شاركيني لو مشينا دروب الهنا واعذريني لو لقيتي بدروبي عنا

البارت 144

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 144 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🔮🍃

خرجت من الحمام وهي تبلع ريقها بحزن من نبرته الراجية وشتت دماغها وهي تتقدم للتسريحه لجل تشيل اكسسوارتها وتبدل قبل يخرج هجام ولجل تعرف تتحرك ببجامتها اكثر من الفستان !
-
ضحكت من عفوية وعدم تكلّف ليلتهم .. بيدهم عصير وبينهم بيتزا وامام البحر جالسين ياكلون واصوات ضحكهم عالي .. تجزم بأن هالليلة لن ولم تتكرر عليها طول حياتها !
نادر التف وهو يشوفها ما تاكل ومد لها قطعه : بتخلصين البيتزا كلها لاني شبعت وانتي لساتك بالاولى مسوية رقيقة
طيف ضحكت بذهول : شدخل ؟ بس احب اتلذذ انت سريع
نادر ضحك بخفة وهو يشرب من العصير اللي بيده : تحبين تتلذذين ؟ متأكدة ! ياخوفي جالسة تحللين ودك تسرقين الوصفة
نطقت بعفوية وهي تقضم من بيتزتها : ليه شايفني شمشون ؟
حمرَت بخجل من شافته انهار من الضحك وانظار الناس التفت عليهم باستغراب واستنكار من ضحكه القوي .. غطت نفسها بكفوفها ونطقت بضحك : اشش فشلتنا نادر
.

بڤلـة الليث |
من رجعوا من الملكة وهي تراقبه بنظراتها وضحك من انتبه انها صدت للمرة المليون من يلتفت وتحاول تشغل نفسها بالكريم اللي بيدها : ما تعبت عيونك من تحليلي ؟ طيب وين وصلتي ؟
لفت وهي تعدل سير البلوزة اللي نزل ونطقت بحنق وهي تشوفه منسدح على السرير براحة : تو بالصفحه الاولى
الليث بروقان : متى بتلفين للصفحات اللي بعدها ؟
نجد بجدية : لين ما توضح لي اللي صاير بالجزء الاول
الليث شتت انظاره وهو يزفر : بشيبَك يا روح الليث , ولا يهمك اقولك الصباح بس الحين تعالي ننام
صغرت عينها بشك : انا عارفة حرشك .. ماتعجبني ما بنام الحين بنزل اتابع مسلسل ولا نمت اجي
ضحك بقوة وهو يناظر بتحدي : عارفة ان لو ودي اجي اخذك الحين ماتقدرين تتحركين فلا تجربيني بلاك ماعرفتي محارشي الحقيقي
رفعت انظارها بتكذيب له وهياط ووقفت بخوف وهرب من شافته اعتدل ليقوم والاساس يخوفها لجل تجي : خلاص خلاص جيت والله وهذا كان مبتغاه لجل تجي مثل الشاطرة بجنبـه .
-

الفجـر , عقد حاجبه من اصوات الرسائل اللي تتحاذف على جواله ونسى يحطه وضع الصامت !
انتبه لنجد بقربه وابتسم وهو يزيح خصلات شعرها ويقبل جبينها من شافها نايمه بعُمق ومو حاسة .. سحب نفسه ودخل ياخذ شور وخرج وهو يسحب جواله بعد مالبس ملابسه يشوف الرسايل اللي جته وبردت ملامحه من شاف موقع قاتلة أُمه !
سحب المفاتيح بسرعة وحِدة ووجه احتقن بالسواد .. فتح سيارته وتأكد من وجود سلاحه بخصره بعد ماسحبه من المكتب ورماه بجنبه وفتح سيارته ليحرّك !
.
.
لا زالت فاتحه عينها ومنسدحه بجنبه .. تحس بانفاسه الحارة اللي توصلها من خلال جسمه اللي لا زال حار ايضا ورافض يقوم ويتحرك من تعبـه .. تسمع كحاته وتقلبه المستمر وماجافاها النوم من حواره اللي لامس قلبـها وبكت مباشرة !
.
نرجـع شوي ولكم ساعه قبـل
رجعت بعد ما قال لها " ليتك تعامليني زيّها وترحميني شوي " قاصداً بالتمنـي ان يكون ولو شوي محصل رأفة بقلبها عليه مثل رأفتها بـ ورد بنتهم !
انتبهت له وهي تشوفه يترنح وقد فصخ تيشرته وظل بالجينز والموية تنزل عليه .. تقدمت تسكر الدش وهي تمد له فوطة : تقدر تمشي ؟
انتبه لها وهز راسه وهو يحس بريقه مُر , ابتعد بترنح وهو يخرج وانظارها تلاحقه وخرجت بعده وهي تأشر على ملابسه اللي طلعتهم : طلعت لك ملابس
هز راسه ونطقت هي بتوتر : بخرج انا عشان تبدل
نطق ببحة : خليك , برجع الحمام البسهم
هزت راسها وهي تجلس وتنتظره وتهز رجلها بتوتر , خرج وهو يحس بأي لحظة بيحضن الارض من التعب ويمشي على فطرته بالمحل ولا كان طاح من زمان لان مايشوف !
جلس على طرف السرير بانهاك وكانه وصل واخيراً وجهته ونطقت هتاف بتوتر وهي تحط يدها على جبينه : هجام ترا مانزلت حرارتك , نروح المستشفى ؟
هز راسه بنفي وهو يكح بقوه : لا اشرب بندول وانام ولا صحيت اكون كويس , نامي انتي
هتاف بهدوء : كيف انام وانت كذا ؟ صاحي انت ؟
هجام ابتسم بسخرية على حالهم : لو ماني صاحي كان طلبتك تكونين جنبي , مكانك ماهو جنبي هتاف
كح بقوة وهو يحس روحه بتطلع : نامي الله يستر عليك
هتاف رفضت بعناد وهي تمد له دواه وكاس الموية : اشربه وانسدح ..
رفع انظاره لها وهو يشوفها تبادله النظرات بتحدّي , سحبها منها وهو يتنهد وانسدح بعد ما شرب حبوبه

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮