🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 146 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🔮🍃
فيـاض : اعطيك الاجازة لجل ماشوفك هنا تسافر
عقد ثنيان حاجبه : تبي الفكة مني انت؟
فياض : تقدر تقول كذا
ثنيـان استند : ايوه وين تبيني اروح ؟
فياض بجِدية : البحرين
وقف ثنيـان بضحك : لا ياشيـخ !
فياض : غيره ماعندي ! اعتبرها اخر فرصه بينكم
خرج ثنيان بصمته وهو يفكر بكلامه , كان وده يروح لكن ماعنده الجرأة بمقابلتها بتاتاً .. يحس انها نسته اصلا وكانه لم يكن !
-
عند الليث بالمركز الثاني ..
لا زال قيد التفكير وجداً والقهر يفوقه بعد ماعرف بأن اخت نايف " رئيس العصابة " هي قاتلة امه .. ولحظة ما جا بيتضارب مع نايف لمعرفه موقع اخته الساحرة داهمه غازي يطلب منه التوقف عن رمي نفسه بالهلاك !
محجوز ومُراقب من جميع الجهات واللي يقهره زود ان ماكان يعرف موقعها لانها غيرته ! وما يقدر يستعين بأي زميل بالمركز لان بيوصل لغازي وبيعرف عنه !
رفس الكرسي اللي امامه بقهر وهو يخلل يده بشعره
التف لدخول غازي ونطق بحدة : بك او بليـاك اعرف اخارج نفسي واطلع موقعها .. وربي دمـها ما ينهدر الا على كفوفي
صرخ بوجهه وعروقه برزت : تفهم !!
غازي ضحك ببرود قهر فيه الليث اللي كان وده يهشم راس غازي بهاللحظة : حلم ابليس بالجنه تعرف موقعها يا ليث , لا تتركني احجزك عندي جد وما تطلع من المركز !
الليث بغضب ضرب طاولته : تهددني ؟ اعلى مابخيلك اركبه ولو تربط كفوفي وعيوني بوصل لها وتشوف ياغازي !
غازي بجدية : الليث استوعب ان الحين صار وراك حرمة تنتظرك , بلاها حركات اللي ما وراي ودوني احد ومحد يهتم لأمري لو مت لان ماعندي أحد ! تغير وضعك الحين تفهم ؟ لا تتركني اوصل الكلام للي اكبر منك وتصعبها ياليث !
رمقه بنظرات حادة وعيونه اصبحت حارقة وحمرا بذات الوقت مع احمرار وجهه !
خرج من مكتب غازي وهو يصفق الباب بقوه لدرجة ان تكـَة وينكسر !
واثار اهتمام كل من بالمركز للصوت القوي اللي خرج من صفقة الليث للباب !
.
بُشرى جلست بقرب البنات وجمعتهم وهي تضحك بفرح : ايوه دقوا الصبح وبكرا لقائي
ابتسمت نجد وهي تمد لها كاسة الحليب : تستاهلين كل خير ياروحي انتي ! ويابخت عمي فيك
طيف ابتسمت من كلام اختها : اي والله يا حظ عمي فياض فيك وين يلقى مثل طيبة قلبك ؟
نجد انتبهت لدخول ثنيان وبجنبه هجام من الجهة الثانية وتنهدت بحزن لحالهم ..
هتان تاركة ثنيان يتخبط ببُعدها وحارمتهم من معرفة اي شي يخص حفيدهم .. وماتقول الا لما يسألون ويتطمنون عليه !
وهجـام اللي الكل يعرف ان ماهو مرتاح مع هتاف .. وصارت مشاكل مع عمهم على أميرة من غير شر !
وهتاف ماهي مهتمة لأمره والشي الوحيد اللي صار حلو بينهم هو ورد !
انتبه ثنيان لنظراتها البعيدة وابتسم لها وردّت له الابتسامه وهي توقف .. نطقت طيف بتساؤل : على وين؟
اشرت على ثنيان وهجام : اخواني بروح لهم
تنهدت بشرى وهي تكلم طيف : يا هتان اللي صدمتنا حقيقي باللي تسويه
طيف تنهدت وهي ماعندها جواب .. ماتعرف هتان وشخصيتها بتاتاً لكنها تحس بانها تكن لها مشاعر الكُره لانها عصفت بثنيان اللي الكل يشوف تغيـره اللي لا زال من لحظة تركـه لين ٣ شهور بعدها !
-
مد ثنيان يده لشعر نجد وهو يعفسه ويحتضنها : كيفك ياروح اخوك ؟
نجد شدت عليه : بخير ياحبيبي .. وانت؟
ثنيان ضحك : نحمد الله ، وين زوجك انتي ؟ ماعد قمنا نشوفه !
نجد كشرت بزعل : انا لو اشوفه كثير كان شفتوني هنا ؟
ثنيان تنهد : طيب وين أمي؟
نجد : داخل , لا تخرج شويات ونحط الغذاء جدتي فاطمة وجدي عبدالله هنا
ثنيان بابتسامه : جد ؟
نجد هزت راسها : ايوه داخل حتى
ثنيان ابعدها عنه بخفة : اروح اشوفهم اجل
نجد تكتفت بحزن من ابعادها عن حضنه ونطقت بحنق : صدق اللي قال من لقى احبابه نسى اصحابه
ضحك ثنيان وهو ياشر عليه بانها تروح ودخل وهو يفصخ نظارته الشمسيـة ويشوف جدته فاطمه بزاوية تعجِن حنا والزاوية الاخرى جده يطالع اخبار بالتلفزيون وبقربه هجام
ثنيان بجهورية : يالله حيـهم تو مانور بيتنا !
صدت فاطمة بزعل منه لان ماقام يزورها .. وضحك ثنيان وهو يتقدم لجده عبدالله اللي رحب فيه وقبل جبينه : كيفك يبه ؟
عبدالله : بخير الحمدلله وانت يا ولدي ؟ عساك طيب
فاطمة بحنق : وينه بخير ماتشوفه صار معصقل تقل عصا
🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
