🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 142 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🔮🍃
سكرته وهي تتأمل المغذّي بتعب وبدر مشتت انظاره وعبدالله غافِي على طرف الكنب !
-
قبـل ساعتين من الحدَث |
استوعبت فداحة الامر اللي سوته ببَـدر اللي ماله دخـل بهرموناتها المتدهـورة ومن هموم الدنيا والمصايب اللي تتحذَف عليهم من كل صوب .. تمعنّت بكلام نجد وكثير لدرجة انها قامت بتجهز شنطتها حقيقي وبترجَع رغم انها مستثقلة رجوعها بعد اللي قاله ثنيـان !
ولكـن حصل مالم يكن بالحسبـان وطاحت بتعب عميق وأنين عالي من الألم , ولُحسن حظها عبدالله وبدر كانو بغرفة المكتب وسمعوهـا
.
تأكدت من نوم ابوها وزفرت بصوت عالي وهي تشوف بدر وده يقوم ويخرج من الغرفة وحقيقي وقف لجل يخرج ولف من سمعها تناديه : زعلان مني ؟
بدر شتت انظاره : تمونِين بنت الخالة .. كلامج ع العين والراس تصبحين على خير
رفعت انظارها بحزن وهي تحاول تتعدل : بدر تكفى لا تسوي جي !
سحب كفوفه من مقبض الباب وهو ينطق ببحة هادئة : ماعليج خلاص .. مسموحـة ارتاحي انتي
هتان : وانت وين بتروح؟
بدر التف ببرود : بيتنـا !
زفرت بحزن وهي تهز راسها بموافقة ورجعت انسدحت من شافت ماعنده رد .. ورفعت راسها من سمعت صوت الباب يتسكر : اخخ يابدر اخ !
-
خرج بدر من الغرفة وداهمه اتصـال ناصر .. سكر ببرود وهو يمشي وحالف ما يتدخل بينهم بعد اللي صار ~
-
نرجـع للواقِع |
طيف تأملت اطلالتها الهاديـة ومكياجها الناعم وخصلات شعرها القصيرة .. ابتسمت بهدوء لشكلها وهي تنزل بتوتر فضيع ورجفة يدّ ومغص قوي تشعر فيه !
دقايق تنعد وينكتب كتابها على نادِر .. على اللي اختاره قلبـها
.
بعد توقيعّها زادت اصوات تصفيق البنات ودموع فاطمة وام ثنيـان وزغاريطهم بالفرحـة وتبريكاتهم .. وساعات من الفرح للكل وخاصة بان الجميع يقربون من العريس والعروس بذات الوقت كون نادر ولدهم وطيف بنت العائلة أساسًا.
,
في مجلَس الرجـال | القسم الخلفي
واقف نادر بثوبه الأبيض وشماغه الاحمر .. بقلَم اسود بجيب ثوبه مثبّت بفخامة عطرّه والجوال اللي يقلبه بيده بانتظار طيف تجي لاول لقاء لهم وهم حليلين لبعض .
دقايق وصـدى صوت كعبـها بالممر وطلتـها الفاتنـة شابكة اصابعها ببعض من فرط التوتر وتشعر بان الانفاس اللي تاخذها رافضة تخرج من رعبهـا من الموقف وجهلها فيه ! مو عارفة وش تسوي وين تناظر وش تقول او حتى تتنفس بالشكل السليـم !
شتتـها بأكملها من رفع راسه والتفت لخيالها الكامل أمامه وماصدرت منه غير بحة غريبة عليـه , يتشبعها الحُب وانتظار الوقت الطويل : يا ميـة مرحبا
وتلتـها تنهيدة وكانه اكمل سباق الركض للتو ! يجزم لو يسكت الدقيقة ويتأملها بيسمع دقات قلبه !
من بداية حضورها وهي ماعندها الجُرأة بأنها تناظره وكانت مشتته انظارها على كل مكان ! حتى البلاط صارت تتأمله بحب وتشوف لو عليه طرف غبرّة بس الاهم ما تنتبه لوجهه وملامحه !
-
برد سرى بجسمها باكمله فجاة لدرجة انها قشُعرت !
وماكانت قشعرتها والبرد اللي جا الا من وضع يده على كتفها ودنى يقبل جبينها بحِب .. احترام .. تقدير .. واعتذار
حُـب للوقت اللي مضى بشوارع نيويورك بالتأمل والحب البعيد , واحترامه وتقديره لها ذاتها بأنها طول وقت جلوسهم بشقة وحدة الا ان الحوارات بينهم كانت تعد على الاصابع والى الضرورة الطارئة ! واعتذار .. لكل كلمة قالها بأول لقاءها بأخوها ووقفتها معاه !! والخيانه اللي شافها منها لهم بعد ما ضفوُها ما كانت الا سخافة بمنظوره كنادِر الهادئ المثقف !
رجع خصلات شعرها للخلف وهو يحاوط وجهها .. ابتعدت بخجل كبير انتابها من سمعت صوت هتاف تجي ترحب بأخوها وتبارك !
ضحكت على وجوههم واشكالهم .. وربتت على كتف نادر : عسى ايامكم دوم هناء يا بعدي !
قبّل نادر جبينها باحترام : ويجعلك ذخر لنا
طيف ابتسمت بخفة وهي تنطق بصوت خافت بالكاد سمعوه : انا اترخص , بمشي
نادر ضحك : وين ؟ روحي البسي بخطفك
انتبهت للوقت المتاخر ونطقت بصدمة واستغراب : وين ؟ وبهالوقت !
هتاف ابتعدت عنهم ومشت واكمل نادر : ايوه هالوقت ، بنخرج ! مملكين تو مستحيل اتركك كذا
ارتعبت طيف : وين بنروح؟ ابوي مابيرضى
كتم ضحكته ونطق : تراني زوجك الحين ! ولا تخافين الكل يعرف هيا انتظرك لا تلطعيني يا طيف !
طيف سكتت لثواني بتفكير وهزت راسها بخفوت وهي تبتعد ..
🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
