السفاح العاشق

بارت 19

ﺑﻬﺎﺀ : ﺁﺵ ﻛﺪﻳﺮﻱ ﻫﻨﺎﺍﺍﺍﺍﺍ
ﺟﻮﻻﻥ ﻣﻊ ﻗﻔﺰﺍﺕ ﻓﻠﺘﺎﺕ ﻟﻴﻬﺎ ﺍﻟﺼﻮﺭﺓ ﻣﻦ ﺑﻴﻦ ﻳﺪﻳﻬﺎ ... ﻭ ﻃﺎﺣﺖ ﻓﻠﺮﺽ ﻣﺸﺘﺖ ﺍﻟﺰﺍﺝ ﻋﻨﺪ ﺭﺟﻠﻴﻬﺎ ... ﻫﺰﺍﺕ ﻋﻨﻴﻬﺎ ﺑﺒﻂﺀ ﻓﻴﻪ ﻟﻘﺎﺕ ﻣﻼﻣﺤﻮ ﻛﻴﺨﻠﻌﻮ ... ﻛﺄﻧﻮ ﺑﺮﻛﺎﻥ ﻭ ﻋﻠﻰ ﻭﺷﻚ ﻳﻨﻔﺎﺟﺮ ﻓﻮﺟﻬﺎ ... ﻗﺮﺏ ﺑﻬﺎﺀ ﺑﺴﺮﻋﺔ ﻭ ﺷﺪﻫﺎ ﻣﻦ ﻣﻌﺼﻤﻬﺎ ...
ﺑﻬﺎﺀ : " ﺑﻴﻦ ﺳﻨﺎﻧﻮ " ﺷﻨﻮ ﻛﺪﻳﺮﻱ ﻫﻨﺎﺍﺍﺍ ... ﺷﻜﻮﻥ ﺳﻤﺢ ﻟﻴﻚ ﺩﺧﻠﻴﻴﻴﻲ
ﺟﻮﻻﻥ : ﺱ ﺳﻤﺢ ﻟﻴﺎﺍ ... ﻣﺎﻗﺼﺪﺗﺶ ﻧﺘﻄﻔﻞ ... ﻙ ﻛﻨﺖ ﺑﻐﻴﺖ ﻧﺤﻂ ﻟﻴﻚ ﻟﻮﺭﺍﻕ ﻭ ﻧﺨﺮﺝ
ﺑﻬﺎﺀ : " ﺯﻳﺮ ﻋﻠﻰ ﻣﻌﺼﻤﻬﺎ ﻭ ﻣﺨﺮﺝ ﻋﻨﻴﻪ " ﻣﻜﻴﻨﺎﺵ ﺍﻟﺴﻴﺒﺔ ﻓﻬﺎﺩ ﺍﻟﺸﺮﻛﺔ ... ﺗﺪﺧﻠﻲ ﻓﻴﻨﻤﺎ ﻗﺎﻟﻬﺎ ﻟﻴﻚ ﺭﺍﺳﻚ ... ﺣﺬﺭﺗﻚ ﺷﺤﺎﻝ ﻣﻦ ﻣﺮﺓ ﻭ ﻧﺒﻬﺘﻚ ... ﻭ ﻧﺘﻲ ﺩﺍﻳﺮﺓ ﺑﺤﺎﻝ ﺷﻲ ﻭﺣﺪﺓ ﻋﻨﺪﻫﺎ 5 ﺳﻨﻴﻦ ... ﺧﺎﺹ ﺍﻟﻲ ﺑﻘﺎ ﺣﺎﺿﻴﻬﺎ ﻭ ﺗﺎﺑﻌﻬﺎ ... ﻣﺮﺓ ﺧﺎﻭﻳﺔ ﺍﻟﻘﻬﻮﺓ ﻭ ﺩﺍﺑﺔ " ﻫﺒﻂ ﻋﻨﻴﻪ ﻛﻴﺸﻮﻑ ﻓﺎﻟﺼﻮﺭﺓ "
ﺟﻮﻻﻥ : " ﺣﺎﺳﺔ ﺑﻴﺪﻫﺎ ﻏﺘﻬﺮﺱ " ﻛﻨﻌﺘﺎﺍﺍﺫﺭ ﻭ ﺍﻟﻠﻪ ﻣﺎﻗﺼﺪﺕ ... ﻭ ﻭ ﺍﻟﺼﻮﺭﺓ ﺃ ﺍﻧﺎ ﻏﻨﺼﻠﺤﻬﺎ
ﺑﻐﺎﺕ ﺗﺤﺪﺭ ﺗﻬﺰﻫﺎ ﻭ ﻫﻮ ﻳﺠﺮﻫﺎ ﺑﻌﻨﻒ ﻭ ﺩﻓﻌﻬﺎ ﺟﻬﺔ ﻟﺒﺎﺏ ...
ﺑﻬﺎﺀ : ﺧﺮﺟﻴﻴﻴﻲ ... ﻭ ﻋﻤﺮﻙ ﺩﺧﻠﻲ ﻟﻬﻨﺎ ﺑﻼ ﺇﺫﻥ ... ﻣﺎﺷﻲ ﺩﺭﻧﺎ ﻓﻴﻚ ﺧﻴﺮ ﺳﺎﻋﺪﻧﺎﻙ ﻭ ﺧﺪﻣﻨﺎﻙ ... ﺗﺒﻘﺎﻱ ﺿﻮﺭﻱ ﺑﺤﺎﻝ ﺍﻟﻰ ﺷﺮﻛﺔ ﺑﺎﺍﺍﻙ ... ﻋﺮﻓﻲ ﺣﺪﻭﻭﻭﺩﻙ ﻭ ﺇﻻ ﻏﺘﻠﻘﺎﻱ ﺭﺍﺳﻚ ﺭﺟﻌﺘﻲ ﻟﻠﺤﻀﻴﺾ ﺍﻟﻲ ﻛﻨﺘﻲ ﻓﻴﻪ ... ﻛﺘﺴﻤﻌﻲ !
ﺷﺎﻓﺖ ﻓﻴﻪ ﺑﺤﺰﻥ ﻭ ﺍﻟﺪﻣﻮﻉ ﻣﺤﺠﺮﻳﻦ ﻓﻌﻨﻴﻬﺎ ... ﺧﺮﺟﺎﺕ ﻛﺘﺠﺮﻱ ﻭ ﺷﺎﺩﺓ ﻓﻤﻌﺼﻤﻬﺎ ﺍﻟﻲ ﻛﻴﻌﻄﻴﻬﺎ ﻟﺤﺮﻳﻖ ... ﻫﻲ ﻏﻠﻄﺎﺕ ﺍﻧﻬﺎ ﺩﺧﻼﺕ ﺑﻼ ﺍﺫﻥ ﻭ ﻫﺰﺍﺕ ﺍﻟﺼﻮﺭﺓ ... ﻟﻜﻦ ﻛﻼﻣﻮ ﻛﺎﻥ ﺟﺎﺭﺡ ... ﻋﺎﻣﻠﻬﺎ ﻛﻴﻒ ﺷﻲ ﺳﻌﺎﻳﺔ ﻣﺎﺷﻲ ﻣﻮﺿﻔﺔ ﺗﺴﺘﺎﺣﻖ ﺗﻌﺎﻣﻞ ﺑﺎﺣﺘﺮﺍﻡ ... ﻭﺍﺧﺔ ﻛﺎﻧﺖ ﻓﺎﻷﻭﻝ ﺗﺤﺲ ﺑﻠﻲ ﻣﻜﻴﺤﻤﻠﻬﺎﺵ ﻟﺴﺒﺐ ﻣﺎ ... ﻟﻜﻦ ﺍﻟﻴﻮﻡ ﻫﻲ ﻣﺘﺄﻛﺪﺓ ﺃﻥ ﺑﻬﺎﺀ ﻛﻴﻜﺮﻫﺎ ...
ﻫﺒﻄﺎﺕ ﺟﻮﻻﻥ ﻓﺎﻟﻤﺼﻌﺪ ... ﺩﺧﻼﺕ ﻟﻤﻜﺘﺒﻬﺎ ﺧﺪﺍﺕ ﺻﺎﻛﻬﺎ ﻭ ﺧﺮﺟﺎﺕ ... ﺷﺪﺍﺕ ﻃﺎﻛﺴﻲ ﻭ ﺭﺟﻌﺎﺕ ﻟﻠﺪﺍﺭ ...
ﻣﺴﺮﺣﺔ ﻓﻮﻕ ﺍﻟﻨﺎﻣﻮﺳﻴﺔ ﻭ ﺭﺋﺒﺎﻝ ﭼﺎﻟﺲ ﻋﻨﺪ ﺭﺟﻠﻴﻬﺎ ... ﺑﻘﺎﺕ ﻛﺘﺸﻮﻑ ﻓﻴﻪ ﻣﺒﺘﺎﺳﻤﺔ ... ﻛﻴﻒ ﻋﺮﻑ ﺑﻠﻲ ﻋﻴﺎﻧﺔ ﺟﺎ ﻛﻴﺠﺮﻱ ﻟﻌﻨﺪﻫﺎ ... ﺭﻏﻢ ﺍﻟﺠﻠﻴﺪ ﺍﻟﻲ ﺿﺎﻳﺮ ﺑﻴﻪ ... ﺇﻻ ﺍﻥ ﻻﺣﺒﻴﺒﺔ ﻫﻲ ﺍﻟﻮﺣﻴﺪﺓ ﺍﻟﻲ ﻛﺘﺸﻮﻑ ﺩﺍﻙ ﺍﻟﺠﺎﻧﺐ ﺍﻟﻤﻬﺘﻢ ﻭ ﺍﻟﺤﻨﻴﻦ ... ﺣﻄﺎﺕ ﻳﺪﻫﺎ ﻋﻠﻰ ﻳﺪﻭ ...
ﻻﺣﺒﻴﺒﺔ : ﻏﻴﺮ ﻃﻠﻊ ﺗﻨﻌﺲ ﺃﻭﻟﺪﻱ ... ﺭﺍﻩ ﻏﻴﺮ ﺍﻟﻈﻐﻂ ﺍﻟﻲ ﻃﻠﻊ ﻟﻴﺎ ... ﻣﺎﺷﻲ ﺃﻭﻝ ﻣﺮﺓ
ﺭﺋﺒﺎﻝ : " ﺟﺮ ﻳﺪﻭ " ﺣﺎﻭﻟﻲ ﻋﻠﻰ ﺻﺤﺘﻚ
ﻧﺎﺽ ﻭ ﺗﺤﻨﺎ ﻗﺒﻞ ﺭﺍﺳﻬﺎ ﻋﺎﺩ ﺧﺮﺝ ﻭ ﻃﻠﻊ ﻟﺒﻴﺘﻮ ... ﺩﺧﻞ ﻭ ﺗﻮﺟﻪ ﻟﻠﺪﺭﻳﺴﻴﻨﻎ ﺣﻴﺪ ﺣﻮﺍﻳﺠﻮ ﻭ ﻟﺒﺲ ﻋﻠﻴﻪ ﻛﻴﻄﻤﺔ ﮔﺮﻱ ... ﻭﻗﻒ ﻛﻴﺸﻮﻑ ﻓﻮﺍﺣﺪ ﺍﻟﺠﻬﺔ ﻣﻦ ﻟﺒﻼﻛﺎﺭ ... ﺣﻠﻮ ﻭ ﻛﺎﻧﺖ ﻓﻴﻪ ﻣﻀﻠﺔ ﻓﺎﻟﻠﻮﻥ ﺍﻟﻮﺭﺩﻱ ... ﺑﻘﺎ ﺷﺤﺎﺍﺍﺍﻝ ﻛﻴﺸﻮﻑ ﻓﻴﻬﺎ ﻋﺎﺩ ﺭﺟﻊ ﺳﺪﻭ ﻭ ﺧﺮﺝ ... ﺳﻤﻊ ﺍﻟﺪﻗﺎﻥ ﻋﻄﺎ ﺍﻹﺫﻥ ﻭ ﻫﻲ ﺩﺧﻞ ﺍﻟﺨﺎﺩﻣﺔ ﻫﺎﺯﺓ ﻣﻌﻬﺎ ﻛﻮﺏ ﺍﻟﻘﻬﻮﺓ ﺍﻟﻲ ﻃﻠﺐ ﻣﻨﻬﺎ ...
ﺣﻄﺎﺗﻬﺎ ﻓﻮﻕ ﻣﻜﺘﺒﻮ ﺍﻟﻲ ﻓﺎﻟﺠﻬﺔ ﻻﺧﺮﻯ ﻭ ﺧﺮﺟﺎﺕ ... ﺟﻠﺲ ﻓﻮﻕ ﺍﻟﻜﺮﺳﻲ ﻣﺘﻜﻲ ﺍﻟﻠﻮﺭ ﻭ ﻫﺰ ﻛﻮﺏ ﺍﻟﻘﻬﻮﺓ ... ﻳﺎﻻﻩ ﻏﻴﺮﺷﻒ ﻣﻨﻮﻭ ﻭ ﻫﻮ ﻳﺘﺬﻛﺮ ﻟﻘﻄﺎﺕ ﺍﻟﺼﺒﺎﺡ ... ﺻﻮﺭﺓ ﺟﻮﻻﻥ ﻭ ﻫﻲ ﻛﺘﻨﻘﺰ ﻓﺒﻼﺻﺘﻬﺎ ﻭ ﻣﺨﺮﺟﺔ ﻟﺴﺎﻧﻬﺎ ﺑﻌﺪﻣﺎ ﺣﺮﻗﺎﺗﻮ ... ﺗﻮﻗﻒ ﻟﻠﺤﻈﺔ ﻛﺄﻧﻮ ﻣﺮﻛﺰ ﻣﻊ ﺷﻨﻮ ﻛﻴﺘﺬﻛﺮ ﻭ ﺭﺷﻒ ﻣﻦ ﻗﻬﻮﺗﻮ ...
🍁 ﺃﺻﺒﺤﻨﺎ ﻭﺃﺻﺒﺢ ﺍﻟﻤﻠﻚ ﻟﻠﻪ 🍁
ﺟﻬﺰﺍﺕ ﺟﻮﻻﻥ ﺭﺍﺳﻬﺎ ﻭ ﻫﻲ ﻓﻘﻤﺔ ﺍﻟﺘﻮﺛﺮ ... ﺍﻟﻴﻮﻡ ﻋﻨﺪﻫﺎ ﺳﻮﺗﻨﻮﻧﺲ ﺍﻟﺨﺎﺻﺔ ﺑﺎﻟﺒﺤﺚ ﺩﻳﺎﻟﻬﺎ ... ﻳﻌﻨﻲ ﮔﺎﻉ ﺩﺍﻙ ﺍﻟﻌﻤﻞ ﻭ ﺍﻟﺠﻬﺪ ﺍﻟﻲ ﺩﺍﺭﺕ ﺍﻟﻴﻮﻡ ﻏﻴﺘﺨﺘﺎﺑﺮ ... ﻟﺒﺴﺎﺕ ﺃﺣﺴﻦ ﻣﺎ ﻋﻨﺪﻫﺎ ... ﻫﺒﻄﺎﺕ ﻓﻄﺮﺍﺕ ﺗﺤﺖ ﺇﺻﺮﺍﺭ ﻣﻬﺎ ...
ﻭ ﺧﺮﺟﺎﺕ ﺑﻌﺪﻣﺎ ﺩﻋﺎﻭ ﻣﻌﻬﺎ ﻭﺍﻟﺪﻳﻬﺎ ﺑﺎﻟﺘﻮﻓﻴﻖ ... ﻭﺻﻼﺕ ﻻﻓﺎﻙ ﻭ ﺗﻼﻗﺎﺕ ﺑﺰﻳﻨﺐ ﺍﻟﻲ ﻛﺎﻧﺖ ﻻ ﺗﻘﻞ ﻋﻨﻬﺎ ﺗﻮﺛﺮﺍ ... ﻛﻞ ﻭﺣﺪﺓ ﻛﺘﺸﺠﻊ ﻻﺧﺮﻯ ﻭ ﺗﻄﻤﺄﻧﻬﺎ ﺃﻥ ﻛﻠﺸﻲ ﻏﻴﺪﻭﺯ ﻣﺰﻳﺎﻥ ... ﻭ ﻓﻌﻼ ﺩﺍﻛﺸﻲ ﺍﻟﻲ ﺻﺎﺭ ... ﺧﺮﺟﻮ ﺑﺠﻮﺟﺎﺕ ﺑﻌﺪ ﺍﻟﺴﻮﺗﻨﻮﻧﺺ ﺭﺍﺿﻴﻴﻦ ﻋﻠﻰ ﺃﺩﺍﺀﻫﻢ ... ﻛﻞ ﻭﺣﺪﺓ ﺗﻌﻨﻖ ﻓﻼﺧﺮﻯ ... ﻣﺸﺎﻭ ﺗﻐﺪﺍﻭ ﻭ ﺩﻭﺯﻭ ﺑﺎﻗﻲ ﺍﻟﻴﻮﻡ ﻓﺎﻟﺨﺎﺭﺝ ...
ﻓﺎﻟﺸﺮﻛﺔ ﻭ ﺑﺎﻟﻈﺒﻂ ﻓﺎﻟﻄﺎﺑﻖ ﺍﻷﻭﻝ ... ﻓﻴﻦ ﻛﺎﻳﻦ ﺃﺳﺘﻮﺩﻳﻮ ﺧﺎﺹ ﺑﺎﻟﺘﺼﻮﻳﺮ ... ﻛﺎﻥ ﺍﻟﻄﺎﻗﻢ ﻛﻮﻟﻮ ﺣﺎﺿﺮ ﻭ ﻛﻠﺸﻲ ﻣﺠﻬﺰ ... ﻭ ﻛﻴﺘﺴﻨﺎﻭ ﻓﺤﻀﻮﺭﻭ ... ﻫﺎﺩﻱ ﻫﻲ ﻋﺎﺩﺗﻮ ﺩﻳﻤﺎ ﻣﺘﺄﺧﺮ ... ﻟﻜﻦ ﺣﺘﺎ ﻭﺍﺣﺪ ﻣﻴﻘﺪﺭ ﻳﻬﻀﺮ ﻣﻌﺎﻩ ... ﺃﺧﻴﺮﺍ ﺗﻢ ﺩﺍﺧﻞ ... ﺷﺎﻑ ﻓﺎﻟﻄﺎﻗﻢ ﻣﺒﺘﺎﺳﻢ ﻏﻤﺰ ﻟﻴﻬﻢ ﻭ ﻣﺸﺎ ﻟﻐﺮﻓﺔ ﺗﻐﻴﻴﺮ ﺍﻟﻤﻼﺑﺲ ...
ﺩﻓﻊ ﻟﺒﺎﺏ ﻭ ﺩﺧﻞ ... ﻛﺎﻧﺖ ﻟﻤﺎﻳﻜﺎﭖ ﺁﺭﺗﻴﺴﺖ ﻭ ﺍﻟﻤﺴﺎﻋﺪﺓ ﺩﻳﺎﻟﻬﺎ ﻛﻴﺘﺴﻨﺎﻭﻩ ... ﺩﺧﻞ ﻭ ﺟﻠﺲ ﻓﺒﻼﺻﺘﻮ ... ﻭﺋﺎﻡ ﺑﻘﺎﺕ ﻏﺎ ﺣﺎﻟﺔ ﻓﻤﻬﺎ ... ﻣﺰﺍﻝ ﻣﻤﺘﻴﻘﺎﺵ ﺑﻠﻲ ﺗﻘﺒﻼﺕ ﻓﺸﺮﻛﺔ ﺑﻬﺎﺩ ﺍﻟﺤﺠﻢ ... ﻭ ﺧﺪﺍﻣﺔ ﻛﻤﺴﺎﻋﺪﺓ ﻟﻮﺣﺪﺓ ﻣﻦ ﺃﺷﻬﺮ ﻟﻤﺎﻳﻜﺎﺏ ﺁﺭﺗﻴﺴﺖ ﻓﺎﻟﻤﺠﺎﻝ ... ﻏﻴﺮ ﺷﺎﻓﺖ ﺇﻟﻴﺎﺱ ﺩﺍﺧﻞ ﻋﻤﺮﻭ ﻋﻨﻴﻬﺎ ﻗﻠﻮﺑﺔ ...
ﺑﺪﺍﻭ ﻛﻴﺠﻬﺰﻭﻩ ﻭ ﻳﻘﺎﺩﻭ ﻟﻴﻪ ﺷﻌﺮﻭ ... ﺟﺎﺕ ﺳﺘﺎﻳﻠﻴﺴﺖ ﺗﻮﺭﻳﻪ ﺷﻨﻮ ﻏﻴﻠﺒﺲ ... ﻫﻮ ﻣﻦ ﻃﺒﻌﻮ ﺿﺤﻮﻛﻲ ﻣﻊ ﻫﺎﺩﺍ ﻭ ﻫﺎﺩﺍ ... ﻭ ﺣﺘﺎ ﺍﻟﻄﺎﻗﻢ ﻣﻮﻟﻒ ﻣﻌﺎﻫﻢ ﺍﻟﻤﺰﺍﺡ ... ﻭ ﻛﻴﺘﻐﺰﻝ ﺑﮕﺎﻉ ﺍﻟﻤﻮﺿﻔﺎﺕ ... ﺷﺎﻑ ﻓﻮﺋﺎﻡ ﺍﻟﻲ ﻭﺍﻗﻔﺔ ﺟﻨﺐ ﻣﻦ ﺍﻟﻤﺮﺍﻳﺔ ﻭ ﻧﻄﻖ ...
ﺇﻟﻴﺎﺱ : ﻧﺘﻲ ﺟﺪﻳﺪﺓ ؟
ﻭﺋﺎﻡ : " ﺑﺎﺑﺘﺴﺎﻣﺔ " ﺁﻩ
ﺇﻟﻴﺎﺱ : ﻣﺮﺣﺒﺎ ﺑﻴﻚ ﻣﻌﻨﺎ
ﻭﺋﺎﻡ : " ﺗﻈﺎﻫﺮﺍﺕ ﺑﺎﻟﺨﺠﻞ ﻭ ﺣﺪﺭﺍﺕ ﺭﺍﺳﻬﺎ " ﺷﻜﺮﺍﺍﺍ
ﺇﻟﻴﺎﺱ : ﺣﺸﻮﻣﻴﺔ ﻣﻊ ﺭﺍﺳﻚ ﻫﻬﻪ ... ﺯﻋﻤﺎ ﺑﺎﻗﻲ ﻫﺎﺩ ﺍﻟﻨﻮﻉ
ﻏﻤﺰﻫﺎ ﻣﻦ ﻟﻤﺮﺍﻳﺔ ﻭ ﻫﺰ ﺍﻟﻔﻮﻥ ﻛﻴﺒﻘﺸﺶ ﻓﻴﻪ ... ﺃﻣﺎ ﻭﺋﺎﻡ ﻛﺎﻧﺖ ﻃﺎﻳﺮﺓ ﻣﻦ ﻟﻔﺮﺣﺔ ... ﻋﻤﺮﻫﺎ ﺗﺨﺎﻳﻼﺕ ﺗﻠﻔﺖ ﺍﻧﺘﺒﺎﻩ ﺷﺨﺺ ﻛﺎﻧﺖ ﺗﺸﻮﻓﻮ ﻏﻴﺮ ﻓﺎﻟﻤﺠﻼﺕ ... ﺣﺴﺎﺕ ﺑﺎﺏ ﺍﻟﺠﻨﺔ ﺗﺤﻞ ﻋﻠﻴﻬﺎ ﻧﻬﺎﺭ ﺣﻄﺎﺕ ﺭﺟﻠﻬﺎ ﻓﻬﺎﺩ ﺍﻟﺸﺮﻛﺔ ...
ﻓﻲ ﻣﻄﺎﺭ ﻟﻨﺪﻥ ... ﺩﺧﻼﺕ ﺳﻴﺎﺭﺓ ﻓﺎﺧﺮﺓ ﻟﺠﻬﺔ ﺍﻟﻄﺎﺋﺮﺍﺕ ﺍﻟﺨﺎﺻﺔ ... ﺧﺮﺝ ﺍﻟﺴﺎﺋﻖ ﻭ ﻫﺮﻉ ﺣﻞ ﻟﺒﺎﺏ ﺍﻟﺨﻠﻔﻲ ... ﺣﻄﺎﺕ ﺭﺟﻠﻬﺎ ﻭ ﺑﺎﻥ ﺣﺬﺍﺀ ﻋﺎﻟﻲ ﺃﺳﻮﺩ ﻭ ﺍﺳﻔﻠﻮ ﻓﺎﻟﻠﻮﻥ ﺍﻷﺣﻤﺮ ... ﺧﺮﺟﺎﺕ ﻓﺘﺎﺓ ﺳﻤﺮﺍﺀ ﺑﺸﻌﺮ ﺃﺳﻮﺩ ﻃﻮﻳﻞ ... ﻻﺑﺴﺔ ﺟﻴﭗ ﻗﺼﻴﺮﺓ ﻓﺎﻻﺳﻮﺩ ﻣﺒﻴﻨﺔ ﺳﻴﻘﺎﻧﻬﺎ ﺍﻟﻄﻮﺍﻝ ... ﻣﻊ ﻃﻮﭖ ﺑﻴﺾ ﻭ ﻻﻳﺤﺔ ﻓﻮﻕ ﻛﺘﺎﻓﻬﺎ ﻣﻮﻧﻄﻮ ﻣﺰﻏﺐ ...
ﻣﺸﺎﺕ ﻓﺎﺗﺠﺎﻩ ﺍﻟﻄﺎﺋﺮﺓ ﺍﻟﺨﺎﺻﺔ ﺍﻟﻲ ﻛﺘﺴﻨﺎﻫﺎ ... ﻭ ﺍﻟﺴﺎﺋﻖ ﺟﺎﺭ ﺣﻘﻴﺒﺘﻬﺎ ﻭ ﺗﺎﺑﻌﻬﺎ ﻣﻦ ﺍﻟﺨﻠﻒ ... ﻃﻠﻌﺎﺕ ﻭ ﺟﻠﺴﺎﺕ ﻓﻤﻜﺎﻧﻬﺎ ... ﻭ ﺑﻌﺪﻣﺎ ﻣﺪﺓ ﻗﻠﻴﻠﺔ ﻗﻠﻌﺎﺕ ﺍﻟﻄﺎﺋﺮﺓ ...
ﻣﺮﻭ ﺳﺎﻋﺎﺕ ﻭ ﻫﻲ ﺗﺤﻂ ﻓﺎﻷﺭﺍﺿﻲ ﺍﻟﻤﻐﺮﺑﻴﺔ ... ﻫﺒﻄﺎﺕ ﻭ ﻟﻘﺎﺕ ﺳﻴﺎﺭﺓ ﻓﺎﻧﺘﻈﺎﺭﻫﺎ ... ﺣﻂ ﺍﻟﺸﻴﻔﻮﺭ ﺍﻟﺤﻘﻴﺒﺔ ﻓﻠﻜﻮﻓﺮ ﻭ ﺣﻞ ﻟﻴﻬﺎ ﻟﺒﺎﺏ ... ﺭﻛﺒﺎﺕ ﻭ ﺿﺎﺭ ﻃﻠﻊ ... ﺧﺮﺟﻮ ﻣﻦ ﺍﻟﻤﻄﺎﺭ ﻭ ﺑﻌﺪ ﻣﺪﺓ ﻛﺎﻧﻮ ﻗﺪﺍﻡ ﭬﻴﻼ ﻛﺒﻴﺮﺓ ... ﺗﺤﻼﺕ ﺍﻟﺒﻮﺍﺑﺔ ﻭ ﺩﺧﻞ ﺑﺎﻟﺴﻴﺎﺭﺓ ...
ﻫﺒﻂ ﺣﻞ ﻟﻴﻬﺎ ﻟﺒﺎﺏ ﻭ ﺗﻤﺎﺕ ﺩﺍﺧﻠﺔ ... ﺗﻠﻘﺎﺕ ﻟﻴﻬﺎ ﺍﻟﺨﺎﺩﻣﺔ ﻓﺎﻟﺒﺎﺏ ...
ﺍﻟﺨﺎﺩﻣﺔ : ﻋﻠﻰ ﺳﻼﻣﺘﻚ ﻣﺎﺩﻣﻮﺯﻳﻞ ﺳﻤﺎﺭﺍ
ﺳﻤﺎﺭﺍ : ﺍﻟﻠﻪ ﻳﺴﻠﻤﻚ
ﺍﻟﺨﺎﺩﻣﺔ : ﺭﺍﻩ ﺟﻬﺰﺕ ﻟﻴﻚ ﺍﻟﻐﺮﻓﺔ ﺩﻳﺎﻟﻚ ... ﻭ ﻭﺟﺪﺕ ﻟﻴﻚ ﺍﻟﺤﻤﺎﻡ
ﺳﻤﺎﺭﺍ : " ﺑﺎﺑﺘﺴﺎﻣﺔ " ﺷﻜﺮﺍ ... ﻣﻨﻴﻦ ﻧﻜﻤﻞ ﻃﻠﻌﻲ ﻟﻴﺎ ﺍﻟﻌﺸﺎ
ﺍﻟﺨﺎﺩﻣﺔ : ﺃﻭﻛﻲ ﻣﺎﺩﻣﻮﺯﻳﻞ
ﻃﻠﻌﺎﺕ ﺳﻤﺎﺭﺍ ﻟﻐﺮﻓﺘﻬﺎ ﺍﻟﻲ ﻛﺎﻧﺖ ﺷﺎﺳﻌﺔ ... ﻣﺠﻬﺰﺓ ﺑﺄﺛﺎﺙ ﻓﺎﺧﺮ ﺑﺄﻟﻮﺍﻥ ﻓﺎﺗﺤﺔ ... ﺑﻴﻦ ﻟﺒﻴﺞ ﺍﻷﺑﻴﺾ ﻭ ﺍﻟﺬﻫﺒﻲ ... ﺳﺪﺍﺕ ﻟﺒﺎﺏ ﻭ ﺣﻴﺪﺍﺕ ﻋﻠﻴﻬﺎ ﻟﻤﻮﻧﻄﻮ ... ﻻﺣﺘﻮ ﻓﻮﻕ ﺍﻟﻔﻮﻃﻮﻱ ﻭ ﻫﻲ ﻛﺘﺸﻮﻑ ﻓﺄﻧﺤﺎﺀ ﺍﻟﻐﺮﻓﺔ ... ﻣﺮﺕ ﺃﺭﺑﻊ ﺳﻨﻮﺍﺕ ﻋﻠﻰ ﺁﺧﺮ ﻣﺮﺓ ﻛﺎﻧﺖ ﻫﻨﺎ ... ﻟﻠﺤﻈﺔ ﺗﺬﻛﺮﺍﺕ ﺍﻟﺤﺎﻟﺔ ﺍﻟﻲ ﻏﺎﺩﺭﺍﺕ ﻓﻴﻬﺎ ...
ﺭﺟﻌﺎﺕ ﺷﻌﺮﻫﺎ ﻭﺭﺍ ﻭﺫﻧﻬﺎ ﻭ ﺍﺗﺎﺟﻬﺎﺕ ﻟﻠﺤﻤﺎﻡ ... ﺣﻴﺪﺍﺕ ﺣﻮﺍﻳﺠﻬﺎ ﻭ ﺑﺎﻧﺖ ﺑﺸﺮﺗﻬﺎ ﺍﻟﺴﻤﺮﺍﺀ ﻭ ﺟﺴﻤﻬﺎ ﺍﻟﻤﻤﺸﻮﻕ ... ﺳﻤﺎﺭﺍ ﻋﺎﺭﺿﺔ ﺍﻷﺯﻳﺎﺀ ﺍﻟﻐﻨﻴﺔ ﻋﻦ ﺍﻟﺘﻌﺮﻳﻒ ... ﻣﻦ ﺃﺏ ﻣﻐﺮﺑﻲ ﻭ ﺃﻡ ﺑﺎﻛﻴﺴﺘﺎﻧﻴﺔ ... ﻟﻜﻦ ﻋﺎﺷﺖ ﺣﻴﺎﺗﻬﺎ ﻣﺎﺑﻴﻦ ﺍﻟﻤﻐﺮﺏ ﻭ ﻟﻨﺪﻥ ﻓﻴﻦ ﻣﺴﺘﺎﻗﺮﻳﻦ ﻭﺍﻟﺪﻳﻬﺎ ... ﻗﺮﺍﺕ ﻓﺄﺭﻗﻰ ﺍﻟﺠﺎﻣﻌﺎﺕ ﻓﺒﺮﻳﻄﺎﻧﻴﺎ ' ﺟﺎﻣﻌﺔ ﻛﺎﻣﺒﺮﻳﺪﺝ ' ﻟﻜﻦ ﺍﻫﺘﻤﺎﻣﻬﺎ ﻛﺎﻥ ﺩﺍﺋﻤﺎ ﻣﺠﺎﻝ ﻋﺮﺽ ﺍﻷﺯﻳﺎﺀ ...
ﻭ ﺑﻔﻀﻞ ﺷﻜﻠﻬﺎ ﺫﻛﺎﺀﻫﺎ ﻭ ﺷﺨﺼﻴﺘﻬﺎ ... ﻗﺪﺭﺍﺕ ﺩﻳﺮ ﺑﻼﺻﺘﻬﺎ ﻓﻬﺎﺩ ﺍﻷﺭﺑﻊ ﺍﻟﺴﻨﻮﺍﺕ ﺍﻷﺧﻴﺮﺓ ... ﻛﻴﻒ ﺳﺎﻟﻰ ﻋﻘﺪﻫﺎ ﻣﻊ ﻝ agency ﺍﻟﻲ ﻛﺎﻧﺖ ﻓﻴﻬﺎ ... ﺭﻓﻀﺎﺕ ﺗﻌﺎﻭﺩ ﻣﻌﺎﻫﻢ ﻭ ﻛﺎﻥ ﻗﺮﺍﺭﻫﺎ ﺗﺮﺟﻊ ﻟﻠﻤﻐﺮﺏ ... ﻭ ﻭﺭﺍﺀ ﺭﺟﻮﻋﻬﺎ ﻋﺪﺓ ﺃﺳﺒﺎﺏ ...
ﺗﺨﺸﺎﺕ ﻓﺎﻟﺒﺎﻧﻴﻮ ﻣﺴﺘﺮﺧﻴﺔ ﻋﻠﻰ ﺍﻵﺧﺮ ... ﺳﺪﺍﺕ ﻋﻨﻴﻬﺎ ﻛﺘﺸﻮﻑ ﺻﻮﺭﺗﻮ ﻓﺂﺧﺮ ﻟﻘﺎﺀ ﻟﻴﻬﻢ ... ﺭﻏﻢ ﺃﻧﻪ ﺣﻄﻢ ﻗﻠﺒﻬﺎ ﺑﺮﻓﻀﻮ ﻟﻤﺸﺎﻋﺮﻫﺎ ... ﺍﻻ ﺍﻧﻬﺎ ﻋﻤﺮﻫﺎ ﻧﺪﻣﺎﺕ ﺃﻧﻬﺎ ﺑﻐﺎﺗﻮ ... ﺍﺭﺗﺎﺑﻄﺎﺕ ﺑﺮﺟﺎﻝ ﺁﺧﺮﻳﻦ ... ﻟﻜﻦ ﺣﺘﺎ ﻭﺍﺣﺪ ﻣﺎﻗﺪﺭ ﻳﺸﻐﻞ ﻣﻜﺎﻧﻮ ... ﻭ ﺃﺣﺴﺎﺳﻬﺎ ﺍﺗﺠﺎﻫﻮ ﻋﻤﺮﻫﺎ ﺭﺟﻌﺎﺕ ﺟﺮﺑﺎﺗﻮ ﻣﻊ ﺷﻲ ﻭﺍﺣﺪ ﺁﺧﺮ ...
ﺩﻭﺯﺍﺕ ﻳﺪﻫﺎ ﻋﻠﻰ ﻋﻨﻘﻬﺎ ﻭ ﺍﺑﺘﺴﺎﻣﺔ ﻣﺮﺳﻮﻣﺔ ﻋﻠﻰ ﺷﻔﺎﻳﻔﻬﺎ ... ﻓﻘﻂ ﺍﻟﺘﻔﻜﻴﺮ ﻓﻴﻪ ﻛﻴﺨﻠﻴﻬﺎ ﺗﺴﺘﺮﺟﻊ ﺍﻷﻳﺎﻡ ﺍﻟﻲ ﻛﺎﻧﺖ ﺗﺸﻮﻓﻮ ﻛﻞ ﻳﻮﻡ ... ﻭ ﺣﺒﻬﺎ ﻟﻴﻪ ﺇﻟﻲ ﺗﻌﻤﻖ ﺩﺍﺧﻠﻬﺎ ﺑﺪﻭﻥ ﻣﺎﺗﺤﺲ ...
ﻳﻮﻡ ﺟﺪﻳﺪ ... ﻭﺍﻗﻔﺔ ﺳﻤﺎﺭﺍ ﻓﺎﻟﺒﺎﻟﻜﻮﻥ ... ﻻﺑﺴﺔ ﺑﻴﻨﻮﺍﺭ ﺣﺮﻳﺮﻱ ﻭ ﻫﺎﺯﺓ ﻗﻬﻮﺓ ﻓﻴﺪﻫﺎ ... ﺍﺳﺘﻨﺸﻘﺎﺕ ﺍﻟﻬﻮﺍﺀ ﺍﻟﻤﻨﻌﺶ ﻭ ﻭﺟﻬﺎ ﻣﺒﺸﻮﺭ ... ﺣﺴﺎﺕ ﺍﻥ ﺍﻟﺮﺟﻮﻉ ﻟﻠﻤﻐﺮﺏ ﻛﺎﻥ ﺃﺣﺴﻦ ﻗﺮﺍﺭ ... ﻣﻜﺘﺮﺗﺎﺡ ﻓﺤﺘﺎ ﺑﻼﺻﺔ ﻣﻦ ﻏﻴﺮﻭ ... ﻋﺎﺷﺖ ﻃﻔﻮﻟﺘﻬﺎ ﻓﻴﻪ ... ﻭ ﻫﻮ ﺍﻟﻤﻜﺎﻥ ﺍﻟﻲ ﻋﺎﻳﺶ ﻓﻴﻪ ﺍﻟﺸﺨﺺ ﺍﻟﻲ ﻣﺎﻟﻚ ﻗﻠﺒﻬﺎ ...
ﺑﻌﺪﻣﺎ ﺷﺮﺑﺎﺕ ﻗﻬﻮﺗﻬﺎ ... ﺩﺧﻼﺕ ﺗﺠﻬﺰ ﺭﺍﺳﻬﺎ ... ﻟﺒﺴﺎﺕ ﺳﺮﻭﺍﻝ ﻛﺤﻞ ﻃﻮﻳﻞ ﻣﻊ ﺩﻳﺒﺎﺭﺩﻭ ﺍﺳﻮﺩ ﻭ ﺩﺍﺭﺕ ﻓﻮﻗﻮ ﺟﺎﻛﻴﻂ ... ﻃﻠﻘﺎﺕ ﺷﻌﺮﻫﺎ ﺳﺎﻣﺒﻞ ﻭ ﺩﺍﺭﺕ ﻣﺎﻳﻜﺎﭖ ﺧﻔﻴﻒ ... ﻫﺰﺍﺕ ﺣﻘﻴﺒﺘﻬﺎ ﻭ ﺧﺮﺟﺎﺕ ... ﻟﻘﺎﺕ ﺍﻟﺴﺎﺋﻖ ﻛﻴﺘﺴﻨﺎﻫﺎ ... ﺧﺪﺍﺕ ﻣﻦ ﻋﻨﺪﻭ ﻟﻜﻮﻧﻄﺎﻛﺖ ﻭ ﺭﻛﺒﺎﺕ ... ﺧﺮﺟﺎﺕ ﻣﻦ ﻟﭭﻴﻼ ﻭ ﻫﻲ ﺗﻜﺴﻴﺮﻱ ...
ﻭﻗﻔﺎﺕ ﺃﻣﺎﻡ ﺍﻟﺸﺮﻛﺔ ... ﻫﺒﻄﺎﺕ ﻭ ﻫﻲ ﺗﻢ ﺩﺍﺧﻠﺔ ... ﺑﺎﻥ ﻟﻴﻬﺎ ﻭﺍﻗﻒ ﺍﻣﺎﻡ ﺍﻟﻤﺼﻌﺪ ﻭ ﻫﻲ ﺍﺗﺎﺟﻪ ﻟﻌﻨﺪﻭ ... ﺳﻨﻤﺎﺭ ﻳﺎﻻﻩ ﺑﻐﺎ ﻳﺪﺧﻞ ... ﻭ ﻫﻮ ﻳﺤﺲ ﺑﻴﺪﻳﻦ ﻧﺎﻋﻤﻴﻦ ﺗﺤﻄﻮ ﻋﻠﻰ ﻋﻨﻴﻪ ...
ﺳﻤﺎﺭﺍ : " ﺑﺼﻮﺕ ﻣﻐﻴﺮ " ﺷﻜﻮﻥ ﺃﻧﺎ ؟
ﺳﻨﻤﺎﺭ ﻛﻴﻒ ﺳﻤﻊ ﺻﻮﺗﻬﺎ ... ﺷﺪ ﻓﻴﺪﻫﺎ ﻭ ﺿﻮﺭﻫﺎ ﺣﺘﺎ ﻭﻗﻔﺎﺕ ﻗﺪﺍﻣﻮ ... ﺷﺎﻑ ﻓﻴﻬﺎ ﺑﺎﺑﺘﺴﺎﻣﺔ ﻭ ﻫﻲ ﺗﻼﺣﺖ ﻋﻠﻴﻪ ﻋﻨﻘﺎﺗﻮ ...
ﺳﻨﻤﺎﺭ : " ﺑﺎﺩﻟﻬﺎ ﺍﻟﻌﻨﺎﻕ " ﺍﻣﺘﺎ ﺟﻴﺘﻲ ؟
ﺳﻤﺎﺭﺍ : ﻏﻴﺮ ﻟﺒﺎﺭﺡ " ﺑﻌﺪﺍﺕ " ﺯﻳﺎﻧﻴﺘﻲ
ﺳﻨﻤﺎﺭ : " ﻋﻘﺪ ﺣﺠﺒﺎﻧﻮ " ﻣﻦ ﺩﻳﻤﺎ ... ﻧﺘﻲ ﺍﻟﻲ ﺗﺒﺪﻟﺘﻲ ... ﻟﻨﺪﻥ ﻣﻮﻓﻘﺎﺗﻜﺶ
ﺳﻤﺎﺭﺍ : ﻭ ﺷﻨﻮ ﻧﺪﻳﺮ ... ﻧﻬﺎﺭ ﺧﻄﺒﺘﻲ ﺧﻮﻳﺖ ﻟﺒﻼﺩ
ﺳﻨﻤﺎﺭ : " ﺟﻤﻊ ﺍﻹﺑﺘﺴﺎﻣﺔ " ﻋﻠﻰ ﺳﻼﻣﺘﻚ
ﺳﻤﺎﺭﺍ : ﺃﻭﺑﺲ ﻣﺎﻗﺼﺪﺗﺶ
ﺳﻨﻤﺎﺭ : ﻋﺎﺭﻑ ... ﻳﺎﻻﻩ ﻧﻄﻠﻌﻮ
ﺩﺧﻠﻮ ﺑﺠﻮﺝ ﻟﻠﻤﺼﻌﺪ ﻭ ﻃﻠﻌﻮ ﻟﻠﻄﺎﺑﻖ ﺍﻷﺧﻴﺮ ... ﺧﺮﺟﻮ ﻭ ﺗﻤﻮ ﻏﺎﺩﻳﻴﻦ ﻓﺎﻟﻜﻮﻟﻮﺍﺭ ...
ﺳﻨﻤﺎﺭ : ﻋﻼﺵ ﺍﺧﺘﺎﺭﻳﺘﻲ ﺍﻟﺸﺮﻛﺔ ؟
ﺳﻤﺎﺭﺍ : ﺣﻴﻨﺖ ﺑﻐﻴﺖ ... ﻛﻨﻔﻜﺮ ﻧﺴﺘﺎﻗﺮ ﻫﻨﺎ ... ﻭ ﺃﻛﻴﺪ ﻏﻨﺨﺘﺎﺭ ﺍﻟﺸﺮﻛﺔ ﺍﻷﻭﻟﻰ ﺑﺎﺵ ﻧﺘﻌﺎﻗﺪ ﻣﻌﻬﺎ
ﺳﻨﻤﺎﺭ : ﺍﻣﺘﺎ ﺗﻠﻘﻴﺘﻲ ﺍﻟﻌﺮﺽ
ﺳﻤﺎﺭﺍ : ﺍﻟﺸﻬﺮ ﺍﻟﻲ ﻓﺎﺕ ﻓﺄﺳﺒﻮﻉ ﺍﻟﻤﻮﺿﺔ ... ﺗﻼﻗﻴﺖ ﺑﺒﻬﺎﺀ ﻭ ﻫﻮ ﺍﻟﻲ ﻗﺪﻡ ﻟﻴﺎ ﺍﻟﻌﺮﺽ ... ﺑﺎﻥ ﻟﻴﺎ ﺑﺤﺎﻝ ﺍﻟﻰ ﻣﺎﺑﻐﺘﻨﻴﺶ ﻧﺠﻲ ﻧﺰﺍﺣﻤﻜﻢ
ﺳﻨﻤﺎﺭ : ﺑﺎﻟﻄﺒﻊ ﻻ ... ﺍﻟﺒﻼﺻﺔ ﺍﻟﻲ ﺗﻜﻮﻧﻲ ﻓﻴﻬﺎ ﻛﺘﺨﻄﻔﻲ ﺍﻷﺿﻮﺍﺀ
ﺳﻤﺎﺭﺍ : ﺻﺎﻓﻲ ﻧﺮﺟﻊ ﻓﺤﺎﻟﻲ
ﺳﻨﻤﺎﺭ : ﺩﺧﻮﻝ ﻟﺤﻤﺎﻡ ﻣﺎﺷﻲ ﺑﺤﺎﻝ ﺧﺮﻭﺟﻮ ... ﺑﻬﺎﺀ ﻏﺎﺩﻱ ﻳﻜﻮﻥ ﻓﻤﻜﺘﺐ ﺍﻟﻤﺪﻳﺮ ... ﻳﺎﻻﻩ ﻧﻤﺸﻴﻮ ﻟﻌﻨﺪﻭ
ﺳﻨﻤﺎﺭ ﺑﺪﻭﻥ ﻣﺎﻳﺪﻕ ﺣﻞ ﻟﺒﺎﺏ ﻭ ﺩﺧﻞ ... ﺑﺎﻥ ﻟﻴﻪ ﺭﺋﺒﺎﻝ ﺟﺎﻟﺲ ﻓﺎﻟﻤﻜﺘﺐ ﻭ ﺑﻬﺎﺀ ﻭﺍﻗﻒ ﻫﺎﺯ ﻣﻌﺎﻩ ﺷﻲ ﻣﻠﻔﺎﺕ ... ﺩﺧﻼﺕ ﻣﻦ ﻭﺭﺍﻩ ﺳﻤﺎﺭﺍ ﻭ ﻭﻗﻔﺎﺕ ﻛﺘﺸﻮﻑ ﺟﻬﺔ ﻟﻤﻜﺘﺐ ... ﻛﻴﻒ ﻫﺰ ﺭﺋﺒﺎﻝ ﺭﺍﺳﻮ ﻭ ﺷﺎﻑ ﻓﺎﺗﺠﺎﻫﻬﻢ ... ﺣﺴﺎﺕ ﺑﺪﻗﺎﺕ ﻗﻠﺒﻬﺎ ﻛﺘﺴﺎﺭﻉ ... ﺧﺎﺻﺔ ﻓﺎﺵ ﺷﺎﻑ ﻓﻴﻬﺎ ...
ﺍﻟﺰﻣﻦ ﺗﻮﻗﻒ ﻋﻨﺪﻫﺎ ﻭ ﻫﻲ ﻛﺘﺸﻮﻑ ﻓﻴﻪ ﺑﻮﻟﻬﺎﻥ ... ﻭ ﻋﻨﻴﻬﺎ ﻣﺎﻟﻴﻬﻢ ﺑﺮﻳﻖ ﻛﺎﻥ ﻏﺎﺋﺐ ﺩﻗﺎﺋﻖ ﻗﺒﻞ ... ﻣﺎﺭﺟﻌﺎﺕ ﻟﻮﻋﻴﻬﺎ ﺣﺘﺎ ﺷﺪ ﻓﻴﻬﺎ ﺳﻨﻤﺎﺭ ﻭ ﺟﺮﻫﺎ ﻣﻌﺎﻩ ...
ﺳﻨﻤﺎﺭ : ﺷﻮﻓﻮ ﺷﻜﻮﻥ ﻧﻮﺭ ﺍﻟﺸﺮﻛﺔ
ﻗﺮﺑﺎﺕ ﺳﻤﺎﺭﺍ ﻓﺎﺗﺠﺎﻩ ﺳﻨﻤﺎﺭ ﺍﻟﻲ ﻭﻗﻒ ... ﻳﺎﻻﻩ ﺑﻐﺎ ﻳﺠﺒﺪ ﻳﺪﻭ ﻣﻦ ﺍﻟﺠﻴﺐ ﻳﺼﺎﻓﺤﻬﺎ ... ﻭ ﻫﻲ ﺗﻘﺮﺏ ﺍﻛﺜﺮ ﻭ ﺳﻠﻤﺎﺕ ﻋﻠﻴﻪ ﻣﻦ ﻟﻮﺟﻪ ... ﻛﻴﻒ ﻟﻤﺲ ﺧﺪﻫﺎ ﻟﺤﻴﺘﻮ ﻏﻤﻀﺎﺕ ﻋﻨﻴﻬﺎ ﻭ ﻗﻠﺒﻬﺎ ﺑﻐﺎ ﻳﻮﻗﻒ ... ﺣﺎﻭﻻﺕ ﻣﺎﺗﺒﻴﻨﺶ ﺷﻨﻮ ﻭﺍﻗﻊ ﻓﺪﺍﺧﻠﻬﺎ ﻭ ﺗﺼﺮﻑ ﻋﺎﺩﻱ ... ﺑﻌﺪﺍﺕ ﺳﻠﻤﺎﺕ ﻋﻠﻰ ﺑﻬﺎﺀ ﺑﺎﻟﻴﺪ ... ﻭ ﺭﺟﻌﺎﺕ ﺷﺎﻓﺖ ﻓﺮﺋﺒﺎﻝ ...
ﺳﻤﺎﺭﺍ : ﺭﺋﺒﺎﻝ ﺻﺎﭬﺎ ؟
ﺳﻨﻤﺎﺭ ﻭ ﺑﻬﺎﺀ ﺑﺠﻮﺝ ﻛﺎﻧﻮ ﻣﺼﺪﻭﻣﻴﻦ ... ﻣﺘﻮﻗﻌﻮﺵ ﺗﻬﻀﺮ ﻣﻌﺎﻩ ﺑﻄﺮﻳﻘﺔ ﻏﻴﺮ ﺭﺳﻤﻴﺔ ... ﻛﺄﻧﻬﻢ ﻛﻴﻌﺮﻓﻮ ﺑﻌﺾ ﻣﻦ ﺷﺤﺎﻝ ﻫﺎﺩﺍ ...
ﺭﺋﺒﺎﻝ : ﻋﻠﻰ ﺳﻼﻣﺘﻚ ... ﺗﻔﻀﻠﻲ ﺟﻠﺴﻲ
ﺳﻤﺎﺭﺍ : ﺷﻜﺮﺍ
ﺷﺎﻓﺖ ﻓﻴﻬﻢ ﻭﺍﻗﻔﻴﻦ ﻛﻴﺸﻮﻓﻮ ﻓﻴﻬﻢ ...
ﺳﻤﺎﺭﺍ : ﻫﻬﻬﻬﻪ ﺧﺎﺹ ﻧﻮﺿﺢ ﻳﺎﻙ ... ﻛﻨﻌﺮﻑ ﻛﻞ ﻭﺍﺣﺪ ﻓﻴﻜﻢ ﻋﻠﻰ ﺣﺪﻯ ... ﺳﻨﻤﺎﺭ ﺧﺪﻣﺖ ﻣﻌﺎﻩ ﺷﺤﺎﻝ ﻣﻦ ﻣﺮﺓ ﻓﺠﻠﺴﺎﺕ ﺗﺼﻮﻳﺮ ... ﺑﻬﺎﺀ ﺗﻼﻗﻴﺘﻮ ﺷﺤﺎﻝ ﻫﺎﺩﺍ ﻭ ﻫﻀﺮﻧﺎ ﻋﻠﻰ ﺍﻧﻀﻤﺎﻣﻲ ﻟﻠﺸﺮﻛﺔ " ﺿﺎﺭﺕ ﻋﻨﺪ ﺭﺋﺒﺎﻝ " ﺍﻭﺍ ﺭﺋﺒﺎﻝ ﻗﺮﻳﻨﺎ ﻣﻊ ﺑﻌﺾ ﻓﻨﻔﺲ ﺍﻟﺠﺎﻣﻌﺔ ﻓﺒﺮﻳﻄﺎﻧﻴﺎ
ﺳﻨﻤﺎﺭ : " ﺟﻠﺲ ﻣﻘﺎﺑﻞ ﻣﻌﻬﺎ " ﺃﻭﺍﺍﻩ ﻫﻬﻪ ... ﻫﻮ ﻋﻤﺮﻭ ﺫﻛﺮ ﺑﻠﻲ ﻛﻴﻌﺮﻓﻚ ... ﺷﺤﺎﻝ ﻣﻦ ﺳﺮ ﻣﺨﺒﻲ ﻋﻠﻴﻨﺎ
ﺳﻤﺎﺭﺍ : ﻫﻤﻢ ﻋﻤﺮﻭ ﺫﻛﺮﻧﻲ ﺇﺫﻥ
ﺳﻨﻤﺎﺭ : ﻭ ﺗﻘﻮﻭﻭﻝ
ﺭﺋﺒﺎﻝ : " ﺷﺎﻑ ﻓﺒﻬﺎﺀ " ﺷﻨﻮ ﻗﻀﻴﺔ ﺍﻟﻌﻘﺪ ؟
ﺳﻤﺎﺭﺍ : ﺁﻩ ﺧﺎﺹ ﻧﻬﻀﺮﻭ ﻓﺎﻟﺨﺪﻣﺔ ﺩﺍﺑﺔ ... ﺑﻬﺎﺀ ﻋﺮﺽ ﻋﻠﻴﺎ ﻧﺘﻌﺎﻗﺪ ﻣﻌﺎﻛﻢ ﻭ ﺍﻧﺎ ﻭﺍﻓﻘﺖ
ﺑﻬﺎﺀ : ﻣﻤﻜﻦ ﺗﻔﻀﻠﻲ ﻣﻌﻴﺎ ﺗﻮﻗﻌﻲ ﺍﻟﻌﻘﺪ
ﺳﻤﺎﺭﺍ : " ﻛﺘﺸﻮﻑ ﻓﺮﺋﺒﺎﻝ " ﺷﻨﻮ ﺭﺃﻳﻚ
ﺭﺋﺒﺎﻝ : ﻭﺍﺛﻖ ﻓﺨﺪﻣﺔ ﺑﻬﺎﺀ ... ﻭ ﺍﻟﺘﻌﺎﻗﺪ ﻣﻌﺎﻙ ﺃﻛﻴﺪ ﻓﺼﺎﻟﺢ ﺍﻟﺸﺮﻛﺔ
ﺳﻤﺎﺭﺍ : ﻭ ﻓﺼﺎﻟﺤﻲ ﺣﺘﺎ ﺍﻧﺎ " ﻭﻗﻔﺎﺕ " ﻏﻨﻤﺸﻲ ﻧﻮﻗﻊ ﻭ ﻛﻨﺘﺴﺎﻟﻜﻢ ﻋﺮﺍﺿﺔ
ﺳﻨﻤﺎﺭ : ﺻﺎﻓﻲ ﻋﻠﻰ ﺣﺴﺎﺑﻲ ﻭ ﻣﺮﺣﺒﺎ ﺑﻴﻚ ﻣﻌﻨﺎ
ﺍﺑﺘﺎﺳﻤﺎﺕ ﻟﻴﻬﻢ ﻭ ﺧﺮﺟﺎﺕ ﻣﻊ ﺑﻬﺎﺀ ... ﻣﺸﺎﻭ ﻟﻘﺎﻋﺔ ﺍﻻﺟﺘﻤﺎﻋﺎﺕ ﻓﻴﻦ ﻛﺎﻥ ﻟﻜﻮﻧﻄﺮﺍ ... ﻣﺪﻭ ﻟﻴﻬﺎ ﻭﻗﻌﺎﺕ ...
ﺳﻤﺎﺭﺍ : ﺷﻜﺮﺍ ﺑﺰﺍﻑ ... ﺑﺴﺒﺒﻚ ﻏﻨﺴﺘﺮﺟﻊ ﺷﺤﺎﻝ ﻣﻦ ﺣﺎﺟﺔ ﻛﻨﺖ ﺑﺎﻏﺔ ﻧﺴﻤﺢ ﻓﻴﻬﺎ
ﺑﻬﺎﺀ : ﺷﻨﻮ ﻛﺘﻘﺼﺪﻱ ؟
ﺳﻤﺎﺭﺍ : " ﺣﻄﺎﺕ ﺩﺭﺍﻋﻬﺎ ﻋﻠﻰ ﻛﺘﺎﻓﻮ " ﺑﺎﻳﻨﺔ ﻏﻨﻜﻮﻧﻮ ﺻﺤﺎﺍﺏ ﻫﻬﻬﻪ
ﺧﻼﺗﻮ ﻣﻠﺨﺒﻂ ﻭ ﻛﻴﺤﺎﻭﻝ ﻳﺠﻤﻊ ﺑﻴﻦ ﻫﺎﺩﺷﻲ ﺍﻟﻲ ﻭﻗﻊ ... ﻛﺎﻥ ﺃﻭﻝ ﻭﺍﺣﺪ ﻳﺘﺼﺪﻡ ﻣﻦ ﺍﻟﻤﻌﺮﻓﺔ ﺍﻟﻘﺪﻳﻤﺔ ﺑﻴﻦ ﺳﻤﺎﺭﺍ ﻭ ﺭﺋﺒﺎﻝ ... ﻣﺘﻮﻗﻌﺎﺵ ﻧﻬﺎﺋﻴﺎ ...
ﺭﺟﻌﺎﺕ ﻟﻤﻜﺘﺐ ﺭﺋﺒﺎﻝ ... ﻧﺎﺽ ﺳﻨﻤﺎﺭ ﻭ ﺭﺋﺒﺎﻝ ﻭ ﺧﺮﺟﻮ ﻣﺠﻤﻮﻋﻴﻦ ... ﻭ ﻫﻤﺎ ﻣﻐﺎﺩﺭﻳﻦ ﺍﻟﺸﺮﻛﺔ ﻛﺎﻧﺖ ﺟﻮﻻﻥ ﺩﺍﺧﻠﺔ ... ﺷﺎﻓﺖ ﺭﺋﺒﺎﻝ ﻭ ﺳﻨﻤﺎﺭ ﻭ ﺍﻟﺒﻨﺖ ﺍﻟﻲ ﻣﻌﺎﻫﻢ ... ﺑﻘﺎﺕ ﺣﻀﻴﺎﻫﻢ ﻭ ﻋﻨﻘﻬﺎ ﺿﺎﻳﺮ ﺣﺘﺎ ﺧﺮﺟﺎﺕ ﻓﺄﺣﺪ ﺍﻟﻤﻮﺿﻔﻴﻦ ... ﺗﻠﻔﺘﺎﺕ ﻛﺘﻌﺘﺎﺫﺭ ﻭ ﺗﻌﺎﻭﺩ ... ﺟﺎﺑﻮ ﻟﻴﻬﻢ ﺳﻴﺎﺭﺍﺗﻬﻢ ... ﻃﻠﻊ ﺳﻨﻤﺎﺭ ﻭ ﺯﺍﺩ ... ﺭﺋﺒﺎﻝ ﻳﺎﻻﻩ ﺑﻐﺎ ﻳﺮﻛﺐ ﻭ ﻫﻮ ﻳﺘﻠﻔﺖ ... ﻟﻤﺢ ﺟﻮﻻﻥ ﻭﺍﻗﻔﺔ ﻣﻊ ﺃﺣﺪ ﺍﻟﻤﻮﺿﻔﻴﻦ ...
ﺑﻘﺎ ﺷﺎﺩ ﻓﺎﻟﺒﺎﺏ ﻭ ﻛﻴﺸﻮﻑ ﻓﺠﻬﺘﻬﻢ ... ﺳﻤﺎﺭﺍ ﻃﻠﻌﺎﺕ ﻟﺴﻴﺎﺭﺗﻬﺎ ﻭ ﻛﺘﺴﻨﺎﻩ ﻳﺘﺤﺮﻙ ... ﺍﻧﺘﺎﺑﻬﺎﺕ ﻟﻔﻴﻦ ﻛﻴﺸﻮﻑ ﻭ ﺩﺍﺭﺕ ... ﺑﺎﻧﺖ ﻟﻴﻬﺎ ﺑﻨﺖ ﺑﺸﻌﺮ ﺑﻨﻲ ﻭ ﺩﺍﻳﺮﺓ ﻧﻀﺎﺭﺍﺕ ﺷﺎﻓﺖ ﻏﻴﺮ ﻧﺼﻒ ﻭﺟﻬﺎ ... ﺩﺧﻼﺕ ﺟﻮﻻﻥ ﻛﺘﺰﺭﺏ ... ﺭﺟﻌﺎﺕ ﺳﻤﺎﺭﺍ ﺩﺍﺭﺕ ﻋﻨﺪ ﺭﺋﺒﺎﻝ ... ﺑﺎﻥ ﻟﻴﻬﺎ ﻃﻠﻊ ﻭ ﺩﻳﻤﺎﺭﺍ ﺍﻟﻠﻮﻃﻮ ... ﺗﺤﺮﻙ ﻭ ﻫﻲ ﺗﺒﻌﻮ ﻭ ﻛﺘﻔﻜﺮ ﻛﻴﻔﺎﺵ ﻛﺎﻥ ﻛﻴﺸﻮﻑ ﻓﺼﺎﺣﺒﺔ ﺍﻟﻨﻀﺎﺭﺍﺕ ...
ﻭﺻﻠﻮ ﻟﻠﻤﻄﻌﻢ ﻭ ﺩﺧﻠﻮ ... ﺷﺪﻭ ﺃﺣﺪ ﺍﻟﻄﺒﺎﻟﻲ ﺍﻟﻤﻨﻌﺰﻟﺔ ... ﻃﻠﺒﻮ ﺍﻷﻛﻞ ﻭ ﻫﻤﺎ ﻛﻴﺘﺴﻨﺎﻭ ... ﺳﻨﻤﺎﺭ ﻭ ﺳﻤﺎﺭﺍ ﻛﺎﻧﻮ ﻣﺠﻤﻌﻴﻦ ﺑﻴﻨﻤﺎ ﺭﺋﺒﺎﻝ ﺍﻛﺘﻔﻰ ﻳﺴﻤﻊ ﻟﻴﻬﻢ ...
ﺳﻤﺎﺭﺍ : " ﺷﺎﻓﺖ ﻓﺮﺋﺒﺎﻝ ﻭ ﻫﻲ ﻛﺘﺴﻮﻝ ﺳﻨﻤﺎﺭ " ﻣﺰﺍﻝ ﺻﺎﺣﺒﻚ ﻣﻨﺎﻭﻱ ﻳﺘﺰﻭﺝ ؟
ﺳﻨﻤﺎﺭ : ﺭﺋﺒﺎﻝ ﻭ ﺍﻟﺰﻭﺍﺝ ﻣﻴﻤﻜﻨﺶ ﻳﺘﺠﻤﻌﻮ ﻓﺠﻤﻠﺔ ﻭﺣﺪﺓ
ﺳﻤﺎﺭﺍ : ﻗﻠﺖ ﻣﻤﻜﻦ ﻳﺘﻐﻴﺮ ... ﻭ ﻋﻠﻰ ﻣﺒﺎﻥ ﻟﻴﺎ ﺑﺎﻗﻲ ﻫﻮ ﻫﻮ ... ﻭ ﻫﺎﺩﺷﻲ ﻓﺮﺣﻨﻲ
ﺭﺋﺒﺎﻝ : " ﺷﺎﻑ ﻓﻴﻬﺎ "
ﺳﻨﻤﺎﺭ : ﺍﻧﺎ ﻏﺴﻠﺖ ﻋﻠﻴﻪ ﻳﺪﻳﺎ ... ﻛﻠﺸﻲ ﻳﺘﺒﺪﻝ ﺇﻻ ﻫﻮ ... ﺣﺘﺎ ﺍﻟﻨﺰﺍﻫﺔ ﻋﻨﺪﻭ ﺑﺎﻟﻤﻮﺍﻋﻴﺪ ... ﻛﻴﺨﺘﺎﺭﻫﻢ ﺑﻌﻨﺎﻳﺔ ﻫﻬﻬﻬﻪ
ﺳﻤﺎﺭﺍ : " ﺟﻤﻌﺎﺕ ﺍﻟﻀﺤﻜﺔ " ﺁﺍﻩ
ﺭﺋﺒﺎﻝ : ﻫﻀﺮ ﻋﻠﻰ ﺭﺍﺳﻚ ... ﻭ ﻓﻮﺕ ﺣﻴﺎﺗﻲ ﺍﻟﻤﻤﻠﺔ
ﺳﻨﻤﺎﺭ : ﻫﺎﻫﻮ ﺳﺎﻛﺖ " ﻣﻮﺟﻪ ﻫﻀﺮﺗﻮ ﻟﺴﻤﺎﺭﺍ " ﺍﻟﻬﺪﻭﺀ ﺍﻟﻲ ﺩﺍﻳﺮ ﺑﻴﻪ ﻛﻴﺠﻴﺐ ﻟﻴﺎ ﺍﻟﻨﻌﺎﺱ ... ﻛﻨﺤﺲ ﺑﺮﺍﺳﻲ ﻛﻨﺸﻴﺦ ﻗﺒﻞ ﺍﻟﻮﻗﺖ
ﺍﺑﺘﺎﺳﻤﺎﺕ ﻓﻮﻕ ﺧﺎﻃﺮﻫﺎ ... ﺑﻌﺪﻣﺎ ﺳﻤﻌﺎﺕ ﺷﻨﻮ ﻗﺎﻝ ﺳﻨﻤﺎﺭ ﺗﻐﻴﺮ ﻣﻮﺩﻫﺎ ﻭ ﮔﺎﻉ ﺩﺍﻙ ﺍﻟﻀﺤﻚ ﻣﺸﺎ ... ﺣﻄﻮ ﻟﻴﻬﻢ ﺍﻷﻛﻞ ... ﻛﻴﻒ ﺗﻐﺪﺍﻭ ... ﺭﺟﻌﻮ ﺍﻟﺪﺭﺍﺭﻱ ﻟﻠﺸﺮﻛﺔ ﻭ ﻫﻲ ﻣﺸﺎﺕ ﻟﺪﺍﺭﻫﺎ ... ﺑﺎﻏﺔ ﺗﺠﻬﺰ ﻛﻠﺸﻲ ﻹﻧﺘﻘﺎﻟﻬﺎ ﻟﻬﻨﺎ ﺑﺼﻔﺔ ﻧﻬﺎﺋﻴﺔ ...
ﺑﻌﺪﻣﺎ ﺭﺟﻊ ﺭﺋﺒﺎﻝ ﻟﻠﺸﺮﻛﺔ ... ﻭ ﻫﻮ ﻃﺎﻟﻊ ﺗﻮﻗﻒ ﺍﻟﻤﺼﻌﺪ ﻓﺎﻟﻄﺎﺑﻖ ﺍﻟﺴﺎﺑﻊ ... ﺷﺎﻑ ﻓﺎﻟﺒﺎﺏ ﺑﺘﺮﻗﺐ ﺣﺘﺎ ﺗﺤﻞ ﻭ ﻫﻮ ﻳﺒﺎﻥ ﻟﻴﻪ ﻭﺍﺣﺪ ﻣﻦ ﺍﻟﻤﻮﺿﻔﻴﻦ ... ﺍﻟﻲ ﺷﺎﻑ ﺭﺋﺒﺎﻝ ﻟﻘﺎ ﺍﻟﺴﻼﻡ ﻭ ﺭﺟﻊ ﺍﻟﻠﻮﺭ ﻳﺘﺴﻨﺎ ﻻﺧﺮ ... ﻃﻠﻊ ﻟﻠﻄﺎﺑﻖ ﺍﻷﺧﻴﺮ ﻛﻴﻒ ﺩﺧﻞ ﻟﻤﻜﺘﺒﻮ ﻟﻤﺢ ﺿﺮﻑ ﻣﺤﻄﻮﻁ ﻫﺰﻭ ﺣﻠﻮ ﺩﻳﻚ ﺍﻟﺴﺎﻉ ... ﺷﺎﻑ ﺷﻨﻮ ﻓﻴﻪ ﻭ ﺭﺟﻊ ﺧﺮﺝ ...
ﺧﺪﺍ ﺍﻟﺴﻴﺎﺭﺓ ﻭ ﺍﺗﺎﺟﻪ ﻟﺪﺍﺭﻭ ﻻﺧﺮﻯ ... ﺩﺧﻞ ﻭ ﻃﻠﻊ ﻟﻔﻮﻕ ﺣﻞ ﺑﺎﺏ ﺍﻟﻤﻜﺘﺐ ... ﺑﻘﺎ ﻏﺎﺩﻱ ﺑﺨﻄﻮﺍﺕ ﻫﺎﺩﺋﺔ ... ﻻﺡ ﺍﻟﻀﺮﻑ ﻓﻮﻕ ﺍﻟﻤﻜﺘﺐ ﻭ ﺣﻴﺪ ﻟﭭﻴﺴﺖ ... ﻭ ﻫﻮ ﻭﺍﻗﻒ ﺟﻨﺐ ﺭﻑ ﺍﻟﻜﺘﺐ ... ﺣﻂ ﻳﺪﻭ ﻋﻠﻰ ﻭﺍﺣﺪ ﻓﻴﻬﻢ ﻭ ﻇﻐﻂ ﺣﺘﺎ ﺩﺧﻞ ... ﺍﻟﻠﻮﺣﺔ ﺍﻟﻲ ﻛﺎﻧﺖ ﺧﻠﻒ ﺍﻟﻜﺮﺳﻲ ﺗﺤﺮﻛﺎﺕ ﻭ ﺩﺧﻼﺕ ﻓﺎﻟﺤﻴﻂ ... ﺑﺎﻥ ﺟﺪﺍﺭ ﺯﺟﺎﺟﻲ ﻭ ﻣﻦ ﻭﺭﺍﻩ ﻏﺮﻓﺔ ﺑﻴﻀﺎﺀ ...
ﻭﺳﻄﻬﺎ ﺳﺮﻳﺮ ﺑﻴﺾ ﻛﺎﻥ ﺟﺎﻟﺲ ﻓﻮﻗﻮ ﺷﺨﺺ ... ﺭﺟﻊ ﺭﺋﺒﺎﻝ ﺧﻄﻮﺓ ﺍﻟﻠﻮﺭ ... ﺭﺑﻊ ﻳﺪﻳﻪ ﻛﻴﺸﻮﻑ ﻓﺪﺍﺧﻞ ﺍﻟﻐﺮﻓﺔ ...
ﺭﺋﺒﺎﻝ : ﻋﺮﻓﺘﻲ ﺷﻜﻮﻥ ﻏﺎﺩﻱ ﻳﺸﺮﻓﻨﺎ
........ : ﺷﻜﻮﻥ ؟
ﺭﺋﺒﺎﻝ : ﻭﻟﺪﻙ ... ﻗﺮﺭ ﻳﺸﺮﻑ ﺍﻟﻤﻐﺮﺏ
......... : ﺧﻮﻙ ﺧﻠﻴﻪ ﺑﻌﻴﺪ ﻋﻠﻰ ﻫﺎﺩﺷﻲ
ﺭﺋﺒﺎﻝ : " ﺍﺑﺘﺎﺳﻢ ﺑﻄﺮﻑ ﺷﻔﺎﻳﻔﻮ ﻭ ﻋﻨﻴﻪ ﻓﻴﻬﻢ ﺷﻌﻠﺔ ﻧﺎﺭ " ﻋﻼﺵ ﺍﻣﺴﺘﺮ ﺟﺎﺑﺮ ... ﺍﻟﻠﻌﺒﺔ ﻋﺎﺩ ﻏﺘﺤﻼ ﺩﺍﺑﺔ