🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 5 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🌹🍃
رجع لبس نظارته وهو يتقدم لها : استاذة هتان ؟
هزت راسها وانطلقت بالحديث بسرعه : شلون انتهت ذي ! انا كل اسبوع اروح وارجع ع البحرين
نطق ثنيان بجمود : من الاحد اللي طاف ، متى رجعتي هنا !
هتان : اقولك انا كل اسبوع اروح وارجع ، ارجع بالويكند لان جامعتي هني ! شلون يعني متى بجددها ! ما اروح لاهلي يعني !
ثنيان بهدوء وذهول منها : هالويكند ماراح تروحين البطاقة تتجدد خلال ثلاث ايام تقريباً وبحكم الويكند واجازة ممكن تطول
هتان ضربت برجلها ع الارض بحزن وغضب : حتى جوازي بالبحرين ، يااخي ما تقدر تسوي لي واسطة شي تدخلني ابي اهلي ! ما بشوفهم اسبوعين قدام بسبب الامتحانات تكفى
ضحك ثنيان من تفكيرها : الواسطة مو دايم تمشي ، ماعليه بحاول اسويها لك بسرعه بس هالويكند ذا مستحيلة ، لازم نعطيها السفارة وبعدها تستلمين بطاقتك بعد منهم
رغم ان ما رفع عينه لها الا انه عرف انها تبكي ، واللي مو واضح له بسبب نظارتها ، نطق ثنيان بهدوء : تجين معي نكمل الاجراءات
هتان بغضب مبكي : بروح لجهنم ماودي دام ما بشوفهم الا الشهر الجاي ليش اروح بعد
ثنيان وهو يشوف الناس تناظر ونطق بشبه حدة : اثقلّي وتعالي نكمل هذه اجراءات واذا رفضتيها انسي تشوفين اهلك !
رمقته بنظره غضب وهي تشوفه يتقدم يمشي عنها مسحت دموعها وهي تمشي خلفه بغضب...
خرجت بعد مُدة من توقيع اوراق كثيرة بعد ما حولّها ثنيان على شخص اخر سمع نبرتها وهي تخبر اهلها انها ماراح تجي وتبكي متجهة لسيارتها ، خرج بعد نصف ساعه تقريبا بسبب انتهاء دوامه وانتبه لها وهو يشوفها لا زالت بالداخل
خاف عليها لوهلة بسبب تظليل سيارتها وبغروب الشمس اللي ما تبين ملامحها ، وقف وهو يطرق على نافذتها .
هتان بعد ما افرغت من بكاءها وشوقها لاهلها وشتمها لبطاقتها اللي مو حزتها تنتهي ، ومب عارفة وين تقضي ويكندّها اللي لاول مرة من ٣ سنين من جات يصيدها هالموقف ، بحكم انها كل ويكند بالبحرين واذا لا فـ تقضيه بدراستها لامتحانها ونادر لو طلعت مع البنات ونجد ! لمدة ساعتين فزت من دقّة النافذة ونزلتها بعد ما مسحت بقايا دموعها ونطقت بغضب اول ما شافته : خير !
ثنيان بهدوء : مُخالفة وقوف
هتان بشهقة : كذاب !
ثنيان رفع حاجبه وهو يرمقها بحدة وبلعت ريقها واعتدلت من لمحت الغضب في ملامحه : اسفة الحين امشي
ثنيان ببرود وهو يمشي : وسددّي المخالفة
هتان اول ما ابتعد عنها : وجع حرفياً وجع
رفعت جوالها وهي تدق على نجد ، واول ماردت نطقت هتان : نجد اشوفك بكوفي
نجد باستغراب فزت : ليه انتي مو في البحرين
هتان وهي تحاول تكبح دموعها : اذا شفتك اقولك
نجد : طيب طيب ، بكوفينا صح!
هتان : ايه
سكرت نجد منها واتصلت على ثنيان مباشرة تعطيه خبر يوصلّها .
.
وقف ثنيان امام الكوفي حسب كلام نجد وهو يمسك يدها من جات تنزل : وينها صديقتك !
نجد : ممكن داخل !
ثنيان : اتركيها تطلع لك
نجد اعتدل : ثنيان شفيك !
ثنيان بجمود : مارح انزل انا ، اتركيها تطلع لك المكان زحمة ماودي تدورينها !
نجد بهدوء : اذا قصدك ع الرجال ف هي بعد بنت دام ما ترضاها على اختك لا ترضاها على بنات الناس
شتت ثنيان انظاره : اخر مرة تجون لهالكوفي
نجد نزلت من نزل : ليه بالعكس في مكان هادي
ثنيان : تجنبوا الاماكن الهادية !
نجد تنهدت وهي تعدل شنطتها : فيك شي اليوم صح !
ثنيان مسك يدها بعد ما رمى الكاب داخل : مو صح
نجد بخفوت من دخلوا : انظارك على الكل كانهم مجرمين ، خلاص تراك تركت السلك
ثنيان : وين صديقتك !
شتت نجد انظارها وهي تبحث عن هتان ، لمحتها بزاوية متكورة وبيدها كوب كوفي وسرحانة ، اشرت عليها : هناك
ثنيان : بتطولون بالجلسة؟
نجد بذهول : ثنيان شفيك !! من متى كل هالاسئلة
هز راسه وهو يوقف ويشوفها تبتعد ، رفعت هتان راسها لنجد وانذهل ثنيان من عرفها مباشرة ، نفس البنت اللي شافها بالحدود .. وتو يستذكر انها نفس ملامح البنت اللي شافها تحتضن نجد بعد ما رفع جواله يكلم الفريق اول " فياض " !
ابتعّد عنهم وهو شاك بتحركات الكوفي بأكمله ، وخاصة موقعّه .
صعد سيارته بجمود وهو يستند بانتظار نجد ، مستحيل يتحرك من المكان لو انه باقصى مراحل التعب ويدور الفراش الا ان مباشرة صحصح من حس بغرابة في الموضوع.
انتبه لـ صوت اللاسلكي والتفت للخلف وهو يسحب
حقيبة ظهره ويخرجّه ، نداء من الفريق اول " فياض "
ثنيان : سّم
فياض باستعجال : الـ قوات بتتحرك الان ، برسل لك موقع لاحدى المباني فيها متُفجرات لو وصلت قبلّهم اخلوا المكان يا ثنيان
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
أنت تقرأ
شاركيني لو مشينا دروب الهنا واعذريني لو لقيتي بدروبي عنا
Genç Kız Edebiyatıرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
