السفاح العاشق

بارت 68

ﻧﺎﺿﺖ ﻓﺮﺷﺎﺕ ﻟﻴﻪ ﻓﺎﻟﺴﺪﺍﺭﻱ ﺇﻟﻲ ﺟﻨﺒﻬﺎ ... ﻛﻴﻒ ﻛﻤﻞ ﺷﺎﺭﺕ ﻟﻴﻪ ﻓﻴﻦ ﻳﻨﻌﺲ ... ﺑﺈﻃﺎﻋﺔ ﺗﺨﺸﺎ ﻓﺒﻼﺻﺘﻮ ... ﻏﻄﺎﺗﻮ ﻭ ﺗﻜﺎﺕ ﻓﺒﻼﺻﺘﻬﺎ ﻭ ﻛﺘﻔﻜﺮ ﻓﻤﺼﻴﺮﻭ ﺍﻟﻤﺠﻬﻮﻝ ... ﺍﻟﻨﻌﺎﺱ ﻣﺰﺍﺭﺵ ﻋﻴﻮﻥ ﺣﺒﻴﺒﺔ ﺩﻳﻚ ﺍﻟﻠﻴﻠﺔ ...
ﻓﺎﻟﻴﻮﻡ ﺍﻟﻤﻮﺍﻟﻲ ﻧﺎﺿﺖ ﻗﺎﺩﺍﺕ ﺍﻟﻔﻄﻮﺭ ... ﻭ ﻣﻊ ﻫﻲ ﺧﺪﺍﻣﺔ ﻓﺎﻟﺪﻳﻮﺭ ... ﻷﻥ ﻭﺿﻌﻬﻢ ﺷﻮﻳﺔ ﺻﻌﻴﺐ ... ﻭﻟﺪﻫﺎ ﺧﺪﺍﻡ ﻧﺠﺎﺭ ﻣﻊ ﺷﻲ ﻣﻌﻠﻢ ﻭ ﺩﺧﻠﻮ ﻣﻜﻴﻐﻄﻴﺶ ﻟﻴﻬﻢ ﺍﻟﻤﺼﺎﺭﻳﻒ ... ﺧﺮﺟﺎﺕ ﺣﺒﻴﺒﺔ ﻛﺘﺨﺪﻡ ﻛﻞ ﻣﺮﺓ ﻓﺒﻼﺻﺔ ... ﺗﺨﻤﻞ ﻟﻠﻨﺎﺱ ﺍﻟﻤﻴﺴﻮﺭﻳﻦ ﻭ ﻃﻴﺐ ﻓﺎﻟﻤﻨﺎﺳﺒﺎﺕ ... ﻭﻟﺪﻫﺎ ﻣﺎﻧﻊ ﻓﺎﻷﻭﻝ ﻣﻮ ﺗﺨﺪﻡ ﻟﻜﻦ ﺯﻭﺟﺘﻮ ﺧﻼﺗﻮ ﻳﺘﺮﺍﺟﻊ ... ﻭ ﺣﺒﻴﺒﺔ ﻣﺎﺣﺪﻫﺎ ﺑﺼﺤﺘﻬﺎ ﻣﻜﺎﻧﺶ ﺭﺍﻓﻀﺔ ﺗﺨﺪﻡ ﻭ ﺗﺴﺎﻋﺪ ﻭﻟﺪﻫﺎ ...
ﺧﻼﺕ ﺇﻳﻠﻴﺎ ﻣﻊ ﺇﻟﻬﺎﻡ ﻭ ﻣﺸﺎﺕ ﻟﻠﺨﺪﻣﺔ ... ﻓﻠﻌﺸﻴﺔ ﺑﻌﺪ ﺭﺟﻮﻋﻬﺎ ﻟﻘﺎﺕ ﻣﺮﺓ ﻭﻟﺪﻫﺎ ﻋﻠﻰ ﻭﺷﻚ ﺍﻻﻧﻔﺠﺎﺭ ... ﻛﻴﻒ ﺩﺧﻼﺕ ﺑﺪﺍﺕ ﺗﻐﻮﺕ ... ﻓﻬﻤﺎﺕ ﻣﻦ ﻛﻼﻣﻬﺎ ﺃﻥ ﺇﻳﻠﻴﺎ ﺩﻓﻊ ﻭﻟﺪﻫﺎ ﺣﺘﻰ ﺟﺎ ﻋﻠﻰ ﺟﺒﻬﺘﻮ ... ﺧﻼﺗﻬﺎ ﻛﺘﻐﻮﺕ ﻭ ﺩﺧﻼﺕ ﻟﻠﺼﺎﻟﺔ ﻟﻘﺎﺕ ﺇﻳﻠﻴﺎ ﭼﺎﻟﺲ ﻓﺎﻟﺮﻛﻨﺔ ... ﻛﻴﻒ ﻗﺮﺑﺎﺕ ﻟﻴﻪ ﺑﺎﻥ ﻟﻴﻬﺎ ﺧﺪﻭ ﻭ ﻭﺫﻧﻮ ﺣﻤﺮﻳﻦ ... ﺣﺒﻴﺒﺔ ﺗﺤﺠﺮﻭ ﻟﻴﻬﺎ ﺍﻟﺪﻣﻮﻉ ﻓﻌﻨﻴﻬﺎ ...
ﺣﺎﻭﻻﺕ ﺗﺴﻮﻟﻮ ﻭ ﺗﺨﻠﻴﻪ ﻳﺘﻜﻠﻢ ... ﻟﻜﻦ ﺇﻳﻠﻴﺎ ﻣﺎﻧﻄﻖ ﺑﺤﺘﻰ ﻛﻠﻤﺔ ... ﻋﺮﻓﺎﺕ ﺍﻧﻪ ﻣﺴﺘﺤﻴﻞ ﻳﻜﻮﻥ ﺩﻓﻌﻮ ﺑﺪﻭﻥ ﺳﺒﺐ ... ﻣﻦ ﻃﺒﺎﻉ ﺇﻳﻠﻴﺎ ﺍﻧﻪ ﻫﺎﺩﺉ ﻭ ﻭﺣﻔﻴﺪﻫﺎ ﻋﺎﺭﻓﺎﻩ ﺿﺎﺳﺮ ... ﻭ ﺣﺘﻰ ﻟﻮ ﺃﻧﻪ ﺩﻓﻌﻮ ﻣﻜﺎﻧﺶ ﻋﻠﻴﻬﺎ ﺗﻤﺪ ﻋﻠﻴﻪ ﻳﺪﻫﺎ ... ﺑﺎﺭﻛﺔ ﻋﻠﻴﻪ ﻏﻴﺮ ﺍﻟﻤﻌﺎﻧﺎﺓ ﺍﻟﻲ ﻫﻮ ﻓﻴﻬﺎ ... ﻣﺎ ﺗﺠﺎﺩﻻﺗﺶ ﻣﻌﻬﺎ ﺣﺒﻴﺒﺔ ﻧﻬﺎﺋﻴﺎ ... ﻋﺎﺭﻓﺔ ﻻ ﻫﻀﺮﺍﺕ ﻻﺧﺮﻯ ﻏﺘﻜﺒﺮ ﺍﻟﻤﻮﺿﻮﻉ ﻭ ﺗﺪﺧﻞ ﻭﻟﺪﻫﺎ ﻓﺎﻟﻤﻮﺿﻮﻉ ...
ﺳﻜﺘﺎﺕ ﻭ ﻗﺮﺭﺍﺕ ﺑﻌﺪﻫﺎ ﻣﺘﻐﺎﺩﺭﺵ ﺍﻟﺪﺍﺭ ﺑﻼ ﺑﻴﻪ ... ﻣﻦ ﺩﺍﻙ ﺍﻟﻨﻬﺎﺭ ﻣﺎﻣﺸﺎﺗﺶ ﺣﺒﻴﺒﺔ ﻟﺨﺪﻣﺘﻬﺎ ﻟﻤﺪﺓ ﺃﺳﺒﻮﻉ ... ﻭ ﻫﺎﺩﺷﻲ ﻏﻴﺮ ﻣﺰﺍﺩ ﻧﮕﻴﺮ ﻋﺮﻭﺳﺘﻬﺎ ﺍﻟﻤﺴﺘﻤﺮ ... ﻭ ﻣﻊ ﻣﺎﻭﺻﻠﻬﻢ ﻭﺍﻟﻮ ﻣﻦ ﻣﺮﻛﺰ ﺍﻟﺸﺮﻃﺔ ... ﺧﺎﻓﺖ ﻳﺒﻘﻰ ﻭﺍﺣﻞ ﻓﻴﻬﻢ ﻭ ﺗﺰﺍﺩ ﺣﺘﻰ ﻣﺼﺎﺭﻳﻔﻮ ﻋﻠﻴﻬﻢ ﻣﻊ ﺃﻧﻬﺎ ﻣﻜﺘﻌﻄﻲ ﺣﺘﻰ ﺣﺎﺟﺔ ﻣﻦ ﺟﻴﺒﻬﺎ ...
ﺑﻘﺎﺕ ﻛﺘﻌﻤﺮ ﺭﺍﺱ ﺭﺍﺟﻠﻬﺎ ﺣﺘﻰ ﻧﺎﺽ ﻟﻤﻮ ... ﻭ ﻗﺎﻝ ﻟﻴﻬﺎ ﺿﺮﻭﺭﻱ ﺗﻤﺸﻲ ﺗﺴﻮﻝ ﺷﻨﻮ ﻏﻴﺪﻳﺮﻭ ﻣﻌﺎﻩ ... ﺑﺄﺳﻒ ﻭ ﻗﻠﺔ ﺣﻴﻠﺔ ﻧﺎﺿﺖ ﺣﺒﻴﺒﺔ ﻓﺎﻟﻴﻮﻡ ﺍﻟﻤﻮﺍﻟﻲ ﻭ ﺗﻮﺟﻬﺎﺕ ﻟﻠﻤﺮﻛﺰ ... ﺩﺧﻼﺕ ﻋﻨﺪ ﻧﻔﺲ ﺍﻟﺸﺮﻃﻲ ﻭ ﺳﻮﻻﺗﻮ ... ﻫﺰ ﺍﻟﻔﻮﻥ ﺩﺍﺭ ﺷﻲ ﺍﺗﺼﺎﻻﺕ ﻋﺎﺩ ﻗﺎﻟﻮ ﻟﻴﻪ ﻳﺠﻴﺒﻮﻩ ﻟﻤﻴﺘﻢ ﺟﺎ ﻓﺎﻟﺪﺧﻠﺔ ﺩﻳﺎﻝ ﺍﻟﻤﺪﻳﻨﺔ ... ﺣﺒﻴﺒﺔ ﺑﻜﺎﺕ ﻭ ﺣﺰﻧﺎﺕ ﻷﻧﻬﺎ ﻏﺘﻘﺎﺭﻗﻮ ... ﻟﻜﻦ ﺑﻌﺪ ﺍﻟﻤﻌﺎﻣﻠﺔ ﺍﻟﻲ ﺷﺎﻓﺘﻮ ﺗﻠﻘﻰ ﻓﺪﺍﺭ ﻭﻟﺪﻫﺎ ... ﻗﺎﻟﺖ ﻣﻤﻜﻦ ﻓﺎﻟﻤﻴﺘﻢ ﻳﻠﻘﻰ ﻧﺎﺱ ﻳﺤﻨﻮ ﻓﻴﻪ ﺃﻛﺜﺮ ...
ﺟﺎﻭ ﻳﺎﺧﺪﻭﻩ ﻣﻦ ﻋﻨﺪﻫﺎ ﺑﺤﺮﺍ ﻣﺎﻃﻠﻘﺎﺗﻮ ... ﺟﺮﺍﺗﻮ ﺁﻣﺮﺃﺓ ﻣﺘﻮﺳﻄﺔ ﺍﻟﻌﻤﺮ ﻃﻠﻌﻮ ﻓﺎﻟﺴﻴﺎﺭﺓ ... ﺑﻘﺎﺕ ﺣﺒﻴﺒﺔ ﻭﺍﻗﻔﺔ ﺃﻣﺎﻡ ﺍﻟﻤﺮﻛﺰ ﻛﺘﺸﻮﻑ ﻓﻴﻪ ﺿﺎﻳﺮ ﻋﻨﺪﻫﺎ ﻭ ﺍﻟﻤﺮﺍ ﺟﺎﺭﺍﻩ ... ﻏﻴﺮ ﺗﺤﺮﻛﺎﺕ ﺍﻟﺴﻴﺎﺭﺓ ﺟﻠﺴﺎﺕ ﺟﻨﺐ ﺍﻟﻄﺮﻳﻖ ﻛﺘﺒﻜﻲ ﺑﺤﺮﻗﺔ ...
ﻫﺒﻄﻮ ﻣﻦ ﺍﻟﺴﻴﺎﺭﺓ ﺷﺪﺍﺕ ﻓﻴﻪ ﺩﻳﻚ ﺍﻟﻤﺮﺃﺓ ﻭ ﺟﺮﺍﺗﻮ ﻣﻌﻬﺎ ... ﺩﺍﺧﻠﻴﻦ ﻟﻠﻤﻴﺘﻢ ... ﺗﻠﻔﺖ ﻛﻴﺸﻮﻑ ﻓﺎﻟﺪﺭﺍﺭﻱ ﻛﻴﻠﻌﺒﻮ ﻓﺎﻟﺴﺎﺣﺔ ﺍﻟﻲ ﻗﺪﺍﻡ ﺍﻟﺒﻨﺎﻳﺔ ... ﺗﻮﺟﻬﺎﺕ ﻟﻠﻤﻜﺘﺐ ﻭ ﺩﺧﻼﺗﻮ ﻣﻌﻬﺎ ... ﻛﺎﻧﺖ ﻣﺪﻳﺮﺓ ﺍﻟﻤﻴﺘﻢ ﻛﺘﺴﻨﻰ ﻣﺠﻴﺆﻭ ... ﻭﻗﻔﺎﺕ ﻗﺮﺑﺎﺕ ﻋﻨﺪ ﺇﻳﻠﻴﺎ ﻭ ﺳﻮﻻﺗﻮ ﻋﻠﻰ ﺇﺳﻤﻮ ... ﻣﻨﻴﻦ ﻣﺎﻫﻀﺮﺵ ﻭ ﻣﻦ ﺗﻘﺮﻳﺮ ﺍﻟﻲ ﺟﺎ ﻣﻦ ﺍﻟﻤﺮﻛﺰ ... ﻋﺮﻓﺎﺕ ﺷﻨﻮ ﻭﻗﻊ ﻟﻤﻮ ﻭ ﺑﺎﻧﻪ ﻣﻦ ﺳﺎﻋﺘﻬﺎ ﻣﺘﻜﻠﻤﺶ ...
ﺍﻟﻤﺴﺎﻋﺪﺓ ﺩﺍﺗﻮ ﻟﻔﻴﻦ ﻛﻴﻨﻌﺴﻮ ﺍﻷﻃﻔﺎﻝ ﺍﻟﻲ ﻓﻨﻔﺲ ﺳﻨﻮ ... ﻛﺎﻧﻮ ﺃﺳﺮﺓ ﺻﻐﺎﺭ ﻣﻔﺮﺷﻴﻦ ﻣﺒﺎﺷﺮﺓ ﻓﺎﻷﺭﺽ ﻣﺴﺘﻔﻴﻦ ﺣﺪﺍ ﺑﻌﺾ ... ﻧﻌﺘﺎﺕ ﻟﻴﻪ ﻓﻮﺍﺣﺪ ﺟﻨﺐ ﺍﻟﺤﻴﻂ ﻭ ﻗﺎﻟﺖ ﻟﻴﻪ ﺑﻠﻲ ﻣﻦ ﺍﻟﻴﻮﻡ ﻫﺪﺍﻙ ﻫﻮ ﻣﻜﺎﻧﻮ ﻓﻴﻦ ﻏﻴﻨﻌﺲ ... ﺧﺮﺟﺎﺗﻮ ﺍﻟﻤﺴﺎﻋﺪﺓ ﻓﻴﻦ ﻛﻴﻠﻌﺒﻮ ﺍﻟﺪﺭﺍﺭﻱ ... ﺑﻘﺎ ﻭﺍﻗﻒ ﻛﻴﺸﻮﻑ ﻓﻴﻬﻢ ﻣﻦ ﺑﻌﻴﺪ ﻭ ﻣﺎﻗﺮﺑﺶ ﻟﻌﻨﺪﻫﻢ ... ﺑﺎﻟﻠﻴﻞ ﺑﻌﺪﻣﺎ ﻋﻄﺎﻭﻫﻢ ﺍﻟﻌﺸﺎ ﺍﻟﻲ ﻣﺎﺣﻄﺶ ﻓﻴﻪ ﺇﻳﻠﻴﺎ ﻳﺪﻳﻪ ...
ﺩﺍﻭﻫﻢ ﻟﻠﻐﺮﻓﺔ ﺍﻟﻜﺒﻴﺮﺓ ... ﻛﺎﻧﻮ ﺑﺰﺍﻑ ﻭ ﻛﻞ ﻭﺣﺪﺓ ﻓﻴﻬﺎ ﺷﻲ ﻋﺸﺮﻳﻦ ﻃﻔﻞ ... ﭼﻠﺲ ﺇﻳﻠﻴﺎ ﻓﺴﺮﻳﺮﻭ ﺍﻟﻲ ﻭﺭﺍﺗﻮ ﺍﻟﻤﺴﺎﻋﺪﺓ ... ﻛﺎﻥ ﺟﻨﺒﻮ ﻃﻔﻞ ﺁﺧﺮ ﺗﻘﺮﻳﺒﺎ ﻧﻔﺲ ﺳﻨﻮ ... ﻫﺪﺍﻙ ﺍﻟﻮﻟﺪ ﻛﻴﻘﺎﺩ ﻓﺮﺍﺷﻮ ﻭ ﻳﺸﻮﻑ ﻓﺈﻳﻠﻴﺎ ... ﺷﻮﻳﺔ ﺗﻮﺟﻪ ﻟﻌﻨﺪﻭ ...
......... : ﺣﺘﻰ ﻧﺘﺎ ﻣﺎﻋﻨﺪﻛﺶ ﻣﺎﻣﺎﻙ ﻭ ﺑﺎﺑﺎﻙ ﺑﺤﺎﻟﻨﺎ
ﺇﻳﻠﻴﺎ : " ﺍﻟﺼﻤﺖ "
.......... : ﺃﻧﺎ ﺳﻨﻤﺎﺭ ... ﺷﻨﻮ ﺳﻤﻴﺘﻚ ؟
ﺑﻘﺎ ﺳﻨﻤﺎﺭ ﻛﻴﺸﻮﻑ ﻓﻴﻪ ﻭ ﻣﻨﻴﻦ ﻣﺠﺎﻭﺑﻮﺵ ﺧﻼﻩ ﻭ ﺭﺟﻊ ﻟﺒﻼﺻﺘﻮ ...
ﻓﺎﻟﻴﻮﻡ ﺍﻟﻤﻮﺍﻟﻲ ﻛﺎﻧﻮ ﺍﻟﺪﺭﺍﺭﻱ ﻓﺎﻟﺠﺮﺩﺓ ﻛﻴﻠﻌﺒﻮ ... ﺇﻳﻠﻴﺎ ﭼﺎﻟﺲ ﺟﻨﺐ ﺍﻟﺤﻴﻂ ﻭ ﻛﻴﺘﻔﺮﺝ ﻓﻴﻬﻢ ... ﺷﻮﻳﺔ ﻭﻗﻒ ﻋﻠﻴﻪ ﺳﻨﻤﺎﺭ ﻭ ﻣﻌﺎﻩ ﺩﺭﻱ ﺁﺧﺮ ﺻﻐﺮ ﻣﻨﻬﻢ ...
ﺳﻨﻤﺎﺭ : ﺁﺟﻲ ﺗﻠﻌﺐ ﻣﻌﻨﺎ ... ﻫﺬﺍ ﺻﺎﺣﺒﻲ ﺇﻟﻴﺎﺱ ... ﻭ ﺍﻧﺎ ﺳﻨﻤﺎﺭ ﻋﻘﻠﺘﻲ ﻋﻠﻴﺎ ... " ﺣﻂ ﻳﺪﻭ ﻋﻠﻰ ﻛﺘﻒ ﺇﻳﻠﻴﺎ " ﻧﺘﺎ ﺷﻨﻮ ﺳﻤﻴﺘﻚ ؟
ﺇﻳﻠﻴﺎ ﻣﺠﺎﻭﺑﻬﻤﺶ ... ﺷﺪ ﺳﻨﻤﺎﺭ ﻓﺈﻟﻴﺎﺱ ﻭ ﺗﻤﻮ ﻏﺎﺩﻳﻴﻦ ... ﻭﺻﻠﻮ ﻟﺒﻼﺻﺔ ﺍﻟﻲ ﺩﺍﻳﺮﻳﻦ ﻟﻴﻬﻢ ﻓﻴﻬﺎ ﺍﻷﺭﺟﻮﺣﺔ ... ﺳﻨﻤﺎﺭ ﻫﺰ ﺇﻟﻴﺎﺱ ﺣﺘﻰ ﺭﻛﺐ ... ﺷﺎﻑ ﺇﻟﻴﺎﺱ ﻣﻦ ﻭﺭﺍﺀ ﺳﻨﻤﺎﺭ ﻭ ﻧﻌﺖ ﻟﻴﻪ ﺑﻴﺪﻭ ... ﺗﻠﻔﺖ ﺳﻨﻤﺎﺭ ﻭ ﻫﻮ ﻳﺒﺎﻥ ﻟﻴﻪ ﺇﻳﻠﻴﺎ ﺗﺒﻌﻬﻢ ...
ﺇﻟﻴﺎﺱ : " ﻫﺒﻂ ﻣﻦ ﺍﻻﺭﺟﻮﺣﺔ " ﻧﺨﻠﻴﻮﻩ ﻫﻮ ﻳﻠﻌﺐ ﺍﻷﻭﻝ " ﺍﺑﺘﺎﺳﻢ ﻹﻳﻠﻴﺎ " ﺃﻧﺎ ﻏﺎ ﻧﺪﻓﻊ ﺑﻴﻚ ... ﺳﻨﻤﺎﺭ ﻛﻴﺪﻓﻊ ﺑﺰﺍﻑ ﻏﻴﻄﻴﺤﻚ
ﻣﺮﺕ ﺳﻨﺔ ﻋﻠﻰ ﻣﺠﻲﺀ ﺇﻳﻠﻴﺎ ﻟﻠﻤﻴﺘﻢ ... ﻋﻤﺮﻭ ﻧﻄﻖ ﺑﻜﻠﻤﺔ ﻭﺣﺪﺓ ... ﻋﺎﺭﻓﻴﻦ ﻋﻨﺪﻭ ﻣﺸﻜﻴﻞ ﻧﻔﺴﻲ ... ﻟﻜﻦ ﺣﺪ ﻣﺎﻫﺘﻢ ... ﺩﻳﻤﺎ ﻫﺎﺩﺉ ﻭ ﻛﻴﺒﻌﺪ ﻋﻠﻰ ﺍﻟﻜﻞ ... ﻣﻦ ﻏﻴﺮ ﺳﻨﻤﺎﺭ ﻭ ﺇﻟﻴﺎﺱ ﺍﻟﻲ ﻓﺮﺿﻮ ﻧﻔﺴﻬﻢ ﻋﻠﻴﻪ ... ﺣﺘﻰ ﻭﻟﻔﻬﻢ ﻭ ﻫﻤﺎ ﺍﻟﻮﺣﻴﺪﻳﻦ ﺍﻟﻲ ﻛﻴﺸﺎﺭﻛﻬﻢ ﺍﻟﻠﻌﺐ ... ﺭﺟﻌﻮ ﺑﺜﻼﺛﺔ ﻣﻜﻴﺘﻔﺎﺭﻗﻮﺵ ... ﻭ ﻣﻊ ﺃﻥ ﺍﻟﻮﺿﻊ ﻓﺎﻟﻤﻴﺘﻢ ﻟﻴﺲ ﺑﺎﻟﻤﺜﺎﻟﻲ ... ﻟﻜﻦ ﺗﺄﻗﻠﻢ ﻣﻊ ﺍﻟﻮﺿﻊ ﻧﻮﻋﺎ ﻣﺎ ... ﺣﺘﻰ ﺟﺎ ﺍﻟﻴﻮﻡ ﺍﻟﻲ ﻏﻴﺘﻐﺮﻭ ﻓﻴﻪ ﺑﺰﺍﻑ ﺍﻟﺤﺎﺟﺎﺕ ...
ﻛﺎﻥ ﻣﻨﺘﺼﻒ ﺍﻟﻠﻴﻞ ﻭ ﻛﻠﺸﻲ ﻧﺎﻋﺲ ... ﺗﺤﻞ ﺑﺎﺏ ﻏﺮﻓﺔ ﺍﻷﻭﻻﺩ ﻭ ﺩﺧﻞ ﺍﻟﺸﺨﺺ ﻓﺎﻟﻈﻼﻡ ... ﺇﻳﻠﻴﺎ ﺍﻟﻲ ﻛﺎﻥ ﻧﻌﺎﺳﻮ ﺧﻔﻴﻒ ... ﺣﻞ ﻋﻨﻴﻪ ﻭ ﺑﺪﻭﻥ ﻣﺎﻳﺘﺤﺮﻙ ﺑﺎﻥ ﻟﻴﻪ ﻇﻞ ﻃﻮﻳﻞ ﻛﻴﻘﺮﺏ ... ﻛﻴﻒ ﺍﻧﻌﺎﺱ ﺍﻟﻀﻮﺀ ﺍﻟﻲ ﺩﺍﺧﻞ ﻣﻦ ﺍﻟﻨﺎﻓﺬﺓ ﻋﻠﻰ ﻭﺟﻬﻮ ... ﻋﺮﻓﻮ ﺇﻳﻠﻴﺎ ... ﻛﺎﻥ ﺍﻟﻌﺴﺎﺱ ...
ﺗﻮﻗﻒ ﺍﻟﻌﺴﺎﺱ ﺟﻨﺐ ﺍﻟﺴﺮﻳﺮ ﺍﻟﻲ ﻧﺎﻋﺲ ﻓﻴﻪ ﺇﻟﻴﺎﺱ ... ﺗﺤﺪﺭ ﻛﻴﺤﺮﻛﻮ ﻏﻴﺮ ﺣﻞ ﺍﻟﻴﺎﺱ ﻋﻨﻴﻪ ... ﺣﻂ ﻟﻴﻪ ﺍﻟﻌﺴﺎﺱ ﻳﺪﻭ ﻋﻠﻰ ﻓﻤﻮ ﻭ ﺩﺍﺭ ﻟﻴﻪ ﺇﺷﺎﺭﺓ ﺑﺼﺒﻌﻮ ﻣﺎﻳﺪﻳﺮ ﺣﺘﻰ ﺻﻮﺕ ... ﺟﺮﻭ ﻣﻌﺎﻩ ﻣﺨﺮﺟﻮ ﻣﻦ ﺍﻟﻐﺮﻓﺔ ... ﻏﻴﺮ ﺗﺴﺪ ﻟﺒﺎﺏ ﻭ ﻫﻮ ﻳﺤﻴﺪ ﺇﻳﻠﻴﺎ ﺍﻟﻐﻄﺎ ﻭ ﻧﺎﺽ ... ﺧﺸﺎ ﺭﺟﻠﻴﻪ ﻓﺎﻟﺴﺒﺮﺩﻳﻠﺔ ﻭ ﺗﻤﺸﻰ ﺑﺸﻮﻳﺔ ... ﺣﻞ ﻟﺒﺎﺏ ﻭ ﺧﺮﺝ ﻭﺍﻗﻒ ﻓﺎﻟﻜﻮﻟﻮﺍﺭ ﺍﻟﻤﻈﻠﻢ ... ﺗﻢ ﻏﺎﺩﻱ ﺣﺘﻰ ﻵﺧﺮ ﺍﻟﻜﻮﻟﻮﺍﺭ ... ﺿﺎﺭ ﻭ ﻫﻮ ﻳﺒﺎﻥ ﻟﻴﻪ ﺿﻮﺀ ﺧﺎﺭﺝ ﻣﻦ ﺗﺤﺖ ﺑﺎﺏ ﻣﻜﺘﺐ ﺍﻟﻤﺪﻳﺮﺓ ... ﺗﻤﺸﻰ ﻧﺎﺣﻴﺘﻮ ﺑﺸﻮﻳﺔ ﺩﻓﻊ ﻟﺒﺎﺏ ﺣﺘﻰ ﺗﺸﻘﻖ ...
ﺑﺎﻥ ﻟﻴﻪ ﺍﻟﻌﺴﺎﺱ ﻣﺪﺍﺑﺰ ﻣﻊ ﺇﻟﻴﺎﺱ ... ﺷﺎﺩ ﻟﻴﻪ ﻓﻤﻮ ﺑﻴﺪ ﻭ ﺑﺎﻏﻲ ﻳﻨﺰﻝ ﻟﻴﻪ ﺳﺮﻭﺍﻟﻮ ﺑﺎﻟﻴﺪ ﻻﺧﺮﻯ ... ﺇﻟﻴﺎﺱ ﻛﺎﻥ ﻛﻴﺒﻜﻲ ﻭ ﻛﻴﺪﻓﻊ ﻓﻴﻪ ... ﺩﻓﻊ ﺇﻳﻠﻴﺎ ﺍﻟﺒﺎﺏ ﺣﺘﻰ ﺗﺤﻞ ﻛﺎﻣﻠﻮ ... ﺗﻠﻔﺖ ﺍﻟﻌﺴﺎﺱ ﻣﺨﺮﺝ ﻋﻨﻴﻪ ... ﺗﺨﻠﻊ ﻓﺎﻷﻭﻝ ﻭ ﻣﻨﻴﻦ ﻟﻘﺎﻩ ﻏﻴﺮ ﺇﻳﻠﻴﺎ ... ﻃﻠﻖ ﻣﻦ ﺇﻟﻴﺎﺱ ﻭ ﺟﺎ ﻟﻴﻪ ﺟﺮﻭ ﺩﺧﻠﻮ ﻭ ﺳﺪ ﻟﺒﺎﺏ ... ﺗﺤﺪ ﺷﺪﻭ ﻣﻦ ﻓﻜﻮ ﻣﺰﻳﺮ ﻋﻠﻴﻪ ...
ﺍﻟﻌﺴﺎﺱ : ﺷﻨﻮ ﺍﻟﻲ ﺟﺎﺑﻚ ﻟﻬﻨﺎ ﻫﺎ ... ﻋﺮﻓﺘﻲ ﻭ ﺗﻘﻮﻝ ... ﺁﻩ ﻧﺴﻴﺖ ﻧﺘﺎ ﻣﻜﺘﻬﻀﺮﺵ " ﺍﺑﺘﺎﺳﻢ ﻟﻴﻪ " ﻭﻗﻒ ﻫﻨﺎ ﻣﺘﺤﺮﻛﺶ ﻛﺘﺴﻤﻊ
ﺭﺟﻊ ﺍﻟﻌﺴﺎﺱ ﻋﻨﺪ ﺇﻟﻴﺎﺱ ﺍﻟﻲ ﻋﻨﻴﻪ ﻋﺎﻣﺮﻳﻦ ﺩﻣﻮﻉ ﻭ ﻛﻮﻟﻮ ﻛﻴﺮﺟﻒ ... ﺟﻠﺲ ﻋﻠﻰ ﺭﻛﺎﺑﻴﻪ ﻭ ﺣﻂ ﻳﺪﻳﻪ ﻋﻠﻰ ﺻﻤﻄﺔ ﺍﻟﺴﺮﻭﺍﻝ ﺑﻐﺎ ﻳﺤﻴﺪﻭ ﻟﻴﻪ ... ﻳﺎﻻﻩ ﺑﻐﺎ ﻳﻐﻮﺕ ﺇﻟﻴﺎﺱ ﺭﺟﻊ ﺳﺪ ﻟﻴﻪ ﻓﻤﻮ ...
ﺍﻟﻌﺴﺎﺱ : ﻧﺴﻤﻊ ﺻﻮﺗﻚ ... " ﺩﻭﺯ ﻳﺪﻭ ﻋﻠﻰ ﻋﻨﻘﻮ " ﻏﻨﺪﺑﺤﻚ ﻣﻦ ﻫﻨﺎ
ﺭﺟﻊ ﻛﻴﺤﻴﺪ ﻟﻴﻪ ﻳﺪﻳﻪ ﺍﻟﻲ ﺷﺎﺩﻳﻦ ﻓﺎﻟﺴﺮﻭﺍﻝ ... ﺇﻟﻴﺎﺱ ﺷﺎﻑ ﺟﻬﺔ ﺇﻳﻠﻴﺎ ﻭ ﺩﻣﻮﻋﻮ ﻣﻼﻗﻴﻦ ﻋﻨﺪ ﺫﻗﻨﻮ ... ﺇﻳﻠﻴﺎ ﺗﺤﺮﻙ ﻣﻦ ﻣﻜﺎﻧﻮ ﻭﺍﺧﺔ ﻻﺧﺮ ﺣﺬﺭﻭ ... ﺟﺎﻱ ﻣﻦ ﻭﺭﺍ ﺍﻟﻌﺴﺎﺱ ... ﺑﺎﻥ ﻟﻴﻪ ﺍﻟﻤﻘﺺ ﻣﺤﻄﻮﻁ ﻓﻮﻕ ﺍﻟﻤﻜﺘﺐ ... ﻫﺰﻭ ﻓﻴﺪﻭ ﻣﺰﻳﺮ ﻋﻠﻴﻪ ... ﺣﻂ ﻳﺪﻭ ﻋﻠﻰ ﻇﻬﺮ ﺍﻟﻌﺴﺎﺱ ﺍﻟﻲ ﺗﻠﻔﺖ ﻋﻨﺪﻭ ... ﻫﺰ ﺇﻳﻠﻴﺎ ﻳﺪﻭ ﻭ ﺧﺸﺎ ﻟﻴﻪ ﺍﻟﻤﻘﺺ ﻓﻌﻴﻨﻮ ﺍﻟﻴﺴﺮﻯ ... ﻏﻮﺕ ﺍﻟﻌﺴﺎﺱ ﻭ ﺿﺮﺏ ﺇﻳﻠﻴﺎ ﺣﺘﻰ ﺗﻼﺡ ﻓﻠﺮﺽ ... ﺷﺪ ﻓﻌﻴﻨﻮ ﺍﻟﻲ ﺗﻔﻘﺼﺎﺕ ﻟﻴﻪ ﻭ ﻏﺎﺩﺓ ﺑﺎﻟﺪﻣﺎﻳﺎﺕ ...
ﺍﻟﻴﺎﺱ ﺍﻧﺘﺎﻫﺰ ﺍﻟﻔﺮﺻﺔ ﻭ ﻣﺸﺎ ﻛﻴﺠﺮﻱ ... ﻋﺎﻭﻥ ﺇﻳﻠﻴﺎ ﺣﺘﻰ ﻭﻗﻒ ﻣﺸﺎﻭ ﺟﻬﺔ ﻟﺒﺎﺏ ﺣﻠﻮﻩ ﻭ ﺧﺮﺟﻮ ﻛﻴﺠﺮﻳﻮ ... ﻣﺸﺎﻭ ﻓﺎﺗﺠﺎﻩ ﺍﻟﻐﺮﻓﺔ ﺩﻓﻌﻮ ﻟﺒﺎﺏ ... ﺇﻟﻴﺎﺱ ﻃﻠﻖ ﻣﻦ ﻳﺪ ﺇﻳﻠﻴﺎ ﻭ ﻣﺸﺎ ﺗﺨﺒﺎ ﻣﻦ ﻭﺭﺍ ﺍﻟﺒﺎﺏ ... ﺇﻳﻠﻴﺎ ﺑﻘﺎ ﻭﺍﻗﻒ ﻟﻠﺤﻈﺔ ﻭ ﻫﻮ ﻳﻤﺸﻲ ﻟﻠﺴﺎﺭﻭﺕ ... ﺷﻌﻞ ﺍﻟﻀﻮﺀ ﻭ ﺑﺪﺍ ﻛﻴﻀﺮﺏ ﺑﺮﺟﻠﻮ ﻓﺎﻟﺒﺎﺏ ﺣﺘﻰ ﺑﺪﺍﻭ ﻳﻔﻴﻘﻮ ﻻﺧﺮﻳﻦ ... ﺇﺣﺪﻯ ﺍﻟﻤﺴﺎﻋﺪﺍﺕ ﻓﺎﻟﻤﻴﺘﻢ ﺳﻤﻌﺎﺕ ﺍﻟﻀﺮﺏ ﻭ ﻫﻲ ﺗﻨﻮﺽ ... ﺟﺎﺕ ﻣﺒﺎﺷﺮﺓ ﻟﻐﺮﻓﺘﻬﻢ ﻭ ﻫﻲ ﺗﻠﻘﻰ ﺃﻏﻠﺒﻬﻢ ﻓﺎﻳﻖ ...
ﺑﺪﺍﺕ ﻛﺘﻐﻮﺕ ﻭ ﺗﺸﻨﺸﻦ ﻓﺈﻳﻠﻴﺎ ﺍﻟﻲ ﻛﺎﻥ ﻛﻴﻀﺮﺏ ﻓﺎﻟﺒﺎﺏ ﺣﺘﻰ ﻓﻴﻖ ﻻﺧﺮﻳﻦ ... ﺧﺮﺝ ﺇﻟﻴﺎﺱ ﻣﻦ ﻭﺭﺍ ﺍﻟﺒﺎﺏ ﻭ ﺟﺎ ﻋﻨﺪﻫﺎ ... ﻗﺎﻟﻴﻬﺎ ﺑﻠﻲ ﺍﻟﻌﺴﺎﺱ ﻛﺎﻥ ﺣﺎﺑﺴﻮ ﻓﻤﻜﺘﺐ ﺍﻟﻤﺪﻳﺮﺓ ... ﻣﺸﺎﺕ ﻛﺘﺠﺮﻱ ﻟﻘﺎﺗﻮ ﺷﺎﺩ ﻓﻌﻨﻴﻪ ﻭ ﻛﻴﻐﻮﺕ ... ﺳﻮﻻﺗﻮ ﻣﺎﻟﻮ ﻣﺠﺎﻭﺑﻬﺎﺵ ... ﻫﺰﺍﺕ ﺍﻟﻔﻮﻥ ﺍﺗﺎﺻﻼﺕ ﺑﺎﻟﻤﺪﻳﺮﺓ ﺍﻟﻲ ﻣﺪﺍﺯﺵ ﺑﺰﺍﻑ ﺩﻳﺎﻝ ﺍﻟﻮﻗﺖ ﺣﺘﻰ ﺩﺧﻼﺕ ... ﻟﻘﺎﺕ ﺍﻟﻌﺴﺎﺱ ﻓﺪﻳﻚ ﺍﻟﺤﺎﻟﺔ ...
ﺳﻴﻔﻄﺎﺗﻮ ﻣﻊ ﻭﺍﺣﺪ ﻣﻦ ﺍﻟﻄﺎﻗﻢ ﻟﻠﻤﺴﺘﺸﻔﻰ ... ﺑﺪﺍﺕ ﻛﺘﺴﻮﻝ ﻓﺎﻟﻤﺴﺎﻋﺪﺓ ﻋﻠﻰ ﺷﻨﻮ ﻭﻗﻊ ... ﻋﺎﻭﺩﺍﺕ ﻟﻴﻬﺎ ﻋﻠﻰ ﺍﻟﻀﻮﺿﺎﺀ ﺍﻟﻲ ﻛﺎﻥ ﻛﻴﺪﻳﺮ ﺇﻳﻠﻴﺎ ﺣﺘﻰ ﻓﺎﻗﻮ ... ﻭ ﺷﻨﻮ ﻗﺎﻝ ﻟﻴﻬﺎ ﺇﻟﻴﺎﺱ ... ﺷﻜﺎﺕ ﺍﻟﻤﺪﻳﺮﺓ ﺑﻠﻲ ﺷﻲ ﺣﺎﺟﺔ ﻣﺎﺷﻲ ﻫﻲ ﻫﺎﺩﻳﻚ ... ﻣﺸﺎﺕ ﺷﻐﻼﺕ ﻟﻜﺎﻣﻴﺮﺍ ﺍﻟﻲ ﺩﺍﻳﺮﺓ ﻓﺎﻟﻤﻜﺘﺐ ﺩﻳﺎﻟﻬﺎ ... ﺑﻘﺎﺕ ﻛﺪﻭﺯ ﺣﺘﻰ ﻛﺘﺼﺪﻡ ﺑﺸﻨﻮ ﺷﺎﻓﺖ ... ﺩﻳﻚ ﺍﻟﺴﺎﻉ ﻋﻴﻄﺎﺕ ﻋﻠﻰ ﻟﺒﻮﻟﻴﺲ ... ﺷﻲ ﺟﺎ ﻟﻠﻤﻴﺘﻢ ﻭ ﺷﻲ ﻣﺸﺎ ﻟﻠﻤﺴﺘﺸﻔﻰ ﺑﺎﺵ ﻳﻌﺘﺎﻗﻠﻮ ﺍﻟﻌﺴﺎﺱ ...