شاركيني لو مشينا دروب الهنا واعذريني لو لقيتي بدروبي عنا

البارت 111

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 111 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌻🍃

الليث هز راسه بموافقة واستعجال : ايوه بقولك بس اتركهم يجيبون رسام يرسمه وانا اقولك بهالوقت !
رفع غازي صوته ينادِي احد العساكر واعطاه الامر
تردد الليث بالبدايه ولكنه نّطق له بكل شي وسط جُمود ملامح غازي !
غازي نطق بذكاء : اكيد واحد من عصابة الفلس !
الليث اعتدل بجلسته : كيف كيف ؟ قصدك سامِي وذراعه بسام ؟
غازي : ليه لا ؟ حتى اكثر الشكوك عليهم كيف ما جا في بالك ممكن هُم؟
الليث بلع ريقه ونطق بشتات : بسام طعني ! وجبان مستحيل يرجع
غازي : الظاهر انك ما تعرفهم زين يالليث ! تغيرت وكثير عن قبل
الليث بجمود رمقه : ماتغيرت ابداً ! ومحد يقدر يغيرني
-

تقلـبت نجد بالنُوم لين شافت نفسها بحديقة بيتهم
والنوم مجافيِها فزت من صوت هجام وطيف خلفها شدّت على وشاحها بعقدة حاجبها من لقت طيف لابسه : وين بتروحون ؟
ضحك هجام : ما جاك النوم انتي بعد ؟
تنهدت وهي تشتت انظارها ونطقت : وين يجيني النوم وانا مدري وش بيصير بكرا ؟
طيف عقدت حاجبها : ليه وش صار؟
ابتسمت نجد بتغيير للموضوع : ولا شي انتظر الليث قال بيجيني وبعدها ثنيان يهبدّه هنا ويرجعون يتسامحون وانا ارجع لحياتي اللي محكومة علي وبس
هجام مسك يدها : فيه شي مخبيِنه علينا انتم ؟ ماقلتو عن موضوعك مع الليث ولا عصبية ثنيان
نجد : خلاص هجام مافيه شي انتو روحو للي تبون تروحونه انا شوي وادخل
هجام تنهد من عرف رغبتها بانهاء الموضوع بأي طريقه : ننتظرك بالسياره روحي البسي وتعالي
نجد : ليه ؟ وين بتروحون انتم
طيف ضحكت وهي تعدل جزمتها : مفاجئة يلا يلا
هجام قاطعها : مافيه ترفضين نتتظرك يلا
نجد : الساعه ٣ الفجر لو تشوفون ؟
هجام : محنا رايحين نسرق يابنت يلا ننتظرك
نجد بتردد : وليث اذا جا ؟
هجام بعقدة حاجب : مع اخوانك انتي , ماعليك يلا ننتظرك
هزت راسها وهي تدخـل تلبس عبايتها

-
انطّرق الباب ودخل عسكري بيده لوحة , فز الليث وهو يسحبها : تقدر تطلع
فتـح القماش اللي مغطيها وهو يحس بغازي يتقدم بجنبه وبردت ملامح الليث من لقّاه بسام !
غازي بهدوء : لا تسوي شي تندم عليه حركاتنا لازم تكون مدروسه
الليث بتهديد مُخيف : والله لاطلعه لو انه متخبِي برحم امه والله
خرج الليث وخرج غازي خلفه ينبهه بتجاهل الليث كعادتـه !
غازي سكر الباب بقوه ويتمنى من الليث مايسوي شي يندم عليه وغِير قانوني وعارف الليث زين !
-

الظُهـر , ببيـت يوسِـف
نزلت هتان وهي تشد على عبايتها وابتسمت من وجود فاطمة اللي هلّت فيها مباشره من شافتها , دنت هتان عليها تقبّل راسها : الحمدلله بخير
جلست بجنبها ومبتسمه من مسكة فاطمة لكفوفها : صرنا ما نشوفكم كثير عاد وين الغيبه ؟ لو تدرين ثنيان كل يوم كان مطيّح عندنا
ابتسمت هتان : ماخذيته منكم انا مالي شغل
ضحكت فاطمة وهي تهز راسها : حلالك يا يمه انا وش علي ؟ وينه فيه هو؟
هتان زمت شفايفها : بدوامه
فاطمة هزت راسها : وانتي شكلك طالعه اخليك انا
هتان بلعت ريقها بهدوء وابتسمت : اطلبج طلب ؟
فاطمة : من عيوني يمه انتي تآمرين
هتان بإمتنان : تسلمِين والله , بس الصراحة انا دقيت ع ثنيان ما رد وانا بطلع الحين ويمكن يرّد وانا مب في البيت , تغطين علي ؟
فاطمة باستغراب : ليه انتي بتروحين مكان ما وده تروحينه ؟
هتان هزت راسها بنفي مباشرة : لا وين , هو بس
قاطعتها فاطمه بتفهم : خلاص يمه روحي وعليك الامان
هتان توسعت ابتسامتها ورجعت قبلّت كفوفها : تسلمين والله انا بطلع عيل
فاطمة : الله يحميك يا بنتي
ابتسمت هتان وهي تسحب شنطتها وتخرج بتسارّع وابتسمت لبدر وهي تدخل السياره
-
هتان : صح اني جيت معاك بسلام لكن ما اضمن لك نرجع بسلام لو صادنا ثنيان
بدر : انتي شله خايفة منه هالكثر ؟ ترا مب وحش
هتان : اننن , ماتعرفه انت اذا عصب شلون والله خايفة على وجهك يتشوه
بدر ضحك وهو يحرك : شدعوه عاد انا اهم شي واثق من روحي ماسويت شي ! بعدين انتي ليش ماخذته دامه ما يفهم حياتج ؟
هتان : اكل هوا عاد زوجي مارضى عليه
ضحك بدر بقوه وهو يشتت انظاره : ترا ما ادلّي مكان هني ويوعان حدِي !
هتان : يالغجري فيه شي اسمه لوكيشن وقوقل ماب ماوصلك الاختراع ؟ من قام يضيع الحين
بدر بحنق : من دخلتي وانتي تعايريني , انتبهي لا اشوتج من السيارة
هتان : اقول ردّني البيت ردّني دامك بتقعد تطردني جي ! مابي اروح معاك مكان
بدر : اقول انثبري مكانج بس

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻