السفاح العاشق

بارت 23

ﺟﺮﺍﺗﻬﺎ ﻭ ﺍﺧﺘﺎﺭﺕ ﻟﻴﻬﺎ ﻟﺒﺎﺱ ﺭﺍﺿﻴﺔ ﻋﻠﻴﻪ ... ﻣﻜﺎﻧﺶ ﺑﻌﻴﺪ ﻋﻠﻰ ﺳﺘﻴﻞ ﺟﻮﻻﻥ ﺑﺰﺍﻑ ... ﻟﺒﺴﺎﺕ ﺟﻴﺐ ﻓﺎﻳﺘﺔ ﺍﻟﺮﻛﺒﺔ ﻣﻊ ﻗﺎﻣﻴﺤﺔ ﮔﺮﻭﻧﺔ ﻭ ﻓﻮﻗﻬﺎ ﺟﺎﻛﻴﻂ ﺩﻧﻴﻢ ... ﻭ ﺻﺒﺎﻁ ﻋﺎﻟﻲ ﻓﺎﻷﺳﻮﺩ ... ﻭﻗﻔﺎﺕ ﺟﻮﻻﻥ ﻗﺪﺍﻡ ﻟﻤﺮﺍﻳﺔ ﻛﺘﺸﻮﻑ ﻓﺮﺍﺳﻬﺎ ... ﺍﺑﺘﺎﺳﻤﺎﺕ ﻋﺠﺒﻬﺎ ﺷﻜﻠﻬﺎ ﻷﻧﻬﺎ ﺑﺎﻗﺔ ﻫﻲ ﻧﻔﺴﻬﺎ ﻣﻊ ﺗﻐﻴﻴﺮﺍﺕ ﺑﺴﻴﻄﺔ ...
ﺷﻜﺮﺍﺕ ﺍﻟﺒﻨﺖ ﺍﻟﻲ ﺳﻌﺪﺍﺗﻬﺎ ﻭ ﺧﺮﺟﺎﺕ ... ﻃﻠﻌﺎﺕ ﻓﺎﻟﻤﺼﻌﺪ ﻟﻤﻜﺘﺐ ﺑﻬﺎﺀ ﺑﺎﺵ ﺗﺎﺧﺪ ﻣﻦ ﻋﻨﺪﻭ ﻧﻀﺮﺍﺗﻬﺎ ... ﻭﻟﻔﺎﺗﻬﻢ ﻭ ﻣﻴﻤﻜﻨﺶ ﺗﺠﻠﺲ ﺑﻼ ﺑﻴﻬﻢ ... ﺧﺮﺟﺎﺕ ﻏﺎﺩﺓ ﻓﺎﻟﻜﻮﻟﻮﺍﺭ ﻛﺘﻤﺸﺎ ﺑﺸﻮﻳﺔ ﺣﻴﻨﺖ ﻻﺑﺴﺔ ﻟﻌﻠﻮ ... ﻛﻴﻒ ﻫﺰﺍﺕ ﺭﺍﺳﻬﺎ ﻭ ﻫﻲ ﺗﻮﻗﻒ ﻓﺠﺄﺓ ... ﻛﺘﺸﻮﻑ ﻓﺮﺋﺒﺎﻝ ﻭﺍﻗﻒ ﻗﺪﺍﻣﻬﺎ ﻭ ﻣﺮﻛﺰ ﻓﻴﻬﺎ ﺍﻟﺸﻮﻓﺔ ﺑﻨﻀﺮﺍﺕ ﻏﺮﻳﻴﻴﺒﺔ ...
ﺑﺠﻮﺝ ﻭﺍﻗﻔﻴﻦ ﻓﺎﻟﻜﻮﻟﻮﺍﺭ ﺑﻌﺎﺩ ﻋﻠﻰ ﺑﻌﺾ ﺑﻤﺘﺮﺍﺕ ﻗﻠﻴﻠﺔ ... ﺟﻮﻻﻥ ﻭﺍﻗﻔﺔ ﺑﺘﻮﺛﺮ ﻛﺘﺤﻚ ﻓﻴﺪﻳﻬﺎ ﻣﻊ ﺑﻌﺾ ... ﺑﻴﻨﻤﺎ ﺭﺋﺒﺎﻝ ﻛﺎﻥ ﻛﻴﺤﻘﻖ ﻓﻴﻬﺎ ﻣﻦ ﺭﺟﻠﻴﻬﺎ ﻟﺮﺍﺳﻬﺎ ... ﻟﻜﻦ ﻣﺒﺎﻳﻨﺶ ﻋﻠﻰ ﻣﻼﻣﺤﻮ ﺷﻨﻮ ﻛﻴﻀﻮﺭ ﻓﺮﺍﺳﻮ ... ﺃﺧﻴﺮﺍ ﺗﺤﺮﻙ ﻭ ﺗﻘﺪﻡ ﻋﻨﺪﻫﺎ ... ﻭﻗﻒ ﻣﻘﺎﺑﻞ ﻣﻌﻬﺎ ...
ﺭﺋﺒﺎﻝ : ﺷﻨﻮ ﻫﺎﺩﺷﻲ ﺍﻟﻲ ﺩﺭﺗﻲ ؟
ﺟﻮﻻﻥ : " ﺑﻌﺪﻡ ﻓﻬﻢ " ﻧﻌﺎﻡ !
ﺭﺋﺒﺎﻝ : " ﻗﺮﺏ ﺧﻄﻮﺓ " ﻓﻴﻦ ﻫﻤﺎ ﻧﻀﺎﺿﺮﻙ ؟
ﺟﻮﻻﻥ : ﺁﻩ ﻧﻀﺎﺿﺮﻱ ﺣﻴﺪﺗﻬﻢ
ﺭﺋﺒﺎﻝ : " ﺑﻨﺒﺮﺓ ﺣﺎﺩﺓ " ﻋﻼﺍﺍﺵ ؟
ﺟﻮﻻﻥ : ﻣﻮﺳﻴﻮ ﺑﻬﺎﺀ ﺧﺪﺍﻫﻢ ﻣﻦ ﻋﻨﺪﻱ ... ﻭ ﺍﻧﺎ ﺟﻴﺖ ﺑﺎﺵ ﻧﺮﺟﻌﻬﻢ ﺣﻴﻨﺖ ﻣﻜﻨﺮﺗﺎﺣﺶ ﺑﻼ ﺑﻴﻬﻢ
ﺭﺋﺒﺎﻝ : ﺑﻬﺎﺀ !
ﺟﻮﻻﻥ : ﺁﻩ ﻣﻮﺳﻴﻮ ﺑﻬﺎﺀ
ﺭﺋﺒﺎﻝ : ﺳﻴﺮﻱ ﻟﻠﻤﻜﺘﺐ ﺩﻳﺎﻟﻲ ﺗﺴﻨﺎﻧﻲ ﺗﻤﺎﻙ
ﺟﻮﻻﻥ : ﻉ ﻋﻼﺵ ؟؟
ﺭﺋﺒﺎﻝ : ﺳﻴﺮﻱ
ﺷﺎﻓﺖ ﻓﻴﻬﻢ ﺑﺎﺳﺘﻐﺮﺍﺏ ﻣﻤﺰﻭﺝ ﺑﺨﻮﻑ ... ﻛﺘﺴﺎﺀﻝ ﻣﻊ ﺭﺍﺳﻬﺎ ﻭﺍﺵ ﺩﺍﺭﺕ ﺷﻲ ﺧﻄﺄ ... ﻳﺎﻙ ﻫﻤﺎ ﻃﻠﺒﻮ ﻣﻨﻬﺎ ﺩﻳﺮ ﺍﻟﺘﻐﻴﻴﺮ ﻭ ﺩﺍﺭﺗﻮ ... ﻻ ﻃﺎﻟﺒﺎﺕ ﺑﺎﺳﺘﺮﺟﺎﻉ ﻧﻀﺮﺍﺗﻬﺎ ﻓﻴﻬﺎ ﺷﻲ ﺣﺎﺟﺔ ... ﺗﻤﺸﺎﺕ ﻧﺎﺣﻴﺔ ﻣﻜﺘﺐ ﺭﺋﺒﺎﻝ ﺣﻼﺕ ﻟﺒﺎﺏ ﻭ ﺩﺧﻼﺕ ...
ﺭﺋﺒﺎﻝ ﻗﻠﺐ ﺍﻟﻄﺮﻳﻖ ﺍﺗﺠﺎﻩ ﻣﻜﺘﺐ ﺑﻬﺎﺀ ... ﺣﻂ ﻳﺪﻭ ﻋﻠﻰ ﻟﭙﻮﺍﻧﻲ ﻭ ﻓﺘﺢ ﻟﺒﺎﺏ ... ﺷﺎﻑ ﻓﺒﻬﺎﺀ ﻭﺍﻗﻒ ﻓﻮﺳﻂ ﺍﻟﻤﻜﺘﺐ ... ﻟﻤﺢ ﺍﻟﻨﻀﺮﺓ ﺍﻟﻲ ﻋﻠﻰ ﻭﺟﻬﻮ ﻛﺄﻧﻮ ﺷﺎﻑ ﺷﺒﺢ ... ﻧﺰﻝ ﺭﺋﺒﺎﻝ ﻋﻨﻴﻪ ﻷﺭﺽ ... ﺑﺎﻧﻮ ﻟﻴﻪ ﻧﻀﺎﺭﺍﺕ ﺟﻮﻻﻥ ﻓﻠﺮﺽ ﻣﻬﺮﺳﻴﻦ ... ﻛﺄﻥ ﺷﻲ ﺣﺪ ﻋﻔﻂ ﻋﻠﻴﻬﻢ ... ﺭﺟﻊ ﺷﺎﻑ ﻓﻴﻪ ﺷﻮﻓﺔ ﻗﺎﺻﺤﺔ ﻭ ﺗﻜﻠﻢ ...
ﺭﺋﺒﺎﻝ : ﺗﺒﻌﻨﻲ
ﺧﺮﺝ ﺭﺋﺒﺎﻝ ﻭ ﺗﺒﻌﻮ ﺑﻬﺎﺀ ﻭ ﺍﻟﻠﻮﻥ ﻓﻮﺟﻬﻮ ﺗﻐﻴﺮ ... ﻛﺄﻧﻮ ﻋﺎﺭﻑ ﺷﻨﻮ ﺗﺎﺑﻌﻮ ... ﺣﻞ ﺭﺋﺒﺎﻝ ﻟﺒﺎﺏ ﺑﺎﻧﺖ ﻟﻴﻪ ﺟﻮﻻﻥ ﻭﺍﻗﻔﺔ ﺟﻨﺐ ﺭﻓﻮﻑ ﺍﻟﺨﺰﺍﻧﺔ ﻭ ﻫﺎﺯﺓ ﻛﺘﺎﺏ ... ﻛﻴﻒ ﺷﺎﻓﺘﻮ ﺭﺟﻌﺎﺗﻮ ﻟﺒﻼﺻﺘﻮ ﺑﺴﺮﻋﺔ ﻭ ﺟﻤﻌﺎﺕ ﻳﺪﻳﻬﺎ ... ﻣﺸﺎ ﭼﻠﺲ ﻓﻤﻜﺎﻧﻮ ... ﺩﺧﻞ ﻣﻦ ﻭﺭﺍﻩ ﺑﻬﺎﺀ ﻟﻤﺢ ﺟﻮﻻﻥ ﻭ ﻫﻮ ﻳﺰﻳﺮ ﻋﻠﻰ ﻳﺪﻭ ... ﻭﻗﻒ ﻣﺴﺘﺎﻗﻢ ﻛﻴﺘﺴﻨﺎ ﺷﻨﻮ ﻏﺎﺩﻱ ﻳﻘﻮﻝ ﺭﺋﺒﺎﻝ ...
ﺭﺋﺒﺎﻝ : ﺑﻬﺎﺀ ﻣﻦ ﺍﻟﻴﻮﻡ ﺗﻌﻔﻴﺘﻲ ﻣﻦ ﺍﻟﻤﻨﺼﺐ ﺩﻳﺎﻟﻚ
ﺑﻬﺎﺀ : " ﺑﺼﺪﻣﺔ ﻫﺰ ﺭﺍﺳﻮ ﻓﺮﺋﺒﺎﻝ "
ﺭﺋﺒﺎﻝ : ﻏﺘﺒﻘﺎ ﻣﺎﻧﺪﺟﺮ ﻟﺴﻨﻤﺎﺭ ﻭ ﺇﻟﻴﺎﺱ ﻓﻘﻂ ... ﻣﻬﺎﻣﻚ ﺍﻷﺧﺮﻯ ﺗﻌﻔﻴﺘﻲ ﻣﻨﻬﺎ
ﺷﺎﻑ ﺑﻬﺎﺀ ﻓﺠﻮﻻﻥ ﺍﻟﻲ ﻣﻔﺎﻫﻤﺔ ﻭﺍﻟﻮ ... ﻭ ﺣﺘﺎ ﻫﻮ ﻛﻴﺘﺴﺎﺀﻝ ﻋﻠﻰ ﻭﺟﻮﺩﻫﺎ ... ﺧﺎﺻﺔ ﻓﺤﺪﻳﺚ ﻣﻬﻢ ﻛﻬﺬﺍ ... ﺭﺟﻊ ﺷﺎﻑ ﻓﺮﺋﺒﺎﻝ ...
ﺑﻬﺎﺀ : ﻭﺍﺵ ﻛﺎﻥ ﺷﻲ ﺗﻘﺼﻴﺮ ﻣﻨﻲ ؟
ﺭﺋﺒﺎﻝ : ﻣﻜﺎﻧﻚ ﻏﻴﻮﻟﻲ ﻟﺸﺨﺺ ﺁﺧﺮ ... ﻭ ﻫﺎﺩ ﺍﻟﺸﺨﺺ ﻧﺘﺎ ﺍﻟﻲ ﻏﺘﺴﺎﻋﺪﻭ ﺣﺘﺎ ﻳﻌﺮﻑ ﺷﻨﻮ ﻳﺪﻳﺮ ﻟﻤﺪﺓ ﺃﺳﺒﻮﻉ ... ﻭ ﺑﻌﺪﻫﺎ ﻏﺘﻨﺘﺎﻗﻞ ﻟﻠﻄﺎﺑﻖ ﺍﻷﺭﺿﻲ ... ﻣﻔﻬﻮﻡ !
ﺑﻬﺎﺀ : ﺷﻜﻮﻥ ﻫﺎﺩ ﺍﻟﺸﺨﺺ ﺍﻟﻲ ﻏﻴﺠﻲ ﺑﻼﺻﺘﻲ ؟
ﺭﺋﺒﺎﻝ : ﺍﻟﻔﺎﺭﻳﺴﻲ
ﺟﻮﻻﻥ : " ﺑﺼﻮﺕ ﻣﺮﺗﻔﻊ " ﺃﻧﺎﺍﺍﺍﺍ
ﺷﺎﻓﻮ ﻓﻴﻬﺎ ﺑﺠﻮﺝ ﺣﺎﻃﺔ ﺻﺒﻌﻬﺎ ﻋﻠﻰ ﺻﺪﺭﻫﺎ ﻭ ﻣﺨﺮﺟﺔ ﻋﻨﻴﻬﺎ ... ﺑﻬﺎﺀ ﻣﺎﻗﺪﺭﺵ ﻳﺴﺘﻮﻋﺐ ﻫﺎﺩﺷﻲ ﺍﻟﻲ ﺳﻤﻊ ... ﻭ ﻣﺎﻗﺪﺭ ﺣﺘﺎ ﻳﺴﺘﻔﺴﺮ ﺍﻭ ﻳﺰﻳﺪ ﻳﺴﻮﻝ ... ﻋﺎﺭﻑ ﻗﺮﺍﺭﺍﺕ ﺭﺋﺒﺎﻝ ﻻ ﻧﻘﺎﺵ ﻓﻴﻬﺎ ...
ﺭﺋﺒﺎﻝ : ﻏﺘﺴﺎﻋﺪﻫﺎ ﺣﺘﺎ ﺗﻮﻟﻒ ﺍﻟﻤﻨﺼﺐ ﻭ ﺗﻌﺮﻑ ﺍﻷﺳﺎﺳﻴﺎﺕ ... ﺁﻩ ﻭ ﺳﺎﻋﺪﻫﺎ ﺗﻨﻘﻞ ﺃﻏﺮﺍﺿﻬﺎ ﻟﻠﻤﻜﺘﺐ ﺩﻳﺎﻟﻚ ... ﻷﻧﻮ ﻣﻦ ﺍﻟﻴﻮﻡ ﺭﺟﻊ ﻣﻜﺘﺒﻬﺎ ﻫﻲ
ﺟﻮﻻﻥ : ﻣﻴﺴﺘﺮ ﺍﻟﻌﺜﻤﺎﻧﻲ ... ﺳﻤﺢ ﻟﻴﺎ ﻭ ﻟﻜﻦ ﻣﺎﻓﻬﻤﺘﺶ ﻫﺎﺩﺷﻲ ﺍﻟﻲ ﻛﺘﻘﻮﻝ ... ﺃﻧﺎ ﻛﺎﺗﺒﺔ ﻓﻘﻂ ... ﻭ ﻣﺎﻋﻨﺪﻱ ﻻ ﻣﺆﻫﻼﺕ ﻭ ﻻ ﻣﻌﺮﻓﺔ ﻋﻠﻰ ﻫﺎﺩ ﺍﻟﻤﻨﺼﺐ ﺍﻟﻲ ﻛﺘﻬﻀﺮ ﻋﻠﻴﻪ ... ﻭ ﺯﺍﻳﺪﻭﻥ ﻣﺎﺑﻐﻴﺘﺶ ﻧﺎﺧﺪ ﻣﻜﺎﻥ ﺷﺨﺺ ﺁﺧﺮ ﻭ ﻫﻮ ﻳﺴﺘﺎﺣﻘﻮ ﻛﺜﺮ ﻣﻨﻲ
ﺭﺋﺒﺎﻝ : " ﺣﻂ ﻳﺪﻭ ﻋﻠﻰ ﺫﻗﻨﻮ " ﻣﻦ ﺍﻟﻴﻮﻡ ﺑﺪﺍ ﻓﺘﺪﺭﻳﺒﻬﺎ
ﺑﻬﺎﺀ : ﺣﺎﺿﺮ ﻣﻴﺴﺘﺮ ﺭﺋﺒﺎﻝ
ﻗﺮﺏ ﺑﻬﺎﺀ ﻋﻨﺪ ﺟﻮﻻﻥ ﺍﻟﻲ ﺩﺍﻳﺮﺓ ﺑﺤﺎﻝ ﺍﻷﻃﺮﺵ ﻓﻲ ﺍﻟﺰﻓﺔ ... ﻣﺰﺍﻝ ﻣﺎﻓﻬﻤﺎﺕ ﺣﺘﺎ ﻟﻌﺒﺔ ... ﺷﺎﻓﺘﻮ ﺩﺍﺭ ﻟﻴﻬﺎ ﺇﺷﺎﺭﺓ ﺗﺒﻌﻮ ﻭ ﺗﻢ ﺧﺎﺭﺝ ... ﺿﺎﺭﺕ ﻋﻨﺪ ﺭﺋﺒﺎﻝ ﺑﺎﻥ ﻟﻴﻬﺎ ﻛﻴﺸﻮﻑ ﻓﻴﻬﺎ ﻭ ﻫﻲ ﺗﺒﻊ ﺑﻬﺎﺀ ... ﺩﺧﻠﻮ ﻟﻠﻤﻜﺘﺐ ﺩﻳﺎﻟﻮ ... ﺿﺎﺭ ﻋﻨﺪﻫﺎ ﻭ ﻫﻀﺮ ﺑﻌﺼﺒﻴﺔ ...
ﺑﻬﺎﺀ : ﺳﻤﻌﻴﻨﻲ ﻣﺰﻳﺎﻥ ﻟﻜﻞ ﺣﺎﺟﺔ ﻗﻠﺘﻬﺎ ... ﻣﻦ ﺍﻟﻴﻮﻡ ﻏﺘﻮﻟﻲ ﻣﺴﺎﻋﺪﺓ ﻣﻴﺴﺘﺮ ﺍﻟﻌﺜﻤﺎﻧﻲ ﺍﻟﺸﺨﺼﻴﺔ
ﺟﻮﻻﻥ : ﺷﻨﻮﻭﻭﻭ !!
ﺑﻬﺎﺀ : ﺳﻜﺘﻲ ﻭ ﺳﻤﻌﻲ ... ﻫﻀﺮﺗﻮ ﻻ ﻧﻘﺎﺵ ﻓﻴﻬﺎ ... ﺑﺠﻨﺐ ﺍﻟﻜﺘﺎﺑﺎﺕ ﺩﻳﺎﻟﻚ ﻏﺘﻘﻮﻣﻲ ﺑﻤﻬﺎﻡ ﺃﺧﺮﻯ ... ﻭ ﻣﻦ ﺍﻷﺣﺴﻦ ﺗﺤﻀﺮﻱ ﻋﻘﻠﻚ ﻭ ﺗﻨﺘﺎﺑﻬﻲ ﻷﻱ ﺣﺎﺟﺔ ﻗﻠﺘﻬﺎ ﻟﻴﻚ ... ﻻ ﻣﺠﺎﻝ ﻟﻸﺧﻄﺎﺀ ﻣﻔﻬﻮﻡ
ﺟﻮﻻﻥ : ﻭ ﻟﻜﻦ
ﺑﻬﺎﺀ : ﺷﻨﻮ ﻗﻠﺖ ... ﺳﻤﻌﻲ ﻭ ﻧﻔﺪﻱ ﺍﻭ ﻏﺘﻠﻘﺎﻱ ﺭﺍﺳﻚ ﺧﺎﺭﺝ ﺍﻟﺸﺮﻛﺔ
ﺟﻮﻻﻥ : ﻳﻌﻨﻲ ﻧﺘﺎ ﻣﺎﻋﻨﺪﻛﺶ ﻣﺸﻜﻴﻞ ﻧﺎﺧﺪ ﻣﻜﺎﻧﻚ ﻭ ﻣﻜﺘﺒﻚ
ﺑﻬﺎﺀ : " ﻣﺰﻳﺮ ﻋﻠﻰ ﻓﻜﻮ " ﻫﺎﺩﺷﻲ ﻣﺆﻗﺖ ﻓﻘﻂ ... ﺳﻮ ﻣﺎﺗﻮﻟﻔﻴﻬﺎﺵ ... ﻫﺒﻄﻲ ﺟﻴﺒﻲ ﺍﻏﺮﺍﺿﻚ ﻭ ﻃﻠﻌﻴﻬﻢ ﻟﻬﻨﺎ
ﺟﻮﻻﻥ : ﻭﺍﺧﺔ ... ﺁﻩ ﻗﺒﻞ ﻓﻴﻦ ﻫﻤﺎ ﻧﻀﺎﺿﺮﻱ ﺑﻐﻴﺘﻬﻢ ... ﺭﺍﻩ ﻻ ﻣﻜﻨﺘﺶ ﻟﺒﺴﺎﻫﻢ ﻛﻴﺒﺎﻧﻮ ﻟﻴﺎ ﺍﻟﻮﺟﻮﻩ ﻣﻀﺒﺒﻴﻦ ﻣﻦ ﺑﻌﻴﺪ ... ﻭ ﻛﻨﺒﻘﺎ ﻧﺘﺴﺎﻃﺢ ﻣﻊ ﺍﻷﺛﺎﺙ " ﻣﺪﺍﺕ ﻳﺪﻫﺎ " ﻭﺍﺧﺔ ﺗﻌﻄﻴﻬﻢ ﻟﻴﺎ
ﺑﻬﺎﺀ : ﻟﺤﺘﻬﻢ
ﺟﻮﻻﻥ : ﻫﺎﺍﺍﺍ ... ﻋﻼﺍﺍﺍﺵ ... ﻋﻼﺵ ﻟﺤﺘﻴﻬﻢ ﻋﺮﻓﺘﻲ ﺑﺸﺤﺎﻝ ﻃﻠﻌﻮ ﻋﻠﻴﺎ ... ﻣﺎﻣﺎ ﺩﺍﺭﺕ ﺍﻟﻘﺮﻋﺔ ﻋﻠﻰ ﻗﺒﻠﻲ ﺑﺎﺵ ﺗﺨﻠﺼﻬﻢ ﻟﻴﺎ " ﺩﻣﻌﻮ ﻋﻨﻴﻬﺎ " ﻻ ﻛﻨﺘﻲ ﺿﺪ ﻧﺪﻳﺮﻫﻢ ... ﻗﻮﻟﻬﺎ ﻣﻨﺒﻘﺎﺵ ﻧﻠﺒﺴﻬﻢ ﻓﺎﻟﺸﺮﻛﺔ ... ﻟﻜﻦ ﻣﺎﻋﻨﺪﻛﺶ ﺍﻟﺤﻖ ﺗﻠﻮﺣﻬﻢ
ﺧﺮﺟﺎﺕ ﺟﻮﻻﻥ ﻣﻦ ﻟﻤﻜﺘﺐ ﻭ ﻫﺒﻄﺎﺕ ﻓﺎﻟﻤﺼﻌﺪ ... ﺩﺧﻼﺕ ﻟﻤﻜﺘﺒﻬﺎ ﻭ ﻭﻗﻔﺎﺕ ﻛﺘﻤﺴﺢ ﻓﺪﻣﻮﻋﻬﺎ ... ﺑﻘﺎ ﻓﻴﻬﺎ ﺍﻟﺤﺎﻝ ﻛﻴﻒ ﻻﺡ ﺷﻲ ﺣﺎﺟﺔ ﻛﺘﺨﺼﻬﺎ ﻛﺄﻧﻬﺎ ﻻ ﻗﻴﻤﺔ ﻟﻬﺎ ... ﻣﻌﺎﺭﻓﺶ ﺩﻭﻙ ﺍﻟﻨﻀﺎﺭﺍﺕ ﺷﻨﻮ ﻛﻴﻌﻨﻴﻮ ﻟﻴﻬﺎ ... ﻭ ﺣﺘﺎ ﺗﻌﺎﻣﻠﻮ ﺍﻟﻘﺎﺻﻲ ﻣﻌﻬﺎ ﻣﻌﺎﺭﻓﺎﺵ ﺷﻨﻮ ﺳﺒﺒﻮ ... ﻫﻲ ﻣﺒﺎﻏﺔ ﻣﺸﺎﻛﻴﻞ ﻭ ﺣﺘﺎ ﻫﺎﺩ ﺍﻟﻤﻨﺼﺐ ﺍﻟﻲ ﺗﻌﻄﺎ ﻟﻴﻬﺎ ﻣﺎﺑﻐﺎﺗﻮﺵ ... ﺣﺎﺳﺔ ﺑﻠﻲ ﻏﻴﺠﻲ ﻣﻨﻮ ﻏﻴﺮ ﺻﺪﺍﻉ ﺍﻟﺮﺍﺱ ...
ﺑﺪﺍﺕ ﻛﺘﺠﻤﻊ ﺃﻏﺮﺍﺿﻬﺎ ﻃﻠﻌﺎﺗﻬﻢ ﻟﻠﻄﺎﺑﻖ ﺍﻷﺧﻴﺮ ... ﺩﺧﻼﺕ ﻟﻠﻤﻜﺘﺐ ﻟﻘﺎﺗﻮ ﺧﻮﺍﻭﻩ ... ﺣﻄﺎﺕ ﺩﺍﻛﺸﻲ ﺩﻳﺎﻟﻬﺎ ﻭ ﺟﻠﺴﺎﺕ ﻛﺘﺨﻤﻢ ﺣﺘﺎ ﺟﺎ ﺑﻬﺎﺀ ... ﻭ ﺑﺪﺍ ﻛﻴﺸﺮﺡ ﻟﻴﻬﺎ ﺷﻨﻮ ﺧﺎﺻﻬﺎ ﺩﻳﺮ ...
ﻣﺮ ﺃﺳﺒﻮﻉ ﻭ ﻫﻲ ﻣﺮﺍﻓﻘﺔ ﺑﻬﺎﺀ ﻓﻜﻞ ﺧﻄﻮﺓ ... ﻋﺮﻓﺎﺕ ﻃﺒﻴﻌﺔ ﺧﺪﻣﺘﻮ ﺍﻟﻲ ﻣﻜﺎﻧﺘﺶ ﺳﺎﻫﻠﺔ ﻧﻬﺎﺋﻴﺎ ... ﻛﺎﻧﺖ ﺗﺸﻮﻑ ﺭﺋﺒﺎﻝ ﻣﺮﺓ ﻣﺮﺓ ﻟﻜﻦ ﺃﻏﻠﺐ ﺍﻟﻮﻗﺖ ﻛﺎﻧﺖ ﻓﺎﻟﻤﻜﺘﺐ ... ﻭﺍﺧﺔ ﺑﻬﺎﺀ ﻛﺎﻥ ﻳﻮﺭﻳﻬﺎ ﺷﻨﻮ ﺩﻳﺮ ﺍﻻ ﻭ ﺣﺴﺎﺕ ﺑﺘﻌﺎﻣﻠﻮ ﺍﻟﻌﺪﺍﺋﻲ ﻣﻌﻬﺎ ... ﺧﺎﺻﺔ ﻓﺎﺵ ﻛﺘﻜﻮﻥ ﻏﻴﺮ ﻫﻲ ﻭﻳﺎﻩ ... ﺣﺎﻭﻻﺕ ﺗﻔﻬﻢ ﺗﺼﺮﻓﻮ ﺍﺗﺠﺎﻫﻬﺎ ... ﻓﻬﻲ ﻛﺘﺒﻘﺎ ﺍﻟﺸﺨﺺ ﺍﻟﻲ ﺧﺪﺍ ﻟﻴﻪ ﻣﻜﺎﻧﻮ ﺑﻌﺪ ﻫﺎﺩ ﺍﻟﺴﻨﻮﺍﺕ ﻛﻠﻬﺎ ...
ﺍﻟﻴﻮﻡ ﻓﺎﻗﺖ ﺑﻜﺮﻱ ﻛﻴﻒ ﺍﻟﻌﺎﺩﺓ ... ﺭﺟﻌﺎﺕ ﻛﺘﻤﺸﻲ ﻟﻠﺸﺮﻛﺔ ﻳﻮﻣﻴﺎ ﻭ ﻛﻈﻞ ﻓﻴﻬﺎ ﻣﺎﺷﻲ ﺑﺤﺎﻝ ﻗﺒﻞ ... ﻭ ﺷﺮﺣﺎﺕ ﻟﻮﻟﺪﻳﻬﺎ ﺑﻠﻲ ﺧﺪﺍﺕ ﻣﻨﺼﺐ ﺁﺧﺮ ﻭ ﻏﻴﺘﺰﺍﺩﻫﺎ ﻓﺎﻟﺼﺎﻟﻴﺮ ... ﻛﺎﻥ ﺧﺒﺮ ﻣﻔﺮﺡ ﻟﻴﻬﻢ ... ﺃﻧﻬﺎ ﻏﺘﻜﻮﻥ ﻣﻮﺿﻔﺔ ﺭﺳﻤﻴﺔ ﻓﺎﻟﺸﺮﻛﺔ ... ﻷﻥ ﺍﻟﻜﺘﺎﺑﺔ ﻓﻴﻬﺎ ﺗﺨﺒﻄﺎﺕ ... ﻣﺎﺷﻲ ﺩﻳﻤﺎ ﻏﺘﻘﺪﺭ ﺗﻨﺸﺮ ﻭ ﺗﻀﻤﻦ ﻧﺠﺎﺡ ﻛﺘﺒﻬﺎ ...
ﺑﻌﺪﻣﺎ ﻓﻄﺮﺍﺕ ﻃﻠﻌﺎﺕ ﺟﻮﻻﻥ ﻟﻐﺮﻓﺘﻬﺎ ... ﻟﺒﺴﺎﺕ ﻋﻠﻴﻬﺎ ﺳﺮﻭﺍﻝ ﺃﺳﻮﺩ ﻣﻊ ﺗﺮﻳﻜﻮ ﻓﻠﺒﻠﻮ ﻭ ﺟﺎﻛﻴﻂ ﺩﻧﻴﻢ ... ﺳﺮﺣﺎﺕ ﺷﻌﺮﻫﺎ ﺑﻠﺒﻼﻙ ﻭ ﺩﺍﺭﺕ ﻣﺎﻳﻜﺎﭖ ﺧﻔﻴﻒ ... ﻫﺰﺍﺕ ﻟﻲ ﻟﻮﻧﺘﻲ ﻗﺪﺍﺗﻬﻢ ... ﻭﺍﺧﺔ ﻣﻮﻟﻔﺎﺗﺶ ﺗﻠﺒﺴﻬﻢ ﻣﻲ ﻣﺎﻋﻨﺪﻫﺎﺵ ﺧﻴﺎﺭ ... ﻣﻬﺎ ﺳﻮﻻﺗﻬﺎ ﻋﻠﻴﻬﻢ ﻗﺎﻟﺖ ﻟﻴﻬﺎ ﺗﻬﺮﺳﻮ ﻟﻴﻬﺎ ... ﺑﻘﺎﺕ ﻭﺍﻗﻔﺔ ﻛﺘﻔﻜﺮ ﺷﻨﻮ ﺗﻠﺒﺲ ﻓﺮﺟﻠﻴﻬﺎ ... ﺣﺘﺎ ﻛﺎﻧﺖ ﻏﺘﻬﺰ ﺍﻟﺴﺒﺮﺩﻳﻠﺔ ﻭﻻﺕ ﻫﺰﺍﺕ ﺍﻟﺼﺒﺎﻁ ...
ﻫﺎﺩ ﺍﻷﻳﺎﻡ ﺭﺟﻌﺎﺕ ﺗﻠﺒﺴﻮ ﺑﻌﺾ ﺍﻟﻤﺮﺍﺕ ... ﻭﺍﺧﺔ ﻣﻜﺘﺮﺗﺎﺣﺶ ﻓﺎﻟﻜﻌﺐ ﺍﻟﻌﺎﻟﻲ ... ﻟﻜﻦ ﻣﺴﺄﻟﺔ ﻫﺎﺩ ﺍﻟﺘﻐﻴﻴﺮ ﻭ ﻟﺨﺪﻣﺔ ﺍﻟﺠﺪﻳﺪﺓ ﻓﺮﺿﺎﺕ ﻋﻠﻴﻬﺎ ﺗﻠﺒﺲ ﺑﺤﺎﻝ ﻫﺎﻛﺔ ... ﻭ ﺍﻟﻴﻮﻡ ﻏﺘﺒﺪﺍ ﺍﻟﺨﺪﻣﺔ ﻣﻊ ﺭﺋﺒﺎﻝ ﺑﻮﺣﺪﻫﺎ ... ﻏﻴﺮ ﻛﺘﻔﻜﺮﻫﺎ ﻟﺤﻤﻬﺎ ﻛﻴﻜﻮﺵ ﻋﻠﻴﻬﺎ ... ﺑﺴﺒﺐ ﺷﺨﺼﻴﺘﻮ ﺍﻟﻐﺎﻣﻀﺔ ﻣﻌﺎﺭﻓﺔ ﻛﻴﻒ ﺗﺼﺮﻑ ﻗﺪﺍﻣﻮ ... ﺳﺎﺳﺖ ﺭﺍﺳﻬﺎ ﻣﻦ ﻫﺎﺩ ﺍﻷﻓﻜﺎﺭ ﺍﻟﺴﻠﺒﻴﺔ ﻫﺰﺍﺕ ﺻﺎﻛﻬﺎ ﻭ ﺧﺮﺟﺎﺕ ...
ﺑﺎﻥ ﻟﻴﻬﺎ ﺍﻟﺤﺎﺝ ﺧﺎﺭﺝ ﻣﻦ ﺍﻟﺪﺍﺭ ... ﻣﺸﺎﺕ ﻋﻨﺪﻭ ﺳﻠﻤﺎﺕ ﻋﻠﻴﻪ ...
ﺟﻮﻻﻥ : ﺻﺒﺎﺡ ﻟﺨﻴﺮ ﺟﺪﻱ
ﺍﻟﺤﺎﺝ : ﺻﺒﺎﺡ ﺍﻟﻨﻮﺭ ﺑﻨﺘﻲ ﺟﻮﻻﻥ ... ﻛﻴﻒ ﺩﺍﻳﺮﺓ ﻣﻊ ﺷﻲ ﺧﺪﻣﺔ ؟
ﺟﻮﻻﻥ : ﻫﺎﺣﻨﺎ ... ﺗﻮﺣﺸﺖ ﺃﻳﺎﻡ ﻟﻘﺮﺍﻳﺔ ﺍﻟﺼﺮﺍﺣﺔ ... ﻭﺍﺧﺔ ﻛﻨﺖ ﻛﻨﺘﺸﻜﺎ ﻫﻬﻪ ... ﻧﺨﻠﻴﻚ ﺧﺎﺹ ﻧﻤﺸﻲ ... ﺣﺘﺎ ﻧﺮﺟﻊ ﻭ ﻧﺠﻲ ﻧﭽﻠﺲ ﻣﻌﺎﻛﻢ ﺷﻮﻳﺔ
ﺍﻟﺤﺎﺝ : ﻭﺍﺧﺔ ﺍﺑﻨﺘﻲ ... ﺍﻟﻠﻪ ﻳﺴﻬﻞ ﻋﻠﻴﻚ ﻭ ﺭﺩﻱ ﺑﺎﻟﻚ
ﺟﻮﻻﻥ : " ﻭ ﻫﻲ ﻏﺎﺩﺓ " ﺃﻭﻛﻲ ﺑﺎﺍﺍﺍﻱ
ﻭﺻﻼﺕ ﻟﻠﺸﺮﻛﺔ ﻭ ﻃﻠﻌﺎﺕ ﻟﻤﻜﺘﺒﻬﺎ ﺍﻟﺠﺪﻳﺪ ... ﺩﺧﻼﺕ ﺣﻄﺎﺕ ﺻﺎﻛﻬﺎ ﻭ ﭼﻠﺴﺎﺕ ... ﺑﺪﺍﺕ ﻛﻀﻮﺭ ﻋﻨﻴﻬﺎ ﻓﺎﻟﻤﻜﺘﺐ ﺣﺘﺎ ﻗﻔﺰﻫﺎ ﺻﻮﺕ ﻟﻔﻴﻜﺲ ... ﻫﺰﺍﺗﻮ ﺟﺎﻭﺑﺎﺕ ...
ﺭﺋﺒﺎﻝ : ﺟﻴﺒﻲ ﻟﻴﺎ ﺍﻟﻤﻠﻔﺎﺕ ﺩﻳﺎﻝ ﺍﺟﺘﻤﺎﻉ ﻟﺒﺎﺭﺡ
ﺟﻮﻻﻥ : " ﺳﻤﻌﺎﺕ ﺻﻮﺗﻮ ﻭ ﻭﻗﻔﺎﺕ " ﺃﺍ ... ﺁﻩ ﻭﺍﺧﺔ
ﻗﻄﻊ ﻭ ﻫﻲ ﺗﻨﻮﺽ ﻛﺘﻘﻠﺐ ﻋﻠﻰ ﻟﻤﻠﻔﺎﺕ ... ﻣﺎﺧﻼﺕ ﻓﻴﻦ ﻗﻠﺒﺎﺕ ﻣﻠﻘﺎﺗﻬﻤﺶ ... ﻭ ﻣﺎﻗﺪﺭﺍﺗﺶ ﺗﺘﺎﺻﻞ ﺑﺒﻬﺎﺀ ﺗﺴﻮﻟﻮ ﻣﻦ ﺍﻟﻴﻮﻡ ﺍﻷﻭﻝ ... ﺃﻛﻴﺪ ﻏﻴﺴﻤﻌﻬﺎ ﺧﻞ ﻭﺫﻧﻴﻬﺎ ... ﺗﻔﻜﺮﺍﺕ ﻣﺎﻗﻠﺒﺎﺗﺶ ﻓﺎﻟﻤﺠﻮﺭﺓ ... ﺣﻼﺕ ﺍﻟﻔﻮﻗﺎﻧﻲ ﻭ ﻫﻲ ﺗﻠﻘﺎﻫﻢ ... ﺗﻨﻔﺴﺎﺕ ﺑﺮﺍﺣﺔ ﻭ ﺧﺮﺟﺎﺕ ﻣﺴﺮﻋﺔ ... ﻳﺎﻻﻩ ﻏﺪﻕ ﻓﺎﻟﺒﺎﺏ ﻭ ﻫﻲ ﺗﻼﻗﻰ ﺑﺈﻟﻴﺎﺱ ...
ﺇﻟﻴﺎﺱ : " ﺑﺈﺑﺘﺴﺎﻣﺔ " ﺻﺒﺎﺡ ﺍﻟﻨﻮﺭ
ﺟﻮﻻﻥ : ﺻﺒﺎﺡ ﺍﻟﻨﻮﺭ
ﺇﻟﻴﺎﺱ : ﺻﺒﺎﺡ ﺯﻳﻦ ﻫﺎﺩﺍ ... ﻏﺒﺮﺗﻲ ﻣﻦ ﺍﻟﺸﺮﻛﺔ ﺣﺘﺎ ﺗﻮﺣﺸﻨﺎﻙ
ﺟﻮﻻﻥ : ﺳﻤﺤﻠﻴﺎ
ﺩﺍﺯﺕ ﻣﻦ ﺣﺪﺍﻩ ﺣﻼﺕ ﻟﺒﺎﺏ ﻭ ﺩﺧﻼﺕ ... ﺑﺎﻥ ﻟﻴﻬﺎ ﺭﺋﺒﺎﻝ ﺟﺎﻟﺲ ﻓﺎﻟﻜﺮﺳﻲ ﻭ ﺿﺎﻳﺮ ﺟﻬﺔ ﺍﻟﻨﺎﻓﺬﺓ ... ﻗﺮﺑﺎﺕ ﺣﻄﺎﺕ ﺍﻟﻤﻠﻔﺎﺕ ...
ﺟﻮﻻﻥ : ﻫﺎﻫﻮ ﺩﺍﻛﺸﻲ ﺍﻟﻲ ﻃﻠﺒﺘﻲ ﻣﻨﻲ
ﺿﺎﺭ ﺭﺋﺒﺎﻝ ﺷﺎﻑ ﻓﻴﻬﺎ ﻭ ﺷﺎﻑ ﻓﺈﻟﻴﺎﺱ ﺍﻟﻲ ﻣﺘﻜﻲ ﻋﻨﺪ ﻟﺒﺎﺏ ... ﻣﺮﺑﻊ ﻳﺪﻳﻪ ﻭ ﻣﺘﺒﻊ ﻟﻴﻬﺎ ﺍﻟﻌﻴﻦ ...
ﺭﺋﺒﺎﻝ : ﻣﻤﻜﻦ ﺗﻤﺸﻲ
ﺿﺎﺭﺕ ﺧﺎﺭﺟﺔ ﻛﻴﻒ ﻗﺮﺑﺎﺕ ﻋﻨﺪ ﺇﻟﻴﺎﺱ ﻭ ﻫﻮ ﻳﻐﻤﺰﻫﺎ ... ﺧﻨﺰﺭﺍﺕ ﻓﻴﻪ ﻭ ﺣﺪﺭﺍﺕ ﺭﺍﺳﻬﺎ ... ﺳﺪ ﻟﺒﺎﺏ ﻛﻴﻀﺤﻚ ﻭ ﺟﻠﺲ ﻣﻘﺎﺑﻞ ﻣﻊ ﺭﺋﺒﺎﻝ ...
ﺇﻟﻴﺎﺱ : ﺻﺪﺭﺗﻲ ﺑﻬﺎﺀ ﻭ ﺧﺪﻣﺘﻲ ﺑﻼﺻﺘﻮ ﻫﺎﺩ ﻟﻤﺸﻴﺸﺔ ... ﺻﺪﻗﺘﻲ ﻣﺎﻣﺨﺘﺎﻟﻒ ﻋﻠﻴﻨﺎ ﻓﻮﺍﻟﻮ ﻫﻬﻬﻪ
ﺭﺋﺒﺎﻝ : ﺳﻤﻌﺘﻲ ﺷﻨﻮ ﻗﻠﺖ ﺩﻳﻚ ﺍﻟﻤﺮﺓ ﻳﺎﻙ
ﺇﻟﻴﺎﺱ : ﻣﺎﻟﻚ ﻣﻔﺴﺪ ﺍﻟﻠﺤﻈﺎﺕ ... ﺧﻠﻴﻨﺎ ﻧﺠﺮﺑﻮ ﺷﻲ ﺣﺎﺟﺔ ﻣﺨﺘﺎﻟﻔﺔ ﻫﺎﺩ ﺍﻟﻤﺮﺓ
ﺭﺋﺒﺎﻝ : " ﺣﻞ ﺍﻟﻤﻠﻒ ﻛﻴﻘﺮﺍ ﻓﻴﻪ "
ﺇﻟﻴﺎﺱ : ﺷﺤﺎﻝ ﻣﻤﻞ ... ﻧﻮﺽ ﻧﺸﻮﻑ ﻓﻴﻦ ﻧﺘﻠﻬﺎ " ﻧﺎﺽ ﺧﺎﺭﺝ " ﺑﺤﺎﻝ ﻭﺍﻟﻮ ﻧﻌﺮﺿﻬﺎ ﻋﻠﻰ ﺍﻟﻐﺪﺍ ... ﻋﺠﺒﺎﺗﻨﻲ ﺍﻟﺼﺮﺍﺣﺔ
ﺟﺎ ﺇﻟﻴﺎﺱ ﻳﻀﻮﺭ ﻟﻘﺎ ﺭﺋﺒﺎﻝ ﻣﻦ ﻭﺭﺍﻩ ... ﻳﺎﻻﻩ ﺑﻐﺎ ﻳﻬﻀﺮ ﻭ ﻫﻮ ﻳﺠﻤﻌﻮ ﺭﺋﺒﺎﻝ ﺑﻨﺺ ﺟﺎ ﻣﺸﺒﺢ ﻓﻠﺮﺽ ... ﺗﺤﺪﺭ ﻋﻨﺪﻭ ﺭﺋﺒﺎﻝ ﻭ ﻫﻀﺮ ﺑﻨﺒﺮﺓ ﺗﺤﺬﻳﺮﻳﺔ ...
ﺭﺋﺒﺎﻝ : ﺑﻐﻴﺘﻲ ﻓﺎﺵ ﺗﻠﻬﻰ ﻏﻨﺪﻳﺮﻭ ﻟﻴﻚ ﻧﻴﺖ ... ﻗﻠﺐ ﻋﻠﻴﻬﺎ ﺃﺣﺴﻦ ﻟﻴﻚ ... ﺿﺤﻜﻚ ﺑﺴﺎﻝ
ﺇﻟﻴﺎﺱ : ﻓﻬﺘﻚ ﻏﺎ ﺭﻭﻻﺍﺍﻛﺲ ... ﺃﻧﺎ ﻏﺎ ﺿﺎﺣﻚ ﺃﺻﻼ ﺑﺎﻳﻨﺔ ﻓﻴﻬﺎ ﺑﻨﺖ ﺩﺍﺭﻫﻢ ... ﻭ ﺣﻨﺎ ﻫﺎﺩ ﺍﻟﻨﻮﻉ ﻣﻜﻨﻄﺮﻓﻮﺵ ﺑﻴﻪ
ﺭﺋﺒﺎﻝ : " ﻭﻗﻒ " ﻫﺎﻧﺘﺎ ﻓﻬﻤﺘﻲ ... ﻭ ﻧﻮﺽ ﺧﻠﻴﻨﻲ ﻧﺨﺪﻡ
ﺃﻟﻴﺎﺱ : " ﻭﻗﻒ ﺷﺎﺩ ﻓﻈﻬﺮﻭ " ﻭ ﻛﻦ ﺗﻬﺮﺳﺖ ﻣﻦ ﺷﻲ ﻗﻨﺖ ... ﻧﺘﺎ ﻭ ﺷﺮﻛﺘﻚ ﺍﻟﻲ ﻏﺘﺨﺴﺮﻭ ... ﺿﺤﻜﻨﺎ ﻣﻌﺎﻙ ﻧﺪﻣﺘﻴﻨﺎ ... ﻧﺨﺮﺝ ﺣﺴﻦ ﻟﻴﺎ ﺍﻧﺎ ﺍﻟﻲ ﺟﺎﻱ ﻋﻨﺪﻙ
ﺧﺮﺝ ﺇﻟﻴﺎﺱ ﻏﺎﺩﻱ ﻓﺎﻟﻜﻮﻟﻮﺍﺭ ... ﺗﻔﻜﺮ ﻛﻴﻒ ﺣﺬﺭﻭ ﺭﺋﺒﺎﻝ ﻣﻦ ﺃﻧﻮ ﻳﻘﺮﺏ ﻟﻴﻬﺎ ﻭ ﺍﺑﺘﺎﺳﻢ ... ﺩﺧﻞ ﻟﻠﻤﺼﻌﺪ ﻛﻴﺼﻔﺮ ﻭ ﺍﺗﺎﺟﻪ ﻟﻸﺳﺘﻮﺩﻳﻮ ...
ﻣﺮ ﺍﻟﻴﻮﻡ ﻃﻮﻳﻞ ﻋﻠﻰ ﺟﻮﻻﻥ ... ﻭﺍﺧﺔ ﻣﺒﻘﺎﺵ ﺭﺋﺒﺎﻝ ﻋﻴﻂ ﻋﻠﻴﻬﺎ ... ﻟﻜﻦ ﺍﻟﺨﺪﻣﺔ ﻛﺎﻧﺖ ﻛﺜﻴﺮﺓ ﻭ ﻋﺎﺩ ﻣﺰﺍﻝ ﻛﺘﺄﻗﻠﻢ ... ﻛﻴﻒ ﻭﺻﻞ ﻭﻗﺖ ﺍﻟﻤﻐﺎﺩﺭﺓ ... ﻫﺰﺍﺕ ﺻﺎﻛﻬﺎ ﻭ ﺧﺮﺟﺎﺕ ... ﻭﺻﻼﺕ ﻟﻤﻜﺘﺒﻮ ﺩﻗﺎﺕ ﻭ ﺩﺧﻼﺕ ...
ﺟﻮﻻﻥ : ﻣﻮﺳﻴﻮ ﺍﻟﻌﺜﻤﺎﻧﻲ ﻣﺤﺘﺎﺟﻨﻲ ﻓﺸﻲ ﺣﺎﺟﺔ ؟
ﺭﺋﺒﺎﻝ : " ﻭﻗﻒ ﻛﻴﻠﺒﺲ ﻓﺎﻟﭭﻴﺴﺖ " ﻻ ﻣﻤﻜﻦ ﺗﻤﺸﻲ
ﺳﺪﺍﺕ ﺟﻮﻻﻥ ﻟﺒﺎﺏ ﻭ ﻣﺸﺎﺕ ﻛﺘﺰﺭﺏ ﻟﻠﻤﺼﻌﺪ ... ﻋﺮﻓﺎﺗﻮ ﺧﺎﺭﺝ ﻭ ﻣﺎﺑﻐﺎﺗﺶ ﺗﻬﺒﻂ ﻫﻲ ﻭﻳﺎﻩ ... ﻭﺭﻛﺎﺕ ﻋﻠﻰ ﺍﻟﺰﺭ ﺗﺤﻞ ﻭ ﺩﺧﻼﺕ ﻛﺘﻀﻐﻂ ﻋﻠﻴﻪ ﺑﺎﺵ ﻳﺘﺴﺪ ﺩﻏﻴﺎ ... ﻳﺎﻻﻩ ﻟﺒﺎﺏ ﻛﻴﺘﺴﺪ ﻭ ﻫﻮ ﻳﺤﺒﺲ ... ﻏﻴﺮ ﺷﺎﻓﺘﻮ ﺩﺍﺧﻞ ﻭ ﺩﺍﻳﺮ ﻓﻴﻬﺎ ﺷﻲ ﺷﻮﻓﺎﺕ ﺣﺪﺭﺍﺕ ﺭﺍﺳﻬﺎ ... ﺑﺎﻥ ﻟﻴﻬﺎ ﺣﺬﺍﺀﻭ ﻋﻨﺪ ﺭﺟﻠﻴﻬﺎ ... ﻫﺰﺍﺕ ﺭﺍﺳﻬﺎ ﻟﻘﺎﺗﻮ ﻭﺍﻗﻒ ﻋﻠﻰ ﻣﻘﺮﺑﺔ ﻣﻨﻬﺎ ...
ﺑﺪﺍﺕ ﻛﺘﺮﻣﺶ ﻋﻨﻴﻬﺎ ﺑﺴﺮﻋﺔ ﻭ ﻛﺘﺒﻠﻊ ﺭﻳﻘﻬﺎ ... ﺷﺎﻑ ﺍﻟﺘﻮﺛﺮ ﺍﻟﺰﺍﻳﺪ ﺍﻟﻲ ﺭﻛﺒﻬﺎ ﻭ ﻫﻮ ﻳﺘﻜﻠﻢ ...
ﺭﺋﺒﺎﻝ : ﻣﻐﺎﺩﻳﺶ ﺗﻜﺤﺰﻱ
ﺟﻮﻻﻥ : ﺁﻩ ﺳﻤﺤﻠﻴﺎ
ﺟﺎﺕ ﺗﺮﺟﻊ ﺧﻄﻮﺓ ﻟﻠﻮﺭﺍﺀ ﻭ ﻫﻲ ﺗﻠﻮﺍ ﻟﻴﻬﺎ ﺭﺟﻠﻴﻬﺎ ... ﻓﻘﺪﺍﺕ ﺗﻮﺍﺯﻧﻬﺎ ﻭ ﻣﺎﻟﻘﺎﺕ ﻓﺎﺵ ﺗﺸﺪ ... ﻻﺣﺖ ﻳﺪﻫﺎ ﺷﺪﺍﺕ ﻓﻴﻪ ﻣﻦ ﻟﭭﻴﺴﺖ ﺩﻳﺎﻟﻮ ... ﺳﺪﺍﺕ ﻋﻨﻴﻬﺎ ﻛﺘﺤﻤﺪ ﺍﻟﻠﻪ ﻣﺠﺎﺑﺘﺶ ﺷﻲ ﺭﺑﺤﺔ ﻗﺪﺍﻣﻮ ... ﻏﺎ ﻃﻠﻌﺎﺕ ﻣﻌﻬﺎ ﻓﻤﻦ ﻣﻌﻠﻘﺔ ﻓﻬﺎﺩ ﺍﻟﻠﺤﻈﺔ ﻭ ﻫﻲ ﺿﻮﺭ ﺑﻴﻬﺎ ﺍﻟﺪﻧﻴﺎ ... ﺣﻼﺕ ﻋﻨﻴﻬﺎ ﺑﺸﻮﻳﺔ ... ﺷﺎﻓﺖ ﻳﺪﻫﺎ ﻭﺣﺪﺓ ﺷﺎﺩﺓ ﻓﺎﻟﭭﻴﺴﺖ ﻭ ﻻﺧﺮﻯ ﻓﺎﻟﺘﻴﺸﻮﺭﺕ ﻣﻦ ﻟﻜﻮﻝ ...
ﻣﻨﺰﻻﻩ ﻟﻴﻪ ﺣﺘﺎ ﺑﺎﻥ ﺟﺰﺀ ﻣﻦ ﺻﺪﺭﻭ ... ﻃﻠﻌﺎﺕ ﻓﻴﻪ ﻋﻨﻴﻬﺎ ﻛﺘﺸﻮﻑ ﻓﻴﻪ ﺑﺒﺮﺍﺀﺓ ﻭ ﻗﺮﺑﺎﺕ ﻃﻠﻘﻬﺎ ﻓﺴﺮﻭﺍﻟﻬﺎ ... ﺍﻟﻴﻮﻡ ﻳﺠﺮﻱ ﻋﻠﻰ ﺟﺪ ﺑﺎﺑﺎﻫﺎ ﻣﺎﻓﻴﻬﺎﺵ ... ﻃﻠﻘﺎﺕ ﻣﻦ ﺍﻟﺘﻴﺸﻮﺭﺕ ﺧﻼﺗﻮ ﻣﻜﻤﺶ ... ﺑﻐﺎﺕ ﺗﺒﻌﺪ ﻭ ﻣﻜﺮﻫﺎﺗﺶ ﻳﺘﺤﻞ ﺍﻟﻤﺼﻌﺪ ... ﺿﺮﺑﻬﺎ ﺑﺠﺮﻳﺔ ﻣﺎﺗﻮﻗﻒ ﺣﺘﺎﻝ ﺩﺍﺭﻫﻢ ... ﻟﻜﻦ ﺳﻮﺀ ﺣﻈﻬﺎ ﻣﻮﻗﻔﺶ ﻫﻨﺎ ... ﻛﻴﻒ ﻭﻗﻔﺎﺕ ﻣﻘﺎﺩﺓ ﺗﺴﻤﻌﺎﺕ ﻃﺮﺍﻕ ... ﻃﺮﻃﻖ ﺍﻟﻜﻌﺐ ﻓﺎﺵ ﺗﻠﻮﺍﺕ ﻟﻴﻬﺎ ﺭﺟﻠﻬﺎ ...
ﻫﺎﺩ ﻟﻤﺮﺓ ﻗﺎﻟﺖ ﻏﻴﺮ ﻃﻴﺢ ﻭ ﻻ ﺗﻌﺎﻭﺩ ﻟﻔﻀﻴﺤﺔ ﺍﻟﻲ ﺩﺍﺭﺕ ... ﺳﺪﺍﺕ ﻋﻨﻴﻬﺎ ﻭ ﻣﺤﺴﺎﺕ ﻏﻴﺮ ﺑﻴﺪ ﺩﺍﺭﺕ ﻋﻠﻰ ﺧﺼﺮﻫﺎ ﻭ ﻣﻨﻌﺎﺗﻬﺎ ﻃﻴﺢ ... ﻗﻠﺒﻬﺎ ﺑﺪﺍ ﻛﻴﻀﺮﺏ ﺑﺴﺮﻋﺔ ﺭﻫﻴﺒﺔ ﻭ ﺟﺴﻤﻬﺎ ﻣﻼﺻﻖ ﻣﻊ ﺟﺴﻤﻮ ... ﺭﻳﺤﺘﻮ ﻫﻲ ﻛﻞ ﻣﺎ ﻛﺘﺴﺘﻨﺸﻖ ﻓﻬﺎﺩ ﺍﻟﻠﺤﻈﺔ ... ﺣﺴﺎﺕ ﺑﺎﻹﺣﺮﺍﺝ ﻭ ﻣﻘﺪﺭﺍﺗﺶ ﺗﺤﻞ ﻋﻨﻴﻬﺎ ... ﺷﻮﻳﺔ ﺣﺴﺎﺕ ﺑﻴﻪ ﺳﺤﺐ ﻳﺪﻭ ﺣﻼﺕ ﻋﻨﻴﻬﺎ ﻭ ﻫﻲ ﺗﻠﻘﺎﻩ ﺍﺧﺘﻔﻰ ﻭ ﺑﺎﺏ ﺍﻟﻤﺼﻌﺪ ﻣﺤﻠﻮﻝ ...
ﻫﺰﺍﺕ ﻳﺪﻫﺎ ﺑﺪﺍﺕ ﺗﻨﺶ ﻋﻠﻰ ﺭﺍﺳﻬﺎ ... ﺳﻨﺪﺍﺕ ﻋﻠﻰ ﻟﺤﺪﻳﺪﺓ ﻭ ﺣﻴﺪﺍﺕ ﺍﻟﺼﺒﺎﻁ ﻣﻦ ﺭﺟﻠﻬﺎ ... ﺑﺎﻥ ﻟﻴﻬﺎ ﺍﻟﻜﻌﺐ ﻣﺪﻟﻲ ﻭ ﻫﻲ ﺗﻐﺒﻦ ...
ﺟﻮﻻﻥ : ﺍﻟﻠﻪ ﻳﻨﻌﻠﻚ ... ﻣﺒﺎﻥ ﻟﻴﻚ ﺗﻬﺮﺱ ﺣﺘﺎ ﻟﻬﺎﺩ ﺍﻟﻠﺤﻈﺔ ... ﺗﻔﻮ ﻋﻠﻰ ﻣﻮﻗﻒ ﺗﺤﻄﻴﺖ ﻓﻴﻪ ... ﻣﺎﺗﺒﻐﻴﻪ ﻟﻌﺪﻭﻭﻙ ... ﻭ ﺩﺍﺑﺔ ﻛﻴﻒ ﻏﻨﺪﻳﺮ ﻧﺘﻤﺸﺎ ﺑﻬﺎﺩ ﺍﻟﺰﻣﺮ
ﺣﻴﺪﺍﺕ ﻟﻜﻌﺐ ﻭ ﺭﺟﻌﺎﺕ ﻟﺒﺴﺎﺕ ﺍﻟﺼﺒﺎﻁ ... ﺧﺮﺟﺎﺕ ﻛﺘﻌﺮﺝ ﺑﻴﻪ ... ﺟﺎﺏ ﺍﻟﻠﻪ ﻣﻜﺎﻧﺘﺶ ﺍﻟﺸﺮﻛﺔ ﻋﺎﻣﺮﺓ ... ﻏﺎﺩﺓ ﺟﻨﺐ ﺍﻟﻄﺮﻳﻖ ﻭ ﻛﻄﻠﺐ ﺗﻠﻘﺎ ﺷﻲ ﻃﺎﻛﺴﻲ ﻗﺮﻳﺐ ... ﻣﻴﻤﻜﻨﺶ ﺗﻤﺸﺎ ﺑﻬﺎﺩ ﺍﻟﺤﺎﻟﺔ ... ﻭﻗﻔﺎﺕ ﺟﻨﺐ ﺍﻟﺸﺎﻧﻄﻲ ﺷﻮﻳﺔ ﺑﺎﻧﺖ ﻟﻴﻬﺎ ﺳﻴﺎﺭﺓ ﻛﺤﻼ ﺩﺍﻳﺰﺓ ﺣﺘﺎ ﻭﻗﻔﺎﺕ ﺣﺪﺍﻫﺎ ... ﻧﺰﻝ ﺍﻟﺰﺍﺟﺔ ﻭ ﻫﻮ ﻳﺒﺎﻥ ﻟﻴﻬﺎ ﺭﺋﺒﺎﻝ ﺩﺍﺧﻞ ﺍﻟﺴﻴﺎﺭﺓ ...
ﺭﺋﺒﺎﻝ : " ﻛﻴﺸﻮﻑ ﻗﺪﺍﻣﻮ " ﻃﻠﻌﻲ
ﺟﻮﻻﻥ : ﻻ ﺑﻼﺵ ... ﻏﻨﻤﺸﻲ ﻧﺸﺪ ﻃﺎﻛﺴﻲ
ﺭﺋﺒﺎﻝ : " ﺗﻠﻔﺖ ﻋﻨﺪﻫﺎ " ﺑﺪﻳﻚ ﺍﻟﺤﺎﻟﺔ ... ﻃﻠﻌﻲ
ﺣﻼﺕ ﻟﺒﺎﺏ ﻭ ﺭﻛﺒﺎﺕ ... ﺗﺤﺮﻙ ﺭﺋﺒﺎﻝ ﻏﺎﺩﻳﻴﻦ ﻓﺼﻤﺖ ... ﻣﺎﻗﺪﺭﺍﺕ ﺗﺤﺮﻙ ﺭﺍﺳﻬﺎ ﻫﺎﻛﺔ ﻭ ﻻ ﻫﺎﻙ ... ﺣﺴﺎﺕ ﺑﺤﺎﻝ ﺍﻟﻲ ﻣﺮﺑﻮﻃﺔ ... ﻫﻲ ﻣﻮﻟﻔﺔ ﺍﻟﺤﺮﻛﺔ ﺑﺰﺍﻑ ﻭ ﻟﻜﻦ ﻣﻊ ﺍﻟﻲ ﻭﻗﻊ ﻓﺎﻟﻤﺼﻌﺪ ... ﺣﺘﺎ ﺍﻟﻨﻔﺲ ﻛﺘﺎﺧﺪﻭ ﺑﺎﻟﺤﺴﺎﺏ ... ﺣﺴﺎﺕ ﺑﺎﻟﺴﻴﺎﺭﺓ ﺗﻮﻗﻔﺎﺕ ... ﻫﺰﺍﺕ ﺭﺍﺳﻬﺎ ﺑﺎﻥ ﻟﻴﻬﺎ ﻭﺍﻗﻒ ﻋﻨﺪ ﺭﺍﺱ ﺩﺭﺑﻬﻢ ... ﺗﻌﺠﺒﺎﺕ ﻛﻴﻔﺎﺵ ﺣﺘﺎ ﻋﺮﻑ ﻓﻴﻦ ﺳﺎﻛﻨﺔ ... ﺣﺴﺎﺕ ﺑﺮﺍﺳﻬﺎ ﻣﻜﻠﺨﺔ ﻓﻬﺎﺩ ﺍﻟﻠﺤﻈﺔ ... ﺃﻛﻴﺪ ﻋﺮﻑ ﻣﻦ ﺍﻟﺴﻴﭭﻲ ﺩﻳﺎﻟﻬﺎ ...
ﺟﻮﻻﻥ : ﺷﻜﺮﺍ
ﺣﻼﺕ ﻟﺒﺎﺏ ﻭ ﻫﺒﻄﺎﺕ ﻏﺎﺩﺓ ﺟﻨﺐ ﺍﻟﻄﺮﻳﻖ ... ﻳﺎﻻﻩ ﺑﻐﺎ ﻳﺘﺤﺮﻙ ﺭﺋﺒﺎﻝ ﻭ ﻫﻮ ﻳﻠﻤﺢ ﻣﺮﺍ ﻛﺒﻴﺮﺓ ﻓﺎﻟﻌﻤﺮ ﺟﺎﺕ ﻋﻨﺪ ﺟﻮﻻﻥ ... ﺑﻘﺎ ﻛﻴﺸﻮﻭﻭﻑ ﻓﺎﻟﻤﺮﺍ ﻭ ﻛﻴﻒ ﻋﻨﻘﺎﺗﻬﺎ ﺟﻮﻻﻥ ... ﺩﻳﻚ ﺍﻟﻨﻀﺮﺓ ﺍﻟﺤﺎﺩﺓ ﺍﻟﻲ ﻓﻌﻨﻴﻪ ﺍﺧﺘﻔﺖ ﻟﻠﺤﻈﺔ ﻭ ﻫﻮ ﻛﻴﺸﻮﻓﻬﻢ ﻛﻴﻀﺤﻜﻮ ﻣﻊ ﺑﻌﺾ ... ﻏﻴﺮ ﺑﻌﺪﻭ ﻭ ﻫﻮ ﻳﻜﺴﻴﺮﻱ ﻣﻐﺎﺩﺭ ﺍﻟﻤﻜﺎﻥ ...
ﺟﻮﻻﻥ : ﻻ ﺭﺍﻩ ﻏﻨﺘﻘﻞ ﻋﻠﻴﻚ ﺃﺟﺪﺓ
ﺍﻟﺤﺎﺟﺔ : ﻭ ﻏﻴﺮ ﺳﻨﺪﻱ ﻋﻠﻴﺎ ﻣﺎﻝ ﺭﺍﺳﻚ ﻗﺎﺻﺢ ... ﺭﺍﻩ ﻭﺍﺧﺔ ﺷﺮﻓﺖ ﺑﺎﻗﺔ ﺻﺤﻴﺤﺔ ﻫﻬﻪ
ﺟﻮﻻﻥ : " ﻋﻨﻘﺎﺗﻬﺎ ﺑﺪﺭﺍﻋﻬﺎ ﻭ ﺑﺎﺳﺘﻬﺎ ﻣﻦ ﺧﺪﻫﺎ " ﻣﺎﺷﺮﻓﺘﻲ ﻭﺍﻟﻮ ... ﺑﺎﻗﺔ ﺻﻐﻴﺮﺓ ﻭ ﺯﻭﻳﻴﻴﻨﺔ
ﺍﻟﺤﺎﺟﺔ : ﺩﻳﻤﺎ ﻛﺘﺮﻓﻌﻲ ﻟﻴﺎ ﺍﻟﻤﻌﻨﻮﻳﺎﺕ ﺍﻟﺸﻮﻃﻴﻨﺔ ... ﺁﻩ ﺷﻜﻮﻥ ﻫﺎﺩﺍﻙ ﺍﻟﻲ ﻭﺻﻠﻚ ؟
ﺟﻮﻻﻥ : ﺍﻟﻤﺪﻳﺮ ﺩﻳﺎﻟﻲ
ﺍﻟﺤﺎﺟﺔ : ﺯﻭﻳﻦ ؟
ﺟﻮﻻﻥ : " ﻋﻮﺟﺎﺕ ﺷﻔﺎﻳﻔﻬﺎ " ﺧﺎﻳﺐ ﻭ ﻏﺎﻣﺾ ﻭ ﻭ ﻣﺎﻧﻌﺮﻑ ﻟﻴﻪ ﺩﺍﻙ ﺑﻨﺎﺩﻡ ﻛﻴﻒ ﺩﺍﻳﺮ ... ﻏﻴﺮ ﺍﻟﺘﻔﻜﻴﺮ ﻓﻴﻪ ﻛﻴﻀﺮﻧﻲ ﻓﺮﺍﺳﻲ
ﺍﻟﺤﺎﺟﺔ : ﻳﻌﻨﻲ ﻛﺘﻔﻜﺮﻱ ﻓﻴﻪ
ﺟﻮﻻﻥ : ﻭ ﻻ ﻣﺎﺷﻲ ﻣﻦ ﺩﻳﻚ ﺍﻟﻨﺎﺣﻴﺔ ... ﺃﺻﻼ ﻣﺎﻳﻤﻜﻨﺶ ﻧﺘﻌﺠﺐ ﺑﻴﻪ ﻭ ﻫﻮ ﻣﺴﺘﺤﻴﻴﻴﻴﻞ ﻳﺸﻮﻑ ﻓﻮﺣﺪﺓ ﺑﺤﺎﻟﻲ
ﺍﻟﺤﺎﺟﺔ : ﻋﻼﻩ ﻣﺎﻟﻚ ... ﻣﺤﻀﻮﺽ ﻫﺎﺩﺍ ﺍﻟﻲ ﻏﻴﺪﻳﻚ ... ﻗﻠﺒﻚ ﺻﺎﻓﻲ ﻭ ﺣﻨﻴﻨﺔ ... ﻛﺘﺒﻐﻲ ﻟﺨﻴﺮ ﻟﻨﺎﺱ ﻗﺒﻞ ﺭﺍﺳﻚ ... ﻭ ﻣﺮﺑﻴﺔ ﺃﺣﺴﻦ ﺗﺮﺑﻴﺔ " ﺣﻄﺎﺕ ﻳﺪﻫﺎ ﻋﻠﻰ ﺧﺪ ﺟﻮﻻﻥ " ﻧﺘﻲ ﻓﺨﺮ ﻟﻮﺍﻟﺪﻳﻚ ... ﻭ ﻧﻌﻢ ﺍﻹﺑﻨﺔ
ﺷﺎﻓﺖ ﺟﻮﻻﻥ ﺍﻟﺪﻣﻮﻉ ﻓﻌﻨﻴﻦ ﺍﻟﺤﺎﺟﺔ ﻭ ﻫﻲ ﺗﻌﻨﻘﻬﺎ ﺑﻘﻮﺓ ...
ﺟﻮﻻﻥ : ﺗﻮﺣﺸﺘﻲ ﺑﻨﺘﻚ
ﺍﻟﺤﺎﺟﺔ : " ﺯﻳﺮﺍﺕ ﻋﻠﻴﻬﺎ " ﺑﺰﺍﺍﺍﻑ ... ﻭﻗﺘﻤﺎ ﺷﻔﺘﻚ ﻛﻨﺘﻔﻜﺮﻫﺎ ... ﺃﺻﻼ ﻋﻤﺮﻫﺎ ﻣﺸﺎﺕ ﻣﻦ ﺑﺎﻟﻲ ﺃﻧﺎ ﻭ ﺑﺎﻫﺎ ... ﻣﻦ ﻧﻬﺎﺭ ﺍﺧﺘﻔﺖ ﻭ ﺣﻴﺎﺗﻨﺎ ﺗﻮﻗﻔﺎﺕ " ﺑﺤﺮﻗﺔ " ﺗﺤﺮﻗﺖ ﻓﺒﻨﺘﻲ ﻭ ﻟﺤﺪ ﺍﻟﺴﺎﻋﺔ ﻛﻨﺘﻤﻨﺎ ﺷﻲ ﻧﻬﺎﺭ ﻧﺤﻞ ﻟﺒﺎﺏ ﻭ ﻧﻠﻘﺎﻫﺎ ﻭﺍﻗﻔﺔ ﻗﺪﺍﻣﻲ ... ﺑﻐﻴﺖ ﻏﻴﺮ ﻧﺸﻮﻓﻬﺎ ﻭ ﻧﻌﻨﻘﻬﺎ ﻭﺍﺧﺔ ﻟﻤﺮﺓ ﻭﺣﺪﺓ
ﺟﻮﻻﻥ ﻧﺰﻟﻮ ﺩﻣﻮﻋﻬﺎ ﻋﻠﻰ ﺣﺎﻟﺔ ﺍﻟﺤﺎﺟﺔ ... ﺍﻟﻲ ﻛﻠﻤﺎﺗﻬﺎ ﻛﻠﻬﻢ ﺃﻟﻢ ﻭ ﺣﺮﻗﺔ ﻋﻠﻰ ﺑﻨﺘﻬﺎ ﺭﺑﺎﺏ ... ﺭﺍﻓﻘﺎﺗﻬﺎ ﻟﻠﺪﺍﺭ ﻭ ﺩﺧﻼﺕ ﭼﻠﺴﺎﺕ ﻣﻊ ﺍﻟﺤﺎﺟﺔ ﺣﺘﺎ ﻫﺪﺍﺕ ﺷﻮﻳﺔ ... ﻛﻴﻒ ﺟﺎ ﺍﻟﺤﺎﺝ ﺳﻠﻤﺎﺕ ﻋﻠﻴﻪ ﻭ ﺭﺟﻌﺎﺕ ﻟﻠﺪﺍﺭ ... ﻃﻠﻌﺎﺕ ﻟﺒﻴﺘﻬﺎ ﺑﺪﻻﺕ ﺣﻮﺍﻳﺠﻬﺎ ﻭ ﻫﺒﻄﺎﺕ ﺟﻠﺴﺎﺕ ﻣﻊ ﻭﺍﻟﺪﻳﻬﺎ ﻓﺎﻟﺼﺎﻟﺔ ﺗﻌﺸﺎﻭ ﻣﺠﻤﻮﻋﻴﻦ ﻋﺎﺩ ﻃﻠﻌﺎﺕ ﻧﻌﺴﺎﺕ ...
🍂🍂 ﻓﻲ ﺍﻟﻐﺎﺑﺔ ﺧﺎﺭﺝ ﺍﻟﻤﺪﻳﻨﺔ ... ﻛﺎﻧﻮ ﻣﺠﻤﻮﻋﺔ ﻣﻦ ﺍﻟﺸﺒﺎﺏ ﻛﻴﺘﻤﺸﺎﻭ ... ﻫﺎﺯﻳﻦ ﻗﺮﺍﻋﻲ ﺩﻳﺎﻝ ﺍﻟﺸﺮﺍﺏ ﻭ ﺍﻟﺠﻮﺍﻧﺎﺕ ... ﺻﻮﺕ ﺿﺤﻜﻬﻢ ﻭ ﺻﺮﺍﺧﻬﻢ ﻛﻴﺘﺴﻤﻊ ﻣﻨﻴﻦ ﻭ ﻣﻨﻴﻦ ... ﺟﻮﺝ ﻓﻴﻬﻢ ﻛﺎﻧﻮ ﻛﻴﺘﻤﺎﺯﺣﻮ ... ﻭﺍﺣﺪ ﻓﻴﻬﻢ ﻋﺘﺮ ﻻﺧﺮ ﺟﺎ ﻣﺴﺮﺡ ﻓﻠﺮﺽ ... ﻫﺎﺩﺍﻙ ﺍﻟﻲ ﻃﻴﺤﻮ ﻫﺮﺏ ﺧﻠﻂ ﻋﻠﻰ ﻻﺧﺮﻳﻦ ...
ﻻﺧﺮ ﺑﻐﺎ ﻳﻨﻮﺽ ﻭ ﻫﻮ ﻳﺤﻂ ﻳﺪﻭ ﻋﻠﻰ ﺷﻲ ﺣﺎﺟﺔ ﻣﻠﺴﺔ ... ﻫﺰﻫﺎ ﻛﺎﻥ ﺗﻠﻴﻔﻮﻥ ﻣﻦ ﻧﻮﻉ ﺁﻳﻔﻮﻥ ... ﺑﻘﺎ ﻛﻴﻘﻠﺐ ﻓﻴﻪ ﻟﻘﺎ ﻓﻴﻪ ﺧﺪﺵ ﺻﻐﻴﺮ ﻣﻦ ﻟﺘﺤﺖ ﻓﺎﻟﺸﺎﺷﺔ ... ﻭﻗﻒ ﻛﻴﻀﺤﻚ ﻭ ﻣﺸﺎ ﻛﻴﺠﺮﻱ ﻋﻨﺪ ﺻﺤﺎﺑﻮ ...
........ : ﻭ ﺗﺴﻨﺎﺍﺍﻭ ﺃﻭﻻﺩ ﺍﻟﻜﻠﺐ " ﻛﻴﻮﺭﻳﻬﻢ ﺍﻟﻔﻮﻥ " ﺷﻮﻓﻮ ﺷﻨﻮ ﻟﻘﻴﻴﻴﺖ ... ﺑﺎﻳﻨﺔ ﺑﺎﻗﻲ ﺧﺪﺍﻡ ﻏﻴﺮ ﻣﺪﻳﺸﺎﺭﺟﻲ ... ﺍﻟﻮﺍﻟﻴﺪﺓ ﺩﻋﺎﺕ ﻣﻌﻴﺎ ﻫﺎﺩ ﺍﻟﻨﻬﺎﺭ ﺣﺘﺎ ﻃﺤﺖ ﻋﻠﻰ ﻫﺎﺩ ﺍﻟﻬﻤﺰﺓ
ﻣﺴﺘﻠﻘﻲ ﻓﻮﻕ ﺍﻟﻨﺎﻣﻮﺳﻴﺔ ﻭ ﺣﺎﻁ ﻳﺪﻭ ﺗﺤﺖ ﺭﺍﺳﻮ ... ﺳﺎﺩ ﻋﻨﻴﻪ ﻭ ﻛﻴﺴﻤﻊ ﺍﺳﻤﻮ ﻛﻴﺘﺮﺩﺩ ﻓﻮﺫﻧﻴﻪ ﺑﺼﻮﺗﻬﺎ ... ﻭ ﻫﻲ ﻛﺘﻘﻠﺐ ﻓﻤﻨﺰﻟﻬﻢ ﺍﻟﺼﻐﻴﺮ ﻋﻠﻰ ﻧﻀﺮﺍﺗﻬﺎ ... ﻛﺎﻥ ﻣﺮﺓ ﻣﺮﺓ ﻳﻬﺰﻫﻢ ﻳﺪﻳﺮﻫﻢ ﻭ ﻳﺸﻮﻑ ﺍﻧﻌﻜﺎﺳﻮ ﻓﺸﺎﺷﺔ ﺍﻟﺘﻠﻔﺎﺯﺓ ... ﻭ ﺷﺤﺎﻝ ﻣﻦ ﻣﺮﺓ ﻭﺑﺨﺎﺗﻮ ﻋﻠﻴﻬﺎ ... ﻓﺘﺢ ﻋﻨﻴﻪ ﻭ ﺗﮕﻌﺪ ﺟﺎﻟﺲ ... ﺣﻞ ﻟﻤﺠﺮ ﻭ ﺟﺒﺪ ﻋﻠﺒﺔ ﻃﻮﻳﻠﺔ ... ﻓﺘﺤﻬﺎ ﻭ ﺟﺒﺪ ﻣﻨﻬﺎ ﻧﻀﺎﺭﺍﺕ ...
ﻧﻔﺲ ﺍﻟﻲ ﻛﺎﻧﺖ ﻛﺪﻳﺮ ﺍﻷﻡ ﺩﻳﺎﻟﻮ ... ﺻﻮﺭﺗﻬﺎ ﻣﺘﺮﺳﺨﺔ ﻋﻨﺪﻭ ﺑﻴﻬﻢ ... ﻟﻤﺴﻬﻢ ﺑﺄﺻﺎﺑﻌﻮ ﻭ ﻫﻮ ﻛﻴﺘﺬﻛﺮ ﻛﻴﻔﺎﺵ ﻛﺎﻧﻮ ﻛﻴﺠﻴﻮﻩ ﻛﺒﺎﺭ ... ﻭ ﺩﺍﺑﺔ ﻛﻴﺒﺎﻥ ﺣﺠﻤﻬﻢ ﺻﻐﻴﺮ ﻭﺳﻂ ﻳﺪﻳﻪ ... ﺳﻤﻊ ﺍﻟﺪﻗﺎﻥ ﻓﺎﻟﺒﺎﺏ ﺷﻮﻳﺔ ﺗﺤﻞ ﻭ ﺩﺧﻼﺕ ﺍﻟﺨﺪﺍﻣﺔ ...
ﺍﻟﺨﺎﺩﻣﺔ : ﺍﻟﻌﺸﺎ ﻭﺍﺟﺪ ﻣﻮﺳﻴﻮ ﺭﺋﺒﺎﻝ
ﺭﺋﺒﺎﻝ : ﺍﻧﺎ ﻫﺎﺑﻂ
ﺭﺟﻊ ﺍﻟﻨﻀﺎﺭﺍﺕ ﻟﻤﻜﺎﻧﻬﻢ ﻭ ﻧﺎﺽ ... ﻫﺒﻂ ﻟﺘﺤﺖ ﻛﻴﻒ ﻗﺮﺏ ﻟﻠﺼﺎﻟﺔ ... ﺑﺎﻧﺖ ﻟﻴﻪ ﻻﺣﺒﻴﺒﺔ ﭼﺎﻟﺴﺔ ﻋﻠﻰ ﻃﺒﻠﺔ ﺍﻟﻌﺸﺎﺀ ... ﻣﻜﺎﻧﺘﺶ ﺑﻮﺣﺪﻫﺎ ﺑﺠﻨﺒﻬﺎ ﺳﻤﺎﺭﺍ ... ﻗﺮﺏ ﻭ ﭼﻠﺲ ﻓﻤﻜﺎﻧﻮ ...
ﻻﺣﺒﻴﺒﺔ : ﺳﻤﺎﺭﺍ ﺟﺎﺕ ﻗﺒﻴﻠﺔ ﺑﻐﻴﺖ ﻧﻌﻴﻂ ﻟﻴﻚ ﻗﺎﻟﺖ ﻟﻴﺎ ﻏﻴﺮ ﺧﻠﻴﻪ ﻏﻴﻜﻮﻥ ﻋﻴﺎﻥ
ﺷﺎﻑ ﺭﺋﺒﺎﻝ ﻓﺴﻤﺎﺭﺍ ﺍﻟﻲ ﻛﺎﻧﺖ ﻣﺘﻐﻴﺮﺓ ﻋﻠﻰ ﺍﻟﻌﺎﺩﺓ ... ﺟﺎﻟﺴﺔ ﺑﻬﺪﻭﺀ ﻭ ﻛﺘﺸﻮﻑ ﻭ ﺗﺒﻌﺪ ﻋﻨﻴﻬﺎ ...
ﺭﺋﺒﺎﻝ : ﻗﺎﻟﻮ ﻟﻴﺎ ﻣﺎﺣﻀﺮﺗﻴﺶ ﻟﺠﻠﺴﺔ ﻟﺒﺎﺭﺡ
ﺳﻤﺎﺭﺍ : ﻭﻱ ﻛﻨﺖ ﻋﻴﺎﻧﺔ ﻭ ﺭﺍﻩ ﺍﺗﺎﺻﻠﺖ ... ﺍﻋﺘﺎﺫﺭﺕ ﻭ ﻗﻠﺖ ﻟﻴﻬﻢ ﻳﺄﺟﻠﻮﻫﺎ
ﺭﺋﺒﺎﻝ : ﻣﺮﺓ ﺃﺧﺮﻯ ﻋﻠﻤﻲ ﻗﺒﻞ ... ﺑﺎﺵ ﻳﻠﻘﺎﻭ ﺍﻟﺒﺪﻳﻞ ... ﻣﺎﺷﻲ ﻋﺮﻣﺔ ﺍﻟﻨﺎﺱ ﺟﺎﻭ ﻳﺨﺪﻣﻮ ﻭ ﺣﻴﻨﺖ ﺗﻐﻴﺐ ﺷﺨﺺ ﻭﺍﺣﺪ ﻧﻠﻐﻴﻮ ﻛﻠﺸﻲ
ﺳﻤﺎﺭﺍ : ﺁﻩ ﺃﻭﻛﻲ ... ﻣﻐﺎﺩﻳﺶ ﺗﻜﺮﺭ ﻣﺮﺓ ﺃﺧﺮﻯ
ﺣﺪﻫﻢ ﻗﺎﻟﻮ ﻫﺎﺩﺷﻲ ﻭ ﻛﻤﻠﻮ ﺃﻛﻠﻬﻢ ﻓﺼﻤﺖ ... ﺣﺒﻴﺒﺔ ﻋﺎﺭﻓﺔ ﺭﺋﺒﺎﻝ ﻛﻴﺒﻐﻲ ﻳﺎﻛﻞ ﻓﻬﺪﻭﺀ ... ﺣﺎﻓﻀﺔ ﻛﻠﺸﻲ ﻣﺘﻌﻠﻖ ﺑﻴﻪ ... ﻓﻬﻲ ﻛﺘﺒﻘﻰ ﺃﻗﺮﺏ ﺷﺨﺺ ﻟﻴﻪ ﻣﻦ ﺍﻟﻲ ﺿﺎﻳﺮﻳﻦ ﺑﻴﻪ ...
ﻛﻤﻠﻮ ﻋﺸﺎﻫﻢ ﻭ ﻧﺎﺽ ﺭﺋﺒﺎﻝ ﻃﻠﻊ ﻟﺒﻴﺘﻮ ... ﺧﻠﻰ ﺳﻤﺎﺭﺍ ﻭ ﻻﺣﺒﻴﺒﺔ ﻛﻴﺸﺮﺑﻮ ﻗﻬﻮﺓ ... ﺟﻠﺲ ﻓﺎﻟﻤﻜﺘﺐ ﺍﻟﻲ ﻋﻨﺪﻭ ﻓﻐﺮﻓﺔ ﺍﻟﻨﻮﻡ ... ﺣﻞ ﻟﺒﻴﺴﻲ ﻭ ﺧﺪﻡ ﺍﻟﻜﺎﻣﻴﺮﺍ ﺍﻟﻲ ﻣﺄﻧﺴﺘﺎﻟﻲ ﻓﺎﻟﻤﻜﺘﺒﺔ ... ﺗﺤﻞ ﻟﺒﺎﺏ ﻫﺰ ﺭﺍﺳﻮ ﺑﺎﻧﺖ ﻟﻴﻪ ﺳﻤﺎﺭﺍ ﺩﺍﺧﻠﺔ ... ﺳﺪ ﻟﺒﻴﺴﻲ ﻭ ﻧﺎﺽ ...
ﺳﻤﺎﺭﺍ : " ﻛﺘﺸﻮﻑ ﻓﺄﺭﺟﺎﺀ ﺍﻟﻐﺮﻓﺔ " ﺗﻐﻴﺮ ﻋﻠﻰ ﺁﺧﺮ ﻣﺮﺓ ﺷﻔﺘﻮ ... ﺭﺟﻊ ﺩﺍﻛﻦ ﻭ ﻏﺎﻣﺾ ﺃﻛﺜﺮ " ﺷﺎﻓﺖ ﻓﻴﻪ " ﺑﺤﺎﻝ ﺷﺨﺼﻴﺘﻚ
ﻗﺮﺑﺎﺕ ﺣﺘﺎ ﻭﻗﻔﺎﺕ ﻣﻘﺎﺑﻠﺔ ﻣﻌﺎﻩ ...
ﺳﻤﺎﺭﺍ : ﻗﺒﻞ ﺧﻤﺲ ﺳﻨﻮﺍﺕ ﻛﻨﺘﻲ ﺑﻌﻴﺪ ﻭ ﻋﺎﻳﺶ ﻓﻌﺎﻟﻤﻚ ﺍﻟﺨﺎﺹ ... ﻟﻜﻦ ﺩﺍﺑﺔ ﺭﺟﻌﺘﻲ ﺑﺤﺎﻝ ﺍﻟﻠﻐﺰ ... ﻣﻬﻤﺎ ﺣﺎﻭﻟﺖ ﻧﻌﺮﻑ ﺷﻨﻮ ﻭﺭﺍ ﻧﻀﺮﺍﺗﻚ ﻭ ﺗﻌﺎﺑﻴﺮ ﻭﺟﻬﻚ ... ﻛﻨﻠﻘﺎ ﺭﺍﺳﻲ ﻛﻨﻀﻮﺭ ﻓﻤﺘﺎﻫﺔ
ﺭﺋﺒﺎﻝ : ﻋﻼﺵ ﺭﺟﻌﺘﻲ ؟
ﺳﻤﺎﺭﺍ : ﺭﺍﻙ ﻋﺎﺭﻑ ﻋﻼﺵ
ﺭﺋﺒﺎﻝ : ﺍﻟﻬﻀﺮﺓ ﺍﻟﻲ ﻗﻠﺖ ﺁﺧﺮ ﻣﺮﺓ ﻣﻜﺎﻧﺘﺶ ﻭﺍﺿﺤﺔ !
ﺳﻤﺎﺭﺍ : ﻫﻀﺮﺕ ﻣﻊ ﺟﺪﺍﻙ ... ﻗﺎﻟﺖ ﻟﻴﺎ ﺑﻠﻲ ﻣﻜﺘﻌﺮﻑ ﺣﺘﺎ ﻭﺣﺪﺓ ﻋﻠﻰ ﺣﺴﺐ ﻋﻠﻤﻬﺎ ... ﻫﺎﺩﺷﻲ ﻓﺮﺣﻨﻲ ﻭ ﺯﺍﺩ ﻋﻄﺎﻧﻲ ﺃﻣﻞ " ﺣﻄﺎﺕ ﻳﺪﻫﺎ ﺑﺮﻗﺔ ﻋﻠﻰ ﻛﺘﻔﻮ " ﻋﻼﺵ ﻛﺘﺒﻌﺪ ﺭﺍﺳﻚ ﻣﻦ ﺍﻟﻨﺎﺱ ﺍﻟﻲ ﻛﻴﺒﻐﻴﻮﻙ
ﺣﻄﺎﺕ ﻳﺪﻫﺎ ﻻﺧﺮﻯ ﻋﻠﻰ ﺻﺪﺭﻭ ﻛﺘﻤﺮﺭﻫﺎ ﻓﻮﻕ ﺍﻟﺘﻴﺸﻮﺭﺕ ... ﻭ ﻛﺘﺸﻮﻑ ﻓﻌﻨﻴﻪ ﺑﻬﻴﺎﻡ ... ﺭﺋﺒﺎﻝ ﻏﻴﺮ ﺣﺎﺿﻴﻬﺎ ﻭ ﻣﺘﺤﺮﻛﺶ ... ﻳﺪﻳﻪ ﻓﺎﻟﺠﻴﺐ ﻭ ﻻﺧﺮﻯ ﻃﺎﻟﻘﻬﺎ ... ﺳﻤﺎﺭﺍ ﻣﻨﻴﻦ ﺷﺎﻓﺘﻮ ﻣﻘﺎﻝ ﻭﺍﻟﻮ ... ﺟﺎﺗﻬﺎ ﺍﻟﻔﺮﺻﺔ ﻣﻨﺎﺳﺒﺔ ﺗﻘﺮﺏ ﻟﻴﻪ ﺑﻄﺮﻳﻘﺔ ﺃﺧﺮﻯ ... ﻭﺟﻬﺎ ﺻﺎﺭ ﻋﻨﺪ ﻭﺟﻬﻮ ﺑﻴﻨﺎﺗﻬﻢ ﺳﻨﺘﻴﻤﺎﺕ ﻓﻘﻂ ... ﻣﻴﻼﺕ ﺭﺍﺳﻬﺎ ﻭ ﻫﻤﺴﺎﺕ ﻟﻴﻪ ﺣﺪﺍ ﻭﺫﻧﻮ ﻭ ﻫﻲ ﻣﻐﻤﻀﺔ ﻋﻨﻴﻬﺎ ...
ﺳﻤﺎﺭﺍ : ﺧﻠﻴﻨﻲ ﺟﻨﺒﻚ ... ﺃﻧﺎ ﻋﺎﺭﻓﺔ ﺑﻠﻲ ﻋﺎﻧﻴﺘﻲ ﻓﺼﻐﺮﻙ ﻗﺒﻞ ﻣﻴﺘﺒﻨﺎﻭﻙ ﻋﺎﺋﻠﺔ ﺍﻟﻌﺜﻤﺎﻧﻲ ... ﻭﺍﺧﺔ ﻣﻌﺎﺭﻓﺎﺵ ﺍﻟﺘﻔﺎﺻﻴﻞ ... ﻟﻜﻦ ﻣﺴﺘﺎﻋﺪﺓ ﻧﺴﺎﻋﺪﻙ ﺣﺘﺎ ﺗﺨﻠﺺ ﻣﻦ ﺍﻟﻌﻘﺪﺓ ﺍﻟﻲ ﺧﻼﺗﻚ ﺗﺒﻌﺪ ﻋﻠﻰ ﻛﻠﺸﻲ ... ﺁﺍﺍﺍﻱ
ﻛﺎﻧﺖ ﻣﺰﺍﻝ ﻛﺘﻬﻀﺮ ﻣﻨﻴﻦ ﺣﺴﺎﺕ ﺑﻴﺪﻭ ﻣﺰﻳﺮﺓ ﻋﻠﻰ ﻣﻌﺼﻤﻬﺎ ... ﺣﻼﺕ ﻋﻨﻴﻬﺎ ﻭ ﺷﺎﻓﺖ ﻓﻴﻪ ﻣﺨﺴﺮﺓ ﻣﻼﻣﺢ ﻭﺟﻬﺎ ﻣﻦ ﺍﻷﻟﻢ ﺍﻟﻲ ﻛﺘﺤﺴﻮ ﻓﻴﺪﻫﺎ ... ﺗﺮﻋﺒﺎﺕ ﺃﻛﺜﺮ ﻓﺎﺵ ﺷﺎﻓﺖ ﻧﻀﺮﺍﺗﻮ ... ﻫﺰ ﻳﺪﻫﺎ ﻟﻔﻮﻕ ﻭ ﻫﻮ ﻣﺰﺍﻝ ﻣﺰﻳﺮ ﻋﻠﻴﻬﺎ ...
ﺭﺋﺒﺎﻝ : ﺷﻲ ﺣﺪﻭﺩ ﻣﺨﺎﺻﺶ ﺗﻔﻮﺗﻴﻬﻢ ... ﺧﻠﻴﻚ ﻭﺳﻂ ﺣﻴﺎﺗﻚ ﺍﻟﻤﺜﺎﻟﻴﺔ ... ﺁﺵ ﺑﻐﻴﺘﻲ ﺑﺸﻲ ﻋﻘﺪ ... ﻭ ﺁﺧﺮ ﻣﺮﺓ ﺗﺠﺒﺪﻱ ﻫﺎﺩ ﻟﻤﻮﺿﻮﻉ ... ﺧﻠﻲ ﺍﻟﺼﺪﺍﻗﺔ ﺍﻟﻲ ﺟﻤﻌﺎﺗﻨﺎ ﻓﺒﻼﺻﺘﻬﺎ
ﺳﻤﺎﺭﺍ : ﺁﺍﺍﻱ ﺭﺋﺒﺎﻝ ﻳﺪﻱ ﻛﺘﻮﺟﻌﻨﻲ
ﻃﻠﻖ ﻣﻨﻬﺎ ﻭ ﺭﺟﻊ ﻳﺪﻭ ﻟﺠﻴﺐ ... ﺷﺎﻑ ﺩﻣﻮﻋﻬﺎ ﻫﺒﻄﻮ ﻭ ﺿﺎﺭ ﻋﻄﺎﻫﺎ ﺑﺎﻟﻈﻬﺮ ﻣﺘﺎﺟﻪ ﻟﺒﺎﻟﻜﻮﻥ ...
ﺭﺋﺒﺎﻝ : ﻋﺎﺭﺿﺔ ﺃﺯﻳﺎﺀ ﻣﺸﻬﻮﺭﺓ ... ﻋﺎﻳﺸﺔ ﺣﻴﺎﺗﻚ ﻛﻴﻒ ﺑﻐﻴﺘﻲ ... ﻧﻌﺴﺘﻲ ﻣﻊ ﺻﺎﺣﺒﻚ ﺍﻷﻭﻝ ﺑﺎﺳﻢ ﺍﻟﺤﺐ ﺣﺘﺎ ﺷﺒﻌﺘﻲ ... ﻭ ﻧﻌﺴﺘﻲ ﻣﻊ ﺷﺒﺎﻥ ﺁﺧﺮﻳﻦ ﺑﺎﺵ ﺗﻨﺴﺎﻱ ﺍﻷﻭﻝ ... ﺑﺎﺭﻛﺔ ﻭ ﻻ ﻧﺰﻳﺪ
ﺳﻤﺎﺭﺍ : " ﻫﺰﺍﺕ ﻓﻴﻪ ﻭﺟﻬﺎ ﺑﺼﺪﻣﺔ "
ﺭﺋﺒﺎﻝ : " ﻭ ﻫﻮ ﻛﻴﺸﻮﻑ ﻣﻦ ﺍﻟﺰﺟﺎﺟﺔ ﻓﺎﻟﺸﺘﺎ ﻛﺘﺼﺐ " ﻣﻌﺎﺭﻓﺶ ﺷﻨﻮ ﻫﻮ ﻫﺎﺩ ﺍﻹﺣﺴﺎﺱ ﺍﻟﻲ ﻛﺘﻬﻀﺮﻱ ﻋﻠﻴﻪ ... ﻣﻨﻈﻨﺶ ﻫﺎﺩﺍ ﻫﻮ ﺍﻟﺤﺐ ...
ﻟﻜﻦ ﺟﺮﺃﺓ ﻣﻨﻚ ﺗﻘﺮﺑﻲ ﻟﻴﺎ ﻭ ﻧﺘﻲ ﻋﺎﺩ ﻧﺎﻋﺴﺔ ﻣﻊ ﺻﺎﺣﺒﻲ ... ﻣﺎﺷﻲ ﺟﺎﺕ ﻧﺎﻗﺼﺔ
ﻛﻼﻣﻮ ﻫﺒﻂ ﻋﻠﻴﻬﺎ ﻛﻴﻒ ﺍﻟﺼﻔﻌﺔ ... ﻛﻴﻔﺎﺵ ﺣﺘﺎ ﻋﺮﻑ ﻭﺍﺵ ﻣﻤﻜﻦ ﻳﻜﻮﻥ ﺳﻨﻤﺎﺭ ﻭﺻﻠﻬﺎ ﻟﻴﻪ ... ﻻ ﻫﻮ ﻭﺍﻋﺪﻫﺎ ﻣﻴﻘﻮﻝ ﻟﻴﻪ ﻭﺍﻟﻮ ... ﻟﻌﻨﺎﺕ ﺭﺍﺳﻬﺎ ﻭ ﺍﻟﺴﻜﺮ ﺍﻟﻲ ﺧﻼﻫﺎ ﺗﻨﻌﺲ ﻣﻊ ﻭﺍﺣﺪ ﺁﺧﺮ ... ﻟﻜﻦ ﻣﺎﺿﻴﻬﺎ ﻛﻴﻒ ﺩﺍﺭ ﺣﺘﺎ ﻋﺮﻓﻮ ... ﻣﻴﻤﻜﻨﺶ ﺗﻜﻮﻥ ﻓﻘﺪﺍﺕ ﻓﺮﺻﺘﻬﺎ ﺗﺨﻠﻴﻪ ﻳﻤﻴﻞ ﻟﻴﻬﺎ ... ﻭﺍﺵ ﻫﺎﺩﺷﻲ ﻋﻼﺵ ﻣﻬﻤﺎ ﺣﺎﻭﻻﺕ ﺗﻘﺮﺏ ﻣﻨﻮ ﻛﺘﻠﻘﺎ ﻏﻴﺮ ﺍﻟﺼﺪ ...
ﺳﻤﺎﺭﺍ : " ﺑﺼﻮﺕ ﺑﺎﻛﻲ " ﻫﺎﺩﺍﻙ ﻣﺎﺿﻲ ﻗﺒﻞ ﻣﺎﻧﻌﺮﻓﻚ ... ﻭ ﺍﻟﻲ ﻭﻗﻊ ﻣﻊ ﺳﻨﻤﺎﺭ ﻛﺎﻥ ﺧﻄﺄ ... ﻣﻜﻨﺘﺶ ﻓﻮﻋﻲ ... ﻣﺸﺎﻋﺮﻱ ﺍﺗﺠﺎﻫﻚ ﺻﺎﺩﻗﺔ ... ﻭ ﺭﻏﻢ ﻣﺮﻭﺭ ﺳﻨﻮﺍﺕ ﺍﻻ ﻭ ﺑﻘﻴﺖ ﻣﺨﻠﺼﺔ ﻟﻬﺎﺩ ﺍﻷﺣﺎﺳﻴﺲ ... ﻏﻴﺠﻲ ﻭﺍﺣﺪ ﺍﻟﻨﻬﺎﺭ ﻭ ﺗﻌﺮﻑ ﺃﻧﺎ ﺍﻟﻮﺣﻴﺪﺓ ﺍﻟﻲ ﺑﻐﺎﺗﻚ ... ﺭﻏﻢ ﺗﻌﺎﻣﻠﻚ ﺍﻟﺒﺎﺭﺩ ﻣﻌﻬﺎ
ﺿﺎﺭﺕ ﺧﺎﺭﺟﺔ ﻭ ﻛﺘﻤﺴﺢ ﻓﺪﻣﻮﻋﻬﺎ ... ﺑﻘﺎ ﻭﺍﻗﻒ ﻋﻨﺪ ﻟﺒﺎﻟﻜﻮﻥ ﻛﻴﺸﻮﻑ ﻓﻴﻬﺎ ﻛﺘﺠﺮﻱ ﺗﺤﺖ ﺍﻟﺸﺘﺎ ﻟﺴﻴﺎﺭﺗﻬﺎ ... ﺑﺪﻭﻥ ﺍﻫﺘﻤﺎﻡ ﺩﻭﺯ ﺍﻟﺮﻳﺪﻭ ﻭ ﺭﺟﻊ ﺟﻠﺲ ﻓﻤﻜﺎﻧﻮ ﻭ فتح ﺍﻟﺒﻴﺴﻲ ...