شاركيني لو مشينا دروب الهنا واعذريني لو لقيتي بدروبي عنا

البارت الثالث

🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 3 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌹🍃

ثنيان بغضب : حمار انت ؟ ما تفتهم ؟ بنت ما كملت العشرينات لسى تزوجها بواحد كبّر ابوها ؟ رجل بالدنيا ورجل بالقبر؟ متزوج ثلاث ووده فيها رابعه وكبر بناته !! ولحظة لحظة اي شرف بينصان تتكلم عنه !! طيف اشرف من الشرف وطز بشنب رجال يتكلم في اصلها ، وماهي بحاجة لاحد تتوقعونها بتسكت وبترضى بنصيب ما انكتب وانتو كتبتوه !! انا اقول القلم اللي كتبت فيه نصيبها احرقه ازيّن
ابو ثنيان وهو يستنبط من كلامه : يعني تعرف وين اختك !!
ثنيان : لو اعرف ماراح اتردد باني اقولكم ، مو لاني ابيكم تجيبوها بس لاني عارف مارح توصلوها طيف عقلها براسها ويا يبه لا تترك صغار العقول يشوهون تفكيرك وانت اللي طول عمرك تحب بناتك اكثر من الدنيا وعمره كلام الناس ما يهمنا وش اللي تغير؟

تقدم هجّام بغضب من ثنيان : قصدك انا صغير عقل ؟
نجد بخوف وقفت من عرفت من نظرات ثنيان بتصير كارثة بالبيت بأكملها .. وينعاد مَوال اختفاء ثنيان من حياتهم لفترة لا يعلمها الا الله ثم هو ويحرمهم من شوفته بسبب هجام .
نجد بخوف وقفت بجنب ثنيان وهي تحاوط ذراعه : اسألك بالله ثنيان اذا تحبنّي اسكت
ابعّدها هجام بشبه عُنف لولا يدّ ثنيان اللي مسكتها ووقفتها رغم شدته على ذراعها لدرجة آلمتها من غير قصد من ثنيان لـ سقطت على الارض بحده
ثنيان مسك ياقة هجام بغضب : تمدّ يدك على نجد بحضرة وجودي و وجود ابوك؟
هجام بغضب اكبر وشرار يطلع من عينه : ما يكون اسمي هجام اذا ما حفرت قبرّ طيف بيدي
بكت ام ثنيان بفزع من عيالها اللي دوم على حدة ، مشاكل ، كُره
ثنيان انتبه لامه وهو له رغبة عارمة بقبّر هجام ، اولاً لان يتطاول عليه وهو اكبر عمراً وثانياً بسبب تسلطه الدايم وتشويه تفكير ابوه بتفكيره الحجّري ثالثاً بسبب خواته وهو اللي ما يرضى على خواته بكلمه ، شتيمته لـ طيف ومدّة ذراع ع نجد ورابعاً بكاء امه اللي دايم يردعّه عن اي عنفوان بسويه تجاه هجام اللي لازم يوقف عند حده
نطق ثنيان بسخرية اكبر : طيف اكبر من عقلك بمراحل
هجام جا بيتكلم بغضب ونطق ابو ثنيان بحدة : بس انت وياه !! انا بقدّم بلاغ للشرطة ويتلّونها لو انها بقلعه وادرين ويجيبونها !
بردت ملامح ثنيان ونجد من تقديم البلاغ ، لا قدّم بلاغ وتحروا بالموضوع بيعرفون ان ثنيان له يد بالموضوع
وبكذا ممكن يطردونه من السلك العسكري حزتها لا عسكري حدود ولا عسكري بالمركز وبيخسر وظيفة تعز عليه وحُلم وده يرجع له !

اعتدل ثنيان بملامحه الجامدة وهو يبتعد عنهم بغضب ويصعد للأعلى ، لازم يطمّن ابوه بأن طيف بخير ويبعدّه عن تقديم البلاغ
تجاهل صراخ هجام تحت وهو يتقدم ل دولابه ليغير ملابسه ويتوجه لعملّه ..
رمى بدلته ع السرير وهو يتوجه للحمام " وانتم بكرامة " ياخذ شور لجل يروّق وهو حاط هجام براسه ما بيكسر راسه غيره ويعرف كيف يلوّي ذراعه بس مأجل الموضوع لاجل غير مسمى ، لحد ما يفضى يعني
خرج وهو تارك شعره المبلل على وجهه ، ملامحه تميل للحدة دايم حتى وهو ساكت اللي يشوفه يظنه بأكثر اوقاته عصبية .. حِدة حاجبينه السُود وملامحه الناعسّة
تحديدّه لعوارضه وخشمّه الحاد كلها اشياء تميّزه وتعطي انطباع شرّي .
سكر ازارير البدلّه وهو يعدّل اسمه والتف من سمع طرقات الباب لف من شاف طرف نجد داخل ونطقت بهدوء : ثنيان توصلنّي بطريقك الجامعة ؟
هز ثنيان راسه بابتسامه : من عيوني .. كم نجد عندي ؟
ضحكت بسعادة وحُب له وهي تشوفه رمى عليها المفتاح : انتظريني بالسيارة
نجد : حاضر
نزلت نجد متجاهلة هجّام وكل الاحداث اللي صارت من شوي ، اهم شي انها انقذت اختها من تسلّط اخوها
مستغربة الهدوء اللي صار بالبيت وهو اللي توّ كانت قايمة الحرب العالمية الثالثة عندهم زفرت وهي تشوف امها ، بالزاوية وبيدها مُصحف ودموعها على خدها
تقدمت لها وهي تحس بحركة ثنيان خلفها وتقدم معها اتجاه امهم ، اكثر شخص ودهم يطمنونه بس يخافون يزّل لسانها قبلّت نجد راس امها وجلس ثنيان على ركبّه وهو ماسك يدينها : تثقين فيني يا يمه ؟
هزت ام ثنيان راسها وهي تحاول تكبح دموعها وكمل ثنيان بصرامة : اجل خذي العِلم مني .. طيف سوا انها كانت بالمملكة والا خارج حدودها بنتك ذيبة من ظهر رجّال لا تخافين عليها ومستحيل تنساك يا يمه كفي عن هالدموع والله عورتي قلبي يهون عليك رايح الحين وانا فكري عندك؟
مسحت ام ثنيان دموعها بيدها : يالله انك تردّها لي وتقرّ عيني بشوفتها يالله انك تحفظها بعينك اللي ما تنام ..

🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹