شاركيني لو مشينا دروب الهنا واعذريني لو لقيتي بدروبي عنا

البارت 122

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 122 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌷🍃

ابتسمـت نجد وهي تزفر بعمق تعدلت حياتـها مع الليث بشكـل , صحيح ان ما رجع ينطّق لها عن حياته لكنه وفر لها حماية قوُل وفِعل ! كلامه وسوالفه معها ما صارت زي زمان .. المحارِش زاد بينهم وهذا اللي محلِي حياتهم
ضحكت منيرة عليها من شافتها تضحك لحالها وانشدوا اللي بالمجلس لضحك منيرة القوي : اللي ماخذ عقلك يتهنى به مع اننا كلنا عارفين من هو
تلوّنت نجد من شافت الانظار عليهم ونطقت بتوتر : مين قال ؟
ملاذ : من صرتي معنا وانتي بس تبتسمين لحالِك ! واضحة الخُطة لا تخجلين
نجد بغيض منهم وخجل فضيع من الكل : وجع ان شاء الله ماتعرفون تسكتون ؟
منيرة ضحكت من جديد وأشاحت النظر عنها لتكمل ضحكاتها وابتسمت هتان عليهم !
انتبه عبدالله على هتـان ونطق وهو حزين عليها : اقول هتـان
التفت هتان بشِدة له : سم عمي
عبدالله ابتسم بخفوت : سم الله عدوك , عسى بس قلتي لابوك ينورنا بكرا ! خُبرِك عيد سامحينا ما تركناك تروحين بجنبه هالمرة
اعتدلت هتان بجلستها وهي تترك القهوه : لا شدعوه كله واحد , وايه خبرّته ان شاء الله اخر الليل على وصُول خبرّني ان زحمة الجسر وخُبرك كافي لزحمته
هز عبدالله راسه وهو يشد على عكازه ويوقف : يوصِل بالسلامة وينورنا , يلا عن اذنكم رايح اريّح
توالِت الجُمل عليه بـ " تصبح على خير " وتنهدت بشرى من تنهيدة هتان وهمست لها : قومي ريِحي انتي بعد
هتـان بحزن : ثاني عيد يمر واهوه مب عندي , تعرفين شعور التبلد لا جا الانسان شلون ؟
بُشرى تنهدت : السنة مب عندك السنة اللي بعدها عندك ان شاء الله وبحضنك ولدكم , لا تتحبطين بس ويلا قومي معي
وقفت بشرى ووقفت معها هتان وبعدها البنات وبقية الحريم وتفرقـوا بشكل متتالي لغرُفهم

-
دخـلت بشرى وخلفها هتان ونجد .. تنهدّت وهي تجلس على الكرسي البعيد وتكلمت نجد باستغراب من حالّهم : ياهوو ترا عيد , افرحوا شوي اللي يشوفكم يقول أرامل !! ان شاء الله يرجعون بالسلامة
زفّرت هتان بتغيير للموضوع : الحيِن انتو شلون يمشي عيدكم , خُبري غير عننا
نجد ابتسمت بحماس ووقفت : من بعد صلاة الفجر نطّرح الخروف لجل يذبحونه , بهالوقت اللي يكشّخ واللي مشغول بالذبيحة .. واللي يصارخ يعني لويّة بس حلوة
ابتسمت بشرى بهدوء وهي تشوف حماس نجد : عاد بعدها ينادوننا نقطع معهم نصّنا يهرب ونصنا ينقفط .. اعتقد ان انتي بكون مسموح لك الروحة لان تعرفين عندك الدرع الذهبي
ضحكت هتـان : الحمدلله عيّل .. انزين متى بننام يعني؟
ضحكت بشرى وهي تكمل بدل نجد : من قال فيه نوم ؟ يا تنامين الحين وترتاحين والا ترا بتظلين مواصلّة لين صلاة العصر ! بعد ما يمشون آل عامِر
هتان : بالله !! , ياربي مب مصبرني شي غير ان ابوي معاهم صج والا شفتوني بأراضي البحرين أفّر !
ضحكت نجد وهي تجلس جنبها : ترا ما وريتيني فستانك شدعوة !
هتان كشرت بوجهها : اقول لا تسوين نفسج مظلومة وايد , تشوفينه علي الصبح
وقفّت وهي تعدل نفسها بتوتر من ان نجد تلمح شي : دام السالفـة فيها مواصل , انا بروح انام لين ما يصحيني تكبيرات العيد .. باي
خرجـت من بينهم ونطقت بشرى لنجد وهي تشوفها تشتت انظارها : الليث مو فيه ؟
نجد اخذت نفس وهزت راسها : الصباح يقول ان بيجِي
بشرى : ماعرفتي ليه راح دِبي ؟
نجد : مالي صلاح أسأله في شي ماوده يقوله .. لا جا اعرف

-
خرجت وهي تلّف الجلال عليها وصادفّت هجام بيمشِي لحد غرفته .. انتبه لها وتقدم بتسارّع وهو ينطق : اللي ودك يصير بس طفح كيلِي وانتهى .. ودِي ببنتي وزوجتي يجون اليوم قبل بُكرا واعتقد ان العيد أنسب حل !
هتان شتت انظارها بخوف من شخص يمر ويشوفهم : أبداً لا تفكر تحرج يدّك وباجر بيُجونه ناس مُهمين .. غير ذا لا تخرّب فرحة عيدهم ! اصبر لين ينتهي العيد وانا اوقف معاك وعد
مسّح جبينه بتوتر مُفرط : هي ذاتها ماتبيني ويبي لها اقناع , كيِف على اقناع اهلي واصرارهم بكل جلسـة على بنت عمي ؟
نطقت هتان بحِدة وهي تشوفه ضعيف شخصية امامهم : غبي انت والا تتغابى علي ؟ يوم تشوفهم يتكلمون عنها ماعندك لسان تقول مابيها وخل تشوف نصيبها ؟ والا بس فاضي تلعلع على خواتك !
ابتعدت عنه بغضِب وهي تتنفس بتسارع ودخلت غرفتها وهي ترمي الجلال : صج غبي وماعنده كلِمة بس يهايط على روسنـا ! استغفرالله بس
تنهدت وهي تتذكر ثنيـان وأصدرت " آه " من شتاتها
من بعدّه

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷