شاركيني لو مشينا دروب الهنا واعذريني لو لقيتي بدروبي عنا

البارت الاول

🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 1 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌹🍃

الى ذات حرفّي ..
مرت سنواتٍ عديدة على آخر لقاء مكسور بيننا
على آخر حروف منتثرة على رصيف إحدى الشوارع
لآخر أنفاس نتشاركها في الوطن ، لآخر قطرات دموع تتناثر لمشاعر متأجأجة في الصُدور ..
لسِمٍ منثقبٍ من لسان ثعبان ، يسقط علي كسطو
الحبِال القاسية .. أثرها على قلبي باقية
رسِالة شكُر أو انتقام؟
شوُق لوطنٍ أدعو له بعد صلاتي دائماً وصيامّي؟
بالرغم من مصائِب عدة يحملها ، مُر الحياة وقسوتها
لـ دموع السماء التي كُنا نتأملها ، لخيبة آمالي ورجواي
أكفكف عن دموعي قائلة : توقَفي عن البكاء .. فهو يمارس السطو على نساء غيرّك
يا لهذا الرجلُ المجهول القاسي الجلمود ، يعتقد أنني لا زُلت بالشخصية المتزعزعة لا يعلم أنني أصبحت قاسية بل أقسى من الحجر ، ولو رأيته يحترق طالباً النجدة
سأمدُ يدّي لإطفاء رماده
في نهاية تناثر الحروف وضياعها .. لا يمكنني المسامحة والعفو.
الرابِع من أبريل .. ولا زُلنا في أبريل يا سادة

.
صعدّت السيارة وهي تلهف بفزع وانظارها تتشتت على بيتهم وعلى نظرات اختها الخايفة .
زفرت بعمق اول ما حركت السيارة متجهة الى المطار
وبتزفيرتها اطلقت العنان لدموعها وجحيمها
كانت تناظر شوارع الحارة بوداعيّة ، بدقات قلب متسارعة وتوجس وريبة وهي تتلفت كل شوي ان احد من اهل الحارة يشوفها ويبلغ ابوها او اخوها بعد هروبها !
التفت وهي تشوف التوتر يحاوط ثنيان اللي عاقد حاجبه مُدعي عدم الاهتمام بما يحدث بقلب بارد
التفت لها بصدمة من شهقاتها اللي جات بشكل مُتتالي مُفزع لقلب اخيها
نطق ثنيان بخوف : اوقف على جنب؟
هزت طيف راسها بنفي وبتسارع : ابي انتشل شعوري مابي احس كيف ؟
ثنيان تنهد بحزن على حال اخته وهو يكمل سيره بصمت
اكملت طيف بنحيب : ما توقعت يجي يوم اهرب فيه من اهلي ! ما اعتدت اسافر بدون ما أوادع امي ، بدون ما ابوي يمسح على راسي ويحتضن جبيني بقبلة
ضحكت بسخرية وهي تمسح دموعها : ابوي اللي بيوم وليلة لعب فيه تخلُف اخوي ، والقبيلة .
مُجتمع ذكوري لا يمت للرجولة بصِفة يصنفون الزواج بعمر مُعين ، الله لا يسامحهم
وقف ثنيان امام المطار اطلق تنهيدات كثيرة ، ماوده يودّع طول عمره يكره الودّاع طول عمره يتهرب من ودّاع اهله رُغم ان احياناً يعرف ان يروح لـ دورات ممكن ما يرجع فيها سليم ، يروح لـ اشتباكات ممكن تؤدي لوفاته
خرج من السلك العسكري وتوجه للجمارك بسبب نحيب امه المستمر وخوفها عليه ، لكن كل عواطفه ومشاعره متوجهه نحو العسكر نحو الوطن والفداء لاجله ، وينتظر اللحظة اللي بتجدد العهد نحو ساحات الحروب ، مع عشيقته البُندقية

.
وقف أمام المطار وهو يلتفت لها سحبت منديل وهي تمسح وجهها بالاكمل وتحاول تاخذ انفاس منتظمه
نزل من السيارة لاجل ينزل شنطّها ، نزلت خلفه
بذات التوتر توجهوا لداخل المطار مسك ثنيان يدّها وهو يسمع النداء لرحلتها
ترك حقيبتها الصغيرة بجانبها ، التصق حذائه بحذائها
ما وده تشوف عينه اللامعه اخذها بحضنه تاركها تبكي اخر الدموع ، مسح على راسها لعده وهو يوصيّها لاكثر من مرة ابتعدت بعد دقائق مريرة وهي تناظر عينه
ثنيان بحنية وهو يمسح دموعها : دخيل هالعين لا تبكّي ترا ابيع الدنيا واشتري ضحكة مبسمك !
طيف ببكاء : تدري وش احلى شي بالدنيا؟ انك اخوي
ابتسم ثنيان وهو يقبل جبينها من سمع النداء الاخير يهتف لطائرتها : واخوك ما يتركك ابداً ، انا راضي احترق دامك بخير وبمكان آمن ، ما يهون علي اتركك لحالك والود ودي اروح معك لين اتطمن لكن عليك الله تطمنيني اول ما توصلين
طيف بخوف : ما يوصلوني؟
ثنيان : لا فكروا يوصلونك ابني حواجز وابعدّك
طيف ابتسمت وهي تحتضنه الحضن الاخير : ما يهون علي كسّر امي ، حسبي الله ونعم الوكيل
ابتعدت وهي تمسك يده بحزم : ثنيان لا تتركون امي ، ولا تخلونها تظن بي سوء والله العالم كله يظن فيني الا امي لا تظن لا تترك دمعه منها تنزل بسوء تفكيرها عني والله انا اشرف من الشرف وحافظة الصون لا يظنون فيني سوء يا اخوي تكفى نخيتك
ثنيان شدّ على يدها بابتسامه فخر : يخسي اكبر شنب لو قالو عنك سوء اوقف لهم وقفة رجل وخل اللي يسوونه يسوونه اعلى ما بخيلهم يركبونه ، هيا روحي لا تطير عليك الطائرة بالزور خذيناها
ابتعدت طيف بدموع وخطوات مريرة .. مُر عيشة اخوها
ومُر انكسارها من ابوها .. مُر هالزيجة بكبرها
تنهد ثنيان وهو ينطق بالم : استودعتك الله الذي لا يضيع ودائعه .. ان يردك الي

🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹