🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 133 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🌷🍃
نرجـع لبداية الخُبر .. المزرعـة وتحديداً الليث ونجد مع الصغير الجديد .. الكائن اللي كان رجى وطلب الليث من جابر , وماكان من جابر الا السمع والطاعة من معزتّه لليث !
مضوا الساعات لعّب معاه وضحكهم العالي .. لين جا اخر الليل وتعبوا لجل ينّام من بكاه ! وخرج الليث بعدها للاسطبّل تارك نجد مع أديب , عدلت شعرها وهي تلحف أديب وتتأكد من نومّه المريح .. انتبهت من النافذة لليث اللي يلعب مع الهمام حتى ! ابتسمت براحـة وهي تتأمل وتتأمل ومضت الدقايق بتأملها لين ما خذتها رجليها لعندّه ..
توسعت ابتسامته من لمحها وأشر لها مباشرة : نام أديب ؟
هزت نجد راسها وهي تتقدم وتشد على اللحاف الخفيف يغطي اكتافها ..
الليث مسح على شعر الهمام ولف : تعشيتي ؟
هزت راسها بالنفي : قلت نتعشى سوا .. صار لك وقت طويل معاه اتركه
الليث ضحك وهو يحتضن طرف الهمام : تغارين ؟
فتحت نجد عينها على وسعها : شدعوه .. ادور راحتك بس !
ابتسم الليث من مراوغتها ..: طيب ادخلي .. اودي الحُب مكانه وجايّك
رمقته بنظرات وضحك وهو يعطيها ظهره ويمشي مع الهمام
.
عِند هجـام .. ماقدر يجلس بنفس الغرفة ويجهل السبب .. والواقع ان يعرفه لكنه يتجاهله , بعد ما حس برفض هتاف له تماماً خايف تسوي فيه مثل ما سوا ! خايف وكثير تتركه بالمنتصف بدون مبرر رغم ان كانت تعرف مبرره اللي تركها بسببه ! وصحيح متأخر وبالحيل ويمكن لو ما جمعتهم بنت كان ما رجعَها ابد !
لكن صدّها .. وحركاتها بتجاهله وانها ماتشوفه كسرته وبالحيل زود على كسّرة اخوه .. كسرَة الظهر الحقيقية
واللي يحس بطول هالايام مخنوق والسبب ثنيان !
حزنَه الواضح والعتب .. تركـه يسوي كل هذا , الكل شاهد على هجام وتغييره للأفضل وبشكل مو طبيعي !
مسح على وجهه اكثر من مرة بتعّب .. وهو ينتظر ثنيان مستحيل ينام بدون ما يسامحه ثنيان ! لأول مرة يفكر بهالشكل .. يفكر بأنه يتأكد من مسامحه ثنيان له لان شعور يراوده بأن ممكن ينام ومايصحى ! ماوده بهالمشاعر بتاتاً ..
-
دخـل ثنيان وطلـب من فياض عدم النزول .. وحقق فياض رغبـته , بدايات الصباح والشمس اللي بدأت تشرّق هالعوامل كلها يعشقها ثنيان ويشوفها محَط تأمل
وكان يتمنى تشاركه شريكة حياته هذه اللحظات لكن شريكة حياته مشت بدون تبرير بسيط له .. وهذا ما زادها الا سوء بأنها تثبت خيانتها ! دخل وهو يدور على هجام بأول الحديقة قبل يدخل ويكمل بحث !
رفع هجام يده من الارض وهو يشوف ثنيان مو منتبه من توتره وارتباكه : انا هنـا
ثنيان انتبه وركض بجهته وهو يرمي اغراضه على الارض ويرفع ثوبه لجل ينزل على هجام : بخير انت ؟
اعتدل هجام بجلسته وظل يناظره لفترة طويلة .. وترت ثنيان ونطق : انهبلت انت ؟ اسألك وراه تناظرني كذا
هجام دنى على يد ثنيان وهو يحاول يقبّلها : اسألك بالله تسامحني ياخوي !
سحـب ثنيان يده بعدم اعجاب من حركة هجام : وش تسوي انت !
هجام حمّر وجهه : أيام وانا مو قادر انام .. والله ندمان سامحني ماهو مقصّدي اسوي اللي سويته .. عزيز وغالي ياخوي وانت دوم أحسن مني !
ثنيان تنهد بتعب وهو يرتخي رمقه لثواني بهدوء ومد ذراعه وهو يدخل هجام لحضنه : والله مسموح لكن تقدر تقول كانت قرصّه اذن لك .. وانا وين ازعَل عليك انت ؟ ماقدر قلبي مايقوى ياخوي .. عضيّدي ودوم ظهري اللي استند عليه بالتعب
شد هجام عليه وهو يحتضنه بقوه ورفع نفسه يقبّل راسه ورجّع ثنيان قبلته على جبين هجام : قوم ارتاح ونام .. وشوف اهلك الجدد
ابتسم هجام بهدوء وهو يوقف : وانت ؟
ثنيان تنهد وهو يرفع راسها للسماء : بتأمل شوي وادخل
هجام هز راسه وهو يمشي بخطوات بطيئة ورجع يجلس بجنبه واستغرب ثنيان : ليه رجعت؟
هجام : من امس وانت منت على بعضك .. فيك شي ياخوي ؟ بسبب زوجتك
ثنيان تنهد وهز راسه بنفي مباشرة : لا تشغل بالك فيني ياخوي .. روح الله يهديك ويوفقك
هجام رمقه بهدوء لدقايق وتنهد من غموض ثنيان ووقف لجل يدخل من جديد .. تنهد ثنيان وهو يكتب لفياض ويطمَنه رمى جواله بجنبه وهو ينسدح ويناظر الشرُوق بهدوء .. ويتذكر كل لحظة جمعتّه بهتان !
-
🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
