شاركيني لو مشينا دروب الهنا واعذريني لو لقيتي بدروبي عنا

البارت التاسع والعشرين

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 29 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌻🍃

واكملت أميرة : ابيك تعرفين وتوصلين الخبر للي ودك ، لو دخلت بيتكم بحرقكم كلكم والله واخوك رضى والا مارضى بيتزوجني
ضحكت هتان على تناقضها وهي توقف امامها : زين ع الاقل حددي تبين تتزوجينه ولا ؟
أميرة : خرجي نفسك من الامور العائلية وانشغلي بعايلتك ونفسك افضّل
مسكت نجد يد هتان وهي تناظرها برجاء وابتعدت هتان وهي تسحب كوفيها .. وابتعدت أميرة عنهم وسط تهديد هتان الباطني داخلها .. لفت بفضول لنجد ونطقت بتوتر حاولت تخفيه : ما تقصد ثنيان صحيح ؟ ماعتقد ثنيان يرضى بهالاشكال تكون حرّمه
ابتسمت نجد لها وكتمت ضحكتها وهي تهز راسها : تقصد هجام
تنهدت هتان بخفوت ونطقت نجد وهي تترك اغراضها : طيب بروح اعدل شكلي بدورات المياه انتبهي لاغراضي
هزت هتان راسها وهي تكمل اكلها وتوجهت نجد لدورات المياه

تركت هتان الايربودز لما انتبهت لجوال نجد اللي يرن واسم " عمي فياض " يضيئ الشاشة عقدت حاجبها وشهقت بخوف وهي توقف من تذكرت ان " ثنيان وعمي فياض رايحين لمهمة واول مرة اخاف بهالشكل " وتراجع هتان عن الحديث عن الموضوع لانها تخافه وحتى نجد ماتعرف سر خوفِها منه !
هتان تركت اغراضها وهي تسحب جوالها وتركض اتجاه دورات المياه وظنها كله يتمحور حول " صابهم شي "
وردت بخوف من حست ان بينقطّع .. وانقطعت انفاسها مع الخبر ونبرته ..

.
فلاَ أنا مُفصحٌ عمّا أُعاني .. ولا وجَعي على صمّتي يزول
.
في زيارة اولى لمكان نروحه , عند رئيس القِسم
في شركة خاصة " هجّام بن يوسف "
جالس خلف مكتبه ويصدّر اوامره اللي يبغضّها الجميع واللي يسويها الجميع غصب ، يطقّطق بالقلم وصوته المزعج فقط في مكتبه الهادي انظاره مُحدقة على جماد
ويفّكر بالكثير من القليل لما عاشّه .. تنهد بألم وهو يرمي القلم ويترك سبابته مع اصبعه الوسطي يدلكّون منطقة بين الحاجبين من الصُداع اللي يداهمه دوُم بلّع ريقه وهو يرتشّف كوب الموية اللي على المكتب ووده يطفّي شعوره ايضاً ..
.

حبسّت انفاسها لما رفعت السماعه خوفاً من ان فياض يسكر الخط بخروج نجد من دورة المياه واستغرابها من ملامح هتان اللي بهتت !
فياض بتعب : نجد ياحبيبي مافيه احد غيرك يعرف عنه .. هو بمستشفى " ** " واكيد بيسأل عن اي احد منكم اول ما يصحى بإذن الله بترك عندك خبر لا تعلمين امك بالخصوص واتركي الموضوع يكمل بسريِته !
نجد تقدمت لها وهي تأشر باستغراب ومدت هتان الجوال لها وهي تنطق بضياع بعد ما قالت لفياض " انا هتان " , ونطقت لنجد بخوف : ثنيان بالمستشفى
تركتها وهي تبتعد وتحس بنيران تحترقها من خوفها
سحبِت كُتبها وهي تشوف نجد بعيده عنها وتسمّع وتحس انها غير موجودة ..
اقتربت نجد لها بانهيار : هتان بنروح لاخوي تكفين ودِيني !
هتان هزت راسها برُعب : ماتحمل نجد
نجد ببكاء : تكفين هتان محتاجتك .. اتركيني وروحي تكفين
مسحت هتان دموعها وهي تهز راسها بضياع ونطقت بحشرجة : يلا
سحبت نجد اغراضها وهي تركض خلف هتان بانهيار
من عدم توضيح فياض لـها عن اصابة ثنيان ورُغم انه اعطاها خبر لان ما قوى يتحمل الخبر لحاله .. وعلمها انها ما تجي بسبب وجود العسكر لكن خوف نجد على حبيبها قبل " أخوتّها " تركتها تسارع بعدم التفكير ~

.
كان الانهيار من الطرفين سيد الموقف .. انهيار هتان بذكِراها السيئ وكابوسها وانهيار نجد بخوف على فقدان اخوها ما بتتحمل ألم الفقد ابداً
نزلت معها وماقدرت تترك صديقة دربها وجزءها الثاني تتخبط بين ممرات المستشفى والساعه اللي قضوها بالطريق تعبّها .. وتركها تتراجع
هتان بصرامة رغم رؤيتها لرجفة يدها المخيفة : نجد خلاص !! مافيه الا العافية الحين نروح نشوفه
نجد وفكها يتصادم ببعضه بدون شعور من شدة خوفها : ابي عمي فياض هتان وين عمي
هتان مسكت ذراع نجد وهي ترمقها بغضب : مابنروح لعمج فياض بهالحاله .. صحصحي نجد شفيج ! صحصحي والا باسطرج
مسحت نجد دموعها من صرامة هتان وهي تشوف احداقها حمراء .. هزت راسها : هديِت يلا نشوفه مع اقترابهم لـ " ممر العناية المُركزة "
تذكّر هتان
لكل احداثها السابقة .. بُكاءها وصراخ خالتها وتهدئة
امها لها ، مُساندة ابوها بعز صدمتها وتنهيداته المستمرة من اثر صدمتهم جميعاً
الممر الكئيب .. الدم , العسكر , الرصاص , والبحر كلهم فوبيا عظيمة لهتان تصيبّها بالموت قبل الخوف
وفُقدان الوعي .. تحس ان شخص يعصر قلبها
حاولت تتراجع وتترك نجد لحالها بسبب عصف الذكريات اللي يداهمها ودموعها اللي قاعده تنزل بدون شعور واللي لأول مرة نجد تنتبه لهم

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻