السفاح العاشق

بارت 54

ﺑﻌﺪ ﺗﺪﺧﻞ ﺍﻷﻡ ﺩﻳﺎﻟﻮ ﺑﺎﻩ ﺗﺮﺍﺟﻊ ﻋﻠﻰ ﺃﻧﻮ ﻳﻨﺘﺎﻗﻞ ﻟﻠﺪﺭﺍﺳﺔ ﻓﺎﻟﺨﺎﺭﺝ ... ﻭ ﻣﻊ ﺃﻧﻮ ﻛﻴﺘﻌﺮﺽ ﻟﻠﻤﻀﺎﻳﻘﺔ ﺍﻟﻤﺴﺘﻤﺮﺓ ﺍﻻ ﺃﻧﻮ ﺻﺎﺑﺮ ... ﻣﺪﺍﻡ ﻛﻴﺮﺟﻊ ﻭ ﻳﺸﻮﻑ ﻣﻮ ﻭ ﻳﺴﻤﻊ ﻛﻼﻣﻬﺎ ﻭ ﻳﺤﺲ ﺑﺎﻟﺤﻨﺎﻥ ﺩﻳﺎﻟﻬﺎ ﻭﺳﻂ ﻃﻐﻴﺎﻥ ﺑﺎﻩ ... ﻟﻜﻦ ﻫﺎﺩﺷﻲ ﻣﺪﺍﻣﺶ ... ﺍﻧﻘﻠﺒﺖ ﺣﻴﺎﺓ ﺑﻬﺎﺀ ﺑﻌﺪ ﻣﻮﺕ ﻣﻮ ﺑﻌﺪ ﻣﺮﻭﺭ ﺳﻨﺔ ... ﺑﺴﺒﺐ ﻣﺮﺽ ﺍﻟﻔﺸﻞ ﺍﻟﻜﺒﺪﻱ ... ﺗﺄﺯﻡ ﺑﻌﺪ ﻣﻮﺗﻬﺎ ﻭ ﺑﻮﻗﺖ ﻗﺼﻴﺮ ﺳﻴﻔﻄﻮ ﺑﺎﻩ ﻳﺪﺭﺱ ﻓﺄﺣﺪ ﺍﻟﺠﺎﻣﻌﺎﺕ ﺑﺒﻮﺳﻄﻦ ﺗﺨﺼﺺ ﺇﺩﺍﺭﺓ ﺍﻷﻋﻤﺎﻝ ...
ﻣﺎﺭﻓﻀﺶ ﻣﺪﺍﻡ ﻣﻮ ﻣﻜﺎﻳﻨﺎﺵ ﻭ ﻏﺎﺩﻱ ﻳﺒﻌﺪ ﻋﻠﻰ ﺑﺎﻩ ... ﺗﺄﻗﻠﻢ ﻣﻊ ﺍﻟﺤﻴﺎﺓ ﻓﺄﻣﺮﻳﻜﺎ ... ﻭ ﺍﻟﺸﻲﺀ ﺍﻹﻳﺠﺎﺑﻲ ﺍﻟﻲ ﻟﻘﻰ ﻫﻮ ﻋﺪﻡ ﺗﻌﺮﺿﻮ ﻟﻠﺘﻨﻤﺮ ... ﺑﺴﺒﺐ ﺷﺨﺼﻴﺘﻮ ﺷﻜﻠﻮ ﺃﻭ ﻣﻴﻮﻟﻮ ﺍﻟﺠﻨﺴﻲ ... ﺍﻟﻲ ﺍﻛﺘﺎﺷﻒ ﺃﻧﻪ ﻣﺨﺘﺎﻟﻒ ﻋﻠﻰ ﺑﺎﻗﻲ ﺍﻟﺬﻛﻮﺭ ﺍﻟﻄﺒﻴﻌﻴﻴﻦ ... ﻓﻔﺘﺮﺓ ﺩﺭﺍﺳﺘﻮ ﻓﺎﻟﺨﺎﺭﺝ ﺍﻋﺘﺎﺭﻑ ﻟﻨﻔﺴﻮ ﺃﻧﻪ ﻣﺨﺘﻠﻒ ... ﻟﻜﻦ ﻣﻜﺎﻧﺘﺶ ﻋﻨﺪﻭ ﺍﻟﺸﺠﺎﻋﺔ ﺍﻟﻜﺎﻓﻴﺔ ﻳﻌﺘﺎﺭﻑ ﻟﻠﻌﺎﻟﻢ ... ﻻ ﺍﻷﺏ ﺩﻳﺎﻟﻮ ﻭ ﻻ ﺍﻟﻤﺠﺘﻤﻊ ﻓﺎﺵ ﻧﺸﺄ ﻭ ﻻ ﺩﻳﻨﻮ ﻏﻴﺘﻘﺒﻞ ﻫﺎﺩﺷﻲ ... ﻭ ﻫﻨﺎ ﺑﻬﺎﺀ ﻗﺮﺭ ﻳﺨﻠﻴﻪ ﻟﻨﻔﺴﻮ ...
ﻣﻦ ﺑﻌﺪﻣﺎ ﺗﺨﺮﺝ ﺭﺟﻊ ﻟﻠﻤﻐﺮﺏ ﻭ ﺧﺪﻡ ﻣﻊ ﺑﺎﻩ ﻓﺸﺮﻛﺔ ﺍﻟﻌﺜﻤﺎﻧﻲ ... ﺗﺒﻊ ﺟﻤﻴﻊ ﻣﺨﻄﻄﺎﺕ ﺑﺎﻩ ﻟﻤﺴﺘﻘﺒﻠﻮ ﺑﺪﻭﻥ ﺍﻋﺘﺮﺍﺽ ... ﺭﺟﻌﺎﺕ ﺍﻟﺨﺪﻣﺔ ﻫﻲ ﺃﻭﻟﻮﻳﺘﻮ ﻭ ﻣﺒﻌﺪ ﺭﺍﺳﻮ ﻋﻠﻰ ﺍﻟﻨﺎﺱ ... ﻻ ﺃﺻﺪﻗﺎﺀ ﻻ ﻋﺎﺋﻠﺔ ... ﻭ ﻧﻬﺎﺭ ﻣﺎﺕ ﺑﺎﻩ ﺭﺟﻊ ﻟﻮﺣﺪﻭ ﺑﺎﻟﻤﻌﻨﻰ ﺍﻟﺤﺮﻓﻲ ... ﻣﺪﺍﺯﺵ ﺑﺰﺍﻑ ﺩﻳﺎﻝ ﺍﻟﻮﻗﺖ ﺣﺘﻰ ﻭﻟﻰ ﺍﻟﻤﺴﺎﻋﺪ ﺍﻟﺸﺨﺼﻲ ﻟﻠﻤﺪﻳﺮ ...
ﻭ ﺑﻌﺪ ﻣﺪﺓ ﻣﺎﺕ ﺭﺋﻴﺲ ﺷﺮﻛﺔ ﺍﻟﻌﺜﻤﺎﻧﻲ ﻫﻮ ﻭ ﺯﻭﺟﺘﻮ ﻓﺤﺎﺩﺙ ... ﻭ ﻣﻨﻴﻦ ﺗﻘﺮﺍﺕ ﻭﺻﻴﺘﻮ ﻋﺮﻓﻮ ﺑﻠﻲ ﺇﺑﻨﻮ ﺍﻟﻲ ﻛﻴﺪﺭﺱ ﻓﻠﻨﺪﻥ ﻫﻮ ﺍﻟﻲ ﻏﻴﺎﺧﺪ ﻣﻜﺎﻧﻮ ... ﺗﻮﻗﻊ ﺑﻬﺎﺀ ﺃﻥ ﺍﻟﻤﺪﻳﺮ ﺍﻟﺠﺪﻳﺪ ﻏﻴﺘﺨﻠﺺ ﻣﻨﻮ ... ﻷﻥ ﺍﻟﺴﺒﺐ ﺍﻟﺮﺋﻴﺴﻲ ﺑﺎﺵ ﺗﻮﺿﻒ ﻫﻮ ﺑﺎﻩ ﺭﻏﻢ ﺍﻟﻤﺆﻫﻼﺕ ﺍﻟﻲ ﻋﻨﺪﻭ ... ﻭ ﺍﻟﻤﺪﻳﺮ ﺍﻟﺴﺎﺑﻖ ﻛﺎﻥ ﺻﺪﻳﻖ ﺑﺎﻩ ... ﻭ ﻣﻜﺎﻧﺖ ﻋﻨﺪﻭ ﺣﺘﻰ ﻓﻜﺮﺓ ﻋﻠﻰ ﺷﺨﺼﻴﺔ ﺍﻟﻤﺪﻳﺮ ﺍﻟﺠﺪﻳﺪ ... ﺣﺘﺎﻝ ﻧﻬﺎﺭ ﺟﺎﺀ ﺭﺋﺒﺎﻝ ﻟﻠﺸﺮﻛﺔ ﻭ ﺗﻌﺮﻓﻮ ﻋﻠﻴﻪ ﺍﻟﻤﻮﺿﻔﻴﻦ ...
ﻷﻥ ﻣﻦ ﻗﺒﻞ ﻋﻤﺮﻭ ﺣﻂ ﻓﻴﻬﺎ ﺭﺟﻠﻴﻪ ... ﻭ ﺍﻟﻜﻞ ﻣﻜﺎﻧﻮﺵ ﻋﻠﻰ ﺩﺭﺍﻳﺔ ﻛﻴﻒ ﻏﺘﻜﻮﻥ ﺷﺨﺼﻴﺘﻮ ... ﺣﺘﻰ ﺗﻔﺎﺟﺄﻭ ... ﺭﻏﻢ ﺻﻐﺮ ﺳﻨﻮ ﻭ ﻗﻠﺔ ﺧﺒﺮﺗﻮ ﻗﺪﺭ ﻳﻔﺮﺽ ﺷﺨﺼﻴﺘﻮ ... ﻫﺎﺩﺉ ... ﺫﻛﻲ ... ﺣﺬﻕ ... ﺣﻘّﺎﻧﻲ ... ﺟﺪّﻱ ... ﻭ ﻏﺎﻣﺾ ... ﻫﺎﻛﺔ ﺷﺎﻓﻮﻩ ﻣﻮﺿﻔﻲ ﺍﻟﺸﺮﻛﺔ ﻭ ﻣﻦ ﺑﻴﻨﻬﻢ ﺑﻬﺎﺀ ... ﺍﻟﻲ ﺍﻛﺘﺎﺷﻒ ﺃﻧﻮ ﻏﻴﺒﻘﻰ ﻓﻨﻔﺲ ﺍﻟﻤﻨﺼﺐ ... ﻭ ﻗﺮﺭ ﻳﺘﺒﺚ ﻟﺮﺋﺒﺎﻝ ﺃﻧﻪ ﻳﺴﺘﺎﺣﻘﻮ ...
ﻭ ﻛﻴﻒ ﺍﻧﺒﺎﻫﺮﻭ ﺍﻵﺧﺮﻳﻦ ﺑﺸﺨﺼﻴﺔ ﺭﺋﺒﺎﻝ ... ﺑﻬﺎﺀ ﺑﺪﻭﺭﻭ ﻛﺎﻥ ﻳﻜﻦ ﻟﻴﻪ ﻛﻞ ﺍﻹﺣﺘﺮﺍﻡ ﺍﻟﻲ ﺗﺤﻮﻝ ﻣﻦ ﺑﻌﺪ ﻷﻛﺜﺮ ... ﻟﻜﻦ ﺣﺎﻭﻝ ﺣﺘﻰ ﺣﺪ ﻣﻴﺤﺲ ﻋﻠﻴﻪ ... ﻭ ﻋﻨﺪ ﺑﺎﻟﻮ ﻧﺠﺢ ... ﻏﻴﺮ ﺩﺍﺭﻱ ﺑﻠﻲ ﺭﺋﺒﺎﻝ ﺑﻨﻔﺴﻮ ﻋﺎﺭﻑ ﻛﻠﺸﻲ ... ﻭ ﻣﻊ ﺫﻟﻚ ﺧﻼﻩ ﺑﺠﻨﺒﻮ ... ﻣﺪﺍﻡ ﻛﻴﺄﺩﻱ ﺷﻐﻠﻮ ﻋﻠﻰ ﺃﻛﻤﻞ ﻭﺟﻪ ... ﺣﺘﺎﻝ ﻧﻬﺎﺭ ﺷﺎﻓﻮ ﺷﻨﻮ ﺩﺍﺭ ﻣﻊ ﺟﻮﻻﻥ ﻭ ﻛﺎﻧﺖ ﻫﺎﺩﻳﻚ ﺃﻭﻝ ﻣﺮﺓ ﻳﻌﺎﻗﺒﻮ ﺑﺘﻨﺤﻴﺘﻮ ﻛﻤﺴﺎﻋﺪ ﻟﻴﻪ ...
# ﺍﻟﻮﻗﺖ _ ﺍﻟﺤﺎﻟﻲ
ﺭﺋﺒﺎﻝ : " ﺣﻂ ﻟﻮﺭﺍﻕ ﻭ ﺷﺎﻑ ﻓﻴﻬﻢ " ﻏﻨﺘﺰﻭﺝ ﺑﺠﻮﻻﻥ ﺍﻟﻔﺎﺭﻳﺴﻲ
ﺳﻨﻤﺎﺭ : ﻛﺘﻬﻀﺮ ﺑﺎﻟﻤﻌﻘﻮﻝ ؟
ﺇﻟﻴﺎﺱ : ﻭﺍﺵ ﻣﻄﻠﻌﻬﺎ ﻋﻠﻴﻨﺎ !
ﺭﺋﺒﺎﻝ : " ﻭﻗﻒ " ﻧﻬﺎﺭ ﺍﻟﺴﺒﺖ ﺍﻟﺨﻄﺒﺔ ... ﺑﺎﻏﻴﻦ ﺗﺤﻀﺮﻭ ﻣﺮﺣﺒﺎ ﻣﺒﺎﻏﻴﻨﺶ ﺷﻐﻠﻜﻢ ﻫﺪﺍﻙ ... ﺩﺍﺑﺔ ﺗﮕﻌﺪﻭ ﻛﻼ ﻳﻤﺸﻲ ﻳﻘﻀﻲ ﻟﻴﻪ ﺣﺎﺟﺔ
ﻧﺎﺽ ﺇﻟﻴﺎﺱ ﻭ ﺳﻨﻤﺎﺭ ﺧﺎﺭﺟﻴﻦ ... ﻗﺒﻞ ﻣﺎ ﻳﺴﺪ ﺇﻟﻴﺎﺱ ﻟﺒﺎﺏ ﻧﻄﻖ ...
ﺇﻟﻴﺎﺱ : ﻋﻨﺪﻱ ﺳﺆﺍﻝ
ﺭﺋﺒﺎﻝ : " ﺧﺪﺍﻡ ﻓﻠﺒﻴﺴﻲ " ﺳﺪ ﻣﻌﺎﻙ ﺍﻟﺒﺎﺏ
ﺩﺍﺭ ﻛﻴﻒ ﻗﺎﻝ ﻟﻴﻪ ﻭ ﺗﺒﻊ ﺳﻨﻤﺎﺭ ... ﻏﺎﺩﻳﻴﻦ ﻓﺎﻟﻜﻮﻟﻮﺍﺭ ﺣﺘﻰ ﻭﻗﻒ ﺇﻟﻴﺎﺱ ﻛﻴﺤﻠﻞ ﺑﻮﺣﺪﻭ ...
ﺇﻟﻴﺎﺱ : ﺃﻧﺎ ﻗﻠﺖ ﻻ ﻛﺎﻧﺖ ﺷﻲ ﺣﺎﺟﺔ ... ﻏﺘﻜﻮﻥ ﻛﺘﻌﺠﺒﻮ ... ﻭ ﻟﻜﻦ ﺍﻟﺰﻭﺍﺍﺍﺝ ... ﻭﺍﻩ ﺻﺪﻣﻨﻲ
ﺳﻨﻤﺎﺭ : " ﻇﻐﻂ ﻋﻠﻰ ﺯﺭ ﺍﻟﻤﺼﻌﺪ " ﻛﺎﻳﻨﻴﻦ ﺟﻮﺝ ﺍﺣﺘﻤﺎﻻﺕ ... ﻳﺎ ﺇﻣﺎ ﺭﺋﺒﺎﻝ ﻓﺮﺍﺳﻮ ﺷﻲ ﺣﺎﺟﺔ ... ﻭ ﻛﻴﻒ ﺍﻟﻌﺎﺩﺓ ﻛﻴﺘﺼﺮﻑ ﺑﻠﻤﺎ ﻳﻌﻠﻢ ... ﻭ ﻻ
ﺇﻟﻴﺎﺱ : ﻭ ﻻ ﺷﻨﻮﻭﻭ ... ﺯﻋﻤﺎ ﺩﺍﻛﺸﻲ ﺍﻟﻲ ﻓﺒﺎﻟﻲ ﻭ ﺑﺎﻟﻚ
ﺳﻨﻤﺎﺭ : ﻭ ﻻ ﻓﻌﻼ ﺍﻟﺸﺨﺺ ﺍﻟﻲ ﻋﻤﺮﻭ ﻫﻀﺮ ﻋﻠﻰ ﺍﻻﺭﺗﺒﺎﻁ ... ﻃﺎﺡ ﺑﺎﻟﻤﻌﻘﻮﻝ ﻭ ﺑﺎﻏﻲ ﻳﺘﺰﻭﺝ
ﺇﻟﻴﺎﺱ : ﻭ ﻟﻜﻦ ﺭﺋﺒﺎﻝ ﺁﺧﺮ ﻭﺍﺣﺪ ﻓﻴﻨﺎ ﺗﻮﻗﻌﺘﻮ ﻳﺘﺰﻭﺝ ... ﻋﻤﺮﻭ ﺍﺭﺗﺎﺑﻂ ﺑﺸﻲ ﻭﺣﺪﺓ ﻭ ﻻ ﺫﻛﺮ ﺍﻟﺰﻭﺍﺝ ... ﻋﻘﻠﺘﻲ ﻓﺎﺵ ﺟﺪﺓ ﺟﺒﺪﺍﺕ ﻟﻴﻪ ﺳﻴﺮﺓ ﺣﻔﻴﺪﺓ ﺻﺎﺣﺒﺘﻬﺎ ... ﺷﻔﺘﻲ ﻛﻴﻒ ﺟﺎﻭﺑﻬﺎ ... ﺃﻭﻝ ﻣﺮﺓ ﻳﻬﻀﺮ ﻣﻌﻬﺎ ﺑﺪﻳﻚ ﺍﻟﻨﺒﺮﺓ ... ﺷﻨﻮ ﺍﻟﻲ ﺧﻼﻩ ﻳﺒﺪﻝ ﺭﺃﻳﻮ !
ﺳﻨﻤﺎﺭ : ﺣﻨﺎ ﻋﺎﺭﻓﻴﻦ ﻏﺎ ﺟﺎﻧﺐ ﻭﺍﺣﺪ ... ﻛﻨﻌﺮﻓﻮ ﺭﺋﺒﺎﻝ ﺻﺎﺣﺒﻨﺎ ﺍﻟﻲ ﺗﻼﻗﻴﻨﺎ ﻓﺎﻟﻤﻴﺘﻢ ... ﻣﻌﺎﺭﻓﻴﻨﺶ ﺷﻨﻮ ﺩﺍﺯ ﻋﻠﻴﻪ ﻗﺒﻞ ﻭ ﻻ ﺑﻌﺪﻣﺎ ﺗﻔﺎﺭﻗﻨﺎ ... ﻭ ﻟﻜﺎﻥ ﻗﺮﺭ ﻳﺘﺰﻭﺝ ﺍﻻ ﺣﺘﻰ ﻛﺎﻥ ﻣﺘﺄﻛﺪ ... ﻭ ﺟﻮﻻﻥ ﺑﻨﺖ ﻓﺸﻜﻞ ﻭ ﻏﺘﻜﻮﻥ ﺍﻷﻧﺴﺐ ﻟﻴﻪ
ﺇﻟﻴﺎﺱ : ﺩﺍﺑﺔ ﺭﺋﺒﺎﻝ ﻏﻴﺘﺰﻭﺝ ﻫﻬﻬﻪ ... ﻛﻦ ﻣﺎﺳﻤﻌﺘﻮ ﻗﺎﻟﻬﺎ ﻭ ﺍﻟﻠﻪ ﻣﻨﺜﻴﻖ ... ﺗﻘﻮﻝ ﻟﻴﺎ ﺍﻟﻤﻐﺮﺏ ﺩﺍ ﻛﺎﺱ ﺍﻟﻌﺎﻟﻢ ﻧﺼﺪﻗﻚ ﻭ ﻻ ﻗﻠﺘﻲ ﻟﻴﺎ ﺭﺋﺒﺎﻝ ﺑﺎﻏﻲ ﻳﺘﺰﻭﺝ ﻧﻀﺤﻚ ﻋﻠﻴﻚ
ﺳﻨﻤﺎﺭ : " ﻋﻄﺎﻩ ﺑﻴﺪﻭ ﻟﻘﺮﻓﺎﺩﺗﻮ " ﺑﺪﻳﺘﻲ ﺗﺒﻠﺒﻞ ﺛﺎﻧﻲ ... ﺻﺎﻓﻲ ﺍﻟﻬﻀﺮﺓ ﺗﻘﺎﻟﺖ ﻭ ﺩﺍﺯﺕ ... ﻣﺎﺷﻲ ﺣﻴﻨﺖ ﻣﺤﺒﻮﺱ ﻣﻌﺎﻙ ﻓﺎﻟﺴﺎﻧﺴﻮﺭ ﺗﻔﺮﻉ ﻟﻴﺎ ﺭﺍﺳﻲ
ﺇﻟﻴﺎﺱ : ﻫﺎﻫﻮ ﺳﺎﻛﺖ "... ﺳﻜﺖ ﻟﺜﺎﻧﻴﺔ ﻭ ﺭﺟﻊ ﻫﻀﺮ " ﺁﻩ ﻗﻮﻝ ﻟﻴﺎ ... ﻋﻼﺵ ﻏﺎﺩﻱ ﻟﻨﺪﻥ ؟
ﺳﻨﻤﺎﺭ : ﺧﺪﻣﺔ
ﺇﻟﻴﺎﺱ : ﻣﺘﺄﻛﺪ ... ﺭﺍﻧﻲ ﺣﺎﻓﻈﻚ ﻭ ﻋﺎﺭﻑ ﻣﻨﻴﻦ ﻛﺘﻜﺬﺏ ﻛﺘﺨﺮﺝ ﻓﻌﻨﻴﻚ
ﺳﻨﻤﺎﺭ : " ﺿﺎﺭ ﻋﻨﺪﻭ ﻣﺨﻨﺰﺭ " ﺩﺧﻞ ﻟﻴﺎ ﻣﻊ ﻋﻈﺎﻣﻲ ﺣﺴﻦ
ﺇﻟﻴﺎﺱ : ﺳﻤﺎﺭﺍ ﺍﻟﻲ ﻋﻨﺪﻫﺎ ﺗﺼﻮﻳﺮ ﻓﻠﻨﺪﻥ ... ﻧﺼﻴﺤﺔ ﻣﻦ ﻫﺎﺩ ﺍﻟﻬﺒﻴﻞ ... ﺑﻌﺪ ﻋﻠﻴﻬﺎ ﻣﺎﺣﺪﻫﺎ ﺣﺎﻃﺔ ﺭﺋﺒﺎﻝ ﻓﺮﺍﺳﻬﺎ ... ﻧﺘﺎ ﺍﻟﻲ ﻏﺘﻌﺬﺏ
ﺳﻨﻤﺎﺭ : ﻧﺼﺢ ﻏﺎ ﺭﺍﺳﻚ
ﺗﺤﻞ ﺍﻟﻤﺼﻌﺪ ﻭ ﻫﻮ ﻳﺨﺮﺝ ﺳﻨﻤﺎﺭ ... ﺇﻟﻴﺎﺱ ﺭﺟﻊ ﻇﻐﻂ ﻋﻠﻰ ﺯﺭ ﺍﻟﻄﺎﺑﻖ ﺍﻟﻲ ﻓﻴﻪ ﻣﻜﺘﺐ ﺯﻳﻨﺐ ...
ﺭﻛﺐ ﻓﺴﻴﺎﺭﺗﻮ ﻭ ﺗﻮﺟﻪ ﻟﺪﺍﺭ ﺳﻤﺎﺭﺍ ... ﻭﻗﻒ ﻓﺤﻲ ﺭﺍﻗﻲ ﻗﺪﺍﻡ ﺑﻨﺎﻳﺔ ﺿﺨﻤﺔ ﻓﻴﻬﺎ ﺷﻘﻖ ﻛﺒﻴﺮﺓ ... ﻫﺰ ﺍﻟﻔﻮﻥ ﺻﻮﻧﺎ ﻋﻠﻴﻬﺎ ... ﺷﻮﻳﺔ ﺗﻤﺎﺕ ﺧﺎﺭﺟﺔ ﻻﺑﺴﺔ ﺟﻴﻨﺰ ﻣﻘﻄﻊ ﻣﻦ ﺟﻬﺔ ﺍﻟﺮﺑﺔ ﻭ ﻃﻮﭖ ﺍﺳﻮﺩ ﻻﻳﺺ ... ﻣﻊ ﻛﻌﺐ ﻋﺎﻟﻲ ﻓﻨﻔﺲ ﺍﻟﻠﻮﻥ ... ﺟﺎﺭﺓ ﻣﻌﻬﺎ ﺷﺎﻧﻄﺔ ﻣﺘﻮﺳﻄﺔ ... ﻟﻤﺤﻬﺎ ﺳﻨﻤﺎﺭ ﻭ ﻫﺒﻂ ... ﺳﻠﻢ ﻋﻠﻴﻬﺎ ﺑﻼ ﺑﻴﺰ ﻭ ﻫﺰ ﺍﻟﺸﺎﻧﻄﺔ ﺣﻄﻬﺎ ﻓﺎﻟﻜﻮﻓﺮ ... ﻃﻠﻌﺎﺕ ﻟﻘﺪﺍﻡ ﺭﻛﺐ ﻭ ﺗﺤﺮﻙ ﻣﺘﺎﺟﻪ ﻟﻠﻤﻄﺎﺭ ...
ﺑﻌﺪ ﺳﺎﻋﺎﺕ ﻛﺎﻧﻮ ﻓﻠﻨﺪﻥ ... ﻭﺻﻠﻮ ﻷﻭﻃﻴﻞ ﻭ ﺧﺪﺍﻭ ﺑﻄﺎﻗﺎﺕ ﺍﻟﺠﻨﺎﺣﻴﻦ ﺍﻟﻲ ﺭﺯﻳﺮﭬﺎﻭ ... ﻃﻠﻌﻮ ﻛﻼ ﺩﺧﻞ ﻟﺠﻨﺎﺣﻮ ﺑﺎﺵ ﻳﺮﺗﺎﺡ ... ﻓﺎﻟﻴﻮﻡ ﺍﻟﻤﻮﺍﻟﻲ ﻛﺎﻥ ﻋﻨﺪ ﺳﻤﺎﺭﺍ ﺗﺼﻮﻳﺮ ... ﺭﺍﻓﻘﻬﺎ ﺳﻨﻤﺎﺭ ﺣﺘﻰ ﻛﻤﻼﺕ ﺟﻠﺴﺔ ﺍﻟﺘﺼﻮﻳﺮ ... ﻋﺎﺩ ﺗﻮﺟﻬﻮ ﻷﺣﺪ ﺍﻟﻤﻼﻫﻲ ﺍﻟﻠﻴﻠﻴﺔ ﺍﻟﻤﻌﺮﻭﻭﻓﺔ ﻓﻠﻨﺪﻥ ... ﺩﺧﻠﻮ ﻭ ﺧﺪﺍﻭ ﻃﺒﻠﺔ ﻓﺠﻬﺔ ﻝ VIP ...
ﺳﻤﺎﺭﺍ : ﺷﻜﺮﺍ ﺣﻴﻨﺖ ﺟﻴﺘﻲ ﻣﻌﻴﺎ ... ﻭﺍﺧﺔ ﻛﻨﺖ ﺳﺎﻛﻨﺔ ﻫﻨﺎ ﻣﻲ ﻣﺤﻤﻠﺘﺶ ﻧﺠﻲ ﺑﻮﺣﺪﻱ
ﺳﻨﻤﺎﺭ : ﻧﺪﻣﺘﻲ ﺣﻴﻨﺖ ﻗﺮﺭﺗﻲ ﺗﺴﺘﺎﻗﺮﻱ ﻓﺎﻟﻤﻐﺮﺏ ؟
ﺳﻤﺎﺭﺍ : ﻻ ... ﺍﻟﻲ ﻧﺪﻣﺖ ﻋﻠﻴﻪ ﻫﻮ ﺃﻧﻲ ﻣﺮﺟﻌﺘﺶ ﻟﻠﻤﻐﺮﺏ ﻗﺒﻞ
ﺳﻨﻤﺎﺭ : " ﺍﻟﺼﻤﺖ "
ﺳﻤﺎﺭﺍ : ﻣﺎﻟﻚ ﻣﺎﺳﻮﻟﺘﻨﻴﺶ ﻋﻼﺵ
ﺳﻨﻤﺎﺭ : ﺣﻴﻨﺖ ﻋﺎﺭﻑ ﺟﻮﺍﺑﻚ ﻏﻴﻜﻮﻥ ﻣﺘﻌﻠﻖ ﺑﺮﺋﺒﺎﻝ
ﺳﻤﺎﺭﺍ : ﺁﻩ ﻣﺘﻌﻠﻖ ﺑﻴﻪ ... ﻟﻮ ﺟﻴﺖ ﻗﺒﻞ ﻛﺎﻧﺖ ﺍﻷﻣﻮﺭ ﻏﺘﻜﻮﻥ ﻣﺨﺘﺎﻟﻔﺔ ... ﻭ ﻣﻜﺎﻧﺘﺶ ﻋﻼﻗﺘﻲ ﺑﻴﻪ ﻏﺘﺴﻮﺀ ... ﻛﻠﺸﻲ ﻣﻦ ﻫﺎﺩﻳﻚ
ﺳﻨﻤﺎﺭ : ﻫﻲ ﻣﺎﻟﻴﻬﺎ ﻭﺍﻟﻮ ... ﻧﺘﻲ ﺍﻟﻲ ﻏﻠﻄﺘﻲ ﻭ ﺗﺼﺮﻓﺘﻲ ﺑﺄﻧﺎﻧﻴﺔ
ﺳﻤﺎﺭﺍ : ﺣﺘﻰ ﻧﺘﺎ ﻛﺘﺠﻲ ﻣﻨﻬﺎ !
ﺳﻨﻤﺎﺭ : ﻣﺎﺷﻲ ﻛﻨﺠﻲ ﻣﻨﻬﺎ ... ﻭ ﻟﻜﻦ ﺍﻟﺘﺼﺮﻑ ﺍﻟﻲ ﺩﺭﺗﻲ ﺧﻄﺄ ﻻ ﻳﻐﺘﻔﺮ ... ﻛﺎﻥ ﻣﻤﻜﻦ ﺗﻤﻮﺕ ﻓﻴﻬﺎ ﻛﻦ ﻣﺎﺧﺮﺟﺘﺶ ... ﻭ ﺃﻧﺎ ﻋﺎﺫﺭ ﺭﺋﺒﺎﻝ ﺣﻴﻨﺖ ﺗﺼﺮﻑ ﻣﻌﺎﻙ ﺑﺪﻳﻚ ﺍﻟﻄﺮﻳﻘﺔ
ﺟﺎ ﺍﻟﺴﻴﺮﭬﻮﺭ ﺣﻂ ﺍﻟﻘﺮﻋﺔ ﻭ ﺍﻟﻜﻴﺴﺎﻥ ... ﻋﻤﺮﺍﺕ ﻟﻴﻬﺎ ﻛﺎﺱ ﻭ ﺷﺎﻓﺖ ﻓﺴﻨﻤﺎﺭ ...
ﺳﻤﺎﺭﺍ : ﻟﻮ ﺭﺟﻊ ﺑﻴﺎ ﺍﻟﺰﻣﻦ ﻟﻮﺭ ﻛﻨﺖ ﻏﻨﺨﻠﻴﻬﺎ ﺗﻐﺮﻑ ﻭ ﺗﻤﻮﺕ ... ﻛﻠﺸﻲ ﺍﻟﻲ ﻭﻗﻊ ﺑﺴﺒﺒﻬﺎ " ﺭﺷﻔﺎﺕ ﻣﻦ ﻛﺎﺳﻬﺎ "
ﺳﻨﻤﺎﺭ : ﻛﻨﺤﺎﻭﻝ ﻧﻔﻬﻤﻚ ﺍ ﺳﻤﺎﺭﺍ ... ﻭ ﻧﺸﻮﻑ ﺍﻟﺠﺎﻧﺐ ﺍﻟﺠﻴﺪ ... ﺍﻟﻲ ﻣﺨﺒﻴﺎ ﻭﺭﺍﺀ ﻫﺎﺩ ﺍﻟﻘﺴﻮﺓ ﻭ ﺍﻷﻧﺎﻧﻴﺔ ... ﻭ ﻟﻜﻦ
ﺳﻤﺎﺭﺍ : " ﻗﺎﻃﻌﺎﺗﻮ " ﻫﺎﺩﻱ ﻫﻲ ﺃﻧﺎ ... ﻣﺎﻣﺨﺒﻴﺎﺵ ﻭﺭﺍﺀ ﻗﻨﺎﻉ ﺍﻟﺒﺮﺍﺋﺔ ﻛﻴﻒ ﻛﺪﻳﺮ ﻫﻲ ... ﻭ ﺁﺧﺮ ﻭﺍﺣﺪ ﻛﻨﺖ ﻧﺘﻮﻗﻊ ﺗﺪﺍﺭ ﺑﻴﻪ ﻫﻮ ﺭﺋﺒﺎﻝ
ﺳﻨﻤﺎﺭ : ﺭﺟﻌﻨﺎ ﻟﺮﺋﺒﺎﻝ ﻋﻮﺗﺎﻧﻲ
ﺳﻤﺎﺭﺍ : ﺭﺋﺒﺎﻝ ﻫﻮ ﺍﻟﺮﺍﺟﻞ ﺍﻟﻮﺣﻴﺪ ﺇﻟﻲ ﺑﻐﻴﺖ ﻓﺤﻴﺎﺗﻲ ... " ﺭﺷﻔﺎﺕ ﺍﻟﻜﺎﺱ ﻛﺎﻣﻞ ﻭ ﺷﺎﻓﺖ ﻓﻴﻪ " ﻭ ﻋﻤﺮﻱ ﻏﻨﺴﺘﺴﻠﻢ ﺣﺘﻰ ﻧﻜﻮﻥ ﻣﻌﺎﻩ
ﺳﻨﻤﺎﺭ : ﻭ ﺳﻤﻌﻲ ﻟﻠﻬﻀﺮﺓ ﺍﻟﻲ ﻏﻨﻘﻮﻝ ﻟﻴﻚ ... ﻟﻌﻠﻚ ﺗﻔﻴﻘﻲ ﻣﻦ ﺍﻟﮕﻠﺒﺔ ... ﺑﻌﻴﺪ ﻋﻠﻰ ﺑﺸﻨﻮ ﻛﻨﺤﺲ ﻣﻦ ﺟﻬﺘﻚ ﻭ ﺍﻟﻲ ﻧﺘﻲ ﻋﺎﺭﻓﺔ ... ﻭ ﻛﺘﺼﺮﻓﻲ ﺑﺤﺎﻝ ﻻ ﻣﻮﻗﻊ ﻭﺍﻟﻮ ﺑﻴﻨﺎﺗﻨﺎ ... ﺭﺋﺒﺎﻝ ﻋﻤﺮﻭ ﻳﺸﻮﻑ ﻓﻴﻚ ... ﻣﺎﺷﻲ ﻏﻴﺮ ﺣﻴﻨﺖ ﻧﻌﺴﺘﻲ ﻣﻊ ﺻﺎﺣﺒﻮ ﻻ ...
ﺃﻧﺎ ﺃﻛﺜﺮ ﻭﺍﺣﺪ ﻓﺎﻫﻤﻮ ... ﻭ ﻻ ﺑﻐﺎ ﻳﺮﺗﺎﺑﻂ ﺑﺸﻲ ﻭﺣﺪﺓ ﻏﺘﻜﻮﻥ ﺑﻌﻴﺪﺓ ﻛﻞ ﺍﻟﺒﻌﺪ ﻋﻠﻰ ﺑﺤﺎﻟﻚ ... ﻳﻤﻜﻦ ﻳﺒﺎﻥ ﻟﻴﻚ ﻣﻨﻔﺎﺗﺢ ﻭ ﻛﻮﻭﻝ ﻭ ﻟﻜﻦ ﻫﻮ ﻣﺨﺘﺎﻟﻒ ﻋﻠﻴﻨﺎ ﺃﻧﺎ ﻭ ﺇﻟﻴﺎﺱ ... ﻋﺮﻓﺘﻲ ﻋﻼﺵ ﻧﺘﻲ ﻻ ... ﺣﻴﻨﺖ ﺃﻭﻝ ﺣﺎﺟﺔ ﺍﻟﻄﺮﻳﻘﺔ ﻛﻴﻒ ﻋﺎﻳﺸﺔ ﺣﻴﺎﺗﻚ ... ﻛﻈﻨﻲ ﻫﻮ ﻳﺘﻘﺒﻞ ﺷﺮﻳﻜﺔ ﺣﻴﺎﺗﻮ ﺗﺠﻲ ﻭ ﺗﻤﺸﻲ ﻛﻴﻒ ﺑﻐﺎﺕ ... ﺗﺴﻬﺮ ﻓﺎﻟﺒﻴﺮﺍﻥ ﺗﺼﻮﺭ ﻣﻊ ﺭﺟﺎﻝ ﺁﺧﺮﻳﻦ ... ﺗﺸﺮﺏ ﺗﻜﻤﻲ ﻭ ﺗﻌﻨﻖ !
ﺳﻤﺎﺭﺍ : ﻣﺴﺘﺎﻋﺪﺓ ﻧﺘﻐﻴﺮ ﻋﻠﻰ ﻗﺒﻠﻮ
ﺳﻨﻤﺎﺭ : " ﺿﺤﻚ " ﺑﺎﻳﻨﺔ ﻫﻀﺮﺗﻲ ﻣﺎﻭﺻﻼﺗﺶ ﻟﻴﻚ ... ﻏﻴﺮ ﻧﺴﺎﻳﻪ ﻟﻤﺼﻠﺤﺘﻚ ﻛﻴﻒ ﻏﻨﺪﻳﺮ ﺃﻧﺎ ﻧﻴﺖ ﻭ ﻧﺴﺎﻙ " ﻭﻗﻒ " ﺁﻩ ﻣﻐﺎﺩﻳﺶ ﻧﻘﺪﺭ ﻧﺒﻘﺎ ﻣﻌﺎﻙ ﺣﺘﻰ ﻟﺤﺪ ... ﻏﺪﺍ ﻓﺎﻟﺼﺒﺎﺡ ﻏﻨﺮﺟﻊ ﻟﻠﻤﻐﺮﺏ ... ﺣﻴﻨﺖ ﻓﻠﻌﺸﻴﺔ ﺧﺎﺹ ﻧﺤﻀﺮ ﻟﺨﻄﻮﺑﺔ ﺧﻮﻳﺎ
ﺳﻤﺎﺭﺍ : " ﻫﺰﺍﺕ ﺭﺍﺳﻬﺎ ﻓﻴﻪ " ﺧﻄﻮﺑﺔ ﻗﻠﺘﻲ " ﺑﺘﺮﺩﺩ " ﺩ ﺩﻳﺎﻟﻤﻦ ؟؟
ﺳﻨﻤﺎﺭ : ﺧﻄﻮﺑﺔ ﺭﺋﺒﺎﻝ ﻭ ﺟﻮﻻﻥ
ﺧﻼﻫﺎ ﻓﺤﺎﻟﺔ ﺻﺪﻣﺔ ﻭ ﻣﺸﺎ ﺧﻠﺺ ﻓﺎﻟﺒﺎﺭ ﻋﻠﻰ ﺍﻟﻤﺸﺮﻭﺏ ... ﺗﻢ ﺧﺎﺭﺝ ﻣﻦ ﺍﻟﻤﻠﻬﻰ ﻭ ﻣﻊ ﺍﻟﺰﺣﺎﻡ ﺗﺴﺎﻃﺢ ﻣﻊ ﻭﺍﺣﺪ ... ﺑﺪﺍ ﻫﺪﺍﻙ ﻛﻴﺘﻬﺰ ﻋﻠﻴﻪ ... ﺟﻤﻊ ﺳﻨﻤﺎﺭ ﻗﺒﻀﺘﻮ ﻭ ﻋﻄﺎﻩ ﻟﻮﺟﻪ ﺣﺘﻰ ﻃﺎﺡ ﻫﺪﺍﻙ ﻋﻠﻰ ﻃﻮﻟﻮ ﻏﺎﺋﺐ ﻋﻦ ﺍﻟﻮﻋﻲ ... ﺗﺠﻤﻌﻮ ﻋﻠﻴﻪ ﺍﻟﻨﺎﺱ ... ﺳﻨﻤﺎﺭ ﺩﻓﻊ ﺑﻨﺎﺩﻡ ﺣﺘﻰ ﺧﺮﺝ ... ﺭﻛﺐ ﻓﺴﻴﺎﺭﺗﻮ ﻭ ﺯﺍﺩ ﻣﻨﻴﺮ ...
ﭼﺎﻟﺴﺔ ﻓﺴﺮﻳﺮﻫﺎ ﻣﻐﻄﻴﺔ ﺭﺟﻠﻴﻬﺎ ﻭ ﻫﺎﺯﺓ ﺍﻟﻘﺮﺁﻥ ﻛﺘﻘﺮﺍ ﻓﻴﻪ ﺑﺼﻮﺕ ﺧﺎﻓﺖ ... ﺳﻤﻌﺎﺕ ﺍﻟﺪﻗﺎﻥ ﻫﺰﺍﺕ ﺭﺍﺳﻬﺎ ﻭ ﻫﻮ ﻳﺒﺎﻥ ﻟﻴﻬﺎ ﺭﺋﺒﺎﻝ ﺩﺍﺧﻞ ... ﺣﻴﺪﺍﺕ ﺍﻟﻨﻈﺎﺭﺍﺕ ﺍﻟﻤﺴﺘﻄﻴﻠﻴﻦ ﺩﻳﺎﻟﻬﺎ ﻭ ﺳﺪﺍﺕ ﺍﻟﻘﺮﺁﻥ ... ﺣﻄﺎﺗﻬﻢ ﻓﺎﻟﻄﺒﻠﺔ ﺟﻨﺒﻬﺎ ﻭ ﺿﺮﺑﺎﺕ ﺑﻴﺪﻫﺎ ﺟﻨﺒﻬﺎ ... ﭼﻠﺲ ﺭﺋﺒﺎﻝ ﺣﺪﺍﻫﺎ ...
ﻻﺣﺒﻴﺒﺔ : ﻏﺎﻳﺐ ﺍﻟﻨﻬﺎﺭ ﻛﺎﻣﻞ ... ﺗﺴﻨﻴﺖ ﺣﺘﻰ ﻋﻴﺖ ﻭ ﺩﺧﻠﺖ ﻟﺒﻴﺘﻲ ... ﺍﻣﻨﺪﺭﺍ ﺷﻲ ﺧﺒﺎﺭ ﻋﻠﻰ ﺟﻮﻻﻥ
ﺭﺋﺒﺎﻝ : ﺭﺟﻌﺎﺕ ﻟﺪﺍﺭﻫﻢ
ﻻﺣﺒﻴﺒﺔ : ﻭ ﻟﺒﺎﺱ ... ﺑﺎﻟﻲ ﺑﻘﺎ ﻣﺸﻄﻮﻥ ﻣﻌﻬﺎ
ﺭﺋﺒﺎﻝ : ﻏﺪﺍ ﻏﻨﺪﻳﻚ ﺗﺸﻮﻓﻴﻬﺎ
ﻻﺣﺒﻴﺒﺔ : ﺑﺎﻟﺼﺢ ... ﻭ ﻟﻜﻦ ﺑﺂﺵ ﻣﻦ ﺻﻔﺔ ... ﻏﻨﻤﺸﻴﻮ ﻧﺪﺧﻠﻮ ﻋﻨﺪ ﻧﺎﺱ ﻣﻜﻴﻌﺮﻓﻮﻧﺎﺵ
ﺭﺋﺒﺎﻝ : ﻫﻀﺮﺕ ﻣﻊ ﺑﺎﻫﺎ ... ﻭ ﻏﺪﺍ ﻏﻨﻤﺸﻴﻮ ﻧﻄﻠﺒﻮ ﻳﺪﻫﺎ
ﺷﺎﻓﺖ ﻓﻴﻪ ﻻﺣﺒﻴﺒﺔ ﺑﺼﺪﻣﺔ ... ﺑﻘﺎﺕ ﺷﺤﺎﻝ ﻋﺎﺩ ﺍﺳﺘﻮﻋﺒﺎﺕ ﺷﻨﻮ ﻗﺎﻝ ... ﺗﺒﺴﻤﺎﺕ ﺑﻔﺮﺣﺔ ...
ﻻﺣﺒﻴﺒﺔ : ﺍﻟﺴﻤﻊ ﻭﻟﻰ ﻋﻨﺪﻱ ﺛﻘﻴﻞ ... ﻋﺎﻭﺩ ﺷﻨﻮ ﻗﻠﺘﻲ ﺭﺍﻩ ﻣﻤﺘﻴﻘﺎﺵ
ﺭﺋﺒﺎﻝ : " ﺗﺮﺳﻤﺎﺕ ﻋﻠﻰ ﺷﻔﺎﻳﻔﻮ ﺍﺑﺘﺴﺎﻣﺔ ﺧﺎﻓﺘﺔ " ﺣﺘﻰ ﻧﺘﻲ
ﻻﺣﺒﻴﺒﺔ : ﻋﻼﻩ ﻟﻤﻦ ﻗﻠﺘﻴﻬﺎ ﻗﺒﻞ ﻣﻨﻲ !
ﺭﺋﺒﺎﻝ : ﻓﺨﺒﺎﺭ ﺳﻨﻤﺎﺭ ﻭ ﺇﻟﻴﺎﺱ
ﻻﺣﺒﻴﺒﺔ : " ﺣﻄﺎﺕ ﻳﺪﻫﺎ ﻋﻠﻰ ﺧﺪﻭ " ﻓﺮﺣﺖ ﺃﻭﻟﺪﻱ ﻣﻦ ﻗﻠﺒﻲ ... ﻛﻨﺖ ﻛﻨﺘﺴﻨﺎ ﻫﺎﺩ ﺍﻟﻨﻬﺎﺭ ﻭ ﻧﺪﻋﻲ ﻳﺠﻲ ﻗﺒﻞ ﻣﺎ ﻧﻤﻮﺕ ... ﺑﺎﻏﺔ ﻧﺸﻮﻓﻚ ﻓﺮﺣﺎﻥ ﻭ ﺩﺍﻳﺮ ﻭﻻﺩﻙ ... ﺗﺤﺮﻣﺖ ﻧﺸﻮﻑ ﺣﻔﺎﺩﻱ ... ﻭ ﻣﺎﻛﺮﻫﺘﺶ ﻧﺸﻮﻑ ﻭﻻﺩﻙ ﻭ ﻳﻌﻤﺮﻭ ﻋﻠﻴﻨﺎ ﻫﺎﺩ ﺍﻟﺪﺍﺭ " ﺗﻐﺮﻏﺮﻭ ﻋﻨﻴﻬﺎ " ﺍﻟﺤﻤﺪ ﻟﻠﻪ
ﺭﺋﺒﺎﻝ : ﺑﺎﻏﺔ ﻧﺠﻴﺐ ﻟﻴﻚ ﺣﻔﺎﺩﻙ ﺗﺸﻮﻓﻴﻬﻢ
ﻻﺣﺒﻴﺒﺔ : ﻻ ﺍﻭﻟﺪﻱ ... ﺑﺎﺭﻛﺔ ﻋﻠﻴﺎ ﻏﻴﺮ ﻧﻌﺮﻑ ﻋﺎﻳﺸﻴﻦ ﺑﺨﻴﺮ ﻭ ﻋﻠﻰ ﺧﻴﺮ " ﺳﻜﺘﺎﺕ ﺷﻮﻳﺔ ﻭ ﺭﺟﻌﺎﺕ ﺗﻜﻠﻤﺎﺕ " ﻓﺨﺒﺎﺭﻙ ... ﻣﻨﻴﻦ ﺟﺒﺘﻲ ﺟﻮﻻﻥ ... ﺗﻤﻨﻴﺖ ﻓﺨﺎﻃﺮﻱ ﺗﻜﻮﻥ ﺑﻴﻨﺎﺗﻜﻢ ﺷﻲ ﺣﺎﺟﺔ ... ﺩﺧﻼﺕ ﻟﻴﺎ ﻟﺨﺎﻃﺮﻱ ﺩﻳﻚ ﺍﻟﺒﻨﺖ ... ﻭ ﺷﺒﻬﺎﺕ ﻟﻴﺎ ﻝ " ﺳﻜﺘﺎﺕ " ﻟﻤﻬﻢ ﻓﺮﺣﺖ ﻟﻴﻚ
ﺭﺋﺒﺎﻝ : " ﻭﻗﻒ " ﻏﺪﺍ ﻣﻦ ﻭﺭﺍ ﺍﻟﻌﺼﺮ ﻏﻨﻤﺸﻴﻮ
ﻻﺣﺒﻴﺒﺔ : ﺍﺟﻲ ﺑﻌﺪﺍ ... ﻏﺪﺍ ﺍﻟﺨﻄﻮﺑﺔ ﻭ ﺣﻨﺎ ﻣﺎﻣﻮﺟﺪﻳﻦ ﻭﺍﻟﻮ !
ﺭﺋﺒﺎﻝ : ﻛﻠﻔﺖ ﺍﻟﻲ ﻳﻮﺟﺪ ﻛﻠﺸﻲ " ﺑﺎﺱ ﻟﻴﻬﺎ ﻋﻠﻰ ﺭﺍﺳﻬﺎ " ﺗﺼﺒﺤﻲ ﻋﻠﻰ ﺧﻴﺮ
🍂🍂 ﻳﻮﻡ ﺟﺪﻳﺪ ...
ﺣﻼﺕ ﺑﺎﺏ ﻏﺮﻓﺘﻬﺎ ﻭ ﺧﺮﺟﺎﺕ ... ﻫﺒﻄﺎﺕ ﻟﺘﺤﺖ ﻭ ﻫﻲ ﻛﻠﻬﺎ ﻋﺰﻡ ﺗﻜﻠﻢ ﻣﻊ ﺑﺎﻫﺎ ﻭ ﺗﻘﻮﻝ ﺷﻨﻮ ﻛﻴﺠﻮﻝ ﻓﺨﺎﻃﺮﻫﺎ ... ﺩﺧﻼﺕ ﻟﻠﺼﺎﻟﺔ ﺳﻠﻤﺎﺕ ﻋﻠﻰ ﻭﺍﻟﺪﻳﻬﺎ ﻭ ﺟﻠﺴﺎﺕ ... ﻗﺮﺑﺎﺕ ﻟﻴﻬﺎ ﺣﻔﻴﻀﺔ ﺍﻟﺼﺤﻮﻥ ﻭ ﺷﺎﺭﺕ ﻟﻴﻬﺎ ﺗﻘﺎﺩ ﺍﻟﺨﺒﺰ ...
ﺣﻔﻴﻀﺔ : ﻓﻄﺮﻱ ﺍﺑﻨﺘﻲ
ﺟﻮﻻﻥ : " ﺷﺎﻓﺖ ﻓﺒﺎﻫﺎ " ﺃﻧﺎ ﻣﺎﻣﻮﺍﻓﻘﺎﺵ ﻋﻠﻰ ﻫﺎﺩ ﺍﻟﺰﻭﺍﺝ ... ﻧﻄﻴﻌﻚ ﻓﺄﻱ ﺣﺎﺟﺔ ﺃﺧﺮﻯ ﺣﻴﻨﺖ ﻋﺎﺭﻓﺔ ﺑﺎﻏﻲ ﻣﺼﻠﺤﺘﻲ ... ﻟﻜﻦ ﺍﻟﺰﻭﺍﺝ ﻻ ... ﺃﻧﺎ ﻣﺪﻳﺮﺍﻫﺶ ﻓﺮﺍﺳﻲ ﺣﺎﻟﻴﺎ ... ﻭ ﻣﺎﻳﻤﻜﻨﺶ ﻧﺘﺰﻭﺝ ﺑﻬﺎﺩ ﺍﻟﻄﺮﻳﻘﺔ
ﺇﺑﺮﺍﻫﻴﻢ : " ﻗﺮﻥ ﺣﺠﺒﺎﻧﻮ ﻭ ﺷﺎﻑ ﻓﻴﻬﺎ ﺑﺤﺪﺓ " ﺑﺂﺵ ﻣﻦ ﻃﺮﻳﻘﺔ ﺑﺎﻏﺔ ﺗﺰﻭﺟﻲ ﺑﺎﻟﺴﻼﻣﺔ ... ﺭﺍﻩ ﻣﻐﺎﺩﻱ ﺗﺨﺮﺟﻲ ﻣﻦ ﻫﺎﺩ ﺍﻟﺪﺍﺭ ﺍﻻ ﻭ ﻏﺎﺩﺓ ﻟﺪﺍﺭ ﺭﺍﺟﻠﻚ ... ﻭ ﻗﺮﺍﺭﻱ ﻻ ﻧﻘﺎﺵ ﻓﻴﻪ ...
" ﺷﺎﻑ ﻓﺤﻔﻴﻀﺔ " ﺍﻟﻨﺎﺱ ﻏﻴﺠﻴﻮ ﻫﺎﺩ ﻟﻌﺸﻴﺔ ... ﻻ ﺑﺎﻏﺔ ﺗﻮﺟﺪﻱ ﺷﻲ ﺣﺎﺟﺔ ﻏﺎ ﻧﻮﺿﻲ ﻭﺟﺪﻳﻬﺎ ... ﻭ ﻣﻦ ﺍﻷﺣﺴﻦ ﻣﻨﺸﻮﻓﺶ ﺷﻲ ﺗﺼﺮﻑ ﻗﺪﺍﻣﻬﻢ ... ﻟﺒﺎﺱ ﻏﺎ ﻣﻨﻴﻦ ﻗﺒﻠﻮ ﻋﻠﻴﻚ ﻣﻦ ﺑﻌﺪ ﻟﻔﻀﺎﻳﺢ ﺍﻟﻲ ﺩﺍﻳﺮﺓ ... ﻫﺎ ﻟﻜﻮﻣﻴﺴﺎﺭﻳﺎﺕ ﻫﺎ ﺍﻟﺪﻋﺎﻭﻱ ﺑﻠﻤﺎ ﻧﻬﻀﺮﻭ ﻋﻠﻰ ﻧﻬﺎﺭ ﺩﺭﺗﻲ ﻫﺎﻛﺔ ﻭ ﺯﺩﺗﻲ
ﻧﺎﺽ ﻭ ﺿﺮﺏ ﻓﺎﻟﻄﺒﻠﺔ ﺣﺘﻰ ﺗﺰﻋﺰﻋﻮ ﺍﻟﻜﻴﺴﺎﻥ ... ﻃﺎﺡ ﺍﻟﻜﺎﺱ ﺍﻟﻲ ﻣﺤﻄﻮﻁ ﻗﺪﺍﻡ ﺟﻮﻻﻥ ﻭ ﺗﺨﻮﺍ ﻋﻠﻰ ﻳﺪﻫﺎ ﺍﻟﻲ ﺣﺎﻃﺔ ﻓﻮﻕ ﻓﺨﻀﻬﺎ ... ﻣﻬﺎ ﺷﻬﻘﺎﺕ ﺣﻴﻨﺖ ﻋﺎﺩ ﺧﻮﺍﺗﻮ ﻭ ﺑﺎﻗﻲ ﺳﺨﻮﻥ ... ﺷﺎﻓﺖ ﻓﺒﻨﺘﻬﺎ ﻣﺘﺤﺮﻛﺎﺗﺶ ﻭ ﻣﺪﺍﺭﺕ ﺣﺘﻰ ﺣﺮﻛﺔ ... ﺿﺎﺭ ﺇﺑﺮﺍﻫﻴﻢ ﺷﺎﻑ ﻓﻴﻬﻢ ﻭ ﺧﺮﺝ ... ﻧﺎﺿﺖ ﺣﻔﻴﻀﺔ ﻋﻨﺪ ﺑﻨﺘﻬﺎ ﻛﺘﻘﻠﺐ ﻓﻴﻬﺎ ... ﻳﺪﻫﺎ ﺩﻏﻴﺎ ﺣﻤﺎﺭﺕ ﻣﺸﺎﺕ ﻛﺘﺠﺮﻱ ﺟﺎﺑﺖ ﺍﻟﺜﻠﺞ ﻭ ﺩﻭﻧﺘﻔﺨﻴﺰ ...
ﺩﻭﺯﺍﺕ ﻟﻴﻬﺎ ﺍﻟﺜﻠﺞ ﻋﻠﻰ ﻳﺪﻫﺎ ﺣﺘﻰ ﺑﺮﺩﺍﺕ ﻭ ﺩﺍﺭﺕ ﻟﻴﻬﺎ ﻋﻠﻴﻪ ﻣﻌﺠﻮﻥ ﺍﻷﺳﻨﺎﻥ ...
ﺣﻔﻴﻀﺔ : ﻫﺒﻄﻲ ﺍﻟﺴﺮﻭﺍﻝ ﻧﺸﻮﻑ ﻓﺨﻀﻚ
ﺟﻮﻻﻥ : " ﻭﻗﻔﺎﺕ " ﻣﺎﻓﻴﻪ ﻭﺍﻟﻮ ... ﻏﻨﻄﻠﻊ ﻟﺒﻴﺘﻲ
ﺣﻔﻴﻀﺔ : " ﺟﺮﺍﺗﻬﺎ " ﻭﻗﻔﻲ ﺑﻼﺗﻲ ... ﺳﻤﻌﻲ ﻟﻴﺎ ﻣﺰﻳﺎﻥ ... ﻏﻨﻌﻴﻂ ﻋﻠﻰ ﺯﻳﻨﺐ ﻭ ﺗﻤﺸﻴﻮ ﻟﻠﺤﻤﺎﻡ ﺗﻐﺴﻠﻮ ... ﺃﻧﺎ ﻏﻨﻤﺸﻲ ﻧﺘﻘﺪﺍ ﺷﻲ ﺣﺎﺟﺎﺕ ﻭ ﻧﻘﺎﺩ ﺍﻟﻲ ﺳﺎﻫﻞ ... ﻭ ﻧﺎﺧﺪ ﻟﻴﻚ ﺷﻲ ﻗﻔﻄﺎﻥ ﺳﺎﻣﺒﻞ ﺗﻠﺒﺴﻴﻪ
ﺟﻮﻻﻥ : " ﺷﺎﻓﺖ ﻓﻴﻬﺎ ﺑﺼﺪﻣﺔ "
ﺣﻔﻴﻀﺔ : ﻋﺎﺭﻓﺔ ﺷﻨﻮ ﻛﻴﻀﻮﺭ ﻓﺮﺍﺳﻚ ... ﻭ ﻟﻜﻦ ﺍﻟﻲ ﺧﺎﺻﻚ ﺗﻌﺮﻓﻲ ﻫﻮ ﺃﻧﺎ ﻏﻨﻮﻗﻒ ﻣﻌﺎﻙ ﻭ ﻏﻨﺤﻤﻴﻚ ﻣﻦ ﺃﻱ ﺣﺎﺟﺔ ﻏﻀﺮﻙ ﻭﺍﺧﺔ ﻳﻜﻮﻥ ﺑﺎﻙ ... ﺍﻟﻨﺎﺱ ﻏﻴﺠﻴﻮ ﻭ ﺣﻨﺎ ﻏﻨﺸﻮﻓﻮﻫﻢ ... ﻻ ﻛﺎﻧﻮ ﻣﺎﻣﻨﺎﺳﺒﻴﻨﺶ ﺃﻧﺎ ﺍﻟﻠﻮﻟﺔ ﻏﻨﺮﺩﻫﻢ ... ﻭ ﻟﻜﻦ ﻻ ﻛﺎﻥ ﺷﻲ ﻭﻟﺪ ﺍﻟﻨﺎﺱ ﻣﻦ ﺍﻷﺣﺴﻦ ﺗﺰﻭﺟﻲ ﻭ ﺗﺨﺮﺟﻲ ﻣﻦ ﻫﺎﺩ ﺍﻟﺪﺍﺭ ... ﺑﺎﻙ ﻋﻤﺮﻭ ﻳﺘﺒﺪﻝ ﻭ ﮔﺎﻉ ﻻ ﺭﻓﻀﻨﺎ ﻏﺘﺒﻘﺎﻱ ﻣﺪﻓﻮﻧﺔ ﺑﻴﻦ ﺭﺑﻌﺔ ﺩﻳﺎﻝ ﺍﻟﺤﻴﻮﻁ ...
ﻣﺎﻧﻊ ﻋﻠﻴﻚ ﺍﻟﺨﺪﻣﺔ ﻭ ﺍﻟﺨﺮﻭﺝ ﻭ ﺃﻧﺎ ﻫﺎﺩﺷﻲ ﻣﺎﻳﺮﺿﻨﻴﺶ ... ﺍﻟﻠﻬﻢ ﻻ ﺗﺰﻭﺟﺘﻲ ﻭ ﻟﻘﻴﺘﻲ ﺍﻟﺴﻴﺪ ﻭﻟﺪ ﺍﻟﻨﺎﺱ ﺭﺍﻩ ﻣﻐﻴﺤﺮﻣﻜﺶ ﻣﻦ ﺃﻧﻚ ﺩﻳﺮﻱ ﺷﻨﻮ ﺑﺎﻏﺔ ... ﺩﺍﻛﺸﻲ ﻋﻼﺵ ﺍﺑﻨﺘﻲ ﺳﻤﻌﻲ ﻟﻬﻀﺮﺗﻲ ... ﻛﻨﺘﻘﻄﻊ ﻛﻞ ﻣﺮﺓ ﻛﻨﺸﻮﻓﻚ ﻫﺎﻛﺔ ... ﻧﻔﻀﻞ ﺗﻜﻮﻧﻲ ﺑﻌﻴﺪﺓ ﻋﻠﻴﺎ ﻭ ﻣﺮﺗﺎﺣﺔ ﻭ ﻻ ﺗﺒﻘﺎﻱ ﺟﻨﺒﻲ ﻭ ﻧﺸﻮﻓﻚ ﻛﺬﺑﻠﻲ ﻗﺪﺍﻣﻲ
ﻗﺮﺑﺎﺕ ﻟﻴﻬﺎ ﺣﻔﻴﻀﺔ ﻭ ﻋﻨﻘﺎﺗﻬﺎ ﺑﻘﻮﺓ ... ﻃﻠﻘﺎﺕ ﻣﻨﻬﺎ ﻭ ﻗﺎﻟﺖ ﻟﻴﻬﺎ ﻃﻠﻊ ﻟﺒﻴﺘﻬﺎ ﺗﻮﺟﺪ ﺭﺍﺳﻬﺎ ﺑﺎﺵ ﻳﻤﺸﻴﻮ ﻟﻠﺤﻤﺎﻡ ... ﻃﺎﻟﻌﺔ ﺟﻮﻻﻥ ﻣﻊ ﺍﻟﺪﺭﻭﺝ ﻭ ﻫﻲ ﻛﺘﺸﻮﻑ ﻓﻴﺪﻫﺎ ﺍﻟﻲ ﻛﺘﻌﻄﻴﻬﺎ ﺍﻟﺤﺮﻳﻖ ... ﻧﺰﻟﻮ ﺩﻣﻮﻋﻬﺎ ﺍﻟﻲ ﺣﺒﺴﺎﺕ ﻗﺪﺍﻡ ﻣﻬﺎ ... ﺩﺧﻼﺕ ﻟﺒﻴﺖ ﻭ ﭼﻠﺴﺎﺕ ﺟﻨﺐ ﺍﻟﻨﺎﻓﺬﺓ ﺳﺎﻫﻴﺔ ... ﻣﺮﺕ ﺷﻲ ﻧﺼﻒ ﺳﺎﻋﺔ ﻭ ﻫﻮ ﻳﺘﺤﻞ ﻟﺒﺎﺏ ﻋﻠﻰ ﺍﻟﺠﻬﺪ ... ﺩﺧﻼﺕ ﺯﻳﻨﺐ ﻛﻴﻒ ﺍﻟﺮﻋﺪﺓ ...
ﺯﻳﻨﺐ : ﻏﺘﺰﻭﺟﻲ ﻭ ﺃﻧﺎ ﺁﺍﺍﺍﺍﺧﺮ ﻣﻦ ﻳﻌﻠﻢ ... ﻫﺎﺩﻱ ﻫﻲ ﺍﻟﺼﺤﺒﺔ
ﻭﻗﻔﺎﺕ ﺯﻳﻨﺐ ﻗﺪﺍﻡ ﺟﻮﻻﻥ ﻭ ﻫﻤﺎ ﻳﺒﺎﻧﻮ ﻟﻴﻬﺎ ﺩﻣﻮﻋﻬﺎ ﺍﻟﻲ ﻏﺎﺩﻳﻴﻦ ﺑﻮﺣﺪﻫﻢ ... ﻗﺮﺑﺎﺕ ﻋﻨﺪﻫﺎ ﻭ ﺗﺤﺪﺭﺍﺕ ﻋﻠﻰ ﺭﻛﺎﺑﻴﻬﺎ ...
ﺯﻳﻨﺐ : ﺟﻮﻻﻥ ... !
ﺟﻮﻻﻥ : ﻣﺴﺘﺤﻴﻴﻴﻴﻞ ﻧﺘﺰﻭﺝ ﻓﻬﺎﺩ ﺍﻟﻀﺮﻭﻑ ﻭ ﺑﻮﺍﺣﺪ ﻣﻜﻨﻌﺮﻓﻮﺵ ... ﺷﻨﻮ ﻧﺪﻳﺮ ﺍﺯﻳﻨﺐ ﺷﻨﻮ ﻧﺪﻳﻴﻴﻴﻴﺮ !
ﺯﻳﻨﺐ : ﻋﺎﺭﻓﺔ ﻭ ﺣﺎﺳﺔ ﺑﻴﻚ ... ﻭ ﻟﻮ ﻛﻨﺖ ﻓﺒﻼﺻﺘﻚ ﻏﻨﺘﺼﺮﻑ ﺑﻨﻔﺲ ﺍﻟﻄﺮﻳﻘﺔ ... ﻟﻜﻦ ﺑﻌﺪﻣﺎ ﻫﻀﺮﺕ ﻣﻊ ﺧﺎﻟﺘﻲ ﻭ ﻋﺮﻓﺖ ﺷﻨﻮ ﻭﻗﻊ ﺑﺎﻟﻈﺒﻂ ﺍﻧﺎ ﻣﻌﻬﺎ ﺍ ﺟﻮﻻﻥ ... ﻳﻤﻜﻦ ﻫﺎﺩ ﺍﻟﺰﻭﺍﺝ ﻓﺼﺎﻟﺤﻚ ... ﻻ ﺭﻓﻀﺘﻲ ﺣﺘﻰ ﺣﺎﺟﺔ ﻣﻐﺎﺫﻱ ﺗﻐﻴﺮ
ﺟﻮﻻﻥ : ﺗﺨﻠﻴﺖ ﻋﻠﻰ ﺣﻠﻤﻲ ﻭ ﺧﺮﺟﺖ ﻣﻦ ﺍﻟﺨﺪﻣﺔ ... ﻋﻼﺵ ﺑﺎﻏﻲ ﻳﻔﺮﺽ ﻋﻠﻴﺎ ﺍﻟﺰﻭﺍﺝ ﻣﻦ ﺷﺨﺺ ﻏﺮﻳﺐ ... ﻭﺍﺵ ﻟﻬﺎﺩ ﺍﻟﺪﺭﺟﺔ ﻣﺜﻘﻠﺔ ﻋﻠﻴﻪ ... ﻟﻮ ﻣﻜﺎﻧﺘﺶ ﻣﺎﻣﺎ ﻣﻜﻨﺘﺶ ﻏﻨﺮﺟﻊ ... ﻟﻜﻦ ﻣﺎﻗﺪﺭﺗﺶ ﻧﺒﻌﺪ ﻋﻠﻴﻬﺎ ... ﻭﺳﻂ ﮔﺎﻉ ﺍﻟﻲ ﻭﻗﻊ ﻫﻲ ﻋﺎﻃﻴﺔ ﻃﻌﻢ ﻟﺤﻴﺎﺗﻲ ﺍﻟﻲ ﻣﺎﺷﻔﺖ ﻣﻨﻬﺎ ﻏﻴﺮ ﺍﻟﻤﻌﺎﻧﺎﺓ ... ﻭ ﺩﺍﺑﺔ ﺑﺎﻏﻴﻦ ﻧﺮﺗﺎﺑﻂ ﺑﻮﺍﺣﺪ ﻣﻜﻨﻌﺮﻓﻮﺵ ... ﮔﺎﻉ ﺍﻟﺤﻮﺍﻳﺞ ﺍﻟﻲ ﻛﻨﺖ ﻧﺴﺘﻨﻜﺮﻫﻢ ﻭ ﺿﺪﻫﻢ ﻭﻗﻌﻮ ﻣﻌﻴﺎ
ﺯﻳﻨﺐ : ﻋﻨﺪﻙ ﺍﻟﺤﻖ ﻓﻜﻞ ﻛﻠﻤﺔ ﻗﻠﺘﻴﻬﺎ ... ﻟﻜﻦ ﺧﻠﻴﻨﺎ ﻧﺸﻮﻓﻮ ﺷﻨﻮ ﻏﻴﻮﻗﻊ ... ﻫﺎﺩﻱ ﻣﺠﺮﺩ ﺧﻄﺒﺔ ﻭ ﻣﻤﻜﻦ ﻣﻦ ﺑﻌﺪ ﺗﻠﻐﻴﻬﺎ ... ﻣﺎﺗﻌﺮﻓﻲ ﺍﺻﺎﺣﺒﺘﻲ ﻳﻜﻮﻥ ﻫﺎﺩ ﺍﻹﻧﺴﺎﻥ ﺍﻟﻲ ﻏﻴﺘﺰﻭﺝ ﺑﻴﻚ ﻫﻮ ﻣﻼﺫﻙ ﺗﺨﺮﺟﻲ ﻣﻦ ﺑﻄﺶ ﺑﺎﻙ ... ﻭ ﺗﺮﺟﻌﻲ ﺗﻌﻴﺸﻲ ﺣﻴﺎﺗﻚ ﻛﻴﻒ ﺑﻐﻴﺘﻲ ... ﺷﺤﺎﻝ ﻣﻦ ﻭﺣﺪﺓ ﻟﻘﺎﺕ ﻓﺰﻭﺟﻬﺎ ﺍﻻﺏ ﻭ ﺍﻻﺥ ﻭ ﺍﻟﺼﺪﻳﻖ
ﺟﻮﻻﻥ : ﻃﻮﻝ ﺣﻴﺎﺗﻲ ﻭ ﺍﻧﺎ ﺻﺎﺑﺮﺓ ... ﻛﻨﻘﻮﻝ ﺍﻟﺤﻨﺎﻥ ﺍﻟﻲ ﻣﺎﻓﻴﻬﺶ ﻋﻮﺿﺎﺗﻮ ﻟﻴﺎ ﻣﺎﻣﺎ ﺍﻟﻲ ﺗﻌﻄﻲ ﻛﻠﺸﻲ ﺑﺎﺵ ﺗﺸﻮﻓﻨﻲ ﻓﺮﺣﺎﻧﺔ ... ﻭ ﻣﻦ ﺑﻌﺪ ﻣﺎ ﺟﺮﺍ ﻋﻠﻴﺎ ﻣﺎﻗﺪﺭﺗﺶ ﻧﺤﻘﺪ ﻋﻠﻴﻪ ﻭ ﻋﺬﺭﺗﻮ ... ﻭ ﺩﺍﺑﺔ ﻣﺰﺍﻝ ﺣﺘﻰ ﻣﺎﺳﺨﻨﺖ ﺑﻼﺻﺘﻲ ﻗﺎﻟﻴﻚ ﻋﻄﺎﻫﻢ ﺍﻟﻤﻮﺍﻓﻘﺔ ﻗﺒﻞ ﺣﺘﻰ ﻣﺎﻳﺴﺘﺎﺷﺮﻧﻲ
ﺯﻳﻨﺐ : ﺑﺎﺑﺎ ﻗﺎﺻﺢ ﻟﻜﻦ ﻣﺎﺷﻲ ﻟﻬﺎﺩ ﺍﻟﺪﺭﺟﺔ ... ﻟﻜﻦ ﻣﺎﻋﻨﺪﻙ ﻣﺎﺩﻳﺮﻱ ... ﺩﺍﺑﺔ ﺧﻠﻴﻨﺎ ﻧﺪﻳﺮﻭ ﺍﻟﻲ ﻗﺎﻟﺖ ﺧﺎﻟﺘﻲ ... ﺣﺘﻰ ﻳﻔﺮﺟﻬﺎ ﺭﺑﻲ