شاركيني لو مشينا دروب الهنا واعذريني لو لقيتي بدروبي عنا

البارت الخامس والستين

🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 65 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🍁🍃

كان يحوس بجواله بيد ورجله الثانيه تهتز بدون شعور من فرّط توتره ، رغم ان ماهو اول لقاء لهتان وله ودايمًا
كانو يتكلمون بس هالمرة غير هالمرة بمُسمى مختلف يداعب خلايا قفصه الصدري " حرمّه " وماهي اي كلام
تنحنح من سمع صوت الباب ينفتح بهدوء وماقدر يشتت انظاره عنها من حضّرت وانتشر بُخورها وهدوءها بالمكان
شالت العباية اللي كانت لافه نفسها فيها وابتسمت من اول كلمة صدّرت منه بـ " اسم الله حارسك " ولأول مرة يشوفها بكامل زينتها وبهالشكل واول مرة لـ هتان تشوفه بلبس غير العسكرية والشرطة !
بالثُوب ، وبشكل حلو وفخـم ثوب ابيض مبّين عضلات ذراعه وكتفه المشدود ، وشماغ ابيض محدد عوارضه بشكل مُذهب للعقل بفكّه المحدّد وسمّاره اللا معقول بعينين ناعسّه ورموش كثيفة انف مستقيم وحواجب حادّة ابتسم من انتبه لشُرودها ووقفتها امامه من اقتربت وما كانت فرصة للحديث ابداً لان حديث العيون يكفي ويقل عليهم ..
شتت ثنيان انظاره على فستانها اللي يندرج تحت مسميات " أسر قلبه " وشعرّها ومكياجها اللي بارز ملامحها ماهو خافيِها ، لهدوء ملامحها والسكينة فيه
رغُم تجرّدها من الطفولية الا من لمعه عيونها وابتسامتها الساحرة لقلبه ، نزلت عينه لعينها وهو يتأمل رموشها اللي يوقفون فيها جنود ، انفها بقدّر استقامته فكّها المزموم وخدودها العريضة واللي بين خدودها " شفايفها " هِنا آمن بمقولة - الصمتُ في حرم الجمال جمال - وفعلاً يصمت من تسقط انظاره على شفايفها
المزمومة من فرط توترها
مَد يده بهدوء لذقنها وهو يسحبه ع خفيف لتفّك زمّة شفايفها وابتسم بهدوء من قبّل موضع الترحيب بنظره جبينها وهو يبتعد : مبروُك يا سيدة عمري
توسعت ابتسامتها ونطقت بحياء : الله يبارك فيك
رفعت عينها من رجعوا التزموا الصمت وهي تشوفه يتأملها ونطق ببحه : تدرين البدر وش يقول ؟
هتان هزت راسها بنفي وهي تنتظره يكمّل ونطق والابتسامه تتوسع بدون شعور : يقول الجنون عيونك ! وعيونك وطن والوطن من غير عيونك وش يكون

تمنّت لو تختفي مو فرط خجلها وحُمرة خدودها اللي ضحكت ثنيان بذهول لان لأول مرة يشوفها ! كانت دايم معصبة , مكشّرة , او ملامحها جامدة ولاول مرة معاه تكون بهالهدوء وهالخجل !
جلسّت من اشر لها جنبه وكفوفه ما انزاحت عن كفوفها ابداً ونطقت بهدوء : ثنيان بقولك شي
ثنيان بهيّام ولا زال متأمل بتفاصيلها الدقيقة : روح ثنيان سمي ؟
اخذت نفس وهي عارفة برفضّه لكنها بتصّر : انت تعرف ان انا مابي زواج صحيح؟
عقد ثنيـان حاجبه بذهول : ليه !
هتان هزت اكتافها وهي تنطق برجفة : مابي ثنيان وبس لا تصّر واللي يسلمك
ثنيان : بس من حقي اعرف !
هتان بلعت غصتها وهي ترفع نظرها بهدوء : اسوي عرس وانا ماعندي احد يوقف بصفّي كـ عروس ؟ بعدين مالي بارض " نفس " ادور اغراض وجي ، اغراضي جاهزة ومستعده حتى اني اروح معاك السعودية اليوم
ضحك ثنيان بذهول وتمنى لو انها تنطق بـ " امزح "
من فرط صدمته ، كيف لبنت ما تحلم بهالشي ! بأنها تنزف امام الملأ لتعلمهم بأنها ملكت قلب رجل ، لبساطتها حتى بـ ملكتها اللي ماتوحي بأنه عرس فاخر هنا !
ثنيان بهدوء نطق : فكري بالموضوع
قاطعته هتان برجاء : ثنيان واللي يسلمك ! مابي والله مابي ، بتضايق وحيل لو سويت عرس انا عن قناعه قاعده اقولك بكتفي بملكتي وخلاص قلت لك اغراضي جاهزة كـ عروس
ثنيان بهدوء هز راسه : طيب نسوي حفلة بسيطة بالسعودية لك ع الاقل
هتان برفض قاطع : يكفي عزيمة وخلاص انا ماحب الاجتماعات اساساً
تنهد ثنيان بحزن عليها ونطق وهو يمسك يدها من شاف زمها لشفايفها ورجفة يدينها اللي تكبح فيها غصات كثيره : انا زوجك وحبيبك ! امك وابوك وهلّك
ابتسمت بهدوء له وهي تتنهد : شكراً ثنيان صج شكراً على تفهمك
ابتعدت عنه وهي تخرج بهدوء بعد ما ألقت على نفسها العباية وحطت يدها على صدرها وهي تتنفس بتسارع وتكتم حزنها لكن الدموع داهمتها

.
دخل ناصر وخلفه بدر لجل يتوجهون لمجلس الرجال
ورفع بدر عينه لـ هتان اللي خرجت من مجلس الرجال الخارجي وعقد حاجبه من لمحها حزينه وتبكي !
نزل الدرجات بسرعه وهو يتقدم بتسارع وهو يظن مكروه صابها أو المدعُو ثنيان حزنها من اول لحظات حياتهم !
وقف بدر امامها وانلجمت من وجوده لكن بدر تكلم بغضب : شفيج؟ سوالج شي !
خرج ثنيان ليتوجه لـ الرجال وعقد حاجبه بغيره وغضب من شاف بدر بقربها ودموع هتان : منو انت

🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁