شاركيني لو مشينا دروب الهنا واعذريني لو لقيتي بدروبي عنا

البارت 152

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 152 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🔮🍃

حصـة دمعت : الانسان يغلـط يابشرى ما توقعتك كذا
بشرى وقفت لانهاء الحديث السام الي بدأ يضايقها : توقعيني اجل ، واذا تظنين اني طيبة واسامح فـ لا تظنين احسن
كانت المرة الاخيرة من بشرى بشوفه حصة ..
-

دخـل فياض وهو يشوف بشرى ترجف برُعب ، اقترب منها وهو مصدوم جداً من خوفها من اول ما سمعت بالخبر لهاللحظة !
جلس بقربها ونطق ببحة : بشرى ؟
مانتبهت له ورفع يده ليحطها على كتفها وفزت : بسم الله عليك ، بشرى وش فيك ؟
هزت راسها بنفي ورعب وهي تعتدل لتستلقي وتغطي نفسها : مافيني شي
عقد حاجبه وهو يوقف ويتوجه لغرفة التبديل ، وبباله حركاتها ، خرج بعد ما غير ملابسه وهو يجلس بقربها
مد يده لشعرها وهو يمسح عليه بخفة : ياعيون فياض ، حركاتك ماهي طبيعية صاير شي ؟

.
رجع الليث بخيبة امَـل كبيرة وغضب داخلي أكبر ، ورجعت ذاكرتـه لـ لحظة ما انتبه له غازي وغيرو طريقهم ليرجعون لـ المركز ، وما استوعب الليث الموضوع الا يوم وقفوا امام المركز
.
،
لف لطرق غازي على نافذة سيارة الليث ونزل الليث بحنق كبير وهو يشتت انظاره ، ويتجاهل وجهه غازي اللي كاتم ضحكته على الليث : تظن انك اذكى مني ياليث ؟ ما هقيتك كذا
الليث شتت انظاره ونطق بعدها وهو يناظر غازي بحدة : بعرفها يا غازي ، وانت بنفسك بتوديني
غازي اعتدل بملامحه ونطق بهدُوء : اوديك بس لا عقلت انت ناويها واحنا نحتاجها
الليث غضب ورمقه بحدة اكبر : لا تلعب باعصابي ياغازي وتقولَي محتاجها ، دمها ما ينهدر الا على يديِني وانت عارفني مجنون وما وراي شي اخسره !
ابتعد بيصعد سيارته ورجع لف وهو يهدد غازي : ولو سويت اي شي بدون علّمي فـ بنسى اني استخباراتي وبنسى انك رئيسي وخابرني ياغازي
-

نجد شافته متكتف بالحديقة ويدخن ، شدت على وشاحها وهي تقترب منه ، وقفت بجنبه ونطق وهو يزفر الدخان بعيد عنها : ادخلي الجو بارد
نجد : لا عادي
الليث : الدخان بيكتمك ادخلي
نجد بعناد رفعت راسها له : لا ، بوقف جنبك
الليث ترك دخانه وهو يدوسه والتف لها : ليه تعاندين؟
نجد : ليه انت كذا ؟
الليث عقد حاجبـه : وش فيني ؟
نجد : كتوم ، دايماً تكتم وتنفجر لحالك بينما لو انا حاولت اكتم ولو شوي ما تخليني
الليث تنهد : بس امور شاغلتني بالمركز
نجد زمت شفايفها : الحين نايف اللي بالعصابه ما يراقبك ؟
الليث كور يدّه وهو يهز راسه : مايمديه يراقبني ، كلها اسبوع وبرميه زي الكلاب بالسجن
نجد نطقت بتردد : عرفت اللي قتلت امك ؟
رمقها الليث بحدة ورجعت نجد بخطوات لورا ، اخذت نفس وهي تزفره من شافته صد وهو يحاول يعتدل بنظراته لان مالها ذنب .. ابتعدت وهي تدخل برعب بعد ما اعطته خبر انها بتدخـل

,
ابتعدت عن ورد اللي نامت وهي تلحفها ، وانتبهت لدخول هجام يتطمن عليها : نامت ؟
هزت هتاف راسها وهي تسكر النور وتاشر له بالخروج ، اقترب لورد يقبّل جبينها وابتعد وهو يسكر الباب خلفه : اكلتي ؟
هزت راسها : وانت ؟
هجام هز راسه بنفي : بشوف اي شي خفيف اكله يسد جوعي
هتاف تكتفت تناظره : اسويلك شي ؟
هجام هز راسه بنفي : لا لا
ابتعد وهو يتوجه للمطبخ ، وتنهدت وهي تسحب جلالها لتنزل تجلس مع طيف كالعادة
.

عند هـتان ، منسدحة ممددة رجلها على الكرسي وتراسل ثنيان ، اللي يطلب منها تجهز اغراضها لجل يرجعون .. ورفعت الجوال لاذنها من اتصل وهي تنطق بنفي وغضب : قلت لك مابرجع ثنيان مابي !! وبعدين انا بالتاسع يعني اي لحظة بولد وابي اولد بالبحرين !
ثنيـان بهدوء : صعبة عليك يابابا ، بعد ما تولدين امي وخواتي معك يساعدونك اما هناك لحالك وش بتسوين !
هتان : ومين قالك انا ابي اتعبهم واخليهم يساعدوني ؟ مابي ثنيان ولا تخليني اعصب واولد الحين !
ثنيـان ابتسم : من جدك انتي ؟ للحين بعنادك
عضت شفايفها من ألم خفيف داهمها : وبظل بعنادي ، ومابي يتغير وبظل بالبحرين شهرين زود
ثنيان : غلطانه حبيبي ، خليها سنة
هتان بغرور : يناسبني
اعتدل بجلسته بعدم موافقة : تخسين عاد ، عطيتك وجه واجد
هتان ضحكت بذهول : اقول بس ، خل اللي قلت لها تخسين ترد عليك لا اتصلت
قطعته بوجهه ، وانصدم ثنيـان .. كرر الاتصال لاكثر من مرة وهو عارف بعنادها وترك جواله والابتسامه على وجهه بتنهيدة عظيمة ..
اخذت هتان نفس وهي تحاول توقف ، وصرخت بألم من حست بشعور غريب ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮