السفاح العاشق

بارت 113

ﺯﻳﻨﺐ : ﺍﻟﻮ ﺍﻟﻬﺮﺍﺑﺔ
ﺟﻮﻻﻥ : ﻫﻬﻬﻪ ﺗﻮﺣﺸﺘﻴﻨﻲ
ﺯﻳﻨﺐ : ﻛﻨﺖ ﻧﺎﻭﻳﺔ ﻧﺠﻴﺐ ﻟﺴﻲ ﺭﺋﺒﺎﻝ ﺍﻟﻠﻮﻳﺰﺓ ﻭ ﻧﺠﻲ ﻧﺰﻭﺭﻭ ... ﺣﺘﻰ ﻭﺻﻼﺗﻨﻲ ﻟﺨﺒﺎﺭ ﺧﺮﺝ ﻭ ﻫﺮﺑﺘﻮ ﻟﺸﻬﺮ ﺍﻟﻌﺴﻞ ... ﺧﻔﺘﻮ ﻧﻠﺼﻘﻮ ﻓﻴﻜﻢ
ﺟﻮﻻﻥ : ﺭﺋﺒﺎﻝ ﻣﺒﻐﺎﺵ ﻳﺒﻘﻰ ﻓﺎﻟﺼﺒﻴﺘﺎﺭ ﻭ ﺷﻬﺮ ﺍﻟﻌﺴﻞ ﻣﻜﻴﻤﻜﻨﺶ ﻧﺄﺟﻠﻮﻩ ﻣﺰﺍﻝ
ﺯﻳﻨﺐ : ﻛﺎﻳﻦ ﺷﻲ ﻋﺴﻞ ﺑﻌﺪﺍ
ﺟﻮﻻﻥ : ﻣﺎﻝ ﻣﻚ ﻣﻘﺰﺩﺭﺓ
ﺯﻳﻨﺐ : ﻣﻦ ﺩﻳﻤﺎ ... ﻭ ﻧﻄﻘﻲ ... ﻏﺮﻗﺘﻲ ﻓﺎﻟﻌﺴﻞ ﻭ ﻻ ﻣﺰﺍﻝ ﻫﻬﻪ
ﺟﻮﻻﻥ : ﻏﻴﺮ ﺳﺎﻋﺘﻴﻦ ﻫﺎﺩﻱ ﺑﺎﺵ ﻭﺻﻠﻨﺎ ... ﻣﺰﺍﻝ ﻣﻮﻗﻊ ﻭﺍﻟﻮ ... ﻭ ﺑﺼﺮﺍﺣﺔ ﻣﺘﺨﻮﻓﺔ ﻣﺎﻋﺮﻓﺘﺶ ﻋﻼﺵ ... ﺍﻟﻤﺮﺓ ﺍﻷﻭﻟﻰ ﺭﺟﻌﺎﺕ ﺃﺳﻮﺀ ﺫﻛﺮﻯ ﻋﻨﺪﻱ ﻓﺎﺵ ﻣﺸﺎ ﺭﺋﺒﺎﻝ ﻭ ﺧﻼﻧﻲ ... ﻭ ﺑﺤﺎﻝ ﻻ ﻧﻔﺮﺕ ﻣﻦ ﺩﺍﻛﺸﻲ
ﺯﻳﻨﺐ : ﺁﺵ ﻛﺘﻘﻮﻟﻲ ﺍﻟﺰﻏﺒﻴﺔ ... ﻧﺴﺎﻱ ﻋﻠﻴﻚ ﺩﺍﻛﺸﻲ ﺍﻟﻲ ﻭﻗﻊ ... ﺭﺋﺒﺎﻝ ﻛﻴﺒﻐﻴﻚ ﻫﺎﺩﺷﻲ ﻭﺍﺿﺢ ﻟﻠﻌﻤﻰ ... ﻣﺘﺨﻠﻴﺶ ﺍﻟﻲ ﺩﺍﺯ ﻳﺨﺮﺏ ﻋﻠﻴﻚ ﺳﻌﺎﺩﺗﻚ
ﺟﻮﻻﻥ : ﻏﻨﺤﺎﻭﻝ
ﺯﻳﻨﺐ : ﻳﺎﻻﻩ ﺗﻼﺣﻲ ﻭ ﺍﺳﺘﻤﺘﻌﻲ ﺑﻮﻗﺘﻚ ﻭ ﺣﻴﺪﻱ ﺩﺍﻛﺸﻲ ﻣﻦ ﺭﺍﺳﻚ
ﻗﻄﻌﺎﺕ ﺟﻮﻻﻥ ﻣﻊ ﺯﻳﻨﺐ ... ﺿﺎﺭﺕ ﺑﻐﺎﺕ ﺗﺤﻂ ﺍﻟﻔﻮﻥ ﻓﻮﻕ ﺍﻟﻄﺎﺑﻞ ﻭ ﻫﻮ ﻳﺒﺎﻥ ﻟﻴﻬﺎ ﺭﺋﺒﺎﻝ ... ﻭﺍﻗﻒ ﻋﻨﺪ ﺍﻟﺒﺎﺏ ﻣﺘﻜﻲ ﻋﻠﻰ ﺍﻟﻜﺎﺩﺭ ﻭ ﻣﺮﺑﻊ ﻳﺪﻳﻪ ... ﻃﺎﺡ ﺍﻟﻔﻮﻥ ﻣﻦ ﻳﺪﻫﺎ ﻭ ﺟﻤﺪﺍﺕ ﻓﺒﻼﺻﺘﻬﺎ ...
ﺣﺴﺎﺕ ﺑﺎﻟﺪﻧﻴﺎ ﺿﺎﺭﺕ ﺑﻴﻬﺎ ﻓﺎﺵ ﺑﺎﻥ ﻟﻴﻬﺎ ﻭﺍﻗﻒ ﻋﻨﺪ ﻟﺒﺎﺏ ... ﻣﻼﻣﺢ ﻭﺟﻬﻮ ﻣﺎﻓﻴﻬﺎ ﺣﺘﻰ ﺗﻌﺒﻴﺮ ... ﻛﻄﻠﺐ ﻓﺨﺎﻃﺮﻫﺎ ﻣﻴﻜﻮﻧﺶ ﺳﻤﻌﻬﺎ ... ﻫﺒﻄﺎﺕ ﻋﻨﻴﻬﺎ ﻭ ﺗﺤﺪﺭﺍﺕ ﻫﺰﺍﺕ ﺍﻟﻔﻮﻥ ﻣﻦ ﻟﺮﺽ ... ﺣﻄﺎﺗﻮ ﻓﻮﻕ ﺍﻟﻄﺎﺑﻞ ﻭ ﻗﺎﻟﺖ ﻭ ﻫﻲ ﻣﺎﻗﺪﺭﺍﺵ ﺗﺸﻮﻑ ﻓﻴﻪ ...
ﺟﻮﻻﻥ : ﻛﻨﺖ ﻛﻨﻬﻀﺮ ﻣﻊ ﺯﻳﻨﺐ
ﻣﻨﻴﻦ ﻣﺎﺳﻤﻌﺎﺗﺶ ﺻﻮﺗﻮ ﺑﻠﻌﺎﺕ ﺭﻳﻘﻬﺎ ﺑﺼﻌﻮﺑﺔ ... ﺃﻛﻴﺪ ﺳﻤﻊ ﻛﻠﺸﻲ ... ﻣﺎﻋﺮﻓﺎﺕ ﻭﺍﺵ ﺗﻬﻀﺮ ﻭﺗﺸﺮﺡ ﻟﻴﻪ ﻛﻼﻣﻬﺎ ... ﻭ ﻻ ﻣﻦ ﺍﻷﺣﺴﻦ ﺗﺒﻘﻰ ﺳﺎﻛﺘﺔ ... ﻛﻼﻣﻬﺎ ﻏﻴﻜﻮﻥ ﺟﺮﺣﻮ ﻣﺎﻓﻴﻬﺎﺵ ...
ﺣﺴﺎﺕ ﺑﻴﻪ ﺗﺤﺮﻙ ... ﺿﻮﺭﺍﺕ ﻭﺟﻬﺎ ﻣﺘﺒﻌﺎﻩ ﺑﻌﻨﻴﻬﺎ ... ﺑﺎﻥ ﻟﻴﻬﺎ ﻏﺎﺩﻱ ﺟﻬﺔ ﺍﻟﺴﺮﻳﺮ ﻭ ﻛﻴﺤﻴﺪ ﻓﺎﻟﺘﺮﻳﻜﻮ ﺩﻳﺎﻟﻮ ... ﺍﺳﺘﻠﻘﻰ ﺭﺋﺒﺎﻝ ﻣﺘﻜﻲ ﻋﻠﻰ ﺍﻟﻜﺎﺩﺭ ﻭ ﺣﻂ ﺍﻟﺒﻴﺴﻲ ﻓﻮﻕ ﺭﺟﻠﻴﻪ ... ﺣﻞ ﺩﺍﻛﺸﻲ ﺍﻟﻲ ﺳﻴﻔﻂ ﻟﻴﻪ ﺑﻬﺎﺀ ﻭ ﺑﺪﺍ ﻓﺎﻟﺨﺪﻣﺔ ...
ﺟﻮﻻﻥ ﺑﻘﺎﺕ ﻭﺍﻗﻔﺔ ﻣﺎﻋﺮﻓﺎﺕ ﺷﻨﻮ ﺩﻳﺮ ... ﺗﺤﺮﻛﺎﺕ ﻏﺎﺩﺓ ﺟﻬﺔ ﺍﻟﺒﺎﺏ ﺣﺘﻰ ﺳﻤﻌﺎﺗﻮ ﻗﺎﻝ ...
ﺭﺋﺒﺎﻝ : ﻓﻴﻦ ﻏﺎﺩﻳﺔ ؟
ﺟﻮﻻﻥ : " ﺿﺎﺭﺕ ﺑﺎﻥ ﻟﻴﻬﺎ ﻛﻴﺸﻮﻑ ﻓﺎﻟﺒﻴﺴﻲ " ﻍ ﻏﺎﺩﺓ ﻧﺸﺮﺏ
ﻣﻨﻴﻦ ﻣﺠﻮﺑﻬﺎﺵ ﺧﺮﺟﺎﺕ ... ﻣﺸﺎﺕ ﻟﻜﻮﺯﻳﻨﺔ ﻋﻤﺮﺍﺕ ﻛﺎﺱ ﺩﻳﺎﻝ ﺍﻟﻤﺎ ... ﺗﻜﺎﺕ ﻋﻠﻰ ﻟﭙﻮﻃﺎﺟﻲ ﻭ ﺍﻟﻜﺎﺱ ﻓﻴﺪﻫﺎ ... ﺩﻭﺯﺍﺕ ﻳﺪﻫﺎ ﻋﻠﻰ ﺷﻌﺮﻫﺎ ﻭ ﺿﺮﺑﺎﺕ ﻋﻠﻰ ﺟﺒﻬﺘﻬﺎ ...
ﺟﻮﻻﻥ : ﺣﻤﺎﺭﺓ
ﺷﺮﺑﺎﺕ ﺍﻟﻜﺎﺱ ﻛﻮﻟﻮ ﺩﻗﺔ ﻭﺣﺪﺓ ﻭ ﺣﻄﺎﺗﻮ ... ﺑﻘﺎﺕ ﻭﺍﻗﻔﺔ ﻓﺎﻟﻜﻮﺯﻳﻨﺔ ﻣﺪﺓ ﻭ ﻣﺘﺮﺩﺩﺓ ﺗﺮﺟﻊ ﻟﺒﻴﺖ ... ﺍﻟﺼﻤﺖ ﺩﻳﺎﻟﻮ ﻛﻴﻮﺛﺮﻫﺎ ... ﻭﺍﺧﺔ ﻭﻻﺕ ﻣﻄﻠﻮﻗﺔ ﻣﻌﺎﻩ ﺃﻛﺜﺮ ﻣﻦ ﻗﺒﻞ ... ﻟﻜﻦ ﺑﺎﻗﻲ ﻣﻜﺘﺰﻋﻤﺶ ﻋﻠﻴﻪ ﻟﺪﻳﻚ ﺍﻟﺪﺭﺟﺔ ... ﻭ ﺑﺎﺵ ﺗﺰﻳﺪ ﺗﻘﺮﺏ ﺍﻟﻤﺴﺎﻓﺔ ﺑﻴﻨﺎﺗﻬﻢ ﺿﺮﺑﺎﺕ ﻛﻠﺸﻲ ﻓﺎﻟﺰﻳﺮﻭ ...
ﺭﺟﻌﺎﺕ ﺟﻮﻻﻥ ﻟﺒﻴﺖ ﻭ ﺩﺧﻼﺕ ﻟﻠﺤﻤﺎﻡ ... ﻏﺴﻼﺕ ﺳﻨﺎﻧﻬﺎ ﻭ ﺟﻤﻌﺎﺕ ﺷﻌﺮﻫﺎ ... ﺧﺮﺟﺎﺕ ﻛﺘﻤﺸﻰ ﺑﺸﻮﻳﺔ ﻭ ﺗﺨﺸﺎﺕ ﻓﺎﻟﺴﺮﻳﺮ ... ﻻﺣﺖ ﻋﻨﻴﻬﺎ ﺟﻬﺔ ﺭﺋﺒﺎﻝ ﺍﻟﻲ ﻣﺰﺍﻝ ﺧﺪﺍﻡ ﻓﺎﻟﺒﻴﺴﻲ ﻭ ﻣﻬﺰﺵ ﻋﻨﻴﻪ ﻓﻴﻪ ﻭ ﻗﺎﻟﺖ ...
ﺟﻮﻻﻥ : ﺗﺼﺒﺢ ﻋﻠﻰ ﺧﻴﺮ
ﺭﺋﺒﺎﻝ : " ﺑﺠﻔﺎﺀ " ﺗﺼﺒﺤﻲ ﻋﻠﻰ ﺧﻴﺮ
ﻧﻌﺴﺎﺕ ﻋﻠﻰ ﺟﻨﺒﻬﺎ ﻣﻮﺍﻟﻴﺔ ﻟﻴﻪ ﻇﻬﺮﻫﺎ ... ﻃﻠﻌﺎﺕ ﻋﻠﻴﻬﺎ ﺍﻟﻐﻄﺎ ﻭ ﺳﺪﺍﺕ ﻋﻨﻴﻬﺎ ... ﺑﻘﺎﺕ ﺷﺤﺎﻝ ﻋﺎﺩ ﻣﺸﺎﺕ ﺑﻴﻬﺎ ﻋﻨﻴﻬﺎ ... ﺳﺪ ﺭﺋﺒﺎﻝ ﺍﻟﺒﻴﺴﻲ ﺣﻄﻮ ﻭ ﻃﻔﺎ ﺍﻟﻀﻮ ...
ﺿﺎﺭ ﻟﻌﻨﺪﻫﺎ ﺑﺎﻧﺖ ﻟﻴﻪ ﻳﺪﻫﺎ ﻃﻠﻘﺎﺕ ﻣﻦ ﺍﻟﻐﻄﺎ ... ﻗﺒﻞ ﻣﺎ ﺗﻨﻌﺲ ﻛﺎﻧﺖ ﺷﺎﺩﺓ ﻓﻴﻪ ﻭ ﻣﺰﻳﺮﺓ ﺑﺼﺒﺎﻋﻬﺎ ... ﻣﺪ ﻳﺪﻭ ﻟﺸﻌﺮﻫﺎ ﻭ ﺟﺮ ﺍﻟﺒﺎﻧﻀﺔ ﻣﻌﺎﻩ ﺣﺘﻰ ﺗﻄﻠﻖ ... ﻗﺮﺏ ﻭ ﺗﺤﺪﺭ ﺧﺎﺷﻲ ﺭﺍﺳﻮ ﻓﻌﻨﻘﻬﺎ ... ﻃﺒﻊ ﻗﺒﻠﺔ ﻃﻮﻳﻠﺔ ﻭ ﻫﻮ ﻛﻴﺴﺘﻨﺸﻖ ﻋﺒﻴﺮﻫﺎ ... ﺧﺸﺎ ﻳﺪﻭ ﺗﺤﺖ ﺧﺼﺮﻫﺎ ﻭ ﺟﺮﻫﺎ ﻟﻌﻨﺪﻭ ... ﺣﻀﻨﻬﺎ ﻣﻦ ﺍﻟﺨﻠﻒ ﻭ ﻧﻌﺲ ...
ﺷﺮﻗﺎﺕ ﺷﻤﺲ ﻳﻮﻡ ﺟﺪﻳﺪ ... ﺳﺮﺣﺎﺕ ﻳﺪﻳﻬﺎ ﺍﻟﻔﻮﻕ ﻭ ﻫﻲ ﻛﺘﺠﺒﺪ ﻭﺳﻂ ﺍﻟﺴﺮﻳﺮ ... ﺣﻼﺕ ﻋﻨﻴﻬﺎ ﻭ ﺑﺪﺍﺕ ﻛﻀﻮﺭ ﻓﻴﻬﻢ ... ﺑﻘﺎﺕ ﺷﺤﺎﻝ ﺣﺘﻰ ﺍﺳﺘﻮﻋﺒﺎﺕ ﺍﻟﻤﻜﺎﻥ ﺍﻟﻲ ﻫﻲ ﻓﻴﻪ ... ﺗﮕﻌﺪﺍﺕ ﻭ ﺿﺎﺭﺕ ﺟﻨﺒﻬﺎ ... ﻣﺒﺎﻧﺶ ﻟﻴﻬﺎ ﺭﺋﺒﺎﻝ ﻓﺎﻟﻐﺮﻓﺔ ﻭ ﻫﻲ ﺗﻜﻤﺶ ﺷﻔﺎﻳﻔﻬﺎ ...
ﻧﺎﺿﺖ ﻭ ﺗﻮﺟﻬﺎﺕ ﻟﻠﺤﻤﺎﻡ ﻏﺴﻼﺕ ﻭﺟﻬﺎ ﻭ ﺧﺮﺟﺎﺕ ﻣﻦ ﺍﻟﺒﻴﺖ ... ﺷﻤﺎﺕ ﺭﻳﺤﺔ ﺍﻟﻘﻬﻮﺓ ﻋﺎﻃﻴﺔ ... ﺑﺎﻧﺖ ﻟﻴﻬﺎ ﺍﻟﻄﺒﻠﺔ ﺍﻟﻲ ﺟﻨﺐ ﺍﻟﻤﻄﺒﺦ ﻣﺤﻄﻮﻁ ﻓﻴﻬﺎ ﺍﻻﻛﻞ ... ﻓﻄﻮﺭ ﻣﻘﺎﺩ ﻋﻠﻰ ﺣﻘﻮ ... ﻗﺮﺑﺎﺕ ﻭ ﻫﻲ ﺗﻠﻤﺢ ﺭﺋﺒﺎﻝ ﻭﺍﻗﻒ ﻋﻨﺪ ﻟﻜﻮﻓﻲ ﻣﺎﺷﻴﻦ ...
ﺿﺎﺭ ﻟﻌﻨﺪﻫﺎ ﻭ ﻫﻲ ﺗﺒﺘﺎﺳﻢ ﻟﻴﻪ ... ﻟﻤﺤﺎﺕ ﺷﺒﺢ ﺍﺑﺘﺴﺎﻣﺔ ﻋﻠﻰ ﺷﻔﺎﻳﻔﻮ ... ﺣﺪﺭﺍﺕ ﺭﺍﺳﻬﺎ ﻭ ﻣﺸﺎﺕ ﻓﺎﺗﺠﺎﻩ ﺍﻟﻄﺒﻠﺔ ﻭ ﻛﺘﺎﻓﻬﺎ ﻃﺎﻳﺤﻴﻦ ...
ﺟﻮﻻﻥ : ﻧﺘﺎ ﺍﻟﻲ ﻗﺪﻳﺘﻲ ﻫﺎﺩﺷﻲ ﻛﺎﻣﻠﻮ ... ﺩﻳﻚ ﺍﻟﺴﺎﻉ ﻓﻴﻘﻨﻲ ﺑﺎﺵ ﻧﻘﺎﺩ ﻟﻔﻄﻮﺭ " ﺷﺎﻓﺖ ﻓﻴﻪ " ﻧﺘﺎ ﺑﺎﻗﻲ ﻋﻴﺎﻥ
ﺭﺋﺒﺎﻝ : " ﭼﻠﺲ ﻭ ﺣﻂ ﻓﻨﺠﺎﻥ ﺍﻟﻘﻬﻮﺓ " ﻓﻴﻘﺘﻚ ﻭ ﻣﺎﺑﻐﺘﻴﺶ
ﺟﻮﻻﻥ : " ﺣﻜﺎﺕ ﻋﻠﻰ ﺭﺍﺳﻬﺎ " ﺑﺎﻟﺼﺢ ... ﺍ ﺍﻧﺎ ﻧﻌﺎﺳﻲ ﺛﻘﻴﻞ ﺷﻮﻳﺔ ... ﺧﺎﺻﺔ ﻓﺎﻟﺼﺒﺎﺡ
ﺭﺋﺒﺎﻝ : ﭼﻠﺴﻲ ﺗﻔﻄﺮﻱ
ﺟﻮﻻﻥ : ﺑﻐﻴﺖ ﻗﻬﻮﺓ ... ﺭﻳﺤﺘﻬﺎ ﺯﻭﻳﻨﺔ
ﺭﺋﺒﺎﻝ : ﺍﻟﻘﻬﻮﺓ ﻏﻀﺮﻙ ﻓﺎﻟﻤﻌﺪﺓ ﻋﻠﻰ ﺍﻟﺼﺒﺎﺡ ... ﻓﻄﺮﻱ ﺑﻌﺪﺍ
ﭼﻠﺴﺎﺕ ﻣﻘﺎﺑﻠﺔ ﻣﻌﺎﻩ ﻭ ﺧﻮﺍﺕ ﻟﻴﻬﺎ ﻛﺎﺱ ﺩﻳﺎﻝ ﺍﻟﻌﺎﺻﻴﺮ ... ﻗﺎﺩﺍﺕ ﻟﻴﻬﺎ ﺍﻟﺘﻮﺳﺖ ﻭ ﺑﺪﺍﺕ ﻛﺘﻔﻄﺮ ﻭ ﻋﻨﻴﻬﺎ ﻋﻠﻰ ﺭﺋﺒﺎﻝ ... ﻭ ﻛﻴﻒ ﻟﺒﺎﺭﺡ ﻗﻠﻴﻞ ﻓﻴﻦ ﻛﻴﻬﺰ ﻓﻴﻬﺎ ﻋﻨﻴﻪ ... ﻛﺎﻥ ﺗﺮﻳﻜﺰﻭ ﻣﻊ ﺍﻟﻔﻮﻥ ﺍﻟﻲ ﻓﻴﺪﻭ ... ﺳﺮﻃﺎﺕ ﺍﻟﺤﺮﻗﺔ ﻷﻧﻬﺎ ﻫﻲ ﺍﻟﺴﺒﺐ ﻓﺘﺠﺎﻫﻠﻮ ﻟﻴﻬﺎ ...
ﺭﺋﺒﺎﻝ ﻧﺎﺽ ﻭ ﺟﻠﺲ ﻓﺎﻟﺼﺎﻟﺔ ﺑﺪﻭﻥ ﻣﻴﺘﺴﻨﺎﻫﺎ ﺣﺘﻰ ﺗﻜﻤﻞ ... ﺣﻄﺎﺕ ﺩﺍﻛﺸﻲ ﺍﻟﻲ ﻛﺎﻥ ﻛﺘﺎﻛﻞ ﻭ ﻧﺎﺿﺖ ﺟﻤﻌﺎﺕ ﺍﻟﻄﺒﻠﺔ ... ﺣﻼﺕ ﺍﻟﺜﻼﺟﺔ ﺑﺎﺵ ﺗﺸﻮﻑ ﺷﻨﻮ ﻃﻴﺐ ﻟﻠﻐﺪﺍ ... ﺟﺒﺪﺍﺕ ﺍﻟﺪﺟﺎﺝ ﻭ ﺍﻟﺨﻀﺮﺓ ﻭ ﺣﻄﺎﺗﻬﻢ ﻓﻮﻕ ﺍﻟﭙﻮﻃﺎﺟﻲ ...
ﺣﻴﺪﺍﺕ ﻟﺒﺎﻧﻀﺔ ﺍﻟﻲ ﻓﻴﺪﻫﺎ ﻭ ﺟﻤﻌﺎﺕ ﺷﻌﺮﻫﺎ ﻋﻠﻰ ﺷﻜﻞ ﺫﻳﻞ ﺣﺼﺎﻥ ... ﺭﺋﺒﺎﻝ ﻛﺎﻥ ﻣﺮﺍﻗﺐ ﺣﺮﻛﺎﺗﻬﺎ ﻣﻦ ﺍﻟﺼﺎﻟﺔ ... ﺑﻘﻰ ﻛﻴﺸﻮﻑ ﻓﻌﻨﻘﻬﺎ ﺍﻟﻄﻮﻳﻞ ... ﻭ ﺧﺼﺮﻫﺎ ﺍﻟﻲ ﻛﻴﺘﻌﺮﺍ ﻛﻠﻤﺎ ﺗﺤﺮﻛﺎﺕ ... ﻭﺟﻬﻮ ﻣﻄﻤﺮ ﻭ ﺣﺠﺒﺎﻧﻮ ﻣﻌﻘﻮﺩﻳﻦ ﺷﻮﻳﺔ ...
ﻟﻜﻦ ﻓﺪﺍﺧﻠﻮ ﺣﺎﺱ ﺑﻠﻬﻔﺔ ﻛﺒﻴﺮﺓ ﻋﻠﻴﻬﺎ ... ﺑﻌﺪﻣﺎ ﺳﻤﻊ ﻛﻼﻣﻬﺎ ﻟﺒﺎﺭﺡ ... ﻣﻴﻤﻜﻨﺶ ﻳﻘﺮﺏ ﻣﻨﻬﺎ ﻭ ﻫﻲ ﻧﺎﻓﺮﺓ ﻣﻨﻮ ... ﻋﺎﺭﻑ ﺃﻥ ﺍﻟﻌﻼﻗﺔ ﺍﻟﻲ ﻭﻗﻌﺎﺕ ﺑﻴﻨﺎﺗﻬﻢ ﻗﺒﻞ ﺍﻟﺰﻭﺍﺝ ﻛﺎﻧﺖ ﻏﻠﻂ ﻓﻐﻠﻂ ... ﻭ ﺍﻟﻈﺮﻭﻑ ﺗﺒﺜﺎﺕ ﻫﺎﺩﺷﻲ ... ﺍﺿﻄﺮ ﻳﺒﻌﺪ ﻋﻠﻴﻬﺎ ﻭﺍﺧﺔ ﻭﺍﻋﺪ ﻧﻔﺴﻮ ﻳﺒﻘﻰ ﻣﻌﻬﺎ ﻭ ﻳﺤﻤﻴﻬﺎ ...
ﻭ ﺇﺣﺴﺎﺳﻬﺎ ﺑﻠﻲ ﺗﺨﻠﻰ ﻋﻠﻴﻬﺎ ﺑﻌﺪﻣﺎ ﺳﻠﻤﺎﺗﻮ ﻧﻔﺴﻬﺎ ﻣﺎﻳﻤﻜﻨﺶ ﻳﻠﻮﻣﻬﺎ ﻋﻠﻴﻪ ... ﻟﻮ ﻫﻮ ﻭﻗﻌﺎﺕ ﻟﻴﻪ ﺷﻲ ﺣﺎﺟﺔ ... ﻛﻴﻒ ﻛﺎﻥ ﻣﻤﻜﻦ ﺗﺒﺪﺍ ﺣﻴﺎﺗﻬﺎ ﻣﻦ ﺟﺪﻳﺪ ﻣﻊ ﺷﺨﺺ ﺁﺧﺮ ... ﻫﻲ ﺍﻟﻮﺣﻴﺪﺓ ﺍﻟﻲ ﻛﺎﻧﺖ ﻏﺘﻌﺎﻗﺐ ﻋﻠﻰ ﻓﻌﻠﺘﻬﻢ ﺑﺠﻮﺝ ... ﻭ ﻣﻦ ﻧﺘﺎﺋﺞ ﻫﺎﺩ ﺍﻟﻌﻮﺍﻗﺐ ﻫﻮ ﻫﺎﺩ ﺍﻟﺘﺨﻮﻑ ﻭ ﺍﻟﻨﻔﻮﺭ ﺍﻟﻲ ﻭﻟﻰ ﻋﻨﺪﻫﺎ ...
ﺍﻟﺤﺎﺟﺔ ﺍﻟﻲ ﻣﻤﻜﻦ ﻳﻤﻨﺤﻬﺎ ﺩﺍﺑﺔ ﺭﻏﻢ ﺷﻮﻗﻮ ﻭ ﻟﻬﻔﺘﻮ ﻫﻲ ﺍﻟﻮﻗﺖ ...
ﺗﺴﻤﻊ ﺻﻮﺕ ﺍﻟﺼﻮﻧﻴﺖ ﻓﺎﻟﺒﺎﺏ ... ﻧﺎﺽ ﺭﺋﺒﺎﻝ ﺑﺎﺵ ﻳﺤﻞ ... ﺟﻮﻻﻥ ﻭﻗﻔﺎﺕ ﺩﺍﻛﺸﻲ ﺍﻟﻲ ﻛﺎﻧﺖ ﻛﺪﻳﺮ ﻭ ﺑﻘﺎﺕ ﺣﺎﺿﻴﺔ ﺟﻬﺔ ﻟﺒﺎﺏ ... ﺑﺎﻥ ﻟﻴﻬﺎ ﺭﺋﺒﺎﻝ ﺩﺍﺧﻞ ﻭ ﻣﻦ ﻭﺭﺍﻩ ﺑﻨﺖ ... ﺍﻭﻻ ﺍﻟﻮﺻﻒ ﺍﻟﺼﺤﻴﺢ ﻫﻮ ﺇﻣﺮﺃﺓ ... ﺇﻣﺮﺃﺓ ﺳﻤﺮﺍﺀ ﻭ ﻃﻮﻳﻠﺔ ...
ﻫﺎﺯﺓ ﻓﻴﺪﻫﺎ ﺣﻘﻴﺒﺔ ﺟﻠﺪﻳﺔ ... ﻭ ﻻﺑﺴﺔ ﺳﺮﻭﺍﻝ ﺗﻮﺏ ﻣﺒﻴﻦ ﺍﻧﺤﻨﺎﺀﺍﺕ ﺟﺴﻤﻬﺎ ... ﻭ ﻃﻮﭖ ﺑﻜﺘﺎﻑ ﻃﺎﻳﺤﻴﻦ ﻛﺎﺷﻒ ﻛﺘﺎﻓﻬﺎ ﻭ ﻧﺼﻒ ﻣﻔﺎﺗﻨﻬﺎ ... ﺑﻘﺎﺕ ﺟﻮﻻﻥ ﻣﺨﺮﺟﺔ ﻓﻴﻬﺎ ﻋﻨﻴﻬﺎ ... ﻭ ﺍﻟﻲ ﻛﻤﻞ ﻋﻠﻴﻬﺎ ﻫﻲ ﻓﺎﺵ ﺷﺎﻓﺘﻬﻢ ﺩﺍﺧﻠﻴﻦ ﻟﺒﻴﺖ ﺍﻟﻨﻌﺎﺱ ...
ﺑﻘﺎﺕ ﻭﺍﻗﻔﺔ ﻣﺨﺮﺟﺔ ﻋﻨﻴﻬﺎ ... ﺷﻨﻮ ﻭﻗﻊ ﺩﺍﺑﺔ ﺑﺎﻟﻈﺒﻂ ... ﺷﻜﻮﻥ ﻫﺎﺩﻱ ﺍﻟﻲ ﺟﺎﺕ ﻟﻌﻨﺪﻫﻢ ﻭ ﺩﺧﻼﺕ ﻣﻊ ﺭﺋﺒﺎﻝ ﻟﺒﻴﺘﻬﻢ ... ﺣﺴﺎﺕ ﺑﺮﺍﺳﻬﺎ ﺑﺤﺎﻝ ﺍﻟﻰ ﻛﺘﺤﻠﻢ ... ﺑﻘﺎﺕ ﻏﺎﺩﺓ ﺟﺎﻳﺔ ﻓﺎﻟﻜﻮﺯﻳﻨﺔ ﻭ ﻛﺘﻌﺾ ﻓﻀﻔﺮﻫﺎ ...