شاركيني لو مشينا دروب الهنا واعذريني لو لقيتي بدروبي عنا

البارت77

💐🍃💐🍃💐
🍃💐🍃💐
💐🍃💐
🍃💐
💐 77 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 💐🍃

جلست طيف بعيد عنهم بشوي ! كل ما شافت هتاف تذكرت قصتها اللي قالها هجام !! استندت براسها وهي تغمض بتعب وترجع بذاكرتها للحظة اعترافه ! ولرجفة نبرات صوته وهو ينطق بكل شي ! وللندم اللي يتخلله بالاخير والحماس بقّص قصته بالبداية
-
قـبل ٦ سنـين تقريباً بـأول لقاء لهجـام وهِتاف ,
اللي كـان بمحل ورد .. ناطّره دورها من زحمه المكان بالناس
رافعه تلفونها وتكلم اخوها وهي تنسق باقة ورد بانظارها : ايه خلصت من الجامعه من شوي باخذ ورد واجيك المستشفى
نادر : خلاص تم ! اشوفك بعد ساعه اجل
تأفف هجام وهو له ربع ساعه ينتظر دوره ! رفع راسه بغضب من شاف الموظف يأشر لهتاف تتقدم بحكم انها بنت بين اثنين رجـال !
هجام اشر بغضب : هيي يالطيب لي ساعه انتظر هنا كيف تمشّون اللي تو يجون وتخلون اللي منلطعين وقت !
نطق الموظف بهدوء : هي حرمة لوحدها هنا ! ما نتاخر ان شاء الله عليك
هجام : يعني بناكلها ؟ انا جاي اول تخلص لي اول
رفعت هتاف حاجبها : اخوي قالّك مارح نتاخر ! لو اختك مكاني بترضى عليها تكون بين رجال هنا ؟ شويه احترام يخي وش هالناس
هجام باستحقار : اختي ما تنزل مكان وتشوف فيه رجال وتكمل ! كان يمديك تتركين المكان وتخرجين
هتاف لفت له بغضب ورمقته بنظره وهي تتجاهله وتستغفر بقوة ، ابتعدت من اخذت باقتها وهي تخرج من المكان وتشتم هجام بداخلها على معاملته وكلامه : الله يعين الناس على تفكيرك العقيم

ثاني لقـاء كان بالمُسشفى , دخـلت هتاف بعد ما حاكت اخوها تستفسر عن رقم الجناح ورفعت حاجبها بذهول من شافت هجام يدخل بنفس المصعد !
رمقت اللي جنبها بهدوء وهي ودها تضربه بالورد وتخرج حرّتها : نشبة بكل مكان لاحقني ياربي من داعّي علي !
توسعت عينها من شافته يخرج من نفس الطابق اللي هي بتخرج منه ودعّت ما يكون بنفس الغرفة وسرعان ماخابت دعواهّـا !
التف هجام لها وهو ينطق بغضب : ناشبة ؟ وراه تلاحقيني ! لهالدرجة معجبة ؟
ضحكت هتاف بسخرية كبيرة : يالثقة بس ! يا اخر حبة ، ترا حنا بعد جايين نزور مرضانا والا بس انت لك الاجر؟
هجام : وما دورتي مريضّك الا وراي ؟
هتاف رفعت راسها للجناح وهي تشوف رقمه : لا تظن نفسك اخر حبة انا اقول ، ابعد بس خل ادخل
هجام وقف امامها ونطق : على وين يالشيخه؟ غرفة اخوي
بردت ملامح هتاف وهي تناظره بغباء : ثنيان اخوك؟
هجام تنهد بملل : ايه !
هتاف بغضب : سبحان من خلق وفرّق !! انت اخو ثنيان؟ ماقول الا ياسوء حظه
هجام رمقها بنظره : بحترم انك بنت بس
دخل وهو يصفق الباب بوجهها وعضت شفايفها بشبه غضب وهي تاخذ نفس وتزفـره وتطرق الباب وتدخل
-
ماكانـت تدري ان سوء اللقاء بيتكرر بالجامعه وبيتحول لحُب الحياة ! وراح تعرف عنه اللي مايعرفونه اهله !
طبعـه القاسي اللي جا بسبب تنمـر مُسبق ! وشخصيته الحالية اللي جات بسبب عدم وجود صاحب معاه !
بعد خيانه الصاحب له وابتزازه من رجع له باصعب المواقف !
~
تذكـرت من قال لها عن صاحبه اللي اعطاه فلوس ويوم اشتد فيه الزمن وماقدر يرجع المبلغ بالوقت المُحدد فضحه امام الرجال بأنه متزوج بالسـر غير ان كان ينعت هتاف بالفاظ بذيئة ! وهذا اللي ترك هجام يكره الصُحبة ويكره الكـل ، وبنى شخصية سيئة له !!
وترك الجميـع ينفّر منه بسبب سوء تعامله لان يظن ان المعاملة الحسنِة تنداس

.
فتحت عينها من سمعت نادر يكلم هتاف بغضب : طلّقك ومايحق له يجي ! لا يسوي علينا اللي يحب بنته الحين وينه قبل ٥ سنين ما سأل ؟
طيف وقفت ونطقت بغضب : ممكن ان دوّر عليها لكنه ماشافها؟ ممكن ان ندم ع اللي سواه اول ما خرج من الشقة ؟ ليه تظن السوء انت
نادر التفت لها وهو يناظرها وابتسم بسخرية : اتركيك من هالتفاهات اللي تقولينها ! ما يهمنا لان ، ودامَه شافك والواضح ماشاء الله ان علاقتكم عسل الحين ارجعوا السعودية ؟
طيف برجفة اشرت باصبعها : انا مو ناكرة معروف مثل ماتقول ! شكراً ع اللي سويته معاي ووقفتك وحمايتك لكنّي ما اسمح لك تتطاول علي وتسيىء لي كل ما سمحت لك الفرصة ! كلنا نعرف نجرح يا نادر كلنا ! لكننا نعرف كيف نمسك لساننا
هتاف مسحت وجهها واشرت لطيف : امسحيها بوجهي والله ان مالك دخل باللي صار
طيف ابتسمت بهدوء لها : صحيح كنت خايفة منه لكن بسبب اللي صار ممكن يشكّرني دوم ان بسببي جا وقدر يشوفك هتاف ! هو للحين يحبك و

💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐