شاركيني لو مشينا دروب الهنا واعذريني لو لقيتي بدروبي عنا

البارت الخامس والخمسين

🍒🍃🍒🍃🍒
🍃🍒🍃🍒
🍒🍃🍒
🍃🍒
🍒 55 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🍒🍃

ابتسم بعد مانزلت بربُع ساعه ونطقت بغضب : ما بركب الا اذا قلت شبتسوي ؟ واصلا انا ليش قاعده اسمع كلامك
ثنيان بسخرية : تراك واضحة وتحبيني ليه تكابرين؟
هتان تأشر على نفسها وضحكت : انه ؟ خير ان شاء الله
سكتت وسكت هو ينتظرها تصعد ونطقت : تحسب باركب ؟ ترا مابركب الا اذا قلت لي وين بتوديني ترا راسي يعورني ومالي بارض لشي !
ثنيان بهدوء : لو قلت لك مارح توافقين !
هتان : اوكي يعني عارف اني ما بوافق ؟ يلا مع السلامه
وتراك لزقة
نزلّ من شافها ابتعدت بتدخل وسحبها من ذراعها : المستشفى ! بنروح المستشفى
هتان نفضت نفسها منه وهي تتكتف : ليش ؟
ثنيان : نشوف وش علّتك!
هتان بغضب : عِلة تعلّك ! انت علتّي ولا انه من وين بجيني المرض يعني لو ماهو منك
ثنيان ببرود : تسلمين ، يلا قدامي
هتان : ابي اعرف انت منفصم؟
ثنيان بتسليك هز راسه وهو يبتعد بعد ما امرها بنبره غاضبة : لا تطوّلينها
صعدت معاه بتأفف وهي تهز رجلها وتشتمه ، وهو متجاهل كل كلامها
وقف امام المستشفى وهو ينزل ونزلت معاه تشد على عبايتها وتعدّل طرحتها : ياصبر ايوب من وين اجيبك
.

عند الليث ,
ابتسم وهو يلعب بالسبحه وتفكيِره بنجد ، خوفُها وتوترّها بعد اخر موقف .. كمشّ ملامحه وهو يوعي نفسه ونطق بصرامه : هيي ياغبي لا تنسى نفسك كثير ، هي مُهمة ولفترة بس وبتتركها
وقف وهو يعدّل تيشرته وانظاره ع الشارع الهادّي ببرود
سحب جواله وهو يتصل عليها ويتعذّر بـ اتفاقهم على العرس رغم ان الليث ماوده لكن ماهو اللي يرفّض شي تفرّح فيه نجد !

.
طيِف ، بعِز اكتئابها بسبب حدث نجد ! هي اكثر شخص قريب من اختها وماتوقعت بيوم تتزوج اختها وتكون بعيدّة عنها ..
شادّة على الوشاح وتاركه الطرحه عليها تحسباً لاي مداهمة من نادر !
مكانها المُفضل هو هذه الشرفة ، وهذا الكرسي وتشوف المّارة
جلّس نادر بهدوء وهو يناظرّها : زعلانه؟
طيف بغصة : اكيد ! اختي اللي متزوجه ماهو اي احد
نادر هز راسه بنفي : ما تزوجت مجرد ملكة
طيف هزت اكتافها بحزن : وش اللي يفرق ؟
نادر : واللي يقولك ان بنرجع بعد اسبوعين ؟
طيف لفّت له بصدمة : تمزح؟
هز نادر راسه بضحكة : ابداً ، باكثر اوقاتي صُدقاً .. بس هتاف تحصل اجازة من شغلها نروح
طيف بكت مباشره بفرحه : يعني بحضّر عرسها!
هز نادِر راسه : قولي ان شاء الله
طيف مسحت دموعها : ان شاء الله ان شاء الله يارب
ابتسم نادر وهو يحس بفرحتها من ارتسمت على وجهها الابتسامه بعد ما ذبّلت من يوم اتصل لهم ثنيان يعطيهم خبر !
.
نجد شدّت على مخدتها : طيب بعد ١٠ ايام وين يمدِيني ؟ انت ليه مستعجل وكاننا نعرف بعض
الليث : ما قالّك ثنيان عن شغلي ؟ ماهو دايم اكون موجود
نجد بخوف وتوتر : طيب بسألك ممكن ؟
تنهد الليث ونطق بملل : قولي
نجد بهدوء : الحين عصابتك ذي بيوصلني ضرر منها؟
الليث بتفكير : لا ، لاني معهم !
نجد بتفكير اكبر : كيف يعني ؟ مارح يوصلني ضرر منهم وانت ماخذ اخت شخص هم ودهم برقبته!
الليث بتشتيت انتباه لها : وانتي وش دخلك بهالشي ؟
نجد بذهول : نعم؟
الليث : خلاص ماودك تنامين؟ يلا نامي
نجد ابعدت الجوال بذهول اكبر وضحكت بعدم تصديق : هذا ليه يحسسني انا اللي متقدمه له مب هو !

.
قرِيب الفجر .. انتهوا ثنيان وهتان بعد ما جبروها تجلّس وما تخرج الا بعد ما ينتهي المُغذي ، كان ثنيان بعيد عنها وهي ظلت لحالها
وقف امام البحر وخافت هتان ونطقّت بهدوء : ليش قاعد تماطّل ؟ رجعني ترا تعبانه
ثنيان نزل متجاهلها وتوترت هتان لكن ماهي هي اللي تبّين الضعف ابداً ، رُغم انها تشوفه مستسلم في المشي ومو بعيده عليه ينزل البحر الحين !
بلعت ريقها وهي تنزل خلفه ونطقت : ترا ببوق سيارتك وبرجع
ضحك عليها وهو متجاهلها .. تثاقلت خطواتها وشافّته التف ونطق بابتسامه : قرّبي ، خايفة ؟
هتان ضحكت بسخرية : شدعوه اخاف من بحر؟
توسعت ابتسامته وهو يلف ينتظرها تجي جنبه من وصل لقرب البحر وواقف على الرمل !
وقفت بعيد عنه بشوي ونطقت بتعب : الحين انت صج ليش قاعد تماطل ؟
ثنيان تنهد : لاني ما اماطّل مابرجعك
هتان بصوت منخفض لجل ما تبيِن غصتها بنبرتها : الحين انا مب محترمة بنظرك ؟ ليش تسوي لي كل هذه ؟ شتبي مني ثنيان ترا تعبتني
التّف لها وهو يتقدم ورجعت لورا بخوف من شافت اقتراب موج البحر .. وسقطّت ع الرمل وهي تغمض عينها من حسّت بقربها منه رُغم ان بعيد عنها وما بيوصلها ..

🍒📚 @storykaligi 🍒📚🖋
🍃🍒
🍒🍃🍒
🍃🍒🍃🍒
🍒🍃🍒🍃🍒