شاركيني لو مشينا دروب الهنا واعذريني لو لقيتي بدروبي عنا

البارت 124

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 124 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌷🍃

رجَع خصلاتها للخلف وهو يقبّل جبينها : صلاة الفجر مع صلاة العيِد .. ماودك تفرحيني بفرحتك لو شوي وتشيلين عني الحمّل اللي جاني من ثلاث شهور وأكثر ؟
ابتسمت بخفُوت وهي تبتعد بشوي : خذ شوّر قبل تقِيم الصلاة وبقولك قبل تروح وعـد
زفّر ثنيان وهو يهز راسه : أمرنا لله .. جهزي لي اغراضيِ
دخل ثنيان الحمام ياخذ شور ، وتنهدت هتان وهي تحس بجسمها يرقّص من الشعور اللي فيها ، تحبـه تحبه وتأكدت اكثر واكثر من المدة اللي تركتها تراجِع قراراتها من .. إلى, وتشوف نفسها غلطانه بكل النواحِي !

-
" بالمسجد , وقـت صلاة العيد "
إبتسم ثنيـان بتوسع للخبر اللي وقّع على أكتافه وانهار وتأخر على صلاة الفجر من خبرته هتان بحملـها .. يعشق الاطفال وينتظـر هاللحظة من وقت طوِيل ماتوقع بعد كل الاحداث اللي تصير يفرحونه بهذا الخبر ويا حلاوة هالعيِد لو بشاركهم فرد جديد ينضّم للعيلة .. وأول ابن حفيد لاول حفيد لـ عبدالله !
وده يصرخ بأعلى صوته ويعلّم الكل لكنه التزم صمته من فرحة الكل برجوعهم هو وفيـاض .. صار يشوف الكل فرحان من فرحتـه غير فرحة العيد على الكل وتوالِي التباريك والتهاليِل لبعض .. صوت الاطفال يلعبون برا ومتحمسين للعيِد ، وشيِاب الحي اللي يتقدمون لـ عبدالله يتحمدون له بسلامة ولده وحفيدّة ويعيدُون عليهم وعلى الشباب اللي يحتضنونهم كل شوي !
جلّس ثنيان بقُرب جدّه وعمّه وهو يمسك كفوفه من شاف اغلب المصلّى فضى وبقت عايلتهم متفرقه .. اللي يقرأ قرآن واللي يكمل سواليفه مع اللي امامه .. يعايد فلان وعلان
ابتسم عبدالله وهو يربت على وجهه بخفِة : انطِق واضح بفمك حكي !
ثنيـان استبشر وهو يبلع ريقه وماهو عارف يرتب جُملة صح يقولها من فرحته : وش تعطيِني ياجد بخبر يفرّحك ؟
عبدالله ارتكز على عكازه : نقُول وحق العيون السُود السمع والطاعة , سم وانا ابوك
ثنيـان توسعت ابتسامته وهو يقبّل جبينه : يطوّل لنا بعُمرك , بجيِني ولد تفرح به
استهّل وجهه فياض وهو يضحك بفرحة لثنيان , واحتضن عبدالله جسد ثنيان وهو مصدوم .. والكل اشّتد لهم من صرخة عبدالله وضحك فياض بفضُول لمعرفة الخبـر !
عبدالله وقف وهو ينتبـه للي بالمسجد ونطق بفرحة : ذبايحكِم علي بمناسبة حفيد جديد أبوه ثنيان وينضّم لعايلة الهازِع ياعرب !
تهلّل وجه بو ثنيـان وهجام وهم يتقدمون له .. بصدّمة وذهول ان هتان ما نطقت بحرف رغم انها عايشة معاهم لثلاث شِهور ولا حسوا بأي شعور او استغراب لحركاتها او طلعاتها ..
.

ساعـة وانتشر الخبر للحريم بالمثِل وسط دموع فرح ام ثنيان , وفاطمة اللي كل شوي تحتضن هتان .. نجدِ وطيف اللي بيصيرون عمّات وبقية البنات من فرحة العيد وفرحة الحفيد الجديد , وخجل هتان المتوالِي وبشرى اللي تسندّها بفرح .. ابتعدت هتان وهي تصعد للاعلى لجل تجهز نفسـها وتركت البقية بالحُوش يتجهزون للذبِح !!
-
فاطِمة انتبهت لدخُول عبدالله وخلفه عياله واحفاده .. ابتسمت بتوسِع لفخامتهم بجنب بعض وخلف بعض
كل شخص ماسك ذراع اللي جنبه مستندِين فيه ببعِض .. حصـنتهم بداخلها وابتسمت بتوسع من شافت هجام يقبّل راسها وثنيان خلفه : عاد عيدّك يمه
هجام : عيدك مبارك جدة
فاطمة احتضنتهم بالجنب وردت عليهم وانظارها على فياض اللي تقدم من خلفهم ويقبّل جبينها وكفوفها : فاطِمة العز , كل عام وانتي بخير
ربتت على كفوفه اللي محاوطه كفوفها : وانت بخير وصحة وسلامة يابعدّي
ثنيـان التفت للكل ومالمحها وهمس لنجد : وين هتان ؟
نجد بفرحة : استحّت وراحت فوق تقول بتجهز
هز راسـه بابتسامه وانتبهوا لتنحنّح الليث وهو يسلّم بعد ما اذنوا له بالدخول .. ما سقطت انظار نجد عنه وهو من سقطت انظارها عليه ابتسم !
-

بعّد الذباح ابتعد عنهم بيصعد فوق ياخذ شوّر ويغير ثيابه من ريحة الدم اللي صدعتّه , ويريِح شوي لين صلاة الظهر
عِند هتـان .. اللي اخذت قرار لا رجعة لها فيِه وشي لازم تسويه من اول ما صارت حرّم ثنيـان ! لكنها كانت بالضعُف الكبير اللي تاركّها تسكـت من تجيها هالافكار وتحاول تنشغل بأي شي لجل لا تخطِي الخطوة وتندم !
دخلت الالبوم تمسّح صوّر جمعتها بـ حَمد واتجهت للواتساب لحذف محادثاته .. صرخت بشتم لنجد اللي تدبّل عليها المسجات لجل تعرف ان ودها بالفطور والا لا .. وظنت ان ثنيـان تحت فـ بتنزل معاهم وكتبت لها ايه وتركت جوالها بتأجيل للفِعل وقامت تغير ملابسـها لشيِ أستر

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷