🍂 ﺑﻌﺪ ﻣﺮﻭﺭ ﺷﻬﺮ ...
ﺗﺴﻤﻊ ﺍﻟﺪﻗﺎﻥ ﻓﺎﻟﻤﻜﺘﺐ ... ﺗﺤﻞ ﻟﺒﺎﺏ ﻭ ﺩﺧﻞ ﺳﻨﻤﺎﺭ ... ﭼﻠﺲ ﻓﺎﻟﻜﺮﺳﻲ ﻭ ﺷﺎﻑ ﻓﺮﺋﺒﺎﻝ ...
ﺳﻨﻤﺎﺭ : ﺭﺋﺒﺎﺍﺍﻝ ... ﻭﺍﺵ ﻫﺎﺩﻭﻙ ﺷﻴﺒﺎﺕ ﺍﻟﻲ ﻓﺮﺍﺳﻚ ﻭ ﻻ ﻏﺎ ﺑﺎﻥ ﻟﻴﺎ
ﺭﺋﺒﺎﻝ : " ﻫﺰ ﺭﺍﺳﻮ ﺷﺎﻑ ﻓﻴﻪ " ﻣﺎﻋﻨﺪﻙ ﺧﺪﻣﺔ ؟
ﺳﻨﻤﺎﺭ : ﻻ ﺳﺎﻟﻴﺖ ﻭ ﻏﺎﺩﻱ ﻟﻠﺪﺍﺭ ... ﺩﺯﺕ ﻏﺎ ﺑﺎﺵ ﻧﻘﻮﻝ ﻟﻴﻚ ﺭﺍﻩ ﺑﺪﺍ ﻳﻄﻠﻊ ﻟﻴﻚ ﺷﻌﺮ ﺭﻣﺎﺩﻱ ... ﻭ ﻻﺑﻐﻴﺘﻲ ﻧﺼﺤﻚ ﺑﺸﻲ ﺻﺒﺎﻏﺔ ﻣﺰﻳﺎﻧﺔ ﻣﺮﺣﺒﺎ
ﺭﺋﺒﺎﻝ : ﻧﻮﺽ ﺳﻴﺮ ﻟﺪﺍﺭﻙ
ﺳﻨﻤﺎﺭ : ﻫﺎﻫﻮ ﻏﺎﺩﻱ ... ﺍﻟﻴﻮﻡ ﻋﻴﺪ ﻣﻴﻼﺩﻙ ﻭ ﻣﺎﻳﻤﻜﻨﺶ ﻣﺎﺗﺴﻤﻌﺶ ﻧﻔﺲ ﺍﻟﻨﻜﺘﺔ ﻛﻴﻒ ﻛﻞ ﻋﺎﻡ ... ﻏﻴﺮ ﻫﻮ ﺑﺎﻟﺼﺢ ﻃﻠﻊ ﻟﻴﻚ ﺍﻟﺸﻴﺐ ﻓﺸﻌﺮﻙ ﻫﻬﻪ
ﺭﺋﺒﺎﻝ : " ﺗﻜﻰ ﻋﻠﻰ ﻇﻬﺮ ﺍﻟﻜﺮﺳﻲ " ﺳﺎﻟﻴﺘﻲ
ﺳﻨﻤﺎﺭ : ﻻ ﻣﺰﺍﻝ ... ﺟﻴﺖ ﻧﻬﻨﺄﻙ ﻭ ﻧﺴﻮﻟﻚ ﻋﻠﻰ ﺩﺍﻙ ﺧﻮﻧﺎ ... ﻟﺒﺎﺭﺡ ﺗﺤﻜﻢ ﻋﻠﻴﻪ ﻳﺎﻙ ... ﻏﺮﻗﺘﻮﻫﺎ ﻟﻴﻪ ﻧﺘﺎ ﻭ ﺩﻭﻙ ﺍﻟﻈﺒﺎﻁ ﺍﻟﻲ ﻭﻟﻴﺘﻲ ﺗﺴﻜﻊ ﻣﻌﺎﻫﻢ ﻓﻬﺎﺩ ﺍﻷﻭﺍﺧﺮ
ﺭﺋﺒﺎﻝ : ﻛﻨﺘﺴﻜﻊ ﻣﻌﺎﻫﻢ !
ﺳﻨﻤﺎﺭ : ﺁﺍﻩ ... ﻋﻠﻰ ﻣﺒﺎﻥ ﻟﻴﺎ ﺭﺟﻌﺘﻮ ﺻﺤﺎﺍﺍﺏ ... ﺍﻟﻠﻬﻢ ﺑﺎﺭﻙ
ﺭﺋﺒﺎﻝ : " ﺍﺑﺘﺎﺳﻢ " ﻏﺮﺗﻲ !!!
ﺳﻨﻤﺎﺭ : " ﺿﺤﻚ ﺑﺼﻮﺕ ﻋﺎﻟﻲ " ﻻ ﻻ ﻏﺎ ﻗﻠﺖ ... ﺍﻳﻪ ﻭ ﺩﻳﻚ ﺧﻴﺘﻨﺎ ﺍﻟﻲ ﻓﺎﻟﺤﺒﺲ ﺍﻟﻲ ﻭﺍﻋﺪﺗﻴﻬﺎ ﺑﺎﻟﺰﻭﺍﺝ ... ﺁﺵ ﻏﺎﺩﻳﺮ ﻣﻌﻬﺎ
ﺭﺋﺒﺎﻝ : ﺍﻟﺰﻭﺍﺝ ... ﻣﻦ ﻧﻴﺘﻚ ... ﺍﺭﺗﺎﻛﺒﺎﺕ ﺧﻄﺄ ﺁﺧﺮ ﻓﺎﺵ ﻗﺎﻟﺖ ﻛﺘﻌﺮﻓﻨﻲ ﻣﺰﻳﺎﻥ ... ﻣﺎﻭﺍﻋﺪﺗﻬﺎ ﻻ ﻧﺨﺮﺟﻬﺎ ﻭ ﻻ ﻧﺘﺰﻭﺝ ﺑﻴﻬﺎ ... ﻓﻘﻂ ﻗﻠﺖ ﻟﻴﻬﺎ ﻏﻨﻮﻛﻞ ﻟﻴﻚ ﻣﺤﺎﻣﻲ ﻳﻤﻜﻦ ﻳﺮﺑﺢ ﻗﻀﻴﺘﻬﺎ ﺍﻭ ﻻ
ﺳﻨﻤﺎﺭ : ﻧﺎﺭﻱ ﻋﻠﻴﻚ ﻧﺘﺎﺍ ... ﺗﻠﻘﺎﻫﺎ ﺩﺍﺑﺔ ﻛﻀﺮﺏ ﺭﺍﺳﻬﺎ ﻣﻊ ﺍﻟﺤﻴﻮﻁ " ﻭﻗﻒ " ﺳﻠﻢ ﻟﻴﺎ ﻋﻠﻰ ﺟﻮﻻﻥ ﻭ ﺑﺎﻟﺼﺤﺔ ﺍﻟﻜﺎﺩﻭ " ﻏﺎﺩﻱ ﺧﺎﺭﺝ " ﻭ ﺭﺍﻙ ﻛﺒﺮﺗﻲ ... ﺳﺮﺑﻲ ﺩﻏﻴﺎ ﺟﻴﺐ ﺍﻟﻲ ﻳﻬﺰ ﻋﻠﻴﻚ ﺍﻟﺤﻤﻞ ﻫﻬﻪ
ﺑﻌﺪ ﺧﺮﻭﺝ ﺳﻨﻤﺎﺭ ﻛﻤﻞ ﺭﺋﺒﺎﻝ ﺩﺍﻛﺸﻲ ﺍﻟﻲ ﺑﻴﻦ ﻳﺪﻳﻪ ﺑﺴﺮﻋﺔ ﻭ ﻧﺎﺽ ... ﻫﺰ ﻟﭭﻴﺴﺖ ﺩﻳﺎﻟﻮ ﻭ ﺧﺮﺝ ... ﻭ ﻫﻮ ﻣﺘﺎﺟﻪ ﻟﺴﻴﺎﺭﺗﻮ ﺑﺎﻥ ﻟﻴﻪ ﺇﻟﻴﺎﺱ ﺧﺎﺭﺝ ... ﻗﺮﺏ ﻋﻨﺪﻭ ﺇﻟﻴﺎﺱ ﻛﻴﻔﺮﻧﺲ ﻭ ﻋﻨﻘﻮ ...
ﺇﻟﻴﺎﺱ : ﺷﺮﻓﺘﻲ ﺷﺮﻓﺘﻲ ﻫﻬﻬﻪ
ﺭﺋﺒﺎﻝ : ﺳﺒﻘﻚ ﺳﻨﻤﺎﺭ
ﺇﻟﻴﺎﺱ : ﻭﻟﺪ ﺍﻟﻠﺪﻳﻨﺔ ... ﻟﻤﻬﻢ ﺍﻧﺘﺎﺑﻪ ﻟﺼﺤﺘﻚ ﻭ ﻛﺘﺮ ﻣﻦ ﺍﻻﻛﻞ ﺍﻟﺼﺤﻲ ﺑﺎﺵ ﺍﻟﻤﻮﻃﻮﺭ ﻳﺒﻘﻰ ﻫﻮ ﻫﺪﺍﻙ ... ﻭ ﺗﻘﺪﺭ ﺗﺠﻴﺐ ﺗﺮﻳﻜﺔ ﺗﻮﺭﺙ ﻫﺎﺩ ﺍﻟﺨﻴﺮ ﺗﺒﺎﺭﻙ ﺍﻟﻠﻪ
ﺭﺋﺒﺎﻝ : " ﺣﻞ ﺑﺎﺏ ﺍﻟﻠﻮﻃﻮ " ﺍﻟﻤﻮﻃﻮﺭ ﻧﺎﻳﺾ ﻭ ﺩﻳﻤﺎ ﺧﺪﺍﻡ ... ﻧﺘﺎ ﺍﻟﻲ ﻭﺍﺵ ﻏﻤﻠﺘﻲ ﻭ ﻻ ﺑﺎﻗﻲ
ﺇﻟﻴﺎﺱ : ﻣﺘﻌﺮﻓﺶ ﺗﻀﺤﻚ ﺑﻠﻤﺎ ﺗﻘﺴﺢ ﻟﻮﺍﺣﺪ ... ﻋﺎﺭﻑ ﻃﺤﺖ ﻓﻤﻌﻜﻴﺴﺔ ﻭ ﻭﻟﻴﺖ ﻧﻄﻠﺐ ﻣﻌﻬﺎ ﺍﻟﺴﻼﻣﺔ
ﺭﺋﺒﺎﻝ : ﺣﺎﻭﻝ ﺗﺤﺪﺩ ﻣﻮﻋﺪ ﻟﻠﺰﻭﺍﺝ ﻗﺒﻞ ﻣﺎﻳﺪﺧﻞ ﻋﺎﺻﻢ ﻟﻤﺪﺭﺳﺔ
ﻃﻠﻊ ﺭﺋﺒﺎﻝ ﻟﺴﻴﺎﺭﺗﻮ ﻭ ﺯﺍﺩ ﻣﻜﺴﻴﺮﻱ ... ﺧﻠﻰ ﺇﻟﻴﺎﺱ ﻛﻴﺴﺐ ﻭ ﻳﻌﺎﻭﺩ ... ﻣﻮﺍﻟﻒ ﻓﻜﻞ ﺳﻨﺔ ﻳﺸﺪﻭ ﻓﻴﻪ ﺍﻟﺪﺭﺍﺭﻱ ﻧﻬﺎﺭ ﻋﻴﺪ ﻣﻴﻼﺩﻭ ﺣﻴﻨﺖ ﻣﺎﻧﻊ ﻳﺤﺘﺎﻓﻞ ﺑﻴﻪ ... ﺗﻮﺟﻪ ﻟﻠﺪﺍﺭ ﻭ ﺑﻄﺎ ﻋﻠﻴﻪ ﻏﻴﺮ ﺍﻣﺘﻰ ﻳﺸﻮﻓﻬﺎ ﻭ ﻳﻌﻨﻘﻬﺎ ... ﺩﺧﻞ ﻟﻠﺸﻘﺔ ﻭ ﺳﻤﻊ ﺻﻮﺕ ﺿﺤﻜﻬﺎ ﻣﻦ ﻟﺒﺎﺏ ...
ﻗﺮﺏ ﻭ ﻫﻲ ﺗﺒﺎﻥ ﻟﻴﻪ ﺟﺎﻟﺴﺔ ﻭﺳﻄﻬﻢ ... ﻫﺎﺯﺓ ﺇﻧﺎﺀ ﻛﺒﻴﺮ ﻓﻴﻪ ﺍﻟﭙﺎﭘﻜﻮﺭﻥ ﻭ ﻛﺘﻔﺮﺝ ﻓﻔﻴﻠﻢ ﺩﻳﺎﻝ ﺍﻻﻧﻴﻢ ... ﺍﻧﻈﻢ ﻟﻴﻬﻢ ﺭﺋﺒﺎﻝ ﻭ ﺑﻌﺪﻣﺎ ﺗﻌﺸﺎﻭ ﻧﺎﺽ ﻟﻐﺮﻓﺘﻮ ... ﺑﺪﻝ ﺣﻮﺍﻳﺠﻮ ﻟﺒﺲ ﺳﺮﻭﺍﻝ ﺳﺒﻮﺭ ﺃﺳﻮﺩ ﻭ ﭘﻴﻞ ﮔﺮﻱ ... ﻛﺎﻥ ﺧﺎﺭﺝ ﻣﻦ ﺍﻟﺪﺭﻳﺴﻴﻨﻎ ﻭ ﻫﻲ ﺗﺒﺎﻥ ﻟﻴﻪ ﻭﺍﻗﻔﺔ ﻋﻨﺪ ﻟﺒﺎﺏ ﻭ ﺩﺍﻳﺮﺓ ﻳﺪﻫﺎ ﻭﺭﺍ ﻇﻬﺮﻫﺎ ...
ﻣﺪﺍﺕ ﻳﺪﻫﺎ ﻻﺧﺮﻯ ﻭ ﻃﻔﺎﺕ ﺍﻟﻀﻮﺀ ... ﺑﻘﻰ ﻏﻴﺮ ﻓﺎﻳﻮﺯ ﺍﻟﻲ ﺟﻨﺐ ﺍﻟﺴﺮﻳﺮ ﺷﺎﻋﻞ ... ﻗﺮﺑﺎﺕ ﺑﺨﻄﻮﺍﺕ ﺑﻄﻴﺌﺔ ﻓﺎﺗﺠﺎﻫﻮ ... ﻭﻗﻔﺎﺕ ﻣﻘﺎﺑﻠﺔ ﻣﻌﺎﻩ ﻣﺒﺘﺎﺳﻤﺔ ﺍﺑﺘﺴﺎﻣﺔ ﺭﻗﻴﻘﺔ ﻭ ﺧﺪﻭﺩﻫﺎ ﻣﻮﺭﺩﻳﻦ ... ﺷﺎﻑ ﻓﻴﺪﻫﺎ ﺍﻟﻲ ﻣﺮﺟﻌﺔ ﺍﻟﻠﻮﺭ ﻭ ﻗﺎﻝ ...
ﺭﺋﺒﺎﻝ : ﻋﻨﺪﺍﻙ ﺗﺤﺮﻗﻲ ﻳﺪﻙ
ﺟﻮﻻﻥ : " ﻃﺮﻃﻘﺎﺕ ﻓﻴﻪ ﻋﻨﻴﻬﺎ " ﺑﺎﺵ ﻋﺮﻓﺘﻲ
ﺭﺋﺒﺎﻝ : ﻣﻦ ﺍﻟﻀﻮ ﺩﻳﺎﻝ ﺍﻟﺸﻤﻌﺔ ﻭ ﺍﻟﺨﻴﺎﻝ ﻓﺎﻟﺤﻴﻂ
ﺟﻮﻻﻥ : " ﺟﻤﻌﺎﺕ ﺷﻔﺎﻳﻔﻬﺎ " ﺣﺘﻰ ﺣﺎﺟﺔ ﻣﻜﺘﺰﮔﻠﻬﺎ
ﺣﻴﺪﺍﺕ ﻳﺪﻫﺎ ﻣﻦ ﻭﺭﺍ ﻇﻬﺮﻫﺎ ... ﻛﺎﻧﺖ ﻫﺎﺯﺓ ﻓﻴﻬﺎ ﻣﺎﻓﻴﻦ ﺑﺎﻟﻜﺮﻳﻤﺔ ﻭ ﻓﻮﻗﻬﺎ ﺷﻤﻌﺔ ﺻﻐﻴﺮﺓ ... ﻣﺪﺍﺗﻬﺎ ﻟﻴﻪ ﺣﺎﻧﻴﺔ ﺭﺍﺳﻬﺎ ﻭ ﻗﺎﻟﺖ ...
ﺟﻮﻻﻥ : Happy Birthday
ﺷﺪ ﻣﻦ ﻋﻨﺪﻫﺎ ﺍﻟﻤﺎﻓﻦ ﺣﻄﻬﺎ ﻓﻮﻕ ﺍﻟﻄﺒﻠﺔ ﻭ ﺟﺮﻫﺎ ﻣﻦ ﺧﺼﺮﻫﺎ ... ﻫﺰ ﻟﻴﻬﺎ ﻭﺟﻬﺎ ﻟﻌﻨﺪﻭ ﻭ ﻗﺎﻝ ...
ﺭﺋﺒﺎﻝ : ﻋﻼﺵ ﺣﺒﻴﺒﺘﻲ ﻣﻘﻠﻘﺔ
ﺟﻮﻻﻥ : " ﺷﺎﻓﺖ ﻓﻴﻪ ﻭ ﺍﺑﺘﺎﺳﻤﺎﺕ " ﺣﺒﻴﺒﺘﻚ ... ﺃﻧﺎ !
ﺭﺋﺒﺎﻝ : " ﻛﻴﺪﺍﻋﺐ ﺧﺪﻫﺎ ﺑﺼﺒﻌﻮ " ﻭ ﺷﻜﻮﻥ
ﺟﻮﻻﻥ : ﺣﻴﻨﺖ ﻣﺎﻣﻮﺍﻟﻔﺶ ﺗﻘﻮﻝ ﻟﻴﺎ ﺑﺤﺎﻝ ﻫﺎﻛﺔ ... ﺩﺍﻛﺸﻲ ﻋﻼﺵ ... ﺧﺎﺻﻚ ﻃﻔﻲ ﺍﻟﺸﻤﻌﺔ ﻭ ﺗﺎﻛﻞ ﻟﻤﺎﻓﻦ ... ﺃﻧﺎ ﺍﻟﻲ ﻗﺪﻳﺘﻬﺎ ﺑﻴﺪﻱ
ﻫﺰ ﻟﻤﺎﻓﻦ ﻃﻔﺎ ﺍﻟﺸﻤﻌﺔ ﻭ ﺣﻴﺪﻫﺎ ... ﻗﺮﺏ ﺟﻮﻻﻥ ﻟﻌﻨﺪﻭ ﻭ ﻟﺼﻖ ﻟﻤﺎﻓﻦ ﻣﻊ ﻓﻤﻬﺎ ﺣﺘﻰ ﺗﺠﻠﺨﺎﺕ ﻋﻠﻴﻬﺎ ﻟﻜﺮﻳﻤﺔ ...
ﺟﻮﻻﻥ : " ﻏﻮﺑﺸﺎﺕ " ﺁﺵ ﺩﺭﺗﻲ ... ﻗﻠﺖ ﻟﻴﻚ ﺫﻭﻗﻬﺎ ﻣﺎﺷﻲ ﺧﺸﻴﻬﺎ ﻟﻴﺎ ﻓﻮﺟﻬﻲ
ﺭﺋﺒﺎﻝ : ﻭ ﻫﺎﻧﻲ ﻏﻨﺬﻭﻗﻬﺎ
ﺣﻂ ﻳﺪﻭ ﻋﻠﻰ ﻋﻨﻘﻬﺎ ﻭ ﺟﺮﻫﺎ ﻟﻌﻨﺪﻭ ... ﻃﺎﺡ ﻋﻠﻰ ﻓﻤﻬﺎ ﺍﻟﻲ ﻋﺎﻣﺮ ﻛﺮﻳﻢ ... ﻭ ﻓﺮﻍ ﻟﻬﻔﺘﻮ ﻋﻠﻴﻬﺎ ﻣﻨﻲ ﻳﺎﻻﻩ ﺩﺧﻞ ﻭ ﺷﺎﻓﻬﺎ ﺟﺎﻟﺴﺔ ﻭﺳﻂ ﻋﺎﺋﻠﺘﻮ ... ﻗﺒﻠﻬﺎ ﺑﻘﻮﺓ ﻭ ﻣﺎﺑﻌﺪ ﺣﺘﻰ ﺑﺪﺍﺕ ﺿﺮﺏ ﻟﻴﻪ ﻓﺼﺪﺭﻭ ... ﺣﻞ ﻋﻨﻴﻪ ﻭ ﺷﺎﻑ ﻓﺸﻔﺎﻳﻔﻬﺎ ﺍﻟﻲ ﺭﺟﻌﻮ ﺣﻤﺮﻳﻴﻴﻦ ﻭ ﺗﻨﻬﺪ ﺑﺼﻮﺕ ﻣﺴﻤﻮﻉ ...
ﺟﻮﻻﻥ : ﻛﻨﺖ ﻏﻨﺘﺨﻨﻖ ... ﻣﺎﻟﻚ ﻣﺠﻌﻮﻭﻭﺭ
ﺭﺋﺒﺎﻝ : ﻗﻠﺘﻲ ﻟﻴﺎ ﺫﻭﻕ
ﺟﻮﻻﻥ : ﻧﺪﻣﺘﻴﻨﻲ ... ﺁﺧﺮ ﻣﺮﺓ ﻧﻌﺎﻭﺩﻫﺎ
ﺭﺋﺒﺎﻝ : ﻣﻨﻴﻦ ﻏﺘﻜﻮﻥ ﺁﺧﺮ ﻣﺮﺓ ﺧﻠﻴﻨﻲ ﻧﺮﺟﻊ ﻧﺬﻭﻗﻬﺎ ﻣﺮﺓ ﺃﺧﺮﻯ
ﺭﺟﻊ ﺑﺎﻏﻲ ﻳﺒﻮﺳﻬﺎ ﻭ ﻫﻲ ﺗﺤﺒﺴﻮ ...
ﺟﻮﻻﻥ : ﻻ ﺑﻼﺗﻲ ... ﺧﺎﺹ ﻧﻌﻄﻴﻚ ﺍﻟﻜﺎﺩﻭ ﺩﻳﺎﻟﻚ
ﺭﺋﺒﺎﻝ : ﻛﺎﺩﻭ ﻭﺍﺣﺪ ﺍﻟﻲ ﺑﻐﻴﺖ ﻫﻮ " ﺷﺎﻑ ﻓﻴﻬﺎ ﺑﺎﺑﺘﺴﺎﻣﺔ ﺟﺎﻧﺒﻴﺔ " ﺭﺍﻙ ﻋﺎﺭﻓﺔ
ﺟﻮﻻﻥ : " ﺣﻴﺪﺍﺕ ﻳﺪﻳﻪ ﻣﻦ ﻋﻠﻰ ﺧﺼﺮﻫﺎ " ﻫﺬﺍ ﻏﺎﺩﻱ ﻳﻌﺠﺒﻚ ﺃﻛﻴﺪ
ﻣﺸﺎﺕ ﻓﺎﺗﺠﺎﻩ ﺍﻟﻤﺠﺮ ﺣﻼﺗﻮ ﻭ ﺟﺒﺪﺍﺕ ﺑﻮﻛﺲ ﻣﻐﻠﻔﺔ ... ﺭﺟﻌﺎﺕ ﻋﻨﺪ ﺭﺋﺒﺎﻝ ﻭ ﻣﺪﺍﺗﻬﺎ ﻟﻴﻪ ...
ﺟﻮﻻﻥ : ﻓﺘﺤﻮ
ﺷﺪ ﺭﺋﺒﺎﻝ ﺍﻟﺒﻮﻛﺲ ﺣﻴﺪ ﺍﻟﻐﻼﻑ ... ﺗﻔﺎﺟﺄ ﻓﺎﺵ ﻟﻘﺎﻩ ﻛﺘﺎﺏ ... ﻗﻠﺒﻮ ﻭ ﻗﺮﺍ ﺍﻟﻌﻨﻮﺍﻥ ... ﻫﺒﻂ ﻋﻨﻴﻪ ﻟﺘﺤﺖ ﻭ ﻫﻮ ﻳﺒﺎﻥ ﻟﻴﻪ ﺇﺳﻢ Judy R.J ... ﻫﺰ ﺭﺍﺳﻮ ﻭ ﺷﺎﻑ ﻓﺠﻮﻻﻥ ...
ﺟﻮﻻﻥ : ﻫﺎﺩﻱ ﺭﻭﺍﻳﺘﻲ ﺍﻟﺜﺎﻧﻴﺔ ... ﺑﺪﻳﺖ ﻛﺘﺎﺑﺘﻬﺎ ﺷﺤﺎﻝ ﻫﺬﺍ ﻓﺎﺵ ﻛﻨﺎ ﻣﻔﺎﺭﻗﻴﻦ ... ﻭ ﺳﻨﻤﺎﺭ ﺳﺎﻋﺪﻧﻲ ﺑﺰﺍﻑ ﺑﺎﺵ ﻧﻄﺒﻌﻬﺎ ... ﻫﺎﺩﻱ ﺃﻭﻝ ﻧﺴﺨﺔ ﻣﻨﻮ ... ﻗﺮﺭﺕ ﻧﺸﺮﻫﺎ ﺗﺤﺖ ﺍﻹﺳﻢ ﺍﻟﻲ ﻋﻄﺘﻴﻨﻲ ﻣﻊ ﺍﻭﻝ ﺣﺮﻓﻴﻦ ﻣﻦ ﺇﺳﻤﻚ ﻭ ﺇﺳﻤﻲ
ﺭﺋﺒﺎﻝ : " ﻗﺮﺏ ﻋﻨﺪﻫﺎ ﻭ ﻃﺒﻊ ﻗﺒﻠﺔ ﻋﻠﻰ ﺟﺒﻬﺘﻬﺎ " ﻓﺨﻮﺭ ﺑﻴﻚ
ﺟﻮﻻﻥ : " ﺍﺑﺘﺎﺳﻤﺎﺕ " ﺣﻞ ﺍﻟﻜﺘﺎﺏ ﺍﻟﺼﻔﺤﺔ ﺍﻟﺜﺎﻧﻴﺔ ﻓﻴﻬﺎ ﺇﻫﺪﺍﺀ ﻟﺸﺨﺺ ﻣﻤﻴﺰ ﻓﺤﻴﺎﺗﻲ
ﺷﺎﻑ ﻓﻴﻬﺎ ﻭ ﻋﻨﻴﻪ ﻣﺒﺘﺎﺳﻤﻴﻦ ﺑﻔﺮﺣﺔ ... ﺣﻀﻨﻬﺎ ﻣﻦ ﺍﻟﺨﻠﻒ ﻭ ﺣﻞ ﺍﻟﻜﺘﺎﺏ ﻓﻴﻦ ﻗﺎﻟﺖ ﻟﻴﻪ ... ﻗﺮﺍ ﺍﻹﻫﺪﺍﺀ ﺑﺼﻮﺕ ﻫﺎﻣﺲ ﺣﺘﻰ ﻭﺻﻞ ﻵﺧﺮ ﺟﻤﻠﺔ ﻭ ﻫﻮ ﻳﺘﻮﻗﻒ ... ﻛﻤﻼﺕ ﺟﻮﻻﻥ ﻭ ﻫﻲ ﻛﺘﻘﺮﺍ ﻓﺎﻟﻜﻠﻤﺎﺕ ﺍﻟﻲ ﻛﺘﺒﺎﺕ ﻣﻦ ﻗﻠﺒﻬﺎ ...
ﺟﻮﻻﻥ : ''' ﺃﺣﺒﻚَ ﺑﻜﻞ ﻣﺎ ﺍﻧﺖَ ﻋﻠﻴﻪ .. ﻭ ﺑﻜﻞ ﻣﺎ ﺍﻧﺎ ﻋﻠﻴﻪ '''
ﺿﻮﺭﺍﺕ ﻭﺟﻬﺎ ﻟﻌﻨﺪﻭ ﻭ ﺷﺎﻓﺖ ﻓﻌﻨﻴﻪ ﺍﻟﻲ ﻫﺎﻳﻤﻴﻦ ﻓﻴﻬﺎ ... ﺧﺪﺍﺕ ﺍﻟﻜﺘﺎﺏ ﻣﻦ ﻳﺪﻭ ﺣﻄﺎﺗﻮ ﻓﻮﻕ ﺍﻟﻄﺒﻠﺔ ﻭ ﺟﺮﺍﺗﻮ ﻣﻌﻬﺎ ﺣﺘﻰ ﻭﻗﻔﻮ ﻗﺪﺍﻡ ﺍﻟﻤﺮﺍﻳﺎ ... ﻛﺎﻥ ﻭﺍﻗﻒ ﺧﻠﻔﻬﺎ ﻭ ﻫﻲ ﺷﺎﺩﺓ ﻳﺪﻳﻪ ...
ﺟﻮﻻﻥ : ﻛﻨﺖ ﻧﺎﻭﻳﺔ ﻧﻌﻄﻴﻚ ﻫﺪﻳﺔ ﻭﺣﺪﺓ ... ﻭ ﻟﻜﻦ ﺟﺎﺕ ﺃﺧﺮﻯ ﻏﻴﺮ ﻣﺘﻮﻗﻌﺔ ... " ﺣﻄﺎﺕ ﻳﺪﻳﻪ ﻋﻠﻰ ﺑﻄﻨﻬﺎ " ﺟﺪﻱ ﻭ ﺟﺪﺓ ﻏﻴﺠﻴﻬﻢ ﺣﻔﻴﺪ ﺣﻔﻴﺪﻫﻢ ... ﺷﻨﻮ ﻣﻤﻜﻦ ﻳﻌﻴﻄﻮ ﻟﻴﻪ !
ﺷﺎﻓﺖ ﻓﺎﻧﻌﻜﺎﺳﻮ ﻓﺎﻟﻤﺮﺍﻳﺎ ... ﻛﺎﻥ ﻛﺄﻧﻪ ﻣﺎﺳﻤﻌﺶ ﺷﻨﻮ ﻗﺎﻟﺖ ... ﻟﻠﺤﻈﺔ ﺑﻘﻰ ﺳﺎﻛﻦ ﺑﺪﻭﻥ ﻣﺎﻳﺪﻳﺮ ﺣﺘﻰ ﺭﺩ ﻓﻌﻞ ... ﺣﺲ ﺑﻴﻬﺎ ﺣﻄﺎﺕ ﻳﺪﻳﻬﺎ ﻓﻮﻕ ﻳﺪﻳﻪ ﺍﻟﻲ ﻣﺤﻄﻮﻃﻴﻦ ﻋﻠﻰ ﺑﻄﻨﻬﺎ ... ﻋﺎﺩ ﻳﻤﻜﻦ ﻗﺪﺭ ﻳﺴﺘﻮﻋﺐ ﻛﻼﻣﻬﺎ ... ﺑﺎﻟﻜﺎﺩ ...
ﺿﻮﺭﻫﺎ ﻟﻌﻨﺪﻭ ﺣﺘﻰ ﺗﻘﺎﺑﻼﺕ ﻣﻌﺎﻩ ... ﺟﻮﻻﻥ ﻗﺪﺭﺍﺕ ﺗﻠﻤﺢ ﺑﺮﻳﻖ ﻓﻌﻨﻴﻪ ﺃﻭ ﻟﻤﻌﺔ ﺩﻣﻮﻉ ... ﻟﻜﻨﻪ ﻣﻘﺎﻝ ﻭﺍﻟﻮ ... ﻋﺠﺰﻭ ﻋﻦ ﺍﻟﻜﻼﻡ ﻓﻬﺎﺩ ﺍﻟﻠﺤﻈﺔ ... ﻟﺨﺺ ﻣﺪﻯ ﺷﻮﻗﻮ ﻭ ﺃﻣﻨﻴﺘﻮ ﻳﺘﻠﻘﻰ ﺑﺤﺎﻝ ﻫﺎﺩ ﺍﻟﺨﺒﺮ ... ﻭ ﻫﺎﺩﺷﻲ ﺍﻟﻲ ﻛﺎﻧﺖ ﻣﺘﻮﻗﻌﺔ ﺟﻮﻻﻥ ...
ﻫﻲ ﺑﺪﻭﺭﻫﺎ ﺗﻔﺎﺟﺂﺕ ﻫﺎﺩ ﺍﻟﺼﺒﺎﺡ ﻓﺎﺵ ﻋﺮﻓﺎﺕ ... ﻗﺎﻟﺖ ﻭ ﺍﻟﺪﻣﻮﻉ ﺗﺠﻤﻌﻮ ﻓﻌﻨﻴﻬﺎ ...
ﺟﻮﻻﻥ : ﻓﺮﺣﺎﻥ ؟
ﺭﺋﺒﺎﻝ : " ﺑﺼﻮﺕ ﺑﺎﻟﻜﺎﺩ ﺧﺮﺝ " ﺣﺎﻣﻠﺔ !
ﺟﻮﻻﻥ : " ﺣﺮﻛﺎﺕ ﺭﺍﺳﻬﺎ ﺑﺂﻩ "
ﺟﺮﻫﺎ ﺑﻘﻮﺓ ﺧﺸﺎﻫﺎ ﻓﺼﺪﺭﻭ ... ﺯﻳﺮ ﻋﻠﻴﻬﺎ ﺑﺬﺭﺍﻋﻮ ﻣﺤﺘﺎﻭﻳﻬﺎ ﺑﻴﻦ ﺿﻠﻮﻋﻮ ... ﻗﺒﻞ ﺭﺍﺳﻬﺎ ﻋﺪﺓ ﻣﺮﺍﺍﺍﺕ ... ﺣﻀﻦ ﻭﺟﻬﺎ ﻣﺎﺑﻴﻦ ﻳﺪﻳﻪ ﻭ ﻧﻄﻖ ...
ﺭﺋﺒﺎﻝ : " ﻭ ﻋﻨﻴﻪ ﻣﻐﺮﻏﺮﻳﻦ " ﻛﻨﺒﻐﻴﻚ
أنت تقرأ
السفاح العاشق
Teen Fictionﺭﻭﺍﻳﺔ ﻛﻠﻬﺎ ﻏﻤﻮﺽ .... ﺃﺣﺪﺍﺙ ﻣﻠﻴﺌﺔ ﺑﺎﻟﺘﺸﻮﻳﻖ .... ﺷﺨﺼﻴﺎﺕ ﻣﻌﻘﺪﺓ .... ﻋﺸﻖ ﻣﻬﻮﻭﺱ ﻣﺘﻤﻠﻚ .... ﺣﻴﺎﺓ ﻣﺰﺩﻭﺟﺔ .... ﻋﺎﻟﻢ ﺍﻟﺨﻄﻴﺌﺔ .... ﺟﺮﺍﺋﻢ ﺑﺎﺳﻢ ﺍﻟﺤﺐ .... ﺍﻟﻈﻐﻴﻨﺔ ﻭ ﺍﻻﻧﺘﻘﺎﻡ ... ﺍﻟﺤﻘﺪ ﺍﻟﺨﻴﺎﻧﺔ ﻭ ﺍﻟﻐﻴﻴﻴﻴﺮﺓ .... ⭐⭐⭐ ﻣﺰﻳﺞ ﺑﻴﻦ ﺍﻟﻮﺍﻗﻊ ﻭ ﺍﻟﺨﻴﺎﻝ ⭐⭐⭐ ﺗﺄﻟﻴﻒ : 🌸 ﻣﻮﺭﻱ 🌸 ﺑﻌ...
