شاركيني لو مشينا دروب الهنا واعذريني لو لقيتي بدروبي عنا

البارت الخامس والعشرين

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 25 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌻🍃

عِند بُشرى ، دخلت بتعب وهي ترمي شنطتها
تقدمت العامِلة وهي تتكلم : مدام احط عشا؟
بشرى لوت شفايفها : مستر فياض هنا ؟
العاملة : هو يطلع برا بس مايدري يجي ولا
بشرى هزت راسها وهي تسحب شنطتها : حطيه حطيه
صعدت للأعلى وهي تترك شنطتها وتخلع عبايتها
وتسحب بجامه وتدخل تاخذ شور ، تعبت من كثر الصدود وتعبت من كثر هواشهّا معاه
دخل فياض وهو يترك جواله والدخان بعد ما كان جالس برا يكلّم ثنيان سحب بدلته العسكرية وهو يرميِها على السرير ورفع راسه من سمّع صوت الشاور
خرجت بشرى وهي تنشف شعرّها وانتبهت لوجوده
وصنمت لثواني .. كسر نظراته لها وهو يسحب بدلته ونطقت بعقدة حاجب : بترجع تدوام ؟
فياض : ايه
بشرى : وداومت الصباح
فياض وهو يخلع بلوزته : ايه
بشرى تركت المنشفة وهي تصغر عينها تجاهه : وبترجع تروح وما بتجلس معاي؟
فياض التف لها : وليه اجلس معاك !
رفعت حاجبها بذهول وهي تضحك بسخرية : ومن متى يمر يومنا بدون ما نشوف بعض
فياض بجمود : شفنا بعض انتي بخير وانا بخير
بشرى بشبه غضب : ومن قالّك اني بخير ؟ من قالك
فياض : براسك حرش انتي ؟
بشرى : مثل ما الدوام له حق عليك اعتقد انا بعد لي حق ؟ والا بتنكر
فياض وهو يكمل ارتدائه لـ لبسه : اعترفي فيك حرش
بشرى بغضب : ايه
فياض ضحك : وانا مافيني
بشرى تقدمت له وهي توقف قدامه : سويت لك شي ماسويته لـ غيرك اما انت دايم تزعلني ولا تراضيني واسامحك من قبل لا اعرف تبرّيرك ، المشكله فيك ولا المشكله فيني ؟
فياض اقترب وهو يعدم المسافه بينهم ، ويرجّع خصلات شعرها المبلول للخلف : متزوجين لنا دهر ، تتصرفين بكل مرة كأنك ما تعرفيني
بشرى ابتعدت وهي تشتت انظارها : لانك بكل مرة تصدمني انك تعاملني بنفس معاملتك اول سنة لنا
فياض جلس وهو يلبس جزمته : بتركك لحالك
بشرى : ماهو على كيفك
فياض رفع راسه وهو يشوفها تتقدم للباب : عجيب والله
بشرى : بتقول عني بزر قول ، ما يهمني بس دام هذه تصرفاتك انا بعد بتصرف معاك ع هذا النحو !
فياض رمقّها بجمود ونطق : عندي استلام ساعتين بتبعدين بالطيب ولا ابعدك غصب ويصير الزعل دبل ؟
بشرى : لو رحت يافياض ، وربي ماقعد هنا بروح عند خالة فاطمة " امه " وعاد انت تعرف شكثر تحبني ولو اقولها فياض رفع صوته علي بس بتحرمني منك
ضحك فياض على تفكيرها : وهذا انتي دكتورة يا بشرى ! وش هالتصرفات
بشرى : اعرف احكّم تصرفاتي متى مو انت اللي تعلمني
فياض اقترب منها ومن الباب : وخالتك فاطمة يا حُب الدهر تدري بكلامك هذا لزوجك ؟
بشرى رصت ع فكها وهي تناظره : لا تحاول تقلب الطاولة علي فياض ترا انت اللي هاوشتني عشان فستان !! فستان لا ودا ولا جاب والقعده كلها قعده حريم ؟
سحبها بهدوء من ذراعها وهو يقبّل خدها ويخرج ببرود وبلعت غصتها وهي تعقد حاجبها
.

راجعيِن بعد ما سجلها بالمعهد مثل ما طلبّت
طيف وهي تتقدم لهتاف اللي راجعه من الطريق الثاني واقتربت من عمارتهم : هتاف
هتاف ابتسمت ببرود لها وهي تأشر على الكوفي القريب : نروح نفطر هناك ؟
طيف لفت لنادر وهي ترجع تناظر هتاف : تمام
نادر ابتسم لهم : وانا ماشي الجامعة ، هتاف
ناظرته هتاف واكمّل نادر : ورد بطريقي اذا رجعت باخذها لا تروحين لها
هزت راسها وهي تبتعد مع طيف وابتسم نادر وهو يتأملهم ، ولف وهو يرجّع لسيارته اللي وقفها بعيد

اشرت طيف على طاولة تطل على الشارع : اتركينا نجلس هنا
ابعدت هتاف الكرسي وهي تجلس بهدوء ، ونطقت طيف بعد ما طلبوا : فيك شي انتي ؟
رصت هتاف على فكها وهي تبتسم غصب : لا
طيف استغربت وتجاهلت بمزاجها ونطقت هتاف بهدوء : الا اقول ، ما تكلمتي عن اهلك من جيتي ؟ تصدقين ماعرفك حيل منو اهلك وكيف عرفتي نادر
طيف : ماعرف نادر
ابتسمت هتاف : اقصد كيف وصلتوا له مو مقصدّي اللي فهمتيه
صدت طيف بإحراج ونطقت : تعرفين كانو رح يزوجونّي من واحد كبير بالعمر لاني ما اشتغلت وتعرفين عقلية بعض البشر محدودة فـ يتكلمون فيني
هتاف : الله يعين بس
طيف هزت راسها : ثنيان اخوي اللي دايم اكلمك عنه ، هو اللي عطاني فكرة اني اسافر امريكا وكان مأمن علي عند نادر صديقه
هتاف بصدمة : ثنيان صديق نادر؟
طيف وهي ترفع انظارها للنادلة اللي تنزل الاكل : ايوه من يومهم صغار وهم اصدقاء ! مستحيل ما تعرفين لان اخوي دايم كان مع اخوك ؟
هتاف اعتدلت بجلستها : ظنيته ثنيان ثاني
طيف باستغراب : مافهمت
هتاف بلعت ريقها : عندك اخو ثاني ؟
طيف هزت راسها بجمود : ايوه نجد
هتاف : طيف اخو اخو ماهو اخت !
طيف بتزفيره : هجام ، اخوي الثاني
كتمت رجفتها وهي تبتسم غصيبة وتتحلف بـ نادر
: الله يخليهم لك ، المهم انا بعد الفطور عندي شغلة فـ بتركك بالشقة وبروح ..

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻