السفاح العاشق

بارت 103

ﺩﺍﺯ ﻣﻦ ﺟﻨﺐ ﺍﻟﻄﺒﻠﺔ ﻭ ﻗﺮﺏ ﻟﻌﻨﺪﻫﺎ ... ﺣﺴﺎﺕ ﺑﻴﻪ ﻭﺍﻗﻒ ﻣﻦ ﻭﺭﺍﻫﺎ ﻭ ﻫﻲ ﺗﺰﻳﺮ ﻋﻠﻰ ﺟﻔﻮﻧﻬﺎ ... ﺷﻮﻳﺔ ﺣﺴﺎﺕ ﺑﻴﻪ ﺣﻂ ﻳﺪﻭ ﻋﻠﻰ ﺧﺼﺮﻫﺎ ... ﻧﻄﻘﺎﺕ ﻭ ﻫﻲ ﻣﺒﻌﺪﺓ ﻋﻠﻴﻪ ...
ﺟﻮﻻﻥ : ﺑﻐﻴﺖ ﻧﻤﺸﻲ ﻟﻠﻄﻮﺍﻟﻴﺖ
ﺣﺘﻰ ﻓﺎﺗﻮ ﻭ ﻫﻲ ﺗﺠﺮﻫﺎ ﻳﺪﻭ ... ﺭﺟﻌﻬﺎ ﻟﻔﻴﻦ ﻛﺎﻧﺖ ﻣﺘﻜﻴﺔ ﻋﻠﻰ ﺍﻟﺤﺎﺟﺰ ﺑﻈﻬﺮﻫﺎ ﻭ ﻣﻘﺎﺑﻠﺔ ﻣﻌﺎﻩ ... ﺻﻐﺮ ﻋﻨﻴﻪ ﻭ ﻫﻮ ﻛﻴﻘﺮﺏ ﻟﻴﻬﺎ ... ﺑﺪﺍﺕ ﻛﺘﺒﻌﺪ ﺭﺍﺳﻬﺎ ﺍﻟﻠﻮﺭ ﺣﺘﻰ ﻣﺎﻟﺖ ﺷﻮﻳﺔ ... ﺩﻭﺭ ﺩﺭﺍﻋﻮ ﺑﺠﻮﺝ ﻋﻠﻰ ﻇﻬﺮﻫﺎ ﻭ ﻟﺼﻘﻬﺎ ﻣﻊ ﺻﺪﺭﻭ ... ﺣﻨﻰ ﺭﺍﺳﻮ ﻋﻨﺪ ﻭﺟﻬﺎ ﻭ ﻗﺎﻝ ﺑﺼﻮﺕ ﺧﺸﻦ ...
ﺭﺋﺒﺎﻝ : ﻭﺍﻗﻔﺔ ﻫﻨﺎ ... ﻣﺠﺎﻛﺶ ﺍﻟﺒﺮﺩ ؟
ﺟﻮﻻﻥ " ﺣﺮﻛﺎﺕ ﺭﺍﺳﻬﺎ ﺑﻼ "
ﺭﺋﺒﺎﻝ : ﺑﺎﻏﺔ ﺗﻤﺸﻲ ﻟﻠﻄﻮﺍﻟﻴﺖ ؟
ﺟﻮﻻﻥ : " ﺣﺮﻛﺎﺕ ﺭﺍﺳﻬﺎ ﺑﺂﻩ "
ﺯﺍﺩﺕ ﺗﻮﺛﺮﺍﺕ ﺗﺤﺖ ﻧﻈﺮﺍﺗﻮ ... ﻭ ﻻ ﺣﺘﻰ ﻓﺎﺗﺖ ﺣﻼﺕ ﻓﻤﻬﺎ ﻭ ﻫﻀﺮﺍﺕ ﺃﻛﻴﺪ ﻏﺎﺩﻱ ﻳﻌﺮﻑ ﺷﺮﺑﺎﺕ ﺩﺍﻙ ﺍﻟﻮﻳﻞ ... ﺑﺪﺍﺕ ﻛﻀﻮﺭ ﻓﻌﻨﻴﻬﺎ ﺑﺎﺵ ﻣﺘﺸﻮﻓﺶ ﻓﻴﻪ ﺣﺘﻰ ﺣﺴﺎﺕ ﺑﻴﻪ ﻇﻐﻂ ﺑﺸﻔﺎﻳﻔﻮ ﻋﻠﻰ ﺷﻔﺎﻳﻔﻬﺎ ... ﻭ ﺷﺮﻉ ﻓﺘﻘﺒﻴﻠﻬﺎ ... ﺩﻏﻴﺎ ﺍﻧﺴﺎﺟﻤﺎﺕ ﻓﺎﻟﻘﺒﻠﺔ ... ﻫﺰﺍﺕ ﻳﺪﻳﻬﺎ ﺑﻐﺎﺕ ﺗﻀﻮﺭﻫﻢ ﻋﻠﻰ ﻋﻨﻘﻮ ﻭ ﻫﻮ ﻳﺒﻌﺪ ﻓﺠﺄﺓ ...
ﺣﻼﺕ ﻋﻨﻴﻬﺎ ﻭ ﻫﻲ ﺗﻼﻗﻰ ﻣﻊ ﻧﻈﺮﺗﻮ ﺍﻟﻲ ﺧﻼﺕ ﺭﻛﺎﺑﻴﻬﺎ ﻳﻐﺰﻟﻮ ... ﻛﻦ ﻣﻜﺎﻥ ﺷﺎﺩﻫﺎ ﻛﺎﻧﺖ ﻃﺎﺣﺖ ﻟﺮﺽ ... ﺑﻠﻌﺎﺕ ﺭﻳﻘﻬﺎ ﻭ ﺣﺪﺭﺍﺕ ﻋﻨﻴﻬﺎ ﺣﺘﻰ ﻗﻔﺰﻫﺎ ﺑﺼﻮﺗﻮ ...
ﺭﺋﺒﺎﻝ : ﻻﺵ ﺷﺎﺭﺑﺔ ﺩﺍﻙ ﺍﻟﺰﺑﻞ ؟
ﺟﻮﻻﻥ : " ﺷﺎﻓﺖ ﻓﻴﻪ " ﺁﺍ ... ﻻ ... ﻣﺎ ﺷﺮﺑﺖ ﻭﺍﻟﻮ ... ﻭ ﻭﺍﻝ
ﺭﺋﺒﺎﻝ : ﻣﺎﺗﺤﻠﻔﻴﺶ
ﺟﻮﻻﻥ : " ﻣﻴﻼﺕ ﺷﻔﺎﻳﻔﻬﺎ ﺍﻟﺤﻤﺮﻳﻦ " ﻡ ﻣﺎﺷﺮﺑﺘﻮﺵ
ﺭﺋﺒﺎﻝ : ﻟﻜﺎﺱ ﺧﻠﻴﺘﻮ ﻧﺺ ﻋﺎﻣﺮ ... ﻭ ﻛﺎﻥ ﻣﺤﻄﻮﻁ ﻓﺎﻟﺠﻬﺔ ﺍﻟﻲ ﻣﻦ ﺟﻬﺔ ﻟﺒﺎﺏ ... ﻭ ﺩﺍﺑﺔ ﻣﺤﻄﻮﻁ ﻓﺎﻟﺠﻬﺔ ﻻﺧﺮﻯ ... ﻫﻲ ﺣﺮﻛﻮﻩ ﻭ ﺷﺮﺑﻮﻩ ﺍﻟﺠﻨﻮﻥ !
ﺟﻮﻻﻥ : " ﺣﻄﺎﺕ ﻳﺪﻫﺎ ﻋﻠﻰ ﺻﺪﺭﻭ ﻭ ﺑﺪﺍﺕ ﺗﺴﺒﻞ ﻓﻌﻨﻴﻬﺎ " ﻳﺴﺎﺣﺐ ﻟﻴﺎ ﻟﻤﺎ ... ﻭ ﺍﻟﻠﻪ
ﺭﺋﺒﺎﻝ : " ﻫﺰ ﺣﺎﺟﺒﻮ " ﻟﻤﺎ ... ﻋﻨﺪﻙ ﻋﻤﻰ ﺍﻷﻟﻮﺍﻥ
ﺟﻮﻻﻥ : " ﻛﺘﻐﺒﻦ ﻋﻠﻴﻪ " ﻛﻨﺖ ﻣﺰﺍﻝ ﻣﺎ ﺷﻌﻠﺖ ﺍﻟﻀﻮ ... ﻭ ﻋﻼﺵ ﻛﺘﻘﻮﻝ ﻟﻌﻤﻰ ... ﻛﻀﺤﻚ ﻋﻠﻴﺎ ﺣﻴﻨﺖ ﻛﻨﺖ ﻋﻤﻴﺎ
ﺭﺋﺒﺎﻝ : ﺑﺎﺭﻛﺔ ﻣﻦ ﺍﻟﺪﺭﺍﻣﺎ ... ﻗﻠﺖ ﻋﻤﻰ ﺍﻷﻟﻮﺍﻥ
ﺟﻮﻻﻥ : ﺁﺍﻩ ... ﺻﺎﻓﻲ ﺩﺍﺑﺔ ﻏﻴﺮ ﻏﻠﻄﺖ ... ﻭ ﻣﺎﻭﻗﻊ ﻭﺍﻟﻮ ... ﺃﺻﻼ ﺩﺍﻛﺸﻲ ﺣﺮﺍﻡ ﻭ ﻣﻜﻨﺤﻤﻠﻮﺵ ... " ﻋﻘﺪﺍﺕ ﺣﻮﺍﺟﺒﻬﺎ " ﻣﺬﺍﻗﻮ ﺧﺎﻳﺐ ﻣﺎﻋﺮﺕ ﻋﻼﺵ ﻛﺘﺸﺮﺑﻮﻩ ... ﻳﻌﻖ
ﺭﺋﺒﺎﻝ : " ﺣﻴﺪ ﻳﺪﻳﻪ ﻭ ﺑﻌﺪ ﻋﻠﻴﻬﺎ " ﺳﻴﺮﻱ ﻟﻠﻄﻮﺍﻟﻴﺖ ﺍﻟﻲ ﻛﻨﺘﻲ ﻏﺎﺩﻳﺔ ﻟﻴﻬﺎ ﻭ ﻏﺴﻠﻲ ﻭﺟﻬﻚ
ﺟﻮﻻﻥ : ﻭﺍﺧﺔ
ﻃﺎﺭﺕ ﻣﻦ ﺣﺪﺍﻩ ﻭ ﺩﺧﻼﺕ ﻟﻠﺤﻤﺎﻡ ... ﺩﺧﻞ ﺭﺋﺒﺎﻝ ﻭ ﻣﺸﺎ ﻫﺰ ﺍﻟﻘﺮﻋﺔ ﺍﻟﻲ ﻛﺎﻧﺖ ﻓﻮﻕ ﻃﺎﺑﻞ ﺩﻭﻧﻮﻱ ﺟﻨﺐ ﺍﻟﺴﺮﻳﺮ ... ﻫﺰﻫﺎ ﻫﻲ ﻭ ﺍﻟﻜﺎﺱ ﻭ ﻫﺒﻂ ﻟﺘﺤﺖ ... ﺧﻮﺍ ﺩﺍﻛﺸﻲ ﺍﻟﻲ ﻓﺎﻟﻘﺮﻋﺔ ﻓﺎﻟﺸﻮﻳﺮﻳﺠﺔ ﻭ ﻻﺣﻬﺎ ﻓﺴﻄﻞ ﺩﻳﺎﻝ ﺍﻟﺰﺑﻞ ...
ﺭﺟﻊ ﻃﻠﻊ ﻟﻔﻮﻕ ﻭ ﻫﺰ ﻭﺳﺎﺩﺓ ﻫﻲ ﻭ ﺃﺣﺪ ﺍﻷﻏﻄﻴﺔ ﻟﺨﻔﺎﻑ ﻣﻦ ﻓﻮﻕ ﺍﻟﺴﺮﻳﺮ ... ﺳﻤﻊ ﻟﺒﺎﺏ ﺩﻳﺎﻝ ﺍﻟﺤﻤﺎﻡ ﺗﺤﻞ ﻭ ﻫﻮ ﻳﺘﻠﻔﺖ ... ﺑﺎﻧﺖ ﻟﻴﻪ ﺧﺎﺭﺟﺔ ﻭﺟﻬﺎ ﻣﺒﻠﻞ ﻭ ﺣﺘﻰ ﻋﻨﻘﻬﺎ ﻧﺎﺯﻟﻴﻦ ﻣﻌﺎﻩ ﻗﻄﺮﺍﺕ ﺍﻟﻤﺎ ... ﻭ ﺑﻌﺾ ﺍﻟﺨﺼﻼﺕ ﻣﻼﺻﻘﻴﻦ ﻣﻊ ﻭﺟﻬﺎ ﺑﺎﻟﻤﺎ ﻣﻦ ﺍﻟﺠﻨﺐ ... ﻗﺮﺑﺎﺕ ﻟﻌﻨﺪﻭ ﻭ ﻫﻲ ﻣﺒﺘﺎﺳﻤﺔ ﻭ ﻋﻨﻴﻬﺎ ﻧﺎﻳﻤﻴﻦ ﺷﻮﻳﺔ ... ﺗﺒﻌﻬﺎ ﺑﻌﻨﻴﻪ ﺣﺘﻰ ﺟﻠﺴﺎﺕ ﻓﻄﺮﻑ ﺍﻟﻨﺎﻣﻮﺳﻴﺔ ...
ﺟﻮﻻﻥ : " ﻫﺰﺍﺕ ﻓﻴﻪ ﻋﻨﻴﻬﺎ ﻭ ﻫﻲ ﻛﺘﻌﺾ ﻋﻠﻰ ﺷﻔﺘﻬﺎ ﻟﺘﺤﺘﺎﻧﻴﺔ ﺑﻌﻔﻮﻳﺔ " ﺩﻏﻴﺎ ﺳﺨﻦ ﺍﻟﺤﺎﻝ ﻫﻬﻬﻪ ... ﻟﻤﺎ ﺑﺎﺭﺩ ﻭ ﺯﻭﻳﻴﻴﻦ
ﺭﺋﺒﺎﻝ : " ﺑﻌﺪ ﻋﻨﻴﻪ ﻋﻠﻴﻬﺎ " ﻧﻌﺴﻲ ﻭ ﻏﺪﺍ ﻧﺘﻔﺎﻫﻤﻮ
ﺟﻮﻻﻥ : " ﺷﺎﻓﺖ ﺩﺍﻛﺸﻲ ﺍﻟﻲ ﻫﺎﺯ ﻓﻴﺪﻳﻪ " ﻓﻴﻦ ﻏﺎﺩﻱ ﺑﻬﺎﺩﺷﻲ ؟
ﺭﺋﺒﺎﻝ : ﻏﺎﺩﻱ ﻧﻌﺲ ﻟﺘﺤﺖ
ﺟﻮﻻﻥ : ﻋﻼﺵ ﻭ ﻣﺎﻝ ﻫﻨﺎ
ﺭﺋﺒﺎﻝ : ﻧﺘﻲ ﻏﺘﻨﻌﺴﻲ ﻓﻴﻪ ... ﻭ ﺃﻧﺎ ﻏﻨﻌﺲ ﻟﺘﺤﺖ
ﺟﻮﻻﻥ : " ﻛﺘﺮﻣﺶ ﻓﻌﻨﻴﻬﺎ " ﻭ ﻋﻼﺵ ... " ﺿﺮﺑﺎﺕ ﺑﻴﺪﻫﺎ ﻓﺎﻟﺴﺮﻳﺮ " ﻫﻨﺎ ﻗﺎﺩﻧﺎ ﺑﺠﻮﺝ
ﺭﺋﺒﺎﻝ : ﺍﺣﻢ ... ﺟﻮﻻﻥ ﻧﻌﺴﻲ ﺣﻴﻨﺖ ﻣﺎﺷﻲ ﻧﺘﻲ ﺍﻟﻲ ﻛﺘﻬﻀﺮﻱ ... ﻭ ﺧﻠﻲ ﻫﺎﺩ ﺍﻟﻠﻴﻠﺔ ﺩﻭﺯ ﻋﻠﻰ ﺧﻴﺮ
ﺗﻢ ﺧﺎﺭﺝ ﻣﺰﺍﻝ ﻣﺎ ﻭﺻﻞ ﻋﻨﺪ ﻟﺒﺎﺏ ﺣﺲ ﺑﻴﻬﺎ ﻋﻨﻘﺎﺗﻮ ﻣﻦ ﺍﻟﺨﻠﻒ ... ﺣﺎﻃﺔ ﺧﺪﻫﺎ ﻋﻠﻰ ﻇﻬﺮﻭ ﻭ ﻣﺰﻳﺮﺓ ﺑﻴﺪﻳﻬﺎ ﻋﻠﻰ ﺧﺼﺮﻭ ...
ﺟﻮﻻﻥ : ﻣﺎﺑﻐﻴﺘﺶ ﻧﻌﺲ ﺑﻮﺣﺪﻱ ... ﺧﺎﺍﺍﺍﻳﻔﺔ
ﺭﺋﺒﺎﻝ : " ﻃﻠﻖ ﺩﺍﻛﺸﻲ ﻣﻦ ﻳﺪﻭ ﻭ ﺗﻨﻬﺪ " ﺟﻮﻻﺍﺍﻥ
ﺟﻮﻻﻥ : ﻋﻔﺎﺍﺍﻙ
ﺑﻌﺪ ﻳﺪﻳﻬﺎ ﻭ ﺿﺎﺭ ﻟﻌﻨﺪﻫﺎ ... ﻋﺎﺭﻑ ﺑﻠﻲ ﺍﻟﺸﺮﺍﺏ ﺍﻟﻲ ﺩﺍﺭ ﻟﻴﻬﺎ ﻫﺎﻛﺔ ... ﻭ ﺧﺎﺻﻮ ﻳﺘﻌﺎﻣﻞ ﻣﻌﻬﺎ ﺑﻈﺒﻂ ﺍﻟﻨﻔﺲ ﻣﻦ ﻧﻮﻉ ﺁﺧﺮ ... ﺑﺎﺵ ﻣﺎ ﻳﻬﺠﻢ ﻋﻠﻴﻬﺎ ﻭ ﻳﺤﻄﻢ ﻇﻠﻮﻋﻬﺎ ﻣﺎﺑﻴﻦ ﺩﺭﺍﻋﻮ ﻭ ﻫﻮ ﻛﻴﺮﺷﻒ ﻣﻦ ﺷﻔﺎﻳﻔﻬﺎ ... ﻟﻜﻦ ﻫﻲ ﻛﺎﻥ ﻟﻴﻬﺎ ﺭﺃﻱ ﺁﺧﺮ ... ﺷﺪﺍﺕ ﻓﻴﺪﻭ ﻭ ﺟﺮﺍﺗﻮ ﻣﻌﻬﺎ ﺟﻬﺔ ﺍﻟﺴﺮﻳﺮ ...
ﺗﺒﻌﻬﺎ ﺑﺪﻭﻥ ﻣﻘﺎﻭﻣﺔ ﻭ ﺷﺎﻓﻬﺎ ﻛﺘﺸﻴﺮ ﻟﻴﻪ ﻓﻴﻦ ﻳﺴﺘﻠﻘﻲ ... ﺍﺑﺘﺎﺳﻤﺎﺕ ﻭ ﻫﻲ ﻧﺎﻋﺴﺔ ﺟﻨﺒﻮ ﻭ ﺣﺎﻃﺔ ﺭﺍﺳﻬﺎ ﻋﻠﻰ ﺻﺪﺭﻭ ﻭ ﻛﺘﻤﺮﺭ ﻳﺪﻫﺎ ﻓﻮﻕ ﺍﻟﺘﻴﺸﻮﺭﺕ ﺍﻟﺨﻔﻴﻒ ﺍﻟﻲ ﻻﺑﺲ ... ﺑﻴﻨﻤﺎ ﻫﻮ ﻛﺎﻥ ﻛﻴﺰﻓﺮ ﺑﻘﻮﺓ ﻭ ﻳﺪﻭ ﻣﺤﺎﻭﻃﺔ ﺧﺼﺮﻫﺎ ...
ﺟﻮﻻﻥ : " ﺑﺼﻮﺕ ﺭﻗﻴﻖ ﺧﺎﻓﺖ " ﺑﺎﺑﺎ ﻭﺍﻓﻖ ﺑﺎﺵ ﺗﺠﻲ ﻃﻠﺐ ﻳﺪﻱ ﻣﻨﻮ ... ﺩﺍﻛﺸﻲ ﻋﻼﺵ ﻛﻨﺖ ﻛﻨﻘﻠﺐ ﻋﻠﻴﻚ
ﻫﺰﺍﺕ ﺭﺍﺳﻬﺎ ﺷﺎﻓﺖ ﻓﻴﻪ ﻣﺒﺘﺎﺳﻤﺔ ... ﻃﺒﻌﺎﺕ ﻗﺒﻠﺔ ﻋﻠﻰ ﻋﻨﻘﻮ ﻭ ﺭﺟﻌﺎﺕ ﺣﻄﺎﺕ ﺭﺍﺳﻬﺎ ﻋﻠﻰ ﺻﺪﺭﻭ ﻭ ﻗﺎﻟﺖ ...
ﺟﻮﻻﻥ : ﺗﺼﺒﺢ ﻋﻠﻰ ﺧﻴﺮ
ﻛﻴﻒ ﺍﺳﺘﻮﻋﺐ ﺷﻨﻮ ﻗﺎﻟﺖ ﺑﺤﺮﻛﺔ ﺑﺴﻴﻄﺔ ﻗﻠﺒﻬﺎ ﺗﺤﺘﻮ ... ﺑﻘﻰ ﻛﻴﺸﻮﻑ ﻓﻴﻬﺎ ﺑﺘﺄﻣﻞ ﻭ ﻫﻲ ﻛﻀﺤﻚ ﻭ ﺗﻜﺮﻛﺮ ﻣﻦ ﺍﻟﺤﺮﻛﺔ ﺍﻟﻲ ﺩﺍﺭ ... ﻫﺒﻂ ﺭﺍﺳﻮ ﻋﻨﺪﻫﺎ ﻳﺎﻻﻩ ﺣﻂ ﺷﻔﺎﻳﻔﻮ ﻋﻠﻰ ﺷﻔﺎﻳﻔﻬﺎ ﺳﻤﻊ ﺻﻮﺕ ﺩﻗﺎﻥ ﻣﺠﻬﺪ ...
ﻫﺰ ﺭﺍﺳﻮ ﻭ ﻋﻨﻴﻪ ﻣﺰﺍﻟﻴﻦ ﻋﻠﻴﻬﺎ ... ﺭﺟﻊ ﺳﻤﻊ ﺍﻟﺪﻗﺎﻥ ﻣﺠﻬﺪ ﺃﻛﺜﺮ ﻣﻦ ﺍﻷﻭﻝ ... ﻗﺮﺏ ﻋﻨﺪﻫﺎ ﻭ ﻫﻤﺲ ﻟﻴﻬﺎ ...
ﺭﺋﺒﺎﻝ : ﺧﻠﻴﻚ ﻫﻨﺎ ﻣﺎ ﺗﺤﺮﻛﻴﺶ ﻣﻦ ﺑﻼﺻﺘﻚ
ﺩﺍﺭﺕ ﺟﻮﻻﻥ ﻳﺪﻳﻬﺎ ﻋﻠﻰ ﻋﻨﻘﻮ ﻭ ﻛﺘﻔﺮﻧﺲ ... ﺟﻤﻌﺎﺕ ﺷﻔﺎﻳﻔﻬﺎ ﻟﻘﺪﺍﻡ ﻭ ﺑﺪﺍﺕ ﻛﺘﺠﺮﻭ ﻋﻨﺪﻫﺎ ﺑﺎﻏﺔ ﺗﺒﻮﺳﻮ ... ﺯﻓﺮ ﺑﺎﻟﺠﻬﺪ ﻭ ﺣﻴﺪ ﻳﺪﻳﻬﺎ ﻣﻦ ﻋﻠﻰ ﻋﻨﻘﻮ ... ﻧﺎﺽ ﻭ ﺧﺮﺝ ﻣﻦ ﻟﺒﻴﺖ ... ﻫﺒﻂ ﻣﻊ ﺍﻟﺪﺭﻭﺝ ﻭ ﺗﻮﺟﻪ ﻟﺒﺎﺏ ... ﺣﻠﻮ ﻭ ﻫﻮ ﻳﺨﻨﺰﺭ ﻓﻴﻪ ...
ﺳﻨﻤﺎﺭ : ﻋﺎﻡ ﺑﺎﺵ ﺗﺤﻞ
ﺭﺋﺒﺎﻝ : ﻫﺮﺳﻮ ﺣﺴﻦ ... ﺁﺵ ﻭﺍﻗﻊ !
ﺳﻨﻤﺎﺭ : ﺍﺗﺎﺻﺖ ﺑﻴﻚ ﺷﻲ ﻋﺸﺮﻳﻦ ﻣﺮﺓ ﻣﻜﺘﺠﺎﻭﺑﺶ ﺍﺻﺎﺣﺒﻲ ... ﻣﺎﻋﺮﻓﺖ ﻭﺍﺵ ﻟﻘﺘﻴﻬﺎ ﻭ ﻻ ﻻ
ﺭﺋﺒﺎﻝ : ﺁﻩ ﻟﻘﻴﺘﻬﺎ " ﺩﻭﺯ ﻳﺪﻭ ﻋﻠﻰ ﺷﻌﺮﻭ " ﻛﺎﻧﺖ ﺟﺎﻳﺔ ﻓﻠﻜﺎﺭ
ﺳﻨﻤﺎﺭ : ﻳﺴﺤﺎﺏ ﻟﻴﺎ ﺑﻌﻘﻠﻬﺎ ... ﻭ ﻟﻜﻦ ﻣﻨﻠﻮﻣﺶ ﻋﻠﻴﻬﺎ ... ﻛﺘﻐﺒﺮ ﻭ ﺗﺨﻠﻲ ﺑﻨﺎﺩﻡ ﻳﻘﻠﺐ ﻣﻦ ﻭﺭﺍﻙ ... ﻭ ﺩﺍﻙ ﺍﻟﺘﻴﻠﻴﻔﻮﻥ ﻟﻌﺎﺭ ﻻﺵ ﺩﺍﻳﺮﻭ ... ﻟﻤﻬﻢ ﻣﺎﻭﻗﻊ ﻣﻌﻬﺎ ﻭﺍﻟﻮ ؟
ﺭﺋﺒﺎﻝ : ﻻ " ﺗﻔﻜﺮ ﺣﺎﻟﺘﻬﺎ " ﺟﺎﺑﻚ ﺍﻟﻠﻪ ... ﺩﺧﻞ
ﺳﻨﻤﺎﺭ : ﻻ ﻻ ﻏﺎﺩﻱ ﻧﻤﺸﻲ ... ﺳﻤﻴﺔ ﺗﺸﻮﻓﻨﻲ ﻣﺎﺭﺟﻌﺘﺶ ﺗﺨﻠﻂ ﻋﻠﻴﺎ ... ﻟﻤﻬﻢ ﺑﺠﻮﺟﻜﻢ ﺑﺨﻴﺮ
ﺭﺋﺒﺎﻝ : ﺗﻜﺎﻳﺲ ﻓﺎﻟﻄﺮﻳﻖ
ﺳﻨﻤﺎﺭ : " ﺿﺎﺭ ﻋﻨﺪﻭ " ﺃﻧﺎ ﻣﺎﺷﻲ ﻫﻮ ﻧﺘﺎ ... ﺑﺎﻏﻲ ﻧﺸﻮﻑ ﻭﻻﺩ ﻭﻟﺪﻱ " ﺣﻞ ﺑﺎﺏ ﺍﻟﻠﻮﻃﻮ ﻭ ﻗﺎﻝ ﺑﺼﻮﺕ ﻋﺎﻟﻲ " ﻣﻦ ﺍﻷﺣﺴﻦ ﺗﻨﻌﺲ ﻓﺒﻴﺖ ﺳﻲ ﻋﺒﺎﺱ ﻫﻬﻬﻬﻪ
ﻏﺎﺩﺭ ﺳﻨﻤﺎﺭ ﺑﻌﺪﻣﺎ ﺍﻃﻤﺄﻥ ﻋﻠﻴﻬﻢ ... ﺳﺪ ﺭﺋﺒﺎﻝ ﻟﺒﺎﺏ ﻭ ﺗﻮﺟﻪ ﻟﻜﻮﺯﻳﻨﺔ ... ﺟﺒﺪ ﻗﺮﻋﺔ ﻟﻤﺎ ﻣﻦ ﺍﻟﺜﻼﺟﺔ ﻭ ﻋﻤﺮ ﻛﺎﺱ ﻛﺒﻴﺮ ... ﺷﺮﺑﻮ ﻛﺎﻣﻠﻮ ﺩﻗﺔ ﻭﺣﺪﺓ ﻭ ﺧﺮﺝ ... ﻃﻠﻊ ﻣﻊ ﺍﻟﺪﺭﻭﺝ ﺣﻞ ﻟﺒﺎﺏ ﻭ ﻫﻲ ﺗﺒﺎﻥ ﻟﻴﻪ ﺟﻮﻻﻥ ﻧﺎﻋﺴﺔ ﻋﻠﻰ ﺟﻨﺒﻬﺎ ...
ﻗﺮﺏ ﻭ ﺳﻤﻊ ﺻﻮﺕ ﺗﻨﻔﺴﻬﺎ ... ﻋﺮﻑ ﺑﻠﻲ ﻧﻌﺴﺎﺕ ... ﺗﻜﻰ ﺣﺪﺍﻫﺎ ﻭ ﺧﺸﺎ ﻳﺪﻳﻪ ﻣﻦ ﺗﺤﺖ ﺧﺼﺮﻫﺎ ﺟﺮﻫﺎ ﻟﻌﻨﺪﻭ ... ﺧﺸﺎ ﺭﺍﺳﻮ ﻓﻌﻨﻘﻬﺎ ﻭ ﻏﻤﺾ ﻋﻨﻴﻪ .... ﻭ ﺑﺴﺮﻋﺔ ﻏﻔﻰ ﻭ ﻫﻲ ﻓﺤﻀﻨﻮ ...
ﺑﻌﺪ ﺑﺰﻭﻍ ﺍﻟﻔﺠﺮ ﻭ ﺗﺴﻠﻞ ﺍﻟﻀﻮﺀ ... ﺣﻼﺕ ﺟﻮﻻﻥ ﻋﻨﻴﻬﺎ ﻭ ﺣﺎﺳﺔ ﺑﺄﻟﻢ ﻃﻔﻴﻒ ﻓﺮﺍﺳﻬﺎ ... ﺑﻐﺎﺕ ﺗﻘﻠﺐ ﻟﻠﺠﻬﺔ ﻻﺧﺮﻯ ﻭ ﻫﻲ ﺗﺤﺲ ﺑﺸﻲ ﺣﺎﺟﺔ ﺭﺑﻄﺎﻫﺎ ... ﻧﺰﻻﺕ ﻋﻨﻴﻬﺎ ﻭ ﻫﻲ ﺗﺒﺎﻥ ﻟﻴﻬﺎ ﺫﺭﺍﻉ ﺭﺋﺒﺎﻝ ﺍﻟﻲ ﻣﻠﺘﻔﺔ ﺣﻮﻝ ﺧﺼﺮﻫﺎ ... ﺣﻄﺎﺕ ﻳﺪﻫﺎ ﻋﻠﻰ ﺩﺭﺍﻋﻮ ﻛﺘﻤﺮﺭ ﺻﺒﺎﻋﻬﺎ ﺑﻠﻄﻒ ﻭ ﺍﺑﺘﺴﺎﻣﺔ ﻣﺮﺳﻮﻣﺔ ﻋﻠﻰ ﺷﻔﺎﻳﻔﻬﺎ ...
ﺗﺤﺮﻛﺎﺕ ﺑﺸﻮﻳﺔ ﻭ ﺗﻘﻠﺒﺎﺕ ﻋﻨﺪﻭ ... ﻫﺰﺍﺕ ﻋﻨﻴﻬﺎ ﻛﺘﺄﻣﻞ ﻓﻮﺟﻬﻮ ﻭ ﻫﻮ ﻧﺎﻋﺲ ﺑﺮﺍﺣﺔ ... ﻣﺪﺍﺕ ﻳﺪﻫﺎ ﻛﺘﺮﺟﻊ ﺷﻌﺮﻭ ﺍﻟﻠﻮﺭ ... ﻣﺮﺭﺍﺕ ﺻﺒﻌﻬﺎ ﻋﻠﻰ ﺣﺎﺟﺒﻮ ﺍﻟﻜﺜﻴﻒ ﻭ ﻋﻠﻰ ﺷﻔﺎﺭ ﻋﻨﻴﻪ ... ﺩﻭﺯﺍﺕ ﺳﺒﺎﺑﺘﻬﺎ ﻋﻠﻰ ﻧﻴﻔﻮ ﻭﺻﻮﻻ ﻟﺸﻔﺘﻮ ...
ﻋﻀﺎﺕ ﻋﻠﻰ ﺷﻔﺘﻬﺎ ﻟﺘﺤﺘﺎﻧﻴﺔ ﻭ ﻫﻲ ﻛﺘﻤﺮﺭ ﺻﺒﻌﻬﺎ ﻋﻠﻴﻬﻢ ... ﺭﻓﻌﺎﺕ ﺭﺍﺳﻬﺎ ﺷﻮﻳﺔ ﻭ ﺣﻄﺎﺕ ﺷﻔﺎﻳﻔﻬﺎ ﻋﻠﻰ ﺷﻔﺎﻳﻔﻮ ﻃﺒﻌﺎﺕ ﻗﺒﻠﺔ ﺣﻨﻴﻨﺔ ... ﺑﻐﺎﺕ ﺗﺒﻌﺪ ﻭ ﻫﻲ ﺗﺤﺲ ﺑﻴﺪﻭ ﺍﻟﻲ ﻣﺤﺎﻭﻃﺔ ﺧﺼﺮﻫﺎ ﺯﻳﺮﺍﺕ ﻋﻠﻴﻬﺎ ... ﺗﺤﺮﻙ ﻓﺠﺄﺓ ﻭ ﺩﻓﻌﻬﺎ ﺣﺘﻰ ﺗﺴﻄﺤﺎﺕ ﻓﻮﻕ ﺍﻟﺴﺮﻳﺮ ... ﺗﻜﻰ ﻋﻠﻴﻬﺎ ﻭ ﻫﺠﻢ ﻋﻠﻰ ﺷﻔﺎﻳﻔﻬﺎ ...
ﺑﻐﺎﺕ ﺗﻬﻀﺮ ﻣﺎﺧﻼﺵ ﻟﻴﻬﺎ ﺍﻟﻔﺮﺻﺔ ... ﺍﺳﺘﺎﻣﺮ ﻓﺘﻘﺒﻴﻠﻬﺎ ﺑﺤﺮﺍﺭﺓ ﺣﺘﻰ ﺗﻘﻄﻌﻮ ﺃﻧﻔﺎﺳﻬﺎ ... ﻛﻴﻒ ﻟﻘﺎﺕ ﻟﻔﺮﺻﺔ ﻫﻤﺴﺎﺕ ﻣﺎ ﺑﻴﻦ ﺷﻔﺎﻳﻔﻮ ...