺕ ﻓﻴﻪ ﻋﻨﻴﻪ ﻛﺘﺸﻮﻑ ﻓﻴﻪ ﻭ ﻫﻲ ﻣﺘﻮﺛﺮﺓ ...
ﺳﻨﻤﺎﺭ : " ﻛﻴﺘﺄﻣﻞ ﻭﺟﻬﺎ ﺑﺘﺄﻧﻲ " ﻭﺻﻠﻨﺎ
ﺳﻤﻴﺔ : ﺃﺍ ... ﺁﻩ ﻭﺻﻠﻨﺎ
ﺳﻨﻤﺎﺭ : " ﻛﻴﺸﻮﻑ ﻓﺎﻟﺨﻂ ﺍﻟﺮﻓﻴﻊ ﺍﻟﻲ ﻓﺸﻔﺘﻬﺎ ﻟﻔﻮﻗﺎﻧﻴﺔ "
ﺳﻤﻴﺔ : " ﺷﺎﻓﺘﻮ ﻓﻴﻦ ﻛﻴﺸﻮﻑ ﻭ ﻗﺎﻟﺖ ﺑﻌﻔﻮﻳﺔ " ﺗﺰﺍﺩﻳﺖ ﺑﺸﻖ ﻓﺸﻔﺘﻲ ... ﻛﻴﺴﻤﻮﻳﻪ ﺑﺎﻟﺸﻔﺔ ﺍﻷﺭﻧﺒﻴﺔ ﻭ ﻫﻮ ﻋﻴﺐ ﺧﻠﻘﻲ ... ﻭ ﺍﻧﺎ ﻣﻨﻴﻦ ﻛﻨﺖ ﻣﺰﺍﻝ ﺑﻴﺒﻲ ﺗﻜﻠﻔﺎﺕ ﻭﺍﺣﺪ ﺍﻟﺠﻤﻌﻴﺔ ﻭ ﺩﺍﺭﻭ ﻟﻴﺎ ﻋﻤﻠﻴﺔ ﺟﺮﺍﺣﻴﺔ ... " ﺣﻄﺎﺕ ﻳﺪﻫﺎ ﻋﻠﻰ ﺷﻔﺘﻬﺎ " ﻭ ﺑﻘﻰ ﻏﻴﺮ ﺧﻂ ﺑﺤﺎﻝ ﻫﺎﻛﺔ
ﺳﻨﻤﺎﺭ : " ﺍﺑﺘﺎﺳﻢ " ﺷﻜﺮﺍ ﻋﻠﻰ ﺍﻟﻤﻌﻠﻮﻣﺎﺕ
ﺳﻤﻴﺔ : " ﺣﻨﺎﺕ ﺭﺍﺳﻬﺎ ﺑﺨﺠﻞ "
ﺳﻨﻤﺎﺭ : " ﺣﻴﺪ ﻳﺪﻭ ﻣﺨﻠﻲ ﻟﻴﻬﺎ ﺍﻟﻤﺠﺎﻝ ﺩﻭﺯ " ﺍﻟﺠﻮ ﻫﻨﺎ ﺯﻭﻳﻦ ﺑﺰﺍﻑ ... ﻋﻠﻴﻬﺎ
ﺳﻤﻴﺔ : " ﺷﺎﻓﺖ ﻓﻴﻪ ﺑﺎﺳﺘﻔﻬﺎﻡ ﻋﻠﻰ ﺍﻟﺠﻤﻠﺔ ﺍﻟﻲ ﻣﺎﻛﻤﻠﺶ " ﺷﻜﺮﺍ ﺑﺰﺍﻑ ... ﻭ ﻃﺮﻳﻖ ﺍﻟﺴﻼﻣﺔ
ﺷﺪﺍﺕ ﻓﺼﺎﻛﻬﺎ ﺑﻴﺪﻳﻬﺎ ﺑﺠﻮﺝ ﻭ ﺗﺤﺮﻛﺎﺕ ... ﻏﺎﺩﺓ ﻭ ﺣﺎﺳﺔ ﺑﺤﺰﻥ ﻏﺮﻳﺐ ... ﻣﺎﻋﺮﻓﺎﺵ ﻣﺼﺪﺭ ﻫﺎﺩ ﺍﻟﺸﻌﻮﺭ ... ﻭﻗﻔﺎﺕ ﻗﺪﺍﻡ ﻟﺒﺎﺏ ﻭ ﺣﻼﺕ ﺣﻘﻴﺒﺘﻬﺎ ﺑﻐﺎﺕ ﺗﺠﺒﺪ ﺍﻟﻤﻔﺘﺎﺡ ... ﺣﻼﺕ ﻟﺒﺎﺏ ﺑﻐﺎﺕ ﺗﺪﺧﻞ ﻭ ﻫﻲ ﺗﺴﻤﻌﻮ ﻛﻴﻨﺎﺩﻱ ﺑﺎﺳﻤﻬﺎ ... ﺿﺎﺭﺕ ﻟﻘﺎﺗﻮ ﺟﺎﻱ ﻓﺎﺗﺠﺎﻫﻬﺎ ... ﻣﺪ ﻟﻴﻬﺎ ﺳﻨﻤﺎﺭ ﻳﺪﻭ ﻭ ﻧﻄﻖ ...
ﺳﻨﻤﺎﺭ : ﺍﻟﻔﻮﻥ ﺩﻳﺎﻟﻚ
ﺟﺒﺪﺍﺗﻮ ﺳﻤﻴﺔ ﻣﻦ ﺍﻟﺼﺎﻙ ﻭ ﻣﺪﺍﺗﻮ ﻟﻴﻪ ... ﺧﺪﺍﻩ ﻛﻴﺨﺮﺑﻖ ﻓﻴﻪ ... ﻫﺰ ﺭﺍﺳﻮ ﻛﻴﺸﻮﻑ ﻓﻴﻬﺎ ... ﻭ ﻃﻠﻊ ﻓﺎﻟﻌﺘﺒﺔ ﺩﻳﺎﻝ ﻟﺒﺎﺏ ﻣﻘﺮﺏ ﻟﻌﻨﺪﻫﺎ ... ﺗﺤﻨﻰ ﻭ ﻃﺒﻊ ﻗﺒﻠﺔ ﻋﻠﻰ ﺧﺪﻫﺎ ... ﺷﺪ ﻓﻴﺪﻫﺎ ﻭ ﺣﻂ ﻟﻴﻬﺎ ﺍﻟﻔﻮﻥ ﻭ ﺿﺎﺭ ﻏﺎﺩﻱ ... ﻃﻠﻊ ﻓﺎﻟﺴﻴﺎﺭﺓ ﻭ ﺗﺤﺮﻙ ... ﺳﺪﺍﺕ ﻟﺒﺎﺏ ﻭ ﺣﻄﺎﺕ ﻳﺪﻫﺎ ﻋﻠﻰ ﻗﻠﺒﻬﺎ ﺍﻟﻲ ﻛﻴﻀﺮﺏ ﺑﺴﺮﻋﺔ ...
ﻣﺪﺍﺯﺗﺶ ﺩﻗﻴﻘﺔ ﺣﺘﻰ ﺻﻮﻧﺎ ﻟﻴﻬﺎ ﺍﻟﻔﻮﻥ ﻓﻴﺪﻫﺎ ... ﻛﺎﻥ ﺍﻟﺮﻗﻢ ﻣﺴﺠﻞ ﺑﺎﺳﻢ ﺳﻨﻤﺎﺭ ... ﺩﻭﺯﺍﺕ ﺍﻟﺨﻂ ﻭ ﺣﻄﺎﺗﻮ ﻋﻠﻰ ﻭﺫﻧﻬﺎ ...
ﺳﻨﻤﺎﺭ : ﺳﺠﻠﺖ ﻧﻤﺮﺗﻲ ﻋﻨﺪﻙ ... ﻣﺮﺓ ﻣﺮﺓ ﻏﻨﺼﺪﻋﻚ ... ﺗﻬﻼﻱ ﻓﺮﺍﺳﻚ ﺍﻟﻘﻨﻴﺔ
ﻗﻄﻊ ﻭ ﻫﻲ ﺗﺤﻂ ﻳﺪﻫﺎ ﻋﻠﻰ ﺧﺪﻭﺩﻫﺎ ﺍﻟﻲ ﻏﻴﻄﺮﻃﻘﻮ ﺑﺎﻟﺴﺨﻮﻧﻴﺔ ... ﺗﺮﺳﻤﺎﺕ ﺍﺑﺘﺴﺎﻣﺔ ﻋﺮﻳﻀﺔ ﻋﻠﻰ ﺷﻔﺎﻳﻔﻬﺎ ﻭ ﻫﻲ ﻛﺘﺬﻛﺮ ﺍﻟﻘﺒﻠﺔ ﺍﻟﻲ ﻃﺒﻊ ﻋﻠﻰ ﺧﺪﻫﺎ ...
🍁 ﻏﺮﺑﺎﺕ ﺍﻟﺸﻤﺲ ﻣﺨﻠﻔﺔ ﺧﻄﻮﻁ ﺣﻤﺮﺍﺀ ﻓﺎﻟﺴﻤﺎﺀ ... ﭼﺎﻟﺴﺔ ﻓﺎﻟﺠﺮﺩﺓ ﻻﺑﺴﺔ ﻏﻴﺮ ﻫﻮﺩﻱ ﻭ ﻣﻌﻨﻘﺔ ﺭﺍﺳﻬﺎ ... ﺍﻟﺠﻮ ﺑﺮﺩ ﺃﻛﺜﺮ ﻓﻮﺭ ﻣﺎﻏﺮﺑﺎﺕ ﺍﻟﺸﻤﺲ ... ﻧﺎﺿﺖ ﻭ ﺗﻤﺎﺕ ﻏﺎﺩﺓ ﻓﺎﻟﻤﺮﺭ ... ﻛﺘﺸﻮﻑ ﻓﺄﺭﺟﺎﺀ ﺍﻟﺤﺪﻳﻘﺔ ﻛﺄﻧﻬﺎ ﺁﺧﺮ ﻣﺮﺓ ﻟﻴﻬﺎ ﻫﻨﺎ ...
ﻭﻗﻔﺎﺕ ﻣﻘﺎﺑﻠﺔ ﻣﻊ ﺍﻟﺨﺼﺔ ﻛﺘﺸﻮﻑ ﻓﺎﻟﻤﻴﺎﻩ ﺍﻟﻲ ﻛﺘﺪﻓﻖ ﻣﻦ ﺍﻟﻔﻮﻕ ... ﺟﺎﺕ ﻟﻬﻨﺎ ﻋﺪﺓ ﻣﺮﺍﺕ ﻟﻜﻦ ﻋﻤﺮﻫﺎ ﺍﻧﺘﺎﺑﻬﺎﺕ ﻟﻬﺎﺩ ﺍﻟﺘﻔﺎﺻﻴﻞ ... ﻃﻠﻌﺎﺕ ﻳﺪﻫﺎ ﻋﻨﺪ ﻓﻤﻬﺎ ﻭ ﺑﺪﺍﺕ ﻛﺘﺴﻮﻁ ﻋﻠﻴﻬﻢ ... ﺗﻮﻗﻔﺎﺕ ﻋﻦ ﺍﻟﺤﺮﻛﺔ ﻓﺎﺵ ﺣﺴﺎﺕ ﺑﻴﻪ ﺣﻀﻨﻬﺎ ﻣﻦ ﺍﻟﺨﻠﻒ ...
ﺑﺴﺮﻋﺔ ﻋﻨﻴﻬﺎ ﺗﺤﺠﺮﻭ ﻓﻴﻬﻢ ﺍﻟﺪﻣﻮﻉ ... ﺩﻭﺭ ﺭﺋﺒﺎﻝ ﻳﺪﻳﻪ ﻋﻠﻰ ﺧﺼﺮﻫﺎ ﻭ ﺧﺸﺎ ﺭﺍﺳﻮ ﻓﻌﻨﻘﻬﺎ ... ﺍﺳﺘﻨﺸﻖ ﻋﺒﻴﺮﻫﺎ ﺍﻟﻲ ﻛﺎﻥ ﻣﻮﺣﺸﻮ ﻟﺪﺭﺟﺔ ﺍﻟﻤﻮﺕ ... ﻣﻊ ﺃﻧﻬﺎ ﺣﺴﺎﺕ ﺑﺎﻟﺪﻓﺊ ﺑﻴﻦ ﻳﺪﻳﻪ ... ﺑﻌﺪﺍﺕ ﻋﻠﻴﻪ ﻭ ﺿﺎﺭﺕ ﺷﺎﻓﺖ ﻓﻴﻪ ... ﺍﻟﺘﻘﻮ ﻧﻈﺮﺍﺗﻬﻢ ﻟﻠﺤﻈﺎﺕ ﻭ ﻫﻤﺎ ﺳﺎﻛﺘﻴﻦ ... ﻓﻘﻂ ﻛﻴﺸﻮﻓﻮ ﻓﺒﻌﺾ ﺣﺘﻰ ﺗﺤﺮﻙ ﺭﺋﺒﺎﻝ ﻭ ﻗﺮﺏ ﻋﻨﺪﻫﺎ ...
ﻣﺪ ﻳﺪﻭ ﺣﻄﻬﺎ ﻋﻠﻰ ﺧﺪﻫﺎ ﺍﻟﻲ ﻛﺎﻧﻮ ﺁﺛﺎﺭ ﺻﺒﺎﻋﻮ ﻣﺰﺍﻝ ﻣﻄﺒﻮﻋﻴﻦ ﻓﻴﻪ ... ﺗﺤﻨﻰ ﻃﺒﻊ ﻗﺒﻠﺔ ﺣﻨﻴﻨﺔ ﻋﻠﻴﻪ ... ﺑﻌﺪ ﺷﻮﻳﺔ ﺷﺎﻑ ﻓﻌﻨﻴﻬﺎ ﻭ ﺭﺟﻊ ﻗﺮﺏ ﺃﻛﺜﺮ ... ﺣﻂ ﺷﻔﺎﻳﻔﻮ ﻋﻠﻰ ﺷﻔﺎﻳﻔﻬﺎ ﺍﻟﺒﺎﺭﺩﻳﻦ ... ﺩﺍﺭ ﻳﺪﻭ ﻻﺧﺮﻯ ﻋﻠﻰ ﺧﺼﺮﻫﺎ ﻣﻘﺮﺑﻬﺎ ﻟﻴﻪ ... ﻭ ﺑﺎﺷﺮ ﻓﺘﻘﺒﻴﻠﻬﺎ ﺑﻠﻬﻔﺔ ﻭ ﺷﻮﻕ ﻛﺒﻴﺮ ... ﻓﺎﻷﻭﻝ ﺑﻘﺎﺕ ﺟﺎﻣﺪﺓ ﺑﺪﻭﻥ ﺭﺩ ﻓﻌﻞ ... ﻟﻜﻦ ﻗﻠﺒﻬﺎ ﻣﻄﺎﻭﻋﻬﺎﺵ ﻭ ﺗﺠﺎﻭﺑﺎﺕ ﻣﻌﺎﻩ ... ﺿﻮﺭﺍﺕ ﻳﺪﻳﻬﺎ ﻋﻠﻰ ﻋﻨﻘﻮ ...
ﻭ ﺩﺧﻠﻮ ﻓﻘﺒﻠﺔ ﻋﻤﻴﻘﺔ ﻛﻴﻔﺮﻏﻮ ﻓﻴﻬﺎ ﺷﻮﻗﻬﻢ ﻭ ﻏﻀﺒﻬﻢ ... ﻓﻠﺤﻈﺔ ﺑﻌﺪ ﺭﺋﺒﺎﻝ ﻛﺄﻧﻪ ﺍﺳﺘﺮﺟﻊ ﺷﻨﻮ ﻛﺎﻥ ﻛﻴﺪﻳﺮ ... ﻧﻄﻖ ﻭ ﻫﻮ ﻣﻜﻴﺸﻮﻓﺶ ﻓﻴﻬﺎ ...
ﺭﺋﺒﺎﻝ : ﺩﺧﻠﻲ ﻣﻦ ﺍﻟﺒﺮﺩ
ﺿﺎﺭ ﻋﺎﻃﻴﻬﺎ ﺑﻈﻬﺮﻭ ﻭ ﺗﻢ ﺩﺍﺧﻞ ... ﺑﻘﺎﺕ ﻛﺘﺸﻮﻑ ﻓﻴﻪ ﻭ ﻫﻮ ﻛﻴﺒﻌﺪ ﺣﺘﻰ ﺍﺧﺘﻔﻰ ... ﻣﺴﺤﺎﺕ ﺩﻣﻮﻋﻬﺎ ﺍﻟﻲ ﺍﻋﺘﺎﺩﺕ ﻋﻠﻴﻬﻢ ﻭ ﻣﺎﺑﻘﺎﻭﺵ ﻛﻴﻔﺎﺭﻗﻮ ﻋﻨﻴﻬﺎ ... ﺑﻘﺎﺕ ﻟﻤﺪﺓ ﻗﺼﻴﺮﺓ ﻭ ﻫﻲ ﺗﺪﺧﻞ ﻟﭭﻴﻼ ... ﻃﻠﻌﺎﺕ ﻟﻐﺮﻓﺘﻬﺎ ﻭ ﻫﺰﺍﺕ ﺍﻟﺼﺎﻙ ﺍﻟﺼﻐﻴﺮ ﺍﻟﻲ ﺟﻤﻌﺎﺕ ﻓﻴﻪ ﻣﻼﺑﺴﻬﺎ ﻣﻦ ﻓﻮﻕ ﺍﻟﺴﺮﻳﺮ ...
ﺷﺎﻓﺖ ﻓﺄﺭﺟﺎﺀ ﺍﻟﻐﺮﻓﺔ ﻟﻠﻤﺮﺓ ﺍﻷﺧﻴﺮﺓ ﻭ ﺍﺗﺎﺟﻬﺎﺕ ﻟﻠﺒﺎﺏ ... ﺧﺮﺟﺎﺕ ﻭ ﺷﺎﻓﺖ ﻓﺒﺎﺏ ﻏﺮﻓﺘﻮ ﻭ ﺑﺪﻭﻥ ﺗﺮﺩﺩ ﺗﻮﺟﻬﺎﺕ ﻟﻠﺪﺭﺝ ... ﻫﺒﻄﺎﺕ ﻭ ﺩﺍﺯﺕ ﻟﻠﻤﻜﺘﺐ ﺩﻳﺎﻟﻮ ... ﺩﺧﻼﺕ ﻭ ﻗﺮﺑﺎﺕ ﻟﺒﻴﺮﻭ ... ﺣﻄﺎﺕ ﺍﻟﺼﺎﻙ ﻓﻮﻕ ﺍﻟﻜﺮﺳﻲ ﻭ ﻫﺰﺍﺕ ﻳﺪﻫﺎ ﻟﻴﺴﻴﺮﻳﺔ ﻗﺎﺑﻼﺗﻬﺎ ﻣﻊ ﻭﺟﻬﺎ ... ﻛﺘﺸﻮﻑ ﻓﺎﻟﺨﺎﺗﻢ ﺍﻟﻲ ﻟﺒﺴﻬﺎ ﻳﻮﻡ ﺧﻄﻮﺑﺘﻬﻢ ...
ﻣﻦ ﻳﻮﻣﻬﺎ ﻋﻤﺮ ﺍﻟﺨﺎﺗﻢ ﻓﺎﺭﻕ ﻳﺪﻫﺎ ... ﺑﺪﻭﻥ ﻣﺎﺗﻐﻮﺹ ﻓﺎﻟﺬﻛﺮﻳﺎﺕ ﺟﺮﺍﺗﻮ ﺑﺼﺒﺎﻉ ﻳﺪﻫﺎ ﻻﺧﺮﻯ ﻭ ﺣﻴﺪﺍﺗﻮ ﻣﻦ ﺑﻨﺼﺮﻫﺎ ... ﺑﻐﺎﺕ ﺗﺤﻄﻮ ﻓﻮﻕ ﺍﻟﺒﻴﺮﻭ ﻭ ﻫﻮ ﻳﺒﺎﻥ ﻟﻴﻬﺎ ﻇﺮﻑ ﻣﺤﻄﻮﻁ ... ﻫﺰﺍﺗﻮ ﺣﻼﺗﻮ ﺟﺒﺪﺍﺕ ﻣﻨﻮ ﺗﺬﻛﺮﺗﻴﻦ ...
ﻛﺎﻧﺖ ﻭﺣﺪﺓ ﺑﺈﺳﻢ ﺭﺋﺒﺎﻝ ﻭ ﻻﺧﺮﻯ ﺑﺎﺳﻢ ' ﻟﻴﺎﻥ ' ... ﺭﺟﻌﺎﺗﻬﻢ ﻟﻠﻈﺮﻑ ﺣﻄﺎﺗﻮ ﻭ ﺩﺍﺭﺕ ﺍﻟﺨﺎﺗﻢ ﻣﻦ ﻓﻮﻗﻮ ... ﻫﺰﺍﺕ ﺻﺎﻛﻬﺎ ﻭ ﺧﺮﺟﺎﺕ ﻣﻦ ﺍﻟﻤﻜﺘﺐ ... ﺩﺍﺯﺕ ﻣﻦ ﺍﻟﺤﺪﻳﻘﺔ ﻭ ﺧﺮﺟﺎﺕ ﻣﻦ ﻟﺒﺎﺏ ﺍﻟﻠﻮﺭﺍﻧﻲ ... ﻛﺎﻥ ﺍﻟﻤﻜﺎﻥ ﻣﻈﻠﻢ ﻟﻜﻨﻬﺎ ﻣﺎﺣﺴﺎﺕ ﻭ ﻟﻮ ﺑﺬﺭﺓ ﺧﻮﻑ ... ﺧﺮﺟﺎﺕ ﻟﻠﻄﺮﻳﻖ ﻏﺎﺩﺓ ﻛﺘﻤﺸﻰ ﺟﻨﺐ ...
ﺗﻤﺸﺎﺕ ﻣﺴﺎﻓﺔ ﻋﺎﺩ ﻗﺪﺭﺍﺕ ﺗﺸﺪ ﻃﺎﻛﺴﻲ ... ﺣﻄﻬﺎ ﺧﻠﺼﺎﺗﻮ ﻭ ﻫﺒﻄﺎﺕ ... ﺗﻤﺸﺎﺕ ﺷﻮﻳﺔ ﻭ ﻭﻗﻔﺎﺕ ﻗﺪﺍﻡ ﺑﺎﺏ ﺩﺍﺭﻫﻢ ... ﺩﻗﺎﺕ ﺷﻮﻳﺔ ﺗﺤﻞ ﻟﺒﺎﺏ ... ﺇﺑﺮﺍﻫﻴﻢ ﺷﺎﻑ ﻓﺒﻨﺘﻮ ﺍﻟﻲ ﻭﺍﻗﻔﺔ ﻓﻌﺘﺒﺔ ﻟﺒﺎﺏ ﺑﺼﺪﻣﺔ ... ﺷﻮﻳﺔ ﺗﻐﻴﺮﻭ ﻣﻼﻣﺤﻮ ﻭ ﻫﻮ ﻛﻴﺸﻮﻑ ﻓﺎﻟﺼﺎﻙ ﺍﻟﻲ ﻫﺎﺯﺓ ﻓﻴﺪﻫﺎ ...
✨ ﻳﺘﺒﻊ ✨
أنت تقرأ
السفاح العاشق
Fiksi Remajaﺭﻭﺍﻳﺔ ﻛﻠﻬﺎ ﻏﻤﻮﺽ .... ﺃﺣﺪﺍﺙ ﻣﻠﻴﺌﺔ ﺑﺎﻟﺘﺸﻮﻳﻖ .... ﺷﺨﺼﻴﺎﺕ ﻣﻌﻘﺪﺓ .... ﻋﺸﻖ ﻣﻬﻮﻭﺱ ﻣﺘﻤﻠﻚ .... ﺣﻴﺎﺓ ﻣﺰﺩﻭﺟﺔ .... ﻋﺎﻟﻢ ﺍﻟﺨﻄﻴﺌﺔ .... ﺟﺮﺍﺋﻢ ﺑﺎﺳﻢ ﺍﻟﺤﺐ .... ﺍﻟﻈﻐﻴﻨﺔ ﻭ ﺍﻻﻧﺘﻘﺎﻡ ... ﺍﻟﺤﻘﺪ ﺍﻟﺨﻴﺎﻧﺔ ﻭ ﺍﻟﻐﻴﻴﻴﻴﺮﺓ .... ⭐⭐⭐ ﻣﺰﻳﺞ ﺑﻴﻦ ﺍﻟﻮﺍﻗﻊ ﻭ ﺍﻟﺨﻴﺎﻝ ⭐⭐⭐ ﺗﺄﻟﻴﻒ : 🌸 ﻣﻮﺭﻱ 🌸 ﺑﻌ...
