السفاح العاشق

بارت 11

ﺧﺮﺝ ﻣﻦ ﺍﻟﻤﺎ ﻭ ﺧﺪﺍ ﻧﻔﺲ ﻃﻮﻳﻞ ... ﺻﺪﺭﻭ ﻛﻴﻄﻠﻊ ﻭ ﻳﻬﺒﻂ ﻭ ﺷﻌﺮﻭ ﺍﻟﻤﺒﻠﻞ ﻃﺎﻳﺢ ﻋﻠﻰ ﻋﻨﻴﻪ ... ﻭﻗﻒ ﻭ ﺧﺪﺍ ﻓﻮﻃﺔ ﻟﻮﺍﻫﺎ ﻋﻠﻰ ﺧﺼﺮﻭ ... ﺧﺮﺝ ﻣﻦ ﺍﻟﺪﻭﺵ ﻭ ﺍﺗﺎﺟﻪ ﻟﻠﺪﺭﻳﺴﻴﻨﻎ ... ﻟﺒﺲ ﺣﻮﺍﻳﺠﻮ ... ﺣﻞ ﺍﻟﺨﺰﻧﺔ ﺍﻟﻲ ﻓﺎﻟﺪﺭﻳﺴﻴﻨﻎ ﻭ ﻫﺰ ﺑﻮﺍﻃﺔ ﻃﻮﻳﻠﺔ ... ﺧﺮﺝ ﻟﺒﺎﻟﻜﻮﻥ ﺟﻠﺲ ﻓﻮﻕ ﺍﻟﻔﻮﻃﻮﻱ ﻣﺘﻜﻲ ﺍﻟﻠﻮﺭ ...
ﺑﻘﺎ ﻛﻴﺪﻭﺭ ﺍﻟﺒﻮﺍﻃﺔ ﻓﻴﺪﻭ ﻋﺎﺩ ﻓﺘﺤﻬﺎ ... ﺟﺒﺪ ﻧﻀﺎﺭﺍﺕ ﺻﻐﺎﺭ ﻣﻦ ﺍﻟﻄﺮﺍﺯ ﺍﻟﻘﺪﻳﻢ ﻭ ﺑﻘﺎ ﻛﻴﺘﺄﻣﻞ ﻓﻴﻬﻢ ...
🍃🍃🍃🍃 ؛
ﺟﺎﻟﺲ ﻓﺄﺣﺪ ﺍﻟﻄﺒﺎﻟﻲ VIP ﻭ ﻣﺪﻭﺭ ﺑﻴﻪ ﺟﻮﺝ ﺑﻨﺎﺕ ... ﻛﺎﺱ ﻣﺸﺮﻭﺏ ﻓﻴﺪ ﻭ ﺳﻴﺠﺎﺭﺓ ﻓﻴﺪ ﺃﺧﺮﻯ ... ﻋﻨﻴﻪ ﻧﺎﻳﻤﻴﻦ ﻭ ﺣﻤﺮﻳﻦ ... ﺻﺎﻁ ﺍﻟﺪﺧﺎﻥ ﻓﻮﺟﻪ ﻭﺣﺪﺓ ﻓﻴﻬﻢ ﻭ ﺧﺸﺎ ﺭﺍﺳﻮ ﻓﻌﻨﻘﻬﺎ ...
ﻭﻗﻒ ﻋﻠﻴﻬﻢ ﻛﻴﺸﻮﻑ ﻓﻴﻪ ﺷﻨﻮ ﺩﺍﻳﺮ ... ﺷﺎﺭ ﻟﺪﻳﻚ ﺍﻟﻲ ﺷﻔﺎﺕ ﻓﻴﻪ ﻭ ﺩﺍﺭ ﻟﻴﻬﺎ ﻧﻮﺿﻲ ... ﺗﺴﻼﺕ ﻭ ﻧﺎﺿﺖ ﻓﺤﺎﻟﻬﺎ ... ﺇﻟﻴﺎﺱ ﻭ ﻫﻮ ﻣﺰﺍﻝ ﺧﺎﺷﻲ ﻭﺟﻬﻮ ﻓﻌﻨﻖ ﻻﺧﺮﻯ ...
ﺇﻟﻴﺎﺱ : ﻻﺵ ﻧﻮﺿﺘﻴﻬﺎ ؟
ﺳﻨﻤﺎﺭ : " ﺟﻠﺲ ﻣﺘﻜﻲ ﻋﻠﻰ ﺍﻟﻔﻮﻃﻮﻱ " ﻗﻮﻝ ﻻﺧﺮﻯ ﺗﻨﻮﺽ ﺗﻘﺎﺍﻭﺩ ﺣﺘﺎ ﻫﻴﺎ
ﺇﻟﻴﺎﺱ : " ﺿﺎﺭ ﻋﻨﺪﻭ " ﻭ ﻣﻌﺎﻣﻦ ﻧﻠﻌﺐ ﺃﻧﺎ ... ﻣﻌﺎﻙ ﻧﺘﺎ ؟
ﺳﻨﻤﺎﺭ : " ﺧﻨﺰﺭ ﻓﻴﻪ " ﻏﻨﻘﺴﻢ ﻟﻤﻚ ﺭﺍﺳﻚ ﻋﻠﻰ ﺟﻮﺝ " ﻭﺟﻪ ﻫﻀﺮﺗﻮ ﻟﺒﻨﺖ " ﺍﻳﻴﻪ ﻧﺘﻲ ... ﻧﻮﺿﻲ ﺗﻤﺮﺿﻨﻲ ﻓﻘﻨﺖ ﺁﺧﺮ ... ﺷﺤﺎﻝ ﻛﺘﺮﺛﻮ ﺗﻔﻮﻭﻭﺭ
ﻧﺎﺿﺖ ﻏﺎﺩﺭﺍﺕ ﺗﺒﻌﻬﺎ ﺇﻟﻴﺎﺱ ﺣﺘﺎ ﻣﺸﺎﺕ ﻭ ﺿﺎﺭ ﻋﻨﺪﻭ ...
ﺇﻟﻴﺎﺱ : ﻣﻨﻴﻦ ﻣﻐﺎﺩﻳﺶ ﺗﻘﺼﺮ ... ﻻﺵ ﺟﺎﻱ ... ﺑﺎﺵ ﺗﺤﺮﻣﻬﺎ ﻋﻠﻴﺎ
ﺳﻨﻤﺎﺭ : " ﺧﻮﺍ ﻟﻴﻪ ﻛﺎﺱ " ﻧﻘﺼﺮﻭ ﺍﻧﺎ ﻭﻳﺎﻙ ... ﺁﺵ ﺑﻐﻴﻨﺎ ﺷﻲ ﻗﺢ ***
ﺇﻟﻴﺎﺱ : ﻋﻤﺮﻙ ﺷﺘﻲ ﺷﻲ ﻗﺼﺎﺭﺓ ﺑﻼ ﻧﺴﺎ ﻫﺎﺍ ... ﺑﻨﺎﺩﻡ ﻣﻜﻴﺘﻔﻬﻤﺶ ﻟﻴﺎ ... ﺍﻟﺨﻴﺮ ﻋﻄﺎﻩ ﺍﻟﻠﻪ ﻭ ﻧﻤﺸﻲ ﻧﺘﻌﻠﻖ ﺑﻜﻠﺒﺔ ﻣﺘﺴﺘﺎﻫﻠﺶ
ﺳﻨﻤﺎﺭ : " ﺯﻳﺮ ﻋﻠﻰ ﻟﻜﺎﺱ ﺣﺘﺎ ﻃﺮﻃﻖ ﻓﻴﺪﻭ "
ﺇﻟﻴﺎﺱ : " ﻛﻴﺸﻮﻑ ﻓﻴﻪ ﻛﻴﻒ ﻭﻟﻰ ﺣﻤﺮ ﻧﺪﻡ ﻋﻼﺵ ﻫﻀﺮ " ﺳﻤﺤﻠﻴﺎﺍﺍ ﻣﺎﻗﺼﺪﺗﺶ ﻧﻔﻜﺮﻙ ﻓﻴﻬﺎ " ﺣﻂ ﻳﺪﻭ ﻋﻠﻰ ﻛﺘﻒ ﺳﻨﻤﺎﺭ "
ﺳﻨﻤﺎﺭ : " ﺣﻴﺪ ﻟﻴﻪ ﻳﺪﻭ ﻭ ﻭﻗﻒ " ﻧﻮﺽ ﺍﻟﺰﺑﻞ ﻧﻮﺻﻠﻚ ﻟﻠﺪﺍﺭ ... ﻻ ﺗﺼﺪﻕ ﺧﺎﺭﺝ ﻓﺸﻲ ﺣﺪ ﻋﻮﺗﺎﻧﻲ ... ﻛﻦ ﻏﺎ ﻣﺘﻲ ﻧﺘﺎ ﻭ ﻣﻴﻤﻮﺗﺶ ﺍﻟﺮﺍﺟﻞ ﻣﺴﻜﻴﻦ ﺍﻟﻲ ﻣﺎﻟﻴﻪ ﺫﻧﺐ
ﺇﻟﻴﺎﺱ : ﺩﻳﻚ ﺍﻟﺴﺎﻉ ﺧﻠﻴﻮﻧﻲ ﻓﺎﻟﺤﺒﺲ ... ﻻﺵ ﺧﺮﺟﺘﻮﻧﻲ ﻧﺘﺎ ﻭﻳﺎﻩ ﺁﺍ ﻻﺍﺍﺵ !!
ﺑﻘﺎ ﻛﻴﺪﺧﻞ ﻭ ﻳﺨﺮﺝ ﻓﺎﻟﻬﻀﺮﺓ ... ﺟﺮﻭ ﺳﻨﻤﺎﺭ ﺳﻨﺪﻭ ﻋﻠﻴﻪ ﻭ ﺧﺮﺟﻮ ﻣﻦ ﻟﺒﻮﺍﻁ ... ﺩﺍﻩ ﻟﺪﺍﺭﻭ ﻋﺎﺩ ﺗﻮﺟﻪ ﻟﻠﺪﺍﺭ ﺣﺘﺎ ﻫﻮ ...
ﺍﻟﻴﻮﻡ ﺍﻟﺴﺒﺖ ... ﺟﺎﻟﺴﺔ ﺟﻮﻻﻥ ﻓﺒﻴﺘﻬﺎ ﻻﺑﺴﺔ ﺑﻴﺠﺎﻣﺔ ﻏﻮﺯ ﻭ ﺟﺎﻣﻌﺔ ﺷﻌﺮﻫﺎ ﻛﻌﻜﺔ ﻣﻬﻤﻠﺔ ... ﺣﺎﻃﺔ ﺟﻨﺒﻬﺎ ﺑﻮﺍﻃﺔ ﺩﻳﺎﻝ ﺍﻟﺪﻳﺴﻴﺮ ﻣﻘﻄﻊ ... ﻃﻠﻌﺎﺗﻬﺎ ﻣﻌﻬﺎ ﺑﻌﺪﻣﺎ ﺗﻐﺪﺍﻭ ... ﻭ ﺩﺍﻳﺮﺓ ﻟﺒﻴﺴﻲ ﻓﻮﻕ ﺣﺠﺮﻫﺎ ﻛﺘﻜﺘﺐ ﻛﻴﻒ ﺩﻳﻤﺎ ... ﻭﻗﺘﻤﺎ ﻛﺎﻥ ﻋﻨﺪﻫﺎ ﻭﻗﺖ ﻓﺮﺍﻍ ... ﻛﺘﻠﺘﺎﺟﺄ ﻟﻠﻜﺘﺎﺑﺔ ... ﺣﺴﺎﺕ ﺑﺎﻟﭭﻴﺒﺮﻭﺭ ﺩﻳﺎﻝ ﺍﻟﻔﻮﻥ ...
ﻻﺣﺖ ﻳﺪﻫﺎ ﻫﺰﺍﺗﻮ ﻭ ﻗﺎﺑﻼﺗﻮ ﻣﻊ ﻭﺟﻬﺎ ... ﺷﺎﻓﺖ ﺇﺳﻢ ﺍﻟﻤﺘﺼﻞ ﺍﻟﻲ ﻃﺎﻟﻊ ﻭ ﺣﻼﺕ ﻓﻤﻬﺎ ...
ﺟﻮﻻﻥ : ﻧﻮﻭﻭ ﻣﺎﻳﻤﻜﻨﺶ
ﻧﺎﺿﺖ ﺣﻴﺪﺍﺕ ﻟﺒﻴﺴﻲ ﻭ ﺑﻘﺎﺕ ﻏﺎﺩﺓ ﺟﺎﻳﺔ ... ﺗﻠﻔﺎﺕ ﻣﺎﻋﺮﻓﺎﺕ ﺷﻨﻮ ﺩﻳﺮ ... ﺩﻭﺯﺍﺕ ﺍﻟﺨﻂ ﻭ ﺣﻄﺎﺕ ﺍﻟﻔﻮﻥ ﻋﻨﺪ ﻭﺫﻧﻬﺎ ﻭ ﻗﻠﺒﻬﺎ ﻛﻴﻀﺮﺏ ﺑﺴﺮﻋﺔ ...
ﺟﻮﻻﻥ : ﺁﻟﻮﻭ
ﺯﻫﻴﺮ : ﺁﻟﻮ ﺟﻮﻻﻥ
ﺟﻮﻻﻥ : ﻭﻱ
ﺯﻫﻴﺮ : ﺻﺎﻓﺎ ؟
ﺟﻮﻻﻥ : ﺍﻟﺤﻤﺪ ﻟﻠﻪ ... ﻧﺘﺎ ﺑﺨﻴﺮ ؟
ﺯﻫﻴﺮ : ﺩﺍﺑﺔ ﻣﺰﻳﺎﻥ ﻫﻬﻪ
ﺟﻮﻻﻥ : " ﺍﻟﺼﻤﺖ "
ﺯﻫﻴﺮ : ﻋﻴﻄﺖ ﻋﻠﻴﻚ ﺑﻐﻴﺖ ﻧﺴﻮﻟﻚ ... ﺟﻮﻻﻥ ﻣﻤﻜﻦ ﻧﺸﻮﻓﻚ ﺍﻟﻴﻮﻡ ؟
ﺟﻮﻻﻥ : ﻫﺎﺍ ؟؟
ﺯﻫﻴﺮ : ﺍﻟﻰ ﻛﻨﺘﻲ ﻣﺴﺎﻟﻴﺔ ... ﻣﻤﻜﻦ ﻧﺸﻮﻓﻚ ؟
ﺟﻮﻻﻥ : ﻭ ﻭ ﻭﺍﺧﺔ
ﺯﻫﻴﺮ : ﻫﻬﻪ ﺍﻭﻛﻲ ... ﻧﺘﻠﻘﺎﻭ ﻓﺎﻟﻘﻬﻮﺓ ﺍﻟﻲ ﺟﻨﺐ ﻻﻓﺎﻙ ... ﻋﺮﻓﺘﻴﻬﺎ ؟
ﺟﻮﻻﻥ : ﻭﻱ ﻋﺮﻓﺘﻬﺎ
ﺯﻫﻴﺮ : ﺻﺎﻓﻲ ﻏﺘﻠﻘﺎﻳﻨﻲ ﻛﻨﺘﺴﻨﺎﻙ ﺗﻤﺎﻙ
ﺟﻮﻻﻥ : ﻭﺍﺧﺔ
ﺯﻫﻴﺮ : ﻧﺨﻠﻴﻚ ﺩﺍﺑﺔ " ﻗﻄﻊ "
ﺑﻘﺎﺕ ﻭﺍﻗﻔﺔ ﻭﺳﻂ ﺍﻟﻐﺮﻓﺔ ﻣﺪﻫﺸﺮﺓ ... ﺷﻮﻳﺔ ﺗﺮﺳﻤﺎﺕ ﻋﻠﻰ ﻭﺟﻬﺎ ﺍﺑﺘﺴﺎﻣﺔ ﻋﺮﻳﻀﺔ ﻭ ﺑﺪﺍﺕ ﺗﺤﻨﻘﺰ ... ﻏﻴﺮ ﺗﻔﻜﺮﺍﺕ ﻛﻴﻒ ﻏﺪﻳﺮ ﺗﺨﺮﺝ ﺑﺪﻭﻥ ﻣﺘﻌﺎﺭﺽ ﻣﻬﺎ ﻭﻗﻔﺎﺕ ﻛﺘﻌﺾ ﻓﻀﻔﺎﺭﻫﺎ ...
ﺟﻮﻻﻥ : ﻧﺎﺭﻱ ﺷﻨﻮ ﻏﻨﺪﻳﺮ ... ﺣﻔﻴﻀﺔ ﻣﻐﺎﺩﻳﺶ ﺗﺨﻠﻴﻨﻲ ﻧﺨﺮﺝ ﺑﻮﺣﺪﻱ " ﻛﺘﺤﻚ ﻓﺮﺍﺳﻬﺎ " ﻳﺨﺨﺦ ﻋﻠﻰ ﺯﻫﺮ ﻫﺊ ... ﺁﺍﺍﻩ ﻭﺋﺎﻡ ﺍﻟﻲ ﻏﺘﺤﻠﻬﺎ ... ﻫﻲ ﺍﻟﻲ ﻏﺎﺩﻱ ﺗﻌﺘﻘﻨﻲ
ﺩﻭﺯﺍﺕ ﻧﻤﺮﺓ ﻭﺋﺎﻡ ... ﻫﻀﺮﺍﺕ ﻣﻌﻬﺎ ﻭ ﻃﻠﺒﺎﺕ ﻣﻨﻬﺎ ﺗﺠﻲ ﻟﻌﻨﺪﻫﺎ ... ﻭ ﺗﺨﻠﻖ ﺷﻲ ﻋﺬﺭ ﻟﻤﻬﺎ ﺑﺎﺵ ﺗﺨﻠﻴﻬﺎ ﺗﺨﺮﺝ ﻣﻌﻬﺎ ... ﺑﻘﺎﺕ ﺗﺮﻏﺐ ﻓﻴﻬﺎ ﺗﺴﺎﻋﺪﻫﺎ ﻏﻴﺮ ﻫﺎﺩ ﺍﻟﻤﺮﺓ ... ﺣﻴﻨﺖ ﺩﻳﺠﺎ ﻗﺎﻟﺖ ﻟﻴﻪ ﺟﺎﻳﺔ ﺑﺪﻭﻥ ﻣﺎﺗﻔﻜﺮ ... ﻗﻄﻌﺎﺕ ﻣﻌﻬﺎ ﻭ ﻣﺸﺎﺕ ﻛﺘﻘﻠﺐ ﻓﺎﻟﺒﻼﻛﺎﺭ ﻋﻠﻰ ﺷﻨﻮ ﺗﻠﺒﺲ ... ﺍﻟﻲ ﺟﺒﺪﺍﺗﻬﺎ ﻣﻜﺘﻌﺠﺒﻬﺎﺵ ﻭ ﺗﻌﺎﻭﺩ ﺗﺮﺟﻌﻬﺎ ...
ﺟﻮﻻﻥ : ﻭ ﻧﺎﺭﻱ ﺷﺤﺎﻝ ﺩﻳﺎﻝ ﺍﻟﺸﺮﺍﻭﻁ ﻭ ﺣﺘﺎ ﺣﺎﺟﺔ ﻣﺘﺤﻤﺮ ﻟﻮﺟﻪ
ﺁﺧﻴﺮﺍ ﻫﺰﺍﺕ ﺟﻴﻨﺰ ﻭ ﺗﺮﻳﻜﻮ ﮔﺮﻭﻧﺔ ... ﻟﺒﺴﺎﺗﻬﻢ ﻣﻊ ﺳﺒﺮﺩﻳﻠﺔ ﺑﻴﻀﺔ ... ﺳﺮﺣﺎﺕ ﺷﻌﺮﻫﺎ ﺷﻮﻳﺔ ﺑﻠﺒﻼﻙ ... ﻭ ﺩﺍﺭﺕ ﻏﻴﺮ ﻣﺴﻜﺎﺭﺍ ﻟﻌﻨﻴﻬﺎ ﻭ ﻧﻮﺩ ﻟﻴﭙﺴﺘﻴﻚ ﻟﺸﻔﺎﻳﻔﻬﺎ ... ﻟﺒﺴﺎﺕ ﻧﻀﺎﺭﺍﺗﻬﺎ ﻭ ﺭﺷﺎﺕ ﺭﻳﺤﺘﻬﺎ ... ﺗﺪﻓﻊ ﻟﺒﺎﺏ ﻭ ﻫﻲ ﺩﺧﻞ ﻭﺋﺎﻡ ﻛﻴﻒ ﺍﻟﺮﻋﺪﺓ ... ﻃﻠﻌﺎﺗﻬﺎ ﻭ ﻫﺒﻄﺎﺗﻬﺎ ...
ﻭﺋﺎﻡ : ﻏﺎﺩﺓ ﺗﺸﻮﻓﻲ ﻟﻜﺮﺍﺵ ﻭ ﻻﺑﺴﺔ ﻫﺎﺩﺷﻲ
ﺟﻮﻻﻥ : " ﺟﺎﺕ ﻋﻨﺪﻫﺎ ﻛﺘﺠﺮﻱ ﺳﺪﺍﺕ ﻟﻴﻬﺎ ﻓﻤﻬﺎ " ﺳﻜﺘﻲ ﻏﺘﺴﻤﻌﻚ ﻣﺎﻣﺎ
ﻭﺋﺎﻡ : " ﺑﻜﻼﻡ ﻏﻴﺮ ﻭﺍﺿﺢ " ﻣﺘﻘﻮﻟﻴﺶ ﻟﻴﺎ ﻏﺘﻤﺸﻲ ﺑﻴﻬﻢ
ﺟﻮﻻﻥ : " ﺣﻴﺪﺍﺕ ﻳﺪﻫﺎ ﻣﻦ ﻋﻠﻰ ﻓﻤﻬﺎ " ﺷﻨﻮ ﻗﻠﺘﻲ ؟
ﻭﺋﺎﻡ : " ﻧﻌﺘﺎﺕ ﺑﺼﺒﻌﻬﺎ " ﻧﻀﺎﺭﺍﺕ ﻫﺎﺭﻱ ﺑﻮﺗﺮ ... ﻣﺎﺗﻘﻮﻟﻴﺶ ﻟﻴﺎ ﻏﺎﺩﺓ ﺗﻤﺸﻲ ﺑﻴﻬﻢ !
ﺟﻮﻻﻥ : ﻭ ﺑﻐﻴﺘﻲ ﻧﺤﻴﺪﻫﻢ ﻭ ﻧﺒﻘﺎ ﻧﺨﺒﻂ ﻓﺒﻨﺎﺩﻡ ... ﻫﺒﻠﺘﻲ
ﻭﺋﺎﻡ : ﻳﺎﻙ ﻋﻨﺪﻙ ﻟﻴﻠﻮﻧﺘﻲ ... ﻭﺍ ﺩﺭﻳﻬﻢ
ﺟﻮﻻﻥ : ﻣﻜﻨﺮﺗﺎﺣﺶ ﻓﻴﻬﻢ ... ﻻ ﺧﺮﺟﺖ ﺑﻼ ﻧﻀﺎﺭﺍﺕ ﻛﻨﺤﺲ ﺑﺮﺍﺳﻲ ﺑﺤﺎﻝ ﺍﻟﻰ ﻋﺮﻳﺎﻧﺔ
ﻭﺋﺎﻡ : ﻟﻮﺍﻩ ﻣﺰﻣﺮﺓ ... ﺁﺭﻱ ﻟﻬﻨﺎ
ﺣﻴﺪﺍﺗﻬﻢ ﻟﻴﻬﺎ ﻭ ﺣﻄﺎﺗﻬﻢ ﻓﻮﻕ ﻟﻜﻮﺍﻓﻮﺯ ... ﺟﺒﺪﺍﺕ ﺑﻮﺍﻃﺔ ﻟﻴﻠﻮﻧﺘﻲ ﻭ ﻣﺪﺍﺗﻬﻢ ﻟﻴﻬﺎ ﺩﻳﺮﻫﻢ ... ﺷﺎﻓﺖ ﻓﻴﻬﺎ ...
ﻭﺋﺎﻡ : ﺩﺍﺑﺔ ﻣﺰﻳﺎﻥ ... ﺑﺎﺵ ﻳﻄﻴﺢ ﻓﻌﻨﻴﻚ ﻭ ﻳﺘﻐﺎﺿﻰ ﻋﻠﻰ ﻟﺒﺎﺳﻚ
ﺟﻮﻻﻥ : " ﺧﺒﻄﺎﺗﻬﺎ " ﺑﻘﺮﺍﺍﺍ ... ﺑﺎﺵ ﺗﺮﻓﻌﻲ ﻟﻴﺎ ﻟﻤﻌﻨﻮﻳﺎﺕ ﻛﺘﺤﺒﻄﻴﻬﻢ ﻟﻴﺎﺍﺍ
ﻭﺋﺎﻡ : ﻭ ﺗﺤﺮﻛﻲ ﻗﺪﺍﻣﻲ ... ﺭﺍﻩ ﻗﻠﺖ ﻟﺨﺎﻟﺘﻲ ﻏﺎﺩﺓ ﻣﻌﻴﺎ ﻋﻨﺪ ﻋﻤﺘﻲ ﻳﻌﻄﻴﻬﺎ ﻟﻌﻤﻰ
ﺟﻮﻻﻥ : ﻫﻬﻬﻪ ﻋﻼﺵ ﺷﻨﻮ ﺩﺍﺭﺕ ﻟﻴﻚ ؟
ﻭﺋﺎﻡ : ﻟﻔﻌﺔ ﻣﻜﻨﺤﻤﻠﻬﺎﺵ
ﻫﺰﺍﺕ ﺟﻮﻻﻥ ﺻﺎﻛﻬﺎ ﻭ ﺍﻟﻔﻮﻥ ﻭ ﻫﺒﻄﻮ ... ﺧﺮﺟﻮ ﺣﺘﺎ ﻟﺮﺍﺱ ﺍﻟﺪﺭﺏ ... ﺟﻮﻻﻥ ﺷﺪﺍﺕ ﻃﺎﻛﺴﻲ ﻭ ﻭﺋﺎﻡ ﺭﺟﻌﺎﺕ ﻟﻠﺼﺎﻟﻮﻥ ... ﻭﻗﻒ ﺍﻟﻄﺎﻛﺴﻲ ﻓﻴﻦ ﻗﺎﻟﺖ ﻟﻴﻪ ... ﺧﻠﺼﺎﺗﻮ ﻭ ﻫﺒﻄﺎﺕ ... ﻃﻠﻌﺎﺕ ﻣﻊ ﺍﻟﺪﺭﺝ ﻷﻥ ﺍﻟﻤﻘﻬﻰ ﻓﺎﻟﻄﺒﻖ ﺍﻟﺜﺎﻧﻲ ... ﺩﺧﻼﺕ ﻛﺘﻘﻠﺐ ﻋﻠﻴﻪ ﻭ ﺣﺎﺳﺔ ﺑﺎﻟﺘﻮﺛﺮ ... ﺯﻫﻴﺮ ﻛﺎﻥ ﺟﺎﻟﺲ ﺷﺎﻓﻬﺎ ﺩﺍﺧﻠﺔ ﻭ ﻫﻮ ﻳﻮﻗﻒ ...
ﻟﻤﺤﺎﺗﻮ ﻭ ﻗﺮﺑﺎﺕ ﺣﺎﺩﺭﺓ ﺭﺍﺳﻬﺎ ... ﻛﻴﻒ ﻭﺻﻼﺕ ﻋﻨﺪﻭ ... ﺗﺤﺪﺭ ﻭ ﻗﺒﻞ ﻣﻦ ﺧﺪﻫﺎ ... ﺣﺴﺎﺕ ﺑﻤﻠﻤﺲ ﻟﺤﻴﺘﻮ ﻋﻠﻰ ﺧﺪﻫﺎ ﺍﺭﺗﺎﻋﺶ ﺟﺴﻤﻬﺎ ﻭ ﺑﺮﺩﻭ ﻋﻠﻴﻬﺎ ﻳﺪﻳﻬﺎ ...
ﺯﻫﻴﺮ : " ﻛﻴﺸﻮﻑ ﻓﻴﻬﺎ ﺑﺈﻋﺠﺎﺏ " ﺷﻜﺮﺍ ﻷﻧﻚ ﺟﻴﺘﻲ
ﺣﺪﺭﺍﺕ ﺟﻮﻻﻥ ﻋﻨﻴﻬﺎ ﺑﺨﺠﻞ ... ﻭ ﺧﺪﻭﺩﻫﺎ ﺑﻐﺎﻭ ﻳﻄﺮﻃﻘﻮ ﺑﺎﻟﺴﺨﻮﻧﻴﺔ ... ﺍﺑﺘﺎﺳﻢ ﻭ ﺩﺍﺭ ﻟﻴﻬﺎ ﺑﻴﺪﻭ ﺗﭽﻠﺲ ... ﭼﻠﺴﻮ ﻭ ﻋﻴﻂ ﻋﻠﻰ ﺍﻟﻨﺎﺩﻝ ﻳﺎﺧﺪ ﻃﻠﺒﻬﻢ ... ﺧﺪﺍﺕ ﻋﺼﻴﺮ ﻭ ﻫﻮ ﻗﻬﻮﺓ ... ﺑﻘﺎﺕ ﺳﺎﻛﺘﺔ ﻭ ﻛﺘﻠﻔﺖ ﻫﻨﺎ ﻭ ﻟﻬﻴﻪ ﻣﺘﺠﻨﺒﺔ ﺗﺸﻮﻑ ﻓﻴﻪ ... ﺣﺘﺎ ﺣﺴﺎﺕ ﺑﻴﺪﻭ ﺗﺤﻄﺎﺕ ﻋﻠﻰ ﻳﺪﻫﺎ ﺍﻟﻲ ﻓﻮﻕ ﺍﻟﻄﺒﻠﺔ ... ﻫﺰﺍﺕ ﻋﻨﻴﻬﺎ ﻓﻴﻪ ...
ﺯﻫﻴﺮ : ﺑﻄﺒﻌﻲ ﺻﺮﻳﺢ ﻭ ﻣﻜﻨﺒﻐﻴﺶ ﻧﺒﻘﺎ ﻧﻀﻮﺭ ﻋﻠﻰ ﺍﻟﻤﻮﺿﻮﻉ .. ﺟﻮﻻﻥ ﺃﻧﺎ ﻣﻦ ﺃﻭﻝ ﻧﻬﺎﺭ ﺷﻔﺘﻚ ... ﻳﻌﻨﻲ ﺍﻟﻴﻮﻡ ﺍﻟﻲ ﺧﺮﺟﺘﻲ ﻓﻴﺎ ﻫﻬﻪ ... ﻭ ﻛﻨﺘﻲ ﻣﺨﻨﺰﺭﺓ ﻭ ﺑﺎﻏﺔ ﺗﺨﺎﺻﻤﻲ ... ﻣﻦ ﻭﻗﺘﻬﺎ ﻭ ﺍﻧﺎ ﻛﻨﻔﻜﺮ ﻓﻴﻚ ... ﻧﻬﺎﺭ ﺗﻌﺮﺿﺘﻲ ﻟﻠﺴﺮﻗﺔ ﻣﺎﻛﻨﺘﺶ ﻏﻴﺮ ﺩﺍﻳﺰ ... ﺇﻧﻤﺎ ﺷﻔﺘﻚ ﻭ ﺗﺒﻌﺘﻚ ... ﺍﻟﻲ ﺑﻐﻴﺖ ﻧﻘﻮﻝ ﻫﻮ ... ﺃﻧﻨﻲ ﻣﻬﺘﻢ ﺑﻴﻚ ﻭ ﺑﺰﺍﻑ
ﺟﻮﻻﻥ : " ﻣﺼﺪﻭﻭﻭﻣﺔ ﻣﻦ ﻛﻼﻣﻮ "
ﺯﻫﻴﺮ : ﺍﻟﻰ ﻣﻜﺎﻧﺶ ﺍﻟﺸﻌﻮﺭ ﻣﺘﺒﺎﺩﻝ ... ﻏﻨﺘﻔﻬﻢ ﻭ ﺍﻧﺴﺎﺣﺐ
ﺟﻮﻻﻥ : " ﺍﻟﺼﻤﺖ "
ﺯﻫﻴﺮ : ﻣﻤﻜﻦ ﻧﻌﺮﻑ ﺟﻮﺍﺑﻚ ؟
ﺟﻮﻻﻥ : " ﺑﺘﻠﻌﺜﻢ " ﻡ ﻣﺎﻋﺮﻓﺘﺶ ﺷﻨﻮ ﻧﻘﻮﻝ ... ﺃ ﺍﻧﺎﺍ
ﺯﻫﻴﺮ : " ﺯﻳﺮ ﻋﻠﻰ ﻳﺪﻫﺎ " ﻧﺘﻲ ﺷﻨﻮ ؟
ﺟﻮﻻﻥ : " ﻗﻠﺒﻬﺎ ﻛﻴﻀﺮﺏ ﺑﺴﺮﻋﺔ ﻛﺒﻴﺮﺓ " ﺃﻧﺎ ﻛﻨﻌﺮﻓﻚ 3 ﺳﻨﻴﻦ ﻫﺎﺩﻱ ... ﻣﻦ ﻧﻬﺎﺭ ﺣﻄﻴﺖ ﺭﺟﻠﻲ ﻓﻼﻓﺎﻙ ﺷﻔﺘﻚ ﻭ ﺡ ﺣﺴﻴﺖ
ﺯﻫﻴﺮ : " ﺧﺮﺝ ﻓﻴﻬﺎ ﻋﻨﻴﻪ " 3 ﺳﻨﻴﻦ !! ﻭ ﻋﻼﺵ ﻣﺎﻗﻠﺘﻲ ﻭﺍﻟﻮ ؟
ﺟﻮﻻﻥ : " ﺑﻀﺤﻜﺔ ﻣﺘﻮﺛﺮﺓ " ﻣﺎﻧﻘﺪﺭﺵ
ﺯﻫﻴﺮ : ﻭ ﺃﻧﺎ ﺍﻟﻲ ﻣﺼﻨﮕﻊ ... ﻓﻴﻦ ﻛﺎﻧﻮ ﻋﻨﻴﺎ ﻫﻬﻬﻪ
ﻭﻗﻒ ﻋﻠﻴﻬﻢ ﺍﻟﻨﺎﺩﻝ ﻫﺎﺯ ﻃﻠﺒﻬﻢ ... ﺍﺳﺘﺎﻏﻼﺕ ﺟﻮﻻﻥ ﺍﻟﻔﺮﺻﺔ ﻭ ﺳﺤﺒﺎﺕ ﻳﺪﻫﺎ ... ﺟﻤﻌﺎﺗﻬﻢ ﺑﺠﻮﺝ ﺑﻴﻦ ﻓﺨﺎﺿﻬﺎ ﻭ ﻛﺘﺤﺲ ﺑﻤﻌﺪﺗﻬﺎ ﻣﺰﻳﺮﺓ ﻋﻠﻴﻬﺎ ... ﻫﺎﺩﺷﻲ ﺟﺎ ﻛﻮﻟﻮ ﺩﻗﺔ ﻭﺣﺪﺓ ... ﻣﺎﻋﺮﻓﺎﺗﺶ ﻛﻴﻒ ﺩﺍﺭﺕ ﺣﺘﺎ ﺍﻋﺘﺎﺭﻓﺎﺕ ﺑﺎﻋﺠﺎﺑﻬﺎ ﺑﻴﻪ ﻭﺍﺧﺔ ﻣﺎﺷﻲ ﻣﺒﺎﺷﺮﺓ ... ﻟﻜﻦ ﻫﻲ ﻣﻦ ﺍﻟﻨﻮﻉ ﺍﻟﻲ ﻣﺎﺷﻲ ﺳﺎﻫﻞ ﻳﻔﺼﺢ ﻋﻠﻰ ﺍﻟﻲ ﻓﺪﺍﺧﻠﻮ ...
ﻛﻴﻒ ﺣﻂ ﻟﻴﻬﺎ ﺍﻟﻌﺎﺻﻴﺮ ... ﻗﺮﺑﺎﺗﻮ ﻟﻴﻬﺎ ﻭ ﺷﺮﺑﺎﺕ ﻣﻨﻮ ... ﺣﺎﺳﺔ ﺑﺤﻠﻘﻬﺎ ﻧﺎﺷﻒ ... ﻫﺰﺍﺕ ﻋﻨﻴﻬﺎ ﻓﺰﻫﻴﺮ ... ﻟﻘﺎﺗﻮ ﻛﻴﺸﺮﺏ ﻣﻦ ﻓﻨﺠﺎﻧﻮ ﻭ ﻋﻨﻴﻪ ﻋﻠﻴﻬﺎ ... ﺩﻏﻴﺎ ﺭﺟﻌﺎﺕ ﺣﺪﺭﺍﺗﻬﻢ ...
ﺩﺍﺯ ﺍﻟﻤﻮﻋﺪ ﻓﺼﻤﺖ ﻗﻠﻴﻞ ﻓﺎﺵ ﻛﻴﻬﻀﺮﻭ ... ﺣﺲ ﺑﻴﻬﺎ ﻣﺘﻮﺛﺮﺓ ﻭ ﺍﻥ ﻫﺎﺩﺷﻲ ﺟﺪﻳﺪ ﻋﻠﻴﻬﺎ ... ﻭ ﻫﺎﺩﺷﻲ ﺧﻼﻩ ﻳﻌﺠﺐ ﺑﻴﻬﺎ ﺃﻛﺜﺮ ... ﻋﻔﻮﻳﺘﻬﺎ ﺿﺤﺘﻬﺎ ﺍﻟﺒﺮﻳﺌﺔ ﻭ ﺷﺨﺼﻴﺘﻬﺎ ﺍﻟﻤﺮﺣﺔ ... ﺧﻼﻭ ﺯﻫﻴﺮ ﻳﻨﺘﺎﺑﻪ ﻟﻴﻬﺎ ...
ﺭﻏﻢ ﺻﻐﺮ ﺳﻨﻮ ... ﻓﻬﻮ ﻻ ﻳﺘﺠﺎﻭﺯ 28 ﺳﻨﺔ ... ﻟﻜﻨﻮ ﺷﺨﺺ ﻧﺎﺿﺞ ﻭ ﻃﻤﻮﺡ ... ﻛﻴﻨﺘﺎﻣﻲ ﻟﻌﺎﺋﻠﺔ ﺑﺴﻴﻄﺔ ... ﺧﺪﺍﻡ ﻭ ﻣﻌﻴﻞ ﻷﺳﺮﺗﻮ ﻭ ﺑﺎﻏﻲ ﻳﻜﻤﻞ ﺩﺭﺍﺳﺘﻮ ... ﻋﻨﺪﻭ ﻟﻤﺎﺳﺘﺮ ﻓﺎﻟﻘﺎﻧﻮﻥ ... ﻭ ﺑﺎﻏﻲ ﻳﻜﻮﻥ ﻧﻔﺴﻮ ﻭ ﻳﺨﺮﺝ ﻋﺎﺋﻠﺘﻮ ﻣﻦ ﺍﻟﻮﺿﻌﻴﺔ ﺍﻟﻲ ﻫﻤﺎ ﻓﻴﻬﺎ ... ﻋﻨﺪﻭ ﻋﻤﻞ ﺟﺰﺋﻲ ﻓﺮﻳﺴﻄﻮ ﻣﻠﻚ ﻷﺣﺪ ﺻﺤﺎﺑﻮ ... ﺧﺪﺍﻡ ﻓﻴﻬﺎ ﻛﻤﺤﺎﺳﺐ ...
ﻣﺮﺕ ﺳﺎﻋﺔ ﻭ ﻫﻲ ﺗﺴﺘﺄﺫﻥ ﺟﻮﻻﻥ ﺑﻐﺎﺕ ﺗﻤﺸﻲ ... ﺃﺻﺮ ﻋﻠﻴﻬﺎ ﻳﻮﺻﻠﻬﺎ ﻭﺍﺧﺔ ﺍﻋﺘﺎﺭﺿﺎﺕ ... ﻧﺎﺽ ﺧﻠﺺ ﻭ ﻫﺒﻄﻮ ... ﺟﺎﺏ ﺩﺭﺍﺟﺘﻮ ﻭ ﻣﺪ ﻟﻴﻬﺎ ﺍﻟﻜﺎﺳﻚ ﺍﻟﺜﺎﻧﻲ ... ﺩﺍﺭﺗﻮ ﻭ ﺭﻛﺒﺎﺕ ﻣﻦ ﻭﺭﺍﻩ ...
ﺯﻫﻴﺮ : " ﺗﻠﻔﺖ ﻋﻨﺪﻫﺎ " ﺷﺪﻱ ﻓﻴﺎ
ﺟﻮﻻﻥ : ﻫﺎﺍ
ﺯﻫﻴﺮ : " ﻣﺒﺘﺎﺳﻢ " ﺍﻟﻰ ﻣﺒﻐﺎﺵ ﻃﻴﺤﻲ ﺷﺪﻱ ﻓﻴﺎ ﻣﺰﻳﺎﻥ
ﻣﺪﺍﺕ ﻳﺪﻳﻬﺎ ﻣﺘﺮﺩﺩﺓ ﻭ ﺩﺍﺭﺗﻬﻢ ﻋﻠﻰ ﺟﻨﺎﺑﻮ ... ﺣﺲ ﺑﻴﻬﺎ ﻭ ﻫﻮ ﻳﺠﺮﻫﻢ ﺣﺘﺎ ﺩﻭﺭﺍﺗﻬﻢ ﻋﻠﻰ ﺧﺼﺮﻭ ... ﻟﺼﻖ ﻭﺟﻬﺎ ﻣﻊ ﻇﻬﺮﻭ ... ﺍﺑﺘﺎﺳﻤﺎﺕ ﻭ ﺧﻼﺗﻬﻢ ... ﺩﻳﻤﺎﺭﺍ ﻭ ﺯﺍﺩ ﻣﻜﺴﻴﺮﻱ ... ﻏﻴﺮ ﻗﺮﺑﻮ ﻃﻠﺒﺎﺕ ﻣﻨﻮ ﻳﺤﻄﻬﺎ ... ﻭﻗﻒ ﻭ ﻫﻲ ﺗﻨﺰﻝ ...
ﺟﻮﻻﻥ : ﺷﻜﺮﺍ
ﺯﻫﻴﺮ : ﻋﻠﻰ ﺷﻨﻮ ﻫﻬﻪ ؟
ﺟﻮﻻﻥ : ﺑﺴﻼﻣﺔ
ﺿﺎﺭﺕ ﻏﺎﺩﻳﺔ ﻭ ﻫﻲ ﺗﺒﺎﻥ ﻟﻴﻬﺎ ﻭﺋﺎﻡ ﻭﺍﻗﻔﺔ ﺑﻌﻴﺪ ﻛﺘﺸﻮﻑ ﻓﻴﻬﻢ ... ﺑﻐﺎﺕ ﺗﺰﺭﺏ ﻋﻨﺪﻫﺎ ﻭ ﻫﻲ ﺗﺴﻤﻌﻮ ﻋﻴﻂ ﻋﻠﻴﻬﺎ ...
ﺯﻫﻴﺮ : ﺟﻮﻻﺍﺍﻥ
ﺟﻮﻻﻥ : " ﺿﺎﺭﺕ " ﺍﻣﻢ
ﺯﻫﻴﺮ : " ﺣﺎﺑﺲ ﺍﻟﻀﺤﻜﺔ " ﺍﻟﻜﺎﺳﻚ
ﺟﻮﻻﺕ : " ﻃﺮﻃﻘﺎﺕ ﻋﻨﻴﻬﺎ ﻭ ﺩﺍﺭﺕ ﻳﺪﻫﺎ ﻋﻠﻰ ﺭﺍﺳﻬﺎ ﻛﺘﺤﺴﺴﻮ " ﺁﺍ ﺁﻩ ... ﻟﻜﺎﺳﻚ ﻧﺴﻴﺘﻮ ﻫﻬﻪ ... ﻭ ﻻﻫﻴﻼ ﻧﺴﻴﺘﻮ " ﻣﺪﺍﺗﻮ ﻟﻴﻪ " ﻧﺴﻴﺘﻮﻭ
ﺿﺎﺭﺕ ﻏﺎﺩﺓ ﻛﺘﺰﺭﺏ ﻭ ﺍﻟﺒﻜﻴﺔ ﺷﺪﺍﻫﺎ ... ﺑﻘﺎ ﻣﺘﺒﻊ ﻟﻴﻬﺎ ﺍﻟﻌﻴﻦ ﻭ ﻣﻴﺖ ﺑﺎﻟﻀﺤﻚ ﻋﻠﻰ ﺣﺮﻛﺎﺗﻬﺎ ... ﻋﺎﺩ ﻃﻠﻊ ﻭ ﺯﺍﺩ ...
ﻏﻴﺮ ﻭﺻﻼﺕ ﺟﻮﻻﻥ ﻋﻨﺪ ﻭﺋﺎﻡ ﻭ ﻫﻲ ﺗﻔﺮﮔﻊ ﺑﺎﻟﻀﺤﻚ ﻓﻮﺟﻬﺎ ...
ﻭﺋﺎﻡ : ﻭﺍﺍﺍﺍﺍﺍﻉ ﺃﻣﻲ ﻛﺮﺷﻴﻴﻴﻴﻲ ... ﻭ ﺍﻟﻬﺮﺑﺔﺓﺓﺓﺓﺓ ... ﺍﻟﺒﻨﺖ ﺗﻠﻔﺎﺕ ﻭ ﻫﺎﺭﺑﺔ ﻟﻴﻪ ﺑﺎﻟﻜﺎﺳﻚ ... ﻻ ﻧﺘﻲ ﺑﺰﺍﺍﺍﺍﺍﻑ
ﺟﻮﻻﻥ : " ﻣﻐﺒﻨﺔ " ﺳﻜﺘﻲ ﺣﺸﻮﻣﺔ ﻋﻠﻴﻚ ... ﺭﺍﻩ ﻏﻴﺮ ﻧﺴﻴﺘﻮ
ﻭﺋﺎﻡ : ﻫﻬﻬﻬﻬﻬﻬﻪ ... ﻭ ﻻﺍﺍﺍﺍﺍ ﻏﻨﺒﻮﻭﻭﻭﻝ ﻓﺤﻮﺍﻳﺠﻴﻴﻲ ... ﺃﺣﺴﻦ ﺑﻼﻥ ... ﻋﻤﺮﻭ ﻳﺘﻨﺴﺎﺍﺍﺍﺍ ... ﻣﻊ ﻧﺘﻲ ﮔﻠﻴﻮﻟﺔ ﻭ ﻟﻜﺎﺳﻚ ﺗﺒﺎﺭﻙ ﺍﻟﻠﻪ ﺟﺎ ﻣﻌﺎﻙ ... ﻛﻦ ﻏﺎ ﺧﻼﻩ ﻟﻴﻚ ... ﻛﻨﺘﺨﺎﻳﻠﻚ ﻛﺘﻨﻌﺴﻲ ﺑﻴﻪ ﻭ ﺗﺪﻭﺷﻲ ﺑﻴﻪ ﻭ ﻏﺎﺩﺓ ﻛﻀﻮﺭﻱ ﺑﻴﻪ ﻻ ﻭﻳﻴﻴﻊ ﻫﻬﻬﻬﻬﻬﻪ
ﺟﻮﻻﻥ : " ﻣﺨﻨﺰﺭﺓ " ﻭ ﺻﺎﻓﻲ ﻣﺎﺗﻜﻮﻧﻴﺶ ﺣﺎﻣﻀﺔ ... ﺭﺍﻩ ﻏﻴﺮ ﻧﺴﻴﺘﻮﻭﻭ
ﻭﺋﺎﻡ : ﻭ ﻗﻮﻟﻲ ﺗﻠﻔﻚ ﺍﻟﺤﺐ ﻫﻬﻪ ... ﻭ ﻟﻜﻦ ﺍﻟﺼﺮﺍﺣﺔ ﻏﺰﺍﺍﺍﻝ ... ﻛﻦ ﻏﺎ ﻋﻴﻄﺘﻲ ﻋﻠﻴﺎ ﻧﺘﻌﺮﻑ ﻋﻠﻴﻪ ... 3 ﺳﻨﻴﻦ ﻭ ﺃﻧﺎ ﻧﺴﻤﻊ ﺑﻴﻪ ... ﺯﻫﻴﺮ ﺯﻫﻴﺮ ﺯﻫﻴﺮ
ﺟﻮﻻﻥ : ﻋﻠﻰ ﻫﺎﺩ ﻟﻔﻀﻴﺤﺔ ﺍﻟﻲ ﺩﺭﺗﻲ ﻟﻴﺎ ... ﻏﻨﻌﺮﻓﻚ ﻋﻠﻰ ﺍﻟﺰﻣﺮ
ﻭﺋﺎﻡ : ﺗﻔﻮﻭﻭ ﻣﺴﻤﻮﻣﺔ ... ﺧﻔﺘﻴﻪ ﻳﺘﻌﺮﻑ ﻋﻠﻴﺎ ﻭ ﻳﻘﻠﺐ ﻋﻠﻴﻚ
ﺟﻮﻻﻥ : ﺟﻤﻌﻲ ﺭﺍﺳﻚ ... ﻻ ﻧﺸﻄﺐ ﺑﻴﻚ ﺍﻟﺪﺭﻳﺒﺔ ﺑﺪﺍﻙ ﺍﻟﺴﺎﻟﻒ ﺍﻟﻲ ﻓﺮﺣﺎﻧﺔ ﺑﻴﻪ
ﻭﺋﺎﻡ : ﻭ ﻏﺎ ﺿﺤﻜﻨﺎ ﻣﻌﺎﻙ ... ﻣﺎﻝ ﻣﻚ ... ﺁﺵ ﻫﺎﺩ ﺍﻟﺤﺴﺎﺳﻴﺔ ﻷﻭﭬﺮ
ﺟﻮﻻﻥ : ﺿﺤﻜﻲ ﻣﻌﻴﺎ ﻓﻜﻠﺸﻲ ﺍﻻ ﺯﻫﻴﺮ
ﻭﺋﺎﻡ : ﻫﺎﻱ ﻫﺎﻱ ... ﺑﺎﻏﺔ ﺩﻳﺮﻱ ﺗﺎﻋﺖ ﺍﻟﻲ ﻟﻘﺎ ﺣﺒﺎﺑﻮ ﻳﻘﻠﺐ ﻋﻠﻰ ﺻﺤﺎﺑﻮ ... ﻳﺎﻙ ﺍﻟﺼﻔﺮﻳﻄﺔ !
ﺟﻮﻻﻥ : " ﻻﺣﺖ ﻋﻠﻴﻬﺎ ﺩﺭﺍﻋﻬﺎ " ﺑﺎﻏﺔ ﻧﺮﺟﻊ ﻟﻴﻚ ﺍﻟﻀﻜﻚ ﺍﻟﻲ ﺿﺤﻜﺘﻲ ﻋﻠﻴﺎ ﻗﺒﻴﻠﺔ ... ﺃﻣﺎ ﻧﺘﻲ ﺭﺍﻙ ﺍﻟﺤﺐ ﻭ ﺍﻟﻜﺒﺪﺓ ﻭ ﺍﻟﮕﺎﻧﺼﺔ ... ﻧﺘﻲ ﻫﻲ ﻛﻠﺸﻲ
ﻭﺋﺎﻡ : " ﻏﺎﺩﻳﻴﻦ ﻣﻌﺎﻧﻘﻴﻦ " ﻋﺎﺭﻓﺎﻙ ﻛﺘﺒﺘﻴﻨﻲ ... ﻭﺍ ﻋﺎﻭﺩﻱ ﻟﻴﺎ ﺑﻌﺪﺍ ﺷﻨﻮ ﺩﻭﺗﻮ ... ﻓﻴﻦ ﻣﺸﻴﺘﻮ ؟
ﺟﻮﻻﻥ : ﺗﻼﻗﻴﻨﺎ ﻓﻜﺎﻓﻲ ﺣﺪﺍ ﻻﻓﺎﻙ ... ﺑﺤﺎﻝ ﺍﻟﻰ ﺣﺲ ﻣﻜﻨﻌﺮﻓﺶ ﻟﻘﻨﺎﺗﻲ ﻫﻬﻪ ... ﻛﻦ ﺩﺍﺭ ﻣﻌﻴﺎ ﺑﻼﺻﺔ ﺃﺧﺮﻯ ﻛﻨﺖ ﻏﻨﺘﺸﻮﻩ
ﻭﺋﺎﻡ : ﻭ ﺃﻧﺎ ﺷﻨﻮ ﻛﻨﺪﻳﺮ ﺍﻟﻰ ﻣﻨﻔﻌﺘﻚ ... ﺃﻭﻯ ﺷﻨﻮ ﺩﺭﺗﻮ ﻓﺎﺵ ﻫﻀﺮﺗﻮ ؟
ﺟﻮﻻﻥ : " ﺑﺎﺑﺘﺴﺎﻣﺔ " ﺍﻋﺘﺎﺭﻑ ﻟﻴﺎ ﺑﻠﻲ ﻛﻨﻌﺠﺒﻮ
ﻭﺋﺎﻡ : ﻋﻠﻴﻬﺎ ﻏﺎ ﻛﺘﻔﺮﻧﺴﻲ " ﺳﻜﺘﺎﺕ " ﺑﺎﺍﺍﺳﻚ ؟
ﺟﻮﻻﻥ : " ﻭﻗﻔﺎﺕ " ﻟﻮﺍﻩ ﺯﻣﺮﻧﻲ ... ﻭ ﺷﺘﻲ ﻟﺒﺴﺎﻻﺕ
ﻭﺋﺎﻡ : ﻫﻬﻬﻪ ﺑﺎﻏﺔ ﻧﺘﺄﻛﺪ ... ﺭﺍﻩ ﻛﺎﻳﻦ ﺇﻟﻲ ﺧﻔﻴﻒ ... ﻳﺪﻳﺮ ﻟﻴﻚ ﺧﻔﺎ ﺯﺭﺑﺎ
ﺟﻮﻻﻥ : ﺷﻜﻮﻥ ﺃﻧﺎ ؟
ﻭﺋﺎﻡ : ﺍﻟﺼﻔﺮﻳﻄﺔ ... ﺯﻋﻤﺎ ﺑﻐﻴﺖ ﻧﻘﻮﻝ ﺟﻮﻻﻥ
ﺟﻮﻻﻥ : ﻭ ﺗﺮﺑﻴﺔ ﻣﻦ ؟
ﻭﺋﺎﻡ : ﻻ ﺣﻔﻴﻀﺔ
ﺟﻮﻻﻥ : ﺇﻭﺍ ﺍﻟﻠﻪ ﻳﺮﺿﻲ ﻋﻠﻴﻚ ﻣﺘﻨﺴﻴﻬﺎﺵ
ﻭﺋﺎﻡ : ﻭ ﻟﻜﻦ ﺃﺟﻮﻻﻥ ... ﺍﻟﺤﺐ ﺑﻌﺪ ﺍﻟﻤﺮﺍﺕ ﻛﻴﺨﻠﻴﻨﺎ
ﺟﻮﻻﻥ : " ﻗﺎﻃﻌﺎﺗﻬﺎ " ﻣﻤﺘﺎﻓﻘﺎﺵ ﻣﻌﺎﻙ
.......... : ﺟﻮﻻﺍﺍﺍﻥ
ﺟﻮﻻﻥ : " ﺗﻠﻔﺘﺎﺕ " ﺟﺪﺓ
ﻭﺋﺎﻡ : " ﺑﺼﻮﺕ ﻣﻨﺨﻔﺾ " ﻧﺘﻲ ﻣﻨﻴﻦ ﺟﺪﺍﻙ ... ﺑﻐﻴﺖ ﻏﺎ ﻧﻌﺮﻑ ﻋﻼﺵ ﻛﺘﻘﻮﻟﻲ ﻟﻴﻬﺎ ﺟﺪﺓ ﻭ ﻫﻲ ﻣﻜﺘﺠﻴﻜﺶ
ﺟﻮﻻﻥ : ﻭ ﻧﺘﻲ ﺷﻐﻠﻚ ... ﺳﻴﺮﻱ ﻟﺪﺍﺭﻛﻢ
ﻭﺋﺎﻡ : ﺳﺮﻱ ﺍﻧﺎ ﺍﻟﻲ ﻭﺍﻗﻔﺔ ﻣﻌﺎﺍﺍﻙ ... ﺣﺘﺎ ﺗﺮﺟﻌﻲ ﺗﺮﻏﺒﻲ ﻓﻴﺎ ﻣﺮﺓ ﺃﺧﺮﻯ
ﺟﻮﻻﻥ : " ﻏﺎﺩﺓ " ﻧﺘﻲ ﺭﺍﻙ ﺍﻟﺤﻮﻭﻭﻭﻭﺏ
ﻣﺸﺎﺕ ﺟﻮﻻﻥ ﻛﺘﺠﺮﻱ ﻋﻨﺪ ﺍﻟﺸﺨﺺ ﺍﻟﻲ ﻋﻴﻂ ﻋﻠﻴﻬﺎ ... ﻛﺎﻧﺖ ﺇﻣﺮﺃﺓ ﻋﺠﻮﺯ ﻻﺑﺴﺔ ﺟﻼﺑﺔ ﻭ ﺩﺍﻳﺮﺓ ﻟﻔﻮﻻﺭ ... ﻭﺻﻼﺕ ﻋﻨﺪﻫﺎ ﺟﻮﻻﻥ ﻭ ﺳﻠﻤﺎﺕ ﻋﻠﻴﻬﺎ ...
ﺍﻟﺠﺪﺓ : ﻛﻴﺪﺍﻳﺮﺓ ﻣﺎﻣﺎﻙ ﺍﺑﻨﺘﻲ ؟
ﺟﻮﻻﻥ : ﺑﺨﻴﺮ ﺍﻟﺤﻤﺪ ﻟﻠﻪ ... ﻧﺘﻲ ﺁﺵ ﺧﺒﺎﺭﻙ ... ﻭ ﻛﻴﺪﺍﻳﺮ ﺟﺪﻱ ﻟﺒﺎﺱ ﻋﻠﻴﻪ
ﺍﻟﺠﺪﺓ : ﺭﺍﻩ ﻓﺎﻟﻘﻬﻮﺓ ﻣﻊ ﺻﺤﺎﺑﻮ ... ﻣﺠﻤﻮﻋﻴﻦ ﻓﻴﻬﺎ ﻏﺎ ﺻﺤﺎﺏ ﺍﻟﺘﻘﺎﻋﺪ ﻭ ﺍﻟﻲ ﻣﻌﻨﺪﻭ ﺷﻐﻞ ﻫﻬﻪ
ﺟﻮﻻﻥ : ﺣﺘﺎ ﺑﺎﺑﺎ ﻛﻴﻈﻞ ﻓﻴﻬﺎ ﻫﻬﻬﻪ
ﺍﻟﺠﺪﺓ : ﻣﺎﻟﻚ ﻏﺒﺮﺗﻲ ... ﺷﺤﺎﻝ ﻫﺎﺩﺍ ﻣﺠﻴﺘﻲ ﺗﭽﻠﺴﻲ ﻣﻌﻨﺎ
ﺟﻮﻻﻥ : ﻏﻴﺮ ﻣﻊ ﻟﻘﺮﺍﻳﺔ ﻭ ﺍﻟﻠﻪ ... ﻛﻨﻈﻞ ﻓﻼﻓﺎﻙ ﻭ ﻛﻨﺠﻲ ﻣﺴﺨﺴﺨﺔ ... ﺍﻟﺼﺮﺍﺣﺔ ﺗﻮﺣﺸﺖ ﺍﻟﺠﻠﺴﺔ ﻣﻌﺎﻙ ﻧﺘﻲ ﻭ ﺍﻟﺤﺎﺝ
ﺍﻟﺠﺪﺓ : ﻫﻲ ﻻ ﺟﻴﺘﻲ ﻧﻴﺖ ﺩﺍﺑﺔ ... ﺗﻌﺸﺎﻱ ﻣﻌﻨﺎ ﻭ ﻧﻘﺼﺮﻭ ﺷﻮﻳﺔ
ﺟﻮﻻﻥ : ﻭﺍﺧﺔ ... ﻧﻤﺸﻲ ﻧﻘﻮﻟﻬﺎ ﻟﻤﺎﻣﺎ ﻭ ﻧﺮﺟﻊ