السفاح العاشق

بارت 62

🍁🍁 ﻳﻮﻡ ﺟﺪﻳﺪ ...
ﻓﺎﻗﺖ ﺟﻮﻻﻥ ﻋﻠﻰ ﺃﺷﻌﺔ ﺍﻟﺸﻤﺲ ﺍﻟﻲ ﺗﺴﻼﺕ ﻟﻐﺮﻓﺘﻬﺎ ... ﻧﺎﺿﺖ ﻣﺘﺤﻤﺴﺔ ﻭ ﻓﺮﺣﺎﻧﺔ ﺟﺒﺪﺍﺕ ﺷﻨﻮ ﻏﺘﻠﺒﺲ ﻟﺨﺪﻣﺔ ﺣﻄﺎﺗﻬﻢ ﻓﻮﻕ ﺳﺮﻳﺮﻫﺎ ... ﻋﺎﺩ ﺗﻮﺟﻬﺎﺕ ﻟﺤﻤﺎﻡ ﻏﺴﻼﺕ ﻭﺟﻬﺎ ﻭ ﻫﺒﻄﺎﺕ ﺑﺎﺵ ﺗﻔﻄﺮ ... ﭼﻠﺴﺎﺕ ﺟﻨﺐ ﻣﻬﺎ ﻛﺘﺎﻛﻞ ﻭ ﺳﺎﻫﻴﺔ ﺣﺘﻰ ﺳﻮﻻﺗﻬﺎ ﺣﻔﻴﻀﺔ ...
ﺣﻔﻴﻀﺔ : ﻣﺰﺍﻝ ﺍﺑﻨﺘﻲ ﻣﺘﺎﻓﻘﺘﻮ ﻋﻠﻰ ﺍﻟﺼﺪﺍﻕ ؟
ﺟﻮﻻﻥ : " ﺑﺈﺣﺮﺍﺝ " ﺳﻮﻟﻨﻲ ﻟﺒﺎﺭﺡ ... ﻗﻠﺖ ﻟﻴﻪ ﺑﻐﻴﺖ ﺍﻟﻌﺎﻭﺩ ﺩﻳﺎﻟﻮ ﻭ ﻋﻄﺎﻩ ﻟﻴﺎ " ﻋﻈﺎﺕ ﻋﻠﻰ ﻟﺴﺎﻧﻬﺎ "
ﺣﻔﻴﻀﺔ : ﻫﻬﻬﻬﻪ ... ﻫﺒﻴﻠﺔ
ﺟﻮﻻﻥ : ﺍﻟﺼﺮﺍﺣﺔ ﻣﺎﺑﻐﻴﺘﺶ ﻓﻠﻮﺱ
ﺣﻔﻴﻀﺔ : ﻫﻮ ﺧﺎﺻﺎﻙ ﺷﺤﺎﻝ ﻣﻦ ﺣﺎﺟﺔ ... ﻭ ﻟﻜﻦ ﻣﺎﻋﻠﻴﺶ
ﺟﻮﻻﻥ : ﻣﺎﻣﺎ ﺃﻧﺎ ﻣﺎﺑﻐﻴﺖ ﻭﺍﻟﻮ ... ﻭ ﺣﺘﻰ ﺍﻟﻌﺮﺱ ﻣﻜﻨﻔﻜﺮﺵ ﻧﺪﻳﺮﻭ
ﺣﻔﻴﻀﺔ : ﻭ ﻟﻜﻦ ﺿﺮﻭﺭﻱ ﻧﺪﻳﺮﻭ ﺷﻲ ﺣﺎﺟﺔ ... ﻭﺍﺧﺔ ﻧﻌﻴﻄﻮ ﻏﻴﺮ ﻋﻠﻰ ﺍﻟﺠﻴﺮﺍﻥ ﻭ ﺍﻟﻨﺎﺱ ﺍﻟﻲ ﻛﻨﻌﺮﻓﻮ
ﺇﺑﺮﺍﻫﻴﻢ : " ﻭﺍﻗﻒ ﻋﻨﺪ ﻟﺒﺎﺏ " ﻭ ﺑﺎﺵ ﻏﺎﺩﻳﺮﻱ ﻭ ﻫﻲ ﻣﺸﺎﺩﺓ ﺣﺘﻰ ﺭﻳﺎﻝ
ﺿﺎﺭﻭ ﺑﺠﻮﺝ ﺷﺎﻓﻮ ﻓﻴﻪ ... ﻛﺎﻥ ﺑﺎﻳﻦ ﻋﻠﻰ ﻭﺟﻬﻮ ﻣﺎﻋﺠﺒﻮﺵ ﺩﺍﻛﺸﻲ ﺍﻟﻲ ﺳﻤﻊ ... ﺟﻮﻻﻥ ﻭﺍﺧﺔ ﻣﺎﻛﻤﻼﺗﺶ ﻓﻄﻮﺭﻫﺎ ﻧﺎﺿﺖ ﻭ ﻃﻠﻌﺎﺕ ﻟﻔﻮﻕ .. ﺩﺧﻞ ﺟﻠﺲ ﺳﻜﺘﺎﺕ ﺣﻔﻴﻀﺔ ﺣﺘﻰ ﻋﻴﺎﺕ ﻭ ﻫﻲ ﺗﻨﻄﻖ ...
ﺣﻔﻴﻀﺔ : ﻋﻼﺵ ﻗﺎﻳﻞ ﺩﻳﻚ ﺍﻟﻬﻀﺮﺓ ﻗﺪﺍﻡ ﺍﻟﺒﻨﺖ ... ﺷﻔﺘﻴﻬﺎ ﻫﻲ ﻣﻄﺎﻟﺒﺔ ﻭﺍﻟﻮ ﻭ ﻣﺘﻔﻬﻤﺔ ﻭﺿﻌﻨﺎ ... ﻭ ﻧﺘﻰ ﺯﺍﻳﺪﻫﺎ ﺑﺪﺍﻙ ﺍﻟﻜﻼﻡ
ﺇﺑﺮﺍﻫﻴﻢ : ﻣﺘﻔﻬﻤﺔ ﻭ ﻋﻼﺵ ﻣﺎﺧﺪﺍﺗﺶ ﺍﻟﺼﺪﺍﻕ ﺩﻳﺎﻟﻬﺎ ... ﺑﻘﺎﺕ ﻓﺎﻟﺒﺦ ﺍﻟﻌﺎﻭﺩ ﻏﺘﺎﻛﻠﻮ
ﺣﻔﻴﻀﺔ : ﺩﺍﻛﺸﻲ ﺑﻴﻨﻬﺎ ﻭ ﺑﻴﻨﻮ ... ﺍﺗﺎﻓﻘﻮ ﺑﻴﻨﺎﺗﻬﻢ ﺍﻟﻠﻪ ﻳﻌﺎﻭﻧﻬﻢ ... ﻭ ﻫﻮ ﺃﻛﻴﺪ ﻣﻐﺎﺩﻳﺶ ﻳﺨﻠﻴﻬﺎ ﺑﻼﺵ ... ﻟﻜﻦ ﻭﺍﺟﺐ ﻋﻠﻴﻨﺎ ﻧﺪﻳﺮﻭ ﺩﻭﺭﻧﺎ ﺣﺘﻰ ﺣﻨﺎ
ﺇﺑﺮﺍﻫﻴﻢ : ﺍﻟﻴﻮﻡ ﻏﻴﺠﻲ ﻋﻨﺪﻧﺎ ... ﺩﻳﺮﻱ ﺷﻲ ﻏﺪﺍ ﺯﻭﻳﻦ
ﺣﻔﻴﻀﺔ : ﺑﻠﻤﺎ ﺗﺠﺒﺪ ﻣﻌﺎﻩ ﺍﻟﻬﻀﺮﺓ ﻋﻠﻰ ﺍﻟﺼﺪﺍﻕ ﻣﺰﺍﻝ ... ﻧﻮﺽ ﺃﻧﺎ ﻧﺠﻤﻊ ﺍﻟﺪﺍﺭ ﻭ ﻧﺨﺮﺝ ﻧﺘﻘﺪﺍ
ﻟﺒﺴﺎﺕ ﺟﻮﻻﻥ ﺣﻮﺍﻳﺠﻬﺎ ﻭ ﻫﺒﻄﺎﺕ ... ﺩﺧﻼﺕ ﻟﻜﻮﺯﻳﻨﺔ ﻋﻨﺪ ﻣﻬﺎ ...
ﺟﻮﻻﻥ : ﻣﺎﻣﺎ ﻫﺎﻧﻲ ﻣﺸﻴﺖ
ﺣﻔﻴﻀﺔ : ﻭﺍﺧﺔ ﺍﺑﻨﺘﻲ ... " ﻛﺎﻧﺖ ﺟﻮﻻﻥ ﺧﺎﺭﺟﺔ ﻭﻗﻔﺎﺗﻬﺎ " ﺟﻮﻻﻥ
ﺟﻮﻻﻥ : ﺍﻣﻤﻢ
ﺣﻔﻴﻀﺔ : ﻣﺎﺗﺪﻳﺶ ﻋﻠﻰ ﻫﻀﺮﺓ ﺑﺎﻙ ... ﻭﺍﺧﺔ ﺍﺑﻨﺘﻲ !
ﺟﻮﻻﻥ : " ﻗﺮﺑﺎﺕ ﻋﻨﺪ ﻣﻬﺎ ﻭ ﺍﺑﺘﺎﺳﻤﺎﺕ " ﻋﺎﺭﻓﺔ ... " ﺷﺎﻓﺖ ﺍﻟﻜﻮﺯﻳﻨﺔ ﻣﻘﺮﺑﻠﺔ " ﺷﻨﻮ ﻛﺪﻳﺮﻱ ؟
ﺣﻔﻴﻀﺔ : ﺍﻭﻯ ﺍﻟﻨﺴﻴﺐ ﻏﻴﺠﻲ ﺿﺮﻭﺭﻱ ﻧﻮﺟﺪ ﻏﺪﺍ ﻋﻠﻰ ﺣﻘﻮ ﻭ ﻃﺮﻳﻘﻮ ... ﻛﻨﻘﺎﺩ ﻫﺎﺩﺷﻲ ﻟﻜﺴﻜﺮﻭﻁ ... ﻭ ﻏﻨﺨﺮﺝ ﻧﺠﻴﺐ ﺍﻟﺪﺟﺎﺝ ﻭ ﺍﻟﺨﻀﺮﺓ
ﺟﻮﻻﻥ : ﻫﺎﺩﺷﻲ ﻋﻠﻰ ﻗﺒﻠﻮ
ﺣﻔﻴﻀﺔ : ﻻ ... ﻋﻠﻰ ﻗﺒﻠﻚ ... ﺍﻟﻲ ﻳﺘﻬﻠﻰ ﻓﺒﻨﺘﻲ ﻭ ﻳﺤﻤﻴﻬﺎ ... ﻧﻬﺰﻭ ﻓﻮﻕ ﺭﺍﺳﻲ
ﺟﻮﻻﻥ : " ﻋﻨﻘﺎﺗﻬﺎ " ﺍﻟﻠﻪ ﻳﺨﻠﻴﻚ ﻟﻴﺎ
ﺣﻔﻴﻀﺔ : ﺑﻌﺪﻱ ﻻ ﺗﻌﻤﺮﻱ ﺣﻮﺍﻳﺠﻚ
ﺟﻮﻻﻥ : " ﺑﺎﺳﺘﻬﺎ ﻓﺨﺪﻫﺎ " ﻫﺎﻧﻲ ﻣﺸﻴﺖ
ﺧﺮﺟﺎﺕ ﺟﻮﻻﻥ ﻭ ﺷﺪﺍﺕ ﻃﺎﻛﺴﻲ ﻟﻠﺸﺮﻛﺔ ... ﺗﻤﺎﺕ ﺩﺍﺧﻠﺔ ﻭ ﺍﻟﻲ ﺗﺼﺎﺩﻓﺎﺕ ﻣﻌﺎﻩ ﻛﻴﺒﻘﻰ ﻳﺸﻮﻑ ﻓﻴﻬﺎ ... ﺣﺘﻰ ﺍﻟﻲ ﻣﺤﻀﺮﻭﺵ ﻟﻠﺤﻔﻞ ﻭﺻﻠﻬﻢ ﺍﻟﺨﺒﺮ ... ﺍﻟﻲ ﺩﺍﺯﺕ ﻣﻦ ﺣﺪﺍﻩ ﻛﺘﻠﻘﻲ ﻋﻠﻴﻪ ﺍﻟﺘﺤﻴﺔ ... ﻛﺎﻳﻦ ﺍﻟﻲ ﻛﻴﺮﺩﻫﺎ ﻛﺎﻳﻦ ﺍﻟﻲ ﻻ ... ﻃﻠﻌﺎﺕ ﻟﻤﻜﺘﺒﻬﺎ ﻛﻴﻒ ﺩﺧﻼﺕ ﻭ ﻫﻲ ﺗﺴﻤﻊ ﻟﺒﺎﺏ ﺗﺮﺩﺥ ... ﺿﺎﺭﺕ ﻟﻘﺎﺗﻬﺎ ﺯﻳﻨﺐ ﺍﻟﺮﻋﺪﺓ ...
ﺯﻳﻨﺐ : ﺍﺥ ﺗﻔﻮﻭﻭ ﻋﻠﻰ ﺯﻫﺮ ﻋﻨﺪﻱ ... ﻓﻠﺖ ﻋﻠﻴﺎ ﻣﺸﻬﺪ ﺣﺴﻦ ﻣﻦ ﻣﺴﺮﺣﻴﺔ ﺷﻴﻜﺴﺒﻴﺮ
ﺟﻮﻻﻥ : ﺑﺎﺳﻢ ﺍﻟﻠﻪ ﻋﻠﻴﻚ
ﺯﻳﻨﺐ : ﻭﺍﺵ ﺃﻧﺎ ﻣﻨﺤﻮﺳﺔ ﺣﺘﻰ ﻣﻨﺸﻮﻓﺶ ﺍﻟﻤﺪﻳﺮ ﻛﻴﻌﻠﻦ ﻋﻠﻰ ﻋﻼﻗﺘﻜﻢ ﻗﺪﺍﻡ ﺍﻟﻌﺪﻳﺎﻥ
ﺟﻮﻻﻥ : " ﺍﺑﺘﺎﺳﻤﺎﺕ " ﺇﻧﺎ ﻋﺪﻳﺎﻥ ﺣﺘﻰ ﻧﺘﻲ
ﺯﻳﻨﺐ : ﺷﻮﻑ ﻛﻴﻒ ﻛﺘﻔﺮﻧﺲ ... ﺩﺧﻠﻚ ﺍﻟﺤﺐ ﺍﻟﺰﻏﺒﻴﺔ ... ﺯﻭﻳﻦ ﻳﺎﻙ ﺯﻭﻳﻦ
ﺟﻮﻻﻥ : ﺷﻨﻮ ﻫﻮ !
ﺯﻳﻨﺐ : " ﻣﻴﻘﺎﺕ ﻓﻴﻬﺎ " ﺩﺍﻙ ﺍﻹﺣﺴﺎﺱ ﺍﻟﻲ ﻛﻴﻬﺮ ﻓﺎﻟﻤﻌﺪﺓ
ﺟﻮﻻﻥ : " ﺟﻠﺴﺎﺕ ﻓﺎﻟﻤﻜﺘﺐ ﻭ ﺣﻼﺕ ﻟﺒﻴﺴﻲ " ﻣﺎﻋﺮﻓﺖ ﻋﻼﺵ ﻛﺘﻬﻀﺮﻱ
ﺯﻳﻨﺐ : ﻛﺘﻔﻘﺼﻲ ﻭ ﺍﻟﻠﻪ ... ﻋﻠﻰ ﺍﻱٍ ﻣﺒﺮﻭﻭﻭﻭﻙ ﻋﻠﻴﻚ ... ﻭ ﻟﻌﻘﺒﺔ ﻟﻴﺎ
ﺟﻮﻻﻥ : ﺍﻟﻌﻘﺒﺔ ﻟﻴﻚ ... ﻭﺍﺧﺔ ﺣﺎﺳﺔ ﺑﻠﻲ ﻣﺨﺒﻴﺔ ﻋﻠﻴﺎ ﺷﻲ ﺣﺎﺟﺔ
ﺯﻳﻨﺐ : ﻗﺸﻌﺘﻴﻨﻲ ﻳﺎﻙ ... ﻣﻦ ﺑﻌﺪ ﻭ ﻧﻌﺎﻭﺩ ﻟﻴﻚ ﻛﻠﺸﻲ ... ﻧﻮﺽ ﻟﺨﺪﻣﺘﻲ ... ﻭﺍﺧﺔ ﺻﺎﺣﺒﺔ ﺧﻄﻴﺒﺔ ﻣﻮﻝ ﺍﻟﺸﻲﺀ ﻣﺎﻧﻀﻤﺘﺶ ﺭﺍﺳﻲ
ﺟﻮﻻﻥ : " ﻛﻀﺤﻚ " ﺍﻟﻠﻪ ﻳﺴﺘﺮ
ﺯﻳﻨﺐ : ﺷﺘﻲ ﻧﺘﻲ ﻭ ﺍﻟﻠﻪ ﺣﺘﻰ ﻏﺎﺭﻗﺔ ... ﻏﻴﺮ ﻛﻨﺠﺒﺪ ﺳﻴﺮﺗﻮ ﻛﺘﺰﻧﮕﻲ ﺑﺤﺎﻝ ﻣﻄﻴﺸﺔ " ﻏﺎﺩﺓ ﺟﻬﺔ ﺍﻟﺒﺎﺏ " ﻓﺮﺣﺖ ﻟﻴﻚ ﺍﺿﻬﺼﻴﺼﺘﻲ
ﻫﺒﻄﺎﺕ ﺯﻳﻨﺐ ﻟﻤﻜﺘﺒﻬﺎ ﻭ ﺟﻮﻻﻥ ﺑﻘﺎﺕ ﺧﺪﺍﻣﺔ ... ﻭﺻﻼﺕ ﺍﺳﺘﺮﺍﺣﺔ ﺍﻟﻐﺪﺍ ﻭ ﻫﻮ ﻳﺼﻮﻧﻲ ﻟﻴﻬﺎ ﺍﻟﻔﻴﻜﺲ ...
ﺟﻮﻻﻥ : ﻭﻱ
ﺭﺋﺒﺎﻝ : ﺁﺟﻲ ﻋﻨﺪﻱ ﻟﻠﻤﻜﺘﺐ
ﺟﻮﻻﻥ : ﺍﻩ ﻭﺍﺧﺔ
ﺧﺮﺟﺎﺕ ﻭ ﺗﻮﺟﻬﺎﺕ ﻟﻤﻜﺘﺐ ﺭﺋﺒﺎﻝ ... ﺩﻗﺎﺕ ﻗﺒﻞ ﻣﺎﺗﺤﻞ ﻟﺒﺎﺏ ... ﺑﺎﻥ ﻟﻴﻬﺎ ﭼﺎﻟﺲ ﻭ ﺑﺎﻳﻨﺔ ﻓﻴﻪ ﻣﺸﻐﻮﻝ ... ﻫﺰ ﺭﺍﺳﻮ ﻭ ﺷﺎﺭ ﻟﻴﻬﺎ ﺗﺪﺧﻞ ...
ﺭﺋﺒﺎﻝ : ﺟﻠﺴﻲ ﺑﻤﺎ ﺳﺎﻟﻴﺖ ﺷﻲ ﺧﺪﻣﺔ ﻭ ﻧﻤﺸﻴﻮ
ﺟﻮﻻﻥ : ﺍﻭﻛﻲ
ﺟﻠﺴﺎﺕ ﻓﻮﻕ ﺍﻟﻔﻮﻃﻮﻱ ﻛﺘﺸﻮﻑ ﻗﺪﺍﻣﻬﺎ ﻭ ﺗﻠﻌﺐ ﻓﻴﺪﻳﻬﺎ ... ﻫﺰ ﺭﺋﺒﺎﻝ ﻋﻨﻴﻪ ﻣﻦ ﻭﺳﻂ ﺍﻟﻮﺭﺍﻕ ﻭ ﺷﺎﻑ ﻓﻴﻬﺎ ... ﻋﺎﻭﺩ ﺭﺟﻊ ﻣﺮﻛﺰ ﻓﺪﺍﻛﺸﻲ ﺍﻟﻲ ﻗﺪﺍﻣﻮ ﻭ ﻣﺮﺓ ﻣﺮﺓ ﻳﻠﻘﻰ ﺭﺍﺳﻮ ﻛﻴﺸﻮﻑ ﻓﻴﻬﺎ ... ﺟﻮﻻﻥ ﻛﺘﻠﻌﺐ ﻓﺎﻟﺨﺎﺗﻢ ﺗﺬﻛﺮﺍﺕ ﺷﻲ ﺣﺎﺟﺔ ﻭ ﻫﻲ ﺗﻠﻔﺖ ﺟﻬﺘﻮ ... ﺷﺎﻓﺖ ﻓﻴﺪﻭ ﻟﻴﺴﻴﺮﻳﺔ ﺑﺎﻥ ﻟﻴﻬﺎ ﻣﻼﺑﺲ ﺣﺘﻰ ﺧﺎﺗﻢ ... ﺭﺟﻌﺎﺕ ﻛﺘﺸﻮﻑ ﻓﻴﺪﻳﻬﺎ ﺣﺘﻰ ﺑﺎﻥ ﻟﻴﻬﺎ ﻧﺎﺽ ...
ﺭﺋﺒﺎﻝ : ﻳﺎﻻﻩ
ﺟﻮﻻﻥ : ﺍﻧﻤﺸﻲ ﻧﺠﻴﺐ ﺻﺎﻛﻲ
ﺭﺋﺒﺎﻝ : ﻏﻨﺴﻴﻔﻂ ﺍﻟﻲ ﻳﺠﻴﺒﻮ
ﺧﺮﺟﻮ ﻣﻦ ﺍﻟﻤﻜﺘﺐ ﻭ ﺭﺋﺒﺎﻝ ﻫﺰ ﻟﻔﻮﻥ ﻋﻴﻂ ﻋﻠﻰ ﺑﻬﺎﺀ ... ﻗﻄﻊ ﻭ ﺩﺍﺭ ﻟﻘﻰ ﺟﻮﻻﻥ ﺗﺎﺑﻌﺎﻩ ﻣﻦ ﺍﻟﻠﻮﺭ ... ﻭﻗﻒ ﺣﺘﻰ ﻭﺻﻼﺕ ﻋﻠﻴﻪ ... ﺷﺪ ﻓﻴﺪﻫﺎ ﻭ ﺟﺮﻫﺎ ﻣﻌﺎﻩ ... ﻫﺒﻄﻮ ﻓﺎﻟﻤﺼﻌﺪ ﻭ ﺧﺮﺟﻮ ﻣﻦ ﺍﻟﺸﺮﻛﺔ ... ﺣﻞ ﻟﻴﻬﺎ ﺍﻟﺒﺎﺏ ﻃﻠﻌﺎﺕ ﻭ ﻫﻮ ﻳﺘﻢ ﺟﺎﻱ ﺑﻬﺎﺀ ... ﻣﺪ ﻟﻴﻪ ﺻﺎﻙ ﺟﻮﻻﻥ ...
ﺭﺋﺒﺎﻝ : ﻋﺎﺭﻑ ﻋﻼﺵ ﻛﺘﻘﻮﻡ ﺑﺤﺎﻝ ﻫﺎﺩ ﺍﻟﻤﻬﺎﻡ
ﺑﻬﺎﺀ : " ﺍﻟﺼﻤﺖ "
ﺭﺋﺒﺎﻝ : ﺑﺎﺵ ﻣﺮﺓ ﺃﺧﺮﻯ ﺗﺴﻴﻔﻂ ﻟﻬﺎﺩﻳﻚ ﺷﻲ ﺣﺎﺟﺔ ... ﺑﻬﺎﺀ ﺟﻤﻊ ﺭﺍﺳﻚ " ﺣﻞ ﺑﺎﺏ ﺍﻟﻠﻮﻃﻮ ﻭ ﻃﻠﻊ "
ﻏﺎﺩﺓ ﺣﻔﻴﻀﺔ ﺟﻨﺐ ﺍﻟﻄﺮﻳﻖ ﻻﺑﺴﺔ ﺟﻼﺑﺔ ﺧﻀﺮﺍ ﻭ ﻓﻮﻻﺭ ... ﻫﺎﺯﺓ ﻗﻔﺔ ﺩﻳﺎﻝ ﺍﻟﺪﻭﻡ ﻋﺎﻣﺮﺓ ﺣﺘﺎﻝ ﻟﻔﻮﻕ ... ﻣﺎﺧﻼﺕ ﻣﺎﺷﺮﺍﺕ ﻣﻦ ﻓﺮﺣﺘﻬﺎ ... ﻛﻴﻒ ﺷﺎﻓﺖ ﺭﺋﺒﺎﻝ ﻛﻴﻒ ﻛﻴﺘﻌﺎﻣﻞ ﻣﻊ ﺑﻨﺘﻬﺎ ﻃﻤﺄﻧﺎﺕ ﻣﻦ ﺟﻬﺘﻬﺎ ... ﺧﺎﺻﺔ ﺍﻟﻲ ﺩﺍﺭ ﻣﻌﻬﺎ ﺣﺘﻰ ﻗﺒﻞ ﻣﺎﺗﻜﻮﻥ ﺑﻴﻨﺎﺗﻬﻢ ﺷﻲ ﺣﺎﺟﺔ ... ﺑﺎﺭﻛﺔ ﻋﻠﻴﻬﺎ ﻏﻴﺮ ﻓﺎﺵ ﺷﺎﻓﺖ ﻓﺮﺣﺔ ﺑﻨﺘﻬﺎ ﺑﻌﺪ ﻛﻞ ﺍﻟﻲ ﺩﺍﺯ ﻋﻠﻴﻬﺎ ... ﻭ ﺑﻐﺎﺕ ﺩﻳﺮ ﺟﻬﺪﻫﺎ ﺑﺎﺵ ﻣﺘﻘﺼﺮﺵ ﺣﺘﻰ ﺗﻤﺸﻲ ﻋﻨﺪﻭ ...
ﻭﻗﻔﺎﺕ ﻛﺘﺸﻮﻑ ﻳﻤﻴﻦ ﻭ ﺷﻤﺎﻝ ﺑﺎﺵ ﺗﻘﻄﻊ ﺍﻟﺸﺎﻧﻄﻲ ... ﺑﺎﻥ ﻟﻴﻬﺎ ﺧﺎﻭﻱ ﻭ ﻫﻲ ﺗﻢ ﻗﺎﻃﻌﺔ ... ﻣﻦ ﺑﻌﻴﺪ ﺟﺎﻳﺔ ﺳﻴﺎﺭﺓ ﺳﻮﺩﺍﺀ ﺑﺄﻗﺼﻰ ﺳﺮﻋﺔ ... ﻣﻊ ﺩﻭﺭﺍﺕ ﺣﻔﻴﻀﺔ ﻭﺟﻬﺎ ﻛﺎﻥ ﻓﺎﺕ ﻟﻔﻮﺕ ... ﺿﺮﺑﺎﺗﻬﺎ ﺣﺘﻰ ﺗﻬﺰﺍﺕ ﻟﻔﻮﻕ ﻭ ﺗﺮﺩﺧﺎﺕ ﻣﻊ ﻟﺮﺽ ... ﺍﻟﺴﻴﺎﺭﺓ ﺩﻳﻤﺎﺭﺍﺕ ﻭ ﺯﺍﺩﺕ ﻣﺨﻠﻴﺔ ﺣﻔﻴﻀﺔ ﻣﻨﺸﻮﺭﺓ ﻭﺳﻂ ﺍﻟﺸﺎﻧﻄﻲ ﻛﻠﻬﺎ ﺩﻣﺎﻳﺎﺕ ... ﺍﻟﻘﻔﺔ ﻣﻠﻴﻮﺣﺔ ﺟﻨﺒﻬﺎ ﻭ ﺍﻟﺨﻀﺮﺓ ﻣﺸﺘﺘﺔ ﻓﻜﻞ ﻣﻜﺎﻥ ...
ﺳﺎﻳﻖ ﺭﺋﺒﺎﻝ ﻭ ﺟﻮﻻﻥ ﺑﺠﻨﺒﻮ ... ﻛﺎﻧﺖ ﺍﻟﺴﻌﺎﺩﺓ ﺑﺎﻳﻨﺔ ﻓﻌﻨﻴﻬﺎ ... ﻣﻦ ﺟﻬﺔ ﺃﻥ ﻋﻼﻗﺘﻬﺎ ﺑﺪﺍﺕ ﻛﺘﻮﻃﺪ ﺑﺮﺋﺒﺎﻝ ... ﻭ ﺣﺘﻰ ﻗﺪﻭﻣﻮ ﻟﺪﺍﺭﻫﻢ ﺍﻟﻴﻮﻡ ﺑﺎﺵ ﻳﺘﻐﺪﺍ ﻣﻊ ﻭﺍﻟﺪﻳﻬﺎ ﺧﻼﻫﺎ ﺗﺰﻳﺪ ﺗﻔﺮﺡ ... ﻋﺎﺭﻓﺔ ﺷﺤﺎﻝ ﻣﺸﻐﻮﻝ ﻟﻜﻦ ﺧﺼﺺ ﻭﻗﺖ ﺑﺎﺵ ﻳﺠﻲ ... ﺗﻔﻜﺮﺍﺕ ﻣﺎﻣﺎﻫﺎ ﺍﻟﻲ ﺧﻼﺕ ﻣﺸﻐﻮﻟﺔ ﻓﺎﻟﻜﻮﺯﻳﻨﺔ ... ﻫﺰﺍﺕ ﺍﻟﻔﻮﻥ ﻭ ﺳﻴﻔﻄﺎﺕ ﻟﻴﻬﺎ ﻣﻴﺴﺎﺝ ...
💬 " ﻣﺎﻣﺎ ﻫﺎﺣﻨﺎ ﺟﺎﻳﻴﻦ ﻓﺎﻟﻄﺮﻳﻖ ... ﻟﺒﺎﻗﺔ ﺷﻲ ﺣﺎﺟﺔ ﺧﻠﻲ ﺣﺘﻰ ﻧﺠﻲ ﺑﻠﻤﺎ ﺗﺠﻬﺪﻱ ﻋﻠﻰ ﺭﺍﺳﻚ .. "
ﺳﻴﻔﻄﺎﺗﻮ ﺭﺟﻌﺎﺕ ﻟﻔﻮﻥ ﻟﺼﺎﻛﻬﺎ ﻭ ﻫﺰﺍﺕ ﺭﺃﺳﻬﺎ ... ﺑﺎﻥ ﻟﻴﻬﺎ ﺭﺋﺒﺎﻝ ﻭﺍﻗﻒ ﺟﻨﺐ ﻟﭙﻼﺯﺍ ... ﺩﺍﺭﺕ ﻋﻨﺪﻭ ﻛﺘﺸﻮﻑ ﻓﻴﻪ ﺑﺎﺳﺘﻔﻬﺎﻡ ...
ﺭﺋﺒﺎﻝ : " ﺣﻴﺪ ﺣﺰﺍﻡ ﺍﻷﻣﺎﻥ " ﻫﺒﻄﻲ ﺧﺎﺹ ﻧﺎﺧﺪ ﺷﻲ ﺣﺎﺟﺔ
ﻫﺒﻂ ﺭﺋﺒﺎﻝ ﻭ ﺗﺒﻌﺎﺗﻮ ﺟﻮﻻﻥ ... ﺩﺧﻠﻮ ﻷﺣﺪ ﻣﺘﺎﺟﺮ ﺍﻟﻤﺠﻮﻫﺮﺍﺕ ﺍﻟﻜﺒﻴﺮﺓ ﺍﻟﻲ ﻓﺎﻟﻤﻨﻄﻘﺔ ... ﻫﻮ ﻏﺎﺩﻱ ﺧﺎﺷﻲ ﻳﺪﻭ ﻓﺠﻴﺒﻮ ﻭ ﺟﻮﻻﻥ ﺟﻨﺒﻮ ﻣﻮﺧﺮﺓ ﺷﻮﻳﺔ ... ﺗﻮﺟﻪ ﺭﺋﺒﺎﻝ ﻟﻌﻨﺪ ﺍﻹﺳﺘﻘﺒﺎﻝ ﻓﻴﻦ ﻛﺎﻳﻨﻴﻦ ﺟﻮﺝ ﺑﻨﺎﺕ ﻻﺑﺴﻴﻦ ﻳﻮﻧﻴﻔﻮﺭﻡ ﻓﻴﻪ ﺍﻟﻌﻼﻣﺔ ﺍﻟﺘﺠﺎﺭﻳﺔ ﺩﻳﺎﻝ ﺍﻟﻤﺤﻞ ... ﺗﻘﺪﻣﺎﺕ ﻭﺣﺪﺓ ﻣﺒﺘﺎﺳﻤﺔ ﻭ ﺭﺣﺒﺎﺕ ﺑﻴﻪ ...
ﺍﻟﻤﺴﺎﻋﺪﺓ : ﻣﺮﺣﺒﺎ ﻣﻮﺳﻴﻮ ﺍﻟﻌﺜﻤﺎﻧﻲ
ﺭﺋﺒﺎﻝ : ﺩﺍﻛﺸﻲ ﺍﻟﻲ ﻭﺻﻴﺖ ﻋﻠﻴﻪ ﻭﺟﺪ ؟
ﺍﻟﻤﺴﺎﻋﺪﺓ : ﺃﻛﻴﺪ ﺍﻧﺎ ﻧﺠﻴﺒﻮ ﻟﻴﻚ
ﻣﺸﺎﺕ ﺍﻟﻤﺴﺎﻋﺪﺓ ﺩﺧﻼﺕ ﻟﻮﺍﺣﺪ ﺍﻟﻐﺮﻓﺔ ﻓﺎﻟﺨﻠﻒ ... ﺟﻮﻻﻥ ﻭﺍﻗﻔﺔ ﻛﺘﺸﻮﻑ ﻓﺎﻟﻤﺠﻮﻫﺮﺍﺕ ﻣﻦ ﻭﺭﺍ ﺍﻟﺰﺍﺝ ﺍﻟﻲ ﻣﺎﻟﻴﻦ ﺍﻟﻤﺤﻞ ... ﻣﺒﻬﻮﺭﺓ ﺑﺎﻟﺘﺼﺎﻣﻴﻢ ﻭ ﺍﻟﺘﻨﻮﻉ ﺍﻟﻲ ﻓﻴﻪ ﺣﺎﺟﺔ ﺗﻨﺴﻴﻚ ﻓﻼﺧﺮﻯ ... ﺷﺎﻓﺖ ﻟﺒﻨﺖ ﺭﺍﺟﻌﺔ ﻫﺎﺯﺓ ﻓﻴﺪﻫﺎ ﺑﻮﺍﻃﺔ ﻣﺴﺘﻄﻴﻠﺔ ﻛﺒﻴﺮﺓ ﻭ ﻓﻮﻗﻬﺎ ﻭﺣﺪﺓ ﺃﺧﺮﻯ ﻣﺮﺑﻌﺔ ... ﺗﺒﻌﺎﺗﻬﺎ ﺑﻌﻨﻴﻬﺎ ﺣﺘﻰ ﺷﺎﻓﺘﻬﺎ ﺣﻄﺎﺗﻬﻢ ﻗﺪﺍﻡ ﺭﺋﺒﺎﻝ ... ﺑﺎﻥ ﻟﻴﻬﺎ ﺿﺎﺭ ﺟﻬﺘﻬﺎ ﻭ ﻫﻲ ﺩﻳﺮ ﺭﺍﺳﻬﺎ ﻛﺘﺸﻮﻑ ﻓﺠﻬﺔ ﻻﺧﺮﻯ ...
ﺭﺋﺒﺎﻝ : ﺟﻮﻻﻥ
ﺳﻤﻌﺎﺗﻮ ﻋﻴﻂ ﻋﻠﻴﻬﺎ ﻭ ﻫﻲ ﺿﻮﺭ ﻋﻨﺪﻭ ... ﺷﺎﺭ ﻟﻴﻬﺎ ﺗﻘﺮﺏ ... ﻟﺒﻨﺎﺕ ﺑﺠﻮﺝ ﺣﻮﻟﻮ ﻋﻨﻴﻬﻢ ﻛﻴﺸﻮﻓﻮ ﻓﻴﻬﺎ ... ﻏﻴﺮ ﻭﺻﻼﺕ ﺣﺪﺍﻩ ﺣﻂ ﻳﺪﻭ ﻋﻠﻰ ﻇﻬﺮﻫﺎ ...
ﺍﻟﻤﺴﺎﻋﺪﺓ : " ﻛﺘﺤﻞ ﻟﺒﻮﺍﻃﺔ " ﻟﺒﺎﺭﺡ ﺗﻮﺻﻠﻨﺎ ﺑﻴﻬﻢ ... ﻛﻨﺘﻤﻨﻰ ﻳﻌﺠﺒﻮﻙ ﻭ ﻳﻜﻮﻧﻮ ﻛﻴﻒ ﻃﻠﺒﺘﻲ " ﻟﻤﺤﺎﺕ ﺍﻟﺨﺎﺗﻢ ﺍﻟﻲ ﻓﻴﺪ ﺟﻮﻻﻥ " ﻻ ﻋﺠﺒﻬﺎ ﺍﻟﺨﺎﺗﻢ ﺣﺘﻰ ﺍﻟﻘﻼﺩﺓ ﻏﺘﻌﺠﺒﻬﺎ
ﻛﻴﻒ ﺣﻼﺕ ﻟﺒﻮﺍﻃﺔ ﺧﺮﺟﺎﺕ ﺟﻮﻻﻥ ﻋﻨﻴﻬﺎ ﻓﺎﻟﻘﻼﺩﺓ ﻭ ﺍﻟﺤﻠﻘﺎﺕ ﺍﻟﻲ ﻣﻌﻬﺎ ... ﻣﻊ ﺳﻤﻌﺎﺕ ﺷﻨﻮ ﻗﺎﻟﺖ ﺍﻟﻤﺴﺎﻋﺪﺓ ﺗﻠﻔﺘﺎﺕ ﻋﻨﺪ ﺭﺋﺒﺎﻝ ... ﺍﻟﻲ ﺷﺎﻑ ﺗﻌﺎﺑﻴﺮﻫﺎ ﻭ ﺻﻐﺮ ﻋﻨﻴﻪ ...
ﺭﺋﺒﺎﻝ : ﺍﻟﻘﻼﺩﺓ ﻟﺸﺨﺺ ﺁﺧﺮ
ﺣﺴﺎﺕ ﺟﻮﻻﻥ ﺑﺤﺎﻝ ﻻ ﻃﺮﺷﺘﻴﻬﺎ ... ﻧﺰﻻﺕ ﺭﺍﺳﻬﺎ ﻟﺮﺽ ﺣﺘﻰ ﻏﻄﺎ ﺷﻌﺮﻫﺎ ﻭﺟﻬﺎ ... ﺣﺴﺎﺕ ﺑﺈﺣﺮﺍﺝ ﻗﺪﺍﻣﻬﻢ ﻭ ﻣﺎﻋﺠﺒﻬﺎﺵ ﺍﻟﺤﺎﻝ ... ﻫﻲ ﻣﺎﺑﻐﺎﺕ ﻭﺍﻟﻮ ﻭ ﻟﻜﻦ ﻣﻨﻴﻦ ﻣﺎﺷﻲ ﻟﻴﻬﺎ ﻋﻼﺵ ﺟﺎﻳﺒﻬﺎ ﻣﻌﺎﻩ ﺗﺸﻮﻓﻬﻢ ...
ﺭﺋﺒﺎﻝ : ﻛﻴﻒ ﺟﺎﻭﻙ
ﺟﻮﻻﻥ : " ﻫﺰﺍﺕ ﻓﻴﻪ ﻋﻨﻴﻬﺎ ﻣﻜﻤﺸﺔ ﻓﻤﻬﺎ " ﺯﻭﻳﻨﻴﻦ
ﺭﺋﺒﺎﻝ : " ﻣﺮﺍﻗﺐ ﻣﻼﻣﺤﻬﺎ ﺍﻟﻤﻀﺤﻜﺔ " ﻏﻴﻌﺠﺒﻮﻫﺎ ؟؟
ﺟﻮﻻﻥ : " ﺑﺘﺮﺩﺩ " ﺵ ﺷﻜﻮﻥ ﻫﺎﺩﻱ ؟
ﺭﺋﺒﺎﻝ : ﻣﺎﻣﺎﻙ
ﺯﺍﺩﺕ ﺧﺮﺟﺎﺕ ﻓﻴﻪ ﻋﻨﻴﻬﺎ ... ﺭﺟﻌﺎﺕ ﻛﺘﺸﻮﻑ ﻓﺎﻟﻄﻘﻢ ﺍﻟﻲ ﺑﺎﻳﻦ ﺑﺎﻫﻆ ﺍﻟﺜﻤﻦ ﻭ ﺷﺎﻓﺖ ﻓﺮﺋﺒﺎﻝ ... ﺣﺴﺎﺕ ﺑﺎﻟﻐﺒﺎﺀ ﻭ ﺍﻟﻔﺮﺣﺔ ﻓﻨﻔﺲ ﺍﻟﻮﻗﺖ ... ﻟﺒﻨﺎﺕ ﺍﺑﺘﺎﺳﻤﻮ ﻋﻠﻰ ﺭﺩ ﻓﻌﻠﻬﺎ ﺣﻴﻨﺖ ﻛﺎﻧﻮ ﻣﺘﺒﻌﻴﻦ ﺍﻟﻤﺸﻬﺪ ...
ﺟﻮﻻﻥ : ﺯﻭﻳﻦ ﺑﺰﺍﻑ ... ﻣﻜﺎﻧﺶ ﻋﻠﻴﻚ ﺗﺎﺧﺪﻭ ﻣﺤﺎﻝ ﺗﻘﺒﻠﻮ
ﺭﺋﺒﺎﻝ : ﺗﻘﺒﻠﻮ ﺍﻭﻻ ﻫﺎﺩﺷﻲ ﺑﻴﻨﻲ ﻭ ﺑﻴﻨﻬﺎ " ﺷﺎﻑ ﻓﺎﻟﻤﺴﺎﻋﺪﺓ " ﺟﻤﻌﻴﻪ
ﺍﻟﻤﺴﺎﻋﺪﺓ : ﺣﺘﻰ ﺍﻟﺨﺎﺗﻢ
ﺭﺋﺒﺎﻝ : ﻫﺬﺍ ﻻ
ﻫﺰ ﺍﻟﻌﻠﺒﺔ ﺍﻟﺼﻐﻴﺮﺓ ﺧﺸﺎﻫﺎ ﻓﺠﻴﺒﻮ ... ﺟﻮﻻﻥ ﺭﺟﻊ ﺿﺮﻫﺎ ﺭﺍﺳﻬﺎ ﻟﻤﻦ ﺍﻟﺨﺎﺗﻢ ﻭ ﻋﻼﺵ ﻣﻮﺭﺍﻫﺶ ﻟﻴﻬﺎ ﺑﺤﺎﻝ ﺍﻟﻌﻘﺪ ... ﺑﺪﺍﺕ ﻛﺘﺸﺘﻢ ﻓﺮﺍﺳﻬﺎ ﻋﻠﻰ ﺣﺸﺮﻳﺘﻬﺎ ﺍﻟﺰﺍﻳﺪﺓ ... ﺑﺎﻥ ﻟﻴﻬﺎ ﺧﺪﺍ ﺍﻟﻌﻠﺒﺔ ﻭ ﻣﺪ ﻟﻴﻬﻢ ﻛﺮﻳﺪﻳﺖ ﻛﺎﺭﻁ ... ﺭﺟﻌﻮﻫﺎ ﻟﻴﻪ ﻭ ﻫﻮ ﻳﺠﺮﻫﺎ ﻣﻌﺎﻩ ... ﺧﺮﺟﻮ ﻭ ﻃﻠﻌﻮ ﻓﺎﻟﻠﻮﻃﻮ ... ﺣﻂ ﺭﺋﺒﺎﻝ ﺍﻟﻌﻠﺒﺔ ﻭ ﺟﺒﺪ ﺍﻟﺒﻮﺍﻃﺔ ﺍﻟﺼﻐﻴﺮﺓ ﺍﻟﻲ ﺧﺸﺎ ﻓﺠﻴﺒﻮ ... ﺟﻮﻻﻥ ﻛﺘﺸﻮﻑ ﻓﻴﻪ ﻏﻴﺮ ﺑﻨﺺ ﻋﻴﻦ ...
ﺣﻠﻬﺎ ﺟﺒﺪ ﺧﺎﺗﻢ ﻣﺪﻭﺭ ﻓﺎﻷﺳﻮﺩ ﻭ ﻟﺒﺴﻮ ﻓﻴﺪﻭ ﻟﻴﺴﺮﻳﺔ ... ﻛﺎﻥ ﺑﺎﻳﻦ ﻋﻠﻴﻪ ﺧﺎﺗﻢ ﺩﻳﺎﻝ ﺍﻟﺰﻭﺍﺝ ﻏﻴﺮ ﺍﻟﻠﻮﻥ ﺍﻟﻲ ﻣﺨﺘﻠﻒ ... ﺍﺑﺘﺎﺳﻤﺎﺕ ﺑﺸﻮﻳﺔ ﻭ ﻫﻲ ﻛﺘﺸﻮﻑ ﻓﻴﺪﻭ ﺍﻟﻲ ﻣﺤﻄﻮﻃﺔ ﻋﻠﻰ ﻟﻔﻮﻟﻮﻥ ... ﺩﻳﻤﺎﺭﺍ ﺭﺋﺒﺎﻝ ﺍﻟﺴﻴﺎﺭﺓ ﻭ ﺗﺤﺮﻙ ... ﺣﺎﺱ ﺑﻴﻬﺎ ﻭ ﻣﺒﻐﺎﺵ ﻳﻀﻮﺭ ﻋﻨﺪﻫﺎ ﻳﺤﺮﺟﻬﺎ ﺃﻛﺜﺮ ...
ﻣﺪﺍﺯﺵ ﺑﺰﺍﻑ ﺩﻳﺎﻝ ﺍﻟﻮﻗﺖ ﺣﺘﻰ ﻭﺻﻠﻮ ﻟﻠﺸﺎﺭﻉ ﺍﻟﻲ ﻛﻴﺪﺧﻞ ﻟﺤﻲ ﻓﻴﻦ ﺳﺎﻛﻨﺔ ﺟﻮﻻﻥ ... ﻋﻨﺪ ﺍﻟﻀﻮﺭﺓ ﺑﺎﻧﺖ ﻟﻴﻬﻢ ﺍﻟﻄﺮﻳﻖ ﻣﺤﺒﻮﺳﺔ ... ﺍﻟﺪﻧﻴﺎ ﻋﺎﻣﺮﺓ ﺑﻨﺎﺩﻡ ﻭ ﺍﻟﺴﻴﺎﺭﺍﺕ ﻣﺤﺒﻮﺳﻴﻦ ... ﺟﻮﻻﻥ ﺣﺴﺎﺕ ﺑﻘﻠﺒﻬﺎ ﺗﻘﺒﻂ ﻋﻠﻴﻬﺎ ...
ﺟﻮﻻﻥ : ﻣﺎﻋﺮﺕ ﺷﻨﻮ ﻭﺍﻗﻊ ؟
ﺭﺋﺒﺎﻝ : ﻏﺎﻟﺒﺎ ﻏﺘﻜﻮﻥ ﻛﺴﻴﺪﺓ ... ﺧﻠﻴﻚ ﻫﻨﺎ ﻧﺰﻝ ﻧﺸﻮﻑ ﻭﺍﺵ ﻛﺎﻳﻦ ﻣﻨﻴﻦ ﻧﺪﻭﺯ ﻭ ﻻ ﻧﺸﻮﻓﻮ ﻃﺮﻳﻖ ﺁﺧﺮﻯ
ﺣﻞ ﻟﺒﺎﺏ ﻭ ﻫﺒﻂ ... ﺗﻢ ﻏﺎﺩﻱ ﻟﻘﺪﺍﻡ ﺣﺘﻰ ﻭﻗﻒ ﻓﺠﺄﺓ ... ﻣﺨﺮﺝ ﻋﻨﻴﻪ ﻓﻴﻬﺎ ﻣﻠﻴﻮﺣﺔ ﻭﺳﻂ ﺍﻟﺸﺎﻧﻄﻲ ﻭ ﺿﺎﻳﺔ ﺍﻟﺪﻡ ﻣﻦ ﺗﺤﺘﻬﺎ ... ﺍﻟﻨﺎﺱ ﻭﺍﻗﻔﻴﻦ ﺿﺎﻳﺮﻳﻦ ﺑﻴﻬﺎ ﻛﻴﺘﺴﻨﺎﻭ ﺍﻹﺳﻌﺎﻑ ﺍﻟﻲ ﺍﺗﺎﺻﻠﻮ ﺑﻴﻬﺎ ﺗﺠﻲ ... ﺑﻘﺎ ﻟﺜﻮﺍﻧﻲ ﻭ ﻫﻮ ﻛﻴﺸﻮﻑ ﻭ ﺑﺎﻏﻲ ﻳﻜﺬﺏ ﻋﻨﻴﻪ ... ﺻﻮﺭﺗﻬﺎ ﻭ ﻫﻲ ﻣﺴﺘﻠﻘﻴﺔ ﻫﻜﺎﻙ ﺑﺪﺍﻙ ﺍﻟﻤﻨﻈﺮ ... ﻛﺎﻥ ﺛﺎﻧﻲ ﺃﺑﺸﻊ ﻣﻨﻈﺮ ﻳﺸﻮﻓﻮ ﻓﺤﻴﺎﺗﻮ ﻣﺸﺎ ﺑﺎﻟﻮ ﻏﻴﺮ ﻣﻊ ﺟﻮﻻﻥ ... ﺳﻤﻊ ﺻﻮﺕ ﺍﻹﺳﻌﺎﻑ ﺟﺎﻳﺔ ... ﻫﺰ ﻋﻨﻴﻪ ﻛﻴﺸﻮﻑ ﺍﻟﺒﻮﻟﻴﺲ ﻛﻴﺒﻌﺪﻭ ﺍﻟﻨﺎﺱ ... ﺿﺎﺭ ﺑﺴﺮﻋﺔ ﻓﺎﺵ ﺳﻤﻊ ﺻﻮﺗﻬﺎ ...
ﺟﻮﻻﻥ : ﺳﻤﻌﺘﻬﻢ ﻗﺎﻟﻮ ﺷﻲ ﻣﺮﺍ ﺿﺮﺑﺎﺗﻬﺎ ﻃﻮﻣﻮﺑﻴﻞ
ﺑﻐﺎﺕ ﺗﻄﻞ ﻣﻦ ﻭﺭﺍﻩ ﻭ ﻫﻮ ﻳﺠﺮﻫﺎ ﻋﻨﻘﻬﺎ ﺧﺎﺷﻲ ﺭﺍﺳﻬﺎ ﻓﺼﺪﺭﻭ ... ﻣﺒﺎﻏﻴﻬﺎﺵ ﺗﺸﻮﻑ ﺩﺍﻙ ﺍﻟﻤﻨﻈﺮ ﺍﻟﻲ ﺃﻛﻴﺪ ﻏﻴﺪﻣﺮﻫﺎ ... ﺍﺳﺘﻐﺮﺑﺎﺕ ﺟﻮﻻﻥ ﻣﻦ ﺗﺼﺮﻓﻮ ﻭ ﺣﺴﺎﺕ ﺑﺸﻲ ﺣﺎﺟﺔ ﻣﺎﺷﻲ ﻫﻲ ﻫﺎﺩﻳﻚ ... ﺑﻐﺎﺕ ﺗﺒﻌﺪ ﻭ ﻫﻮ ﺣﺎﻁ ﻳﺪﻭ ﻋﻠﻰ ﻇﻬﺮﻫﺎ ... ﻣﺎﺣﺴﺎﺕ ﺑﺮﺍﺳﻬﺎ ﻏﻴﺮ ﻭ ﻫﻲ ﻛﺘﻨﻄﺮ ﻣﻨﻮ ﻭ ﺯﺍﺩﺕ ﻟﻘﺪﺍﻡ ...
ﻭﻗﻔﺎﺕ ﻛﺘﺸﻮﻑ ﻓﺠﺜﺔ ﻭﺳﻂ ﺍﻟﺸﺎﻧﻄﻲ ... ﻣﻐﻄﻴﺔ ﺑﻐﻄﺎﺀ ﺑﻴﺾ ... ﺟﻮﻻﻥ ﺷﺎﻓﺖ ﻃﺮﻑ ﻣﻦ ﺍﻟﺠﻼﺑﺔ ﺍﻟﻲ ﻓﻠﺨﻀﺮ ﺧﺎﺭﺝ ... ﻭ ﺍﻟﺤﺬﺍﺀ ﺍﻟﻲ ﻣﺮﻣﻲ ﺟﻨﺐ ... ﺑﻘﺎﺕ ﻛﺘﺸﻮﻭﻭﻭﻑ ﻓﻴﻪ ... ﻫﺎﺩ ﺍﻟﺤﺬﺍﺀ ﻫﻮ ﻧﻔﺴﻮ ﺍﻟﻲ ﺷﺮﺍﺕ ﻟﻤﻬﺎ ﻓﺎﺵ ﺧﺪﺍﺕ ﺃﻭﻝ ﺧﻠﺼﺔ ... ﺭﺟﻠﻴﻬﺎ ﺗﺤﺮﻛﻮ ﻓﺎﺗﺠﺎﻫﻬﺎ ﻭ ﻫﻲ ﻣﺮﻓﻮﻋﺔ ... ﺟﺎ ﻭﺍﺣﺪ ﺍﻟﺸﺮﻃﻲ ﺑﺎﻏﻲ ﻳﺪﻓﻌﻬﺎ ﻭ ﻫﻮ ﻳﺸﺪﻭ ﺭﺋﺒﺎﻝ ﻣﻦ ﻳﺪﻭ ﺍﻟﻲ ﻛﺎﻥ ﻏﻴﺤﻂ ﻋﻠﻴﻬﺎ ... ﺑﺪﻭﻥ ﻣﺎﺗﻬﺘﻢ ﻛﻤﻼﺕ ﻋﻠﻰ ﻃﺮﻳﻘﻬﺎ ... ﻫﺒﻄﺎﺕ ﻋﻠﻰ ﺭﻛﺎﺑﻴﻬﺎ ﻭ ﻣﺪﺍﺕ ﻳﺪﻫﺎ ﺣﻴﺪﺍﺕ ﺍﻟﻐﻄﺎﺀ ﻋﻠﻰ ﻭﺟﻬﺎ ...
ﺑﻘﺎﺕ ﻛﺘﺸﻮﻑ ﻓﻮﺟﻪ ﻣﻬﺎ ﺍﻟﻲ ﻛﻴﺒﺎﻥ ﻟﻴﻬﺎ ﻣﻀﺒﺐ ... ﺑﺴﺒﺐ ﺍﻟﺪﻣﻮﻉ ﺍﻟﻲ ﻣﻌﻤﺮﻳﻦ ﻋﻨﻴﻬﺎ ... ﻣﺰﻳﺮﺓ ﺑﻴﺪﻫﺎ ﻋﻠﻰ ﻟﻴﺰﺍﺭ ﺣﺘﻰ ﺑﻴﺎﺿﺖ ... ﻗﺮﺑﻮ ﺟﻮﺝ ﻣﺴﻌﻔﻴﻦ ﻫﺎﺯﻳﻦ ﺍﻟﺤﻤﺎﻟﺔ ... ﻗﺒﻞ ﻣﺎﻳﻘﺮﺏ ﻣﻨﻬﺎ ﺷﻲ ﻭﺍﺣﺪ ﻓﻴﻬﻢ ... ﺗﺤﺪﺭ ﺭﺋﺒﺎﻝ ﺍﻟﻲ ﻛﺎﻥ ﻭﺍﻗﻒ ﻣﻦ ﻭﺭﺍﻫﺎ ... ﺣﻂ ﻳﺪﻳﻪ ﻋﻠﻰ ﻛﺘﺎﻓﻬﺎ ﻧﻮﺿﻬﺎ ... ﺑﻐﺎ ﻳﺠﺮﻫﺎ ﻭ ﻫﻲ ﺗﻨﻄﺮ ﻣﻦ ﻳﺪﻳﻪ ...
ﺑﺎﻥ ﻟﻴﻬﺎ ﻭﺍﺣﺪ ﻣﻦ ﺍﻟﻤﺴﻌﻔﻴﻦ ﺭﺟﻊ ﺍﻟﻐﻄﺎﺀ ﻋﻠﻰ ﻭﺟﻪ ﺣﻔﻴﻀﺔ ... ﻣﺸﺎﺕ ﻟﻴﻪ ﺟﻮﻻﻥ ﺻﺎﻋﺮﺓ ...
ﺟﻮﻻﻥ : ﻋﻼﺍﺍﺍﺍﺍﺵ ﻣﻐﻄﻲ ﻟﻴﻬﺎﺍﺍﺍ ﻭﺟﻬﺎﺍﺍﺍ ... ﺭﺍﺍﺍﻩ ﻏﺎﺩﻱ ﺗﺨﻨﻖ ... ﻣﺎﺗﺠﻲ ﻓﻴﻦ ﺗﻮﺻﻞ ﻟﺴﺒﻴﻄﺎﺍﺍﺍﺍﺭ ﺣﺘﻰ ﺗﺨﻨﻖ
ﺍﻟﻤﺴﻌﻒ : ﻛﺘﺠﻴﻚ ﺷﻲ ﺣﺎﺟﺔ ؟
ﺟﻮﻻﻥ : ﻣﺎﻣﺎ ﻫﺎﺩﻳﻚ ... ﻳﺎﻻﻩ ﻫﺰﻭﻫﺎ ﺩﻏﻴﺎ ... ﺧﺎﺹ ﺗﺴﺮﻋﻮ ﺑﻴﻬﺎ ﻟﺴﺒﻴﻄﺎﺭ ... ﺃﻧﺎ ﻏﻨﻄﻠﻊ ﻣﻌﻬﺎ
ﺍﻟﻤﺴﻌﻒ : " ﺑﺄﺳﻒ " ﺍﻟﻮﺍﻟﻴﺪﺓ ﺩﻳﺎﻟﻚ ﺗﻮﻓﺎﺕ ﻗﺒﻞ ﻣﺎﻧﻮﺻﻠﻮ
ﺟﻮﻻﻥ : ﻭﺍﺵ ﻣﺎﺳﻤﻌﺘﻴﺶ ﺷﻨﻮ ﻗﻠﺖ ... ﻫﺰﻭﻫﺎ ﺩﻏﻴﺎ ... ﺧﺎﺹ ﺍﻟﻄﺒﻴﺐ ﻳﺸﻮﻓﻬﺎ
ﺍﻟﻤﺴﻌﻒ ﺑﻘﺎﺕ ﻓﻴﻪ ﺟﻮﻻﻥ ... ﻋﺎﺭﻓﻬﺎ ﺗﺤﺖ ﺗﺄﺛﻴﺮ ﺍﻟﺼﺪﻣﺔ ... ﺿﺎﺭ ﻭ ﺭﺟﻊ ﻫﺰﻭ ﺣﻔﻴﻀﺔ ﻓﻮﻕ ﺍﻟﺤﻤﺎﻟﺔ ... ﺩﺧﻠﻮﻫﺎ ﻟﺴﻴﺎﺭﺓ ﺍﻹﺳﻌﺎﻑ ... ﺑﻐﺎﺕ ﻃﻠﻊ ﻣﻌﻬﺎ ﺟﻮﻻﻥ ﻭ ﻫﻮ ﻳﺠﺮﻫﺎ ﺭﺋﺒﺎﻝ ...
ﺟﻮﻻﻥ : " ﻧﻄﺮﺍﺕ ﻳﺪﻫﺎ " ﻃﻠﻖ ﻣﻨﻲ ... ﺑﻐﻴﺖ ﻧﻤﺸﻲ ﻣﻊ ﻣﺎﻣﺎ
ﺭﺋﺒﺎﻝ : ﺁﺟﻲ ﺭﻛﺒﻲ ﻣﻌﻴﺎ ... ﻏﻨﺘﺒﻌﻮﻫﻢ ﻟﺴﺒﻴﻄﺎﺭ
ﺟﻮﻻﻥ : ﻻﺍﺍﺍ ... ﺑﻐﻴﺖ ﻧﺮﻛﺐ ﻣﻌﻬﺎ ﻭ ﻧﺸﺪ ﻟﻴﻬﺎ ﻓﻴﺪﻫﺎ ... ﻻ ﺣﺴﺎﺕ ﺑﻴﺎ ﺟﻨﺒﻬﺎ ﻏﺘﻘﺎﻭﻡ ﺃﻛﺜﺮ
ﻃﻠﻘﺎﺕ ﻣﻨﻮ ﻭ ﻣﺸﺎﺕ ﻛﺘﺠﺮﻱ ... ﻃﻠﻌﺎﺕ ﻣﻌﺎﻫﻢ ﺍﻹﺳﻌﺎﻑ ﻣﺎﻗﺪﺭﻭﺵ ﻳﺤﺒﺴﻮﻫﺎ ... ﺟﻠﺴﺎﺕ ﺟﻨﺒﻬﺎ ﺷﺎﻓﺖ ﻓﻤﻬﺎ ﻟﻘﺎﺗﻬﻢ ﻣﻐﻄﻴﻨﻬﺎ ﻛﻠﻬﺎ ﺛﺎﻧﻲ ... ﺧﻨﺰﺭﺍﺕ ﻓﻴﻬﻢ ﻭ ﺣﻴﺪﺍﺕ ﺍﻟﻐﻄﺎ ﻋﻠﻰ ﺭﺍﺳﻬﺎ ... ﺷﺪﺍﺕ ﻓﻴﺪ ﻣﻬﺎ ﺑﻴﺪﻳﻬﺎ ﺑﺠﻮﺝ ... ﺣﺴﺎﺕ ﺑﻴﻬﺎ ﺑﺎﺭﺩﺓ ﻭ ﺑﺪﺍﺕ ﻛﺘﺤﺮﻙ ﻳﺪﻳﻬﺎ ﺑﺎﺵ ﺗﺪﻓﻴﻬﺎ ... ﺍﻟﻤﺴﻌﻔﻴﻦ ﻏﻴﺮ ﻛﻴﺸﻮﻓﻮ ﻓﻴﻬﺎ ...
ﻭﻗﻔﺎﺕ ﺳﻴﺎﺭﺓ ﺍﻹﺳﻌﺎﻑ ﺃﻣﺎﻡ ﺍﻟﻤﺴﺘﺸﻔﻰ ... ﻫﺒﻄﻮ ﺍﻟﻤﺴﻌﻔﻴﻦ ﻣﺪﺧﻠﻴﻨﻬﺎ ﻭ ﺟﻮﻻﻥ ﺗﺎﺑﻌﺎﻫﻢ ... ﻭﻗﻒ ﺍﻟﺴﻴﺎﺭﺓ ﻭ ﻫﺒﻂ ... ﺗﻢ ﺩﺍﺧﻞ ﻭ ﻫﻲ ﺗﺒﺎﻥ ﻟﻴﻪ ﺗﺎﺑﻌﺎﻫﻢ ... ﺿﺮﺏ ﺑﺨﻄﻮﺍﺕ ﻛﺒﺎﺭ ﻭﺻﻞ ﻟﻌﻨﺪﻫﺎ ﺟﺮﻫﺎ ...
ﺭﺋﺒﺎﻝ : ﺧﻠﻴﻬﻢ ﻳﺪﻳﺮﻭ ﺧﺪﻣﺘﻬﻢ ... ﻏﻨﺘﺴﻨﺎﻭ ﺣﺘﻰ ﻳﺨﺮﺝ ﺍﻟﻄﺒﻴﺐ
ﺷﺎﻓﺖ ﻓﻴﻪ ﺟﻮﻻﻥ ﻭ ﺭﺟﻬﺎﺕ ﻣﺘﺒﻌﺎﻫﻢ ﺑﻌﻨﻴﻬﺎ ﺣﺘﻰ ﺩﺧﻠﻮ ... ﺟﺒﺪ ﺭﺋﺒﺎﻝ ﺍﻟﻔﻮﻥ ﻭ ﺑﻌﺪ ﺷﻮﻳﺔ ﻛﻴﻬﻀﺮ ﻭ ﻋﻨﻴﻪ ﻋﻠﻴﻬﺎ ... ﺷﻮﻳﺔ ﺧﺮﺝ ﺍﻟﻄﺒﻴﺐ ﻭ ﺗﻢ ﺟﺎﻱ ﻋﻨﺪﻫﻢ ... ﺗﻠﻘﻰ ﻟﻴﻪ ﺭﺋﺒﺎﻝ ...
ﺍﻟﻄﺒﻴﺐ : ﻣﻮﺳﻴﻮ ﺍﻟﻌﺜﻤﺎﻧﻲ
ﺭﺋﺒﺎﻝ : " ﺃﻭﻣﺄ ﻟﻴﻪ ﺑﺮﺍﺳﻮ "
ﺍﻟﻄﺒﻴﺐ : ﻳﻤﻜﻦ ﺗﺒﻌﻮﻧﻲ
ﺳﺒﻖ ﺍﻟﻄﺒﻴﺐ ﻭ ﺗﺒﻌﻮﻩ ﺭﺋﺒﺎﻝ ﻭ ﺟﻮﻻﻥ ... ﺩﺧﻠﻮ ﻟﻐﺮﻓﺔ ﺑﺤﺎﻝ ﺩﻳﺎﻝ ﺍﻟﻌﻤﻠﻴﺎﺕ ﻟﻜﻦ ﻣﺎﻓﻴﻬﺎﺵ ﺍﻟﻤﻌﺪﺍﺕ ... ﻓﻘﻂ ﺑﻴﺎﺹ ﻟﻮﺳﻂ ﻣﺴﺘﻠﻘﻴﺔ ﻓﻴﻪ ﺣﻔﻴﻀﺔ ... ﻣﻠﺒﺴﻴﻨﻬﺎ ﺭﺩﺍﺀ ﻭ ﻣﻨﻀﻔﻴﻨﻬﺎ ﻣﻦ ﺍﻟﺪﻣﺎﺀ ... ﺩﺍﻳﺮﻳﻦ ﻋﻠﻴﻬﺎ ﻏﻄﺎﺀ ﺣﺪ ﺻﺪﺭﻫﺎ ... ﺟﻮﻻﻥ ﻛﻴﻒ ﺷﺎﻓﺘﻬﺎ ﺑﻘﺎﺕ ﻭﺍﻗﻔﺔ ﻋﻨﺪ ﻟﺒﺎﺏ ﻣﺰﺍﺩﺗﺶ ﺗﺤﺮﻛﺎﺕ ... ﻛﺘﻘﻠﺐ ﺑﻌﻨﻴﻬﺎ ﻋﻠﻰ ﺍﻵﻟﺔ ﺩﻳﺎﻝ ﺍﻟﻘﻠﺐ ﻭ ﺍﻷﺟﻬﺰﺓ ﺍﻟﻲ ﻛﺘﻜﻮﻥ ﺿﺎﻳﺮﺓ ﺑﺎﻟﻤﺮﻳﺾ ... ﻣﺒﺎﻧﺖ ﻟﻴﻬﺎ ﺣﺘﻰ ﺣﺎﺟﺔ ﻣﻦ ﻫﺎﺩﺷﻲ ...
ﺍﻟﻄﺒﻴﺐ : " ﻫﺎﺯ ﺿﻮﺳﻲ ﻓﻴﺪﻭ " ﻣﻤﻜﻦ ﺗﻘﺮﺑﻲ
ﻗﺮﺑﺎﺕ ﺑﺨﻄﻮﺍﺕ ﺑﻄﻴﺌﺔ ﻭ ﻋﻨﻴﻬﺎ ﻋﻠﻰ ﻣﻬﺎ ... ﻭﻗﻔﺎﺕ ﺟﻨﺐ ﻟﺒﻴﺎﺹ ...
ﺍﻟﻄﺒﻴﺐ : ﺍﻷﻡ ﺩﻳﺎﻟﻚ ﺟﺎﺗﻬﺎ ﺇﺻﺎﺑﺔ ﻓﺎﻟﺮﺍﺱ ﻣﻤﺎ ﺃﺩﺕ ﻟﻨﺰﻳﻒ ﻓﺎﻟﺪﻣﺎﻍ ... ﺑﻌﺪﻣﺎ ﺗﻀﺮﺑﺎﺕ ﺑﺜﻮﺍﻧﻲ ﺗﻮﻓﺎﺕ ﻓﻤﻜﺎﻥ ﺍﻟﺤﺎﺩﺙ ... " ﺑﺘﺄﺳﻒ " ﻋﺎﺭﻑ ﺻﻌﻴﺐ ﻋﻠﻴﻚ ﺗﺴﺘﻮﻋﻲ ﺍﻟﺨﺒﺮ ﻣﻲ ﺧﺎﺻﻚ ﺗﻜﻮﻧﻲ ﻗﻮﻳﺔ ... ﺍﻟﺒﺮﺍﻛﺔ ﻓﺮﺍﺳﻚ
ﻭ ﻫﻮ ﻛﻴﺘﻜﻠﻢ ﻛﺎﻧﺖ ﻛﺘﺸﻮﻑ ﻏﻴﺮ ﻓﻮﺟﻪ ﻣﻬﺎ ... ﻛﺘﺬﻛﺮ ﺣﺪﻳﺜﻬﻢ ﻫﺎﺩ ﺍﻟﺼﺒﺎﺡ ... ﻓﺎﺵ ﻋﻨﻘﺎﺗﻬﺎ ﺑﺎﻟﺰﺭﺑﺔ ﻭ ﺧﺮﺟﺎﺕ ﻏﻴﺮ ﻣﺪﺭﻛﺔ ﺃﻧﻬﺎ ﻏﺘﻜﻮﻥ ﺁﺧﺮ ﻣﺮﺓ ﺗﻌﻨﻖ ﻓﻴﻬﺎ ﻣﻬﺎ ... ﻭ ﺗﺤﺲ ﺑﺪﻓﺊ ﺻﺪﺭﻫﺎ ﺍﻟﻲ ﻛﻴﻌﻄﻴﻬﺎ ﺍﻟﻘﻮﺓ ﺗﻮﺍﺟﻪ ﺃﻱ ﺣﺎﺟﺔ ... ﻛﺘﺬﻛﺮ ﺍﻻﺑﺘﺴﺎﻣﺔ ﺩﻳﺎﻟﻬﺎ ﻭ ﻫﻲ ﻛﺘﺸﻘﺎ ﻓﺮﺣﺎﻧﺔ ﺑﻤﺠﻲﺀ ﻧﺴﻴﺒﻬﺎ ﻟﻌﻨﺪﻫﻢ ... ﻭ ﺗﺬﻛﺮﺕ ﺁﺧﺮ ﻛﻠﻤﺎﺕ ﺳﻤﻌﺎﺕ ﻣﻨﻬﺎ ... ﻣﻌﻘﻮﻝ ﻫﺎﺩﻳﻚ ﺁﺧﺮ ﻣﺮﺓ ﺗﺴﻤﻊ ﺻﻮﺗﻬﺎ ...
ﺣﺮﻛﺎﺕ ﺭﺍﺳﻬﺎ ﺭﺍﻓﻀﺔ ﺷﻨﻮ ﺳﻤﻌﺎﺕ ﻣﻦ ﺍﻟﻄﺒﻴﺐ ... ﺗﺪﻓﻘﻮ ﺩﻣﻮﻋﻬﺎ ﻫﺎﺑﻄﻴﻦ ﺑﻐﺰﺍﺭﺓ ... ﺩﻭﺯﺍﺕ ﻳﺪﻫﺎ ﻣﺎﺳﺤﺎﻫﻢ ﺑﺎﻟﻨﻄﻴﺮ ... ﺩﺍﺭﺕ ﻭ ﺗﻤﺸﺎﺕ ﻗﺎﺻﺪﺓ ﺍﻟﺒﺎﺏ ... ﻭﻗﻒ ﺭﺋﺒﺎﻝ ﻓﻄﺮﻳﻘﻬﺎ ... ﻫﺰﺍﺕ ﻋﻨﻴﻬﺎ ﺍﻟﺤﻤﺮﻳﻦ ﻓﻴﻪ ...
ﺟﻮﻻﻥ : ﺣﻴﺪ ﻣﻦ ﻗﺪﺍﻣﻲ
ﺭﺋﺒﺎﻝ : ﻓﻴﻦ ﻏﺎﺩﻳﺔ ؟
ﺟﻮﻻﻥ : ﻏﻨﻤﺸﻲ ﻧﺸﻮﻑ ﻃﺒﻴﺐ ﺁﺧﺮ ﻳﺠﻲ ﻳﻔﺤﺺ ﻣﺎﻣﺎ ... ﻫﺬﺍ ﻏﻴﺮ ﻛﻴﺨﺮﻑ ﻣﻌﺎﺍﺍﺍﺭﻑ ﻭﺍﻟﻮﻭﻭ ... " ﻧﻌﺘﺎﺕ ﻟﻴﻪ ﺑﻴﺪﻫﺎ ﺟﻬﺘﻬﺎ " ﺷﻮﻭﻭﻭﻑ ﺷﻮﻑ ﻓﻴﻬﺎﺍﺍﺍ ... ﻭﺍﺵ ﻛﺘﺒﺎﺍﺍﺍﻥ ﻟﻴﻚ ﻧﺘﺎ ﻣﻴﺘﺔ ... " ﻛﻴﻨﺰﻟﻮ ﺩﻣﻮﻋﻬﺎ ﻭ ﻛﺘﻤﺴﺤﻬﻢ ﺩﻏﻴﺎ " ﻳﻤﻜﻦ ﺗﻜﻮﻭﻭﻥ ﺩﺧﻼﺕ ﻓﻐﻴﺒﻮﺑﺔ ﻭ ﻣﻦ ﺑﻌﺪ ﻏﺘﻔﻴﻴﻴﻖ ... ﺷﺤﺎﻝ ﻣﻦ ﻣﺮﺓ ﻭﻗﻊ ﺧﻄﺄ ﻃﺒﻲ ... ﻣﺎﻣﺎ ﻣﺎﻣﺎﺗﺘﺶ ... ﻣﻤﻜﻦ ﺗﺤﻴﺪ ﻣﻦ ﻃﺮﻳﻘﻲ
ﺭﺋﺒﺎﻝ : " ﺣﻂ ﻳﺪﻭ ﻋﻠﻰ ﻛﺘﻔﻬﺎ " ﺟﻮﻻﻥ ... ﻣﺎﻣﺎﻙ ﻣﺎ
ﺟﻮﻻﻥ : " ﺿﺮﺑﺎﺕ ﻟﻴﻪ ﻳﺪﻭ " ﻻﺍﺍ ﻻﺍﺍﺍﺍ ... ﻣﺘﻘﻮﻟﻬﺎﺍﺍﺍﺍﺵ ... ﺷﺤﺎﻝ ﻣﻦ ﻣﺮﺓ ﺧﺎﺍﺍﺍﺍﺹ ﻧﺴﻤﻌﻬﺎﺍﺍﺍﺍﺍ ... ﻣﺎﻣﺎﺍﺍﺍ ﻣﺎﻣﺘﺘﺶ ﺑﺎﺍﺍﻗﺔ ﺣﻴﺔ " ﻣﺸﺎﺕ ﻛﺘﺠﺮﻱ ﻋﻨﺪﻫﺎ ﻭ ﻫﺰﺍﺕ ﻳﺪﻫﺎ " ﻫﺎﻧﺘﺎ ﻗﻴﺲ ﻳﺪﻫﺎ ﻛﻴﻔﺎﺵ ﺩﺍﻓﻴﺔ ... ﻭﺍﺍﺍﺵ ﺷﻲ ﻭﺍﺣﺪ ﻣﻴﺖ ﻳﺪﻭ ﻛﺘﻜﻮﻥ ﺩﺍﻓﻴﺔ
ﺯﻳﺮ ﻋﻠﻰ ﻗﺒﻀﺔ ﻳﺪﻭ ﻭ ﻗﺮﺏ ﻋﻨﺪﻫﺎ ... ﺣﻂ ﻳﺪﻭ ﻋﻠﻰ ﻳﺪﻫﺎ ﻭ ﻃﺮﺍﻑ ﺻﺒﺎﻋﻮ ﻟﻤﺴﻮ ﻳﺪ ﺣﻔﻴﻀﺔ ﺍﻟﻲ ﺑﺎﺍﺍﺭﺩﺓ ... ﺷﺪ ﻓﻴﺪﻳﻬﺎ ﺑﺠﻮﺝ ﻭ ﻫﺒﻂ ﺭﺍﺳﻮ ﻋﻨﺪﻫﺎ ﻛﻴﺸﻮﻑ ﻓﻌﻨﻴﻬﺎ ...
ﺭﺋﺒﺎﻝ : " ﻋﻨﻴﻪ ﻣﻐﺮﻏﺮﻳﻦ " ﻣﺎﻣﺎﻙ ﻣﺎﺗﺖ ... ﺃﺳﺮﻉ ﻣﺎﺗﻘﺒﻠﺘﻴﻬﺎ ﻛﺎﻥ ﺃﺣﺴﻦ ... ﺑﺎﺵ ﺗﻘﺪﺭﻱ ﺗﻮﺩﻋﻴﻬﺎ
ﺟﻮﻻﻥ : ﺍﻟﻲ ﻛﻨﺘﻲ ﻏﺘﻌﺎﻭﺩ ﻧﻔﺲ ﺍﻟﻬﻀﺮﺓ ... ﻣﻦ ﺍﻷﺣﺴﻦ ﺗﺨﺮﺝ ... ﺃﻧﺎ ﻣﺎﻣﺤﺘﺠﺎﺵ ﻣﺴﺎﻋﺪﺗﻚ
ﺭﺋﺒﺎﻝ : " ﺣﺮﻛﻬﺎ ﺑﻴﺪﻳﻪ " ﺟﻮﻻﺍﺍﺍﺍﻥ ﻣﻚ ﻣﺎﺍﺍﺍﺍﺗﺖ
ﺟﻮﻻﻥ : " ﺑﻐﻀﺐ " ﺑﻌﺪ ﻣﻨﻴﻴﻴﻲ ... ﻋﻼﺍﺍﺍﺍﺍﺵ ﻛﺘﻘﻮﻟﻬﺎﺍﺍﺍ ﺣﺘﻲ ﻧﺘﺎﺍﺍﺍ ... ﻛﻨﻜﺮﻫﻜﻜﻜﻜﻚ ... ﺧﺮﺭﺭﺭﺭﺝ ﻣﻦ ﻫﻨﺎﺍﺍﺍﺍﺍ ... " ﻛﺪﻭﺯ ﻳﺪﻫﺎ ﻋﻠﻰ ﻋﻨﻴﻬﺎ " ﺍﺍﺍﺍﺍﺍﻋﻌﻌﻌﻌﻊ ﻋﻼﺍﺍﺍﺍﺍﺵ ﻛﻴﻬﺒﻄﻮﻭﻭ ﻋﻼﺍﺍﺍﺍﺵ " ﺿﺎﺭﺕ ﻭ ﺗﺤﻨﺎﺕ ﻋﻨﺪ ﻣﻬﺎ " ﻣﺎﻣﺎ ﻓﻴﻘﻲ ﻋﻔﺎﻙ " ﻛﻀﺮﺏ ﻋﻠﻰ ﺧﺪﻫﺎ ﺑﺸﻮﻳﺔ ﻭ ﻛﺘﻬﻀﺮ ﺑﺼﻮﺕ ﺧﺎﻓﺖ " ﻣﺎﻣﺎ ﺣﻠﻲ ﻋﻨﻴﻚ ﻭ ﺷﻮﻓﻲ ﻓﻴﺎ ... ﻋﻔﺎﺍﻙ ﺣﻠﻲ ﻋﻨﻴﻚ ﻭ ﻛﺬﺑﻴﻬﻢ ... ﻣﺎﻣﺎ ﺃﻧﺎ ﻋﻨﺪﻱ ﻏﻴﺮ ﻧﺘﻴﺎﺍﺍ ... ﻻ ﺑﺎﻏﺔ ﺗﻤﺸﻲ ﺩﻳﻨﻲ ﻣﻌﺎﻙ ... ﻣﺎﺑﻐﻴﺘﺶ ﻧﺒﻘﻰ ﺑﻮﺣﺪﻱ ... ﻋﻔﺎﺍﺍﻙ ﺣﻠﻲ ﻋﻨﻴﻚ
ﺣﻄﺎﺕ ﺭﺍﺳﻬﺎ ﻋﻠﻰ ﺻﺪﺭ ﻣﻬﺎ ﻭ ﺷﺎﺩﺓ ﻓﻴﺪﻫﺎ ... ﻛﺪﺧﻞ ﻭ ﺗﺨﺮﺝ ﻓﺎﻟﻬﻀﺮﺓ ... ﺭﺟﻊ ﺭﺋﺒﺎﻝ ﺧﻄﻮﺍﺕ ﺍﻟﻠﻮﺭ ﻭ ﻫﻮ ﻛﻴﺸﻮﻑ ﺣﺎﻟﺘﻬﺎ ... ﺟﻤﻊ ﻗﺒﻀﺔ ﻳﺪﻭ ﻭ ﺿﺮﺑﻬﺎ ﻣﻊ ﺍﻟﺤﻴﻂ ﺑﻘﻮﺓ ...