شاركيني لو مشينا دروب الهنا واعذريني لو لقيتي بدروبي عنا

البارت الثاني والعشرين

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 22 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌻🍃

نجد رفعت انظارها الراجفة ناحية عُلا وعزام : هلا عُلا
عُلا قوُمتها : عزام اخوي يأشر عليك يبيك ، انتي بخير
هزت راسها وهي تضغط ع يدها الراجفة وتتقدم لـ عزام : نعم ؟
عزام وهو يصعد سيارته بجمود : اخت ثنيان صحيح؟اخوك طالب اني اوصّلك البيت ، تفضلي
عُلا ابتسمت لها وهي تفتح الباب : يـلا
دخلت نجد السياره وهي تتنفس بتسارع ، ضغطت ع فكّها وهي تشوف عزام يضحك مع عُلا ومو صوبها ابد
نجد بحِدة داخلها : يكـفي تراه ما يعرفك ، ثِقة اهلك نجد ثِقة اهلك
نفضّت افكارها وهي تشد ع يدها وما انتبهِت لـ عُلا
اللي تسولف معها واستغراب عزام منها ، رفّع انظاره للمراية وسقطّت انظاره عليها وهي تشتتهم بخوف وتضغط ع ذراعها ، ابتسم بخِفة وهو يشوف ثنيان فيها لما يتوترون يضغطون ع ذراعهم كـ مواساة لنفسهم
زفرت بعُمق لما شافت بيتهم ، وقف عزّام وهو يتأمل نزولها وردّها الهامس بـ " شكُراً "
ابتسمت عُلا لعزام اللي يحاول يشتت انتباهه لجل ما تسأله وضحكت عُلا بقوة عليه وعلى احراجه
عُلا : بالهون تنفس ترا نزلت البنت
رمقها بنظره وهو يزفر بعد كتمّه لانفاسه : اكلي تبن يا عُلا
عُلا كشرت بوجهه : اقول جوعانه رجعني البيت بسرعة
عزام : بتاكلين تراب ترا
التزمت الصمت وهي تتكتف وتشوفه حرّك ..
.

دخلت وهي تشوف ثنيان ينزّل من سيارته بلبِسه تبّع الحدود وابتسمت بسخرية عميقة وتوجهت له ونطقت بحدة : لو رح تترك عسكرّك يوصلوني في كل مرة رح يشكون فيك يا لِواء ، ولو بتتركهم لانك مشغول عطني خبر اقلها انا ادبر نفسي مع مين برجع
ابتعِدت عنه بعد ما رمت حكيِها وسط استغراب ثنيان منها وزفّر بعمق من زعلها اللي قادر ان يكتم انفاسه بسبب حزنها وهو اللي ما يقوى عليها ..

.
دخلّت غرفتها وهي ترمي عبايتها وتجلّس على السرير بارهاق وتفكيرها ياخذها لاول لقاء صادفت فيه عزام
وترددّه الكثير ع بيت جدها لـ لقاءه بـ عمها فياض
كانت تراقبه بصمّت فقط ، وبكل مرة مايشوفها بس هي تشوفه لين ما اختفى فجاة وسمِعت ان تصاوب
ماتت من خوفها عليه وقتها رُغم ان اعجاب ومن طرفها فقط !! اخذت نفس وهي تمسح وجهها ورفعت راسها لصوت الباب اللي اندّق وزفرت وهي عارفة الطارِق : مشغولة ..
دخل ثنيان وسكّر الباب ورفعت نجد حاجبها : قلت مشغولة .. ثنيان تكفى نتكلم بوقت ثاني
ابتعدت عنه وهي تدخل الحمام وتنهد ثنيان بغضب عظِيم من نفسه وخرج من غرفتها .. غمضت عينها من صوت الباب اللي تسكّر بقوه اثر غضبه
.

فيّاض اللي ينتظر هجام يخرّج وهو يزفر ، رفع راسه له
وهو يرمقه بنظرات هادئة وزفر هجام وهو يبتعد عن سيارة فياض ، فياض ترك كاب الزِي العسكري وهو يصرخ مناداة له : هجام !
هجام وقف وهو يلتف له : ادبّر نفسي ، كفيت ووفيت مشكور
ابتعد عنه وتقدّم فياض له وهو يمسك ذراعه بحِدة : قدامي ع السيارة
هجام رمقه بنظرات ليّنة : شوف يا عمي ، تراني تعبان ومالي حيِلة اتناقش
فياض : لو تعتبرني عمّك جد ، اتركني اوصلّك
زفر وهو يمشي امامه اتجاه سيارته بتعّب ، شتت فياض انظاره وهو يقترّب من سيارته ويصعّد

.
دخّل بيته بعد ما وصّل هجام ، وهو يحّس بصداع وحس فيه اكثر لما تذكَر بُشرى ، وغضبّه منها بالامس
وزعلّها اللي للآن مِواصل ع الاكيد ..
.

بـ الأمس ، بعد ما اعطاها خبّر انها تلبس وتصّعد السيارة رُغم ان ما انتهت عزيمتهم ، وبتستحي انها تترك المكان كونها حرمة ولدهم الصغير ! والانظار دايم على الكِنة الصغيرة في اغلب الاحيان ابتعدت من مُلاذ وهي تشوف الجدة فاطمة خارجّة من المجلس ابتسمت لها وهي تحب بُشرى بشكل ولها معزة مختلفة عن زوجات اولادها ، مسكّت فاطمة يد بُشرى اللي انحنت وهي تقبّلها : خالة فياض ينتظرني بالسيارة اعذريِني
فاطمة باستغراب : فياض !! وراه ؟ من متى ترك عزيمة بوسطها
بشرى تنهدت وهي نفسها ماعندها عِلم وتداركت الموضوع مباشرة : بكرا عِنده شغل ضروري ولازم يرتاح اليوم ، استسمحيلي منهم خالة
قبلّت راسها : مع السلامة
فاطمة تنهدت وهي تهز راسها : بحفِظ الله ، خذيتو لكم عشا؟
بشرى هزت راسها وتأشر لها بنفي بعد ما لبست عبايتها : لا لا ، اساساً انا ما احب اكل كثير ع العشا لان بنام ، وفيّاض خابرته عافية عليكم ودوم مجالسكم عامرّة
ابتعدت بعد ما ودعتهّا وهي تدخل السيارة ، وحست
بكتمة من مشاعر فيّاض الحالية وغضبّه واللي ينعكس بضيقة مخيفة لبُشرى
.
نزلِت من السيارة باستعجال وودها تغير الفستان لجل ينسى اولاً ، ما يتهاوشون ثانياً ، وبتصحبها زعِلها وندمّه بعد ما يستوعب  ثالثاً واخيراً ورابعاً لا يعصِف فيها وفيه بشكل يعور قلبها منه اكثر وتصير ماتعرفه ..

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻