🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 75 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🍁🍃
نجد لوّت شفايفها : اكابّر ؟ تعلمنا المكابرة منك صدقني
الليث بتغيير للموضوع : كملتي جهازتك ؟ بعد اسبوعين زواجنا !
نجد ضحكت بذهول : بعد شهر ! وش اسبوعين ماتعرف تحسب ؟
الليث بثقة وعفوية : والله ياروحي ان الواقع اسبوعين لكنك قررتي توقفين عند الشهر !
نجد عقدت حاجبها وهي تبعد الجوال تشوف التاريخ ونطقت بتوتر : اولاً انا مانّي روحك ، كيف روحك ؟ ثانياً ما كملت تجهيزي وطبعاً بالنسبة لي النفسية اهم شي اجهزها وانت دايم منفّس معي وموترنّي !
الليث بترويقة : باقي لك اسبوعين يمديك تجهزينها نفسياً ، وبالنسبة لكلمة روحي ماعندي اغلى من روحي علي فلما اقولك يا روحي فأنا اعنيها فعلاً !
حمّرت نجد بخجل من غزلّه وكلامه العميق اللي لامس قلبها بشكـل ! ابعدت جوالها بعد ما سكر وهي تتنهد بروّاق من كلمته ، كانت ممكن تكون عادية لكنها مختلفة من الليث ، لنجـد !
.
امريكا ,
بعد ما انتهـت من كلاسّها صادفت نادر وقرروا يمشِون شوي ويكملون الطريق بتكسـي
نطقت طيف بحذر : هتاف ما علمتك ؟
عقد نادر حاجبه وهو يلف لها : بـ وش ؟
طيف اخذت نفس وهي تكتمه : هجام
نادر تنهد : ما قلت انك بأمان معنا!
طيف : بس هجام بأمريكا !
نادر وقف بخطواته : كيف ؟ كيف عرفتي
طيف : جانا المطعم قبل كم يوم ! لكنه ما سوا شي ! هددني ومشي ومن بعدها ما لقيته
نادر ضحك بذهول : لحظة لحظة ! هجام وصل امريكا وشافكم بالمطعم ! شاف هتاف ؟
طيف عقدت حاجبها : وش دخل هتاف الحين !
سكتت لثواني وهي تتذكر ارتباكه وتركه لذراعها من شاف ورد وبعدها هتاف ومشي : وش دخل هتاف ؟
نادر مايعرف ينصدم من موضوع هجام ! او ينقل صدمة جديدة لطيف بأن هجام ابو ورد
طيف بلعت ريقها : هو ابو ورد !!
نادر بشبه غضب : كيف وصلّكم !! وليه محد عطانا خبر ان جا
طيف بعدم تصديق : احاكيك انا ! هجام اخوي زوج اختك!!
نادر بغضب : طليقها !!
ضحكت بعدم تصديق وهي تحس بحرارة جسمها : تمزح انت والا وش ؟ هجام عمره ماتزوج كيف تزوج وطلّق وعنده بنت !
نادر بكتم للعصبية اللي تزيد : احتراماً لك مارح اتكلم !
طيف مسكت ذراعه بغضب : فهمني والان ! بلا احترام بلا بطيخ انا جالسة معكم طول هالوقت وانتو تضحكون علي ! وماشاء الله يطلع اخوي متزوج اختك وعنده بنت وفوقها ما عنده علم !! وطول هالوقت اسمعها تتحسب عليه !
نادر رمقها بنظرات غضب : الحين يصير اخوك المسكين صحيح؟ وما عنده علم ببنته ؟ طيب يا انسه لو اقولك انه ترك اختي وطلقها بعد ما عرف بحملها ! تدرين ليه؟ لانه جبان ترك زوجته تكتم خبر حملها وانفاسها ! وتسافر لعندي رغم خطورة الموضوع ! كله بسبب ان اهلك ما عرفوا يربوه !
طيف برجفة غاضبه : انتبه تجيب سيرة اهلي وتربيتهم ! انتبه يا نادر
ابتعـد نادر عنها بغضب وسط انفاس طيف السريعه والغاضبة ! ماهي مصدقة ابداً اللي يصير ! او انها تحاول عدم التصديق
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
