السفاح العاشق

بارت 98

ﺟﻮﻻﻥ : ﺧﺎﺹ ﻧﻤﺸﻲ
ﺭﺋﺒﺎﻝ : " ﻣﺪ ﻳﺪﻭ ﺷﺪ ﻓﻴﺪﻫﺎ ﺍﻟﻲ ﺣﺎﻃﺔ ﻓﻮﻕ ﻓﺨﻀﻬﺎ ﻭ ﻗﺮﺑﻬﺎ ﻋﻨﺪﻭ " ﻏﺪﺍ ﻏﻨﺸﻮﻓﻚ ... ﻣﺰﺍﻝ ﻣﺎﻛﻤﻠﻨﺎ ﻫﻀﺮﺗﻨﺎ " ﻗﺒﻞ ﺭﺍﺣﺔ ﻳﺪﻫﺎ " ﺗﺼﺒﺤﻲ ﻋﻠﻰ ﺧﻴﺮ
ﺟﺮﺍﺕ ﻳﺪﻫﺎ ﻭ ﻫﻲ ﻛﺘﺤﺎﻭﻝ ﺗﻬﺪﺃ ﻣﻦ ﺳﺮﻋﺔ ﺩﻗﺎﺕ ﻗﻠﺒﻬﺎ ... ﺑﻐﺎﺕ ﺗﻨﺰﻝ ﻭ ﺧﺎﻳﻔﺔ ﻳﺨﺘﺎﻓﻲ ﻣﻦ ﺟﺪﻳﺪ ... ﺣﻼﺕ ﻟﺒﺎﺏ ﻭ ﻫﺒﻄﺎﺕ ... ﻳﺎﻻﻩ ﻏﺎﺩﺧﻞ ﻣﻊ ﺍﻟﻌﻤﺎﺭﺓ ﻭ ﻫﻲ ﺗﺴﻤﻌﻮ ﻛﻴﻌﻴﻂ ﻋﻠﻴﻬﺎ ... ﻭﻗﻔﺎﺕ ﻭ ﺿﺎﺭﺕ ﻋﻨﺪﻭ ﻟﻘﺎﺗﻮ ﻫﺒﻂ ﻭ ﻫﺎﺯ ﻣﻌﺎﻩ ﺻﺎﻛﻬﺎ ...
ﻭﺻﻞ ﻟﻌﻨﺪﻫﺎ ﻣﺪﻭ ﻟﻴﻬﺎ ﺷﻜﺮﺍﺗﻮ ﻭ ﻫﻲ ﻣﺤﺮﺟﺔ ... ﺑﻐﺎﺕ ﺿﻮﺭ ﺗﻤﺸﻲ ﻭ ﻫﻲ ﺗﺤﺲ ﺑﻴﻪ ﺟﺮﻫﺎ ﻭ ﻃﺎﺡ ﻋﻠﻰ ﺷﻔﺎﻳﻔﻬﺎ ... ﺧﺮﺟﺎﺕ ﻋﻨﻴﻬﺎ
ﺑﺎﺳﻬﺎ ﻭ ﻫﻤﺎ ﻭﺳﻂ ﺍﻟﺸﺎﺭﻉ ﻗﺪﺍﻡ ﻓﻴﻦ ﺳﺎﻛﻨﺔ ﺭﻏﻢ ﺍﻥ ﺍﻟﺪﻧﻴﺎ ﺧﺎﻭﻳﺔ ﻓﻬﺎﺩ ﺍﻟﻮﻗﺖ ... ﺑﻌﺪ ﻋﻠﻴﻬﺎ ﻭ ﻫﻲ ﺗﺠﺮﻱ ﺩﺍﺧﻠﺔ ﻟﻤﻮﺑﻞ ﻭ ﻛﺘﻘﻴﺲ ﻓﺨﺪﻭﺩﻫﺎ ﺍﻟﻲ ﺷﺎﻋﻠﺔ ﻓﻴﻬﻢ ﺍﻟﻌﺎﻓﻴﺔ ... ﻭ ﻣﻊ ﺍﻟﺘﻠﻔﺔ ﻣﺎﻓﻜﺮﺍﺗﺶ ﮔﺎﻉ ﻛﻴﻔﺎﺵ ﻋﺮﻑ ﻓﻴﻦ ﺳﺎﻛﻨﺔ ...
ﺩﺧﻼﺕ ﺟﻮﻻﻥ ﻟﻠﺸﻘﺔ ﺳﺪﺍﺕ ﻟﺒﺎﺏ ﻭ ﻭﻗﻔﺎﺕ ﻣﺘﻜﻴﺎ ﻋﻠﻴﻪ ... ﺣﻄﺎﺕ ﻳﺪﻫﺎ ﻋﻠﻰ ﺻﺪﺭﻫﺎ ﻭ ﺳﺪﺍﺕ ﻋﻨﻴﻬﺎ ... ﻗﻠﺒﻬﺎ ﻣﺰﺍﻝ ﻛﻴﻀﺮﺏ ﺑﻘﻮﺓ ﻭ ﺃﻧﻔﺎﺳﻬﺎ ﻏﻴﺮ ﻣﻨﺘﺎﺿﻤﻴﻦ ... ﺣﻼﺗﻬﻢ ﻭ ﻫﻲ ﺗﺸﻊ ﺍﺑﺘﺴﺎﻣﺔ ﻋﺮﻳﻀﺔ ﻋﻠﻰ ﻭﺟﻬﺎ ... ﺃﺧﻴﺮﺍ ﺣﺒﻴﺒﻬﺎ ﺭﺟﻊ ﻟﻴﻬﺎ ...
ﺧﺪﺍﺕ ﻟﺤﻈﺎﺕ ﻭ ﻫﻲ ﻣﺴﺘﻤﺘﻌﺔ ﺑﻬﺎﺩ ﺍﻟﺸﻌﻮﺭ ... ﻋﺎﺩ ﺗﺤﺮﻛﺎﺕ ﻓﺎﺗﺠﺎﻩ ﻏﺮﻓﺔ ﺑﺎﻫﺎ ... ﺣﻼﺕ ﻟﺒﺎﺏ ﺑﺸﻮﻳﺔ ﻭ ﻃﻼﺕ ﺑﺎﻥ ﻟﻴﻬﺎ ﻧﺎﻋﺲ ... ﺩﺧﻼﺕ ﻭ ﻗﺮﺑﺎﺕ ﻟﻌﻨﺪﻭ ... ﺑﺎﺳﺖ ﻋﻠﻰ ﺭﺍﺳﻮ ﻭ ﻗﺎﻟﺖ ...
ﺟﻮﻻﻥ : ﺳﻤﺤﻠﻴﺎ ﺗﻌﻄﻠﺖ ﻋﻠﻴﻚ
ﻃﻠﻌﺎﺕ ﻋﻠﻴﻪ ﻟﻐﻄﺎ ﻭ ﻃﻔﺎﺕ ﺍﻟﻀﻮ ﺍﻟﻲ ﺟﻨﺐ ﺭﺍﺳﻮ ... ﺧﺮﺟﺎﺕ ﻭ ﺗﻮﺟﻬﺎﺕ ﻟﻐﺮﻓﺘﻬﺎ ... ﺣﻄﺎﺕ ﺻﺎﻛﻬﺎ ﻭ ﺗﻼﺣﺖ ﻓﻮﻕ ﺳﺮﻳﺮﻫﺎ ... ﻧﻌﺴﺎﺕ ﻋﻠﻰ ﺟﻨﺒﻬﺎ ﻭ ﺿﻤﺎﺕ ﺭﺍﺳﻬﺎ ﺑﻴﺪﻳﻬﺎ ... ﺷﻤﺎﺕ ﺭﻳﺤﺘﻮ ﺍﻟﻲ ﻣﺰﺍﻝ ﻻﺻﻘﺔ ﻓﻴﻬﺎ ﻭ ﺭﻓﻀﺎﺕ ﺗﺒﺪﻝ ﺣﻮﺍﻳﺠﻬﺎ ... ﻏﻤﻀﺎﺕ ﻋﻨﻴﻬﺎ ﻭ ﻧﻌﺴﺎﺕ ﺑﺮﺍﺣﺔ ...
ﻭﻗﻒ ﺍﻟﺴﻴﺎﺭﺓ ﻭ ﺧﺮﺝ ﺩﺍﺧﻞ ﻣﻊ ﺍﻟﭭﻴﻼ ... ﺳﻮﻝ ﺍﻟﺨﺪﺍﻣﺔ ﻋﻠﻰ ﻣﻜﺎﻧﻮ ... ﻛﻴﻒ ﻗﺎﻟﺖ ﻟﻴﻪ ﺍﻟﻤﻜﺘﺐ ﺗﻮﺟﻪ ﻟﻴﻪ ﻣﺒﺎﺷﺮﺓ ... ﺣﻞ ﻟﺒﺎﺏ ﻭ ﺩﻓﻌﻮ ... ﻫﺰ ﺳﻨﻤﺎﺭ ﺭﺍﺳﻮ ﺑﺎﻥ ﻟﻴﻪ ﺭﺋﺒﺎﻝ ... ﻭﻗﻒ ﻭ ﻋﻠﻰ ﻭﺟﻬﻮ ﺍﺑﺘﺴﺎﻣﺔ ﻭ ﻓﻨﻔﺲ ﺍﻟﻮﻗﺖ ﻣﺴﺘﻐﺮﺏ ﻣﻦ ﻣﺠﻴﺆﻭ ﻓﻬﺎﺩ ﺍﻟﻮﻗﺖ ... ﺭﺋﺒﺎﻝ ﻛﻴﻒ ﻭﺻﻞ ﻋﻨﺪﻭ ﻧﺰﻝ ﻋﻠﻴﻪ ﺑﻠﻜﻤﺔ ﻟﻮﺟﻬﻮ ...
ﺿﺎﺭ ﻋﻨﺪﻭ ﺳﻨﻤﺎﺭ ﻭ ﻳﺪﻭ ﻋﻠﻰ ﺟﻨﺐ ﻓﻤﻮ ... ﻟﻜﻦ ﺭﺋﺒﺎﻝ ﻣﺘﺮﺍﺟﻌﺶ ... ﺷﺪ ﻓﻴﻪ ﻣﻦ ﺍﻟﻜﻮﻝ ﺩﻳﺎﻟﻮ ﻭ ﺟﺮﻭ ﻋﻨﺪﻭ ... ﻗﺎﻝ ﺑﻨﺒﺮﺓ ﻏﻀﺐ ...
ﺭﺋﺒﺎﻝ : ﺟﺎﻙ ﻫﺎﺩﺷﻲ ﻟﻌﺒﺔ ... !
ﺳﻨﻤﺎﺭ : ﻋﻼﺵ ﻛﺘﻬﻀﺮ ... ﻣﺎﻟﻚ ﺩﺍﺧﻞ ﺳﺨﻮﻥ ؟ !
ﺭﺋﺒﺎﻝ : ﻛﻴﻔﺎﺍﺍﺵ ﻗﻀﻴﺔ ﺟﻮﻻﻥ ﺗﺰﻭﺟﺎﺕ ﻫﺎﺍﺍ
ﺳﻨﻤﺎﺭ : " ﺿﺤﻚ " ﺁﺍﺍﻩ ﻫﻬﻬﻪ ... ﻃﻠﻖ ﻃﻠﻖ ﻭ ﺃﻧﺎ ﻧﺸﺮﺡ ﻟﻴﻚ
ﺭﺋﺒﺎﻝ : ﺁﺵ ﻏﺎﺩﻱ ﺗﺸﺮﺡ ... ﻫﺎﺩﻭ ﻣﺎ ﻓﻌﺎﻳﻞ ﻣﺎ ﻭﺍﻟﻮ ... ﺍﻟﻠﻌﺐ ﺩﻳﺎﻝ ﺍﻟﺪﺭﺍﺭﻱ ﺍﻟﺼﻐﺎﺍﺍﺭ
ﺳﻨﻤﺎﺭ : ﻭ ﺟﺎﺏ ﻧﺘﻴﺠﺔ ... ﻳﺎﻙ ﺑﻌﺪﺍ ... !
ﺭﺋﺒﺎﻝ : " ﺩﻓﻌﻮ ﻭ ﺩﻭﺯ ﻳﺪﻭ ﻋﻠﻰ ﺷﻌﺮﻭ " ﺑﺴﺒﺐ ﻟﻌﺒﻚ ﻛﻨﺖ ﻏﺎﻧﺮﺗﺎﻛﺐ ﺷﺤﺎﻝ ﻣﻦ ﺣﻤﺎﻗﺔ ... " ﺷﺎﻑ ﻓﻴﻪ " ﻭ ﻣﻨﻴﻦ ﻭﺻﻠﺘﻲ ﻟﺪﺍﻛﺸﻲ ﺍﻟﻲ ﺑﻐﻴﺘﻲ ﻣﺎﻓﻜﺮﺗﻴﺶ ﺗﺼﺤﺢ ﺍﻟﻜﺬﺑﺔ ﺍﻟﻲ ﻃﻠﻘﺘﻲ
ﺳﻨﻤﺎﺭ : ﻭ ﻓﻴﻦ ﺍﻟﻤﺘﻌﺔ ... ﺧﺎﺻﻚ ﺗﻜﺘﺎﺷﻒ ﺭﺍﺳﻚ
ﺭﺋﺒﺎﻝ : " ﺧﻨﺰﺭ ﻓﻴﻪ "
ﺳﻨﻤﺎﺭ : ﺳﻤﻮﺣﺎﺕ ... ﺭﺟﻌﺖ ﻛﻨﻬﻀﺮ ﺑﺤﺎﻟﻚ ... ﺁﺟﻲ ﺑﻌﺪﺍ ﻳﺎﻳﻨﺔ ﺷﻔﺘﻲ ﺟﻮﻻﻥ ... ﻳﺎﻛﻤﺎ ﺩﺭﺗﻲ ﻟﻴﻬﺎ ﺷﻲ ﺣﺎﺟﺔ ؟
ﺭﺋﺒﺎﻝ : " ﺍﻟﺼﻤﺖ "
ﺳﻨﻤﺎﺭ : ﻭ ﻫﻀﺮﺭ ... ﺷﻨﻮ ﺩﺭﺗﻲ ﻟﻠﺒﻨﺖ
ﺭﺋﺒﺎﻝ : ﻭﺍﻟﻮ
ﺳﻨﻤﺎﺭ : ﻫﻲ ﻣﺎﻓﺨﺒﺎﺭﻫﺎ ﻭﺍﻟﻮ ... ﺃﻧﺎ ﺍﻟﻲ ﻃﺎﺣﺖ ﻋﻠﻴﺎ ﺍﻟﻔﻜﺮﺓ ﻭ ﻗﻠﺖ ﻧﺠﺮﺏ ﻋﻼﻩ ﺗﺤﺮﻙ ﻓﻴﻚ ﺷﻲ ﺣﺎﺟﺔ ... ﻭ ﺻﺪﻗﺖ ﻣﺎﺑﻴﺎﺵ ... ﻛﻦ ﻋﺮﻓﺖ ﻛﻦ ﺩﺭﺗﻬﺎ ﺷﺤﺎﻝ ﻫﺬﺍ
ﺭﺋﺒﺎﻝ : ﺳﻨﻤﺎﺭ ... ﻛﺎﻥ ﻗﺮﺍﺭﻱ ﻥ
ﺳﻨﻤﺎﺭ : " ﻗﺎﻃﻌﻮ " ﺳﻤﻊ ﻧﻘﻮﻝ ﻟﻴﻚ ... ﺍﻟﻲ ﻭﻗﻊ ﻛﺎﻥ ﻣﻦ ﺍﻟﻤﺎﺿﻲ ... ﻭ ﺍﻟﻲ ﺩﺯﺗﻲ ﻣﻨﻮ ﻣﺎﺷﻲ ﺳﺎﻫﻞ ... ﻧﺘﺎ ﺃﻛﺜﺮ ﻭﺍﺣﺪ ﺗﻌﺬﺏ ﻭﺳﻂ ﻫﺎﺩﺷﻲ ... ﻣﺎﺷﻲ ﺣﻴﻨﺖ ﺻﺎﺣﺒﻲ ﻛﻨﻘﻮﻝ ﻫﺎﺩﺷﻲ ... ﻟﻜﻨﻚ ﺗﺴﺘﺎﻫﻞ ﻓﺮﺻﺔ ﺛﺎﻧﻴﺔ ... ﻭ ﺣﻨﺎ ﻣﺤﺘﺎﺟﻴﻨﻚ ﻭﺳﻄﻨﺎ ... ﻭ ﺟﻮﻻﻥ ﻣﺤﺘﺎﺟﺎﻙ ... ﻭﺍﺧﺔ ﺍﻟﻲ ﻣﺮﺍﺕ ﺑﻴﻪ ﻗﻮﺍﻫﺎ ﻭ ﺣﺎﻭﻻﺕ ﺗﺠﺎﻭﺯﻭ ... ﻟﻜﻦ ﻓﻜﻞ ﻣﺮﺓ ﻛﺎﻧﺖ ﺗﻀﺤﻚ ﻛﻨﺖ ﻛﻨﺸﻮﻑ ﺍﻟﺪﻣﻮﻉ ﻓﻌﻨﻴﻬﺎ
ﺭﺋﺒﺎﻝ : " ﻭﺍﻗﻒ ﻋﺎﻃﻴﻪ ﺑﻈﻬﺮﻭ " ﻛﻴﻔﺎﺵ ﺣﺘﻰ ﻋﺮﻓﺎﺕ ؟
ﺳﻨﻤﺎﺭ : " ﺭﺟﻊ ﺧﻄﻮﺓ ﺍﻟﻠﻮﺭ ﺗﻔﺎﺩﻳﺎ ﻷﻱ ﻟﻜﻤﺔ ﺃﺧﺮﻯ " ﻗﺮﺍﺕ ﺍﻟﻤﺬﻛﺮﺍﺕ
ﺭﺋﺒﺎﻝ : " ﺿﻮﺭ ﺭﺍﺳﻮ ﺑﺴﺮﻋﺔ " ﻣﺬﻛﺮﺍﺕ !!!
ﺳﻨﻤﺎﺭ : ﻟﻤﺬﻛﺮﺍﺕ ﺩﻳﺎﻝ ﺍﻷﻡ ﺩﻳﺎﻟﻚ ... ﻛﺎﻧﻮ ﻋﻨﺪﻱ ﻓﺎﻟﺪﺍﺭ ... ﻭ ﻗﺒﻞ ﺷﻬﻮﺭﺍ ﻟﻘﺎﺗﻬﻢ ﺟﻮﻻﻥ ﻭ ﻗﺮﺍﺗﻬﻢ ... ﻭ ﺗﺮﺟﺎﺗﻨﻲ ﻧﻘﻮﻝ ﻟﻴﻬﺎ ﻋﻠﻰ ﻣﻜﺎﻧﻚ ... ﺑﻘﺎﺕ ﻛﻄﻠﺐ ﻓﻴﺎ ﺑﺎﺵ ﻧﺪﻳﻬﺎ ﺗﺸﻮﻓﻚ
ﺭﺋﺒﺎﻝ : " ﺩﻭﺯ ﺭﺋﺒﺎﻝ ﻳﺪﻳﻪ ﻋﻠﻰ ﻭﺟﻬﻮ ﻭ ﺯﻓﺮ ﺑﻘﻮﺓ " ﻓﻴﻨﺎﻫﻤﺎ ﺩﺍﺑﺔ ؟
ﻗﺮﺏ ﺳﻨﻤﺎﺭ ﻟﻠﺒﻴﺮﻭ ﻭ ﺣﻞ ﻟﻤﺠﺮ ... ﺟﺒﺪ ﻣﻨﻮ ﺍﻟﻤﺬﻛﺮﺍﺕ ﻭ ﺣﻄﻬﻢ ﻋﻠﻰ ﻇﻬﺮ ﻟﺒﻴﺮﻭ ... ﻗﺮﺏ ﺭﺋﺒﺎﻝ ﻫﺰﻫﻢ ﻭ ﺗﻢ ﺧﺎﺭﺝ ﺣﺘﻰ ﻭﻗﻔﻮ ﻛﻼﻡ ﺳﻨﻤﺎﺭ ...
ﺳﻨﻤﺎﺭ : ﻋﺎﺭﻓﻚ ﻋﻼﺵ ﻛﺘﺼﺮﻑ ﻫﺎﻛﺔ ... ﻭ ﻛﻦ ﻛﺎﻧﺖ ﻣﺸﺎﻋﺮﻫﺎ ﺍﺗﺠﺎﻫﻚ ﺑﺪﻳﻚ ﺍﻟﺴﻄﺤﻴﺔ ﻓﺎﺵ ﻋﺮﻓﺎﺕ ﻛﻠﺸﻲ ... ﻣﻜﺎﻧﺘﺶ ﻏﺎﺩﻱ ﺗﺠﻲ ﺗﺒﻜﻲ ﻷﻳﺎﻡ ﺑﺎﺵ ﻧﺪﻳﻬﺎ ﺗﺸﻮﻓﻚ ... ﻭ ﺩﺍﺑﺔ ﺩﺍﺯﺕ ﻓﺘﺮﺓ ﻧﻴﺖ ﺑﺎﺵ ﻋﺮﻓﺎﺕ ﻭ ﺍﺳﺘﻮﻋﺒﺎﺕ ... ﻭ ﻣﻨﻴﻦ ﺗﻼﻗﻰ ﺑﻴﻬﺎ ﻏﺘﻌﺮﻑ ﺍﻟﺠﻮﺍﺏ ... ﺟﻮﻻﻥ ﻛﺘﺒﻐﻴﻚ ﻛﻴﻔﻤﺎ ﻧﺘﺎ ... ﺑﺄﺧﻄﺎﺀﻙ ﻭ ﺑﻌﻴﻮﺑﻚ ... ﻟﻮ ﺭﺟﻌﺘﻲ ﺳﻤﺤﺘﻲ ﻓﻴﻬﺎ ﻏﺘﻜﻮﻥ ﺃﻏﺒﻰ ﻭﺍﺣﺪ ﻋﻠﻰ ﻭﺟﻪ ﺍﻟﻜﺮﺓ ﺍﻷﺭﺿﻴﺔ ... ﺭﺋﺒﺎﻝ ... ﺗﺴﺘﺎﺣﻖ ﺗﻌﻴﺶ ﻣﺎﺑﺎﻗﻲ ﻓﺤﻴﺎﺗﻚ ﻓﺮﺣﺎﻥ
ﺧﺮﺝ ﺭﺋﺒﺎﻝ ﻭ ﻃﻠﻊ ﻓﺴﻴﺎﺭﺗﻮ ... ﻛﻴﻒ ﻏﺎﺩﺭ ﺍﻟﭭﻴﻼ ﺯﺍﺩ ﻣﻜﺴﻴﺮﻱ ﻓﺎﻟﻄﺮﻳﻖ ...
🍁 ﺍﻟﻴﻮﻡ ﺍﻟﻤﻮﺍﻟﻲ ...
ﻭﺍﻗﻔﺔ ﻓﺎﻟﻜﻮﺯﻳﻨﺔ ﻛﺘﻘﺎﺩ ﻷﻭﻣﻠﻴﻂ ... ﺣﺎﻃﺔ ﻟﻔﻮﻥ ﻋﻨﺪ ﻟﭙﻮﻃﺎﺟﻲ ﻭ ﻛﻞ ﺳﺎﻋﺔ ﺗﺸﻮﻑ ﻓﻴﻪ ... ﻟﺪﺭﺟﺔ ﻏﻔﻼﺕ ﻋﻠﻰ ﻟﻤﻘﻠﺔ ﺣﺘﻰ ﺷﻤﺎﺕ ﺭﻳﺤﺔ ﺍﻟﺤﺮﺍﻕ ... ﻃﻔﺎﺕ ﻟﺒﻮﻃﺔ ﻭ ﻫﺰﺍﺕ ﺩﺍﻛﺸﻲ ﺧﻮﺍﺗﻮ ﻓﺎﻟﻄﺒﺴﻴﻞ ... ﺩﺍﺭﺗﻮ ﻓﻠﭙﻼﻃﻮ ﻭ ﺧﺮﺟﺎﺗﻮ ﻟﻠﺼﺎﻟﺔ ... ﺭﺟﻌﺎﺕ ﺑﺴﺮﻋﺔ ﻟﻜﻮﺯﻳﻨﺔ ﻫﺰﺍﺕ ﺍﻟﻔﻮﻥ ﻭ ﺧﺮﺟﺎﺕ ... ﺷﻮﻳﺔ ﻭﻗﻔﺎﺕ ﻣﺨﺮﺟﺔ ﻋﻨﻴﻬﺎ ...
ﺟﻮﻻﻥ : ﺃﻭﻳﻠﻲ ﺍﻧﺎ ﻛﻨﺘﺴﻨﺎﻩ ﻳﻌﻴﻂ ﻋﻠﻴﺎ ﻭ ﻫﻮ ﻣﺎﻋﻨﺪﻭﺵ ﺍﻟﻨﻤﺮﺓ ﺩﻳﺎﻟﻲ " ﺿﺮﺑﺎﺕ ﺟﺒﻬﺘﻬﺎ ﺑﻴﺪﻫﺎ " ﻣﻜﻠﺨﺔ
ﺇﺑﺮﺍﻫﻴﻢ : ﺷﻜﻮﻥ ﻣﺎﻋﻨﺪﻭﺵ ﻧﻤﺮﺗﻚ !
ﺗﻠﻔﺘﺎﺕ ﺟﻮﻻﻥ ﺷﺎﻓﺖ ﺑﺎﻫﺎ ﺟﺎﻱ ﺑﺎﻟﻜﺮﺳﻲ ﺍﻟﻤﺘﺤﺮﻙ ... ﻗﺎﻟﺖ ﺑﺘﻮﺛﺮ ...
ﺟﻮﻻﻥ : ﺃﺍ ... ﺣﺘﻰ ﻭﺍﺣﺪ ﺃﺑﺎﺑﺎ
ﺇﺑﺮﺍﻫﻴﻢ : " ﻗﺮﺏ ﻋﻨﺪ ﺍﻟﻄﺒﻠﺔ " ﺣﺘﻰ ﻗﻠﻨﺎ ﺗﺤﺴﻨﺘﻲ ﻓﺎﻟﻄﻴﺎﺏ ﻭ ﺩﺍﺑﺔ ﺣﺎﺭﻗﺔ ﻷﻭﻣﻠﻴﻂ !
ﺟﻮﻻﻥ : " ﺟﺮﺍﺕ ﺍﻟﻜﺮﺳﻲ ﭼﻠﺴﺎﺕ ﺟﻨﺒﻮ " ﻏﻴﺮ ﺳﻬﻴﺖ ﻋﻠﻴﻪ ﺷﻮﻳﺔ
ﺇﺑﺮﺍﻫﻴﻢ : ﺍﻟﻴﻮﻡ ﻧﺘﻲ ﻣﺎﺧﺪﻣﺎﺵ ... ﻋﻼﺵ ﻓﺎﻳﻘﺔ ﺑﻜﺮﻱ ؟
ﺟﻮﻻﻥ : ﻏﺎﺩﻳﺔ ﻻﺻﺎﻝ " ﺳﻤﻌﺎﺕ ﺍﻟﺼﻮﻧﻴﺖ ﻭ ﻗﻔﺰﺍﺕ " ﻣﺎﻋﺮﺕ ﺷﻜﻮﻥ ... ﺷﻜﻮﻥ ﻏﺎﺩﻱ ﻳﺠﻲ ﻓﻬﺎﺩ ﺍﻟﻮﻗﺖ !
ﺇﺑﺮﺍﻫﻴﻢ : ﺑﺴﻢ ﺍﻟﻠﻪ ﻋﻠﻴﻚ ... ﺳﻴﺮﻱ ﺗﺤﻠﻲ ﻭ ﻏﺎﺩﻱ ﺗﻌﺮﻓﻲ ﺷﻜﻮﻥ
ﻧﺎﺿﺖ ﺟﻮﻻﻥ ﻏﺎﺩﺓ ﺟﻬﺔ ﺍﻟﺒﺎﺏ ﻭ ﻳﺪﻳﻬﺎ ﻛﻴﺮﺟﻔﻮ ... ﻗﺎﻟﺖ ﻣﺴﺘﺤﻴﻞ ﻳﻜﻮﻥ ﻫﻮ ... ﺑﺎﺵ ﻏﺎﺩﻱ ﻳﻌﺮﻑ ﻓﻴﻦ ﺳﺎﻛﻨﺔ ... ﻭ ﻓﺠﺄﺓ ﺗﻔﻜﺮﺍﺕ ﻟﺒﺎﺭﺡ ﻓﺎﺵ ﻭﺻﻠﻬﺎ ﻗﺪﺍﻡ ﺍﻟﻌﻤﺎﺭﺓ ﻣﻘﺎﻟﺘﺶ ﻟﻴﻪ ﺍﻟﻌﻨﻮﺍﻥ ...
ﺭﺟﻌﺎﺕ ﺳﻤﻌﺎﺕ ﺍﻟﺼﻮﻧﻴﺖ ﻭ ﺿﺎﺭﺕ ﺷﺎﻓﺖ ﻓﺒﺎﻫﺎ ﺍﻟﻲ ﻋﻨﻴﻪ ﻋﻠﻰ ﻟﺒﺎﺏ ... ﺣﻄﺎﺕ ﻳﺪﻫﺎ ﻋﻠﻰ ﺍﻟﺴﺎﻗﻄﺔ ﺣﻼﺗﻬﺎ ... ﺗﺪﻓﻊ ﻟﺒﺎﺏ ﻭ ﻫﻮ ﻳﺒﺎﻥ ﻟﻴﻬﺎ ﻭﺍﻗﻒ ﻣﺨﻨﺰﺭ ...
ﻳﺎﻣﻦ : ﻋﺎﻡ ﺑﺎﺵ ﺗﺤﻠﻲ ﻟﺒﺎﺏ
ﻳﺎﻻﻩ ﻛﺎﻥ ﻏﻴﺘﺤﻨﻰ ﻳﺴﻠﻢ ﻋﻠﻴﻬﺎ ﻣﻦ ﻭﺟﻬﺎ ﻭ ﻫﻮ ﻳﺒﺎﻥ ﻟﻴﻪ ﺇﺑﺮﺍﻫﻴﻢ ... ﻗﺎﻝ ﺍﻟﺴﻼﻡ ﻏﺎ ﺑﻔﻤﻮ ﻭ ﺗﻢ ﺩﺍﺧﻞ ... ﺟﻮﻻﻥ ﻋﺎﺩ ﺭﺟﻌﺎﺕ ﻓﻴﻬﺎ ﺍﻟﺮﻭﺡ ... ﺳﺪﺍﺕ ﻟﺒﺎﺏ ﻭ ﺗﺒﻌﺎﺗﻮ ... ﻟﻘﺎﺗﻮ ﻛﻴﻬﻀﺮ ﻭ ﻳﻀﺤﻚ ﻣﻊ ﺑﺎﻫﺎ ﻛﻴﻒ ﻣﻮﺍﻟﻒ ... ﺍﻧﺘﺎﺑﻬﺎﺕ ﺑﻠﻲ ﻻﺑﺲ ﺳﺮﻭﺍﻝ ﺳﺒﻮﺭ ﻣﻊ ﻫﻮﺩﻱ ﮔﺮﻱ ﻭ ﻫﻲ ﺗﺴﻮﻟﻮ ...
ﺟﻮﻻﻥ : ﻣﺎﺷﻲ ﻓﻬﺎﺩ ﻟﻮﻗﺖ ﻛﺘﻜﻮﻥ ﻓﻼﺻﺎﻝ !
ﻳﺎﻣﻦ : " ﻫﺰ ﺭﺍﺳﻮ ﺷﺎﻑ ﻓﻴﻬﺎ " ﻛﻨﺖ ﻓﻴﻪ ﻭ ﻋﺮﻓﺖ ﺑﻠﻲ ﻣﻐﻴﺒﺔ ﺟﻮﺝ ﻣﺮﺍﺕ ﻫﺎﺩ ﺍﻷﺳﺒﻮﻉ ... ﻭ ﺟﻴﺖ ﻧﺠﺮﻙ ﺑﺮﺍﺳﻲ
ﺟﻮﻻﻥ : ﺍ ﺃﻧﺎ ﻣﺎﻧﻘﺪﺭﺵ ﻧﻤﺸﻲ ... ﺍﻟﻴﻮﻡ ﻏﻨﻀﻞ ﻣﻊ ﺑﺎﺑﺎ
ﺇﺑﺮﺍﻫﻴﻢ : ﻏﺎ ﺳﻴﺮﻱ ... ﻣﺴﺠﻠﺔ ﻭ ﻛﺘﺨﻠﺼﻲ ﺑﺎﺵ ﻣﺎ ﺗﻤﺸﻴﺶ
ﺟﻮﻻﻥ : ﻣﺎﻓﻴﺎﺵ ... ﻋﻴﺎﻧﺔ
ﻳﺎﻣﻦ : ﻏﺎﺩﻱ ﺗﻤﺸﻲ ... ﻫﺎﻧﻲ ﻛﻨﺘﺴﻨﺎﻙ ﻟﺘﺤﺖ
ﺳﻠﻢ ﻳﺎﻣﻦ ﻋﻠﻰ ﺇﺑﺮﺍﻫﻴﻢ ﻭ ﺗﻢ ﺧﺎﺭﺝ ... ﺟﻮﻻﻥ ﺑﻌﺪﻣﺎ ﺃﺻﺮ ﻋﻠﻴﻬﺎ ﺑﺎﻫﺎ ﺗﻤﺸﻲ ... ﻫﺰﺍﺕ ﺣﻘﻴﺒﺔ ﺩﻳﺎﻝ ﺍﻟﻈﻬﺮ ﺻﻐﻴﺮﺓ ﻓﻴﻬﺎ ﻟﻮﺍﺯﻣﻬﺎ ﻭ ﺧﺮﺟﺎﺕ ... ﻫﺒﻄﺎﺕ ﻓﺎﻟﻤﺼﻌﺪ ﻭ ﺧﺮﺟﺎﺕ ﻣﻦ ﺍﻟﻌﻤﺎﺭﺓ ... ﺑﺎﻥ ﻟﻴﻬﺎ ﻳﺎﻣﻦ ﻭﺍﻗﻒ ﺟﻨﺐ ﺳﻴﺎﺭﺗﻮ ... ﺗﻠﻔﺘﺎﺕ ﻳﻤﻴﻦ ﻭ ﺷﻤﺎﻝ ﻭ ﻗﺮﺑﺎﺕ ﻟﻌﻨﺪﻭ ...
ﺻﻐﺮ ﻳﺎﻣﻦ ﻋﻨﻴﻪ ﻭ ﻫﻮ ﻣﻼﺣﻆ ﺗﻮﺛﺮﻫﺎ ... ﻭﺻﻼﺕ ﻋﻨﺪﻭ ﻭ ﺑﺎﻧﺖ ﻟﻴﻪ ﻣﺪﺍﺑﺰﺓ ﻣﻊ ﺷﻌﺮﻫﺎ ﺑﻐﺎﺕ ﺗﺠﻤﻌﻮ ﻭ ﻛﺘﺄﻓﺄﻑ ... ﺧﻄﻒ ﺍﻟﺒﺎﻧﻀﺔ ﻣﻦ ﻳﺪﻫﺎ ﻭ ﺩﻭﺭﻫﺎ ﺣﺘﻰ ﻋﻄﺎﺗﻮ ﺑﻈﻬﺮﻫﺎ ... ﺗﻨﻄﺮﺍﺕ ﺑﻐﺎﺕ ﺗﺒﻌﺪ ﻭ ﻫﻮ ﻳﺘﺒﺜﻬﺎ ... ﺑﺪﺍ ﻛﻴﺠﻤﻊ ﻟﻴﻬﺎ ﺷﻌﺮﻫﺎ ﻋﻠﻰ ﺷﻜﻞ ﺫﻳﻞ ...
ﺣﺘﻰ ﺟﺎ ﻋﻠﻰ ﻣﺴﺎﻣﻴﻌﻮ ﻭ ﻣﺴﺎﻣﻌﻬﺎ ﺻﻮﺕ ﺧﺸﻦ ... ﺗﻠﻔﺘﻮ ﺑﺠﻮﺝ ﻭ ﺧﺮﺟﻮ ﻋﻨﻴﻬﻢ ﻓﺮﺋﺒﺎﻝ ﺍﻟﻲ ﻭﺍﻗﻒ ﻭ ﺧﺎﺷﻲ ﻳﺪﻳﻪ ﻓﺎﻟﺠﻴﺐ ... ﻛﺎﻧﺖ ﻧﻈﺮﺓ ﻳﺎﻣﻦ ﻛﺘﻠﺨﺺ ﻓﺪﻫﺸﺔ ﻭ ﺻﺪﻣﺔ ... ﻭ ﻧﻈﺮﺓ ﺟﻮﻻﻥ ﻛﺎﻧﺖ ﻛﻠﻬﺎ ﺧﻮﻑ ﻭ ﺍﺭﺗﻌﺎﺏ ... ﺑﻴﻨﻤﺎ ﺭﺋﺒﺎﻝ ﻛﺎﻥ ﻛﻴﺸﻮﻑ ﻓﻴﻬﻢ ﺑﻌﻨﻴﻦ ﻛﻴﻒ ﺍﻟﺼﻘﺮ ﻭ ﺣﺠﺒﺎﻧﻮ ﻣﻘﻄﻮﺑﻴﻦ ﺑﺸﻜﻞ ﻣﻠﺤﻮﻅ ...
ﻛﺎﻧﻮ ﺑﺠﻮﺝ ﻛﻴﺘﺒﺎﺩﻟﻮ ﻧﻈﺮﺍﺕ ﺍﻟﻜﺮﻩ ﻭ ﺍﻟﺤﻘﺪ ﺍﻟﻤﺘﺒﺎﺩﻝ ... ﻛﻞ ﻭﺍﺣﺪ ﻓﻴﻬﻢ ﻣﺎ ﻛﻴﻄﻴﻖ ﺍﻵﺧﺮ ... ﺑﻴﻨﻤﺎ ﺟﻮﻻﻥ ﻭﺍﻗﻒ ﻭ ﺣﺎﺳﺔ ﺑﺮﺟﻠﻴﻬﺎ ﻛﻴﻐﺰﻟﻮ ... ﺧﺎﺻﺔ ﻓﺎﺵ ﺑﺎﻥ ﻟﻴﻬﺎ ﻭﺟﻪ ﺭﺋﺒﺎﻝ ﺍﻟﻲ ﺭﺟﻊ ﺣﻤﺮﺭﺭ ... ﺍﻧﺘﺎﺑﻬﺎﺕ ﻟﻌﻨﻴﻪ ﻛﻴﺸﻮﻓﻮ ﻓﺸﻌﺮﻫﺎ ﺍﻟﻲ ﻃﺎﺡ ﻋﻠﻰ ﻛﺘﺎﻓﻬﺎ ﻓﺎﺵ ﺑﻌﺪﺍﺕ ﻋﻠﻰ ﻳﺎﻣﻦ ...
ﺯﺍﺩﺕ ﺗﺮﻋﺒﺎﺕ ... ﻋﻤﺮﻫﺎ ﺷﺎﻓﺘﻮ ﻓﺒﺤﺎﻝ ﻫﺎﺩ ﺍﻟﺤﺎﻟﺔ ... ﺑﻠﻌﺎﺕ ﺭﻳﻘﻬﺎ ﺑﺼﻌﻮﺑﺔ ﻭ ﺣﺎﻭﻻﺕ ﺗﻄﻤﺄﻥ ﺭﺍﺳﻬﺎ ... ﻫﻲ ﻋﺎﺭﻓﺔ ﺃﻧﻪ ﻣﺎﺷﻲ ﻣﺘﻬﻮﺭ ﻭ ﻛﻴﻈﺒﻂ ﻧﻔﺴﻮ ... ﻣﺘﺄﻛﺪﺓ ﺃﻧﻪ ﻏﺎﺩﻱ ﻳﺘﺼﺮﻑ ﺑﺘﺤﻀﺮ ... ﻟﻜﻦ ﺍﻧﺪﻓﺎﻉ ﺭﺋﺒﺎﻝ ﻓﺎﺗﺠﺎﻫﻬﻢ ﻣﺤﻰ ﻛﻞ ﺍﺳﺘﻨﺘﺠﺎﺗﻬﺎ ...
ﻣﺎﺣﺴﺎﺕ ﻋﻠﻰ ﺭﺍﺳﻬﺎ ﺣﺘﻰ ﺗﺮﺍﺟﻌﺎﺕ ﺧﻄﻮﺍﺕ ﺍﻟﻠﻮﺭ ... ﻭﺍﺧﺔ ﺷﺎﻓﺘﻮ ﻗﺎﺻﺪ ﻳﺎﻣﻦ ... ﻭ ﻛﻴﻒ ﻭﺻﻞ ﻋﻨﺪﻭ ﻧﺰﻝ ﻋﻠﻴﻪ ﺑﻘﺒﻈﺘﻮ ... ﺷﻬﻘﺎﺕ ﻭ ﺣﻄﺎﺕ ﻳﺪﻫﺎ ﻋﻠﻰ ﻓﻤﻬﺎ ... ﻭ ﻋﻨﻴﻬﺎ ﺧﺮﺟﻮ ﻓﺎﻟﻤﻌﺮﻛﺔ ﺍﻟﺪﺍﻣﻴﺔ ﺍﻟﻲ ﻗﺪﺍﻣﻬﺎ ...
ﻛﻴﻒ ﺗﻠﻘﻰ ﻳﺎﻣﻦ ﺍﻟﻠﻜﻤﺔ ﻣﻦ ﻋﻨﺪ ﺭﺋﺒﺎﻝ ... ﺭﺟﻊ ﻟﻴﻪ ﺧﺘﻬﺎ ... ﻭ ﺍﻧﻬﺎﻟﻮ ﻋﻠﻰ ﺑﻌﻀﻬﻢ ﺑﺎﻟﻠﻜﻤﺎﺕ ... ﻣﺎﻋﺮﻓﺎﺕ ﻣﺎﺩﻳﺮ ... ﺑﺪﺍﺕ ﻛﺘﻠﻔﺖ ﻋﻼﻩ ﻳﺒﺎﻥ ﻟﻴﻬﺎ ﺷﻲ ﺣﺪ ﺩﺍﻳﺰ ﻓﺪﺍﻙ ﺍﻟﺼﺒﺎﺡ ﺍﻟﺒﺎﻛﺮ ... ﻳﺠﻲ ﻳﻔﻜﻢ ﻗﺒﻞ ﻣﺎ ﻳﻤﻮﺕ ﺷﻲ ﻭﺍﺣﺪ ﻋﻠﻰ ﻳﺪ ﻻﺧﺮ ...
ﺣﺮﻙ ﺭﺋﺒﺎﻝ ﻓﻜﻮ ﻭ ﺧﻂ ﺭﻓﻴﻊ ﺩﻳﺎﻝ ﺍﻟﺪﻡ ﻧﺎﺯﻝ ﻣﻦ ﻓﻮﻕ ﺣﺎﺟﺒﻮ ... ﺯﻳﺮ ﻋﻠﻰ ﻗﺒﻈﺘﻮ ﻭ ﻭﺟﻬﺎ ﻟﻀﻠﻮﻉ ﻳﺎﻣﻦ ﺣﺘﻰ ﺗﺄﻭﻩ ... ﺭﺋﺒﺎﻝ ﻛﺎﻥ ﻋﻠﻰ ﻏﻴﺮ ﻋﺎﺩﺗﻮ ... ﻛﻴﻀﺮﺏ ﻭ ﻳﻌﺎﻭﺩ ﻛﺄﻧﻚ ﻃﻠﻘﺘﻲ ﻭﺣﺶ ﻛﺎﻥ ﻛﺎﺑﺖ ﻛﻞ ﻏﻀﺒﻮ ... ﻭ ﺍﻟﻤﻨﻈﺮ ﺍﻟﻲ ﺷﺎﻑ ﻓﻴﺾ ﺍﻟﻜﺎﺱ ...
ﻫﺰ ﻳﺎﻣﻦ ﺭﺍﺳﻮ ﻭ ﻳﺪﻭ ﻋﻠﻰ ﺟﻨﺒﻮ ... ﺑﺎﻧﺖ ﺍﺑﺘﺴﺎﻣﺔ ﻋﻠﻰ ﺷﻔﺎﻳﻔﻮ ﺍﻟﻲ ﻋﺎﻣﺮﻳﻦ ﺩﻡ ﻭ ﻗﺎﻝ ﺑﻨﺒﺮﺓ ﻣﺴﺘﻔﺰﺓ ...
ﻳﺎﻣﻦ : ﻛﻨﺖ ﻛﻨﺘﺴﻨﻰ ﺍﻣﺘﻰ ﻏﺎﺩﻱ ﺗﺴﺘﻌﻤﻞ ﻧﻔﻮﺫﻙ ﺑﺎﺵ ﺗﺨﺮﺝ ﺭﺍﺳﻚ ﻣﻨﻬﺎ ... ﻭ ﻟﻜﻦ ﻏﺎﺩﻱ ﺗﺒﻘﻰ ﺩﻳﻤﺎ ﻣﺠﺮﻡ ... ﻭ ﻗﺘﺎﻝ ﻓﻨﻈﺮ ﺍﻟﻜﻞ ... ﻓﺒﻠﻤﺎ ﺗﻜﺬﺏ ﻋﻠﻰ ﺭﺍﺳﻚ
ﻣﻊ ﺍﻟﻜﻠﻤﺎﺕ ﺍﻷﺧﻴﺮﺓ ﺍﻟﻲ ﻭﺻﻼﺕ ﻟﻤﺴﺎﻣﻊ ﺟﻮﻻﻥ ... ﻫﺠﻢ ﻋﻠﻴﻪ ﺭﺋﺒﺎﻝ ﻭ ﻣﺎﺑﻘﺎﺵ ﻛﻴﺸﻮﻑ ﻗﺪﺍﻣﻮ ... ﻛﻴﻀﺮﺏ ﺑﻜﻞ ﻗﻮﺗﻮ ﺣﺘﻰ ﻃﺎﺡ ﻳﺎﻣﻦ ﻷﺭﺽ ﻭ ﻣﻊ ﺫﻟﻚ ﻣﺎﺑﻌﺪﺵ ... ﻧﺰﻝ ﻟﻌﻨﺪﻭ ﻛﻴﻨﺰﻝ ﻋﻠﻴﻪ ﻓﺎﻟﻠﻜﻤﺎﺕ ... ﻭ ﺑﺮﻛﺎﻥ ﺷﺎﻋﻞ ﻓﺪﺍﺧﻠﻮ ...
ﻷﻧﻪ ﻋﺎﺭﻑ ﺃﻥ ﺍﻟﺠﺰﺀ ﺍﻷﺧﻴﺮ ﻣﻦ ﻛﻼﻡ ﻳﺎﻣﻦ ﺣﻘﻴﻘﺔ ﻣﺎﻳﻤﻜﻨﺶ ﺍﻟﺘﻐﺎﺿﻲ ﻋﻠﻴﻬﺎ ... ﻭ ﻫﺎﺩﺷﻲ ﺧﻼﻩ ﻳﻔﻘﺪ ﺍﻟﺴﻴﻄﺮﺓ ﻋﻠﻰ ﺭﺍﺳﻮ ... ﺳﻤﻊ ﺻﻮﺕ ﺑﻜﺎﺀﻫﺎ ﻛﻴﻌﻠﻰ ﻭ ﻫﻲ ﻛﺘﻌﻴﻂ ﺑﺎﺳﻤﻮ ... ﻭ ﻓﺠﺄﺓ ﺗﻮﻗﻒ ... ﺷﺎﻑ ﻓﻮﺟﻪ ﻳﺎﻣﻦ ﺍﻟﻲ ﻋﺎﻣﺮ ﺩﻡ ﺑﻨﻈﺮﺓ ﻗﺎﺳﻴﺔ ... ﻃﻠﻖ ﻣﻦ ﺍﻟﻜﻮﻝ ﺩﻳﺎﻟﻮ ﻭ ﻭﻗﻒ ...
ﺷﺎﻑ ﺟﻬﺔ ﺟﻮﻻﻥ ﻭ ﻫﻮ ﺍﻧﺘﺎﺑﻪ ﻟﻠﺪﻣﻮﻉ ﺍﻟﻲ ﻫﺎﺑﻄﻴﻦ ... ﺗﻤﺸﻰ ﻧﺎﺣﻴﺘﻬﺎ ﻭ ﻛﻴﻒ ﻭﺻﻞ ﻟﻌﻨﺪﻫﺎ ﺷﺪ ﻓﻴﺪﻫﺎ ﺍﻟﻲ ﻛﺘﺮﺟﻒ ... ﺟﺮﻫﺎ ﻣﻌﺎﻩ ﻭ ﺩﺍﺯﻭ ﻣﻦ ﺟﻨﺐ ﻳﺎﻣﻦ ﺍﻟﻲ ﺗﮕﻌﺪ ﻛﻴﻤﺴﺢ ﻋﻨﺪ ﻓﻤﻮ ... ﻗﺒﻞ ﻣﺎ ﻳﻘﻄﻌﻮ ﺍﻟﺸﺎﻧﻄﻲ ﺳﻤﻌﻮﻩ ﻛﻴﻌﻴﻂ ﺑﺎﺳﻤﻬﺎ ...
ﻳﺎﻣﻦ : ﺟﻮﻭﻭﻭﻻﺍﺍﻥ
ﻭﻗﻒ ﺭﺋﺒﺎﻝ ﻭ ﺿﺎﺭ ﺷﺎﻑ ﻓﻴﻪ ... ﻛﺎﻥ ﺑﺎﻏﻲ ﻳﺮﺟﻊ ﻟﻌﻨﺪﻭ ﻭ ﻫﻲ ﺗﻌﻨﻖ ﺟﻮﻻﻥ ﺩﺭﺍﻋﻮ ﻓﻤﺤﺎﻭﻟﺔ ﻣﻦ ﺃﻧﻬﺎ ﺗﻤﻨﻌﻮ ... ﺯﻳﺮ ﻋﻠﻰ ﻳﺪﻫﺎ ﺣﺘﻰ ﺣﺴﺎﺕ ﺑﺎﻷﻟﻢ ﻟﻜﻨﻬﺎ ﺗﺄﻭﻫﺎﺕ ﻓﺼﻤﺖ ... ﻭ ﺭﺟﻊ ﺿﺎﺭ ﻗﺎﻃﻌﻴﻦ ﺍﻟﺸﺎﺭﻉ ﻭ ﻳﺎﻣﻦ ﻛﻴﺼﻴﺢ ﺑﺄﻋﻠﻰ ﺻﻮﺗﻮ ...
ﻳﺎﻣﻦ : ﻫﺎﺍﺍﺍﺩ ﺍﻟﻤﺮﺓ ﺗﺴﻨﻰ ﺩﻋﻮﺓ ﺗﻮﺻﻠﻚ ... ﻭ ﺑﺎﺍﺍﻫﺎ ﻋﻤﺮﻭ ﻏﺎﺩﻱ ﻳﻮﺍﻓﻖ ﻋﻠﻴﻴﻴﻴﻚ
ﺩﺧﻠﻮ ﻟﻠﻌﻤﺎﺭﺓ ﻭ ﻃﻠﻌﻮ ﻓﺎﻟﻤﺼﻌﺪ ... ﺧﺮﺝ ﺭﺋﺒﺎﻝ ﺟﺎﺭ ﺟﻮﻻﻥ ﻭ ﺿﻐﻂ ﺍﻟﻜﻮﺩ ﻓﺒﺎﺏ ﺷﻘﺘﻮ ... ﺩﺧﻞ ﺳﺪ ﺍﻟﺒﺎﺏ ﺑﻘﻮﺓ ﻭ ﺟﺮﻫﺎ ﻣﻌﺎﻩ ... ﺿﻮﺭﺍﺕ ﻋﻨﻴﻬﺎ ﻛﺘﺸﻮﻑ ﺍﻟﻤﻜﺎﻥ ﺍﻟﻲ ﺩﺧﻠﻮ ﻟﻴﻪ ... ﺷﻮﻳﺔ ﺣﺴﺎﺕ ﺑﻴﺪ ﺭﺋﺒﺎﻝ ﺭﺧﺎﺕ ﻣﻨﻬﺎ ﻭ ﺃﺧﻴﺮﺍ ﻃﻠﻘﻬﺎ ...
ﺑﻌﺪ ﻋﻠﻴﻬﺎ ﻭ ﺟﻠﺲ ﻓﻮﻕ ﺍﻟﻔﻮﻃﻮﻱ ﺍﻟﻲ ﻓﺎﻟﺼﺎﻟﺔ ... ﺗﻜﺎ ﻣﺴﻨﺪ ﻣﺮﻓﻘﻴﻪ ﻋﻠﻰ ﺭﻛﺎﺑﻴﻪ ﻭ ﻣﻬﺒﻂ ﺭﺍﺳﻮ ﺣﺘﻰ ﻧﺰﻟﻮ ﺧﺼﻼﺕ ﻣﻦ ﺷﻌﺮﻭ ﻋﻠﻰ ﺟﺒﻬﺘﻮ ... ﺿﻤﺎﺕ ﻳﺪﻫﺎ ﺑﻼﺧﺮﻯ ﻛﺘﻤﺴﺪﻫﺎ ﻭ ﻋﻨﻴﻬﺎ ﻋﻠﻴﻪ ... ﺑﺎﻥ ﻟﻴﻬﺎ ﺻﺪﺭﻭ ﻛﻴﻄﻠﻊ ﻭ ﻳﻬﺒﻂ ﺑﻘﻮﺓ ... ﺑﻐﺎﺕ ﺗﻤﺸﻲ ﻋﻨﺪﻭ ﻟﻜﻨﻬﺎ ﻛﺎﻧﺖ ﻣﺘﺨﻮﻓﺔ ﻣﻦ ﺭﺩ ﻓﻌﻠﻮ ...
ﺭﺋﺒﺎﻝ : " ﻗﺎﻝ ﻭ ﻫﻮ ﻣﻜﻴﺸﻮﻓﺶ ﻓﻴﻬﺎ " ﺷﻨﻮ ﺑﻴﻨﻚ ﻭ ﺑﻴﻨﻮ ؟
ﺟﻔﻼﺕ ﻓﺎﺵ ﺳﻤﻌﺎﺕ ﺳﺆﺍﻟﻮ ﺍﻟﻤﻔﺎﺟﺊ ... ﻣﻨﻴﻦ ﻋﺎﻭﺩﺍﺕ ﻟﻴﻪ ﻏﻔﻼﺕ ﻋﻠﻰ ﺟﺰﺀ ﺻﻐﻴﺮ ﻣﻦ ﺍﻟﻘﺼﺔ ... ﻭ ﻫﻲ ﺃﻧﻬﺎ ﻛﺎﻧﺖ ﻣﺨﻄﻮﺑﺔ ﻟﻴﺎﻣﻦ ﻭ ﻛﺎﻧﻮ ﻋﻠﻰ ﻭﺷﻚ ﻳﺘﺰﻭﺟﻮ ... ﺗﺮﺩﺩﺍﺕ ﻗﺒﻞ ﻣﺎﺗﺠﺎﻭﺏ ...
ﺟﻮﻻﻥ : ﻭ ﻭﺍﻟﻮ ... ﺑﻌﺪﻣﺎ ﺑﺎﺑﺎ ﻣﺮﺽ ﻭﻗﻒ ﻣﻌﻴﺎ ... " ﺯﻳﺮﺍﺕ ﻋﻠﻰ ﻋﻨﻴﻬﺎ ﻭ ﺧﺮﺟﺎﺕ ﻛﻠﻤﺎﺗﻬﺎ ﺑﺴﺮﻋﺔ " ﺷﺤﺎﻝ ﻫﺬﺍ ﻛﻨﺎ ﻣﺨﻄﻮﺑﻴﻦ ﻭ ﻟﻜﻦ ﺩﺍﺑﺔ ﻣﺎﺑﻴﻨﺎﺗﻨﺎ ﻭﺍﻟﻮﻭﻭ
ﻫﺰ ﺭﺋﺒﺎﻝ ﻋﻨﻴﻪ ﺍﻟﺠﺎﺣﺪﻳﻦ ﺷﺎﻑ ﻓﻴﻬﺎ ... ﻛﺎﻧﺖ ﻛﺘﺮﺟﻒ ﻓﺒﻼﺻﺘﻬﺎ ... ﻟﻜﻦ ﻛﻠﻤﺔ ﻣﺨﻄﻮﺑﻴﻦ ﺑﻘﺎﺕ ﻛﺘﻌﺎﻭﺩ ﻓﻮﺫﻧﻴﻪ ... ﻭﻗﻒ ﻭ ﻗﺮﺏ ﻟﻌﻨﺪﻫﺎ ... ﺭﺩ ﻟﺒﺎﻝ ﺃﻧﻬﺎ ﺭﺟﻌﺎﺕ ﺧﻄﻮﺓ ﺍﻟﻠﻮﺭ ... ﻭ ﻛﺎﻥ ﺍﻟﺨﻮﻑ ﻭﺍﺿﺢ ﻓﻌﻨﻴﻬﺎ ... ﻭﻗﻒ ﻗﺒﺎﻟﺘﻬﺎ ﻭ ﻗﺎﻝ ﺑﺼﻮﺕ ﻣﻨﺨﻔﺾ ﻫﺎﺩﺉ ...
ﺭﺋﺒﺎﻝ : ﺧﺎﻳﻔﺔ ﻣﻨﻲ ؟؟
ﺟﻮﻻﻥ : " ﺣﺮﻛﺎﺕ ﺭﺍﺳﻬﺎ ﺑﻼ "
ﺭﺋﺒﺎﻝ : " ﺣﻂ ﻳﺪﻭ ﻋﻠﻰ ﺧﺪﻫﺎ ﺣﺘﻰ ﺷﺎﻓﺖ ﻓﻴﻪ " ﻛﻴﻔﺎﺵ ﻗﻀﻴﺔ ﻛﻨﺘﻮ ﻣﺨﻄﻮﺑﻴﻦ ؟ !
ﺟﻮﻻﻥ : ﻓﺎﺵ ﺭﺟﻌﺖ ﻟﻠﺪﺍﺭ ... ﻃﻠﺒﻨﻲ ﻣﻦ ﻋﻨﺪ ﺑﺎﺑﺎ ﻭ ﻭﺍﻓﻖ ﺣﻴﻨﺖ ﻛﻴﻌﺮﻑ ﻳﺎﻣﻦ ﻣﺰﻳﺎﻥ " ﺷﺎﻓﺘﻮ ﻋﻘﺪ ﺣﺠﺒﺎﻧﻮ ﻭ ﺳﻜﺘﺎﺕ "
ﺭﺋﺒﺎﻝ : ﻛﻤﻠﻲ ... ﻭ ﻣﺘﺒﻘﺎﻳﺶ ﺗﻨﻄﻘﻲ ﺑﺴﻤﻴﺘﻮ ﻗﺪﺍﻣﻲ
ﺟﻮﻻﻥ : ﻭ ﻧﻬﺎﺭ ﺍﻟﻌﻘﺪ ﺭﻓﻀﺖ ﺩﺍﻙ ﺍﻟﺰﻭﺍﺝ ﻭ ﺧﺮﺟﺖ ﻣﻦ ﺍﻟﺪﺍﺭ
ﺭﺋﺒﺎﻝ : " ﻛﻴﺪﺍﻋﺐ ﺧﺪﻫﺎ ﺑﺼﺒﻌﻮ " ﻛﻮﻥ ﺗﻢ ﺩﺍﻙ ﺍﻟﺰﻭﺍﺝ ... ﻳﺎﻣﻦ ﻭ ﺑﺎﻙ ﻛﺎﻧﻮ ﻏﻴﻜﻮﻧﻮ ﺁﺧﺮ ﺿﺤﺎﻳﺎ
ﺟﻮﻻﻥ : " ﺑﻠﻘﺎﺕ ﻋﻨﻴﻬﺎ ﻓﻴﻪ ﻣﻦ ﻧﺒﺮﺗﻮ ﺍﻟﻲ ﻛﺎﻧﺖ ﺟﺪﻳﺔ " ﺭ ﺭﺋﺒﺎﻝ ... ﺥ ﺧﻠﻴﻨﺎ ﻧﺴﺎﻭ ﺍﻟﻤﺎﺿﻲ ﻋﻔﺎﻙ
ﺑﺪﻭﻥ ﻣﺎﻳﺮﺩ ﻋﻠﻴﻬﺎ ﺑﻘﻰ ﻛﻴﺘﺄﻣﻞ ﻭﺟﻬﺎ ... ﺷﻮﻳﺔ ﺣﻨﻰ ﺭﺍﺳﻮ ﻭ ﻃﺒﻊ ﻗﺒﻠﺔ ﺟﻨﺐ ﺷﻔﺎﻳﻔﻬﺎ ... ﺣﺲ ﺑﺮﺟﻔﺘﻬﺎ ﺍﻟﻲ ﻛﻞ ﻣﺮﺓ ﻛﺘﻔﻀﺤﻬﺎ ﻭ ﻛﺘﺨﻠﻴﻪ ﻳﺤﺲ ﺑﺘﺄﺛﻴﺮﻭ ﻋﻠﻴﻬﺎ ... ﺑﻌﺪ ﻭ ﺿﺎﺭ ﺭﺟﻊ ﭼﻠﺲ ﻓﻮﻕ ﺍﻟﻔﻮﻃﻮﻱ ...
ﺭﺋﺒﺎﻝ : ﺧﺎﺹ ﻧﺸﻮﻑ ﺑﺎﻙ ؟
ﺑﺎﻥ ﺗﻮﺛﺮ ﺃﻛﺒﺮ ﻋﻠﻰ ﻣﻼﻣﺤﻬﺎ ... ﻣﺎﻋﺮﻓﺎﺕ ﺑﺎﺵ ﺗﺠﺎﻭﺑﻮ ﻓﻬﺎﺩ ﺍﻟﻠﺤﻈﺔ ... ﻭ ﻣﻠﻘﺎﺕ ﻗﺪﺍﻣﻬﺎ ﻣﻦ ﻏﻴﺮ ﺃﻧﻬﺎ ﺗﻐﻴﺮ ﺍﻟﻤﻮﺿﻮﻉ ...
ﺟﻮﻻﻥ : ﺩﻳﺎﻟﻤﻦ ﻫﺎﺩ ﺍﻟﺸﻘﺔ ... ﺯﻭﻳﻨﺔ ﺑﺰﺍﻑ ... ﻣﺨﺎﻟﻔﺔ ﻋﻠﻰ ﺍﻟﻲ ﺳﺎﻛﻨﺔ ﻓﻴﻬﺎ ﺃﻧﺎ ... ﻛﻨﺖ ﺩﻳﻤﺎ ﻛﻨﺸﻮﻑ ﻓﺎﻟﺒﻨﺎﻳﺔ ﺍﻟﻲ ﻣﻘﺎﺑﻠﺔ ﻣﻌﻨﺎ ... ﻭ ﻛﻨﺖ ﻛﻨﺘﺴﺎﺀﻝ ﻋﻠﻰ ﺍﻟﺪﺍﺧﻞ ﻛﻴﻒ ﺩﺍﻳﺮ ... ﺷﻘﺔ ﻛﺒﺮ ﻣﻦ ﺩﺍﺭﻧﺎ ﺍﻟﻘﺪﻳﻤﺔ
ﺭﺋﺒﺎﻝ : " ﻓﻬﻢ ﺃﻧﻬﺎ ﺗﻬﺮﺑﺎﺕ ﻣﻦ ﺍﻹﺟﺎﺑﺔ " ﻋﻼﺵ ﻣﺘﺤﻮﻟﺘﻴﺶ ﻟﭭﻴﻼ ﺍﻟﻲ ﺣﻄﻴﺖ ﺑﺎﺳﻤﻚ ﻓﺎﺵ ﺧﺮﺟﺘﻲ ﻣﻦ ﺩﺍﺭﻛﻢ ... ﻭ ﻋﻼﺵ ﻣﺼﺮﻓﺘﻴﺶ ﻓﺎﻟﻔﻠﻮﺱ ﺍﻟﻲ ﺧﻠﻴﺖ ﻟﻴﻚ ؟
ﻗﺮﺑﺎﺕ ﺟﻮﻻﻥ ﻭ ﭼﻠﺴﺎﺕ ﺟﻨﺒﻮ ﻓﻮﻕ ﺍﻟﻔﻮﻃﻮﻱ ...
ﺟﻮﻻﻥ : ﺍﻟﻲ ﻛﻨﺖ ﻋﺎﺭﻓﺔ ﺃﻧﺎ ﻫﻮ ﺃﻧﻚ ﺳﺎﻓﺮﺗﻲ ﻭ ﺑﻌﺪﺗﻲ ﻋﻠﻴﺎ ﻭ ﻋﻠﻰ ﺍﻟﻜﻞ ... ﻣﺎﻛﻨﺘﺶ ﻓﺎﻫﻤﺔ ﺍﺳﺒﺎﺑﻚ ﻟﻜﻦ ﺭﺑﻄﺖ ﺗﺼﺮﻓﺎﺗﻚ ﺑﻠﻲ ﻭﻗﻊ ﻣﻌﻨﺎ ﻣﺆﺧﺮﺍً ... ﻭ ﺃﻧﻚ ﻣﺒﺎﻗﻲ ﺑﺎﻏﻲ ﺣﺘﻰ ﺻﻠﺔ ﺑﻴﺎ
ﺭﺋﺒﺎﻝ : " ﺿﺎﺭ ﺷﺎﻑ ﻓﻴﻬﺎ " ﻫﺎﺩﺷﻲ ﻋﻼﺵ ﺭﻓﻀﺘﻲ ﺗﺎﺧﺪﻱ ﺍﻱ ﺣﺎﺟﺔ ﺟﺎﺕ ﻣﻦ ﺟﻬﺘﻲ ... !
ﺟﻮﻻﻥ : ﻛﻨﺖ ﺑﻐﻴﺖ ﻧﺤﺎﻓﻆ ﻋﻠﻰ ﻣﺎﺑﻘﻰ ﻣﻦ ﻛﺮﺍﻣﺘﻲ ... ﺍﻟﻲ ﻣﺮﻳﺖ ﻣﻨﻮ ﺳﺎﻋﺘﻬﺎ ﻛﺎﻥ ﺻﻌﻴﺐ ﺑﺰﺍﻑ " ﺣﻨﺎﺕ ﺭﺍﺳﻬﺎ ﻭ ﻃﺎﺣﺖ ﺩﻣﻌﺔ ﻋﻠﻰ ﻇﻬﺮ ﻳﺪﻫﺎ " ﺣﺴﻴﺖ ﺑﺮﻭﺣﻲ ﻏﺎﺩﻱ ﺗﺰﻫﻖ ... ﻣﺎﻛﻨﺘﺶ ﻋﺎﺭﻓﺔ ﺑﺸﻨﻮ ﻣﺮﻳﺘﻲ ﺣﺘﻰ ﻧﺘﺎ ... ﻭ ﺃﻧﺎ ﻳﺴﺤﺎﺏ ﻟﻴﺎ ﺣﻴﺪﺗﻴﻨﻲ ﻣﻦ ﺣﻴﺎﺗﻚ