السفاح العاشق

بارت 111

ﺟﻮﻻﻥ : " ﻗﺎﻃﻌﺎﺗﻮ " ﻻ ﻻﺍﺍﺍ ... ﻣﺎﺑﻐﻴﺘﺶ ﻧﺴﻤﻊ ﺑﺤﺎﻝ ﻫﺎﺩ ﺍﻟﻬﻀﺮﺓ ... ﺑﺎﺭﻛﺔ ﻋﻠﻴﺎ ﻓﻘﺪﺕ ﻣﺎﻣﺎ " ﻫﺒﻄﺎﺕ ﺩﻣﻌﺘﻬﺎ " ﻻ ﻧﺘﺎ ﻭﻗﻌﺎﺕ ﻟﻴﻚ ﺷﻲ ﺣﺎﺟﺔ ... ﻧﻔﻀﻞ ﻧﻤﻮﺕ ﻭ ﻣﻨﺠﺮﺑﺶ ﻧﻔﺲ ﺍﻷﻟﻢ ﺍﻟﻲ ﻋﺸﺘﻮ ﺑﻌﺪ ﻣﻮﺗﻬﺎ
ﺟﺮﻫﺎ ﺭﺋﺒﺎﻝ ﺧﺸﺎﻫﺎ ﻓﺤﻀﻨﻮ ﻭ ﺯﻳﺮ ﻋﻠﻴﻬﺎ ...
ﺧﺮﺝ ﺳﻨﻤﺎﺭ ﻟﻠﺠﺮﺩﺓ ﻭ ﻫﻲ ﺗﺒﺎﻥ ﻟﻴﻪ ﻣﺮﻳﻢ ﭼﺎﻟﺴﺔ ﻓﺄﺣﺪ ﺍﻟﻜﺮﺍﺳﻲ ... ﻗﺮﺏ ﻟﻌﻨﺪﻫﺎ ﻭ ﻋﻴﻂ ﻋﻠﻴﻬﺎ ... ﺩﻭﺯﺍﺕ ﻳﺪﻫﺎ ﻋﻠﻰ ﻭﺟﻬﺎ ﻭ ﻫﺰﺍﺕ ﺭﺍﺳﻬﺎ ﺷﺎﻓﺖ ﻓﻴﻪ ...
ﺳﻨﻤﺎﺭ : ﺭﺋﺒﺎﻝ ﻓﺎﻕ ﻭ ﺑﻐﻰ ﻳﻬﻀﺮ ﻣﻌﺎﻙ
ﻣﺮﻳﻢ : " ﻭﻗﻔﺎﺕ " ﺑﺎﻟﺼﺢ ... ﺑﻐﻰ ﻳﺸﻮﻓﻨﻲ !
ﺳﻨﻤﺎﺭ : ﺁﻩ ... ﻋﻨﺪﺍﻙ ﺗﻘﻮﻟﻲ ﺷﻲ ﺣﺎﺟﺔ ﻋﻠﻰ ﺃﻧﻪ ﺗﻀﺮﺏ ﺑﺎﻟﺴﻼﺡ ﻗﺪﺍﻡ ﺟﻮﻻﻥ ... ﻫﻮ ﻗﺎﻝ ﻟﻴﻬﺎ ﺷﻔﺎﺭ ﺿﺮﺑﻮ ﺑﻤﻮﺱ ... ﻣﺎﺑﻐﺎﺵ ﻳﺨﻠﻌﻬﺎ
ﻣﺮﻳﻢ : " ﺑﺎﺳﺘﻬﺰﺍﺀ " ﻭ ﺗﻴﻘﺎﺕ !
ﺳﻨﻤﺎﺭ : " ﻫﺰ ﺣﺎﺟﺒﻮ " ﺩﺍﻛﺸﻲ ﺑﻴﻨﻮ ﻭ ﺑﻴﻦ ﻣﺮﺗﻮ ... ﻻ ﻣﺒﻐﺎﺵ ﻳﻘﻮﻝ ﻟﻴﻬﺎ ﺷﻨﻮ ﻭﻗﻊ ... ﻏﻴﻜﻮﻥ ﺣﻴﻨﺖ ﻣﺒﻐﺎﺵ ﻳﺸﻐﻞ ﺑﺎﻟﻬﺎ
ﻣﺮﻳﻢ : ﻣﻐﺎﺩﻱ ﻧﻘﻮﻝ ﻭﺍﻟﻮ ... ﺍﻟﻲ ﺑﻐﺎﻫﺎ ﺭﺋﺒﺎﻝ ﻫﻲ ﺍﻟﻲ ﻏﺘﻜﻮﻥ
ﺳﻨﻤﺎﺭ : ﻳﺎﻻﻩ ﻧﻄﻠﻌﻮ
ﺷﺎﺭ ﻟﻴﻬﺎ ﺳﻨﻤﺎﺭ ﺑﻴﺪﻭ ﺗﺴﺒﻖ ﻭ ﻛﻴﻒ ﺗﺤﺮﻛﺎﺕ ﻗﺪﺍﻣﻮ ﺗﺒﻌﻬﺎ ... ﺷﻚ ﻓﺎﺵ ﺷﺎﻑ ﺗﺼﺮﻓﺎﺗﻬﺎ ﻭ ﻛﻴﻒ ﻛﺘﻬﻀﺮ ﻋﻠﻰ ﺭﺋﺒﺎﻝ ... ﻭ ﻟﻜﻦ ﻗﺎﻝ ﻣﺴﺘﺤﻴﻞ ... ﻫﻲ ﻃﺒﻴﺒﺔ ﻧﻔﺴﻴﺔ ﻭ ﻛﺎﻧﺖ ﺍﻟﻤﻌﺎﻟﺠﺔ ﺩﻳﺎﻟﻮ ... ﺃﻛﻴﺪ ﺗﻮﻃﺪﺍﺕ ﺻﺪﺍﻗﺔ ﺑﻴﻨﺎﺗﻬﻢ ﻓﻬﺎﺩ ﺍﻟﻌﺎﻣﻴﻦ ... ﻭﺻﻠﻮ ﻟﻠﻐﺮﻓﺔ ﺑﺎﻧﺖ ﻟﻴﻪ ﻣﺮﻳﻢ ﻏﺘﺤﻞ ﻟﺒﺎﺏ ﻭ ﻫﻮ ﻳﻮﻗﻔﻬﺎ ...
ﺳﻨﻤﺎﺭ : ﺩﻗﻲ ﻫﻮ ﺍﻷﻭﻝ ... ﻻ ﻧﺼﺪﻗﻮ ﺷﺎﻳﻔﻴﻦ ﺷﻲ ﻋﺠﺐ ... ﻫﺪﺍﻙ ﻭﺍﺧﺔ ﻋﺎﺩ ﻓﺎﻳﻖ ﻣﻦ ﺍﻟﻌﻤﻠﻴﺔ ﻣﻨﺜﻴﻖ ﻓﻴﻪ
ﻣﺮﻳﻢ ﺯﻳﺮﺍﺕ ﻋﻠﻰ ﻃﺮﻑ ﺍﻟﻘﺎﻣﻴﺠﺔ ﺑﻴﺪﻫﺎ ... ﻭ ﺧﺮﺟﺎﺕ ﻋﻨﻴﻬﺎ ﻓﺴﻨﻤﺎﺭ ﺑﺪﻭﻥ ﻣﺎﺗﺸﻌﺮ ... ﺭﺟﻌﺎﺕ ﺩﺍﺭﺕ ﻭ ﺩﻗﺎﺕ ﺑﺎﻟﻴﺪ ﻻﺧﺮﻯ ... ﺳﻤﻌﺎﺕ ﺻﻮﺕ ﺭﺋﺒﺎﻝ ﻛﻴﻘﻮﻝ ﺩﺧﻞ ﻭ ﻫﻲ ﺗﺤﻞ ﻟﺒﺎﺏ ...
ﺩﺧﻼﺕ ﻭ ﺯﺍﺩ ﻋﻠﻰ ﻣﺎﺑﻴﻬﺎ ﻭ ﻫﻲ ﻛﺘﺸﻮﻑ ﺭﺋﺒﺎﻝ ﻣﺘﻜﻲ ﻭ ﺟﻮﻻﻥ ﻣﺴﻨﺪﺓ ﻋﻠﻰ ﺻﺪﺭﻭ ... ﺧﺮﺟﺎﺕ ﺍﺑﺘﺴﺎﻣﺔ ﺑﺼﻌﻮﺑﺔ ﻣﻦ ﺷﻔﺎﻳﻔﻬﺎ ﺑﺪﻭﻥ ﻣﺎﺗﺒﻴﻦ ﻋﻠﻰ ﺍﻟﻲ ﺧﺎﻟﺞ ﻓﺪﺍﺧﻠﻬﺎ ... ﻗﺮﺑﺎﺕ ﻟﻌﻨﺪ ﻟﺒﻴﺎﺹ ﻭ ﻗﺎﻟﺖ ...
ﻣﺮﻳﻢ : ﻋﻠﻰ ﺳﻼﻣﺘﻚ ﻣﻨﻴﻦ ﺭﺟﻌﺘﻲ ﻟﻴﻨﺎ
ﺟﻮﻻﻥ ﺍﻟﻲ ﻓﺎﺵ ﺳﻤﻌﺎﺕ ﺍﻟﺪﻗﺎﻥ ﻛﺎﻧﺖ ﺑﻐﺎﺕ ﺗﺒﻌﺪ ﻟﻜﻦ ﺭﺋﺒﺎﻝ ﺣﺒﺴﻬﺎ ... ﻭ ﻣﻨﻴﻦ ﺑﺎﻧﺖ ﻟﻴﻬﺎ ﻣﺮﻳﻢ ﺩﺍﺧﻠﺔ ﺷﻲ ﺣﺎﺟﺔ ﻓﺪﺍﺧﻠﻬﺎ ﺧﻼﺗﻬﺎ ﺗﺤﻂ ﻳﺪﻫﺎ ﻋﻠﻰ ﻋﻨﻖ ﺭﺋﺒﺎﻝ ... ﻟﻜﻦ ﻓﺎﺵ ﺳﻤﻌﺎﺕ ﻣﺮﻳﻢ ﺷﻨﻮ ﻗﺎﻟﺖ ﺣﻮﻻﺕ ﻧﻈﺮﻫﺎ ﻟﻴﻬﺎ ... ﻛﻴﻔﺎﺵ ﻫﺎﺩ ﺭﺟﻌﺘﻲ ﻟﻴﻨﺎ ﺗﺎﻧﻲ ... !
ﺭﺋﺒﺎﻝ : ﺷﻜﺮﺍ ... ﻋﺮﻓﺖ ﺑﻠﻲ ﻧﺘﻲ ﺍﻟﻲ ﻟﻘﺘﻴﻨﻲ
ﻣﺮﻳﻢ : ﺁﻩ ... ﺟﺎﺏ ﺍﻟﻠﻪ ﺟﻴﺖ ﻓﺎﻟﻮﻗﺖ ﺍﻟﻤﻨﺎﺳﺐ
ﺭﺋﺒﺎﻝ : " ﻗﺒﻞ ﺷﻌﺮ ﺟﻮﻻﻥ ﻭ ﻗﺎﻝ " ﺳﻴﺮﻱ ﻣﻊ ﺳﻨﻤﺎﺭ ... ﺑﻐﻴﺖ ﻧﻬﻀﺮ ﻣﻊ ﻣﺮﻳﻢ
ﺟﻮﻻﻥ : " ﻫﺰﺍﺕ ﺭﺍﺳﻬﺎ ﺷﺎﻓﺖ ﻓﻴﻪ " ﺁﺍ ... ؟ !!
ﺭﺋﺒﺎﻝ : ﺷﻮﻳﺔ ﻭ ﻋﺎﻭﺩﻱ ﺭﺟﻌﻲ
ﺟﻮﻻﻥ : ﻭﺍﺧﺔ
ﻫﺒﻄﺎﺕ ﺟﻮﻻﻥ ﻣﻦ ﻓﻮﻕ ﺍﻟﺒﻴﺎﺹ ... ﺷﺎﻓﺖ ﻓﻤﺮﻳﻢ ﻟﻘﺎﺗﻬﺎ ﺭﺍﺳﻤﺔ ﺍﺑﺘﺴﺎﻣﺔ ﻣﺴﺘﻔﺰﺓ ... ﺟﻮﻻﻥ ﻓﺪﺍﺧﻠﻬﺎ ﻣﺎﻣﺮﺗﺤﺎﺵ ﻟﻴﻬﺎ ﻭ ﺷﻲ ﺣﺎﺟﺔ ﺧﻼﺗﻬﺎ ﺗﺤﺲ ﺃﻧﻬﺎ ﺗﻬﺪﻳﺪ ... ﺗﻤﺸﺎﺕ ﻏﺎﺩﺓ ﺟﻬﺔ ﻟﺒﺎﺏ ﻭ ﻫﻲ ﺗﺴﻤﻊ ﺻﻮﺕ ﺭﺋﺒﺎﻝ ﻗﺎﻝ ﺑﺎﻟﺠﻬﺪ ...
ﺭﺋﺒﺎﻝ : ﻣﺎﻟﻜﻲ ﻏﺎﺩﻳﺔ ﺣﻔﻴﺎﺍﺍﻧﺔ ؟؟
ﺟﻮﻻﻥ : " ﺿﺎﺭﺕ ﻋﻨﺪﻭ " ﻣﺎﻋﺮﻓﺘﺶ ﻓﻴﻦ ﺧﻠﻴﺖ ﺳﺒﺮﺩﻳﻠﺘﻲ
ﺳﻨﻤﺎﺭ : " ﻭﺍﻗﻒ ﻋﻨﺪ ﻟﺒﺎﺏ " ﻛﺎﻳﻨﺔ ﻟﺘﺤﺖ ... ﺧﻠﺘﻴﻬﺎ ﺣﺪﺍ ﺍﻟﺒﻴﺎﺹ ... ﻳﺎﻻﻩ ﻧﻬﺒﻄﻮ
ﺭﺋﺒﺎﻝ : ﺑﺎﻏﻴﻬﺎ ﺗﻨﺰﻝ ﺣﺘﺎﻝ ﻟﺘﺤﺖ ﺣﻔﻴﺎﻧﺔ
ﺳﻨﻤﺎﺭ : ﻭ ﺷﻨﻮ ﻧﺪﻳﺮ ... ﻣﻊ ﺍﻟﺘﻠﻔﺔ ﻃﻠﻌﺖ ﻛﻨﻘﻠﺐ ﻋﻠﻴﻬﺎ ﺑﻠﻤﺎ ﻧﻬﺰ ﺍﻟﺴﺒﺮﺩﻳﻠﺔ ... " ﻧﻌﺖ ﻟﻴﻪ ﺑﻌﻨﻴﻪ ﻟﺠﻬﺔ ﺟﻮﻻﻥ " ﻧﻬﺰﻫﺎ ؟
ﺭﺋﺒﺎﻝ : " ﺧﻨﺰﺭ ﻓﻴﻪ "
ﺳﻨﻤﺎﺭ : ﺻﺎﻓﻲ ﻏﺎﺩﻱ ﻧﻬﺒﻂ ﻧﺠﻴﺒﻬﺎ ﻟﻴﻬﺎ ... ﻏﺎ ﺑﻘﻰ ﻋﻠﻰ ﺧﺎﻃﺮﻙ ... ﺍﺟﻲ ﻣﻌﻴﺎ ﺍﺟﻮﻻﻥ
ﻣﻨﻴﻦ ﺧﺮﺟﻮ ﺟﺮﺍﺕ ﻣﺮﻳﻢ ﺍﻟﻜﺮﺳﻲ ﻭ ﺟﻠﺴﺎﺕ ﻋﻠﻰ ﻣﻘﺮﺑﺔ ﻣﻦ ﺭﺋﺒﺎﻝ ... ﺭﺟﻌﺎﺕ ﺍﺑﺘﺴﺎﻣﺘﻬﺎ ﺃﻋﺮﺽ ﻣﻨﻴﻦ ﺑﻘﺎﻭ ﻏﻴﺮ ﺑﺠﻮﺝ ... ﻭ ﺗﻤﻨﺎﺕ ﻓﺪﺍﺧﻠﻬﺎ ﻟﻮ ﺃﻧﻬﻢ ﻣﺎﻋﺮﻓﻮﺵ ﺷﻨﻮ ﻭﻗﻊ ﻟﻴﻪ ﻭ ﻻ ﻓﻴﻦ ﻛﺎﻳﻦ ﺑﻬﺎﺩ ﺍﻟﺴﺮﻋﺔ ... ﻛﺎﻧﺖ ﺑﻐﺎﺗﻮ ﻳﻔﻴﻖ ﻭ ﻳﻠﻘﺎﻫﺎ ﻫﻲ ﺟﻨﺒﻮ ... ﻗﺎﻃﻊ ﺗﻔﻜﻴﺮﻫﺎ ﺭﺋﺒﺎﻝ ...
ﺭﺋﺒﺎﻝ : ﺷﻨﻮ ﻛﻨﺘﻲ ﻛﺪﻳﺮﻱ ﻓﺎﻟﻌﻤﺎﺭﺓ ﻓﺪﺍﻙ ﺍﻟﻮﻗﺖ ؟
ﻣﺮﻳﻢ : " ﻓﺎﺟﺄﻫﺎ ﺑﺴﺆﺍﻟﻮ " ﺝ ﺟﻴﺖ ﻟﻌﻨﺪﻙ ﻧﺒﺎﺭﻙ ﻟﻴﻚ ﻗﺒﻞ ﻣﺎﺗﺴﺎﻓﺮ
ﺭﺋﺒﺎﻝ : ﻟﻘﻴﺘﻲ ﻟﺒﺎﺏ ﻣﺤﻠﻮﻝ ؟
ﻣﺮﻳﻢ : ﺁﻩ ﻛﺎﻥ ﻣﺤﻠﻮﻝ ... ﺍﺳﺘﻐﺮﺑﺖ ﻭ ﻓﺎﺵ ﺩﺧﻠﺖ ﻟﻘﻴﺘﻚ ﻓﺪﻳﻚ ﺍﻟﻮﺿﻌﻴﺔ ... ﺗﺨﻠﻌﺖ ﺑﺰﺍﻑ ... ﺷﻜﻮﻥ ﺿﺮﺑﻚ ﺍﺭﺋﺒﺎﻝ ؟
ﺭﺋﺒﺎﻝ : ﻣﺎﺷﻲ ﻫﺬﺍ ﻣﻮﺿﻮﻋﻨﺎ ... ﺍﻟﻄﺒﻴﺐ ﺍﻟﻲ ﺟﺮﺍ ﻟﻴﺎ ﺍﻟﻌﻤﻠﻴﺔ ﻭ ﺍﻟﻄﺎﻗﻢ ﺍﻟﻲ ﻛﺎﻧﻮ ﻣﻌﺎﻩ ... ﺑﻐﻴﺖ ﻧﺸﻮﻓﻬﻢ
ﻣﺮﻳﻢ : ﺍﻟﻄﺒﻴﺐ ﺻﺪﻳﻖ ﺩﻳﺎﻟﻲ ﻭ ﺭﺍﻩ ﻭﺻﻴﺘﻮ ﻣﺎﻳﻘﻮﻝ ﻭﺍﻟﻮ ... ﻏﻴﺮ ﻛﻦ ﻫﺎﻧﻲ
ﺭﺋﺒﺎﻝ : ﺣﺘﻰ ﺟﻮﻻﻥ ﻣﺎﺧﺼﻬﺎﺵ ﺗﻌﺮﻑ
ﻣﺮﻳﻢ : " ﺟﻤﻌﺎﺕ ﺍﺑﺘﺴﺎﻣﺘﻬﺎ " ﻋﺎﺭﻓﺔ ... ﻗﺎﻟﻬﺎ ﻟﻴﺎ ﺳﻨﻤﺎﺭ ... ﻣﺘﺤﺘﺎﺟﺶ ﺗﺬﻛﺮﻧﻲ
ﻓﺎﺵ ﺧﺮﺟﺎﺕ ﺟﻮﻻﻥ ﻣﻊ ﺳﻨﻤﺎﺭ ... ﺧﻼﻫﺎ ﻛﺘﺴﻨﺎﻩ ﻭ ﻫﺒﻂ ﻟﺘﺤﺖ ... ﭼﺎﻟﺴﺔ ﻓﺎﻟﻜﺮﺳﻲ ﺍﻟﻲ ﻓﺎﻟﻜﻮﻟﻮﺍﺭ ﻭ ﻋﻨﻴﻬﺎ ﻋﻠﻰ ﺍﻟﺒﺎﺏ ﺍﻟﻤﺴﺪﻭﺩ ... ﻛﺘﺴﺎﺀﻝ ﻋﻼﺵ ﺭﺋﺒﺎﻝ ﺑﺎﻏﻲ ﻳﻬﻀﺮ ﻣﻊ ﻣﺮﻳﻢ ﺑﻬﺎﺩ ﺍﻹﻟﺤﺎﺡ ... ﺷﻨﻮ ﻫﻮ ﻫﺎﺩ ﺍﻟﻤﻮﺿﻮﻉ ﺍﻟﻲ ﺧﺎﺹ ﻳﻬﻀﺮﻭ ﻓﻴﻪ ﻋﻠﻰ ﺍﻧﻔﺮﺍﺩ ... ﺑﺪﺍﺕ ﻛﺘﻠﻌﺐ ﺑﺮﺟﻠﻴﻬﺎ ﺍﻟﻲ ﻣﺪﻟﻴﻦ ...
ﻣﺮﺓ ﺗﺒﺘﺎﺳﻢ ﻷﻥ ﺭﺋﺒﺎﻝ ﺑﺨﻴﺮ ... ﻭ ﻣﺮﺓ ﺗﻐﻮﺑﺶ ﻣﻨﻴﻦ ﺗﻔﻜﺮ ﻣﺮﻳﻢ ﻣﻌﺎﻩ ﻓﺎﻟﻐﺮﻓﺔ ﻭ ﻋﻠﻢ ﺍﻟﻠﻪ ﻋﻼﺵ ﻛﻴﻬﻀﺮﻭ ... ﻭﻗﻒ ﻋﻠﻴﻬﺎ ﺳﻨﻤﺎﺭ ﺣﺎﺟﺐ ﻋﻠﻴﻬﺎ ﻟﺒﺎﺏ ﻭ ﻣﺪ ﻟﻴﻬﺎ ﺳﺒﺮﺩﻳﻠﺘﻬﺎ ... ﻫﺰﺍﺕ ﺭﺍﺳﻬﺎ ﺷﺎﻓﺖ ﻓﻴﻪ ﻟﻘﺎﺗﻮ ﻛﻴﻀﺤﻚ ...
ﺳﻨﻤﺎﺭ : ﻭﺍﺧﺔ ﺗﺨﺮﺟﻲ ﻋﻨﻴﻚ ﻛﺎﻣﻠﻴﻦ ... ﻣﻐﺎﺩﻱ ﻳﺒﺎﻥ ﻟﻴﻚ ﻭﺍﻟﻮ ... ﻟﻸﺳﻒ ﻟﺒﺎﺏ ﻣﺼﻨﻮﻉ ﻣﻦ ﺍﻟﺨﺸﺐ ﻣﺎﺷﻲ ﺍﻟﺰﺍﺝ
ﺟﻮﻻﻥ : ﺷﻜﻮﻥ ﻗﺎﻝ ﻟﻴﻚ ﺃﻧﺎ ﺑﺎﻏﺔ ﻧﺸﻮﻑ ... " ﺧﺪﺍﺕ ﻣﻦ ﻋﻨﺪﻭ ﺍﻟﺴﺒﺮﺩﻳﻠﺔ " ﻏﻨﻤﺸﻲ ﻟﻠﻄﻮﺍﻟﻴﺖ ﻧﻐﺴﻞ ﺭﺟﻠﻴﺎ ﻭ ﻧﺮﺟﻊ
ﺗﻮﺟﻬﺎﺕ ﺟﻮﻻﻥ ﻟﻠﻄﻮﺍﻟﻴﺖ ﻏﺴﻼﺕ ﺭﺟﻠﻴﻬﺎ ﻭ ﻟﺒﺴﺎﺕ ﺍﻟﺴﺒﺮﺩﻳﻠﺔ ... ﺗﻘﺎﺑﻼﺕ ﻣﻊ ﻟﻤﺮﺍﻳﺔ ﺷﺎﻓﺖ ﻓﺎﻧﻌﻜﺎﺳﻬﺎ ﻭ ﻫﻲ ﺗﺼﺪﻡ ... ﺷﻌﺮﻫﺎ ﺷﺎﺩ ﺍﻟﺮﻳﺰﻭﻳﺎﺕ ﻭ ﻭﺟﻬﺎ ﻓﻴﻪ ﻛﺪﻣﺔ ﺯﺭﻗﺔ ﺷﻮﻳﺔ ﻋﻨﺪ ﺧﺪﻫﺎ ... ﺣﻄﺎﺕ ﺻﺒﺎﻋﻬﺎ ﻋﻠﻰ ﺍﻟﻔﺎﺻﻤﺔ ﺍﻟﻲ ﻓﺠﺒﻬﺘﻬﺎ ﻭ ﻫﻲ ﺗﻜﻤﺶ ﺣﺠﺒﺎﻧﻬﺎ ...
ﺟﻮﻻﻥ : ﻋﻼﺵ ﻭﻗﺘﻤﺎ ﺗﻼﻗﻴﺖ ﻣﻌﻬﺎ ﻛﻨﻜﻮﻥ ﻻﺑﺴﺔ ﭘﻴﺠﺎﻣﺔ ﻭ ﺣﺎﻟﺘﻲ ﺣﺎﻟﺔ ... ﻭ ﻫﻲ ﻣﺄﻧﻘﺔ ﻟﺪﺭﺟﺔ ﺍﻟﻌﺼﺎﺏ ... ﺣﺘﻰ ﺷﻌﺮﻫﺎ ﻣﺼﻔﻒ ﻭ ﻛﻼ ﺯﻏﺒﺔ ﻓﺒﻼﺻﺘﻬﺎ ...
ﺍﻟﻴﻮﻡ ﻛﺎﻥ ﺧﺎﺹ ﻧﻜﻮﻧﻮ ﻓﺎﻟﻄﻴﺎﺭﺓ ﻏﺎﺩﻳﻴﻦ ﻟﺒﺮﻟﻴﻦ ﻧﺪﻭﺯﻭ ﺷﻬﺮ ﺍﻟﻌﺴﻞ . ﻭ ﺻﺪﻗﻨﺎ ﻓﺎﻟﺼﺒﻴﺘﺎﺭ ﺍﻧﺎ ﻭﻳﺎﻩ ... ﻋﻼﺵ ﺃﻧﺎ ﻣﻨﺤﻮﺳﺔ ﻟﻬﺎﺩ ﺍﻟﺪﺭﺟﺔ ... ﺇﻣﺘﻰ ﺗﻘﺎﺩﺍ ﺍﻟﺰﻫﺮ ﺩﻳﺎﻟﻲ ﻛﺎﻣﻠﻮ ﻭ ﻓﺎﺵ ﺧﺪﻣﺘﻮ !
ﺗﺤﺪﺭﺍﺕ ﺟﻮﻻﻥ ﻭ ﺣﻼﺕ ﺍﻟﺮﻭﺑﻴﻨﻲ ... ﻏﺴﻼﺕ ﻭﺟﻬﺎ ﻭ ﺟﻤﻌﺎﺕ ﺷﻌﺮﻫﺎ ﺫﻳﻞ ﺣﺼﺎﻥ ... ﺧﺮﺟﺎﺕ ﻭ ﺗﻤﺎﺕ ﺭﺍﺟﻌﺔ ﺣﺘﻰ ﺗﺰﺩﺣﺎﺕ ﻣﻊ ﺷﻲ ﺣﺪ ... ﺑﻌﺪﺍﺕ ﺧﻄﻮﺓ ﺍﻟﻠﻮﺭ ﻭ ﻫﺰﺍﺕ ﺭﺍﺳﻬﺎ ﻛﺘﺸﻮﻑ ﻓﺎﻟﺸﺨﺺ ﺍﻟﻲ ﻗﺪﺍﻣﻬﺎ ...
ﺟﻮﻻﻥ : " ﺷﺎﻓﺖ ﻓﺎﻟﺸﺨﺺ ﺫﻭ ﺍﻟﻘﺎﻣﺔ ﺍﻟﻄﻮﻳﻠﺔ ﻭ ﻛﺘﻔﻴﻦ ﻋﺮﺍﺽ ﻭ ﻗﺎﻟﺖ ﺑﺘﻮﺛﺮ " ﺳﻤﺤﻠﻴﺎ ﻣﺎﺷﻔﺘﻜﺶ
.......... : " ﺍﺑﺘﺎﺳﻢ ﺑﺠﻨﺐ " ﻣﺎﺷﻲ ﻣﺸﻜﻴﻞ ... ﻏﻴﺮ ﻣﺘﺒﻘﺎﻳﺶ ﺗﻔﺮﻃﻲ ﻓﻨﻈﺎﻇﺮﻙ
ﺩﺍﺯ ﻣﻦ ﺟﻨﺒﻬﺎ ﻣﺒﻌﺪ ﻭ ﺟﻮﻻﻥ ﺣﺘﻰ ﻫﻲ ﻛﻤﻼﺕ ﻋﻠﻰ ﻃﺮﻳﻘﻬﺎ ... ﺣﺘﻰ ﻭﻗﻔﺎﺕ ﻓﺠﺄﺓ ﻛﺘﻔﻜﺮ ﻓﺂﺧﺮ ﺣﺎﺟﺔ ﻗﺎﻝ ... ﻛﻴﻔﺎﺵ ﺣﺘﻰ ﻋﺮﻓﻬﺎ ﺩﺍﻳﺮﺓ ﺍﻟﻨﻈﺎﺭﺍﺕ ... ﻭ ﻻ ﻳﻤﻜﻦ ﺍﺳﺘﻨﺘﺞ ﺃﻧﻬﺎ ﻋﻮﺭﺓ ﺣﻴﻨﺖ ﺧﺮﺟﺎﺕ ﻓﻴﻪ ... ﺃﻛﻴﺪ ﻫﺬﺍ ﻫﻮ ﺍﻟﺴﺒﺐ ...
ﻗﺮﺑﺎﺕ ﻟﻠﻐﺮﻓﺔ ﻭ ﻫﻤﺎ ﻳﺒﺎﻧﻮ ﻟﻴﻬﺎ ﻟﺒﻨﺎﺕ ﻭ ﺍﻟﻴﺎﺱ ﻭﺍﻗﻔﻴﻦ ﻣﻊ ﺳﻨﻤﺎﺭ ... ﻭ ﺟﻨﺒﻬﻢ ﻣﺮﻳﻢ ... ﻣﺸﺎﺕ ﺑﺴﺮﻋﺔ ﻭ ﺍﻟﺨﻮﻑ ﻓﻌﻨﻴﻬﺎ ... ﺑﺪﺍﺕ ﻛﺘﺴﻮﻝ ﻭ ﻣﺨﻠﻮﻋﺔ ﻋﻠﻰ ﺭﺋﺒﺎﻝ ... ﺣﺘﻰ ﻗﺎﻟﻮ ﻟﻴﻬﺎ ﺑﻠﻲ ﺍﻟﻄﺒﻴﺐ ﻋﻨﺪﻭ ﻟﺪﺍﺧﻞ ﻏﻴﺮ ﺑﺎﺵ ﻳﻔﺤﺼﻮ ... ﺑﻌﺪ ﻣﺪﺓ ﻗﺼﻴﺮﺓ ﺧﺮﺝ ﺍﻟﻄﺒﻴﺐ ﻭ ﻫﻤﺎ ﻳﺪﺧﻠﻮ ﻋﻨﺪﻭ ﻛﺎﻣﻠﻴﻦ ...
ﭼﻠﺴﻮ ﻣﻌﺎﻩ ﺷﺤﺎﻝ ﻋﺎﺩ ﻏﺎﺩﺭ ﺳﻨﻤﺎﺭ ﻭ ﺳﻤﻴﺔ ﺣﻴﻨﺖ ﺧﻼﻭ ﻭﻟﺪﻫﻢ ... ﻭ ﺑﻌﺪﻫﺎ ﻏﺎﺩﺭﻭ ﺇﻟﻴﺎﺱ ﻭ ﺯﻳﻨﺐ ... ﻛﺎﻧﺖ ﺟﻮﻻﻥ ﭼﺎﻟﺴﺔ ﻓﻮﻕ ﺍﻟﺒﻴﺎﺹ ﺟﻨﺐ ﺭﺋﺒﺎﻝ ﻭ ﻣﺮﻳﻢ ﺟﺎﻟﺴﺔ ﻓﺎﻟﻔﻮﻃﻮﻱ ﻣﻘﺎﺑﻠﺔ ﻣﻌﺎﻫﻢ ... ﺩﺍﻳﺮﺓ ﺭﺟﻞ ﻋﻠﻰ ﺭﺟﻞ ﻭ ﻣﺠﻤﻌﺔ ﻣﻊ ﺭﺋﺒﺎﻝ ...
ﺿﻐﻄﺎﺕ ﺟﻮﻻﻥ ﺑﺼﺒﺎﻋﻬﺎ ﻋﻠﻰ ﺟﺒﻬﺘﻬﺎ ... ﺭﺋﺒﺎﻝ ﺍﻧﺘﺎﺑﻪ ﻟﻴﻬﺎ ﻭ ﺷﺎﻑ ﻓﻮﺟﻬﺎ ﺍﻟﻲ ﻛﺎﻥ ﺑﺎﻳﻦ ﻣﻨﻮ ﺃﻧﻬﺎ ﻣﺘﻌﺒﺔ ...
ﺭﺋﺒﺎﻝ : ﻭﺍﺵ ﻋﻴﺎﻧﺔ ... ﻋﻼﺵ ﻣﺎﻣﺸﺘﻴﺶ ﻣﻌﺎﻫﻢ ﺗﺮﺗﺎﺣﻲ ؟
ﺟﻮﻻﻥ : ﺁﺍ ... ﻻ ﻣﺎﻋﻴﺎﻧﺔ ﻭﺍﻟﻮ " ﺑﺤﺰﻥ " ﻭ ﻭﺍﺵ ﺑﻐﺘﻴﻨﻲ ﻧﻤﺸﻲ ؟
ﺭﺋﺒﺎﻝ : " ﺍﺑﺘﺎﺳﻢ ﻋﻠﻰ ﺗﻌﺎﺑﻴﺮ ﻭﺟﻬﺎ " ﺑﻐﻴﺘﻚ ﺗﺮﺗﺎﺣﻲ
ﺟﻮﻻﻥ : ﺃﻧﺎ ﻣﺮﺗﺎﺣﺔ ﻫﻨﺎ