شاركيني لو مشينا دروب الهنا واعذريني لو لقيتي بدروبي عنا

البارت الرابع والثلاثين

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 34 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌷🍃

التفت هتان برُعب له ، ونطق العسكري : خير ياطير ؟ على وين
هتان : لـ ثنيان ؟
العسكري : كيف دخلِوك اصلاً مين انتي
سمعت صوت ثنيان المُرهق بسبب فتحها لجِزء من الباب .. رُغم استغراب ثنيان من وجودها الا نطق بتعب : اتركها يا عسكري
ابتعد العسكري عنها وفتحت هتان الباب وهي تسكره خلفها وانظارها على ثنيان ، لاول مرة تشوفه مُرهق بهالشكل باهِت لونه بشكل مُخيف لدرجة انسلاب لونه
حاوِل يعتدل بجلسته وتقدمت هتان بتسارع وهي تهز راسها بنفي : لا تتحرك
انتبه لرجفة يدها وعقد حاجبه : شتسوين هنا؟ وبهالوقت
هتان وهي تشتت انظارها ونطقت بضُعف : انت بخير؟
اكتفى بالصمت وهو يناظر وجهها ونطقت ببحة بكاء بعد ما تجمعت الدموع بعينها : ممكن ما تعاند؟ وتصير قوي عشان اهلّك واختك نجد لا تخليهم ابداً
مسحت هتان دموعها وهي تبتسم خلف دموعها : ترا حتى انه ماعندي جواب لسؤالك ! انا بنفسي ماعرف شلون خذتني رجلّي لين هني
ثنيان بهدوء : انتي اللي لازمّك السؤال ، انتِ بخير ؟
هزت هتان راسها بالنفي وبكت مباشرة : مو بخير
حطّ يده على جرحه وهو يساعد نفسه يعتـدل بجلسته لجلهـا ؛ قرّبي واستهدي بالله ، خذي الموية
هتان غطت وجهها وهي تبكِي بحرقة ، فجِعت ثنيان ببكاءها اللي اول مرة يشوفها ، وضعُفها اللي مابينّته لاحد وخاصة له ! كانت تتطاول عليه وما تهتم له ابد وش السبب اللي تركِها تنهار عنده ؟ والخوف اللي ينتابها
نطق بهدوء : نجد مّعك؟
هزت هتان راسها وهي تمسح دموعها : انسى ، انسى  كل شي مابي نجد تعرف اني جيتك الحين
ابتعدت عنه وجهها مُحتقن بالحُمرة وزفر ثنيان من خروجُها ، ورجع تسند وانظاره ع السقف بهدوء وابتسامه تتمرد على محياه .. على خوفها عليه ولا لا ، وعلى بكاءها
ونبرتّها ولهجتها اللي طايِح بغرامها

.
بعِد يومين ، هتان مختفية من حياته ونجد تروح له مع عمّها يتطمنون عليه وترجع ..
واقفه تساعد عمّها اللي يلبّس ثنيان ملابسه لجل خُروجهم وطلب ثنيان بأن مافيه اي شخص يعرف عنه
ولحِين يتشافى بيظل على كلامه لأمه بأن شغله بالحدود ماخلص وان شقته موجودة بيظِل فيها
تأوه بخفة من ضربت ذراع فياض بجرحه والتف له بفزع : آلمتك ؟
ضحك ثنيان وهو يهز راسه بالنفي : بالهون يافياض تراني ما مِت حابس انفاسك من يومين
ابتسم فياض بهدوء وهو يرتب اغراض ثنيان ويمدهم لنجد ، ونطق ثنيان بتساؤل فضولي : ماوراك جامعة انتي؟
هزت راسها بنفي : مابداوم اليوم ، امس داومت وماكانت هتان موجودة .. بروح اشوفها
عقد فياض حاجبه وهو اخر مرة شافها قبل اليومين : ليه هي وينها
رمقه ثنيان بنظرّة وهو يرفع حاجبه : ترا بُشرى بالقسم الثاني
رفع فياض نظره لثنيان : شكله ودك اهدّ حيلك ؟
ضحك ثنيان وردت نجد وهي تسكر الشنطة : مختفية وماترد على اتصالاتي من بعد طيحة ثنيان
لوى ثنيان شفايفه وهو يتنهد وباله انشِغل بدون شعور اتجاهها خصوصي ان آخر شخص شافها بينهم هو وكانت بحالة يُرثى لها

.
لابس الكاب ومغطِي ملامحه تماماً ، فيّاض يدّفه بالكرسي المتحرك متوجهين لداخل العِمارة وتحديداً شقته وخلفهم نجد اللي تطقطق في جوالها بتوتر حول هتان ~
رفض ثنيان يترك فياض يدخله الغرفة واكتفى بأن يساعده لجل ينسدح بالصالة ونطق ثنيان وهو يتمدد : ماني بزر يا فياض خلاص
فياض وهو يعّدل التكيّات : اهجّد
نجد وهي تترك عبايتها بجنب ثنيان : بشوف لو فيه بالمطبخ شي اسويه له
ثنيان وهو يناظر فياض اللي يضبط جلسته لجل راحته ومو متعود على هدوء فياض : ياخي اهجد خلاص وربي مرتاح ، انقلع شغلك خبّري تحبه !
فياض ابتعد عنه وهو يرمقه بعصبية هادية : صدقني بكون لي نصيب في فتّح جرحك لو ما وعيت
ضحك ثنيان بألم : الله يهديك ماقدر اضحك
ضحك فياض وهو يبتعد ويسحب اغراضه : انا رايح ، لو ودّك بشي علمني ونجد اجيها لا خلص شغلي لجل ارجّعها ، او اترك زوجتي
ثنيان ابتسم وهو يودّعه وغمّض عيونه وهو يتنهد .. فتحها مُباشرة من صوت رنين جوال نجد ومد يده بتعب وهو يسحبه من الطاولة ، وزفر براحه من لمح اسم هتان
خرجت نجد وهي عاقدة حاجبها : مافيه شي بالمطبخ ، مين اللي يدق؟
ثنيان ببرود : هتان
فزت نجد وهي تسحب الجوال من يده وترد : يمه هتانوه وينك
كحت هتان وهي تعتدل بقعدتها : تعبت امس حيل وارتفعت حرارتي ، ليش شصاير ؟
نجد بزعل : وجع هتان وجع ماتقولين عندي صاحبة اطمّنها
هتان : والله توني فاتحه تلفوني حتى ابوي حارق تلفوني من كثر الاتصالات وتو سكرته من عنده ، شصار؟

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷