السفاح العاشق

بارت 65

☀ ﻳﻮﻡ ﺟﺪﻳﺪ ...
ﻓﺘﺤﺎﺕ ﺟﻮﻻﻥ ﻋﻨﻴﻬﺎ ﺣﻴﺪﺍﺕ ﻋﻠﻴﻬﺎ ﻟﻐﻄﺎ ﻭ ﻧﺎﺿﺖ ... ﺩﺧﻼﺕ ﻟﻠﺤﻤﺎﻡ ﻏﺴﻼﺕ ﻭﺟﻬﺎ ﻭ ﺧﺮﺟﺎﺕ ... ﺩﺍﻳﺰﺓ ﻣﻦ ﺟﻨﺐ ﺍﻟﺸﺮﻓﺔ ﻭ ﻫﻲ ﺗﺴﻤﻊ ﺷﻲ ﺻﻮﺕ ... ﻭﻗﻔﺎﺕ ﻗﺪﺍﻡ ﻟﺒﺎﺏ ﺩﻳﺎﻝ ﺍﻟﺰﺍﺝ ﻭ ﻫﻲ ﺗﺤﻠﻮ ... ﺑﺎﻧﺖ ﻟﻴﻬﺎ ﺳﻤﻴﺔ ﻫﺎﺯﺓ ﻋﺼﺎ ﺩﻳﺎﻝ ﺍﻟﻌﻮﺩ ﻭ ﻛﻀﺮﺏ ﻋﻠﻰ ﻋﺮﻭﺵ ﺍﻟﺸﺠﺮ ﺍﻟﻲ ﺿﺎﻳﺮ ﺑﺎﻟﺪﺍﺭ ﺣﺘﻰ ﻛﻴﻄﻴﺢ ﺍﻟﺜﻠﺞ ... ﺑﻘﺎﺕ ﻣﺮﺍﻗﺒﻬﺎ ﻛﻴﻒ ﻛﻀﺮﺏ ﻭ ﺗﻀﺤﻚ ﺑﻮﺣﺪﻫﺎ ... ﺿﻮﺭﺍﺕ ﻭﺟﻬﺎ ﻭ ﻫﻲ ﺗﻠﻤﺢ ﺳﻴﺎﺭﺗﻮ ﺟﺎﻳﺔ ... ﺑﺎﻥ ﻟﻴﻬﺎ ﻧﺎﺯﻝ ﻻﺑﺲ ﻣﻮﻧﻄﻮ ﺃﺳﻮﺩ ﻃﻮﻳﻞ ﻭ ﻣﻄﻠﻊ ﺍﻟﻜﻮﻝ ...
ﺳﺪ ﺭﺋﺒﺎﻝ ﺑﺎﺏ ﺍﻟﻠﻮﻃﻮ ﻭ ﺿﺎﺭ ﻛﻴﺸﻮﻑ ﻓﺴﻤﻴﺔ ... ﺗﻢ ﺩﺍﺧﻞ ﻭ ﻫﻮ ﻳﻬﺰ ﻋﻨﻴﻪ ﻓﺎﻟﺸﺮﻓﺔ ... ﺑﺎﻧﺖ ﻟﻴﻪ ﻭﺍﻗﻔﺔ ﻛﺘﺸﻮﻑ ﻓﻴﻪ ... ﺩﺧﻞ ﻭ ﻃﻠﻊ ﻋﻨﺪﻫﺎ ﻟﻔﻮﻕ ﺣﻞ ﻟﺒﺎﺏ ﻭ ﺩﺧﻞ ...
ﺭﺋﺒﺎﻝ : ﻣﺰﺍﻝ ﻣﺎﻓﻄﺮﺗﻲ ؟
ﺟﻮﻻﻥ : " ﺿﺎﺭﺕ ﻋﻨﺪﻭ ﻭ ﺣﺮﻛﺎﺕ ﺭﺍﺳﻬﺎ ﺑﻼ "
ﺭﺋﺒﺎﻝ : ﻳﺎﻻﻩ ﻫﺒﻄﻲ ﺗﻔﻄﺮﻱ ... ﻏﺎﺩﻳﻴﻦ ﻟﻮﺍﺣﺪ ﻟﺒﻼﺻﺔ " ﻗﺒﻞ ﻣﺎ ﻳﺨﺮﺝ " ﻟﺒﺴﻲ ﺷﻲ ﺣﺎﺟﺔ ﺳﺨﻮﻧﺔ
ﻫﺒﻂ ﻟﻘﺎ ﺳﻤﻴﺔ ﺣﻄﺎﺕ ﻟﻔﻄﻮﺭ ... ﺷﻮﻳﺔ ﻫﺒﻄﺎﺕ ﺟﻮﻻﻥ ﻻﺑﺴﺔ ﻣﻮﻧﻄﻮ ﮔﺮﻭﻧﺔ ﻭ ﻣﺪﻭﺭﺓ ﺷﺎﻝ ﻋﻠﻰ ﻋﻨﻘﻬﺎ ﻭ ﺩﺍﻳﺮﺓ ﮔﺮﺓ ﻋﻠﻰ ﺭﺍﺳﻬﺎ ... ﭼﻠﺴﺎﺕ ﺣﺘﻰ ﻓﻄﺮﺍﺕ ﻭ ﺭﺋﺒﺎﻝ ﻛﻴﺸﺮﺏ ﻗﻬﻮﺗﻮ ﻭ ﻣﺮﺍﻗﺒﻬﺎ ... ﻛﻴﻒ ﻛﻤﻼﺕ ﻧﺎﺿﻮ ﺧﺮﺟﻮ ... ﺭﻛﺒﻮ ﻓﺴﻴﺎﺭﺗﻮ ﻏﺎﺩﻳﻴﻦ ﻓﺼﻤﺖ ... ﺑﻌﺪ ﻣﺪﺓ ﻭﺻﻠﻮ ﻟﻮﺍﺣﺪ ﻟﺒﻼﺻﺔ ﻛﻴﺘﺰﻟﺠﻮ ﻓﻴﻬﺎ ﺍﻟﻨﺎﺱ ... ﻣﻜﺎﻧﺘﺶ ﻋﺎﻣﺮﺓ ﺑﺰﺍﻑ ﻓﻴﻬﺎ ﻏﻴﺮ ﺑﻌﺾ ﺍﻟﺴﻴﺎﺡ ﻣﻦ ﻫﻮﺍﺓ ﺍﻟﺘﺰﻟﺞ ... ﻧﺰﻝ ﻭ ﺿﺎﺭ ﺣﻞ ﻟﻴﻬﺎ ﻟﺒﺎﺏ ... ﺷﺪ ﻓﻴﺪﻫﺎ ﺣﻴﻨﺖ ﺍﻷﺭﺽ ﻛﺎﻧﺖ ﻛﺘﺰﻟﻖ ...
ﻫﺰﺍﺕ ﺟﻮﻻﻥ ﻋﻨﻴﻬﺎ ﻓﺎﻟﻬﻀﺒﺔ ﺍﻟﻲ ﻧﺎﺯﻟﻴﻦ ﻣﻌﻬﺎ ﺍﻟﻤﺘﺰﻟﺠﻴﻦ ... ﺑﻘﺎﺕ ﻛﺘﺸﻮﻑ ﻓﻴﻬﻢ ﺣﺘﻰ ﻣﺸﺎﺕ ﻟﻴﻬﺎ ﺭﺟﻠﻬﺎ ... ﺑﺴﺮﻋﺔ ﺷﺪﻫﺎ ﺭﺋﺒﺎﻝ ﻣﻦ ﺧﺼﺮﻫﺎ ﺣﺘﻰ ﺭﺟﻌﺎﺕ ﺗﻮﺍﺯﻧﻬﺎ ... ﻫﺰﺍﺕ ﻓﻴﻪ ﻋﻨﻴﻬﺎ ﻛﺘﺮﻣﺶ ﻓﻴﻬﻢ ﺑﺴﺮﻋﺔ ... ﻣﺪ ﻳﺪﻭ ﻃﻠﻊ ﻟﻴﻬﺎ ﺍﻟﻄﺎﻗﻴﺔ ﺍﻟﻲ ﻫﺒﻄﺎﺕ ﻟﻴﻬﺎ ﻋﻠﻰ ﻋﻨﻴﻬﺎ ...
ﺭﺋﺒﺎﻝ : ﺭﺩﻱ ﺍﻟﺒﺎﻝ
ﺣﻴﺪ ﻳﺪﻭ ﻣﻦ ﻋﻠﻰ ﺧﺼﺮﻫﺎ ﻭ ﺭﺟﻊ ﺷﺪ ﻓﻴﺪﻫﺎ ... ﺗﻮﺟﻬﻮ ﻟﻔﻴﻦ ﻛﺎﻳﻨﻴﻦ ﻋﺮﺑﺎﺕ ﺍﻟﺘﻴﻠﻴﻔﺮﻳﻚ ... ﺷﺪ ﺟﻮﺝ ﺗﺬﺍﻛﺮ ﻭ ﻃﻠﻌﻮ ﻓﻮﺣﺪﺓ ... ﺣﻄﺎﺕ ﻳﺪﻳﻬﺎ ﻋﻠﻰ ﻟﺤﺪﻳﺪﺓ ﻭﺍﺧﺔ ﻛﺎﻧﺖ ﺧﺎﻳﻔﺔ ﺷﻮﻳﺔ ﻭ ﻟﻜﻦ ﻣﺎﻣﻨﻌﺎﺗﺶ ﺗﻄﻠﻊ ... ﻣﺎﺣﺪﻫﻢ ﻃﺎﻟﻌﻴﻦ ﻭ ﺍﻟﻤﻨﻈﺮ ﻣﻦ ﺍﻷﻋﻠﻰ ﻛﻴﺒﺎﻥ ﺃﺣﻠﻰ ... ﺍﻟﺠﺒﺎﻝ ﻛﻠﻬﻢ ﻣﻐﻄﻴﻦ ﺑﺎﻟﺜﻠﻮﺝ ﻭ ﺍﻟﻤﻨﺎﺯﻝ ﻫﻨﺎ ﻭ ﻟﻬﻴﻪ ﻛﻴﺒﺎﻧﻮ ﺻﻐﺎﺭ ... ﻛﻀﻮﺭ ﺭﺍﺳﻬﺎ ﺗﺸﻮﻑ ﻣﻦ ﻫﻨﺎ ﻭ ﺗﻌﺎﻭﺩ ﻃﻞ ﻣﻦ ﺍﻟﺠﻬﺔ ﻻﺧﺮﻯ ...
ﺑﻴﻨﻤﺎ ﺃﻋﻴﻦ ﺭﺋﺒﺎﻝ ﻣﺘﺰﺣﺰﺣﻮﺵ ﻋﻠﻴﻬﺎ ﻃﻮﻝ ﺍﻟﻮﻗﺖ ... ﺭﺟﻌﻮ ﻧﺰﻟﻮ ﻭ ﺗﻤﺸﺎﻭ ﺷﻮﻳﺔ ﻓﺪﻳﻚ ﺍﻟﻤﻨﻄﻘﺔ ... ﻏﻴﺮ ﺯﺍﺩ ﺑﺮﺩ ﺍﻟﺤﺎﻝ ﻭ ﺑﺪﺍ ﻳﻄﻴﺢ ﺍﻟﺜﻠﺞ ﻃﻠﻌﻮ ﻓﺎﻟﻠﻮﻃﻮ ﻭ ﺭﺟﻌﻮ ﻟﻠﺪﺍﺭ ... ﻫﻜﺬﺍ ﻣﺮﻭ ﺛﻼﺙ ﺃﻳﺎﻡ ... ﺭﺋﺒﺎﻝ ﻛﻴﺒﺎﺕ ﻓﺎﻟﻔﻨﺪﻕ ﺑﺎﻟﻠﻴﻞ ﻭ ﺍﻟﺼﺒﺎﺡ ﻛﻴﺠﻲ ﻳﺨﺮﺝ ﺟﻮﻻﻥ ... ﻛﻞ ﻣﺮﺓ ﻳﺪﻳﻬﺎ ﻟﻤﻨﻄﻘﺔ ﻣﺨﺘﻠﻔﺔ ...
ﭼﺎﻟﺴﻴﻦ ﻓﺎﻟﺼﺎﻟﺔ ﺳﻲ ﻋﺒﺎﺱ ﻣﺠﻤﻊ ﻣﻊ ﺭﺋﺒﺎﻝ ﻛﻴﺸﺮﺑﻮ ﻗﻬﻮﺗﻬﻢ ... ﻛﻴﻒ ﻇﻼﻡ ﺍﻟﺤﺎﻝ ﻭ ﻫﻮ ﻳﻨﻮﺽ ﺑﺎﺵ ﻳﻐﺎﺩﺭ ... ﻫﺰ ﺷﺎﻟﻮ ﻣﻦ ﺟﻨﺐ ﺟﻮﻻﻥ ﻭ ﻫﻮ ﻛﻴﺸﻮﻑ ﻓﻴﻬﺎ ... ﺩﺍﺭﻭ ﻋﻠﻰ ﻛﺘﺎﻓﻮ ﻭ ﺗﻮﺟﻪ ﻟﺒﺎﺏ ... ﺑﻘﺎﺕ ﻣﺘﺒﻌﺎﻩ ﺑﻌﻨﻴﻬﺎ ﺣﺘﻰ ﺧﺮﺝ ... ﺭﺟﻌﺎﺕ ﺿﻮﺭﺍﺕ ﻭﺟﻬﺎ ﻣﻘﺎﺑﻠﺔ ﻣﻊ ﺍﻟﻤﺪﻓﺄﺓ ... ﻛﺘﺸﻮﻑ ﻓﺎﻟﺨﺸﺐ ﺍﻟﻲ ﺷﺎﺩﺓ ﻓﻴﻪ ﺍﻟﻌﺎﻓﻴﺔ ﻭ ﻛﺘﺴﻤﻊ ﻟﺼﻮﺕ ﺍﻟﻄﺮﻃﻘﺔ ﺍﻟﻲ ﻛﻴﺼﺪﺭ ...
ﻧﺎﺽ ﺳﻲ ﻋﺒﺎﺱ ﻳﻨﻌﺲ ﻭ ﻫﻲ ﺗﻌﻤﺮ ﺳﻤﻴﺔ ﻓﻨﺠﺎﻥ ﻗﻬﻮﺓ ﺁﺧﺮ ... ﺣﻄﺎﺗﻮ ﻟﺠﻮﻻﻥ ﻗﺪﺍﻣﻬﺎ ﻭ ﭼﻠﺴﺎﺕ ﺟﻨﺒﻬﺎ ...
ﺳﻤﻴﺔ : ﺧﺘﻲ ﺟﻮﻻﻥ
ﺟﻮﻻﻥ : " ﺿﺎﺭﺕ ﻋﻨﺪﻫﺎ "
ﺳﻤﻴﺔ : ﻣﻦ ﻧﻬﺎﺭ ﺟﻴﺘﻲ ﻣﺎ ﺳﻤﻌﻨﺎ ﺻﻮﺗﻚ ... ﻭﺍﺧﺔ ﻫﻜﺎﻙ ﺩﺧﻠﺘﻲ ﻟﻴﺎ ﻟﻘﻠﺒﻲ ... ﻭ ﻣﺎﻛﺮﻫﺘﺶ ﻧﻌﺮﻓﻚ ﻣﺰﻳﺎﻥ ... ﺧﺎﺻﺔ ﺍﻧﻚ ﻣﺮﺍﺕ ﺳﻲ ﺭﺋﺒﺎﻝ ﺍﻟﻲ ﻛﻨﻌﺰﻭﻩ ﺑﺰﺍﻑ ﺃﻧﺎ ﻭ ﺟﺪﻱ
ﺟﻮﻻﻥ : " ﺑﻌﺪ ﺻﻤﺖ " ﻫﻮ ﺍﻟﻲ ﻗﺎﻟﻴﻜﻢ ﻣﺮﺍﺗﻮ !
ﺳﻤﻴﺔ : ﺃﺧﻴﺮﺍ ﻫﻀﺮﺗﻲ ﻫﻬﻬﻪ ... ﺃﻩ ﻗﺎﻟﻬﺎ ﻟﻴﻨﺎ ﻧﻬﺎﺭ ﺟﻴﺘﻮ ... ﻣﺎﻋﺮﻓﻨﺎﺵ ﺍﻣﺘﻰ ﺗﺰﻭﺟﺘﻮ ﻭ ﻟﻜﻦ ﻓﺮﺣﻨﺎ ﻟﻴﻪ ... " ﺗﺬﻛﺮﺍﺕ ﺷﻲ ﺣﺎﺟﺔ " ﺁﺟﻲ ﺗﻔﻜﺮﺕ ... ﻭﺍﺧﺔ ﻣﺎﺷﻲ ﺷﻐﻠﻲ ... ﻭ ﻟﻜﻦ ﻋﻼﺵ ﺳﻲ ﺭﺋﺒﺎﻝ ﻛﻴﻤﺸﻲ ﻟﻸﻭﻃﻴﻞ ﻭ ﻳﺮﺟﻊ ﻓﺎﻟﺼﺒﺎﺡ ... ﻋﻼﺵ ﻣﻜﻴﺒﺎﺗﺶ ﻣﻌﺎﻙ ﻓﺎﻟﺒﻴﺖ ؟
ﺟﻮﻻﻥ : ﺣﻨﺎ ﻣﺰﺍﻝ ﻣﺎﻣﺰﻭﺟﻴﻦ ... ﻏﻴﺮ ﻣﺨﻄﻮﺑﻴﻦ
ﺳﻤﻴﺔ : ﺁﻩ ﻫﻜﺎﻙ ... " ﺍﺑﺘﺎﺳﻤﺎﺕ " ﻫﻮ ﻛﻴﺤﺴﺒﻚ ﻣﺮﺍﺗﻮ ﻣﻦ ﺩﺍﺑﺔ ﻫﻬﻬﻪ ... ﻓﺎﺵ ﺟﻴﺘﻮ ﻟﻌﻨﺪﻧﺎ ﻳﺴﺎﺣﺒﻠﻲ ﺟﻴﺘﻮ ﻓﺸﻬﺮ ﺍﻟﻌﺴﻞ ... ﻭ ﺟﺎﺗﻨﻲ ﻓﺸﻜﻞ ﻛﻴﺒﺎﺕ ﻓﺎﻟﺨﺎﺭﺝ ﻫﻬﻬﻪ
ﺟﻮﻻﻥ : ﺷﺤﺎﻝ ﻓﻌﻤﺮﻙ ؟
ﺳﻤﻴﺔ : ﻋﻨﺪﻱ 18 ﺳﻨﺔ ... ﺭﺍﻧﻲ ﻛﺒﻴﺮﺓ ﻣﺘﺨﺎﻓﻴﺶ ﻭ ﻛﻨﻔﻬﻢ ﻓﻬﺎﺩﺷﻲ " ﻛﻀﺤﻚ ﺣﺎﻃﺔ ﻳﺪﻫﺎ ﻋﻠﻰ ﻓﻤﻬﺎ " ... ﺁﻩ ﻣﻨﻴﻦ ﻣﺎﺟﻴﺘﻮﺵ ﺩﻭﺯﻭ ﺷﻬﺮ ﺍﻟﻌﺴﻞ ... ﻋﻼﺵ ﺟﺎ ﺳﻲ ﺭﺋﺒﺎﻝ ﻓﻬﺎﺩ ﺍﻟﻮﻗﺖ ... ﺟﺪﻱ ﻗﺎﻝ ﻟﻴﺎ ﺑﻠﻲ ﻛﻴﻜﻮﻥ ﻣﺸﻐﻮﻝ ﺑﺰﺍﻑ ... ﻭ ﻻ ﺟﺎ ﻛﻴﻘﻀﻲ ﻟﻴﻠﺔ ﻭﺣﺪﺓ ﻭ ﻳﻤﺸﻲ
ﺟﻮﻻﻥ : " ﺭﺟﻌﺎﺕ ﻛﺘﺸﻮﻑ ﻓﺎﻟﻤﺪﻓﺄﺓ " ﺟﺎﺑﻨﻲ ﻟﻬﻨﺎ ﺑﺎﺵ ﻧﺴﻰ
ﺳﻤﻴﺔ : ﻫﺎﺍ ... ﺗﻨﺴﺎﻱ ... ﺷﻨﻮ ﻏﺘﻨﺴﺎﻱ ؟
ﺟﻮﻻﻥ : ﻣﻮﺕ ﻣﺎﻣﺎ
ﺳﻤﻴﺔ : ﻣﺎﻣﺎﻙ ﻣﺎﺗﺖ ... ﺩﺍﻛﺸﻲ ﻋﻼﺵ ﻧﺘﻲ " ﺳﻜﺘﺎﺕ "
ﺟﻮﻻﻥ : ﻭﺍﺧﺔ ﻧﻤﺸﻲ ﻵﺧﺮ ﺍﻟﺪﻧﻴﺎ ﺻﻮﺭﺗﻬﺎ ﺩﻳﻤﺎ ﻗﺪﺍﻡ ﻋﻨﻴﺎ
ﺳﻤﻴﺔ : " ﺑﺤﺰﻥ " ﺍﻟﻠﻪ ﻳﺮﺣﻤﻬﺎ
ﺟﻮﻻﻥ : ﺁﻣﻴﻦ
ﺳﻤﻴﺔ : ﺑﻐﻴﺖ ﻧﻘﻮﻝ ﺷﻲ ﺣﺎﺟﺔ ﺗﻮﺍﺳﻴﻚ ... ﻟﻜﻦ ﻣﺎﻋﺮﻓﺖ ﺷﻨﻮ ﻧﻘﻮﻝ ... ﻛﻠﻤﺔ ﻣﺎﻣﺎ ﻏﻴﺮ ﻛﻨﺴﻤﻊ ﺑﻴﻬﺎ ... ﻣﺠﺎﺗﺶ ﺍﻟﻔﺮﺻﺔ ﻧﻌﻴﻂ ﺑﻴﻬﺎ ﻋﻠﻰ ﺍﻹﻧﺴﺎﻧﺔ ﺍﻟﻲ ﻭﻟﺪﺍﺗﻨﻲ ﻭ ﻻ ﺣﺘﻰ ﻧﺠﺮﺏ ﺩﺍﻙ ﺍﻹﺣﺴﺎﺱ
ﺟﻮﻻﻥ : " ﺷﺎﻓﺖ ﻓﻴﻬﺎ "
ﺳﻤﻴﺔ : ﻣﺎﻣﺎ ﻣﺎﺗﺖ ﻭ ﻫﻲ ﻛﺘﻮﻟﺪﻧﻲ ... ﺟﺪﻱ ﻫﻮ ﺍﻟﻲ ﺍﻋﺘﻨﻰ ﺑﻴﺎ ﻭ ﻛﺒﺮﻧﻲ ... ﻣﺎﻋﻨﺪﻳﺶ ﺃﺏ ﺣﺘﻰ ﻫﻮ ... ﻛﻴﻒ ﺗﺰﻭﺝ ﺑﻤﺎﻣﺎ ﺧﻼﻫﺎ ﺣﺎﻣﻠﺔ ﻭ ﻣﺸﺎ ﺣﺮﮒ ... ﻣﻦ ﺩﻳﻚ ﺍﻟﺴﺎﻉ ﻣﺒﺎﻥ ﻭ ﻣﺎﻋﻨﺪﻧﺎ ﺧﺒﺎﺭ ﻋﻠﻴﻪ ... ﻭﺍﺵ ﺣﻲ ﻭ ﻻ ﻣﻴﺖ ... ﻣﻤﻜﻦ ﺗﻘﻮﻟﻲ ﺑﻠﻲ ﺟﺪﻱ ﻫﻮ ﻋﺎﺋﻠﺘﻲ " ﺍﺑﺘﺎﺳﻤﺎﺕ " ﻭﺍﺧﺔ ﻣﺎﺧﻠﻰ ﻣﺪﺍﺭ ﻭ ﺷﻔﺖ ﺷﺤﺎﻝ ﻋﺎﻧﻰ ﺑﺎﺵ ﻳﻜﺒﺮﻧﻲ ... ﻟﻜﻦ ﻣﺮﺓ ﻣﺮﺓ ﻛﻨﻔﻜﺮ ﻓﻤﺎﻣﺎ ﻟﻮ ﻛﺎﻧﺖ ﻋﺎﻳﺸﺔ ... ﻛﻴﻒ ﻛﺎﻧﺖ ﻏﺘﻜﻮﻥ ﺣﻴﺎﺗﻲ ... ﻣﻲ ﺍﻟﺤﻤﺪ ﻟﻠﻪ ... ﻋﻨﺪﻱ ﺟﺪ ﺃﺣﻦ ﻣﻨﻮ ﻣﻜﺎﻳﻦ
ﺑﻘﺎﺕ ﻛﺘﺸﻮﻑ ﻓﻴﻬﺎ ﺟﻮﻻﻥ ... ﻣﺎﻋﺮﻓﺎﺕ ﻭﺍﺵ ﻣﻦ ﺣﺴﻦ ﻭ ﻻ ﺳﻮﺀ ﺣﻈﻬﺎ ﺃﻧﻬﺎ ﻓﻘﺪﺍﺕ ﻣﻬﺎ ﻛﻴﻒ ﺧﺮﺟﺎﺕ ﻟﻬﺎﺩ ﺍﻟﺤﻴﺎﺓ ... ﻓﻬﺎﺩ ﺍﻟﻠﺤﻈﺔ ﺍﻟﻲ ﻛﺎﻥ ﻛﻴﺠﻮﻝ ﻓﺒﺎﻝ ﺟﻮﻻﻥ .. ﺃﻥ ﻣﻬﻤﺎ ﺳﺎﺀﺕ ﺃﺣﻮﺍﻟﻨﺎ ﻭ ﻋﺸﻨﺎ ﺍﻷﻣﺮﻳﻦ ... ﻻﺑﺪ ﺍﻥ ﻫﻨﺎﻙ ﻧﺎﺱ ﻗﺎﺳﻮ ﺃﻛﺜﺮ ﻣﻨﺎ ﻓﻬﺎﺩ ﺍﻟﺤﻴﺎﺓ ... ﻭ ﺑﻄﺒﻴﻌﺘﻨﺎ ﻛﺒﺸﺮ ﻛﻨﺘﻌﻠﻤﻮ ﻧﺘﺄﻗﻠﻤﻮ ﻣﻊ ﺍﻟﻮﺿﻊ ﺑﻄﺮﻳﻘﺔ ﺃﻭ ﺑﺄﺧﺮﻯ ... ﻛﻴﻒ ﻋﺎﻳﺸﺔ ﺩﺍﺑﺔ ﺳﻤﻴﺔ ﻭ ﻛﻀﺤﻚ ﻛﻞ ﻧﻬﺎﺭ ﻣﻊ ﺃﻧﻬﺎ ﻛﺒﺮﺍﺕ ﻳﺘﻴﻤﺔ ﺍﻷﻡ ﻣﻦ ﺻﻐﺮﻫﺎ ...
ﻓﻜﺮﺍﺕ ﺟﻮﻻﻥ ﺃﻥ ﻳﻤﻜﻦ ﻓﻴﻮﻡ ﻣﻦ ﺍﻷﻳﺎﻡ ... ﻳﻤﻜﻦ ﺗﻘﺪﺭ ﺗﺮﺟﻊ ﺗﻀﺤﻚ ﺣﺘﻰ ﻫﻲ ﻭ ﺗﺒﻐﻲ ﺗﺸﺒﺖ ﺑﺎﻟﺤﻴﺎﺓ ... ﻭﺍﺧﺔ ﺣﺎﻟﻴﺎ ﻛﻴﺒﺎﻥ ﻟﻴﻬﺎ ﺻﻌﻴﺐ ﺑﺰﺍﻑ ... ﻭ ﻫﻲ ﻛﺘﺴﻤﻊ ﻟﺴﻤﻴﺔ ﺍﻟﻲ ﻣﻦ ﻃﺒﻴﻌﺘﻬﺎ ﺛﺮﺛﺎﺭﺓ ... ﻛﺘﻌﺎﻭﺩ ﻟﻴﻬﺎ ﻋﻠﻰ ﻣﻐﺎﻣﺮﺍﺗﻬﺎ ﺍﻟﻤﻀﺤﻜﺔ ... ﺳﻤﻌﺎﺕ ﻟﻴﻬﺎ ﺟﻮﻻﻥ ﺑﺂﺫﺍﻥ ﺻﺎﻏﻴﺔ ... ﻣﻦ ﺣﻤﺎﺳﻬﺎ ﻋﺮﻓﺎﺕ ﺍﻧﻬﺎ ﻓﺮﺣﺎﻧﺔ ﻟﻜﻮﻧﻬﺎ ﻛﺘﻘﻀﻲ ﻭﻗﺖ ﻣﻊ ﺑﻨﺖ ﻓﺎﻟﺴﻦ ﺩﻳﺎﻟﻬﺎ ﻭ ﺑﻐﺎﺕ ﺗﺸﺎﺭﻛﻬﺎ ﺍﻟﺤﺪﻳﺚ ...
ﺗﺄﺧﺮ ﺍﻟﻮﻗﺖ ﻧﺎﺿﺖ ﺟﻮﻻﻥ ﻃﻠﻌﺎﺕ ﻟﺒﻴﺖ ... ﺗﺴﻄﺤﺎﺕ ﻓﺎﻟﺴﺮﻳﺮ ﻧﺎﻋﺴﺔ ﻋﻠﻰ ﺟﻨﺒﻬﺎ ﻛﺘﺸﻮﻑ ﻣﻦ ﺍﻟﺰﺟﺎﺝ ﺍﻟﻨﺠﻮﻡ ﺍﻟﻲ ﻛﻴﺒﺎﻧﻮ ﻭﺍﺿﺤﻴﻦ ﻓﺎﻟﺴﻤﺎ ... ﻋﻜﺲ ﻓﺎﻟﻤﺪﻳﻨﺔ ﻣﻊ ﺍﻷﺿﻮﺍﺀ ﺑﺎﻟﻜﺎﺩ ﻛﻴﺒﺎﻧﻮ ... ﻋﻠﻰ ﻣﺪﺓ ﻋﺎﺩ ﻗﺪﺭﺍﺕ ﺗﻐﻔﻰ ...
🍁 ﻓﺎﻟﻴﻮﻡ ﺍﻟﻤﻮﺍﻟﻲ ﻓﺎﻗﺖ ﻋﻠﻰ ﺻﻮﺕ ﺳﻤﻴﺔ ﺍﻟﻲ ﻛﺘﻨﺎﺩﻱ ﻋﻠﻴﻬﺎ ... ﻫﺒﻄﻮ ﺑﺠﻮﺝ ﻛﻴﻔﻄﺮﻭ ... ﺳﻲ ﻋﺒﺎﺱ ﻛﻴﻔﻄﺮ ﺑﻜﺮﻱ ﻭ ﻳﺨﺮﺝ ... ﻛﺎﻧﻮ ﻏﻴﺮ ﻫﻤﺎ ﺑﺠﻮﺝ ... ﺟﻮﻻﻥ ﻛﺘﺸﺮﺏ ﻓﺎﻟﻘﻬﻮﺓ ﻭ ﻣﺮﺓ ﻣﺮﺓ ﺗﺸﻮﻑ ﻓﺎﺗﺠﺎﻩ ﺍﻟﺒﺎﺏ ... ﻣﻮﺍﻟﻒ ﻫﺎﺩ ﺍﻟﻮﻗﺖ ﻛﻴﺠﻲ ﻓﻴﻪ ... ﻛﻤﻠﻮ ﺍﻟﻔﻄﻮﺭ ﻭ ﻧﺎﺿﺖ ﺳﻤﻴﺔ ﺗﻘﺎﺩ ﺍﻟﻐﺪﺍ ﻭ ﺗﺠﻤﻊ ﻭ ﺗﻘﻄﻊ ﺍﻟﺤﻄﺐ ...
ﺑﻘﺎﺕ ﺟﻮﻻﻥ ﭼﺎﻟﺴﺔ ﻓﺎﻟﺼﺎﻟﺔ ﻭ ﻋﻨﻴﻬﺎ ﻋﻠﻰ ﻟﺒﺎﺏ ... ﺷﻮﻳﺔ ﻧﺎﺿﺖ ﺣﻼﺕ ﺍﻟﺒﺎﺏ ﻭ ﺧﺮﺟﺎﺕ ... ﺗﻤﺸﺎﺕ ﺣﺪﺍ ﺍﻟﺪﺍﺭ ﺷﻮﻳﺔ ﻭ ﺭﺟﻌﺎﺕ ... ﻟﻘﺎﺕ ﺳﻤﻴﺔ ﻛﺘﻘﻠﺐ ﻋﻠﻴﻬﺎ ...
ﺳﻤﻴﺔ : ﻓﻴﻦ ﻣﺸﻴﺘﻲ ... ﺗﺨﻠﻌﺖ ﻓﺎﺵ ﻣﺎﻟﻘﻴﺘﻜﺶ ﻓﺎﻟﺪﺍﺭ
ﺟﻮﻻﻥ : ﻛﻨﺖ ﻏﻴﺮ ﻫﻨﺎ
ﺳﻤﻴﺔ : ﺍﻟﻴﻮﻡ ﺑﺎﺭﺩ ﺍﻟﺤﺎﻝ ﺑﺰﺍﻑ ... ﺩﺧﻠﻲ ﻟﺪﺍﺧﻞ ﻻﻳﻀﺮﺑﻚ ﺍﻟﺒﺮﺩ ... ﻭ ﻳﺨﺎﺻﻢ ﻋﻠﻴﺎ ﺳﻲ ﺭﺋﺒﺎﻝ ﻫﻬﻬﻪ
ﺟﻮﻻﻥ : " ﺑﺘﺮﺩﺩ " ﻣﺠﺎﺵ ﺍﻟﻴﻮﻡ
ﺳﻤﻴﺔ : ﺗﻮﺣﺸﺘﻴﻪ ﻫﻬﻬﻪ ... ﻋﻴﻂ ﻋﻠﻴﺎ ﺟﺪﻱ ﻗﺒﻴﻠﺔ ﻗﺎﻝ ﻟﻴﺎ ﺍﻟﻄﺮﻗﺎﻥ ﻣﺤﺒﻮﺳﻴﻦ ﺑﺎﻟﺜﻠﺞ ﺍﻟﻲ ﻃﺎﺡ ﺑﺎﻟﻠﻴﻞ ... ﺩﺍﻛﺸﻲ ﻋﻼﺵ ﻭﺍﻗﻠﺔ ﻣﺠﺎﺵ
ﺟﻮﻻﻥ : ﺁﺍﻩ
ﺩﺍﺯ ﺍﻟﻨﻬﺎﺭ ﻃﻮﻳﻞ ﻋﻠﻰ ﺟﻮﻻﻥ ... ﺭﻏﻢ ﻣﺮﺍﻓﻘﺔ ﺳﻤﻴﺔ ﺣﺴﺎﺕ ﺑﻠﻲ ﺷﻲ ﺣﺎﺟﺔ ﻧﺎﻗﺼﺔ ... ﻛﻴﻒ ﺑﺪﺍ ﻛﻴﻈﻼﻡ ﺍﻟﺤﺎﻝ ﺭﺟﻊ ﺳﻲ ﻋﺒﺎﺱ ... ﺣﻄﻮ ﺍﻟﻌﺸﺎ ﻧﻘﺒﺎﺕ ﻣﻌﺎﻫﻢ ﺷﻮﻳﺔ ﻭ ﺑﻌﺪﺍﺕ ... ﻓﻴﻨﻤﺎ ﺗﺴﻤﻊ ﺻﻮﺕ ﺍﻟﺤﺮﻛﺔ ﻛﻀﻮﺭ ﺟﻬﺔ ﺍﻟﺒﺎﺏ ... ﻧﺎﺿﺖ ﻃﻠﻌﺎﺕ ﻟﻔﻮﻕ ... ﺩﺧﻼﺕ ﻟﺒﻴﺖ ﻭ ﺟﻠﺴﺎﺕ ﻓﻮﻕ ﺍﻟﻔﻮﻃﻮﻱ ... ﺭﺟﻌﺎﺕ ﻧﺎﺿﺖ ﻛﺘﻘﻠﺐ ﻓﺎﻟﺼﺎﻙ ... ﺗﺬﻛﺮﺍﺕ ﺑﻠﻲ ﻣﺠﺎﺑﺘﺶ ﻣﻌﻬﺎ ﺍﻟﻔﻮﻥ ﺩﻳﺎﻟﻬﺎ ...
ﺣﻴﺪﺍﺕ ﺍﻟﻤﻮﻧﻄﻮ ﻭ ﻟﻲ ﺑﻮﻁ ... ﺳﺪﺍﺕ ﺑﻴﺒﺎﻥ ﺍﻟﺸﺮﻓﺔ ﻭ ﺟﻠﺴﺎﺕ ﻭﺳﻂ ﺍﻟﺴﺮﻳﺮ ﺟﺎﻣﻌﺔ ﺭﺟﻠﻴﻬﺎ ﻋﻨﺪﻫﺎ ... ﻣﺴﻨﺪﺓ ﻋﻠﻴﻬﻢ ﻭ ﻛﺘﻌﺾ ﻓﻀﻔﺮﻫﺎ ... ﺳﻤﻌﺎﺕ ﻟﺒﺎﺏ ﺗﺤﻞ ﻭ ﻫﻲ ﺗﻬﺰ ﺭﺍﺳﻬﺎ ... ﺑﺎﻥ ﻟﻴﻬﺎ ﺩﺍﺧﻞ ﻛﻴﺤﻴﺪ ﺍﻟﻄﺎﻗﻴﺔ ﺍﻟﻲ ﻋﻠﻰ ﺭﺍﺳﻮ ﻭ ﻛﻴﺮﺟﻊ ﺷﻌﺮﻭ ﺍﻟﻲ ﻃﺎﻳﺢ ﻋﻠﻰ ﻋﻨﻴﻪ ﺍﻟﻠﻮﺭ ... ﻏﻴﺮ ﺷﺎﻑ ﻓﻴﻬﺎ ﻭ ﻫﻲ ﺗﻨﻮﺽ ﻛﺘﺠﺮﻱ ﻋﻨﺪﻭ ... ﺿﻮﺭﺍﺕ ﻳﺪﻳﻬﺎ ﻋﻠﻰ ﺧﺼﺮﻭ ﻣﻌﻨﻘﺎﻩ ﻭ ﺣﻄﺎﺕ ﺭﺍﺳﻬﺎ ﻋﻠﻰ ﺻﺪﺭﻭ ...
ﺗﻔﺎﺟﺄ ﻣﻦ ﺗﺼﺮﻓﻬﺎ ... ﻏﻴﺮ ﺳﻤﻌﻬﺎ ﻛﺘﻨﺨﺴﺲ ﺣﻀﻨﻬﺎ ﺧﺎﺷﻴﻬﺎ ﻓﺼﺪﺭﻭ ﺃﻛﺜﺮ ... ﺗﻨﻬﺪ ﻭ ﻫﻮ ﻛﻴﺪﻭﺯ ﻳﺪﻭ ﻋﻠﻰ ﺭﺍﺳﻬﺎ ... ﻋﺎﺭﻓﻬﺎ ﻛﺘﺒﻜﻲ ﻭ ﺭﻏﻢ ﺍﻧﺰﻋﺎﺟﻮ ﻣﻦ ﺳﻤﺎﻉ ﺑﻜﺎﺀﻫﺎ ... ﺧﻼﻫﺎ ﻋﻠﻰ ﺭﺍﺣﺘﻬﺎ ... ﺑﻘﺎﻭ ﻣﺪﺓ ﻣﻌﺎﻧﻘﻴﻦ ﺣﺘﻰ ﺣﺲ ﺑﻴﻬﺎ ﻛﺘﺒﻌﺪ ... ﺭﺧﺎ ﻣﻨﻬﺎ ﻭ ﻫﻲ ﺗﺤﺪﺭ ﺭﺍﺳﻬﺎ ﻭ ﺭﺟﻌﺎﺕ ﭼﻠﺴﺎﺕ ﻓﻤﻜﺎﻧﻬﺎ ...
ﺣﻴﺪ ﺍﻟﻠﻴﮕﺎﺕ ﻭ ﻗﺮﺏ ﻋﻨﺪﻫﺎ ... ﭼﻠﺲ ﺍﻟﻘﺮﻓﺼﺎﺀ ﻗﺒﺎﻟﺘﻬﺎ ...
ﺭﺋﺒﺎﻝ : ﺍﻟﻴﻮﻡ ﻛﺎﻧﺖ ﺍﻟﻄﺮﻳﻖ ﻣﺤﺒﻮﺳﺔ " ﺣﻂ ﻳﺪﻭ ﻋﻠﻰ ﺧﺪﻫﺎ ﻭ ﺩﻭﺯ ﺻﺒﻌﻮ ﻛﻴﻤﺴﺢ ﺩﻣﻮﻋﻬﺎ " ﻗﺎﻟﺖ ﻟﻴﺎ ﺳﻤﻴﺔ ﺧﺮﺟﺘﻲ ﺑﻮﺣﺪﻙ ... ﻛﻦ ﺗﻮﺿﺮﺗﻲ "... ﺳﻜﺖ ﺷﻮﻳﺔ " ﻏﺪﺍ ﻏﻨﺮﺟﻌﻮ ... ﻧﻌﺴﻲ ﺍﺭﺗﺎﺣﻲ ... ﻭ ﻣﻨﻴﻦ ﺗﻔﻴﻘﻲ ﻏﻨﺸﺪﻭ ﺍﻟﻄﺮﻳﻖ
ﻭﻗﻒ ﻭ ﻫﺰ ﻟﻴﻬﺎ ﺍﻟﻐﻄﺎ ... ﺗﺴﺮﺣﺎﺕ ﻓﺒﻼﺻﺘﻬﺎ ﻏﻄﺎﻫﺎ ﻭ ﺗﺤﺪﺭ ﻃﺒﻊ ﻗﺒﻠﺔ ﻋﻠﻰ ﺟﺒﻬﺘﻬﺎ ... ﻃﻔﺎ ﺍﻟﻀﻮ ﻭ ﺗﻢ ﺧﺎﺭﺝ ... ﻳﺎﻻﻩ ﺣﻞ ﻟﺒﺎﺏ ﺳﻤﻊ ﺻﻮﺕ ﺑﻜﺎﺀﻫﺎ ﺍﻟﻲ ﻛﺎﺗﻤﺔ ... ﺭﺟﻊ ﺳﺪ ﻟﺒﺎﺏ ﺣﻴﺪ ﺻﺒﺎﻃﻮ ﻭ ﺍﻟﺠﺎﻛﻴﻂ ... ﻫﺰ ﺍﻟﻐﻄﺎﺀ ﻭ ﺗﺨﺸﺎ ﺣﺪﺍﻫﺎ ... ﻛﺎﻧﺖ ﻣﻀﻮﺭﺓ ﻭﺟﻬﺎ ﻟﻠﺠﻬﺔ ﻻﺧﺮﻯ ... ﺣﺴﺎﺕ ﺑﻴﻪ ﻭ ﻫﻲ ﺗﻀﻮﺭ ﻋﻨﺪﻭ ﺗﺨﺸﺎﺕ ﻓﻴﻪ ...
ﻃﻠﻊ ﻋﻠﻴﻬﻢ ﺍﻟﻐﻄﺎ ﻭ ﺧﺸﺎ ﻳﺪﻭ ﺗﺤﺖ ﺧﺼﺮﻫﺎ ﻣﻘﺮﺑﻬﺎ ﻋﻨﺪﻭ ... ﺣﻂ ﻳﺪﻭ ﻻﺧﺮﻯ ﻋﻨﺪ ﺭﺍﺳﻬﺎ ﻛﻴﻤﺮﺭﻫﺎ ﻋﻠﻰ ﺷﻌﺮﻫﺎ ... ﺑﺪﺍﺕ ﻛﺘﻬﺪﺍ ... ﻏﻴﺮ ﺳﻤﻊ ﺻﻮﺕ ﺃﻧﻔﺎﺳﻬﺎ ﻛﺘﻌﻼ ﻋﺮﻑ ﺑﻠﻲ ﻧﻌﺴﺎﺕ ... ﺣﻂ ﻳﺪﻭ ﺗﺤﺖ ﺫﻗﻨﻬﺎ ﻣﻄﻠﻊ ﺭﺍﺳﻬﺎ ﻋﻨﺪﻭ ... ﺗﺄﻣﻞ ﻭﺟﻬﺎ ﻟﺒﻌﺾ ﺍﻟﻮﻗﺖ ﻭ ﻫﺒﻂ ﺣﻂ ﺷﻔﺎﻳﻔﻮ ﻋﻠﻰ ﺩﻳﺎﻟﻬﺎ ... ﻃﺒﻊ ﻗﺒﻠﺔ ﺧﻔﻴﻔﺔ ...
ﻋﻠﻰ ﻏﻴﺮ ﺍﻷﻳﺎﻡ ﺍﻟﺒﺎﺭﺩﺓ ﺍﻟﻲ ﻣﺮﻭ ﻃﻴﻠﺔ ﺍﻟﻔﺼﻞ ... ﺍﻟﻴﻮﻡ ﺷﺮﻗﺎﺕ ﺍﻟﺸﻤﺲ ﻣﺎﺑﻴﻦ ﺍﻟﺠﺒﺎﻝ ﺍﻟﻤﻜﺴﻮﺓ ﺑﺎﻟﺜﻠﻮﺝ ... ﻣﻌﻈﻢ ﺍﻟﺜﻠﺞ ﺍﻟﻲ ﻣﻐﻄﻲ ﺍﻷﺭﺍﺿﻲ ﺫﺍﺏ ... ﺣﺘﻰ ﺑﺎﻧﻮ ﺍﻷﻋﺸﺎﺏ ﺍﻟﺨﻀﺮﺍﺀ ... ﺍﻻﺷﺠﺎﺭ ﺑﺪﻭﺭﻫﺎ ﺗﺤﺮﺭﺍﺕ ﻣﻦ ﺍﻟﺜﻠﺞ ﺍﻟﻲ ﻏﻄﺎ ﺃﻏﺼﺎﻧﻬﺎ ... ﺗﺴﻠﻼﺕ ﺃﺷﻌﺔ ﺍﻟﺸﻤﺲ ﻟﻠﻐﺮﻓﺔ ... ﺧﻼﺕ ﺭﺋﺒﺎﻝ ﻳﺤﻞ ﻋﻨﻴﻪ ... ﻧﺰﻟﻬﻢ ﻛﻴﺸﻮﻑ ﻓﻮﺟﻪ ﺟﻮﻻﻥ ﺍﻟﻲ ﺣﺎﻃﺔ ﻋﻠﻰ ﺻﺪﺭﻭ ﺍﻟﻌﺮﻳﺾ ... ﻧﺼﻒ ﻭﺟﻬﺎ ﻣﻐﻄﻲ ﺑﺸﻌﺮﻫﺎ ﺍﻟﺒﻨﻲ ...
ﻣﺪ ﻳﺪﻭ ﻛﻴﺤﻴﺪ ﺩﻭﻙ ﺍﻟﺨﺼﻼﺕ ﻣﻦ ﻋﻠﻰ ﻭﺟﻬﺎ ... ﺑﺮﻓﻖ ﻫﺰ ﺭﺍﺳﻬﺎ ﻗﺎﺩﻭ ﻓﻮﻕ ﺍﻟﻮﺳﺎﺩﺓ ... ﺳﻨﺪ ﻋﻠﻰ ﺩﺭﺍﻋﻮ ﻭ ﺑﻘﺎ ﻛﻴﺘﺄﻣﻞ ﻭﺟﻬﺎ ... ﻣﻼﻣﺤﻬﺎ ﻣﻦ ﺩﻳﻤﺎ ﻃﻔﻮﻟﻴﺔ ﻓﻨﻈﺮﻭ ﻟﻜﻦ ﻭ ﻫﻲ ﻧﺎﻋﺴﺔ ﺷﻜﻞ ﺁﺧﺮ ... ﺩﻭﺯ ﺻﺒﻌﻮ ﻋﻠﻰ ﻧﻴﻔﻬﺎ ﺍﻟﻲ ﻓﻴﻪ ﺑﻌﺾ ﺍﻟﻨﻤﺶ ... ﻫﺒﻂ ﻋﻨﻴﻪ ﻟﺸﻔﺎﻳﻔﻬﺎ ﺍﻟﻲ ﺟﺎﻣﻌﺎﻫﻢ ﺑﻄﺮﻳﻘﺔ ﻛﻴﻮﻭﺕ ... ﺗﻨﻬﺪ ... ﻃﻠﻊ ﺍﻟﻐﻄﺎ ﻋﻠﻰ ﻛﺘﺎﻓﻬﺎ ﻭ ﻧﺎﺽ ... ﻫﺰ ﺍﻟﻔﻮﻥ ﺩﻳﺎﻟﻮ ﺷﻌﻠﻮ ﻟﻘﻰ ﻣﻜﺎﻟﻤﺔ ﻣﻦ ﺳﻨﻤﺎﺭ ... ﺧﺮﺝ ﻣﻦ ﺍﻟﺒﻴﺖ ﻭ ﻫﻮ ﻫﺎﺑﻂ ﻣﻊ ﺍﻟﺪﺭﻭﺝ ﺩﻭﺯ ﺍﻹﺗﺼﺎﻝ ...
ﺳﻨﻤﺎﺭ : ﻣﻦ ﻟﺒﺎﺭﺡ ﻭ ﺍﻧﺎ ﻧﻌﻴﻂ
ﺭﺋﺒﺎﻝ : ﺷﻨﻮ ﻛﺎﻳﻦ ؟
ﺳﻨﻤﺎﺭ : ﻣﻨﻴﻦ ﻣﻜﺘﺠﺎﻭﺑﺶ ﺷﺪﻳﺖ ﺍﻟﻄﺮﻳﻖ ... ﻫﺎﻧﻲ ﻗﺮﺑﺖ ﻧﻮﺻﻞ
ﺭﺋﺒﺎﻝ : ﺑﺎﻳﻨﺔ ﺍﻷﺧﺒﺎﺭ ﺍﻟﻲ ﺟﺎﻳﺐ ﻛﻴﻒ ﺩﺍﻳﺮﺓ
ﺳﻨﻤﺎﺭ : ﻛﻴﻒ ﻭﺟﻬﻲ ﻋﺎﺭﻑ ... ﻏﻨﻘﻄﻊ ﺍﻟﻄﺮﻳﻖ ﻫﻨﺎ ﻏﺎ ﺩﻳﺎﻝ ﺍﻟﻤﻮﺕ ... ﻧﺼﺪﻕ ﺯﺍﻟﻖ ﻓﺸﻲ ﻗﺮﻳﻨﺔ
ﻗﻄﻊ ﺳﻨﻤﺎﺭ ... ﺭﺋﺒﺎﻝ ﻫﺒﻂ ﻭ ﺗﻮﺟﻪ ﻟﻜﻮﺯﻳﻨﺔ ... ﻣﺎﻟﻘﻰ ﺣﺪ ﺑﺎﻧﺖ ﻟﻴﻪ ﺍﻟﻌﺼﺎﺭﺓ ﺩﻳﺎﻝ ﺍﻟﻘﻬﻮﺓ ... ﻗﺎﺩ ﻗﻬﻮﺗﻮ ﺭﺍﺳﻮ ﻭ ﺧﺮﺝ ﻟﻠﺼﺎﻟﺔ ﻛﻴﺸﺮﺏ ﻓﻴﻬﺎ ... ﻓﺎﻟﺨﺎﺭﺝ ﻛﺎﻧﺖ ﺳﻤﻴﺔ ﻭ ﺳﻲ ﻋﺒﺎﺱ ﻛﻴﻨﻘﺼﻮ ﺍﻟﺜﻠﺞ ﺍﻟﻲ ﻃﺎﺡ ﻣﻦ ﺍﻟﺴﻘﻒ ﻋﻠﻰ ﺟﻨﺎﺏ ﺍﻟﺪﺍﺭ ... ﺳﻤﻌﻮ ﺻﻮﺕ ﺳﻴﺎﺭﺓ ﺟﺎﻳﺔ ... ﺳﻤﻴﺔ ﺗﻮﻗﻔﺎﺕ ﻋﻠﻰ ﺷﻨﻮ ﻛﺎﻧﺖ ﻛﺪﻳﺮ ﻭ ﺿﺎﺭﺕ ﺣﺎﺿﻴﺔ ﺷﻜﻮﻥ ﻏﻴﻬﺒﻂ ...
ﺣﻞ ﺳﻨﻤﺎﺭ ﻟﺒﺎﺏ ﻭ ﻧﺰﻝ ... ﻻﺑﺲ ﻣﻮﻧﻄﻮ ﻓﺎﻟﮕﺮﻱ ﻭ ﺩﺍﻳﺮ ﺍﻟﻘﺐ ﻋﻠﻰ ﺭﺍﺳﻮ ... ﺑﻘﺎﺕ ﻛﺘﺸﻮﻑ ﻓﻴﻪ ﺣﺘﻰ ﺷﺎﻑ ﺟﻬﺘﻬﺎ ﻭ ﻫﻲ ﺗﺒﻌﺪ ﻋﻨﻴﻬﺎ ... ﻗﺮﺏ ﻋﻨﺪﻭ ﺳﻲ ﻋﺒﺎﺱ ﻫﺎﺯ ﺍﻟﺒﺎﻟﺔ ﻓﻮﻕ ﻛﺘﻔﻮ ...
ﺳﻨﻤﺎﺭ : ﺍﻟﺴﻼﻡ ﻋﻠﻴﻜﻢ
ﺳﻲ ﻋﺒﺎﺱ : ﻋﻠﻴﻜﻢ ﺍﻟﺴﻼﻡ
ﺳﻨﻤﺎﺭ : ﻧﺘﺎ ﻫﻮ ﺳﻲ ﻋﺒﺎﺱ ... " ﻣﺪ ﻟﻴﻪ ﻳﺪﻭ " ﺃﻧﺎ ﺳﻨﻤﺎﺭ ﺻﺎﺣﺐ ﺭﺋﺒﺎﻝ
ﺳﻲ ﻋﺒﺎﺱ : " ﺻﺎﻓﺤﻮ ﺑﺘﺮﺣﻴﺐ " ﻣﺮﺣﺒﺎ ﺍﻭﻟﺪﻱ ... ﻣﺮﺣﺒﺎ ﺑﻴﻚ
ﺳﻨﻤﺎﺭ : ﺍﻟﻠﻪ ﻳﺒﺎﺭﻙ ﻓﻴﻚ
ﺳﻲ ﻋﺒﺎﺱ : ﺩﺧﻞ ﺩﺧﻞ
ﺗﻢ ﺳﻲ ﻋﺒﺎﺱ ﺳﺎﺑﻖ ﻭ ﺳﻨﻤﺎﺭ ﺗﺎﺑﻌﻮ ... ﺗﻠﻔﺖ ﺟﻬﺔ ﺳﻤﻴﺔ ﺍﻟﻲ ﻛﺎﻧﺖ ﻛﺘﺸﻮﻑ ﻓﻴﻪ ﺑﺪﻭﻥ ﻣﺎﺗﻌﻴﻖ ... ﻻﺑﺴﺔ ﺻﺎﻳﺔ ﻃﻮﻳﻠﺔ ﻣﻊ ﺩﺭﺍﻋﺔ ﻣﻦ ﺍﻟﺼﻮﻑ ﻫﺎﺑﻄﺔ ﻭ ﻣﺪﻭﺭﺓ ﺯﻳﻒ ﻋﻠﻰ ﺭﺍﺳﻬﺎ ﻋﺎﻗﺪﺍﻩ ﺍﻟﻠﻮﺭ ... ﺑﺴﺒﺐ ﺍﻟﺒﺮﺩ ﺧﺪﻭﺩﻫﺎ ﻛﺎﻧﻮ ﻣﺰﻧﻜﻴﻦ ﻣﻊ ﺑﺸﺮﺗﻬﺎ ﺍﻟﺒﻴﻀﺎﺀ ... ﺭﻏﻢ ﻣﻼﺑﺴﻬﺎ ﺍﻟﻲ ﻣﺨﻠﻄﺔ ﺃﻟﻮﺍﻥ ﻭ ﻭﺍﺳﻌﺔ ﺍﻻ ﻭ ﻃﺎﻳﺢ ﻋﻠﻴﻬﺎ ﺍﻟﺴﺮ ... ﻟﻔﺘﺎﺕ ﺍﻧﺘﺒﺎﻩ ﺳﻨﻤﺎﺭ ﺑﻠﺒﺎﺳﻬﺎ ﻭ ﺍﻟﻌﻤﻞ ﺍﻟﻲ ﻛﺎﻧﺖ ﻛﺪﻳﺮ ... ﻣﺎ ﺣﻴﺪ ﻋﻠﻴﻬﺎ ﻋﻨﻴﻪ ﺣﺘﻰ ﺳﻤﻊ ﺳﻲ ﻋﺒﺎﺱ ﻛﻴﻘﻮﻝ ﻟﻴﻪ ﺩﺧﻞ ...
ﺩﺧﻠﻮ ﻟﻠﺪﺍﺧﻞ ﻭ ﻫﻮ ﻳﺒﺎﻥ ﻟﻴﻬﻢ ﺭﺋﺒﺎﻝ ﺧﺎﺭﺝ ﻣﻦ ﺍﻟﻜﻮﺯﻳﻨﺔ ... ﻗﺮﺏ ﻋﻨﺪﻭ ﺳﻨﻤﺎﺭ ﻋﻨﻘﻮ ﻋﻨﺎﻕ ﺭﺟﻮﻟﻲ ...
ﺳﻨﻤﺎﺭ : ﻋﻠﻴﻬﺎ ﻫﺮﺑﺘﻲ ﻟﻬﻨﺎ ... ﻣﻜﺎﻧﺶ ﻓﺨﺒﺎﺭﻱ ﺍﻟﻤﻐﺮﺏ ﻓﻴﻪ ﺑﺤﺎﻝ ﻫﺎﺩ ﻟﺒﻼﻳﺺ ... ﻛﻨﺘﻲ ﻏﺎﺷﻨﺎ
ﺭﺋﺒﺎﻝ : ﺍﺵ ﻭﺍﻗﻊ ؟
ﺳﻨﻤﺎﺭ : ﺑﻼﺗﻲ ﻏﺎ ﻧﺘﻨﻔﺲ
ﺳﻲ ﻋﺒﺎﺱ : ﺩﺧﻠﻮ ﻟﻠﺼﺎﻟﺔ ... ﻏﻨﻌﻴﻂ ﻟﺴﻤﻴﺔ ﺗﺤﻂ ﻟﻴﻜﻢ ﺍﻟﻔﻄﻮﺭ
ﺭﺋﺒﺎﻝ : ﻻ ﺑﻼﺵ ﻏﻴﺮ ﺧﻠﻴﻬﺎ
ﺩﺧﻞ ﻫﻮ ﻭ ﺳﻨﻤﺎﺭ ﻟﻠﺼﺎﻟﺔ ﻭ ﺟﻠﺴﻮ ﻓﻮﻕ ﻟﻲ ﻓﻮﻃﻮﻱ ... ﺑﻘﺎ ﺭﺋﺒﺎﻝ ﻛﻴﺘﺴﻨﻰ ﻓﺴﻨﻤﺎﺭ ﻳﻨﻄﻖ ...
ﺳﻨﻤﺎﺭ : ﺿﺮﻙ ﺭﺍﺳﻚ ﻳﺎﻙ ... ﺑﺎﻏﻲ ﺗﻌﺮﻑ
ﺭﺋﺒﺎﻝ : " ﺻﻐﺮ ﻋﻨﻴﻪ " ﻻ ﻫﺪﺍﻙ ﺍﻟﻠﻪ
ﺳﻨﻤﺎﺭ : ﺍﻟﺼﺮﺍﺣﺔ ﻣﺎﺑﻐﻴﺘﺶ ﻧﺨﺴﺮ ﻋﻠﻴﻚ ﻫﺎﺩ ﺍﻟﺠﻮ ... ﻣﻦ ﻭﺟﻬﻚ ﺑﺎﻳﻦ ﻋﻠﻴﻚ ﻣﺮﺗﺎﺡ ... ﻭ ﻏﺘﻜﻮﻥ ﺣﺘﻰ ﺟﻮﻻﻥ ﻧﻔﻌﻬﺎ ﺗﺠﻲ ﻟﻬﻨﺎ ... ﻭ ﻟﻜﻦ ﺑﺎﻫﺎ ﺟﺎ ﻟﺒﺎﺭﺡ ﻟﭭﻴﻼ ﻛﻴﺴﻮﻝ ﻋﻠﻴﻬﺎ ... ﻗﻠﻨﺎ ﻟﻴﻪ ﺭﺍﻩ ﻣﺴﺎﻓﺮﺓ ﻭ ﺑﺎﻥ ﻋﻠﻴﻪ ﻣﺎﻋﺠﺒﻮﺵ ﺍﻟﺤﺎﻝ ... ﺑﻘﺎ ﻛﻴﺪﺧﻞ ﻭ ﻳﺨﺮﺝ ﻋﻠﻴﺎ ﻓﺎﻟﻬﻀﺮﺓ ... ﻭ ﺃﻧﺎ ﻧﺠﺮﻭ ﻣﺎﺑﻐﻴﺘﺶ ﻳﻬﻀﺮ ﻗﺪﺍﻡ ﺍﻟﺤﺎﺟﺔ ... ﻣﻨﻴﻦ ﺳﻮﻟﺘﻮ ﺁﺵ ﺑﻴﻪ ... ﻗﺎﻝ ﻟﻴﻚ ﺍﺳﻴﺪﻱ ﺑﺎﻏﻲ ﻳﺪﻱ ﺑﻨﺘﻮ ... ﻣﺠﺎﺗﺶ ﺗﺒﻘﻰ ﻋﻨﺪﻙ ﻭ ﻣﺰﺍﻝ ﻣﺎﺗﺰﻭﺟﺘﻮ .. ﺍﻭﻯ ﺻﺪﺭﺗﻮ ﻗﻠﺖ ﻟﻴﻪ ﻏﻨﺘﺎﺻﻞ ﺑﻴﻚ ... ﻭ ﺻﺪﻗﺘﻲ ﻃﺎﻓﻲ ﺍﻟﻔﻮﻥ ... ﻭ ﻫﺎ ﺃﻧﺎ ﺟﻴﺖ ﻧﻌﻠﻤﻚ
ﺭﺋﺒﺎﻝ : ﻫﺎﺩﺷﻲ ﻓﺨﺒﺎﺭﻱ
ﺳﻨﻤﺎﺭ : ﻛﻴﻔﺎﺵ !!!
ﺭﺋﺒﺎﻝ : ﻓﺨﺒﺎﺭﻱ ﺟﺎ ... ﻭ ﻛﻨﺎ ﺭﺍﺟﻌﻴﻦ ﺍﻟﻴﻮﻡ
ﺳﻨﻤﺎﺭ : ﺍﻟﺴﻼﻣﺔ ... ﺣﺘﻰ ﻭ ﻧﺘﺎ ﻓﺮﺍﺱ ﺍﻟﺠﺒﻞ ﻛﻴﻮﺻﻠﻮﻙ ... ﺷﻜﻮﻥ ﻭﺭﺍﻙ ﻫﻬﻬﻪ
ﺭﺋﺒﺎﻝ : ﺷﻨﻮ ﻗﺎﻟﺖ ﺍﻟﺤﺎﺟﺔ ؟
ﺳﻨﻤﺎﺭ : ﻣﺎﻋﺠﺒﻬﺎﺵ ﺍﻟﺤﺎﻝ ﺑﻄﺒﻴﻌﺔ ﺍﻟﺤﺎﻝ ... ﻟﻜﻦ ﻗﺎﻟﺖ ﻧﺘﺎ ﺗﻌﺮﻑ
ﺭﺋﺒﺎﻝ : ﻣﻐﺎﺫﻳﺶ ﻧﺨﻠﻴﻬﺎ ﺗﺮﺟﻊ ﻟﻌﻨﺪﻭ ... ﻣﻤﻜﻦ ﻏﺪﺍ ﻳﻮﺟﺪﻭ ﻭﺭﺍﻕ ﺍﻟﻌﻘﺪ ﻭ ﻧﺘﺰﻭﺟﻮ ... ﻭ ﻟﻜﻦ ﻣﺠﺎﺗﺶ ﻓﻬﺎﺩ ﺍﻟﻈﺮﻭﻑ
ﺳﻨﻤﺎﺭ : ﺷﻨﻮ ﻏﺎﺩﻱ ﺩﻳﺮ ﻣﻌﺎﻩ ؟
ﺭﺋﺒﺎﻝ : ﻏﻨﺘﺼﺮﻑ
ﺩﺧﻼﺕ ﺳﻤﻴﺔ ﻛﺘﺴﻮﺱ ﻓﻴﺪﻳﻬﺎ ... ﻻﺣﺖ ﻋﻨﻴﻬﺎ ﺟﻬﺔ ﺍﻟﺼﺎﻟﺔ ﺑﺎﻧﻮ ﻟﻴﻬﺎ ﭼﺎﻟﺴﻴﻦ ﻛﻴﻬﻀﺮﻭ ... ﺗﺴﻼﺕ ﻣﻊ ﺍﻟﺪﺭﻭﺝ ﻭ ﻃﻠﻌﺎﺕ ﻋﻨﺪ ﺟﻮﻻﻥ ... ﺣﻼﺕ ﻟﺒﺎﺏ ﺑﺸﻮﻳﺔ ﻭ ﺩﺧﻼﺕ ... ﻗﺮﺑﺎﺕ ﻭ ﻫﻲ ﺗﺒﺎﻥ ﻟﻴﻬﺎ ﺟﻮﻻﻥ ﻣﺰﺍﻝ ﻧﺎﻋﺴﺔ ... ﭼﻠﺴﺎﺕ ﺟﻨﺒﻬﺎ ﻭ ﻫﻲ ﺗﻤﺪ ﻳﺪﻫﺎ ﺣﻄﺎﺕ ﺻﺒﺎﻋﻬﺎ ﺍﻟﺒﺎﺭﺩﻳﻦ ﻋﻠﻰ ﺧﺪ ﺟﻮﻻﻥ ... ﻓﺘﺤﺎﺕ ﺟﻮﻻﻥ ﻋﻨﻴﻬﺎ ﻭ ﻧﺎﺿﺖ ﻣﺨﻀﻮﺿﺔ ... ﺑﺎﻧﺖ ﻟﻴﻬﺎ ﺳﻤﻴﺔ ﻳﺪﻫﺎ ﻋﻠﻰ ﻓﻤﻬﺎ ﻛﻀﺤﻚ ...
ﺳﻤﻴﺔ : ﺍﻷﻣﻴﺮﺓ ﺍﻟﻨﺎﺋﻤﺔ ﻓﻴﻘﻲ ﺭﺍﻩ ﺍﻟﻌﺸﺮﺓ ﻫﺎﺩﻱ
ﺟﻮﻻﻥ : " ﻛﺘﺤﻚ ﻋﻨﻴﻬﺎ "
ﺳﻤﻴﺔ : " ﻛﻀﺤﻚ " ﻟﺒﺎﺭﺡ ﺳﻲ ﺭﺋﺒﺎﻝ ﺑﺎﺕ ﻫﻨﺎ ﻫﻬﻪ
ﺟﻮﻻﻥ ﺳﻤﻌﺎﺗﻬﺎ ﺷﻨﻮ ﻗﺎﻟﺖ ﻭ ﻫﻤﺎ ﻳﺮﺟﻌﻮ ﻟﻴﻬﺎ ﻟﻘﻄﺎﺕ ﻟﻴﻠﺔ ﻟﺒﺎﺭﺡ ... ﻓﺎﺵ ﺷﺎﻓﺘﻮ ﻭ ﻧﺎﺿﺖ ﻛﺘﺠﺮﻱ ﺗﻼﺣﺖ ﻋﻠﻴﻪ ... ﺑﺪﺍﺕ ﻛﺘﻠﻔﺖ ﻓﺠﻨﺎﺑﻬﺎ ﻓﺎﻟﺴﺮﻳﺮ ﻭ ﻛﺘﺬﻛﺮ ﺑﻠﻲ ﻧﻌﺲ ﺣﺪﺍﻫﺎ ﻭ ﻫﻲ ﺗﺨﺸﺎﺕ ﻓﻴﻪ ... ﺷﺎﻓﺖ ﻓﺴﻤﻴﺔ ﺍﻟﻲ ﻛﻀﺤﻚ ﻭ ﺗﻬﺰ ﻓﺤﺠﺒﺎﻧﻬﺎ ...
ﺟﻮﻻﻥ : ﻣﺎﻭﻗﻊ ﻭﺍﻟﻮ
ﺳﻤﻴﺔ : ﺃﻧﺎ ﻣﺎﻗﻠﺖ ﻭﺍﻟﻮ ﻫﻬﻪ ... ﺍﻩ ﺟﺎ ﻗﺒﻴﻠﺔ ﻭﺍﺣﺪ ﺍﻟﺮﺍﺟﻞ " ﺍﺑﺘﺎﺳﻤﺎﺕ " ﻭﺍﺵ ﺻﺎﺣﺐ ﺳﻲ ﺭﺋﺒﺎﻝ ... ﺧﻠﻴﺘﻬﻢ ﭼﺎﻟﺴﻴﻦ ﻓﺎﻟﺼﺎﻟﺔ ... ﺑﺠﻮﺝ ﺩﺍﻳﺮﻳﻦ ﺑﺤﺎﻝ ﺩﻭﻙ ﺍﻷﺑﻄﺎﻝ ﺍﻟﻲ ﻛﻨﻘﺮﺍ ﻋﻠﻴﻬﻢ ﻓﺎﻟﺮﻭﺍﻳﺎﺕ ... ﻓﺎﺵ ﻛﻨﺖ ﻛﻨﻘﺮﺍ ﻓﺎﻟﭭﻴﻼﺝ ﻛﻨﺖ ﻛﻨﺸﻮﻑ ﺩﺭﺍﺭﻱ ﻋﺎﺩﻳﻴﻦ ... ﻭ ﻟﻜﻦ ﻫﺎﺩﻭ ﻓﺸﻲ ﺷﻜﻞ ... " ﻛﺘﻌﺾ ﻋﻠﻰ ﺷﻔﺘﻬﺎ ﻭ ﺗﻌﺒﺮ ﺑﻴﺪﻳﻬﺎ " ﺯﻭﻳﻨﻴﻦ ﻭ ﻃﻮﺍﻝ ﻫﻬﻬﻪ ... ﺳﻌﺪﺍﺗﻚ ﻏﺘﺰﻭﺟﻲ ﺑﻮﺍﺣﺪ ﻓﻴﻬﻢ
ﺟﻮﻻﻥ : " ﻛﺘﺸﻮﻑ ﻓﻴﻬﺎ "
ﺳﻤﻴﺔ : ﺧﺘﻲ ﺟﻮﻻﻥ ... ﻭﺍﺵ ﻛﺘﺒﻐﻲ ﺳﻲ ﺭﺋﺒﺎﻝ ؟
ﺟﻮﻻﻥ : " ﺣﺮﻛﺎﺕ ﺭﺍﺳﻬﺎ ﺑﺂﻩ "
ﺳﻤﻴﺔ : ﺣﺘﻰ ﻫﻮ ﺑﺎﻳﻨﺔ ﻛﻴﺒﻐﻴﻚ ... ﻓﺎﺵ ﻛﻨﻜﻮﻧﻮ ﻣﺠﻤﻮﻋﻴﻦ ﻛﻴﺒﻘﺎ ﻳﺸﻮﻑ ﻓﻴﻚ ﻏﻴﺮ ﻧﺘﻲ ﻫﻬﻬﻪ
ﺳﻤﻌﺎﺕ ﺳﻤﻴﺔ ﻟﺒﺎﺏ ﺗﺤﻞ ﺗﻠﻔﺘﺎﺕ ﺑﺎﻥ ﻟﻴﻬﺎ ﺭﺋﺒﺎﻝ ﺩﺍﺧﻞ ﻭ ﻫﻲ ﺗﺠﻤﻊ ﺍﻟﻮﻗﻔﺔ ... ﺣﺪﺭﺍﺕ ﺭﺍﺳﻬﺎ ﻭ ﺗﻤﺎﺕ ﺧﺎﺭﺟﺔ ... ﺟﻮﻻﻥ ﺣﻴﺪﺍﺕ ﻟﻐﻄﺎ ﻭ ﻧﺎﺿﺖ ... ﻫﺰﺍﺕ ﺍﻟﻨﻈﺎﺭﺍﺕ ﻣﻦ ﻓﻮﻕ ﺍﻟﻄﺎﺑﻠﺔ ﺩﺍﺭﺗﻬﻢ ﻭ ﺗﻮﺟﻬﺎﺕ ﻟﻠﺤﻤﺎﻡ ... ﻣﺎﻗﺪﺭﺍﺗﺶ ﺗﺸﻮﻑ ﺟﻬﺘﻮ ... ﻏﺴﻼﺕ ﻭﺟﻬﺎ ﻭ ﺳﻨﺎﻧﻬﺎ ... ﺧﺮﺟﺎﺕ ﻟﻘﺎﺗﻮ ﻭﺍﻗﻒ ﻛﻴﻬﻀﺮ ﻓﺎﻟﻔﻮﻥ ... ﺑﺎﻧﻮ ﻟﻴﻬﺎ ﺣﻮﺍﻳﺠﻮ ﻣﺠﻤﻮﻋﻴﻦ ... ﺗﺬﻛﺮﺍﺕ ﻓﺎﺵ ﻗﺎﻝ ﻟﻴﻬﺎ ﻟﺒﺎﺭﺡ ﺑﻠﻲ ﺍﻟﻴﻮﻡ ﻏﻴﺮﺟﻌﻮ ... ﺟﻤﻌﺎﺕ ﺣﻮﺍﻳﺠﻬﺎ ﺣﺘﻰ ﻫﻲ ﻓﺎﻟﺼﺎﻙ ... ﻛﻤﻞ ﺭﺋﺒﺎﻝ ﻭ ﻗﺮﺏ ﻋﻨﺪﻫﺎ ...